قناة أنصار سيد الشهداء

سريعه لام البنين عليها السلام
...

لم البنين اقره الحمد لو ردت تخلص حاجتك
________________________

ام البدور _ صفت نور _ تضوّي بالسمه _ نهر يروي الضمه
اسمها فاطمه

بيها اسرار _ والانوار _ تسهّل كل عُسر _ تطفّي كل جُمر
بالعيون التّدُر

ماتسد بوب _ واليلوب _ تردّه بالعجل _او تكحل له المقل
وحگ خير العمل

امجربه وكريمه
چفها چنه غيمه
تنطي حته العيون بالخلگ رحيمه

لا تخجل الها من ترد لو ردت تخلص حاجتك
________________________

بلسم الروح _ للجروح _ تداوي كل علل _ السأل والما سأل
الكلف يمها سِهل

لليدگ باب _ يجي اجواب _ هله ومية هلا _ يراعي المسأله
تحل كل معضله

عنها يحچون_ يگولون _ عجب چفها عجب _ فلا ايرجع طلب
الثره ايگلبه ذهب

باذله او حنينه
خيمه تحتوينه
چنها رحمة الله اونازله علينه

وچفوفها ابريحة ورد لو ردت تخلص حاجتك
________________________

حارت اعقول _ شني اتگول _ عجيبه هالمره_ مثلها ما نرى
للعقول امحيّره

الخاطر احسين _عِمت عين _ بچت والله بچي _ فلا ايوصفه حچي عله الون تنتچي

عايشه ابنوح _ يمذبوح _ تصيح ابكل وكت _ دمعها دم يِكت
الصخر ونّها يفتّ

تنتحب تنادي
مهجتي وفؤادي
بالثره ايتگطع جسمه بالبوادي

راح امن اديّه ما يرد لو ردت تخلص حاجتك

________________________

ناحت اسنين _ ضوه العين _ ابكثر سيل الدمع _ گلبها منشلع
وشأنها يرتفع

الله علّاه _ من الآه _ غدت باب الفرج _ تداوي للمُهج
تحل اكلف حَرَج

فاقت ايوب _ من اتلوب _ مثلها ما يصح _ جرحها مو جرح
ابگلبها چن رمح

الله قد رفعها
من كثر دمعها
هوايه ربي حبها من تون سمعها

للجبل ونتها تِهد لو ردت تخلص حاجتك
________________________

أيها الناس _ بالاحساس _ اگصدوها بالشدد _ مدد گولو مدد
تلاگوها سند

امجربه اهواي _ مثل ماي _ يروّي امن الضمه _ كريمه او عالمه
وفيّه او غانمه

گلها بِحماچ _ انه انخاج _ واگلك اطمئن _ گبل ليلك يجن
امورك تستچن

منك التريده
ابچي للصميده
واذكر العطاشه وزينب الوحيده

والفاتحه اعليها اعد لو ردت تخلص حاجتك

________________________

ابو فاطمة الطائي

123 views05:06