احتراماً لاراء بعض الاخوة الاعزاء ولادخال السرور على قلوب المؤمنين تم تغيير المستهل

#لمولد الصديقة الكبرى فاطمة الزهراء عليها السلام - جديد

( *فاطمة المهدي* )

------------------

ممنوع الليله الدمع
نشعل بالفرحه الشمع
بالمولد من نجتمع
فرحتنه نهدي
( فاطمْة المهدي )

@@@

فرحتنه ابهالمكرمه
انگول ( اليوسف فاطمه )
بسمتنه ابگد السمه
كل بهجه نِبدي
( فاطمْة المهدي )
@@@@@

للدنيه الكوثر شرف
بضفافه المهدي وگف
وابچفه القدسي غرف
ياشيعه قِصدي
( فاطمْة المهدي )

@@@
زفتها جنة عدن
للهادي أُم ووطن
تجلي عن گلبه الشجن
والروحه اتفدّي
( فاطمْة المهدي )
@@@

*قدسيه هالجوهره*
*حوريّه ابصورة مره*
*هنيالك يا حيدره*
*لك الله مهدي*
( فاطمْة المهدي )
@@@@

كل شيعي الليله ابتهج
بالمحفل علّك مهج
يارب عجّل بالفرج
بالطلبه انجدّي
( فاطمْة المهدي )
@@@@

يارب ابمرّة ملك
يرفع دعوتنه الك
بالچفها اتدير الفلك
فرحه الها يودّي
( فاطمْة المهدي )

------------------
ثامر بوجبارة الأحسائي
١٧-٠٦-١٤٤٢هـ
٣١-٠١-٢٠٢١م

#لمولد الزهراء عليها السلام
------------------------

فاطمه فاطمه ،، مولد الفَــرج 
فاطمه فاطمه ،، حُجة الحُجج 
@@@@@@@
نزلت الزهراء من فردوسهــــا
الها حور العين حنّت روسهـا
خرت الاكوان الهـــا اتبوسها 
و ابأوامرها تحت ناموسهـــا

فاطمه فاطمه ،، نورَهـا وَهَــج
فاطمه فاطمه ،، حجة الحجج 

@@@@@@
للنبــــي منّ الله دره فــــــاخره 
بالسمه والدنيه فــــاطم مزهره 
صافيه من كل رجس وامطهره 
عدنه ايمــــان الموالي تحضره 

فاطمه فاطمه ،، صبحها انبلج
فاطمه فاطمه ،، حجة الحجج 
@@@@@@
كوثر القران نور الله الجلــــي 
بضعة المختار سره المعتلــــي 
نفحة الجنه ويشتمها الولــــي 
محله هالانوار بالزهرا او علي 

فاطمه فاطمه ،، للعلى مَحَــج
فاطمه فاطمه ،، حجة الحجج  
@@@@@@
لو علينه الدهر مال ابصارمه  
بالنداء انصيح  يـــارب السمه 
بفـــاطمه بفــــاطمه بفــــاطمه 
هذا الاسم من نندبه مااعظمه 

فاطمه فاطمه ،، ولكل اللُجَج
فاطمه فاطمه ،، حجة الحجج 

---------------------
ثامر بوجباره الاحسائي

#لمولد الصديقة الكبرى فاطمة الزهراء عليها السلام - جديد

( *فاطمة المهدي* )

------------------

ممنوع الليله الدمع
خل نجبر كسر الضلع
بالمولد من نجتمع
فرحتنه نهدي
( فاطمْة المهدي )

@@@

فرحتنه ابهالمكرمه
انگول ( اليوسف فاطمه )
بسمتنه ابگد السمه
كل بهجه نِبدي
( فاطمْة المهدي )
@@@@@

للدنيه الكوثر شرف
بضفافه المهدي وگف
وابچفه القدسي غرف
ياشيعه قِصدي
( فاطمْة المهدي )

@@@
زفتها جنة عدن
للهادي أُم ووطن
تجلي عن گلبه الشجن
والروحه اتفدّي
( فاطمْة المهدي )
@@@

*قدسيه هالجوهره*
*حوريّه ابصورة مره*
*هنيالك يا حيدره*
*لك الله مهدي*
( فاطمْة المهدي )
@@@@

كل شيعي الليله ابتهج
بالمحفل علّك مهج
يارب عجّل بالفرج
بالطلبه انجدّي
( فاطمْة المهدي )
@@@@

يارب ابمرّة ملك
يرفع دعوتنه الك
بالچفها اتدير الفلك
فرحه الها يودّي
( فاطمْة المهدي )

------------------
ثامر بوجبارة الأحسائي
١٧-٠٦-١٤٤٢هـ
٣١-٠١-٢٠٢١م

#لمولد الامام الحجة المنتظر عجل الله فرجه الشريف-

-------------------

خامس عشر من شعبان
مسترّه بيه انس وجان
ابمولد شريك القران
يالسيد النوراني

@@@@

ياخاتم اهل العصمه
ما خذ من الله الحكمه
رسم النبوه رسمه
ومن فاطمه المعاني

@@
ذو الغرة الحميدة
والطلعة الرشيدة
يحسبني من عبيده
لا ما أظن ينساني
@@@

يا أرحم امن الرحمه
سر هل أتى سر عمَ
خادمك وانته السَمّه
يالساكن ابوجداني

@@@
يالمنتظر يالموعود
يمتى ترد يمتى تعود
وترف راياتك السود
يالندبتك قرآني
@@

باچفوفك الرحيمه
يمتى العدل تقيمه
يا قائده وزعيمه
كافي بعد نعاني
@@

طول العمر ننتظره
نترجى منه نظره
ياخذنه بيده الحضره
يم الحسين انتاني
@@@

يوسف الزهرا الغايب
ومَظهر العجائب
وقائد الكتائب
لدولة الاماني

@@

اسمه غده تسبيحه
والدعوة الصريحه
للخضر وي مسيحه
وعد السمه الرباني
@@

المايؤمن ابقراره
مؤكد انحداره
متحدّر ابجداره
في المنحنى البياني
@@@

المايلتزم حدوده
شالرايد ابوجوده
ما ينفعه سجوده
كل شغله يعني فاني
---------------
ثامر بوجبارة
١١-٠٨-١٤٤١هـ
٠٤-٠٤-٢٠٢٠م

#لمولد مولانا القائم الحجة ابن الحسن عجل الله فرجه
———————————-

يا مهدي يامعشوگي
يا نبضي ابوسط اعروگي
تدريني واشگد شوگي
يا بن الزهرا
@@
يا معشوگي وحبيتك
إيماني من تربيتك
يالگلبي صاير بيتك
فوته اعيوني لك سفره
يابن الزهرا
@@
وحي الله صدرك شايل
يامعدل كل المايل
يامخضّر كل الذبل
خطوات اجدامك خضره
يابن الزهرا
@@@@
يالمولود ابنص شعبان
محفل لك وابكل امچان
والمايفرح لك خسران
وابغيضه ايموت ابحسره
يابن الزهرا
@@@
ابحفلك نشعر لمه انفوت
حتى الماي احله امن التوت
والچكليته امن الياقوت
وانوار المحفل گمره
يابن الزهرا
@@@@
مولايه من نقرا اشعار
والجلوات وايه الآثار
كل شي ذايب يمك صار
لو يسكر شوگ اتعذره
يابن الزهره
@@@

للمحفل جينه ابلا عد
شوكه انخلي ابعين الضد
نفرح بالمولد نسعد
انخلي ابگلب الشك جمره
يابن الزهرا
@@@@@
يالموعود ولمّه اتعود
نفرش لك كل گاع اورود
وانبخر هالدنيه ابعود
كل عاشگ ينثر عطره
يابن الزهرا

—————————-
ثامر بوجبارة الأحسائي


‏ من الـ iPhone الخاص بي

#لمولد الحجة ابن الحسن عجل الله فرجه

——————————-

هلا بالغالي هلا
غايب ونتأمله
نندعي الرب العلا
عجل الله فرجه
@@@@
بالفرح عيني تصب
ذايبه ابمعشوگي حُب
حگي بالفرحه انطرُب
هذا عگلي امخبله
نندعي الرب العلا
عجل الله فرجه
@@@
مولده مولد فرج
آخر الساده الحجج
كلنه نفديه المهج
ع العهد منبدله
ننديعي الرب العلا
عجل الله فرجه
@@@
مولده ابخامس عشر
شهر شعبان الأغر
ابمولده الكون ابتشر
حسنه سوره امنزله
نندعي الرب العلا
عجل الله فرجه
@@@@
كلها سامره عطر
بيها من حسنه سحر
ورد جوري منتثر
والسماء اتقبله
نندعي الرب العلا
عجل الله فرجه
@@@@
يمه ذوبني العشگ
باسمه دلالي يدگ
لحظه لا مانفترگ
الگلب صاير منزله
نندعي الرب العلا
عجل الله فرجه
@@@@
هاي نرجس بالفرح
العسكري گلبه انشرح
واليهنيهم ربح
هالكرامه امسجله
نندعي الرب العلا
عجل الله فرجه
@@@@
يأذن ابإذنه العرش
طيب ع الدنيه يرش
من ورد خلّه فرش
ابوسط مهده امدللـه
نندعي الرب العلا
عجل الله فرجه
@@@@
هذا يوسف فاطمه
طاهر وما أعظمه
لليضده الحاطمه
الفرج ربي عجله
نندعي الرب العلا
عجل الله فرجه
@@@
يا إلهي هالدعه
من گلبنه تسمعه
كل شملنه تجمعه
اوياه نوصل كربله
نندعي الرب العلا
عجل الله فرجه

——————————
ثامر بوجبارة الأحسائي

#لمولد مولانا القائم عجل الله فرجه
_________________________


ابمنتصف شعبان هل المنتظر
عجل الله فرجه
@@@
اخمسطعش شعبان هل الحجه
عجل الله فرجه
بالفرح شمع السعاده انوجّه
عجل الله فرجه
ربي ارزقنه زياره وحُجه
عجل الله فرجه
يحله هالليله ابمحافلنه السهر
عجل الله فرجه
ابمنتصف شعبان هل المنتظر
عجل الفرجه
@@@
كل مهجنه الليله يم سامره
عجل الله فرجه
ابليلة الميلاد تشتم عطره
عجل الله فرجه
بلچي منّ اعيونه تكسب نظره
عجل الله فرجه
لو عن احواله يوصّلنه خبر
عجل الله فرجه
ابمنتصف شعبان هل المنتظر
عجل الفرجه
@@@
يم ضريح العسكري ابليلة سعِد
عجل الله فرجه
نحضر ابمشموم وابباقة ورد
عجل الله فرجه
ماعلينه من حقد أهل الحقد
عجل الله فرجه
شيعة المهدي ونعلنها فخر
عجل الله فرجه
ابمنتصف شعبان هل المنتظر
عجل الفرجه
@@@
ولو يصح يم جمكران الليله
عجل الله فرجه
ركعتين ازيارته انصلي له
عجل الله فرجه
ومسجد السهله نحن انجي له
عجل الله فرجه
بلچي يمنه سيدي مر وعبر
عجل الله فرجه
ابمنتصف شعبان هل المنتظر
عجل الفرجه
@@@
يملي كل هالدنيه عدله وقسطه
عجل الله فرجه
وبين هاي الناس كلها ايبسطه
عجل الله فرجه
بس يصح قانون نهجه وخطه
عجل الله فرجه

كلمن النهجه يضد خاب وخسر
عجل الله فرجه
ابمنتصف شعبان هل المنتظر
عجل الفرجه
@@@@

يا الهي إحفظ النه القائم
عجل الله فرجه
رده منّ اغيابه يارب سالم
عجل الله فرجه
وبيه قرّ اعيون امه فاطم
عجل الله فرجه
يمته يرجع طوّل اعلينه السفر
عجل الله فرجه
ابمنتصف شعبان هل المنتظر
عجل الفرجه

———————————-
ثامر بوجبارة الأحسائي

#لمولد الامام الحسن عليه السلام
-------------------

هنينه هنينه،، ع الهادي صلينا 
ضوينه شمعات ،، نرفع صلاوات
واتزينت جنة عدن
في مولد المولى الحسن 
@@@@@@@@
هذا حليف المكرمه ،، صافي السلاله 
اول وليد الفاطمه ،، زاهي جماله
يامحله ثغره ومبسمه ،، ومحله خصاله
خادم اله وابلا ثمن
في مولد المولى الحسن  
////////
هنيالك مولانا علي ،، هاي الكرامه
وصار الامر واضح جلي ،، نهج الامامه
افديه انا ابروحي وهلي ،، عالي مقامه
حبيته وابروحي سكن
في مولد المولى الحسن  
////////////////
للمصطفى اول سبط ،، مولد سعاده
دمه اويا دمه مختلط ،، مالك وداده
وامحبته فرض و شرط ،، مطلب عباده   
محيي الديانه والسنن
في مولد المولى الحسن 
/////////


هذا بومحمد والنعم ،، مالك احساسي
شهم من اوصافه الكرم ،، ساكن انفاسي 
هنيالي في صف الخدم ،، مرتفع راسي
كل المفاخر لي صفن
في مولد المولى الحسن  
////
روحي على جنح العشگ ،، طافت بقيعه
عقدت عهد مانفترگ ،، لا ما تبيعه
لا للغرب لا للشرگ ،، بس نبقى شيعه

بالدنيه نعلنها علن 
في مولد المولى الحسن 

---------------------
ثامر بوجباره الاحسائي

#لمولد الإمام الحسن الزكي عليه السلام

-----------------

ياهل الولا بالعلن
سموني ( *عبد الحسن* )
ليلة مولود السنن

@@@
جنح السعاده يرف
وابإسمه نسمع عزِف
كل رفّه تعزف حرف
نغماته إبداع وفن
ليلة مولود السنن

@@@
من طيبه هب النسيم
يحمل بشاره ونعيم
توقيعه باسم الكريم
والمصدر جنة عدن
ليلة مولود السنن
@@@

من طه الهادي فرع
من حيدر عين ونبع
من فاطم روح وضلع
وللجود أصل ووطن
ليلة مولود السنن

@@@
ابإيثاره الباري شهد
في ( هل اتى ) من ورد
عن جوده وبكل شي مد
كل سائل قلبه اطمأن
ليلة مولود السنن
@@@
الله واهب له البهاء
درّه من تحت الكساء
وي سيّد الأنبياء
مولاي إسمه اقترن
ليلة مولود السنن

@@@
يمناه يمنة كرم
كالتين وابلا عَجَم
سبحان ربي القسم
ما تُحصى هاي المِنَن
ليلة مولود السنن

------------------
ثامر بوجبارة الأحسائي
١٤-٠٩-١٤٤١هـ
٠٨-٠٥-٢٠٢٠م

#لمولد الإمام الحسن المجتبى عليه السلام
——————————

الكون اتعطر ،، مسك وعنبر
مبتهجه الأكوان
خسران الليله المايحضر
عدنه گرگيعان
@@@@
هالليله عم الفرح ،، والكل دلاله انشرح ،، مسموح الليله المرح ،، وانطش مشموم وخنّه

مولد مولانه الحسن ،، چن نزلت جنة عدن ،، لليفرح وابلا ثمن ،، ياخذ كل ما يتمنه

( *كلمن يفتح داره وبيته ،، ويوزع حلوه وچكليته ،، هالليلة الزهرا داعيته* )
::
انعلگ زينه ،، وانگر عينه
من جانا فرحان
خسران الليله المايحضر
عدنه گرگيعان
@@@@
موعدها الخامس عشر ،، والهادي بيها ابتشر ،، سبطه الاول گلبه سر ،، باقدومه گرّت عينه

يالزهرا جيبي الولد ،، أذّن باذانه و حمد ،، عقد الامامه عقد ،، خط النيّه بيمينه

( *باحظانه الهادي لم حيدر،،عدهم يجري نهر الكوثر،،فرحه ما نگدر نتصور* )
::
هنّه الزهرا ،، ابطيبه وعطره
في احله رِمْضَان
خسران الليله المايحضر
عدنه گرگيعان
@@@@

ضوّينه الدور ابضوه ،، بالخنّه صار الهوه ،، ،، والشيعة التمت سوه ،، عالعاده باجمل عاده

كل الاطفال انتشت ،، ابصوت البلبل غرّدت ،، عين اليحسدهم عمت ،، اتهني الحسن باعياده

( *كلها تحيي گرگيعانه ،، والشيعه ابتشرت فرحانه ،، ما ننساه وما ينسانه* )
::
عهد اتجدد ،، يابو امحمد
وقّعنه ابإيمان
خسران الليله المايحضر
عدنه گرگيعان

—————————————-
ثامر بوجبارة الأحسائي

#لمولد الامام الحسن المجتبى عليه السلام
--------

بالله ياطير الحرم
مر على باب الكرم
للحسن بلغ سلامي
گلبي يمّه عرّجه

@@@
بلغ المولى سلامي
المجتبى سِيدي وإمامي
واحمل احساسي اعله جنحك
وصّل اشواقي وهيامي

حبي ما أگدر أكتمه
إي وحق الزهرا امه
احساسي بس اوصل بقيعه
ابشوگي كله اركض المه

سلم اعله المجتبه
ابريشة الحب اكتبه
وانحني عني اعله گبره
ياخذ اسنيني رجه

@@@@@

خذ نظر عيني الترابه
وارسم ابوسطتها بابه
وحضرته وبيها مناره
لو حلم لو مر سحابه

يمه اقرا له الزياره
واگظي كل ايامي جاره
واحسب ابلا گربه عمري
من يمر يعني خساره


المهدي واگف ع الگبر
يكتب اعليه ابصبر
هاهنا قبر الحسن
عجل الله فرجه

@@@@@
مولده مولد كرامه
بهجه بعيون الإمامه
سلسلة نور وقداسه
هُم نجاتي بالقيامه

فرحة الزهره كبيره
منتثر عطره وعبيره
واحنه شيعه وعدنه عاده
نحيي ميلاده شعيره

مولده من ينعقد
تحضره الناس الورد
سيدي والجود بيده
والحضر له يبهجه

@@@@
هاشمي ابحسنه وجماله
كلها من طه خصاله
اخمسطعش رمضان فرحه
نور من رب الجلاله

كل حرف باسمه جواهر
بالحسِن للروح ساحر
حاء وسين ونون بهجه
ذكره بيه جبر الخواطر


زفته جنة عدن
يا هلا بك يالحسن
نازل امن الجنه آيه
منهج الله منهجه

@@@@
منولد جوده اعله چفّه
امعاهده لا ما يچفّه
خاتم الباري يقيني
ثورة احسين اعله چتفه

بيه آمنه وعقدنه
للحشر يبقه عهدنه
الحسن للدين عِزّه
والمذلّه الغيره عدنه

نحيي ميلاده فرض
نور الله اعله الارض
سلم الباري وصلى
اعله ( الهداةِ ) حججه
—————————
ثامر بوجبارة الأحسائي

#لمولد الامام الحسن المجتبى عليه السلام - جديد

-----------------

نور الحسن شع بان
مد راحة الإحسان
في منتصف رمضان
نور الحسن نور الحسن نور الحسن شع بان
@@@@

شاله بيده المصطفى ابحب يِلْثِمَه
قبّله قبلة(ت)( نبي ) وشم مبسمه
سِجدت ابموضعها املاك السمه
ابمهده باعمامة امامه عمّمه

هل ابحسِن روعه
واتهلهل السبعه
طبع الكرم طبعه
نور الحسن نور الحسن نور الحسن شع بان

@@@@

بالخبر جبريل للهادي أنبأه
ابمولده شاء الله يخزي شانئه
من مرج بحرين يخرج لؤلؤه
ابعالم الاقداس خصّص منشأه

كل مدعي يخسر
يا شانئه الأبتر
أول سبط ازهر
نور الحسن نور الحسن نور الحسن شع بان
@@@

منفتح من مولده باب الكرم
ايده ايد ( الله ) وتوزع نعم
واليحصّل نعمه منّ ايده غِنَم
واللي ما يطلب من احسانه انحرم

طامي بحر جوده
لمورّده اخدوده
جينه على موده
نور الحسن نور الحسن نور الحسن شع بان
@@@

شيعته بالفرحه نحيي محفله
نرسم ابأجواءه تحفه وبوصله
تتجه صوب البقيع وتوصله
بالسلام اعليه ويگلنه هلا

والشيعته ابلهفه
بالحب يمد چفه
ابجوده اللي مايخفه
نور الحسن نور الحسن نور الحسن شع بان

@@@

مشرق الأنوار باجبينه يهل
اي معز المؤمنين الما يذل
هاشمي ونعمين من هذا الأصِل
سبط لاول يبدي بيه لمّ الشمل

والحامي الملّه
ما ترهم الذلّه
كل عاذل انگله
نور الحسن نور الحسن نور الحسن شع بان

@@@@

ابمولده الدنيه فرح مستبهجه
هاي باسمه الشيعه كلها لاهجه
تردد ابلولا ( الحسن ) ما حد اجه
الله راده ايكون رابع حججه

وابرابع العتره
هالدنيه مبتشره
فايح شذا عطره
نور الحسن نور الحسن نور الحسن شع بان

---------------------
ثامر بوجبارة
١٢-٠٩-١٤٤٣هـ
١٤-٠٤-٢٠٢٢هـ

#لمولد الصديقة الكبرى فاطمة الزهراء عليها السلام - جديد

—————————————
ورده ، ابريحه فواحه
بهجة ، عمري وافراحه
فاطمه ، فاطمه ،فاطمه الزهراء
@@@

ام الحسن رحمه ، من الله هالنعمه ، بت طه مرضيّه ، سرّ الخلق هيّه ، ابيا فاطمه اندبها تنطيني
صك الفرج بيدي ، واتگلي يوليدي ، والحاجه مگظيّه ، بس اعقد النيّه ، گبل الطلب تعرفها من عيني

جنّه ، انخلگت ابجنه
طه ، ابفاطمه اتهنه

فاطمه ، فاطمه ،فاطمه الزهراء

@@@@

تفاحه قدسيه ، حوريه انسيه ، ست النسا فاطم، هنياله ابو القاسم ، والعار اله هالشانئ الابتر

كون الله مد عقده ، اهداه الى السيده ، درّة بني هاشم ، الها العرش خادم ، خصّاها ربها ابسورة الكوثر

اليخدم ، فاطمه ابنعمه
ربي ، ارزقني هالخدمه

فاطمه ، فاطمه ،فاطمه الزهراء

@@@@

تسبيحة الزهرا ، بيها اشكثر قُدره ، كل مشكل اتحلّه ، كل العُقَد سهله ، ميّة ذكر الله الضمن سرها

شكراً الك ربي ، منّ ارتبط گلبي ، ابّنت النبي طه ،
اليرضى الله للرضاها ، يغضب اذا تغضب على الضرها

علّه ، للوجود وبل
اصله ، وكلشي منها حل

فاطمه ، فاطمه ،فاطمه الزهراء

@@@

حيدر علي ايتاني ، نص گلبه الثاني ، نبضاته اوحت له ، شلجنّه اهدت له ، هسّه اكتمل گلبك يبو الهيبه

من ينبض ابصدره ، نبضاته ( يازهرا ) ، شريانه يتبسم ، هذا الولي الاعظم ، زفّتها حور الجنه لگليبه

زفّه ، وبارك الباري
كوثر ، بالخلد جاري

فاطمه ، فاطمه ،فاطمه الزهراء

@@@
هذا العرش هلل ، نور الزچيه اقبل ، مِتْنَزله تفاحه ، گلب النبي ابراحه ، لحنيّنه ضوّت بيته والكعبه

شعر السما الاعذب ، والمنشد الكوكب ، فرحه ابمحافلنه ،ابحق سَيْدة الجنه ، باعيون ابو الزهرا اووسط گلبه

روحه ، وبضعته وسره
نظره ، فاطمه نظره

فاطمه ، فاطمه ،فاطمه الزهراء

@@

سبحانه من ابدع ، زهره ولا اروع ، كل مكرمه انطاها ، بنت النبي طه ، (هيَ علةُ الايجادِ )مولاتي

للحجة القائم ، نرفع فرح دائم ، بنت النبي تبهر ، النسل الامامه السر ، ( من حيدرٍ للغائبِ
الاتي )

راجع ، يوسف الزهرا
ظاهر ، عالخلگ أمره

فاطمه ، فاطمه ،فاطمه الزهراء

———————————
ثامر بوجباره الأحسائي
١٩-٠٦-١٤٤٤هـ
١٢-٠١-٢٠٢٣م

#لمولد أبطال كربلاء سلام الله عليهم

————————————

يالله ياكريم ، على باب الهواشم ، لا اله الا الله
@@@
مولد ارباب الشرف
ابابهم گلبي وگف
بالفرح رافع لي چف
والقي اعليهم سلام

بالمدينه وكربله
عندي روح امأمله
بالأماني امحمله
فوگ جنحان الحمام

@@@@

بالحفل شايل علم
ابحبي للآل انختم
هاي ويّاي الخدم
رافعه اچفوف الدعاء

ربي بالهادي الرسول
وابعلي ويّه البتول
ودنه يارب الوصول
للمدينه وكربلاء
@@@
تدري ياربنا العليم
بينا شوگ اشگد عظيم
يارحيم وياكريم
حقق النا الأمنيات

بين عباس وحسين
نمشي بين الحرمين
انذب هموم المتعبين
بيهم اتطيب الحياة

@@@

حظه من للحضره طب
وشاف تيجان الذهب
للشبابيچ اقترب
لمها خلّاله قُبل

انسولف الهم شلنريد
الأقرب النا امن الوريد
السلام اعله الشهيد
واعله عباس البطل

@@@

كربله جنه وبعد
رحمة الله ابلايه حد
الطبها للجنة صعد
عدنا في هذا يقين

خطوة اليمشي ابأجر
فوگ واضعاف العشر
انشوفها ابيوم الحشر
عند امير المؤمنين

@@@

بالمدينه عدنا روح
بيها تتشافى الجروح
ايهلي بينا من نروح
زين لعباد ابهلا

يحچي بالسانه الشريف
گلبي للزاير مضيف
الجانه ما نعتبره ضيف
نازل ابداره وهله

—————————
ثامر بوجبارة
٠١-٠٨-١٤٤٦هـ
٣١-٠١-٢٠٢٥م

#لمولد الامام المهدي عجل الله فرجه الشريف
-------------

ياقائم ،، ياقائم ،، آل محمد 
ياقائم ،، ياقائم ،، آل محمد 
@@@@
ننتشي هالليله حگنه ، اوننثر ابفرحه الورود 
مولدك مولد سعاده  ، ومبتشر كل الوجود 
والحسان الليله كلها ، اتزينت باحمر خدود 
كلنا ننتظرك يغايب ، سيدي يمتى تعود

ياغائب ،، ياغائب ،، شوق مسهّد
ياقائم ،، ياقائم ،، آل محمد
@@@@@@@

هذي سامره سعيده ،  نشرت اعلام الفرح
والامام العسكري  ، ابمولوده گلبه انشرح
ياهناها الليله نرجس ،  والفكر منها سرح
الله ياحسنه اوجماله  ، يشفي كل گلب انجرح

سامره ،، سامره ،، بالمهدي تسعد 
ياقائم ،، ياقائم ،، آل محمد
@@@
صاحب الطلعه الرشيده ،  للبشر كلها أمل 
سيدي الموعود اشرق ، نوره بن خير العمل
بانت الغرّه الحميده ،  التسجد اعليها القُبل 
اخمسطعش شعبان فرحه ، مايصح بيها الزعل  

انواره ،، انواره ،، عشقٌ مؤبد 
 ياقائم ،، ياقائم ،، آل محمد

@@@
ابمولده الشيعه فرحها، لا ابد ماينوصف
يعجز التعبير عدها ، ومنها يحتار الحرف
شيعي وابوجهه السعاده ،  من فَرحْتَه ينعرف 
ناصفه ابكل عام عاده ، ابشهر شعبان النصف

فرحانه ،، فرحانه ،، سعدٌ تجدد  
ياقائم ،، ياقائم ،، آل محمد  
@@@@@
ياشمس تحجبها غيبه ، كل أملنا ماتطول 
كلنا في ظل انتظارك ، نرتجي امن الله القبول 
سيدي اتشمت علينه ، ابغيبتك حاقد عذول 
نندعي ( ابكن لوليك ) ، هالهضم يمتى يزول 

ياربي ،، ياربي ،، نصرٌ مؤيد
ياقائم ،، ياقائم ،، آل محمد 

----------------------
ثامر بوجباره الاحسائي

#لمولد مولانا القائم عجل الله فرجه
_________


ابمنتصف شعبان هل المنتظر
عجل الله فرجه
@@@
اخمسطعش شعبان هل الحجه
عجل الله فرجه
بالفرح شمع السعاده انوجّه
عجل الله فرجه
ربي ارزقنه زياره وحُجه
عجل الله فرجه
يحله هالليله ابمحافلنه السهر
عجل الله فرجه
ابمنتصف شعبان هل المنتظر
عجل الفرجه
@@@
كل مهجنه الليله يم سامره
عجل الله فرجه
ابليلة الميلاد تشتم عطره
عجل الله فرجه
بلچي منّ اعيونه تكسب نظره
عجل الله فرجه
لو عن احواله يوصّلنه خبر
عجل الله فرجه
ابمنتصف شعبان هل المنتظر
عجل الفرجه
@@@
يم ضريح العسكري ابليلة سعِد
عجل الله فرجه
نحضر ابمشموم وابباقة ورد
عجل الله فرجه
ماعلينه من حقد أهل الحقد
عجل الله فرجه
شيعة المهدي ونعلنها فخر
عجل الله فرجه
ابمنتصف شعبان هل المنتظر
عجل الفرجه
@@@
ولو يصح يم جمكران الليله
عجل الله فرجه
ركعتين ازيارته انصلي له
عجل الله فرجه
ومسجد السهله نحن انجي له
عجل الله فرجه
بلچي يمنه سيدي مر وعبر
عجل الله فرجه
ابمنتصف شعبان هل المنتظر
عجل الفرجه
@@@
يملي كل هالدنيه عدله وقسطه
عجل الله فرجه
وبين هاي الناس كلها ايبسطه
عجل الله فرجه
بس يصح قانون نهجه وخطه
عجل الله فرجه

كلمن النهجه يضد خاب وخسر
عجل الله فرجه
ابمنتصف شعبان هل المنتظر
عجل الفرجه
@@@@

يا الهي إحفظ النه القائم
عجل الله فرجه
رده منّ اغيابه يارب سالم
عجل الله فرجه
وبيه قرّ اعيون امه فاطم
عجل الله فرجه
يمته يرجع طوّل اعلينه السفر
عجل الله فرجه
ابمنتصف شعبان هل المنتظر
عجل الفرجه

———————————-
ثامر بوجبارة الأحسائي

#لمولد مولانا القائم الحجة ابن الحسن عجل الله فرجه
———————————-

يا مهدي يامعشوگي
يا نبضي ابوسط اعروگي
تدريني واشگد شوگي
يا بن الزهرا
@@
يا معشوگي وحبيتك
إيماني من تربيتك
يالگلبي صاير بيتك
فوته اعيوني لك سفره
يابن الزهرا
@@
وحي الله صدرك شايل
يامعدل كل المايل
يامخضّر كل الذبل
خطوات اجدامك خضره
يابن الزهرا
@@@@
يالمولود ابنص شعبان
محفل لك وابكل امچان
والمايفرح لك خسران
وابغيضه ايموت ابحسره
يابن الزهرا
@@@
ابحفلك نشعر لمه انفوت
حتى الماي احله امن التوت
والچكليته امن الياقوت
وانوار المحفل گمره
يابن الزهرا
@@@@
مولايه من نقرا اشعار
والجلوات وايه الآثار
كل شي ذايب يمك صار
لو يسكر شوگ اتعذره
يابن الزهره
@@@

للمحفل جينه ابلا عد
شوكه انخلي ابعين الضد
نفرح بالمولد نسعد
انخلي ابگلب الشك جمره
يابن الزهرا
@@@@@
يالموعود ولمّه اتعود
نفرش لك كل گاع اورود
وانبخر هالدنيه ابعود
كل عاشگ ينثر عطره
يابن الزهرا

—————————-
ثامر بوجبارة الأحسائي

#لمولد الحجة ابن الحسن عجل الله فرجه

——————————-

هلا بالغالي هلا
غايب ونتأمله
نندعي الرب العلا
عجل الله فرجه
@@@@
بالفرح عيني تصب
ذايبه ابمعشوگي حُب
حگي بالفرحه انطرُب
هذا عگلي امخبله
نندعي الرب العلا
عجل الله فرجه
@@@
مولده مولد فرج
آخر الساده الحجج
كلنه نفديه المهج
ع العهد منبدله
نندعي الرب العلا
عجل الله فرجه
@@@
مولده ابخامس عشر
شهر شعبان الأغر
ابمولده الكون ابتشر
حسنه سوره امنزله
نندعي الرب العلا
عجل الله فرجه
@@@@
كلها سامره عطر
بيها من حسنه سحر
ورد جوري منتثر
والسماء اتقبله
نندعي الرب العلا
عجل الله فرجه
@@@@
يمه ذوبني العشگ
باسمه دلالي يدگ
لحظه لا مانفترگ
الگلب صاير منزله
نندعي الرب العلا
عجل الله فرجه
@@@@
هاي نرجس بالفرح
العسكري گلبه انشرح
واليهنيهم ربح
هالكرامه امسجله
نندعي الرب العلا
عجل الله فرجه
@@@@
يأذن ابإذنه العرش
طيب ع الدنيه يرش
من ورد خلّه فرش
ابوسط مهده امدللـه
نندعي الرب العلا
عجل الله فرجه
@@@@
هذا يوسف فاطمه
طاهر وما أعظمه
لليضده الحاطمه
الفرج ربي عجله
نندعي الرب العلا
عجل الله فرجه
@@@
يا إلهي هالدعه
من گلبنه تسمعه
كل شملنه تجمعه
اوياه نوصل كربله
نندعي الرب العلا
عجل الله فرجه

——————————
ثامر بوجبارة الأحسائي


‏

#لمولد الامام الحجة عجل الله فرجه الشريف - جديد

—————————
ياقبله وتنقبل بيها صلاتي
أصلي اعليك يالمالك جهاتي
@@@@@

يغايب بس وسط دلالي شفته
لون ما بيه اشوفك چا شلعته
شتاتي من حروف اسمك جمعته

من دونك بعد شيلم شتاتي

@@@

مرّه ( الجمكران ) ومره ( سهله )
ابوجهي اتوجهت واحسبها قبله
وباسمك كل حرف اقرا وارتله

تكمل بيها شخصيتي وصفاتي
@@@

يمهدي الجيّتك فرض انتظاري
الجنابك سيدي خلني ( حواري )
اذا حلّ القضا اچفاني إزاري

افز من گبري وامجرد قناتي

@@@

دمعي لو جرا كلّه امن لفراگ
تدري سيدي اشگد آنه مشتاگ
جمر الفرگه وسط المهجه حرّاگ

نغّص عيشتي ونشّف لهاتي
@@@

عذب والروح مشتاگه المعينك
وادوّر عن اماني ابوسط عينك
أمد چفّي الك واتگول اعينك

اشوفك گبل لا تخلص حياتي
@@@

يمتى سيدي اتمر عالحياره
سويّه اوياك نمشي للزياره
خذانا الشوگ لحسين ودياره

ازوره اوياك كلها امنياتي
@@@

أمشي اوياك لارض الغاضريّه
بيدك سيدي تاخذ بديّه
أزور احسين والعباس اخيّه

لو بعد الزياره اتحل وفاتي
@@@

نوصل نحضن الشباچ لهفه
ابشوگ اللي صعب نحچي ونوصفه
انصلي انته الامام وكلنه خلفه

انته الماضي والحاضر ولاتي
———————————
ثامر بوجبارة
٠٩-٠٨-١٤٤٦هـ
٠٨-٠٢-٢٠٢٥م

#لمولد الإمام الحسن المجتبى عليه السلام
——————————

الكون اتعطر ،، مسك وعنبر
مبتهجه الأكوان
خسران الليله المايحضر
عدنه گرگيعان
@@@@
هالليله عم الفرح ،، والكل دلاله انشرح ،، مسموح الليله المرح ،، وانطش مشموم وخنّه

مولد مولانه الحسن ،، چن نزلت جنة عدن ،، لليفرح وابلا ثمن ،، ياخذ كل ما يتمنه

( *كلمن يفتح داره وبيته ،، ويوزع حلوه وچكليته ،، هالليلة الزهرا داعيته* )
::
انعلگ زينه ،، وانگر عينه
من جانا فرحان
خسران الليله المايحضر
عدنه گرگيعان
@@@@
موعدها الخامس عشر ،، والهادي بيها ابتشر ،، سبطه الاول گلبه سر ،، باقدومه گرّت عينه

يالزهرا جيبي الولد ،، أذّن باذانه و حمد ،، عقد الامامه عقد ،، خط النيّه بيمينه

( *باحظانه الهادي لم حيدر،،عدهم يجري نهر الكوثر،،فرحه ما نگدر نتصور* )
::
هنّه الزهرا ،، ابطيبه وعطره
في احله رِمْضَان
خسران الليله المايحضر
عدنه گرگيعان
@@@@

ضوّينه الدور ابضوه ،، بالخنّه صار الهوه ،، ،، والشيعة التمت سوه ،، عالعاده باجمل عاده

كل الاطفال انتشت ،، ابصوت البلبل غرّدت ،، عين اليحسدهم عمت ،، اتهني الحسن باعياده

( *كلها تحيي گرگيعانه ،، والشيعه ابتشرت فرحانه ،، ما ننساه وما ينسانه* )
::
عهد اتجدد ،، يابو امحمد
وقّعنه ابإيمان
خسران الليله المايحضر
عدنه گرگيعان

—————————————-
ثامر بوجبارة الأحسائي



‏