اسمها .. بحر من الكرامات
اسمها .. انعرفه اليگضي حاجات
لذلك نستعين .. بسم ام البنين
...
هاي ام الوفه لهل الوفه صارت اميره
شمعه وما طفت النه صفت خيمه چبيره
لمن تنهظم بس إِنخه اُم بدر العشيره
وبيوم الشدد اِحسب بعد ما تبقه حيره

عظيمه من ينخاها واحد
عظيمه تگضيله الشدايد
يظل سدك امين .. بسم ام البنين

..
دِگ باب السمه والمكرمه تلگاها يمك
ترباة العرب تگضي الطلب حتماً تكرمك
صدرك تشرحه بالفاتحه وينزاح همك
لجفك من تمد يعني استعد چفك تلزمه

كريمه معروفه بكرمها
كريمه ونسولف بسمها
وحروف الحنين .. بسم ام البنين
...
گلي بيا نثِر وبيا شعر نوصِف فضلها
ام الاربعه بالواسعه ماكو مثلها
اكبر معضله بين المله هي التحلها
ساعات الخطر كل البشر تتوجهلها

اصيله .. تحچي الناس عنها
اصيله .. والعباس ابنها
كهف الخائفين .. بسم ام البنين
...
ام بحر الشيم كل الخدم تعرف قَدُرها
والشاف العسر يصبح يُسر لو مر ذكرها
تبچي اعله النحر مو عالگمر گضت عمرها
لذبح ابن النبي ودرب السبي محني ظهرها

للحسين.. دمعتها اعله خدها
للحسين .. ضحت كل ولدها
ومعروف الأنين .. بسم البنين
...
ما تگدر تمر يم الگبر لمن تجيها
اوصل كربله ومن كربله سلم عليها
توگف نايحه يم مذبحه الكل يدري بيها
يم راعي العلم يم الخيم نسمع بچيها

بعزانه .. تحضر كل مسيه
بعزانه .. هيه والزچيه
بالك تستهين .. بسم ام البنين
...
خادم الحسين ( عليه السلام)
كرار حسين الكربلائي
( ابو كميل)

چان الدعاء بسجدتي
هب لي من ذريتي
شموع يضوون بخيام الحسين
من السماء السابعه
انطاني بالدنيه اربعه
شموع يضوون بخيام الحسين

رسايل مدنيه
انقرت بالغاضريه

قرآئين شهاده شهاده
...
بصلاة الليل ابچي بغيمة دموع ومناجاتي خفيه
بكثر ما ادعي وجه النجم مطبوع
ضوه ما بين اديه
لظلام الطف الهي رايده شموع
نذر لبن الزچيه

استجاب الله دعائي انطاني شبان
بنيني الاربعه للغيره عنوان
النهر لو ما الغيم يموت عطشان
العنده كربله ينرادله اخوان

ويلادي كتبو مستهل
حي على خير العمل
لا هيهات منعوفه للموت

كل واحد المنهم وطن
صاحو اگبال الضعن
لا هيهات منعوفه للموت

مواقفهم هويه
انقرت بالغاضريه

قرآئين شهاده شهاده
...
چان البيت جنه بلمة الاولاد
وهسه بيت الاحزان
وتدرون الولد للضيج تنراد
ذخر للشيب لو حان
اعزاز واعز منهم ابو السجاد
حسين بروحي قرآن

خذت خطوات نوگه تعب السنين
وزرعت بدرب جيته الشوف والعين
تعب حته الهوه من كلمة الـ وين
واعثر بالنفس بفراگ الحسين

جفني انحنه من الدمع
عمري ليل بلا شمع
راح والراح وياه مشه الشوف
انشد عليه حته النده
گلي مصباح الهدى
راح والراح وياه مشه الشوف

بقت آهات اليه
انقرت بالغاضريه
قرآئين شهاده شهاده
...
امس وياي عايش (مو حلم )عون
يجي ويبوس ايدي
وامس كلمة الُيمه تارسه الكون
من جعفر وليدي
وامس عبد الله من سافر بالضعون
يبس دمي بوريدي

ومن چان ابو فاضل چانت الناس
اشكبر بختچ يگلولي اعله عباس
مشه وبصدري ماتت حته الانفاس
وگبل الراس شيّب معصب الراس

ادري ببو فاضل ابد
ما له كفواً احد
وآنه لحسين ضحيت عباس

والدنيه كلها تعترف
ابني ينعد بألف
وآنه لحسين ضحيت عباس

تره اچفوفه السخيه
انقرت بالغاضريه
قرائين شهاده شهاده
...
وطن روحي الحسين من الوطن شال
وخلاني غريبه
اشلونك يُمه المن بعد تنگال
والراح شيجيبه
احس عمري تبده ماي برمال
من سافر حبيبه

سمعت الطف ندهني وبالإسم صاح
من مهره الحسين اعله الوجه طاح
ومثل زينب صحت ريّض يذباح
تره صدره لرقيه مو للرماح

ليش اعتله الراس برمح
ليش حبيبي ينذبح
ليش للخيل ميدان صدره

وضلوعه كلها مكسره
چفه گطعو خنصره
ليش للخيل ميدان صدره

الالف والتسعميه
انقرت بالغاضريه
قرآئين شهاده شهاده
...
بقايه الطف سبايه و ردت تنوح
صحت ويلي عليها
كل ام عدها ذكره ولد مذبوح
ودمعها ابين اديها
بنات حسين ونهن يشعب الروح
الصخر يبچي لبچيها

بگلب زينب شفت صيوان محروگ
سبوها وعمت عيني هزل النوگ
تگلي السبي چلمه اعليه متلوگ
الحرگ گلبي يمه طبة السوگ

والما يشوفوها بحلم
وگفت ابين الزلم
آه والشام اكبر مصيبه

ما تنسه عاشور الظهر
والأشد درب اليسر
آه والشام اكبر مصيبه

الجراح الزينبيه
انقرت بالغاضريه
قرآئين شهاده شهاده
...
خادم الحسين ( عليه السلام)
كرار حسين الكربلائي
( ابو كميل )

والله گلبي مانعه .. للبنين الاربعه
انه نوحي ودمعتي .. للغريب ومصرعه
واحسيناه انادي واحسيناه
..
انه ام وفارگت اربع بنيني
والله إلهم ما عِله نوحي وونيني
بس لبو السجاد ظلت تربي عيني
فدوه شباني اذا سالم يجيني
دموعي ظلت هامله ..بس لبن عقد الوله
لو يجي كل الولد.. اربعتهم فدوه اله
يمته الكاه حبيبي يمته الكاه
...
بكل صلا گمت اندعي ليلي ونهاري
ربي رد الغالي مليت انتظاري
يمته مصباح الهدى يضويلي داري
هوّه بالغربه وأنه عشت اعله ناري
يمرد بروحي الهجر ..مني مل حته الصبر
منه ماجاني خبر.. وانه ظليت انتظر
جرحي ناداه اريدك جرحي ناداه
..
والله لو بيدي رحت للغاضريه
بس اشوفه مره وحده وهاي هيه
وين اليودي خبر لبن الزجيه
يگله بغيابك تره شفت المنيه
يگله من راح الضعن.. مارحم بيه الزمن
هنا يمهجة فاطمه ..يمته ترجع للوطن
اصرخ بآه يغالي اصرخ بآه
..
عني گلوله الصبر يا يمه چم دوب
شما تمر ساعه بغيابه مهجتي تذوب
روحي تطلع من يجيني وكت الغروب
ليله مينامه اليسافر عنه محبوب
لن ابن حذلم رجع.. گلبي من شفته انفجع
ناده يم الاربعه.. نحر ابو اليمه انگطع
تنزف دماه حبيبج تنزف دماه
..
بشر بن حذلم يگلي حسين ذبحوه
ومن بعد گطع النحر بالخيل داسوه
حته خنصر يمنته من چفه گطعوه
يل حنينه والمُخيم بعده حركوه
وزينب بديرة غرب.. حرمه مكسورة گلب
هذي زينب بت علي ..والله صعبه تنضرب
گلبي ينعا لمماتي گلبي ينعا
..
#مأجورين
#كرار_حسين_الكربلائي

يلموتكم يا يمه شــافي
ميتين يا موت العوافي
يلظهر اخوكم بيــــــكم انشد
يحلالي هسه الثوب الاسود
ميتين يا موت العوافي

لو هيچ لو ما اريـــدن الشــــاب
أول گمر يحــــلاله التـــــــــــراب
امك واجيتك طال الغيــــــــــــاب
گوم اعلى طولك يا هوى الهاب
نايم يبعد امك والعيـــــــون
ما ميت انته وي اليموتون
انت ابخت حيـــــــــدر مسدد
يحلالي هسه الثوب الاسود
-----------------------
معروفه هي الــــــــــــربت اولاد
تنتظر نفس الخيــــــــــــــر ينعاد
وانا طلبتكم وانتم مـــــــــــــــراد
لخيمتهه زينب صيرو اوتــــــــاد
طيحو گبل لتطيح الدموع
موتو گبل لتموت الشموع
وافيتو والله ربـــــاي وازود
يحلالي هسه الثوب الاسود

عباس شفتك مــــــــا گلت آه
هوه اليشوفك يصـــــــرخ الله
سبحانه ربنا شلون ســـــواه
گلب بگلب لحسين خــــــــلاه
ما عفته واشهدلك يعبــــــاس
وي كل اخوتك صرتو حراس
يربات گلبي الحرسو الـــحد
يحلالي هسه الثوب الاسود
------------------------
انتم لاخوكم نعم الجنـــــــــــــود
بس عندي جندي وبعده موجود
هذا الفضل ابنك يبو الـــــــــزود
لعبد الله فدوه الشفته ممــــــدود
خلي السهام بنحره تچويـه
زحمه لخيمكم لو ارد بيــه
فدوه لابن سبطك محمـــــــد
يحلالي هسه الثوب الاسود

چا اني شنهي وشنـــــــهو معناي
زينب سبيــه وانــــــا بفيــــــــــاي
ها يلعقيله الونـــــه بهــــــــــداي
يا سوط وينك حاضــر گفـــــــــاي
يا نار چويني وبعد حيـــــل
خلوني ساحه لملعب الخيل
من الزهره عيب الله والاحد
يحلالي هسه الثوب الاسود
-----------------------
باچر وفى وبالمحشر هنــــــاك
ياهو اليشيل بچفه يمــــــــناك
أمك الزهره التوفي ويـــــــــاك
عباس هيه تصيح حيـــــــــــاك
بضعة محمد تطلب الــــــــثار
تنسى الضلع والسطره والنار
حتى الحسين هناك آيـــــــــد
يحلالي هسه الثوب الاسود

لخادم الحسين / رعـــد الفريــــجي

اربع زلم للموت گدامك
نجوم وگمر يحسين خدامك
حيل اعتذر مولاي خجلانه
راح ابقه عدله وما اموت انه

،،،،،،،،،،،،،،،،،،،

وديت وياك الضنه وانته الاعز منهم
لو عندي الاف وعلي كلهم اقدمهم
خالقهم الله لنصرتك هو انته قائدهم
يحسين وصاهم تره بچلمات والدهم

بسم الاله استمعو يولادي
باچر حسين لوحده ينادي

ملتمه بالطف كلهه عدوانه
راح ابقه عدله وما اموت انه

،،،،،،،،،،،،،

يحسين عمري بخدمتك بسنينه وايامه
صاحب بخت يصبح تره الخلاك گدامه
صرت انه بيكم مفخره وهالرافعه الهامه
لمن قبلتوني وصرت للزهره خدامه

ابيت النبوه ومهبط اياته
رب العرش انزل كراماته

باب الله انتم واعله بيبانه
راح ابقه عدله وما اموت انه


،،،،،،،،،،،،،

يحسين عباس الحرب بيده والف رايه
قبل الخلق تدري الگمر منطيهه الحچايه
عباس سبع الگنطره اوخوانه حمايه
يا نهر بالدنيا اسأله وتسمع خبر مايه

اي هذا ذباح العطش سيفه
لو راد يوصل اي نهر كيفه

خله الجروف تصيح عطشانه
راح ابقه عدله وما اموت انه

،،،،،،،،،،،،،،



وياك كل واحد بالف والشده مگضيه
تنومس يبن حيدر علي بظهرك فدائيه
أولادي لو ميت حرب وجيوش كونيه
هو العزم نفسه العزم نفس العزوبيه

ياهو اليجيهم ما يرد خالي
غالين همه وحامو الغالي

عفيه وثلث تنعام بأخوانه
راح ابقه عدله وما اموت انه


،،،،،،،،،،،،،،،،،،،

حراس زينب ما تظل محتاره وحدهه
يبنيتي زينب علوعد والبيعه اجددهه
يحسين اختك ما رحل موجود والدهه
غير اربعه وانته الشمس ياهو اليهددهه


تبقى الاميره وللابد والله
يلجدچ بصف العرش صله

انتي الاميره وانتي سلطانه
راح ابقه عدله وما اموت انه

،،،،،،،،

تبقون مضرب للمثل واجيال تذكركم
ها يا بنيني الاربعه ما حاجه احشمكم
بضعة محمد تنفجع ! المن اكبركم ؟
اطفال چنتو وللحرب كلساعه اودعكم


لمن كبرتو وصار موعدنه
محد يرد مجروح من عدنه

هيچ اتفقنه نموت باحضانه
راح ابقه عدله وما اموت انه



كلمات خادم الحسين
رعد الفريجي

تجليبة لمولاتي ام البنين ع

اجيت وحاجتي حاشه ترديهه
اريد بداعت العباس تگضيهه
""""""
تگضيهه    اذا   حلفتچ     بعباس
متفضلة عليه وفضلچ اعله الراس
ممنونچ    اظل    الاخر    الانفاس
وصغيرة كلمة الشكراً احس بيهه
"""""""
اطلب حاجتي وحق اليقين اعلم
اليحلفچ  بالگمر  لا والله ما يندم
الف عين الاجل عين الگمر تكرم
ثلث  تنعام  هو  الحاجة  راعيهه
"""""""
اسألچ بالگمر واعمامته الخضره
دخيلچ واگع  ورايدلي بس نظره
لا وحدة  ولا  خمسة  ولا عشره
وگفاتچ  اهوايه شلون  اجازيهه
"""""""
من اطلب الحاجة زين احسبهه
إلا  من  اهلهه   وناسهه  اطلبهه
بيا   ام   البنين   الشدة   اندبهه
كفو منچ اصيلة الدمعة تشريهه
""""""""
واگول انه لوگفتچ بالشدد ليه
لو ما فاطمة  ما چان  مگضيه
اصليلچ   صلاة  الشكر  يوميه
فدوه  بوجهي بابچ لا تسديهه
""""""""
عاده الشيعي صارت تمشي وي دمه
يدگ   بابچ    يگلچ   حاجته   وهمه
ويقره   الفاتحة   ويلزم   إلچ   ختمه
تنطيه   اعله    نيته    النية   تدريهه
"""""""
لو  انخاچ  بچفوفه  ونظر  عينه
صك الحاجة باللحظة  توقعينه
يشفه الاعمه والاخرس تحچينه
يمكن    آية    العباس    تقريهه
"""""""
ناس  الما  تعرفچ  والله  محتاره
مثل    الطافچ   ادّورهن   ادواره
واحنه   بايدنه   تنطينه   لبشاره
خطية الما يعرفچ حسرة يلگيهه

انيس الخفاجي الكربلائي

أخـر نـفـس بيه وأنـه أنـتـضر جـيه
بس شنتضر * محــد يـمـر * غــــطاهم تراب
محــد وصل * بـــس الأجل * ناطرني عالباب
********************************
1= أقترب موتي * صرخ صوتي * بعد طولي * تعال تعال
يبو جروحي * ويمذبـــــوحي * يمســـؤلي * تعال تعال
أريد أشــــتم * هــوه المبسم * ودللـــولي * تعال تعـال
سهل كلـشي * أذا تمــــشي * ويكلـــولي * تعال تـعال
------------------------------------
أتمـــنه تلــفــــيني يحسـيني يحسيني
مشتاكه ألك * أنته وهلك * ياأغـله الحباب
محد وصل * بس الأجل * ناطرني عالباب
****************************
2= دصالحـــني * يجارحـــــني * أضل وحــدي * حرام حرام
ولا أخــــرك * دمع هـــجرك * حفر خــــدي * حرام حـرام
ردت لحضه * بهواك أحضه * وصل وعدي * حرام حـرام
مثل أمــك * شلت هـــمك * صـرت ودي * حــرام حرام
-------------------------------------------
يالمــــنكطع راسك مر بيه بحساسك
يابـو الوفه * شوفي طفه * وحبابي غـياب
محد وصل * بس الأجــل * ناطرني عالباب
3= ولــو صدرك * كسر ضهرك * لجن مـــرني * سكوت سكوت
تســع مــــيه * جرح بـــــيه * وألف ضرني * سكوت سكوت
عله عضامي * بجبد ضــامي * الدهر جــرني * سكوت سكوت
ولا أغـــالي * يــــــهل غالي * يهـــــــاجرني * سكوت سكوت
--------------------------------------------------------
موتني جم مره حسين بكطع نحره
لمن طحت * أشعر طحت * أقسم ببو تراب
محد وصل * بس الأجــل * ناطرني عالباب
******************************************
4= أحترك ثوبي * يمحــــــبوبي * أنه أستاهل * تعود تعود
أريدنـــــــــك * وأحلفـــــــنك * ببو فـــاضل * تعود تعود
علـــه راسي * يبو حساسي * صعب قابــل * تعود تعود
أبوس أيــدك * وأشم جـيدك * ونــــتسا ئـل * تعود تعود
--------------------------------------------------------
بس تلمس عيوني مـــاريدن شلـــــوني
مات الضوه * خنكه الهوه * ياشبل الاطياب
محد وصل * بس الأجــل * ناطرني عالباب




5= نهجم بـــيته * الكلب ريته * وكف نبضه * وراك وراك
عجب كلـبي * بعد تعـبي * يدك يرضه * وراك وراك
قبل دفــــني * دصادفـــني * أذا تــرضه * وراك وراك
تغسلـــــــني * وتشيعـــني * ولو لحضه * وراك وراك
---------------------------------------------------------
عوضني عن تعبي ها يابعــد كلبي
شاب الكلب * من العتب * حل وكت الغياب
محد وصل * بس الأجل* ناطرني عالــباب
***************************
خادم العتره الطاهره عبد الجليل المالكي

حته بيوم موتچ هم وفيّه
عدّيتـي الليالي الفاطمـيّه
صح كلمن ويومه وإنتي بالـذّات
چنّچ حاسـبه حسـاب الروايات
ـــــــــــــــــــــــــ
من طيـن الوفاء البـاري ســوّاچ
شما ترديـن يم الاربعـه انطاچ
آخر خدمه چانت عاشـت وياچ
تاريـخ الوفـاة الـ بي ذكــرناچ

بيوم الموت چنتي هواي ترفه
چان ابدعوه منچ موش صدفه
حسبتي حساب فاطم بالعزاءات
چنّـچ حاسـبه حسـاب الروايات
ـــــــــــــــــــــــــ
ودعواتچ مجابه والأمر جــاء
وچنّ بكل رواية عندچ إيحاء
ملك الموت إجاچ وعنده أنباء
إإذن لـي أموتـن وره الزهـراء

گلّچ معرفـــه وگلّــچ درايه
وچن عندچ علم بآخر روايه
بتلاثه جمادي إنختــمت آهـات
چنّـچ حاسـبه حسـاب الروايات
ـــــــــــــــــــــــــ
كلشي حســاب عندچ يم البنين
مــو بس الـ ولد فاطــم تِخِدمين
انطاچ الله اعله نيتچ هيچ تردين
إتموت ام الحســن يالله تموتين

كلّچ جـاه عالي وعالي صيتـچ
إخجلتي من ام لحسين بمنيتچ
بيچ إحــتار تقــويم الوفيّات
چنّچ حاسبه حساب الروايات
ـــــــــــــــــــــــــ
خلف أم الحســن ماصرتي گدّام
وره مــوت الزچـيه إبعشـرة أيام
بنت احزام صرتي الفاطمه حزام
إنتي ويه الخِـدامه عنـدچ أحلام

موش الجود بالنَفْسْ اقصى غايه
أقصى الجـود ترتيــب المنـايه
يا گــول و فعِــل مو بس شـعارات
چنّـچ حاسـبه حســاب الروايات
ـــــــــــــــــــــــــ
عمــرچ وشّل وخلّصــتي الاولاد
ليهسّــه ابوفائــچ نــدرس أبعاد
حساب العَرَب حاسب عمرچ الزاد
مو صــدفه ممــاتچ ألـف ميعاد

بيچ اوصـــاف تاخـذنه تردنه
إنتي اخت الزچيه وهذا حَدنه
بتاريــخ الوفــاة ألگه إعتبارات
چنّـچ حاسبه حســاب الروايات
ـــــــــــــــــــــــــ

مهدي التقي

(اشوف عباس )
شعر : عبدالله عسّاف الخاقاني
من وزن الشيعتي
ـــــــــــــــــــــــــــــ
ياهلا بالموت يا محله المنيه
راح اشوف حسين والزهره الزجيه
يا هلا بتگطـيع الانفاس
راح اشوف اليوم عباس
والنبي و حيدر وصيّه
ـــــــــــــــــــ

راح اشوفن والنواظر تلتهب عالفارگوني
وانا إلهُم كل دعائي وانا ادري ما نسوني
لكن ابگلبي المآسي جمره تلهب في عيوني
من اجاني الموت اشاهد كلهم احبابي إجوني

راح اشوف المرتضى راعي اليتامه
والنبي الهادي يجي واسمع سلامه

هذا موتي رفعة الراس
راح اشوف اليوم عباس
والنبي و حيدر وصيّه
ـــــــــــــــــــــ
من بَعد شوف الغوالي
والبُـعد حيّر دليلي
طالت المده ابسفرهم وانهدم بالفرگه حيلي
كل وكت اتمنى موتي هذا يومي وهذا ليلي
كل صلاتي يا إلهي عجّل ابشوفة خليلي

خلّ اشوف احسين خل تخلص حياتي
والحسن يحضر يجي بساعة وفاتي

شمعه بيده وشايل الياس
راح اشوف اليوم عباس
والنبي وحيدر وصيّه
ـــــــــــــــــــــــــــ
راح اشوف اولادي كلهم هذا يوم الملگه جاني
ارسم اللهفه ابحنيني وللممات اشگد أتاني
راح اشم ريح الغوالي من يهل موت الخذاني
روحي مشتاگه وحنيني تارس اعيوني وزماني

موعد الروح بلقاء أهل المحنّه
واللقاء بكل يقيني وهايه جنّه

من افارگ غربة الناس
راح اشوف اليوم عباس
والنبي و حيدر وصيّه
ـــــــــــــــــــــــــــــ
آنه بحزان الطفوف وعيني لاحت بانتظاره
هسه وكت الموت هسه گلبي ملهوف ابحراره
راح اشوف احبابي كلهم ، ينتهي وكت المراره
شمسي تظهر وي مماتي وليلي مذبوح ابنهاره

هايه اسراري المنايا وهذا حالي
لحظه لحظه الموت ما فارگ خيالي

والله ملگه ايهز الاحساس
راح اشوف اليوم عباس
والنبي وحيدو وصيه
ـــــــــــــــــــــــ
آنه أمّ الاربعه الكلهم مشوا صاروا ضحايا
حالي يصعب من رحل ظعن الفوطم والسبايا
عيني تربي اعله المخيم وانـا باطراف المنايا
وحشة الدنيا بغربتي وانتظر وكت النهايه


آنه ام الاربعه ومشبوحه عيني
بالممات وانظر الزينب تجيني

والمنية شلون تنقاس
راح اشوف اليوم عباس
والنبي وحيدر وصيّه
ـــــــــــــــــــــــ

وأسألكم الدعاء
شعر : عبدالله عسّاف الخاقاني
25 / 1 / 2021

#مولاتي_ام_البنين

قرآن عايف بيتي
أنسان رافع صيتي
عبد الله وعون وجعفر ماهموني
بس كون احسين اليرجع نور عيوني

_

بسم الله الرحمن بسم الله المنان
بسم الله السُبحان أبدأ وناتي
هاجر من بيتي النور هاجر مني بعاشور
عايف بيتي مهجور عايف شيباتي
مثل الزهرة العنوان ابني دار الاحزان
وابچي لفگد القرآن تنزل دماعاتي

ياريت انه اشتمه
بالبيت شبگه بجسمه
كلما اذكر وجناته يُصفر لوني
بس كون احسين اليرجع نور عيوني

____


اسال كل النجمات ياهو المات وما مات
ياربي شهالأهات معذوره احزاناني
معذوره بالعباس معذوره بين الناس
انطيت أربع حراس تريبت إيماني
ما أسال عنهم وين بس يرجع كون حسين
سالم يا نور العين يرجع قرآني

والله ما اتحمل
بال آه ورگه و اذبل
اذبل ما اذبل خلي يصير جنوني
بس كون احسين اليرجع نور عيوني
_

يرجع سالم مهيوب يرجع لابس هالثوب
خيطته بدمع أيوب يدري ما يدري
تطلع من روحي الروح وأشعر راسي مذبوح
من يبدي بيه النوح استصغر كُبري
ما يدري بيه اشصار بضلعي نابت بسمار
بابي حارگته النار وأيدي اعله ضهري

خل نگول ميت تالي
معقول ناسي احوالي
لاما أظن وانه الاعرف إثم أضنوني
بس كون احسين اليرجع نور عيوني
_

يا ملائكة اليل يا حبيبي جبريل
ماظل بعيوني حيل خبرني بحسين
اترس من دمعي الجود وگله گلبي موجود
بس گله يمته يعود بوسه بالعنين
اتنفس هالآيات احسيني اليله مات
جبريل شهالطعنات خبرني السهمين

مذبوح أشعر راسه
مجروح ابعباسه
عباسي ولا جعفرها او ارفض عوني
بس كون احسين اليرجع نور عيوني
_

ضيعت انه الإنسان ضيعت انه القرآن
وانطيت أربع شُبان الزينب حمايه
واحدهم كله إحساس واحدهم رفعت راس
والكافل العباس شايل الرايه
لو عدلين اوطيبين هم افديهم لحسين
اوتوگع منهم جفين قبل السبايه

اشتاگ أسمع يمه
وفراگ ابني اشتمه
ما انسه اولادي و گلهم لا ينسوني
بس كون احسين اليرجع نور عيوني

الشاعر محمد الظالمي
__

لولا رضاكَّ مَن أنا ياحسين
أَنْتَ الذي اوصلت أُمَ البنين
—————————-

أَرَأسُكَ أم مصحفٌ قد هوى
قد كُنْتَ وحياً ثانياً وانطوى
قَّدْ غالوا وجهَ اللهِ فِّي نينوى

قّدْ أٓيتموا الوحيّ بقطعِ الوتين
—————————-

ويلّ لكِّ ويلٌ لكِّ كربلاء
أَعارياً يبقى إِمامُ الحياء
حقاً بقى فوقَ الثرى في العراء

والشمرُ بالراسِ غَدَّى يستهين
—————————-

يا لحظةَ البدءِ ومسك ُ الختام
من غربتي اهدي اليك السلام
والقلبُ قَدْ شَاطَّ كنارِ الخِيَام

ومثليَّ لَمْ تُبككَ كلُّ عين
—————————-

خُطَّ عليكَ الموتُ خَطَّ المشيب
ووجهكَ القُرأنَ اضحى تريب
يُنَادي بالموتى ولا من مجيب

قُوموا إلَّيَّ ما بقى من معين
—————————-

لم يَّبْكِّ مثلي مرسلٌ او كليم
قد كُنتَ انتَ قبلتي والحطيم
من بعدكَ لايحلو حتى النعيم

بإِسمِكَ قَدْ جُنَّ قلبي الحزين
—————————-

لِّدمعِّيَّ قد لآنَّ حتى الحصى
ابكي على الطَّفِ وما قد جرى
ابكي على المطروحِ جنبَ اللوا

لهفي على يسارهِ واليمين

ابو علي
عبد الحسن القريشي

عاشكين والعشك خذانه
عاشكين ورتفع لوانه
******************
كون كل خادم يعالم يقتدي بأم البنين
لان بس هيه ولودها ذوله خدام الحسين
خادمه صارت لانها عدها بالخدمه يقين
يله يا خدام صاحت صيرو كلكم مخلصين
بكل حنين حضرت العزانه
عاشكين ورتفع لوانه
*************
هيبة الخدام هيه وعلمتنه المرجله
زرعة العباس بينه وخضرينه كربله
والله ما ينعد فضلها هالجليله الفاضله
جي تحب حسين الله انطاها هاي المنزله
والكلب ينبض بحنانه
عاشكين ورتفع لوانه
**************
كل محرم عدها خدمه وللخدامه تستعد
ما تثوب زاد جانت جانت اتثوب ولد
وصت العباس ابنها وعالكمر جانت تشد
لو كعدت اكبال اخيك صير يوليدي عبد
والحسين يسري ويدمانه
عاشكين ورتفع لوانه
************

رادت ام عباس النه تنطي بالخدمه درس
واليحب حسين كالت خير جفه ينترس
هوه شمس الله وضواها وما يحجبون الشمس
مو فقير الخدم لجله اغنه واحد بالعكس
بالعزاء الله وفقانه
عاشكين ورتفع لوانه
***********
خادمه ام عباس ندري ونعم من هالخادمه
سوت اعله حسين موكب سفرته بكد السمه
هذا ابسط شي يعالم للحسين اتقدمه
رادت بسجل الخدامه اتسجل اسمها فاطمه
وهالوفاء انضحي علمانه
عاشكين ورتفع لوانه
***************
باب من باب الحوائج صارت ام الاربعه
بيض العباس وجهي اتصيح فوك المشرعه
والله درب الجنه هيه ورحمة الله الواسعه
ونقسم اويانه عهدنه بدمنه راح انوقعه

صحنه حيل حبها جننانه
عاشكين ورتفع لوانه
**************
تمت
تحسين الخفاجي

يامن لأالله وسيله .. سيده وحره وجليله
نرفع بأسمچ دعاء
يارجاء لكل رجاء
يام لبنين
@@@
منعرف عالي مقامچ فاطمه يابت حزام
شمعة مايطفي سناها وتگشع غيوم الظلام
من نذرتي الروح كلها خالصه لوجه الامام
وانتي صرتي للبريه عالفرج قبله ومرام
...
ام لبنين الشريفه .. صرتي للزهره وصيفه
وبسمچ انادي السماء
يارجاء لكل رجاء
يام لبنين
@@@
انتي من سر المعالي والله كاتبلچ هدف
ياسعد كلمن ترجه وگاصد البابچ لهف
يلي دمعچ عالمصيبه جاريه لاما نشف
بالفخر صرتي حليلة حيدرة ارض النجف
...
انتي من باب المعالي .. جبتي للمولى غوالي
تربية عزم وفداء
يارجاء لكل رجاء
يام لبنين
@@@
الفاتحه سوره عظيمه وبيها اسرار وعجب
واليريد الحاجه تفرج حظه بالسوره انكتب
لو قريناها هديه لام ابوفاضل سبب
فورًا الحاجه قضاها ربنه وابليا تعب
...
لحاجتك صارن وصايه .. الفاتحه وام الوفايه
ينسمع بيها النداء
يارجاء لكل رجاء
يام لبنين
@@@
لوردت حاجه سريعه تنگضي ابخط الكتاب
اقره سبع امن المثاني واقره للطف المصاب
وعينك ابمدمع جريه واذكر الشيب ابخضاب
واذكر الفگدت بنيها اموسده ابحر التراب
...
هذا سر ام البنين .. عليها اقسم بالحسين
واقسم ابسفك الدماء
يارجاء لكل رجاء
يام لبنين
@@@
من طفوف الغاضريه عندچ العلم المبين
ادموعچ الغطت حياتچ كلها درس امن الحسين
منچ اتعلمنه نبچي اشلون عالطف الحزين
ونفتخر لمن نسلوف عن وفاء ام البنين
...
انتي اسستي المدامع .. من درس طف المصارع
وصرتي كلچ كربلاء
يارجاء لكل رجاء
يام لبنين
@@@
علي احمد الحمود
٢٦-١-٢٠٢١
وفاة أم البنين ع

يابشر دمعه اعله دمعـه…. اگصد الكربـــله وأنــعـــه

وصيح مابــين النـــاس….. مــاتــــــت أم العــباس

اگصد الكربله وانــعـــــه

★★★★★★★★★


يابشر طر گبرك وگوم اگصد الها

هايه أم عباس ماحظروها اهلها

ماتت ابغربــــــه ولا واحد حملها

وگـوم خل زينب تجـي وي الكفلها



يابشر حضر قصــيدة … وقره لحسين وعضيده

وصـيـح باخر أنفـــاس …. ماتـــت أم العـــــباس


اگصد الكربله وانعه

★★★★★★★★★


لا أهل حضروهــا لا حضــروا گــــرابـــــه

ماتـــت أم الاربعــــه ابذيــچ الخـرابــــه

هــايــه أم السَلبوا باالطـــف ثـــــيابـــــه

الهسه تصرخ اه يحسين ومـصـــابـــــه



قدمت بالطف نشامــــه…. وبچَت اعيون الحمامـــه

كلشي يصرخ بحساس…. ماتـــــت أم العــــباس

اگصد الكربله وانعه

★★★★★★★★★


مثل مارحت وصحت أ يـــم البنين

اليوم روح الكربله وحشم الميامين

صيح ياعباس وينك وين الحسين

بالغـــرب أمكم توفَــت أه يطيبين



يابوا فاضل أمشي ليها….. احسين الي يصلي عليهـا

الخاطر الصدره انــداس….. ماتــــت ام العــــــباس

اگصد الكربله وانعه

★★★★★★★★★


يابشر أم الگمــــر تستاهــــــــل اهواي

انطت العـــباس أبنــها نــــــذر للمــاي

والله لو ما ضل هدمها مامـش افـــياي

اكتبلي من شعرك قصيدة واقره ويــاي



أنـــه وانتــه ابهالمصيبه …. نقـــره زينــب ياغريبه

گومي الطمي اعله الراس…. ماتــت ام العـــــباس

اگصد الكربله وانعه

★★★★★★★★★


خَــل ابو فاضل يجي ويجيب تابوت

وگله شبعَت أمـــك ابنص الغرب موت

گبل مايرظه الهوه يـــم بــابها ايفوت

ودمع يوم الطف لَهسه ابخدها مَنحوت



النَزَل اعليهم كِـتبابـــه….. زحمــه أمهم باالخرابــــه


يبچي البنَحرَه انبــاس….. ماتــــت أم العــــــباس


اگصد الكربله وانعه

★★★★★★★★★



الهسه أم الأربعـه الدمعــــه ابجفنها

الشيباها حسين ماشيبهــــا ابنــــها

لأن عطر حسين باقي ابنص حضنها

ابكربله اتمــنـت لـــــون يصبح دفنها



اتگول بنفاس الأخيرة…… حسين خله بگلبي حيرة

مادرة ورد الــــياس….. ماتــت ام العــــــــــباس



اگصد الكربله وانعه

★★★★★★★★★





ـــــــــــــــــــــــــــــــــــــــــــــــــــــــ

ماجد حبيب الخيگاني

ونسألكم الدعاء

بدويه واسمي فاطمه… ولحســـين اظــلآ خَادمـــــه


أنــــه وبنــيـنـــــي … فـــــدوه لحسينـــــي

ولحســـين اظـــلآ خـــادمـــــــه

★★★★★★★★★


أنــــه الــذي الحــــيدر عــقــيل اختارهـا

وانـــه الــذي ورثتنــي فاطــــم دارهــــا

بــــــيه ر دت يــغفــــه جَــــرح بسمارهـا

وخيمــه تظـــــل أم الحَســــــن لزغــارهـا


بس الله راد ابهل أمر… ياخذها وبهذا العمر


عمري وسنيني ….. فدوه لحسيني



ولحسين اظلآ خادمه

★★★★★★★★★


حـــيدر خطبنـــــي وچنت حيل ازغــيرة

وصَليت وحســــين الطــلـــــــع باالخيرة

سولفـت عشگــــي ابـــين كــــل الديـــرة

وصحت احـــــب حســـــــين لا موغـيرة


كل هذا عشگي الأزَلي…. من قَبل ما أخـــذ علي


كل نظر عيني… فدوه لَحسيني


ولحسين اظلآ خادمه

★★★★★★★★★


ألف الحَمدلَـله وشكـــر عاالنعمه

اكبر شرف باالدنيا هـاي الخدمه

أني وبنيني انروح فدوه الأسمه

خادمتك أنـــه اقبلني يابو اليمه



أمك مشت للمگبرة…. وانـــه اجيت امحيرة


دمعي وأنيني…. فدوه لحسيني


ولحسين اظلآ خادمه

★★★★★★★★★


أم البنين انـــــي وصرتلــــي الوالي

عد اهلي چْنت وأنته شاغـل بـــالي

ماچْنت اعرفك گبل مـــدري اشمالي

يحسين غالي وألــك فــدوه الغالي



باچر اجيبلك گمـــر …. ويثوب الزينب نَــهَـــــر

ويگلها چَفيني….. فدوه لحسيني


ولحسين اظلآ خادمه

                             ★★★★★★★★★


قصة عشگ ويــــاك يحسين أبــــدي

وماتنتهي حَـــد مايجــيـــنه المهـدي

يحسين كونك باقي وحدك عــندي

ايروحولك فدوه هَلــي وكل ولـــدي


مجنونه بيك وهايمـه…. وخدمتك رَحمه من السمه


اكتاب ابيميني ….. فدوه لحسيني


ولحسين اظلآ خادمه

★★★★★★★★★


يحســــين يارحيانــــه من الهادي

الله ابخدمتك ححقالـــــي امرادي

باچــــــر أزف اعله المنايه أولادي

بس كون تقبَل عني فَــاطم غادي


ذوله الأبوهم باالنَجَف… يتگطعون اعله الشَرف


والمايجيني….. ….. فدوه لحسيني


ولحسين اظلآ خادمه

★★★★★★★★★


بيت المشت عنه ام حسن ظل هيمه

وعــــــيون زينب تبچي مثل الغيمه

انـتـــــي تــره من اليوم موش ايتيمه

أم البنــين انــــه وصــــرتلــچ خيمه


أم البنين اكبر وطن…. الكم صرت يخت الحسن


شوگي وحَنيني….. فدوه لحسيني


ولحسين اظلآ خادمه

★★★★★★★★★






ـــــــــــــــــــــــــــــــــــــــــــــــــــــــ

ماجد حبيب الخيگاني

ونسألكم الدعاء

كفيتي ،،، وفيتي ،، يم الگمر
ضحيتي ،، شنطيتي ،، يم النهر

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

يفاطم بت حزام
يلمخجله الكلام
حليلة يا أمام ؟
أم ليا سمى ؟

شنو اسرارج سماي ؟
بشر وچفوفه ماي
الهوى يصيحچ هواي
دخيلچ فاطمه

علم عالي ،، وطن غالي ،، سياده ومنزله
يباب الله ،، عليه صلى ،، كفيل العايله

تبقين أم الذب چفوفه
يا باب الحاجه المعروفه
والخايف ما دايم خوفه
يمچ يا جنه وموصوفه

بيهه ،، بيهه ،، لو ضاگت بس زامط بيهه

،،،،،،،،،،،،،،،،،،،،،،،،،،،،،،،،،،،،،،،،،،

ولد نعم الولد
القل هو والحمد
(غضب) (غيره) (أورد)
وطن حاظن وطن

ربى بحظنچ أمير
أله ما صح نظير
ذخر يوم العسير
أمين ومؤتمن

گمر چنه ،، شوصفنه ،، اذا الوالد علي
الوفه أمه ،، كتب دمه ،، فده لأبن الولي

ممنونه الشيعه من اولادچ
الله لهذا الموقف رادچ
ام الكافل ياهو الزادچ
بالطف موتچ وي ميلادچ

نيبه ،، نيبه ،، ظل تصرخ عباس النيبه

،،،،،،،،،،،،،،،،،،،،،،،،،،،،،،،،،،،،،،،،،،،

يمعنى المرجله
هلا والله هله
يلبوه أمعدله
يمصنع للزلم

معسكر للجهاد
درس غيره وعناد
شنو چفوفچ عتاد ؟
يچف المنتقم


وصل مايه ،، رفع رايه ،، على عناد العطش
كتب بيهه ،، شوفيهه ،، اسوي الطف نعش

محد يوصل والله الزودي
ما دام اذراعي اعله زنودي
دمعة زينب هيه حدودي
علماي العدوان أشهودي


وينه ،، وينه ،، شو لابد چا شطهم وينه

،،،،،،،،،،،،،،،،،،،،،،،،،،،،،،،،،،،،،،،،،،

وفى وطيبه ويقين
حياة أم البنين
هوى تشم الحسين
تموت الخاطره

تعرفه وتفتديه
ابنهه وحگهه بيه
اذا ماتت عليه
تنال الاخره


هوى الريه ،، يبدويه ،، يباب المغفره
تلگينه ،، بدمع جينه ،، تره نحبكم تره

يا باب الحاجه المگصوده
لو مية عگده اومعگوده
تنحل ما تبقه ومشهوده
يا راية غيره ومشدوده

غيره ،، غيره ،، من عدكم وتموت الغيره

،،،،،،،،،،،،،،،،،،،،،،،،،،،،،،،،،،،،،،،،،،،،،،،


نواليكم جميع
بلا العتره نضيع
فده الدم الصريع
فداء العيلته

فده چفوف الكفيل
يأم المستحيل
جبل غيره شيميل ؟
رسول بهيبته


الف شكرآ ،، على السهرن ،، على مصاب السهم
على عيونچ ،، ربه متونچ ،، علم شايل علم

تبقين انتي بوصفچ حيره
غيره وما جابت بس غيره
يلخيرچ ظل عايش خيره
ممنونة الكم هاي الديره

بينه ،، بينه ،، ظل عايش عباسچ بينه


كلمات خادم ام البنين
#رعد الفريجي
25/1/2021 الاثنين

ياأم البنين
******
يوليدي وينك مثـل يعگوب فرحني
اشتم قميصك يمن ذكراك تجرحني
اخذ اربع بنيني    ييوسف ردلي عيني
🍂🍂🍂
ييوسف دنيتي وينك يضي عين الزچيه
قميصك ابقه اشتمه انه ابكل مغربيه
فداء انطيت الك اربع ولد يابو رقيه
واضل افديك ماابخل بعد لو عندي ميه
ولدي اخــذهم نـــذر قــربان لضعوني
بس كون اشوفن ترد يحسين لعيوني
يروحي وكل سنيني    ييوسف ردلي عيني
🍂🍂🍂
انه الربيت الك ولدي واعلمهم خدمتك
نهر كل واحد اتشوفه اذا نادتهم اختك
أخذهم فدوه الك كلهم يبواسكينه أعله بختك
طلب واحد مثل يوسف ترد لي آنه ردتك
هم بيه تدري وعلى احوالي گالولك
بالطف شفتهم ذئاب البشر صـارولك
اصيح ابكل حنيني     ييوسف ردلي عيني
🍂🍂🍂
ييوسف اربع اولادي الك وديت للطف
دعش يسواله كل واحد غيور او وجهه مصحف
والك عباس من يوگف علي الكرار يوگف
وتضل اچفوفه تشهدله ابوفائه صعبه يوصف 
روحي اوي نحرك يبو اليمه يذبحوها
وامتوني ورمت لمن زينب يضربوها
وسبيه ماخذيني      ييوسف ردلي عيني
🍂🍂🍂
اجتي امن اليسر زينب ولا اعرف شكلها
قبل ما ينطق الساني الگلب عنك سألها
الچ فدوه أبوفاضل واخوته گمت اگلها
تشوف حسين ابو الاكبر عيوني كل املها
گامت تگلي ابواليمه انذبح نحره
ويم جسمه ضلت ييمه فاطمه الزهره
بده نوحي اونيني    ييوسف ردلي عيني
🍂🍂🍂
تخيلت الضعن يمشي وحيد ابدون كافل
احس ادموعي بعيوني جمر لهاب نازل
انه الوديت وياهم حمايه ابوفاضل
الضعن من راح بالهيبه ورجع بس روس شايل
اولادي فدوه وعليهم گلبي ياويله
وحسين اريده يردلي ويرجع ابحيله
المآسي تعتنيني      ييوسف ردلي عيني
🍂🍂🍂
ييمه گلي لو قصروا واذا بخلو عليكم
انه اموصيتهم ابهايه يموتون اعله اديكم
خصوصاً للگمر گتله عبد من يعتنيكم
ياأسيادي يصيحلكم چفوفه ينطي ليكم
هيّن مصابه وصعب والله مصابك
كل ولدي فدوه يبو اليمه الترابك
خدمتك اصل ديني        ييوسف ردلي عيني
🍂🍂🍂🍂🍂🍂🍂🍂🍂🍂
وليد المندلاوي

ولدي بهجرهم والله ما بچوني
بس اعله ابو اليمه عميت عيوني
حال اليتيمه حالي .. يمته يرد الغالي
****
احب حسين مو چي فاطمه امه
احبه چي هواي المغرب اشتمه
ذبحني بروحته وبگليبي ما سمه
اشتاگيت اشكثر لحچاية اليمه

خالي الدرب وبني اشكثر تنيته
چم مره اروحن وارجع انا البيته
ابابه الدمع حلالي .. يمته يرد الغالي
****
ما مضمون عمري وصرت اعدنه
تطلع روحي ابني اشما اذكرنه
نطيته الاربعه ونطاني بس ونه
اريدن شوفته وما رايده الجنه

ودعوني ولدي وما گلت ردولي
ودعت الحسين ونعش جابولي
والفاتحه قرالي .. يمته يرد الغالي
****
غريبه وچنه بيتي مو بعد بيتي
نبضي حسين كلشي وحتى عافيتي
الهوه من دونه ارفض يدخل بريتي
اناطر ودري بس الموت تاليتي

حسيني تاخر وانشد اشجراله
ايگلولي عد ناعي الطفوف احواله
ماجاوبو سؤالي يمته يرد الغالي
****
رحت للناعي والناعي خفه دموعه
ولكن شفته حط ايده عله ضلوعه
بده بولادي ينعه وروحه مفجوعه
عله الشاطي الگمر چفينه مگطوعه

عن ولدي ما گتله يناعي احچيلي
احچلي عالغالي المشه وهد حيلي
مدمع حمر بچالي .. يمته يرد الغالي
****
بده بسهم الغريب وبانت جروحه
طحت وادري اليريد ايگوله من نوحه
صاح حسين من ضلعه اطلعت روحه
ورگبته ابخنجر امن اگفاه مذبوحه

راس انگطع بس ما قنع چتاله
عشرة خيول اترضرضه وداله
بس الالم صفالي يمته يرد الغالي
****

الشاعر اياد الديراوي

يا حسين جفنــي يهمل مدمعــه
يا حسين اعذرني يبن الشافعـه
يا حسين قـــدمت بــس أربعــه
*
اسمحلي يبن الطاهره الزهره الزچيه
أرد اگـلك يبنــي انــه بهـــل المسيــه
اعــذرني يــاروح النبي وحگك عليه
قدمــت بـــس أربعـــه دونــــك هديه
يا حسين والله لو عشره الولـد
يا حسين فدوه الك كـونك تــرد
يا حسين گلبي يهتــف اسمعـه

*
چنــت الّــولــي للگمــر بعيونـي دمعـه
مِــن أذكر اسمــك يالولــد چفـه يـرفعـه
اسمـــك حسين الگمـر لمـن يسمعــــه
الغيـره تصعد يبني واگمـــاطه يگطعــه
يا حسين بمهده فارت غيرتـه
يا حسين بجفنه لاحـت دمعته
يا حسين بغيره گلبي مرضعه

*
يبني لجـلك ساهــرت طـــول اليـالـي
انه اهــزن بالگمــر وانته أعلى بالي
فدوه الك يرخص ييمه كل شي غالي
ومنْ أذكرك شمعه يبني يصـر حالي
يا حسين ساهــرت وانتـه الثمر
يا حسين حتى يــوفــون السهر
يا حسين بالجثث المـــوزعـــه

*

چنــت أوصيــه الگمـر والباري عالم
يبني يــا عبــاس اگله ودمعـي ساجم
هــذا ريحانــة محمد وأمـــه فـــاطـم
لا تگلــه حسين اخــويه أنــت خــادم
يا حسين خادمــك مـن المهد
يا حسين الك عبـاس أنوجـد
يا حسين وانته تعرف منبعه

*

شــرد اگــل الــزهره بـاچــر بالقيامـه
لـــون كلهم ولـــدي ردو بالســـلامـه
اشلون اشيلن راسي يمها ليا ضلامه
لــون مــا مّطيِه چفوف ومّطيِه هامه
يا حسين ادري أمـــك بالفخـــر
يا حسين تنشر چفــوف الگمـر
يا حسين الكــون كلـــه تفجعـه

*

اعتـــذر مـــن الزچيــه وارجــوا عـــذرك
وكون عمـري يروح فدوه لطاري عمرك
ريت خيـــل أهـــل الكفـر مــن بعد نحـرك
سحگت ابصدر الگمر موش أعلى صدرك
يا حسين بصدره أواسي الطاهره
يا حسين ضلـوع ابنـــي مكســره
يا حسين من وگـــع عالمشـرعه

*
الشاعر
موسى البديري

يابالفضل يمه انتظر
نزلني بيدك للگبر
تمنيت تحضرني هناك
وحسين اشوفنه وياك
يابالفضل :: يابالفضل

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

آخر نفس يابو الفضل هاي المنيه
ياهو اليغمض عيوني ويسبل بأديه
وحشه الممات ومحد اليبچي عليه
ولدي النشامى استشهدو بالغاضريه
ياهو اليشيل جنازتي
ياهو اليهون غربتي
تمنيت عباس الگاك
وحسين اشوفنه وياك
يابالفضل :: يابالفضل

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ردتك تغسلني بدمع من ضيم الطفوف
بس وسفه بعيونك سهم ما تگدر تشوف
محتاجه روحي لشوفتك مو عمري مخطوف
ردتك تشيل جنازتي وما عندك چفوف
ظليت اباوع بالسمى
احضرني يابن فاطمه
فدوه اليسار ويمناك
وحسين اشوفنه وياك
يابالفضل :: ،يابالفضل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

محتاجه تقرا الفاتحه وتهيل التراب
بيدك تنزلني الگبر مو چف الاغراب
تنزل دموعك علرمل يا اغلى الاحباب
وتصيح يمه اتيتمت وتشم الثياب
تحظني ساعه بهالحد
وتگلي يمچ ما ارد
يلصعبة اعيش بلياك
وحسين اشوفنه وياك
يابالفضل :: يابالفضل

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أگعد على تراب الگبر لو راحت الناس
خليني احس بونتك يلكلك احساس
منكر يجيني ولو سأل والله ارفع الراس
انا ام الحسين وبعد امك يعباس
فضلته حتى اعلى الهوى
يحسين يا اصل الضوى
عباس امك بحماك
وحسين اشوفنه وياك
يابالفضل :: يابالفضل

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ابني الگمر لا ما رجع وادريها متصير
لا هو غايب يوسفي ولا طايح ابير
ابني السيوف اتلگته وما يرجع بخير
هذا المهم ويا فاطمه ما عنده تقصير
كفى اوفى ابني الشهم
عباس يا شيخ الزلم
ارفع الراس بطرواك
وحسين اشوفنه وياك
يابالفضل :: يابالفضل

كلمات خادم ام البنين
رعد الفريجي