ميمر لمولاتي ام البنين 💔

فاطمه توصي العباس عن زينب العلويه
~~~~~~~~~
انه أمك وبأم الوفه سموني
بيت الطهر باعله الرتب خلوني
بيدك تكحل يمه كون اعيوني
بيدك تكحل هالعين من تكضي هالوصيه
~~~~~~~~~
اوصيتي زينب يمه لتفاركها
انطيها عمرك وبقه دوم بسدها
ماعدها غيرك يالكمر ماعدها

بت الزجيه الزهراء بجالك تضل محميه
~~~~~~~~~
جن ورده زينب يمه كلش ترفه
والورد لو شتكول يصعب وصفه
تحمل محنه وطيب جاه و عفه

أزكيها يبني بجفين وبعينك المدميه
~~~~~~~~~
طبعك وفِي عباس ادري بهايه
ومن كصتك فاض النهر ابمايه
ومنك ييمه انه اخذت احجايه

من كتلي زينب بحماي خففت جرح البيه
~~~~~~~~~
يايمه لو شنقدم احنه امقصرين
منوفي بيت الانتشر بيه الدين
يبني تضل خادم أريدك لحسين

شيكلك اتكله ايصير لو يطلب الماهيه
~~~~~~~~~~~
جاوبها عباس الكمر كله اتهون
لسبط النبي يايمه ترخص العيون
والزينب أفدي العمر لو مهمه يكون

يتنفذ وكلشي يصير لو طلبت البدويه
~~~~~~~~~~~
يايمه سهله أبشري واعتبري صار
الكافل انه التجدح اعيونه ابنار
ابنج يسمونه ببو راس الحار

اترفعينه راسج ليفوك من ينذكر طاريه

#سيد_محسن_الجابري

(((غريبه ام البنين)))




النعش شو ماله وادم ليش ياناس
غريبه ام البنين بغير عباس
واويلاه ...... واويلاه
^^^^^^^^^

غريبه ام الوفه على الوادم عفه
النعش هم بي دمع وينگط عاطفه

النعش مشتاگ مدري حسين مشتاگ
مدري ام البنين توزع افراگ

وين الاربعه وذيج الشبابات
شو خالي النعش بس الحمامات

واويلاه ..... واويلاه

^^^^^^^^^^^^^^^
غريبه وبالغرب عزيزه وبالترب
الدمع ينزل ملح اذا شامت يطب

اذا طاح الحمل والشامت يشوف
من تعصر جفوفك عصرةْ الخوف

اذا متنك هدل يم التوابيت
عزيزك يعني شايل كون ونيت

واويلاه ........ واويلاه

^^^^^^^^^^^
المواقف جارحه الصلا والفاتحه
على متون الزلم سوالف مالحه

على متون الزلم مشيوله الاركان
ونسمع بالنعش يوليدي عطشان

شو نسمع نحيب من النعش عال
ونسمع صوت تبجي تكول الاحبال

واويلاه ......... واويلاه

^^^^^^^^^^^^
الشمل ماينجمع مشه نبع النبع
على الحسره مشت وصبح كلشي دمع

ماتت على الباب وشابحه العين
ماتت على الوعد منتضره الحسين

حرام اعله الهجر بين اليحبون
ماسامع سوالف تبجي العيون

واويلاه ....... واويلاه

^^^^^^^^^^^^^
نعش بس بي همس حملْ صوط ورفس
حمل صبر الوكت وسموم من الشمس

الماعنده جرح مايدري بالصار
جرح ام البنين وصار تذكار

على طول الزمن عشتي بسكوتج
مثل الزهره هم الباب موتج

واويلاه ...... واويلاه




عبد زينب
محمد الابراهيمي

واويلي على أم عباس
..................
بلهفه أتعاين على الباب ..
قلبهه من المصايب ذاب ..
شافت جم جرح ومصاب ..
من يوم الكمر من غاب ..
هد حيل الجبل بالفاس ..
....................
قلبهه من الحزن مفجوع ..
عمر خلص قهر ودموع ..
شافت جم زند مكطوع ..
وراس على الرمح مرفوع ..
وتهل الدمع بأحساس ..
.................
ألف وسفه وألف ياحيف ..
مرّن جم شته وجم صيف ..
ماشافت علم لا سيف ..
ولاشافت وِلدهه بطيف ..
أهل الغيره والنوماس ..
.................
فدوه كل شهيد الطاح ..
ترسو كربله قداح ..
تعب أرباهه لا ماراح ..
روس أولادهه على أرماح ..
ظلت للوفه مقياس ..
..............
تسعر بالكلب حسرات ..
عالخد تنزل الدمعات ..
وصلت للسمه الشهكات ..
ودفنوهه بوسط شمات ..
عالم ناصبيه أرجاس ..
...............
محتاجه الوِلد هاليوم ..
غركانه بحزن وهموم ..
كل ساعه الكلب ملجوم ..
ظلمه بلا كمر ونجوم ..
ظلت بآخر الأنفاس ..
................
ألهه مابقت وليان ..
ظلت عالثره الشجعان ..
تتنطر كمر عدنان ..
لأمه ماحضر دفان ..
من شالت نعشهه الناس ..
...............
ظلت تنتظر للموت ..
وِلدهه تشيع التابوت ..
رادت بس ولد زاتوت ..
جن تسمع بذنهه الصوت ..
النشامه عالنعش حراس ..
................
ماتت والدمع نهرين ..
يجري عالكمر وحسين ..
تتلفت يسار يمين ..
ياهو يغمضلهه العين ..
موقفهه يشيب الراس ..
..................
حيدر مطر العبادي

ام البنين عليها السلام

حدّبت بمصابكم شيّبت بغيابكم
يا بنيني. يا بنيني
................

يالمشيتو وباقي بعيوني اثركم
ماكو رجعه گلبي ايّس من سفركم
رحتو عني وظلّت ابّالي صوركم
راسي شيّب من رجع ليّة خبركم

دم بچيت ابّابكم شيّبت بغيابكم
يا بنيني. يا بنيني
................

الوالده حگها عله ابنها تبچي وتنوح
يكتل فراگ البنين ويجرح الروح
شلون لو عالغبره سمعت عنه مذبوح
تبچي دم بمصيبته وتتنفّس جروح

سلني عطر ثيابكم. شيّبت بغيابكم
يا بنيني. يا بنيني
................

يا بنيني الاربعه الكم سلامي
عفيه ماقصّرتو وي تاجي وامامي
ارفعتو راسي فدوه نفّذتو كلامي
عليكم ابچي واكثر عله الطاح ضامي

اسوّه بيه صوابكم. شيّبت بغيابكم
يا بنيني. يا بنيني
................

من مصاب حسين يبقه مصابكم دون
صح جرحكم يچوي گلبي لكن يهون
حسين اعظم منكم ومن عندي تدرون
مصابه هد حيلي وفجعني وغيّر اللون

صاب گلبي الصابكم شيّبت بغيابكم
يا بنيني. يا بنيني
................

بمكم المفجوعه ماظل قوه لا حيل
اكثر عله حسين حگهه دمعتي تسيل
منهو منكم يابنيني داسته الخيل
وذر من جمسه الحوافر گامت تشيل

گاعده بعتابكم شيّبت بغيابكم
يا بنيني. يا بنيني
................

ثنعش طبره ابنحر ابوالسجاد طبروه
ويلي ريحانة مُحَمَّد ضامي ذبحوه
بالخيول الاعوجيّه شلون داسوه
برمح عالي گبال زينب راسه شالوه

تيتّمت احبابكم شيّبت بغيابكم
يا بنيني. يا بنيني
................

آنه امكم فاطمه المجروح گلبي
عگب ابواليمه اموت دعيت ربي
چني اسمع صوت يم عباس طلبي
صحت ريت حسين هذا اليوم قُربي

عارفه باسبابكم شيّبت بغيابكم
يا بنيني. يا بنيني
................

گبل لا تغمض عيوني لنّه يمي
حسين ابوالسجاد شفته وزال همي
گتله ياموت اخذ روحي صار حلمي
روح ابوالسجاد هاي تصيح بسمي

اندفن بترابكم شيّبت بغيابكم
يا بنيني. يا بنيني

#سيد_زيد_الفحام
_________________________________

#لشهادة مولاتي أم البنين عليها السلام - جديد

( *كليمةُ الزهراء* )
-----------------------------

ام البنين اشگد عظيمه
خليله للزهرا وكليمه
صلّت عليها ارض وسمه
ترضى الرضاها فاطمه
ام البنين اشگد عظيمه
@@@

( كليمةُ الزهراء ) من رب العلا انطاها العله
( من طورِ ) اقداس الوفه كلمة وفه متنزلّه
( يام البنين ) اوصيّتي ابعاشر محرم كربله
بَلْغي سلامي للگمر خدر اخته خل يتكفله

أدري وفّاي ابو فاضل
والنعم خدر اخته كافل
ابشيمة علي حامي الحمه
ترضى الرضاها فاطمه
@@@@

ام الوفى بيد الكرم خير الله جود اتوَزِعَه
والحنّت اعليه اورضت ام البنين الأربعه
ترضى عليه ( ام الحسن ) من رحمة الله الواسعه
يعني ابرضا الباري حظه كل الرضاها لو سعه

ياربي بلغنه رضاها
ولا ننحرم يارب دعاها
بيها ننال الغانمه
ترضى الرضاها فاطمه
@@@@

واگف على بابچ رجا وگفت امجدّي بالطلب
عندي عقيده تنفرج اشما ضاقت اعليّه الكُرَب
*من اذكر اسمچ تنبني باعيوني لچ حضره واگُبَب*
وارفع چفوفي بالدعا وابهالاسم الگه العجب

(يام البنين ) اسمچ وسيله
للباري بالحاجه اندعي له
والنعمه بيها دايمه
ترضى الرضاها فاطمه
@@@@
باب الزچيه اليقصدچ للروضه يوصل والحرم
رغم الظرف گبرچ حظن للمنكسر واللي انهظم
اسمچ *عزيزة فاطمه* يعني ابفخر *أُم النعم*
هنياله من اسمه انكتب في دفترچ من الخدم

يام الكرامات الجليّه
يافاضله وحرّه وعليّه
يالنلتي حسن الخاتمه
ترضى الرضاها فاطمه
@@@
الغربة علي كنتي الوطن بعد الزچيه ابوحدته
كفو الوصي ( يام الگُمر ) صنتي الامانه وذمته
واشما ذكر ( ام الحسن ) كفكفتي بالحب دمعته
وابمصحفه آية وفه نقرا ابعقيده آيته

ثابته بيچ العقيده
ملتجانه بالشديده
شانچ الباري امعظمه
ترضى الرضاها فاطمه
@@@@
ياهو اللي مثلچ بالوفه لمن سمعتي من بشر
مات الگمر عالمشرعه وباشبولچ ايعظم أجر
كلتي له فدوه السيدي بس لا تگلي هالأمر
مهجة ( الزهرا ) ابكربله ابسيفه گطع راسه الشمر

ولا تگول اعله العقيله
ركبوها اعله الهزيله
بالحسره اموت امألمه
ترضى الرضاها فاطمه

----------------------
ثامر بوجبارة الأحسائي
١١-٠٦-١٤٤٢هـ
٢٥-٠١-٢٠٢١م

بيچ ياأم الأربعه حاجاتي وانتي باب الله إلى ساداتي
يا وجيه بالحسين اعليچ ياام البنين

إنتي ياام الأربعه موصوفه
للشدايد والمحن معروفه
الخير عند باب العطوفه تشوفه
شجره من طيب الثمر مقطوفه
على بابچ سائلين اعليچ ياام البنين

كل محب يسچب الحزنچ مدمعه
يصيح يا ام عباس كلمن يسمعه
بالوفي ذاك إلي جنب المشرعه
حاجتي عندچ ياحره مودعه
بجاه مقطوع اليدين اعليچ ياأم البنين

إنتي يا ام الأربعه أم الشيم
بجاه أبو فاضل وجوده والعلم
بهامته اقسم وعينه إلبلسهم
بيچ ينزاح الحزن ويا الألم
جيت احلفچ بالحسين اعليچ ياام البين

عِنْدِنا ياام البنين اشقد طلب
والإجابه عند بابچ مو عجب
بالحجاب إلي من الحوراء إنسلب
إنتي من لحسين باب الله السبب
أسأل وأطلب معين اعليج ياام البنين

اعليچ ياام عباس مدمعنا ذروف
بالمصاب وحزن فقدچ بالطفوف
بجاه أبو فاضل وتقطيع الچفوف
مرتجي الحاجات ياام قلب العطوف
ياملاذ الطالبين اعليچ ياام البنين

بتضحيات الولد ومصاب إلجرا
بالعزيز حسين يانعم المرا
أسأل الله بالي حزوا منحره
وضل ثلاثتيام مري بالثرى
وقضا محزوز الوتين اعليچ ياأم البنين

والله مالومك على مصاب الشهيد
حسين وخوانه إذا حزنچ شديد
لونظرتي حسين محزوز الوريد
تحت حافر ينطحن جسمه ابحديد
بين أيدي الظالمين اعليچ ياام البنين

١٢ / ٦/ ١٤٤٢ هجري
ناصر الأحمد
طلب الرادود خادم الحسين
ابو هيثم العبد الله

#السلام_على_ام_البنين_الأربعه

.


غاب الگمر عني يا ليل المنيه
ياهو اليسبّلي چفين اديه

هاي اخر انفاس
وينك يعباس


*


حزني بالروح انتثر
وللفرح ما ظل اثر
غايبه اچفوف الگمر     ..    عني يا ليل

بالعُمر ما ظل بعد
اتوادعن روح وجسد
وانه أم ابلا ولد    ..   يسند الحيل

بهذا حالي اتوجهِت
آنه للطف وصحت
يبني ها يالباعدِت   ..  والدمع سيل

أرد احلفك بالرِبه
وخامس اصحاب العبه
گلبي بعدك عذّبه   ..    ومرمره الويل


هسه انه اريدك يغالي تجيني
ياهو بمماتي اليغمضلي عيني


يا روح الاحساس


*


آنه أم الأربعه
والجفون الدامعه
صفت روحي املوّعه  ..  بفگد الاحباب

هاي لحظات الأجل
گلبي بالموت انشِغَل
والعِگــَد بيهم أمل   ..    عنّه غيّاب

والگلب چانت اله
أُمنيه وليه شاغِله
للخذتهم كربله   ..    وذاك المصاب

باخر انفاس العُمُر
كل بنيني من احتضر
يمي يقرون الذِكر   ..   وقلب الِكتاب


من اسمع كتاب الله ابو الحمله اذكره
هوّه يفسّر علي وحيدر يفسره


للحكمه مقياس


*


عندي يا ليل الحزن
صوره عاشت بالجفن
للأعز ّ من الأبن   ..    قُرة العين

عيد احس موتي انعلن
وثوب الافراح الچِفَن
اعيوني باچر يلتقن    ..    ويه الحسين

آنه أُم ساقي الضمه
ضيفه باچر بالسمه
في ضيافة فاطمه   ..    شمعة الدين

نلتقي بدمع اليصب
للبواسل ننتحب
هناك مجلس ينّصب   ..   للميامين


من تنذكر كربله بدمع المصيبه
باچر يخضّب رسول الله شيبه


يا رفعة الراس


**


العمر بالحسره انفنه
والظَهَر ضيم انحنه
و عازة الأم للضنه   ..   باخر ايام

وانه عمري وسَلوِتي
غادرن وي ضنوِتي
ما بقت بس دمعتي  ..  تشرح ألآم

لجعفر اعيوني اتهلي
وعون بي غيرت علي
وبعد عبدالله ألي  ..   وحگي أنضام

اتلث شباب وبالألم
ضاعو بسيف وسهم
والگمر راعي العلم   ..   صورة اسلام


عباس التكفّل بخدر العقيده
ربيته للطف سند لحسين اريده


يا نخوة الناس

****

سعد هادي الشمري

بســـم الله.. گــوم الفـــاتحـــه اقـــرأها
وتوَّجـــه للجليله أبــدمعـــه وانخــاهـا
۩ ۩ ۩ ۩ ۩
اذا دنيــاك ضاگــت بــالعســــر والهـم
وليـــل النــايبــات أعليــك صــار اظلم
وإذا وكتــك عليـــك بكــل حــزن خيــّم
انخّــه أم البنيــن وشـــوف نخــواهــا

۩ ۩ ۩ ۩ ۩
أنخــه أم الـبنيــن ودمــعتــك هلـهــا
الصعبه أم الگمر ثق هيــه التحلـهـا
ربـــك كــرمــاهـا وعـــلا منـــزلهــا
البــاري لجل أبــو الأحـــرار عـلّاها
۩ ۩ ۩ ۩ ۩

عـــلاهــا بمحبتهــا لابـــو الأحـــرار
لان نذرتلــه بالطــف أربعــة أقمـــار
مثل ام البنين بهـل النسه مـــا صـار
إذا گلنــا الـــوفــه ينجـــاب ذكــراها
۩ ۩ ۩ ۩ ۩
صــارت للــوفـــه أم الگمـــر عنــوان
مثـــل البسمله لكل ســوره بــالقــرآن
معـروفــه جــزه الإحســان بالإحسـان
مــا رادت جـــزه بس يــرضه مولاها

۩ ۩ ۩ ۩ ۩
ما رادت جزه بس يرضه عنها حسين
مثل الطاهــره ام عبــاس يحصـل وين
ضحت أربعــه وتجــري دمــوع العيـن
لـــحسين الكـريمــه نــذرت أربــاهـــا

۩ ۩ ۩ ۩ ۩

أنطــت كــل ولــدها الحـره ام عبـاس
عنـوان الوفــه بس بيها ظل ينقــاس
رفــع ذكــراهــا ربنـا أبين كل النـاس
وبــاب أهـــل الحوائــج الله خـــلاهــا

۩ ۩ ۩ ۩ ۩

بـاب أهــل الحـوائــج وآنــــه دگيتـــه
وچــف الحاجــه الـچ يـا حـره مـديتـه
أبـــاب حسين دمعــي بحسـره هليتـه
لان ادري الجليلــه أهنـــاك الگــاهــا

۩ ۩ ۩ ۩ ۩
الشاعر
موسى البديري

(((آهات ام البنين)))




مااحمل هجر
اوگف وانتضر
يابعد العمر .........وسهري والربه

ورداتي أذبلن
جفوني وسومرن
بنياتي ومشن .........ياتعب الصبه

رايح .... رايح

*****

تريد تمشي... عمري جامابي طعم كونك تروح
يمه اخذني... يمه مستحيه اكلك كون اروح
عيني غيمه ...تبللت من الدمع ماترضا انوح
انت بلسم.... لومشيت شلون بيه ويالجروح

جرح الوالده
وجرح الفاگده
مامتعوده ....... ما احمل ترى

يبني وحالتي
شلون بدمعتي
وغربه ديرتي ..... عايفني بذره

رايح ..... رايح

****

بيه حسره ....يبني حتى النوگ هم تبچي عليه
فدوه اروحن .... يبني عبدالله انومنه اعله اديه
هاا يروحي ...ارد اروحن بالدرب أم الرقيه
يبني كلفه ... بيش أصبر روحي لو رحتو سويه

محنية ضلع
مابطل دمع
حالي بيا وضع ...... وحشه بغيبتك

اعثر وانتچي
وكل همي البچي
مافاد الحچي ...... فدوه الدمعتك

رايح ..... رايح

******

دمعي وشل .... والسوالف خلصتهن كون اموت
جرحي يبچي.... حتى صوتي يگلي لا ماعندي صوت
كلشي ضلمه .... وين اروحن عگب عينك وين افوت
يادمعتي ... الف يونس صار بيه ودنيا حوت

شايل ياوفه
اي والعاطفه
ما احمل جفه ..... ياروح الندى

عاين يالولد
چنك ماترد
ضعنك من صعد .... ويلي اعله السده

رايح ..... رايح
*****

احچي گوه ..... تطلع الچلمه تعال وانت رايح
امشي گوه .... بس جسد واكف بقيت وكلشي طايح
يمه خنگه .... الوادم تگلي دمعتچ بيها صالح
جمره بيه .... مثل نار الباب بيه ويانوايح

امشي وألتفت
عالباب وبتت
بفراگك متت ...... ترجعلي شبعد

اقرا الفاتحه
وروحي مجرحه
بليل البارحه ....... وتنطر وعد

رايح ...... رايح

***
بابي شيب .... والهوى يعاندني ويحركلي باب
وگلبي يطفر .... والحقيقه تنرسم بيه سراب
هسه يرجع ..... گمت اسولف وَحَدي ويه التراب
هسه نامو.... هسه كعدو للسبي وماكو الشباب

موتني العقل
ماشال الهزل
وجروح الحبل ..... وزينب حارسه

واتنفس جرح
واتلمس رمح
يجرحني الصبح ..... وجمر بكل مسه

رايح رايح





عبد زينب
محمد الإبراهيمي

ام البنين انطت درس للقيم
ابعفتهة للعباس سوت علم
وشلون دكت ساس ..وشطلعت عباس
#################################
لبوة عرب وشخلفت ضرغام يتبع ضرغام
لحسين سوتهم حزم والله ونعم بت حزام
ضمتهم اليوم العسر وشلون ضمت مضمام
شي حرس ضلت للخيم شي ضلت اتصد اسهام
اربع ولد ماخلفت للكبر
خلفتهم ايطفون عين الشمر
لحسين شتلت ياس..وشطلعت عباس
#################################
تحجيلهم جانت قصص حيدر شلون ايحارب
بالمعركة يسلب ركب بس سيف ابد ماسالب
وتكلهم بعازة بطل هاية المسيرة ايواكب
يمة الزلم ماتنعرف اله برفيف الشارب
جانت تسولف حيدرة ومعركة
حتى الشعور الحيدري تحركة
ماتحجي مثل الناس..وشطلعت عباس
#################################
وعباس من بين اخوتة متفردة ابتربيتة
من زغرة حماي الخدر والكافل امسميتة
اتسولفلة عالطف اشكثر متحمس امخليتة
ومن يلعب اتحطلة العلم ويهوس بساريتة
وتكلة يمة ابصوت عالي ارتجز
والموتة خلهة من ارتجازك تفز
ولتخلي سالم راس..وشطلعت عباس
#################################
كلتلة كدام اخوتك لتكبر اسمك زغر
كللهة خادم مو اخو كلتلة عيد وكرر
كللهة وارض المعركة كلتلة لم وطشر
كللهة هم اوكف حرس كلتلة بس متوزر
كلتلة عالخيمة اريدك حرس
وبالحومة يمك مايضل اي نفس
واتكّطع الانفاس..وشطلعت عباس
#################################
كلتلة عاين للكمر ياابالفضل هذا انتة
بالمعركة دورك ضوة من يحل دور السكتة
ماراح تعب اطلوكتك للحومة جبت الفلتة
شلتك على اجتافي اشكر بس راسي انتة الشلتة
الوالد علي وشلون خلف ولد
ومايطلع امن الاسد الا الاسد
ماخب بيك احساس..وشطلعت عباس
#################################
#ذوالفقار الزيدي

نزله
ندبه لباب الحوائج
السيده الجليله أم البنين عليها السلام
.......................
أذا عندك حوايج سولف أبديها
الليله أم البنين الحاجه تكظيها
.....................
1
الليله الصابره وم الكمر عباس
تتعنه المجالس معدن النوماس
لصحاب الحوايج حضرت كراس
واحد بعد واحد تملي أساميها
....................
2
أنخه أم البنين الطاهره الحره
حلفها أبعلي وبفاطمه الزهره
والمسموم جبده المنذبح نحره
خلصت حاجتك بالحال تلكيها
.....................
3
تحضر بالمجالس تسمع أقرايه
ودموع الحزن عالوجنه همايه
تلطم عالصدر وتصيح مولايه
أبكلبي النايبه أشتدت بلاويها
......................
4
كلمن عنده حاجه الطايح أبشده
والله أم الكمر عباس مترده
ما دام أبعبرته المجلس أيكصده
الطيبه أم البنين أهمومه تنهيها
......................
5
والمطبور راسه أبمسجد الكوفه
أعظم باكيه أعله حسين معروفه
اليقره الفاتحه ألها والله متعوفه
أله أو تنهي إله الشده اليعانيها
......................
6
جرب ويه نفسك كلها مولاتي
هاي أجفوفي أمدها يمنه يسراتي
أبحق ساقي العطاشى أنطيني حاجاتي
حاجاتك ترى بيدك تخليها
.....................
7
صد لرض البقيع أو سولف أوياها
والله أهموم قلبك كلها تنساها
هنياله الي هسه أيطوف مثواها
ولشيعة علي أزيارته يهديها
.....................
8
الليلة أم النوايب ذكرى نيبتها
بفراش المرض كل ونه ونتها
واحد من ولدها أبحين موتتها
حاضرها أو يسبل ترجه أياديها
....................
9
تنعه أو عالخدود أدموع هماله
هنياله الدفن بيده أمه هنياله
أو محنية ظهر  وبحسره جتاله
ماتت والجنازه أتريد أهاليها
....................
 خادم أهل البيت
الشاعر : أسماعيل الجوراني
الجمعه : 22/1/2021

نزله
لذكرى وفاة السيده الجليله الصابره أم البنين عليها السلام
.....................
أمك الليله يسبع الكنطره
أبخشبة التابوت جثه أمسمره
....................
1
يا كمر هاشم يبن فارس مضر
تنتظر منك خبر ما من خبر
ونت أو وناتها أتبجي الصخر
النوحها أتنوح الطيور الطايره
.....................
2
يا أهديب الغيره من عنها غبت
أسمك أعله ألسانها طول الوكت
زادها الحسبات من سبت السبت
يا تره تحضرها ما تحضر تره
.....................
3
أم بنين الأربعه الناس الغرب
نزلو جثمانها أبالحد الترب
( يمه ) محد صاح ودموعه تصب
لا ثغيب الكام وسط المكبره
......................
4
صوتها الخافت نده يبني الفحل
العجل ثم العجل ثم العجل
حتى ليكولون ما عدها أهل
بالمدينه اليوم متوفيه مره
.....................
5
الجايبه أحيود أربعه منها أو نعم
أبعين تربي الكربله تبجي أوتهم
ودها مره أحيودها لو بالحلم
حالها أيشوفون شنهو الدهوره
.....................
6
ماتت أو لا من ولد واحد حضر
أو طولها الزاكي حرامات أنطمر
يا كمر هاشم وصل لذنك خبر
طولها الزاكي يبجي منظره
......................
7
الجابت العباس أبن عقد الوله
من أهد ما راح عنها الكربله
أبمعضله أطيح أو تكوم أبمعضله
أو خلصت باقي السنين أمرمره
......................
8
أجودي أو بالجود ما مثلك يجد
أثنين أديك ابكربله الحد الزند
أنطيتهن لحسين هذا اليوم أعد
جودك أو طول أمك أدفن بالثره
.......................
9
أبخشبة التابوت أخف من الهوه
أيشيلها الجناز والداعي أنجوه
أبغيرة الله البيك شيال اللوه
الجليله أمك دفنها تحضره
......................
10
العوز يكتل حيل والمعتازه أبن
حكها ليل أنهار بالحسره تون
الفاكده أولاد أربعه أبرمشة جفن
صعبه واحد حالها يتصوره
.......................
خادم أهل البيت
الشاعر : أسماعيل الجوراني
الخميس : 21/1/2021

سؤال السيده ام البنين عن السيده رقيه عليهما السلام

*صاحت ام البنين زينب ارد اسالچ عن رقيه*
*ريحة احسين ارد اشمها منها يابنت الزچيه*

ماشفتها يالعقيله خبّريني بالله عنها
اليتم يعصب عليها واردن امسح من جفنها
ادري دمعتها جريه وهم بعد اهيى ابحزنها
*ادري مكسورة الخاطر وهيى في حاله شجيه*

واردن امسح آه بيدي راس هالطفله اليتيمه
ياوسافه بصغر سنها حزوا من عنده كريمه
بوها واخلافه ياويلي ضلت اهيى بالهضيمه
*والله مشتاقه اظمها وينها يالهاشميه*

اتلفتت اوردت عليها دخلونا بالخرابه
اوصارت الونه تجرها تقول اريدن عمه بابه
وراسه ذبوه ابحجرها وشافت اجبينه وصوابه
*وشبيته امخضبه ابدمه وصاحت ابعبره جريه*

وصارت اتقبله وتبچي وتلطم الهامه بعشرها
ومن كثر ونها اعلى بوها عافت الطفله دهرها
ماتت الطفله العزيزه اعليها عظمي لي اجرها
*ماتت ودفنت ابغربه هالعزيزه هالبنيه*

وصفقت الچفين صاحت والله ماجوره يزينب
قلبچ ابكمٍ فجيعه ابهدهر ويلي تصوّب
شاب شعرچ هم نحيله وقلبچ امن الهضم يلهب
*اورثتي امچ بالرزايا وبالصبر حامي الحميه*

تمت بحمد الله ومنه
1442/6/12 هــ

*لخادم اهل البيت عليهم السلام*
*الـمُـلا مـحـمـد ســامــي المرعي*

لقاء السيدة أم البنين بالسيدة زينب ع

*بالدمعه والحسرات يـا بــنـت الـزجـيـه*
*جـيتچ أعــزي بـالـجـرى واجـب عـلـيـه*

جـيـتــچ أعــزي بــالــجــرى ويـــاچ انــعـي
‏زينب مصاب حسين والله احنى لي ضلعي
لمـصـيـبـتـه طـول الـدهـر متجاري دمـعـي
*والله لـخــلــي الــنــوح دايــم للـمـنـيـه*

جــيـتـچ اعــزي بـالــذي مـحــزوز نـــحــره
ظـلـت رمـيـه جـثــتــه مــن فــوق غــبــره
ايــام عــاري ومـا احــد يـحـفـر لـه قــبــره
*وداست على صـدره وسـافـه الاعوجيه*

وانـچـان عـبـاس الـقــمــر بـالـجـود قـصـر
المـعـذره مـنــچ يـا بــنــت الـطـهـر حـيـدر
مـن هـالـوفى قـالـت بـعد نـعـمـيـن واكـثر
*حـاشـا الـگـمـر تـقـصـيـر والله یـاوفـيـه*

مــاقـصـــر الـعـبــاس حــمــاي الـظـعـيـنـه
جـاهـد يا يمه وقطعوا اشـمـالـه ويـمـيـنـه
مـفرود وحـده والـعــمــد صــوب جـبـيـنـه
*والسهم صاب اعـويـنـتـه بـالـغـاضـريـه*

راحـت الى ام البـنـيـن ضـمـتـهـا الصدرها
عـزتـهـا بـالـلـي ابـكـربـلا خـاض الـنـهـرها
بـخـوانـه كـلـهـم صــارت اتـعـظـم أجـرها
*صارت مناحه وفاجعه واعظم عزيه*

تمت بحمد لله ومنه
في 1440/6/9 هــ

*لخادم اهل البيت عليهم السلام*
*المُلا محمد سامي المرعي* الأحسائي

نخوّه لـ السيدة ام البنين عليها السلام

*بسفرتي كل الحوايج تنقضي*
‌‌ ‌ ‌ ‌ ‌ ‌ ‌ ‌ ‌ ‌»»»»»❂«««««

الله اعطانـي عـظـيـم الـمـنـزلـه
بخدمـة اولاد الوصي عقد الولا
وانـي الـمـعـروفه في كل الملا
*بسفرتي كل الحوايج تنقضي*
‌ ‌ ‌ ‌ ‌ ‌ ‌»»»»»❂«««««

اني ام لبنيـن غــوث الـمـبـتـلـي
اني افديت اربـعـه لمهجة علي
اني احـضـر كـلـمن اتوجـه الي
*بسفرتي كل الحوايج تنقضي*
‌ ‌ ‌ ‌ ‌ ‌ ‌»»»»»❂«««««

مـن تــنـدبــونــي انـي ام الـبـدور
الشفا تحصلـون مني يا حضور
عنـدي والله اتصير سهله هالامور
*بسفرتي كل الحوايج تنقضي*
‌ ‌ ‌ ‌ ‌ ‌ ‌»»»»»❂«««««

واللي يـنـدبـنـي لأن عـنــده اسير
باذن الله هـالـفـرج والله يصير
مـا يظل في سجنه اوفكره يحير
*بسفرتي كل الحوايج تنقضي*
‌ ‌ ‌ ‌ ‌ ‌ ‌»»»»»❂«««««

لو احد مـنـكـم بعد يطلب ضنا
بـاذن رب الـكـون يحصل للمنى
بجاه محسن والرضيع الما جنى
*بسفرتي كل الحوايج تنقضي*
‌ ‌ ‌ ‌ ‌ ‌ ‌»»»»»❂«««««

بـالـشـدد نـدبـونـي انـا ام البنين
كل قضايا اكشفها والله والحسين
وحق من قطعوا يساره واليمين
*بسفرتي كل الحوايج تنقضي*

‌ ‌ ‌ ‌ ‌ ‌ ‌»»»»»❂«««««
تمت بحمد الله ومنه
1441/5/12 هــ

*لخادم اهل البيت عليهم السلام*
*المُلا محمد سامي المرعي* الأحسائي

نخوّه بالسيدة أم البنين عليها السلام

*نخوه يـم عـباس يا أم الـبـنـيـن*

* * * 

بـالأمل يــم الـگـمـر جـينـه ضـيـوف
كـم سقيم العـدنه واللي مـا يشـوف
نـخـوه يـا مـولاتي مـديـنا الچـفوف
*بالـنـبـي الـمـختار وآله الطاهرين*

* * *

داخـلـيـن اعـليـچ بـحـسين الشـهـيد
وبــسـهـم دلالــه وبـگـطـع الـــوريــد
وجـثـتـه المرميه فـي حــر الصعـيد
*وخنصره المقطوع مولانا الحسين*

* * *

نـخـوه يــم عــبــاس يــم الأربــعــه
بــالـعـزيـز الــطـاح يـــم المـشـرعــه
والـذي جــفـيـنـه ويـلـي امـقـطـعـه
*بخو زينب بت علي ودم الجبين*

* * *

دخـيل باللي من صـغـرهـا امـرمـره
وعـالـجـمـل راحـة سـبـيـه اميـسره
ورثـت الـزهـره الزجـيـه ومـاجــرى
*وبالصبـر ورثـت أمير المؤمنين*

* * *

حـاجـه عـدنـا فاطمه وعـدنـا طلب
مـنـهـا مـولاتي القـلب كـلـش تـعب
كـم أسـير الـغـاب عـنـا وانـحجـب
*فـاطمه مـنـچ فرجهـم رايـدين*

* * * 

تمت بحمد الله ومنّه
في 1439/6/12 هــ

*لخادم اهل البيت عليهم السلام*
*المُلا محمد سامي المرعي* الأحسائي

( ميمر ) . رساله من ابي الفضل لامه ام البنين ع
…………………………………………………………… ..
صار القلم سهم العين … والجربه خط عليها .
هاي الرساله اخذ وياك.. . ياطير لمي انطيها .
***************************
مكـتوب اكـتـب والحـبـر مـن دمـي
مو خط يميني اكتبلج بخط سهمي
عـذريـني مـا غـمـضت عيـنج يـمي
لا شـلت نـعشـج لا مشـالـج جدمي
عذريني ما عندي جفوف… ع المشرعه مخليها .
_____________________________
كـل والـده تـريد الـولد يـحضرها
گـبل المـمات و يـجبـر بـخاطـرها
شلون احضر وعيني انذبح نظرها
لـحسيـن گـبلـج ما لـمـح بـصـرها
والسچه من غير عيون ... شلون اگدر انا امشيها .
____________________________
السـجـاد غـمضـلج الـعـين وصـلـه
ما بـيـن عـلـويـاتـه و بـنـص اهـلـه
احـسيـنج بـقه محـد تـعنـه يغسلـه
عـلرمح صـار الـراس مو ع الجبله
والخيل سوْوَت تشييع… . من داسـته بـرجلـيها .
______________________________
أحـجيـلـج و مـتأكـد تـعـذريـني
بالحرف طبقت اللي وصـيتيـني
بنص الشريعه والعطش يچـويني
هيهات اشـرب ماي گبل حسيني
وسكينه منتظره الجود… . من جفي انا اسگيها .
_______________________________
مو أنتِ بس زينب تره هم عتبت
نعشج على الهامات هاشم رفعت
بس يم يـزيد مدنـگه زينب طبت
بـنظرة عـتاب لـراسي لـمن صدت
تقبل يراعي النوماس… .. زينب شـمر يـحديها .
_____________________________
مـثلـج تـمنـيـت بـشلـيلـچ راسـي
مو ع الرمل ذاك الگـطعـلي انفاسي
ومن طحت من ع الفرس جان احساسي
امــي تـگـلي اسـم الله يا عـباسـي
ومو عـمد كـون اعـلراس… . ام البـنين ايـديـها .
__________________________
✍️ ( سيد خضر الزاملي )

#جديد مجلس عزاء
#أم #البنين 1442 هـ

#بدويه…

.
بدويـه ومـا تبـرد نـاري
لاخر عمري اطلب ثاري
ثار الزهره
تارك عبره
بروحي وما يغمد بتاري
لاخر عمري اطلب ثاري

ـــــــــــــــــ ❁ ❁ ❁ ـــــــــــــ

بمضاربنا سمعت أخبار
گالو عصرو البضعه
ورد الي هظمها اردود
ورّم خدها بالصفعه
رفسها واسقط المحسن
منعها ما تهل دمعه
ظهرها محني من سوطه
على چفها ترك طبعه
.
شبت نـار الثـار بـروحي
تتنطر ساعاته اجروحي
يعـد بيامي
نبضي الدامي
انعى وأذرف دمعي الجاري
لآخر عمـري اطلب ثاري

ـــــــــــــــــ ❁ ❁ ❁ ـــــــــــــ

شبيها الفاطمه بأسمي
وتمنـيت الجـره بيه
صلاتي صارت الدمعه
وغده تعقيبي لطميه
بسجودي عالضلع انعى
جرح تسبيحي يوميه
يرب وفقني للخدمة
دعيت بخالص النيه
.
مرت بيه اسنين امصابي
وانظر حيدر يطرق بابي
جايب نوحه
يهل بجروحه
يالبدويه أخذي اسراري
لاخر عمري اطلب ثاري

ـــــــــــــــــ ❁ ❁ ❁ ـــــــــــــ

بدار أم الحسن أدخل
آه بكل كتر أسمع
أنه وزينب تلاگينه
وعلى العتبه جره المدمع
تگلي الباب من اجذوع
على صدر أمي يتربع
بضلعها نبّت البسمار
نريد انطلعه مايطلع

زينب تنعى وگلبي ينادي
يــارب عجـلي بـأولادي
لغبرت بيني
تنطر عيني
ابذر برض الطف ابراري
لاخر عمري اطلب ثاري

ـــــــــــــــــ ❁ ❁ ❁ ـــــــــــــ

حمد لـ الله نولد عباس
نواعي بمهده گمت اقرا
أواسد خده يم الباب
يشم بعتبة الزهره
أضرب زنده بالبسمار
اعوّدنه على الطبره
لجل بطفوفه مايهتم
بگطع اليمنى واليسره.

دربت وليدي وعلمته
علطف دليته وفهمته
يرف بالوانه
يفدي خوانه
اذخـر للحــومه كـــراري
لاخر عمري اطلب ثاري

ـــــــــــــــــ ❁ ❁ ❁ ـــــــــــــ

وصيه أبّني وصيته
عطر الخوه يحفظ زين
اشد اعيونه بالمعصب
واكله اركض لخوك احسين
لأن عينك يطفوها
بسهم والدم يسدلك عين
ولازم ترجع الزينب
ترد عن خدها جمر البين
.
أختك يُمه تظل بحيره
من بعدك ياكل الغــيره
من يسبوها
أيهظموها
وتنادي افزع يامغواري
لاخر عمري اطلب ثاري

ـــــــــــــــــ ❁ ❁ ❁ ـــــــــــــ


الجوده خيطت جربه
يترسها ويظل عطشان
گتله حسين الك سيد
والك قبله وألك عنوان
بالك ينّهظم يُمه
ويذرف دمعة الاحزان
وبالك تيبس اشفافه
ويظل بيها العطش نيشان
.
علمـته يكــتم احــزانه
ويعلم عالخوه اخوانه
يبرز بيهم
ويدليــهم
شجعاني وبيهم اعصاري
لاخر عمري اطلب ثاري

ـــــــــــــــــ ❁ ❁ ❁ ـــــــــــــ

راحو للطفوف وراح
گلبي وياهم أمألم
بقيت بداري اتنطر
لن داخل ابن حذلم
اسمعه بالظليمه يصيح
عمري بصيحته أتهدم
يگلي ماتو أولادچ
بيهم گلبي مامهتم
.
گتلي حسيني يشم انفاسه
گلي الرمح يطوف براسه
بسحگ الحافر
ظـل مـتـناثر
وتگطع بالرمح الضاري
لاخر عمري اطلب ثاري

ـــــــــــــــــ ❁ ❁ ❁ ـــــــــــــ

آنه أم البنين وهاي
جذوه من جمر روحي
ملخص دمعتي الطاحت
تترجم لوعتي ونوحي
بنيني بكربله وفو
قطره بمنزف جروحي
وعيني تناطر المهدي
يرد ثارآت مذبوحي
.
نشمي ويدري بلوعة صبري
بكل مصباح يطوف بكبري
باشط سيفه
وياخذ حيفه
ويرد ثار الزهره الداري
لاخر عمري اطلب ثاري
.
ـــــــــــــــــ ❁ ❁ ❁ ـــــــــــــ

تمت بحمد ربي وعطاء اهل البيت

حسن الموالي الفاطمي

محرمة على منشدي الـ DJ

قصيده لمولاتي
ام البنين ع




من زمان من زمان انه متت   
حسين راح وراحه بعده ماشفت

هذا حال ام البنين
ميته بفراك الحسين

  
////////////////////////////////                                 

الدنيه ماتعني إله الفارك اعزناس
محلاته جان حسين بيه وجان عباس
العايش ابنص الورد شيسوي بلياس
لا ياس ظل ولاوردعطشان ونداس

ياحيات أبيت خالي أمن الولد  
كلشي مات من مشوماضن يرد
ميته كل هاي السنين

////////////////////////////////


لو  ادري بالون والدمع يرجعلي الراح
جااترس الدنيه دمع ميهمني لو طاح
كون ابحوافرانسحك. ونوبه برماح
ولااسمع ابصيحت بشرلمن اجه وصاح

كلي راح وكلشي أحسنه انتهه...
بالدروب  كمت اراقب كل جهه
بكل درب تلكالي عين


/////////////////////////////


اربع اعزازي لجن عندي حسين اعزهم
كلهم عله حسين وعله كلبه كلبهم
اتباهه بيهم ياعلينه اتباهه بيهم
أولادي رفعت رأس ماخيبو امهم

راسي فوك بوكفت اوليدي الكمر
وفه صاروونتشرصوب النهر
وبعداحس مطلوبه دين


//////////////////////////////


الوفه يعني تظحيه موجلمه تنكال
العين كلي اشتسوه لوحاجبه ينشال
الحال هاذه يرتوي من واقع الحال
الخوه معناهه وفه موطمع لومال

الوفاء لحسين كل معنه الوفاء
احنه كاع شتسوه كاع أبلا سماء
حسين كنزالله الثمين

////////////////////////////


الدنيه شتفيدالخذت مني غوالي
فزعه المصايب من اجن موبل توالي
لاحيدرولاولدي ظل البيت خالي
مثل الجنازه ابلااهل هاذه انه حالي

يومه ضيم العايش ابلايه أهل
ودنيته ايحسهه مابيه امل
عل مشوالله اليعين

/////////////////////////////


محلاته نعش الوالده تمشي الولدبي
وحيد ر علي حاظرردت يوكف يصلي
وكون ابوفاظل هم يجي ويشبع بجي اعلي
مجروح كلبي من رحت بس يمكم اشفي

أمنيات اليوم عندي اتحققت 
بل عزاز روحي ياناس التقت

بلعرش يحله الونين
هذا حال ام البنين


///////////////////////////

خادم ام البنين

سلام البهادلي

لسيدتي ام البنين عليها السلام

راح اموت وما اشم عطر الحبايب
اسمي ام عباس والعباس غايب
سافرو ريحة علي… وبعد ماضل كلشي الي
****
عيني ضلت تصد .. للمشه ومايرد
عندي اربع ولد .. بس عني غياب
تاكل شماتمر  .. صفنتي بالعمر
انتظر و انتظر .. وعيوني عالباب

ويبقه گلبي ايصيح بدموعه ونحيبه
هسه ابو فاضل امنين امه تجيبه
ولو هو السهم ماخذ منه العيون
حته بعيونه يشوف امه الغريبه

لو فرضنه بدفنتي عباس موجود
بيش يحفر گبري اذا مگطعوعه الزنود
حيره ابد ما تنجلي ..… وبعد ماضل كلشي الي
****
عشت عمري بحلم .. من الهوه اللّچم
وانه عندي اسم .. اسم ام البنين
تالي وكت الاجل.. يمشي عني الامل
كلشي عني رحل ..وامسو بعيدين
آنه هاي ام البنين اتصيحلي الناس
ليش منهم انحرم ويصوفر الياس
الجبير اعله امه يقراها العديله
ليش چا وكت الاجل ما هوّه عباس

ليش واشچم ليش يا حيرة سؤالي
بيتي خالي ونعشي من اولادي خالي
بالغرب ليش ابتلي ..… وبعد ماضل كلشي الي
****
دمعة الام جمر .. تسوي بالخد حفر
ثكله ما تستقر .. الفگدت ضناها
عجب من تحتضر .. بيها محد يمر
الچان الها ذخر .. شو ما اجاها

الچان يخدمني ويلبيلي الاريده
شلون يغفه وامه عن عينه بعيده
الگلي هاي الروح ما تغله الغلاتچ
ما يجيني والعذر مگطوعه ايده

ارد اگله يالوفه ارضعته بلبنها
الام بهل ساعه بس تحتاج ابنها
يا كخشتي والحلي … وبعد ماضل كلشي الي
****
بعد صار القدر .. وحلمي يم النهر
النجم والگمر .. شيردهم النوب
الرمح والسهم .. خله حيلي انهدم
گلبي يشبع الم.. من جيت الغروب

ان چان ما يرجع حبيبي وهاي هيه
عاد جيبولي عطر ينعش الريه
تراب بي دم الحسين ودم الاولاد
وبي رماد اخيام من الغاضريه

لا حنوط ولا چفن ماريد الاثنين
يكفي صم اتراب شايل عطر الحسين
حسين كل ريحة هلي … وبعد ماضل كلشي الي
****
الدنيا دارت بعد .. والطبيب ابتعد
شال عني الضمد.. وخلالي الجروح
بيه شوغه وجرح .. بكثر هم الرمح
بكل دقيقه انذبح .. وتسافر الروح

كمت اتنظر يجوني ويه الهوه الهاب
يا حسافه ارباي نامو جوه التراب
العشت عمري بخدمته يدري بيه
راح اموت وكل خبر يرجعلي ماجاب

الما تراجع گلبي لو ذره بخدمته
ارد اگله الموتاني افراگك انته
غاب عشگي الازلي … وبعد ماضل كلشي الي
****
هذا ابد مو عتب .. ولا جزع من تعب
ولا قنوط وسبب .. بي اشكي حالي
بس اوضح ردت .. آنه من كبرت
للزچيه انذرت .. غالي اعله غالي

گبل يوم الطف ردت يلفيني يومي
ولا المغرب دمعتي تبلل اهدومي
وعلي ما همني الولد من وذروهم
مصاب زينب والحسين اكبر اهمومي

ايموت كل لحضه اليفارگ اغله ناسه
شلون والمحبوب فوگ الرمح راسه
ومنه اضلم منزلي … وبعد ماضل كلشي الي
****
هشام الشيباني