((وجه الدلال))

لسان حال مولاتي زينب(صلوات الله عليها)
...........................................................
شنيم اخوي بترايب خلاني وحدي والد رقيه
بعيوني أدير لخيامي خيل الاجتني مجوية اديه
رجلي ترافة جبيرة رجليه ترجف يأشر عليه

اجت خيل وعيالي بنار تتشاهك
دخان اعتله وي ناري واتسابك
مامرة اطلعت هلمرة اطلع ليش
جدمي بنص زلم والخيل يتباوك

ويلي المخيم رجلي جواها
طاح ابو فاضل وطفا ضواها
الحومه دخنت صوت اعتلاها
بنياتي تصرخ اعله الدللاها

ضعني غريب مابي اخو
ضعني غريب مابي اخو
...........................................................
وجه الدلال بطلعته شافته وأدم تحلم تشوفه
اخت الهواشم ولوني يطك برقية كدامي اشوفه
نهر الفرات لكفيلي غلاها روحا وكططع جفوفه

ذبلان الشفاف وماردت كل ماي
ياماي الاشربه وأنه طاح الواي
بطيحت كافلي ماظل حجي واحجي
كعدي هنانه واكعد مايصح الراي

عين الشماته تصد لضعوني
عيني اعله خوتي بس مايجوني
اكعد واكومن صاحو غريبة
من الخيام لكوفة حدوني

ضعني غريب مابي اخو
ضعني غريب مابي اخو
.............................................................
جابو هزايل اعاين لجدامي ياهو يصعدهه حسره
لاظل اخوي الاجينه بسده طلعنه لضعونه يبره
كالولي يلا دصعدي غصبا عليه كلساعة صطره

سمعونه حجي واسمعنه قيل وقال
تحضرن للسبي مامش بعد كفال
أجر روحي واصدلك عالنهر مطروح
واكلك عاين بجفي اشبجت الحبال

انهض يخوية ورجع خيامي
مااريدن ابقى بلايه محامي
باجر اطبن والكوفة تشمت
تهضمني جلمة ها يخت الضامي

ضعني غريب مابي اخو
ضعني غريب مابي اخو
...........................................................
تبجي رقية بدربنه عمة تكلي الوالد اريده
اصببر عليهه بدمعتي ياعمة جيته ماهي بعيده
تسكت رقية تفزلي مرعوبة تصرخ ويلي حميده

كلهه إبناتي تصرخ والدي وين
حميدة تريد ابوها وهاي الحسين
شصيرن انه بلا كلبي شيصير
اصد اعله الرمح وامغوركا العين

اختك واحشمك انه العقيلة
كوم لبناتك ارد اغفا ليلة
من ركبونه لهساعه عيني
مالحظة غمضت فوك الهزيلة

ضعني غريب مابي اخو
ضعني غريب مابي اخو
..............................................................
دهري كتبلي اعيشه تاليته عمري مفارك حبيبه
ستر ودلال الهواشم من فيهم انه لنص المصيبه
اسمي الأميرة وتغير عكب الكفالة صار الغريبة

حايط جارنه ماصد الي حجايه
ماعرف النهار و ماعرف رايه
كلفة اعليه ديوان وتترسه حلوك
واحد گل للآخر هايه ما هايه

واحد يكلي بلايه عشيرة
ثاني يكلي هاااا يالاسيرة
ادنك واكولن فزعو يخوتي
وبكلبي اندب ي اخواني حيرة

ضعني غريب مابي اخو
ضعني غريب مابي اخو
..............................................................
#خادم الحسين محمد منير المياحي

خايفه تخليني وحدي بس دمع يبقى اعله خدي
البيتج يمه كومي ردي وحشه داري
****************************
يم كبر امي كعدنه انه واخواني سوه
وسولفت الهه اعله حالي وخدي بدموعي انجوه
كومي كتلهه ييمه البيت وحشه بلاظوه
وانه خمس اسنين عمري وحيلي من هسه خوه
يمه صرت انه يتيمه والدمع بعيوني غيمه
انحرم منج هظيمه وحشه داري
******************************
عادت اليفكد حبيبه يعيش بس بالذكريات
شنهي دنيه بلايه امي مااحس بيهه حيات
موفقط بس امي ماتت كل حنين الدنيه مات
ليش بس اصورهه ظلت بوسط بالي معلكات
اصفن ويسرح خيالي يمه وينج كل سؤالي
فدوه لبنيتج تعالي وحشه داري
*****************************
بعيني بسمار المنيه شفته كاسرله ظلع
وباب من اجذوع مبني على امي يندفع
بخدهه رحت وردت اشمهه شفت اثر صفعه وطبع
شمعة البيت امي جانت وانطفه ظي الشمع
بذمته الطيح جنينج وخله اثر سطره اعله عينج
يكسر الخاطر ونينج وحشه داري
******************************
شحال ابويه من يدفنج وبيده يحفر بالحد
يكلي امج هايزينب اليله راحت تبتعد
سورة الكوثر توفت بحظن بسملة الحمد
وانه اول مره اشوفن ورد ويودع ورد
حسين يدور ظل عليهه منالجفن مدتله اديهه
حظنته واسمع بجيهه وحشه داري
****************************
يمهه ارتاح امنسولف جنت كل مااختنك
امي سالوفت محنه امي تستاهل عشك
جانت بكل ليله تسهر حتى جفني ينطبك
هسه خلتنيي وحيده بنار فركاهه احترك
منلبيت اذا غابت امنه مانشم ريحة محنه
بغيبتهه ياهو اليلمنه وحشه داري
***************************
باخر ايام بعمرهه سولفتلي عن امر
وجنهه جابت طاري خيمه وسبي وسياط وخدر
اشرت امي اعله خدي مثلي كالت ينصطر
وباوعت لحسين اخويه يذبحه كالتلي شمر
منالكفه يننحز وريده اواحد يكطع خنصر ايده
بكربله انتي وحيده وحشه داري
********************************
تمت
محمد خضير الزيدي

استشهاد التابعي الجليل سعيد ابن جبير ع


ابو محمد يحيي الي يكصدون
مقبوله الزياره امن اليزورون
والصوت اعتله
هلابيكم هله
................

هله بزواري واحبابي اجوني ووصلو البابي
بكل خطوه اجر
اليمشي وتعبت اجدامه وشد الخدمتي احزامه
اوكفله ذخر
ياخذ مني حاجاته وامسح بيدي دمعاته
ويخلص كل عسر

ابو البيت اني واليتعنه خطار
مايرجع البيته وگلبه محتار
تهون المعضله
هلا بيكم هله
.................

موسيد امن الساده اليجيني ياخذ امراده
عبد صالح صرت
ربي بفطرتي عالم حجيت الحق على الضالم
وعلى الحق من متت
بحيدر علي ايماني وكلتهه اكبال عدواني
وغضب منهم شفت

عندي المرتضى واولاده وياي
احبهم واعله حبهم فدوه دنياي
تشهدلي المله
هلا بيكم هله
..................

ولهذا السبب اني الناس هواي تهواني
وبيوم الحزن
تخنكهم عليّ عبره ويتعنون للحضره
من كل المُدن
اليحضرني ويواسيني ويرفع جفه يدعيني
خله يطمئن

ماخلي ابد دمعاته بالعين
اقسم على الله بنحر الحسين
روحي بكربله
هلا بيكم هله
.................

خلي الماسمع يسمع الدعوه بصحني ماترجع
توصل للسمه
مقبول اني عد ربي صبح درب العدل دربي
وناصر فاطمه
ويله الي يعاديهه وببنهه مايواسيهه
وبكلبه الضمه

موحلوه البشر كل يوم فرحان
وحسين انذبح ياناس عطشان
ابن البسمله
هلا يكم هله
.................

الله ايعودهه اعليكم وبكل عام احييكم
زواري الفخر
هاي الجَمّعه محلاهه بيكم والله اتباهه
وگليبي ابتشر
خل ندعي بگلب هايم عجل ربي للقائم
المهدي المنتضر

سوه ندعي الفرج صاحب الثارات
يارب عجل امره بصدره حسرات
راحو كل هله
هلا بيكم هله


#محمد هادي العقابي

چايمته يفك بابه بعد سجنك
لا شيعتك ذيچ اشبعت من شوفك
ولا هسه شبعنه ازياره من صحنك

يشباچ امنيات الوادم الفقره
يحرمه من الهوه الله
الحرمنه مانشم عطره

شيريدون من بابك
الچنه ضحكة الزهره

بگلبنه اشچم صريفه الكم
بنيناها عله الفطره

يكاظم غيض كل مظلوم
وجواد بجود كل خير

اليطب ابيتكم مغتاض لو محتاج
لومهموم لو ميت ابوه يعدل
واتحسبونه مثل الجاي ومسير

شفرقهم هسه عن هارون
گطعو حته شوفتكم

المصبرنه بس شغله
وعلي لوما ضريح حسين
چا متنه اعله ريحتكم

يوجه العافيه بشباچكم جسته
الماكل من اديكم يعرف الگلته

حرگت گلبي لمن جيتكم مهموم
وباب اضريحكم مسدود شاهدته

#زيد عدنان الزيدي

موشح / لسعيد بن جُبير رضوان الله عليه

عن سعيد التابعي واسراره
اقره تاريخه وجميل اخباره
..........

نشأ عالفطره وترعرع عالأدب
بحبّه لهل البيت نال اعلا الرتب
الرفعه بالإيمان لا مو بالنسب
وبالعلم نوّر سعيد افكاره
...........

اتفقّه بدينه واخذ درس العلم
من علي السجاد وبدرسه انسجم
شاع صيته وانعرف مثل النجم
ينفع الناس بشعاع انواره
.............

يحچي بفضال النبي وآل النبي
لن سعيد يصيح حبهم مذهبي
لهالسبب قرر يقتله الناصبي
ارهق الحجاج زاد اوزاره
.............

وسفه للحجاج جابوه منچتف
يدري بالحجاج ظالم ما يعف
ماخضعله وبي ابد مامعترف
دم سعيد السال هدّم داره
...............

گطع راسه وماگطع حبل الوصل
ظل سعيــد بـآل طه متّصل
اسمه عن اسم الوصي ماينفصل
جار حيدر ، علي يسند جاره
...............

في سبيل الله ضحّه ونتصر
تخلّد اسمه ومرقده بطول الدهر
والسفك دمّه فنه واسمه اندثر
صاحب الحق دوم تبقه آثاره

#سيد_زيد_الفحام
_________________________

سعيد بن جُبير رضوان الله عليه

معروف بولائك. للعترة بوفائك
ضحّيت بدمائك. للحق ياسعيد
....................

يالربيت بحب نبينه وحب وصيه
وماعفت نهج الولايه الحيدريه
يا سعيد وكل احاديثك نقيه
حدّثت عن عترة الهادي الزكيه

شيعي بكل صفاتك. مهيوب بحياتك
منصور بوفاتك للحق ياسعيد
.................

من علي السجاد وخلاقه وصفاته
تعلّمت منه وصرت اوثق ثقاته
حدّثت عنّه ونلت مدحه ورضاته
عالم الكوفه ومعلّمها بحياته

من يوصل مقامك. علمك وبكلامك
تنقل عن امامك. للحق ياسعيد
........................

لهالسبب خافوك حكّام ال اميه
وصّو الحجاج يتولّه القضيه
ياسعيد يذبحك بسيف المنيه
لأن تابع للوصي حامي الحميه

ثابت بالمواقف. مصدر للمعارف
شيعي وماتخالف. للحق ياسعيد
....................

ظالم الحجاج حاربته ورفضته
ياسعيد مچتف گباله وفضحته
ماخفت من سيفه بايمانك كشفته
نصرك بدم نحرك الينزف ضمنّته

يالنلت الشهاده احرزت السعاده
ونطيت الافاده. للحق ياسعيد
....................

هذا گبرك كعبه وتزوره الملايين
ياسعيد وخالد شما مرّت سنين
نسأل الحجاج وينه القاتلك وين
لا قبر ظل عنده لا ظلّت عناوين

گبرك يبقه عالي. عند الشيعه غالي.
نحبك چي موالي. للحق ياسعيد

#سيد_زيد_الفحام
____________________________

مهما أطول الأيام باقــي بنتضارك
-----------------------------------
1= يامهدي - أعله وعدي - ياثالث عيوني
يقـــيني - وحنـــــــيني - بيـدك سلموني
شوفـــوني هواي وادم وأنه غــيرك ما أشوف
بروحي سالـــوفة غرامك أمنت ماعدي خوف
براحتك سافــــر أتأخر ماتغــــيرني الضروف
--------------------------------------------
عـــبدك يبن الأطهار ما خالف قرارك
مهما أطول الأيام باقـي بنتضارك
***************************
2= هوه أنته - ضوه أنته - يارب النعـمتي
أرســمك - وأشــــــمك - كالساع بلهفتي
عجل اللهم عجل مــــــــن أصلي هيج أكول
ياشمس ونتــفع بــــــيها أحب غيرك مو قبول
كل مسافـــر يــــرد الأهله وهلك ضلوع البتول
-------------------------------------------
خل يحركني الغياب هيه الجنه نارك
مهما أطول الأيام باقــي بنتضارك

3= أنعم الله - عله أمي - غــذتــني بغرامك
تـــــلولي - وتوصي - أمامك ثــــم أمامك
شرطت أعليه حليبي مـــــــــن أعوفنك حرام
وافقت كتلها أبشري خــــــــادمه أعليه السلام
مأزري مــــــــــــن يرد أشده وما أخا لفله كلام
---------------------------------------------
كلبي بكل الأوقات مانزل شعارك
مهما أطول الأيام بــاقي بنتضارك
**************************
4= بأمانـــــك - وحنانــــك - وخيرك عيشتني
أســـــيرك - فقــــــيرك - أشكرك دللـــتني
أهلي وولادي وحـــــياتي فدوه ألك كلنه نروح
هوه أنه شعدي غــــــيرك بدونك أيدي ما تلوح
أدري كــــــل هالدنيه ملكك من أعوفك وين أروح
-----------------------------------------------
ياسر الوجودات يالثار الله ثارك
مهما أطول الأيام باقي بنتضارك



5= يــبــشره - ويقـــــدره - أنته الحــب الأكبر
بضميري - اشوفــــــك - للزهره أنته كوثر
قـــادر أعله الدنــــيا كلها تفرهه فرت سبحتك
الله حط أسراره بــيدك مـــــــن شكرته بسجدتك
واليريد أيعرف ربه كــــــــــون يضمن صحبتك
-----------------------------------------------
دين الله يبو الدين مهيوب بفقارك
مهما أطول الأيام باقـــي بنتضارك
****************************
#الخادم عبد الجليل المالكي

،خادم الخدامݘ … والتراب اجدامݘ… من تجي أيامݘ
تلگين الاسود حاضر
هيأت ورقاتي… وكاتب اكتاباتي… وطينت شيباتي
وصرت لجلݘ شاعر
------------------------------------
انتي سلطان المشاعر وانتي سر الله الݘبير
فاطمة أول غنية وتلبس اثياب الفقير
لْـۆ متت وانة ابحفرتي منكر ايگل النكير
اتنحة ه̷̷َـَْـُذآ الجسد عوفة خادم الزهرة يصير

فاطمة من اتشوفة… لٱ تضن اتعوفة… خل نبوس اݘفوفة
ݘي لطمن ابكل عاشر
-------------------------------------
فاطمة انكترهة لآزٍمٍ م̷ـــِْن نجي انعد النساء
لأن مو أنسية فاطم لوحة م̷ـــِْن رب السماء
ليش كلما اذكر اسمݘ عيني تغرك بالبكاء
علڬ لْـۆ تنطيني رايد خيط م̷ـــِْن ذاك الكساء

ابكل عزة تلگيني… الخدمتݘ وفقيني… نضرتݘ تكفيني
حتة أنة مااضل حاير
------------------------------------
بأسمݘ ايسبح گلبنة وية دگات النبض
مستحب كلشي ابعزائݘ مايهمني اليعترض
فاطمة ݘنݘ صلاتي حبݘ امن الله فرض
باجر ويالمهدي كلنة لجل ثارݘ ننتفض

اشكبر حظة الخادم… وي أمامة القائم… يطلب ابدم فاطم
خل يشفة كسر الخاطر
-------------------------------------
ابدولة المهدي العظيمة خادمݘ يصبح أمير
مجلس انسوي بحظورة واليرد حمزة الزغير
انشوف ياسين الرميثي ابدولة القائم وزير
وكاظم المنظور بيهة ع الشعر خلاه سفير

ذول اصل تربيتي… بيهم ارفع صيتي… والمجالس بيتي
وابقة الطم ابدم فاير
-------------------------------------
تستمر هاي الشعائر وابد منعوف اللطم
لحد ما يذبل جلدنة وننذبح م̷ـــِْن الهظم
نكسر الضلع الزجية اضلوع يومية وعضم
ننفطم عن كلشي بس م̷ـــِْن اللطم ما ننفطم

لحد گطع انفاسي… القامة تطبر راسي… عايش ويحساسي
واحلم اجيلج زاير
---------------------------------------
الجرح ما يلتم وحگج الة نبنيلج صحن
نبني كل خطوة منارة ونبني مرقد للضعن
تجتمع كل الحناجر الحاضرة وية المضن
اتصير تلة الزينبية منبر الملا وطن

شگد احب حنيتة… بيضة كلش نيتة… م̷ـــِْن يرد لطميتة
هستوني احسن صاير
------------------------------------------
كَلَّمَـےـاتِـ الخادم ★ حسين حمدان الدلفي
تمت بنضرة م̷ـــِْن مولاتي الزهراء ع

فاطميات

بنضرة وفقيني
الخدمة احسيني
يافاطمة... يافاطمة
..............

بسمج .. كل هاي النعم
صرتي .. أم بس للخدم
وحيدر أبونة

وبخدمتج خل تنكظي أسنيني
بمأتم أموت ودمعتي أبعيني
ولكبري بيدج من تشيعيني
للجنة اروحن أخدم احسيني

دمعتي بعيني
الخدمة احسيني
يافاطمة...يافاطمة
.......................

أنتي .. سلطانة عرش
بكلبي .. أسمج ينقش
عاشك حروفة

هية الخدامة أحلى أيامي
أتمنى اخدمج حتى بأحلامي
روحية بيهة خدمة الضامي
مولاتي انتي وأبنج أيمامي

هاية تكفيني
الخدمة احسيني
يافاطمة... يافاطمة
...................

يمج ... أملاك السمة
تعشك ... تخدم فاطمة
الخدمة عبادة

مريم تخدمج هاجر وسارة
بيج الله خلة موضع أسرارة
الكلمن يخدمج هاي البشارة
ميعذبة ربنا ولا يطب نارة

دنيتي وديني
الخدمة احسيني
يافاطمة... يافاطمة
...... .............

كبرج .. باجر مو عجب
المهدي .. يبنيه من ذهب
نمشي ونزورج

مثل أربعين حسين ألج نسعي
امشي بطريقج بس انة ودمعي
لجل الضلع اكسر الج ضلعي
يم بابج اكعد ألطم وأنعي

بحزني حزميني
الخدمة احسيني
يافاطمة.. يافاطمة
....................

نمشي .. لجلج مو شهر
حزنج ... خطيناه دهر
انكتبت عبارة

خطينة الج هذا الحزن دايم
لحد ما يجينة بثارج القائم
اليعشك يظل طول العمر هايم
وتسجل اسمي خادم الفاطم

أنتي ربيني
الخدمة احسيني
يافاطمة... يافاطمة
.............................
تمت
الحمدلله
كلمات الخادم... حسين حمدان الدلفي

فاطمه وعلي    اخر مســـيه اتوادعو
فاطمه وعلي    بدمع النواضر سولفو
ام الحسن راح اتشيل
يتفارگـــــــون بهالليل
-----------------------------
ليله   صعبه  بيهه     عاشو مثل الميتين
واحد يبچي الثاني   محد شالاها العين

عشرت سمة اويه الغيم   يتبادلـــــون الضيم
ياعلي وين اتهيم

لمن يحل وجه الصبح
بهمك يحـــيدر تنذبح
وبگلبك ايخضر جرح
ترا
الدافنهه انتــه بالگلب
تدفنهه بيــدك بالترب
وترد مثل ردت غرب
ترا
ليلة امن الحزن    بيهه العشت محني البدن
ليلة امن الحزن    ام بيتك اگبــــــــالك تون
حيلك برد يابو الحيل
تتفارگــــــون بهالليل
----------------------------
چنهه   العشره   الحلوه    راح اتهون ابچلـمات
الله     ايعينك    حيدر     گلبك بضلوعك مات

لاگلبــــك الينطيك  لا دمعك ايكفيك 
لاحيلك ايمشيك

عينك يحيـــــــدر ساهره
وبالزهره ضــــلت حايره
تاخذهه ليـــــش المگبره
غفلّ
هيه بكتر وانـــــته ابكتر
وبسرعه ضل وكتك يمر
چن بين اعليــــك الفجر
غفلّ
حيف اعله الزمن    من خله دمــعاتك تهل
حيف اعله الزمن    عالزهره مد يده النذل
ليش الوكت بيك ايعيل
تتفارگون بهـــــــــالليل
_________
دنيا    وصارت   خنگه    وانتم مو مال افراگ
گاعد   يمهه     وهــيه    واحد للثــاني اشتاگ

يالمابچـــــيت بيوم   صعبت عليك اليوم
تتوچه يلاّ اتگــــوم

يالعشتو بالدنيـــــــــا سوه
اثنينكم ريـــــــــــــه وهوه
صارتلك ابدربـــــــك ضوه
عجب
شلون الخبر لمــــــن وصلّ
وبالزهره شفت الي حصلّ
بيك الجــــــدم يمكن ثكّل
عجب
لميت الـــــزعل     وبسكته تمسح دمعتك
لميت الـــــزعل     بس الوصيه كضــــتك
بهالموقف اتشوف الويل
تتفارگون بهــــــــــالليل
------------------------------------
باچر      غربه     اخلافچ    حته البيت ابلا بيت
جرحچ   يشفه    ردتـــه     واشگد يمــچ تانيت

كلما تـــــون احتار    ويون عليهه الدار
شمسوي يالبسمار

والمنكسر مــــــــنه ضلع
كلما تحركــــــــه ينوجع
هيه المثلهه تــــــــندفع؟
وسف
تشهگ رماد مــــن الجرا
حرگو گلبها وحيــــــدرا
يم بابه نار امـــــــوجرا
وسف
كلفه امصيبتك      والاكلف علــــيك الهضم
كلفه امصيبتك      وشتحمل وگلي اشتضم
من هل الحمل گمت اتميل
تتفاركون بهــــــــــــــالليل
----------------------------------
گالت      غمض    عيني     بيدك خليني ارتاح
ضلعي   وفرگة    وجهك   ترسن دلالي اجراح

اثمنطعش يـــــــاروح     عمري وگضيته ابنوح
شيهود المـــــــجروح

هاي اخر احچـــــــايه الي
وامسح دموعـــــك ياهلي
غسلني بـــــــــيدك ياعلي
بعد
شد حيلك ولـــــف الچفن
ولاتضهر اعليـــــك الحزن
لو زينب اعليــــــــه تحن
بعد
اتحزم بالصـــبر      واكتم يحيــــدر هالامر
اتحزم بالصـــبر      ضيع علـى الناس الگبر
يكثر علـــيك التأويل
تتفارگون بهــــــالليل

خادم القصيده
#شاكر الصيمري

استشهاد الزهراء ع

ياقالع الباب انكسر بابك عليك
تموت الوديعه ياعجب حيدر بديك
شگد شايل بگلبك صبر لم الحسن تحفر گبر
حيدر بديك
1
يا علي سنينك طويله اويه الحرايب
اي صلب گلبك اعرفه بالنوايب
چن اشوفك ياعلي احضنت الترايب
شگد عزيزه فاطمه وهل ليله ذايب

عِشرة عمركم تخلص وما بيها صوت
يعني وعد واحد عله الثاني يموت
شلك يحيدر بالعمر لم الحسن تحفر گبر
حيدر بديك
2
الليله مو ذاك علي التسطر خزرته
ما يلوگ الانحناء اعليك انته
يا علي لابد كسر فاطم سمعته
وكلشي بيك انهد لمن دمها نظرته

روحك شفتها اتناثرت ويه الدمع
وكل دمعه تنزل يا علي تلچم ضلع
ونته رغم هذا الكسر لم الحسن تحفر گبر
حيدر بديك
3
سيفك الخرّس زلم هل ليله سكته
هل الوصيه اشگد عظيمه وما شهرته
لم حطب عالباب طاغي ونته شفته
اي وإن هل چلمه صعبه وما ذبحته

يدري بوصيه اتچتفت ذاك اللعين
الهذا السبب راح وعصر ام الحُسين
بعصرتها انته تنعصر لم الحسن تحفر گبر
حيدر بديك
4
ساعد الله گلبك وجمرة لهيبه
شخلت بروحك يحيدر هل مصيبه
برجله ذاك الرفس بابك مو عجيبه
العجيبه من سطر عين الحبيبه

عن محسن الطاح بعتبتك ما نگول
شلون اصبرت گلي وضرب عين البتول
شلون الحبيبه تنسطر لم الحسن تحفر گبر
حيدر بديك
5
بل مدامع فاطمه من غسلتها
حتماً اوياها سنينك چفنتها
ومن رحت تالي الليالي ودفنتها
شنهي اخر چلمه يا حيدر گلتها

شلون الحبيب يفارگ الغالي ويروح
وياخذ سنينه ويبقى تالي بلايه روح
ماكو جواب اشتنتظر لم الحسن تحفر گبر
حيدر بديك
6
چنه بالدفنه انشغل بالك يكرار
الحگ الزينب تنوح بعتبة الدار
بالعجل اخفي يحيدر كل الاثار
بعده مصبوغ بدمه الزهراء بسمار

روح اقلع البسمار يا حيدر عجل
بكثر البچي زينب تره اتشوف الاجل
هذا الوضع ما يستقر لم الحسن تحفر گبر
حيدر بديك
****

#الشاعر اياد الديراوي

ابخدمتي وي صلاتي احقق امنياتي
في خدمة الحسين في خدمة الحسين
&&&&
أذن للصـلاة او محـلـه هـالاذان
نازل من علا القدره من الرحمن
حيا اعله الصلاة وحيا عالايمان
صدح هالصوت ملاهه الدنيه والاكوان
أعيشـه بكـل حياتي احقق امنياتي
في خدمة الحسين في خدمة الحسين
&&&&
وأذن للجهـاد الاكـبر أنفســــنه
ضد روح الهوى ومتريده من عدنه
مانمشـي ابهـواهـا لـو تـمتـعنـه
ظمن شـرط الفقه لازم مسـيرتنــه
هذي من صفاتي احقق امنياتي
في خدمة الحسين في خدمة الحسين
&&&&
أول هـالعقيـده ابعـالـم التـكـوين
وابقـه ملـتزم آنـه أباصول الـدين
أظل انه أعققد حتماً ببو الحسنين
ويـوفقني خادم حضرتك يحسين
لحد ساعة مماتي احقق امنياتي
في خدمة الحسين في خدمة الحسين
&&&&
خـادم للحسين آنـه أظـل للدوم
ولاابقه طريد وتايـه أو محـروم
حبه اكسـيرغـذانه فقـه وعلوم
وعبرته المرحمه لمن بدت لليوم
بيهه كل نجـاتي احقق امنياتي
في خدمة الحسين في خدمة الحسين
&&&&
وامشي بـالمجالس وابقه أحييهـه
ومـن اسمع وطن يقـره ابمراثيهـه
لـو حمزه الـزغــيرهـو ينعيــهـه
وبـاسم دوم هـو ينـحب أعليهـــه
الهـم تضحـياتي احقق امنياتي
في خدمة الحسين في خدمة الحسين
&&&&
ومن اسمع شعـركاظم ابن منظـور
اسمعهه القصيـده وانه بي مجبـور
بي طعم وحلاوه وبي حزن مذكور
اميراعله الشعرشعره يظل منشور
يحچي النايباتي احقق امنياتي
في خدمة الحسين في خدمة الحسين
&&&&
ويريت يصيرموتي ابموكبك مولاي
واعاين امك الزهره تجـي ويـــاي
وابوك المرتضى حاضرالي بحماي
ومـن ايـدك ترويني بلذيذ المــــاي
تحضرنـي ابممـاتي احقق امنياتي
في خدمة الحسين في خدمة الحسين
&&&&
نسالكم الدعاء
خادم الحسين ع
الحاج ابو إياد البيجاوي

شهل علاقه ياسعيد أنته وعلي من تســولف تـكـشخ بحــب الولي
والله صحــــبه شكــد تحــــبه
------------------------------
1= ياصحيب المايخون بصاحبه ياسعــيد وحــيدر أسمــك كاتــبه
هالطلب هاليله مــــنك طالبه أنطيني من كاس الولاء الشاربه
كطره وحده ياسعـــيد هديلي
مثلك أتجـــنــــن أريد أبليلي
-------------------------------------------------------
يانهر للشـــوك يالــمايك عـذب الله سبحانه غـــفرلك كل ذنب
مــــاشي دربه شكــــــد تحبه
****************************************************
2= بدفـــتر الزهراء أسمك ذاكره بكعـبة العـــشاك روحك ماطره
أستاذك الكرار وأنته الخاطره تعــوف نفسك لو طلع ماذاكره
يلي ماكو أحساس مثل حساسك
ياسعــــــيد وطيــــب الله أنفاسك
------------------------------------------
أنته تـتـنفس علي عفته الهوه علي صار جروحك وحيدر دوه
تهــــوه كربه شكــــد تحبه


3= يالمضيفــك سفــــرته ممدوده أمشربك العباس من مي جوده
جـيـــنه زوار أبــيارغ سوده يابو وكفات التضل مشهوده
أنـــريد حاجات الخلك تكضيها
أعليك زينب ســيدي نمشيها
-------------------------------------------
أنته المجرب عطاء جفــــوفه شـــيخ والوادم تحب معروفه
مـــــــــا نجربه شكد تحـــــبه
************************************************
4= حلوه كبتك ياسعــيد وشامخه لأن مبــنـــيه بغــرامك صامخه
جلمة الضدوك كلش ما صخه أنته الأول يبوالجلمه الراسخه
أنته لــــيل أو عاليات نجومه
رسم حيدر ما تضيع علـومه
----------------------------------
ماترد أيده الوكف يم بابك فــــدوه أروح أنه وهلي الترابك
أدخلــــت كلبه شكد تحـــــــبه





5= أعليك ضلع الطاهره المضلومه والرضا وأخت الرضا المعصومه
المبتـلي بالهم تـــزيح همومه أيعـــود و البسمه عليه مرسومـه
يالكريـــــــــــــم المايرد وفاده
كون كل زاير أيحـــصل مراده
--------------------------------------
أتـــقـــبل الأعـــمال من الزارتــك وصيح مأجـــــورين من أمنارتك
الطـاع ربه شكد تحـــــبه
***************************************************
خادم العتره عبد الجليل المالكي

أي وحگ الرب السمه
أنا شيعي فاطمه
معتقد ثابت أگول
منكسر ضلع البتول
@@@
انا شيعي واعتقادي ثابت ابحق المحن
ماتغيرني الدواهي ولايغيرني الزمن
النكر ضلع الزچيه رايه ممزوج ابفتن
مايهمني اشما يشكك عالجره لام الحسن
...
بين تاريخ او شرع
معتقد عندي الضلع
شلّي بالينكر خجول
منكسر ضلع البتول
@@@
بالتفاصيل الإجتنه يبان ليل امن الفجر
دار مهجومه احرگوها ومتن والخد والصدر
والي يرفض هالقضيه شعنده يم الله عذر
لا تضنون ابتنازل احنه باچر ننتصر
...
بهالقضيه چم دليل
ماتت ودمها يسيل
والجرح لا ما يزول
منكسر ضلع البتول
@@@
ظلت اتنوح الليالي عالنبوه وعالضلع
وترى مسمار الي طگها من صدرها منشلع
الحزينه بعد ابوها اشگد گلبها منفجع
اتسلّي لمصيبه ابمصيبه والدمع يمسح دمع
...
من مصيبه لي مصاب
فگد ابوها والحجاب
وإيد عالزهره تطول
منكسر ضلع البتول
@@@
بالجزل والنار لمن هالأجه اعليها كبس
لاذت الزهره ابسترها وحسره هالباب انرفس
من أثر هالهجمه تالي يا ألف حيف او وسف
حسره يتألم صدرها لو حچت لو بالنفس
...
يحرك الكسر الونين
ويلتضي جرح الجنين
من اثر عصر الجهول
منكسر ضلع البتول
@@@
الكتب تروي الروايه أتگول هالبيت انهجم
والتفاصيل المريره واضحه ابرغم القدم
ترى مو سهله الزچيه چم ضلع عدها انهشم

ومو سهل ياناس خدها ابصفعة الطاغي انلطم
...
والقرط يروي الأثر
بقوة الصفعه انتثر
شلت اليد التطول
منكسر ضلع البتول
@@@
غمضت للعين وسفه بعد علّه فاطمه
ومددوها ابطن حفره بليلة چانت مظلمه
ساعد المضروب يشهد ازرگ امن الهاجمه
امتون والخد وضناها والضلوع امهشمه
...
اقره تاريخ الجرح
انطگت ابچعب الرمح
وحتى بغمود النصول
منكسر ضلع البتول
@@@
مصيبة الباب البدايه وبيها باب ألكل مصاب
بليل اظلم شيعوها او وسدوها عالتراب
نسأل العالم يعالم اكشوف هاي الضباب
ليش مخفيه ابگبرها وماتت الزهره شباب
...
تموت ما إلها ضريح
ولا عجوزه وتستريح
ماتت بنيت الرسول
منكسر ضلع البتول
@@@
علي احمد الحمود
١١-١١-٢٠٢٠
شهادة الزهراء ع

وجهی اسود و الگبر ظلمه و مخیف
و اگطعت یاسي من احبابي و هلي

اتركت دنياي و كل ذاك الدلال
ايقنت گبري تحوّل منزلي

ارتعب جسمي و شفت نكره و نكير
خيطت لي الساني هيبة سائلي

من هو ربّك من نبيّك ما الجواب؟
ما كتابك ؟ قبلتك بيّنها لي

ما هو دین و مذهبک ليش السكوت
من أمامك يا هو متّخذه ولي

ادموعي بعيوني و شفت حان الهلاك
سوط من جنس الجمر چن یعتلي

رفعوا اسواط الغضب صوبي و رأيت
گبري راح ابنار عمري ينملي

صرت احس انفاس لحدي بس عذاب
راح أي لحظه ابذنوبي انصلي

لا صلا مقبوله عندي و لا زكات
اشما دعاني ابليس چنت اضحک بلي

لحظه چن شفت السکوت ابگبري صاح
بسمة الله ابگبري طفّت محملي

راجعت نفسي و شفت چفّي فقير
يا عمل خلّصني من نار الجلي ؟

جالي صوت من الگبر نام ابأمان
انت جسمک کل عرج یصرخ علي

كلمات الأقل ناصر البوعبيد

قصيدة رئيسية بحق الزهراء عن الامام علي عليهما السلام


حسرتي عليچ چبــيرة حسرتي عليچ
حسرتي كون الاخيرة حسرتي عليچ
انتي روحي ومهجتي ظلمة بعدچ دنيتي
------------------------------------------------------
حسرة كلش مؤلمة چنت اصد لفاطمة
تخفي اللآلام
اسمع آه بكل نفــس تــلچم بيها احــــــس
ليلي ما انام
عاشت ابأصعب وضع من اثر كسر الضلع
ابأخر ايام
عني شالت بالعجل بسرعة وافاها الاجل
وصارت احلام
عمري وياچ دفنته عمري وياچ
ليلي بعدچ سهرته عمري وياچ
صعبة صارت حالتي ظلمة بعدچ دنيتي
------------------------------------------------
لفاطمة حزني دهر وكَلبي بالفركَة انفطر
وتدمع العين
وياچ كل لحظة عمر وماكو لفراكَچ صبر
يم الحسين
يم حسن كلبي انكسر ودمعي طوفان انفجر
بخدي نهرين
الحسرة بالحسرة تجر يعصرن بروحي عصر
لا ترحلين
رحتي لاوين يزهـــــرة رحتي لاوين
حيدر عليچ شيصبرة رحتي لاوين
تجري لجلچ دمعتي ظلمة بعدچ دنيتي
----------------------------------------------------------
اكَعد وابچي واحن ويمي اولادچ تون
دمعي سچاب
اصبح وامسي بدمع واذكر مصاب الضلع
وعصرة الباب
امسح بدم الطــــــــفل المحسن وعيني تهل
من المصاب
سمعي زينب تنتحب والحسن دامي الكَلب
حسينچ انصاب
ادمه العيون غيابچ ادمه العيون
آه يا لوعــــــة مصابچ ادمه العيون
وياچ ماتت فرحتي ظلمة بعدچ دنيتي
-----------------------------------------------------------
كون يرجعلي الامــــــر يمچ احفرلي كبر
وانسه الهموم
يا حزن فكَدچ صعب لو ردت دارچ اطب
وشفت الهدوم
روحي بعدچ تحتضر وطيفچ كَبالي يمر
ابالي مرسوم
ذكرياتچ كــــل كتــــــــــــر وبعدچ اشمرة الصبر
وكَلبي مالوم
فكَد الاحباب هظمني فكَد الاحباب
بأم حسن من فجعنـي فكَد الاحباب
ريت يمــــــــــچ دفنتــــــي ظلمة بعدچ دنيتي
------------------------------------------------
موتــــــچ بكَلبــــي جــــــــرح يلي مثلچ مايصح
بعدچ انسان
يم حسن روحي بسجن بابة حسرات وحزن
وهمي سجان
سافــــــر وياچ الفـــــــــــــرح دمعي يازهرة انفضح
للخلكَ بــــــــان
آنه عنــــــــــــوان الصــــــــبر بالمصايب من تمــــــــر
وكل الاحزان
اجزع عليچ يبــــــــــــــظعة اجزع عليچ
عني بُعدچ شيــــــجرعة اجزع عليچ
دوم اسمعچ ونتي ظلمة بعدچ دنيتي
------------------------------------------------
مصيبتچ ما تنسه انتي ياخير النسه
عايشة وياي
خلف فراكَچ الــــــــم بكَلبي وآهات وندم
وضايع دواي
شكَد تمنيت الممات انتي چنتيلي حياة
ماتصح هاي
خذتي يادنيا الخليل عفتي دمعاتي تسيل
آه يدنياي
البُعد طال علية البُعد طال
يوم الفراكَ منية البُعد طال
عني راحت جنتي ظلمة بعدچ دنيتي
------------------------------------------------

أسالكم الدعاء رائد الاسدي

قصيدة بحق الزهراء عن الامام علي عليهما السلام



يالروحي تهواچ ما اكَدر انساچ
بهم وقهر عفـتيني وياج اخذتي سنيني
--------------------------------------------------
وية نعشچ احلى ايام العمر خـــــذتيها
حسرة ودموع وبواچي بالكَلـب عفتيها
يالزچية صعبة حالي فركتـــچ تاذيها
روحي مجوعة ابغيابچ والحزن غاطيها
ما تنشف العين لخير النساوين
دم بُعدچ ايبچـيني وياچ اخذتي سنيني
--------------------------------------------
يالعفتي وسط الـــــــــروح آه اونة
بنعشچ مشة الدفــــــــان وابعد عنة
شكَد چنت احـــــسب واحلم واتمنة
ومن رحتي يالزهرة كَطعت الظنة
اخذيني وياچ يعذبني فركَاچ
من رحتي ما خذتيني وياچ اخذتي سنيني
--------------------------------------------
اتمنى موتي ولا اشوف الفركَـــــــة
ابالي تعيش وياچ اخر شبــــــــــــكَة
وتاكل ابروحي من مشيتي الــحركَة
مثلچ حنيـــــنة بالبـــــشر ويــن الكَة
ما ابطل النوح لو تطلع الروح
فراكَچ صعب ياذيني وياچ اخذتي سنيني
_______________________
ايهزني الحنين ودمعي يجرح خدي
بس ذكريات ويـــــــاچ ظلت عندي
من اتذكر العشرة الـــــمواجع تبدي
تمر الليالي وانة انوح لــــــــوحدي
ما اكَدر انساه العمر الكَظيناه
هنا چنتي اتحاچيني وياچ اخذتي سنيني
-----------------------------------------------
منچ فلا شبعت عيــوني وشلتي
كلش قليلة ايام عشـــنة ورحتي
تبقى تعيش ايامــــــچ ابذاكرتي
مدري شيريد وياي ظالم وكتي
من صابچ الباب لب الكَلب صاب
والسطرة صابت عيني وياچ اخذتي سنيني
--------------------------------------------------
فراكَ النحبهم بينة يــــزرع حســـرة
وصعبة الليالي اتمر علينة وكَـــشرة
شيصبرة دلالي خــلص كل صـــبرة
وياچ اخذتي الــــروح ها يالـــزهرة
يجرحني الغياب وفراكَ الاحباب
بحلامي بس مريني وياچ اخذتي سنيني
------------------------------------------------

أسألكم الدعاء رائد الاسدي

قصيدة بحق الزهراء


ﮔبر أمك لو تعلي اسوارة...
كلها مشاية تجي زوارة…
________________
كَوم يامهدي بعد ما ظل صبر.
انملئت الدنيا ظلم جور وكفر.
لدولة العدل الالهي ننتظر.
كَوم خلي الخانتك محتارة
________________
اطلب بثار النبي والة الاباة.
يبو صالح حطم عروش الطغاة
وعيد للاسلام من ثاني الحياة.
ورجع لبيت النبوة انوارة
__________________
للبقيع اكَصد وابني المكَبرة.
تلكَة بيه اكَبور غطاها الثرة
الكَبة توصل كون كَبر الطاهرة
وانشر بكل الارض اخبارة
________________
صيح ياهالناس من چبد السمة
هذا كَبر امي الزچية فاطمة.
ايحيي بالزوار ليه القادمة
فتح البيبان لم خطارة
__________________
يلة شيلوا اعلامكم شدوا الرحال
نصبوا اخيام المواكب عالرمال
جنة الله اتصير ماتقبل سؤال
ولا تهابون الدرب واخطارة
___________________
للكَبر زوار نتعنة زحف.
بالسواد وفوكَنة الراية ترف.
احنة شيعة بالمواقف ننعرف.
كل مواكبنة تجي هدارة
__________________
بالصحن تلكَانة كل جمعة نزور.
احنة مطلوبين نوفي الها نذور.
نطوف شباچ الزجية ابلا شعور.
فاز من حب الظريح وزارة
__________________
بينة شوك سنين لديار الغرب
نار جانت تاكل بكلب المحب
نقبل الشباچ ما تشفى الكَلب.
شيطفي من كَلب اليحبكم نارة
_________________

أسالكم الدعاء رائد الاسدي

قصيدة بحق الزهراء عليها السلام


من بعد الغوالي بس الهم صفالي
ياباب الحزن ادميــــت العيــــون
خذت احباب كَلبي وما يردون
------------------------------------------------
يم كَلب الحنــــــين هواي حنيت
يا زهرة وعــــطرها تارس البيت
تكَظي ايام عمري وياچ ظنيت
اتنفس حزن وهمــــــــــــوم ظليت
انه ام المصايب فاركَت الحبايب
ما ابطل ونيني ودمع الجفــــون
خذت احباب كَلبي وما يردون
------------------------------------------------
متعودة اعلى طولچ ساكن العين
ظل خالي المچان البي تكَعديــــن
كل رمشت جفن نزلن دمعتــــــــــين
وحشة البيت ردي يــــــم الحــسين
البيت اظلم علينة ماهية الحنينة
دلالي بغــــــيابچ دوم محــــــــزون
خذت احباب كَلبي وما يردون
------------------------------------------------
وسط البال رسمچ عايش احلام
بعد اشلون اشوفچ عيني متنام
صوبني بدليلي هجــــــــرچ اسهام
يالبلبـــــــــيت رحمه خلافــــچ ايتام
ايتيم الماهي امة الدنيا عليه ظلمة
شيــــعوض حنانچ واصبر شلون
خذت احباب كَلبي وما يردون
------------------------------------------------
اذا صار العــــصر ويصــــير الغروب
يكسر بالخــــــــــواطر يكــــسر كَلوب
وي صواب ظلعچ كَلبي مصيوب
وياكَلـبي ندى من حركَتة ايذوب
عني بساع شلتي مخنوكَة بعبرتي
الدمعة اعلى خدي وشاحبة اللون
خذت احباب كَلبــــــــي وما يردون
------------------------------------------------
ملاني الصــبر من فركَه الاحباب
كل لحـظة ومصابچ يرسم الباب
اعاتب بالدهر شيــــــــــفيد العتاب
وطولچ يالحنينة حــــــدر التراب
ما انساه رسمچ بالبسمار دمچ
بكَليبي الحزن والنوح مسجون
خذت احباب كَلبي وما يردون
------------------------------------------------
وي فتــــــحت الباب اتفز الجروح
اسمع صوت آخ يصــيح مبحوح
صواب امي العزيزة يمرد الروح
حدر الباب اخيي ايلوج مذبوح
حزنچ ما نسيتة وسط الروح بيتة
يالبعدچ حياتي عــبرة وشجون
خذت احباب كَلبي وما يردون


أسالكم الدعاء رائد الاسدي

عيون الحبيب تسولف الحبيبه
ومنين تبدي فاطمه المصيبه
عن محسنه شجاوبه. ومنين تبدي النايبه
والله حيره. والله حيره
________
ماتنضم سوالف العين أعله العين
فاطم تدير الوجه عن حيدر وين
لوبا وعتله يهضمه لون الجفنين
تتخفه عنه عن حسن عن حسين
ابيا وكت تتختل وماتحجي لمن نسأل
تنطي كفاهه بياوكت مومن عوايده امي

تغطي الوجه بشيله ليشوفوهه
حيره شتجاوبهم اذا سالوهه
الشيله ليش متربه. ومنين تبدي النايبه
والله حيره. والله حيره
_
دقق ابويه بامي شاهد صوره
خدودهه ابجف الرجس مصطوره
وشافاهه خلف الباب من معصوره
وضلوع شاف مرضرضه ومكسوره
عذبوهه شته التعذيب الطفل لوشاف ايشيب
بس اسم امي باقيه ماباقي كلشي منه

الصار بالزهره يشيب الرضعان
منين ميصدلهه يلكه نييشان
والنار بيهه مجلبه. ومنين تبدي النايبه
والله حيره. والله حيره__________________________________
النارمن كل كتر تركت نيشان
وبكل مجان اثار جف للعدوان
ودم امي ياهالناس مالي الحيطان
بالحايط او بالباب وبكل مجان
كلشي تغير بيهه يمنه وندور عليهه
كلشي ابجسمهه بي اثر ام حلوت الملامح

اني وابويه والحسن ويه حسين
نمسح دماهه اوبالبجي مخنوكين
ورده وعمره بالصبه ومنين تبدي النايبه
والله حيره. والله حيره
____
عل ااطفل الزغيرون كلفه العصرات
الجذوع كل أضلاع اخوي مهشمات
مو بس عصر متروس اخويه جويات
بحضان امي مالحك ليله ايبات
مابات ليله بسدهه اومارضع من عدهه
ابلا كماط ولامهد والباب فطمة عمره

بل عتبه طاح وفاركته انفاسه
وتعجبت من شفت شيب براسه
ثكل المصيبه شيبه. ومنين تبدي النايبه
والله حيره. والله حيره

يمصاب امي الماحدث مثله مصاب
حرمه ورجيجه شلون تتحمل باب
كالتلي زينب يمه ضلعي منصاب
عصروني ومامش الحكي طلاب
راح انطرانه المهدي اخر ولد من ولدي
انطي الشيله وعصبتي وهوه الي ياخذ حكي

ولمن يجي ابسيفه يأخذ ثاري
يشعل شمع واورود يترس داري
والباب دنكت مذنبه. ومنين تبدي النايبه
والله حيره. والله حيره
_
الى خادم الامام الحسين ع
ضرغام منعم الكربلائي

.