صلوات صلوات… واعله الهادي صلوات
*
جينا على الميعاد.. وانقدم الانشاد ..لجلك نبينا
زاهي يظل نجمك.. يامرحبا ابرسمك.. بيك اهتدينا
يا قرة الناظر.. ابصوت الولا انجاهر.. والبهجه بينا
بالمحفل المعقود ..اعلينه ابحنانك جود..واعطف علينا

فدوه إلك كل العمر
يابو الميامين الطهر
منك تعلمنا الصبر
والكل كسر انته جبر

مسرات مسرات.. دايم نهدي مسرات
*
ياطاها نترجاك.. خلنا ابحفظ عيناك..نمشي ونواصل
رغم اليعادونك ..نبگه اعله مضمونك ..ابكل المسائل
ابحبك گطعنا ادروب..وابأسمك احنا انذوب..في هالمحافل
اوشما تمر اسنين.. بسمك نظل كل حين.. يابو البواسل

واشما يمر بينا الزمن
بينا تظل يالمؤتن
ميهمنا اتباع الوثن
حبك يظل اكبر وطن

كرامات كرامات.. منك تمر كرامات
*
ليك الگلب مشروح. يا اغله من الروح.. واغله الحبايب
يالهادي لو شفناك.. بالفرحه نتلگاك.. يابو الاطايب
نستقبلك بشعار ..اوننثر عليك ازهار.. اونهدي كواكب
لاخر نفس نفديك.. وابكل امر نرضيك.. يالهادي واجب

كلنا ننادي ياهلا
انته تحل المعضله
اوبيدك نشاهد كل عُلا
اوبسمك تسير القافله

حسنات حسنات ..بيدك تمد حسنات
*
بسمك نمد الإيد ..يمأسس التوحيد.. اونرفع ندانا
في كل حفل منصوب. انته ملكت اگلوب ..ياسر لوانا
يا رحمة الرحمان.. يالبيدك البرهان.. تعرف دوانا
ندعي متى انزورك.. اونحضن بعد نورك ..هذا رجانا

تدرينا ياسيد الرسِل
ابغيرك أبد مانحتمِل
يالبسمك احنا مانمِل
نترجى عندك ننقبِل

مُناجات.. مُناجات.. اسمك يظل مُناجات
***

عادل العبد الله
14.11.2019
الفاتحة لروح من علمتني الخدمة الوالدة *آمنه العبدالله*
.

جديد 1441. هـ
قصيدة لمولد النبي الاكرم محمد (ص)
🔸▪🔸▪🔸

اليوم ميلاد الرسول.  نهني حيدر والبتول
صوت جبريل اعتله.  بأبو القاسم ياهله

🔸▪🔸▪🔸▪🔸▪🔸▪🔸
1
ياهله بنوره.  كلهـامسروره
بالسـمـاء وبالأرض فـرحـه لقـدومـه
الكون يتباهه.  بمولدك طه
لكشف عن كل البشر حزنه وهمومـه
نورك ايلالي.  بألسمه العالي
عكس نورك عـالگـمر هـوه ونجـومـه

ياسراجن يامنير.  شتق من نور القدير
العالم ابنوره انمله.  ببو القاسم ياهله

🔸▪🔸▪🔸▪🔸▪🔸▪🔸
2
مولدك رحمه.   ولـلبـشـر نـعـمـه
ياامـان الدنـيـا بـس اسـمـك نـذكـره
رحمه للعـالـم.   وسخط عالظالم
انـتـه يـاســـر الالأه ومــن يـفــسـره
الباري بالقدره.  خلـه ابو الزهـره
بـالـعـلـوم الاحـمـديه العـالـم يحـيره

وصار اسلام السلام.   للديانات الخـتام
بنوره هـالعـالم حلـه.   ببو القاسم ياهله

🔸▪🔸▪🔸▪🔸▪🔸▪🔸
3
يـانـبـع جـاري.  ورحمـة الباري
نزلت نورك يشـع ضـيه اعـلـه الاكـوان
مكه مفتخـره.   وبيك مبتشره
بمولدك صارت فخر هيه اعله الاوطان
من انولد بيها.   حـنـة ايـديـهـا
واصـبحـت مـكـه عروسـة بني عـدنان

ومنها هب اجمل عطر.  جان تنتضره عمر
اليوم كل همهـا انجلـه.  ببو القاسم ياهلـه

🔸▪🔸▪🔸▪🔸▪🔸▪🔸
4
يانبي ومرسـل.  اسـمــك اتـرتـل
عـلـى كـل لـســان  مـؤمــن بـالـنـبـوه
يانبـي ومنجـي.   بـيـك مـتـرجي
تـجـعـل بـهــذا الـبـلـد الـفــه واخـــوه
ومايضل ظالـم.   عالشعـب ناقم
انـريـد يـبـقــى لـلـوطـن عـزه وعـلـوه

ندعي تعجيل الضهور. وعكس عالظالم تدور
عـزنـه بـيـه اتـكـمـلــه.  بـبـو القـاسـم ياهـلـه

🔸▪🔸▪🔸▪🔸▪🔸▪🔸
5
بالـفـرج ندعـي.   يضهر المهدي
وينقـذ الامـه المـلاهـا الظلـم والجـور
وصارت الفرحه.   بينه منذبحـه
دنـيـه بـس احـزانـهــا اعـلـيـنــا يـدور
الامـل جــيـتـك.   ننتضر طلتك
وبـقـدومـك تـنـمـلــي الـدنـيــا ســرور

تهدم اصنام الطغـاة.    وتحله وياك الحياة
وصوت كلنه انرتلـه.    ببو القاسـم ياهـلـه

🔸▪🔸▪🔸▪🔸▪🔸▪🔸
           تمت بعون الله تعالى
       بتأريخ 2019/11/13. م
      كلمات الشاعر والرادود الحسيني
        عـقـيل حسـين الگـرعـاوي

لولادة سيد الكائنات
.
.
.

يالساكن ابعـيني حلم .. كاتب على گلبي اسم
كاتب على گلبي اسم
محمد

-------------------------------------

ناديـتــك . حـبــيتك . واَليــتك . يانـســمة هوه
ايعرفوني . ويدروني . بعيوني . حسيتك ضوه
طفيـنـي . تدرينـي . ياذيـني . گلبي الي انچوه
يارسـول الله وحبـيب البـاري
بـيك يابـو الزهره تخمد ناري

والشمس تدري والنجم .. كاتب على گلبي اسم
كاتب على گلبي اسم
محمد

----------------------

ياغالي . امــــــالــــي . ودلالــــي . صارتلك وقف
لاگيتك . شــميــتــك . حــسيــتك . كلش مختلف
ياروحي . ويصروحي . وجروحي . من حبك الف
بيك روحـي اتعلـقت تـدريها
ونظره منك سيدي اتداويها

الحبك صرح ماينهدم .. كاتب على گلبي اسم
كاتب على گلبي اسم
محمد

----------------------

خليــني . يسنيـــني . وياديني . بـحــبــك للأبد
قــربنـــي . ذوبـــنــي . عذبــني . اشماتگدر بعد
يحساسي . وينفاسي . ماناسي . گاطعلك وعد
يالسكنــت ابعيـــني لامــاعوفك
بيدي اعمي اعيوني لو متشوفك

عاهدتك وابقه التزم .. كاتب على گلبي اسم
كاتب على گلبي اسم
محمد

----------------------

مجنونك . وعيونك . من دونك . ايامي عدم
يحلامي . وأيـامي . گــدامـي . بس انته نعم
بشواقي . والبـاقي . بوراقي . كاتبــلك قَسم
ماتركتــك اقــسـم ابــوجـــداني
شلون اعوفك وانته دم شرياني

يالوي دمائي منسجم .. كاتب على گلبي اسم
كاتب على گلبي اسم
محمد

----------------------

اشما نادي . إفـــادي . يالهــادي . بـس لسمـك يفز
امحيرني . امـغيـرني . خــبـــرني . يالشــلتك حـرز
بظلوعي . ودموعي . موضوعي . انته اصعب لغز
حيرتني واخجل امن احچيها
وميم اسمك لـَسـه دايـخ بيها

ياطل اسم ماينفهم .. كاتب على گلبي اسم
كاتب على گلبي اسم
محمد

----------------------

وحروفك . وطيوفك . ماعوفك . لو مهما جره
اســـبابـي . بكـتابـي . احــبابي . انته وحيدره
بيك اقره . ابهالـنبره . والزهره . حبك مفخره
افـتخر يالـساكـن ابـدلالي
غيرك ابهالدنيه مايحلالي

والهالسبب دوم ابتسم .. كاتب على گلبي اسم
كاتب على گلبي اسم
محمد
----------------------
حيدر تركي الكربلائي

ميلاد الرسول
.
.
.

مجنونك .. حتى لو سموني
وعيونك .. تــره ميــهـموني
يارســول الله --- يــانــبــي الله

___________________

والله مجنون بهـواك وروحي تعـلم بيها
هاي نـعمـه ولازم انـي اشـكر الله اعليها
علمـتني امـي الجنون وجدي الموصيها
كون كل مصباح ابوس الوالده ابرجليها

مجنونك .. فرض لو لاموني
وعيونـك .. تـــره ميــهموني
يارســول الله --- يــانــبــي الله

___________________

الحچي صار اهــواي عــني وبيـنت اسراري
صحت باعلى الصوت احبك ياحبيب الباري
واليـلوموني اعــله حبـك كــون بيــهم نـاري
بلـكــت ايحـسون بــــيه لــو قــرو اشــعاري

مجنونك .. حتى لو عرفوني
وعيونك .. تـــره ميــهـموني
يارســول الله --- يــانــبــي الله

___________________

يالتلوموني اعـله حبي يامه لمـتو او يامـه
ليله من جـنـنت قيس اشعجب محد لامـه
اويــه النـبي لــو چنت انـي عايـش ابأيامه
مـو جــدار البيـت اقَبله بـل اتراب اجدامه

مجنونك .. وبيه اكحَل اعيوني
وعيونك .. تـــــره ميــهـمـــوني
يارســول الله --- يــانــبــي الله
___________________

افـتخر مجـنون بيك وهـاي دوم اقـراها
اهواي لاموني بجنوني وبالجنون اتباها
الـگال لـي عقلك فـقدته ماعـرف معناها
اعلنـتها وبـعد اعلن انه احب بـس طاها

مجنونك .. اشرادو ايحسبوني
وعيونـك .. تــره ميــهـــمونــي
يارســول الله --- يــانــبــي الله

___________________

حـبك ايـگولون بـدعه وانــته تــعلـم بيــهم
ابلا شعور الگيت نفسي اضحك انه اعليهم
اعـقولــهم كــلها تخلــف بالــجـهل خلـــيهم
والله لـــو تنبــعث ثــاني بــعد ماتهــديــهم

مجنونك .. بالشرك يرموني
وعيونك .. تـره ميــهــموني
يارســول الله --- يــانــبــي الله

___________________

اهلي ربوني اعله حبك وصنعو شخصيتي
علمــوني شـلون احــبك واحــسنو تربيتي
سيدي من گـد جنوني ويـن واصل صيتي
ويارسول الله محـمــد كاتـب ابــناصــيتي

مجنونك .. اقبـل اينادوني
وعيونك .. تـره ميــهـموني
يارســول الله --- يــانــبــي الله
___________________
حيدر تركي الكربلائي

لمولد الامام الصادق ع
.
.
.

حيـدري جعـفـري ولائـي
المذهب الصادق انتمائي
وافتخر .. افتخر
المذهب الصادق انتمائي
_______________

افتـخر يانـاس انـي ابهـالهـويه
واشـكر الله عالولايه الجعـفريه
اهلي حب ال النبي غرسوه بيه
والـدي رافـضي وامـي رافضيه

للمـمات اهـتـف ابنـدائي
المذهب الصادق انتمائي
وافتخر .. افتخر
المذهب الصادق انتمائي

_______________

كــون اشكر خالـقي ساعه اعـله ساعه
الحــمـد لله ماخـلقــني امـن الجـماعه
چــان هــسه منـــحرم مــن الشـــفاعه
وطعم شيعيـتي عرفـته امن الرضاعه

ابنص شرايـيني وبدمائي
المذهب الصـادق انتمائي
وافتخر .. افتخر
المذهب الصادق انتمائي

_______________

الافضـليه الاعلمـيه انــه شعــاري
مذهـبي جـعفري وبــيه افتـخاري
الشافعي ومالك واحـمد والبخاري
تــره مــو اصلي علمهم بل تجاري

الهالسبب بس الـه ولائي
المذهب الصادق انتمائي
وافتخر .. افتخر
المذهب الصادق انتمائي

_______________

تره حبي المذهبي حب عن عقيده
واليــريـده راح اخلـي ايــدي بيده
افتــخر للــصادق اني مـن عبيــده
الـمايتـبعه باچـر الغيــر اشيـــفيده

هــــوه بالاخــره رجــائي
المذهب الصادق انتمائي
وافتخر .. افتخر
المذهب الصادق انتمائي

_______________

مـن يذكرون المذاهب واني حاظر
راسي ارفعه ابمذهبي وبكل تفاخر
چف كلها اتراب بس هــوه جـواهر
حبه اني ارضعته من صدر المـنابر

وكـالـنجم لايح ابسمائي
المذهب الصادق انتمائي
وافتخر .. افتخر
المذهب الصادق انتمائي

_______________

خاطبــت روحــي يروحـي لاتبــيعي
مـذهب الـصادق تــره والله تـضيعي
امن الطبـيعي ما ابيـع امـن الطبيعي
انه شيعي وابن شـيعي وابن شـيعي

عالعـهد دوم اظل فدائي
المذهب الصادق انتمائي
وافتخر .. افتخر
المذهب الصادق انتمائي
_______________
حيدر تركي الكربلائي

حيدر تركي الكربلائي:
مولد رسول الانسانيه
.
.
.

أعــيـاد .. مــيـلاد .. هــادينه
هـاللــيــلـه

---------------------------

يالله يطيور السمه . خل نـروح الفاطمه
وعلي حماي الحمه
انهنـيهم
بينه شوگ وعاطفه . للحبيب المصطفى
واجب العنده وفه
ايوافيهم
انرتل أيات الفرح . اويانه كلـمن مافرح
ابـدنيـته لامـانجح
جافيــهم
الفرح كله انجسده . للرسول ابمـولده
وكـل ربـيع انـجدده
انراويــهم

الحقاد .. الحساد .. تدريـنه
هـاللــيــلـه

---------------------------

الليله مولد مختلف . وفرحته ماتنوصف
جازت احدود الوصف
انــواره
كلشي من نوره انبهر . ابوجها أيات وسور
من ظهـر سيد البشر
واسراره
الدنيه صاحت ياهله . وصوت فرحتها اعتله
تنتـظر كـل هالمله
اخــباره
نـزلت أيـه وراكـعه . امن السـماء الـسابعه
رحــمة الله الـواسعه
ومختاره

وانفاس .. هالناس .. امتانـينه
هـاللــيــلـه

---------------------------

اويانه اجه روح القدس . بالولاده چن يحس
گلبه فرحه منترس
هنياله
على جنحانه كتب . الفرح لامـو مستحب
على كل مسلم وجب
مرساله
المصطفى حلـقة وصل . والــذي مــايحتـفل
هـذا ماعنـده عـقل
يبراله
اليلعب ابراسه الجهل . انگله وبــلايه زعل
هالجهل صوچ الاهل
وافعاله

والراد .. ينعاد .. يرضـينه
هـاللــيــلـه

---------------------------

الليله شلنه بالگمر . الهادي للدنيه ظهر
خل يجي اويـانه النـطر
محـبوبه
اگـلوبنه ناخـذها اله . البالأشـواگ امحمله
اعـليها كـون البـسمله
مكـتوبه
ابشوفته انكحل النظر . بحظرته يحله السهر
الذي هالشوفه انتظر
محسوبه
الطاها كلنه ننتسب . وعلى ديـنه نـنحسب
كـلمـن ابكـيفه يحب
بـسلوبه

الماذاب .. الماحاب .. يجفينه
هـاللــيــلـه

---------------------------

الامــلاك امـحـيره . لـزمـت ابــابـه ســره
رايده بــس تـنــطره
واليـــها
نــاذره چانت نـذر . اتوضت وصلت شكر
لمــن اشتمت عــطر
غاليــها
ابحبه كلها اتوشحت . انغمه عليها وماصحت
من عبيده اصبحت
تـاليــها
آرق هوه امن النده . حقــهـا من اتمـجده
بالمــهد هــوه وبــده
ايحاچيها

هالحال .. من گال .. عن دينه
هـاللــيــلـه

---------------------------

الـ (أمنه) الحور اعتنت . بالــولاده باركت
ومدري ياسوره قرت
يم راسه
قل هوه مدري الحمد . وچـان بيديها ورد
شمت اعطور المجد
بنـفاسه
المصطفى عطر الأمل . والـي ما يشتمه زل
بالـطبع عنده خلل
بحساسه
والــورد جـايـب سـلام . لچن ماعنده كلام
أنـحــنـاله بحـترام
وبـــاســه

مسرور .. من نور .. والـينه
هـاللــيــلـه
---------------------------
حيدر تركي الكربلائي

ومضه للرسول الاكرم

من ضلمت جهل طلعنه چف النور
مـا نرجــع بعـــد ونعــود للضلمه
ومن بحر الفتن والحقد والآلحـاد
چفــك يــا محمد أســس الرحمــه
يظل أسمــك مجد ينذكر بالأكـوان
صلوا أعلى النبي من ينذر أسمه


ابوذيات لولاده الرسول الأكرم

هّـود وهجــع وأسكن يالمنه
اليوم ومــولـد الهادي يلمنه
فرحــه أليله لا واحـد يلمنه
ميلاد النبي خيـر البريـه

****************

تگطع گلبي مـن بُعــده وصلّه
وعونه الـراح للهادي وصلّـه
فـــاز العّــل نبي سلـم وصلّـه
بعالي الصوت وي أله سويه

الشاعر
موسى البديري
******************




صحت آنه من العشگ آه العشگ آه منه
واليحب طـه النبــي روحـــه شكثر آمنـه
هـــزت الكـــون وعلي مــن جابتـك آمنه

جابت شفيع أمتــه طـــه النبـي المصطفى
ربنه أصطفاه عالخلگ غيره أبد مصطفى
يشفـــع لهاي البشـر يـوم التظل مصطفـه

وبالذر هوينه النبي وبيه أحنه آمنـه


شعر موسى البديري

يافجر غنالي نفحه .. بين المختار صبحه
والنسيم الهاب ردد .. ياهلا ابطه محمد
@@@
ابمولد المختار فرحه طيبت حتى الثريه
والفجر آيات غرد محلا اياته الزهيه
طه عالامه تجله منقذ الكل البريه
مو مهاد اليوم حفه وحفته الجنه العليه
...
بين ابنور السعاده .. گلبي لمحبته شهاده
نور من مهد المسدد .. ياهلا ابطه محمد
@@@
يانسيم الهاب رتل محلا انواره وجلاله
وعالبشر لمن تهبهب صلي عالهادي وآله
مامثيله من تجله ولا احد شابه خصاله
ومايهز امهاده كائن والله متكفل ادلاله

...
مهده ونوار العليه .. امزين ابنجم الثريه
مأيد ابربه المؤيد .. ياهلا ابطه محمد
@@@
من بدايتها الخليقه وآدم ابجنته عجينه
العتره خلاها ابترابه وابتدت آدم سنينه
وعالملك واجب لآدم يسجد ويحني جبينه
والسبب ان محمد نوره ‏بالصلصل وطينه
...
وكلشي طه اسمها .. علمه ربنه علمها
والملك بسمه تعبد .. ياهلا ابطه محمد
@@@
دوحه مخلوقه ابعوالي ولا نَبِتْ شابه شجرها
الاصل غالي وجوده سيد الوادم جذرها
امطيبه ابطه وعترته وعالملا هبهب عطرها
وكلنه نتمنه ابمحمد نصبح اوراق لثمرها
...
دوحة الجنه بفؤادي .. نابته بحبي او ودادي
وياسعد گلبه التودد .. ياهلا ابطه محمد
@@@
طيبه هالليله ابفرحها زينت كل المدائن
وبالنبي يثرب ارضها شرفت گاع الجناين
ماوطن ماثل وطنها ياسعد حظ المواطن
وبيها معدن مامثيله ايطيب ابنوره المعادن
...
معدن المختار كامل .. نور مو من طين نازل
ابخلود الحب تخلد .. ياهلا ابطه محمد
@@@
علي احمد الحمود
١-١١-٢٠٢٠
مولد الرسول ص

لبو الزهرا محمد .. العرش هالليله عيد
------------
نبينه / رحـــمــة الرحــمه
نبينه / امن العرش نعــمه
نبينه / وياحــلاة اســـمه
ابو القاسم
ضيائه / لمــحــه قدســـيه
ضيائه / مـــو طــــبيـــعيه
ضيائه / امن الله حصريه
ابو القاسم
احــتراماً للمــؤيد .. العرش هالليله عيد
------------
محبته / امن الله فطريه
محبته / مــيـه بالـــمـــيه
محبته / امحــبه الاهـــيه
يمن تسئل
وجوده / بيه طمئـنينه
وجوده / الحــق يدلينه
وجوده / الحب يغذينه
يمن تسئل
ومحـبته لامـتبرد .. العرش هالليله عيد
------------
صفاته / قل هو الجوهر
صفاته / بـل بــعد اكــثر
صفاته / طــاهراً اطـــهر
نبي الرحمه
نحبه / والـــد الــــزهــره
نحب / حب على الفطره
نحبه / اواجـــب انـذكره
نبي الرحمه
نعم والخاطر احمد .. العرش هالليله عيد
------------
السماء / اللــيله فرحانه
السماء / وفرحت اويانه
السماء / الوجه عطشانه
تهانينه
الحنان / الليله ميلاده
الحنان / وبانت اعياده
الحنان / ابوالد الساده
تهانينه
ابقدومه كلشي ورد .. العرش هالليه عيد
---------------
سوالف / بالنبــي طه
سوالف / ماحچيناها
سوالف / مافــهمناها
يهل تسئل
اشنوصفه / وبالاخص علمه
اشنوصفه / ماكــو فــد كلمه
اشنوصفه / ايقونة العصمه
يهل تسئل
وصفنه ماتحدد .. العرش هالليه عيد
-----------
عطائه / واســعه احدوده
عطائه / ســفره ممـــدوده
عطائه / امن السمه جوده
الكرم ثوبه
مضيفه / بابه ميسده
مضيفه / اتأمن ابسده
مضيفه / الجايه ميرده
الكرم ثوبه
الكرم يمه تردد .. العرش هالليله عيد
-----------
ولينه / بحبه وثقنه
ولينه / ومن تعمقنه
ولينه / بــيه تعــلقنه
لذا نفخر
نجينه/ بـــحبه ونــفاخر
نجينه / بالحــشر بــــاچر
نجينه / چيه صبح ناصر
لذا نفخر
لمن دربه تعبد .. العرش هالليله عيد
-----------
حيدر تركي الكربلائي

طلعة الدين


يطاها المصطفى الهادي يهادي
وجـــــــودك نوّر ابلادي يهادي
تظل نور يبــــوالزهره تظل نور

مولـــدك نور / حــيّر الحور / صار للعالم حيات
وزّع ٱسرور / غنّت ابدور / لجله ما مرها السُبات
صوت مبرور / صارت اتمور / من وثبته الكائنات
نفخة الصور / عالذي ايجور / سجّله رب السمات

نجم و الطيب بٱصفاته يهادي
وجودك والـــعدل ذاته يهادي
تظل نور يبـــوالزهره تظل نور


طلعة الدين / بسمة اسنين / ظهرت ابّيت الحرام
طور و التين / نزلت الحين / و البلد حُكمه السلام
نور ياسين / للمسلمين / قدوه ما بين الأنام
القاسيه اتلين / والسلاطين / قبّلت چف الكِرام

بشاره ابمــــكّة وابّيته يهادي
و يشوف اشلون لبّيته يهادي
تظل نور يبــــوالزهره تظل نور


هنّه جبريل / للمداليل / مولد الحگ و الأبي
مغنمه ايسيل / للبهاليل / رغماً اعله الناصبي
ما له تبديل / تاج و ٱكليل / انت يا طاها النبي
للأباطيل / إيدك اتزيل / من تناديها اكتبي

معاجز عندك اهــوايه يهادي
العرش يبنيلك افيايه يهادي
تظل نور يبوالزهره تظل نور


بحر ساوه / جف تساوه / و نار فارسها انطفت
شنهو راوه / و بيك داوه / الباري كل عين انزفت
بالحفاوه / و النقاوه / الدنيا فرحانه صفت
الصوت داوه / للسماوه / و نغمة الحب اهتفت

رحمتك للخگ غـايه يهادي
إجيت امعلّگه الرايه يهادي
تظل نور يبوالزهره تظل نور


والله لولاك / رب الٱسماك / ما خلق أرض و سمه
وانته بٱصباك / فوگ علّاك /والعرش بيك ٱحتمه
نور مبداك / دون الاملاك / شخصك الحگ وسّمه
مرحمه انطاك / و هي وياك / بالضمير و بالدمه

إله الكـــــون يهـــواكه يهادي
و جبينك نوّر الافلاكه يهادي
تظل نور يبوالزهره تظل نور


ملاغلام ابومحمد
الكورة الولائية

في ذكرى مولد رسول الله صلى الله عليه و اله


مولده ابقدسيته و هيبته و تريته
ألله رافع صيته هادينه

من داره / و بٱكتاره / أنواره / شاعت بالفضه
مختاره / و بٱنهاره / ولٱمطاره / روحه اتحرّضه
إيثاره / الخطّاره / و حد جاره / لا ٱتصدّگ گضه
و ٱبشاره / عتباره / اوي اسراره / ابگلب المرتضه

كل ضوه من ٱوجوده عم ٱرضها ابجوده
و السلام احدوده هادينه

بالبطحه/ هالفرحه/ من صبحه/ للهادي ٱظهرت
يا مرحه/ و يا رَوْحه/ ابكل صفحه / بانت و اعتلت
بي لمحه/ المتوضحه/ والسمحه / بالطيبه ارتوت
من جرحه/ و من جنحه/هالصيحه/ بالجوّ هلهلت

و الموالي ناده و السمه ابميلاده
مزدهر و ٱعياده هادينه

هالطلعه/ ابكل روعه/ چالشمعه/ يمليها الضّوه
و اللمعه/المتوزعه/اعله السبعه/ويّه الحگ سوه
مرتفعه/من شرعه/و بالركعه/تعله المستوه
من فرعه/ايشب طبعه/وبالجمعه/صوت العز دوه

عنبره اوي اعطوره فاحت ابهالصوره
يا جماله و نوره هادينه

تربيته/و تهنيته/وتسميته/ألله ٱختارها
من بيته/ايشع صيته/وحبّيته/لنّه ٱخبارها
قوميته/و وجهيته/و ناصيته/تزهر دارها
ناديته/و حسّيته/ابروحيته/يضوي ٱنهارها

ألله أيّد حاله عالبراق و شاله
يا ألف هنياله هادينه

و ٱجوابه/الدگ بابه/بكتابه/يالسائل نعم
واسحابه/اعله احبابه/والهابه/بالرحمه انسجم
واخطابه/اعله اصحابه/بٱكوابه/قدّمها الحِكَم
إنجابه/وامهابه/الجذّابه/واحروفه العَلَم

يا بسمته و طيبه بالعرش ترحيبه
و الشّرف تهذيبه هادينه


ملاغلام ابومحمد
الكورة الولائية

.
قصيدة ميلاد النبي الاعظم محمد (ص)


كـلـمــات الـشـاعــر
عــلــــي ابـو سـمــا الـديـوانــــي


نَــسَـم عــبــيــر الـشـوگ والـفـرحـه نـشـر
هـالـلـيـلـه نــور الله انـولــد خـيـر الـبـشـر
مــيـــــلادك آيـــــــــــات
فـــرحــــه ومــســـــرات
هـالـلـيـلـه نــور الله انـولـــد خـيــر الـبـشـر
…………………………………………………..
نَـسَـم عـبـيـر الـشـوگ والمـحـفـل حــلــه
الله نـطــه الــ أحـمــد كــرامــه ومـنـزلــه
لافـتــه انـكـتـبــت بيهـا شرفــت الـمــلــه
نـــورت الاكــــوان بـــــدت بـالـبـسـمــلــة
صــلـــوات صــلـــوات نـــاديــنـــه
عــبـــارات عــبــــارات خــطــيـنـة
وجـبـريــل فـرحـان يــزف لــيـنـه الـخـبــر
هـالـلـيـلـه نــور الله انـولـــد خـيــر الـبـشـر
تــحــلــــه الــصــلـــوات
فـــرحــــه ومــســـــرات
هـالـلـيـلـه نــور الله انـولـــد خـيــر الـبـشـر
……………………………………………………
أسمـك يهـاديـنــه عـلى الـلـوح انـكـتـب
حـبك فـرض عـالأمــه لا مـو مسـتـحـب
ساحرنـه نــورك يللي عَـجَـبـت الـعـجـب
مـحـفـل إلـك بـيـن الــسمـاوات انــصَـب
والأمـــــلاك والأمــــلاك تـتــبـاهـه
يـمــحـــلاك يــمـحـــلاك يــاطـــــه
حـتـى الـگـمـــر هـــام إلـك يـاخــذ صـــور
هـالـلـيـلـه نــور الله انـولـــد خـيــر الـبـشـر
تــضـــــوي الــسـمـاوات
فـــرحــــه ومــســـــرات
هـالـلـيـلـه نــور الله انـولـــد خـيــر الـبـشـر
……………………………………………………
نــورك يـبـوالــنــور مـلــه الـدنــيــا ضــوه
طــاح الـصـنـم طـاح سـمـع بـيـك وهــوه
يـابــوالـكــرامــات حــــروف أسـمـك دوه
عَــطـرت الأنــفـاس يـالـمـطــيـب الــهــوه
ضـوه ولاح ضــوه ولاح بـسمـانـــه
ورد فـــــاح ورد فـــــاح بـغـصـانــه
ديــــن الله ويـــاك بـــزغ نــــوره وظـهــــر
هـالـلـيـلـه نــور الله انـولـــد خـيــر الـبـشـر
كـــلــــك كـــــرامــــــات
فـــرحــــه ومــســـــرات
هـالـلـيـلـه نــور الله انـولـــد خـيــر الـبـشـر
……………………………………………………
طـلـگـت الـرحمـه وجـابـتـك يالمصطـفـه
طـيـر الـجـنــان الـيـوم بـحـضانـك غـفــه
حــبــك مـلـكــنـه شــلـون بـس انـوصـفـه
غـامـرنـه بـالـحــب والــكــرم والـعـاطـفـة
زهـه الـكون زهـه الـكون بـــنــواره
والاعــيــون والاعــيــون نــطـــاره
هـنـيـال من شـاركـنـه بـالـفــرحـة وحـظــر
هـالـلـيـلـه نــور الله انـولـــد خـيــر الـبـشـر
وأجــمــــل عـــبـــــارات
فـــرحــــه ومــســـــرات
هـالـلـيـلـه نــور الله انـولـــد خـيــر الـبـشـر



كـلـمــات الـشـاعــر الــرادود
عــلــــي ابـو سـمــا الـديـوانــــي


#الشاعر علي أبو سما الديواني

تعالن ســـــــون فياي     يعلويات
رقيه تعبـــــت اهواي     يعلويات

ترا الضهريه مـــــــاتنمشي ونمشيهه
ورقيه من الخـيم باقي الحرگ بيهه
مشينه بگاع تكسر خــــــاطر الترفه
يعلويات صيرن هـــــــــودج اعليهه

بس الليـــل    نلگه بضلمته الحشمه
حته الخيل    ماتعرف شني الزحمه
ام الحـــيل    صارت توگــع ابچلمه
يعلويات
===================
گعدنه والرمـــــــح مال      يعلويات
من شاف حال الاطفال      يعلويات

نگوم ونگعد ابهالحــــــــــــال ضلينه
بحبل واحد انشدن خــوله واسكينه
التحب الرمح يم الرمح طگـــــــوها
يبچي الرمح مــدري حسين يبچينه

بين النــــاس      تعالن للرمــــح نفزع
نحمي الراس      خلي اعـبينه تتگطع
لا ينـــــداس       هاي الگوم ماتجزع
يعلويات
===================
طلعنه ابنفس مخنوگ     يعلويات
ورقيه اتنود عالنـــوگ     يعلويات

فوگ الرمح ضلت روحــــــــهه بروحه
تمد اچفوفهه حســــــــــــبالهه اتلوحه
سلام الله اعله حضن حسبن وچتافه
من ناكة رقيه الصـــــــــدره وجروحه

بسك عــاد       ياحداي مــــــــن عدهه
كلهه ارماد       سومر مـن امس خدهه
ماتنـــــگاد       ترا العلـــــــويه وحدهه
يعلويات
==================
وراچن باجــــر الشام      يعلويات
يريد امتـــون وحزام      يعلويات

اول ما نطب الشــــــــــــــــــام ياعمه
نلگه الناس يــــــــــــــم الضعن ملتمه
ايد ابايد خاف اتضيـــــعن امن ايدي
يبنيات بـــــــــــــــــــاچر تكبر اللچمه

حته الريـح      راح اتعيل بالخَـــدر
كلهه تصيح      باچر هاي بت حيدر
من اتطيـح      وحده البــاقي تتعثر
يعلويات

خادم القصيده
#شاكر الصيمري

يا مگبرتنه يلبيچ اهلنه الونه بهداي
خليني يمهم بارد لحدهم والحچي هواي
يا مگبرتنه

،،،،،،،،،،،،،،،،،،،،،،،،،،،،،،،،،،،،

ونيت واليوم بسنه
علراحو وظليت أنه
يا مگبره وظهري انحنه بدرب المگابر

ماي الورد ما حاجه أله
بگليبي ضيمچ كربله
و الدمعه دوم امسبله وبعيوني عاشر

أشتعل واطفه وما يگعدون
يعزاز گلبي وياكم شلون
لا عدل انه ولانه مدفون
خلوني يمكم ما تسمعون ؟

يهل الشهامه ،، دنيت ندامه وچني خطار
علفارگوني ،، لا ما خذوني وعايش بنار
يا مگبرتنه

،،،،،،،،،،،،،،،،،،،،،،،،،،،،،،،،،،،،،،،

تعبان يمهم راحتي
والله تخنگ دنيتي
ياهو اليشيل اجنازتي وياخذني ليهم

عگب اليترسون النظر
لحظه التمر حسرة دهر
شو چني ليل بلا گمر چا وين اجيهم

دفان هاك عيوني دفان
خليني يمهم وين ما چان
ميتين لكن كلهم احنان
مامش دفو بالدنيا بردان

مشتاگ اچيهم ،، واغفه اعله ديهم گلبي تعبان
ذوله الأودهم ،، الميت بعدهم عمري خلصان
يا مگبرتنه

،،،،،،،،،،،،،،،،،،،،،،،،،،،،،،،،،،،،

ميتين واشتمكم هوى
الله من نلتم سوى
بگبوركم وانتم دوه وراحه وسعاده

تحت التراب اهل الهلا
چنهم أمان البسمله
شنهي الرمل الكم حله وصاير وساده

خليت گلبي ابسد الگبور
ما راد يرجع ليه معذور
وياي عايش عيشة طيور
محروگ عشها وظلت اتدور

يحلم يجيكم ،، ميت عليكم وانتم اموات
شنهي المجنه ،، ونه اعله ونه وتجري دمعات
يا مگبرتنه

،،،،،،،،،،،،،،،،،،،،،،،،،،،،،،،،،

غطيني يتراب الگبر
مليت مو مال انتظر
من مده ما مرني العطر عطر المحنه

وجهي انترس كلمة مشو
اليسألني اجاوب غربو
يمهم بچيت وما حچو أهل المجنه

گلتلهم العدلين مو ناس
مليت أدور طيبه واحساس
الظلن وراكم دمعه وانفاس
وشيب ابتدى من ضلوعي للراس

ميت صدگنه ،، طول شرحنه وماكو مضمون
مامش وصيه ،، أبچن عليه هلاه يلعيون
يا مگبرتنه

،،،،،،،،،،،،،،،،،،،،،،،،،،،،،،،،،،،،،،

الله يا گاع الغري
احباب ما ظلو ألي
مولاي يمك يا علي وبحماك الاعزاز

صارو سوه بگاع النجف
اهل المواقف والشرف
كل يوم دلالي انخطف سموني جناز

دافن اهل بالگاع واحباب
تركوني وسفه وحظنو تراب
أيس يگلبي بدگة الباب
الظلو غرب بس وادم أجناب

لا ما أتاني ،، خاين زماني وماله صاحب
چانولي ديره ،، اهل وعشيره وهم حبايب
يا مگبرتنه

كلمات خادم الحسين
رعد الفريجي
1442 للهجرة

دلوني وين أم المحنه
يا ناس انه مضيعلي جنه
يهل المگابر يمكم أمي ؟
من يوم راحت ما فرحنه

،،،،،،،،،،،،،،،،،،،،،،،،،،،،،،،،،

يا ناس ما مر بيكم انسان ؟
مثل الشمس بس هوه بردان
ماخذ طبع من طبع الاغصان
شايل الخير وظهره تعبان

مركم عطر من حضرة حسين ؟
ما شفتوا درب العافيه منين ؟
يهل المگابر ردو عدلين
وين امي إه يا مصعب الوين

عافتني بين الموت والموت
الما يلگه امه يموت بسكوت

يگضي العمر ونه اعله ونه
يا ناس انه مضيعلي جنه


،،،،،،،،،،،،،،،،،،،،،،،،،،،،،،،،،،،،،،

هذا التراب الضم الاحساس
چفوف أمي ليش برمل تنباس
لا صوت بيه اللحد يا ناس
ومامش حظن لا ذيچ الانفاس

محتاج چلمة يمه رديت ؟
ومية هلا ويا شمعة البيت
لحظن امي والله شكثر حنيت
يتراب اخذني وردهه يا ريت

ذيچ البعدهه الدنيا متفيد
عشنه بمحرم واحنه بالعيد

مية سنه بموتچ كبرنه
يا ناس انه مضيعلي جنه

،،،،،،،،،،،،،،

بدون امي عايش لكن شلون
عيشت ضرير بدون العيون
ما بيه اتاني وما يردون
صاير جنازه ومامش متون


راحت بعد ما ظلت وياي
العاشت شويه وتعبت هواي
يا شيلة امي الجانت غطاي
بهداي اموت الليله بهداي


الربتني راحت شرد اوافي
حتى الرمل يا يمه دافي

گبرچ حنين وهم جمعنه
يا ناس انه مضيعلي جنه

،،،،،،،،،،


بخت المجنه ورحتي ليهه
بس دارچ انتي اصار بيهه ؟
محد وصلهه ومر عليهه
ظلمه بغياب الما تجيهه


يا يمه والله گليبي مكسور
عيني لمكانچ تبچي واتدور
لحظة بغيابچ شهر عاشور
الما يلگه امه يموت معذور


يا وحشة بيوت اليتامى
مهضومه بيهه اچم علامه

يا دارنه التشبه وضعنه
يا ناس انه مضيعلي جنه

،،،،،،،،،،،،،،،،


الربت وتعبت هسه يا حيف
الچانت افياي بشدت الصيف
باقي انتضرهه ابعتبة الطيف
ما ترضه ترجع حتى لو ضيف

يمه الحنانچ والله مشتاگ
ليش المحنه بسرعه تنباگ
ويه التراب اتشابگ اشباگ
ما ينحمل يا ضيم الفراگ


وينچ يبعد عيوني الاثنين
يا جنة الله بيا كتر وين

يا يمه وعيونچ تعبنه
يا ناس انه مضيعلي جنه


كلمات الخادم / رعد الفريجي

يــاهــو الـيـنـسـأك = وكـلـهـه تـــفـداك= يــانــور الـعــيــن
يابـو الاكبر يالغالي = ساكن أنـت أبدلالي =يــانـور العـيــــن
&&&&&
جــرح الايـــــــــام = يــنــزف مــيــنــام = وآلامــه أتـــزيـــــــد
يـعيـش أبــذكــراك = لامـايــسلاك = ولايــرضـه يـهـيـد
ذبــلــت العيـون = هــدـلت لجـفـــــون= ذكـــراك أتــعـيــد
ســلــوة دنـيــــــاي = يـاريــع أصبــــاي= وأنـــت التـنـهـيــــــد
يـاشــمعـة عـمـري التضـوي= يــانــار أبـگلبـي التـچــــوي
يـــــانــور العيـــن = يــانـــور الـعـــيــن
&&&&&&
حــبــك جــــواه = أقســــم بـــالـلــــه = بـــالــدم مـجـــــراه
يــاروح الــــروح = گـلـــبي مـجـروح = أسـمــك يـنعــــــــاه
مـنـحـر وضـلـوع = واصـبـع مگطـوع= وچــفـوف ويــــــاه
چــبـدك مـهشــوم = ويــفيـض أدمـــوم = يـاهـو الاذاه
يـحـســـيـن أمـسـلـب عـــاري= وبــگـلـبـي تسـعـر نـــاري
يـــــانــور العيـــن = يــانـــور الـعـــيــن
&&&&&&
عـيـون الايـتــــام = مـاتـرضـه تـنـــام = جــافــاهـه النوم
لاخـــيـمـه أو دار= وماعـدهـه أسـتـار = بـالصحـره تحـــــوم
المــن يـــرحـون= نــار ومـجنـون= يـطـاردهــه بــــزوم
بـعــدك يـحسـين = مـالـهـه أمعيــــــن= ويـحضـرهـه اليــوم
والـدنـيـه الــدارت بـيـهــم= شـمـر ويــفـتــر أعـليـهــم
يـــــانــور العيـــن يــانـــور الـعـــيــن
&&&&&&
وعـيـالك هـــــاي= مشــدوهـه الـــراي= وتـــدمـع العيــون
لــيـل واشــجــــــان = نــــار وأحــــــزان= الــمـــن يـرحـون
ويـــن الـعـبـاس= راعــي النـومــاس= مــوجـود أيـكـون
وانـــت المـذبــــوح = يـمـنــه مـطـــروح = واهـــتــزالـكــون
لاظــل واحـــد يـحـمـيـنـــه = ولاخــيـتمــه وتــلـفــيـنــه
يـــــانــور العيـــن يــانـــور الـعـــيــن
&&&&&&
يـــاهـو الــنــنـخاه= لـــو نـــتـعـنـاه= يـحضـرنـه بـساع
ويـــن الـــكـــــــرار = بـــيــده الـفـقـــــار= حـلــو الاطــبـــاع
يحضــرنـه اليــوم = ويــبـيــد الـگـوم = ويط،لــع هســــاع
يعســوب الـديـن = ضـارب سـيفيــن= كـل أمــره أنـطاع
ليـش الـعـتره ايـذ بحـــوهــه = ابـهيـمـه وغـربـه ايـخـلـوهـه
يـــــانــور العيـــن يــانـــور الـعـــيــن
&&&&&&
مـــذخـــور الـثـــار = لــواحد مغــوار = ويــصـفــي الجــور
لامـهـمــا يــــدوم= لازم فــد يـوم= يــظهــر ويـثـــــور
المهـدي المأمول= وبــسـيـفـه أيجول= اعلــيـهـم ويـــــدور
يــــاثــــارالــلــــــه= كـلــنـه ويـاه= ويـــشــ‘ النــــــــور
هــالـثــار أبـأيــده نـريــده = ثـــار الســــارن بــالبــيـــده
يـــــانــور العيـــن يــانـــور الـعـــيــن
&&&&&&
نسألكم الدعاء
خادم الحسين ع
الحاج ابو اياد البيجاوي

السلامُ عليكَ يا أبا عبدالله

نار     جرحنه ما برد    بخِيامك انوجد
تلگه بينه   هم ضعينه  بكل  گلب جرح
عليك    عمرنه ما غِله   هَوانا كربله
كل حچينه   كل بچينه   والله عالذبح

شما نبرد نرجعلك نستجدي الدمع
طبع اليعشگ يبچي عدنا هالطبع
ذوبنه بحنيتك يمذوب العطش
بالفطره شفناها اليوگعلك سبع

السلامُ عليك يا ابا عبد الله
.
.
.
.
ناس     احترگنه عالخيم    نَفَسنه بي ألم 
والزجيه   الغاضريه   عالجرح ملح
هواي    كبرنه من وكت    نكسرنه من طحت
شيبِتنا     حدبتنا       وسفه تنذبح

نتوازه اعله الدمعه من اسمك يمر
اتمنينه خيماتك بيت من الشعر
وتبقى برأس الحره ما توكع ابد
مو گدرك يتخوصر گدامك شمر

السلامُ عليك يا ابا عبد الله
.
.
.
.
ليك     نرَكِد الصدر    ضهرنه ينكسر
بينه نخوه   ماكو عطوه  نستراح ابد
بشوگ    تجينا فاطمه  توزع الضمه
تشد عزمنه   تزيد المنه   ويكثر المدد

تنظرنه تحزمنه بحزام الألم
تهذبنا اعله الشوغه بجمرات الخيم
ونبقى شما مر اسمك احنه نشتعل
فطرتنا من الساقي شيال العلم

السلامُ عليك يا ابا عبد الله
.
.
.
.
نجوم     كواكب وقمر    بچت الك دهر
وكل مجره  بيها جمره  كلشي يبجي الك
نوح       نَحَب الك عمر   لطم على الصدر
يعمي عينه  اعله ضعيه  ولو ذكر هَلَك


كل غيمه بهل الدنيا تنعالك مطر
والگمره البسمانه تضوي من القهر
كلشي لجلك صاير يالكلشي صرت
عابر كل الدنيا مو بس الخطر

السلامُ عليك يا ابا عبد الله
.
.
.
.
هيام    يرازق الصدگ    سهرنه الك عشگ
انت زِينه   بكل مدينه   تهوه كربله
شوف  نشوفك بالگلب   بوجودك مو غرب
تسوه اهلنه  وكل فعلنه  منك الهلا

يالتمطر حِنيه اعله گلوب الخدم
وياك الخدمه رِفعه وي غيرك ندم
تارس ناسك فطره وماتنساها ابد
ومو بس فطره ولوعه تارسها شيم

السلامُ عليك يا ابا عبد الله


الشاعر عبدالله الشويلي

في شهادة سعيد أبن جُبير رضوان الله عليه
********************
عدنه أرجال .. مضرب أمثال    
جالنجوم الساطعه
قدوه صاروا للعباد     
وبيهم أتباها الجهاد
مضرب أمثال .. مضرب أمثال  
********************   
أرجال ماتعرف خضوع ولامذله
الظالم الجائر عليها أشما تعله
ماتسلهم عين ألها تحت ظله
مايهمهم كثر كومه وهمه قله
لساني يحتار .. بمدح الاحرار    
للفضائل جامعه
بينو درب الرشاد     
وبيهم أتباها الجهاد  
********************   
أنظر ألأبن جُبير وشوف عزمه
شوف علمه وشوف فقهه وشوف حلمه
تدري بيه أشجان من أنسفك دمـه
ثلث سكان الارض محتاج علمه
شيعي عرفوه .. ودمه سفكوه    
صار قتله فاجعه
أتخلد اليوم المعاد    
وبيهم أتباها الجهاد  
********************
من سعيد أبن جُبير أخذ الاصاله
ومن سعيد أبن جُبير أخذ البساله
ومن سعيد أتراجفت أهل الظلاله
بطل قمه بكل صفاته وكل خصاله
هزهز أركان .. آل مروان    
كل حكمهم زعزعه
أرجالنه رمز السداد   
وبيهم أتباها الجهاد
****************
أتحده الحجاج لمن دخل قصره
كلم الطاغي بشهامه وعلن أمره
بكل تحدي علن حبه لبني الزهره
وماتردد للعقيده فـدّه عمره
أتحده ماهاب .. أهل الارهاب    
والسيوف التصرعه
الشيعه ميهمها أضطهاد    
وبيهم أتباها الجهاد
****************  
اليوم جم حجاج موجود بعصرنه
حشد اتباعه علينه وماكدرنه
أحنه مانلام لو يوم أفتخرنه
شفنه أنواع الظلم وأشكد صبرنه
نلوي الارجاس .. ومانطخ راس    
الراس عالي نرفعه
الشيعه أعليها أعتماد  
وبيهم أتباها الجهاد
**************** 
أحفاده الحجاج كصدونه وأجونه
أحنه مانظلم بشر همه اللفونه
فرد صيحه صحنه بيهم من دنونه
وشافوا أنجوم الظهر من زعلونه
أشما يفعلون .. مايكدرون     
والنصيده أنكطعه
أبطال عدنه بهالبﻻد     
وبيهم أتباها الجهاد
****************                                      #سلام المشعل

هم تدري المكابر
شضمت من جواهر
ماتدري أظنها جم شاب السكنها
شبان شبان

* * * * * *

آنه أم وراح أبني وبعده صرت أمرمــــره
أمشيت لوليدي أعتنيته بحالتي أرد أخبره
من وصلت الكبر أبني البيه الروح الطاهره
كتله يمه كلها تبجي الحالي حتى المكبره

يمه أفتحلي كبرك
عن حالي أرد أخبرك
وياك أرد أسافـــر هم تدري المكابر
هم تدري المكابر وياك أرد أسافـــر
شبان شبان

* * * * * *

ياعزيزي شلونه كبرك روحي بيه متمدده
يمه ريت آنـــه أبدالك بالكبر متوســده
خاف حار الرمل يمه هاك دمعي وبرده
والتراب اتمنه يحجي يمه وأعليك أنشده

تراب الغاضريــه
يمه شسوه بيــه
عالخد دمعي هامر هم تدري المكابــر
هم تدري المكابــر عالخد دمعي هامر
شبان شبان

* * * * * *

يالجنت عمري وحياتي وكل وجودي شاغله
جنت أظن يمــه ابجالك آنــه أعيش أمدلله
ولو وصل موتي ييمـــه نعشي أنته تحمله
وتالي أحلامي يالاكبـــــر فرهدتها كربله

من قدسها ربها
وأتعطــــر تربها
ياظي النواظـــــر هم تدري المكابر
هم تدري المكابر ياظي النواظـــــر
شبان شبان

* * * * * *

أنته أعز من روحي يبني وأنته من ألله هبه
أبدال خدك ريت يمه خدودي كون أمتربه
موكلت دوم أعلى بالي شلون أرد تعب الربه
شو وصل يمه وكتها وشو عفتني أمعذبـــه

يمــــه موتتنـــــي
من رحت وعفتني
شسوت بالمشاعر هم تدري المكابر
هم تدري المكابــر شسوت بالمشاعر
شبان شبان

* * * * * *

يمه شوغني فراقك كلب كلبي شوغـــــه
يمه هاك أسمع نشيغي الكاعده أعليك أنشغه
ومن رحت عالم خيالي كتله روح وبلغه
الحزن كله شسوه بإمك قسه وياها وطغه

ياعمري وحياتي
ماتت أمنياتـــي
ما أكدر اصابــــر هم تدري المكابر
هم تدري المكابر ما أكدر أصابـــر
شبان شبان

* * * * * *

فدوه أروحلك يالاكبر يالحنين أعليـه رد
رد علي يوليدي أخذني يمه ما أحمل بعد
شلون أعيش العمر وآنه لحظه لحظه جاي أعد
الوالـــده شلها بعمرهــا لو أبنهــــا منفكد

يوليدي يغالــــي
غيرك يمه مالـي
شبيها من مفاخر هم تدري المكابر
هم تدري المكابر شبيها من مفاخر
شبان شبان

* * * * * *
سلام المشعل

تصير وحشه الدار اذا مو امي بيهه
روحي ماترتاح اله اسمع حجيهه
البيت مابي كل طعم من يضل بلايه ام
................................................................................
الله بس يعرف قدرها امي ما الها نضير
شما كبر عمري بنضرها ابقى ذاك انه الزغير
امي من تمسح دمعتي بروحها وجفها الحرير
امي يابيت المحنه امي يم كلب الجبير
امي وي عاشوركضت كل عمرهه
وبيتنه يون حيل لو اعلك صورهه
خاف يخلى من اللطم من يضل بلايه ام
................................................................................
مثل شمس الله الجبيره ماتغيره الظروف
من اشم شيلتة جني بكربلا محرم وطوف
لان تسكيه بدمعه من يمر ذكر الطفوف
هيه عيني البيه اشوفن لو مشت بيمن اشوف
الله بالقران وصاني عليه
امي حتى العافيه تنام اعله اديه
البي محنه ينهظم من يضل ابلايه ام

تحجي وي اليل جانت من يجيه و من يروح
تكله ياليل النوايب ارد ا راويك الجروح
ودمعه لو ماتت بحضنك انه احطن بيه روح
عودت عل النوح عيني وهيه ترتاح من انوح
من مصاب الماتت بكسرة ضلعه
عيني مافديوم خذلتني بدمعه
والجرح ماينفطم من يضل ابلايه ام
.......................................................
امي من تختاض ايه وتنقرة الصبر الجميل
مال وياها الزمان ومارضت وياه تميل
لاوت العوز بصبرها وصاوغت بالمستحيل
جنه غيمه جروح تمطر والاصيل ايضل اصيل
مشت عني وبالكبر غمض جفنهه
وغفت لحضات الفرح كلهه بحضنهه
ادري جفني ينحرم من يضل بلايه ام
............................................................................


امي كلشي بكلب صافي رخصت لم الخدر
نذرت الزينب عمرها ولبست ثياب الستر
بالضلام الكاها شمعه ونور وي خيط الفجر
امي بالبيت ابتسامه وامي دمعه بكل كتر
دوم وسط اعيونها انشوف اليتامه
ومن طبعهه اهواي بطباع الحمامه
حتى تبجي عله الخصم من يضل بلايه ام
...............................................................................
الجنه تحت اقدام امي وهاي اكبر جاىزه
جا بد يها اشخله ربك من كرامه ومعجزه
الجلمه تطلع من حلكهه بالمحنه امطرزه
شماردت اوصفهه الكه افكاري توكف عاجزه
من اصيحن يمه يتطهرلساني
كل وكت اقرالها السبع المثاني
تخلص ايامه بسكم من يضل بلايه ام
............................................................................
#عبدالاميرالسعيدي