متي ؟؟ ☹☹☹☹)

ترتيل اصحي ..خالو الطيب قال اجهزي عشان تمشو الجامعه ..

قومتة بي تثاقل وقلت ليها : الساعه كم لكن !!!
قالت لي 6:34ص ..

قومتة بسرعه و مشيت الحمام ..الواطه كانت شبهه مضلمه..مشيت اتسوكتة واستحميت ..طلعته اتوضيت في المغسله ..بعد خلصته الوضوء قعدته ابحلق في البيت..

طبعآ بيتهم موبالغه..❤ ياخ عجبني عجبه !!

تربتهم م زي تربتنا حقت الرمله الناعمه ديييك..
تربتنا في شندي رمله حمراء بتوسخ الزول ..اما هنا ترابهم اسود..عشان كده فتح لي لوني وبقيت حلبيه عدييييل كده انسو بس..

القطيه واااو..احييييينا ..

تحت مبنيه بي طوب وفوق قش..

طبعآ بدون سابق انذار الكلب حق امس الما بغباني جا طالع..دايرة اجري وقفني صوت : لو جريني بسكك والله .
عاينته لقيتو دا امجد ..كان لابس ملابسهم الخدراء حقت المدرسه ديك..

الكلب طوالي جرا ليهو ...وقعد يلحس جزمتو..
قلت ليهو : لالا وهو اسمو منو ؟؟ سامعه امس ناس بتقول : كونواستوب !

ضحك مسسسافه ..طبعآ ضحكتو كسسسسارة حطب ..لو م اصغر مني كنت حبييييتو اقسسوم..

امجد : دا اعز صاحب لي واسمو كونستنتين .الاسم دا لطشتو من مسلس كرتون في ام بي ثي 3
)طبعآ امجد الاخترع كلمة لطشتو دي..والآن الواتس السوداني يتألق بها )
واصل كلامو:
كونو دا لغبو..والسمعتيهو : كونواستوب يعني :كونو اقيف .
هععععع اسمو شنو ؟؟
امجد : اولآ ضحكتك هبله وم بتشبه ضحك البنات
تانيآ اسمو كونس.. تن ..تيين ..
تالتآ ..ماف شي 💔😅

هعععع سمح..انت بتقرا وين ؟؟؟

امجد : ابو الضحكه زاتوو..مدرسة القديمه بنين..

قلت ليهو وانا ماشه : مدرستكم اسمها غرائبي عجائبي ....دخلته الغرفه ولقيت صفصف لمن لبست..
قلت ليها : طالعه ولة شنو ؟

انصاف : اي ..لازم امش بدري شوية.
انتي كمان اجهزي لانو جامعتك بعيده
قلت ليها لييي هي ما جمبه حقتهم ؟؟ قالت لي جامعتهم في السوق هنا بس حقتنا ابعد..هناك في تواوا جمب الجبل..
غايتو علبان افهم البلد دي حأتعب..

بعد شربنا الشاي
طلعنا انا وابوي بي عربية عمو آمير..ساقها ولدو اشرف ..

طول الطريق كانو بتونسو..اما انا انشغلته بي تلفوني..كنت بلعب لعبة القرد المسيخه ديك..

م حسيت بي روحي عشان كده شالتني غمضه..
صحيت علي صوت ابوي وهو بقول : هسي متييييين لمن نامت دي كمان !!!!

فتحته عيوني لقيتهم واقفين برة وفاتحين الباب..واشرف يتبسم ساااي ابتسامتو حمراء ذهبيآ لونهاا زي نار الكمينه بالله
غايتو جنس اووووحراج !!

💙💙💙

دخلنا الكليه..❤😍
واااو حبيتهااا

طبعآ كاتبين بالخط العريض : جامعة القضارف ..كلية الهندسه النووية

واحلي شي الكليه..البناء بتاعها موظبالغه عديييل كده ياخ!
.بجيب نفسيات اقسسوم..

في النص عاملين شكل نواة وحولها الكترونات..يب يب مجسم بتاع ذرة ..ياخ حاجه تلبششششش..

اما الطلبه ديل شغاليييين ... يسووو كدي 👋

...

المهم..

دخلنا كم محل كده..واشرف دا تعب معانا والله ..يسأل دا و ينادي دا ...لقينا واحد وصف لينا محل مكتب المسجل ..
غايتو سجلنا الحمد لله..

السنه بي 20 مليون زي السسسسم ...عاد لكن ابوي يستاهل ..اقله من جزاهو ....

💙💙💙

وبعد كتله من النصائح آخيييييرآ مشو..

وصلوني قاعة البرالمه طبعآ..

لكن المحاضر لمن دخل..
م حبيت أأحرج نفسي عشان كده م دخلته..
قعدته تحت الشجرة وجبته لعبة القرد تاني ...

وانا في نص اللعبه جاتني فووكرة سمحه 😬😬😬

ولأنو معروف عني انو انا شليقه ...قررته انفذ الخطه..

...

نحن حسب ما قال لي المسجل الدفعه السابعه..معناها الدفعه السادسه عبارة عن سنايرنا هعععععع

مشيت للخاله القاعده تحت الشجرة الجمبي..
بتبيع كراسات و حلاوة وكده

سألتها قاعة السناير ووييييين ؟؟؟

الخاله العسل وصفت لي ..ولانو انا محظوظة لقيتهم جايييطين..معناها م شغالين محاضرة..
قومته صلحته عبايتي..طبعآ لابسه عبايه سوداء طلعته من الكيس اقسسسسم ..وطرحه كبديه وشنطه و اسبورت كبديات..يعني انيييييقه وخمسه وخميسه ...

دخللته القاعه ..كلهم انتبهو لي..المشغل اغاني ..والقاعد فوق في الكنبه ( ااي كنبه..لاحظو لي انو انا برلومه سمح ؟؟؟؟ )

بس ماف واحد منهم قدم لي اي نوع من الاحترام..قليلين ادب كييييف !!!!

في واحد كده لونو قمحي كسسسسار..جزبتني حلاقتو من ورا..ﻷنو كان ملتفت علي (الكنبه )الوارهو وبتكلم مع واحده شدة م سمحه !!" التقول تفت فيها الملائكه..

قومته طقتقته ليهو بي يدي وقلته بي صوت مستواهو عالي لكن م شديد..وملان ثقه : هوي هوي ..انت قايل نفسك في حفله ?? ولة في نادي بتاع كورة !!

م التفت ...اتخيلو بسسس ! قليل أدب!

انا م حسيت بي روحي الا وانا ضاربه الدرج بي اعلي صوت : بتكلم معاك انا !

الولد التفت علي بالراااحه وقال بي افتراء : انتي معاي ??? ..

#To_be_Conti...

*نتلاقي* ❤️

ا..فقدت محمد ..فقدت اسرتها ...

نهاية غير متوقعه خالص
وكقانون الرياضيات ف الدائرة الجيب والجتا والظل والظتا

كل جبار ظالم..جاتو مصيبة
وجن كانت جبارة و ظالمه ..جاتها مصايب..رضوان فسخ الخطوبة من اختها و بعد دا سحبو منها مهنتها..
و ف الآخر ياهو فقدت عقلها ..

***

آماني مشت لي ابوي في السجن...وحكت ليهو بالقالتو ليها نوال
بي انهم ظلمو نجاة امي زي م ظلموني اسي
يلا احكي ليكم بالحصل

#فلاش_باك

وقبل 19 سنه كده...امي اتزوجت ابوي وكان اهل امي م موافقين وكده..
امي ابوها واموها متوفين..وعندها علي و توفيق ونوال
علي دا الكبير وكان بمثابة الاب بالنسبة ليهم

اتزوجت ابوي بي عناد من اخوانها .. سفرها شندي
هناك اتعرفت علي معالي الكانت ممرضة في المستوصف..من بداية حملها كده بدت صحبتهم
وكانت طوالي بتذورها ف البيت
وبما انها زي التقولو بدا القطر يفوتها ..قامت ختت عينها علي ابوي
وشويه شوية بقت تعمل دساسات..بس ولأنو معالي كانت طيبة ظاهريآ..نهائي امي م ركزت انو السبب في المشاكل دي صحبتها ..
وجات ولدتني ف القضارف..خالتو نوال نفستها بالرغم من ولدها المشاغب ولييد بالأضافه لي انها كانت حامل بي وجن ..الكانت عاقله شوية وداد..
بعد ولدتني وتمت الاربعين ابوي م فكر يجي يسوقنا ..الا توفيق خالي سافر معانا و قعد معانا كم يوم ورجع..

وياهو يومي مشاكل...لغاية ما يوم ابوي كان ف الشغل وزي الساعه 9:34مساء كده .معالي رسلت كرار اخوها لي امي عشان يجيب ليها آمانة قروش كانت خاتاها معاها..
ومن نجاضتها وخباثتهم رسلتو ف نفس الزمن البجي فيهو ابوي
غايتو جا لقاهو قاعد ف البيت..والحركة.جد غاظت ابوي
الحياة بيناتهم بقت شبه مستحيلة .
والمرض حق الورم الخبيث دا م جبتو براي..كان وراثي..
امي زاتها اتظلمت نفس الظلم..وابوي ولانو م لمسها من ولادتي قال انها خانتو
ضربها وطلقها وقلعني منها..
جات بيتهم ع اساس تلقي دعم...بس كمان واجهت الشي الأنا واجهتو..لغاية ماتت بالسرطان الانتشر في جسمها
حبوبتي ربتني..و فلانه دي دارت ولفت علي ابوي كم سنه بس حبوبتي م ادتها فرصه نهائي...لغاية اتوفت وانا كان عمري 5سنه بس..ودي اتمكنت وعرست ابوي..وياكم انتو عارفين الباقي
#باك
الطيب : انا طلعته طرطور..مرة قدرت تلعب بي عقلي كده !! توديني يمين وتجرني شمال !!
آماني : كلنا غلطلنا..لكن العيب ما انو نغلط ي الطيب..العيب انو نتمادي ف الغلط ونحن عارفين انو غلط.
محكمتك بكرة..نشوف ربنا كاتب شنو..
تتذكرو يوم الحفله موش وليد وصل ترتيل وانصاف البيت ؟؟ وقابلهم آشرف جمب الباب واتضح انو وليدآشرف بعرفو بعض ؟؟ يلا لمن رضوان فسخ خطبتو من انصاف ..آشرف مشي بيت ناس وليد لانو عملو الخطوبة هناك.وكان عاوز يتشاكل مع رضوان عشان فسخ الخطوبة وكده.. بس وليد اتكلم معاهو بالهداوة و نشآت بيناتهم علاقه ود واحترام..يعني وليد وآشرف ما اعداء بالمرة ..وضحت !!؟

يلا وقت وضحت

#To_be_Conti



صدق القال احذر عدوك مرة
و احذر صديقك الف مرة
دا كلو يطلع منك يا وجن