*#ولنا للقاء《19》*
*#بقلم بنان عماد*


*ارتوي القلب(٧)*‏

الإستغفَار يسقي جفَاف الأحزان، ويزرعها أفراح، ويُزهِر أغصان الحيَاة الذابلة!
-أستغفرالله العظِيم وأتُوب إليه!

لقيتها حقت تعاليق الايف استغفرت وعملتو صامت ونمت صحيت الساعه ٤ بكواريك اتنفظت وجريت برا لقيت ايه بتبكي قلت ليها مالك قالت لي ما لقيت امي قلت ليها كيف يعني م لقيتيها قالت لي كانت نايمة جمبي م لقيتها شلتها ومشيت افتش ف الغرف لقيت امي راقده جمب نبأ م عارفه مالهم رقدت ايه وصحيت امي قلت ليها امي خير فشنو؟ قالت لي كنت نايمه سمعت صوت زول ببكي قمت وانتي عارفه باب غرفتي لصق اختك نبأ جيت لقيتها فاتحه صوره ابوها الله يرحمو وتبكي قلت ليها الله يرحمو امي نحن كلنا م شفنا هي متذكره كيف قالت لي بري قلت ليها خليها أمكن فقدت وجود اب معانا قالت لي أي قلت ليها انا حمشي انتظر الصلاه وانوم قالت لي م عندك محاضره الليلة؟ قلت ليها درس بسيط واجي قالت لي سمح حتمشي وين تاني قلت ليها في ملتقي بعدين بعد الدرس قالت لي سمح م تتأخري انا من الصباح حمشي مع ايه قلت ليها خير دوامك بنتهي بتين قالت لي اجي بجد نعسانه انتي امشي نومي ضحكت ومشيت شلت تلفوني واتصلت لسجي عشان ما انوم لقيت تلفونها مشغول رسلت لي قالت لي بتكلم مع تيسير واحمد ادخلك؟ قلت ليها كول جماعي؟ قالت لي يب قلت ليها اممم بفكر بفكر دي م ادتني دقيقه دخلتني قالت لي بتخجلي يعني قلت ليها أمكن قالت لي ياخي ده احمد الواحد ده قلت ليه اسكتي حسابك معاي بعدين احمد كيفك تمام قال لي نحمدو وانتي قلت ليه كويسه قال لي سجي من بدايه الكول شغاله لينا ربطو لي عرسو لي جيبو لي قلت ليه انت م رسلو ليك الفيد سجي قالت لي بناااان تيسير ضحكت قالت لي فضيحه انتي قلت ليها رسلي ليه بلاي قال لي رسلوهو اشوفو سجي قالت لي بنان الله بحاسبك على مستقبلي الحتدمري ده يخ انا عاوزه يديني صحبو اقصد أكبر في نظرو قعدت يضحكو قلت ليها صحبو منو كمان قالت لي قال بجيب لي عريس قلت ليه احمد م تنساني بلاي ضحك قال لي من عنيا قلت ليهم يلا سلام ي جماعه إذن تيسير قالت لي قولي بسم الله كدي قلت ليها بسم الله والصلاة وانا نعسانه والوراي م شويه ف اشوفكم تاني  تيسير قالت لي طيب تشاوو سجي قالت لي سي يو بيبي قفلت بعد كلامهم قمت اتوضيت صليت استغفرت كتير بعد الصلاة لانو المدة البكون قاعده فيها دي االذنوب بتتغفر لمن اقوم ف بقيت استغفر واسبح واصلي على النبي اتحصنت مره وحده وقمت وقفت في المرايه بعد قلعت التوب رقدت شعري وراجعت المنبه قفلت النور وجيت رقدت فجأه بقيت افكر شكل ابوي حيكون كيف ربنا يرحمو نمت طوالي صحيت الساعه ٦ دخلت استحميت واتسوكت ومرقت لبست الشبشب ومشيت المطبخ....

*ارتوي القلب(٨)*
‏﴿يَعْلَمُ خَائِنَةَ الأَعْيُنِ وَمَا تُخْفِي الصُّدُورُ﴾❤.

عملت عجين زلابيه ورميتها ومع كل وحده بكون استغفرت والتانية سبحت والتالته صليت على النبي لمن لقيت نفسي خلصت سحنت السكر جات نبأ قلت ليها يحلوه ممكن تعملي الشاي قالت لي طيب قلت ليها أمس مالك قالت لي اتخيلت لو كنت شفت ابوي قلت ليها م عارفين الخير وين قالت لي ونعم بالله امشي اجهزي قلت ليها تمام قالت لي البسي الفستان الأبيض المخطط بي الأسود الطولى قلت ليها اممم قالت لي والله حلو واسع قلت ليها حلبس معاه خمار؟ قالت لي لا طبعا حجبي الطرحه بس قلت ليها طيب مشيت اتمسحت وبقيت اجهز تلفوني دق وبت قلبي اكيد صبحت عليها وعزمتني فطور عندها دقينا لتيسير وقفلت مشيت اتأكدت انهم قاعدين يجهزو عشان نمرق نبأ دي غايتو بتمشي براها دخلت غرفتي ولميت شعري ولبست الحجاب قلت مسافه يجهزو اكشف بالواتس ده دخلت الواتس لقيت سجي مرسله لي صور عن الطبقات العملتهم جد بقيت فخوره جدا بيها رسلت لتيسير صباحك تيسير❤️حغشاك لمن انزل امي وايه ومشيت لسجي قلت ليها البت الفخوره بيها دايما ❤️❤️واصلي واصلي متأكده حتبقي مشهوره جدا بأكلك الذيذ زيك ده قالت لي حبيبي حبيبي والله انا هسي مشغوله لبعدين +شوفي الاسكرينات ي زفته قلت ليها حلاوه يلا دخلت شفت الاسكرينات كلها "ربنا يحفظها" ما انو كلامها بسيط بس دخل القلب "صراحه حبيتها " "الليله في 😍😍" "يخوانا في مسجد التقوى تعالووو كل مرة بتجي وحده وتمسك جماعه " "بعيدا عن كلامها الصوت حسسني اني م بت😔❤️" "شيختنا❤️"  "حوالي ١١ ببدا الدرس تعالو حتستفيدو " والخ... من تعاليقهم كتيره جدا بس حبيتها امي جاتني قالت لي خلي التلفون ارح قلت ليها من عنيا بس كده؟ ختيت حاجاتي وطلعنا ركبت العربية وركبو ديل واتحركنا لمدرسة الاساس لأيه وامي بتشتغل مدرسه فيها وايه طالبه وتيسير مشرفه نفسيه لمدرسة ثانوية لصقهم بالحيطه اللهم نزلتهم واديت ايه المصروف واديت امي بعد نزلتهم مشيت لي تيسير.....


*-يتبع™*

*#ولنا للقاء《20》*
*#بقلم بنان عماد*


*ارتوي القلب(٨)*
دقيت ليها عشان تمرق لي جات برا قالت لي بت حضنتها قلت ليها شوق يخ قالت لي شوق بس هو؟ قلت ليها عليك الله قدرتي تقومو كيف ومساهرين الليل كلو قالت لي اسحرينا قلت ليها تبارك الله 🤣🤣قالت لي ارح نقعد قلت ليها يلا طيب قعدنا جوا ف كرسين في باب المدرسه وطابورهم شكلو بدأ قالت لي وينو تلفونك اديتو ليها فتحتو وبقت تتصور اتصورت معاي ورفعتها استيت في تلفوني وكتبت "شاقٌ إن لم تكُن كتفهُ هِي" ❤️! قلت ليها ف استيتي؟ قالت لي يب اصلا كلو بنات ضحكت قالت لي دقيقة شالت تلفونها ودخلت الواتس عملت اسكرين ورفعتو ف حقها ميلت راسي كتبت  *درعٌ او أكثر فالحروفُ في وصفُكِ كافره❤️!* 
ابتسمت قلت ليها جد؟ قالت لي اكيد قلت ليها اتصل لسجي وافتحي الاسبيكر قالت لي حتكون شغاله قلت ليه بالمناسبه انا عندي درس وملتقي وحمشي اتغدي ولا فطور م عارفه عند سجي قالت لي خلاص تعالى اغشيني تمام؟ قلت ليها تمشي؟ قالت لي لا ارجع البيت تعبانة قلت ليها طيب يلا بيب بستها ع خدها ومشيت ركبت ومشيت الملتقى كان بتكلم عن الصلاة والصيام لمن الساعه ١٠ ونص جات اتخارجت بسرعه ومشيت المركز سلمت على الجماعه كلهم عاينت الساعه لقيتها ١١ وفعلا الناس دي الليله كانت كتيرة شديد طلعت في الساحة وقعدت في المنبر وشلت المكرفون قلت ليهم السلام عليكم  ورحمة الله ردو السلام قلت ليهم اليوم حنتكلم عن كم موضوع طيب بسم الله والصلاة على أفضل المرسلين سيدنا محمد وعلى آله وصحبه أجمعين
اما بعد:
حنتكلم عن الاهتمام وأولهم الاهتمام بالشعر معظمنا او كلنا م بسرح شعرو او بكسل او م بهتم كتير بخلي منكوش وكده م صح قال رسول الله صلى الله عليه وسلم "مَنْ كَانَ لَهُ شَعْرٌ فَلْيُكْرِمهُ" والنبي قدوتنا ونحن لازم نقتدي بيهو عليه افضل الصلاة والسلام تانيا الريحه ان كانت ريحه العرق او ريحه غير جميله ف النبي ايضا وصى بالتطيب النظافه من الإيمان طبعا وتشمل جميع النظافه بيت أم نفس وهكذا قال رسول الله "حُبّبَ إِلَيَّ مِنْ دنياكُمُ النّساءُ والطيبُ وجُعِلَتْ قرةُ عينِي في الصّلاةِ".
كلنا م بنحب نكون وسط جماعة وتكون ريحتنا م كويسه اكيد حنتحرج طيب نحن لي نخت نفسنا في حته زي دي طيب انت جرب اصحى الصباح استحمي وسرح واتعطر واتمسح ود كلو وانت بتستغفر وازيدكم من الشعر بيت انو النية والحسنات حتكون ماشه الف انتو عارفين ان ابسط حاجه مثلا المويه اذا سقيت احد بماء مش بتشوفها عادي بس أجرها عظيم إذا نويت انت اسقيت شخصا يعني ما اي كلام طبعا فيها حسنات ي جماعه العاوز يدخل الجنه بدخل الا من ابااااااا ابا براهو اي والله يخ ابسط عمل بديك حسنات فما بالك بقيام الليل اَ الصلاه او الصيام والأعمال الأخرى
طيب انت مليت او زهجت من مودك عبد الواحد ده جرب تعديها استغفار او سبيح او صلى ع النبي جرب تغسل او تكوي وانت بتستغفر هو كميه الراحه لمن تحس انك كل ما تستغفر ربنا بغفر ليك وبزيد ف حسناتك زاتها م هينه غير مودك اصنع راحتك بالاستغفار ربنا قال" الا بذكر الله تطمئن القلوب" دي براها م راحة عليكم الله واحد يكون زهجان يسمع اغاني ويزيد سيئاتو ويزهج نفسو زيادة يعني انت زاتك تحتار....

*ارتوي القلب(٩)*
أنوي انك تتغير للأحسن "شربت مويه من الكرستال الكانت جمبي وختيتها " طول ما انت ماشي في طريق ربنا م حتتعوج طرقك وحتتفرج عليك وابشركم؟ ينفعكم يوم لا ينفع مال ولا بنون يوم تهرب من امك وابوك تهرب من كل شي وتقول نفسي نفسي يوم لا ملجأ لك غير الله يوما لم يكن فيه توبة اَ استغفار اجتهد كأنه امتحان الا وربي هو امتحان نجتهد عشان ناخد امتياز ربنا واااااعدنا باللجننننه الجنه ولا اي جنه فيها ماف حساب الجنه المهما اتكلمنا عنها ما حنوفيها ماف حساب حتمشي وتلبس وتعمل كل الخاطرك بيه ماف صلاه ماف حسنات او سيئات دي دار الأخره اجتهدو في سبيل الجنه وعفا الله عنا وعنكم وادخلنا الجنه وغفر لنا ما تقدم وما تأخر واستغفر الله لي ولكم والسلام عليكم ورحمة الله وبركاته نزلت شربت مويه وبقيت اسلم على الناس مسافه مرقت ده زاتو احد نص ساعة دقت لي سجي قالت لي منتظراك ع فكره م تشريني قلت ليها كويس يلا قفلت منها واتحركت علي تيسير اول غشيتها دقيت ليها تمرق بعدها جات سلمت على وبقيت احكي ليها عن الحصل قالت لي يوم حأحضر والله قلت ليها أن شاء الله المشكلة انا بكون متوتره شديد وم بعرف بتلخبط قالت لي عشان اول مره خليك من ده د شنو قلت ليها شنو وقفنا في الاستوب رفعت تلفوني الكان في يدها ورتني الدردشه ديك حقت الادمن الدخل لي قالت لي م كلمتيني لي قلت ليها بشنو قالت لي انو احمد دخل ليك قلت ليها د هوووو اسلوبو كده؟ قالت لي لا بس جا قال لي كيف تقولو كدة ف القروب وهو فيه التقدير والاحترام أهم شي انا زاتي اتخلعت لمن وريتو انك بت وبنان سكت وبقا يعتذر قلت ليها مممم يختي كان مرتبطه معاهو ورينا ضحكت قالت لي لا والله م كدة قلت ليها بلاي اسكتي قالت لي انتي زعلتي منو؟ قلت ليها ف

*#ولنا للقاء《21》*
*#بقلم بنان عماد*

*ارتوي القلب(١٠)*
دقت لي في نص الطريق قالت لي اكيد م حتجي وشريتيني بتعرفي تمشي لتيسير بس م بتعرفي تجيني قلت ليها حرجع والله قالت لي يعني جايه؟ قلت ليها بعد الذلة دي اجي قالت لي بطلي يخ انا عملت البيتزا والمشاوي والكاتشب والمايونيز وعملت ليك اكلتك المفضله مكرونه بي الشيدر وعملت دجاج وبطاطس حرام لو م جيتي بعد ده قلت ليها لالا بجي تب بس ناكل في المطبخ قالت لي طيب تعالي بسرعه يخ قلت ليها ظاااااااااابط قفلت وزدت السرعه وانا متحمسه للطقه لمن وصلت عدلت الطرحه ونزلت امنت العربيه ودخلت المطعم لقيتها واقفه مع واحد كده مشيت قلت ليها سوري اتأخرت عليك قالت لي ولا يهمك يحب سلمت على قالت لي المطبخ بهناك قلت ليها واو على أساس م جيت قبل كده ضحكت ومشيت المطبخ لقيتها خاته صفره في الأرض والاكل في مشيت برا التلاجة لقيت واحد واقف م اشتغلت بيه وشلت باردين ميرندا الولد قبل قال لي نعم؟ دفعتي؟ عاينت ليه قلت ليه لا قال لي وداخله لي هنا وشايلاهم فاتحه نفسك قلت ليه طيب دقيقه ي سجي ي سجي سجي جات الولد قال ليها ي شيف سجي البت دي ..... قاطعتو بي دي صحبتي عازماها الليله غده معليش ي عمر قال ليها اااا اسف ي صحبتها والتفت يدي الناس الجو وقفو صف مشينا المطبخ وقعدنا قلت ليها شكلهم ضابطين قالت لي د كلاممككك؟ صورت زيين البت وانا منتظره ومشحتفه روحي البت لمن قالت لب كفايه يلا بسم الله عاينت ليها قلت ليها لالا عليك الله صوري زياده قالت لي طيب دقيقه قلت ليها بكفتك ارح ضحكت اكلنا وانا بعلق ع الاكل انو ضابط........

*ارتوي القلب(١١)*
قالت لي احمد قلت ليها مالو قالت لي أمس قال لي انا م قايل انو دي بنان ورسل ليك م رديتي قلت ليها بري م شفت الرساله والله قالت لي افتحي الواتس طيب فتحتو فعلا لقيت رسايل
-السلام عليكم
-كيفك بنان كويسه؟
-ااا انا احمد طبعا
-اسف جدا على حركتي البايخه دي وم كان قصدي
م كنت قادرة ارد عشان باكل قلت لي سجي الولد اعتذر قالت لي ردي طيب قلت ليها باكل لو م شايفه ضحكت اكلنا بعد خلصت قمت قلت ليها ارح نقعد برا قالت لي يلا طيب قعدنا في الطاوله المطله علي الشارع قالت لي ارتبطت طبعا قلت ليها نعمممم؟ قالت لي تالله مع واحد اسمو على قلت ليها مممم ولي م وريتيني قالت لي لاني م اتذكرت قلت ليها امممم تمام انا ماشه قالت لي بنان والله م اتذكرت اوريك والله ده أمس زاتو قلت ليها تمام ي زوله قالت لي بناااااااان يااااخ بطلي والله اخر مره وامس م كنتي داخله رفعت حاجبي قلت ليها امس م كنتِ عندي؟ قالت لي يخ م اتذكرت بطلي قلت ليها وتيسير عارفه؟ قالت لي ممم اي قلت ليها تمام تمام يعني انا اخر وحده اعرف؟ وكمان بكل برود تقولي لي ارتبط؟ وبدون م اشوف هل هو كويس وحيبقيك حلالو ولا بقضي بيك وقت ترتبطي ساي؟ قالت لي بناااااان يخ ما اكيد شفتو قلت ليها وريني صورتو طيب قالت لي طيب فتحت تلفونها ورتني قالت لي اها قلت ليها ممم الزول ده بقضي زمن ساي وواضح انو كعب قالت لي م كعب بنان انتي بس معقده قلت ليها طيب الزمن وانتي في يلا حمشي لانو ديل براهم وعاوزه اطبخ واعمل بسكويت قالت لي حشوف ليك اخوهو القرض اسمر وعندو قرنه في حابو قلت ليها شكرا لنفسك انا م عاوزه وجع رااااس😂قالت لي شاحده ربي واحد يطلع زيتك ي مؤفنه😂قلت ليها ادعي كويس حبيبتي برضو م حرتبط😂قالت لي نشوووووف حبيبه قساي قلت ليها اصلا حتشوفي قالت لي عاوزة بالحلال عشان تاخدي راحتك في الكلام مووووش ضحكت ضحك قلت ليها ايي بس كدة بطمن وانا بتكلم معاه قالت لي حييييينا شكلك مرتبطه من وراي قلت ليها احمم قالت لي نعممم قلت ليها احم زحي كرسيك لانو في واحد عاوز يعدي ضحكت وقامت صلحت الكرسي قالت لي وحات الخلقني قايلاك ارتبطي من ورانا على القسم سكين نسوي فوقك ضحكت قلت ليها سجي انا؟ قالت لي امشي ي بعيده ي وسخه😂😂كان م اكلمك بس😂😂تاني ذله ليوم لا يعلمون😂قلت ليها تستاهلي انتي اصلا قالت لي خلاص ي جميله نتلاقه في الواتس واحتصل اطمن و بعد ده زاتو خالد بدق لي يقول لي امرقي وقفلي المحل قلت ليها خالد ده هارشك شديد والله 😂😂قالت لي اسكتي بس كل مره بقول ليه اريتك م أخوي ضحكت واطعمجت فيها كويس حتى ركبت ودعتها ومشيت دقيت لأمي قلت ليها اها؟ عاوزه حاجه قالت لي اية عاوزة بسكويت شكلاته وموز قلت ليها كويس وتاني قالت لي م عاوزين شي تسلمي لي انتي قلت ليها طيب غشيت السوبر اشتريت ليها كرتونه بسكويت وماربيلا وبارد واحد بزيانوز والتاني تفاح ومرقت حصلت البيت دقت لي سجي وانا بدخل العربية في القراش قالت لي وصلتي يمزه؟ قلت ليها يب الحمد لله هسي قالت لي م تكوني مشيتي بزعلك وم اتخلصت منو قلت ليها مم لا م زعلانه بس زعلانه ضحكت قالت لي كيف ده قلت ليها يعني خلاص الزعله راحت بس زعلانه لاني اخر وحده اعرف قالت لي انا احمد م كلمتو ضحكت قلت ليها أن شاء الله يشيل حقي قالت لي اصلا هي يلا خالد واقف لي برا قلت ليها جاك هو قالت لي اي لاني اتأخرت قلت ليها

*#ولنا للقاء《22》*
*#بقلم بنان عماد*


*ارتوي القلب(١٢)*
جات حضنتني قالت لي بحبك بحبك عشرة مرات قلت ليها هسي م قلتي ابيت قالت لي لالا حبيتك هسي ضحكت قلت ليها ماما وين قالت لي نايمه قلت ليها مم طيب دخلت الحمام استحميت واتوضيت طلعت سرحت شعري وصليت دخلت المطبخ وبقيت اعجن في البسكويت بعد خلصت قلت اطبخ كدة بكون اديتو زمن طبخت كم حله وبعدها بقيت اقطع ف البسكويت بي المكنه اخت ف الفرن واقعد امسك التلفون احضر في تيك توك لمن قفلت ودخلت واتس لقيت رقم احمد مرسل لي
-زعلانه لدرجه م تردي خير ي زوله راحتك أهم شي
اتذكرت اني م رديت دخلت رديت ليه
-وعليكم السلام
-لالا ياخ العفو والله
-زعلت حبه ونسيت الموضوع ولا يهمك عادي
-تشرفنا
-قبيل كنت مع سجي وبناكل ونسيت ارد ليك وخشيت البيت قبل ساعتين وانشغلت
-معليش م قصدي ازعجكك
كان اونلاين اصلا فرد لي بسرعة قال لي م شاء الله اي كلمتني قلت ليه ااا كويس والله قال لي كيفك كويسه؟ قلت ليه تعب بي والله
قمت فتحت الفرن لقيتو لسه قعدت ف المصطبه قال لي صحبت تيسير وسجي يعني قلت ليه اي قال لي م شاء الله والله طيب عرفيني عليك قلت ليه اخد صنه كدة قال لي صنه لشنو ؟ قلت ليه عشان تعرفني اكتر قال لي ااا حنك البنات الرهيب ده والله كويس طلعتي بت م زي الاولاد المصاحباهم ديل قلت ليه اولاد؟ قال لي سجي وتيسير 😂😂😂😂رسلت لي ايموجات كتيرة ضحك قال لي تدوم ي السمحة بس اشم ليك ريحة الفرن جدعت التلفون وفتحتو لقيتو حرق وااااااااااااااااااااااااااااي حسبي الله ونعم الوكيل فيك ي أحمد طلعتها بسرعه ودخلت البعديها نزلتو في الصينيه وشغلت المكنه عملت الصينيه وقعدت شلت التلفون لقيتو مرسل لي
والله كويس الحمد لله المره دي اصاحب بت زي البنات كفايه محمد ولد في دنيتي قلت ليه بعيدا عن د كلوووووو😭م عافيه ليك ي أحمد م عافيه ليك عديل وحسبي الله ونعم الوكيل قال لي بسم الله الرحمن الرحيم
فشنو يبت الحصل شنو قلت ليه والله انت كلب 😭😭قال لي العياذ بالله فشنو يا بت الناس قلت ليه بتكلم معاك الصينية حرقت ضحك قال لي وانا ذنبي شنو قلت ليه سرحت ف الونسه ونسيت الفرن قال لي م شاء الله وكمان ست بيت لالا حعتمد انا قلت ليه تعتمد شنو؟ قال لي اخدي صنه على قولك ضحكت قال لي اها قولي سرحت بي الونسه معاك وحرقي الفرن وتعالى شبكيها فيني قلت ليه نصيبه حتطردني الليله شكلي حنوم في الشارع ضحك قال لي نصيبه ده لي نسيبة؟ قلت ليه يب دي امي قال لي ياخي الليله ابوك م يسمعك 😭😂😂😂قلت ليه الله يرحمو قال لي لاحوله ولا قوة الا بالله العلي العظيم ربنا يرحمو ويغفر ليه قلت ليه اللهم امين قال لي معليش ياا م قصدي قلت ليه لا عادي اصلا م شفتو او م متذكره انا قال لي كيف يعني قلت ليه من وعيت للدنيا كان مغترب برسل لي امي وهي تجي براها وبخلوني انا ونبأ عند حبوبه وكان برسل ليها براها عشان ربنا م فتح عليه كتير ف كنت صغيرة شديد آخر مره أمي جابت ايه اختي وهو اتوفي هناك وجابو الجثمان هنا قال لي ااا ربنا يرحمو يرب يعني شفتي صور بس قلت ليه ايوه قال لي وسافر السعوديه خلاكم براكم كيف قلت ليه عادي يعني قال لي ممم طييب خلينا من السيرة انتي عمرك كم قلت ليه عشرينية قال لي م شاء الله قلت ليه ايوه قال لي شوفي الفرن عشان بعدين م تشبكيها فيني قمت مخلوعه وقلت ليه واي نسيتو جريت فتحتو الحمد لله لحقتو طلعت الصينيه..

*ارتوي القلب(١٣)*
وبقيت شغاله لمن انتهيت شلت التلفون ودخلت جوا لقيتو مرسل لي شكلك لقيتها محرقه وتم تطردك من نصيبه ضحكت قلت ليه احمد انت م نصيح والله مشيت تميت شغلتي وكذا
رسلت لي سجي قالت لي يضوي ليك حبيبتي قلت ليها
اختيني يبت قالت لي السافهانا عشانو ده يفرش ليك الأرض ورد قلت ليها بتنا جاتني رسالتين في قروب فضفضة يلي فيه انا وهي وتيسير قالت ليها
"العلامه دي- يعني رسايل ورا بعض م حوضح تاني"
-تيسير تيسير
-بنان لقت غيرنا
-تحكي ليهم وتفضفض ليهم
-يضوو ليها ي تيسير

تيسير بدت ترد
-ايوااا وانا اقوا سافهاني لي
-يضو ليها ي سجي
-تمام تمام
-هي برضو م حتلقي زينا
-لكن يضووووو ليها ويفرشو ليها الارض ورد

سجي
-خليها ي تيسير
-هسي هي بتشوف في كلامنا وم بترد
-مشت ليهم

قلت ليها م قادره عليك ي سجي وي تيسير انتي زاتك؟؟ م تشتغلي بي سجي دي بتولع في النيران ساي سجي قالت لي وكمان م بتشتغلي بي عشان بقول الحقيقه قلت ليها خليك مع عليك ده ينفعك قالت لي متشاكله معاهو زاتو قلت ليها بسم الله الرحمن الرحيم بتين ارتبطي عشان تتشاكلي قالت لي هو قليل ادب تيسير قالت لي اتخيلي اتشاكلت معاهو لي قلت ليها اها لي قالت لي عشان م داخل نص اليوم ومشغول اليوم كلو وم فتضي ليها اتخيلي بس قلت ليها دي قله ادب منها بس م اكتر سجي قالت لي

*#ولنا للقاء《23》*
*#بقلم بنان عماد*


*ارتوي القلب(١٤)*
قلت ليها اللهم هو الموضوع م خطير هايجين كده سجي قالت لي احكي ياخ م عندك شغله بي خطير ولا لا قلت ليها سمحح فتحت المحادثه وقريتهاا ليهم كلها بعد خلصت سجي قالت لي وقع وم سمي تيسير قالت لي جبتي راسو كيفففف سجي قالت لي خلاص وقع وقع يحليلو مع وحده م بتعرف تعبر قلت ليها سجي اختيني نحن مجرد اصحاب لينا يوم سجي ضحكت قالت لي حلوه دي تيسير قالت لينا نعسانه ي شباب تصبحو على خير وخلو بالكم من نفسكم ولي بكره سجي قالت ليها دجاجه انتي؟ تيسير قالت ليها ما هو انا نعسانه والله قلت ليها نومي يقلبي وانتي كمان خلي بالك من نفسك واتغطي كويس قالت لي طيب ي سكره يلا تشاوو مرقت من الكول قلت لي سجي هوى انا زاتي اشوف نوم ينفعني قالت لي معليش نوم ببح لو م رجعتينا انا وعلى قلت ليها هو حصل شنو بعدها قالت لي قلت ليه اي يعني الجمبك قال لي ايوا سجي انتي لي بتعامليني كده يهنايه حنيت عليهو 😂😂😂😂قلت ليها حرام عليك قالت لي اصبري قال لي اخلي الشغل 😂😂😂قلت ليه لالا استرزق يولد الناس انا بس فقدتك وهو كان طلع لمن رسل لي اخلي الشغل اححيي قطع قلبي ي بنان ضحكت قلت ليها تفاهه ماشه الف ي سجي مقادره عليك انا😂😂😂قالت لي ولا حتقدري قلت ليها اها والحصل شنو قالت لي قال لي البينا انتهى قلت ليها وت قالت لي جد متخلفه يعني اقول ليك مرق تقولي لي قال ليك شنو ضحكت قلت ليها بكره مأجزه قالت لي م عندك محاضره يعني قلت ليها نوو قالت لي صاابها في البيت؟؟ قلت ليها يب قالت لي طيب حجيك نمشي سوا قلت ليها اختيني انا عاوزه انوم بكره ده قالت لي لالا تمشي معاي قلت ليها مام قلت ليك في الوقت ده رسل احمد قال لي صاحيه لي الان؟ اتوقعتك نمتي قلت ليه لا م نمت
سجي قالت لي الشاغلك يتهني بيك
قلت ليها لا احمد دخل ورسل لي
قالت لي دخل؟ طيب دقيقه
شكلها دخلت رسلت ليهو قالت لي م برد قلت ليها ادي الرساله نفس كدي
رد لي قال لي انا هسي جيت داخل من الشغل والله قلت ليه والله كويس قال لي دقايق واجيك تمام؟ قلت ليه ظابط
قلت لي سجي تتهنو ببعض ضحكت قالت لي يخ احمد ده عسل قلت ليها مالو قالت لي قال لي لقيت مصاصه في الدرج افتحي البلوتوث احولها ليك قلت ليها واي افتحي بيل سجي دي بقت تضحك بأعلى حس قلت ليها سجم رحاب وسجم حيدر وسجمك انتي زاتك قالت لي وحات الله ضحكتيني قلت ليها يخ كنت جاده هسي انتبهت قالت لي مقادره نفس غبائي ضحكت قلت ليها قولي لي فتحتي قالت لي دي المشكله وجاده قلت ليه الا تحولها بقيت اضحك لمن امي جاتني...



*ارتوي القلب(١٥)*
قالت لي أن شاء الله يعرسك قلت ليها هسي لو ولد بضحك قدر ده قالت لي سجي دي م بتفتر منك م شاء الله اقفلو كفاكم قلت ليها سمح ي امي قالت لي م تضحكي كده هسي خلعتيني قلت ليها حاضر من عيوني مشت سجي قالت لي هرشوك😂😂😂😂 قلت ليها بسببك ي كلبه قالت لي يزوله انا مالي قلت ليها م مايله قالت لي يلا قدي نومي 😂😂😂قلت ليها كلبه قالت لي نعست بس قلت ليها وتخليني لمن تنعسي تفاهه ماشه الف يلا قالت لي مش؟قلت ليها هسي النوم طار انتظري انعس قالت لي م بعرررررفك عشره مرات قلت ليها انتي قليله ادب ولا شنو لا تنتظري غصب عنك ي تافه قالت لي معليش استحملي قلت ليها سجي اختيني وحتساهري غصب قالت لي يلا حجيك بكره وتمشي معاي قلت ليها طيب قالت لي أن شاء الله فجأه اسمع لبك صوت شاب قال احم انا دخلت زحيت التلفون وبقيت اعاين للباب ولي الغرفه ورجعت التلفون اضاني سجي قالت لي طبعا انتي م زول عشان استأذنك. قلت ليها تستأذني شنو قالت لي بعد ضحكه كده دخلت احمد سكت ساي عاد خلعتني البت احمد قال لي اطلع؟ ضايقتك؟ قلت ليه ااا لا انا حمشي انوم بس قال لي ممم طيب تصبحي على خير قفلت دخلت واتس شفت الاستيتات جاتني رساله من سجي دخلت قالت لي سخيفه جدا قلت ليها انا م حتونس مع ولد زي المواعيد دي وانا م بعرفو كويس يعني قالت لي كنتِ تكوني خمسه دقايق وتمشي قلت ليها لا انا جد نعست هسي النعسه تطير تقولي لي م عندي فيك شغله وم طيرتها انا حركاتك دي بعرفها قالت لي طيب يلا خلي بالك من نفسك وتصبحي على ما تتمنى ♥️قلت ليها وانتي كمان يحلوه واللهم امين جمعا م عارفه نمت كيف صحيت بتلفون رديت قالت لي اقفلي النت ي بت قلت ليها ااا شكلي نمت خليتو فاتح قالت لي اي اقفلي واتغطي ونومي قلت ليها طيب يلا قفلت منها وقفلت النت واتغطيت عديل وم عدت ثواني الا انا مستسلمه للنوم بعمق...


*-يتبع™*

*#ولنا للقاء《25》*
*#بقلم بنان عماد*

*ارتوي القلب(١٨)*
هبطت وراسي لفا انا الأكسجين حسيتو حينقطع مني قالت لي بنان ارح سجي لحقتها في المستشفى وايه جبتها معاي عشان نمشي دقي لتيسير لانو سجي شالت العربيه اديتها التلفون كيف م عارفه دقت عليها قالت لي تيسير خلي التلج شلت التلفون منها لقيتها بتاكل ف تلج وتتكلم قلت ليها ي تيسير الحقينا اميي ف العنايه وم فاهمه شي وم قادره اتحرك والله سمعت صوت تفها للتلج قالت لي بخلعه انتو وين قلت ليها ف البيت ي تيسسير ارح بسرعه قالت لي طيب قفلت نبأ قالت لي قومي غسلي وشك ارح ونودي ايه لناس تيسير قلت ليها م قادره اقوم حاسه بهبوط والله قالت لي استغفر الله العظيم قلت ليها هي مالا؟ قالت لي دقت لي المديره قالت لي امك نسيبه قلت ليها اي مالا قالت لي فجأه بقت م قادره تتنفس ولون وشها بقا بنفسي واتصلنا للأسعاف حينقلوها العنايه في البراحه وكده وجيت لقيت سجي بتتكلم ولا بتعمل شنو م عارفه كلمتها وانا مخلوعه صرخت بخلعه وبقت تقول لي خالتو مالا وجرت لحقتهم قلت ليها طيب قوميني قومتني صليت على النبي كتير وحاولت اشيل نفسي قلت ليها يلا نقفل البيت قالت ليي حيلك م شايلك تقفلي شنو ياخ وبعدين امشي البسي بنطلون جنز بي تحت قلت ليها يخ م قادره ي نبأ ارح قعدتني ايه جاتني قالت لي ماما حصل ليها شنو قلت ليها مست تاخد حقه بس
نبأ مشت قفلت البيت طلعنا قعدنا في المصطبه تيسير جات بدق ف البوري كتير عشان نجي قمنا ركبنا قالت لي بنان البتعملي فيه ده م صح اي شي قضاء وقدر وصلى على النبي كتير يازوله انتي م مؤمنه ولا شنو قلت ليها مؤمنه بس اتخلعت والله قالت لي معليش بس اصبري تمام قلت ليها أن شاء الله كانت بتتكلم وتسوق نبأ قالت لي بنان معاك قروش؟ قلت ليها لالا والله الا اطلع من الصراف قالت لي حييي طيب مشينا الصراف كان قدامي سبعه انتظرت قلت لي الوراي دقيقه احجز لي مكاني ماشه العربيه وجايه ممكن؟ قال لي طيب ان شاء الله مشيت ليهم دقيت الشباك لتيسير نزلت قالت لي م لقيتي؟ قلت ليها لقيت قدامي سبعه انتي امشي ودي ايه وتعالى بكون خلصت وصرف قالت لي خلاص يازوله يلا خلي بالك من نفسك وم تمشي من محلك هنا تمام قلت ليها اوك مشيت الولد اشر لي مشيت قلت ليه تسلم قال لي الله يسلمك بقيت منتظره زهجت زاتو كان باقي اتنين عاينت لتلفوني لقيتو بدق شلت رديت قال لي بنان أن شاء الله خير فشنو قلت ليه مالك انت مقلق كده قال لي سجي م بترد وتيسير م بترد واكتر من مكالمه م بردو وقبيل بتكلم مع سجي فجأه سمعت صوتها بتصرخ وقفلت الخط قلت ليه امي ف العنايه وهي كانت بتتكلم معاك ف الصاله ونبا جات بتلهث ومخلوعه عشان كده صرخت وكده قال لي في ياتو مستشفى؟ قلت ليه لا طبعا م حتتجي قال لي زميلك ف الجامعه م تخافي قلت ليه ممم طيب قال لي اها قلت ليه ف عنايه البراحه قال لي طيب يلا قفل لقيت دوري جا اخيرا طلعت قروش عاينت ورا لقيت تيسير يادوب وقفت ركبت ودورنا مشينا المستشفى....


*ارتوي القلب(١٩)*
نزلت بسرعه لقيت سجي في المظله البرا قاعده قلت ليها سجي قالت لي بنان حضنتها قلت ليها لي م صحيتيني قالت لي انا قدرت افهم شي طوالي جيت هنا ناس امي دخلوهم قلت ليها جوو؟ قالت لي اي معاهم احمد قلت ليها وووووتتت؟ وقال ليهم انا منو؟ قالت لي ود كلب قال زميلنا ف الجامعه قلت ليها م طبيعي والله ضحكت قالت فعلا مجنون قلت ليها بخلونا ندخل؟ قالت لي انتظري عشان خالد ومحجوب وامي وابوي واحمد كلهم جوا قلت ليها امم طيب دقي ليهم يطلعو عاوزه ادخل قالت لي طيب دقت لي احمد جا سلم على وعاين لي قلت ليه ماما كيف؟ كويسه؟ مافيها؟ شي؟ قال لي اااا اي كويسه الحمد لله قلت ليه قالو مالا؟ قال لي عندها تضخم في القلب بس قلت ليه لا اله الا الله محمد رسول الله وقعدت قال لي هسي مودنها مستشفى القلب قلت ليه للدرجه دي؟ قال لي اي اتصبري بس قلت ليه احييييييي لو حصل ليها شي احييي قال لي استغفري ي بنان جو أهل سجي اقصد اهلنا❤️
سلمو على خالتو رحاب قالت لي سلامتها اوعه تقلقي كل شي بحصل من عند ربنا ونحن م حنعترض قلت ليها طيب سلمت على الباقي وقلت ليهم حدخل خالد قال لي طيب ارح سجي قالت لي حمشي معاك محجوب قال ليها اي امشي مشينا دخلت أمي شافتني فتحت عيونا قالت لي ستهم جريت حضنتها وماسكه دموعي عشان م اقلقها قالت لي موديني القلب هسي قلت ليها أمي انتي م حتمشي زي ابوي صح؟ انا لسه م حفظت القرآن عشان البسكم تاج الوقار بعدين انا لسه م حققت طموحاتي وسفرتك للعمره يمه انا لسه م وديتك دول برا النفسك تشوفيها يمه عليك الله م تفوتي قالت لي كلو بي يد ربنا يبتي كلو مكتوب بست يدها شديد وحضنتها وبست رأسها الدكتور قال لينا امرقو مرقت ودموعي غصب عني نزلو وبقيت ابكي وخاته يدي في وشي احي يمه لو مشيتي اقول ي منو خالد قال لي بنان استغفري قلت ليه خالد امي لو مشت زي ابوي اقول شنو قال لي استغفر الله العظيم كلو مكتوب ويومها كان هسي بتموت وكلنا لها والدوام لله وحده ونحن م حنعمل شي غير نصبر

*#ولنا للقاء《26》*
*#بقلم بنان عماد*

*ارتوي القلب(٢٠)*
انا ركبت معاها وهم مشو بالعربيه التانيه لمن وصلنا نزلت ونزلوها ابو يخلونا ندخل جوا بس قعدنا بره خالد قال لي قالو بعد تستقر حالتها بدخلوها قلت ليه طيب محجوب قال لي هي انا حمشي اجيب سندوتشات جعان والله تيسير قالت ليه د الطبيعي وين الجديد حسي قال ليه الله أكبر قالت ليه م هو م شاء الله م ممكن فكل مكان قال ليها زعلانه على اكلي؟ سجي قالت ليهم شباااااب بليييييييز هششش اسكتو نحن ف مستشفى قلت ليها لا خليهم يتمو عاوزه اضحك ضحكو نبأ قالت لي مبالغه والله قلت ليها د الطبيعي بس م يتلمو قالت لي م شاء الله تيسير قالت ليها م شاء الله فشنو نبأ قالت ليها حلوين مع بعض تيسير ومحجوب عاينو لبعض بخلعه تيسير قالت ليها ذوقك بييش ي حلوه انا ومحجوب مف اي حاجه حلوه ف علاقتنا محجوب قال ليها حرف حرف وبعدين تكون حلوه كيف مع وشها الحامض د انا عاوز أشوف وجوه بنات م اولاد كفايه اولاد ف حياتننا يخ انا ضحكت ضحكه قلت لي تيسير سوري الانوثه تبكي ف زاويه الاهانه قالت لي ي يمه
سماحه من الله لا كريمات لا تراكيب نحن ناس الطبيعيه الزينا ماتو هو عشان بتصنع ود شبهو ف هو بحب البنات المن النوع د وبعدين... وقفتها بي اخدي نفس وااصلي الكلام م جاري منك قالت لي لالا انتظري أأدبو د قليل ادب ولا شنو قايلني م بت يعني قال ليها هو انتي فعلا م بت يعني اللة يسألك انتي هسي حاسبه نفسك مع البنات؟ نو انتي ف جهه والبنات في جهه بس تيسير قامت عاوزه تصفق نسمع ليك صوتتت ي زفاااااتين انطمو اسمع نفس واحد فيكم بفضي ليكم الرصاص د ف عقلكم حق الشفع د د شنو د ياخي زهجتونا زاتو بالله نفس تاني م شفت 🤣🤣🤣🤣🤣🤣🤣🤣تيسسير لمن بكت من الخلعه هو ما لكن صوتو اتبحا 🤣🤣🤣🤣🤣🤣قبلت قلت ليها بتنا بتبكي لي قالت لي م بحب زول يسرخ فيني قلت ليها تستاهلي م شايفه انتي ومحجوب بتتشاكلو كيف ليهو حق انا احيه خالد قال انا قلت شنو سكتنا ساي عاينت لي نبأ تتبسم ساي وجهت نظري لأحمد لقيتو ف تلفونو وتيسير بتقشقش ف دموعها وسجي بتعمل لي محجوب حركات بوشها محجوب قام ومشا وكب العربيه وفات قلت لي خالد ممكن اتكلم قال لي انا م سكتك انتي قبلت على احمد ونبا وسجي قلت ليهم كدي فتشو تحتكم قالو لي شنو قلت ليهم جبهتي بقو يضحكو عاينت لخالد ونزلت عيوني كنت عاوزه اتكلم بس بعد القصف د لو مت م اتكلم معاهو قمت قلت لي سجي ارح معاي عاوزه اشوف عملو شنو خالد قال لي خليك هنا ده تمشي وين ومشي هو قله ادب كده عجيبه قعدا انتظرت جا قال لي دخلوها وقالو اتنين اتنين يدخلو يسلمو ويطلعو قلت ليها تمام يلا انا وهو مشينا دخلنا وطلعنا الطابق الفوق دخلنا غرفتين والتالته كانت هي مرقده فيها قعدت جمبها وبست يدها قلت ليها اتحسني...


*ارتوي القلب(٢١)*
قالت لي أن شاء الله حبقى كويسه واطلع ليكم بالسلامه م تخافي ي بتي قلت ليها حاضر حبيبتي قالت لي حتمشو البيت بتين قلت ليها انا بايته خالد قال لي بنان مش قلتي لأبوي لالا م حبيت قلت ليه لو قلت ليه لا حبيت كان جبرني امشي ويحنسني وانا م عاوزه كده فقلت امشيه قال لي م حتبيتي الكلام د واضح قلت ليه واضح ليك انا حبيت واوعك تمنعني قال لي يا الله قمنا ع العناد؟ قلت ليه ايي قال لي م صح قلت ليه م بمشي امي قالت لي كان م مشيتي قلت ليها هش ي امي عليك الله خليني ببيت ونبا ترجع بيت تيسسير ترقد مع ايه قالت لي انتي مصره قلت ليها اي عليك الله خليني قالت لي اها البحرسك منو قلت ليها خالد خالد قال لي م بعرفك انا زاتي ماشي قلت ليه يحرسني الله بس انت خليك ي غتيت م اشتغل بي قال لأمي العنيده في عيوني أن شاء الله انتي ابقي عافيه السستر جات قالت نمرق قلت ليها كويس امي قالت لي خلي بالك من نفسك ويا خالد بالك منها ومن الناس البرا عليك الله قال ليها من عيوني ي خالتي بستها فراسها ومرقنا قال لي حتنومي وين اها قلت ليه ف الارض قال لي حيوانه قلت ليه شكرا ليك قال لي محجوب حيكون جاب الاكل قلت ليه هو بلاي مشي يجيب الاكل قال لي اي م عندو كرامه يزعل يمشي وين ضحكت طلعنا برا فعلا لقيناهو جا تيسير قالت لي كان تبيتي والله قلت ليها أدخلو دخلت تيسسير ومعاها احمد سجي قالت لي تعالي اقعدي اتسممي قلت ليها جاب شنو قالت لي شاورما وبيرقر  قلت ليها جيبي شاورما طيب ادتني ومعاها بارد.....


*-يتبع™*

*#ولنا للقاء《27》*
*#بقلم بنان عماد*

*ارتوي القلب(٢٢)*
*"صلو على الحبيب "*

فتحتو وعاينت لمحجوب قال لي اها مالك قلت ليه جبتهم من وين ريحتهم لمن دخلت قلبي قال لي اه يزوله يجيب اي حاجه انا كمان؟ د اكل يزوله انه الطعام الطعام انا لا امزح🤣🤣🤣🤣🤣ضحكت يخ حقيقي بخفف على خوفي تيسير مشت جمب محجوب قال ليها نعم؟ قالت ليه م بعاين حباً فيك اديني الكيس د قال ليها لي اديك ليهو؟ يدك دي قصرت معاك فشنو حمرت ليه وشالت الكيس قالت لي انا حنان منتظراني احسن امشي من الوجوه دي محجوب قال الحمد لله حقدر اخد راحتي في الاكل قبلت عليه قالت لي ليه؟ كنت خانقاك؟ م اشتغل بيها واكل الكلام د كلو وهو بياكل وبعمل حركات بوشو بدل على انو الاكل شهي عاينت لي سلمت على وعلى سجي وخالد واحمد القاعدين في المظله الجمبنا وبياكلو ويتونسو تيسير مشت معاها نبأ خالد قال لي سجي يلا انتي معاهم قالت ليه م ماشه والله بايته انا خلي بنان تمشي قال ليها بلا بنان بلا زفت ماف لي قعده ليك قلت ليه خالد حبيت برأي؟ عليك الله خليها يخ سكت قلت ليه عليك الله خليها انا زاتي بخاف ارقد برأي قال لي تمام ومشا قعدت جمبي قالت ليي كريه خلاص قلت ليها هش م يسمعك ويجي يغير رايو قالت لي واي منووووو ضحكت رقدنا في المظله وانا نمت صحتني سجي بعد ساعتين قالت لي يلا قومي حنوم انا ساعتين قلت ليها وانا نمت كم؟ قالت لي ساعتين برضو قلت ليها م فاهمه قالت لي ي بنان قومي عشان تحرسيني هداك احمد ومحجوب صاحين بحرسو معاك بعد تصحيني صحي خالد لانو نام يادوب تمام؟ قلت ليها كويس رقدت وقبلت بالجهه التانيه قالت لي هسي الواحد لو معرس كان يخفف عليه بحضن ولا هديه ظابطه يخ قلت ليها سجي قالت لي اريتني معرسه ما كان د حالي كان ارقد في كتفو قلت ليها سجييييي نومي قالت لي ماشه اعرس زاتو ولا ربطو لي خلاص فاض بي ربطوو ليييييي قلت ليها قلت ليك نومي ي خالد قالت لي خلاص خلاص ضحكنا وسكتت تاني فتحت تلفوني لقيت احمد مرسل لي نعمل عرسس جماعي ولا كيف؟ ضحكت قلت ليه استغفر الله قال لي العرس بخفف الهموم قلت ليه قصدك بزيدها قال لي د فحاله هم م متفقين عايني قلت ليه اها قال لي ارح نجيب باسطه قلت ليه احلف قال لي والله ارح بسرعه قلت لييه المشكله ديل نايمين البحرسهم منو قال لي الحرس ي متخلفه قلت ليه م فهمت قال لي محجوب قاعد 🤣🤣🤣قلت لي ومحجوب برضي؟ قال لي بنقول ليه بنجيب ليك اصلا م عندو مشكله في دي ضحكت بصوت قال لي صحيهم وجيبي الهوا تمام قلت ليه اي قال لي  ع العموم ارح قبل يصحو قلت ليه مجااااااااازفات مرقت معاه محجوب قال لينا ي هوووي ماشين وين؟ احمد قال ليه ناكل باسطه حمر لينا قال لينا وماشين تخلوني؟ قلت ليه بنجيب ليك قال لي احلفي قلت ليه والله قال لي تمام يزوله والله م تجيبو لي صرخه وحده اصحيهم وافتكم قلت ليه محجوب انت ما بتحبني رفع حاجبو قلت ليه خلاص خلاص عرفت الجواب ضحكو احمد قال لي اررررح وجرينا والله اصلا المحل بعد شارع ف لمن جيت اقعد الظلط قلت ليه بقول ليك واحد اتنين تلاته نجري واحد اتنين تلاته وعاوزه أجرى في عربيتين جايات مسك يدي ورجعني بسرعه....


*ارتوي القلب(٢٣)*
قال لي عاوزه ترقدي مستشفى وتحيرينا قلت ليه واي يخ خايفه انهم يصحو قال لي انتي لي خوافه كد قلت ليه ارح اقطع قطعنا ودخلنا المحل ما انو كان مف ولا زول وشكلهم عاوزين يقفلو احمد قال ليهم معليش على الازعاج قبلت وخايفه يصحو واااي فضيحه هسي يفهمو غلط كنت متوتره وسرحانه لقيت احمد قدامي قلت ليه بسم الله قال لي خلعتك؟ قلت ليه إي قال لي ياخي؟ قلت ليه يخ ارح قال لي يلا طلعنا ويقينا ماشين ويادوب انتبهت الباسطه قلت ليه جيب قطعه قال لي محجوب قلت ليه طيب ارح لمن وصلنا لقيناهو واقف في الباب قلت ليه م قادره عليك قال لي انا شاميها من هنااااااك ارح قلت ليه واي يخ🤣🤣🤣🤣مشينا قعدنا ويقينا ناكل كانت تحفه محجوب قال لينا عاوزه شاي والله قلت ليه هوى م تتوحم فينا قال لي جادي انا والله ارح نمشي شارع النيل حمرت ليه وضحكنا بس فجأه اتذكرت اني م صليت العشاء والساعه وحده اخدت نفس وقمت محجوب قال لي مالك ؟ قلت ليه م صليت العشاء قال لي والصلا منو؟ قلت ليه استغفر الله انا نسيت انتو مالكم؟ احمد قال لي والله نسيت وطلع من بالي قلت ليه استغفر الله ودموعي نزلت يخ قلبيي وجعني وبقيت ابكي واستغفر احمد قال لي ارح المسجد قلت ليه طيب ارح محجوب قال ليه حتحرسها برا يعني؟ احمد قال ليه لا حدخل اصلي وهي تدخل لمن تخلصي رني لي قلت ليه تمام ارح مشينا وانا كنت جد زعلانه جدا من نفسي مشينا المسجد ودخلنا صليت ركعتين عشان اعتذر لربنا وصليت العشاء شلت المصحف وبقيت اقرا والمكيف بارد غفيت صحيت بتلفوني بدق رديت قال لي ارح امرقي قلت ليه م جايه والله المكيف بارد شديد صحي سجي خليها تجي ترقد جمبي قال لي طيب حرن ليك تطلعي تجيها وتمشي قلت ليه اوكك بقيت منتظره تلفون منو....


*-يتبع™*

*#ولنا للقاء《28》*
*#بقلم بنان عماد*


*ارتوي القلب(٢٤)*
*هل لك ان تأتي بجانبي؟!*
*لماذا؟!*
*اريد ان أطمئن*
*حسناً*
*هل تأذن لي بدخول إلى قلبك*
*دخلتيه سابقاً*❤️!!

لمن رن لي قمت مرقت البوابه لقيتها مفتحه عين ومغمضه عين قالت لي ده مسجد؟ قلت ليها اي شايفه شنو ؟ قالت لي وين المأذون قلت ليها جوا جيبي قالت لي جيبي عاوزه يعقد لي على احمد ولا صحبو القرض البرا ده ضحكت قلت ليها وينو قالت لي قبلي على جهه اليمين قبلت لقيت واحد واقف مع احمد وبتكلمو قلت ليها ارح ندخل قالت لي كان م فتحتي لي الشغل م خاشه دخلت خليتها يخوانا البت حتجلطني والله رقدت جات وقعدت قالت لي اتخيلي بعد السماحه والاناقه والتفاحه د كلو اسمو كديس؟ كديس ي بنان قلت ليها كديس كيف يعني قالت لي سمعت احمد قال ليه اووووو كديس قلت ليها بكون لقب ي حيوانه قالت لي ي يمه الولد سماحتو تودي القلب والله لو م ربطت معاه ما يبقي اسمي سجي م اشتغلت بيها وعاوزه انوم هزتني قالت لي تافه انتي؟ احمدد راجلك؟ ولا ناضم فيك؟ تمشي تصيعي معاهو كده وكمان احلى حاجه صحاني قال لي قومي خليتها براها بره التهردو قلت ليه لالا الدعاء لا قالت لي استغفر الله لكن فرسني قلت ليها م صح قالت لي م رديتي على عاقد عليك؟ قلت ليها لي ي سجي فشي؟ صلحت قعدتها ولفت الطرحه وابتسمت قالت لي يعني في حاجه زي دي حتحصل قلت ليها لا قالت لي يزوله انا عاوزاك لمحجوب قلت ليها خالد د قصر معاك فشنو قالت لي وييييييي وييييييي خاته عينها على اخوي وعامله صحبتي تف تف قلت ليها هسي انا قلت كده؟
قالت لي خلاص يزوله تبقي مرت اخوي زاتو قلت ليها اخوك ياتو قالت لي بشير مثلا قلت ليها اخو تيسير مثلا قالت لي وي جات ظابطه بشير مثلا اخو تيسير مثلا قلت ليها نحن ف المسجد بالمناسبه ضحكت قبلت قالت لي ي يمه لو معرسه كنت قلت ليها نحن ف المسجد سكتت قربت انوم سمعتها قالت ي يمه كديس السرور والخاطر المجبور كان م عرسني بمشي أتقدم ليه انا العيب وين هسي من هسي حقول لي اهلو تدوني ليه ولا افضي فيكم مسدس خالد الفرحان بيهُ ده ضحكت لمن دمعت قالت لي هوي نومي قلت ليها اسكتي انتي قالت لي طيب ماشه اتونس مع البت ديك قلت ليها مقادره عليك نمت خليتها صحيت بالامام بكبر قمت وصحيت سجي قالت لي ها قلت ليها الصلاه قومي قالت لي طيب قمنا مشينا اتوضينا كان صغير الولد وصوتو مريح اتمنيت الصلاه م تخلص والله بعد خلصنا قلت للنسوان الفي ارح نقرا البقره اي وحده صفحه بي التجويد وافقو وبقينا نقرأ بتجويد وتلاوه حسيت الملائكه معانا ارتحت شديد واتمليت طاقه بعد خلصنا مشيت رقدت ورجعنا نمنا صحينا زي٨ سجي ابت تصحي نهاي شلت المصحف بقيت اقرا جات بت قالت لي سجي نامت...

*ارتوي القلب(٢٥)*
اتخلعت بتعرفها من وين قالت لي ااا أمس جات تتونس معاي قلت ليها ااا اي اي نايمه قالت لي انتو توام؟ قلت ليها لا لي قالت لي بري طول بعض قلت ليها اي م شاء الله قالت لي م قصدي اسفه م شاء الله قلت ليها مرات الزول بنسى يقول م شاء الله فحاولي اي شي يعجبك ولو كان نفسك مثلا بتعايني في مرايه وبتسرحي ولاحظتي لشعرك طول ونعم قولي م شاء الله لو لونك فتح كذالك اي شي وربنا حيديك أضعاف من الحسنات قالت لي م شاء الله عليك ظاهر انك بت ناس وتسلم البطن الجابتك والربتك وجد عرفتي كيف توقعي لي المعلومه بطريقه صح لو زوله تانيه كانت قالت لي حااسدانه شكرا شديد ليك قلت ليها ولو يحلوه قالت لي ملاك بس م شاء الله قلت ليها م ملاك والله الإنسان خطاء بس برجع يتوب تاني صح؟ قالت لي م شاء الله لالا جد يخ قلت ليها مصيري اغلط ومصيري اتعلم من غلطي قالت لي م اظن تغلطي ضحكت في كلامها وانبسطت انها شكرت امي سجي صحت قالت لي يخ بتتكلمو في راسي لي وانتي ي ندي امس البت دي كانت بتغلط وهي م ملاك وم تكرهونا الحياه وخلوني انوم قلت ليها غلطت فشنو قالت لي ولا شي اسكتي قلت ليها لا قومي ارح نمشي نشوف الحاصل شنو قالت لي حبوبتك سكت ساي قالت لي معليش معليش وبااستني فخدي ابتسمت وعدلنا حالنا ودعنا ندى ومرقنا مشينا لقيناهم بتونسو قلت ليهم عاوزه أصبح على أمي محجوب قال لي نحن م صبحتي علينا قلت ليه لمن تبقي زول طيب قال لي ملاك عارف سجي قالت ليه محجوب عليك الله بعيونك المورمات ديل اسكت خالد قال لي ادخلي نحن هسي جينا منها قلت ليه طيب ودخلنا أنا وسجي لمن طلعنا فوق سجي قالت لي مستشفى يدردقو فيها حمرت ليها سكتت دخلنا لأمي كانت نايمه او مغمضه لانو اول م دخلنا فتحت قلت ليها الغاليه قالت لي حبيبتي حضنتها قلت ليها مشتاقه ليك قالت لي كتير قلت ليها اها حاسه بشنو قالت لي والله الحمد لله قلت ليها أن شاء الله حتبلغي الصحه والعافيه وترجعي سالمه وضحكتك ماليه البيت بإذن الواحد الصمد قالت لي أن شاء الله والله سجي قالت ليها شنوو ي نسوووو م شغاله بينا قالت ليها والله ياهو بعاين للحيط دي وانتو الما شغالين بي سجي قالت ليها حالتو م شغاله بيك لكن ما الحق اعرس وشي د تاني تتوحمو بيهو ضحكنا امي قالت ليها ياهو

*#ولنا للقاء《29》*
*#بقلم بنان عماد*

*ارتوي القلب(٢٦)*
التفتنا انا وهو ولقينا خالتو رحاب وجمبها عمو حيدر قلت ليها لا بس بنتكلم قالت لي بشاغلك انا م تزعلي قلت ليها لا م زعلت خالد قال ليها ولو خالطين البزعل شنو عمو حيدر قال ليه خااالد طبعا انا دخلت في ظفوري الله يجازي محنك😭!
خالد همس شتتت نسيتو كتمت الضحكه وحمرت ليه جو سلمو علينا اخيرا مشو لاحظت لاحمد ماف عاينت لمحجوب بعاين لي ويعاين لسجي قال لي براسو عايني وراك قبلت لقيت واحد واقف مع احمد وبتكلمو وفجأه الزول ده جا علينا وجا وراهو احمد م فهمت لي محجوب قال لي عايني عاينت ليه رفعت حواجبي نظام فشنو جاني قال لي الغباء الجاك يختاك عايني القنبله ده قلت ليك انا انبرشت فيهو ضحكت ضحك يخواني محجوب د عن م نصيح🤣🤣🤣🤣عاينت لسجي لقيتها مركزه معاهو وزحت عيونها وتاني عاينت ليهو وهو نفس الشي المشكله انو مف زول منتبه احترت احترت مشيت لي سجي قلت ليها اديني تلفونك عاوزه اتصل لتيسير اشوفهم جاين ولا كيف انا م عندي رصيد قالت لي طيب فتحت التلفون وعملت كم حركه وأدتني شلتو لقيتو فاتح على المذكره بس عاوزه اطلع لقيتها كاتبه ده صاحب احمد الامس الوريتك ليهو "كديس"
افتحي الشغل يكرمك الله🤣🤣🤣🤣🤣🤣يشباااااااااااب شلت التلفون وانا بضحك واتصلت ع تيسير ردت لي آباء قالت لي تيسير سايقه قلت ليها جاين؟ قالت لي اول ماشين الخرطوم وتاني جاينكم قلت ليها معاك منو قالت لي خالتو حنان وعوض واحد كده اخوها الكبير تقريبا قلت ليها طيب قالت لي يلا قفلت ومشيت كلمتهم خالتو رحاب قالت لي قالو ليها تقعد كم؟ قلت ليها اسبوع لمن يستقر القلب قالت لي ربنا يقومها بالسلامه قعدنا وانا بعاين لأحمد عاين لي وشال تلفونو وهزاهو نظام افتحي الشات هزيت راسي بطيب دخلت قال لي مالك؟ كويسه؟ قلت ليه الحمد لله لكن تعبانه شويه امس م نمت كويس قال لي طيب ارجعي قلت ليه انت الارجع لانو قعادك بقى شاذ وحيفهمو غلط قال لي م تخافي كديس ده دكتور وحتتحجج بيهو قلت ليه كيف م فهمت؟ قال لي ي الله من الغباء صحبي المعاي دكتور وم عليك المهم انك تستكيني قاطع كلامنا كديس زي م بقولو قال طبعا زي م عارفين انو حترقد يا اسبوع ي اسبوعين عشان نقدر دقيقه؟ نقدر؟ هم كلهم عارفين انو دكتور وكمان حيتابع حاله ماما الا انا؟ ولي احمد م كلمني الا هسي صراحه احترت واتحسست مفترض يجي يتكلم معاي ويوريني التفاصيل يعني فجأه يجي يقول انا حتابع معاها عمو حيدر قال لأحمد تسلم يولدي م قصرت والله قلت لي احمد كدي تعال ع جمب مشينا قلت ليه ليه م توريني تفاصيل زي دي؟ مش الدكتور البتابع معاها هو ** فجأه تغيرو؟
وكمان الام القاعده جوا دي امي لو ما متذكر يعني قال لي بنان قلت ليه احمد قال لي خلصتي؟ قلت ليه وكمان بتختصر فيني حابه اذكرك انك صحبي لمده اسبوع م اكتر ف م تعمل نفسك خايف عليها او غلي م بفرق وعاوز تقيف جمبي انا الحركات دي م بتنفع معاي ولو تأديه واجب ...


*ارتوي القلب(٢٧)*
برضو... قاطعني وهو بعاين لي بغضب وماسك نفسو
عشان م يصرخ قال لي وهو ضاغط على ضروسو
انا م وريتك لانك نايمه والكلام ده حصل امس بليل
لمن جايب ليك سجي وقلت خير اكلمك بي الصباح وهو
جا الصباح يعني ما زي انتي فاكره وبعدين ده شنو الكلام الجارح ده؟ الصحبه بالايام؟ الاتصاحبو بالسنين عملو شنو؟ ما خلو بعض في النهايه؟ وانا عشان عاوز اكون جمبك في اي لحظه حتى لو بعرفك الليله وققبل دقيقه م يحق انك
تحاسبيني على كده وشكرا ي ستي على كلامك
وفعلا م لي حق اني اتدخل وانا م صحبك ف الحقيقه
انا زول عابر واس... قاطعتو رجاءاً م تهتم بي القلتو انا بس
كنت زعلانه اني م فاهمه شي عن امي ومقضياها ضحك ونسه وامي بهناك بتتعب انا اسفه بس بجد مضغوطه ي أحمد عليك الله م تزعل واعفي لي وحبابك عشره اقيف معاي وانا مبسوطه جدا بوقفتك دموعي نزلو عقد حواجبو قال لي دموعك قلت ليه هااا؟ قال لي اااا بنان انا بس زعلتني جمله انت صحبي اسبوع الباقي م هماني ولا حيهمك لانها مشكله عابره ساي صح؟
مف داعي للدموع خلاص قلت ليه متأكد؟قال لي على شنو؟ قلت ليه انك م زعلان قال لي وهو ببتسم م زعلان يلا امسحي دموعك وارح القعده طولت قلت ليه الحمد لله انا قصادك وهم وراي عشان م يشوفو دموعي قال لي وهو بضحك بكايه ياا كنت متخيل تيسير وسجي بس الببكو كتير ياخي انتو البنات غريبات حمرت ليه ضحك قال لي كلبه صحبو كديس جا قال لي حمشي اطلع اشوف في شنو واجي اكلمك قال ليه تسلم ي معلم كديس قبل علي قال لي السلام عليكم قلت ليه وعليكم السلام قال لي امك حتبلغ الصحه والعافيه م تخافي وامسحي دموعك مشا بدون م يسمع ردي برري عدم ذوق كده مبالغ فيهو احمد قال لي اها اخبار الشغل كيف قلت ليه وقفتو من امي رقدت قال لي اووو جات سجي قالت لي بتخلطي مع بيستي لي؟ وانت هوي ارفع راسك ده عاين لي قال ليها وانا هسي منزلو قالت ليه حسبي الله ع العموم تيسير واهلها جو وجابو الفطور سندوتشات كتيره وبوارد وحاجات كده من بره وهي بتتكلم كديس نزل اقصد

*#ولنا للقاء《30》*
*#بقلم بنان عماد*

*ارتوي القلب(٢٨)*
-سجي :
كنت متضايقه من كلام خالد شديد لمن مشت بنان لأحمد قال لي مفترض تتكلم قدامنا ماشه هناك ليه قلت ليه وانت مالك وملها قال لي انا لمن اتكلم معاك اتكلمي باحترام قلت ليه خالد؟ انت م طبيعي شنو هو البي احترام خالد بنان م كعبه بنان م حتكون مشت عشان الخاتيه في راسك بيل توهم نفسك انها كده لانك غلط في غلط قال لي عارف انها م كده بس حسيت وسكت قلت ليه حسيت بشنو؟ قال لي انسى قلت ليه خااااللد حسيت انها كعبه؟ ق... قاطعني حسيت اني متضايق من اللصقه الاربعه وعشرين ساعه معاها ده ممكن تخارجي صحبك ده وتكوني م قصرتي يعني قلت ليه خالد لو سمحت يعني انا مستحيل أطرد زول بطل الجنون الانت فيهو ده قال لي تمام قلت ليه بتغير؟ عاين لي بي جديه وقال لا قمت لانو بجد لخبطني وزهجني لصقه؟ اخدت نفس ومشيت ليهم وانا راسي جايط وم عارفه قلنا شنو اصلا العارفه اني متضايقه اخدت نفس كديس ده جا وبقا يتكلم مع بنان واصلا كان جادي وصارم وم بضحك الولد ده واقع في تلج كميه من البرود الواقع فيه ده قلبي اباهو لمن قاطني قال لي اسمي محمد وبنادوني كديس قلت ليه م لقو لقب غير ده يعني قال لي عفوا؟ احمد ضحك قال ليه ي مان مالك قال ليه ااا طبعا حالتها مستقره جدا والنبض كويس جدا وأقل من اسبوع عادي بتطلع م تقلقو وجهه نظرو لي بنان قال ليها يعني امشي ارتاحي وتعالى بليل قالت ليه م بقدر قال ليها م ينفع امك محتاجه وقفتك معاها قلت ليه هي كويسه هسي ممكن ندخل؟ قال ليها اي قلت ليه حنودي ليها الاكل ونتونس معاها وبلاي كلم الستتر م تمرقنا قال لي كافي هو؟ قلت ليه بغيظ تماااااااام ضحك اتخلعت بس م بينت كده ووجهت نظري لبنان قلت ليها جبت الاكل ناكل مع نسيبه جوا كديس ولا كلب ده أتدخل قال لي معليش ممنوع قلت ليه نعمممم؟ قال لي زي م سمعتي قلت ليه انت اهبل ولا اهبل المستشفى دي حقتك؟ قال لي نعم؟ قلت ليه نعامه تزوزي بيك


*ارتوي القلب(٢٩)*
ضحك يخوانا الولد ده م طبيعي عاينت ليه وانا رافعه حاجبي
قال لي بهظر ادخلي اكلي وكشحي زول بسألك ماف قلت ليه اصلا قال لي م تنداحي بلاي قلت ليه م شغلتك بي قال لي يزوله قتلت ليك زول انا؟ بنان قالت لي عاينو م تتشاكلو تبقى محجوب وتيسير وكديس وسجي احمد قال لي وبنان واحمد قلت ليه اسكت اسكت انا م شاكلتك عديل قال لي لا اله الا الله محمد رسول الله وبعد د م شكل عديل لا شاكلي عليك الله قلت ليه والله سجي قالت لي وت؟ اتشاكلتو بتين احمد حكا ليها وحذف كم مقطع قالت لي اخخخخخ يوسخه تشاكلي بيستي قلت ليها نعم؟ قالت لي نعامه كديس قال لي هي اصلا شرسه كده؟ قالت ليه الا كان متضايقه بس عاينت ليها وفضحت نفسي بنظرتي الجات عباره عن عرفتي كيف قالت ليهم يلا ي شباب وقبلت لتيسير ونبا وديل وسلمت من بعيد وكلمتهم انها حتمشي وتجي دخلنا قالت لي احكي قلت ليها احكي شنو وانتي قافله الشغل هسي م صدقت قعد يتونس معاي الثقيل ده قالت لي انتي بتدي فراسو! تقولي لي افتح الشغل قلت ليها لا متضايقه وقلت اتفشي قالت لي احكي سكت مسافه وقفنا قدام الغرفه وقلت ليها م حابه احكي بين نفسي قلت هو قال اتضايق حتفهم انو بغير وحتتغير ويجي يسألني حذفت كم مقطع وحكيت ليها انو قال لي اكلم احمد يمشي عشان م نتعبو قالت لي بعدم تصديق وهو الدخلو شنو فأحمد شكا ليه؟ قلت ليها بتوتر لا بس يعني شكلو م عاحبو الوضع قالت لي م يعجبو صحبي ولا صحبو قلت ليها زعلانه شديد انتي قالت لي م بحب الحقارة بس هو من امس في وتعبان اها في زول سألو قالت لي اي حيدر قال نرجع كلنا ننوم ونجي بليل دخلنا قالت لي لا بمشي بيتنا عديل عشان اغير زاتو اجيب معاي بطانيه في كيس قلت ليها طيب بأستغراب قالت لي م تستغربي صغيره هي سلمنا على نصيبببببه بشووووووووووق بشوووووق...

-بنان:
يخ يخ اشتقت ليها شديد حضنتها قالت لي بالمناسبه م عافيه ليك لو م رجعتي وجيتي بكره قلت ليها لا اله الا الله من امي لا اله الا الله قالت لي محمد رسول الله تمي الشهاده قلت ليها امي خليني براحتي قالت لي كلمتك انا ماف داعي تتعبي نفسك كده قلت ليها امي م متعبه روحي ولا شي قالت لي انا كويسه ي بنان وما شايفه بيتان بنات في المستشفى كويس قلت ليها تمام قالت لي بنان م تزعلي عاوزه مصلحتك...


*-يتبع™*

*#ولنا للقاء《31》*
*#بقلم بنان عماد*

*ارتوي القلب(٣٠)*
قلت ليها طييب يلا بسم الله بقينا ناكل سجي قالت لينا احس تعبت من الاكل عاينت ليها قالت لي هسي لو راجلي في كان اكلني قلت ليها طيب وخشمك؟ قالت لي تعالي اوريك بعمل شنو عشان م اتعب خشمي قلت ليها اها قالت لي يمضغو لي هو وقلت ليها هشششششش امي ضحكت قلت ليها اخجلي من امي قالت لي امك عارفه قله ادبي مف داعي للنفاق امي قربت تقطع نفس من الضحك قلت لي سجي حبيت معاك قالت لي يحليلي قلت ليها يزوله قالت لي م تبيتي خليك في بيتكم امي قالت ليها بتي زاتا تبيت في بيوت الناس لي سجي التفت عليها بتمني قالت ليها عليك الله ي نسيبه خليها حبيت برأي وانا بخاف يرضيك ؟ فكينا الضحك انا وامي قلت ليها هسي م قلتي م عاوزاني قالت لي غيرت رأي عشان تنظفي لي اتحسبنت قالت لي هوى م تتحسبني راجلي م برضا أمي قالت نطقت الشهاده وبقينا نضحك...
*بعد مرور سنه:*
تلفوني دقا رديت كانت سجي قالت لي افتحي لينا الباب مشيت عاينت لأمي بتتونس نبأ وهي بتسرح لأيه قلت ليهم سجي شكلها جات فتحت الباب لقيتها هي وتيسير حضنتهم وفضلتهم دخلو سلمو على امي وقعدو امي قالت لي سجي مالك هاديه كده قالت ليها ماف عاينت ليها جد كانت م طبيعيه ياربي اتشاكلت مع محمد؟ ولا مالا قلت ليهم نذخل الغرفه سجي غير المعتاد قالت لي ارح زمان كانت بتقعد مع امي وتخلينا ندخل انا وتيسير الغرفه نتونس ومسافه بعدها تجي تقعد قمت وانا جد جد عرفتها م كويسه دخلنا قلت ليها سجي قالت لي اي قلت ليها فشنو قالت لي ماف قلت ليها ياربي بدينا يعني قالت لي بري مقادره عليك حتى لو كذبت بتعرفي قلت ليها م جاوبتيني قالت لي اتشاكلت مع محمد تيسير عاينت لينا قالت لي سجي محمد منو؟ صحبك؟ قلت ليها اي قالت لينا بقيتو تعملو حركات وم بتوروني اي شي هسي انا م عارفه اتصاحبتو كيف صحبتك اتغيرت ي سجي طيب طيب م مشكله سجي قالت ليها والله م كده بس انتي م سألتيني ف اعتبرتك م مهتمه بي التفاصيل قالت ليها احكي..
كنت بتكلم مع احمد ف قلت ليه يدخل واحد من أصحابو المكالمه وونتونس لانو كنت زهجانه شديد ف دخلو وانا م كنت عارفه ده منو لمن قال والله ي كديس تقول شنو انا لا اراديا سكت بس وم قدرت اتكلم الا احمد ناداني كم مره قلت ليه ااا قال لي سرحتِ وين قلت ليه ولا مكان قال لي محمد د م عاجبك ولا شنو قلت ليه لا بس م كنت عارفه انو ده هو ومن قبيل بضحك وبهظر معاهو وانا قايله صارم وسغيل كديس قال لي في وشي كده ضحكت قال لي احيانا بس ي ستي ولمن اكون قاب برضو قلت ليه ي سلام هسي انا المطبخ متعبني شديد والله قال لي ي سلام شيف قلتي لي ضحكت قلت ليه اي قال لي م شاء الله عليك بس م شايفه شغل المطاعم للرجال قلت ليه موهبتي من صغيره يعني ف حبيتو ومشيت ف مجالو كمان قال لي ربنا يوفقك يارب قلت ليه اللهم امين جمعا احمد قال لينا امشو خاص يخوانا دي مكالمه جماعيه دخلت ليه خاص قلت ليه افتح الشغل يااااا😆🖤ضحك في المكالمه العوير كديس اظنو اتحسس عديل 🤣🤣قلت ليه مالك يولد كديس قال لي بتكون رسلت ليهو المدام قلت ليه سجممممميي هو عندو مدام من وراي كمان؟ قال لي يزوووووله قلت لأحمد صحي يا الكنت معتبراك بيستي؟ قال لي م حصل م تصدقي وبقينا نتونس شويه ونتشاكل شويه الكول تم ساعتين واحمد مرق قال ماشي ينوم واتونسنا انا ومحمد ساعتين ونمنا صحيت الصباح لقيتو مرسل لي صباح الخير قلت ليه صباح النور وبدسنا نتونس يخوانا وانا م قادره عليهو الولد ده اليوم كلو شغال ولمن ارسل ليه اقول ليه فاقداك يقول لي والله كتير بس مشغول مشغول تفضي لي يعني م ممكن قلت ليها د سبب المشكله؟ قالت لي اامم لااا حاجات كتيره قلت ليها طيب احكي لي قالت لي شوفو ي بنان وتيسير حسألكم سؤال محمد م مسمي علاقتنا وم عاوزني ارتبط ولو ارتبط حيزعل وعلاقتنا تخرب لي؟ قلت ليها دقيقه وحده وحده م فاهمه انا قالت لي انا تعبت ي بنان انا دايما البهتم انا البرسل انا البقيف انا انا انا ولا يوم فتحت لقيت كميه من الرسايل كل مره انا البخفف عليهو وانا البجبر بخاطرو برسايل لطيفه قلت ليها سجي مش بتجي تحكي لي كتير انو بقيف معاك ولمن تقولي انك مضايقه بدق عليك؟ ولمن تزعلي انتي وتكوني غلطانه بعتذر عشان عارفك حساسه وين د كلو نكرتي؟؟؟؟ قالت لي اتغييررر ي بنان اتغير قلت ليها مهما كان اكيد لسبب ي سجي وم ممكن تنكري معروفو م تنسي انو احتواك في يوم م تنسي انو استحملك لمن الناس فرت منك م تنسي انو استحمل الهميجه حقتك م تنسي انو عصر ع نفسو ليمونه عشان يراضيك رغم انو م متعود يقول اسف زي م حكيتي اكيد الشغل ضاغط عليهو واكيد حياتو الخاصه ضاغطه وتبقي انتي كمان ضاغطه عليه ف اكيد حيتغير حاولي ولو مره تدخلي ليه وتقولي ليه احكي برغم انو الرجال م بحكو بس حيكون وراك انوو مضغوط ودي كفسله تخليك برساله تجبري بخاطرو وزي م وريتك جبر الخواطر حسنات في ميزان البني آدم كوني لطيفه وخفيفه على قلوب الناس..

*#ولنا للقاء《32》*
*#بقلم بنان عماد*

*ارتوي القلب(٣٢)*
قلت لنبأ مباارك عليك هدايه ربنا وليك مني هديه قالت لي الله يبارك فيك بس لي م قلتي لي مبروك؟ قلت ليها م صح والدليل الصلاه الابراهيميه قالت لي ممم طييب قلت ليها م قادره اشرح
كان يوم جميل جدا لمن جيت اودع سجي وتيسير مشيت سلمت على خالد نزل وهم ركبو قال لي كيفك كويسه قلت ليه الحمد لله ااا خالد ممكن طلب قال لي اتفضلي قلت ليه بكره بعد الرحله عاوزاك توديني السوق قال لي جدا حبابك عشره قلت ليه لكن سوق عبايات ونقابات وتكون مغلفه ك هديه يخ م بعرف اوصف بس فهمتني صح؟ سكت مسافه وقال لي حتتنقبي؟ قلت ليه ادعي لي والله ربنا يهديني لا لنبأ اختي قال لي م شاء الله تبارك الله ربنا يهدينا جميعا ووصلي ليها مباركتي للهدايه وفهمتك اي بإذن الله بكره اوديك وتختاري مشمش؟ قلت ليه رمان❤️
دخلت جوا امي قالت لي تعالي جيت قعدت قالت لي نبأ ورتك؟ قلت ليها ايوه قالت لب خايفه تفكو قلت ليها م تخافي نبأ لمن تخت حاجه في راسها حتعملها قالت لي فعلا كلامك صح قلت ليها امشي نومي ي غاليه وم تفكري كتير مشيت الغرفه..
عصر اليوم بجهز لي امي وايه في كيكه ولينا كب كيك بعد خلصت جاتني نبأ قات لي بنان ارح لانو لازم نطلع قبلهم قلت ليها يبت باقي ساعه قالت لي مسافه تجهزي وتتصلي لسجي تكلميها انك جهزتي دي براها ساعه خليها لمن تصل ونمشي قلت ليها ارح نجهز طيب دخلت اي وحده فينا حمام واستحمت طلعت قبلها وطلعت فستان اسود مافيه اكمام "نبأ طلعت وبدت تجهز" وملصق على الجسم ومن فوقه عبايتو"بنبي فاقع" لفيت الحزام عشان الفستان الجوا م يظهر ولبست بود م طويل اكسسورت ولمات ميكب خفيفه "قلوس...ماسكرا ...خططت حواجبي على الخفيف بقى ظاهر اني شايلاهم "

      *كانت من فرط بساطتها تُلفت القلب وتُتلفهُ .!💙*

جهزنا كده سمعنا صوت البوري بره لقيت الساعه خمسه قلت ليها ارح الناس بكونو جو مرقنا ركبت ورا سجي قالت لي تعالي قدام خلي نبأ ترجع لتيسير قلت ليها اوكك اتحركنا وسجي فتحت اغاني عاينت ليها قالت لي اوعه تتكلمي معاي اسكتي قلت ليها تمام افتحيها في تلفونك قالت لي انتي بعدين حتعملي عرسك بشنو قلت ليها ده لو عملت عرس من الاساس قالت لي بطلي بياخه والناس العاوزين يستمتعو بالعكس قلت ليها ربنا يحينا خلي يجي اول قالت لي بجي بإذن الله وقتها انا الحتفق معاهو على العرس ما انتي والله ضحكنا نبأ قالت لي تتذكري محجوب كان بقول ليك مرتي العولاقه قلت ليها اسكتي م تذكريني ضحكنا قلت لي سجي اغشي لي محل الحلويات ده قالت لي تيسير زاتا م جابت حاجه وعاوزه تشتري انزلو هنا مره وحده تيسير قالت لينا هي م عاوزه من ده عندي محل كده ببييع مع الحاجات كرتونه تورته هديه قلت ليها طيب ارح ودتنا المحل فخم جدا وقفت العربيه ونزلنا بقينا نختار شلت كيك شكلاته وبارد وصحانه ورق ولفتتني كيكه من فوقها بي الكريمه وفيها صوص شكلاته مزين شلتها كمان وتيسير شالت باسطه المغلفه بي قصطِير ومعاها دونت الطويله
وادانا التورته ولكنها مختلفه تماما😆 كانت مشكله بالكيوي  والفواكه وعشان طلبنا مرتين اداني وحده حقت شكلاته تاني  حاسبنا ومرقنا سجي قالت لينا لا عليكم الله خشو تاني ضحكنا ركبنا واتوجهنا على الوجهه
           "الساحه الخضراء بالتحديد"
نزلنا وماشين وم عارفين الناس دي فرشت وين شايفه سجي رفعت التلفون ويقت تتكلم ومشت قدامنا بقينا ماشين وراها لمن حصلنا يمين النافوره بعد مسافه ااتذكرت فجأه احمد يربي يكون جا؟ ❤️وصلنا سلمنا عليهم كلهم وقعدنا زعلت شديد ان احمد م جا بعد عشره دقايق بالظبط تلفوني دق لقيتو احمد م رديت دق تاني رديت بسخافه - نعم.
قال لي تعالي ورا النافوره قلت ليه نعمم قال لي تعالي قمت وقلت ليهم دقايق واجييكم كنت محتاره مالو م جا طوالي هنا
مشيت بي ورا النافوره لقيت تلاته اكياس هدايا في الارض
وبي ترتيب قلت هي امكن م حقتي التفت لقيت احمد قدامي شهقت وختيت يديني في فمي وعاينت ليه ابتسم قال لي
شويه هدايا عشان مودك يظبط عيوني رقرقو ابتسم قال لي شيليهم قبلت شلتهم والتفت عليه قلت ليه م عارفه اقول ليك شنو غير اني حبيت الحركه شديد ❤️
  شكرا ليك ي أحمد علي كل المواقف الظابطه البينا قال لي المهم اني فرحتك عاينت ليه في عيونو لي انا م عارفه قلبي دق بسرعه لمن بادلني نفس النظرات بس كانت غير مختلفه عن كل مره الزمن وقف او انا حاسه كده انا بتنفس او لا م كنت حاسه بشي هو انا اول مره اركز فيهو بالطريقه دي جميل ❤️
او لانو فرحت شديد منو وشفتو جميل؟ لا هو جد جميل قال لي حابه مواصفات فارس أحلامك كيف انا م كنت مركزه معاه بس مركزه في عيونو اخدت نفس واستغفرت قلت ليه المهم قلبي يدق ليهم للحظه حسيت اني بحبو وتاني استغفرت قال لي وهو بقرب مني وقلبك م دق لي الان؟ رجعت وعاينت ليه انا لي قلبي لمن الاقيه برجف او شعور ما قادره اوصفو بحس اني عاوزه امسك الزمن وم اخلي يقيف انا لي بحس بالشعور ده وم قادره اوصفو طيب الشعور ده شنو قال لي بنان

*#ولنا للقاء《33》*
*#بقلم بنان عماد*

*ارتوي القلب(٣٤)*
-أحمد :
كانو قريبين جدا مننا دمي فأر لمن ضحكت معاهو كنت شويه وامشي اقلع سنونها واقول ليها تضحكي لييييي برأي لحظه؟
هو بعترف ليها؟ اضاني سمعت صح والله سمعتو سمعتو بقول بحبك بحبك للأنسانه البحبها
قلبي اتقبض حسيت بشي بغلي جواي بقيت اضحك بهستريا لمن وقفت ضحك قلت ليه والله عملتها واضحه ي خالد ما شنو لكن 🤣🤣معقول ي خالد الجفاف الجبتو لينا ده وبقيت اضحك وهم بضحكو بس الفرق اني بنزف وانا بضحك 💔💔حولت نظري لبنان البتعاين لي بأستغراب ماف شي بستاهل كل الضحك ده هي م عارفه اني مقدرت ابكي وطلعت الجواي بضحكه هستريا جدا هه💔💔اسف قلبي علقتك بمجهول
قضيت اليوم عادي معاهم وم ابديت اي رده فعل بس الجواي بتحرق كل لحظه القا بنان وخالد بعاينو لبعض
هو حب ليه لعين كده؟ ولا هو اصلا اتعمل عشان العذاب
طيب لي م اعترفت؟ ولو اعترفت معقول ترضي ترتبط بي؟
انا حستحملها حستحمل مزاجياتها ضحكها حزنها حستحمل كل شي صعب بس هي تديني فرصه
رجعت البيت وانا م شايف قدامي انا عاوز اخش غرفتي بدون م زول يشوفني مقفول من كل النواحي وشي محمر وحاسي بصداع ده كلو حب؟ يخ في ستين لو بعمل كده رقدت بدون اغير وبقيت اتذكر اللحظات الشفتها مع خالد وكل مره بحاول اقرب منها بلقاها بتبعد او انا عاوزها تحبني زي م انا بحبها ياااااااااارب حرام الفيني ده حرام استغفرت وقمت غيرت ورقدت شلت التلفون ودخلت شاتها "كنتي تنتظري حبه كنت حجيك بالباب زي م بتتمني كنت حعمل اي شي بمقابل ضحكتك  انا بحبك والله بحبك "  مسحت الرساله وجدعت التلفون وحاولت انوم بس م قدرت قمت وقعدت م قدرت نزلت الدكان اشتريت سجاير كانت اول مره اسجر فيها عاصفه جواي وانا بكامل هدوئي طلعت البلكونه وبقيت اشرب سجاره ورا سجاره ورا سجاره لحد م كملت العلبه كلها والصبح اذن م قدرت اصلي ورقدت في الأرض بتمرن..

خالد:
م عارف اذا بحبها او لا بس بحب اهتم بيها بحب اشوفها دايما بحب اكون جمبها تعويده؟ ولا حب؟ م عارف بس العارفو ان وجودها بريحني وديتها السوق وعزلت كنت بحب لمن تستشيرني ولمن م يعجبني تكرفس وشها كنت بضحك واسأل تيسير صح م ظابط؟ وتوافقني ونضحك على زهج بنان في النهايه عزلنا على ذوقي ومرقنا بنان عملت حركه حلوه ختتت الهدايا في الضهريه وقالت لي نبأ م لقيت العطر بعد ده للأسف ضحكنا وصلت تيسير ومشينا على بيتهم طوالي
لمن وصلنا بعد نبأ نزلت ودخلت بنان قالت لي افتح الضهريه فتحتهم شالت الهدايا ورصتها علي الكرسي التاني بطريقه حلوه قالت لي اعمل كده كده.... ودخلت هي عدت خمسه دقايق ودقيت ليها قلت ليها انتي عندك سماعه بلوتوث؟ قالت لي لا دي حقت نبأ ااا طيب يلا قفلت وجات نبأ بالشباك قالت لي وينا؟ نسيتها يربي قلت ليها ورا فتحت الباب ولقت الهدايا ومكتوب على الكيس برا النبأ❤️ جات وراها بنان وهي فرحانه شديد بدموع نبأ النزلت منها...

*ارتوي القلب(٣٥)*
فرح نبأ ضحكت والتفت لي بنان حضنتها وفرحت شديد وبقت تنطط وتقول حبيت ياااااااخ بحبك بحبك بحبك ياخ 😭😭❤️❤️❤️بعد اليوم الطويل ده رجعنا
بعد دخلت غرفتي بقيت افكر في كلامي لبنان هل كنت صادق في شعوري ولا ده شعور عابر؟ المهم اني م حخليها...

بنان:
رجعنا وبقت تبوسني في جضومي كل شويه وبتقول لي تسلمي لي يخ ضحكت دخلنا جوا وبثت تفتح الاكياس عبايات اشكال الوان نقابات طبقه وحده وماليزيا واسبورتات واكسسوار وشوكلاتات قامت وهي بتبكي وبتشهق وم قادره تعبر حرفيا حرفيا فرحت لفرحتها شديد ❤️❤️
تصور ساي هي وانا دخلت استحميت وطلعت طفينا النور واي وحده انشغلت في تلفونها نزلت التلفون لا اراديا و سرحت في الحصل
........
قلت ليه عاوزني تعالا لأبويا ي كابتن وضحكت وزن راسو على اضاني وهمس لي "تستحقين ذالك من مُحِبك" قلت ليه بنفس الهمس ومنو هو قال لي حيجي يتقدم ليك اول ما اني م فهمت بس ابتسمت قال لي نمشي؟ قلت ليه اايوا..
رجعت للواقع بصوت التلفون بدق رديت وكانت سجي بقيت اتونس معاها واضحك و فجاه دخلت كديس حقها ده أن شاء الله يضوي ليها بدون م تستأذني المشكله 🙂وكمان هو الفالح وزعني اقصد وزعت نفسي برأي وردحت ليهو ومرقت
دخلت القروب حقنا وقلت لي تيسير ي تيسير م تصدقي علاقة سجي وكديس لانهم مرتبطين ردت لي بعد دقايق قالت لي اصلا اصلا مرتبطين وم عاوزين يورونا بنسحرهم ي بنان نحن عينا حاره طبعا خايفين على علاقتهم فجأه سجي ترد وتقول وانتي نسيتي محمد بيستك؟ ما هوو باقي شبر وتنطو للحب يعني اربعه وعشرين ساعه كول وونسه وخوف وجنس غيررررره وكلام غايتوووو تيسير قالت ليها محمد منو؟ انتي لخبطتي لانو ده كلو غلط ما عدا الكولات الكتيره والخوف والونسه غيره شنو؟ مرتبطين انحنا وحات الخلقني زول شغال بي التاني ماف قلت ليها خوف ووكول اربعه وعشرين ساعه؟ وماف زول شغال بي التاني؟ سجي قالت ليها والله اعمل اسكرين وارسلو ليهو الا ريحتك تبقي طير طير احسن تختوني واقرو الاخلاص ويس انا ومحمد م عاوزين نختلف بلاي ومرقت ي

*#ولنا للقاء《34》*
*#بقلم بنان عماد*

*ارتوي القلب(٣٦)*
    *بعد شهرين بالتحديد*
فستان على الجسم ببلي بلو..... شعري لفوق وكعكعه على شكل ورود... ميكب هادئ... زغاريتَ... لمه الاحباب.. دلوكه على السماعات... صحباتي جمبي وسجي بالتحديد واقفه ودموعها مطر وبتزغرت خالد لبس المحبس وتاني الدبله وكم خاتم بجهه التانيه وسلسل ولبستو❤️
اي نعم م بحبو او م قدرت احبو بس اكيد حببو بعد الزواج ❤️
ما ضروري احبو هسي بس رغم ده كنت مبسوطه بي اللمه عاين لي بي ابتسامه قال لي جمالك فاتن❤️ابتسمت قلت ليه تسلم عيونك ❤️سجي حضنتها وبقت تبكي بقيت اتذكر التفاصيل الجميله...
خالد انت م جادي جاي كيف يعني قال لي كلمتك يوم الجمعه انا حجي أتقدم ليك م كنت فرحانه ابدا بس كنت حاسه بأحساس جميل او توتر احساس حتخطب وحعرس وحكون مع صحبتي في بيت واحد دي كانت الفكره الحاباها انتبهت بصوت سججي بتقول لي احمد وكديس برا عاوزين يبارركو ليك قمت ولبست عبايه مفتوحه بس زرزرتها ولبست الطرحه ومرقت برا لقيتو متكل على العربيه وقدامو كديس وبعاينو لبعض مشيت عليهم.

-كديس:
ي زووووول كيف تمشي خطوبه حبيبتك انت جننييييييت؟ قال لي اي ابتسم ابتسامه باااااهتته جدا لبس الساعه قال لي أمكن اشوفها اخر مره م معروف يعني حضنتو بقوه وربت ع كتفو قلت ليه حافظ على انهيار قلبك ي مان م ترهق نفسك بالتفكير زحا مني ومسكني من كتفي قال لي انت لو حاسس بذره الحاسيهو حتنتحر صدقني حاسي بأنعدام الرغبه من كل ناحيه يلا حنتأخر ومشا قدامي كنت مشتت احساس صحبك تشوفو مكسور ويصعب عليك تجبر بكسرو ولا تطيب بخاطرو 💔💔
اخخخ يارب ابتليته في الذي أحب فاللهم عوضه 💔
لحقتو ونزلت لقيتو دور العربيه ركبت واتحرك وطول الطريق ساكت ولا حتى شغل اغاني ولا حتى صفررر ولا حتى شاغلني كأنو ده م أحمد صحبي البعرفو كانو ده واحد تاني حقيقي بقيت م عارف اصبرو كيف والله المستعان كان في قمه الهدوء
لو م عارف العاصفه الجواهو هسي كنت قلت م بحبها بقيت اراقب الشوارع...

-احمد:
كنت مصر امشي عشان بعد الخطوبه انا ك احمد م بتكلم مع وحده مخطوبه احتراما ليها ولي خطيبها كنت ماشي اودعها اشبع منها ومن عيونها الوقعتني في مشبكةةة ريدها الشارع بقا طويل؟ ولا بيتهم غيرو ولا انا ضيعت الطريق؟ لي بقي لي بعيد للحد ده....

*ارتوي القلب(٣٧)*
ااااخخخخخخخخ مشتت مدمر ولهان عليها وعلى شوفتها بلتقط في انفاسيي وبحاول استرخي لمن وصلنا ونزلنا كديس دقا لي سجي وقال ليها تعالى انتي وبنان عاوزين نبارك ليها فعلا تمت خمسه دقايق وجات سمعت صوت الكعب العالي نزلت رجلي من العربيه وبقيت اعاين ليها وبالتحديد "عيونها"
كانت جميله شديد "فاتنه" كنت مخنوق جدا وانا بشوف الدبله على يدها كنت عاوز اقعد جمب رجولها واعترف بكل الفيني بكل المشاعر 💔انا انحرمت منها 💔صحيت وسلمت عليها وقلت ليها مبارك عليكم ابتسمت غصب عني قالت لي الله يبارك فيك وعقبالك قلت ليها انا لسه صغير كنت حقول انا لسه م نجيت من بحر هواك قالت لي ما تتفضل رفعت حاجبي حتى هي اتخلعت قالت لي قصدي اااا الحوش يعني قلت ليها مجرد عدم تركيز قالت لي ايوه قبلت لقيت اننا واقفين برانا قربت منها قلت ليها انا حمشي بعد ده وبتمني ليك حياه ظريفه مع خالد وربنا يسعدك بقدر الايام الكانت جميله بينا م عارف قلت كيف العارفوو اني عاوز اختفى من الوجود للحظه حلقي جفا وعطشت كأني كنت جاري مسافه طويله قالت لي حقيقي انت الكنت بتزينها سعاده ابتسمت كان في كلام كتير جواي م راضي يطلع حاسي اني م قادر اقيف والله راسي لافي وصدعت لمجرد م شفت خالد جاي وبتكلم مع الجمبو لا حنعمل العرس بعد مده م عارف نطقت كيف كأني عاوز اقول الكلام ده وامشي بدون ما ابارك لخالد لا لحظه؟ انا ابارك ليهو خطوبتو من الزوله الحبيتها؟ قلت ليها لن ينتهي لقائُنا؛ ولن يكن اخر لقاء؛
#ولنا لقاء واعِدك
كانت علامات استفهام في وشها ركبت العربيه وجا كديس ركب
واتحركنا قال لي الزوله دي مالا؟ وشها كده؟ وبعدين خالد كان جاي زي م شايف لي م باركنا ليه قلت ليه ولا شي قال لي اتهورت وقلت ليها بحبك؟ قلت ليه هي مسبقا عارفه قال لي نعمممممممممم...
في يوم كانت عيانه وكنت مقلق عليها شديد ف ضربت ليها وبقيت اشغلها من مرضها طرحت لي سؤال "انت لي مهتم بي للدرجه دي" قلت ليها "لمن احب زول بخاف مرضو"
كم مره بجيبها بفوق ومرات كتيره بقول ليها بريدك
كديس قال لي اي قلت ليه تعال سوق انا م قادر اخدت انفاسي وبركنت جمب الظلط نزلت ومشيت المقعد التاني م عارف مر كم من الزمن وانا سرحان وبشوف في الشوارع حاسي اني م بتنفس التفت لكديس قال لي مالك؟ قلت ليه انا حسافر قال لي نعمممم؟ وين وبتين؟ قلت ليه براحه حسافر الولايات من زمان بقول حمشي عطبره وكسلا وكذا قال لي ومنها تفرق امشي ربنا يسهل عليك ي مان قلت ليه أن شاء الله قال لي حنزلك واشيل العربيه قلت ليه مالك ي مان ونزلت قال لي والله ياخ ماشي المستشفى عندي دوام مسائي قلت ليه طيب يلا سلام ومشيت بقيت افكر في حاجات

*#ولنا للقاء《35》*
*#بقلم بنان عماد*

*ارتوي القلب(٣٨)*
-تيسير :
ذنبنا شنو انحنا نشوف مناظر زي دي؟ ويا محمد ده شنو العملتو ده؟ معقول توقف قلبنا؟ وبالله الاخت من ركبنا لحد وصلنا بتبكي سجي هووووي اوعه ترضى بالسرعة دي قومي شاكلي ونبذي واقعي فيه ضرب هبله دي محمد قال لي بطلي تحريشات صاحب محمد قال لي كيدهن عظيم يعني هو م يفاجئها يعني ولا كيف قلت ليه م كدد ياخ وقف قلبنا
بنان قالت لينا جفاف ماشي الف ي شباب قلت ليها وت؟ انتي مش مخطوبه مفترض حرف الجا م تجيبي فالسانك ضحكت...

-سجي :
التفت لقيت محمد وراي وركع طوالي وبقول ممكن نتوج حبنا؟ ختيت يديني في فمي وبقيت اعاين ليه ودموعي نازله كميه من زغاريت بنات كانو في المطار واولاد شغالين صفافير ومشاغلات تقيله اخدت نفس والجواي بصرخ بفررررح يا لطيييييييييييف شكررررا اخيرا اخيرا اللحظه دي جات م قادره اصدق وبس دموعي الكانت بتعبر😭❤️❤️❤️محمد ابتسم ومسك يدي لبسني بقيت ابكي اكتر قال لي مسافر لي حبك بالحلال انا❤️احححححييييينا من محمد حيييي😭😭❤️❤️وااااااااااااااااااااااااااااي وااااااااااااااااااااااااااااي وااااااااااااااااااااااااااااي 😭😭😭❤️❤️❤️❤️حاسه بس الليله يوم للفرح فقطط غير كده م يجوز 😭❤️❤️❤️قال لي بكره العصر كلمي ابوك قولي ليه دكتور محمد قال حنجي نتقدم لبتكم ونتلاقا بكره بإذن الله..

-أحمد :
هو قلبي البجبرني اعاين ليها؟ ولا عيوني ولا شنو؟ انا لي م بقدر اشوفها قدامي واتجاهلها؟ طيب هي كيف قادره تتجاوزني عادي يا لطيف عبدك الضعيف يسألك التخفيف هي العلمتني الجمله دي مشيت عليها وقلت ليها م كان نفسك تكوني محلها في الوقت ده ومع زول بحبك؟ عاينت لي بعد تركيز واستيعاب م كانت قادره تحلل كلامي اخدت خمسه دقايق بتفكر دلاله على عيونها الما ثبتت في حته وحده عاينت ف عيوني وقالت نفسي قلبي يدق بس حيدق بالحلال أن شاء الله عاينت ليها وضغطت ع ضروسي بعصبيه اخدت نفس عميق وفرغتو بالاتجاه التاني وعاينت ليها قلت ليها أن شاء الله قالت لي لقائنا اتكرر كنت متخيله م حلاقيك والحمد لله لاقيتك م تتخيل كميه البسطه الَ.. قاطعتها مبسوطه لي؟ قالت لي بعفويه عشان لاقيتك وكنت مفتكره م حلاقيك قلت ليها يعني قربي منك ببسطك؟ عاينت لي بخجل وتوتر قالت لي وهي بتصلح في كلامها ااا قاطعتها ولا حيكون اخر واحد حنتلاقا اكيد قالت لي وم حتجي العرس؟ قلبي وجعني وللحظه كنت حخنقها بس اتراجعت
   *كيف استطعت ان تتجاهل ملامح تعبي أمامك*
قلت ليها م معروف ومشيت بدون م التفت دورت العربيه وكبرتها لشارع النيل حسيت عيوني حمرت او كانت دموع؟
لا مستحيل نزلت راسي وانا قاعد وبدون احس نطقت اسمها وتليها بحبك 💔.
اخدت نفس وغمضت عيوني شديد عملت مساج لراسي كديس دق لي قال لي انت وين قلت ليه مشيت اجهز العربيه عشان اطلع قال لي نعمممم؟ هسي وبدون م تودعنا؟ قلت ليه لا راجع البيت اشيل الشنطه اصلا جهزتها قبيل قال لي طيب جايك هناك قفلت واتحركت على البيت شلت الشنطه ونزلتها ومشيت سلمت على ناس البيت مسبقا كانو عارفين
طلعت الشنطه وختيتها على الظهريه التفت لقيت محمد وسجي وتيسير قلت فقلبي شششت ديل الجابهم شنو ..

*ارتوي القلب(٣٩)*
    *خذني معك انا تمعنت وجودك حقا*❤️
جو عليه سجي قالت لي م حزعل عشان م وقت زعل بس تمام ماشي كويس ودعتهم واتحركت..
    "بعد عده شهور"
احممممممد مات عشانك ي بنان احمد حباااااااااك حبااااااك من أعماقو. انتي كسرتيهو دمرتيهو انتي كنتي دايما بتصديهو احمد عيبو انو قلبو اتحكم فيهووووو الغيره حرقتو احمد بمووووت ي بنان ارحميهو ولو لمره حسي بيهو ولو لمره وحده حسي بي حبو اتأملي تصرفاتو وكلامو لمره وحده ي بنان احمد الما حباهو فيك شنو اسفه على كلامي الجارح بس والله م قادره اشوف احمد ببهت قدامي كده كان نفسي تبقي مرت اخوي بس بترجاك بترجاك ي بنان تفسخي الخطوبه الليله الليله تمشي لخالد وتعتذري وتقولي م قادره تكلمي رجعي لي بيستي ي بنان رجعي صحبي الكان زمان دموعي حرفيا كانت بتجري بطريقه غزيره كنت كاره نفسي وكاره سجي لأنها الوصلتني للنقطة دي كسرت حاجه جواي بطريقه كلامها انا ذنبي شنو لو م حصل انتبهت انا الكنت مفتكره انو م بحبني ولا تصرفاتوو؟ يخ انا جايطه جاااااايطه انا لأول مره ابكي بدون اوقف نفسي بدون اواسي نفسي خليتها في مكانها ولبست عبايتي ومشيت وسقت العربيه دقيت لخالد قال جمب الكبرى قلت ليه اقيف مكانك بقيت سرحانه في الحصل...
سجي؟ مالك بتبكي يبت؟ فيك حاجه انتي؟ قامت وقالت لي الفي التلفون اسفه لاني حوريها اسفه لاني م قادره استحمل
ي تيسير اسفه قفلت وبقت تقول كلامها ده يادوب عرفت سبب تغيرو ايوه انا قاعده اشوفو استيت قاعده اشوف صورو قامت ليه هالات وشو بائس جدا انا امكن كنت عارفه؟ انا عارفه؟ انا عارفه بحبو لي؟؟؟؟ بس م للدرجه دي! قايله عابر!
طيب لي م اعترف وصلت الكبرى وانا علامات الصدمه باينه في وشي....

*#ولنا للقاء《36》*
*#بقلم بنان عماد*

*ارتوي القلب(٤٠)*
وقفت عربتي قدامو ونزلت وانا ملامح الصدمه في وشي مشيت ليه لمن شافني نزل وجا على قال لي بنان؟ مالك أن شاء الله خير؟ قلت ليه م عارفه اقول شنو قال لي قولي يبت قلت ليه انا م عاوزاك وقلعت الخاتم واديتو ليه كنت متوقعه رده فعل غير دي بس حصل عكس الكنت خاته في بالي
متوقعه يبههدلني ويصرخ فيني ويسألني بس هو غطا وشو بي يدو وهو بقول الحمد لله الحمد لله الحمد لله قلت ليه شنوو؟
قال لي وهو بنطط عيونو وبياخد نفس وبرجع عيونو زي م كانت صراحه ي بنان الكان جواي كلو شعور عابر بس بعد خطبتك عرفت اني م قادر افرحك م قادر اتعامل معاك زي المخطوبين عرفت وقتها اننا م ننفع لبعض بس كان صعب على جدا اني اجي واعترف ليك كسر الخواطر م هين وم حبيت اكسر خاطرك انا والله و قلت ليه وكنت حتكمل لو م جيتك؟ قال لي اعمل شنو؟ كنت حكمل اي عشان م اخليك وتتكسري
عقدت حواجبي ودموعي جرو قلت ليه انا غاااصبااااك؟ انا مسكتك من يدك قلت ليك اخطبني؟ جبرتكككككك؟هااااا قول جبرتك لفيت وجريت ركبت ودورت العربيه وبقيت اسوق بسرعه وهو شكلو متابعني وسايق وبدق في بوري عشان أوقف بس م كنت عاوزه اوووقف كنت بلف بي الشوارع وتلفوني م وقف من الضرب كل شويه يضرب لي زول بقيت اتذكر في حياتي جاااطت ياخ 💔💔انا عاوزه احمد زدت السرعه وانا بصرخ وبقول انا ضيعتو انا كسرتو دمرتو انا الغرزن الف سكينه قلبو انا شريره وعيت بصوت العربيه قدامي وبتدق بوووووري وانا قربت ادخل فيها وتلفوني في اللحظه دي دق تاني وانا كاني دخلت في صدمه وبقيت م عارفه اتحرك ولا اضغط فرامل ولا اسوي حاجه كانو الزمن وقف وبقيت م قادره اتصرررف حرفيا نسيت انا منو وين ......

-سجي:
كنت بتكلم مع كديس ومقلقه وحكيت ليه وهو كمان كان مقلق دخل لي خالد في الخط استغربت شديد ورديت بسرعه كان بلهث وبقول لي دقي للمجنونه دي حتموت دقي ليها دقي بسرعه حاولي وقفيها ي سجي قلت ليه وانا بصرخ منوووو هي ي خالد منوووو قال لي بنان بنان وحكا لي بطريقه سريعه قفلت ودخلت تيسير واحمد في الكول وانا بجري ولقيت توب الصلاه في وشي لببستو وانا بصرخ في التلفون وبحكي وم عارفه بحكي كيف العارفه ان تيسير واحمد اتحركو عليها م عارفه صراحه وصفت ليهم كيف ولا عارفه انا دورت عربيه محجوب كيف وسقت م عارفه انا اصلا وصلت كيف بس شايفه تلاته عربات واقفين قلبي وقف وجسمي مات ونمل حسيت اني م قادره انزل اصلا وانا شايفه الناس متجمعين شباب دي بنان الشايلنها دي نزلت بسرعه من العربيه وبقيت جاريه وبصرخ وااااااي انا احي انا يقلبي واي انا ي قلبي وااااي احييييي احححي اححي جريت وبقيت ماسكه خالد وبقول مالا بنان وااااي انا تيسير مسكتني وبقينا نبكي شايفه عربيه احمد وقفت ونزلو كديس واحمد جرو خالد بصرخ وبقول افتحو الباب بسرعه البت حتموت نفسي بتقطع نبضها م كويس بسرعه بسرعه احمد قال ليه سوق انت ي مان م قادر اسوق انا والله متخيلين نحن جينا بكم عربيه ادفسنا فعربيه وحده؟ بس عشان بنان ونكون جمبها؟ تيسير بتشهق وبتبكي ودموعها ملت وشها وم أظن شايفه وانا بس بعاين لبنان وبهبش نبضها وبقول ليها بسرررعه ي محمد بسرررررعه كان سايقنا محمد وخالد ورانا بأمن في العربات وببركنها احمد كان قاعد قدام وانا وتيسير وبنان ورا وفاتحين الشبابيك والشباك الفوق كمان وبرضو حاسه الهوا معدوم احمد بحاول يفهم والفهمناهو انو اتشاكلت مع خالد وكانت من كم يوم م كويسه والليله زاد عليها وفسخت الخطوبه وياهو زي م قال خالد قبيل انو ساقت العربيه بجنون ...


*ارتوي القلب(٤١)*
بعد نص ساعه او اقل نحن كلنا في المستشفى تيسير دقت لنبأ وبراحه كلمتها عشان م تتخلع ووصفت ليها اي مستشفى بقينا على اعصابنا بس وتيسير م قادره تتكلم اصلا وكل ما أقرب منها تبكي اكتر وترجف لمن هبطت قعدناها قلت لخالد الجا الله بحاسبك قلت ليها شنو حكا لينا قال لي م اتوقعت تعمل ده كلو قلت ليه انت جزمه.؟ بقيت اضرب فصدرو واكلمو ياااخي ياااخي لي ياخي لي قلت ليها كده كلامك ده كان تحتفظ بيهو لنفسك ي كلب ي وقح اخخخخخ منك مسكني وهو عيونو حمر قال لي انتي قايله عاجبني الوضع انا م عاجبني الوضع ي سجي اعمل شنو يااخي انا اعمل شنو الدكتور جا طالع بخلعه لا اردايا جريت ليه قلت ليه اوعه تقول حصل ليها شي والله اضبحك والله اقتلك خالد جا ورفع يدو كان عاوز يديني كف بس نزلها لمن خفت حضني قال لي خلينا نفهم حاجه ي سجي اصبري ياخي اخد نفس وزحا الدكتور قال لينا م تتشاكلو هنا لو سمحتو د م شارع ولا بيتكم يعني الرجاء الاحترام خالد قال ليه طيب اتكلم كلنا كنا حولينو وبذات احمد الما قادر يقوم من الكرسي قال لينا هي بس دخلت فيها خلعه واغمي عليها هسي مركبين ليها درب والاكسجين حقها كويس وكل شي تمام بس الخلعه ادت لكده وكمان ظاهر انها دخلت في كومه غضب هستري ادا لتعامل غير إرادي ح قدرت افهم شي لا دقيقه هي م عملت حادث؟ طيب الحصل شنو؟ عاينت لي خالد قلت ليه حصل شنو هي م عملت حادث حمر لي

*#ولنا للقاء《37》*
*#بقلم بنان عماد*


*ارتوي القلب(٤٢)*
*عزيزي؛ هيا ارتوي حباً؛ عشقاً؛ شوقاً*
*عزيزتي؛ سألمسُ خُصلاتِ شعرُكِ وأضُمُكُ لي ملجئكِ الجديد*
      *" تمعني قلبي انهُ ينبضُ لكِ"*💞💕

قلت ليها اا انسى انتي ااا شلت التلفون لقيت ٣ قلت ليها ده صُبحك؟ قالت لي احسن اسكت تيسير جات من وين وسمعت ضحكتها م عارفه كيف قالت لي قومي الضيوف برا قلت ليها تمام دخلت استحميت وغسلت شعري ومرقت ابا يتنشف تيسير قالت لي يااااخ استشوري قلت ليها ايوا نسيت مسحت شعري بالكريم حق الاستشوار يرحتو رهيبه استشورتو بسرعه بقيت افتش في حاجه البسها لقيت الفستان الجابو لي ابتسمت وقلت ليهم قبلو ضحكو وقبلو لبستو قلت لي سجي تعالى اقفلي لي
قفلتو قالت لي ياااااااااخ دررررررعه قلت ليها تسلمي تسلمي عملت ميكب خفيييف وختيت طرحتي في كتفي ورتبنا الغرفه بسرعه ومرقنا سلمت على الناس وكفرو لي كانو قاعدين بجهه التاني في صالون الضيافه مرقت الصاله جاتني سجيي قالت لي في ضيف في الصالون عاوز يسلم عليك وويكفر ليك قلت ليها ااا حقيقي اتوترت لي م عارفه قلت ليها ااا طيب مشيت بسرعه وكانو خاته في قلبي انو يطلع هو اخدت نفس ومسكت بيديني الاتنين طرف الفستان أخذت نفس وبتوتر خشيت وانا مغمضه بقيت امشي خطوه خطوه فتحت عيوني براحه لقيتو قريب مني شديد رجعت لورا من الخلعه ومقلعه عيوني ونفسي قام كان بتأملني شديد م قدرت اهدي نفسي واتذكرت كل شي حصل وكل كلام سجي وكل المواقف البينا بلعت ريقي ومنتظراهو يتكلم لاني حرفيا اتبكمت قال لي كيفك؟ م قدرت ارد اخد نفس عميق وفرغو قرب مني اتوترت شديد وزحيت ضحك قال لي احساسي وصلك؟ م قدرت ارد قال لي طيب حمد لله على سلامتك اولا قلت ليه الله يسلمك احكي قال لي متوتر عرفت انو عاوز يعترف قلت اعذبو شويه قلت ليه ماشه انا لمن تخلص ا.. بنان انا بحبك ما الليله ولا أمس لا انا بحبك من ما اتعرفت عليك حبيتك لمن بتسمعي كلامي لمن اشاكلك في حاجه لمصلحتك انا حبيت وغرت ااا يخ الجاب الكلام د شنو هسي قصدي يعني انو انا كنت بغير شديد لمن خالد يمسك يدك عقدت حواجبي قال لي لا قصدي قلت ليه احمد قال لي م قادر م قادر انا احكي الجواي او م قادر اعترف بالطريقه الصح بس والله بحبك بحبك وعمري م فكرت فيك غلط وقلت اجيك بالباب عشان انتي حبيتي كده مدا لي ورده حمرهه م كانت ورده عاديه عقدت حواجبي ولفيتها لقيت جواها دبله عاينت ليه ف عيونو بسرعه اتوتر ونزل راسو دموعي نزلت لي م عارفه حسيت بفرح بفرح وكانو اول مره اتخطب قلت ليه حلبسو برأي وم اعيش الدور؟ 😭😭❤️رفع راسو قال لي بخلعهههه لا قبلتييييييي هزيت راسي احمد والله سجد وهو ببكي😭😭😭❤️❤️❤️❤️❤️❤️يا الله يا الله يا الله 😭😭😭😭❤️❤️❤️❤️❤️❤️❤️❤️والله سجد وهو ببكي قعدت وانا ببكي وبقول ليه احمد سامعه بقول يا الله لك الحمد يا الله الحمد لله يا الله والله بحبك يا الله نلتها نلتها😭😭❤️❤️❤️❤️يا الله يا الله 😭😭😭رفع راسو ومسح دموعو واتنفس قربت منو وانا ببكي شال الدبله واداني دبله حقت الرجال مد يدو لمستني سرت رعشه في جسمي حسيت عاوزه امسكها اكتر اصوات انفاسنا كانت مسموعه لمن لبستو خلعني صوت الزغاريت وقبلت والما لقيتو ورانا منووووو ياخي انا اتمنيت الارض تتشق وتبلعني من الخجل وكلهم بزغرتو وسجي بتبكي وتزغرت وتيسير الما بتعرف الليله اتعلمت خالي❤️السند❤️ببشر وهم بزغرتو قبلت عليهو ابتسم وعرفني خجلت قال لي يدك يحلوتي ❤️قلت ليه بهمس الناس قال لي ي مدام يدك م عليك بالناس اتخيلللللللووو بصوت عالي لمن امي ضحكت قالت لي مدي ساي يختي ابتسمت ومديتها لبسني وطلع من جيبو محبس وباس يديني وراسي ودموعو بنزلو وهو بمسحها قال لي وهو بهمس لي كانو دموعي بنتقمو مني بنزلو بدون م يستأذنو زي زمان ❤️
معقول يا البنان؟ ❤️وقف ومد يدو مسكتو وقمنا والزغاريت قدت طبلتي والله شغلو الموسيقى وقلبو الموضوع عقد طوالي جريت يد احمد قلت ليه وانا بهز راسي لالالا قال لي عاوزاني؟ قلت ليه اي طبعا بس قال لي م يهمك بالباقي ومشو يخوانا حيبقي حلالي ❤️❤️❤️دخلوني الغرفه وقالو حفله العقد بعد العشاء كان معاي صحباتي كلهم والله وم قصرو ابدا معاي ومع امي ❤️دخلوني وم شاء الله قلبو الغرفه كوفير امي جاتني وهم بعركو لي في وشي قالت لي كان كتبتي الراجل امشي فكي قلت ليها لي قالت لي بالله امس دق لي تلفون وطلبك مني وحكا لي انو بحبك فرحانه ليك ي بتي يجوك بالباب ويتسابقو فيك وكان لفيتي الدنيا م تلقي راجل غير أحمد امسكي فيهو قوي وديل يزغرتو وطلعو مخططين وعاملين حساب وللفستان جابو واهل احمد وصلو عشان سامعه أصوات الزغاريت علت وت دقيقه هو بتين احمد لحق اشتري سد المال؟ سألت سجي قالت لي م شاء الله اهلو جو من بليل ومرقو الصبح وهسي الساعه خمسه عديل يبت وقت كافي جدا تتعمل قلت ليها م شاء الله تبارك الله معناها احمد مجهز من زمان تيسير قالت لي اسألي لمن يجي قلت ليها لي لمن يجي م قادره والله وهسي بكون في الصالون دقيت رد قال لي ي حب قلت ليه

*#ولنا للقاء《38_الاخيـــــــــــــــــــــــــــــرة》*
*#بقلم بنان عماد*

*ارتوي القلب(٤٤)*
*التقيت بك ولكن هذه المره قلبي معك*❤️
م قدرت ارد ودموعي جرو بركه في المثبت والله قال لي يااااه انتي الليله بذات بتنقطي عسللل ضحكت حصني قال لي بناني❤️
حلالي حلوتي واميرتي وكل صفه فيك حلوه حبيتك حبيتك بمعني الكلمه حسيت اني بس عاوزاك ومستعد احارب عشانك عشان اسعدك وعشان ادللك وامليك حب وغرام كنت بقيم الليل كنت شايف انك ابقي مرتي بعيد كل البعد عن الحقيقه اتخيلت ده كلو احلام وم حتتحقق وهسي انا واقف قدام والله والله لو مصدق ابقي كذبت عليك بس والله حاسي بأحساس حلو معاك وان شاء الله ديمه كده ❤️م أطول عليك هسي حيقولو كفاك.. بحبككككك❤️ اي والله دي انا وقلتها وانا بعاين لعيونو وبهبش في لحيتو قرب وطبع لي قبله بتعبر عن تعبو الوصل بيهو لي حسيت اني فتاه عظيمه بحبو❤️
قاطعنا صوت الباب وهو بدق زحا وقال لي اااا روجك اتمسح خجلت خجل ونزلت راسي قال لي اتعودي من هسي يا مرتي باسني في خدي وراسي وقال لي اعمليهو بسرعه فتشتو بسرعه وقلت ليه م حقدر اظبطو زي قبل شويه ابتسم قال لي حفتح الباب حتكون سجي اصلا خليها تظبطو ليك قلت ليه طيب ااا احمد دقيقه قال لي عيوني قلت ليه رايك شنو في الزمام قال لي الليله كلك على بعضك حلوه ف العاوزه اعملي في فرحك طبعا بنان عيشي اي تفصيله بتتمنيها لانو الايام دي بذات م بتتعاد قلت ليه حاضر مشا فتح الباب وفعلا سجي قفل الباب وراه وجا قعد قال ليها ظبطي ليها الروج فكت الزغروته وتاني فكت الضحكه قالت ليه عينك عينك ولا بتخجل مني يولد قال ليها سجي قالت ليه خلاص امتليت غيره لانو عاين ليها وهي انداحت شديد في الكلام بس للحظه كنت حكيمه جدا
وقلت انها عفويه وم قاصده جات ظبطتو وقالت لي المصوره حتجي تصورك قلت ليها حلو يلا طلعت جا على قال لي مالك قلت ليه بسم الله ما.. قال لي سجي صحبتي وحتتعودي عليها وهي عفويه معاي جدا نزلت راسي قال لي وبعدين انا فاهمه يعني ومستحيل اعاتبك في الغيره لانو م بيدد زول غيري زي م عاوزه وبدون م تختي حساب انها صحبتي ولا اين كانت لسجي ولا لبت تانيه عيشي الغيره وم تمنعيها لأنها حتما حتتفجر حلو؟ قلت ليه طيب ❤️المصوره جات وسجي وتيسير جو المصوره قالت لي حتعرفي الوضعيات؟ قلت ليها ايوه قالت لي طيب يلا بقيت اتصور معاهو صراحه خجلت شديد وتعبو معاي المصوره قالت لي بنان ي حلوه عيشي لحظتك واظبطيها  م تخافي وم تعتبري فزول تمام؟ اخدت نفس وقلت ليها تمام عندي حركه حلوه دخلت يديني زي الكاني حاضنه وعملت من وراه كيه لمن صورت قالت لي ظبطت ظبطت ظبطت تبارك الله تابعنا صور لمن جينا طالعين للحديقه البنات وقفو صف قدامي كل وحده بتطلع وتظهر من الممر ان د م انا ويفتكروها انا ويزغرتو تاني غايتو تعبو لمن طلعت بخطوات ثابته مشيت بميل والابتسامه في ثغري زغرتو تاني والمره دي بالتحديد اهل العريس❤️❤️
سلمت عليهم امو كل شويه زغرتن عروستنا مجيهه ورونا مين البشبها ضحكت وبجد انبسطت طلعنا بره للحديقه كان في شيزلونق قلت ليهم حتصور اول انا كان جاهز ومزين قعدت وبقيت اتصور تاني احمد جا صورتين تلاته صحباتي اولا تاني عائلتي وتاني الناس العاوز تتصور دخلنا جوا واحمد مشا للرجال   امو جات قعدت جمبي قالت لي سمحه تبارك الله ي يمه شكروك لي اخلاق على خلقه عاد احمد اختار والله اداهو تتعلي وم تدلي وي بنات فكن الزغاريت يخ كلامها فرحنننني شديد ما اني كنت خايفه من فكره العدوانيه بس الحمد لله ربنا ستر الزاد فرحي ناس المركز جو وباركو لي والهدايا دي الا دخلوها الغرفه من كتره م كتيره جد عرفت ان ربنا بحبني لمن رزقني بناس تحبني وتحب الفرحه لي مر العقد بتفاصيلو الحلوه العمرها ما حتمشي من بالي❤️
   بليل كده زي الساعه 1 تلفوني دق كنت مرهقه لقيتو حلالي ❤️رديت قال لي برا انا تعالى قلت ليه لا م قادره اطلع تعال الصالون ماف زول خالي نايم عمد خالتي هناك قال لي طيب
بي بجامتي النص بس رقدت شعري م قدرت المو عملت فازلين لانو اثار الميكب لسه في وشي والرموش واللينسيز م طلعتهم مرقت واصلا كنت نعسانه شديد مشيت فتحت ليه باب الصالون دخل قلت ليه لا جاي بعد ده لي م رد قلت ليه بتكلم معاك قال لي الناس طلعو 12 يعني م اتأخرت وكان معاي اصحابي وكدا يعني قلت ليه طيب حلبس توب واجيك مسك يدي قال لي اقعدي انا مستعجل والله قعدت قلت ليه طيب شوف انا م عاوزه عرس قال لي نعم؟ قلت ليه اصبر يخ انا من زمان نفسي اغترب والله جد نفسي خلي قروش العرس للأقامه ونعمل جرتق وهنا في البيت زاتو قال لي وين مخططاتك؟ قلت ليه انت قايل المخططات لشنو؟ للجرتق يعني قال لي حجيب إيمان الشريف وم تنطقي حرف لمن اكمل قلت ليه اها قال لي حجيبها للجرتق الحيكون في السطوح حقكم اصلا كبير هو قلت ليه وحنزينو وكده قال لي فالحه قلت ليه اها قال لي وحنعمل أقامه حددي اها عاوزه اي دوله سكتت مسافه قلت ليه العاوزو قال لي الكويت ولا تركيا ولا فرنسا؟ قلت ليه الكويت قال لي من

مسكت يدها وختيتها في قلبي وهي لسه بتكمل وانا بكل العمق الفيني بستمع ليها وقلبي بشحح بكثرهههه❤️
يا زارِعاً حُبك بِأقصَى أيسَري‏ لم أحفظ من الشِعر إلا بلاغة العشقِ في وجهكِ يا العوض الرباني يا كتفي وهيامي❤️
قربت منها وما بقا بينا فاصل الانفاس المتتاليه الحب القلب البدق بسرعه
*"أُحِبُّك .. أُحِبُّكَ حتى التَناثُر ، حتى التَبعثُر ، حتى التَبخُر ، حتى اقتِحامِ الكواكِب ، حتى ارتِكاب القَصيدة ..
حتى ادِّعاءِ النُبّوة ، حتى انقِطاعِ الوَريد  "*

-كديس:
موديني وين قلت ليها هشش مسكت يدها ولي غرفتي الزمان وبالتحديد ورا الدولاب كان زولاب صغير زحيتو
كان النوت مالي الحته قلت ليها ده زمان لمن كنا أصحاب وده لمن يفيض بي واقول ارتبط بيك وتاني اتذكر اني بحافظ على العلاقه كده شالتهم وبقت تقرا منهم ولانهم كتار شالت جزء وقالت لي انها حتجي تقراهم تاني قعدنا في السراير انا قصادها
قلت ليها اقري بصوت عالي بقت تبكي وتقرا:
لحظة !
‏اَين رأيتُ ( وجهك ) ؟
‏نعم .
‏نعم
‏تذكرت !
‏رأيتهُ في ( قلبي  ) ..
      ..
أحلى شي فيك عيونك المليانة حُب . •
     ..
*رُبما اُريد ان يلتمس حُبي حلال لهكذا اخفي ما تبقي منه نعم... لم اجعلهُ يفيضُ دُفعه واحده... كُنت دايما اُجزءِ منه... لأحافظ عليك فقط... اسف عزيزتي...اِن مر يوماً وابكيتُكِ فيه.. ولكنني اُقسِمُ بالله أُحِبُكِ... لنبدأ حُبنا بي اقسمُ بالله العظيم ان احافظ على ابنتك وينختم بطفله وطفل ينوران قاموسنا*
*فتاتي عجز القلب وصف عشقي فهل لك ان تقبلي بحضن دافئ*
     ..
مَا أنتِ إلَّا قِطعَة مِن خافقِي
تتباعَد الدُنيَا وأنتِ قريبةة.
   ..
‏أنتِ إِمرأة لا تَتكرر ، في تَاريخ الوَرد .
لالا دي م انا الكتبتها🤣🤣🤣دي كتبها احمد صوريها ليهو
قالت لي الاخيره دي؟ قلت ليها ايوه قالت لي ط طيب ابتسمت وحضنتها حباً..
الباقي كملو خيال ❤️

*#الروايه حقيقه ولمسات من الخيال*
#ولنا لقاء مره اخرى في روايه ما❤️
*النهـــــــــــــــــــ❤ـــــاية*


انتظر تعليقاتكم علي قروب #رواياتي_Cafe