انتو عارفين يعني شنو الزول يحس بي احساسين في نفس الوقت
واحد حسن بكون حلو وحلو شديد كمان
وتاني بجرحك وبكيك
في نفس اللحظة
احساس يفرحك لمن تشوف زول بحبك كتير وبعمل اي شي عشان #انت تكون مبسوط # وهمو في الدنيا سعادك
#صدقوني احساس حلو شدي
بس الصعب انو في عز الفرح يجيك شي وجع قلبك
#هل انت بتحبو زي م هو بحبك _وانت بتقدر تقدم ليهو السعاد رغم هو م منتظر منك شي

#فضفضه قلبي


#حنينه💞

#اكبر غلط في حياتك بتعمل وقت تكون #قفل معاك

انك بترجع لي اي زول لو بفهمك او م بفهمك
#اي صح انت موجع بس اسال نفسك

#هل_كل زول بقدر يفهمك

#اكيد لا
عشان كدا عليك الله م تمشي لي اي زول


#حنينه💞

_ عملته شنو؟
_ولا شي
_كيف يعني ولا شي
_حعمل ليه شنو يعني ياخالد هو مقبوض في قضية اغتصاب مفتكر دي حاجة ساهله عشان احلها بين يوم وليلة!!
_ طيب ماتجوط بتتحل بس انت حاول اربط الاحداث مع بعض وخلي يتكلم
_ماعايز يتكلم يا خالد ودي الحاجة المجنناني في معتز تعبته معاه وانا بقول ليه اتكلم
_ حتتسهل يا مصعب ماتضايق
_ يارب يا خالد يارب

ـــــــــــــــــــــــــــــــــــــــــــــــــــــــــــــــ
_ انا مستحيل اقدر اواصل حياتي مع واحد اخوه متهم بقضية اغتصاب
_ قصدك شنو يا دينا
_ قصدي واضح يامصعب بكرة حرجع ليك الدبلة والحاجات!!

" ليس هناك قلب يحتمل كل هذا "

______

_ مرام قومي اصحي وبطلي الكسل حقك ده
_حاضر ياماما 5 دقائق بس
_ ولا ثانية لو ماقمتي حجيب جك الموية
_يا الله حتجيني جلطة معاكم خلوني نايمة يوم واحد بمزاج
عشرة دقائق وانا بتكلم مع نفسي بعدها لبسته واتجهزت نزلته لماما تحت صبحته عليها
_سمعتي الحصل مع معتز؟
_معتز منو ياماما
_ولد عمتك كوثر الله يرحمها
_لا حاصل ليه شنو
_متهم بقضية اغتصاب
حسيتها نكته وامي بتحكي لي معتز ده مسكين شديد لو كان المتهم اخوه المتعجرف داك كان صدقته بس ده معتز سالته امي عن التفاصيل قالت ماعارفين شي ربنا يفك اسرة بس معتز واغتصاب!
ودعته امي وطلعته وفي الطريق كنته بفكر في معتز صح ماكان في بينا تواصل كتير بس معتز ده مجرد ماتتكلمي معاه حترتاحي ليه مع انه مابحب اخوه داك بس مضطرة امشي اقيف معاه عشان خاطر معتز

ـــــــــــــــــــــــــــــــــــــــــــــــــــــــــــــــ
_فسخت الخطوبة
_ كل حاجة لخير يامصعب ماتزعل
_ حاسي بضيق شديد وكانه كل الابواب مقفلة في وشي في قضية معتز ماقادرين نوصل لشي وحاليا خسرته دينا
_ ماتقول خسرتها قول هي الخسرتك واكيد معتز بكرة بطلع
_ انت جايب التفاؤل ده كله من وين!!
_ من مرام للاسف 😂
_ ماعارف اقول ليك شنو ياخالد بس اختك دي مابهضمه
_ شعور متبادل وهي نفس الشي

ــــــــــــــــــــــــــــــــــــــــــــــــ
انا يوم حنتحر بسبب الشركة المعفنة دي خلصته دوام وانا بتافف وزهجانه واتذكرته انه حمشي كمان بيت العبيط داك الله يصبرني طلعته على بيتهم واتذكرته زمان وقت كنا اصحاب
هم ولدين مصعب ومعتز امهم وابوهم ماتوا بحادث عاشوا حياة كعبه شديد لحدي مايوصلوا للهم فيه حاليا رغم انه مابحب مصعب بس بكون فخورة بيه دائماً وقت تجي سيرته تعب في حياته شديد وحتى معتز زيه وحاليا تاني جاتهم مصيبة!!

ـــــــــــــــــــــــــ
بين يوم وليلة كل حياتك تتغير اصلا هي ماكانت كويسة قبل كده
بس انا كنته قوي بحب معتز ودينا وحاليا هم الاتنين مشو!!
خلوني وحيد زي اول حاسي نفسي ضايع وماعارف ابدا من وين حطلع معتز كيف من السجن
ودينا وصلته معاها لدرجة مسمي معاها اسماء اولادنا في اول عترة اتخلت عني
دي تاني مرة احس بالضياع بعد موت امي وابوي 💔

ـــــــــــــــــــــــــــــــــــــــــــــــــــــــــــــــ
مابين كل هذا الخذلان هل سياتي العوض يوماً

#هل_استحق 1

#هل_استحق 2
وصلته بيت عمتو كوثر ربنا يرحمها بتذكر طولته من البيت ده كنته بتحجج لماما دائماً عشان ما امشي ليهم ضربته الباب فتحت لي عمتو كفاح بعد المشكلة الحصلت معاهم هي جات قعدت مع مصعب واصلا كانت بتجيهم كل فترة خشيت واتونسته معاها سالتها من مصعب قالت لي طلع مع خالد بس برجع مابتاخر قعدته انتظرته بعد مسافة جاء خاشي اتفاجئ بوجودي سلم علي وقعد في العادة اذا اجتمعنا نحنا الاتنين في مكان ببقى عبارة عن حرب بس هسي مصعب هادئ وباين انه مكتئب وحزين
_ عارفة انه الفترة دي سيئة بالنسبة ليك بس انا واثقة في معتز مابعمل كده إن شاءلله حيطلع منها
_إن شاءلله
بعد ردة ده اتحرقته منه حرقة بس تاني سكته وقعدته لانه في النهاية ده اخوه المسجون
_ وصلتوا وين في القضية
_مالاقين ادلة ومعتز مابتكلم
_ ممكن انا اتكلم معاه؟!!
_ ماحيسمع لزول حتى انا رفض يتجاوب معاي
_بس بتعرف انه انا عندي تاثير قوي علي الناس عشان كده اكيد حيتكلم معاي
_ لدرجة انه مابهضمك
سمعته بس عملته نفسي ماسامعه واصلا متوقعه حاجة زي دي من مصعب طول عمرنا مابنتفق انا وهو اصريت عليه انه نمشي طوالي لمعتز مع انه ماكان راضي بمشيتي بس جننته وطول الطريق بتكلم معاه ومابرد علي شغاله اقول ليه مفروض تعملوا كده وكدة عشان تمسكوا المجرم الحقيقي وتاني بقول ليه قعد اديك افكار من الروايات لانه بقرا روايات كتير مافضل ليه الا يفنني بالشباك واصلا وقف في نص الطريق وكان عايز ينزلني الا حنسته انه ماحتكلم تاني 😂
وصلنا ومصعب قبل مانوصل عمل كم مكالمة كده عشان يلقى طريقة يدخلونا
_ عايزة اتكلم مع معتز برانا
_ حسستيني انك محامية
_ ننن ظريف بس زي ماقلته ليك عندي تاثير قوي على الناس
_ ماخايفة منه
_ المفروض اخاف منك انته مامن معتز وطوالي جريت خفته يفنني بحاجة 😂

ـــــــــــــــــــــــــــــــــــــــــــــــــــــــــــــــ
العسكري دخلني غرفة كده مافيها شي وفي نهاية الغرفة كان قاعد معتز شكلة متغير شديد يومين عملوا فيه كده مشيت عليه وبقيت اتكلم معاه بس ماكان برد علي
_ عارف يامعتز نحنا مابينا تواصل كتير بس كنته برتاح ليك اكتر من اخوك.. عشان كده عايزه اكون معاك صُحبه
ححكي ليك اول مرة اتعرضته لتحرش!!
ايام كنا في البلد كنته بمشي البحر كتير بحب اجواء البحر مرة مشيت والوقت كان متاخر قعدته حسيت بحركة وراي اتلفته لقيت ولد ماكان كبير بس اكبر مني مسكني وقفل لي خشمي انا بقيت اصرخ واكورك وارفس كان عايز يقلع ملابسي 💔 بس انا كنته بصرخ بطريقة مجنونه هو خاف زول يسمع صوتي خلاني وشرد لانه اصلا البحر مابعيد من البيوت انا وقتها حسيت انه دي نهاية حياتي مافي زول عارف الحاجة دي يامعتز انت اول إنسان انا بحكي ليه للان ماقادرة اتجاوز الحاجة دي كل ما ارقد بالليل وعايز انوم بتذكر الحصل معاي وبحمد ربنا دائماً انه اليوم داك عدى علي خير (جزئية التحرش حقيقة للاسف حصلت مع انسانه بعرفة 💔) اكبر غلطة عملتها يامعتز انه ما اتكلمته لانه كنته حنقز بنات من المتحرش ده بس انا كنته ضعيفة صح مابعرف الولد كنته وقتها بس بعدها صادفته في الحلة وبقيت اخاف اطلع من البيت لحدي ماجينا الخرطوم... حاليا المتحرش الحقيقي حايم وانت هنا بتتعاقب بدلة لازم تتكلم يامعتز عشان مصعب ياخد حقك وحق البت ...
"دائماً نحن البنات ضعيفين وخاصة من الناحية دي بنخاف اذا حكينا انه اتعرضنا لتحرش او اغتصاب عشان ناخد حقنا المجتمع يقيف ضدنا باعزار وهمية عشان نحنا بنات!!
في طرق كتيره تاخدي بيها حقك في الحياة دي شوفي انسب طريق ليكي وابقي قوية وامشي فيه اياكي تضعفي وادعي ربنا انه يقويكي ويخليكي تواجهي المجتمع ده"
كنته بعاين ليه هو ببكي وانا ببكي وبعدها بدأ يتكلم

_ اتعرفته عليها قبل شهرين في الجامعة برلومة كانت سمحة شديد وطيبة كل الانظار كانت عليها بس انا القدرته اخطفها منهم شهر وعلاقتنا بقت قوية وكل الجامعة عرفت انه نحنا اصحاب شديد اي زول تساليه عن معتز بقولوا ليك مع نودي حياتي بقت حلوة بعد اتعرفتة عليها كنته ناوي اكلم مصعب ونمشي نخطبة بس حصل الحصل ده 💔
_وانت وين كنته وقت الحصل ده
_ كنته معاها كنا سواء في الكافتريا الوقت اتاخر وديتها بيت خالته ورجعته بس انا ماعارف الحصل شنو وانا راجع وقت صحيت لقيت نفسي جنب نودي وهي دايخة وبعدها الشرطة جات بس صدقيني يامرام انا ما عملته شي 💔

_____
الشي الوحيد الذي يجعلني اتمسك بالحياة انني احب الله ♥

#هل_استحق 3

كلام معتز لو جد معناها في زول مخطط للحاجة دي حسيت نفسي تايهه اتكلمته مع معتز وحاولته اهديه وقلته اعرف يوم تاني التفاصيل طلعته بس ما لقيت مصعب!!
متوقعة منه اي شي بس يخليني هنا براي ويمشي واحد من العساكر جاء علي وقال انه الضابط مصعب جاهو تلفون مستعجل وطلب منه يكلمني واقعد انتظرة..
اكتر حاجة بكرهه الانتظار طوالي اتحركته ماشه في الطريق قلته اشوف لي مواصلات بس ماكان في كالعادة يعني شوية وجات عربية وقفت قدامي وكان مصعب قلته خلاص حيكفتني لانه ما انتظرته اول مافتحت الباب ودخلته قال معتز اتكلم وانا ولا هموا المعفن ده بس مامشكلة في النهاية خايف على اخوه
حكيت ليه بالكلام القاله معتز مصعب كان مصدوم منو الحيعمل كده مع معتز وهو اصلا ماعندو عداوة مع زول!!
سالته من نادين "نودي" قال اتوفت 💔
انا بكيت حسيت كانه بعرفه معتز حيعمل شنو حبيبته اغتصبوها وحاليا ماتت وهو متهم بإغتصابها
_ ماتت بالاغتصاب؟؟ طيب وين الفحوصات البعملوها والادلة حقت موقع الاغتصاب اكيد في حاجة حتطلع معتز من السجن
_الطريقة الوحيدة الكان حيطلع بيها معتز انه نادين تتكلم وحاليا هي ماتت هي كانت عندها انهيار عصبي بس ومابتتكلم وقت دخلتي لمعتز اتصلوا وقالوا انها اتوفت - ماكان في دليل في بيت خالة نادين غير معتز الراقد جنبها مافي شي تاني
_ وخالته كانت وين!
_ قالت العصر جاها اتصال بقول انه امها تعبانه في البلد ونست تكلم نادين وطلعت
_ اكيد في طريقة يامصعب واضح انه اي حاجة مخطط ليها
_ حنلقى طريقة إن شاءلله
بعدها وصلني مصعب شكرني غريبه اول مرة يتكلم معاي بلطف كده قلته ليه واجبي ونزلته...

ـــــــــــــــــــــــــــــــــــــــــــــــــــــــــــــــ
بعد نزلته مرام واتحركته بقيت افكر سبحان الله دينا الكنته بحبها جدا اتخلت عني ومرام الكل ما اللقاها بتشاكل معاها حاليا وقفت معاي الدنيا دي غريبة شديد
اتحركته علي المحامية اخترته احسن محامية في البلد و عايز معتز يطلع بسرعة الحياة بدون مشاغبته لي مابتمشي 💔
انتظرتها لحدي ما تخلص اجتماعها وبعدين السكرتيره دخلتني
_ ده كل القاله ليك معتز
_ للاسف
_ اخوك ماعايز يتجاوب معانا يا مصعب القضايا المشابهه لقضيتكم دي ما قعد امسكة كتير بس عشانك مسكتها ؛ خلي بت اهلك تمشي معاي بكرة إن شاءلله مدام اتجاوب معاها حيستمر بكدة وإن شاء الله يطلع منها
_ إن شاءلله يا زينة
_ في كم حاجة لازم تعملها لي ونتحرك سريع عشان المجرم مايقدر يشرد

ـــــــــــــــــــــــــــــــــــــــــــــــــــــــــــــــ
وصلته البيت لقيت امي وخالد قاعدين طوالي قعدته وحكيت ليهم الحصل
_ ربنا يكون في عونه مصعب قعد يتعب شديد في حياته حتى دينا فسخت الخطوبه
_ عان الخسيسه اصلا البت ديك ماهضمتها تحس بيها مايعة كده مابعرف مصعب كان حابيها كيف
_ انتي اي انسان مابتهضم ليكي حتى مصعب مابتهضمي
_ لانه عندي احساس عالي بوريني الناس الكويسه من المتعجرفه
_ مصعب ده صحبي علفكره وهو ماكدة أبداً
_ خاتيك محامي دفاع ولا شنو
بعد كلامي ده قمته جارية عشان مايفنني بشي جنبه طبعاً انا قوية بقول كلامي ومابخاف بس بعدها بجريى😌

..................
وانا نائمة حسيت بجك موية اتكب فيني قمته مخلوعة وبقول المات منو لقيت خالد واقف بضحك فيني
_ انت مستحيل تكبر ياخالد دي شنو حركات الاطفال دي
_لا كبرته فاضل لي اعرس بس لي ساعة بصحي فيكي وماعايزة تقومي
_ الله يعرس ليك عشان ارتاح من خلقتك دي
_ انتي قايلاني بت اعرس واطلع حعرس واجيبه هنا
_ الله يصبرني عايز مني شنو
_ قومي صلي ومصعب اتصل علي قال عايزك تمشي معاه لمعتز وشال رقمك برضو
_ قد من وشي خليني انوم
_ كبيت فيكي كباية موية بس لو رجعتي نمتي وماصليتي حكب جك موية فيكي

ـــــــــــــــــــــــــــــــــــــــــــــــــــــــــــــــ
_ متاكد يامعتز إنك ماعندي عداوة مع زول في اي مكان
_ متاكد يامرام ماحصل اتعاملته مع زول باسلوب كعب كنته بتعامل مع كل الناس بكل عفوية والله...
نادين كيف؟!!
بعد سال عن نادين بقيت ماعارفة ارد ليه بشنو ساكته وبعاين للمحامية معتز فهم انه هي ماكويسه وبقى يبكي عايز يمشي يشوفة ويطمن عليها ماقدرته اقول ليه انها ماتت حالته من دون مايعرف انها ماتت كعبة بعد يعرف حيحصل شنو!!!

ـــــــــــــــــــــــــــــــــــــــــــــــــــــــــــــــ
لم اتخيل يوماً انك ستتركيني دون وداع... لم اتخيل أن ذهابك سيكون قاسيآ على قلبي لهذه الدرجة 💔

.........
بدل تم اكتبوا لي توقعاتكم للمغتصب الحقيقي... وهل معتز بكذب ولا فعلاً برئ

#هل_استحق 4

ليس كل متهم برئ....

انهيار معتز قدامنا بعد سمع بموت نادين كان كفيل انه يدخلني في حالة نفسية بعدها جاء مصعب حضنه وكان بهدي فيه هو بس ببكي وبقول كنا حنعرس كانت روحي 💔
بعدها طلعته وانا ببكي ماقدرته استحمل منظر معتز هو في لسه إنسان بحب بالطريقة دي انهيار معتز خلاني اتذكر حياتي قبل 4 سنه

~فلاش باك~
_ليه عملته كده يامحمد
_ صدقيني ما بيدي يامرام امي رفضت حاولته معاها بس مصرة وربطتني بعدم عفوها انا بحبك يامرام ممكن اتزوجك زوجة تانيه!!
بعد سمعته كلامه بقيت اضحك ضحكته بصورة هستيريه زوجة تانية هو مفتكرني شنو حرضى يعني
_ انا وانته عارفين يامحمد انه عدم عفو الام مابمشي في الحالات دي وانت لو حاولته معاها حترضى بس انت الماعايزني يامحمد انا عرفتة بعلاقتك مع هاجر وكمان عايز تخطبه!! ليه تعلقني فيك وتخليني عشان انتقام بس عشان رفضتك في الاول ياخ حسبي الله ونعم الوكيل حيجي يوم وربنا ياخد حقي منك على قدر كسرة قلبي انا حاليا مبسوطة مبسوطة شديد انه ربنا خلصني من واحد باطل زيك قفلته الخط في وشو وبقيت ابكي بكيت لدرجة حسيت قلبي عايز يقيف متذكرة محمد ده حاول معاي كتير وكل مرة كنته برفضو لحدي ما اديتو فرصة قدم لي حب واهتمام وحاجات كتيرة مع الوقت حبيته واتعلقته بيه وده كلة كان انتقام بس عشان رفضته في الاول كويس انه مناهل صحبتي قدرت تفتح عيوني على الحقيقة لولاها كان حيكون معمي علي قلبي للان ماشفته انسان بخساسة محمد كيف ممكن يكون كدة

~الواقع~
بعد مسحته دموعي بقيت افكر في معتز نحنا الاتنين ماقدرنا نتزوج البنحبهم انكسر قلوبنا بس بطريقة مختلفة طريقتي مابتتقارن مع حقت معتز لانه هي مشت منه للابد 💔

هل نستحق كل هذا الخذلان وهل ستتقبل قلوبنا كل هذا الوجع
ـــــــــــــــــــــــــــــــــــــــــــــــــــــــــــــــ
_مالاقين ثغرة يامصعب مستحيل يكون في مجرم بالذكاء ده اتكلمنا مع كل اهل نادين وهي برضو ماعندها عداوة مع زول ولاحتى ماعندها ولد اهل كان عايزها!!
_ بعد كلام زينة ده ماعرفته اقول شنو معتز مستحيل يعمل كده
طلعته طوالي ومشيت على معتز اكيد في حاجة هو داسيها علينا ماحخت في بالي انه هو عمل كده معتز مستحيل يعملها
وانا ماشي اتصل علي خالد قال انه امه تعبت ماقدرته اواصل واخلي خالتي لانه هي وقفت معانا كتير شديد
وقت دخلته المستشفى شفته مرام قاعدة وضامة رجليها عليها شكلها بتبكي بعد اخر مواقف لينا مع بعض كبرت في نظري شديد مشيت قعدته جنبها سالتها من خالتو وخالد قالت جوة مع الدكتور
_ ماقدرته اشوف امي بالحالة دي يامصعب تعبانه شديد هي كانت كويسة بس فجاة وقعت ماعايزاها تمشي زي ما ابوي مشى ماقدرته اشبع من ابوي خلاني صغيرة ماعايزة ابقى براي
_ اطمني حتبقى كويسة إن شاءلله ادعي ليها واقيفي جنبها حتكون محتاجة وقفتك معاها وانتي مابراكي انا هنا وخالد وخالتو حتكون كويسة وترجع معاكي البيت الليلةبإذن الله إتفاءلي
بعدها ما اتكلمنا تاني لحدي خالد ماجاء طالع وقال انه امه طلعت عندها سكري للاسف مرام بقت تبكى خالد حضنه وبقى يهدي فيها اتذكرته معتز 💔

ــــــــــــــــــــــــــــــــــ
وقت شفته امي واقعة جنبي ماقدرته افكر في شي كويس انه خالد كان داخل على البيت بسرعة شالها ومشينا على المستشفى انا مابقدر اشوفها تعبانه بتمنى انه ربنا يطول لي في عمرها واشيل كل التعب منها وقت وصلنا المستشفى ماقدرته ادخل معاهم قعدته وبقيت ضامة رجولي وببكي لحد ماسمعته صوت مصعب كنته محتاجة اتكلم واول ماهو جاء طوالي اتكلمته معاه وقت خالد طلع وقال انه امي عندها سكري زعلته شديد وبقيت ابكي بعرف امي بتحب السكريات شديد ومستحيل يعدي يوم من دون ماتعمل حلو اي كان نوعه
_ بعرفك انك اقوى من كدة يامرام بعدين ياحبيبتي ده مجرد سكري حنحافظ عليه وبإذن الله امي حتكون كويسة شديد ماتخافي ماشي وخليكي قوية
_ ماشي
ـــــــــــــــــــــــــــــــــــــــــــــــــــــــــــــــ
قعدته معاهم لحد ماخالتو بقيت كويسة وبعدها طلعته كلمتهم انه حمشي على معتز واجيهم البيت
طول الطريق وانا بدعي انه معتز يطلع سريع اشتقت ليهو
وصلته ودخلته معتز اتغير شديد شكلة بقى شاحب وكأنه ده واحد تاني
_ اشتقت لونستنا وتشغيلاتك يامعتز متين حتطلع من هنا
_ حطلع ليه خليني هنا يامصعب ماعايز اطلع نادين ومشت
_ ماحتطلع عشاني يعني للدرجة دي مابهمك ولاحتى ما اشتقته لي
_ ماكدة يامصعب بس انا مشتاق لنادين
حضنته مسافة وبعدها بقيت اساله اذا في حاجة هو داسيها بس قال مافي شي
_ طيب تتذكر الشهر البعد وفاة امي وابوي في الفترة ديك عملته اصحاب مامتذكر اذا في واحد فيهم ممكن يعمل كده ردة لي بعد مسافة وقال اتذكرته!!

#هل_استحق 5

_ الموضوع بالبساطة دي عندكم!!
مصعب: عارف المريتي بيه ماساهل وماممكن يتحل بالسهولة دي بس بتمنى منك تساعديني
_ هه اساعدك اساعد الانسان الدمر حياتي ياريت تاني ماتتصل علي ولا اشوفك قدامي..

ـــــــــــــــــــــــــــــــــــــــــــــــــــــــــــــــ
بعد ماما طلعت من المستشفى وحالته اتحسنت كتير كنتا بس قاعدة معاها اخدته اجازة من الشغل عشان اقدر أهتم بيها..
بتونس مع ماما جاني اتصال من رقم غريب رديت
مرام: منو معاي
_ معاكِ مصعب
مرام: ود عمتي
استغربته من اتصال مصعب بعد سال عن اخبارنا قال عايزني في موضوع مهم جداً حقيقي اتوترته وفي نفس الوقت كان عندي فضول اعرف في شنو فقلته ليه حاليا فاضية حطلع اقابلك...

ـــــــــــــــــــــــــــــــــــــــــــــــــــــــــــــــ
مصعب: ححكي ليكي كل حاجة من البداية اوعديني انك تساعديني
مرام: الموضوع خطير للدرجة دي
مصعب: مرام انتي وقفتي معاي كتير وحقيقي ماحنسى ليكي معروفك ده والمرة دي الموضوع صعب شوية وعارف انك مستحيل تجاملي في المواضيع دي عشان كده عايز وعد منك بالاول
مرام: وترتني والله يامصعب بس اذا موضوع بقدر عليه اودعك انه اساعدك
مصعب: الموضوع بدأ من بعد وفاة امي وابوي بشهر معتز كان مع شباب بشربوا مخدرات وبسكروا موت امي اثر فيه وخلاه يمشي في طريق غلط يوم كانوا قاعدين تحت الشجرة الشباب كانوا بتعرصوا فيه انه هو مابعرف بنات ولا حصل عمل علاقة زي ماهم بعملوا وقتها طلعت بت من البيت الجنبهم معتز قال ليهم حجيب راسة واعمل معاها علاقة كلهم كانوا بستهتروا بيه انه هو مابقدر الموضوع بقى زي تحدي لي معتز بقى كل يوم ينتظرة تحت الشجرة ويشاغلة ويمشي وراها بس هي ماكانت بتتجاوب ليه لحدي الشباب ماقالوا ليه انه اهلها كلهم مافي وهي براها في البيت وهم اصلا بعرفوها كانت بتصدهم ومابتديهم وش كانوا عايزين يعملوا ليها قرصة اضان بواسطة معتز هو رفض الحكاية دي في الاول بس بسبب تشغيلاتهم وحبة مخدرات ادوها ليه هو ماشاف قدامة تاني ومشى ليها البيت واغتصبه 💔
غلط معتز كبير شديد يامرام وانا ماحبرر ليه الغلط ده بأنه هو شارب وغيره بس قضية نادين هو ممكن ياخد فيها اعدام اذا ماساعدته ...
مصعب بحكي لي الحاصل ماقدرته اصدق انا كنته خاته لمعتز مكانة كبيرة شديد وبقول هو مستحيل يعمل حاجة زي دي طلع مامغتصب نادين بس اغتصب وحدة تانيه!!! دموعي كملت وانا بسمع فيه حال البنت حيكون كيف ياترى هي عايشه ولا ميته اهلها عملوا شنو معاها!!
مرام: وعايزني اساعدك كيف يامصعب في النهاية اخوك مغتصب حتى لو ماكان اغتصب حبيبته وانا مراة بعرف شعور الوحدة في الحتة دي ومع ده طالب مني اساعدك!!
مصعب: عارف انك حترفضي عشان كده قلته ليكي اوعديني انا ححاول اصلح ولو جزء بسيط من العملة معتز حتى لو عرستها
ماعارفة ليه وقت قال لو عرستها قلبي انقبض طيرته الافكار من راسي وقلته ليه حساعدك بس كيف!!
مصعب: انا قدرته اوصل للبت حاليا هي عايشه بس حياته كعبه اتزوجت واتطلقت... ايام اتعرضت ل إغتصاب كانت مخطوبة والخاطبة كان حبيبها كانوا مبسوطين انه عرسهم قرب لحدي ماهي اتعرضت ل إغتصاب وقت اهلها رجعوا بعد الليلة ديك عرفوا الحصل ماقدروا يعملوا شي غير انهم غطوا على الموضوع لحدي ما عرست بس بعد عرسها حياتها اتقلبت لقت اسواء انواع التعامل من حبيبها كان بتهمة انه هي بارادتها عملت كدة وما اتعرضت ل إغتصاب قبل شهر حبيبها عرف بالحكاية لانه هو برضو كان بشرب وبسكر والصدفة جمعته مع الشباب الكان لاميهم معتز وهم حكوا ليه بحكاية مرتو شال منهم رقم معتز وعنوان بيته وعرف انه بحب وحدة كان عايز ينتقم منه بنفس الطريقه!!
مرام: وكانوا ضحية البنتين المساكين معقولة في ناس بالسوء ده كيف ممكن يوصلوا المرحلة دي حسبي الله ماعارفة اقول ليك شنو بس قلبي وجعني جداً من الحكاية دي
مصعب: احمد حبيبها للبنت الاغتصبها معتز عمل جريمة متكاملة لحدي ما انتهت بموت نادين ما اكتفى باغتصابها لانه خاف على نفسه انه يتمسك جريمته كانت مخطط ليها من شهر وكان منتظر الوقت المناسب ولقاهو يوم خالة نادين طلعت من البيت ومعتز مشى يقدم نادين قدر يزور اوراق المستشفى البتثبت انه معتز كان ماخد جرعة منوم وقت الاغتصاب وقدر انه يقتل نادين ويزور اوراق موتها كل الكلام ده قدرته اوصل ليه من البحث والاسئلة وبعد اتكلمته مع لين الاتعرضت للاغتصاب من معتز اسبوع كامل وانا بحاول اربط الاحداث بس كل الكلام ده ماحيفيدنا اذا مالقينا اوراق تثبت او اعتراف من احمد
مرام: لا حول ولاقوة الابالله هو في إنسان بالسوء ده كيف قدر يعمل كده الانتقام كان معمي علي قلبه حسبي الله
مصعب: عايزك يامرام تتكلمي مع لين بعرف انه الكلام ده حيكون صعب عليكي بس ماعندي غيرك امشي ليه مابقدر اشوف اخوي وهو بتعدم وانا قاعد اتفرج عليه لين الوحيدة الحتقدر تجيب لينا الاوراق من احمد وتخلي يعترف

#هل_استحق 6

وانا بفكر جاني إتصال من رقم غريب بالاول خفته بس بعدها اتشجعته ورديت كان صوت بت سالتني من احوالي وقالت انها بت عمو للإنسان الاغتصبني كنته عايزة اقفل الخط بس هي اترجتني انه ما اقفله ماعارفة هي كيف بتفكر في النهاية هي انثى زيي المفروض تخت نفسها مكاني!!
بس بكل بجاحة متصله لي وعايزاني اساعدة!!
ـــــــــــــــــــــــــــــــــــــــــــ
بحنس في نفسي كتير عشان اتشجع واتصل ردت فعلها اكيد حتكون كعبة انا انثي زيها وطالبة منها تساعد الإنسان الاغتصبها!!
بعد عرفتني كانت عايزة تقفل الخط بس اترجيته انها ماتقفله وصوتها باين انها مامرتاحة في الكلام معاي طلبته منها نتقابل رفضت وقالت انها ماعايزة تعكر مزاجها بالسيرة دي واصلا هي مسافرة وعايزة تطلع من البلد دي طلوع نهائي وقالت انه ربنا اخد ليها حقها وزيادة ومازعلانة غير على البت الماتت دي
بعد قفلت اتخنقته كان عندي ولو بصيص امل صغير انها تساعدنا بس رفضت ماعارفة كيف حقول الكلام ده لمصعب وانا بفكر سمعته صوت سلام طلعته لقيته مصعب ومعاه خالد لبسته توبي وطلعته سلمته عليه عملته ليهم شاي وقعدنا نتكلم كان باين علي مصعب ملامح التعب وانا سرحانه فيه هو طوالي عاين لي خجلته ماعرفته اعمل شنو دنقرته راسي شوية وماما قالت انها تعبانه شوية حتمشي ترقد بعد طلعت مصعب سالني من لين عاينته لخالد قال لي عارف حكيت ليهو القالته لي حسيت مصعب شوية وحيبكي فقد شوية الامل البيهو حيطلع معتز مانفسي ادخل في الجوطة دي كلها بس مابقدر اشوف مصعب بالحالة دي رغم اننا بنتشاكل دائما بس مارضيت اخليهو براهو في النهاية هو ود عمتي
بعدها خالد اتكلم وقال انه عندي خطة نعمله بس حيكون فيها شوية خطورة قلته ليهم يدخلوني معاهم بس رفضوا اصريت عليهم انه انا كبيرة وبعرف اتصرف مايخافوا علي بعد نقة كتيرة وافقوا..

ومن تاني يوم بدينا التنفيز اول حاجة كان انه اصاحب احمد رسلته ليه طلب صداقة في الفيس بعد تفتيش كتير عن صفحتو ومن اول دقيقة وافق ورسل لي طوالي سلمته عليه وبقينا نتكلم طول اليوم كويس انه ام معتز هي البتبقى لينا عشان مايعرفني من اسم الاب...
فضلنا كم يوم بنتكلم وكل دقيقة مصعب برسل لي في الواتس وبقول لي قال شنو غايتو عزبني 🤦‍♀️
لحد مايوم قال لي نتقابل في الشقة اتحرقته منه حرقة وقت كنتا عايزة اردة ليهو واشتمه مصعب رسل لي رديت عليهو وكلمته طوالي اتصل علي مكالمة في الاول قعد يجوط وانا بهدي فيه قال لي احظريهو وانا بتصل علي خالد نشوف طريقة تانية وقفل!!
عايزة ارد علي احمد جاتني فكرة في راسي طوالي اتصلته علي خالد لقيتو مشغول اتذكرته انه مصعب اتصل عليهو خشيت ليهو إنتظار شوية ورجع لي حكيت ليهو بالفكرة الجاتني اعترض وقال لي مستحيل اخليكي تعملي كدة اتكلمته معاه كتير واقنعته اصلا خالد اخوي بقتنع سريع بس المشكلة حتبقى في مصعب!!
اتصلته عليهو في الاول اترددته اكلمة بس بعدها اتشجعته وقلته ليهو بالكلام العايزة اعملة قال لي خلصت كل الطرق الحطلع بيها اخوي عشان اخليكي تعملي حاجة زي دي!! ماعرفتة ارد عليهو بشنو سكته وقت شاف سكوتي طال قال لي الموضوع ده منتهي انا حشوف طريقة اطلع بيها معتز وقفل الخط
اتغظته فوق ما انا عايزة اساعدة كمان يتعامل معاي كده بس قلته برضو مابخلي خطتي دي خشيت القروب حق شلتي القروب ده بنحس فيهو براحة عجيبة صراحة بحسهم اخواتي اكتر من انهم صحباتي رسلته ليهم قلته عندي شمار حد مهتم اول وحدة ردت علي رندا مجنونة الشمارات 😂 قالت لي المفروض ماتسالينا سوال زي ده لانك عارفانا وتوتا قالت كبي الزيت البت دي شماسية درجة بعيدة وطبعا مزن كالعادة مع خطيبها وماردت حكيت ليهم بالحاصل بس ماوريتهم بإغتصاب معتز ل لين لانهم اكيد ماحيساعدوني وحيهرشوني ويمعنوني انه اساعد معتز
جابوا لي خطط كتيرة عشان ما امشي شقته بس انا كنته مصرة امشي احتمال كبير اللقى الاوراق هناك...

تاني يوم اتصلته علي احمد وقلته لي جيب معاك صحبك لانه معاي صحبتي نمشي مطعم بالاول وبعدها نمشي الشقة حسيتو فرح جدآ الكريهه
توتا ورندا لانهم متحررات في لبسهم قرروا هم الحيمشوا ويقابلوا احمد وصحبه ولانه اصلا احمد مابعرفني رندا قالت حتاخد دوري واتفقنا علي كل حاجة...

ــــــــــــــــــــــــــــــــــــــــ
توتا ورندا مشو قابلوا احمد ومعاهو صحبو في مطعم انا ومزن كنا قاعدين في الطربيزة الجنبهم ونسة كلها وهمية زيهم في نص الكلام احمد قال لرندا ونستك في الواتس مازي الحقيقة في الحقيقة احلى وظريفة اكتر...
قعدو زي ساعة لحدي مازهجنا وبعدها قالوا نمشي الشقة اتصلته لرندا وقلته ليها خلي الخط فاتح وكلمي توتا تفتح التسجيل وعملوا كدة فعلاً سامعين صوتهم لحدي ماوصلوا الشقة ونحنا كنا وراهم...

#هل_استحق7

بعد كلام رندا بقيت مخلوعة وبعاين لمزن حسيت ضربات قلبي بقت عالية من شدة الخوف بس الحمدلله إنها اداركت الموقف وقالت حكايت اسمي ده حكاية طبعا بابا كان عايز يسميني مرام وامي رندا كانوا حيطلقوا بسبب الموضوع ده بس الكبار إدخلوا وحلوا المشكلة بإنه بابا يسجلني في الشهادة مرام وماما تناديني برندا وانا بحب اسم مرام اكتر..
بعدها توتا قالت حتعمل عصير ورندا قالت ليها ماتعملي لي انا خاشه الحمام واضح انه رندا ختت تلفونها ومشت لانه سمعته احمد بقول مامطمن ليهم بس كلها ليلة وحنخلص صاحبة ردة ليهو بنات صاروخ ماحنفوتهم شوية وجات توتا ختت ليهم العصير سمعنا وهي بتقول اي زول بشرب من عصيري بشكروا شيلوا جربوا وادوني رايكم...
مرت زي 10 دقائق وانا اتوترته لانه ماكان في صوت بس شوية وسمعته صوت رندا بتقول تعالوا خاشين فتحنا الباب طوالي جرينا انا ومزن ودخلنا وقفلنا الباب بورانا شفنا احمد وصحبه وهم مجدعين في الكرسي بعد ماختت ليهم توتا المنوم شلناهم وختينا كل واحد في غرفة غطيناهم بالبطانية وقلعنا ليهم ملابسهم عشان لو مالقينا الاوراق هنا حنطر نتعامل معاهم تاني بعدها بقينا نفتح في الدواليب ونفتش مزن قالت لي اوراق خطيرة زي دي ماحيخلها في مكان غير شقته ده اذا ماحرقه مستحيل يخليها في مكان شغله انا خفتا يكون حرقة وبقينا مواصلين في التفتيش واخيرآ لقينا شنطة صغيرة راقدة تحت الدولاب فتحناها وبالفعل لقينا الاوراق انا بقيت انطط من الفرح قعدتا احضن فيهم واشكرهم رندا قالت لي انتي هبله نحنا دائما سند لبعض 💛
بعدها رجعنا كل حاجة لمكانها وكنته شايله اوراق صغيره ختيت وحدة ل احمد وحدة لصاحبه ماكنتا عايزة اتسبب لصحباتي بمشاكل واكيد هم بالمنوم مابكونوا متذكرين شي فكتبته في الاوراق كانت ليلة جميلة بتمنى تنعاد وطلعنا على كده..
كنته سايقة عربية خالد نزلته كل وحدة في بيتها وبعدين اتحركته علي البيت وانا في الطريق قلته الأفضل ادي الاوراق لمصعب وبعدها امشي البيت وصلته وضربته الباب فتح لي بعد مسافة اتخلع وقت لقاني قال لي مرام انتي كويسه في زول في البيت حاصل ليهو حاجة قلته ليه كويسه بس جيت اديك الاوراق دي شالها وبقي يعاين فيها صراحة كانت ادلة كافيه انها تطلع معتز من السجن حتى لو بكفالة مع الاوراق كان في صور مصورة لمعتز ونادين وكاتب عليها ملاحظات واخر صورة نادين ومعتز راقد جنبها وكاتب فيها الانتقام اللذيذ ماعارفة

#هل_استحق8

بقيت اعاين ليها قالت لي انت منو وعايز مني شنو قلتها ليها انا الحولته حياتك لجحيم عايز اصلح ولو حاجة بسيطة من العملتها!!
قالت لي دي خطة من الإنسان داك واخوه يجيبو واحد برئ ويلصقوا فيهو التهمة وهم كده بكونو خلصوا روحهم عايزه اقول ليك انه ملامح الإنسان الاغتصبني ماممكن انساها أبداً عشان يجيبوك انت وقول ليهم خليكم مبسوطين لانه اصلا ماعايز افتح الدفاتر القديمة واوجع قلبي لانه مافي إنسان في البلد دي باخد حقو
كنته مخلوع وبعاين ليها من دون ردة فعل صح انا مامتذكر اليوم داك الحصل شنو بس متذكر اني نطيت البيت ومشيت ليها ماعارف الحاصل شنو اكيد في حاجة غلط مشت مني وقفلت الباب بقوة لحدي ما نطيت من سىرحتي حتى مامتذكرة انه انا كنته بشاغلة وبمشي وراها!!
رجعته البيت ولقيت مصعب قاعد قعدته قصادة وقلته ليه ده ما انا قال لي شنو؟ قلته ليهو ما انا الاغتصبتها قال لي كيف يعني قلته ليهو انا ما متذكر شي وحكيت ليهو بالقالته ليهو مصعب بقى منطط عيونو وبعاين لي...

ــــــــــــــــــــــــــــــــــــــــ
كنته مبسوط شديد بطلعة معتز من السجن وفي نفس الوقت زعلان منه عشان كده ماكنته بتكلم معاه حتى وقت رجعنا ودخل غرفتو وبقى يبكي ماحاولته امشي ليهو قلته براهو بهدأ فاجاني وقت جاء وقال ماشي يشوف لين بس في نفس الوقت ارتحته يمكن دي الطريقة الحتخليهو يرتاح شوية وقت جاء راجع وقال لي بالكلام القالته لين ارتحته شديد لانه اخوي طلع مامغتصب
قمته من مكاني وحضنته قلته ليهو معناها في غلط في الموضوع اديني بيانات الشباب الكنته معاهم قال لي انا مابعرفهم شديد بس هم دائماً بقعدوا تحت الشجرة او جنب الدكان او في الميدان شلته منو الاسامي واتصلته ل انس وقلته ليهو في الحي... بتلقى الشباب ديل اقبضهم وديهم مقرنا قال لي الحاصل شنو قلته ليهو جيبهم بعدين بفهمك...
في المقر ده وقت نتاكد من شخص هو القاتل ومافي ادلة عليهو بنجيبو هنا ونخليهو يعترف بنهدده باي حاجة احتمال الطريقة دي غلط بس دائما انا وانس كنا بنقول لازم المجرم يضوق من نفسك الكأس عشان يعرف حجم الحاجة الهو عملها..
اذا جبنا مجرم قاتل بنهدده بأخته او امه او اي حد قريب منه وبنقول ليه حنقتلوا زيي ماقتلت فهو بعترف المقر ده لو اتكشف حناخد سنين كتيرة في السجن بس كان مامهم بالنسبه لينا قدر مامهم المجرم ياخد جزاهو..
كنت حعمل مع احمد نفس الشي بس ماكان عندة زول قريب نهدده بيهو حتى أمه مقاطعة!!
وصلته المقر ولقيت انس جابهم دخلته وسلمته عليهو وقلته ليهو خلال الليل ده لازم نجيب كل معلوماتهم!!
انا وانس ساهرنا عشان نعرف كل المعلومات العايزنها
بمخطط بسيط بواسطة التهديد قدرنا نعرف انه معتز ماعنده يد في حاجة هم صح كانوا مخططين انه معتز يغتصبها ويصوروهم بس اول ماهو نطة في البيت جاء واقع دايخ وهم كانوا براقبوا وقت شافوا وقع واحد عمل كل حاجة بدلوا وبعدها قالوا ليهو انت عمل كده وهو تحت تاثير المخدرات ماكان عارف هو عمل شنو اصلا...
ارتحته وقت عرفته كل القصة مشيت ل لين قدام بيتها واتصلته ليها كتير شديد قي في الاخر ردت علي وقالت انا في المطار حسافر وارتاح منك انت واخوك وارتاح من كل ذكرياتي المؤلمة وقفلت الخط قلته لازم اعرفها بالحقيقة قبل ماتسافر ومشيت على المطار لقيتها قاعدة في صالة الإنتظار قعدته جنبها وبقت تعاين لي وقالت حتى هنا جيت تلحقني!! قلته ليها جيت عشان اقول حاجة مهمه قالت لي لاخر مرة حسمعك وياريت تاني ما اشوفك في حياتي.. حكيت ليها كل حاجة بقت تبكي بطريقة تحنن اكتر من نص ساعة وهي بتبكي حاولته اهديها ومن دون فائدة لحد مانادوا علي رحلته وقامت قلته ليها ماحتحاولي تاخدي حقك قالت لي بعد الوقت ده كلوا مابفيد بحاجة انا عايزة اطلع واعيش حياة سعيدة وانسى كل الماضي ودعتني ومشت..
رجعته البيت وانا مبسوط حكيت لمعتز بكل حاجة قال لي يعني نادين الإتظلمت في الحكاية دي كلها!!
عارف انه ماممكن ينسى نادين بسهولة بس الوقت حيجبر كسرة قعدته في السرير وانا اخيرا بالي مرتاح من كل حاجه لحدي ماجاني إتصال وقلب مزاجي وعرفته انه مامكتوب لي اعيش يوم مبسوط... 💔
ــــــــــــــــــــــــــــــــــــــــ
‏انك تسيب حقك وانت قادر تاخده عمره ما كان ضعف ده منتهى القوة...

ــــــــــــــــــــــــــــــــــــــــ
توقعاتكم للإتصال الجاء لمصعب...

عارفاها قصيرة بس اقبلوها وبكرة بعوضكم بإذن الله ♥

#هل_استحق9

اسواء شعور تعيشوا شعور إنك مهمش عملته حاجات كتيرة لمصعب بس في النهاية مالقيت ولا شي وانا اصلا ماكنته منتظرة حاجة بس كان يقول لي كلمة شكرآ او حتى يعتزر على العملوا معاي اليوم داك! دائما دي عادات مصعب ومابغيره بتذكر زمان علاقتنا مع بعض كانت كويسة شديد وحتى كنته بقول عليهو صحبي لحدي ماخطب وانا قلبي وجعني علي الحاجه دي بس ما اهتميت قلته مجرد غيرة بين الاصحاب... عزمنا خطيبتو في بيتنا وانا أبداً ماحبيتها مياعتها وحركاتها بعد طلع يوصله واخدوا مسافة قلته معناها رجع البيت شلته التلفون ورسلته ليهو رسالة" دينا مابتشبهك يامصعب" بس هو رده كان صادم "دينا عاجباني كدة وانا ماطلبته رايك!!" ومن وقتها انا بقيت اتعامل معاه بقسوة وبقينا دائما وقت نتلاقي نتشاكل!!
بالصدفة من خالد عرفته انه معتز طلع ماهو الاغتصب لين فرحته ليهو على الاقل ينتهي من هم واحد...
قاعدين انا وامي بنشرب في القهوة الباب فتح دخل خالد ومعتز ومصعب جريت دخلته الغرفة لبسته توبي ورجعته سلمته عليهم وجبته ليهم القهوة..
شايفة معتز رجع يتجاوب وبقى احسن والحاجة دي فرحتني شديد وفجاة مصعب قال ل امي انا ماشي اتقدم لوحدة عايزك تمشي معاي انا حسيت قلبي ضرباتو متسارعة حسيت بخوف انا ليه حاسة بضيق مستحيل يكون عندي مشاعر تجاة مصعب انا طول حياتي بكرهوا امي قالت ليهو ابشر طوالي نمشي معاك وبهظار قالت ليهو مدام قررته تخطب كان تغطي قدحك بالاول عاينته ل امي وحمرته ليها عاينته جهة مصعب لقيتو بعاين لي طوالي قلته ليهو مبروك ربنا يسعدك معتز قال لي امي مامشكلة انا قاعد ماينفع اغطي القدح ده وبقوا يضحكوا انا بالغصب ابتسمته معاهم والحمدلله تلفوني اتصل طوالي قمته...

ــــــــــــــــــــــــــــــــــــــــ
واثناء انا مبسوط بالحاجات الحصلت دي وغيرت حياتنا للاحسن جاني إتصال من زينه وهي بتبكي قالت ابوها حالته كعبه وطلب يشوفني عمو احمد كنته بعتبروا اكتر من اب بالنسبة لي وقف معاي في حاجات كتيرة شديد اتحركته على المستشفى سالته من رقم غرفتو و مشيت دخلته ليهو الغرفة قعدته جنبه وبقيت اساله من صحته وكان باين عليهو انه تعبان شديد قال لي انا مافاضل لي كتير في الدنيا دي حخت عندك امانه حافظ عليها زينة امانه في رقبتك عرسها يامصعب واسترها اجبر بخاطري صراحة ماعرفته اقول شنو وقفته وانا محتار وفجاة طلعته من الغرفة وقعدته وانا بفكر في حياتي كيف اخر حاجة حعرس زينة البعتبرها اختي!!
وانا قاعد افكر سمعته صراخ زينة عرفته انه مات
قعدته معاهم لحدي ما خلصته ايام العزاء وبعدها اتكلمته مع زينه بالكلام القالوا ابوها ماردت علي ولا حتى قالت اذا موافقة ولا لا
وقت طلعته منهم مشيت البيت واتكلمته مع معتز قال لي هي افضل من دينا ومع إنها محامية شاطره بس متواضعة جداً...
طلعنا ومشينا بيت خالتو وكلمناهم فجاة خالتو قالت كان تغطي قدحك بالاول قلبي بقى يضرب سريع وماعرفته ده شنو وبقيت اعاين لمرام انا حاسي نفسي تايهه وماقادر افكر قلبي بيضرب مع مرام واجعني انه دينا خلتني وانا كنته بحبها وبهتم بيها وحاليا حعرس زينه!!!
زينه بعد موت ابوها ماعندها زول هنا غير عمها واحد ومابعرف العلاقة بينهم كيف مابقدر اقول ليها انا شايفك زيي اختي ومابقدر اعرسك...
بعد قعدنا شوية مع ناس خالتو وانا طالع نادتني قالت عايزاك في كلمتين وقفته معاها قالت لي ياولدي من زمان انا عايزاك تعرس مرام وقت خطبته شلته الموضوع من بالي وايام حصلت معاكم الحاجات دي وفسخت خطوبتك رجعته افكر تاني في الموضوع انا حاسه انه ماباقي لي كتير في الدنيا دي مابقدر اخلي مرام بدون راجل صح اخوها حيشيلها في عيونه بس مابضمن بعدين مرتو تجي تعامله كيف وعشان انا بعرفك فكرته في الموضوع ده ومدام انته خطبته عايزاك تكلم معتز يعرسة انا مابضمن غيركم في الدنيا دي ياولدي خلوا بالكم منها وختوها في عيونكم ماعرفته ارد ليها بشنو وكنته حاسي بضيق شديد مابعرف سببه شنو كل البعرفة انه لازم اطلع من هنا إستاذنتها وطلعته اتحركته ولا حتى انتظرته معتز وقفته جنب البحر وانا بفكر في حياتي وفي البحصل ده بتذكر مرام اول مرة شفتها وقت جو من البلد واستقروا هنا وايام وفاة امي وابوي هي وقفت معاي وماقصرت أبداً وكنته بحبها وبعتبرها اختي لحد ماخطبته وبعدها هي إتغيرت وبقت تتعامل معاي بقسوة وبقينا من بعدها كل مانتلاقى نتشاكل!!

ــــــــــــــــــــــــــــــــــــــــ
الايام كانت بتمشي وماكان في جديد غير خطوبة مصعب الليلة حاسة نفسي ماعايزة امشي ماعارفة ليه!! وامي بتحنس فيني وخالد قال مابخليني في البيت براي قلته ليهم حمشي لمزن بس برضو مارضوا واخيرآ رضيت بالواقع لبست فستان اسود واصلا مابحب المكياج كنته عايزة امشي كده بس في اخر دقيقة غيرته رايي واتمكيجته وطلعته امي وخالد طول الطريق زانين لي انه اتاخرته قلته ليهم اصلا رفضته امشي بس إنتوا اصريتوا..

#هل_استحق
الاخيرة 🦋
الايام كانت بتمشي عادية او انا كنته بشوفة كده مابعرف متين حبيت مصعب وانا حبيت فيهو شنو اصلا صح زمان كنا بنتكلم مع بعض بس حاليا كل ماكنا نتلاقى نتشاكل علاقتنا الايام الفاتت رجعت عادية بس ده ما سبب كافي يخليني احبه!!!

ـــــــــــــــــــــــــــــــــــــ
عشان خالتو ماتقول ما اهتميت بموضوعها مشيت اتكلمتا مع معتز في الموضوع قال لي انا بعد نادين ما اظن افكر في بت تانية ومرام زي اختي وقال كلام صدمني انت ماشايف مرام وحبها ليك!! مرام من متين بتحبني دي كل ماتلاقيني بتتشاكل معاي ايوه صح انا بجيني توتر وضيق وقت اشوفها مع زول تاني بس ما اظن انا بحبها قلته لمعتز انته كيف عرفته انها بتحبني قال لي عيونها كان فاضحاها يوم خطوبتك معقولة ماحسيت!!
اصلا الفترة دي انا ماحاسي بشي ماشي بس ومابقاوم حاجة 💔
قمته طلعته وخليتو وبتصل ل زينة دايما ومابترد علي مابعرف مشكلتها شنو اذا ماعايزاني كانت تقول بالواضح احسن من إنها تتهرب مني
مشيت ليها في بيت عمها وسلمته عليهو وقلته ليهو عايز زينة في كلمتين قال لي ابشر ناداها لي كانت شاحبة جداً وكانها فاقدة الامل في الحياة قعدته اتكلم معاها على انها دنيا فانية وانا قبلها فقدته امي وابوي مانسيتهم أبداً بس بحاول اعيش سالتها اذا عايزة تكمل معاي ولا لا قلته ليها اذا عندها زول في حياتها وانا ضغطه عليها بموضوع وصية ابوها ممكن تكلمني وانا اذا شفتو انسان كويس بنفسي حسلمه ليهو
قالت لي انس قلتها ليها انس مالو؟ قالت اتقابلنا مرة في قضية وبعدها بقت تتوالى مقابلاتنا لحد مافتح معاي موضوع اننا نرتبط وكنا عايشين قصة حب حلوة لحد ما ابوي اتوفى وهو كان معاي بس وقت سمع بخطوبتنا اختفى وانته وقت قلته لي إنها رغبة ابوي ماحبيت اعترض وقلته اكمل معاك من باب الاحترام وتنفيذ لرغبة ابوي قبل موتو والله يامصعب انا بحب انس جداً وما اظن احب بعدو
بعد سمعته إنها بتحب انس فرحته بس في نفس الوقت زعلته لي انس ماجاء قال لي وانا اي حاجة كنته بقولها ليهو كنته بعتبرو صاحبي واعز ايوه حارة صحبك يخطب حبيبتك بس انا ما كنته عارف شي وياداب عرفته هو ليه خارب وش معاي وحتى الخطوبه ماجاء..
طوالي اتصلته عليهو وقلته ليهو ممكن تجي في بيت عمها لزينه قال لي في شنو زينه حاصل ليها حاجة قلته ليهو تعال خمسة دقايق عايزك في موضوع وقفلته...
بعد نص سمعنا صوت الباب وصوت سلام وجاء داخل علينا ومعاهو عمها لزينه اتكلمته مع عم زينه وقلته ليهو انا خطبته زينه بناء علي رغبة عمو احمد وزينة عندها انسان في حياتها ما اظن اذا عرستني حنحب بعض وهي في زول في قلبها عشان كده الافضل إنها تعرسو هو
عم زينه قال ليها الكلام ده صح قالت ليهو ايوه قال ليها طيب هو منو عاينت لانس انا قلته ليهو انا بضمن ليك انس وهو انسان كويس شديد ولو ماكدة ماكان اتنازلته ليهو عمها قال ليها مدام كده ابشري مابنعمل الا اليرضيكي يابت اخوي انا قمته قلعته ليها الدبلة وقلته ليها لبسيها ل انس هو طوالي قام وحضني قال لي شكرآ قلته ليهو عيب انا اخوك ومانسيت العملتو اصبر لي لبعدين خليتهم بخططوا للخطوبه وطلعته حاسي نفسي خفيف وكاني ريشة هم وانزاح الحمدلله وصلته البيت ودخلته وانا بغنى معتز بقى يبتسم قال لي حبيت ولا شنو قلته ليهو فسخته خطوبتي من زينه بقى يعاين لي وقام حضني قال لي اخيرا اخترت سعادتك قلته ليهو ماكدة بس هي وانس طلعوا بحبو بعض قال لي سبحان الله بعدها قال في زول فاسخ خطوبتو وداخل بغنى ازعل وابكي شوية كده فنيتو بالمخدة قلته ليهو اسكت مني دي تاني خطوبة انا اتعودته قال لي ديل كلهم مامحسوبات متين حنمشي تخطب لي مرام بقيت احمر ليهو...

ـــــــــــــــــــــــــــــــــــــ
بعد شهور من خروجتي من السجن ياداب حسيت بالفرح وانا شايف صعصع مبسوط احساس انو اخوك يكون فرحان ومبسوط ده تلقائيآ بخليك انت كمان فرحان بعد ده لازم اسعى عشان اخليهو يجتمع مع مرام انا شايف هي اكتر وحده بتشبهو ومناسبه معاه...
بديت خطتي صحيت بدري شلته تلفون مصعب وطلعته علي بيت ناس خالتو خالد فتح لي الباب قال لي طاردنك ولا شنو قلته ليهو جيت اشرب شاي الصباح عاين لي وبقى يضحك قال لي عامل زي نسوان الحلة اكلتها في حناني ودخلته مشيت لخالتو بستها في راسها قالت لي الحنين اخيرا افكترتنا قلته ليها طوالي في بالي بس المشاغل والله بقت تدعي لي قعدتني وجابت الشاي سالتها من مرام قالت لسه نائمه قلته ليها معقولة جيت بدري قالت لي لا بس مرام بتتاخر حتى تصحى خالد قال لينا بمشي اصحيها مشى وبعد شوية سمعنا صوت جوطتهم وبقينا نضحك سالتني من مصعب قلته ليها في البيت نايم قالت لي اتصل عليهو خليهو يجي يشرب معانا الشاي هنا انا ماعرفته افكر اتصل كيف وانا شايل تلفونو وقت خالد جاء نازل قالت لي خلي خالد يتصل ليهو خالد قال اتصل لمنو قالت لمصعب طلع تلفونو وانا بقيت اعرق شوية والتلفون رن في جيبي قلته ليهم شكلي شلته تلفون مصعب وخليت تلفوني هناك خالد قال خلاص حيتصل في

انا طول عمري زول متحجر وزول بارد وعصبي كل العالم عارفه عني كدا بس البلابل!! هم الوحيدين الانا كنت بتعامل معاهم بي حريتي من دون قيود هم الوحيدين القدرو يغيرو فيني كتير معرووف عند كل الناس اني بارد ولو بالغت ممكن ابتسم وبس لكن مع البلابل انا بضحك بطول حسي ومن جوى قلبي البلابل ماجزو من حياتي لاهم حياتي كلها❤...انا صح زعلان على الحصل مع هبه بس بقدر زعلي وقهري انا مبسووط لاني حا اقضي اجمل مغامره معاها (لاحظو في كلمة معاها دي😉🖤)



هديل مع نفسها

مشكلتي اني ماقاعده اخلي زول يفهمني مشكلتي إنو ما بحكي وجعي مع زول حتى البلابل لحد اللحظه دي انا ماقدرت احكي ليهم بي وجعي صح انا بحبهم وبعتبرهم شي مهم في حياتي بس مابعرف ليه ليه انا ماقادره احكي ليهم لي ماقادره اريح نفسي معاهم💔 وجعي دا بعد ما انا كنت بحاول اتناساهو واعيش طبيعي مع الناس ظهوور هبه رجع فتح لي جروح الماضي وبما انو الزمن بعيد وبكرر في نفسو فانا مستحيل المره دي اغلط غلطة الماضي حتى لو اطريت اضحي بحياتي عشان انقذ هبه حا اضحي الحصل في الماضي مستحيل يتكرر🤍



#وجع هديل شنو؟؟

#هل البلابل حايقدرو ينقذو هبه؟ والعقبات الحاتواجهم شنو؟

#هل حايكونو متماسكين طوول المغامره دي؟ ولا للقدر كلمه اخرى؟؟

#عيد ميلاد بلال حايحصل فيهو شنو؟؟واخت هديل دي منو؟؟؟

•••••••••••••••••••••••••••••••••••••••••••••••••••••••••••

☆يتبــــــــــــــــــــــــــــــــــــــــــــع☆☆