#نهاية_أكتوبر_بدايتنا [1] :-
بقلم :- # روان_محي_الدين


* الحرب فرقت الحبايب .. فرقت الأهل .. فرقت الاصحاب .. انتهت من التعليم .. دمرت أرض الوطن .. اغلب السودانيين هاجروا  .. و اغلب الأهالي نزحو و للان بنزحو ! .. من منتصف شهر ابريل 2023 لحد اليوم ، م معروف مصير البلد دي حيكون شنو ؟! .. وحسبي الله ونعم الوكيل ! .. *

الروايه بلسان بت .. و واقع من حياة اتنين حبو بعض ف الظروف القاسيه دي ! .. بس بالنسبه ليهم كانت احلى شي حصل ف حياتهم ! ..
عرفو بعض عن طريق * صحبتهم * الاتوسطت ليهم و شجعتهم على التعارف دا ..

* شخصيات الروايه *

_ روان البكر لاربعه اولاد بعدها بالترتيب  " خالد .. محمد .. اياد .. مراد " .. أمها جواهر .. ابوها محي الدين ..
_ مزمل رابع الخمسه " نذكرهم لاحقاً " .. أمه صافي .. أبوه " نذكره مع أحداث الروايه "  ..
_ مريم صحبة روان بالروح .. ايلاف .. اسيل .. " صحبات من الثانوي " ..
.. " أما باقي الشخصيات ثانويه و ظهورها محدود " ..
# حتسرد القصه روان ..

* في ولاية الشمالية * في إحدى القرى المجاورة للعاصمه دنقلا *

_ كنت قاعده ف السرير و بتزكر الحصل معانا من اول يوم ف الحرب لحد اليوم و جلستي دي ..

* 15/4/2023 *
_ صحيت الصباح زي اي يوم عادي .. بس دا كان غير الايام العاديه .. كنت مخلصه امتحانات السمستر الأول لي ف الكليه .. و دا اليوم الثالث من بداية الإجازة اصحى مبسوطه .. كنت بجهز ف شاي الصباح لمن سمعت أمي بتناديني و بتقول ي روان خالتك رقية - جارتنا و ف نفس الوقت بت خالة امي - دقت و قالت إنه ف حرب قايمه ف الدنيا دي تعالي افتحي لي الجزيره و اي قناه المهم نعرف .. ثواني و فتحنا قنوات الاخبار بس م لقينا شي فيهم بقيت ابدل بينهم لمن فتحنا قناة الحدث .. و الكان حاصل صدمنا كلنا المهندسين مليانه بقوات الجيش و ميليشيا الدعم السريع و الناس تجري و الدخان و حاله صعبه ! .. و جا اخوي محمد جاري و قال : ي أمي تعالي اسمعي صوت الرصاص و شوفي الدخان الفي السماء دا !
امي : لا اله الا الله محمدا رسول الله
طلعنا كلنا الحوش و شفنا الدخان و كمان صوت الرصاص و الصوت تبع المدافع ..
و بابنا كان مفتوح و جو خالتو رقيه و جارتنا نعيمه داخلين و خالتو رقيه قالت : جواااهر .. ارح الدكان نشتري المواد لانه قالو ماف زول يطلع من بيتو الايام دي
امي : طيب دقايق البس عبايتي و اجيك .. اتلفتت علي و قالت ادي اخوانك الشاي لمن اجي ! .. و مشت على كدا ..
انا مشيت المطبخ و دقائق ماف جيت طلعه و شايلة صينية الشاي .. ناديت اياد و مراد الا محمد لانه أصر يمشي مع امي ..
بعد خلصنا غسلت العده و بقيت بنصف ف البيت .. أثناء نضافتي دي جات صحبتي اضواء - بت خالتو نعيمه - و قالت : رواااان .. شفتي الحاصل دا ؟! .. البلد خربت !
قلت : وااااي ي بت ! .. احساس زول م تم اجازتو تقوم البلد دي تقلب ! و كمان ف رمضان !
اضواء : اي ! .. ياخ اسي بقولو ف رصاص طايش بقتل الناس طوالي و ف منهم الاتصاوبو .. و كان شفتي جامعة الخرطوم الطلبه محجوزين م قادرين يمرقو !
قلت : ربنا يساعدهم ف محنتهم !
اضواء : آمين ي رب
قلت : اها و اخوك عمل شنو ؟
اضواء : امي أبت تخليه يطلع .. اتخيلي كان داير يمشي يحارب !
قلت : غايتو عادل دا الله يهديه !
اضواء : دعواتك بس
ف الوقت داك و انا و اضواء لسا بنتونس .. خلصت من النظافة و سبحان الله انا و اضواء فتحنا سيرة ابو القاسم و ف نفس الوقت لقيته مرسل لي ف الماسنجر ..
قلت : قاسم مرسل لي !
اضواء : والله قاسم بتاعك دا .. الواحد اصلو م يجيب سيرته 😂
قلت : ي زوله ود حلال ! 😂 .. خليني ارد بعدين نتفاهم ي بت !
كان مرسل لي : ي بت الحاصل عليكم انتو كويسين ؟
رديت : اي كويسين الحمدلله م تخاف
رد : لا انتو مش قريبين من المهندسين دي ؟
رديت : اي لكن م للدرجة البتخلي حاجه تجينا !
رد : ي بت عليك الله حافظي على نفسك و م تطلعي من البيت نهائي
و انا بكتب رداً على رسالته هو دق ..
قلت : م تخاف ي قاسم !
قال : ياخ كيف م اخاف و انتو الحرب عندكم ؟
_ طبعا هو ساكن ف دنقلا
قلت : اي هي عندنا بس احنا بنسمع صوت بس !
قال : صوت ولا غيرو .. من البيت م تمرقي !
قلت : حاضر ي قاسم ..تأمر تاني بحاجه ؟ 😂
قال : بس خلي بالك من نفسك و من اخوانك
قلت : طيب م تخاف
قال : بتكلم معاك بعد شويه ! اسي مشغول حبه
قلت : اخد راحتك
قال : بحبك
قلت : وانا كمان
و قفلنا على كدا .. و اضواء تضحك ساي ..
اضواء : زولك دا خواف ياخ 😂
قلت : انتِ حاشره اضانك ف المكالمه مالك ي زوله 😂
قالت : قلتِ لي العاشق اااا 😂
قلت : ي بت م تغيري السيره !
قالت : كدي نكون جادين .. انا ماشه البيت ادخل عدنان و عدي - اخوانها الصغار - لحد م امهاتنا يجو

#نهاية_أكتوبر_بدايتنا [2] :-
بقلم :- #روان_محي_الدين


في الصباح كالعاده نفس الروتين الرمضاني اليومي ..
بعد الظهر قاسم دق لي ..
رديت : اوووو ابو القاسم
رد : شنو ي محمد ولد
رديت : المهم المهم كيفك ؟
رد : بخير و انت؟
رديت : كله تمام الحمدلله
رد : ماف اي شي حاصل صح
رديت : حيكون شنو غير الرصاص دا
رد : بس م تطلعو
رديت : اي م تخاف
رد : طيب ارح ادخلي الماسنجر مرسل ليك حاجه
رديت : شنو
رد : كم صوره كدا
رديت : طيب
قفلت و كنت حاسه أنه مرسل لي محادثه جديده مع بت م عارفة ليه ؟ ..
دخلت الماسنجر و صدق احساسي كانت محادثه ..لقيتها صورة وحده بس فتحتها لقيت اسم البت ريم .. قلت ياخ دي البست بتاعه م بكون فيها شي مهم ..
بديت اقرا الرسايل ..
ريم : والله ي قاسم انا م عارفه بس دايره اقول ليك شكراً شديد على كل شي .. انت صحبي و اخوي و كمان بقيت عارف عني اي شي .. يعني حتى لو زعلانه بتعرف اني زعلانه .. و بتعرف كمان كيف تواسيني .. الولد الكنت متخيله روحي بحبه انت وريتني إنه هو مستعد يغش ميه غيري و بالجد شكرا ليك .. انت سندي و من غيرك انا ولا شي ..
قاسم : م عارف اقول ليك شنو .. بس انا بحبك ي ريم
ريم : انا كمان ي قاسم
خلصت من الصوره و أعصابي اتشلت .. قاسم وراني دا ليه ؟ داير يوضح شنو يعني ؟ م هو واضح ! خلصنا من قصة كيان طلعت لينا ريم تاني كمان ! ..
م انتظرت رده طوالي مرقت و قفلت التلفون نهائي ..
و بقيت قافله على نفسي .. حتى اضواء لمن جات م كنت بتكلم معاها م كانت بتحكي لي ف موضوع بس م كنت مركزه معاها .. ف الاخير قالت بجيك لمن تروقي .. كان قصدها بالليل ..
انا مريت بحالة م يعلم بيها الا ربنا .. بكيت عشان واحد مستعد يقول لأي بت انا بحبك ! ..
بعد الإفطار فتحت التلفون و لقيت رسايل منه بقول :
- والله ي روان م عرفت اقول ليها شنو
- ي روان م تزعلي .. انا بس وريتك عشان اوريك اني اتختيت ف موقف صعب
- والله م عرفت اعبر ليها كيف
- روان لي قافله تلفونك ؟
- انا اسف
قريت الرسايل و رديت : عشان م عرفت تعبر قلت ليها انا بحبك صح .. يعني اي بت تسمعك كلام يسر خاطرك حتقول ليها انا بحبك صح ي قاسم ؟
طيب خليك من ريم .. انا عارفه ريم شايفاك اخوها .. بس انت شايفها شنو ؟
لو انا م ماليه عينك خليني بس م تحرق لي دمي زي كدا !
رسلتها و هو قراها و رد طوالي : ي كيان ياخ م قصدي م تزعلي
رديت : كيان ؟ قاسم انت لحد يوم الليلة م قادر تنسى كيان يعني ؟
رد : م قصدي
رديت : سألتك رد
رد : الحب الاول م بتنسي ي روان
رديت : يعني من الاخر كدا ! لو رجعت مستعد ترجع ليها و تخليني صح ؟
رد : لا
قلت : طيب ي قاسم مع السلامه
رد : مع السلامه و خلي بالك من نفسك
رسلت ليه الوش دا 😒 .. و طلعت و قررت م اتكلم معاه .. لمن اشوف اخره ..
عدا اليوم عادي ..
و نفس روتين الصباح و باقي أربعة أيام و رمضان يخلص .. أما الرصاص لسا شغال ..
جاتنا خالتو نعيمه بعد الظهر و سلمت و قعدنا سوا ..
خالتو : واااي كان شفتي ي جواهر أمس بعد المغرب الحصل شنو ؟
امي : ف شنو إن شاءالله خير؟
قالت : جاتنا رصاصتين طايشات وحده كسرت الشباك و التانيه دخلت بالسقف .. أنتِ عارفاه زنك عشان كدا دخل ..
امي : لا اله الا الله .. الاولاد كويسين صح ؟
خالتو : وين كويسين ي جواهر ؟ عدنان دا بقا م بياكل و طوالي قاعد ف ركن الغرفة .. و بالليل م بنوم و بقول انا خايف .. و م بمشي الحمام الا زول يكون معاه .. و عدي نفس الشي .. و الرصاصة الجات بالسقف دي كان حتقتل لي أضواء بتي .. يعني سِنه بس و كانت حتدخل ف راسها ..
امي : الله شافها .. ربنا يحفظكم ياخ ! خلاص تعالو اقعدو معانا
خالتو : والله ي جواهر م عارفه اعمل شنو
قلت : فيها شنو ي خالتو جيبي اولادك و تعالو بيتو معانا .. و كمان نفسية عدنان تتصلح و الهجمه الدخلت ف اضواء تروح !

_ صراحه لمت نفسي لانه اضواء كانت بتحكي لي و م سمعتها و دا كله بسبب قاسم دا ..

قالت : والله ي بتي عادل دا م برضا لي !
امي : الصالون واقف و اصلا ف باب فاصل .. خليه يجي ينوم هناك و كمان الصباح الزول الداير يمشي الحمام مننا يطلع بالباب الفاتح ف الممر و بس كدا بكون مرتاح
قالت : نشوف لمن بعدين .. اها خبركم شنو
و من هنا بدت الونسه بتاعت النسوان ..
مشيت طلعت دفتري و بقيت برسم .. بعدها دخلت الفيس و لقيت واحد ناشر أنه مع الحرب احسن الناس تعمل ليها مواضيع و قال إنه عامل قروب تبع رسامين و كدا و الداير ينضم يدخل ليه خاص عشان يرسل ليه الرابط .. انا دخلت و رسل لي الرابط و دخلت القروب .. لقيتهم ناس متفاعلين .. و عاملين تحدي ف رسمه .. بقيت برسمها و خلصت منها و رسلتها .. و لقيت تعليقات إيجابية شديد .. و جيت ختيت التلفون جوا الدفتر معاه قلم الرصاص تحت المخده و قلن ارقد شوية .. و نمت مره وحده .. صحيت على صوت مراد و هو بقول : أوان [ روان ]

#نهاية_أكتوبر_بدايتنا [3] :-
بقلم :- # روان_محي_الدين


ابو القاسم كان مؤثر علي شديد .. م عارفة حقيقة مشاعري اتجاهه شنو ؟ ، بس عارفه روحي متمسكه بيه و م دايراه يخليني .. امكن لاني بخاف اخسر الناس البحبهم بطبيعتي ! .. م عارفة ياخ .. احتمال م بحبه .. بقيت م عارفه اعمل شنو و التفكير حيشق لي راسي .. بقيت بتذكر لمن طوالي بقى يقول لي انت زي كيان .. حتى كيان بتسوي كدا .. كيان و كيان و كيان .. اي شي كيان بس .. لدرجة أنه بقى يقول لي ي كيان ! .. الوضع لمن زاد سألته دي منو .. [قال دي كانت حبيبته قبل سنتين و أنه هي لمن بقت على مشارف الامتحانات النهائيه للشهاده الثانويه قالت ليه بتواصل معاك لمن أخلص منها و هو وافق و انتظرها و لمن انتهت هي اختفت حكاية شهور و هو لسا منتظرها .. ف الآخر لمن حس انها م حترجع قرر إنه ينساها و ياهو اتعرف علي و بقينا اصحاب و بعدها ارتبطنا .. بس انا لسا م قادر انساها ي روان ] .. بتذكر قلت ليه طيب م حنك .. صراحة م كنت حابة افكر ف الموضوع كتير لانه بوجع لي قلبي ..
خلص رمضان و جا العيد .. م كنت فرحانه .. بس ناس اضواء لأنهم كانو معانا خففو علي شديد .. للاسف لحد يوم الليلة قاسم م سأل علي .. مع اني كنت داخلة الفيس بتلفون اضواء .. م اشتغلت بالموضوع كتير ..
اضواء : قلت ليك ي روان الولد دا م نافع براك م بتفهمي
قلت : انسينا منه
قالت : اها احكي لي
قلت : اديني تلفونك دايره انزل منشور
قالت : حتكتبي شنو
قلت : بتشوفي
ادتني و كتبت ف المنشور " اجمل عيد مع احلى اشتباكات " .. بعدها بمسافة لقت تعليق من قاسم .. فرحت شديد لمن قريته كان كاتب " اجمل عيد و انت معاي " ..
حسيت بالفرح مع أنه كان سافهني المده دي كلها .. بس برضو عذرته .. رجع يتكلم معاي عادي الحمدلله ..
بعد يومين كدا .. نسيت الفيس بتاعي مفتوح ف تلفون اضواء و كمان شريحتي جواته و قاسم قال حيدق لي ! .. و جا عادل قال داير التلفون و هي ادته .. طبعا كان بالليل و كنا مساهرين سوا و عادل قاعد ف الصالون .. ياهو مشت ادته .. وانا اتذكرت الفيس و الشريحة ..
قلت : اللييييييلة ي اضواء !
قالت : مالك ؟
قلت : نسيت زفت الفيس دا م قفلته و مسحته ! .. و كمان شريحتي و قاسم قال حيدق !
قالت : وااااي .. م عارفة حيحصل شنو لكن م اظن عادل يسأل !
قلت : شنو م يسأل ؟ اكيد لمن يتكلم مع قاسم حيتشاكلو ! خصوصا أنه اخوك م عارف انه شريحتي جوا تلفونك و حيفتكر دا حقك !
قالت : م فكرت فيها كدا .. خليها للصباح و الله كريم

صحينا اليوم التاني و جاتني اضواء ف المطبخ و قالت بصوت واطي : عادل أمس اتشاكل مع قاسم و طلع بالليل من البيت !
قلت : قلت ليك ! اسي الموضوع حيكبر !
و نحنا بنتكلم جات خالتو داخلة و سلمت و بقينا نتكلم سوا ..
خالتو : ي روان عادل قال امس ف واحد ضرب و بقى يقول انت منو لعادل و جبت الرقم دا من وين و بقو يتشاكلو و الولد نبز لعادل و عادل قال كييييف ينبز لي و يسب كمان
قلت : دا شنو دا .. لي دا كله ؟
اضواء : قال كمان م حيجي يبيت هنا .. وأنه يموت احسن ليه من دا كله !
حسيت اني كرهت نفسي بسبب قاسم دا و قلت : حنحلها ي خالتي و انا حتصرف .. لمن بالليل نشوف
قفلنا السيره على كدا .. و ياهو جا الليل و بقينا نتكلم انا و خالتو و أضواء انه كيف حنحل الوضع دا .. بس للاسف محمد اخوي سمعنا و بقى يقول : دا شنو و كيف يعني ؟
كلنا سكتنا ..
قال : هوي انا بوري ليكم امي احكو لي
خالتو : ي ولد موضوع ساي و ونسه عاديه
قال : و عادل دا ؟
سكتنا .. بقى يقول : ي امي ي أمي عايني الحاصل شنو
و بقى يحكي ليها بالسمعو .. و هي زعلت كيف يعني نص الليل يمرق من البيت .. و بقت تقول غلطانه ي روان دا شنو السويتي دا ..
الموضوع بقى فيه زعل .. بس خالتو شرحت لامي و قالت ليها : دا صاحبها ي جواهر دي م هي م تلوميها
امي : اصلا لي تصاحب ولد قليل ادب زي دا ؟
قلت : ي امي خلاص انا اسفه م تزعلي
ادتني نظره و قالت : ارح ي نعيمه نشوف ولدك دا نخليه يجي
و لبسو تيابهم و مشو ..
اضواء : ارح المطبخ دايرة احكي ليك حاجه
قلت : طيب
مشيت معاها و قالت : ف حاجة م وريتك ليها .. قاسم قال لعادل انت م تتلما ف بيتك الجايبك هنا شنو يعني م عندك واحد يلمك ؟ ..
بقيت ببكي و بقول انا بكره اليوم العرفت فيه قاسم دا ..
اضواء : وريتك قاسم بتاعك دا م زول كويس ! و شايفه اسي الحصل شنو ! .. و م تبكي دا واحد م بستاهل دموعك !
قلت : طيب ي اضواء .. انا تاني لو اتكلمت مع زفت قاسم دا ابقى حيوانه !
مسحت دموعي و كرهت قاسم و قلت انا المعذبه روحي و مرتبطه معاه ..
ناس امي رجعو و قدرو يراضو عادل و رجع دخل جوا ..

#نهاية_أكتوبر_بدايتنا [4] :-
بقلم :- #روان_محي_الدين


بعدها رجعنا لنفس روتين الاهتمام لانه عرس بت خالتي كان تامن يوم العيد ..
كنا داخلين ف الشهور الفاتت كلها ف طقوس العرس دا .. من الحبسة لسد المال للخبيز و غيرو .. بالجد كانت ايام حلوه ..
بس الشي الكان مزعلني أنه بقى عندي اثر حرق ف رجلي يسبب القهوة السلخت لي جلدي .. بتذكر دا كان قبل العيد باسبوع .. الحمد لله بقى أثر بس و بروح مع الزمن بس عقدني شديد والله ..
المهم .. جا يوم العرس و كنت منوره و انا لابسه فستان كوبي ساده و طرحه من نفس اللون و طبعا محجبه و كمان عامله ميكب كله غامق .. كنت حلوة والله 😂 ..
لمن جا زمن الحفلة رقصت رقص ف الدنيا دي 😂 .. بتحس نفسك كانك ف صالة .. طبعا لانه البيوت واسعة شديد و كمان بركبو فلاشات كبيره بوجهوها على اتجاه المكان الحيتجمعو فيه .. احساس صاله صاله كدا .. المهم .. عدا العرس و كل شي الحمدلله ..
بعد شهرين .. كنا شغالين صيانه ف بيتنا عشان نرحل فيه .. طبعا بيوت الطين و كدا ف كان لازم نصلح الأرضيات و الحيط بالطين و نرشها بالجير الابيض و البنفسجي و كدا ..
ياهو امورنا ظبطت الحمدلله و رحلنا هناك ..
بس كالعاده الايام الحلوه م بتدوم و ماف بيت بخلا من المشاكل ..
كليتنا كانت شغالة اونلاين .. و انا كنت بقرا و كدا و متابعة بتلفون امي .. بس مع ضغط الشغل ف البيت م كنت مدياها حقها الكامل ..
و كمان وقفو دراسة حكاية شهرين كدا قبل يرجعو يشتغلو تاني و قالو ف الفترة دي انزلو اي مركز صحي او مستشفى تعليمي و فيدو نفسكم و أهلكم و بلدكم .. ياهو نزلت المركز الصحي تبع بلدنا و اشتغلت فيه و اتعلمت اساسيات التمريض كلها الحمدلله ..
في يوم انا رجعت من المركز و دا كان بداية نزولي للمركز .. رجعت البيت من الشغل و لقيت امي بتناديني بعد عرفت إني جيت ..
امي : ي روان امتحاناتك قالو شهر 12 بعد كدا ابدي اقري و خلي النوم
قلت : كويس .. أن شاء الله ف الثلاثة شهور ديل أنجز
قالت : انت جبتِ تلفونك معاك صح ؟
قلت : اي تحسباً 😂
قالت : طيب انا حصلحه ليك #شهر_عشره بس والله ي روان يتخرب تاني .. بعينك م حتشوفي
قلت : حاضر
م فرحت لمن قالت كدا .. لانه م عندي نفس اتكلم مع قاسم ولا اوريه اني رجعت و حقدر اتكلم معاه كويس .. م عارفه بس قنعت من العلاقه دي و اصلا من البدايه كنت عارفه انها حتنتهي .. بس كمان من ناحيه قلبي بوجعني لمن افكر ف الموضوع دا .. يمكن لانه اتحملت عشانه كتير .. بس عشان م ازعله .. بس الظاهر كنت غبيه ..
مرت الايام تباعاً و انا بقرا و و دا كان شهر 8 .. و برضو كنت شغاله ف المركز ..
يوم دخلت الفيس و لقيت قاسم مرسل لي أنه كيان رجعت بعد الغيبه دي كلها و أنها عايزه تكمل معاه ..
قريت الرساله دي و انا حسيت قلبي داير يقيف .. بس اتشجعت و رسلت ليه ..
_ انت م نسيتها صح .. لو داير ترجع ليها ارجع و م تتكلم معاي تاني و لا دايره اعرف عنك اي شي
رد : بس انا م عارف .. انت كدا حتزعلي !
رديت : لو زعلي كان بهمك من بداية علاقتنا دي كنت حتنسى كيان بس انت م نسيتها .. لا انت كنت بتشبهني بيها ..
رد : ي روان اي م نسيتها .. بس كنت بحاول عشانك
رديت : و حاليا انا م دايراك ي قاسم .. م دايره حبك دا و م دايره اي شي منك .. دايره بس تحل عني و م اعرف عنك اي شي .. دايره البيناتنا ينتهي .. دا لو اصلا كان ف شي فضل عشان ينتهي !
رد : طيب .. أعفي لي
رديت : عافيه ليك ي قاسم .. يلا مع السلامه
رد : مع السلامه
دي كانت اخر محادثه بيناتنا .. و بكدا انتهت حكايتي مع أبو القاسم ..
م بقدر اوصف الاحساس الحسيت بيه .. حسيت روحي طلعت من جسمي .. بالجد زعلت و زعلت شديد .. زعلت على حالي و على الارتباط الاستنفذ طاقتي كلها .. بس عشان انا اكون الطرف البتحمل .. بالجد احساس زي الزفت .. بتذكر بعدها انهرت شديد و بكيت و قلت اصلا دي كانت نهايتنا و انا كنت عارفه إنه ف يوم قاسم حيخليني و يرجع لكيان بس برضو م كنت عارفه إنه احساسي حيكون كدا .. أنه ازعل شديد على فراقه .. بس كل حزن و الا ينجلي سواء بالزمن أو بفعل فاعل ..

#شهر_أكتوبر ..

م حصل شي يذكر خلال الشهر الفات ..
بس امشي و اجي من المركز و اقرا و اشتغل أشغال البيت ..
ف يوم 11 من الشهر بالصباح .. خالتو رقيه دقت لامي و سلمت عليها و أدتها خبر يكسر القلب ..
قالت إنه عادل ولد خالتو نعيمه اتوفى .. بعد امي خلصت من المكالمه قالت : ي روان عادل مات .. انا م قدرت اقول شي .. اتبكمت .. بالجد احساس م حلو .. زعلت شديد و كنت دايره ابكي بس مسكت دموعي .. جزء مني م كان مصدق .. بس الحمد لله على كل حال ..
امي قدرت تتحصل على رقم خالتو نعيمه و دقت ليها بالليل لانه م كان بدخل معاها ..
عزينا عليم و كانو تعبانين شديد .. و عرفنا أنه اتوفى يوم 10 من الشهر .. ومات مقتول برصاصه دخلت قلبه مباشرة .. و دا للاسف صحبه اللي قتله .. و م قدرو ينقذوه ..
[ الله يرحمك ي اخوي ] ..

#نهاية_أكتوبر_بدايتنا [5] :-
بقلم :- #روان_محي_الدين


جا يوم السبت يلي هو * 28/10 *

مشيت المركز .. و لقيت ماف موضوع . دخلت الماسنجر و لقيت مريم داخلة رسلت ليها و قالت : اها فكرتي ..
قلت : طيب رسلي م مشكله
كنت خاته ف بالي أنه وين المشكله لو اتعرفت عليه اصلا م حخسر شي و حنكون أصحاب بس ..
رسلت رقمو و قالت : أنا مشغوله برجع ليك بعدين و لازم لازم لازم توريني الشمار
قلت : ابشري😂

صراحه حفظت الرقم بس م دقيت و قلت طيب مريم حتقتلني احسن ادق ليه ..
دقيت بس عملتها مسكول .. مفلسه رصيديا طبعا 😂 ..
بعد مسافه ف رقم غريب دق لي ..
رديت و م عرفت دا منو ..
قلت : الو
قال : كيفك
قلت : تمام الحمدلله بس مين معاي
قال : المفروض انا الاسأل مش انت الدقيتي
قلت : انت مزمل ؟
قال : اي وانت منو
قلت : انا روان
قال : روان منو
قلت : روان محي الدين
قال : تمي اسمك دا
ضحكت و قلت : داير بالاسم شنو انت
قال : عشان اعرف اسميك
قلت : روان محي الدين محمد الشيخ طويل
ضحك و قال : روان طويله 😂
قلت : دا شنو اسي
قال : حسميك كدا .. جدك دا سموه كدا عشان كان طويل صح
قلت : م عارفه 🙂
قال : عليك الله كان طويل صح ؟
ضحكت و قلت : اي شكلو كدا 😂
قال : طيب اها انت طويله ولا قصيره
قلت : وسط لا طويله لا قصيره
قال : حددي طويله ولا قصيره
قلت : م بعرف ي زول
ضحك و بقينا نتونس سوا و كلها اسئله تعريفيه ..
قال : طيب عشان م عندي رصيد لمن القى بتكلم معاك
قلت : خلاص تمام
باي مع السلامه و قفلنا على كدا .. صراحه م متزكره اغلب المكالمه .. لكن بتزكر أنه رسم بسمه كبيره ف وشي .. م عارفه بس ارتحت ليه ..
عدا باقي اليوم و رجعت البيت ..
كالعاده م سلمت من مريم 😂 .. حكيت ليها و قالت : ايويويويويويوييوي ‌💃🏻⁩‌💃🏻⁩ .. إن شاءالله بيت مال وعيال 😂
قلت : ف عينك 🙂

يوم الاحد * 29/10 *

رجع دق لي رقم غريب تاني بس م كان نفس الرقم الدق بيه مزمل ..
قلت : الو
قال : كيفك
قلت : الحمدلله بس منو
قال : م عرفتيني
ركزت ف الصوت و قلت : مزمل .. عندك كم رقم اصلو
قال : دا رقم بت خالتي 😂
قلت : ايوااا
كنا بنتونس سوا كتير و سامعه بت خالته بتتكلم بتحت تحت 😂 ..
مزمل : روان بت خالتي عندها ليك سؤال و صراحه انا كمان داير اعرف الاجابه
قلت : أسأل
قال : قالت ليك اسي علاقتك بمزمل شنو ؟
قلت : اممممم أصحاب و م معروف لقدام الله كريم
قال : ايوا كدا يعني
علت صوتها و قالت : انتو أصحاب بس متأكده
قلت : اي حاليا كدا
قالت : ايوا لالا تمام
بعدها رجعنا انا و مزمل نتكلم كتير تاني .. و امي جات من برا ..
قلت : مزمل يلا ل بعدين طيب
قال : بدري خليكي شويه
قلت : خلاص بتكلم معاك بالليل تمام
قال : طيب
باي مع السلامه و قفلنا ع كدا ..

خلصت شغلي و عشيتهم و كلهم نامو .. و كنا راقدين ف الحوش ..
مزمل دق لي ..
رديت ليه ..
قلت : كيفك
قال : تمام الحمدلله
و ياهو بدت الونسه و الضحك و بقا يحكي لي عن حياته و أنه م عاش طفوله زي اي طفل تاني .. - [ ي جماعه المشاكل الاسريه بتحصل كتير ف العيل .. بس كمان م قدام أولادكم .. المشاكل تكون ف الغرف و تتحل ف الغرف و تندفن ف الغرف .. ياخ الشفع ديل ذنبهم شنو عشان يشوفو مشاكلكم دي .. م صح كدا والله .. دا بأثر على نفسية الطفل .. و بتسبب ليه عقد لمن يكبر .. رجاء كبرو مخكم و اتصرفوا بحكمه .. لو م عشان نفسكم .. عشان الجبتوهم على الدنيا ديل ] - .. مزمل كان بحكي لي بالبحصل ليهم من ورا أبوه .. م كنت عارفه اقول ليه شنو الصراحه بس زعلت و بكيت و م خليته يحس علي .. مزمل انسان جميل شديد .. بالرغم من الوجع الجواه بقدر يظهر شخصيه تانيه خالص .. حسيت أنه دا الزول الحيفهمني و يقيف معاي .. و م اكذب حبيته و كمان وريته اول .. اي قلت ليه انا بحبك اول ..
قال : حبيتيني كيف ؟
قلت : منه لله بس
قال : كيف منه لله
قلت : انا م عارفه والله
بعدها بقينا نتونس عادي و بقينا نغني لبعض ..
اي بنغني نص الليل 😂 .. بس وحياة الله صوت مزمل سمح 🥰 ..
جيت غنيت ليه اغنية * عامل ايه * ل نبيل *
عامل ايه ؟ طمني عليك
م بتسألش و فين اراضيك ؟
الأيام عملت ايه فيك ؟
قولي عايش لسه ؟
من غيري حضنه مدفيك ؟
مين صغران علشان يواسيك ؟
من تزعل يجري و يرضيك ، قولي قدرت تنساني ؟
إلخ .......

بعدها مزمل قال : I love you
الصراحه انا م سمعت هو قال شنو بالضبط .. بس حسيت أنه قال كدا ..
قلت : قلت شنو
قال : ف حاجات بتنسمع بالقلب بس
ضحكت .. بالجد انسان جميل بكل معنى الكلمه ..
رجعنا نتونس و بعدها قال : روان الساعه كم ؟
قلت : 12 ليه
قال : كل سنه و انت طيبه
قلت : الليله يوم ميلادي يعني ؟

#نهاية_أكتوبر_بدايتنا [6] :-
بقلم :- #روان_محي_الدين


اكيد مستغربين انا كيف حبيت واحد و انا اساسا كنت طالعه من علاقه قبل شهرين بس .. اي حتى انا مستغربه ! .. ف النهايه دي اقدار و الواحد م عارف البحصل شنو و المكتوب ليه شنو .. بس الشي الأنا بعرفه أنه مزمل عمره م كان اختيار غلط .. دا كان احساسي ف الوقت دا أنه اختياري المره دي م غلط ..
ف نفس المكالمه حكا لي عن البت الحباها قبلي و أنها كانت أول بت تدخل حياته و يحبها .. و للصدف العجيبه اسمها روان برضو 😂 .. - [ الطلبت مني اكتب ليها القصه حقتها ف روايه م حبيت أظهر اسمها .. و زي م قلت انا دايره اتقمص الشخصيه و بس .. أما من ناحيه الاسماء المتطابقه لروان و روان دي حقيقه .. البتين أسماؤهم زي بعض بس طبعا م حكتب أسماؤهم الاصليه 😂‌✌️⁩] - ..
م اكذب جاني احساس أنه البت دي لو رجعت امكن مزمل يخليني عشانها زي عملة قاسم فيني .. خصوصاً بعد م حكا لي إنه هو كان بحبها شديد .. اي خفت و حسيت بالغصه جواي رجعت تاني .. و اتذكرت قاسم و عمايله .. بس مزمل م حكا لي القصه كامله ف اليوم داك و م أنكر كمان حكاية اني غرت 🙂 ..
ف صباح اليوم التاني ...
مزمل كان طالب مني اضرب ليه الصباح لمن اصحى .. بس م قدرت لانه امي كانت ماشه السوق و قالت لي جيبي تلفونك عشان نشوف موضوع الشاشه دا ..
قلت اكيد مزمل حيقلق .. بس م بيدي شي .. ياهو اديتها و كنت متخيله خلاص الموضوع عادي و تلفوني يرجع معاها ..
بس لما رجعت البيت ، تلفوني م كان معاها ! .. سألت الحاصل شنو ؟ .. قالت إنه الزول دا حيسافر دنقلا يوم الخميس و حيشيله معاه عشان يصلحه و كدا ..
الموضوع جر شديد .. و اخد 3 اسابيع .. خلال الأسابيع دي دخلت الفيس مرتين بس عشان اطمن مزمل و مريم علي ..
الحاجه الجميله ف الموضوع أنه مزمل قال " مستنيك العمر كله " .. حبيت كلماته دي و حسيت أنه ي دنيا م فيك الا انا .. بالجد الواحد بستغرب لمن يعرفني اقل كلمه حلوه بتفرحني و جد والله بفرح ..
اتطمنت أنهم كدا خلاص م مقلقين علي و الأمور بقت واضحه ..
ياهو الاسابيع الثلاثه مرو الحمدلله ..
جا يوم الاتنين و أخيراً ..
أمي مشت السوق و جات و جابت الحاجات الناقصه ف البيت .. و طوالي شلت منها و مشيت عشان أرتب كالعاده ..
امي : بت ي روان جيبي لي مويه والله الحر دا انتهى مني !
قلت : حاضر
جبت ليها و جيت .. و بعد شربت قالت : يلا و اخيرا تلفونك اتصلح بعد كدا تحافظي عليه زي عيونك
قلت : طيب حاضر
قالت : اشحني و نشوف لمن بعدين
قلت : طيب
مشيت شحنته و قلت اكيد مزمل حيفرح لمن انا اتكلم معاه .. بس البخليني اكون متأكده كدا شنو ؟ هي العلاقه زاتها م بدت زي الناس 😂 ..
مشيت ختيته ف الشاحن ..

بالعصر لمن جيت ادخل الشريحه جوا التلفون .. لقيت الشريحه م بتقرا 🙂 .. ي جماعه دا شنو ؟ الشريحه م قاريه ! .. دخلتها و طلعتها كم مره .. و كمان قفلت التلفون و فتحته ستين مره بس م رضى يقرا 🙂 ..
مشيت لأمي : ي امي الشريحه م بتقرا ف البتاع دا !
قالت : كيف يعني
قلت : عديل م بتقرا
قالت : طيب امشي لناس انوار يشوفو ليك و لو م عرفو امشي لحمزه [ ود خالتي ظريفه ] ..
قلت : خير طيب
لبست التوب .. اي م تستغربو .. اتعلمت كيف البسو كويس 🙂 .. المهم و بعدها طلعت لناس خالتي انتصار ..

_ [ هوي كدي افهمكم 😂 .. روان دي عندها 5 خالات و الحيظهرو كتير ف القصة هم انتصار و ظريفه .. باقي الخالات فاطمه و هويدا و علويه ..
انتصار عندها ولد واحد متزوج و مرته قاعده مع ناس انتصار .. و عندها اربعه بنات افراح و انوار و امجاد و اسمار ..
ظريفه عندها شهد و اكبر من روان بسنتين يعني 20 .. و حمزه قدر اخو روان خالد 16 .. و مشتهى 13 قدر اخو روان محمد .. و صهيب 10 قدر اخو روان اياد .. و مجتبى 7 اكبر من مراد اخو روان بسنه ..
عارفه لخبطت ليكم راسكم 😂 .. م تركزو مع الشفع كتير .. ركزو مع الكبار ..
اي حقاره مني قاصده اطششكم 😂🙂🔪 .. كدي النتم القصه 😂 ]

مشيت لناس خالتي .. و لقيت معاهم خالتي هويدا و بتها فاطمه - [ حنقول ليها تاتا .. منعا للخبطه ] - و لقيت افراح كمان طبعا هي متزوجه .. المهم سلمت عليهم و كلمت انوار و ف الأثناء دي جا ود خالي اسمه اواب .. و انوار لمن م عرفت كلمته .. حاول هو برضو بس طلع م نافع ..
المغرب اذن و قلت : يلا ي جماعه أنا أمشي بعد كدا
خالتو انتصار : م بدري !
قلت : بدري من عمرك ي خالتي !
ودعتهم كلهم و طلعت ..
دخلت البيت ..
قلت : امي .. امي وينك
قالت : انا ف الغرفه ف شنو ؟
قلت : أبى يقرا 🙂
قالت : مشيتي لحمزه ؟
قلت : لا م مشيت عشان الوقت اتأخر
قالت : طيب م مشكله .. اصلا انا ماشه الاسبوع الجاي دنقلا عشان اشوف موضوع بنكك الاتقفل دا و بشيلو معاي

#نهاية_أكتوبر_بدايتنا [7] :-
بقلم :- #روان_محي_الدين


طبعاً بتذكر اليوم داك كان برد بدايات الشتاء .. و انا م كنت متغطيه لانه حنيت على اخوي محمد و غطيته بحقي .. و ياهو امي لمن لقتني م متغطيه بقت تسأل و كدا ..
م عرفت ارد ليها بشنو فسكت بس ..
امي جات لحد عندي و قالت : اديني التلفون دا
اديتو ليها من سكات ..
قالت : دا منو دا ؟
قلت : اسمه مزمل عرفتني عليه مريم
سكتت و بقت تقرا الرسايل البيناتنا .. و مزمل شغال يدق .. بس امي م بترد ليه و لسه مواصله ف قراية الرسايل ..
عشان الناس م تتخلع و تقول انها اكيد حتضربها و بتاع .. لا م حصل كدا .. لانه اساسا انا كنت مكلمه أمي عن حكاية مزمل و أنه اتعرفت عليه و كدا عن طريق صحبتي من الاول .. و حتى مزمل كان داير يتكلم مع امي ..
المهم .. امي لسه م كانت انتهت من الرسايل بس بقت تعاين لي مسافه .. بعدها قالت : كلامكم م فيه شي .. بس دا م بخليك تساهري ي روان .. و كمان البضمنك شنو إنه الولد دا م حيخليك و بالجد حيعرسك زي م بقول ؟! .. ي روان انت قبل كدا كنت مع اسمه منو داك .. الولد الاسمه قاسم دا .. ف الآخر واصل معاك ؟ لا خلاك ! .. و اكيد دا كمان حيخليك .. روان انا م دايراك تتأثري بسبب الناس ديل ! .. قولي واصل معاك سنتين بالكتير .. ف النهايه حيخليك ! .. الاولاد الزمن دا م بتقدري تعرفي الكويس من الكعب ي بتي .. كلهم بقو دايرين حاجه معينه من البت و لما يلقوها بفكو البت عكس الهوا .. و بقولو دي اصلا م نافعه م دام سوت الأنا دايره اكيد حتسوي لغيري كمان ! .. ي روان انا دايراك تكوني زي الورده بس يكون عندك شوك عشان ماف زول يقرب منك .. فهمتيني ؟

سكت و م عرفت ارد كيف بس قلت حاضر .. و اخواني برضو صحو و سمعو الكلام دا بس ماف زول فتح خشمو ..

بعدها ادتني التلفون و قالت لي ارقدي نومي .. طوالي رقدت من سكات ..
بس بقيت ابكي بدون صوت م عارفه السبب بالضبط شنو ؟ .. هل لانه كلام أمي اثر فيني و بالجد وعود مزمل حتكون كذب ؟ .. ولا لانه خايفه اخسر مزمل ؟ .. ولا عشان عارفه امي بعدين حتمسك النقطه دي لصالحها و تبدأ ف كل مشكله تقول بكلم ليك ابوك ؟ .. صراحه كنت ملخبطه شديد و م عرفت اعمل شنو .. ف الاخير النوم شالني و نمت ..

م أنكر أنه الاسبوع مر بخيرو و شرو .. بس اكتر حاجه حصلت كانت مؤثره معاي خلال الأسبوع دا .. أنه يوم م متذكره بالضبط انا عملت شنو ؟ .. بس تقريباً كان كالعاده نقاش بيني و بين امي و اتحول فجأة لموضوع كبير ..
و بقت تجيب حاجات م ليها علاقه بالموضوع الاصلا بنتكلم فيه ..

قالت : احظري مزمل و مريم ديل و ريحيني منهم فاهمه
انا كان معمي علي بسبب الزعل .. مريم كيف احظرها و هي اللي دايما بلقاها جمبي وقت احتاج ليها .. ممكن اعمل اي شي .. بس م يبعدوني من مريم .. أما مزمل انا ابتديت احبه و بقيت بحب شخصيته البقت بتبهرني كل يوم بحاجه جديده .. كيف احظر اكتر اتنين بقيت بثق فيهم ..
قلت : م بحظر زول ي امي !
قالت : لا حتحظريهم يعني حتحظريهم ي بت .. انا م عارفه انت لي بتحبي مريم قدر كدا .. انا متاكده انك بتحبيها اكتر مني كمان .. امك هي و انا م عارفه ؟ .. هي الولدتك صح ؟ .. احظريهم ولا بريحك منهم و بكلم ليك ابوك !
انفعلت و قلت بصوت واطي : كلميه وين المشكله ؟ .. اصلا طبيعي اي شي بقيتي تقولي لي بكلم ابوك بكلم ابوك .. امي انا تعبت والله
زعلت شديد من طريقة ردي البارده و كانوا الموضوع م فارق معاي ..
و قالت : خلاص اصبري بس و ابقي قدر كلامك بعدين

بعدها قامت طلعت و مشت الغرفه التانيه .. و انا بقيت ببكي شديد على حالي البقيت فيه كل يوم .. مشاكل و زعل و هم و اي شي كعب ممكن الواحد يتخيله ..
دا كان الموقف الوحيد المؤثر علي خلال الأسبوع دا .. بتزكر بعدها رجعنا انا و امي عادي كأنه م حصل شي .. هههههههه خلال اليوم نفسه .. كأنه م حصل شي بيناتنا ..

ف الاسبوع البعدو امي مشت دنقلا يوم الاتنين و شالت تلفوني معاها ..
كالعاده كنت قاعده ف البيت براي و معاي مراد .. و اخواني برا ف الشارع حايمين ..

دايما بحس بالراحه لمن اكون براي ف البيت .. بس م كونه عشان انا مرتاحه معناها مبسوطه .. لا بالعكس تماما ! .. بحس روحي وحيده .. بكون نفسي ابكي .. بس وينك ي دموع عشان تخليني ارتاح ؟! .. حرفياً بحس بإني مخنوقه ! .. لكن عاد الواحد يعمل شنو ؟ ..

هههههه كان بقو قاعدين معاي اليوم كله قصادي م بنخلا من المشاكل .. فالافضل يطلعو و انا افضل براي ..

امي جات متأخره زي الساعه خمسة الا ..
بس الحمدلله جات بنتيجه ..

قالت : اتخيلي ي روان .. الراجل المشيت ليه قال إنه الركب ليكم الشاشه دا مغير المقعد تبع التلفون كله بواحد م تابع ليه .. عشان كدا الشريحه أبت تشتغل
قلت : بالله عاين الزول دا .. احنا ودينا ليه عشان الشاشه .. م عشان يغير المقعد !
قالت : اصلا ناس القولد ديل كذابين ساي ! .. اهم شي اسي انك تحافظي على تلفونك لمن ربنا يفتحها !
قلت : إن شاءالله

#نهاية_أكتوبر_بدايتنا [8] :-
بقلم :- #روان_محي_الدين


بالليل بعد خلاص التلفون شحن و كدا .. م متأكده منو الدق للتاني اول لكن اكيد دا مزمل .. المهم .. كانت زي الساعه 11 و حاجه ..

قال : ي زوله م تعايديني ف يوم ميلادي اول وحده و قبل الكل بزعل منك و م بتكلم معاك !
قلت : لي كدا 😂 .. و هو متين زاتو
قال : راس السنه !
قلت : حلو يعني بعد اخلص امتحاناتي ! .. إن شاءالله حأكون اول وحده !
قال : إن شاءالله

كنا بنتونس ف حاجات كتيره .. و هو بحكي لي أنه مشغول و كدا و حصل معاه شنو و كدا .. و أنه اشتاق لي و بتاع 🤭 .. المهم ..

كنت بتكلم معاه كدا .. شويه و احس بحركة زول برا .. طبعا قاعده ف المطبخ و بتكلم معاه 😂 ..
و ف الآخر تطلع دي أمي .. جات داخله و قالت بصوت واطي : انا م صلحت ليك عشان تقعدي تساهري .. يلا اقفلي منه و اديني الشريحه حقتك !

انا طوالي من سكات سويت القالته ..
قلت : مزمل دي امي يلا مع السلامه
قال : سلمي عليها
ضحكت معاه و قلت طيب
باي مع السلامه و قفلنا ع كدا ..

امي طوالي قالت تعالي عشان تطلعي الشريحه و تديني ليها .. و بعد كدا تركزي ف قرايتك و لمن تخلصي امتحانات برجعها ليك !
سكت و هزيت ليها راسي بس ..

مشيت طلعت الشريحه و اديتها .. و بقيت بتزكر ف كلامي مع مزمل .. و ف الاخر نمت بدون م احس ..

صحيت اليوم البعده و قلت لازم خلال اليوم دا أوري مزمل ..عشان م يقلق ..

كالعاده خلصت شغلي و كله و بعدها فطرتهم ..
بالعصر دخلت النت و اتكلمت مع مزمل و وريته أنه جدولي نزل و أنه الامتحانات الشهر الجاي يلي هو شهر 12 .. و كمان وريته عن موضوع الشريحه و كدا ..
و كالعاده و الحاجه البتبسطني ! إنه هو بقيق معاي ف كل شي ! .. حرفيا .. كل شي ..
انسان جميل بالجد .. ربنا يحفظه لي ‌❤️⁩

عدا باقي الشهر دا و كنت مضغوطه يعني قرايه على شغل البيت على المشاكل البتحصل ف النص .. غايتو الحمدلله 😂 ! ..

شهر 12 جا ..
و جات فترة الامتحانات .. و دي كانت الضغطه اللي بالجد تعتبر ضغطه زي الزفت 🙂 ..

نفسياتي الفتره ديك كانت ف الأرض ..
م كانت نفسيات زول المفروض يكون كويس عشان يقدر يستوعب الامتحان ! ..
و النقاشات الصغيرة و الكبيره و على اتفه الأسباب كانت عامله لي قلق ! .. بسببها فكرت ف اني اقتل نفسي 🙂 ..
اي انتحر .. م تستغربو ! .. بالأخص انت ي مزمل اللي بتقرا حاليا ف السطور دي ! ..

[ و للمره المليون الاسماء ف القصة دي م حقيقيه .. بس محتوى القصه حقيقي ]

الانتحار واحد من العلامات اللي بتدل ع أنه الواحد احتمال يكون عنده عقده نفسيه ! .. يلا انا م بس عقده وحده .. لا ! .. دي عقد كتيره شديد ..
ف الفترة ديك فكرت ف الانتحار مرتين ورا بعض .. لدرجة اني جبت السكينه فوق شرايين يدي و كنت حقطعها .. و دا كله وسط دموعي البتكون مطششه عيوني ..
احساس انك خلاص قرفت و زهجت و حاسس الدنيا قافله فيك ! .. دا كان تفكيري ف اللحظه البحاول فيها اقطع شراييني .. أو بالأحرى دي وساوس ابليس ! .. مش بقولو الشيطان شاطر ! حرفياً شاطر .. بس اعتقد الفكره م كانت راسيه لي .. يعني ف اخر لحظه بقول :-
معقوووله ي روان إيمانك ضعيف للدرجه دي ؟! .. معقوله دايره تمشي لربنا بخزي ؟! .. معقوله ي روان ؟! .. م بتجي ي بت .. حاولي اعقلي ! .. إذا المعاك م بحبوك .. اكيد ف غيرهم ربنا بكون اداك ليهم و انت م حاسه ! ..
و تاني برجع بقول :-
لا .. انا لو مت ي دوب حيحسو بانه كان ف وحده اسمها روان مهمه ف حياتهم ! .. ي دوب حيحسو بانه انا عندي قيمه ! ..
و برجع بقول :-
لا كدا حرااااااااااااااااااااااااامممم ! ....

كان عباره عن صراع نفسي .. و م كنت قادره أوقفه .. احساس انك بتجاهد نفسك عشان م تخسر آخرتك بسبب طيشك ..

كنت منهاره شديد و م كنت قادره اتحمل اي ضغوطات تانيه ! .. احساس الدنيا طلعت من نفسي ! .. بس الحمدلله اتجاوزت الفكره دي ف الوقت داك ..

بعد خلصت امتحاناتي الحمدلله .. طوالي شلت شريحتي من أمي ..

خالد [ اخوها ] : طبعاً ي روان النت تبع سوداني مجاني الايام دي !
قلت : أحلف !
قال : والله .. كدي انت دخلي شريحتك و شوفي

بعد دخلتها .. طلع جد جد النت مجاني .. بس للاسف شايلين شبكة المكالمات ..

خالد : اديني احضر كوره عليك الله
قلت : هاك .. اصلا مافي زول داخل اسي

كنت بعمل ف الفطور و خالد قاعد معاي ف المطبخ و بحضر الكوره حقتو .. نفسي افهم الحلو ف الكوره دي شنو 😂 .. المهم .. فطرنا كلنا و خلصت شغلي ..

كنت برسل لمزمل بس م كان برد .. زعلت لأنه كنت دايره اتكلم معاه اول واحد .. بس طبعا مريم حبيبتي م قصرت 😂 .. طوالي ضربت ليها مكالمه صوتيه و بقيت بتكلم معاها ..

#نهاية_أكتوبر_بدايتنا [9] :-
بقلم :- #روان_محي_الدين


كان جينا عشان نقول اوصف شعوري و انا بتكلم مع مزمل .. م حقدر اوصفه ..
م عارفه بس بالجد كدا انسان لطيف و حبيته من جواي والله ..

كنت بفكر كدا و امي بتتكلم معاي من قبيل ..

امي : بت ي روان سرحانه وين ؟ .. تعالي لملمي الحاجات دي و رتبيها
قلت : طيب

خلصت شغلي .. و طبعا الفترة ديك كان فصل الشتاء و الدنيا برد و طبعا برد الشماليه كعععب .. و كمان وجبة الغدا احنا بنمحيها من قائمة الوجبات 😂 ..
و من المغرب ببدأ اعمل ليهم العشا ..
فاااا المهم .. بعد اليوم انتهى و جا الليل برضو كنت بتكلم ف الواتس مع مزمل و البنات ..

تاني يوم الصباح م دخلت الا قريب مواعيد الفطور و لقيت أنه مزمل ي دوب صحى 😂 ..

بتزكر ف نفس اليوم بالعصر .. امي مرقت من البيت .. و اخواني م موجودين ..
كنت بتكلم مع مزمل مكالمه صوت ..- [ طبعا مزمل و روان لاقين المجان 😂 اولاد اللذين ] - .. و كنا بنتونس ..

قلت : مزمل انت أمك اسمها منو ؟ 😅
قال : صافي
قلت : صافي ؟! اسمها حلو شديد والله .. نفسي اتعرف عليها
قال : هي قاعده جمبي طوالي تتكلمي معاها 😁
و سمعته طوالي قال : ي أمي ف زول داير يتكلم معاك .. قالت : منو .. قال : مرتي المستقبليه 😁 ..
انا اتحرجت الصراحه ف الوقت داك 😂 .. م كنت جاهزة عشان اتكلم زاتو .. فجأة اسمع صوتها ..
قالت : الو السلام عليكم
قلت : و عليكم السلام ي خالتو كيفك؟
قالت : بخير الحمدلله وانت كيف؟
قلت : الحمدلله تمام التمام .. كيف مع الحاصل في البلد دي ؟
قالت : الحمدلله على كل حال .. الواحد يصبر بس وانتو ؟
قلت : والله ضغط شديد لكن الحمدلله اتعودنا .. يعني تحس كدا أنه دا المفروض تتعايش معاه بعد كدا !
قالت : اي والله الحمدلله بس .. ربنا يصلح الحال !
قلت : آمين يارب
قالت : طيب هاكي مزمل
قلت : طيب

مزمل : الو
قلت : والله انت حيوان 😂
قال : لي عملت شنو؟
قلت : فجأة كدا اديتني خالتو و بتاع
قال : عادي ي زولة 😂
قلت : المهم احكي لي الحاصل
قال : الحاصل اني مشتاق ليك
قلت : انا كمان والله

فضلنا نتونس لمن امي جات .. و قفلت منه ..

بعد كم يوم كدا .. كان يوم ميلاد مزمل .. كنت مجهزة ليهو فيديو ظريف .. و غنيت اغنيه بصوتي و قلت أرسلهم ليه و اعايده اول وحده .. بس للاسف ناس سوداني شالو النت و حتى المكالمات الرجعوها شالوها كمان 🙂 .. كنت مخططه لحاجه و للاسف الشبكه عندها خطط تانيه 🙂 ..

رسلت ليه كتير و معايدات و اعتذارات و قلت انا اسفه مع اني كان المفروض اكون اول وحده بس م قدرت و بتاع .. و الشبكه جات بعد الظهر .. و الرسايل مشت ليه ..
و كانو مرجعين شبكة المكالمات .. طوالي دق لي ..

قلت : انا اسفة والله 😓 .. المفروض كان اعايدك اول وحده
قال : م ضروري تعتذري كدا بزعل منك .. و كمان م مشكلة
قلت : لكن انا م اول وحده زي م وعدتك و كدا
قال : لكن اول وحده تعايدني ف الواتس و كدا
قلت : اممم م مشكلة
قال : داير اوريك حاجه
قلت : اها
قال : روان دقت و عايدتني و بقت تبكي و انا اختصرتها و قفلت منها

وااااي من الساعه القال كدا .. حسيت أنه العبره خانقاني .. و النار ولعت جواي .. يعني كيف تدق ليه و تعايده قبلي .. لي انا اكون اخر وحده تعايده .. و بعدين لي الشبكه قطعت كله من الشبكه دي 😭 ..

لما رديت .. أو لمن بقيت عايزه ارد .. بقيت بضحك ! .. اي بقيت بضحك شديد ! .. انا م عارفه دا مرض و لا انفعال ولا غباء لكن المهم بقيت اضحك ! .. و طبيعي لمن ازعل ولا اغير على زول م بقدر اظهر الزعل بتلقاني قاعده اضحك بس و بتكلم .. و اكيد الطرف التاني حيفتكر اني م زعلانه ف حين اني دايرة اطرشق بالزعل 🙂 ..

قلت : بالله عاين حتى الكانت حبيبتك عايدتك قبلي ! 😂 .. دا م عدل والله 😂🙂
قال : انا بحبك
قلت : وانا كمان
قال : وانت كمان شنو
قلت : بحبك

بعد فتره م طويلة شديد من الكلام دا ..
مزمل كان بتكلم معاي و قال إنه أمه ماشه تشوف و تطمن على عمها لانه قالو عيان شديد .. و دا كان موضوعنا ف اليوم داك ..
بعد كم يوم مزمل م دق لي من الصباح و طبعا عشان م عندي رصيد كالعاده م كنت قادرة اصل ليه ..
بالعصر دق لي و سألته الحاصل شنو و كدا .. قال جده اتوفى 💔 .. ف البدايه م صدقته لكن لقيته جادي .. عزيته و قلت ليه لمن تشوف امك اديني ليها عشان أعزي عليها ..
كان كلما يفضى بدق لي و بذكره بخالتو بس بقول أنه هي ف جهة النسوان و كل مره تقول مشغوله و بتنسى و تعبانه و كدا .. زعلت شديد على خالتو الصراحه .. و دعيت ليها بالصبر كتير ..
ي دوب تالت يوم مزمل دق لأخته و قال ادي التلفون لأمي .. بعد مسافة خالتو بقت تتكلم معاه .. عزيتها بس للاسف و انا بتكلم لخبطت الكلام كله و حاولت اكتم ضحكتي .. يعني انا م عارفة هل انا مصابه بمرض الغباء ولا عشان بخجل و انا بتكلم مع خالتو ؟ صراحه م عارفه .. المهم ..

#نهاية_أكتوبر_بدايتنا [10] :-
بقلم :- #روان_محي_الدين


بعد يومين شركة سوداني حبيبتنا قررت أنه ماف تحويل رصيد .. لكن شبكة المكالمات موجوده .. يعني الواحد لو م عنده رصيد اصلا تاني م حيقدر يتكلم بالتلفون اساسا 🙂 ..
اتفأجانا بالكلام دا بالليل .. لمن كنت بتكلم مع مزمل ..
يلا الحصل كالآتي :
مزمل بقى يقول لازم نتكلم مع امي عشان تتكلم مع امك ف موضوعنا ..
جا الليل و مزمل جاب امه عندهم ف جهة الرجال .. عشان تتكلم مع امي ..
بس للاسف أخوه مهند سبقه و خلا أمه تتكلم مع حبيبته اللي عايز يخطبها ..
تلقائيا مزمل زعل و بقى يتكلم معاي ..
بعدها ياهو اديتو رقم امي و قلنا إنه تدق من رقمها لرقم امي و كدا ..
ف الوقت داك كنا قاعدين نتعشى .. انا خلصت سريع سريع و قمت .. كنت متوترة والله .. لدرجه حمت البيت كله و شغالة أرتب و بتاع 😂 ..
خالتو دقت لامي و بقو يتكلمو سوا ..
انا كنت راقده ف الغرفة .. نظام شغاله بتلفوني ..
بعد مسافة امي جات و قالت : ي روان وريني صورة مزمل دايرة اشوف شكله
انا ضحكت و فتحت ليها صوره العندي كلها ..
قالت : حلاااااته ما شاء الله عليه .. دا م سوداني والله ما شاء الله تبارك الرحمن .. بس شعره دا لو حلقه يكون افضل !
انا بيني و بين نفسي شغالة واااااااااعععععععععع ي مزمل وااااااععععععع 😂😂 ..
قلت ليها : اها دا منو الدق ؟
قالت : عامله فيها م عارفة 🙂
قلت : طيب اي عارفة دي ام مزمل 😂
قالت : والله ياهو اتكلمت معاي و ف النهاية بس أنه عايزين يعملو تعارف و نعرف بعض اكتر و كدا و انا قلت ربنا يكتب الفيه الخير
قلت : ايوااا
محمد [ اخوها ] : ي زوله يعني حتعرسي 😃
انا ضحكت و امي قالت : ي ولد الموضوع دا م يطلع برا
محمد : اي عارف
قلت : طيب ادوني تلفوني
امي : كويس انا زاتي ماشة ارقد
مزمل دق بعد مسافة و حكيت ليه ..
مزمل : قلت لي رتبتي البيت كله 😂
قلت : ااااي اتوترت ياااخ
قعد يضحك و قال : بحبك
قلت : وانا كمان بحبك

الايام مشت عادي و انا و مزمل زي السمن على العسل .. و م نننسى السهر لانصاص الليالي 😂 ..

بعد فترة كدا .. ف يوم كنا انا و مزمل مساهرين لحد الساعة 3 بالليل ..
و فجأة اخوي محمد صحى و بقى يصرخ و يقول : روان اتكلمي بصوت وااااطي ياااخ
الحالة انا صوتي خالد الراقد قريب مني م سامعه .. محمد سامعه كيف الله اعلم ..
بقينا انا و مزمل نلعب .. اي نلعب م تتتخلعو 😂 .. بدينا ف لعبة حرف اسم بلاد جماد .. الخ .. المهم اللعبة دي ..
بعد كم حرف كدا .. محمد تاني بقى يصرخ و يعيد نفس الكلام .. مزمل زاتو استغرب منه .. و اصلا محمد طبعه يحفر للمشاكل 🙂 ..
امي صحت على صوته و جات عندي .. و طوالي سحبت التلفون و قالت بتتكلمي مع منو انت ؟ .. م رديت سكت ..
و هي قفلت الخط و شالت التلفون و مشت رقدت ..
انا الصدمه دخلت فيني و بقيت بنفس الرقده و لسا يدي زي م هي لمن امي سحبت مني التلفون .. و حاجه وحده بتدور ف راسي " خسرتي مزمل ي روان " ..
دا بس البدور جوا مخي .. و بعد مسافه وعيت على نفسي و لقيت جسمي اتشنج .. لانه للاسف كنت ف حالة صدمه ! ..
و المشكلة الكبرى إني م قدرت ابكي و اطلع الجواي .. للاسف دموعي اتحبست براها .. و دا سبب لي الضيق .. حسيت نفسي مخنوقه و م قادرة أتنفس ..
ف الاخر نمت بعد معاناه ..

ف الصباح .. م فتحت خشمي مع زول .. سويت الشاي و كنست و قعدت جمب امي بعد خلصت شغلي ..

قلت : امي !
قالت : هممم
قلت : انا دايره تلفوني !
قالت : عشان تسوي بيه شنو ؟
سكت م رديت .. و هي تمت كلامها : م تتكلمي ي بت دايراه لشنو ؟ خلاص انا بقول ليك .. عشان تتكلمي لي انصاص الليالي مع رجالك صح ؟!
هنا انا انفعلت و خلاص الزعل عماني و م راعيت أنه دي امي اللحظه ديك .. و الشيطان كان شاطر ساعتها .. و طوالي فلت في الكلام للاسف ..
قلت : رجالي ؟ يعني عشان بتكلم مع مزمل و وريتك هو منو طلعتيني بتكلم مع رجال ؟
و انا لسا بتكلم صوتي بقى عالي ..
تميت كلامي : كيف تقولي كدا ؟ .. انت لي م بتثقي فيني ؟ .. لي بتكرهي تشوفيني فرحانه ؟ .. و بقيت ببكي ..
لي ي امي م بقدر اتكلم معاك ؟ .. لي م بتفهميني ؟ .. ياخ انت اساسا م حتفهميني ؟ عمرك كله م حتفهنيني !

بعد كلامي دا امي زعلت شديد .. عشان عليت صوتي .. و عشان كلامي كان جارح بالنسبه ليها .. و لحد الان انا ندمانه على الحاجه دي .. بالرغم من أنها عفت لي و رضت عني .. بس برضو ضميري معذبني ..

قالت : كيف تعلي صوتك ي حيوانه ؟ انت الولدتيني ولا انا الولدتك ؟ .. تف عليك ي قليلة الادب ي م مربيه .. طيري من قدام وشي م عايزة اشوفك قدامي نهائي .. و اصبري بس كان م وريت ابوك عن عمايلك م اكون جواهر بت محمد علي ي جزمه !

#نهاية_أكتوبر_بدايتنا [11] :-
بقلم :- #روان_محي_الدين


قبل اقفل الخط بابا قال لي الموضوع لسا م انتهى و أنه حيتكلم معاي تاني فيه ..
و على كدا قفلنا ..
مشيت لأمي عشان اخد رضاها .. بس للاسف كانت زعلانه شديد .. و نفرت مني ..
قعدت جمبها و حاولت معاها بس قالت : اسي م وقتك ي روان زحي مني !

لمن قالت كدا .. انا طوالي طلعت من جمبها .. و كان الظهر اذن .. اتوضيت و أثناء الصلاه كنت ببكي .. و كلما أسجد بزيد ف البكا .. لمن خلصت نمت ف مكاني .. قمت مرتاحه .. بس لسا قلبي واجعني .. مشيت لامي و اعتذرت ليها و المرة دي قبلت و عفت عني ..

بعد يومين ابوي دق و اتكلم معاي ف الموضوع و قال : انا م رافضو بس خليه يجي بالباب كان معاه أمه و اخوه و لا خاله و لا عمه .. المهم يجي بالباب ي بتي .. لكن انت عارفة ناس البلد .. بعدين لو جاء حيقولو عليك كلام م ياهو .. و ممكن عادي ينتهو من سمعتك .. ولمن يعملو كدا معناها خلاص كل شي ضاع .. حتكوني خسرتي الولد و خسرتي نفسك كمان !
كلام بابا اثر فيني كتير .. و م عرفت اقول شنو فتلقائيا سكت ..

طبعا م ننسى كوني كنت ببكي كلما اصلي و ف كل سجدة .. و بدعي أنه ربنا يجمعني بمزمل و م يحرمني منه ..
الناس اكيد حتكون مستغربه فيني .. عرفتيه متين لمن بتبكي عشانه ..
والله الحكايه م حكاية عرفته متين .. المهم انه قلبي بقى معلق فيه ..
و للاسف فكرت تاني انتحر و ارتاح من دا كله .. بس م قدرت .. انجرحت جرح بسيط بس .. و حاليا حتى أثره اختفى ..
اي م تستغربو .. عادي جدا اعمل كدا .. بس ف صراع نفسي جواي بمنعني من الحاجه دي .. ف فئة من الناس لمن تحب تاني م بتقدر تميز الغلط من الصح لمن تحس إنه الزول البتحبه دا خلاص حيروح منها .. وانا وحده من الناس ديل .. و بنطبق علينا قانون " الحب اعمى " ..

بعد يومين كنا بنتكلم انا و امي ف السيرة و كدا ..
قالت : والله مزمل احن منك ي روان .. انت عارفه يوم شلت منك التلفون طوالي ضرب لي و قال انا اسف ي خالتو و تاني م حنعمل كدا .. ي روان هو كان خايف اعمل ليك حاجه .. الولد دا طيب .. بس كمان غلط البتعملو فيه دا !
انا سكت و م عرفت اقول شنو .. و بقيت ببكي .. اشتقت ليه شديد ياخ .. كلما سيرته تتفتح و هو اصلا م بطلع من بالي ببكي و بتقطع من جوا زياده ..

طلعت من الغرفة .. و بعد شوية امي نادتني ..
طلع مزمل ضارب ليها و كانت بتتكلم معاه ..
انا فرحححتتتتت شدييييد اقسم بالله .. و الفرحه لمن دايره تشقني ..
كانت بتتكلم معاه كتير ..
بعدها ادتني ليه ..
قال : كيفك ي روان
قلت : الحمدلله
قال : متاكده ي روان
قلت : اي
انا متاكده إنه هو عارف اني بكذب .. و اني م قادرة اتكلم عديل و احكي ليه انا مشتاقة ليه قدر شنو ..
قال : خلي بالك من نفسك .. و اسمعي كلام امك طيب
قلت : طيب
كان بوصي فيني كتير .. و انا كنت بس بقول طيب .. حاضر .. كويس ..
قال : انا بحبك
قلت : و انا كمان
قال : و انت كمان شنو
قلت : مزمل م بقدر
قال : افتحي الاسبيكر
فتحته و قال : ي خالتو انا بصراحه كدا بحب بتك شديد
امي بقت تضحك و انا م عرفت اودي وشي وين ..
طوالي قفلت الاسبيكر ..
قلت : بالواضح كدا
قال : اها قولي يلا
قلت : لكن ..
قال : انا بحبك
قلت بصوت واطي : و انا كمان بحبك
قال : م سامع قلت شنو؟
قلت : أبيت م بقول
بقى يضحك و بعدها أديت امي التلفون .. و طلعت من الغرفة .. كنت مبسوطه .. بس للاسف الزعل غلبني و بقيت ببكي ..
احساس حار اني مشتاقه ليه و م قادره احكي ليه .. و م قادرة اقول انا محتاجه ليك .. م تخليني .. انا بحبك .. انا اشتقت ليك .. دموعي م نشفت ي مزمل لانك م معاي .. مزمل انا بدونك بقيت بدون روح .. بس اعمل شنو م بيدي ياخ .. بس والله اشتقت ليك ي روح روان ..

بعد يومين كدا .. ابوي ضرب و حنسته عشان يرجعو لي تلفوني .. و طبعا هو كان مشترط علي أنه مزمل يتكلم معاي من تلفون امي و تحت نظرها هي و أنه سلام حباب بس .. و م ننسى أنه كان بضرب لي و انا كنت بسأل امي منه إذا ضرب ولا لا .. المهم .. ابوي قال لي كويس شيليه .. و قال بس امسحي الفيس و خليك بس مع صحباتك ..
اتكلمت معاه شوية و قفلت على كدا ..

هو ورا امي و امي ادتني و قالت لي كلام مع مزمل ماف ..
قلت طيب .. عدا يومين و كنت حاظره مزمل بطلب من امي .. و كنت بشكي لمريم الحاصل معاي لانه بالجد تعبت الفترة ديك ..

ف الاخر فكيت الحظر و رسلت ليه .. طبعا هو بستلم الرسايل بس انا م بستلم ردوده ..
عشان الشبكة ضعيفة ..
ف الاخر ضرب لي ..
و بقيت ببكي ..
قال : مالك ؟
قلت : انا اشتقت ليك!
قال : انا كمان اشتقت ليك .. و خلاص انا قاعد اتكلم معاك م تبكي .. مش دايره تسمعي صوتي ؟!

#نهاية_أكتوبر_بدايتنا [12] و الأخيره :-
بقلم :- #روان_محي_الدين


م كان عاجبني الوضع .. م كنت مرتاحه .. احساس الخوف كان مرافقني .. كنت دايره اتكلم معاه و انا م خايفه من زول بس للأسف م كنت قادرة ..

ف يوم كنت بسوي العشا و امي جات داخلة المطبخ و بتتونس معاي ..
قالت : ي روان انت بتتكلمي مع مزمل صح ؟
سكت م رديت ..
قالت : انت بتحبيه صح ؟
قلت : اي
قالت : طيب هو اسي بكون بقول البت دي م بتسمع كلام أهلها معناها هي قليلة ادب و زوله م مربيه صح ؟
قلت : لا ي امي .. مزمل بحبني و م بقول كدا !
قالت : يعني واثقة فيه ؟
قلت : اي .. لو قالو عني كلام كعب ي امي .. هو مستحيل يصدق .. و هو عارف انا شنو .. مستحيل يفكر كدا ..
ضحكت و مشت ..
انا هنا ارتحت .. لانها م اعترضت .. بس سألت من الموضوع ..
حسيت جروحي كلها اترممت .. بالجد احساس " عليك الامان " دا بالجد حلو ..

كلمت مزمل و بقينا نضحك ف الحكاية ..

و لحد يوم الليلة انا بتكلم مع مزمل .. و كل اخواني الصغار عارفين ..

بجيني إحساس أنه لو ابوي عرف حتكون ردة فعله شنو؟
م بحب افكر في الموضوع كتير .. بس كمان دا شاغل بالي ..
انا م مستعده اخسر مزمل نهائي ..
لأني بحبه .. و محتاجاه معاي ..

لو جبت اوصف احساسي و انا مع مزمل حقول :-

مزمل هو النفس البقيت عايشه بيه ..
مزمل هو الانسان الرجع ابتساماتي و ضحكتي ..
هو الخلا الحياه بالنسبه لي فيها طعم و انها حلوه ..
مزمل هو السند الأنا بستند عليه لمن الناس كلها تخليني ..
مزمل هو سبب كل حاجة جميله والله ..
مزمل بالنسبه لي كل شي حرفياً ..
مزمل بقى روحي .. يعني متخيلين لما الروح تطلع من الجسد البحصل شنو ؟ .. اكيد الموت .. اي مزمل لو لا سمح الله خلاني انا بموت ! ..

مزمل بستاهل كل شي حلو والله ..
الزعل م بليق بيه نهائي ..
بحب ابتسامته لأنها حلوه شديد ..
بكره اشوفه زعلان و لا متضايق .. بحس بالضيق ..
فرحته من فرحي و زعله من زعلي ..

صح احتمال اكون بارده شويه أو كتير م عارفة .. بس والله ماف زول بقدر يفهمني زي مزمل .. هو الوحيد البقدر يفهمني و يحتويني ..

و طبعاً مستحيل انسى صحباتي الكانو و الحيفضلو واقفين معاي ..
مريم .. اسيل .. ايلاف ..
مريم ليها دور كبير في حياتي .. هي الجابت الفرحه لحد عندي .. و م بنسى معروفها دا ليوم الدين .. جابت لي مزمل .. و خلتني اعرف انه الدنيا لسا بخيرها ..
اسيل برضو كانت بتخش لي ف الخاص و بتطبطب علي .. و تواسيني .. بالاخص ف الفترة البعدت فيها من مزمل بسبب المشاكل ..
ايلاف كمان عندها كلام يخلي القلب يلين اقسم بالله .. كلامها بلسم للجروح .. واعية و فاهمه و بتعرف كيف تسمعك كلام يدخل القلب طوالي ..

ديل التلاته م بنسى فضلهم علي ليوم الدين .. بحبهم شديد .. امهاتي و اخواتي ربنا يحفظهم لي ‌❤️⁩ ..



بعيدا عن دا كله ..
أنا خايفة يوم يجي و يكون يوم اسود علينا انا و مزمل ..
خايفة نفترق ..
م عايزة اخليه .. هو اتخذل قبل كدا من روان .. و انا م عايزة اكون زيها و اخذلو ..

هو بقول انه بحبني شديد و اكتر حاجه بخاف منها أنه يفقدني ..
وانا برضو نفس الشي ..
هو خايف يحصل ليه نفس السيناريو القديم ..
وانا برضو ..

مزمل حب روان شديد .. و صراحه انا عارفة أنه هي م عندها ذنب ف الحصل معاها .. امها زوجتها غصب لولد عمها و حاليا هي برا السودان .. و مزمل دخل ف دوامه بتاعة اكتئاب ..

القصة بلسان مزمل :

قال إنه عرفها لما مرة شافها و كانت دايرة تركب ركشة بس بتاع الركشة سرق شنطتها .. مزمل لحقه بالعربيه و قدر يمسكو .. و رجع البت بيتها ..
قالت ليه يتفضل و كدا بس هو رفض .. و اخوها جا طالع و اتعرفو على بعض ..
و اتفضل و بتاع و ياهو دخل معاهم لما لقاعم مصرين و ف دا كله هو م عارف اسم البت ..
امها للبت اتعرفت عليه و طلعت بتعرف أهل مزمل و كانت شغالة مع عمه زمان ..
و طلبت منه يجوهم يوم زيارة ..
و بكدا مزمل عرف عيلة البت ..
ياهو الأحداث جرت بعض .. و مزمل و عمه مشو للناس ديل .. و ضيفوهم و كدا .. و مزمل لمن زهج طلع برا و م عرف البوابه ف اي اتجاه .. و البت جات طالعه و سألته إذا محتاج شي .. و هو قال داير يطلع و كدا .. و هي قالت ليه يقعد ف الصالون و ماف زول بجيه و كدا .. و بعد إصرار دخل الصالون و هي جابت ليه قهوه و قعدت معاه .. و بقو يتونسو و كدا .. و عمه جاه بهناك و حصلت احراجات 😂 .. و بعدها مرقو ..
مزمل اتصاحب مع اخو البت ..
و الايام مشت و مزمل عرف البت و عرف اسمها روان و كدا ..
علاقتهم مع الايام بقت حلوه و مزمل حب روان شديد و اتغير عشانها و عشان هو بحبها .. و قرر يخطبها .. بس المشكله أنه م كان عارف انه ولد عمها أتقدم ليها قبله بس رفضوه و أنه ود عمها دا سافر السعودية عشان يكون نفسه و يرجع ليها تاني و ام مزمل كانت عارفه عشان كدا كانت شويه بتقول لمزمل انه فيها شنو لو أجلت الموضوع دا شويه .. المهم ..