#مواجع ضره 16
#نوسه حمد

سوسن بقت تطاعن فيني قالت لي مهند كان عاوز يشتري لي عفراء دهب بس قروشو انسرقت م عارف السرقن منو ورغم انو ماف زول دخل البيت غيركم براكم انتي وهو وهي انا انخلعت قلت نسيبتي تكون حكت ليهم بس معقوله تحكي ليهم وهي وعدتني م تكلم زول وغير كده هي عاوزه مصلحه مهند وعارفه سوسن انها صديقت عفراء وح تكلمها وعفراء م ساهله بتدبر حاجه تسرق بيها مهند قلت ليها سوسن حاسبي لي كلامك قروش شنو الانسرقن وبعدين مهند قال م عندو ولا جنيه ولا كمان كذب علي وعاوز يشتري لي مررتو دهب وانا ع وش ولاده وملزم انو يجهز لي موش اشتري ليها دهب والدهب دا كماليات وولادتي اوليات ومهند بس ظالم وعفراء ح تخسرو دنيتو قبل اخرتو قالت لي مهند مبسوط معاها وهي زاتا مبسوطه والله اكفيهم شر العوارض الزي نوعيتك دي😒

امها طوالي قالت ليها سوسن انتي كترتيهو الاء ماف بت في ضفرها ولا في بت بتشبها قالت ليها كاتباك عند ياتو شيخ 😒 انا انخلعت قلت ليها كتابه شنو انا بخاف الله ومستحيل اخرب اخرتي بي امور دنيا ونصيبي لو سممح او كعب بجيني في محلي وبعدين انا لو بكتب كان كتبت اخوك الكان هارشني وكان خليتَو طرطور زي م هسي طرطور مع عفراء وممشياهو علي مزاجا وشوفي محل الكتابه وين انا لا بعرفها لا شبها😒

امها قالت ليها سوسن الله اكفيني شرك ي بت مالك انتي🙄 انا سكت وخشمي تاني م فتحتو حنضلت علي الدنيا كلاما بسم البدن الله ينتقم منها واشوف فيها يوم ان شاء الله انا دموعي بقت في عيني م خوف منها بس م بحب زول يظلمني واكون انا محترماهو ومقدراهَو وسوسن عشان صاحبتها تخسرني وصاحبتها دي كانت وين من زمان بقيت سرحانه وبفكر ي ربي ألناس ديل مشتغلني ومهند اكون ممثل فيها انو م بعرف عفراء وخطبتا ليهو اختو معقوله مهند يكذب وعشان شنو عرس وعرس وانتهي مفترض يكون معاي صريح نسيبتي بقت تغير في الموضوع بس انا نهاي م ارتحت وكرهتهم وقربتا اطردهم بس قلت صبرك يا الاء مصيرها تنعدل ومصيرو الحي بعرف الحقايق وحسبي الله ونعم الوكيل في اي انسان ظلمني مهند جا سلم عليهم وقال ليهم م تفوتو انا ضابح كرامه لي الاء سوسن قالت ليهو وليه البزار شنو اضبح الخروف يوم السمايه بس نحنا زاتو م قاعدين ليكم قال ليها لو قعدتي ولا فوتي دي كرامه لي الاء وبعدين السمايه م بتغلبني انا ابوك ي احمد كل شي يهون علي سلامه الويه امو 🎈🎈💓💓💓 احرجها ليك احراج جبر بي خاطري طوالي هي قالت لي امها انا بهناك مع عفراء رسلو لي حقنا قالت ليها يكون احسن وفاتت اخواتا قالن لي معليش ي الويه سوسن بتغير من اي زول بتحبو امي عشان امي معجناها م تاخدي في بالك وكلاما دا كلام غيره منها ساي ونحنا عارفنها موش نحنا اخواتها لو حست امي بتميل. علي واحده كانت بتحرشا عليها عاوزه امي ليها هي وبس قلت ليهم طيب انا زنبي شنو تعرس لي راجلي وتمغسني مهند كان مرتاح وانا كنت مرتاحه من يوم عرس انقلب علي وطلقني وبعد من اولادو وعفراء لا بعجبها العجب لا الصيام في رجب وانا مستحمله بي اخر نفس عشان عشره مهند م بتهون علي وعشان اولادي وعفراء والله لو قعدت زيها وزي الناس نهاي م كان اانا زعلت ولا كان سالتها ولا هسي سالتها عفراء لو قامت حتي الفاظها شينه قدام مهند ممكن تقولن م بتخت ليهو اعتبار ودا دلاله علي انها اصلا م عاوزاهو قالن لي والله نحنا الموضوع م رضياننو اصلا بس حكم القوي ع الضعيف وربنا يسترك ي الاء قلت ليهن ان شاء الله والله دي دعوه سمحه محتاجاها لانو ايامي كلها بقت نقاشات بعد كنت مرتاحه قالن لي دي عين والله قلت ليهن الحمد لله بس هدا الاستقرار السحرونا فيهو راح لينا واتفرقنا ان شاء الله الناس تكون ارتاحت 😭😭

مهند جا ساق اخواتو قال ليهن قومن ساعدن امي دي بعد فاتن وجا قعد جنبي قلت ليهو مهند قوم اقعد هناك داير مرتك دي تجي تاني وتنبزني انا عمري ماف زول قال لي قليله ادب غير مرتك والله اسامحها قال لي م تشتغلي بيها دي غيره منها ساي قلت ليهو تغير مني في حاله انو اكون في عصمتك بس انت ماضي بالنسبه لي وانا قفلت صفحتو من ساعه عرست فيني مهند قال لي الاء انتي مفتكراني اهبل انا شايف الحب والشوق في عيونك وع فكره الكرامه دي فرحه عشان احساسك الشفتو في عيونك قبيل لي م اتغير قلت ليهو لو علي احساسي كترت المشاكل والنقاشات ح تقللو عشان كده انا عاوزه احافظ علي الجواي وابعد منك وطول ما عفراء دي في عصمتك انت م حقي قال لي دايراني اطلقا قلت ليهو م قلت ليك كده انا م ح اقطع نصيبا بس كمان مستحيل نكون الاتنين في عصمتك لانو ح تجن ي مهند واولادك محتاجين ليك قال لي اولادي ولا انتي قلت ليهو لا انا م محتاجه ليك صدقني قدرت ايام اعيش بدونك مستعده اعيش الدهر.

#مواجع ضره 17
#نوسه حمد

عفراء قالت لي مهند ليه تدس مني الورق مهند قال ليها ورق شنو قالت ليهو موش انت عاوز تقيمني وتكتبها لي الارض بعد اديتني الورق شلتو مني وشكلك عاوز تخلف وعدك وعاوز ترجع لي الاء وبتقول ليهو في الكلام دا وتدلع فيهو قدامي انا لمن خجلت منها وعلي الخوفه علي قربتا اطير احساس دخل فيني ان شاء الله م يضوقو حبيب ومسكتني رجفه لمن بقيت اتغتغت بي توبي 😢😢

مهند ساق عفراء وفات وكان محمر لي بطريقه غريبه انا جنيت عديل وتاني نهاي م شفت مهند واخواتو ونسوان اخوانو عملو الكرامه مع امو وخالتي وكانو مبسوطين واتونسو واضحكو الا انا الخوف كاتلني وكل م اعاين لي نسيبتي ومرت ابوي اضحكن بي قلبي اقول ليهن اضحكن ساي دا كلو بروح ليكن لانو مهند عرف الحقيقه

بعد اكلو ورتبو لي البيت و فاتو نسيبتي قالت لي انا بجيك بكره الليله ماشه ابيت في بيتي قلت ليها يوم الليله اديني ليهو وبكره من الصباح فوتي قالت لي سمح ومنتظرا ديل افوتن عشان احكي ليهن وبعد فاتو جا مهند وكان صاري وشو وزهجان شديد قال لي ان شاء الله امي فاتت قلت ليهو قاعده رديت كده هي جات داخله قال ليها امي نادي خالتي وتعالي انا هنا عرفت انو ح نندقا بس الحاجه اللفتت نظري مهند ياها شخصيتو الزمان حسيتو اتغير لانو من عرس عفراء بقا طرطور ساي المهم امو مشت نادت خالتي قال ليها عشي الاولاد وخلي مجاهد معاهم م يجو هنا خالتي زاتا حست في شي بقت تغمز لي انا حركت راسي دلاله علي انو نحنا في مصيبه خالتي جات سريع سريع وقعدت مهند قال لي الاء ممكن سؤال وع شرط تردي بكل صراحه قدام امي دي عشان م امي تقول لي ظلمت الاء قلت ليهو اكيد ي مهند قال لي الاء اوراق الارض وين سكتا م فتحت خشمي نهااااي وامو وخالتي من الصدمه لمن حسيتن ح يقعن امو قالت ليهو سجمي فشنو وورق شنو قال ليها امي تتزكري لمن نحنا جينا نفطر معاكم وانا دخلت لي الاء ولقيتا تتكلم بالتلفون وقفلت الخط سريع وانا قعدت اجوط وقالت لي ح تشوف غيري وح تحب غيري صاح ولا غلط قالت ليهو صاح ولمن شلت التلفون لقيتا مرت ابوها ولمن سألت قالت انها مشت الصيدليه تجيب حاجات لي الاء صاح ولا غلط قالت ليهو صاح قال ليها السؤال ليه الاء تقفل الخط وتنخلع لمن تشوفني لو فعلا دي مرت ابوها وعاوزه حاجه من الصيدليه؟؟؟؟ للاسف ي امي الاء متأمره مع مرت ابوها انا كنت بحترمها لانها مثاليه بس الان سقطت من نظري انا نهاي م فتحت خشمي لاني م عندي وش اتكلم بيهو وصراحه م بقدر اكذب اكتر استسلمت لي كلامو ومرت ابوي زاتا استسلمت امو قالت ليهو ي ولدي انعل الشيطان هسي فشنو قال ليها سروقو الاوراق بتاعت الارض وعشان اثبت انو الحاجه دي متفق عليها الورق الاتسرق بتاع الارض الف ام درمان بس لانو معاها كم ورقه م اتشالت ولمن احمد جا كلمني قال لي امي سرقت الورق لمن جيت اتحقق الاء غشتني قالت لي دي امك قالت لي خالتي حرقتي الورق لانو كان ورا البيت وانتي م بتحبي الوسخ طبعا مهند م فضل ليناكذبه زاتو نكذبا جاب كل الادله وكلامو كلو صاح انا نهاي م رديت عشان الورق بالذات دا تفكير امو قلت لو م اتكلمت هي انا نهاي لو ختا سكين ف رقبتي م بتكلم ولا بقول ليهو دي امك. الا هي براها تتكلم قال لي شوفي ي الاء الورق العندك خليهَو وعشان اوريك الما بتعرفي انا بطلع غيرو وبكتب الارض لي عفراء م عشان بحبها لا لا مكاوا ليك لانك دي المره التانيه تسرقيني المره الفاتت سرقتي قروشي و دا م حرامي دي مرت ابوك البتتامري معاها دي واديتيها المفاتيح وهي السرقت القروش لانو ي استاذه الطلبه الكانت في الباب قويه م بتتفتح بسهوله ولو حرامي فكر يكسرها الباب كلو قزاز كان انكسر وحتا لو فلسها بي شي كان جدعها م شالا بس دا تخطيط عصابه عديل و دي مأمره علي انا😑 وفوق دا كلو انتي ممثله فيها الشريف الرضي وانا اتخزلت منك انتي اكتر من اي زول ف الدنيا كيف تحسسيني بالامان وانتي كذابه وحراميه انا الكلمتين ديل هدن حيلي ولو بكتلن كانن كتلني وي الاء انا اليوم دا كنت ناوي ارجعك في عصمتي لكن بطني طمت منك واستحاله اعيش مع واحده حراميه وكذابه وح اسلمك قسيمتك ان شاء الله بكره انا دموعي بقن عشره عشره وقلبي انقطع. مرت ابوي طلعت شكلها اتاثرت لي انا 😭😭

امو قالت ليهو اها ي ولدي بعد عرفت الاء كذابه وحراميه داير تديها قسيمتها وتطلقا لو عرفت انو امك ورا التخطيط دا كلو ح تقول لي انتي م امي وانا بتبرا منك وكذابه وحراميه برضو وانت عارفني انا لا كذابه لا حراميه صاح؟ قال ليها شنو قالت ليهو انا الدبرتا دا كلو ومرتك بعيده كل البعد من الكلام دا ومرت ابوها انا الوريتا تعمل شنو وانا الجبت البت تنظف ليكم عشان تخلو البيت فاتح وانا العزمتكم للفطور عشان تجو تفطرو ونشيل الورق من غير م تحسو وانا الجيتكم صدفه وطقطقت الباب وسمعتكم تتكلمو قال ليها امي ليه تعملي كده انا ولدك ي امي قصرت منك فشنو بنيت ليك وميزت ليك قالت ليهو م ناكره بس انا م بخلي حق اولادك يضيع وليه تكتبو بي اسم عفراء

#مواجع ضره 18
#نوسه حمد

اتصلت علي مهند بخلعه وكانو م طلقني ولا رسل لي القسيمه م عشان انا م عندي كرامه لا والله عندي كرامه بس العشره م بتتنسي بالساهل وبالاخص لانسان كنتي بتحبيهو ومخلصه ليهو وهو كان كل حياتك وفوق دا كلو كان زوجك حلالك عشتي معاهو الحلوه والمره مستحيل عشرتو تهون عليك بسهوله😭😭اتصلت وردا لي بكل برود اي بكل برود مشاعر الراجل ما زي المره لانو من قام سامع انو الراجل محلالات ليهو ٤ وسامع انو ممكن احب ميه بت م بتفرق معاهو اكيد ح يكون بارد طالما كل نظريات المجتمع واقفه في صفو وفوق دا كلو الدين مديهو حق التعدد م عشان فهمن الغلط عشان اسباب بس للاسف الاغلبيه العظمي فاهمين انو التعدد مقدره في التعدد م خيار لمن تكون ناقصاك حاجات وم براعو لمشاعر نسوانهم وباردين برود عجيب المهم قلت ليهو مهند انت وين قال لي الاء م عندك فيني شغله ان شاء الله اطير السماء ورقتك وصلتك ومصروف اولادك ح يصلك شهريا وم اوصيك عليهم وانا زاتي ح اقفل تلفوني حابي اعيش بعيد منكم لانو الاتنين الانا بحترمهم وبحلف بيهم طول عمري بيتامرو على وعشان شنو م عارف وانتو م بتعرفو مصلحتي اكتر مني بس للاسف صدمتوني وقفل الخط وانا كانت دموعي عشره عشره قلت لي امو خلاص مهند قنع منننا وكنت ابكي ابوي بخاف من دموعي قَالَ لي الويه ي بتي مهند في لحظه غضب مستحيل افوت اخلي اولادو اسكتي وانا هدا معاك م بقصر منك وياني سندك لمن تتخزلي وانتي م اتخزلتي بس قسمتك مع مهند انتهت وخليك قويه وانا معاك بشيلك انتي واولادك في عيوني ولا م شايفاني قدر المسؤولية اي نعم انا م غنيان زي زوجك بس الحمد لله قادر اعيشك وم اخليك محتاجه لي حاجه قلت ليهو م بتقصر ي ابوي بس احساسي الجواي م خوف من الجاي انا زعلانه عشان م متوقعه الحصل دا يحصل وكلها ايام واكون طبيعيه ام مهند بقت ممحنه وساكته قالت لي الاء مهند ولدي م شديد وانا م بخلي ساي لازم يرجع لي اولادو قلت ليها يمه مهند اختار طريقو خليهَو انا قنعت منو قالت لي انا م قنعت منو ولا بقنع وبفتش ليهو لاخر يوم في عمري ابوي قال ليها ي حجه هو واعي خليهو ان شاء الله الله يسعدو ويهنيهو وم طالب منك شي غير تقعدي مع بتي دي لانو امها بتكون قاعده معاي وبجي داير الاكل والشراب وهدا مجاهد معاكم قالت ليهو من غير تقول انا م بفوتا نهاي

مرت الايام والشهور والسنين ومهند ماف منو خبر حتي شغلو خلاهَو وامو مشت اهل عفراء قالو ليها سافرو السعوديه وابو ادوها الرقم وسالت سوسن منها قالت ليها م بعرفها انا قلبي مات ومشاعري ماتتت بقيت م مع الناس اتغيرت ١٨٠ درجه واولادي دخلو المدارس ابوي صحتو بقت خازلاهو من الشغل والحياه بقت قاسيه اخوان مهند بصرفو علينا بس م بقدرو علي احتياجاتنا الخاصه وانا حاولت اشتغل نسيبتي منعتني وبعت اي شي حتي عفشي كل م احتاج ابيع حاجه حتي عدتي بعتها كل يوم نسيبتي تسال من مهند لغايه م لقت ليهو رقم جاتني فرحانه م ركزت معاها شديد لانو بقا م فارق معاي كراجل وهي ولدا م بتقدر تنساهو لو الناس كلها نستو هي م ح تقدر. قلب الوالد اتصلت عليهو وفتحت الاسبيكر ردا عليها بكل برود وهي تبكي دموعا عشره عشره قالت ليهو مهند انا حشاي محروق قال ليها انتي والاء السبب في الانا وصلت ليهو وكنت كرهان السودان بي الفيهو وهسي ي امي م راجع انا مرتاح قالت ليهو تعال النعرف اخبارك قال ليها كويس ابشرك والسودان م جاي وح اهاجر أمريكا ان شاء الله يعني م اظن اقدر اجي انا سامعاهو بس قلبي م حنا ليهو بالعكس بقيت بكرهو ولا سال من اولادو قالت ليهو احمد كبر ودخل المدرسه وبجي الاول وامونه زاتا وولدك الفتو صغير وم شافك دخل الروضه مهند م ردا ليها وقفل الخط وحاولت ترجع ليهو التلفون بقا م بدخل معاها نهاي قلت ليها شكلو كرهنا نحنا ي سبحان الله قالت لي لا يا الاء مهند م قاسي قلت ليها فعلا م قاسي بس قستو مرا وربنا يسعدو ويعوضو اولاد غير اولادي وانا املي في اولادي كبير وربنا يحفظهم لي واشوفهم في اعلي المراتب

قنعت من حاجه اسمها مهند وكرهتو والدنيا بقت ضاغطه واخوانو مسؤولياتهم كترت وبقو م بصرفو علي زي زمان وابوي بقا محتاج للبصرف عليهو بس اخوان مرتو م قصرو منهم وبصرفو عليهم ومجاهد اخوي بقا راجل ودحل الجامعه وكان سندي هو بعد ابوي وانا انجبرت اشتغلت الصباح ببيع في المدارس والمساء بعمل الشاي والقهوه الدنيا جبرتني وم كنت متعلمه اتمنيت اكون متعلمه بس الحمد لله وبركه في تعليم احمد ولدي

مرت السنين واحمد ولدي بقا راجل وكل م يسالني من ابوهو اغلبني ارد بس بعد كبر ختيتهم كلهم في الواطه وحكيت ليهم قلت ليهم ابوكم اتزوج فيني وهاجر مع مرتو وم قلت شي تاني عشان م يكرهو ابوهم حتي لو رجع ح يفضل ابوهم واحمد بقا اشتغل ومنعني الشغل وبقا لي سند وكان متفوق وشالوهو طب وامونه صيدله وامجد ف الثانوي ومصاريفنا زادت احمد ومجاهد بقو شغالين ومساعدني وابوي بعد كبر طلبت من مرتو اجو اسكنو معاي وقعدو في البيت المفصول وقدر البشتغلوهو

#مواجع ضره 19
#نوسه حمد

احمد قال لي امي في راجل سالني منك قلت ليهو دا اكون من اهل ابوي وجاي اشوف ابوي قلت ليهو خلي يدخل مسافه البس توبي احمد صفق لي يدو شكلو جا داخل معاهو الضيف والمفاجاه كانت دا مهند قلت ليهو بخلعه سجمي مهند احمد قال لي مهند ابوي انا😱 مهند قال لي دا احمد 😱بقينا مخلوعين كده وواحد قادر يتكلم ماف معقوله دا مهند وي ربي مالو والجابو شنو ومرتو واولادو وين بقيت اسال في نفسي احمد شكلو مبسوط قال لي امي دا ابوي قلت ليهو ودمعتي في عيني اي ياهو ابوك ي احمد مهند حضن احمد عليهو وبقو يبكو باعلي صوت امونه جات من الجامعه جدعت شنطتا وجات مخلوعه لقتنا نبكي قالت لي ماما جدو مالو افتكرت ابوي حاصله عليهو حاجه ضميتا علي قلت ليها جدو كويس عاينت كده لمهند قالت لي ماما دا منو الببكي مع احمد دا واحمد مالو غلبني اقول ليها دا ابوك بقيت ابكي معاهم مهند فكا احمد قال ليها امونه وداير يحضنا بعدت منو قالت لي ماما اهل ابوك ديل م كل مره اجو يسلمو علينا بالحضن انا بقيت كبيره وكانت صاره وشها ووقفت جنبي مهند قال ليها امونه انا ابوك قالت ليهو شنو وانا واحمد نبكي غالبنا نتكلم امنه قالت لي ماما الراجل دا كلامو صاح وانا ابكي وهي كانت متوتره قالت لي ماما ردي دا ابوي قلت ليها اي دا ابوك سلمي عليهو قالت لي كان وين من زمان وليه جدعنا وليه دمر شبابك انتي واجي هسي بي ياتو حق بعد ما سندتينا انتي وبقينا كبار ليه جاي قلت ليها امونه الغايب عزرو معاهو ي بتي سلمي عليهو قالت لي اي غايب ي امي الغايب دا ابوي وجدعنا نحنا اطفال وم راعي لعشرتك ولا اخلاصك ليهو الكل الناس بتحلف بيهو للان وهانك وزلاك عشان مرا وياريتا مره نافعه انا مستحيل اسامحو مهند قال لي ليه ي الاء شوهتي صورتي قدام اولادي كان تخليهم عايشين علي اني غايب قلت ليهو مهند انا قدامهم م بزكرك الا بكل خير امونه قالت ليهو لا ي مهند نحنا امنا دست مننا الحقيقه بس ورونا بيها الناس التانين وانت مفتكر المجتمع برحم واحد خان واحده وبدل ريدتها واستقرارها بمرا تانيه مستحيل ي مهند قال ليها مهند ي امونه انا ابوك ي بتي سمعوني كلمت ابوي محتاج ليها قالت ليهو بزهج انت لو عاوز تسمعها م كان غبتا الغيبه دي كلها وانا شخيصا م ح تسمعها مني احمد كورك في امونه واداها كف قال ليها احترمي ابوك واوعك تردي عليهو امونه بقت تبكي قالت ليهو احمد تدقني عشان واحد دمر طفولتك قبل شبابك وكنت في نظر الناس ابوك شارد خلا امك وكنت واثق تماما انو امك ما المره البشردو منها بس ابوك ظالم وظلم امي وانا البظلم امي م بنفع معاي حتي لو كان ابوي ربنا وصانا علي امي وفعلا الدنيا لو خزلتك امك م بتخزلك واقرب الاقربين لينا خزلنا وجدعنا احمد قال ليها امنه خلاص اسكتي ماف داعي ادخلي جوه

قال لي امي اعملي لينا غدا قلت ليهو كويس احمد دخل استحما وامجد اظنو جا وم جا داخل على بعد شويه سمعت صوتو اتكلم مع مهند وعرفتو م ح يكون عرفو قال لي يمه جيبي مويه للضيف دا وكان بتكلم وشايل ليهو كتاب في يدو وفي وشي م عاين هو مدمن قرايه ومن المتفوقين وحلمو يقرا هندسه نفط قلت ليهو جيت متين قال لي جيت هسي من الدرس دخلت الصاله الضيف القاعد قال عاوز مويه قلت ليهو امجد دا ابوك امجد الكتاب وقع من يدو قال لي شنو ودموعو طوالي نزلت قلت ليهو دا ابوك ي ولدي ادخل سلم عليهو فكا يدي وطلع لحقتو حدي الباب م ردا علي وامجد من طبعو احمق شكلو انصدم من الخبر احمد قال لي مالك يمه واقفه جنب الباب وبتتكلمي براك قلت ليهو دا امجد لمن قلت ليهو دا ابوك م استحمل فكا يدي وطلع قال لي خليهو يمه انا بلحقو وكدي جيبي المويه الندخلا لي ابوي وامش اجيب الحيوان دا قلت ليهو احمد م تضربو خليهو قال لي كويس وفات انا مشيت دخلت المويه لمهند لقيتو قاعد زي الغريب وفعلا غريب علي اولادو لانو م عاش معاهم وطبيعي اكون كده مرت ابوي جات داخله لمن شافت مهند لمن انخلعت قالت ليهو مهند قام سلم عليها وسالها من ابوي قالت ليهو الا الكبر والمرض والخرف وانت كنت وين ي ولدي قال ليها دي قصه طويله بحكيها ليكم ان شاء الله انا جيت من المطار وجيت هنا اول قلت النشوف اولادي والنمش لي امي قلت ليهو امك اتوفت ي مهند ادعي ليها قال لي شنو امي اتوفت متين قلت ليهو تمت السنه واخوانك كلهم رحلو والبيت فيهَو سوسن بس قال لي سوسن اتزوجت قلت ليهو لا والله قال لي ولا ح تتزوج احترت من كلامو بس م ركزت معاهو لانو كان ببكي قال لي انا مشتاق لي امي نفسي تضمني عليها وبقا يبكي خالتي قالت ليهو ياها حال الدنيا ي ولدي وانت البعدتا منهم م هم البعدو منك مهند سكت م ردا عليها احمد جا وجاب امجد وشكلو جابو بالقوه قال ليهو سلم على ابوك امجد حلف ابا يمشي لي ابوهو قال لي احمد دا ابوك انت وانت شالك وشاف طفولتك بس انا سمايه م سما لي عاوزني امش اسلم عليهو امجد بحترمني شديد قلت ليهو ي ولدي عشاني انا احضن ابوك ابوك محتاج ليكم الفات خلوهو لانو دي قسمتكم انكم تكونَو عايشين

#مواجع ضره 20
#نوسه حمد

قبل م ابدا الروايه في تعليق لفت انتباهي انو الاحداث كانت سريعه وانو ما مفترض ام مهند تموت وانو انا طوالي بموت الامهات؟؟ اولا الروايه اهدافا التعدد واسبابو ودوافعو والحاجه دي انا لسه م كملتها ولا وصلت ليها وتاني شي ام مهند م عندها دور في الروايه لانو الروايه بتتكلم عن الضره وافعالها وانا عشان مجربه موت الام وحاسه بعذابو اي زول اكون كعب واعصا امو بحاول اخلي يفقدها عشان يعرف قيمه الام والكلام دا فيهو جزء كبير من النصيحه لي الناس الامهاتهم علي وش الدنيا وطوالي بخلي الام ولا الاب اموتو عشان اعرفكم انو الدنيا دي من غيرهم م تسوا شي عشان كده بقدر الامكان اطيعوهم واشبعو منهم الدنيا م معروف اقدارها ومن دونهم الله لا وراكم طعم الحياه وزي م متعوده علي اني اكتل الام في كل الادوار برضو بجسد دور الام وبكون ايجابي وبوريكم انها عظيمه ومثاليه سوا كانت ام او نسيبه م حصل جسدت الام في دور كعب لانهم الامان لي كل انسان بكل م يحملو من عيوب او مزايا َوالليله م عاوزاكم تكتبو تم بعد تقرو الحزء ال٢٠ عاوزاكم تترحمو على امي وان شاء الله ربنا يرحمها ويغفر لها ويسكنها فسيح جناته مع الصديقين والشهداء والصالحين وحسن أولئك رفيقا 😭😭😭😭😭😭😭😭😭

الحلقه20

سوسن جات من بعيد تتبكا ودايره تسلم علي مهند مهند قال ليها انتي السبب زحي مني احرجها وهي دموعا في عينها ومهند بقا يبكي زي المره احمد قال ليهَو كفايه ي ابوي وقشا ليهو دموعو احمد من طبعو حنين شديد وهو الوحيد المتزكر ابوهو كان وم قادر ينساهو مهند قال ليهو انا اتحرمت من حنيتكم وانحرمت من حياتي السمحه بسبب عمتكم دي انا كنت اعمي وهي القستني علي الاء ودوافعها م عرفتهن الا بعد انا اتورطت وبقيت في بلد تاني عفراء وسوسن دمروني وشالو كل املاكي انا انخلعت قلت ليهو سوسن دخلها شنو قال لي هي السبب في زواجي وهي الالحت علي اني اتزوج فيك وانا كنت غلطان اني سمحت لنفسي اسمع فيك الكلام وامش ورا سوسن وسوسن غشت علي قالت لي عفراء ناس قرش وبت عز وبعد اتزوجتها اكتشفت انو العز الهم فيهَو جابوهو بالانانيه وطمع في حق الناس وكنت في غفله وغلطت لمن نسيت عشرتك ي الاء وغلطت لمن جدعت اولادي وغلطت لمن مشيت خليت امي وهي كانت دايره مصلحتي وفعلا مصلحتك م بتعرفا الا امك الولدتك واضيف لي كده مصلحتك م بتعرفها الا ام اولادك لانو حياتها كلها بتكون همها فيك وفي مستقبل اولادك والحاجه دي انا لقيتا في الاء وللاسف لقيت عكسها في عفراء حب نفس م عادي ومصلحجيه زياده عن اللزوم وفوق دا كلو حرمتني من الولاده انا انخلعت قلت ليهو مهند معقوله عفراء م ولدت قال لي للاسف دخلت لي بي قصه انو انا م ح الد طوالي الا نتم سنتين وهي اساسا م بتلد والحمد لله اني م جبتا منها جنا لانو مستحيل اقبل ولدي تربى عفراء لانها م مربيه وعاوزه تربيه هي اول احمد قال ليهو ابوي وقت م ولدت منها المقعدك معاها شنو وليه تقعد السنين دي كلها ونحنا اولادك محتاجين ليك قال ليهو انا كنت في السجن وسببي عفراء انا انخلعت قلت ليهو سجمي ي مهند سجن شنو قال لي عفراء طماعه كتبتني شيكات علي بياض وانا كنت غبي وكان حسابي فاضي ومشت دخلت الشيكات والبلد ديك م فيها لعب اتسجنت ولا حتي جات سالت علي وشالت كل قروشي واملاكي الفي السودان وانا لمن طلعت مشيت محل كنا ساكنين طلع لي واحد اجنبي وعرفت انها رحلت بس فاتت وين انا م عارف واصلا انا حمدتا ربنا انو م لقيتا ولميت لي في سودانين اولاد حلال دبرو لي قروش وتزكره وجيت هنا طوالي😭😭😭وصحيت من غفلتي وحياتي كلها كانت تخطيط من عفراء وسوسن وللاسف اختي هي الطعنتني في ضهري وهي الكانت سبب في فراقنا وهي السبب في انو عفراء لعبت علي وشالت كل املاكي وم زعلان لانو انا استاهل دمرت نفسي بنفسي كنت عايش ملك وفجأه افتريت واتزوجت في المره الما بتستاهل اتزوجو فيها وعواقبي كانت كتيره فقدت الثقه في نفسي وفقدت الثقه في اهلي بسبب اتنين م خافن الله فيني وعفراء انا بعزرها مره غريبه لو شالت سكين وكتلتني ممكن تتحاكم فيني بس اختي بت امي وابوي الما عملت ليها شي تعمل فيني كده وسوسن كانت تبكي بكا قالت ليهو اعفي لي وانا دفعت التمن والله انا كنت بكره الاء عشان امي بتحبها رغم انها م قدمت لي الا الخير بس انا كنت انانيه وعفراء هي الدبرت الكلام دا عشان كانت طماعه وانا كنت بشكي ليها انو امي كانت مستعده تخسرني عشان الاء وكنت بحكي ليها عن استقراركم الاسري وهي القالت لي مهند اخوك مسكين والاء دي لاعبه عليهو شكلها وهي العصتني عليك وازيدك في دا كلو عفراء عندها شيخ م بخاف الله كانت متواصله معاهو وهي الادتني حاجه وكبيتا ليك في العصير وقالت لي مفعولا بظهر بعد اسبوع واول م مفعولا امشي فيك قالت لي افتح ليهو موضوع انو تتزوجها هي بحجه انو الاء بتلد كتير وانت مفعول العمل مشا فيك وم تعبتني وافقت طوالي وبدت هي تزن عليك وانت كتبت ليها كل املاكك وكنت متفقه

#مواجع ضره 21
#نوسه حمد

سوسن قالت ليهو انا الكلمت امي انك انسجنت وانا الكنت سبب في الصدمه الدخلت فيها لغايه م ماتتت

سوسن كانت تبكي بس نهاي م حننت قلبي لانو عملت دا كلووووو عشان شنو واستفادت شنو م عارفاها

مهند م اتكلم معاها قالت ليهو مهند انا اخواني بعدو مني وكنت سبب في بعادهم عني قسيت عليهم وكنت بخلق مشاكل بينهم وبين نسوانهم شحنتهم علي بعض وكنت ظالمه وعارفه نفسي وانا الله عاقبني في عافيتي اعفي مني غير عفوكم انا م عاوزه شي مهند قال ليها اعفي ليك كيف وبتي الوحيده ابت تسلم علي وابت تسامحني وانتي استفدتي شنو هسي قالت ليهو م استفدت شي غير نفور الناس مني وربنا شال حقكم مني وابتلاني بمرض سامحني عشان اقدر اتعالج وعشان نفسي تنفتح للحياه مهند قال ليها م قادر ي سوسن

قالت لي الاء خلي يعفي لي قلت ليها مهند حرمتيهو من اولادو وكيف نفسك سمحت ليك تتفقي مع واحده عليهو ولو عشان تمغسيني تبقي غلطانه انا كانو اولادي في وشي كل م اتألم بعاين ليهم بضمهم علي برتاح بصحا تاني يوم كلي امل ف الدنيا رغم انو الدنيا م رحمتنا ولطشتنا بس الحمد لله ربك ستر❤️❤️❤️ م راعيتي لي اخوك وقت اتألم بحصل ليهو شنو وهو بعيد من امو واولادو انا م مشكله بقيت طليقتو وم زعلانه بس زعلت عشانك اكتر خسرتي دنيتك وخسرتي مهند اي شي ودمرتيهو وعاش في دوله مسجون عشان طمعك انتي وعفراء وان شاء الله الدنيا تدوم ليكم انا شخصيا عمري م ح اسامح انسان ابتسمت في وشو وطعني ويا ريتا اي طعنه طلاق وشتات والحمد لله كان سندي ابوي واخوي وم اتخزلت وم مغستيني ي سوسن وبكره اولادي بكبرو وبفرح بي انجازاتهم وكل تعب تعبتو بتعوض وبفرح بي نجاحهم زي م فرحوني كتير وكنت ام مثاليه رغم الانكسار ودا بي فضل ربنا والاقتناع بالقضاء والقدر وارجع اقول ليك رغم المأمره العملتوها لي بس ف الاخر دا نصيب❣️و نصيبي اعرس لي راجل واولع ليهو يدي شموع في النهايه يعرس فيني ويكسرني وينسي كل حلو وكفاح خضناهو سوا💔 ونصيبي اقع لي في اخت راجل وعشان بتغير مني وعشان حاسداني بتعمل لي في مكايد وعلى فكره الحاجه دي م جديده علي مجتمعنا وكنت متوقعاها تحصل بعد اتزوج وعشان كان نفسي اكون مثاليه ف نظر زوجي واولادي دخلت حياتكم وقلت البدقني بعتبرو زي اخوي وبتحمل وفعلا اتحملتك واتحمل نظراتك واستحقارك لي وكنت بسال نفسي الف سؤال ليه انتي بتعملي معاي كده وكنت واثقه من اني م غلطت عليك ولا بي كلمه وكنت مجرد احساسي البحسو دا م حصل فكرت قلت لمهند سوسن بحسها كده او كده بالعكس كنت بعدل مزاجي بنفسي بعد انتي تقلبيهو لي وكنت بطنش عشان شنو عشان اعيش مع اخوك مستوره حال ليه انتي تجيبي واحده تكشف حالو وفي خلال شهرين الحله كلها تسمع مشاكلنا ورغم استقرارنا بس قلبت لينا دنيتنا وحرمت اولادي من ابوهم الكانو بحسبو في الدقيقه والثانيه وبنتظروهَو بي لهفه لمن اكون في الشغل فكرك لو انا سامحتك ومهند سامحك واولادي سامحوك ربنا ح يسامحك في انك فرقتي قلوب 💔💔💔سوسن قالت لي الاء كفايه ارحميني انا الهم كتلني قلت ليها انا والله م سالتك رغم عارفه العملتي فيني بس م غلطت عليك ولا بكلمه بس اعفي لي م ح اسامحك دخلت منها الغرفه كانت العبره خانقاني علي راجلي الم عرفت البيهو والعليهو ووقفت قصاد عفراء وسوسن بس للاسف كنت مفتكره زواجو لي عفراء لحاجه جواهو م كنت مفتكره انو جابنو بالمصايب لقيت امونه بتي تبكي قالت لي ماما انا م قادره اشوف ابوي الكنت بحلم بي خيالو كل م احتاج لي حنانو وم اسلم عليهو وقت اشوفو حقيقه قلت ليها امونه ابوك انظلم ونظلمنو نسوان وان كيدهن عظيم وعشان نفضها سيره كلام في الناس دا ابوك ي امونه ومحتاج ليكم انتو اولادو وانا بيني وبينو الاحترام وانو ابوكم م ح اسمح لنفسي ارجع ليهو ولا عاوزه سيره في الموضوع ده واتحملي ي بتي وقومي سلمي عليهو ابوك رجع وسافي التراب والغلطه م غلطت عفراء ولا سوسن غلطتي انا اتمسكنتا ليهن بس انا كنت كايسه الستره وكنت مفتكره ابوك م بجدعكم بس حصل الما كان في بالي ولا مخيلتي وم اقدر اقول غير قسمتي كده 💔💔💔💔💔

حنست امونه قامت سلمت علي ابوها وسوسن فاتت مهند م سلم عليها احمد ولدي قال لي ليه ي امي م كلمتيني بالحاصل لي ابوي انا م كان خليت واحده تلعب عليهو حتي لو كاتباهو انا بمش واجيبو ابوي م يستاهل الزله قلت ليهو احمد مفتكرني كنت دايره لي ابوك الزله بس انا اتفاجات بالحصل عليهو هسي وانا م بي يدي شي وم كنت بعرف لمصايب الزمن دا ولو حسيت مجرد احساس انو زواجو لعبه م كان خليت سوسن وعفراء دمرنو بس دي قسمتو كده والماضي خليهَو وهسي داك ابوكم انا م بمنعكم ليهو وان شاء الله بحاول اخلي مرت ابوي تفضي البيت ليهو وبهناك يبقا ديوان انجمعو مع ابوكم وانا م بقصر البناكلو نقسمو بينا احمد قال لي يمه انا بشكرك انك محترمه ابوي لسه رغم انو دمر شبابك قلت ليهو على شنو ي ولدي في النهايه دا ابوكم ودي قسمتي

#مواجع ضره 22
#نوسه حمد

امونه قالت لي امي في مره سألت من ابوي وابوي شكلو ماف اخليها تتفضل قلت ليها ليك ولي زمانك م تخلي ضيف اقيف برا وبالذات لو كانت مرا فضليها طوالي وقبل م اتم كلامي اجيني ليك صوت عفراء الما بغباني قالت لي انا م بتفضلوني علي بيتي ودخلت امونه بقت مخلوعه انا زاتي انخلعت وغلبني البعملو قالت لي الاء انتي لسه عايشه قلت ليها الحمد لله دا بفضل ربنا لو قبض الروح بقا في يد انسان كان موتا زمان بس الحمد لله وم قلت ليها اتفضلي نهاي لاني كنت م راغباها تدخل بيتي قالت لي ماف اتفضلي ولا اتفضل الضيف الغريب وانا ست البيت م اتفضل قلت ليها الضيف اخير منك بجي بي رحمتو انت غير المواجع م جيتينا بي شي امونه قالت لي دي منو البتتفاصح دي قالت ليها البتتفاصح دي ست البيت الانتو فيهو دا وقالت لي يختي دي منو انتي متبنيه ليك ناس ولا شنو صحي غاب ابشنب ولعب ابضنب قلت ليها دي بتي صاحبت البيت دا ومالو التبني حرام ولا عيب قالت لي صحي انتي هسي اولادك ديل زي المتبنياهم عاشو من غير ابو قلت ليها عاشو من غير ابو لكن معروفين ديل اولاد منو م زي م انتي فاهمه وبعدين تعالي هنا انتي الجابك هنا شنو قالت لي انا زوجه مهند اجي في اي وقت وجيت دا بيتي ومن حقي اجي كل ثانيه امونه قالت لي امي فهميني دي منو قلت ليها دي مرت ابوك امونه طوالي قالت ليها معليش ابوي مافي ومن غير مطروده قالت ليها انتي مجنونه تطرديني من بيتي انا بطردك انتي وامك عشان م تتفاصحي امونه قالت ليها كان امي اتمسكنت ليك زمان نحنا هسي م بنتمسكن ليك وم تقدري تدخلي البيت دا لو روحك طلعت قالت ليها م تتحديني عشان اطردك انتي وامك دي هسي قالت ليها م تقدري قالت ليها انا بقدر وبثبت ليك كلامي دا وخليك متزكره كلامي دا كويس ح تتمسكني لي غصبا عنك وعن ابوك

وفاتت امونه بقت تبكي قالت لي امي ليه تسمح لي نفسها تهينا وتزلنا في بيتنا قلت ليها ي بتي دي مكشوفه حال وخليتا لي الله مسخت علي حياتي زمان وجايه تمسخ عليكم حياتكم انتو هسي بتكلم كده مهند جا داخل لقانا صارين وشنا وممحنين قال لي الاء مالك وابوك مالو قلت ليهو كويس لكن مرتك قال لي مرتي منو يا الاء قلت ليهو عفراء قال لي عفراء جات متين هنا قلت ليهو هسي طلعت وانت م مطلقها صاح عشان قالت دا بيتا تجي في اي زمن قال لي انا م مطلقها وبكره ح اودي ليها قسيمتها لانها م بتنفع معاي والله يسترنا دنيا واخره وفات

احمد جا داخل اتكلم معاهو م ردا عليهو جا داخل قال لي امي ابوي مالو الزعلو منو م تكونو حسستو بشي قلت ليهو لا والله ي ولدي بس ابوك مرتو جات وقالت بتطردنا من البيت لانها لسه ف عصمه ابوك قال لي م تقدر ي امي تطردنا وابوي رايو شنو قلت ليهو ابوك قال برسل ليها قسيمتها بكره وراي ابوك زاتو بقا م مهم طلقها ولا خلاها م بتفرق بي شي بس ي ولدي خايفه من كشف الحال المره دي م شفتوها انتو بتاعت مشاكل وم بتريحنا قال لي م تقدر قلت ليهو بتقدر دي قادره قال لي انا راجل البيت ولو جات علت صوتا م تلوم الا نفسنا نحنا زاتو م عندنا مره بتعلي صوتا وتكورك في الحله قلت ليهو سجمي مالك ومالا ي ولدي قال لي شنو مالي ومالا دايراني اسكت زيك وزي ابوي وابوي كاتباهو لكن انا م تقدر تكتبني قلت ليهو لا والله دي بتقدر انا م قنعانه منك ي ولدي مالك دايرني اتحسر عليك زي م اتحسرت علي ابوك انتو المصبرني علي الدنيا بعد ابوكم خزلني دايره افرح بي نجاحكم واعرس ليكم واشوفكم مبسوطين فرحو قلبي م دايره احزن تاني انا عفراء ضايقه مواجعها م دايره اتوجع فيكم وجع الراجل م بحرق زي م بحرقني وجع جناي الله يرضا عليك ي ولدي م تتحدا المره دي قال لي شنو م اتحداها وقل لا يصيبنا الا م كتب الله لنا وانا م بشتغل بي خرفاتكم دي وعلي بالقسم انا م اسكت ليها لو بقت ملكه ومتوجه وانا م بخاف الا من الله الخلقني عشان كده م تتعبي معاي تجي تعلي صوتا ادقها زي السلام عليكم عشان لمن تموت تاني م تعلي صوتا وعشان م تخليني أقوى راسي اكتر خلي الموضوع دا كده وم عندك شغله في رده فعلي😑 ورده فعلي البتحصل دي بتكون ناتجه من مواقف شفتها زمان وانا كنت واعي ي امي لمن ابوي جابا وشفت حياتنا كانت كيف وعفراء قلبتا كيف عشان م تزعلي مني ساي م بسكت وم ح اكون جبان والقاسمو لي الله اليحصل وكدي انا داخل اشوف جدي دا كيف جهزي الاكل النلحق ابوي والليله داير انوم بدري عندي محاضرات مهمه قلت ليهو ربنا يوفقك ي ولدي قلت لي امونه كملي شغلتك وتعالي لاحقاني النجهز الاكل ومرت ابوي دي اتاخرت ف السوق وعلاجات ابوي م جابتن بتكلم كده خالتي جات قالت الدربات الكتبن الدكتور الا الإمدادات الطبيه وهناك بالصف قلت ليها الحمد لله انك جبتيهن عشان ناكل جيعانين فجاه جاني صوت احمد اكورك جرينا عليهو كلنا ولقنا ابوي انطق في الشهاده ودقيقه م عداها اتوفي ودي كانت صدمه كبيره علي والصبرني اني شفت ابوي بنطق في الشهاده ولحظات كانن اصعب من صعبه خلاص سندي مات الكان مديني دافع للحياه

#مواجع ضره 23
#نوسه حمد

عفراء جات لقت مهند اتكلم معاي قالت ليهو عشان رجعتها تديني انا قسيمتي قلت ليها لا والله انا مهند عاشرك انتي تاني م بنفع معاي ومستحيل اقبل اني اكون ف عصمتو وقسمتي وقسمتو انقطعت وانتي لو مفتكره انو طلقك عشان ارجعني تبقي غلطانه مهند طلقك عشان عمايلك عفراء اتغاظت مني قالت لي انتي شفتي عمايل وانا البيت دا مسجل بي اسمي وخلال يومين القاك فضيتيهو قلت ليها شنو دا بيت اولادي قالت لي مسجل بي اسمي وبعد كده شوفي لي اولادك بيت قلت ليهو مهند اتكلم عفراء دي كلاما صاح مهند بقا متوتر قلت ليهو مهند م تبقا جبان رد علي انت سجلت بيت اولادك لي عفراء قال لي دي غلطه من غلطاتي قلت ليهو كل الحاصل كان غلط من الاول عرسك غلط بعادك عن اولادك غلط ماف زول سالك منو لانو دي خياراتك بس حصلت تكتب بيت اولادك ليها وعشان شنو كانت مهدداك وشايله ليك سكين قال لي انا لمن قلت ليك عمري م ح اسامح سوسن انتي م صدقتيني قلت ليهو مهند سوسن دخلها شنو قال لي دي عاميلها القصت ضهري ودمرتني قلت ليهو لا دي م دمرتك انت دمرت اولادك قبل م تدمرك انت انسان واعي وعرفت مصيرك وكل مصايبك جبتها بي يدك انا هسي اقول لي احمد وامجد وامونه شنو الحاجه الكانت مطمنناني انو عندهم بيت وحتي البيت انت كتبتو ليها عفراء قالت لي انا عاوزاك تقولي لي امونه بتك رايك شنو في التحدي بتاعي عشان تاني م تتحدوني وكانت بتتكلم بي شماته وكلمتك خلال يومين تفضو البيت عشان م ادخل فينا الشرطه واطردوكم طرده الكلاب قلت ليها علي شنو الحمد لله زاتو البقا مهند م عندو معانا شي وبيت ابوي بشيلني بس الدنيا لسه ماشه تخزل فيني وياها حالا والظلم ظلمات وبالذات الظلم الظلمتونا ليهو انا واولادي وحسبي الله ونعم الوكيل فيك ي مهند وفيك ي عفراء وطلعت كنت ببكي لاني انكسرت للمره المليون لاقتني امونه قالت لي امي مالك تبكي انا شفت مرت ابوي دخلت وجايه لاحقاك وم تكون قالت ليك كلمه قلت ليها لا لا ماف شي احمد ومجاهد جو قالت لي احمد قاعد قلت ليها ناديهو لي ونادي امجد واقفلي باب الحوش قالت لي فشنوي امي عليك الله م تلعبي بي اعصابي قلت ليها ماف شي ي بتي ناديهم وتعالي دخلت لي مرت ابوي قالت لي الويه سجمي مالك كفايه حزن ي بتي قلت ليها الحزن العشتو كوم والجاي كوم تاني ي خالتي قالت لي فشنو احمد جا داخل قال لي امي مالك فشنو قلت ليهم كدي اقعدو وقبل م اتكلم دايراكم توعدوني قالو لي فشنو يمه قلت ليهم توعدوني م تتاثرو بالظروف وتتحملو معاي العذاب وتتحملو معاي الصعاب امونه قالت لي امي صعاب اكتر من العشناها قلت ليهم اي الخبر الدايره اقولو ليكم دا براهو كوم كبير وصعبانا العشناها في السنين الفاتت كوم تاني قلت ليهم اوعدوني تتحملو معاي احمد قال لي صعاب تتحمليها انتي ي امي نحنا م بتغلبنا نتحملا نحنا كبرنا عشان نسهل ليك الصعاب الانتي عشتيها دي وانتي كل العشتي فيهو دا عشانا نحنا بي امكانك تكوني اتزوجتي بس فرغتي نفسك لي تربيتنا ومواجهه الصعاب انا اوعدك ي امي طول م انا عايش الصعاب العاوزه تحكيها دي بي اي طريقه اسهلها عليك عاينت لي امجد قلت ليهو وانت ي الغالي قال لي امي صعاب شنو الح تمر علي وانا جنبك وبشوفك وبطمئن بي شوفتك وحنانك وعطفك علينا انا ماف حاجه بتكون صعبه علي في الدنيا دي طول م انتي جنبي وبنوم وبصحا بي دعواتك غير انو افقدك وبتمني انو يومي اكون قبل يومك 💔💔💔💔💔 قلت ليهو بعد الشر عليك💕 عاينت لي امونه قلت ليها وانتي قالت لي وعد ي امي اكون ليك ام قبل بت والهم نقسمو سوا والصعب نسهلو بالدعوات وطالما حسك ف الدنيا ماف صعاب تاني بتكون في طريقي قلت ليها الله اخليك لي اصلا انا ولدت امي ونسيبتي لمن ولدتك انتي كل لحظه بتمر علي بحسك هم وبحس الدنيا م شالتهم مني والله يحفظك لي🌿❤️❤️❤️❤️

عاينت لي مرت ابوي لقيتا متمحنه قلت ليها امي فكي المحنه وانا محتاجه ليك انتي ومجاهد اخوي قالت لي انا سندك ي بت الغالي واخت الغالي قلت ليهم مهند مسجل البيت دا بي اسم عفراء وعفراء جات هسي وقالت نفضي ليها البيت م تابعت كلامي مجاهد جا داخل قال لينا مالكم فشنو ي جماعه ان شاء الله خير قلت ليهو خير ي اخوي ومالك اتاخرت قال لي عندي ترتيبات بعمل فيها وداير منكم الدعوات قلت ليهو الله يفتحا عليكم دنيا واخره قال لي الويه فشنو قلت ليهو مهند مسجل البيت بي اسم عفراء وجات قالت لي نفضيهو خلال يومين من سكات عشان م تدخل الشرطه فينا مجاهد قعد اضحك قال لي ودي حاجه بتهممكم انتي نسيتي بيت ابوك ولا م قدر المقام قلت ليهو العفوووووو بيت فيهو ريحه ابوي دا قصر وانا م زعلانه عشاني انا زعلانه عشان اولادي لانهم دا حقهم وللاسف ابوهم بي عرستو دي بعد ضيعني انا ضيع حق اولادو.

#مواجع ضره 24
#نوسه حمد

اسفه للتاخير وم ناسياكم بس بي عافيه شويه ودعواتكم 💔😭😭

لقيت احمد ولدي الف في عمتو قلت ليهو م شاء الله الليله وين ماشي قال لي ماشي مع ابوي لي عقدو قلت ليهو م شاء الله ابوك داير يعقد علي منو قال لي علي دلال بت عمو قلت ليهو دلال تستاهل والله والف مبروك ليهو
بس دلال وافقت كيف لانو بعد موت راجلها قالت م دايره راجل قال لي امي عشان اكون معاك واضح دلال انا الخطبتها لي ابوي وانا الرشحتها ليها وانتي براك عارفه ظرف ابوي ومحتاج لي زول اكون جنبو ودلال وبتها بملو عليهو البيت قلت ليهو اي والله ونحنا م دايرين نغصبك علي ابوي والحصل ليك منو م ساهل قلت ليهو اي اي شي قسمه وانا عندي انتو م دايره راجل الراجل الوحيد الكان نفسي اكمل معاهو حياتي ابوك وخزلني والحمد لله
قال لي معليش ي امي قلت ليهو لا لا عادي انا خلاص قلبي بقا م فيهو الا انتو ومستقبلكم والله احفظكم لي واشيل جناكم بي يدي قال لي امين كبيره 😍

مشيت كلمت مرت ابوي والعبره كانت خانقاني كان نفسي ابكي من جواي نفسي ارجع لمهند بس مهند ظلمني ومن ناحيه تاني لسه بغير وبالذات من دلال لانو دلال لا تخير مني بي شي بت بلد واصيله ح تشيلو في عيونها وبرضو فرحانه ليهو ح يملو عليهَو حياتَو هي وبتها وتستاهل هي الستره يتيمه من قامت والراجل العرستو مات خلاها حامل وان شاء الله مهند ابقا ليها سند لانو الدنيا من غير سند م بتتجازف انا الحمد لله لقيت ابوي ولقيت مجاهد وخالتي واولادي عاشو في جو اسري وكنا مستقريت بس عفراء جات زعزعتنا والحمد لله م ندمانه نهاي واي شي بجي طالما انا اولادي جنبي مرت ابوي قالت لي سجمي ي الويه انتي لسه دايره مهند قلت ليها خالتي انا لو عاوزاهو كان رجعت ليهو بس م عارفه قلبي وجعني ودا طبيعي لانو كان راجلي💔

بتكلم كده امونه جات من الجامعه مستعجله قلت ليها ي بت مالك قالت لي ماشه مع احمد اخوي لي عرس ابوي قلت ليها سمح استحمي واتميزي دايره تمشي كده قالت لي سمح بس جهزي لي فستان ع زوقك قلت ليها سمح والنحنس احمد انتظرك م تمشي مبهدله قالت لي سمح

طلعت ليهو لقيتو قاعد وشايل ليها عصايه اظنها طقم مع الجلابيه قعدت اضحك قلت ليهو انت العريس ولا شنو قال لي خليني النعيش الاحساس يمه قلت ليهو سمح عيشو اها ومرتك في ياتو كوفير قال لي قالت ماشه لواحده اسمها سماح تبيدي قلت ليهو ووجع😂😂😂😂😂😂😂😂 قال لي شنو ليك عليك الله😂😂😂😂😂😂😂 قلت ليهو ماف كلام قال لي لكن كلمتها قلت ليها م تفكي شعرك عشان م اسحروك لي😂😂😂😂 قعدت اضحك قلت ليهو يعنى شعرها طوال قال لي اي وعارفه ي امي تشبهك وحنينه زيك واسمها الاء زيك قلت ليهو مالا شينه قال لي والله لو بتشبهك انتي ح تكون أجمل بت ف الدنيا 😍امي انتي زمان قالو لمن تطلعي اولاد عمك كلهم بتشاكلو فيك قلت ليهو اي والله اريتني كان عرست لي واحد فيهم ما كان جدعني قال لي بس انا م كان جيت قلت ليهو اي والله واستغفر الله وبركه فيك انت يا العريس قعد اضحك قال لي اي م تنسيني اني عريس قلت ليهو اها مرتك دكتوره زيك ولا كيف قال لي اي ودفعتي قلت ليهو م شاء الله اها جبتا ليها دهب كتير ولا فضحتنا قال لي اي زي الدهب حقك الجبتو ليك قعدت اضحك قلت ليهو ان شاء الله ي احمد ولدي وخلاص هوي كفايه خيال تقوم تجن علي قال لي والله يمه الاحساس دا اظنو احلي من الحقيقه هسي انا احساسي العشتو دا اداني طاقه ايجابيه وحاسس نفسي كاني عريس قلت ليهو انت اتخرج وانا م دايره منك شي غير تتزوج قال لي ان شاء الله ووينا بتك دي بفوتا انا والله قلت ليهو م تفوتا عشان ترفعو راس ابوكم م الناس اشمتو عليهو اقولو اولادو ابوهو وطردوهو وهم م عارفين الطردنا الله يسامحها قال لي امي انسي الحصل الحمد لله نحنا مبسوطين قلت ليهو الحمد لله وكدي الندخل اسعجل ليك اختك قال لي قولي ليها اوعك تختي احمر واصفر في وشك قلت ليهو ماشين وين انتو ما من العربيه لي ناس دلال خليها قال لي وريتك بس لو جات عاملاهن م بتمش معاي قلت ليهو سمح ودخلت لقيت امونه تتمكيج قلت ليها قشي سريع قال م بتباريهو بي مكياج قالت لي ليه يمه ولدك المعقد دا قلت ليها تربيه ابوي عشان كده وم دايرين نقاش امسحيهو اعملي حاجه م ظاهره وكانت تطنطن قلت ليها بتعرسي ي بتي ومع راجلك ان شاء الله تتمكيجي الصباح الصباح هسي دايره بيهو شنو قالت لي ولو وقعت في راجل زي أحمد قلت ليها م بمنعك انا متاكده ابوك دا زمان هارش اخواتو لمن عرستو م هرشني بقول لي اخواتي م زيك كنت بزعل بقول ليهو يعني بتخاف عليهن هن وانا م بتخاف علي قال لي لا لا م كده بس انتي واثق فيك وهن خايف اكونن فتنه واقولو اخوهن م راجل وانتي متزوجه عكسهن الزمن داك قبل اتزوجن واتزوجن وتاني بقا م بسالهن وهسي اخوك خايف عليك َم بقبل اباريك كده قالت لي سمح لبست وطلعت حصنتهم وفاتو قلت لي احمد امجد م شفتو قال لي منفسن بهناك ف الديوان قلت ليهو سجمي منفسن وانت فرحان كدي مالك النمش عليهو

#مواجع ضره 25
#نوسه حمد

امونه جاتني جاريه قالت لي امي بيتنا القديم قامت فيهو النار قلت ليها سجمي والقال ليك كده منو قالت لي انتو قاعدين وين نحنا عقد ابوي م فهمنا ليهو حاجه الناس كلها جرت واتصلو علي المطافئ ولمن جو حتي قدرو طفو النار قلت ليها البيت فيهو منو كان قالت لي عفراء ومعاها بت صغيره البت سبحان الله م جاتا حاجه قدرو انقذوها بس عفراء حالتها صعبه من غير م اشعر شلت توبي وجريت وم جريت عشان اشمت فيها بس المنظر الحكتَو لي امونه بقطع القلب امونه قالت لي امي م تمشي م عندك فيها شغله قلت ليها ي بت ابوك في طريق وهي في طريق وانا في طريق ماشه ساي زياره المريض فيها اجر ومنها اشوف البقا عليها شنو وابوك براهو ولا اهلا جو قالت لي م بعرف والله ي امي انا احمد قال لي امشي البيت والناس كلهن متلمين فيها واتصلو للاسعاف قلت ليها ان شاء الله م تجيها حاجه مرت ابوي جات جاريه قالت لي صحي البتقولن فيهو دا قلت ليها هدي امونه جات من هناك وانا زاتي ماشه قالت لي النمش معاك وتعدل في توبا قلت ليها خالتي نسيتي انتي محبوسه ارجعي قالت لي الخلعه نستني اي شي امجد قال لي يمه م تمشي قلت ليهو ي ولدي هي هسي فشنو وانا والله الان جواي م بحمل ليها اي مكروه وبالعكس ماشه اعافيها واجي مشيت خليتهم في كلامن داك وم رضيانين اني امش م استغلت بيهم وصلت البيت لقيتو م بتقبال والحريق كان كبير والاسعاف جا مهند ركب فيهو وركبت معاهو لانو شكلها اهلا م جو وسبحان الله عفراء رغم قوتها بس وقت القدر استستلمت قلت ليهو مهند اتصل على اهلا قال لي كلمتهم وبقيت اسال فيهو وهي كانت متالمه وكل آهه منها بتطلع بتوجعني لاني ختيت نفسي مكانه ونهاي م شمت فيها ولا قلت دا حقي ولا في مخيلتي كده رغم انو النسوان الواقفات كلهن قالن دا حق الاء قلت ليهن انا م عندي حق عندها عفيتو لي الله والرسول والحال الفيها هي م محتاجه شماته محتاجه دعوات وان شاء الله الله يغفر ليها عفراء بقت تتكلم مع مهند قلت ليها م تهلكي نفسك بالكلام عشان م تتعبي قاالت لي دا الموت دا الاء وانا خلاص ح افارق الحياه واعفي لي انا ظلمتك وظلمت مهند وغضبتا ربنا كتير وم خوفتا فيكم الله وهدي الدنيا شالت حقها فضل لي عقاب الاخره قلت ليها عفراء لو علي انا والله عافيه ليك حقي ونهاي م زعلانه ومهند قال ليها انا عافي ليك والله وان شاء الله الله يقومك بالسلامه قالت ليهو م اظن اقوم منها وانا اللحظات دي ربنا م قبض فيهم روحي احتمال عشان اعافيكم وم عدينا دقايق وصلنا المستشفى وحالتها كانت متاخره انا زاتي حسيت انها ح تموت واهلا جو وجاطو المستشفى قالو لي مهند انت الحرقتها وانا زاتي قالو لي متفقه معاهو ونحنا ح نبلغ فيكم قلت ليهم انتو مالكم شايلين وش الكعابه اعرفو الحقيقه حتي تتهمونا نحنا وبتكم محتاجه ليكم دا م وقت مشاكل زاتو بعد تبقا كويسه لو قالت ليكم نحنا السبب بلغو فينا

ولاحظت في واحده من اخواتها كانت تبكي شديد شكلها البت الكانت مع عفراء بتها قالت لي بتي م تكون محروقه شديد انا عارفه عفراء غير المصايب م بجي من وراها شي قلت ليها بتك كويسه سبحان الله م اضررت نهاي ورغم انو البيت م فضل فيهو شي و بتك وحدا الما جاتا حاجه ربنا م رايد ليها الحريق قالت لي وينا هسي قلت ليها مع الجيران بتكون نحنا طلعنا مع الاسعاف بقينا منتظرين لي الساعه واحده صباحا ماف دكتور طمنا لغايه م ربنا شال امانتو وعفراء ماتت😭رغم العملتو فيني بس وجعتني وجع الموت م شماته ولا خلصان حق

عندها اخوها كده مجنون مسك ليك مهند من جلابيتو وطقا بيهو الحيطه انا قلت اشيل روحو في يدو بس الحمد لله فكوهو منو قال ليهو يانا ي انت في البلد دي والبيت م بتضوقَو لانو مسجل بي اسم عفراء وبي اعتبارو ورثه راجعه لينا قلت سبحان الله سمه الجشع في عيونهم انت اختك ميته َلسه م سترتها تفتش لي ورثتا مهند قال ليهو هسي ادفن اختك وتعال فتش للورثه حقتا وكان ع البيت انا م محتاج ليهو

مهند ساقني ورجعنا في الطريق قال لي الويه انا بحلم صاح قولي دا حلم قولي لي م عرست عفراء ولا هاجرت وجدعتك انتي واولادك وقولي لي م سجلت البيت بي اسم عفراء ولا عقدت علي دلال ولا بيتنا البنيناهو طوبه طوبه حرق ولا عفراء ماتت وكان ببكي قلت ليهو مهند دي الحقيقه ودا كلو حصل وللاسف دا م حلم بس انت ولا تاخد في بالك عفراء الله يرحمها ويغفر ليها انا عفيت ليها حقي وانت كمان اعفي ليها والف مبروك ي مهند دلال تستاهل بت مؤدبه وانا والله لو م مرت ابوي ف الحبس كان جيت عقدك وح امش ابارك ليها والله وربنا يسعدك ويسعدا ي مهند م تقصر منها ابقا ليها اب وام قبل زوج والغلط الحصل معاي م تكررو الدنيا م مستاهله ونصيحتي ليك ي مهند لو ربنا جمعك مع دلال وجبتا منها جنا وتكون م مقصره فيك وفي حقوقك مهما حصل م تقبل فيها كلمه حتي لو واحد من اولادك قال فيها كلمه وقفو في حدو لانو قول الناس م بكمل ولا بقيف وفي المنهم قولو بكون حسد وبكون مديك ليهو في شكل نصيحه

#مواجع ضره 26
#نوسه حمد

اول مره احمد ولدي اعلي صوتو علي وانا بقيت دمعتي في عيني قلت ليهو احمد انا امك م امونه اختك وانا لو م وثقت فيني ح تثق في منو وانا عارفني براك وشايفني وعمري م طلعت من البيت دا الا اطلعني الشديد القوي وانا لمن طلعت م حسبت لي انو ح نتاخر وح اجي مع ابوك بليل ولو عاينت للحاجات دي كلها اصلا م كان مشيت بس انا طلعتني معاهم الخلعه وانا لو بجيب ليك السمعه والكلام الشين زي م انت شلت في راسك انَو نظره المجتمع لي اني مطلقه ان شاء الله ي احمد م اعيش اكتر مما عشتا وانا حاجه بتخليك ماشي وراسك في الارض م بعملا احمد بقا اعتزر لي وانا دموعي عشره عشره كنت بين مبسوطه وبين زعلانه مبسوطه عشان شوفتا في نظره ولدي خوف علي سمعتي ومكانتي في المجتمع ودي امنيتي كانت اولادي اكبرو وكان كنت في غلط اصلحوني وم بزعل بالعكس بكون مبسوطه اني ربيتهم صاح وعرفتهم الصاح من الغلط وحتي لو سهيت م فيها حاجه لو نبهوني وزعلت عشان خايفه عليهو من عقاب ربنا وانو علا صوتو علي بس انا عافيه ليهو دا جناي البشيل همي والبقول لي ي امي 😭 والداير مصلحتي، 😭

احمد بقا ابكي وابوس فيني قلت ليهو احمد انت مفتكر انو دموعي دي دموع زعل لا والله دي دموع فرح انو ولدي بقا راجل وبقا اخاف علي عرضو ولو قلت ليك بزعل اكَون كذبت عليك انا مبسوطه انو ولدي بقا ررراجل وبقا اعلي صوتو وبقا يحكم وح اسمع كلامك م ح اكسرو ودا الوقت الانا مفترض اسمع كلامك فيهَو ولو في حاجه بتنقص رجولتك في المجتمع ملي انا م بعملا بس ي احمد انا امك وربنا قال م تعلو صوتكم علي امهاتكم ولو زعلت منك ح اكون زعلت انك م وعيت لي دينك وف نفس الوقت مبسوطه انو شيمه الرجوله فيك صاحيه والحاجه دي انا محتاجه ليها عشان عندك اختك لو غلطت م تكون بارد معاها والزمن دا زمن صعب ي ولدي وعشان عندك اخوك الاصغر منك محتاج تحكمو وتوريهو الصاح من الغلط احمد قال لي يمه اعفي لي قلت ليهو احمد انا لو كتلتني عافيه ليك قال لي يمه انا لو بالغلط سمعت زول قال فيك كلمه ممكن اكتلو واضيع نفسي قلت ليهو حقك ي ولدي وانا خلاص عرفت غلطتي وتاني المغرب دا لو اذن من عتبه الباب م بطلع وعشان ي ولدي انت تكون صاح معاي ومع اخوانك عندك اختك من حقك تفرض عليها كلامك و اي شي ووصل ليها المعلومه ما بي هرشه عشان تكرهك لا لا ي ولدي قعدا في الواطه دي ووريها كلامك دا كلو وصدقني م ح تكسر عينك واخوك لو شفتَو م ياهو قعدو في الواطه واتكلم معاهو براحه وربنا يصلح لي فيكم وم اشوف فيكم مكروه وسيرتكم تبقا في خشم الناس بالسمح وواثقه منكم قال لي ان شاء الله يمه واعفي لي قلت ليهو عافيه ليك عفوي اغطيك واحفظك واكسيك هيبه وتكون دايما ولدي وسندي البخاف علي قبل اكون حنين على قال لي امين ي والده واها طمنيني عفراء ان شاء الله م تكون اضررت شديد قلت ليهو الله يرحما ي ولدي ماتت الحريق كان صعب💔و رغم الظلم الظلمتنا ليهو بس حسيت في نظرتو انو اتاثر ودي كانت نتيجه حلوه لي انو ولدي مسامح وم بشمت في اقدار ربنا حتي لو انظلم من الزول قال لي عارفه يمه الحريق دا لمن قام بس تقولي بسم الله قلت ليهو اصلا ي ولدي النار معاها شيطان قالو قال لي ابوي بعد عقدنا ليهو نسوان الحله ضربن الكوراك وجرينا لقينا البيت دا حالتو حاله وفي بت صغيره تبكي انا شلتها وزحيتا من الحريق لمن جو ناس المطافي طفو الحريق وبعد الناس فاتو لقيتا تبكي يمه وقاعده بي ورا لي حجر مشيت سكتها قالت لي عفراء ح تدقني لاني انا الولعت النار وسكتها قالت لي كنت جيعانه مشيت جبتا لي اندومي وجيت اعملا النار قامت في القطعه بتاعت البوتجاز واظنها م مشت كلمت عفراء خايفه منها جرت الحوش وشكلو الانبوبه طرشقت وهي كانت في الحوش ربنا شاف ليها هي قلت ليهو دي بت اخت عفراء وديتا وين ي ولدي قال لي نايمه جوه قلت ليهو سجمي البت اهلا تلقاهم افتشو ليها قال لي البت خايفه يمه خليها تاخد راحتها قلت ليهو عمرا كم قال لي بتكون في تامن كده م صغيره وم كبيره قلت ليهو خلاص نخليها لمن الواطه دي تصبح نكلم مهند اتصل علي اهلا عشان امها شفقانه عليها وسبحان الله ي ولدي امها دي التقول م اخت عفراء قالت لي عفراء اصلو م بجي منها خير لمن انا طمنتتها عليها لانو امونه كلمتني قالت لي البت م جاتا حاجه وي ولدي عفراء عندها اخو كان يكتل ابوك بس الله ستر قال لي الله اكفينا شرهم وي امي البيت حقنا القديم لو م لقينا محل نرقد فيها نحنا م دايرنو خلينا عايشين هنا وبالمناسبه يمه مجاهد رسل لي قروش وقال نكسر البيت ونبني شقتين واحده ليهو وواحده لينا قلت ليهو ي حليلو اخوي والله ياهكم انت وهو سندي والله احفظكم لي وتكبر وافرح بيك قال لي هانت يمه كلها سنه واتخارج من البلد دي قلت ليهو سجمي مارق وين مخليني قال لي مارق عشان احقق ليك احلامك واحقق احلامي واحلام اخواني انتي بس ادعي لي قلت ليهو ان شاء الله ي ولدي قال لي الوقت اتاخر ادخلي نومي انا بكره الصباح ماشي لي عمتي سوسن قالو تعبانه قلت

#مواجع ضره 27
#نوسه حمد

سوسن بقت حالتها متاخره وكانت حاسه بالذنب اتجاهي عشان كده كتبت اي شي لاحمد ولدي وانا اصلا كنت م زعلانه لانو في النهايه دي اقدار ربنا

مرت الشهور والسنين ومهند اتزوج دلال وشكلو كان مبسوط معاها وولدت بنوته وسموها الاء

احمد ولدي اتخرج و ناوي اسافر برا بعد امتحن وامونه في نهايه اخر سمستر وامجد ولدي دخل هندسه نفط وحقق رغبتو وكان فرق من اخوانو بحس انو م زيهم في تعاملو لانو كانت فاقد حنان الاب لانو ابوهو جدعو وهو صغير وكنت م برضا فيهو احمد بقول لي تمجد راجل م تدلعيهو كنت بقول ليهو غصبا عني

مجاهد اخوي منتظر احمد اسافر واكون نفسو عشان اتزوجو سوا

ودلال كانت اكتر من اخت لي وبتها كانت عندها معزه خاصه ليها جوه قلبي وكنت قريبه ليها شديد بس مرات مشاعري بتنقلب لي غيره اتجاها وكنت بتحكم في نفسي لكن من جواي بغلي غليان من الغيره وحاسه نفسي م قادره انسا مهند وكنت م قادره اوجهه اي زول بالموضوع دا غير مرت ابوي لمن كلمتها قالت لي سجمي ي الاء مهند دا بحياه ابوك كان احنس فيك تحانيس عشان ترجعي ليهو وانتي كنتي عامله نفسك فيها قويه ومناضله وبتقولي عايشه عشان اولادي الجدا شنو بعد مهند استقرا مع مرتو حلا ليك و ي بتي انتي ضايقه الضر حار خلي البت اليتيمه دي تعيش حياتا مبسوطه م تبقي ليها ضره قلت ليها خالتي ضره لي ضره بتفرق وانا لو رجعت لمهند دلال دي بعتبرها زي اختي وم ح اشتغل معاها شغل ضر ومواجع زي م عملت معاي المرحومه وم اكذب عليك انا عاوزه ارجع لي مهند كان ترضي كان تابي

مرت ابوي انخلعت قامت قفلت الباب وجاتني قالت لي الاء سجمي انتي جنيتي دايره الناس اقولو عليك شنو اقولو بعد شافت مهند مستقر قالت دايراهو بقولو جنيتي قلت ليها احسن اقولو مجنونه ي خالتي من بعدين اجن حقيقه اولادي كل واحد بشوف حياتو وح يتزوجو اخلوني انا اتلفت خالتي قالت لي الاء انتي قايله روحك عمرك ١٠ سنه انتي عمرك كم و٤٠ قلت ليها الحب م داير عمر قالت لي سجمي حب شنو ي الاء اصلو انتي م شديده قلت ليها خالتي انا اشد منك ودا اخر قرار عندي قالت لي الويه استهدي بالله هسي ح تقولي لي اولادك شنو وغير دا كلو ح تقولي لمهند شنو قلت ليها لو على اولادي مهند دا ابوهم م دايره اعرس لي راجل غريب ولو علي مهند طوالي قاعد المح لي انو داير يرجع لي بس انا كنت شايله موضوعو من راسي قال لي سمح الجدا شنو قلت ليها الجدا الحياه دي صعبه من غير سند وراجل ماليها طعم قالت لي بري سجمي ي الاء يمين م شديده قلت ليها خالتي انا اشد منك والله وبعدين تعالي هنا مالك محسساني اني ح اتزوج عرفي مهند دا ابو اولادي وانتي قبل اليوم كنتي تحنسي فيني عشان ارجع ليهو هسي مالك شنفتي لي الموضوع قالت لي زمان مهند كان على روحو كان رجعتي ليهو زمان ما فيها حاجه بس هسي دلال تقول عليك شنو قلت ليها خالتي مهند كان راجلي قبل م يبقا راجل دلال وانا متاكده دلال م ح تقول حاجه انتي بس خلي الموضوع كده قالت لي انا مالي تاعبه روحي خليتك ي الاء قلت ليها اي خليني علي فهمي ومشيت منها طلعت اشرب في الزير برا سمعت صوت مهند بسلم علينا انا صلحت توبي وقلبي قعد ادق احساسي اتجاهو زي اول مره حبيتو فيها قال ازيك يا الغاليه ان شاء الله كويسه قلت ليهو بخجل ولهفه وشوق حباب الغالي احساسي اتجاهو احساس حب قال لي متين ترضي علي وتوافقي نرجع انا غلبني ارد والمره دي م زي كل مره دنقرت راسي بخجل وابتسمت ابتسامه رضا قلت ليهو اتفضل لي جوه قال لي بتفضل لكن طمني قلبي وقولي لي ح نرجع لانو انا املي ف الدنيا انو تاني تكوني زوجتي ورغم انو ي الاء اتزوجت مرتين بس م لقيت في ادبك واخلاقك وحيائك ولا لاقتني واحده بتقدس الحياه الزوجيه زيك وبتحترم الراجل نفسي ادخل البيت اشوف بسمتك واردها بكلمه حلوه وم تكون بينا قيود ليه تحرمي نفسك وتحرميني من حبك والدنيا لسه قدامنا وانتي صغيره م تدمري نفسك وانا الحمد لله وضعي كويس ح اشتري ليك بيت انتي واولادك ودلال بتكون في بيتا غلطتي المره الفاتت م ح تتكرر وانتي ودلال بنات اصول وح تعيشن في سعاده وانا قلبي مايل ليك فرحي قلبي ي الاء وقولي لي خلاص موافقه قلت ليهو بخجل الفيهو خير يعملو ربنا مهند م صدق ومن غير م اشعر مسكني من يدي وباسني في راسي قال لي بحبك ي غاليه وم فتحت عيوني سمح لقيت احمد ولدي وامونه في وشي......... يتبع

اها ي جماعه رايكم شنو اقلب الطاوله عليهم وافرقهم واخليهم م يرجعو لبعض ولا اخليهم يرجعو لبعض وم تقولو لي م ترجع ليهو عشان هو اهانا وزلاها لانو الحب م فيهو كرامه ولا فيهو اهانه وزله لانو الزول البتحبو مهما قسا عليك بترجع وتغفر ليهو كل أخطأو والفتره الافترقو فيها دي كافيه جدا لي انهم اكونو اتعلمو درس وبالذات مهند يلا اكتبو لي رايكم في الكومنتات

#مواجع ضره 28
#نوسه حمد

مهند قال لي بحبك ي غاليه ومهما العمر اتقدم انا ريدتي ليك م ح تقل ورغم بعادك بس لسه بحبك وحبك ماشي ازيد وانا بقيت مخلوعه ومنططه عيوني والكلام دا م عدا الثواني واحمد وأمنه مخلوعين شديد ومهند م كان شايفهم بس حسا بي تركيزي كلو وراهو اتلفت ولقا امونه واحمد وزاتو غلبو البعملو وحسا انهم سمعوهو م نطق بي اي شي داير امش احمد قال ليهو اتفصل ي ابوي ادخل جوه وامونه شكلها زعلت شديد انا اتمنيت الارض تنشق وتبلعني وبقيت اتحسر واتندم واقول ي ريتني م طلعت برا من اساسو وقلبي ادق كانو عامله لي جريمه احساس لمن كنت فتاه م جاني احمد قال لي يمه اعملي لينا قهوه مشيت باخر نفس عملت القهوه ووديتا ليهم لقيت مهند مدنقر في الواطه واحمد سرحان ف اللحظه ديك حسيت احمد ابوي م ولدي لانو الرعب الدخل فيني انا ومهند نهاي م رعب والد اتجاه ولدو دخلت القهوه وم عاينت لاحمد في عيونو كنت خجلانه شديد ومشيت الغرفه قلت لي مرت ابوي امونه جات هنا قالت لي بري يمين بتك دي م شديده بتكلم معاها خشما م فتحتو معاي وجايه من بره زهجانه انا سكتا م قلت ليها شي قالت لي انا ماشه علي بنات خالتي ديل دايره اشوف لي بت لمجاهد وانا سرحانه م ركزت معاها وهي تلبس في توبا وتعاين لي وقت قلبها قالت لي الويه مالك انتي وبتك بقيتن تطانشن كلامي فشنو قلت ليها بزهج ماف شي شكلها زعلت قالت لي معليش انا غلطانه دايره تمرق ناديتا وحكيت ليها الحصل هي زاتا بقت مصدومه قالت لي ي الاء م استخرتي انتي ومهند هسي اولادك اقولو شنو لو دايراهو م كان ترفضي لمن جاك قلت ليها خالتي م تعيدي لي الماضي انا وريتك وجهه نظري والفيهو خير يعملو ربنا وسكتا منها سمعت صوت امجد جا قال لي دعواتك ي والده عندي امتحانات قلت ليهو ان شاء الله ربنا يوفقك ي ولدي قال لي بالمناسبه تلفوناتكم مالا مقفله مجاهد اشيل واتصل قال وسالني منكم قلت ليهو الشبكه بس بنتكلم كده مهند واحمد جو داخلين امجد سلم على ابوهو وكان طالع احمد قال ليهو نادي امونه وتعال انا قلبي بقا ادق والخجل داير اكتلني خالتي بقت متجمده وانا كذالك امجد نادا امونه وجا

احمد قال لي يمه ابوي دا داير يرجع ليك رايك شنو امجد وامونه دايرين يردو احمد قال ليهم ماف زول طلب رايكم انا داير اسمع كلام امي اول وانتو تحترمو رايا زي م هي قاعده تحترم رايكم وانتو اولادا والداير يخالف راي امي لا اخوي لا بعرفو انا غلبني ارد احمد قال لي يمه ردي ضروري موافقه بقيت سرحانه انا قلت دي فرصتي ولو قلت م موافقه تاني م عندي حجه ارجع بيها لمهند واحسن ارد قلت ليهو اي موافقه امجد وامونه شكلهم زعلانين شديد وامجد دموعو جرت لانَو اكتر واحد انظلم من ابوهو قلت ليهو امجد لو م دايرني ارجع ليهو انا م برجع بس م دايره اشوف دموعك م ردا علي امونه قالت لي يمه بعد الحصل دايره ترجعي ليهو قلت ليها الحصل كلو خير ي بتي احمد قال ليهم كلامي واضح ما تخالفو راي امي مهند قال ليهو لا ي ولدي انا دايرهم اتكلموا واعبرو عن الجواهم وبالذات امجد وقعد جنبو قال ليهو انا لو قصرت في حق زول ح تكون انت ي ولدي لاني م ضميتك علي وانت صغير وبتمني الدنيا تديني فرصه وتشبع مني ورجوعي لي امك انت الوحيد المحتاجو ي ولدي قال ليهو موافق ي ابوي امونه زاتا قالت ليهو موافقه تلفون احمد ضرب وكان صاحبو شغال ف المستشفى الفيها سوسن وقال ليهو عمتك اتوفت ونحنا كلنا جرينا المستشفى وفعلا سوسن اتوفت وبكينا عليها من جوه لانو المرض هدا حيلا وحالتها كانت اخير منها الموت وعملو الفراش في بيت مهند ودلال شكلو مهند كلمها بقت معاي م زي زمان ودا الكنت خايفه منو ودا احساس طبيعي ماف مرا بترضا الضر كلمت مهند قال لي لا م تركزي معاها وانا شهر وبعقد عليك

مرت الايام والشهور ومهند رجع لي وكان بجينا يوم واليوم التاني بمش لي دلال والمره دي حسيتو عادل بيناتنا في كل شي لي درجه انو لو جاب ليها ملعقه بجيب لي انا وامجد كان مبسوط بي ابوهو وكان متعلق بيهو لدرجه انو يومو البكون فيهو هناك بلحقو وبجيب معاهو اختو الصغيره وكانو بريدوها شديد وانا ودلال بقينا اكتر من اخوان مهند لو جاب ليها توب بجيب لي زيو نفس الشكل واللون وكنا متفقين لدرجه حيرت كل الناس

امونه بتي خلصت جامعه وخطبها واحد من اولا.د ام درمان وعملنا الخطوبه وكانت مبسوطه وجاها سعدا م بقل عنها في شي ادب واحترام♥️♥️♥️♥️♥️

واحمد ولدي سافر السعوديه قال سنه وح يجي ينزوج هو ومجاهد 😍😍😍😍

ومجاهد خطبنا ليهو بت خالتو بت شهاده عربيه ودكتوره♥️♥️♥️💕💕

وامجد لسه م كمل جامعه وكان مجتهد وابوهو ساعدو شديد لانو كان قاري هندسه زيو🌹

#مواجع ضره 29
#نوسه حمد

الدكتور زميل احمد ولدي قال لي مبروك انتي حامل انا انخلعت ومرت ابوي زاتا انخلعت بقيت خجلانه من زميل احمد وبقيت سرحانه ي ربي احمد لو صاحبو دا قال ليهو امك حامل رده فعلو ح تكون شنو ولا امجد وامونه العرسها قريب ح تخجل قدام راجلها وبقيت افكر اعمل شنو الدكتور قال لي تعملي لي موجات وتشيليهن عشان تمشي لاخصائي وبدا اسال فيني قال لي اصغر ولد عندك عمرو كم قلت ليهو ف الجامعه الدكتور انخلع قال لي وتاني م حصل حمل صاح؟ ولا كنتي بتستخدمي مانع؟ اتا بقيت ساكته ولا برد ارد اقول شنو حسيت نفسي بايخه مرت ابوي حسيت بي انحرجتا قالت ليهو خلاص نحنا بنمش لي اخصائي بتتتكلم معاهو كده احمد شكلَو اتصل عليهو وشكلو بسال مني اشرت ليهو بي يدي عشان م اقول ليهو امك حامل فهمني قاصده شنو قال ليهو ملاريا واديتا العلاج وفاتت وقفل الخط قلت ليهو معليش ي ولدي بس ممكن م تقول لي احمد امك حامل قال لي مافيها شي ي خاله قلت ليهو اي بس م تقول ليهو احمد في غربه قال لي ان شاء الله بس لارم انتي تقابلي اخصائي عشان اول شي طولتي من الولاده وتاني شي عمرك كبير انا كلمه عمرك كبير نزلت علي زي الصاقعه ياها نظره الناس بعد اعرفو حملي 😭😭😭 قلت ليهو ان شاء الله ي ولدي ومشينا اول م طلعنا مرت ابوي استلمتني قالت فضيحه السواد يا الاء هسي اولادك اقولو شنو قلت ليها خالتي عليك الله م تزيدي العلي وبعدين انا اعمل شنو دي قسمه دايراني اطلعو قالت لي لا لا م كده استغفر الله بس عشان اولادك قلت ليها اها ويعني انا اعمل شنو م بي يدي وبقت شغاله لي الطريق كلو نقه وتتحسر وتولول قلت ليها خالتي البسمع اوب علي وكر علي اقول حامل بالحرام قالت لي ماف فرق الاتنين خجله في المجتمع قلت ليهو لا والله انا حامل بالحلال ودي قسمه وبعدين تعالي هنا انتي هسي م عرستي كبيره وولدتي مجاهد اخوي دا كبيره م صغيره انا هسي عمري اصغر منك لمن ولدتي مجاهد اخوي في زول قال لي عيب وخجله ما كنا فرحانين ليك وطايرين من الفرحه في زول حسسك انو عمرك كبير ولا في فرق قالت لي اي في فرق انا م كان عندي ولد كبير ولا بت عرسها قريب والناس فرحو لي

انتي الناس لو عرفو بشغلوها لي اولادك قلت ليها خالتي انا م خجلانه ولا بخجل وم ح اكلم الناس بي حملي م عشان هو عيب لانو لا عيب لا حرام بس عشان م اعقدو لي اولادي وانتي الكلام دا ادفني هنا كانك م سمعتي قالت لي انتي هبله الحمل م داير ليهو دس بكره كرشتك تظهر قلت ليها بكره ربك يهونا ووصلنا البيت لقيت امونه قلقانه علي قالت لي فشنو انا لمن لقيت البيت مقفل انخلعت لمن احمد اخوي كلمني قلت ليها ماف شي بس عندي ملاريا قالت لي الف سلامه ليك قلت ليها ابوك جا قالت لي لا لا ابوي الليله م بجينا قلت ليها سمح سوي لي نشا دافيه ولا زبادي بي طماطم قالت لي سمح مشيت دخلت بيتي مرت ابوي قالت لي زبادي بي طماطم وتقولي لي ماف زول بعرف حملي قلت ليها انتي عشان عارفاهو بتشوفي الناس كلها لو قلت اي كلمه ح يعرفو عشان كده من هسي شيلي الكلام دا من راسك قالت لي اها مهند ح تكلمي قلت ليها اكيد مرت ابوي طلعت مني اتصلت على مهند قلت ليهو انت وين قال لي ف الشغل مالو صوتك تعبان كده قلت ليهو بعد تجي بكلمك قال لي بجيكم بكره قلت ليهو لا تجي الليله دايراك في موضوع ضروري قال لي الليله م يومك وانتي عارفاني انا في العدل م بلعب قلت ليهو مهند عدل شنو انا عيانه وفي مصيبه دايره اتناقش معاك فيها م قلت ليك تعال بيت معانا قال لي طيب بخلص بدري قبل مواعيدي وبجيك قلت ليهو طيب امونه قالت لي دا منو قلت ليها ابوك بسال مني قالت لي يمه بالمناسبه احتمال اكون عرسي قريب قلت ليها ان شاء الله ربنا اتم علي خير قالت لي يمه احمد كلمك قلت ليها بشنو قالت لي لقا ليهو عروس قلت ليها قبيل الصباح قبل امش الدكتور قال لي عاوزك في موضوع

قالت لي العروس مفاجأه انا م بتكلم لمن اكلمك هو قلت ليها منو العروس بعرفا انا😳 قالت لي م عارفه ح تتزكريها ولا لا بس انا م ح اتكلم الا اقول هو قلت ليها خلاص م تحرقي روحي كان م دايره توريني انا م بحب شحتفه الروح دي قالت لي يمه انتي ح توافقي قلت ليها اوافق ع شنو قالت لي ع العاوز يتزوجها احمد قلت ليها لمن اعرفا اول قالت لي لو اهلا قبلي كده عندك معاهم نقاشات ح توافقي قلت ليها والله انا من الله خلقني م عندي حقد مع زول عشان كده لو علي كلامك دا انا ح اوافق م ح ارفض بت اختارا ولدي واحمد ولدي واثقه منو قلت ليها كدي خليك من دا كلو كدي قومي اعملي لينا الاكل قالت لي يمه انا م بعرف قلت ليها م داير عرفه ولازم تتعلمي من هسي وريتك وفهمتك بخلي مرت ابوي تعلمك عشان م راجلك اقول ادوني مرا م بتعرف قالت لي ح اقطع البصل يعني قلت ليها اي تقطعي البصل وتعوسي كمان عشان ابوك بحب الكسره قالت لي لا لا يمه قلت ليها ولا كلمه زمني دا كلو انا شغاله وبقول انتي عندك جامعه م بخليك تعملي شي بس من الان ولي لمن تعرسي ح تمسكي

#مواجع ضره 30
#نوسه حمد

احمد قال لي يمه انا دايرك انتي وابوي في موضوع قلت ليهو ان شاء الله خير قال لي يمه انا لقيت العروس ولو م شلت موافقتك م بطلب يدها قلت ليهو ان شاء الله ي ولدي اها منو العروس قال لي بتعرفيها انتي وابوي بس م عارف هل الماضي ح اكون مأثر عليكم ولا نسيتوهو واتصالحتو مع الواقع 😢

قلت ليهو م تشحتف روحي انت واختك قولو لي العروس دي منو عشان انا م عندي اخلاق احمد قال لي يمه قولي بسم الله مالك هسي زهجتي كده قلت ليهو م زهجت بس انت واختك شحتفتو روحي شغل المسلسلات الهنديه دا م بحبو قال لي معليش يمه قلت ليهو العفوووووو اها قول ولا اجيك هناك ف السعوديه قال لي ي ريت ياخ اشتقت ليك والله قلت ليهو واي انا قول العروس 😏قال لي يمه تتزكري بت اخت عفراء الكانت معاها يوم الحريق قلت اي بتزكرها البت الجبيتها انت لمن نحنا مشينا مع عفراء قال لي بس ياها دي الانا عاوزه قلت ليهو شنو شنو شنو قال لي عاوز اتزوجها رايك شنو قلت ليهو عارف راي افتكر م محتاح اقول ليك قال لي يعني م موافقه قلت ليهو اي م موافقه وثم ثانيا دا الربيتك ليهو بت صغيره وجاهله كانت لمن حصل الحريقت تحبها وتعشمها لي ي ولدي قال لي يمه انتي اساليني حتى تتهميني قلت ليهو اتهم ليك شنو البت انت الجبتها وكانت واعيه ف سنه تامن بتعرف الحب والارتباط قال لي يمه م تظلميها البت م عندها ذنب قلت ليهو احسن اظلمها هسي من اظلمها بعدين قال لي شكرا يمه وانا زعلت واديت ابوهو التلفون ابوهو اكعب مني من عرف انو ح يتزوج بت اخت عفراء وبقا جايط واكورك معاهو ما ادا احمد زاتو فرصه يرد عليهو عشان ضايق نسبهم قال ليهو لو اتزوجتها لا ولدي لا بعرفك وقفل الخط 💔

قلت ليهو مهند كدي م تنفعل قال لي بنفعل انتي دايراني اوقع ولدي ف النار قلت ليهو م قلت ليك وقعَو وانا زاتي م موافقه بس م تكورك وتجيب لي نفسك سكري
. ومهند كان محروق وبقا زول تاني م ياهو مهند قال لي شوفي ي الاء ولدك دا اشيل فكره البت دي من راسو ولو علي الزواج انا حاجز ليهو بت دلال بت ممتازه ويتيمه وست بيت انا تاني نسب م سمح م بقع فيهو كفايه الجاني من المرحومه للان العملتو فيني م طلع وقولي لي احمد قال ليك ابوك لو فعلا دايرني اكون معاك وامش معاك العقد جنس ناس عفراء دا اختاهو لي نسوان م عندهن مسؤولية والراجل عندهن م مقيم وعباره عن صراف الي ليه احمد ادمر روحو زيي انا والله م اكذب عليك في اولادي وبناتي ديل م داير لي راجل ولا قروش ولا داير بت سمحه لي اولادي داير لي نسب لانو النسب اهم من الزواج زاتو بت م تحترم الراجل دي م بتتفع معاي وولد م عندو كلمه وشخصيه دا م بنفع معاي انا داير لي اولادي السعاده وانا جربت الاتنين الابوها راجل وبت الاصول زيك انتي وجربتا الطماعه والاهلا طماعين زي المرحومه وم بنسا الاهانه القدمتا لي ولا بنسا انو انا كنت ملك متوج بغلطه مني عرست لي واحده ملقوطه لا لميت فيك لا عشت معاها سعيد عشان كده غلطي م بتكرر ولو قامت الساعه انا م بوافق ياخ اخو عفراء قبل م يستر اختو همو في البيت الكتبتو ليها انا ع الاقل كان اخجل وامش ادفنا وارفع فراشو واجي يشوف حقها ولا انتي نسيتي قلت ليهو م نسيت بس هسي انت م تنحرق كده قال لي بنحرق ودا ولدي ي الاء الوقف جنبي لمن جيت يدا ورا ويد قدام دا السندي رغم انو عاش من غير سند احمد ولدي استاهل بت تصونو موش بت تحنضل عليهو حياتو ودا اخر كلامي وانا ماشي ووريهو البت الخطبتها ليهو انا وخلي يشيل فكره البت دي من راسو قلت ليهو ان شاء الله وانتي ي الاء خلي بالك من نفسك ومن الفي بطنك وم تقولي عمري كبير والحمل خجله بالنسبه لي انا راجلك عاجبني وفرحان وولدي الف بطنك دا لو جاتو حاجه بموت قلت ليهو بعد الشر عليك ي غالي ان شاء الله تشيلو وتربيهو قال لي عارفه ي الويه انل فرحان بي حملك ليه عشان اولادي المنك حرمتهم مني والف بطنك دا داير اشيلو في عيوني اسندو ويسندني ويونسنا بعد اولادك اتزوجو قلت ليهو والله ي مهند انا من جهه م دايراهو وكل م اتزكر اولادي ح يتزوجو ويمشو يخلوني بفرح بالفي بطني قال لي اي افرحي حبيبتي دا الحا يونسنا ويملا علينا البيت امونه جات داخله قالت ليهو دا منو البونسكم ويملا عليكم البيت انا قعدت اتمتم عارفه مهند خشمو هشه رديت ليها قلت ليها امجد اخوك عشان انتي ح تتزوجي. واحمد زاتو ابوها استاذن وطلع قالت ليهو بكره م تتاخر قال ليها اتاخر كيف وانتي ح تطبخي لي انا بجي طاير طيران ويلا م اوصيك ع امك اطبخي ليها وم تخليها تنزل من الدرج كتير عشان الح..... م تابع كلمتو قلت ليهو هي ملاريا م رطوبه ي مهند واحسن تمش بعد كده قعد اضحك وفات امونه قالت لي يمه لي احرجتو احمد وهو عاوز البت قلت ليها انتي يعني موافقه بيها بعد العملتو معانا عفراء خالتا واحمد ولدي زعلانه منو عشان البت صغيره كيف اتواصل معاها قالت لي يمه انتي فاهمه غلط النحكي ليك انا البت دي م كانت بتعرف احمد انو ولد مهند وللان م عارفه ولا هو بعرف انها بت اخت

عفراء وكان في صفحتها ف الفيس وكان معجب بي شخصيتا وهي طبييه زيو المهم اتعرفو وبقا أصدقاء واحمد طوالي كات بحكي لي بيها اسمها متاب لغايه م فكر انو يرتبط بيها وقال ليها انا م عندي لف ودوران انا زول عرس ولمن حكت ليهو بي اهلا اكتشف انو دي البت الكانت مع عفراء وهو من خلال كلامي قال لي من يوم رسلت لي صورتا حسيت كاني بعرفها وهي زاتا بس م كنا متخيلين انو هم فعلا بعرفو بعض ف الحقيقه يعني دا م احساس وبس والمناسبه جابت مناسبه حريق عفراء وحكت ليهو بيها وانها ظلمت زوجها وشالت حق اولادو واحمد قال لي نهاي م قلت ليها ديل نحنا وح تتفاجأ بس لو خطبناها قلت ليها البت دي وامها من انا شفتهم حسيت انهم فرق من عفراء ومدام القصه كده انا م عندي مشكله كنت مفتكره اتعرفت عليهو من لحظه لقاها داك لانها كانت واعيه وبتعرف قالت لي يمه كانت صغيره وم واعيه وغير. كده كانت خايفه ترجف م ركزت معانا وشده م كانت خايفه وبترحف صلت وهي م عليها صلاه

قلت ليها كدي اديني احمد انصلت لي عليهو قلت ليهو اعفي لي انا فهمت غلط قال لي يمه انتي وابوي اديتوني فرصه عشان افهمكم ابوي طوالي ختا انها ح تكون زي عفراء قلت ليهو عشان ابوك مجرب نسبهم م تزعل منوو احمد قال لي يمه االناس م واحد والإخوان م واحد هسي شوفي عماتي كانو كيف وعمتي سوسن الله ارحمها كانت كيف كل زول طبعو بختلف من التاني يعني الاخوان م بشبهو بعض في الصفات ودي حاجه انتي شفتيها في حياتك دي صاح ولا ما صاح قلت ليهو صاح ي ولدي وربنا اكملك بي عقلك قال لي يمه البت دي ابوها بطحاني والله بالف راجل يعني دا م نسب ناس عفراء وانا ابوها سالت منو ناس معاي هنا ف السعوديه الناس دي كلها تحلف بيهو عشان م تظلمو البت ساي البت مربيه والله وانا ولد يمه بعرف كل البنات والجواهم والبت دي عمله نادره ف الزمن دا قلت ليهو ان شاء الله تكون من نصيبك ي ولدي قال لي يمه تتزكري لمن كنت ماشي العقد وقعدنا نحلم انا وانتي قلت ليهو انا بنسا هو قال لي بس البت الرسمت صورتها وقلت ليك تشبهك ياها دي ي امي ولو فعلا بتحبيني ودايره مصلحتي وافقي نفسي احقق كل الحلمنا بيهو اليوم دا قلت ليهو انا موافقه وابوك خلي علي بس المشكله ابوك قال داير اخطب ليك بت دلال وقال يتيمه وبت ناس قال لي يمه انا محلفني م اتكلم بس انا ح اتكلم بت دلال دايرها امجد قلت ليهو جد لي ي يمه انت جادي وقولتا ليهو كلامي دا بي فرح قال لي يمه بزعل والله تفرحي لي امجد وانا لمن اقول ليك داير البت الفلانيه تزعلي وتكوركي قلت ليهو والله الاتنين فرحانه ليكم بس تعالو هنا انتو ليه م بتحكو لي قال لي يمه نحنا بنخجل منك م بنقول ليك نحنا بنحب فلانه وغيرا لانو انتي م ح ترضي وح تقولي لينا عندكم اخت ف البيت م تحبو بنات الناس بس نحنا هسي بي عين قويه قلنا ليك ودايرين نتزَوج م دايرين لعب.... يتبع

يلا بما انكم مركزين شديد وعرفتو خطيبه احمد قبل اكتب ليكم عاوزه الكومنتات تكون عن اهداف الروايه القدرتو تفهموها لانو الروايه دي الوحيده الزكرت فيها كميه من الاهداف وانا اهم شي عندي ملخص الروايه في الاهداف✋ ♥️♥️

#مواجع ضره

قربت للنهايه

#مواجع ضره 31
#نوسه حمد

امجد ولدي جا داخل وسلم على قال لي يمه مالك ان شاء الله خير قلت ليهو عندي ملاريا قال لي الف سلامه ليك وم تشوفي شر ان شاء الله قلت ليهو اها انت كيف امورك الخاصه والعامه قال لي مع جري نهايه السنه دي داير اتخرج واشتغل وكده اكون حققت حلمي الحلمت بيهو وابوي قال لي كلم زميلو ح انزل معاهم تدريب وان شاء الله بعد اتخرج اعينوني قلت ليهو ان شاء الله عشان تعرس ولا م داير قعد اضحك قال لي في زول بقول م داير العرس ان شاء الله الله يهون لي قلت ليهو اهم شي تلقا بت الحلال ولا لقيتا قال لي ان شاء الله عيدتا ليهو الكلام تاني قال لي يمه فشنو من قبيل شغاله تلاميح قلت ليهو الفي انت عارفو وانا عارفاهو قال لي شنو هو قلت ليهو العروس قال لي دا احمد صاح الاصبر لي قلت ليهو لا والله احمد م قال لي الا لمن ابوك قال داير يخطبها ليهو قال لي بخلعه واحمد قال شنو قلت ليهو احمد قال لي يمه اكون معاك واضح البت دي دايرها امجد اخوي وانا فرحت ي ولدي قال لي والله يمه انا منتظر بس اتخرج واشتغل وامش اخطبها قلت ليهو تتخرج ليه ناولني توبي دا وارح قال لي لا لا يمه هسي دا م وقتو قلت ليهو لا وقتو عشان ابوك م امش اقول لي دلال دايرها لي احمد واحمد قال غير بت اخت عفراء م داير قال لي اها وافقتو قلت ليهو انا موافقه غايتو بس ابوك لسه وقال احمد الا اتزوج بت دلال ونحنا نمش نفاجئهم قال لي ارح م عندي مشكله قلت ليهو نادي مرت ابوي تمش معانا امونه قالت لي وانا زاتي ماشه قلت ليهم ارح وانا كنت تعبانه وراسي لافي بس فرحانه لامجد مرت ابوي جات ومشينا لقيناهم اشربو في الشاي سلمنا عليهم ورحبو بينا وم شاء الله دلال منظمه ومرتبه لا تخير عني بشي وبتها كانت قاعده لمن شافت معانا امجد دخلت لبست ليها توب وجات والمره دي انا تركيزي معاها هي وبس اشيل واعاين ليها في وشها واتابع فيها بالنظرات بت م شاء الله لا طويله لا قصيره صحتها سمحه ولونا ابيض عيونا بنيه وايه من الجمال دلال رحبت بينا وضيفتنا قلت ليها الليله جينا نناسبك ي دلال مهند قال لي احمد وافق وشال فكره البت ديك من راسو قلت ليهو لا بت دلال دايرها امجد ولدي قال لي والله م شاء الله استاهل امجد ولدي بس شوفو راي دلال قالت لينا والله انا م عندي مشكله الف مبروك بس خلوني اكلم اعماما قلنا ليها اصلو م شفقانين نخطبها واول م امجد اتخرج اتزوجو ولو هي عاوزه تكمل دراستها م عندها مشكله قالت لينا ان شاء الله ربنا يهون ليهم ويسعدهم وامجد ولدي مافيهو كلمه بقا لي ولد م مقصر معاي قلت ليها ولدك والله م مشحود عليك مهند قال لي والمجنون داك اتكلمتي معاهو قلت ليهو اتكلمت معاهو بس انت ي مهند م تحكم علي البت دي بي خالتا عفراء قال لي خليها خالتا عفراء شفتي خالا داير ادقنا لمن مشينا معاها المستشفى قلت ليهو برضو دا م سبب بخليك ترفض قال لي هوي ي الاء كفايه انا زمان اندفنت بالحياه وانحرمت منك ومنو هو زاتو الداير اناسبهم دا انا م بدفن ولدي بالحياه قلت ليهو اي م ناكره الحصل بس دايره ازكرك حاجه بسيطه سبب الحصل ليك دا كلووو من البدايه كان سببو منو موش اختك سوسن الله يرحمها بت امك وابوك صاح ولا غلط قال لي صاح قلت ليهو انت وسوسن واحد؟ ولا في فرق قال لي م واحد قلت ليهو موش ربتكم امكم قال لي اي قلت ليهو يلا زول لي زول بختلف حتي لو كان ود امك وابوك والربوك هم الربوهو في ناس بتلهيهم الدنيا وبنسو اي مبدا اتربو عليهو وديل بكونو امعه في المجتمع زي سوسن اختك بارت عفراء في الغلط والصاح وفي نفس الوقت انت اخوها وأخواتها صاحبين مبدا م زيها بتمشو ورا الصاح والغلط بتقيفو في وشو وسوسن م الغلط في تربيتا لانو الربتك هي الربتا بس الناس بتختلف عن بعض في اي شي ودا اكبر دليل انا ضربت ليك بيهو المثل قال لي فعلا كلامك عين العقل وطيب البت دي عرفا كيف حكيت ليهو وقلت ليهو ابوها راجل كلمتو مسموعه ودا المطلوب نحنا نمشي نخطب وتاني بنعرف الحاصل انت بس وافق قال لي خلاص اديني ليهو اتصلت عليهو وقال ليهو مبروك لامجد قال ليهو امجد مالو قال ليهو امجد خطب وعقبالك قال ليهو خطب منو قال ليهو بت دلال قال ليهو الحمد لله وانت ي احمد انا امك جات اتناقشت معاي وانا موافق نعمل خطوبه مبدئيه نشوف الحاصل شنو احمد شكلو فرح شديد لدرجه انو في صوتو ظاهر ونحنا رجعنا البيت دلال قالت لينا يومين وارد عليكم واحمد حدد لينا يوم مع اهل خطيبتو ودي كانت اول مره نشوف فيها اهل عفراء سبحان الله اختها دي فرق منها وظاهره في بشاشتها والعجب البت عاليه ولونا قمحي ومرتبه ترتيب م شاء الله وناس شكلهم مرتاحين وفاهمين وبدينا اتعرفنا عليهم وكانو مرحبين بينا شديد وابوها شكلو راجل كلمتو مسوعه و ليهو مكانتو مرتو القعده كلها م فكت سيرتو وحسيت انهم في حياتهم مستقرين وانا عندي نظره ف الناس م بتخيب نهاي وفعلا نظرتي ليها م خابت واكرمونا واتعرفنا بيهم وطلبت يد بتهم وقالو لينا يومين ونرد عليكم مهند بعد كان رافض جا

#مواجع ضره 32

#نوسه حمد

قلت ليها امونه ي بتي عاوزه اكلمك بي حاجه تعالي لاحقاني جوه الغرفه مشيت قداما ولحقتني قالت لي خير يمه فشنو قلت ليها امونه انا حامل امونه قعدت تضحك قالت لي امي بتهظري صاح قلت ليها عاد ي بتي بعد العمر دا واهظر في حاجه زي دي قلت ليها والله انا حامل وهدي كرشي ظهرت كنت بدسها منكم بالتوب وكنت خايفه من رده فعلها بس اتفاجات تماما قالت لي يعني ح يكون عندي اخت صغيره وتكون اختي بت امي وابوي ولمن اجي البيت داخله القاها قاعده😍 ابتسمت ليها قلت ليها ان شاء الله قالت لي لا لا يمه انا م قادره اصدق قلت ليها خجلانه يعني من حملي قالت لي واخجل ليه ماف شي بخجلني انتي صغيره يمه وانحرمتي من الولاده بدري ومن حقك تلدي وانا م اوصف ليك شعوري يمه انا مبسوطه انا طايره من الفرحه قالت لي يمه كدي النسمع نبضات قلبو والمس حركتو وكانت طايره من الفرح قلت ليها امونه انا كلمتك انتي عشان م تنخلعي بعد الد بس اخوانك انا خجلانه منهم قالت لي يمه تخجلي لي م عيب ولا حرام انك تلدي واولادك كبار دي قسمه ربنا توقفيها يعني ولو الحاجه دي فيها خجل الا لانسان م واعي وم فاهم واخواني انا بكلمهم ومتاكده منهم ح ينبسطو احسن من اسمعو بيك ولدتي قلت ليها لا لا ي بتي م تقولي ليهم احمد ومجاهد جايين للعرس خليهم يتزوجو وتاني الله كريم

مرت الايام والشهور واحمد ولدي ومجاهد جو للزواج وكانت دعوتهم كلهم واحد ومعاهم امونه وانا كنت خلاص تقيله والناس مفتكرني سمنت وكنت بضاري بطني بي التوب نهاي م حسستهم بي اني حامل خصوصا اولادي مرت ابوي قالت لي احسن اعرفو من اتفاجأو قلت ليها لا لا دا م وقتو

وامجد ولدي اتخرج برتبه شرف وكنت مبسوطه بتخريجو وطايره من الفرح 🌹🌹🌹

كلمت دلال بي حملي وانبسطت قالت لي احسن والله لانو انا ولادتي حصل لي فيها مشاكل كتيره وم اظن تاني الد وكانت لي اكتر من اخت م مرت راجل او ضره ومهند كان عادل بينا شكلو اتعظ من المره الفاتت وانا كنت مبسوطه انو كده طبق الشرع وماشي بكلام ربنا وم حصل يوم ظلمني ولا ظلم دلال ولا حصل حسيت بقهر اتجاه دلال

جات ليله ذفاف مجاهد واحمد وامونه وم شاء الله كانت اجمل ليله واهل عفراء طلعو عكس م اتخيلنا وشكلو بس عفراء واخوها الطلعو من يدهم وطبعهم كعب ومرت احمد ولدي كانت ادب واحترام وذوق وفهم م شاء الله وامها كانت مرا عاقله ومحترمه م طايشه زي عفراء

بعد الزواج احمد ومجاهد مشو دبي وامونه مشت السعودية قالو اعمرو اول حتي يلحقوهم في دبي

وانا خلاص بقيت تقيله مهند جاب لي جهاز البيبي واليوم داك موتا بالضحك قلت ليهو والله انا زاتي نسيت الولاده الخوف اوقعو ي مهند ولا يغلبني اشيلو قال لي لا لا ارتاحي بتي دي بشيلا براي اصلو م بخليك تلمسيها قلت ليهو مهند مرت ابوي خوفتني قالت لي احتمال تجي منقوليه قال لي ومالن ديل م ناس يعني عليك الله م تسبقي الحوادث ومنقوليه انا دايرها اقل شي تونسني لانو اولادي ي حليلهم كل زول ف بيتو قلت ليهو الله يسعدهم الحمد لله حققو احلامهم واحلامي وربنا عوض صبري خير قال لي تستاهلي يا الاء انتي مثال للزوجه الصالحه والمربيه الجليله وصدقيني انا لو م كان رجعت ليك كان ح اكون سافي التراب لمن اموت والحمد لله رجعنا ولي نصيب المنقوليه الف بطنك دي قلت ليهو اها من هسي داير تشغلها لي قال لي بهظر ختي في بالك انو البجي من الله كلو سمح وخليك ع يقين بي كده قلت ليهو ان شاء الله قال لي انا حجزت ليك للولاده لو عمليه او طبيعي انا في انا مافي طوالي تمشي مستشفى دريم وديل أوراقك

مره الايام ومهند كان عند ناس دلال ومرت ابوي عندهم عرس بنات اهلا فاتت من قبل يومين حسيت بوجع ولاده لكن استبعدتا الموضوع واتجاهلتَو وحاولت انوم والنوم غلبني اتصلت على مهند تلفونو فيهو جرس وماف رد ومرت ابوي كذالك وماف حلل لي غير اكلم امجد وبقيت مضايقه شديد مشيت طقيت الباب لي امجد وفتحو لي ولقاني متألمه شديد قال لي مالك يمه بسم الله شكلك متغير فشنو قلت ليهو امجد انا شكلي ح الد قال لي شنو وكان مخلوع وانا كنت بتوجع وم قادره قلت ليهو امجد في شنطه في دولابي جيبا وارح ماف زمن قبل م الد هنا امجد بقا مخلوع مصدق وم مصدق ......... يتبع

#مواجع ضره 33
#الاخيره
#نوسه حمد

امجد بقا مخلوع وانا اكورك وحاسه اني ح اولد في العربيه وهو بقا مرتبك وم قادر اركز لا معاي لا مع السواقه لا مع الكلام الما مصدقو قلت ليهو امجد خليك مني ركز في سواقتك ومن هنا وديني مستشفى دريم ابوك حاجز لي هناك قال لي انا متاكد اني بحلم وم فاهم شي يمه قلت ليهو دا م وقتو زود السرعه انا م قادره امجد زاد السرعه ووصلنا المستشفى م اتفاهمت معاهو قلت ليهو كمل الاجراءات واتصل علي ابوك وهناك دخلوني غرفه الولاده م عديت نص ساعه وولدتا جبتا بنوته وقطعه من ابوها قالو لي معاك امك قلت ليهم معاي ولدي نادوهو لي الممرضه قالت لي الكبير دا ولدك قلت ليها اي ولدي حسيتا زاتا مخلوعه وكانت شايله البنوته في يدها امجد جا داخل وهمو كان فيني قال لي امي انتي كويسه مافيك شي الممرضه قالت ليهو امك كويسه والبنوته كويسه امجد قال ليها بنوته شنو ادتا ليهو ولحسن حظي فاتت طوالي قال لي امي فشنو انا بحلم ولا فشنو انا خلاص داير اجن قلت ليهو الفي اني كنت حامل وخجلت اوريكم الوحيده القدرت اكلمها امونه اختك

قال لي يمه لي تخجلي كان تكلمينا ونحنا ناس فاهمين نخجل من شنو احسن من الخلعه الدخلت فيها انا هسي قلت ليهو اعفي لي ي ولدي انا م قدرت اكلمكم والله وم تزعل قال لي هسي الاموره دي بخجلو عليها يمه دي نعمه في ناس كتار بتمنوها ناهيك عن عمرك واي شي قلت ليهو عارفه والله ي ولدي بس م قدرت اقول قال لي هسي ناس احمد جاين بكره اصلو م تكلمي لازم اضوق الخلعه الانا انخلعتها عشان اشوف رده فعلو قلت ليهو خلاص

قلت ليهو قدرت تصل لي ابوك قال لي لا لا والله م برد ومرت ابوي زاتا قلت ليهو الحمد لله الله رايد لي كل مره الد كده الناس اجو اتفاجأو بي ولادتي قال لي الحمد لله الكنت انا قاعد قلت ليهو انت عارف ولادتك ابوك كان متزوج عفراء لمن بطني وجعتني ما كان معاي غير مرت ابوي وابوي مهند الصباح جا لقاني والده والله ارحما حبوبتك قعدت معاي لمن سمينا ليك يعني متعوده ي ولدي هسي خلينا اطلعوني ونتحرك طوالي قال لي طيب بمش اكمل اجراءت المولوده وح اسميها انا قلت ليهو ح تسميها منو قال لي متاب قعدت اضحك قلت ليهو بتحبها للدرجه دي قال لي واكتر كمان طبعا متاب دي بت دلال وخطيبتو قلت ليهو ربنا يحفظكم

تمينا ساعتين وطلعنا الشمس شرقت مهند رجع لينا امجد كلمو جا جاري جري ومرت ابوي زاتا ومع ونستنا ديك وفرحانين بالبنوته امونه اتصلت وقالت لي نحنا جاييين كلمتها بي ولادتي وفرحت شديد وصورنا ليها البت ومهند كان فرحان انها تشبهو واحمد م كلمناهو انتظرناهو لمن جا ومشا امجداستلمهم من المطار وجاب لي احمد من يدو انا من جواي خجلانه من رقدتي بس القدر اعمل شنو امجد جاب احمد وجاني قال لي امي اقسم بالله اشتقت لي حضنك ولي اكلك الطاعم وعاين لي م حساني استجبت ليهو ولا قومتا سلمت عليهو جا قعد جنبي قال لي امي مالك بسم الله امجد قال ليهو امي كويسه بس جابت ليك هديه قام علي حيلو واتلفت لقا امجد شايل اختو قال ليهو سمي احمد شالا وقال ليهو بسم الله م شاء الله بت منو دي قال ليهو دي اختنا احمد مصدق وم مصدق قال لي يمه دي بت منو امجد دا بهظر صاح امونه جات داخله شكلها اصرت تجي بيتنا اول شي قالت ليهو م بهظر ودي اختي واختك والانا جيت نازله هنا مخصوص عشان اضمها علي وافوت بيتي احمد ابا اديها ليها وبقا مغمض عيونو وببوس في اختو الصغيره مهند جا داخل قال ليهم دقيقه م تتشاكلو فيها دي حبيبتي انا ودي ستي وست البيت وتاج راسي انا وامونه شلناها بي صوت واحد كل واحده قالت ليهو وانا مهند مات بالضحك ضما امونه عليهو قال ليها انتي الغاليه وبت الغاليه وحمد لله ع السلامه وسلامه امك وعاين لي انا حسا بي الغيره ف عيوني رغم كبري وديل اولادي لكن في الغيره انا مجنونه م بتفاهم قال لي اما انتي محبتك جواي تعادل محبه امي وانتي ستي وست روحي وست البيت وم عندي اغلي منك وم كمل كلامو سمح جات دلال قطعت ليهو كلامو قالت ليهو ودي ستنا كلنا الاء فرضت محبتها لينا بي اعمالها ونيتا الطيبه ونيتا الصافيه وانا مستحيل القي لي اخت زيها وهي م اخت بس هي ام واخت وربنا م يحرمنا منها ومن الاموره دي وشالتها امجد من غير م اشعر قال ليها سميناها متاب ابوهو قال ليهو ي ولد شنو الحب دا امجد خجل من نسيبتو قالت ليهو م تخجل ي ولدي وياها ح تكون مرتك وحبيبتك وانا م خايفه عليها لا منك لا من امك والحمد لله بتي وقعت في نسب تمام ومافيهو كلمه وربنا م خيب ظني لانها يتيمه ابوكم م قصر منها احتواها ورباها وم حوجني لي زول وبتمني انت تعتبرها زي اختك قبل زوجتك ولو غلطت عليك ي ولدي عافيه ليك دقها وم تجي تشكيها لي قال ليها متاب بتك نعم التربيه ودا السبب الخلاني اتمناها وفعلا اتمنيتا ولقيتا وان شاء الله انا ح انزل شغل بعد اسبوعين وعرسي ح اكون بعد شهرين قالت ليهو ربنا يسعدكم ي ولدي احمد كان مبسوط قال لي يمه زعلان والله كان تكلميني عرسنا كلو في راسك والتعب عليك

قلت ليهو والله م حبيت الخمكم وتتزكر لمن مشيت للدكتور زميلك انا كنت حامل قعد اضحك قال لي ملاريا موش قلت ليهو والله دي انا القلت ليهو كده احمد اتصل عليهو وفتح الاسبيكر قال ليهو قول لي مبروك قال ليهو احمد انت جنيت م باركت ليك انا ورقصت معاك قال ليهو لا لا بارك لينا ملاريه امي طلعت بت قعد اضحك قال ليهو الف مبروك ياخ والله دي والدتك اصرت اني م اكلمك قال ليهو معزوم السمايه ان شاء الله قال ليهو ان شاء الله

احمد المسا مشا جاب مرتو وجات باركت لي البنوته وامونه راجلها ونسابتا جو باركو لي وعملنا الكرامه عشا وبعد اسبوع عملنا السمايه

وبعد شهرين امجد اتزوج متاب وطلع احلي عرس وانا كنت مبسوطه اني م انخزلت رغم الدنيا لطشتني اولادي اتزوجو وكل واحد كمل دارستو وكنت بفتخر بي دراستهم ونجاحهم وم كسرو عيني في المجتمع 🌹🌹🌹🌹🌹🌹

ونهايه روايتنا ان شاء الله تكونو استمتعتو واقبل النقد بصدر رحب

فوائد #مواجع ضره

اول حاجه دايره اتكلم فيها هو عنوان الروايه مواجع ضره قبل م اتكلم عن التعدد دايره اقول ليكم انا ضد التعدد وبالذات لو كانت المرا زي الاء الكمال لله كانت مكمله وحافظه بيتا وزوجها وما كانت محوجاهو لي حاجه بس الشيطان لعب بي عقل اختو بدافع الغيره اتجاه الاء واختارت ليها الضر عشان الضر اصعب عقاب ممكن تعاقبو بيها ورغم الانكسار مهند زود العقاب عليها وحتي لمن اتزوج عليها م خلاها تتنفس او تبكي او تبعد من الوضع وزود العقاب بي انو بقا يسمع فيها الكلام ودمرها اكتر لحظه طلقها عشان مرتو التانيه م راعا لي عشرتا وبسمتا ووقوفها جنبو في اصعب الايام وم راعا لي انها بنت معاهو حياتو طوبه طوبه ولحظه دمر دا كلو فوق راسا ويا ريتو لو اتزوج واحده وكانت فيها مواصفات الزوجه الصالحه فوق دا كلو اتزوج واحده همها الماده ودمرتو وبعدتو عن اولادو وكانت حجتو انو م كان طبيعي لانو فعلا هو م كان طبيعي ودمرتو اختو اقرب الناس ليهو وم عاينت لي عشره الاء ولا قالت اخوي سعيد النخليهو اعيش حياتو وربنا اسعدهم ختت راسا مع واحده دمرت اخوها والاتنين الدنيا عاقبتهن واحده بي مرض والتانيه بالحريق لانو ربنا بشيل حقو دنيا وآخره انا دايره انصح البنات واقول ليهن خلو نسوان اخوانكم اعيشو حياتهم واتمنو ليهم السمح عشان الدنيا بتخلص حقها تالت ومتلت لو كان سمح او شين وانما علي نياتكم ترزقون م تتسببو في ضرر انسانه م شفتو منها غير السمح وفي واحدات ح تكون رده فعلهم انو في نسوان اولاد كعبين ويستاهلو معاااكم انا فيها حتي لو كعبين انتو كونو اخير منهم وح تكسبو انتو م تتنافسو في الدنيا علي الشين عشان الشين برجع ليكم وبرضو لنسوان الاولاد كونو زي الاء دي وم ح تخسرو والله ♥️♥️♥️ وللرجال لو مرتك زي الاء دي زوله حافظاك وحافظه بيتا واولاداها طير بيها السماء وم تسمع فيها خت علاقتك بين اهلك في كفه وبين زوجتك في كفه م تخلط بينهم عشان تتلخبط عليك الدنيا م بقول ليكم م تسمعو كلام اهلكم مشوهم واتعاملو معاهم علي قدر عقلهم لانو اهلك ديل في لحظات حلوه بينك وبين زوجتك م عاشوها معاك وبينكم موده ورحمه وم بخسر البفرق بين مرتو واهلو وكلو بما يرضي الله لا تغلط علي مرتك لا علي اهلك ومن الاول تكون كلمتك انتو ليكم مكانتكم ومرتك البتشيل همك وهم اولادك ولو زهجت او ضاقت بيك الدنيا بتجي تشكي ليها تكون ليها مكانتا م تقل عن مكانت اهلك وصدقوني تاني ماف شي بقيف في سعادتكم لا انت لا اهلك لا زوجتك لانكم بتكونو ماشين بما يرضي الله ♥️♥️♥️

تاني حاجه بتكلم فيها وزي كل مره وبركز عليها جدااااا الاقدار مرات البحصل ليكم في الدنيا سمح او شين اول شي بكون قدر وتتقبلوهو بصدر رحب وم تتجزعو وعلي قدر م اتجزعتو استغفرو وارجعو لله لانو ربنا قال قل لن يصيبنا الا م كتب الله لنا ولحظه وقوع قدر واكون صعب عليكم استغفرو الإستغفار بتقل القلب وبخليك تطمئن وكونو علي يقين انو اقداركم كلها حلوه حتي لو كعبه زي الاء رغم صدمتا لحظه زواج مهند فيها بس م انكسرت ورجعت لي ربها وربنا م خزلها وتعبت وصبرت رغم انو ما عملت حاجه عشان الدنيا تعاقبها كده لكن نرجع ونقول اقدار والقدر دا كان سبب في زواج احمد من اخت عفراء وبرضو قدر زواج مهند من عفراء كان سبب في زواج مهند من دلال لانو مهند لو م كان طلق الاء م كان اتزوج دلال ولا كانت دلال ح توافق عليهو لانو الاء ما المره البعرسو فيها ♥️🌹🌹🌹🌹

تالت حاجه ح اتكلم فيها انو الناس م واحد حتي الاخوان الفي البيت صفاتهم م واحد عشان كده م تحكمو علي الناس بي اهلهم
زي اصابعكم في يدكم م واحد اكيد الناس م واحد ودا م بكون سبب في التربيه في ناس بعد اكبرو بفرضو سيطرتهم حتي علي امهم وابوهم فكركم لو تربيه امكم بتعلمكم انكم بعد تكبرو تفرضو سيطرتكم عليها لا لا طبعا في ناس بكون حافظين اي مبدا اتربو عليهو حتي لو كبرو زي مهند وفي ناس الدنيا بتغشهم وبغيرو مبداهم العاشو بيهو وديل البكونو قاسييت زي سوسن رغم