*#معاناة_مطلقة《01》*💔
*#بقلم_سالي_اسماعيل*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*💔 .. بالجد القصه مؤلمه جدا 😭..*
..
يعني شنو اذا انا مطلقه حرام اعيش بين البشر ؟؟
لااااا يخ انا كمان بشر زيي زيكم ولمااتزوجت مااتمنيت اني اطلق 💔.. بالعكس مسكت في بيتي ده بيديني ورجليني وسنوني زاااتم بس اي زول عندو قوة تحمل معيييينه 💔 وانا الفيني كملت واطلقت تجو انتو تزيدوها علي ليه كده 😭..
انا الاء مطلقه وام لخمسه اطفال ٣ بنات وولدين ح ابدأ ليكم من بداية قصتي وبعدها انتو احكمو لو انا غلطانه 💔..
انا من أسره بسيطه وعاديه وكلنا قاعدين في البيت الكبير اللهو بيت جدي ابوي واعمامي ال٣ قاعدين سوا في المطاهنات والمهاترات وفي السمح والكعب زينا زي اي اسره بس انا ماشفت زي طيبة امي كانت بتتحمل وتسكت اهانه من ابوي واضطهاد من اعمامي ومطاعنات نسوان اعمامي وماكانت بتتكلم كنت بتكلم ليها انا بتها الكبيره واخواني الصغار مافاهمين شي .. وانا كنت في الثانوي ممتحنه وكنت شااااطره شديد امي كانت بتقول لي انتي ح تسنديني انا منتظراكي متييين تكبري وتبقي دكتوره قدر الدنيا وتريحيني من العذاب الانا فيهو ده 😭 وكنت بجتهد وبقرا وبساهر وبنجح عشان امي وعشان فعلا اريحا باقي عمرا ده ربنا يطولو لينا .. الامتحانات باقي ليها ٣ شهور ابوي جا جدع لي توب قال لي البسي التوب ده وانا عقدت ليكي على نورالدين ود عمك صلاح والعرس بعد تمتحني وقال بقريكي 😡.. امي سكلبت وزعلت والنغاش حدا لمن ابوي وصل يدو لامي يا الله وقفت قدامم وقلت ليها يا امي انتي مشكلتك القرايه صاح خلاص هو قال بقريني وانا وافقت امي دي زعلت زعل اليوم داك كلو مااكلت وتشيل وتدعي على مرام مرت عمي وتسوي كلووو منها مقهوره مني ودايره تقهر بتي كر علي من بتي 😭..
قلت ليها يمه مابتعمل شي وماحصل شفنا منها كعب بعدين الولد انا مابعرفو كويس امكن اكون احسن من اهلو .. قالت لي منو القال ليكي انتي ماعارفه شي واعلي يابتي 💔😭.. الليل كلو اراضي فيها حتى رضت ..
بعد اسبوعين الولد جا من السعوديه وماباين عليهو شي كعب جا وسلم علي وجاب معاهو حاجات عرسو تاني يوم جابو الشبكه والمال والشنطه وكل شي تمام التمام وجاب لي تلفون واي شي طبيعي .. لحدي ماجات الامتحانات وانا مع جو البيت المعكر والكلام في التلفون مالاقيه زمن اقرا غايتو امتحنت وربنا كريم .. وتمو العرس زيو زي اي عرس طبيعي ومشينا شهر العسل .. وعدينا شهرين في مصر لما جينا انا جيت حامل 😊.. وكنت مبسوووطه شديد كانت احلى حاجه افرح بيها وزوجي مهتم بي شديد لحدي ماجينا السودان وقال اجازتو انتهت وبعد كم يوم سافر .. وياريتو ماسافر 💔😭..
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#معاناة_مطلقة《02》*💔
*#بقلم_سالي_اسماعيل*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد زوجي سافر حمواتي ونسيبتي اتقلبو ١٠٠ درجه 😳..
بقو يشغلوني شغل البيت كلوووو طبخ ونضافه وغسيل وانا حامل لي شهرين اقيف كده بعد رجليني ديل اتورمن ولا واحده فيهم بتكلف نفسها تساعدني 💔..
اصلي لا كليت لا مليت لا اشتكيت زوجي بتصل لي تلفون اتونس معاهو واقفل يوم واحد ماشكيت ليهو من اهلو .. انا بالشكل ده لمن تميت ٧ شهور تعبت وقلت لي عمي انا ماشه بيتنا قال لي طوااالي المساء بوديكي ..
رتبت حاجاتي والمساء عمي جاني قال لي مافي مشي انتي لسه بدري عليكي ماتميتي للولاده ..
قلت ليهو ااي بدري لكن ماشه انا تعبانه ومابقدر اشتغل قال لي ترتاحي هنا وماتشتغلي 👏.. قلت ليهو خير ..
خليتو طلع وربطت راسي ونمت في السرير وبقت انهنه مالك قالو لي قلت ليهم عندي وجع ومصدعه حمواتي خافن من الشغل الكتير امكن الد ولمن شفت خوفن قلت بس ده الدايراهو بقيت ابكي وامسكي بطني قالو يودوني المستشفى لبسوني وجينا الدكتور قال الجنا نازل الحركه ماتنفع لازم ترتاحي وتمنعي الحركه وماعندك ولاده 😊.. قالن لي مافي ليكي راحه فينا امشي ارتاحي في أمك ياختي .. واصلا ده الدايراهو انا ودوني لامي مشلهته وتعبانه وحالتي بالبلاء ..
امي ده من شافتني بكت كررر علي عملو ليكي شنو ووب علي 😭 قلت ليها امي انا كويسه ده تعب الحمل بس واخدت باقي شهوري بتاعت الحمل وولدت الحمدلله وجبت ولد وبي ولدي ده حسيت اني خلااااص جبت البسندني وبسند امي غايتو فرحت فرح كأني اول واحده تلد 😂..
وامي ياحليلا ماقصرت معاي شي مارق وشي داخل وشي ياكلو وشي يشربو الله اديها العافيه ..
ونسابتي جو باركو زي الضيوف ومشو .. ولا كلفو نفسهم ابيتو زاتو ..
قلت مامشكله اصلي مابخرب فرحتي ..
بعد تميت ٤ شهور في بيتنا راجلي جاء قبل جيتو بي يوم واحد مشيت بيت عمي الساكنين فيهو عندي اوضه وبرنده ولقيتم حالتم حاااله العده وسخانه لمن مقطنه والبيت ده مبااالغه وحتى تيابي دي لابسنها 💔 ..
قلت للبنات ليه ياجماعه الحاصل ده وحده فيهم فتحت خشما ده معاي مافي ناديت اخواتي وبدينا في البيت غسيل ونضافه وغسيل عده ماشاء الله لمن الضهر اذن نحن خلصنا اي شي وجينا اتبطحنا .. رسلت ليهم لاكل من الدكان اكلنا والملابس كان نشفت كووها لي ياحليلم ومشو ..
ورجعنا تاني للشغل والشلهته لكن اصصلي ماخليت الشغل يبهدلني بصحى من الصباح بخلي زوجي وولدي نايمين بستحم واسرح واعمل ميكب خفيف وامشي انضف واشد الفطور في النار وولدي الحمدلله ود حلاااال ماببكي كتير .. وزوجي شايل عادت السعوديه بصحى لي الساعه١١..
انا بكون خلصت فطور وملاح غداء ولو عندهم صلطه يقعوها براهم وارصو ومتحننه ومتدخنه ونسيبتي دايره تموت من تشوفني اتحننت تقول لي عندنا غسيل اقول ليها حااااضر الغساله في حوشي بدي الملابس كم وش بالغساله ووش وااحد بيديني لما اخلص حنتي مابتتأثر 😘 وهي تغلي وتدفق ..
زوجي كمل اجازتو ورجع وجيتو جاب لي ٦ غوايش وخاتمين .. طبعا ماوريتم ناس البيت طوااالي وديتم لامي امي قالت لي لو بتسمعي كلامي ببدلم ليكي نفس الدقه دي افتشا سما ارض فالصو والبسيهم نسابتك ديل والله يشيلوهم .. قلت ليها ماعندي مشكله امي جابت لي وحدات قريب منهم اختلاف بسييييط وكان عندي عرس حماتي ❤..
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#معاناة_مطلقة《03》*💔
*#بقلم_سالي_اسماعيل*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
نسيبتي قالت لي تجي راجعه للعرس وعندنا شغل كتير جيت البيت ولبست غوايشي الفالصو وخواتمي بتاعت الدهب وقلت ليهم ديل جابم لي زوجي قبل يسافر 😊..
اتخلعو كلهم طبعا ونسيبتي دي حسيت بيها اتضااايقت شديد وساقت بتها العروس ومشت سامعاهن اتهامسن اصلي مااتكلمت وبدينا شغل العرس قلت ليهم الشغل ده كتير علي دي مناسبه مابقدر عليهو اي واحده فيكم تمسك شغله قالو لي كويس .. اي واحده فيهم تبدي الشغله وتخليها اجي اتمها انا ..
لمن شفت الحكايه كده بقيت اتحجج بي ولدي واصلا عندو تسنين المهم انتهى العرس داك وانا من التعب مشيت افحص الملاريا لقيتو حمل وكمان توأم شهرين ماعرفت ابكي وله افرح مامابيه الجنا لكن الوضع مابسمح الد حاليا غايتو بس الحمدلله ولا كذبت طوااالي جيت بيتنا ناس ابوي ..
قلت ارتاح شويه ..
المساء زوجي اتصل هااايج كيييف تمشي وماتكلميني قلت ليهو جيت من المستشغى بي جاي ولقيت عندي حمل وتوأم مابقدر اتحرك 💔 لما عرف قال لي لو كده معناها اقعدي مع اهلك برعوك بعد شويه جات داخله نسيبتي هايجه وقومت الواطه وقعدتا وقالت الا امشي معاها كلموها بي حملي قالت مااول ولا اخر واحده تحمل تمشي معاااي بس ..
ابوي قال لي تقومي تمشي زعلت وبكيت انا وامي ابوي ولا اشتغل بينا في النهايه مشيت وبقو يتفننو كمان الاكل ده اي وحده تطلب براها وامهم تضوق الاكل وتقول كعب وتقعد تنبز غايتو مع الحمل والشغل اتآزيت ازاء والنتيجه طلعت جبت ٧٠ ونسيبتي وعمي قالو مافي قرايه مع الاولاد تاني اقعد في بيتي بس ..
اصلا ماكان عندي نفس لي قرايه ..
واقرا بي وين اصلا ..
انتظرت تميت ٧ شهور ومشيت الدكتور وقال لي التوأم ٣ وبنات ماشاء الله طوااالي جيت بيتنا قعدت لين ولدت بناتي وكانو هم البفرقو لي وزوجي جو عشان احضر سمايت بناتو وماقصر عاد خمج الواطه دي خمج فرحان بالبنات .. قال جمله ماقادره انساها قال لي عمري ده كلو بتمنى تجيني بت بعد الاولاد والحمدلله ربنا اكرمني بي ٣ .. قلت ليهو قصدك بعد الولد 😂 قال لي انفعلت .. وعاد جاب لي داك يالدهب وماخلى شي ..
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#معاناة_مطلقة《04》*💔
*#بقلم_سالي_اسماعيل*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
زوجي رجع سافر وبعد ٦ شهور انا رجعت بيت نسابتي وبقيت قاعده معاهم ياهو نفس الشغل وبناتي مبشتنات وتعبانات وماقادره على شغل البيت والنضافه وبناتي وبقيت معدياها بكى وعمي وابوي بقت بيناتم مشاكل ..
ونسيبتي لسه بتتزكر الحاصل في السمايه وقالت انو ولدا بزار لحدي مازوجي بقى جايي وانا حالتي حااله لوني قلب ونحفت وبيتي يقرف اتصلت لامي عشان اجوني اخواتي امي قالت لي ابوكي قال اخواتك ممنوع اجو بيت عمك خالص 💔..
تعبت تعب وماعرفت اعمل شنو وله شنو اتوكلت على الله وبديت نضافه وشي غسيل ونفسي دي خليتا خالص 😭..
المهم لحقت خلصت البيت والشغل والنضافه واطفالي نضفتهم ويادوووب جبت لي خلطه لوشي ووشي فتح حبه وبيت عمي بي هناك بقيت مابمشي زاااتو ومن الموقف ده انا قلت بس جيت زوجي افرز لي ناري أو اعمل لي بيت برااي ..
زوجي جاء واستغرب في شكلي طبعا يازوله كيف بقيتي كده ..
قالت ليهو الاطفال والبيت بس المهم فترة قعدتو دي اتحسنت شويه والبنات بقو يمشو ماشاء الله .. قبل زوجي يرجع فتحت معاهو حكاية البيت قال لي اول ما ارجع بنتفاهم ..
بعد سافر جيت بيت عمي حمواتي كلهم اعاينو لي واضحكو ونسيبتي دي اول مره اشوفا مبسوووطه كده استغربت طبعا ..
لكن مااهتميت بيهم كتير اشتغلت الفطور وطلعت بيتي والموضوع اتكرر كتير يوم وانا جايه داخله سمعت طرف كلام انو نورالدين عندو ٥ اولاد وجايي السودان دخلت طوالي قلت ليهم نورالدين منو وجايي وين بقو يعاينو لي بعض 😏 وقامن امهم قالت لي ولدي ولد السرور يايمه برد قلبي الله يبرد قلبو موديني عمره ..
قلت ليها انا ماسألت من العمره .. اولاد شنو قالت لي مافي زول جاب سيرة عمره ..
غايتو اختصرتني 😡 ومشت انا لأول مره اشك انو ممكن تكون في حاجه ماطبيعيه اتصلت لامي حكيت ليها قالت لي انا ماعارفه حاجه وماتشتغلي بالموضوع بالموضوع اتناسيتو وبناتي تمو سنه ونص لاحظت انو عندي اعراض حمل فطمت بناتي والحمدلله وديتم ناس امي وبقى ولدي معاي وظهر لي حمل برضو نور الدين قال لي اشتريت ليكم ارض واحد صحبي ح ينزل ليكم مواد البناء وابني ليكم عقده قلت ليهو كان راكوبه مامشكله غايتو البنات مع ناس امي وانا بقيت مهتمه في نفسي بس وماشاء الله اتحسنت كتييير نفسيات ساي 👏
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#معاناة_مطلقة《05》*💔
*#بقلم_سالي_اسماعيل*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
ولادتي قربت وبيتي اكتمل ونسابتي ماعارفين صاحب نور الدين جاب لي المفتاح وقلت خلاص بلد في بيتي نسابتي ديل بعد عرفو حمواتي ديل شاكلوني شكل وقالو نهبت قروش ولدم ونسيبتي قالت لي .. ماتتهني فيهو وكان حيه ماتتهني فيهو 👏..
اتصلت لي ولدا قدامي وقالت ليهو نور الدين ماعافيه ليك كان ماجبت مرتك واولادك السودان وماعافيه منك لمن اموت لو مانزلتهم في بيتك الجديد ..
انا بقيت عامله كده 😳.. نور الدين منو واولاد منو وبيت منو ..
قالت لي اصصصبري بس زعلت زعل وقلت معقول اكون متزوج وانا ماعارفه .. اي شي مسخ علي اتصلت لي أمي وقلت ليهم انا جاياكم وواضح زعلانه ..
امي من وصلتها كلمتها وقالت لي كرررر علي اناكنت عارفاها دايراه تنتقم منك ووب علي ولبست توبا ومشت ناس عمي وجات راجعه مع ابوي سوا دخلتا ابوي قال ليها انا ماقلت ليكي كان مشيتي ناس صلاح طلقانه 😡
قالت ليهو مشيت قاصده انا ماقادره اتحمل خلاااااص بسوق بناتي وبمشي منك ابوي ده حسيتو ندمان ندم .. قالت ليهو انا زمني ده كلووو متحملاك ومتحمله اهلك لكن خلااااص لحدي هنا .. ولد اخوك اكون متزوج وماتتكلمو وداسنو ليييه انا دايره اعرف وانت كمان عارف ومااتكلمت حرام عليك دي بتك ياخي وانا كنت بسمع فجاة وقعت شالوني المستشفى ولمن صحيت لقيت قدامي طفل يعني انا ولدت 😭😭 بكيت بكاء امي جاتني وقالت لي حبيبتي ماووقفي حياتك عشان زول كفاية حياة امك الوقفت شدي حيلك انا مالي غيرك 💔😭..
قلت لي امي يعني صاح نور الدين كان متزوج ..
قالت لي ااي وعندو ٥ اطفال..
حاولت اتصل في تلفونو مقفول ..
اخدت ١٠ يوم في المستشفى وطلعت وبعدها جينا البيت امي باعت خاتما وسمت لي ولدي وعزمت نسابتي ماجو ولا اشتغلو بالموضوع 💔..
وابوي سافر بعد الطلاق هو وامي .. عدينا ٨ شهور مامنهم خبر انا واولادي قاعدين وابوي برسل لينا واتصل لامي رداها وانا بقيت مرزوعه تلفون نور الدين مقفول واهلو مامنهم خبر ياربي اعمل شنو حياتي واقفه 💔..
المدارس كانت يادوب فاتحه امي قالت لي ترجعي تمتحني تاني وشوفة عينك اناماعندي غيرك .. واختي الاصغر مني كانت يادوب ممتحنه .. غايتو نزلت معاها وكنا بنقرا سوا وبخلي الاولاد لامي واولادي كلهم ماشاء الله في ٤ سنه ونص بس .. ضاعت من عمري وماندمانه عليها الحمدلله ..
امتحنت والمره دي جبت ٨٣ كانت انتصار بالنسبة لي .. 😭
حمدت الله على نتيجتي دي ..
وانا معلقه لا عارفه حاجه عن زوجي ولا اطلقت غايتو صابره وقاعده ..
قدمت للجامعه .. ومشيت ناس نسابتي سالتهم من نورالدين .. ولا ردو لي السلام زاتو اتكلمت بعد بطلت في النهايه طلعت اسوي شنو عاد كلمت عمتي تشوف لي حل اطلق بس ..
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#معاناة_مطلقة《06》*💔
*#بقلم_سالي_اسماعيل*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
عمتي مشت ناس نسابتي واتكلمت مع عمي وقالت ليهو البت دي بس دايره الطلاق تمت سنه وولدكم مختفي ..
جاتني راجعه قالت لي لا فهمت سمح لا كعب عمك مافهمني حاجه وماقدرت اعرف مكان نور الدين ..
اليوم داك بكيت بكاء 😭..
أمي قالت لي تمشي تشتكيهو تطلقي بالمحكمه بس ..
استنيت الاحد ومشيت المحكمه اشتكيتو وحددو لينا جلسه ..
كانت بعد اسبوع واحد .. لمن مشيت اتفاجأت في انو رافع علي قضيه انا وأمي .. وقال المرا دي قالت لي انا ماشه اشرب جبنه مع امي ومشت ماجات .. وامها منعتا ..
انا اتبكمتا ماعرفت اقول شنو ..
قلت ليهم لا والله انا جيت قبل الولاده بيوم واحد ..
قال لي السبب شنو الوداكي ..
قلت ليهو طلع متزوج قبليني وعندو ٥ اولاد ..
ودي مامشكلتي الراجل ده من ولدت لي سنه وشهر لا جا شاف ولدو ولا اهلو جو ولا رفع تلفون لي لا لي اولادو وسالت اهلو ماوروني مكانو ..
قال ليهو هل الكلام ده صحيح ؟؟
قال ليهو لا انا برسل لامي شهريا وهي بتودي القروش لاولادي والسمايه دي انا مرسل حقها لامي واخواتي وهم الجو وسمو ليها واهلي مامقصرين وانا مامقصر السبب امها بس ..
حددو جلسه تانيه وامي دي طلعت تبكي لاقتو قالت ليهو ياولدي مالك بتعمل كده انا زمني ده كلووو ماقايلاك زي امك انا والله لا منعتها لا شي مرتك مظلومه والله شاهد ولو كان قصة العرس بس كنا قبلناها لكن شغاله خدامه في بيت ابوك واهلك عاملنها ملتشه واعدم عيالي مادخل علينا شي من جيتا وجات عيانه وولدت ..💔😭..
قال ليها علي الطلاق انا ماعارف كلام ده وتطلق علي هي انا برسل كل شهر وكم مره امي بتقول لي الاولاد عيانين برسل ليها والسمايه وجهاز الطفل انا كلووو مرسلو وحرم تمشو معاي انتي وهي هسي وتتأكدو ..
جينا معاهو البيت امي دي لمن شافتنا لمن اتخلعت سلام ماقدرت تسلم قام سألا يا أمي انتي القروش البرسلا لاولادي بتمشي وين 😡.. قالت ليهو بري بشيلوها اخواتك اتلفت علي اخواتو وكانو خايفين شديد اختو الاصغر من الاتزوجت قالت ليهو لالا والله بتشيلم امي براها نحن ماعارفين اصلا .. امي قالت لي نسيبتي يامرام انا زمني ده كلووو متحملاكي وتحمله مطاعنتك لكن تعيدي الحصل معاكي في بتي ماعافيين ليكي لا دنيا لا آخره والسويتي في بتي انتي ضقتيهو لكن تشوفي في بناتك بقت تتنفض وخافت وقالت ليها انا ماسويت لي بتك شي امي مسكت نور الدين من يدو وقالت ليهو شوف ياولدي لو دايرنا نعفى ليك التعب التعبناهو تطلق لي بتي هسي دي .. قال ليها ده ماحل ياخالة واولادي قالت ليهو تجي تسوقم طوااالي حتى البرضع ..
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#معاناة_مطلقة《07》*💔
*#بقلم_سالي_اسماعيل*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
نورالدين قال لامي والاولاد ..
قالت ليهو تجي وتسوقم كلهم بي البرضع ..😡..
قال ليها ياخاله انتي مضايقه بس امشو البيت وانا بعدين بجيكم 👏..
جينا البيت انا وامي ومسكت اولادي وبكيييييت بكاء مبالغه .. وهمي كان اولادي الما معروف احصل عليهم شنو 💔..
المساء كده عمي جاء ونور الدين معاهو وأمو برضو جات معاهم ..
طبعا من سريري ماقمت عليهم ولو علي الم فيهم بالخرطوش ..
بدا الكلام عمي .. يابتي انا جايي ارجعك بيتك ومامشكله العرس كل الناس دي بتعرس مافيها شي امسكي بيتك احسن ليكي امو قالت لي كلنا عرسو فينا مالنا متنا 😏..
امي قالت ليها اممم مامتو لكن لي هسي بتنتقمو من بنات الناس من حقدكم .. عمي قال ليها ياوليه ماتخربي بيت بتك بي يدك اتكلمت مع ابوها وقال لي ترجع ..
قلت ليهو ياعمي لا انت لا ابوي ماضقتو عذابي الضقتو انا ولا ح تحسو بيهو انا مادايره شي غير الطلاق وافقتو خير وبركه ماوافقتو بالمحكمه بطلق وانتو حرين 😡..
وانت ياسيد نور الدين وييين كنت السنه دي كلهاااا وين مااتصلت وكمان في السودان ..
قال لي انا نزلت من فتره ومع البنيان وبسجل في الاولاد في المدارس ..
قلت لي الأولاد😂😂 والمرزوعين عندي ديل حجار ..
خلاص ياود عمي ديل حجارك تشيلم معاك محل ماشي حبوبتم بتربيهم وله وديهم لي مرتك مابلزموني .. مابعرف من وين جاتني القوة دي بس ماكنت عايزاهم استغلوني من ضعفي 😭💔..
قال لي انا مااتزوجتك الا لانو امي الحت علي اتزوجك والزوجة الاجنبيه براها ماكفايه .. وماكانت عندي مشكله معاكي وماعايز فضايح ولا محاكم ..
قلت ليهو هههه ده الربنا قدرك عليهو صحي راضع بطاله .. انا لابتهمني انت لا مرتك انا عايزه ورقتي وبس ..
امو قالت لي بعد مصممه على الطلاق كدي عندك زول تاني ..
قلت ليها هو انتو خليتو لي نفس لي زول تاني انا حتى نفسي كرهتها 💔😂..
جو ومشو وماعملو شي .. بعدها بي كم يوم كانت الجلسه والجلسه بعد الجلسه نور الدين ماحضر واعلنو كم مره ماجا بعد الجامعه فتحت نزلت طب اسنان وفرحتي بالجامعه كانت كفييله تنسيني الحصل .. اخدت ٣ سنه حتى المحكمه طلقتني غيابي .. والمشكله بدت هنا يادوووووب ..💔😭
داك كلووو كوم والعانيتو بعد الطلاق ده كوم تاني ..
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#معاناة_مطلقة《08》*💔
*#بقلم_سالي_اسماعيل*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد الطلاق اتآذيت اذى مبالغه ..
الاولاد كبرو واحتياجاتم زايده .. ابوهم مامقصر من ناحية المصاريف لكن برضو مابتوقفم ..
وولدي بقى على الروضه ..
دخلتو الروضه وانا ماخلصت الجامعه باقي لي سنه وبقيت محتاجه شغل عشان اوفر مصاريفي مصاريف اولادي مابقدر اشيل منها امي كانت بتديني لكن مادايره اعصر عليها ..
عندي موهبة الرسم ❤..
شلت من امي ٢٠الف كانت دي الرسوم يعني ٢٠جنيه ..
ودخلت الكورس وكنت بتعب تعب مع القرايه والتدريب والعيال لكن عصرت على نفسي وكملت الكورس وصادف اجزنا وكده فضيت للحنه كنت برسم للجارات واخوات صاحباتي بي ٣٠الف ودي كانت بدايتي ومنها بتعلم ومنها بلملم لي قريشات سمحات كده اكفوني زمن .. وشغلي بدا اكبر وشويه شويه بقيت احنن عروسات بي ٢٠٠ وخلال سنه انا لملمت لي قروش سمحه وبنيت لي غرفتين وبرنده في حوش ناس ابوي قلت اريح اولادي شويه مادام قاعدين هنا ..
ويوم امي قالت لي تمشي معاي جبنه اتبسطت طبعا يادوب لقيت لي طريقه اطلع بيها من جو البيت والقرايه ..
اول ماوصلت النسوان بقن اتهامسن ..
وفي البسألوني اها مالقبتي ليكي عريس 👏..
وحده قالت ليها ياختي المطلقه وبي عيالا دي الا اقبل بيها راجل مرتو ميته تربي لي عيالو وله اكسب فيها ثواب 😂😂👏
وبقو يضحكو ..
قلت ليهم صاح كلامكم ماانتو عايشين في مجتمع اقصى طموح الواحده فيكم راجل 👏
لكن انا ح اثبت ليكم انو النجاح محتاج عزيمه بس ماشي تاني ..
خلصت سنتي في الجامعه واتخرجت الحمدلله ..
وبقت تجيني اتصالات في رقمي البعرض علي قروش .. والبعرض علي زواج زمن محدد واطلقني ولما ازهج انبزم اقولو لي انتي مطلقه ح تخسري شنو ..
لا يعني انا لو مطلقه معناها بت ليل 😡
..
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#معاناة_مطلقة《09》*💔
*#بقلم_سالي_اسماعيل*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بقيت ماعارفه اتخلص كيف من المضايقات دي 😭..
وبي اضاني بسمع العزبا جات العزبا مشت
وكمممم مره بسمع البقولو اطلقت عشان تقل ادبا والبقولو اهلا ماربوها .. وحتى اولادي شككو فيهم 💔
من فلان لي علان سمعت كتييييير .. لكن .. انا عارفه انهم حساد وحاقدين وماح اشتغل بيهم ..
بعد اتخرجت قدمت بره السودان في كذا دووله رسلتي ورقي ..
لكن كنت محتاجه شهادة خبرة ..
عندي قريب ابوي راجل كبييير عمرو كمو٥٠ سنه وماشاءالله صوام وصلاي والحي كلو بشهد ليهو ..
عندو ولدو عندو عيادة اسنان وصيدليه .. قال لأمي انو ولدو عامل كورس صيدله وعندو عيادة اسنان ممكن اوديني اشتغل عندو ..
قلت لامي بااااس ده يوم المنى والسعاده من بكره ح امشي معاهو .. امي قالت لي الراجل ده الناس دي كلها بتشهد بي صلاحو لكن انا اصلي ماردتو قلت ليها يمه ده الشيطان 😂😂 اصلو مابدور الناس الصالحين ..
قالت لي غايتو امشي ولو المكان ماعجبك وله اتضايقتي طوالي تعالي راجعه ..
قلت ليها حاااااضر بس انا اوصل واشوف الحاصل ..
من الصباح قمت نضفت واستحميت وحميت اولادي ..
والساعه ٩ونص كده قريب ابوي جا لقاني جاهزه بس لبست وطلعنا ..
وصلنا لقيت المكان هادي والصيدليه فيها بت محجبه وحلاتا ماشاءالله .. بقيت اتونس معاها لحدي ما ولدو جاء واسمو عمر ..
قال لي ده عمر ولدي وانا حكيت ليهو عنك .. سلم علي وقال لي اعتبري العياده تبعك وتززلي تدريب طوالي ..
وابوهو كان مسافر .. اخدت ٦ شهور وكنت مبسوووطه شديد واخيييرا ح اخد شهادة الخبره ..
المهم بعد ال٦ شهور دي ابوهو جا راجع .. يوم جانا بالعربيه لحدي باب العياده سلم علينا وجاء ماشاءالله لابس بدله وصابغ شعرو ومتغير شديييييد ..👏
اصصصلي ماارتحت المره دي زي زمان لقاني مع بتاعت الصيدليه وكنت طالعه البيت سلم علي وقال لي انا زاتي طالع بوصلك .. قلت ليهو لا انا بوصل المهم اصر وقال انو غاشي بيتنا ..
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#معاناة_مطلقة《10》*💔
*#بقلم_سالي_اسماعيل*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
.. ركبت مع قريب ابوي واحنا في الطريق قال ليهو كم كلمه خارم بارم كده ..
وبدا يتكلم لي السودانيات ماكلهم بعرفو اتعاملو مع ازواجم ..
والازواج عايزين اعاملوهم بي طريقه حلوة ورقيقه وكلام زي ده ..
هو كلامو ماغلط لكن الطريقه الكان بتكلم بيها وااااضحه بتدل على شنو ..
قمت قلت ليهو النسوان ااي صاح مرات بغلطو ..
بس الرجال زاااتم بقو كعبين الواحد اشوف القبه اقول تحتا فكي ..😏
قال لي كيييف يعني ..
قلت ليهو يعني الراجل اكون صوام وصلاي قدام الناس وقدام مرتو ومجرد ماالقى فرصه اعمل الغلط ..
اعوذ بالله من ده زمن ..
قال لي قصدك شنو انا مابعمل غلط مجرد ونسه 👏..
قلت ليهو ياعمي انا ماقصدتك ..
قال لي عممك ؟
من متين بتناديني عمك ؟؟
قلت ليهو اصلا انت في الحساب عمي وراجل شيبه وليك مكانتك وماحصل جات مناسبه تخليني اناديك اصلا ..
لكن معليش ياعمي ..
صر اخلاقو وشماني وسكت تاني ماقال ولاااا حرف 😒..
وصلنا البيت ولا دخل زاتو بعد نزلت قلت ليهو اتفضل ياعمي قلت داير تلاقي امي ..
قال لي لا بجيها تاني ..
دور عربيتو وكتحني بالغبار نفضتو ودخلت 👏😂..
حكيت لأمي ..
قالت لي اصلم اهل ابوك ديل مابجينا منهم خير 😂
خلصت السنه وشلت شهادات الخبره الاتنين صيدله واسنان ..
وقدمت السي في في كم دوله في النهايه اتقبلت في السعوديه منطقة حائل ..
المشكله بقت في اولادي .. كييييف اسوقم وابوهم ماموافق ..
مشيت لي نسابتي لقيتم قاعدين وزعلانييين بتهم العروس يادابا حامل راجلا داير اعرس ووده شنطتو حتى وعرسو بعد اسبوعين لقيتا تبكي اول ماجيت سكتو لكن انا ساااامعه الخبر قلت لي مرت عمي وصفو لي بيت نور الدين دايره موافقتو على سفر اولادي معاي .. قالت لي انتي نحن متين نخلص منك ماعارفه بيتو عاينت ليها كده 😏 وقلت ليها انتي مابتتعظي ماكفاك الحاصل على بتك ولسسسه ربنا ينتقم منكم وتشوفيهو فينم وااااحده واحده قادر ياكريم قامن وهاجن قلت ليهن كان هجتن وكان قعدتن دين والدك بقالدك .. وانا براااي بعرف بيت نور الدين وانتن موتن مغصه العملتنو لي افادني بعد رجعت منكم اهلي دعموني وهسي الحمدلله مسافره اكمل مشوار نجاحي وانتو موتو كمد 👏..
طلعت خليتم بجم ومابستاهلو السكوت ..
خربو لي مزاجي 😒
مشيت لي عمتي اصلا هي الوحيده الحسينه معاي
قلت ليها بس تفتشي لي بيت نور الدين انا ماصدقت لقيت وظيفه وح ارفع نفسي وامي واربي اولادي زي ماعايزه ..
قالت لي ان شاء الله اعرفو ليكي انا اصلا ماحصل مشيت ليهو ..
بعد يومين جاتني وقالت لي ارح بمشي معاكي .. وانا اصلا اجراءاتي جاااهزه منتظره بس موافقتو على سفر اولادي ..
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#معاناة_مطلقة《11》*💔
*#بقلم_سالي_اسماعيل*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
عمتي مشت معاي لي بيت نور الدين ..
عاد ياخواتي من بسم الله باب الحوش فتحو لي البنات الشغالات تحس انك مافي السودان البيت حتى حوض السباحه ده فيهو 👏 ..
دخلنا جوه البيت وجاتني مرا الصلاة على النبي تبرق من السماحه ❤..
وشايله ليها طفل سلمت على وضيفتنا وشكلها مصريه ..
عمتي قالت ليها وين نور الدين ..
قالت ليها في نايم ..
قالت ليها النايم ليها شنو 😡 صحي قولي ليهو عمتك دايراك ..
مشت صحتو جا لمن شافني لمن اتخلع ..
قبل السلام قلت ليهو لو سمحت البس ويلاك معاي عندي شوية اوراق منتظره توقيعك مسافره وعايزه اولادي يسافرو معاي ..
هاج وماج وكورك واولادي مابسافرو وشنو وشنو ..
قلت ليهو هيييي وافقت خير وبركه ماوافقت قسما عظما ارفع عليك قضيه نفقه وعدة وادفعك الوراك وقدامك واعيش ملكه على حسابك .. ومعاك يوم وااااحد ..
ياتجي وتوقع يا والله اعمل الفي راسي ..
وبلا صداع مرتو جات قالت لي على راحتك ياحبيبتي يوقع ولا على كيفو هي لعب عيال 😏😡..
شوف يانوري ياحبيبي اقصر الشر وروح معاها كده قبل مااروح انا 👏..
عاين ليها وعاين لي وقال لي اطلع طلعت روحك ياخي واولادي لو فرطتي فيهم خليتك لي الله ..
قلت ليهو يااااخي انت عندك اولاد وريني عملت ليهم شنو ..
تاتيت واحد وله ناديتو 👏
سهرت معاي وله ربيت وله نزلت الحمى لي ولدك وله سمعت اولادك بلولو بابا عمل لينا وبابا جاب لينا 😏..
اتقطع لسانك لو قلت عندك اولاد غير العندك ديل ..
لكن اتأكد انو اولادي ح يتربو احسن تربيه ويكونو احسن منك واهمممم شي ماح اخليهم العبو بي بنات الناس 👏
هه قال اولادي قال تلد في يدك 😒..
طلع معاي ووقع في نفس اليوم وعاد انا اضحك للضرس الأخير ..
٥ ايام فقط وسافرت السعوديه انا واولادي ..
ودي رحلة براااااها ..
البهدله الفي البدايه ومابعرف زول والسكن والاماكن غريبه علي .. والجو شويه كده في البدايه لكن الحمدلله الامور سلكت ..
--------------------------------------
---------------------p
*☆يتبــــــــــــــــــــــــــــــــــــــــــــع☆☆*

*#معاناة_مطلقة《12》*💔
*#بقلم_سالي_اسماعيل*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
اموري ماشه تمااام الحمدلله 😍..
ورجعت اتبسطت تاني واولادي البلد نفعت معاهم واخدت ٣ سنه كانت كأني زول تاني طبعا ..
واشتريت لي ٣ قطع ارض وعملت لي عياده خاصه وصيدليه ..
ومبسوووطه بيها .. كان باقي من عقدي ٤ شهور وانتهي وارجع السودان ..
جابو لينا صيدلي سوداني في نفس العياده الانا فيها .. وكان اسمو محمد .. شاب عمر ٢٩ وانا كنت ٢٥ .. وكان ظريييف ومضحك الاسطاف كلو بنتظرو عشان يضحكم 😂..
قعداتنا كتيييره مع بعض بحكم اني اكتر خبره في البلد واقدم منو وكمان من نفس البلد ..
اهلو ظريفين امو واخواتو بتصل ليهم ايمو بتكلم معاهم ووعدتهم اول ما انزل السودان اوصلم ان شاء الله ..
تمينا ٣ شهور معرفتي بي محمد وكانت حلوة شديد واحترامو وادبو وهزلي مرات وحنين اي بت بتتمناهو 👏
في ال٣ شهور دي عرفنا اي شارده ووارده عن بعض ..
اولادي كانو بحبوه حب مبالغه .. وبالذات الولد الكبير ده اتعلق بيه عديل ويسألو منو وانا كذلك🙈😂
في الشهر الأخير انا كنت حاسه بي شعور غريب تجاه محمد .. 💔..
لكن لما اتأكدت من مشاعري تجاهو قلت هوووي يابت لملمي نفسك وابعدي ماتغرك البلد دي ولا ضحك اهلو معاك انتي ولدك عمرو ١٠سنه منتظره زول احبك 😂👏
الا يكون عطف والباقي فيكي ده خلي لاولادك 💔
ياهو نفس المجتمع الزلاكي وهانك ومرمطك من عمر ١٤ سنه منتظره منو شنو ..
قفلت تلفوني وقلبي زاااتو ورسلت لي ناس امي اني بعد شهر جايه وكانو بديت ليهم بنيان وماشاء الله حتى شطبو والعفش شايلاه معاي ❤..
وبقيت مابحتك بي محمد بسلم عليه بس وبمشي وكل المعاي لاحظو اني متغيره ..💔
بعديها بي كم يوم بقيت بجهز في حاجاتي للسفر ..
نزلت المول واشتريت لاخواتي وامي وابوي وماخليت شي وامي ده دقيت ليها ٤ غوايش كبيره واحفظ مالك ❤👏 دي الحبيبه عاد كيف مااعزها ..
وعزييت نفسي واولادي تماااام واتأكدت من شحن العفش .. شحنتو بحري لانو لازم اتشحن قبلي تزكرتي بي ٣ ايام .. وناس الشركه بوصلو للبيت ..
وبقيت اخر لي ايام وانا تلفوني مقفول ..
اخر يوم جيت داخله لقيت محمد في الباب وواضح عليهو انو عيان او مساهر ..
قال لي ليه بتعملي كده وعشان تثبتي شنو 😡..
قلت ليه بالنسبه ؟؟!
قال لي تقفلي تلفونك وتتجنبيني قايله كده حليتي مشكله ..
قلت ليه بتتكلم عن شنو انت ومشكلة شنو انا ماقافله تلفوني عشان مشكله ..
قال لي الاعمى بقدر اشوف الحاصل معاكي لمتين ح تعقدي نفسك وتدفنيها لمتين ح تعيشي دور الضحيه 😡..
قلت ليهو الكلام ده مافي داعي ليهو وانا عارفه نفسي شنو ..
كنت ح امشي لقيتو قفل الباب
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#معاناة_مطلقة《13》*💔
*#بقلم_سالي_اسماعيل*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
محمد قفل الباب 👏..
وقال لي يشيخه مافي طلعه غير لما اتفاهم معاكي 😡 .. بعدين ياخي تعالي هنا انا أزيتك بي شنو عشان تعملي فيني كده ؟؟
قلت ليهو محمد لو سمحت انا ماعايزه نغاش 😭
خليني اطلع بس ..
قال لي ابقى مابحبك جد لو خليتك تطلعي بالطريقه دي 😡..
انا 😳😕..
ماتعايني لي اااي بحبك وعارفه من متين من لحظة شفتك .. وكنت بتمنى انك ماتكوني متزوجه من لاقيتك لاني خفت تكوني لي غيري ..
انا حبيتك من تصرفاتك وعفويتك ..
حبيت فيكي خوفك وخجلك وماضيكي وحاضرك ..
انا الشهر ده تعبت فيهو تعب عمري ماتعبتو ..
قلت ليهو محمد ماتكمل عليك الله وتتعبني على تعبي 😭💔
الحب ده احسن تدفنو ..
وهو ده ماحب اصلا دي مجرد شفقه وح تنتهي 😭..
بعدين مصيرنا نرجع سودانين ونرجع لي سودانا الحبيب المعروف فيه انو المطلقه ماممكن تتزوج راجل اعذب 😭😭..
قال لي يابت فووووقي انتي في القرن الكم 😡
ياخي الناس اتغيرت وانتي مالك مال الناس انتي ..
محمد عليك الله الحب البتحكي عنو ده ماح يجيك وراه غير وجع الراس واهلك ماح يقبلو وانا مستحييييل اعيش نفس العيشه الفاتت ..😭💔..
ياااابت الحلال انا اشرح ليك كيف اهلي بختلفو تماما عن اهل ابو اولادك ..
ماعارفه لكن حسيت جسمي ماشايلني قعدت في الكرسي قعد جمبي في الارض عليييك الله قولي خير بس🙏 وانا اجيب اهلي كلهم لحدي عندك ووالله انسيك العشتيه كلو من قبل تتزوجي 😭 صدقيني انا شاريكي ووالله ما شفقه مني طيب عايني في عيوني مره وحده بس وبتعرفي لو حب او شفقه 😭..
بقيت متحيره ياربي اعمل شنو انا والله بحبو بس المجتمع مابرحم 😭..
قلت ليه انا كمان حبيتك بس خايفه اتكرر الحصل معاي 😭😭
مسك يدي وقال لي انا ماعايز ولاااادمعه تنزل على خدك تاني كفايه دموع وح ننزل السودان سوا ونعمل عرس احلى من أحلامنا ..
ياخواتي اتبسطت لمن بقيت ارجف وطلعت طوالي جهزت حالي للسفر ..
فتحت تلفوني وبقبت اتكلم مع محمد ..
واليومين القبل السفر دي مابنفيل التلفون الا للنوم🙈😂
وكل مااصلي بدعي ياربي خاطري ماينكسر .. يارب تكتمل فرحتي ياااارب ..
جينا السودان وياالله على السودان ..
ولو شفتو فرحت امي لمن تقول دكتورتي جات دكتورتي مشت ..
وله جاراتا انادوها ام الدكتوره 🥰..
من شافتني تزغرد وقالت لي عماتي وخالاتي شوفو بتي رفعت راسي يانسوان صلو على النبي ماتسحروها..
👏👏
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#معاناة_مطلقة《14》*💔
*#الاخيـــــــــــــــــــــــــــــرة*
*#بقلم_سالي_اسماعيل*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
جيتي السودان كانت اكبر فرحه بالنسبه لي 🥰..
وفرحة أمي بي ربنا يضوقكم ليها كوووولكم يارب ❤..
محمد كلم اهلي وطلعو عكس توقعاتي تماااااما 😳..
اتوقعتهم ارفضو واشاكلوه لمجرد انو فكر اتزوجني 😕.. لكن بالعكس طلعو ناس فاهمين جدا .. وامو اتصلت لي وقالت لي يابتي انا مابفرق معاي عمرك ولا طولك ولا انتي منو وشنو انا بتهمني سعادة ولدي ❤🥰..
واتأكدي لو مازدتك من بناتي مابنقصك وغايتو انا بكيت بكاء لمن هي زاااتا بكت معاي 😭
بعدها اخواتو اتكلمو معاي برضو من الفرحه لمن حسيت اني بحلم ..
ومحمد ده كووم براااااهو 🙈..
رجعت اضحك وافرح ونفسياتي في السماء 👏😂
وانحبست للعرس وكان احلى عرس عملت كل النفسي فيهو صاله وحفله وجرتق وعملنا حفلتنا ٩ صباحا 😂😂 ومشيت بالزفاف البحر واتصورنا هناك 🥰..
غايتو رجعت طفله واتهابلنا ولا كاننا ناس كبار 👏
وعشت اجمل ايام حياتي مع محمد ..
وكان نعم الأب لاولادي ولي انا زاتي 😂🙈
حنيتو ياها زااااتا واختمامو ورجولتو .. لساااهو محافظ على حبنا .. وولا يوم ماخلاني احس باني اقل منو او اني كنت مطلقه ..
كان بقول لي انتي الحاجه الوحيييده الانا طلعت بيها من الدنيا دي ومابفرط فيكي 👏
بعد سنتين جبنا احلى رغد ..
ومحمد لسه بجيب لي حلاوة مع بتو 😂
بحسب حسابي في الشيبس مع اولادنا ..
ومربي اولادي احسن تربيه ..
وبي كده خلصت حكايتي 🥰..
*النهــــــــــــــــــــــــــــــــــــــــــــــــاية*
#تخريمه_صغنونه🤏..
*لااازم نقتنع انو ماكل الناس بتناسبنا 👋..*
*وعشان نحقق احلامنا لاااازم نكافح ونتعب ونشقى ..*
*الاحلام مابتتحقق لمجرد انك عايزا ..*
*وعوض ربنا جدا جميل 🥰 ..*
*لكن عشان تستاهلو وتنالو لاااازم تصبر ❤*
*وياقول حبوبه الصابرات رواااابح 🥰😘..*
نتلاقى بعد في روايه جديده ..
محبات😘
*النهاية