لمن تقول فلان دا #زولي ولا فلانه دي #زولتي
لازم تكون فاهم معني الحاجة دي ..
#زولك هو البيعرفك من #بحـة_صوتك و اول من م تقول ليهو #الووو ✆
بيقوليك مالك ..!!
زعلان من شنو ..ولا حاسي بي شنو..!!
أول كلمة بيقوله ليك #انت_كويس ؟
لانو بيكون فاهمك وحافظك حفظ ;) ..
#زولك هو اللمن يشوفك بتضحك ممكن يفهم ورا ضحكتك في شنو ..!!🙃
زولك ما هو الزول الدايماً ضاحك ليك ومبتسم
بالعكس هو الممكن يشاكلك ويجوط و يقوليك أي شـۍ والسبب...
هو عارف انو البينكم ما ونسة وضحك وبس
البينكم عُشرة واكتر من كدة ✌ ..
وما ينفع يشوف غلطك ويسكت عليهو
زولك هو الزول الما بتحسبو لـ بعض الكلام والتصرفات ..
يعني زولك ممكن تطردو من #الباب :/ :/ دا ..
تجي تلقاهو بالباب التاني 😂😂😂
عارف ليه !!
لانو بيحـس انو عندو حق في #بيتكم :* ❤
زولك ما هو الزول البيلبس ويتهندم علشان يلاقيك وبينمق ليك الكلام .. زولك هو البيكون معاك ع طبيعتـو :* :* :* ..
زولك ما بتحتاج لمن يجيك تجري السوق وتجهز المحمر والمقمر
زي ما بيعملو #للضيوف لا ممكن تعجن ليهو كسرة بـ موية وتاكلوها سواء 😂😂😂
حتــۍ ممكن يقول ليك ما عندي ليك حاجة واصلا ما جاي وبعد شوية يتصل ليك تعااال افتح الباب يـ زفت 😂😂😂
زولك هو الممكن يسمعك فارغ لمن تتكيف بس وقت الحارة بتلقاهو اول زول ..
زولك ما الزول البيهتم بسفاسف الامور في حياتك وبس زولك يعني انت في شكل تاني يعني ماف سؤال عنك ممكن يغلبو لانو حافظك و عارفك حق المعرفة ..
زولك هو الزول المستحيل يقرۍ المنشور دة وما يتزكرك ;) ويوفيك ويوصف حالتو معاك ☺ ;)

#حنينه 💞