" شدّ على يدها شديد وقال ليها بضعف: قولي لي سيف بعد يصحى منذر عافي ليك وي ريت انت زاتك تعفي ليهو..ومتأكد من انو ح يعرف القصة كاملة وانو انا م عندي ذنب في اي شي..وهو م زال وح يفضل اخوي وحاجة كبيرة بالنسبة لي و..
عايني..
دخلي يدك في جيبي..بتلقي تلفوني مرقيهو"

" فعلا لميس دخلت يدها ومرقت التلفون وفتحتو..اتفاجأت لمن لقت التسجيل فاتح "

_ دا شنو؟

- لمن الراجل جاني وكان عايز يتكلم معاي في موضوع عائلي زي م اوهمني ..أثناء م هو مديني ضهرو انا مرقت تلفوني وشغلت التسجيل للضمان ..
احفظيهو ووديهو لي علي وقولي ليهو دا دليل قاطع وقوي ع انو صلاح هو القتل ابونا..
وقولي لي مرام اخيرا قدرت استفيد منك في حاجة لانو دي حركاتا😂"

_ طيب تمام..بس انت ح تبقى كويس وم تجيب سيرة الموت دي تاني❤️⁩

" منذر وهو بحاول يقاوم الالم وعيونو البقى م شايف بيها شي..حاول يستجمع نفسو ويقدر ينطق كلماتو الأخيرة:  لميس..خلي بالك من نفسك..بحبك❤️⁩!"

_ انا برضو بحبك ي منذر بس م تمشي تخليني 💔

-........

"بعد مسااافه انتبهت لانو ماف رد منو وجسمو بقى تقيل بقت تضرب ع الخفيف في خدو وبتقول: منذر ..منذر
فجأة صوتها عِلى وبقت تصرخ : لالالالااا منذر لااااا..منذر انت م ح تمشي تخليني منذر لااااا..
منذر انا م بقدر بدونك..منذر م تمشي ..

دفنت راسها في صدرو ودموعها جارية: منذر ..م تمشي..م تمشي ي منذر
م تخليني 💔
م تخليني ي منذر..عليك الله..انا..انا م عندي غيرك..تخليني لمنو؟ ماشي مني وين؟..منذر لااااا عليك الله لاااا💔

" صوتها كان عالي ودموعها زي الشلال وهي بتهز فيهو وبتقول ليهو قوم قوم م تمشي مني💔"

#فجأة مرّ قداما شريط الذكريات بينها وبين منذر

_ هوي يا

- منذر انا بلعب م تلخمني

_ بحبك طيب

- مننننذررر

_ عيون منذر 😂

-اجري اجري

_ عملتي شنو ي زفت

- فلقت كلب ناس عبودو

" تعالي اكتب فيك شعر زي م بعمل علي لي فدوى "

_ لالا شكرا م نفسي اسمع😂

- " اذا اجتمعت كل النجوم وكل البحار على اكناف وطني لن يكون لي وطنٌ سواكِ..
لميس يا من لامست قلبي وروحي ...أحبك حتى يفنى الحب"

_ ابداع ماشاء الله رغم اني م فهمت اكناف وطني دي شنو😂👏

_ كلام كبير عليك

الساعة 3:00 صباحاً

_ نعم ياخ ضاربة لي زي الوقت دا في شنو؟

- انت ليه بتكورك فيني💔

_طيب معليش اها قولي عايزة شنو؟

- غني لي م جاييني نوم

" تن تن الخط فصل"

# انا والله العظيم حاولت اني افهم البنات ديل بس لقيت اني زي بحل لي مسألة فيها تفاضل وتكامل بالتجزئة وبالتعويض وكمان تحت كاتب لي اوجد المسافة والسرعة وم مديني العجلة كلو مع بعض🙂

- انا حاولت اني افهم الاولاد بس لقيت احسن  احضر لي حاجة عن كيفية والتعامل مع اطفال لانهم زي الشفع لمن يحبو..وم بقدر اتعامل معاهم الا كدا ..

- لمن يحبو؟..في زول بحبك غيري؟

_ لا مافي

- لا احسن يكون في

_ أقيف م تجري

- م قاعد اجري انتي البتمشي براحة

#دا شنو ي منذر

- دقيقة اشرح ليك

_ م تشرح لي ..

_ اقيفي ياخ😂

- لمن عينك تبقى مليانه وم تشاغل اي بت بعداك ممكن أقيف اسمعك

- زابط

_ زابط؟ دي شنو يعني ؟

- يعني خلاص تمام تاني م ح اشاغل

_ كضاب كيف..دي بقت عادة وحاجة اتزرعت جواك

- طيب م ياهو انتي فاهمه مالك بتركبي وش
وش ولا دور هههخ 😆
طبعا م ح تفهميها

_ فعلا م فهمتها..

- ناس زمان بقولو لي دور الغسيل وش

_ شنو؟

- م عليك بيهو خلاص😂


# منذر انا بحبك شديد والله⁦❤️⁩"
_ م ح يكون اكتر مني ⁦❤️⁩

# منذر ياخ انا خايفة..
_ منذر وريني اعمل شنو
_ منذر ووووب منك ..منذر روق ساي ..منذر بطل حركات ..منذر م تضحك فيني تعال ارفعني ..منذر احسن ليك..منذر اسكت
_ منذر عيونك دي لو م مليانه واي بت في الشارع بتعجبك قول لي عديل الناس تكون واضحة ..منذر عليك الله م تغني لالالالااالا
اضاني اضاني لااااا
_ منذر م تمشي مني..م نفسي يجي يوم وتبعد..منذر انا بحبك.⁦❤️⁩

منذر: ‏عيناك تحوي الأمان لقلبي فكُلما نظرت إليها أشعُر وكأنني في نعِيم لانهاية له ♥️.

_ الله اكبر الله اكبر 😂

- الرومانسية اصلو م شبهك

_ بتجيب الكلام دا من وين


# لميس..يمكن انا م عندي شي ممكن اقدمو ليك..م عندي عربية ولا بيوت ولا قروش بالمليارات..ووضعنا م زي وضعكم..
انتو اتربيتو مع الخدم وكل طلباتكم مجابة والحياة عندكم ساهلة شديد..
بس انا حياتي كانت صعبة وبنعاني شديد.عشان لقمة العيش الانتو بترموها في الذبالة دي
بس خليك متأكدة انو انا حبيتك بكل قلبي ...قلبي دا كل العندي والممكن اقدمو ليك!❤️⁩"

__________________

"لم أحبك لحاجتي للحب، ولم أحبك لسد فراغات أيامي، لم أحبك لأنني وحيد وأريد ظلا أظل به، بل أحببتك لأنك أنت، لأنك المكان الآمن، لأن الخوف معك يتلاشى كأنه لم يكن، أحببتك بسجيتك وبعيوبك حتى في اللحظات التي لم تحب نفسك بها أحببتك كثيرا ورغبت بك كثيرا دون توقف ❤️"

_/_/_/_/_/_/_/_/_/_/_/_/


#نتلاقى..