المشكله لو الماضي عدا بس انت متأكد انو اختيارك كان صاح وعقولنا لمن اختارت كانت ناضجة فعلا.. بس القسمة لعبت دورها
هنا عمرو الجرح م بتنسي بالعكس بكون اعمق
ساعتها تقول ياريت لو كان #خذلان او حتى #خيانة كان ح تخت اللوم ع الطرف التاني وتحس بي انك تستاهل الاحسن..بس للاسف لما تكون متأكد انو الاحسن والافضل انتهى وبقى من الماضي
#وجع

#خيانة_زوج
للكاتبة : هبة ابوبكر
-١-
الرواية معظم احداثها حقيقية والاحداث الاخرى لها جانب من الخيال وبتمنى تنال اعجابكم♥️

انتي عمرك م سمعتي كلامي في حاجة والمفروض تبطلي البتعملي فيهو دا لانه ما صح ونهايته يا اما فرحتك يا اما كسرتك .
اعرفكم بنفسي انا علياء قدمت للجامعة ومستنية نتيجة القبول قمحية عندي غمازات طولي عادي وحيدة امي وابوي , ابوي حسن انسان محترم ومسكين ووضعنا المادي عادي وهو مغترب , امي نبيلة كل حنية الدنيا فيها , عندي بت خالتي لكن بمثابة اختي واكتر اسمها شهد سمرا عيونها واسعة جميلة نفس عمري دي اللي كنت بتكلم معاها فوق.
شهد : لكن ي علياء انا بحبه ومتأكدة انه هو كمان بحبني ومستحيل يخوني او يكسرني
علياء : انا خايفة عليك يكون من الشباب اللي بقضو وقت وخلاص , خايفة على قلبك من الوجع وخايفة برائتك تروح .
شهد : عارفاك انسانة حنينة وخايفة عزي لكن انا وهو والايام حنثبت ليك انه حبنا الوفاء والصدق كانو متوجينهم 💜.
نبيلة : يلا يا بنات تعالو الفطور
علياء وشهد : حاضر جاييين
طبيعي احنا قاعدين بنتونس وماسكين تلفوناتنا وكل شي بنلقاهو جاهز م بنعمل اي شي زي م بتقول امي مامنكم فايدة وحترجعو بخبيزكم انتو وتلقو سرايركم زي ما هي 😂😂💔 فطرنا واليوم دا كسرنا القاعدة وانجزنا شلنا صينية الفطور وغلسناها وشي ضحك وشي تفاهة 😂♥️
عملنا شاي وظبطنا القعدة وحنا بنتونس تلفوني رن مشيت اشوف المتصل لقيت رقم غريب وما من السودان ما اهتميت كتير عملت التلفون صامت وطلعت كملت قعدتي و..

نتلاااقى

#خيانة_زوج
للكاتبة : هبة ابوبكر
-٢-

طلعت كملت قعدتي معاهم عادي لكن شهد كانت بتعاين لي زي كأنها عارفة دا منو الاتصل من هنا حتبدأ قصتي .
الانسان المرتبطة بيهو شهد بقرب لينا لكن من بعيد ف مرة اجبرتني اتكلم مع قريب حبيبها انا رفضت في الاول بس قالت لي عادي و دا بس سلام وخلاص مسكت التلفون سلمت عليهو واديتها التلفون
اعرفكم عليهو اسمه محمد مغترب في السعودية مع ابوي كان متزوج وحدة اهلو اجبروهو عليها جاب منها طفل وطلقها , نرجع للقصة .
بعد ما شهد قفلت الخط شاكلتها
علياء : انتي عارفة انا رأي شنو في الحاجات المرة الجاية هحرجك
شهد : ي علياء م تكبري الموضوع في النهاية دا بقرب لينا وكان مجرد سلام بس عادي ما حصل شي يعني
علياء : خلاص ي شهد اقفلي الموضوع
حبوبة فاطمة : ي بنات امشن جيبو لي الحلل حقتي من ام محمد وقولو ليها حجة فاطمة قالت ليك تعالي اشربي معانا القهوة بعدين
شهد : انا تعبانة امشي انتي ي علياء
علياء : لا الا تمشي معاي
شهد : فقر خلاص ورح 😒

لبستا اقرب توب لي وطلعنا بقينا ندق في الباب ماف زول فتح قربنا نمشي جا فتح ولد صلاة النبي عليهو جمال م طبيعي شهد همست
شهد : واييي ي علياء دا مازن حبيبي
علياء : البجيبو هنا شنو كمان بدخل بيوت الناس ساي
شهد : يحيوانة دا بيت حبوبتو , محمد الاتكلم معاك دا ببقا ليهو خالو 😂🤦‍♀
علياء : اهااااا خلاص فهميني بعدين كدي نشوف ام محمد دي
استنينا شوية جات سلمت علينا وضيفتنا شلنا الحلل وكلمناها بي قعدة القهوة وطلعنا

نتلاقى...

#خيانة_زوج
للكاتبة : هبة ابوبكر
-٣-

مشينا الدكان اشترينا شوية حاجات ورجعنا البيت دخلنا الحلل المطبخ وكلمنا حبوبة انه ام محمد جاية
الباب دق فتحتو لقيت ديل صحباتي اعرفكم عليهم
روان دي البيست والحلاوة كلها , رزان اول صحبة لي وبنات جيران مجنونة وي عسل الشلة ♥️😂 , نغم انسانة هادية شديييددد وعاقلة , مزدلفة اتعرفنا عليها في نهاية السنة .
علياااء : عملتوهااا كيف يعفناات واي مشتاقة ليكم 😭😭😭😭💔
رزان : ما جيناك جينا عشان شهودة وعشان خالتو نبيلة 😒😜
شهد : اوديك وين اناااا لكنن 😂🌚♥️
علياء : م تتغزلو لينا 😒
روان : خليهم يعيشو الدور ورح جوا انا جعانة 🌚💔
نغم : جنها اكل يبت احنا حسي اكلنا
روان : ي نغم استريني م ممكن معاك 💔🙂
كلنا متنا ضحك 😂😂😂😂💔
امي سلمت عليهم وجهزنا الغداء وطقينا كووويسس وبقينا نتونس
مزدلفة : انا الواجعني وسادي نفسي انه المدرسة قالو يوم الاحد 😭😭😭💔
كلنا بصوت واحد : شنوووو كيف يعني يوم الاحد 😳😭😭😭💔
مزدلفة : كتبو كدا في الجريدة 😂😂😭💔
شهد : سجمناا 🙂💔💔💔
علياء : انا نفسيا وجسديا م مستعدة نوهااائي 🙂😂💔
روان : انا حنتحر بس 🙂💔
نغم : افوض امري لله 😂😂😂😭💔
قلبنا البيت بيت بكا بسس 😂😂😂💔
المغرب دخل والبنات قالو الا يمشو بعد تحانيس قعدو وشربو معانا القهوة و ام محمد جات كانت قعدة دسسيسة , حبوبة م خلت فضيحة عننا م قالتها لو في عريس سمعها اصووو م بجي تاني 🙂😂😭💔
والبنات ميتين ضحك 😒💔 شهد تلفونها رنة لقتو محمد اييي ياهو ذاتو الاتكلمت معاهو والامه قاعدة معانا حاليااا😂💔 طلب منها انه تديني اتكلم معاهو عشان ماف زول يلاحظ شلت التلفون ومشيت بعيد رديت ليهو ببرود شديد واتكلمنا شوية وقفلت الخط والتفون نهائي عشان م يتصل عديم الموضوع دا🙂

نتلاقى

#خيانة_زوج
للكاتبة : هبة ابوبكر
-٤-

العشاء اذن والبنات مشو بيوتهم وام محمد كمان مشت دخلت صينية القهوة وغلستها ومشيت صليت العشاء ورقدت بقيت بعاين للسقف 😂💔 بفكر ليه محمد بقا يتصل بي شهد ويسألها مني ويطلب منها انه يتكلم معاي جات شهد خبطتني بالمخدة
شهد : اليوم دا حلووو بمعنى الكلمة
علياء : حرفياا اطلق يوم ♥️
شهد : هيييييي نسيت اسألك محمد قال ليك شنو قبيل
علياء : ما قال لي شي اتكلمنا عادي
شهد : تمام يلا تصبحي على خير
علياء : ونتي من اهلو

مر الاسبوع ونزلنا تانية ثانوي بعد اسبوع من نزلونا سمعت انه محمد نازل السودان في الايام دي كنت بكرهو م اهتميت بالموضوع كتير بس في يوم تلفوني رن نفس الرقم الكان اتصل قبل كدا رديت المرة دي طلع يااااهو الصوت الما بغباهو🙂💔
محمد : علياء كيفكك 😍
علياء : تمام والله وانت كيف
محمد : بعد ما سمعت صوتك بقيت تمام
علياء : حقفل الخط
محمد : اديني فرصة ي علياء ولو ما ارتحتي لي اعملي العايزاهو
علياء : تمام
اتونسنا شوية وقفلت سجلتو وسألت شهد ليه ادته رقمي
شهد : هو اصر علي ف اديتو ليهو وبعدين هو حياكلك مثلا دي شنو الفقر دي 😒
علياء : خلاص اسكتي مني

يوم بكرة الاتنين عندنا اختبار وحنا ما قارييين اي حاجة😂😂🙂💔💔
بقينا نتكلم في القروب عن الاختبار
روان : انا القراية غلبتني شوفو لي عريس بس😂😭
رزان : الناس تنتحر بسسس ماف حل غير كدا 🌚💔
نغم : ي بنات الكلام دا بسيط ما فيهو شي انتو بس ركزو
شهد : اييي ما انتي حفااارة وعارفة كل شي 🌚😂
مزدلفة : انا ما قادرة اعبر يجماعة مصدومة م عارفة اقرا شنو واخلي شنو غلبني وكتر علي 😂😭💔
علياء : ما ساهل ما شوية 💃😂😂
شهد : دا بس الانتو فالحين ليهو 😒😂

قفلنا ع كدا و اي وحدة مشت تحاول تنجز اي حاجة واليوم انتهى

يوم الامتحان محمد اتصل علي الصباح قبل م اطلع وكان عارف انه عندي امتحان شجعني وكدا وطلعنا على المدرسة الامتحان جااا ظاااابطط يعني لو كنا قرينا كان قفلناهو قولو ما شاء الله 🌚♥️😂

نتلاقى

#خيانة_زوج
للكاتبة : هبة ابوبكر
-٥-

رجعنا البيت شوية والعصر اذن صلينا وامي جهزت الغدا ختينا الصينية
نبيلة : في وحدة جارتنا دايراك لي ولدها ي علياء
شهد : اخيرا بورتك حتتفكاا😂😂
علياء : شهد احسن تسكتي 😒 , ي امي انا حاليا م بفكر في الارتباط ولا عرس لسة بدري
حبوبة : ي بتي البت طالما بتعرف تقرا وتكتب خلاص محتاجة شنو تاني غير راجل يسترها
علياء : ي حبوبة لكن زمنا غير زمنكم حسي البنات بقو يقرو ويخلصو ويشتغلو الزواج ملحوق ليه اضيع اجمل مراحل في عمري في مسؤولية اكبر من عمري
شهد : شوف البت 🌚
علياء : قومي طيري ي حيوانة 😒
شهد : خلاص سكتاا 😂😂🌚💔
نبيلة : انا لسة م كلمتا ابوك
علياء : ماف داعي تكلميهو عشان انا م موافقة 🙂 , شبعتا خلاص
حبوبة : تعالي تمي اكلك
نبيلة : خليها بتقوم بعد شوية تفتش تاكل 😒
شهد : ي خالتو م كان تجيبي ليها سيرة الموضوع دا منها حتزعل وتزعلنا كلنا معاها ومنها حترد الاكل والقراية وهي اصلا دايرة ليها سبب المعولقة دي😂😂
نبيلة : الله يهديها ويصبرني بس

حردت الغدا دخلت الغرفة لقيت محمد متصل في اخر لحظة رديت
محمد : الو كيفك
علياء : تمام وانت كيف
محمد : انا تمااام التمام , كيف كان الامتحان
علياء : كويس والله
محمد : صوتك مالو متغير
علياء : ماف شي بس مصدعو شوية
محمد : خلاص ابلعي بندول ونومي وانا بتصل بعدين
علياء : طيب يلا

شهد : كنتي بتتكلمي مع منو على فكرة سمعتا اي حاااجة اناا 🌚💔 دا منو من دون كذب 🌚
علياء : يعني في غيره 😒
شهد : اححح انا بس من محمد
علياء : اتلمي هبلة دي خلي اححح , تقولي بنحب بعض 😒😂
شهد : التلفونات بتكتر والكلام بيكتر والحب بيجي 😉
علياء : خلينا من الحب , امي قالت شنو بعد م قمت من الصينية 😂😭
شهد : م قالت شي , بس لكن حركتك ما ظريفة في النهاية ماف جابرك على شي يعني اكلي عادي وقومي وامك كانت بتوريك انه بس في زول طلب يدك
علياء : م عارفة الخلاني اعمل كدا شنو ع العموم انا عايزة اشتري لي حاجات من السوق
شهد : نمشي بعد المغرب لانه الشمس برا حتاكلنا عديل 🙂💔

#لحظة
شهد قاعدة معانا طبيعي وحنا جيران نرجع للرواية

نتلاقى

#خيانة_زوج
للكاتبة : هبة ابوبكر
-٦-

نمت ما صحيت الا بي كوريك المرض دي😒
شهد : مش قلتي عايزة حاجات من السوق قومي ورح
علياء : السوق ما طاير خليني انوم
شهد : نومي لكن شوفي اليمشي معاك 😒
علياء : خلاص قايمة فقر خلاص 😒

اخدت دش صليت المغرب لبسنا عبايات
نبيلة : ماشين وين
شهد : السوق
حبوبة : الوقت اتاخر ي بناتي الشارع م مضمون
علياء : حبوبة م تخافي السوق قريب من البيت خطوتين بس
نبيلة : خليهم ي امي السوق هنا بكلم حمزة ود جيرانا يمشي معاهم
علياء : ماف داعي نتعب ود الناس معانا
نبيلة : شيلو قروش من الدولاب خلاص

اخدنا القروش وطلعنا وبنتونس لحد ما وصلنا السوق اشتريت فستانين وميكب وشهد اشترت منكيرات واكسسوارات ورجعنا البيت بعد العشاء

جمب البيت كان في كلب جهجهنا معاهو م عرفنا نطير وين اللحظة القام فيها وبقا يهوهو انا اتثبت مكاني م بقيت حاسة بي حاجة وشهد في ثانية اختفت وبقيت بكورك فجأة احس في زول رما الكلب بي حجار اعاين الاقي دا حمزة ود جيرانا شهد مشت نادتو ونا البكا شرطني 😂😭 دخلنا البيت حمزة وشهد نهائي م قصرو حكو اي حاجة شوية ويموتو من الضحك انا برضو بقيت اضحك معاهم لحد م جينا ننوم شهد دي بتضحك 😒

علياء : كفاية بتموتي 😒😂
شهد : واي لكن انتي م شفتي منظرك كان كيف 😂😂😂😭💔
علياء : خلاص اسكتي عايزة انوم تصبحي على خير
شهد : ونتي من اهلو

نتلاقى

#خيانة_زوج
للكاتبة : هبة ابوبكر
-٧-

الايام بتمر ونا ومحمد بقينا شبه اتعودنا على بعض طوالي بيتصل وبنتراسل لحد م حسيت اني اتعلقت بيهو شديد خلصت سنة تانية وحاليا ممتحنة للجامعة واتفاهمنا انا ومحمد انه بعد كدا كفاية المفروض يطلب يدي من ابوي , ف كلم اخوهو الاكبر منه عشان هو صاحب ابوي وطلب يدي منه وابوي وافق بس اخوهو نواياه كانت غير حنعرف لي قدام تفاصيل الاحداث .

بدت السنة البتهد الحيل وبتجيب الضغط والسكري تالتة 😂😭💔
انا دخلت ادبي ومن البنات روان ومزدلفة ونغم ادبي لكن شهد و رزان مشو علمي

بنتكلم في القروب
رزان : واي ي حيوانات حنتفرق السنة دي حشتاااق ليكم والله
روان : مش نفس المدرسة م تكبري الموضوع 😒😂
شهد : قاسسسسية البت دي خلاص 😂😂😂🙂💔
علياء : روان دا شنو البرود الانتي فيهو دا😂😂
روان : م برود لكن احنا في مدرسة وحدة وطوالي مع بعض في البيت في التلفون محن البنات دي خلوها 🌚💔💔😂
مزدلفة : ونتي شنو
نغم : خلوها قاسية وباردة تف 🌚💔

خليتهم جايطين وبقيت بتكلم مع محمد 🙈❤️
علياء : مشتاقة ليك 😭
محمد : انا الميت شوق 😭💔
علياء : كيفك
محمد : كل م اتكلم ماف جواب بطلع مني غير تمام لانه بالجد ببقا كويس بس لما اتكلم معاك
علياء : ربنا يخليك لي ❤️
محمد : ويخليكي لي ❤️

اتكلمنا ساعتين وقفلت تلفوني ونمت

مرت الايام امتحنا وجا يوم النتااايج اليوم دا هيخلينا نموت من الخوف سمعت شهد بتصرخ جريت اشوفها
علياء : مالك في شنو
شهد : مبروووووككك الف مبرروكك
علياء : في شنو
شهد : انتي جبتي 86
علياء : واي كذاااااابببة 😭😭😭😭😭😭😭😭😭😭😭❤️
شهد : والله مبروووك يعمري انتي وعقبال البكالريوس
علياء : امين جمعا ونتي جبتي كم والبنات
بس قلت كدا الاقي البنات جاين داخلين مع امي ويصرخو مبسوطات 😂❤️
نغم : بعد كدا شوفو لي عريس خلاص نجحت
روان : البورة كعبة يهناية 🌚💔
نغم : يزولة خليني بس 😂😂😂💔
علياء : طبيعي بتتناقشو وروني جبتو كم
رزان : انا جبت 80
مزدلفة : 83
روان : 78
نغم : 89
شهد : 84
حبوبة : ربنا يحفظكم ي بناتي ومن نجاح لي نجاح
نبيلة : فرحانة ليكم ي بنات وبكرة حنطلع كلنا


نتلاقى

#خيانة_زوج
للكاتبة : هبة ابوبكر
-٨-

اول واحد كلمته ابووي فرح شديد بعد م قفلت منه اتصلت بي محمد وريته وبقينا نتكلم وقال انه نازل السودان اجازة , واخوهو الكبير الشغال مع ابوي طلب يدي منه وابوي كمان نزل اجازة عشان محمد قال مستعجل عايز يعمل العرس بسرعة اجازته بسيطة كل شي تم بسرعة بدت تجهيزات العرس والبنات طبيعي بقو قاعدات معاي عاملين لي وجع وش😂 وخالتي ام شهد برضو م قصرت بتساعد امي تعبو معاي لكن حصلت مشاكل وعوارض كتيرة قبل العرس بي اسبوع اخوهو اللي طلب يدي من ابوي جانا ومعاهو رجال كبار يعني وابوي ضبح ليهم وضيفهم احسن ضيافة بس اخوهو نواياه كعبه قال لي ابوي اخوي دا زول م مسؤول و مرته اللي طلقها هي وولدها م بيصرف عليهم ولا عامل ليهم بيت , حتى امنا م موافقة , ابوي قال لي خطيبي اول حاجة تعمل بيت تلم فيهو ولدك وطليقتك وتجيب امك معاك واعرف انها موافقة حتى اعقد ليك ع بتي , خطيبي وافق بس امه م راضية انه يتزوج وحدة تانية غير طليقتو وحصلت مشاكل وبعدها خطيبي قفل تلفوناتو وقال لي اهلو تاني اصلو م حرجع السودان , فعلا سافر وماف زول عارف عنه حاجة , بعد فترة اتصل بي امه قالت ليهو خلاص انا موافقة , خطيبي نزل السودان والعرس تم بعد صعوبة واخوهو الكبير عمل جوطة ومشاكل مع اهلي واهله , مشينا شهر العسل كسلا , ولما رجعنا الخرطوم اتلاقا مع اخوهو الكبير واتصالحو لكن م زال بكرهني اخوهو دا لكن قدام راجلي يعمل فيها طبيعي وعادي .

مشيت لاهلي ضبحو لينا وصحباتي وشهد كانو في اشتقت ليهم ياااخيي
روان : علوييييية اقسم بالله مشتااااقييين😭😭😭😭😭😭♥️
نغم : القعدة بدونك بقت مسيييخة كنتي عاملة لينا حركة 😭😭😭💔
مزدلفة : اوعى راجلك يشغلك وياخدك مننا 😭
شهد : زحو لي منها , واي مشتاقة ليك شوق م عادي البيت بقا مسيخ , بقيت زي قرد قطا براي 😭😭😭😂💔
علياء : ي سمينات زحو مني انا مت😭😂 والله انا برضو مشتاقة ليكم ي زفتات
رزان : اها جبتي لينا شنو معاك خلونا من الشوق والهبالات دي🌚💔😂😂😂
نغم : شوف الباردة دي 🙂💔
علياء : م بتخلي حركاتك دي نهااائي😂😂

بقينا نتونس لحد م الفطور جهز اكلنا وطلعنا كلنا رحلة

نتلاقى

#خيانة_زوج
للكاتبة : هبة ابوبكر
-٩-

رجعنا من الرحلة تعبااانين وابوي قال لينا الا تبيتو معانا , م حبينا نحرجه قعدنا , محمد بعد شهر العسل قعد معاي تلاته شهور ومشا السعودية عشان الشغل بعد 6 شهور رجع السودان مع العلم انه م عنده اجازة الا بعد سنتين تاني , يلا في خلال ال 6 شهور دي اتلاقا مع وحدة كان بحبها زمان وعايز يتزوجها لكن كانت هي اتزوجت وبعد عرف انها اطلقت رجع ليها وقالت ليهو تجي تطلب يدي من اهلي عشان كدا نزل السودان وكلم اخوهو الكبير بالموضوع دا وطوالي وافق قال ليهو اتزوجها بس عشان يوجعني انا يلا لما رجع مشينا من بيت ابوي اجرنا لينا شقة مفروشة لمدة شهر في الاسبوع الاول طوالي كان بطلع الصباح و برجع للنوم بس وماسألتو نهائي لاني م كنت عارفة حاجة , كان عنده تلفون عاجبني طلبت منه يديني ليهو وافق طلع شرايحه واداني ليهو ومنها كان ماشي ع المطار ودعته , فتحت التلفون وكان فيهو برنامج لي تسجيل المكالمات سمعت كل مكالماتهم واخر مكالمة قبل م يديني التلفون طلب من الكان بحبها واطلقت تجي المطار تودعه , اتصدمت م اتوقعت انه يخوني ويعمل فيني كدا ونا بحبه وهو بحبني بكيت لحد م حسيت اني م قادرة اخد نفس , اتصلت بي امي وكلمتها وابوي كمان , لكن صدمني قال لي م تسأليهو ربنا حلل ليهو اربعة , اتصلت بي زوجي وعاتبته اعتذر مني وقال انه تاني م بكررها وببكي ندمان , قلت ليهو بس طلقني قدر م حاول معاي بس انا الطلاق , بقا يتصل علي طوالي ونا م برد عليهو وكلمت ابوي اني بس طالبة الطلاق ماف حل غير كدا .

#في_جانب_اخر
حمزة : انا يبت الحلال بريدك ودايرك لي قدام ومستعد استناك لاخر العمر
(...) : خايفة في يوم حبك يقل وتبعد
حمزة : حبي ليك عمره م يقل وقلبي م داير غيرك
(...) : 😭❤️
حنعرف دي منو لي قدام

اتصلت بالبنات وشهد يجوني البيت نفرق شوية ونطلع , قمت نضفت البيت وبخرته وجهزت الغداء , العصر اذن مشيت استحميت وصليت , بعد نص الساعة البنات جو , اتعابطنا 😂واكلنا وبقينا نغسل في العدة ونغني ونتهابل فجأة شهد كسرت صحن
نغم : الليلة سججججمكك😳
روان : مع السلامه انا م بعرفكم🙂💔
مزدلفة : روان استني سوقيني معاك 🌚💔
رزان : يجماعة دا صحن عادي م تكبرو الموضوع 🙂
علياء : رزاااان اسكتييي انا برودك دا حيشلني يوم , وبرودك دا وجعني اكتر من كسرت الصحن 🙂😂😂😭💔
البنات ديل ماتو ضحك كملنا هبالتنا وطلعنا مول عفرا حضرنا فيلم ورجعنا البيت شهد ورزان ونغم قعدو معاي الباقيات رجعو لاهلهم .

نتلاقى

#خيانة_زوج
للكاتبة : هبة ابوبكر
-١٠-

تم شهر انا م بتكلم مع محمد , جات فترة تعبت شديد واكتشفت اني حامل و دا الشي الخلاني اتراجع واسامحه عشان طفلي م عنده ذنب يقوم ويلاقي امه وابوه م مع بعض , بقيت اتكلم مع زوجي وعرف اني حامل بقا يهتم بي شديد ويحبني شديد , رسل لي زيارة للسعودية وبعد شهر دخل علينا رمضان مشينا عمرنا , وبعدها رجعت السودان عشان مواعيد ولادتي قربت ولازم اكون مع امي , كنت في الشهر السابع باقي لي شهرين .
مرو الشهرين ديل تعبتا شديد , جا يومي مشيت المستشفى وضعت وجبت ولد تقريبا اجمل حاجة حصلت في حياتي , احساس م بتوصف .
بعد يوم طلعنا من المستشفى وعملنا السماية .
نبيلة : الولد بشبه ابوهو شدديد
رزان : عارفة ليه ي خالتو
نبيلة : اها
رزان : عشان بتك الخايبة دي هي البتحبه اكتر 🙂
كلهم الضحك شرطهم ونا شوية واقوم اشرط بطنها البت الباردة الفضيحة دي 🙂😂😂😂😭💔
علياء : رزان انا م عايزة اسمع اي كلمة منك لحد م اقوم من قعدتي دي 🙂💔
رزان : عان بقت سمينة ومبهدلة كيف
علياء : امسكوها مني البت دي 🙂😭
رزان : خلاص سكتا 😂😂😂😂😂💔
مزدلفة : موتونا ضحك انتو الاتنين 😂😂😂😭

بعد م ايهم ولدي تم 5 شهور , محمد نزل السودان واجازته كانت 6 شهور وكانت اقسى فترة في حياتي 😭💔

نتلاقى

#خيانة_زوج
للكاتبة : هبة ابوبكر
-١١-

وكانت فترة ال 6 شهور كلها سفاهة وقلة ادب عرفت انه طلع مع البنات وبعمل حاجات كتيرة م كويسة ويرجع متأخر شديد وانا وهو ع طول في مشاكل .
م حبيت اكلم زول من اهلي ولا صحباتي بقيت بتألم براي وبحارب براي 😭💔

دخل عيد الاضحى ضحينا مع اهلو في البلد وبعدها رجعنا الخرطوم واجازته انتهت سافر السعودية , رسل لينا زيارة قعدنا تقريبا 8 شهور , ال 8 شهور ديل حسيت اني اتخلقت من اول وجديد كان متغير توتلي , بدلعني ويومي طالعين مكان 😂♥️ في يوم لقيتو سرحان نهائي م معاي .
علياء : محمد فيك شي ?
محمد : لالا بس مضايق شوية
علياء : من شنو
محمد : محتاج لي قروش
علياء : طيب وين المشكلة بيع دهبي دا وقت حوجتك ليهو
محمد : لالا دا دهبك م بشيلو
علياء : محمد قروشي وقروشك واحد بيعو
محمد : ربنا يخليك لي لما الاقى قروش اوعدك ارجع ليك دهبك ♥️

قعدنا اكتر من الفترة المحددة للزيارة ولما جينا نرجع السودان انا وولدي قالو الا ندفع غرامة قروش كتيرة او نعمل بصمتنا
محمد : انا بدفع القروش لكن م تعملو بصمتكم
علياء : م حيحصل شي خلينا نبصم ونرجع
بصمنا انا وولدي ورجعنا نزلنا عند ابوي , بعد سنة زوجي لحقنا

نتلاقى

#خيانة_زوج
للكاتبة : هبة ابوبكر
-١٢-

بعد سنة زوجي لحقنا عنده اجازة اسبوعين , في الاسبوعين ديل اتعرف على وحدة شغالة في الشرطة وهي من اهلنا وعدها انه يتزوجها لانه بيحبها و عمل اي حاجة وظبط كل شي وكلم اخوهو يطلب يدها , وسافر اتصل علي من السعودية
محمد : الو
علياء : كيفك
محمد : عايني بدون لف و دوران انا بحب لي وحدة وعايز اتزوجها
علياء : كيف يعني وانا بعمل في شنو انا قصرت في حاجة انا م مالية عينك
قبل م انم قفل الخط فيني اتصلت بي ابوي وكلمتته وقال لي نفسي الكلام القالو قبل كدا خليهو يتزوج براحته ان شاء الله يتزوج عشرة م تسأليهو وبعدها ابوي نزل السودان اجازة , زوجي بقا م بتصل بي ولا بسأل مني ولا من ولدو تقريبا نسانا بعد فترة رسل لي في الواتس صووة بت قال لي عايني ليها جميلة كيف انا بحبها وحتزوجها وكان بسئ لي كتير ونا بطنش وبعمل انه الموضوع م هاميني ونا من جواي بتقطع وببكي , كان ايهم عيان شديد وم كان عندي قروش صرفت باقي الدهب بتاعي ووديتو للدكتور , اتصلت بي بت اخت محمد وحكيت ليها الحاصل كلو , هي م قصرت اتصلت ع خالها ولومته واتكلمت معاهو بعدها ي داب اتذكرنا سأل من ولده بقا كيف ورسل قروش عشان علاجه , بعد كم يوم اتصل علي وقال لي انتي طالق ونا طلقتك بدون سبب ونا م سألته ولا قلت ليهو اي حاجة بس قلت الحمدلله وقفلتا , حسيت اني حرة ومرتاحة من مشاكلو وقرفه .

وسبب الطلاق البت اللي رسل صورتها وبحبها قالت ليهو عشان تتزوجني الا تطلق مرتك , اتصلت علي واحد ببقا لي طليقي زول شيخ وواعي انه محمد طلقني وبدون سبب اتشهد تلات مرات وقال لي م تكلمي اهلك انا برجع ليهو اتكلم معاهو , اتصل علي محمد واتكلم معاهو وكان هو الغلطان وم عنده حق يعمل كدا , بعد كم يوم كلمت امي وابوي انه محمد طلقني , ابوي زعل عشان م احترمه ولا اتصل عليهو وكلمه هو بالطلاق , واهلو عرفه انه طلقني وزعلو شديد الا اخوهو الكبير الما كان موافق انبسط وهو الواقف معاهو من الاول ومشجعه على اي حاجة بعملها .
نزل الخرطوم وانا كان عندي مقابلة مع الدكتور لولدي لما طلعتا لقيته واقف لينا
محمد : اركبي اوصلكم
علياء : شكرا , امشي عشان م نأخرك
محمد : علياء اركبي خلينا نتفاهم
علياء : نتفاهم في شنو بالظبط في حبيبتك الجميلة ولا في شنو
محمد : احنا في الشارع اركبي
م اشتغلت بيهو ركبت ترحال ورجعت البيت .

نتلاقى

#خيانة_زوج
للكاتبة : هبة ابوبكر
-١٣-

لما رجعت البيت مبسوطة من نفسي واني قدرت اتجاوزو طولت من البنات اتصلت عليهم عملنا مكالمة جماعية واتفقنا انه نطلع بكرة

بعد كم يوم عرفت انه البت العايزها رفضته لانه وعدها يجيب ليها عربية ويسجل ليها بيت بي اسمها وعرفت انه كان متزوج وحدة قبليني وقالت انه كذاب وم عايزاهو , طليقي جا البيت اتكلم مع ابوي ومعاي وقال انه عايز يردني ونا رفضت , واكرم انصار السنة البقرب ليهو م قصر برضو يتكلم معاي كتير عشان ارجع لي محمد وقال ليهو علياء اتحملت كتير , اتدلعت وقلت ليهم افكر 🌚😂😂 .
بقيت اعمل استوريهات عشان اغيظ محمد يومي بطلع مع صحباتي وبنزل الصور وهو يرسل لي بحبك وم بعرف شنو ونا م شغالة بيهو شغلة 😂😂😂😌 بقا يتصل على ابوي وامي يحنسهم عشان ارجع ليهو , ابوي قال لي ارجعي بس عشان ولدك م عشانه حتى وافقت , تاني يوم محمد و اكرم جو البيت واكرم تعب معانا شديد اتكلم معانا الاتنين وبالاخص محمد وطلع خلانا , محمد اعتذر مني وكنت شايفة الالم في عيونو فضل يبكي ويعتذر مني 😭♥️
حياتنا بقت زيها زي اي زوجين سعيدين بقت حاجة تانية اتغيرت كتييير وحبنا زاد لي بعض وخصوصا وحنا شايفين ولدنا بكبر قدامنا ♥️.

فترة الطلاق م اتوجعت فيها زي البنات بالعكس كنت مهتمة بنفسي شديد وحفظت جزء من البقرة ♥️

اكيد عايزين تعرفو حمزة مربط مع منو 😉😂
حمزة و رزان بيحبو بعض ايي البت الباردة دي متحملها كيف الله اعلم 😂♥️
شهد اتخطبت لي حبيبها اللي هو ولد اخت محمد راجلي 😂♥️
نغم ارتبطت بي ولد عمها ♥️
الباقيات عايزين يواصلو قرايتهم 😂😂😂😂♥️

#مهما_حصلت ظروف م تخليها تكسرك او تغير حاجة جميلة فيك , بل اتحداها واكسرها انت , وخليك دايما قوي , وما كل حاجة كعبة تحصل لينا معنات حياتنا خلاص انتهت يمكن دي بداية لي حاجة جميلة هتحصل ♥️
وبگدا انتهت روايتنا وبتمنى تعجبگم

نتلاقى في رواية تانية ♥️