#طيفي
البارت السابع
بقلمي: انتصار حسين
ـــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ
لقد كنتُ لهم من كنتُ بحاجةٍ إليه♥
ـــــــــــــــــــــــــــــــــــــــــــــــــــــــــــــــ
بضغط في صدرو بس م بستجيب وهنا امو بقت تبكي بصوت عالي وتنوح انا م بقدر اتحمل صوت الصريخ والبكى ضغط ضغطه شديده خلتو يطلع المويه الشربها ووقعت في كتف سليم الجنبي و الشله كلها جنبنا شايلين هم الولد الغرق اظن عمرو بين السته والسبعه كده سليم طوالي رفعني عشان ياخدني المستشفى عربية الاسعاف جات والممرضين جو بنقاله ختوني فيها ونقاله فيها الولد سليم وتقوى ركبو معاي في عربية الاسعاف وام الولد مع ولدها تقوى بتبكي وشايله همي وسليم داك بس بعاين لي قال:ياربي وراك شنو
*فلاش باك....
قاعده في غرفتها لبست فستان نوم من حقات امها يظهر انوثتها واتعطرت بالخمره ربطت شعرها كعكه لفوق وعملت ميك اب بسيط اظهر ملامح وشها سمعت صوت الباب بدق دقات حافظها قلبها مشت فتحت ليهو الباب وجا داخل وقفل الباب بطريقه سريعه قال ليها اتأخرتي لفتح الباب لو زول شافني اسي؟ هبشت ليهو لحيتو وبصوت حنين قالت ليهو بتخاف؟ قال ليها لا م بخاف بس يعني لو شافوني ناس الحله اقتلهم كلهم؟ نطتت عيونها وقالت ليهو ت تقتلهم قال ليها بعد م باسها في شفايفها اي اقتلهم اخليهم عايشين ليه خلي الكلام وارح غرفتك شالها لحدي م دخل غرفتها وقفل الباب و...
ــــــــــــــــــــــــــــــــــــــــ
وصلنا المستشفى دخلوني للدكتور الح يفحصني سليم قال لتقوى انتظري هنا اسي برجع سليم طلع بره المستشفى لقى الشله نازله من عربيه سامي قال لسامي جيب المفاتيح سامي قال ليهو الطابق الكم قال ليهو التاني ع اليمين سليم شال المفتاح دور العربيه واتحرك
#جوا غرفة تسنيم
كان الدكتور بفحصها لمن فتح ليها عيونها كانت بتعاين ليهو الدكتور استغرب زح يدو وتاني رجعها برضو مقلتها بتعاين اتجاهو الدكتور خاف😹 فتح ليها اول زر من بلوزتها عشان يخت سماعتو ويسمع نبضها بس تسنيم مسكت يدو ولوتها ليهو وهو صرخ جات الممرضه جاريه وشغاله ليها يا مريضه اهدي وهي بتزيد بتلوي في يد الدكتور الدكتور قال للممرضه يا نهال نادي الدكاتره الدكتور كان خايف من تسنيم لانها مغمي عليها وكانت بتعاين ليهو وتاني مسكت يدو لوتها نهال قالت ليهو طيب وجرت عشان تناديهم بس وقفها مصعب عشان يسأل من تسنيم قالت ليهو يا استاذ الدكتور بعد يطلع بشرح ليكم وبهناك الدكتور قرب يبكي ويدو قربت تتكسر وما قادر يعمل اي شي عرقو نازل وهو بستغفر الدكاتره جو وحاولو يفكوها منو بعد معاناه حتى فكتو قال ليهم دي م كويسه ماف زول يلمسها الدكاتره طلعو والدكتور داك ماسك يدو قال ليهم انتو مع المريضه؟ قالو ليهو اي سليم كان وصل قال ليهم المريضه دي م طبيعيه احسن تاخدوها لمصحه سليم عاين للشله وقال للدكتور انا دكتور نفسي ممكن نتكلم في مكتبك تقوى قالت ليهو يعني شنو م طبيعيه قصدك شنو سليم قال ليها بفهم وبقول ليك ومشى مع الدكتور مكتبو جات نهال الممرضه مسحت ليهو مرهم في يدو سليم قال ليهو احكي لي ي دكتور قال ليهو دخلت عشان افحصها و.............. حكى ليهو كل الحصل وقال ليهو احسن تتعالج في مصحه لانو دي مجنونه سليم بس عاين ليهو شكرو وطلع للشله وقفتو تقوى قالت ليهو مالها قال ليهم قال كويسه بس محتاجه عنايه موده قالت ليهو طيب ليه قال م نصيحه قال ليهم عشان وقت فحص عيونها مقلتيها كانو موجهين للسقف بس دي حاله عاديه ما بتخوف تقوى قالت الحمدلله
فتحت عيوني ولقيت نفسي في غرفة بيضاء عرفتها المستشفى نزلت من السرير وفتحت الباب لقيت الشله واقفه تقوى اول واحده شافتني جاتني جاريه ضمتني قالت لي كويسه انتي هزيت ليها راسي وكنت برجف نسبه لانو ملابسي لينه سليم جا علي وهو شايل كيس قال لي تعالي دخلني جوا خته لي الكيس في السرير وقال لي دي ملابس البسي وغطي شعرك ده هبشت شعري البانده زاته ماف طوالي لفيتو كعكه وهو عاين لي وطلع قال لتقوى خشي ساعديها تغير ملابسها تقوى دخلت وقالت لي خوفتيني عليك قلت ليها انا كويسه م تخافي بعد م غيرت طلعت كان جايب لي(فستان بينك وطرحه سودا وجزمه) لقيتهم كلهم واقفين بعاينو لي ضحكت وقلت ليهم مالكم احمد قال لي حمدلله على السلامه موده وروعه ضموني سامي قال لي بقيتي كيف قلت ليهو كويسه مصعب قال لي وقفتي قلبي وقت نطيتي جاتك الشجاعه دي من وين؟ ابتسمت ليهو وقلت من الدنيا دي، نمشي؟ ونحن ماشين قلت لسليم شكرا قال لي ولو الواجب بما انك م عايزه تتصلي اديني رقمك عاينت ليو مسافه قال لي مالك قلت ليهو ولا شي هات تلفونك اداني ليهو كتبت رقمي ورجعت ليهو التلفون هو عمل رنه وقال لي سجليهو بما انو العربيه واحده وما حتشيلنا سليم قال ليهم امشو انتو ونحن بنجي وراكم بترحال تقوى قالت لي اقعد معاك؟ قلت ليها لالا ماف داعي كويسه انا ابتسمت لي وعاينت لسليم ومشت ركبت بعد فاتو

قعدتي طولت براي و انا في العربيه و وصال إتأخرت علي شديد و كنت محتاجة حمام ، حاسه بي قلبة البطن البتجيني ديك ! و حاولت استحمل لكن ما قدرته ، عشان كدا انجبرت و نزلت و مشيت قلت اتوكل بس رغم اني محرجة شديد …
الباب البرا حق الحوش اصلا كان مُتاكى .. دخلت و كل ما امشي خطوة بجمع اصواتهم و كلامهم ، الصوت كان عالي ، لحد م وصلت للباب الجوا اظن محل قاعدين و الباب برضو كان فاتح و بقيت سامعه كلامهم … لقيت نفسي وقفت مكاني غلبني ادخل ..

#جوا البيت

فوزيه " اتنفضت وقفت " : قلتي شنو ؟؟
وصال : قات ليكي سهاد معاي ما بقدر اقعد !!
فوزية : و نعلو سايباها بي وراك في البيت !!!!!!
وصال : لالا يا خالتي *قاطعتها*
فوزية : انتي غبيه !! معليش على الكلمة دي بس البتسوي فيو دا غلط ! و غلط كبير
" مروة بتعاين للهادي المسك راسو بي اصابعينو و بدا يفرك ، منه و تلفونو بدا يدق … عاين ليهو صمتو و قام على حيلو طلع برا "
وصال : خالتي استهدي بالله !
فوزيه : لا إله الا سيدنا محمد رسول الله ! اسمعي كلامي دا ! دا ما زمن طيبه و مسكنه و حننتني و كسرت بخاطري و كلام زي داا ! مخك دا وين هاه !؟ عقلك دا وين ؟؟ ما هدا واعيه و متعلمة و فاهمه الدنيا دي ماشه كيف ! وريني بس البخليك تجيبيها تحشريها في نصكم انتي و راجلك شنو ؟؟ ليه انحنا قصرنا معاها في شنو ؟؟؟؟
انتي عارفني كويس انا بيتي دا ما بخليهو و لا ببيت لي ليله وحدة برا منو ! الا يوم احمد دا مات قعدت و شبعت قعاد
اها قدرت دا ؟ مافي النهاية طردتنا ! قبل اليوم و لحد اليوم قصي ولدي دا رقد بين الحياة و الموت ليه ما قلنا المرحوم سبب في الحصل ليهو ما كلها اقدر ربنا !
المهم فتحي عقلك دا ! المرة دي وراها شي ما مفهوم و اي شي م مفهوم انتي ما مجبرة تدخلي نفسك و حياتك فيهو !
دابك انتي و قصي شميتو نفسكم من بعد زواجكم و الفترة دي مفترض تكون حقتكم براكم ! شبعتو مصايب … كلام اخير اسمعيهو مني انا عشت قدامك و جيت الدنيا دي قدامك ! ليكي و لي زمانك ما تدخلي ليك مرة و تجيبيها تقعديها في نص بيتك بينك و بين راجلك !!
انا ما دايرة اضغط عليك لو كلامك القلتو دا كلو ما وقع ليك لسه يا وصال و اقوليك انا ما بقبل تجي مرة غريبه في بيت ولدي و استخدم الاسلوب دا رغم انه لي مصلحتكم !
بس اتذكري انتو م قصرتو معاها …. قلبي كلامي دا في راسك كويس
و اتذكري برضو ان ما غالبني اجيبا اقعدا هنا براك شايفه البيت يسرح فيهو الخيل عادي جداً نفتش فيو بعض !!
ما غالبني اقول مالو تخدمني و تساعدني .. ما غالبني اعاين للموضوع انه أجر … تفتكري فايت علي ؟؟ انحنا الحريم معروفين بي عاطفتنا غلابة علينا ، لمن نحن و نشفق تاني لا بنشوف عقل لا بنشوف منطق ، كلمة بتجيبنا و كلمة بتودينا ! لكن الذكية البتقدر تتحكم في زمام امورها ….. كلامي خلص تقدري تمشي بعد دا …….

وصال " بي استغراب و صدمة و تضارب قعدت بي حيلها كلو في الكرسي "!

#جانب_اهل_احمد

امهم " قاعده في البمبر و قدامها حلة رز بلبن كبير و صحانة ألمنيوم كمية قاعدات في تربيزة مطاولة ، و تشيل و توزع في الصُحانه "
بتها الكبير " بتغطي في الصُحانة و تمسح دموعها " !
امها : في شنو انا ما بعرفو ؟؟؟
__ بس اتذكرت احمد ، رغم انه غيابه مفروض ما يأثر علي لانه اساساً كان شبه منقطع مننا و متعودين على غيابه لكن فكرة الموت زاتا حارة شديد ، و احساسي بالذنب م داير يفارقني مافي حاجة حتشفع لي العملتو !
امها " بتخلي الكمشة جوا الحلة و بتدعك عيونها بطرف التوب " :
عايني دا امر الله و انا عافيه عنه و عنك لله و الرسول !!
__ بس يا أمي بتك ما ناوية خير !! خلتنا مشينا بهدلنا سهاد بهدلة شديدة ، رغم كل شي الا اني بحس فيها ريحة احمد يكفي انه كان بريدها شديد و انحنا رغبتنا ضللتنا و عمت عيونا عن راحتو ، ما احترمنا رغبتو يا امي ، اسي بعد راح انا بقيت بشوف الحاجات بنظرتن هو و بلوم نفسي و بلومكم !
امها " بي ضيق بقت تكورك " : يا نادية …. نادية ………

__ امي !! امي خليها عليك الله ما دايرين معاها موضوع !
امها : ناديه بنادي فيك انا !!!
" نادية جات من جواا وقفت في طرف الباب البمرق للحوس " : ايوا يا امي !!!
امها : مشكلتك شنو مع سهاد ؟
ناديه " جات طالعه قعدت في طرف السرير " : و انتو كانت مشكلتكم معاها شنو ؟
امها : ما تردي لي السؤال بسؤال !
ناديه : طيب انا جادة والله في سؤالي يا امي ! انتو مشكلتكم كانت معاها شنو !!
امها : سبب المشكله و راح ، يبقى كدا بقت مافي مشاكل !!
ناديه : لا في .. اي زول بيموت بيخلي وراه حاجة تتورث صح !؟ و سهاد يوم جاتنا اخر مرة مع احمد كانت لابسه دهب صح ؟ اها دا جابتو من وين ؟؟ مش ياهو حق اخونا و من حقنا ؟؟؟؟