*#درامات~زوجين《22》* 🥀
*#الجزء~الثاني★★*
*#بقلم~ريم~عبدالعزيز*
*ــہہہـ٨ـــ٨ــــہہـ٨ــــہہہـ٨ـــ٨ــــــہہـ٨ــــ♡❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
ما عارف ريان دي بتتصرف بالعشوائية دي ليه... صح قالت انو عايزة وقت بس كمان ما عايزة تشوف وشي... قبيل اتجهزت وماشي الشغل.. لمحت تاب عهود في الاوضه قلت أشيلو معاي.. وفعلا شلتو....لم وصلت... اتفاجأت بكلام خالة سهام وانو ريان وميساء طلعو.. سلمت على عهود واديتها االتاب.. حنستني عشان اقعد بس قلت ليها ماشي الشغل.. طلعت واتصلت على ريان وطبعا مافي رد... بعدها على ميساء.. ردت بعد زمن و قالت انهم بعاد.. زعلت والله بس ما قدرت اقول شي... بعدها في الطريق كلو بقيت احاول ألقى طريقة عشان أراضي بيها حبيبة قلبي... يمكن يادوب لاحظت اني عملت غلط كبير...
وصلت الشركة.. وشفت ميساء... سلمت عليها وقلت ليها... حركتكم البايخة ديك مافي ليها داعي... عاينت لي بنظرة غريبة.. وقالت... انت ما شايف نفسك غلطان؟! وغلط كبير كمان... انت عايز بعد العملتو في ريان ده تتصرف معاك عادي!..
على فكرة انا ما عارفة اللا مبالاة حقتك دي وارثها من منو.. قلت ليها.. انا حاولت أراضيها بس ما ينفع...قالت لي... عملت شنو يعني.. وقفت ليها تحت شباك غرفتها للصبح ولا اتكلمت معاها بالواتس وخلاص؟ قبل أرد عليها قالت لي... ريان ليها حق لأنها ما اتوقعت منك حاجة زي دي ولا حتى من عمتي... خليك منها...
نحن زاتنا ما اتوقعنا حاجة زي دي... اذا نحن زعلانين منكم.. هي ح تكون شنو؟!
قلت ليها.. انا والله العظيم آسف شديد.. اني خليت ريان تعيش حاجة زي دي وتسمع كلام جارح كده... انا واثق فيها وندمان على الساعة الاتهمتها فيها...
قالت لي الكلام ده قولو ليها.. واجتهد شديد مع الزولة دي......
بعد داك ما اتكلمنا الا في الشغل لحدي ما انتهى الدوام.. هي طلعت قدامي وانا لسه كان عندي شوية أمور... قلت ليها قبل تطلع... يعني عشان أراضيها محتاج اقعد تحت شباكها للصباح... ضحكت وقالت لي... لالا ياخ دي صيغة مبالغة عشان الهنود بيعملو كده😅...
قلت ليها... ايواا... والله انتي😂...
~~~~
#عند_أهل_مزمل...
#بلسان_هدى
...بعد الحصل في المستشفى حاولت كتير مع أمي عشان تخش... بس نهاي ما رضت مع اني قلت ليها شينة في حقنا..بس ما اشتغلت بي نهاي ده كلو عشان نجوى بتقل أدبها وترفع صوتها عليها وفي الطالعة والنازلة عاملة مشكلة...لم لقيت أمي رافضة تخش لنجوى انا كمان ما خشيت...ومشينا البيت سوى...امي الطريق كلو زعلانة وشغالة ي ولدي يحليلك ي الما اتهنيت ومن متين راجية اشوف اولادك.. الله ياذاها دي البت الفقر اصلك طول ما معاها م بتشوف خير...طبعا انا سايقة وهي تنق..قلت ليها..امي ده كلام شنو ده..كدي قولي بسم الله.. ده قضاء وقدر..وحاجة كاتبها ربنا..يعني ما شي بيد نجوى!.. قالت لي.. البيسمعك يقول علاقتكم فل الفل..ما بقول اصواتكن حدها السماء كل يوم..قلت ليها..امي ان شاءلله ربنا بيرزقهم غيرو.. نجوى ما اول ولا اخر وحدة تجهض..قالت لي..لكن انتي عارفة هي ليها كم سنة حتى حملت بده..يمكن تاني ما تحمل زاتو..قلت ليها.. تفي من خشمك وهسي أحرجتينا مع الناس كان بس تخلينا نقول حمدلله على سلامتها وبعدها نطلع..سكتت مسافة وما ردت..قلت ليها..رونق اتصلت ورتك كرم حصل معاهو شنو؟.. قالت لي..نسيت راح من بالي، والله وتلفوني في البيت..قلت ليها.. لم نصل خلاص