*وعد🖤!.  ما كنت متخيل اني حا اقدر اشوفها بعد كل السنين دي كانت جميله كعادتها رغم البساطه الفيها وملامحها الخاليه من اي مستحضرات تجميل🖤.. يمكن كتار منكم بكرهوني شدييد على العملتو في وعد رغم حبها لي💔 للاسف ليكم حق ما حا ألوم حد لأنو اكتر انسانه بحبها هي كمان كرهتني💔.. بس عارفين السبب شنو؟ السبب تمسكها فيني ليها لدرجة اني اهملتها💔 كنت متعود اني ازعلها وارجع اراضيها بكلمتين في دقايق بس ونرجع زي اول كنت ضاامن وجودها للدرجه الكنت بختفي فيها وبعيش حياتي وبرجع بلقاها لسه منتظراني وبتحبني كمان💔.. ضماني ليها خلاني اغلط واكسرها خلاني اعمى من الألم الفيها رغم بكياتها وترجيها لي كنت بس عاوز اتسلى عاوز اتونس وعاوز أغير جو كنت بلفظ الكلمات من خشمي بكل دم بارد وما كنت منتبه انو الكلمات دي بتخش على قلبها زي السكين💔ومع الزمن نفس الكلمات دي رجعت لي قلبي زي الرصاص💔.. اهملتها وضحكت وهظرت لعبت بي دي ودخلنت لي دي واصلت لي دي لحد ما زهجت وكلهم اختفو وبقيت براي وقتها بس حسيت انو في شي ماف في شي ناقص وينها؟ وينها انا عملت شنو؟  وقتها بس اتزكرت "وعد" بس كنت متأخر جدا لاني لقيتها اختفت مني خلاص ضاعت مني انا ضيعتها💔.. فكرت وجيتها بالحلال وقلت خلاص كلمتين ودقايق بس زي كل مره وحا نرجع بس المره دي كانت غير💔كانت قويه كانت قاسيه كانت مجروحه كانت عباره عن جسد وعد بس دي ما وعد💔 ما وعد البتحبني ومن غير انتبهه انا قتلت وعد في الليالي الغفلت فيها ديك ووقفت قدامي واحده تانيه واحده مكسوره عباره عن قزاز مهروس بتجرح كل زول بقرب منها المره دي ما كانو دقايق لا كانو سنين وبرضو ما قدرت ارجعها لانو البموت ما برجع حتى لو كانت مشاعر💔*

*#بلسان وعد مسحت الدمعه النزلت على خدها وعاينت لي الكاميرا وابتسمت وقالت:*

*قصتي غريبه ومعقده شدييد كيف كانت البدايه؟ وكيف عشت في الوسط واسي كيف كانت النهايه😂💔.. كنت انسانه بريئه شديد وبسيطه كنت بضحك وبهظر وبحب وبتكلم بعفويه كنت بالرغم من البساطه دي بس كنت مرتاحه ومبسوطه وكان قلبي سليم❤.. بس فجأه ظهر في حياتي "قصي" كيف ومتين وليه؟  ماعارفه بس العارفاهو اني حبيتو وكان اول شخص أحبو كان اول شخص أسلمو قلبي الخفيف والكان مستسلم ليهو ولي حبو❤.. فجأه حبيتو وكل الحصل في البدايه ومحاولتي لي نسيانو عشان خلود دي كانت سبب اني اتعلق فيهو واكون مصره عليهو❤بعد ما طلعتو من حياتي رجع لي تاني..رجع وعشتا معاهو احلى قصة حب وانا طايره بيهو ومستسلمه ليهو واثنا ما انا طايره فوق في سابع سماء وما حاسه بشي غير حبو لي وعشمي فيهو فجأه.. بلقى نفسي وقعت في سابع أرض بسبب عشمي الاتحول لي ندم وضحكتي الاتحولت لي دموع للان ما قادره توقف💔وراحتي اتحولت لي خوف داايم والبساطه والحنيه اتحولو لي قسوه💔وكل شي حولي بقى عباره عن وجع💔وجع وبس💔.. يمكن لو ما حبيت قصي كان حا اكون نفسي وعد القديمه المرحه والمهضومه والمحبوبه او يمكن لو خلود ما سابتو ما كان حا يعشمني فيهو💔 او بالأصح يمكن لو في اللحظه ديك ما خشيت قروبو ما كان حصل الحصل واتعرفت على شهص اسمو قصي من الاساس💔.. بس يمكن وياريت ما حا تفيد في شي ابدا لانو خلاص كل دا حصل ضحكت وبكيت💔 ارتحت وخفت💔 اتعشمت وندمت💔ضجيت وصمت💔.. وكل دا كان على حساب حياتي كلها كل دا كان على حساب نفسي وراحتي وصحكتي💔.. قصي في الليله ديك هو القتل حبنا بس انا دفنتا مع الحب دا نفسي وصحكتي وراحتي دفنت وعد المهضومه والبتحب الضحك.. وقصي مشى بعد ما صنع مني كتله من الوجع والرعب والوحده💔... ومازلت للان بحبو وقصة حبنا حاتفضل معقده كدا وحايفضل هو محفور جوا قلبي❤*

*#لو جئتني لوجدتني♡!.*
*يعقوب اعماهُ الفراق وليس غيرُك يوسفي❤!.*

(قالت كدا والابتسامه اتلاشت ودموعها رجعت تاني وابدا ما حاولت توقفهم💔..)

*#بلساني عاشقة الأسود وانا راقده في السرير الساعه 10مسااء😂😭*

*عارفه حاتشتموني وتكرهوني كمان لانو دي اول مره اكتب قصه نهايتها حزينه😂😭.. بس يا حلوين ما كل القصص نهايتها سعيده وما كل القصص بتستمر💜 عارفين انا كتبت الروايه دي ليه؟؟ ملاحظين انو كل الشخصيات هنا بدت حبها غلط ايا كانت الطريقه لو  واقع او مواقع بس دي حاتكون نهايتها 👈🏻حزينه.. لانها من الاول ما مرضيه لي ربنا فا اكيد في الاخر ما حاترضينا.. مشكلتنا بنستصعب الحاجه دي ونجري وراء احساسنا وقلبنا بس في النهايه حا نتعاقب حتى لو قصتكم نجحت في الدنيا ذنب العلاقه دي حايكون معلق فيكم في الاخره💔.. في آيه حلوه شدييد فالقران الكريم بتقول👈🏻 ﴿لَن تَنالُوا البِرَّ حَتّى تُنفِقوا مِمّا تُحِبّونَ وَما تُنفِقوا مِن شَيءٍ فَإِنَّ اللَّهَ بِهِ عَليمٌ﴾ عارفين معنى الايه شنو؟.. انو نحن عمرنا ما حا ندخل الجنه طالما ما انفقنا من حاجه بنحبها شديد💜 وهنا ما قاصدين قروش وزكاة بس..