*#ازهرت_بقربه《13》* 💛
*#بقلم_بيروحاء_سلمان​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بقيت بصرخ في التلفون ، في الاول كنت فرحانهه وشغاله ليهو والله انا خطيره ، بعدين قلت ليو ياخ كعبه ؛ حسي لو كنت زدت 3 في الميه بس كنت لقيت عربيهه💔، قال لي نغم انتي عندك انفصام ، باب الغرفه دق ، قلت ليو بسرعه يلا باي ، قال لي اقطعي وشك وقفل❤ ، مشيت فتحت لقيتها ليندا ؛ مدت لي تلفون ماما ، رديت لقيتها شهرزاد ، كانت بتصرخ قالت لي وواي م مصدقه يا نغم❤😭؛ معقول دي نسبتي ؟ قلت ليها كممم؟ قالت لي انتي كم كدي ، قلت ليها انا سألتك اول ؛ قالت لي نحن حنتعاور😒؟ خلاص ارح نقول سوا ، قلت ليها دي يادوب العواره😆، لكن ارح: انا قلت 87 وهي قالت 82 وتااني بقينا نصرخ❤😂..

اليوم داك قضيتو مباركات بس،،، يشيلو مني التلفون دا يمدو لي دا ؛؛؛ لكن عموما اول ايام من النجاح كانت حلوه ؛ والحلاها اكتر القروش و الهدايا الكنت باخدها😆

بعد الكلام دا بمده م طويله ، مؤمن جاب لي تلفون ؛ قال لي هديه نجاحك وانتي كده كده كنتي حتحتاجيهو لأنك ماشه جامعه❤ ، فرحت فرح انا ؛ قلت ليو مؤمن ياخ الله يخليك لي❤ ، واول شئ عملتو بعد شلتو اني سجلت رقم سيف ، في الاول كنت عايزه اتصل عليهو ، بس بعدين تاني قلت ليه ما امقلبو؟ ، دخلت ليو واتس وكتبت : سيف كيفك ؟ بعد مده دخل وقال "مرحب" قلت ليو عرفتني؟ قال لي ابدا والله ، ارقامي اتمسحت قريب معليش ، طبعا بقيت بضحك كذاب كذب😆، قلت ليو اممم طيب اكون صريحه معاك انا واحده كنت معاك في الجامعه ومعجبهه بيك❤ ، بس كنت خجلانهه اكلمك ، قال لي انتي جاده ؟ قلت ليو كل الجد الفي الدنيا ؛ قال لي طيب منو؟ مش يمكن اكون انا زاتي معجب بيك؟ قلت في نفسي الليللله، اعمل شنو ، لو قلت ليو اسم بت وطلعت م معاو؟ بعد تفكير كتبت ليو بصراحه انا اخر واحده ممكن تتوقع منها الكلام دا ،، قال لي نجود؟؟؟ ، قلت ليهو ياها،،، قال لي بعد ضحك طيب خلي النت فاتح لاني بعد شويه حأتصل عليك حسي مشغول ، وخلي الهبل يا هبله ، عرفتو عرفني ؛ قلت ليو عليك الله عرفتني كيف؟ قال لي عشان مقلبك 2010 بطلوهو😂، وبعدين م معانا واحده اسمها نجود عرفتي😶 ، سكتت ساي صدمني ؛ قال لي معليش معليش تعيشي وتمقلبيني وتاكليها انتي..😂

بعدها بخمسه دقايق دقيت على شهرزاد اتونست معاها وقلت ليها بعدين في موضوع التقديم نقدم نفس الجامعه ؛ قالت لي يا بيبي انا اصلا معاك معاك لو ما قبلوني حكومي بجيك خاص افوتك وين عاد💋😂..

قفلت منها ونزلت تحت قعدت مع ناس امي ، كانو بحضرو في مسرحيه بتاعت عادل إمام، قعدت احضر معاهم❤ ، شويه كده كلهم اتسحبو خلونا انا وليندا برانا ؛ قلت ليها ليندا أخبار احمد شنو؟ قالت لي حسي دا شنو؟ الجاب سيرتو شنو ؟ قلت ليها تتذكري لمن قلت ليك شكلو م جادي ، شوفي لف الزمن ودار وطلع كلامي صاح ، ليه م جا سأل منك بعد مؤمن عمل العمملو؟ ليه م حاول يتكلم معاه؟ قالت لي خلاص الموضوع عدا عليه زمن طويل، م توجعي لي قلبي تاني..
مسكت يدها قلت ليها قلبك دا احن والطف من انو يتوجع واكيد احمد م يستاهلك عشان كده ربنا بعدو عنك،، قالت لي كبرتي وبقيتي تقولي كلام❤ وبقت تضحك، قلت ليها رأيك شنو بس😂👌..

*#ازهرت_بقربه《14》* 💛
*#بقلم_بيروحاء_سلمان​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قبل اكمل جملتي الاخيره سيف قاطعني قال لي نغم نغم انا بهظر ؛ دا كان مقلب مافيني شئ انا شديد ، انفعلت فيو قلت ليو انت مجنون؟ شايف دا موضوع بهظرو فيهو يا سيف؟ عايز تجلطني؟؟ قال لي خلاص خلاص اسف ، صن شويه بعدين قال خفتي علي؟ قلت ليو سيف اسكت مني في اللحظه دي انا م شايفه قدامي من الزعل ،،،، وقتها بالجد ومع انو كان مقلب بس خفت شديد ، بيني وبين نفسي قلت لو حصل وجاهو مرض زي دا ، حيحصل فيني شنو؟؟ لو مات امشي بعدو وين؟؟ طردت الأفكار دي سريع من راسي واستغفرت..
ضحك مسافه بعدين قال لي بس رأيك شنو في المقلب؟ ما اقتنعتي انو داك ما مقلب ولا اي حاجه😂، ضحكت ، قال لي اي اضحكي بالله❤، المهم كنت عايز اقول ليك اني جاي نازل اجازه وكده ؛ قلت اكلمك اول واحده ، قلت ليو سيف انت جادي؟ اخيررا، قال لي اي اخيرا بعد غربه تلاته سنين،، قلت ليو متين يوم شنو كده بالضبط؟ قال لي الخميس ، ليه؟ قلت ليو لا ساي وطوالي قفلت عاينت للتاريخ لقيت اليوم سبت، بقيت بعد بيدي أحد اتنين تلات اربع، يعني باقي اربعه ايام❤!

نزلت تحت فرحانه كلمت امي وليندا بالخبر ، ماما فرحت وشالت تلفونها وطلعت ، بينما ليندا قالت لي خلاص خلاص جاي بعد اربعه ايام هو، ما الليله دي بطلي تتبسمي😶، قلت ليها مبسوطه ياخ مبسوطه ، متين يجي الخميس دا؟

في نفس اليوم بالليل سيف رجع اتصل علي قال لي يا شيخه انا اقول ليك اول واحده اكلمك تنشري الخبر😒، قلت ليو فيها شنو؟ وريت ماما وليندا بس انا ، قال لي وخالتي ورت الحجه ، والحجه زعلت اني م وريتها وكذالك مزدلفه وعملو لي درامات عرفتي فيها شنو؟ قلت ليو اوو😆، قال لي حصل خير😒 ...

عدو كم يوم ،،،،، قبل جيه سيف بيوم ، جاتني شهرزاد ، قلت ليها اسمعي عايزاك تظبطيني❤، عاينت لي من فوق لي تحت وقالت لي من اي ناحيه بالضبط؟؟ قلت ليها من كل النواحي ، قالت لي دقيقه دقيقه ، يا بيبي انتي محتاجه شغل كتير، اول شئ عايزه تزيدي حبه ، بالله تقول عايشه ف مجاعه كلك عضام😒، تانيآ لونك حلو بس محتاجه تنضفيوو، انتي دايراني اعمل ليك شنو في يوم واحد؟ قلت ليها انتي دخلتي غريق شديد ، انا قصدي حاجات سطحيه ياخ😂،،،، وفعلا خليتها كووت لي شعري وشالت لي حواجبي؛ هي اصلا غزيره م خففتها بس واسيتها، وعملنا ماسكات للوش والشعر..❤

يوم جيتو دي انا كميه التوتر ال كانت فيني م حصلت قبل كده ، من الصباح كنت ماشه وجايه مترقبه جيتو ، كل ما الباب يدق قلبي دا يدق واتجارا اكورك افتحو الباب😂؛ ليندا قالت لي ي بت استكيني حسستيني انو يوم عقدك ، قلت ليها هشش م ناقصاك ..
زي حوالي 3 ونص عصر سيف وصل،، دق الباب وفتح ليهو اسامه اخوي ؛ الوقت دا انا كنت في الصاله مع ليندا ، جا داخل وقال بنات الخاله❤، اتلفتت عليهو مهجومه، لاني م كنت سمعت صوت الباب، اتنحت فيهو بقيت بعاين ليو بس م قدرت اتحرك ، وفي نفس الوقت قلبي دا اشتغل دلوكه💔، ليندا قالت ليو حمد لله على السلامة وجات علي رفعت لي طرحتي ، يادوب انتبهت لنفسي وصلحتها بعدين قلت حمد لله علي سلامتك ، قال ليناا الله يسلمكم ، وجاء سلم علينا، بالله لمن مسك يدي حسيت قلبي حيقيف ، مشا بعداك على الصالون عشان يسلم على مؤمن ، ليندا لكزتني قالت لي دا سيف؟؟؟ شكلو كان اتغير شويهه، لأنو كان ضعف وعمل شويه عضلات ، وكان حالق شعرو ولحيتو ومظبطهم؛ دا غير لونو الناير ياخ لمن سلمت عليو لمن خجلت من لوني😷،

*#ازهرت_بقربه《15》* 💛
*#بقلم_بيروحاء_سلمان​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
سيف عاين لي كده ،، بعدين قال مع انو صعبه شدديد بس بحاول اقللها ؛ م بوعدك لكن ، قلت ليو كفايه انك تحاول❤..
على كده انا طلعت غرفتي نمت وسيف كذالك،،،، تاني يوم بالصباح سيف كان مسافر الجزيره ، امي قالت ليو يا ولدي طيب كان تكمل معانا اسبوع بعدين تمشي م لحقنا شبعنا منك ، قال ليها ولا انتو يتشبع منكم يا خالتي بس انتي عارفه الحجه❤؛ وبعدين ما فات شئ ، حأخد لي حكايه اسبوع،،، اسبوع ونص هناك وتاني بجي راجع؛؛ ماما قالت ليو خير ..
طلعو هو ومؤمن اخوي ماشين ، بينما انا مشيت ل شهرزاد،، حكيت ليها عن سيف ال بقا قرض❤😂، وبعدها اتحركنا ماشين على السوق ، قالت لي يا بت الناس حيرتيني في مخي😕؛ في زول بشتري حاجات الجامعه قبل يقدم ويقبلوهو؟ وافرضي م قبلونا الحاجات دي الا نبلها ونشرب مويتها، قلت ليها ثقه في الله حننقبل👌، بطلي تشاؤم ..
لفينا في السوق كتير ؛ اشترينا ملابس ، شنط ، اسوربتات؛ وحتى الدفاتر والأقلام جبناها(برالمه😆) ..

بعد اسبوع من الكلام دا ، سيف جا راجع ، وصادف جيتو مع بدايه التقديمات؛؛ قال لي اوريك ، اول شئ اياك تكتبي حاجه م عايزاها عشان حيشيلوك فيها حيشيلوك كلمتك انا✋، وتانيا رغبتك خليها اول حاجه عشان نسبتك حلوه وحيشيلوك فيها ان شاء الله❤..
وفعلا عملت زي ما قال لي ، قلت ل شهرزاد تكتب نفس خياراتي قالت لي لا كده م حيشيلونا سوا عشان فرق النسب وكده ، واتفقت معاي انو بعد يشيلوني هي حتقدم خاص في نفس الجامعه❤

يوم كنت قاعده مع سيف في مكانا❤، قلت ليو ما عارفه ليه بس ما مبسوطه اني حأدخل الجامعه زي بقيه دفعتي ، بالعكس خايفه،، قال لي اي بحصل عادي ، كل ما الواحد يخلص مرحله ويكون ماشي للبعديها بخاف في الاول ، بس بعداك الوضع ببقا ليك عادي ، وعموما كده الجامعه حلوه ياخ ، زنقاتها، طلعاتها، الشلل؛ وطا صوتو شويه بعدين قال والجكس الطبي؛ قلت ليو استغفر الله ؛ انت صحي يا سيف بت العلاقات ديك حصل فيها شنو؟ قال لي ياه انتي لسه متذكراها، قلت ليو دي بتتنسي❤😆، قال لي ما حاصل شئ ، متواصله معاي عادي ، طبعا لمن قال كده اتغظت غيظ؛ اتمنيت لو كنت م سألتو ، قلت ليو لالا تمام، عاين لي وضحك قلت ليو مالك؟ قال لي ماف شئ تصبحي على خير..

من اليوم داك مسك في القصه دي وبقا طبيعي في سيرتها ، يعني حتى لو الموضوع ما بخصها يدخلها فيهو كانو بس بفرح لمن يشوفني مضايقه كده،، قعدت مع نفسي وقلت خلاص مادام عايز يفرسني بيها حأفرسو انا واعمل الموضوع ما فارق معاي✋..
وفعلا بقيت بختصرو لمن يجيب لي سيرتها ب : طيب ، تمام ، كويس والله ،،، لحدي ما بطل❤😆..

عدت الايام وعلاقتي مع سيف بقت اقوى ما يكون ، اتوقعت اني في التلاته سنين دي اتعودت على عدم وجودو في حياتي ، بس برجوعو اثبت لي اني كنت غلط ، وغلط شديد كمان ..
سيف بقا جزء كبير من يومي ، لدرجه حتى أتفه الحاجات البتحصل معاي بكون عارفها..

اول يوم جامعه ده كان اصعب ايام حياتي واشدهم توتراا😭، سيف كان في الجزيره وسفرتو دي كانت جاتني في جرح ، مشيت لشهرزاد ومشينا الجامعه سوا ،،، اول ما دخلنا كده شهرزاد قالت بصوت عالي، سندسسس وجرت على بت حضنتها؛ البت كان معاها ولدين وتلاته بنات ، سلمت عليهم براحه ووقفت جنب شهرزاد ال كانت بتتكلم مع البت ؛ بعد شويه كده شهرزاد قالت لي دي سندس صحبتي من الاساس ، سندس دي نغم صحبتي في الثانوي ، سلمت على البت تاني وطوالي قلت

*#ازهرت_بقربه《16》* 💛
*#بقلم_بيروحاء_سلمان​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
عدو كم يوم ؛ في يوم وأثناء ما انا في الجامعه قالو لينا انو اول محاضرتين اتلغو بس التالته قائمه😷، طوالي قلت لشهرزاد نرجع البيت ونجي وقت المحاضره بس هي ابت ؛ قالت لي ياخ نمشي لحددددي البيت ونرجع بعد ساعتين ، ما بتجي ياخ ، وبعدين الزمن حيروح في الطريق لا حنلحق نقعد ولا حاجه ،قلت ليها والحل؟ قالت لي نطلع مشوار ظريف كده رأيك شنو ؟ قلت ليها حلوو❤، شلنا حاجتنا وطلعنا على البوابه ، لاقونا الشله ديك💔، بس صحبه شهرزاد ما كانت معاهم ، واحده من البنات اسمها تسنيم قالت لينا بعد سلمت: طالعين شارع النيل رأيكم شنو تمشو معانا؟ شهرزاد طوالي قالت اي اررح، لكزتها في يدها وقلت : يا جماعه انا م بقدر امشي ، انا حأقعد في المكتبه انتو امشو وتعالو، واحد من الاولاد اسمو سيد قال لي ليه؟ قبل ارد شهرزاد قالت ليو بتهظر مكتبه شنو؟ وقربت مني قالت لي طبعا م ح تخليني امشي معاهم براي صاح؟؟ في اللحظه دي سيف دق ، بعدت شويه منهم ورديت الوو، قال لي بت الخاله ؛ قلت ليو سيف اديني عذر يمنعني من الطلعه سررررريع؛ قعد يضحك قال لي طالعين وين وليه ما عايزه تمشي ،،، قلت ليو شارع النيل ، بالنسبه ل ليه دي ، اولا عشان م مرتاحه، تانيآ مؤمن لو شافني انت عارف يعني م يحتاج اقول ، قال لي طيب اسمعي ، انا قريب منك بجيك عديل ، بس حاولي عطليهم..
وفعلا بعد قفلت منو مشيت ليهم قلت : طيب ارح بس اول شئ لازم اصور شيتاتي الناقصه ، تسنيم قالت لي انتي جاده؟؟ شهرزاد قالت لي يا بت اللذين الحفار الجواك طلع من اول اسبوع😶، قلت ليها اي بس ارح..
وفعلا مسافه م طلعنا المحاضرات وصورناها ورجعنا الجامعه سيف كان جا ، سلم على الناس دي ووقف ، بقيت بعاين ليو منتظره اشوف حيعمل شنو ويطلعني منها كيف ،، قال : طبعا يا شباب كنت ماري بهنا وقلت اشوف الوليه مطول منها ،، انا بقيت عامله كده😟 وهم كلهم كده😲، ماعدا شهرزاد بتضحك ، تسنيم قالت ليو دقيقه ، يعني نغم متزوجهه؟ قال ليها الا متزوجه شنو؟ دي حامل ف التالت😶، الصدمه بقت صدمتين ؛ وتلقائيا كلهم اتلفتو عاينو لي ، بت تانيه اسمها موده قالت : م كنا عارفين ، ماشاء الله ما ظاهر فيها ابدآ، بيني وبين نفسي قلت ياريتني لو ما كلمتو، دا ما حل شئ دا عقد الامور ؛ سيف بعد رد على كميه من اسئلتهم قال : اي صحي انتو ليه بره ، مش مفروض تكونو في محاضره؟ رد عليهو سيد، يا عمك ديل مواسير ساي بعد جابونا لغو المحاضرات ، سيف ضحك ف كمل سيد وقال : وحسي قلنا طالعين شارع النيل ، بما انك جيت ارح معانا ، سيف قال ليو شارع النيل عديل صعبه دي ، وبعدين الوليه بتتعب ودا اول ناركوك صغير عارفين انتو؛ ما بنفرط فيهو ، كلهم ضحكو بينما هو كمل وقال بعد مسك يدي مشينا؟؟ ..

بهناك ليندا كانت خلصت محاضرتها الوحيده وراجعه على البيت لاقاها احمد ، قال ليها ليندا كيفك؟ ليندا كانت ماشه ومن شافتو سرعت في مشيها اكتر ،،، أحمد لحقها وبقا ماشي وراها ، قال ليها انا عارف انك زعلانه مني ، وليك حق، بس انا عايز اقول ليك ، اني اسف ، انا كان مفروض .. ليندا قاطعتو و قالت اسفك دا خليهو عندك، انا م عايزه منك اسف ولا غيرو ، عايزاك تبعد مني بس ممكن؟؟ كفايه علي الحصل بسببك..

*#ازهرت_بقربه《17》* 💛
*#بقلم_بيروحاء_سلمان​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قبل تخريج ليندا بيوم ، كنت عزمت شله سندس وشهرزاد على التخريج من باب الزوق؛ بس اتفاجأت انهم جادييين لمن دقو لي يوم التخريج بالصباح وقالو جايين البيت عشان يمشوو معاي،،، بعد مكالمتهم طوالي ، مشيت الصالون براحه اتاوق لو مؤمن واسامه قاعدين ، لقيتهم ماف،، طوالي جريت المطبخ جبت كبايه مويه وجيت قلت ليو بتوتر : سيف شله سندس قالو جايين التخريج ساااعدني ! ؛ رفع راسو عاين لي اتخلع ؛؛ قال لي يا بت دا شنو الفي وشك دا؟ يادوب انتبهت لماسك القهوه العاملاه ؛؛ قلت ليو خليك من وشي انت لازم تساعدني ؛ قال لي طيب اقعدي فهميني اول شئ واقفه كده ليه؟؟ وبعدين دي شنو كبايه المويه دي؟؟ قلت ليو ياخ متوتره ما قادره اقعد ؛ وبعدين بالنسبه للمويه ؛ دي في حال مؤمن جا وكده اقول ليهو جيت اجيب ليك مويه هههه ؛ المهم اها قلت شنو؟ قال لي انتي عايزاني اعمل شنو؟ قلت ليو تقول انو سيد ومحمد ديل اصحابك بس ؛ عاين لي بشماته ممزوجه بخباثه كده وقال اهااا يادوب فهمت الرصه ؛ صلح قعدتو وخلف رجلو وقال لي والمقابل شنو يا اصليه ؛ قلت ليو سييف؟ قال لي يا نتفق حسسي دي ؛ يا تخليها مفتوحه واطلب منك حاجه في وقت تاني ؛؛؛ قلت ليو نخليها مفتوحه طيب ؛ قال لي قدام!

وفعلا زي ما اتفقنا سيف ساق سيد ومحمد معاهو وعرف مؤمن عليهم على اساس انهم اصحابو ؛ وانا سقت معاي البنات ؛؛؛؛ تخريج ليندا كان اظرف بكتير من تخريج سيف واسامه ؛ كان في مكان زي مزرعه كده ؛ واصلا الخريجين م كانو كتار لانو ليندا بتقرا في كليه م جامعه .. طبعا البنات ديل كانو مشخبطين وشهم شخابيط تحير ؛ وانا في نصهم اخت الخريجه واقفه زي ما الله خلقني ؛ الموضوع كان غريب وما انكر حسيت بالاحراج ؛ بس بعدها فكرت ليندا نفسها احساسها حيكون شنو وهي الخريجه الوحيده بدون مكياج..

اليوم عدا بدون مشاكل ؛ نهايه اليوم ونحن راجعين انا واسامه كنا بنودع في اصحابنا وبنركب فيهم الترحالات عشان الزمن كان اتأخر ؛؛ سيف ومؤمن اخوي كانو بتكلمو بالجنبه براهم ؛ شويه كدا وسيف جا علينا مدا يدو وبدا يسلم ؛ استغربت قلت ليو ما راجع معانا ولا شنو ؟ قال لي لا راجع الجزيره ومشا مني ودع ماما وعلى طول مشا ؛؛ اتحيرت يعني ابدا ما طبيعي انو يرجع كدا وفي الوقت دا ومن هنا؟؟؟ مشيت طوالي على جهه ماما قلت ليها في شنو؟ قالت لي خالتك تعبانه شويه ؛؛؛؛ قلت ليها ياساتر تعبت فجاءه كده؟؟؟ قالت لي ما ظنيت ؛ شكلها من بدري عيانه بس م قالت ؛؛ بكره بلحقو بشوف الحاصل ؛ قلت ليها ان شاء الله وسرحت افكر ..

اليوم دا دقيت عليهو كتير بس م رد علي ؛؛؛ صحيت لحدي ٣ صباحا راجياه يرجع م رجع لي ؛؛ قلت م مشكله يكون انشغل مع امو وما فضا..
نمت بعداك وصحيت تاني يوم وعلى جامعتي طوالي ،، الدوام كان طويل طلعت منو ٣ عصر ؛ ولحدي ما وصلت البيت كانت ٤ ؛ من فتحت الباب سمعت اصوات البكا ؛ في شنو يخوانا؟ ماما قالت لي خالتك ؛؛ خالتك يا نغم ماتت ؛؛ انا كنت حاسه ؛ كنت حاسه انها عيانه شديد؛ ما هو سفره سيف دي م كانت طبيعيه؛ وبقت تبكي شديد وواااي ي اختي ؛ واي يا الحرقتي حشاي ؛ كده خلاص؟؟ م حأشوفها تاااني؟؟ كده راحت؟؟ احيي يا قلبي احي ؛ امي بتقول في الكلام دا وبتضرب في وشها ورجولها وانا بالي مشا بعيييد لسيف ؛ امو ماتت؟؟ هو حيكون كيف؟؟؟ حيكون حصل فيهو شنو؟؟ وعيت على بكا امي ؛ وانتبهت يادوب لحته انها موجوعه لفراق اختها ؛ بسرعه مشيت

*#ازهرت_بقربه《18》* 💛
*#بقلم_بيروحاء_سلمان​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الليل كلو امي شالتو بكا ؛ م نمنا ولا دقيقه ؛؛؛ اي نعم انا زعلت عليها واي حاجه ؛ بس م بكيت ؛ م عارفه ليه ؛؛ يمكن عشان خالتي م كانت قريبه مني شديد ؛؛؛ اتبادلنا القعاد جنب امي انا وليندا ؛ لحدي ما صبحت الواطه ؛ ماما طوالي قالت لمؤمن ارح وديني لبيتها حسسي دي ؛ ما قاعده هنا ولا دقيقه انا ماشه ليها يا مؤمن ؛ مؤمن ما حاول يجادلها كتير بالعكس اشر لينا على اساس جهزوها وطلع ..
اخدنا نص ساعه تقريبا وكنا كلنا جاهزين ؛ اصلا م اخدنا زمن لانو لبسنا عبايات بس ؛؛؛ واتحركنا بعداك..

لمن وصلنا البيت ومع اصوات البكا الكانت ظاهره من بعيد انا قلبي قبضني؛ بيني وبين نفسي قلت حأتصرف كيف؟! ؛؛ دقينا الباب وفتحت لينا واحده غريبه ؛ خمنت انها من الجيران ؛ قالت لينا البركه فيكم ودخلتنا ؛ البيت كان مليان بشكل ما طبيعي ؛ ووسط الزحمه دي كلها م كنت لاقيه سيف ؛؛ كنت بفتش فيهو بعيوني وبعزي ؛؛؛ عيني وقعت على نادر اخو سيف دا ببكي بحرقه ؛؛؛ كان جمبو اولاد بحاولو يطلعوهو بره بس هو كان رافض ؛ لحدي ما استسلم وطلع معاهم ؛؛؛ اما مزدلفه حالتها كانت حاجه تانيه💔 ؛ كانت بس لامه نفسها عليها وبتبكي بدون صوت ؛ ماما مشت حضنتها وبقو يبكو الاتنين ؛ وهنا يادوب انهارت وبقت تصرخ بأعلى صوت عندها ؛؛؛؛ الموقف دا خلاني اعرف قدر شنو الفراق حار ؛ قدر شنو فكره انو زول معاك الليله بكره يكون ماف مرعبه! ؛ ختيت نفسي محلها ؛ وبمجرد التفكير لقيت نفسي ببكي ..
فجاءه جانا صوت سيف بصرخ من بعيد ؛ قال : مزدلللللفه ؛ اتلفتنا عاينا ليهو ملامحو كانت جامده ؛ م كان في دموع في وشو ولا اثر حزن ؛ خمنت براي انو يمكن مصدوم او ما مستوعب ..
قرب علينا وجا مسك مزدلفه من يدها وبقا بهزها ؛ ما تصرخي فاهمه ولا لا ؟ كده بتعزبيها عايزه تعزبيها انتي؟؟ اتكلمي؟ مزدلفه بس قفلت فمها بيدها وسكتت ؛ بينما هو فكاها ومشا على جهه الحمام؛ لحقتو سريع قلت ليو سيف ! م اتلفت علي بس وقف ؛ اترددت اقول شنو ؛ قلت ليو البركه فيكم؛ خالتي في مكان احسن بكتير ؛ في الجنه ان شاء الله ؛ بدون يتلفت برضو رد : البركه في دين محمد ؛ ان شاء الله ؛ ودخل الحمام..

اول تلاته ايام في العزاء كانت الاسوء ؛ نادر ؛ مزدلفه ؛ ماما ؛ كل واحد كان منهار اكتر من التاني ؛ والتلاته م كنا عارفين نتصرف معاهم ؛ اما سيف ؛ ولا دمعه واحده ما نزلها ..
في يوم كنا واقفين بنسوي العشا انا وليندا ؛ سيف جا داخل وقال العشا جهز؟ قلت ليو ايوه شويه ونرصو؛ قال كويس حأمشي اناديهم.. بس قبل يطلع مزدلفه جات داخله تشرب مويه ؛ سيف قال ليها كويس انك جيتي العشا جهز ما ترجعي غرفتك ؛ مزدلفه ولا قالت ليهو بتقول في شنو؟ شربت مويتها وطلعت من المطبخ راجعه ؛ سيف مسكها من معصمها قال ليها بتكلم معاك انا ؛ فكت يدو وقالت ليو تتكلم معاي في شنو؟؟ انت واعي للبتقولو دا؟؟ سيف انت لو ما عندك قلب وما بتحس فأنا بحس ؛ ماما لسه م تمت اسبوع من ماتت ؛ وفراقها ابدا ما هاين علي لدرجه تخليني اتعامل زي تعاملك دا ؛ واقعد اكل كمان! ؛ سيف انت حجر؟؟ لا انت اكعب ؛ الحجر ممكن يكون عندو مشاعر بس انت لا؛ سيف دا بس عاين ليها وطلع ؛ قلت ليو سيف ؛ بس هو ما وقف وكمل مشي ؛؛؛ عاينا لمزدلفه لقيناها رجعت تبكي وطلعت ؛؛؛ ليندا قالت لي انا بشوف مزدلفه انتي امشي لسيف ؛ وقفت اعاين ليها لزتني وقالت سرييع..

*#ازهرت_بقربه《19》* 💛
*#بقلم_بيروحاء_سلمان​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
مؤمن دا لمن قرب مني انا قلبي وقع في يدي ؛ قوم سيف من يدو وساقو بجهه البيت وقال لي بنهره خشي جوه يا نغم ؛ صوتو من شده ما كان عالي ؛ الناس الكانت واقفه تعاين جرو مشو على بيوتهم ؛ دخلت بسرعه وقفلت الباب وراي ؛؛؛؛ بالله جاني ليك كف طاير لمن قربت اقع ؛ مؤمن قال لي دي اخرتها يا قليله الادب؟ وانا الفاكر ليندا الكعبه ؛ طلعتي انتي ال... استغفر الله العظيم ؛ كان عايز يديني التاني بس سيف وقف قدامو ؛ مؤمن اتجاوز سيف وجاني جراني من طرحتي ؛ قال لي تعالي لي انا بربيك من اول وجديد ؛ تاني لو خليتك تطلعي ما ابقى راجل يا نغم ؛ تاني م بتطلعي الا لبيت راجلك او جنازه ؛ بقول في الكلام دا وكاريني كر بالارض ؛ قعدت ابكي قلت انا العملتها في نفسي ؛ انا الغلطت ؛ كان ممكن اساعدو بأي طريقه تانيه غير دي ؛؛؛؛ من كواريك مؤمن ؛ ماما ومزدلفه وحتى نادر جو طالعين ؛ ما كانو فاهمين حاجه بس برضو كانو بحاولو يبعدوهو مني ؛ مؤمن كان اقوى منهم كلهم ؛ وقدر كراني لحدي غرفه ؛ بتاعت سيف تقريبا؛؛ دخلني وقال لي بربيك في البيت ؛ اصبري يا نغم ما انتهينا نحن وقفل فيني الباب ومشا ..

قعدت ابكي لزمن ؛ م عارفه عديت كم ؛ فجاءه لقيت الباب بفتح وليندا بتدخل؛ قلت ليها ليندا تحت حاصل شنو؟ قالت لي سيف ومؤمن اتشاكلو ؛ وسيف طلع خلا البيت ؛ وماما م قادره تقنع مؤمن انو م نسافر ؛؛؛ انتي احكي لي حصل شنو؟ ليه مؤمن زعلان كده؟ قلت ليها عايزنا نسافر؟؟ وماما وافقت؟؟ قالت لي انتي عارفه مؤمن ماف زول بقدر يمنعو من العايزو ؛ م جاوبتيني حصل شنو؟ مؤمن مالو معاك ومع سيف؟ سكتت ؛ ارد اقول شنو؟ في اللحظه دي بالزات حسيت بالخجل من العملتو ؛ قلت ليها ليندا عليك الله خليني في حالي ..

في كلامنا دا ؛ مؤمن جا داخل قال بنهره اطلعو سريع العربيه تحت ؛ مؤمن دا جادي؟؟ نزلنا مستسلمين بعد لبسنا عباياتنا ؛؛؛ نظرات مزدلفه ونادر لي كانت غريبه ؛ استغربت في الاول بس تاني خمنت انو مؤمن وراهم ؛؛؛ وطيت راسي ومشيت بخجل؛ حتى ماما ما اتكلمت معاي ..

رجعنا البيت وانا م عارفه مصيري حيبقا شنو؛ اتوقعت اول ما ندخل مؤمن يمسكني يكفتني ؛ بس هو ما عمل كده ؛؛؛ شال حاجاتنا دخلها وجا علي ؛ قال لي بصيغه حاده رجلك ما تعتب الباب دا تاني ؛ والا قسما بالله يا نغم اقتلك ؛ وانا حلفت..

عدت الايام ؛ تعامل العيله معاي كان زفت ؛ خصوصا ماما ومؤمن ؛ لدرجه لمن اجي اقعد معاهم بقومو بمشو ؛ اقعد معاهم في الصفره بقومو ؛ اتكلم معاهم يسكتو ؛ كرهت الدنيا كلها ؛ وكرهت نفسي اكتر ؛ كان اهون علي انو يدقوني من انو يتعاملو معاي كده ؛؛؛؛ اكتئبت وبقيت غرفتي م بطلع منها ؛ الاكل والمويه ديل الا ليندا تتذكرني وتجيبهم لي ؛ وفي نفس الوقت م كنت قادره انزل جامعه ؛ عرفت انو خلاص مستقبلي حيضيع ؛ دا لو ما ضاع فعلا..💔

في يوم اثناء ما قاعده في غرفتي ؛ باب غرفتي دق ؛ وبدون ما اقول اتفضل اتفتح ؛ وجا داخل سيف ؛ في الاول ما صدقت قلت شكلي بحلم ؛ بس هو جا قعد قدامي في السرير ومسك وشي بيدينو ؛ قلت ليو سيف ؛ قال لي هشش ؛؛سكتت مسافه بعاين لي ؛ بعدين قال نحفتي يا نغم ؛ ووشك شحب ؛ سكت شويه تاني بعدين كمل : ودا كلو بسببي ؛ بعدت يدينو مني وقلت ليو سيف مؤمن لو جا ..

*#ازهرت_بقربه《20》* 💛
*#الاخيـــــــــــــــــــــــــــــرة*
*#بقلم_بيروحاء_سلمان​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قال لي تتزوجيني؟؟؟ سكتت م رديت بس بعاين ليهو ؛ قال لي نغم بتكلم معاك انا ؛ قلت ليو سيف مؤمن مستحيل يوافق ؛ وانت عارف كده ؛ صر وشو وقال لي وانا ما راجي موافقه منو ؛ افتكر امك عايشه وهي ولي امرك ؛ قلت ليو وهي موافقه؟ قال لي اي م عندها مشكله ؛؛؛ سكتت ؛ قال لي نغم م تسكتي ردي علي ؛ انتي بتفكري في شنو؟؟ م شايفه نظرتهم ليك بقت كيف؟ م شايفه تعاملهم معاك كيف؟ دا كلو بنتهي لمن تبقي مرتي ؛ ماف واحد يقدر يتكلم فيكي تاني ؛ قلت ليو بس انا م عايزه كده ؛ م عايزه زواجنا يكون عشان سبب زي ده ؛ ما عايزاه يكون شفقه منك ! قال لي نغم مالك عايزاني اسب ليك؟ كيف اصلا بتفكري اني ممكن اكون شايفو كده ؛ قلت ليو طيب جاوبني ؛ ليه ما جيت من زمان؟؟ ليه جيت حسي؟؟ الذكرك بي شنو؟ قال لي بعد اخد نفس: ومنو قال جيت حسي؟ انا من زمان بجي ؛ بس كنت بمشي لمؤمن ؛ ومؤمن على قولك مستحيل يوافق ؛ حاولت معاه ولمن رفض لجأت لامك ؛ وبعدين زواجي منك لو قايم على مصلحه فهي اني محتاج ليك جنبي ؛ ما شفقه عليك عرفتي ؟ رجع مسك وشي بيدينو وقال حتى بعد عرفتي اني محتاجك معاي حترفضي؟؟ هزيت ليو راسي شكل لا ؛ ضماني عليهو وهمس في اضاني بحبك❤

وفعلا بدينا اجراءات العرس الحيكون عباره عن عقد بس نسبه للظروف النحن فيها ؛؛؛ في الاثناء دي ماما رجعت تتكلم معاي ؛ صح ما زي زمان ؛ بس على الاقل احسن بكتير ..

بعد العقد تم سيف قال لي انو حنمشي نقعد في الجزيره وكده ؛؛؛؛ ودعت ليندا وماما واسامه ؛ ولمن جيت اودع مؤمن طلع مشا ؛ سيف مسك يدي قال لي ارح ؛ قلت ليو سيف معليش عشاني خليني اتكلم معاه وبجيك ؛ فك يدي وقال بنتظرك بره ؛؛؛؛ هزيت ليو راسي ومشيت على جهه مؤمن مشا ؛ لقيتو واقف ببكي؛ دقيقه مؤمن وببكي؟؟ ما دخلت معاي نهاي ؛ قلت ليو مؤمن ؛ اول ما شافني مسح دموعو ؛ حرفيا من اتولدت ما حصل شفت مؤمن ببكي ! قلت ليو حتخليني امشي بدون تودعني؟ ما رد علي ؛ قلت ليو انا عارفه انك بتكرهني ؛ ويمكن في اللحظه دي بالزات حتكون مبسوط انك حتتخلص مني ؛ بس يا مؤمن عشان خاطر يوم حلو كان بينا اتكلم معاي ؛ رفع عيونو مني , بقا بعاين في السقف ولسه اثر الدموع فيها ؛؛؛ قلت ليو عموما خلي بالك من نفسك ومن ناس ماما ؛ واتحركت ماشه ؛ وقفني صوتو بقول نغم اقيفي ؛؛؛ ما صدقت انو اتكلم ؛ اتلفتت عليو طوالي ؛ جا علي قال لي انتي عارفه اني م بكرهك ولا كرهتك في يوم ؛؛؛ كل الحكايه اني كنت مصدوم ؛ انا اتصدمت قبلك في ليندا بس صدمتك انتي كانت اقوى يا نغم ؛؛ انا كنت زعلان منك ؛ وزعلان عليك ؛ عاينت ليو بأستغراب من جملتو الاخيره ؛ قال لي اي زعلان عليك ؛ فاكره هاين علي اشوف الناس دي بتعاين ليك كده؟؟ ولا هاين علي معاملتهم ليك؟ صوت بكاك نص الليل؟ ابدا والله ؛ الحاجات دي كانت بتقتلني قتل قبلك يا نغم ؛ قلت ليو خلاص الموضوع فات يا مؤمن ؛ عايزه افتح صفحه جديده بيضا في حياتي ممكن؟؟ هز راسو وقال لي ؛ كنتي تستحقي حفله وبهرجه وعرس يتكلمو عنو ؛ قلت ليو م عايزه حاجه انا ؛ رضاك عني دا بالدنيا❤

اتحركنا بعداك ماشين على الجزيره؛ طول الطريق سيف بتكلم بالتلفون بالانجليزي ؛ وانا سرحانه في الشباك بفكر في الحيحصل..

*#ترياق_بشري{{01}}*💛
*#بقلم_بيروحاء*
.
.
.
كالعاده قاعد في مكتبي مداوم..بعاين ف جوالي.. الليلهه يوم كم؟؟ لقيتوو ١٨ اغسطس.. اخدت نفسس..التاريخخ المميز..بتذكر ١٨ اغسطس من كل سنهه بحصل معاي شي .. وشي بكون سمح كمان .. سبحان الله💛 حتى بتذكر يوم تخريجي كان واقع ١٨ .... وبعدوو ب سنهه ف نفس اليوم كنا ختينا اول طوبهه ف بنيان عيادتي 💛!
*دقيقه نتعرف*
اخوكم باسل 25 سنهه خريج علم نفس .. نكون صريحين ما كنت عاوزهاا صحح هي رغبتي واي شي بس ماف ليها شغل ف البلد دي كتييير.. ف كنت حابي اقرأ محاسبهه واشتغل فيها و اشتري كتب علم النفس دي اقراها براي.. لاني بحبهم.. بس الحاج اصصر علي اقرأ رغبتي وو الحمد لله وضعناا ممتاز بعد تخريجي بنينا عيادتي💛 عايش مع امي وابوي .. ما عندي اخوان💔 عشان كده رغباتي شبهه منفذه كلهاا.. واي شي نفسي فيوو بلقاوو..
امي سوسن 45 سنهه ربه منزل💛 وابوي حاج محمود 60 سنه مهندس بترول..
والباقي ل قدام ..
*نرجع*
سرحان ف موضوع تاريخ اللليلهه دي .. اسمع جوطه بره..
طلعت وقلت ..
هند في شنو؟
وهنا شفتها.. كانت واقفهه جمب هند لابسه نظارات خافيه معظم ملامح وشها💔 طويله صفراء حجمها متوسط بس مايله للضعف اكتر..
ردت علي هند .. يا دكتور دي مصصره تدخل ليك .. ووريتها انو دا وقت راحتك وبرضو مصره..
عاينت ليها مسافهه بعدين قلت خليها تدخل ..
هند قالت لكن..
قلت ليها اتفضلي..
وفعلا دخلت..
ما اتكلمت عن الحصل دا .. اول شي قالتوو سعرك غالي شديد!
عاينت ليها باستغراب.. خصوصا انو ملابسها تديك احساس انها ما زوله محتاجهه
شكلها فهمت نظرتي لأنها قالت .. م عشاني انا .. بس الزول لمن يجيك معناها الدنيا قفلت معاوو من كل الجهات.. مهموم لدرجه بعيده .. و بعد دا ما لقى زول يفضفض ليو ف جاك.. ولمن يلقى السعر غالي كده.. يمكن ما يقدر عليوو💔 وبعدين لو رخستو ناسك بكترو.. والله بفتحها عليك.. وزاتو كسبت حسناات لأنك ساعدت خلق الله💛
اتأثرت بكلامها.. ومن جهه لقيتو واقعي.. وانا عن نفسي ما محتاج والحمد لله ..شغال الشغل دا ك هوايهه..
قلت ليها كلامك صح يا؟
ابتسمت وقالت وجن💛
قلت ليها يا وجن.. ان شاء الله بعمل كده..💛✅
هنا طلعت نظاراتها واتلفتت علي ..
ويادوب شفت عيونها ..
شفتوو عيون الغزال..بس بالضبطط زيهم.. جمالها كلوو في عيونها💛
قالت لي شغلكم علي شكل جلسات صح؟ قلت ليها ايوه
قالت انا ما عايزه احضر جلسات..
عشان كده اصريت اني ادخل عليك وقت البريك بس طبعا ب حسابوو..
عاينت ليها ساي بدون اتكلم..
اخدت نفس بعدين قالت لي عمري كان ١٦ سنهه لمن امي ماتت ..كنت امتحنت شهاده ومنتظره نتيجتي.. خبر وفاتها كان صدمهه لي لاني كنت اكتر زولهه مقربه منها💔 اي شي بحكيو ليها كانت صحبتي💔 دخلت ف حالهه نفسيه سيئه واكتئبت وحالتي كانت بيعلم بيها ربنا بس.. بس وجود ابوي ووعد جمبي شويه رجعوني💛
قاطعتها وعد منو؟
قالت لي اختي الصغيره.. والوحيده.. الزمن داك كانت ف أولى اساس..
هزيت ليها راسي بمعنى اهااا
كملت .. بعد وفاتها عشنا مع مرت ابوي.. وطبعا عارف معاملتها ح تكون كيف؟💔
عاملتنا بعدم انسانيه وو..
قاطعتها تاني وانت اصلا ليه ما رفضتي انو ابوك يتزوج بعد امك؟ خصوصا وانتي عارفهه انو مره الابوو قاسيه كده؟
هنا دمعت.. وقالت كنت ح ارفض لو عرسها فوق امي.. بس هي كانت الأولى وامي عرسوها فوقها💔

#يتبع

*#ترياق_بشري{{02}}*💛
*#بقلم_بيروحاء*
.
.
.
كنت ح ارفض لو عرسها فوق امي .. بس هي كانت الأولى وامي عرسوها فوقها..💔 وزدات بكا..
مديت ليها علبهه المناديل الجمبي.. قالت لي شكرا..
سألتها طيب وابوك؟؟ ليه ما قلتو ليوو بعمايلها؟؟
قالت لي بعد اخدت نفس.. ف الاول ما كنت عايزه اقول ليو خصوصا انو عفاف عندها اولاد.. كنت شايفهه انو حرام نصغر اولادها ف نظرهاا او انوو نفصل ابوهم وامهم من بعض وكده .. بس بعد الموضوع اتطور اضطريت وريتوو..
رديت بسرعه اتطور كيف؟
اخدت نفس تاني وقالت.. سممتني.. كانت الفتره ديك بالزات اكلي فيها ضعيف عشان وفاه امي💔 ما كنت بأكل كتيرر.. وشويه الاكل ال بأكلو من عندها.. لأني كنت صغيره ما بقدر اطلع اكل بره..
استغلت الوضع هي وختت لي سم ولا مصيبهه زمان ف الاكل💔 كانت فاكره اني م ح اعيش وماف زول ح يعرفها ..
بس الحمد لله انو ابوي لحقني..
واصلت كلاما وقالت ح تقول لي عملتو شنو؟
كلمت ابوي.. وكان ناوي يطلقها.. بس انا رفضت عشان اولادها م ليهم ذنب💔 وما بسبب افعال امهم يعيشوو متنقلين بين امهم وابوهم..
اكتفيت ب انوو اقول ليو ينقلنا ل بيتنا ما عندنا قعده مع عفاف تاني💔
وفعلا دا الحصل وجاب حبوبهه قعدت معانا لحدي م كبرت انا ومسكت البيت💕
كنت في حالهه كده ما اقدر اقول سرحان.. لكن مركز مركز شديد مع كلامها.. و في نفس الوقت مركز مع ملامحها.. الملامح البريئة وفي نفس الوقت جميله دي💕
قالت جملتها الاخيره وعاينت لي ولمن شافتني مركز معاها دنقرت رأسها..
اداركت الموقف وقلت ليها ..
تصرفك كان صح وبالرغم من ظروفكك الكانت كعبه كنتي بتفكري في غيرك.. ودي حاجه سمحه شديد..
ابتسمت ابتسامه باهته كده💔
قالت لي بس انت عارف اني ما جاياك عشان كده!
يمكن موت امي بعد فتره قدرت اتقبلوو.. وتنمرر منذر وعلي(اولاد عفاف)علي وعلى اختي بعددد ززممن برضوو نسيتو .. عمليهه عفاف دي زاتاا نسيتاا بس م قادره اتجاوز ..
الباب دق"
هند جات داخله وهي بتقول.. دكتور ريم جات ..
عاينت للساعهه بعدين قلت
اوو.. الزمن جاء ياخ💔 اتلفتت على وجن لقيت علامات استفهام ف وشها قلت ليها دي مريضتي.. الاستراحهه خلصت.. قالت لي اهاا
قلت ليها هو زمن الجلسات اطول بس انتي اصريتيي..
قاطعتني امم.. م مشكله بنكمل..
وطلعت خلتني حايرر
دا شنو ال ما قادره تتجاوزو؟ إذا كانت قدرت تتجاوز محاوله قتل؟ قتل شنوو قدرت اتجاوزت وفاه امها؟ في شي اصعب من كده💔 بقيت بفكر وراسي ماشي وجاي.. دخلت علي ريم..
...................................
من طلعت طوالي انبت نفسي .. دا شنوو يا وجن؟ انتي ليه جيتي هنا؟ بقيت بسأل ف نفسي وانا طالعهه ماشه ع الشارع..
انتي عارفه لو ابوك عرف ح تكون رده فعلوو شنو؟ طيب لو حبوبه وخالاتي عرفوو؟ نظرتهم لي ح تكون كيف؟ ح يقولو البت مجنونه..
رجعت انبت نفسي ليه تفكري بالطريقه دي؟ الكلام مع دكتور يمكن يكون مريح لي.. ما يمكن اكيد💔 و حاجه فيها مصلحه لي.. ليه يهمني نظره الناس؟ ياخ خليهم يقولو مجنونه .. اصلا كده كده ح يتكلمو ..
بقيت بفكر هل ارجع احجز ولا لا؟ وبعد صراع نفسي قررت اني ما احجزز وكملت طريقي..
*نتعرف*
انا وجن💕 حاليا عندي 20 سنهه.. عشت طفوله بائسه خلتني زوله انطوائيه.. اتهربت من الناس والتجمعات لمن بقيت ما بعرف اتكلم! وتهربي كلوو كان ع شكل "عايزة اقرأ ما بقدر اجيكم" " عندي امتحانات لازم اقعد اقرأ"
وطبعا مع الجمل دي اتوقعوو لي اجيب تسعينات واخش طب.. بس خاب ظنهم💔
ما كان عندي رغبه ل شئ معين.. كنت عايزه ادخل اي مجال والسلام💔 بس شي اقدر اشتغلوو واطلع قروش تعيشني انا ووعد في بيت برانا💕
خصوصا انها كانت بتتعرض ل مضايقات وهي اصغر مني💔 اذا انا فاض بي هي كيف؟
بتذكر يوم بعد نزلت جامعه جيت متأخر..
لقيت وعد قاعده بره ف الحوش ودافنه راسها بين يدينها..
مشيت يدي ع شعرها وقلت ليها مالك؟
رفعت راسها وعيونها مورمه من البكا.. قالت لي صحي الزول لو اكل من الشجره دي بموت؟
واشرت علي "جهنميه"
قلت ليها لالا ليه بتقولي كده؟
قالت لي عشان انا عايزه اموت..
متخيلين معاي شافعهه صغيره عايزة تنتحر؟؟
قلت ليها ليهههه؟؟ قالت لي عشان علي بضايقني💔
ضميتها علي وقلت ليها اوعك تقولي كده تاني.. نحن ح نمشي من هنا بس انتي اصبري علي حبه💔
وفعلا بعد أقل من شهر طلعنا ع بيتنا وجاتنا حبوبهه..

#يتبع

*#ترياق_بشري{{03}}*💛
*#بقلم_بيروحاء*
.
.
.
خلصت شغلي وبديت اقفل ف العياده وانا طالع.. كان يوم متعب ياخ💔 بس بالرغم من كده لطيف.. مشيت ع عربيتي لمن دقت لي امي..
اها يا باسل نستناك ف العشاء ولا ح تتعشا برا؟؟ لالا جاي يا حجه ما تغنجوو بي..
سمح اسرع..
قفلت منها وعيني جات ع التاريخ تاني..
طوالي اتذكرت وجن.. معقول تكون هي الحاجه المميزه السنهه دي؟؟
بقيت سارح وانا سايق وبفكر في موضوعها حصل معاكي شنو تاني يا وجن بس؟
بعد نص ساعهه كده وصلت..
....................................
مع أذان العشاء كده وعد جاتني جعانه جعانه قلت ليها حبيبي انا تعبانه لسه م قعدت زي الناس يادوب جيت..
بس هي كانت قافلهه مخها ع انو دايره اكل حسسي.. قمت وسألت ابوي اذا جعان وجاوب انو جعان.. سويت ليهم العشاء والاتنين اكلوو وناموو..
ما عارفهه ليه بس احساس الجوع دا فقدتو من زمان.. بقيت ما بجوع مهما ما اكلت!
عندي دفتر اسوود كبييير متعوده اكتب فيوو اي شي .. كان بالنسبهه لي زي صاحبي كده اي شي بفضفض ليوو.. فتحتو وبقيت بفكر..
جاء ع بالي الدكتور.. ما عارفه بس ارتحت بالكلام معاو.. بالرغم من انوو م كملنا💔
كتبت:
" *ولكنها الظروف هي الحاكمه.. هي التراكمات التي جعلتني ألجأ لمصدر خارجي ليسمعني.. ماعادت الكتابه مجديه.. وصل الألم حد النخاع🌘🥀* "
..............................
اصبحت نشيط عديل ومتحمس لليوم.. مع انو م من عادتي لا اصحا بدري ولا نشيط.. بس بيني وبينكم يمكن وجن السبب..
كنت عايز اعرف باقي قصتها.. اعرف الحصل معاها تاني.. اساعدها بي اي طريقه🌸
وبالرغم من انو وجن ما احلى بت مرت او ح تمر علي ف العياده دي.. بس اكتر واحده جذبتني.. ما عارف ليه بس تلقائيا لقيت نفسي مجذوب ليها..
صبحت علي امي وابوي واخدت دشي وروتين كل يوم وطلعت..
سألت هند اول ما دخلت.. وجن سجلت ل جلسه؟ قالت لي لااا حسيت بخيبه امل.. بس ما فقدتوو نهائي قلت يمكن تجي ف البريك زي امبارح 💕.. عديت جلستي الاول وبقيت مستني..
بسس برضوو خاب ظني💔

#يتبع

*#ترياق_بشري{{04}}*💛
*#بقلم_بيروحاء*
.
.
.
عديت يومي شبهه سرحان.. منفصل عن الواقع.. ما مركز .. اي شي بالمعنى دا💔 وبعد خلصت جلساتي مشيت ع هند تاني..
يااا هند..
ايوه يا دكتور اتفضل..
البت ال جات امس.. ما قالت شي عن جيتها تاني؟ او خلت اي بيانات؟؟
حسيت بنظره استغراب ف وشها وبعد اخدت صنهه قالت لي لالا للاسف..
اتضايقت وطلعت من العياده..
وقتها استغرببت من نفسي.. ليه مضايق كده؟؟ ليه فارق معاي اني اعرف باقي قصتها للدرجه دي؟؟
مرات ف مشاعر بتتحرك جوانا يمكن ما بنلقى ليها سبب او تفسيرر.. وبنستغربها واغلبها بطلع على شكل تصرفات غبيه زي تصرفي دا.. ما بعرف السر شنوو بس البعرفوو انها دايما صادقه💕
سقت رجعت البيت سلمت ع امي وابوي ورقدت نمممتتت ما صحيت الا تاني يوم..
.................................
يومي كان حلوو شديد .. قلت كده ل وعد.. عاينت لي مسافه بعدين قالت غريبههه.. حصل شنو؟
ضحكت وقلت ليها صاحبت بت جديده💕 كيوت شديد اسمها أسيل..
جات علي مبسوطهه قالت لي صحي؟؟ قلت ليها ايوه ..
قالت لي تعرفيني عليها.. هي سمحه؟ ظريفه ولا جاده؟؟ اتعرفتوو كيف؟
قلت ليها ابردي يا بتي.. بحكي ليك اي شي💕
جات جديده قعدت جمبي واتونست معاي حبيتهاا شديد واتصاحبنا..
قالت لي جديده نص السنهه؟؟
ااي شهاده عربيه عشان كده..
اخدنا ونستناا وبعدها عملت ليهم العشاء ونامووو.. وكالعاده مشيت ع دفتري🌸 كتبت..
*"ولكن الايام بدأت تزهر مجددا.. بعد كل تلك المرارات التي قاسيتها.. جاءت هي لتعلن السلام..💕 جاءت هي وحدها على هيئه كل الاصدقاء"*
.............................
هااي يمكن اول مره اتكلم معاكم.. انا وعد💕 حالياا كده في الاساس يعني زوله واعيه😹💕 يمكن عرفتووو قصتي.. بسس من وجهه نظرهم هم!💔
انا لمن امي ماتت يمكن كنت صغيره واي شي بسس تفاصيل اليوم داك للان بتذكرها..
يومها كان آخر يوم ل وجن ف المدرسهه.. ولحظه موتتها بالضبط هي جات داخله من المدرسه وكان باين عليها مبسوطهه وجايه تحككي وترغي.. دخلت ف صدمه وككل الناس حرفيا وقفت معاها.. السؤال هنا كان وانا؟؟ انا زي ال كنت ماف .. ماف زول كان شغال بي.. مع اني كنت بصرخ وببكي ورفضت اني اسكت نهائيا.. بس ماف زول عبرني.. يمكن وجن جاتني بعد صوتي راح من البكا💔
ك زوله طفله نسيت الموضوع بسرعهه او بشكل اصح عملت اني ناسيه💔 وعديت حياتي .. بس وجن لا! وجن انعزلت وقفلت ع نفسها واتوحدت.. ما كانت بتتكلم مع زول الا انا وابوي.. ما كان عندها صحبات نهائي.. ف كونو الليله جات قالت لي صاحبت.. فرحت ليها شديد🌸

#يتبع

*#ترياق_بشري{{05}}*💛
*#بقلم_بيروحاء*
.
.
.
صبحت ع ابوي ووعد وانا بلبس في جزمتي.. قلت ليهم متأخرررره والله لازم امشي .. الشاي جاهز كبيهوو بس يا وعد..
ابوي قال لي بعدين تعالي بدري عماتك جايين يسلمو علينا.. اخدت نفس بعدين قلت ان شاء الله .. بشووف..
ذكرت وعد تاني بالشاي وطلعت..
كان في احساس غريب ما عارفه هو شنو بالضبط بس غرريب..
دخلت واول شي عملتو دقيت ل صحبتي😹💕 وين انتي يا اسيل؟ .. ف بيتنا.. ما جاااااده داكه ولا شنو؟ .. لالا جايه جايه خمس دقايققق واكون عندك..
طيييب..
قفلت منها ومشيت ع الاستراحهه بس قبل ما اوصل شفتوو..
...........................
كانت الساعهه 10 لمن وصلت العياده.. جريت جري دخلت.. وقفتني هند في الاستقبال..
قالت لي متأخر يا دكتوور.. قلت ليهاا امم نومهه بسس والله..
ريم جات؟
عاينت لي بعدين ضحكت قالت لي انت لسه نعسان؟😹 تقوى اول بعدين بريك بعدين ريم*
قلت ليهااااا اااهه اي قصدي تقوى.. تقوى جات؟
قالت لي لا لسهه..
حمدت ربي ودخلت..
عدت الجلسهه وفي وقت البريك وجن جات..
ما صدقت ..وجن! ..قمت من كرسيني ومشيت عليها .. ختيت يدي ف خدها.. ك تأكيد انو هي حقيقيه قدامي ما بتخيل..
اتهجمت من حركتي ورجعت ل ورا.. قلت ليها اسف اسف اتفضلي..
..........................
ما كان نفسي اعمل كده .. بس بعد شفتوو اتضايقت💔
لقيت رجولي براها سايقاني ليوو..
بتاعت الاستقبال كانت بتوقف فيني وبتنادي.. بس ما كنت شغاله بيها.. واول ما بقيت قداموو حسيت بيهو اتخلع او اتفاجأ..
ورده فعلووو خلتني انا اتخلع وارجع ورا.. كنت ح ارجع بيتنا بس هو اعتذرر واصر اني اقعد..
اتكلم هو وقال لي:
وينك امس؟ ما جيتي كملنا..
اخدت نفس بعدين قلت ليو ما قدرت اجي.. بعدين انا ما دايرهااا جلسات.. انا لمن أتضايق قعد اجيك💔
قال لي طييبب ممكن سؤال؟
قلت ليو اتفضل..
قال لي عندك اصحاب؟
قلت ليو لا.. اا اقصد ايوه .. عندي واحده💕
قال لي بس على حسب كلامك انتي ما برلومه! كيف ليك كم سنه في الجامعه و ما عندك اصحاب؟
سكتت وعاينت في الارض..
قال لي ايااا كان السبب.. انتي لازم تكوني علاقات.. لازم تصاحبي.. كونوو يكون عندك اصحاب.. ما ح تكتئبي ولا تضايقي.. ولا ح تحتاجي تجي تحكي ل غريب💕
شلت شنطتي وكنت ماشه.. وقفني..
قال لي ضايقتك؟ ..
انا اسف طيب تعالي انتي م حكيتي المضايقك؟
قلت ليوو ما ضروري اكتب لي اسيتالوبرام بس وبمشي..
............................
ما اقدر اوصف ليكم صدمتي ف اللحظه ديك .. عملت نفسي ما سمعت قلت ليها شنوو؟؟ ..
قالت لي انا بقرأ علم نفس برضوو.. فاهمه المجال والادويه وكلوو..
اكتب لي عماتي راجيني ف البيت🌸
اخدت روشته وكتبت واديتها..
وبعد ما كانت عايزة تطبقها وتختها.. قالت لي دا شنو؟
قلت ليها انتي ما محتاجه دواء يا وجن.. انتي محتاجهه اصحاب.. ضروري تتجاوزي عقده الوحده والانعزال العندك.. وديل ما بحلهم دواء بحلهم ناس💕
بعد ساعتين رجعت بيتنا مرهق شديد كلمت الحاجه تعمل لي الغداء ورقدت ارتاح حبهه..
اتذكرت العملتوو قبيل ف العياده.. كيف مشيت وخظت يدي في خدودها.. وكيف هي كانت متفاجأه ومصدومه.. غباء ياخ😹😭 كنت حاسي بشنو؟؟
قعدت اضحك ع روحي ..
اتغديت ونمت💕
...........................
طلعت من العياده وكلام الدكتور مؤثرر فيني.. يمكن بجد دا المحتاجاه؟
طلعت تلفوني لقيت ٤ مكالمات ..
٢ من ابوي و ٢ من اسيل..
رجعت ل اسيل اول قالت لي انا جايهه عشانك القاك ماف👊🏻
قلت ليها معليشش بس لاقيتوو💔
قالت لي كذابه؟ ووين
جنب الاستراحه وكان معاوو بنات كتار ما بت!
قالت لي شوفي قوه العين؟ اتكلم معاك؟
امم بس ما وقفت عشان اسمعوو شلت شنطتي وطلعت من الجامعهه..
قالت لي لا ي هبله.. طالما انتي بتعملي كده ما حتقدري تتجاوزيو.. اقيفي قداموو عادي.. لا واضحكي كمان. اثبتي ليوو انو ولا شي..
قلت ليها م ح اقدر
قالت لي لا بتقدري..وانا معاك 💕
بتكلم معاها وماشه ع المواصلات..
ركبت ورجعت بيتنا..
لاقاني ابوي ف الباب .. مالك اتأخرتي؟ مش محاضره واحده؟ قلت ليو مواصلات💔
قال لي كان تردي ع الاقل خوفتيني.. اعتذرت منوو
وسألتوو عن عماتي.. قال جوو
دخلنا ليهم..

#يتبع

*#ترياق_بشري{{06}}*💛
*#بقلم_بيروحاء*.
.
.
.
راقد ف السرير والساعه ماشه ع 12 .. ما جايني نوم..
راسي ماشي وجاي .. ليه ما اتصلت؟ يمكن تكون رمت الورقه؟؟ طيب انا كده طفشتها؟
بسس كلامي كان صاح .. ما ممكن تعيش منعزله.. هي بس تتصل مره وتخلي الباقي علي ..
قبلت ع الحيطه ومواصل تفكير .. تلفوني دق..
قلبي دقاا معاوو واطرافي بردت..
بصعوبهه مشيت عليوو وشلتوو.. كان صاحبي محمد .. اخدت نفسس ورديت عليوو..
........................
عمتو كوثر كيفك؟؟
حمد لله انتي كيف.. بخير حمد لله ..
شنو ما بتظهري؟ الا يجوك يعني؟
لالا ما كده يا عمتي💔 بس ضغطه الجامعه💔 شوفي يدوب دي دخلتي..
ربناا يعينك ياخ..
امييين.. وين عمتوو منيره؟
مع وعد جوه💛
طييب..
مشيت سلمت عليها هي ووعد..
عمتوو منيره ما كبيره شديد قريبه ل عمري .. ما متزوجهه..
وعمتوو كوثر عندها بتين واحده ف عمر وعد والتانيه اصغر شويهه..
قعدوو معانا واخدنا ونستنا.. او بالاصح اخدوو ونستهم لاني مره مره كنت بتكلم..
بعد طلعوو مننا عشيت وعد وابوي ومشيت ع دفتري..
كتبت..
*"ولربما يكمن السر في مدى تقبلك للامر.. كلناا نمر بظروف عصيبهه ..لكن الفرق ان بعضنا يقوي نفسهه بنفسه وينجوو.. والبعض يجد من يسنده وينجيه.. وفي الحالتين لست انا💔🥀"*
...............................
ما ركزت الساعه كانت كم .. بس متذكر اني صحيت بصوت تلفوني.. رديت وانا شبهه نايم الووو؟
ما اكون صحيتك؟
الصوت الما بغباني💔 قلت ليها وجن؟؟؟
قالت لي امم..
عدلت قعدتي.. وكميه النوم والنعاس ال كانوو فيني طاروو ..
قلت ليها لا م صحيتيني.. الوقت بدريي اصلاا..
ضحكت بعدين قالت .. بدري للمجكسين😹💔
قلت ليها انا لوو مجكس ددي حالتي😹💔 حمد لله بس..
اتونست معاها شويهه.. ولم قالت نعست و ح تقفل
قلت ليها ممكن الاقيك بكره..
سكتت مسافهه لمن افتكرت الخط قطع..
بس رجعت اسمع صوت انفاسها..
قالت بسس..
قلت ليها لالا م عايز بسس .. م ك دكتور.. ك صاحب💛
قالت لي طييب..
تصبح ع خير وقفلت..
ختيت تلفوني جمبي وقلت بتين يجي بكره..💕

#يتبع

*#ترياق_بشري{{07}}*💛
*#بقلم_بيروحاء*.
.
.
.
الساعهه كانت ١٠ لمن كنت سايق متحرك ع العياده.. دقيت ليها وانا في الشارع..
ردت بعد كم جرس..
صباح الخيررر..
صباح النور.. نايم لي حسي كنت؟ لالا وين فيي.. في الشارعع ماشي ع العياده..
اهااا.. طيب
ع موعدنا لسه مش؟
ع حسب المحاضرات..💔
عندك كم الليله؟ .. المفروض تلاته.. لو خلصوو ف وقتهم نشووف..
طيب يا ستي💛 نتلاقى في (...)
سكتت.. قلت ليها عرفتيوو؟
قالت لي صراحهه لا💔
قلت ليها طييب ..بمر عليك بسوقك..
..........................
كنا واقفين راجين الطرحيل بره المدرسهه لمن جاء..
م كنت شايفااو بس لكزتني نور( صحبتي) .. قلت ليها مالك؟
قالت لي انسس..
رفعت راسي وشفتوو كان واقف في مسافه ما بعيده شديد مني..
قلت ليو انس انت مجنون؟ جااي قريب كده ليه؟؟
اشتقت ليك💔 كم يوم ما شفتك؟ يعني الا الطرحيل يتأخر عشان اشوفك؟؟
سكتت وعاينت ل نور.. قالت لي طيييب بمشي اشرب مويه واجي..
اول ما بعدت قلت ليو انس لو سمحت ما تعمل كده تاني.. لو شافوك الاساتذه بعملوو مشاكل.. خلي الاساتذه.. لو شافووك البنات ممكن يكلموو اختي💔
قال لي طيب طيب بسس خليني اشوفك.. لاني لمن اشتاق بتصرف تصرفات انا زاتي ما بعرفها💔 قلت ليوو طييب.. اتكلم معاي شويهه ومشا..
وقفت وسرحتت مسافهه.. بعدين جاتني نور وقالت لي مشا سرعه..
م رديت عليهاا.. لاحظت لي سرحانه.. طقطقت بأصابعها.. قالت لي ووين سرحانه؟؟ قلت ليها ف انس يا نور..
ليه انا بقابلوو بالسر؟ وليه بخاف اقابلوو؟ ليه بخاف اختي تعرف؟ ليه اصلا انا ما وريتها براي! رغم اني ما بخبي حاجه عنها💔
قالت لي ي بت انتي هبله؟ عايزه تخسريوو؟؟
قلت ليها لااا.. قالت لي لو وريتيها اتأكدي انك خسرتيوو.. مستحيل تقبل ب موضوع زي كدا .. خصوصا ف عمرك دا ..
اخدت نفس وبقيت ارتب في افكاري الجايطهه..
نور كانت مواصله كلام.. بس ما كنت معاها..
لحدي ما جاء الترحيل ركبت واتحركت..
........................
اول محاضرتين عدوو.. بالرغم من انهم كانو بايخات ووالزمن ابا يمر بسس عدوو💔
كنا ف الحوش انا واسيل.. لمن جااء خبرر انو الاخيره اتلغت.. فرحتت شديد ودقيت ل باسل اول شي.. وريتوو وقال انو هوو كمان خلص شغل وجاي..
قفلت منو وقلت ل اسيل تنتظر معاي لحدي ما يجي خصوصاا انوو بيتها قريب( طبعا قلت ليها صاحب م قلت ليها دكتوري💔).. بس هي رفضتت واصرتت تمشي.. عشان عايزة تنوم👊🏻💔
قعدت جمب اول بينش منوو والباب طوالي.. لمن جاء هوو
كان معاه بتين كل واحده بجهه ومنظر مقرف شديد..
من شفتوو بقيت برجف وقلبي بدق شديدد.. كنت عايزة اقوم بس هو وقف قدامي وقال لي ..
لمتين حتتهربي مني؟ في النهايهه نحن في نفس الجامعه ولازم ح تشوفيني كل يوم..
سكت مسافهه بعدين ضحك.. لمن انا اتخلعتت.. رفعت راسي عاينت ليوو.. وهو لسه مواصل ضحك..
فجاءه ميل علي لحدي ما وصل اضاني وهمس للدرجهه دي لسهه بتحبيني وما قادره تتجاوزيني..
ورجع ل ورا وتاني بقا يضحك..
سمعت صوت باسل وهو في البوابهه بقول وجن؟؟
وقتها جاتني قوه من وين ما عارفه.. لزيت بيها حسام.. وقلت ليوو اتجاوزتك زمان يا حسام.. انا بس ما عايزه اضيع زمني بكلام لا بودي ولا بجيب معاك عشان كده بتجنبك..
ما اكتفيت بي كده لاااا.. مش بتحرق قلبي بالبنات اللاصقهم فيك ديل.. ح احرق قلبك💔
مشيت ع باسل ومسكتوو من يدوو قلت ليوو نمشي؟؟
كان باين عليوو الاستغراب.. ومع مسكه يدي اتخلع عديل..
بس هزا راسو بمعنى ايواا.. ومشيناا بدون نتلفت ورانا..

#يتبع

: *#ترياق_بشري{{08 +((9
*#بقلم_بيروحاء*.
.
.
.
بعد رجعت البيت ب شويهه.. نص ساعه تقريبا.. جاتني نور( معاي ف المدرسه وبت جيرانا💛) ..
وعد تعالي نطلع؟ .. قلت ليها نور انتي م جاده؟ لا طبعا..
ياخ عليك الله محل ظريف كده وما بعيد زاتوو.. وبنجي قبل المغرب💛
دورتها في رأسي.. لقيت انو م كعب..
قلت ليها طيب أسأل ابوي..
فعلا سألتو وافق.. لبسنا وطلعنا💛
بس الصدمه كانت اني اول ما دخلت.. لقيتت انس وصحبوو قاعدين..
قلت ليها نور دا شنو؟ ..
ما كنتي ح توافقي تجي لو قلت ليك قاعدين💔 وبعدين دا انس اصصصر لأنو داير يشوفك..
قلت ليها غلطانه انا ال بطلع معاك💔
ما كان قدامي حل غير اني اقعد معاهم..
.....................
طلعنا من الجامعهه وانا م مستوعب الحاصل.. وجن؟ ليه عملت كده؟ رغم اني ما عارف بس حسيت باحساس غريب .. غريب لكن حلووو.. اتمنيت انها تفضل ماسكاها كده للابد..
ركبنا العربيهه وانا كنت متنشن شديد حتى ما عارف اقول شنو؟؟ بعد مده كده قلت ليها ااحمم وجن.. الحصل شنو؟
كانت بتعاين بالقزاز ع الشارع ومع كلامي دا اتلفتت.. بس م جاوبتني..
قلت ليها دا منو؟
قالت لي دا باقي القصه ال كنت عايز تعرفها..
صنت شويهه تاني قالت.. حساام.. خريج معاي ف الجامعهه..
قلت ليها اها؟
قالت لي اهاا شنو.. واحد حيوان حبيتوو وسلمت ليو قلبي.. بس طلع ندل وما عندو قلب💔
طلع بتسلى بي.. بيلعب بي .. زي ما عمل مع بنات كتااار..
قلت ليها وجن ممكن تروقي..
كيف حصل كده؟
كانتت بدايه السنه.. كنت متوحده في الجامعه وما عندي اصحاب.. وايااا زول حاول انوو يقرب او يتعرف علي كنت بصدوو وبختصروو بنات او اولاد كلوو.. كلهم كانوو بمشوو الا هوو💔 هو الوحيد ال كنت بحرجوو وبختصروو وبجيني تاني.. ما بتعب ولا بمل.. كل مره بجيني ويتكلم معاي.. حبيتوو واتعلقت بيوو شديد .. كنت بمشي الجامعه عشان اشوفوو بس💔 بعد امي الله يرحمها.. هو كان الوحيد ال بقول ليو أسراري واحكي ليوو اي شي عن يومي.. كبيروو وصغيروو.. وبعد ما خذلني بقيت ما بثق في زول.. ولاااا زول .. بقيت بحكي ل دفتري بس💔
انت عارف انوو الجامعه كلها عارفهه انوو زول لعب وتسليهه ونسونجي.. وما راكز .. بس انا علاقتي معاهم عشان م كويسه شديد ما في زول وراني او حذرني💔
هنا بدت تبكيي.. قلت ليها وجنن.. طيب اهدي.. خلاص ما تبكي.. وقفت العربيه وعاينت حوليني لقيت دكان قريب ..
قلت ليها بجيب مويهه وبجي طيب..
نزلت وجريتت جري جبت المويه وجيت..
كانت اهدأ شويه من الاول .. اديتها تشرب وسقت تاني متحرك ع المحل.
..................
بعد طلعنا من الجامعه استوعبت ال انا عملتوو..
كيف عملت كده؟؟ وواي ح يقول عني شنو باسل💔
كنت خجلانهه من تصرفي لدرجه م قادره اعاين ليو ف وشو .. كنت بعاين بالشباك..
وبعد حكيت ليوو في حاجه اتحركت جواي.. كل ال كنت بحاول انسى فيوو اتذكرتوو تاني.. بقيت ببكي..
جاب لي مويه وبدون يتكلم رجع يسوق وواصل طريقوو..
فضلنا ساكتين لحدي ما وصلنا..
كانت كافتريا كبييره وراقيه.. فيها قعدات بره وجوه.. سألني تحبي تقعدي وين؟ قلت ليو بره عايزه اقعد في الهوا💛
قال لي طييب خلاني قعدت ودخل جوه يطلب..
لاحظت انوو المكياج ال كنت خاتاهوو اتخرب.. ف قلت ادخل الحمام اغسل وشي ..
واتفأجات وانا داخله ب وعد قاعده جنب ولد ومعاهم بت وولد تانين..

#يتبع
albasry:
#ترياق_بشري{{09}}*💛
*#بقلم_بيروحاء*.
.
.
.
الحصل اني كوركت ووووعد.. و مع مناداتي دي هي وقفت ع حيلها وهي مهجومه والمعاها كلهم وقفوو.. قلت ليها وعد دا شنو؟؟
بلعت ريقها وقالت ممكن تهدي ونتكلم..
صرخت ما ح اهدأ يا وعد ما ح أهدأ.. هي دي مدرستك ال بتمشيها؟؟
سكتت ساي وبقت تعاين في الارض..
وهنا جاء باسل..
خير يا وجن؟ صوتك واصلل لحدي نهايه الشارع..
ماف شي يا باسل.. وعد يلا قدامي..
قالت لي طيب ممكن افهم انتي منفعله كده ليه؟؟ الانا بعمل فيوو انتي زاتك بتعملي فيوو! ولا حلال ليك وحرام لي؟؟
هنا ما قدرت اتمالك نفسي وضربتها💔
باسل قال لي وجن استهدي بالله..
وساق وعد ال كانت بتبكي وركبها العربيهه.. بعدين جاني راجع وانا لسهه واقفه في محلي.. وما قادره اتحرك..
قالي وجن.. نعم.. تعالي العربيهه واتفاهمو براحه.. الناس بتتفرج عليك..
عاينت حوليني فعلا لقيت الناس كلها بتعاين لي..
طلعت معاو وبعد وصلت العربيهه قلت وعد انزلي ح نمشي بالمواصلات..
م ح اقدر انسى النظره ال عاينت لي بيها💔 كأنو خايفه مني..💔 قالت لالا نرجع معاهوو..
قلت ليها وعد!!!
باسل اتدخل وقال لي وجن ما تعندي بوصلكم انا.. اركبي يلا..
طول الطريق باسل كان بحاول يلطف الجوو.. بس كان مكهرب شديدد💔
بعد وصلنا وعد نزلت وجرت دخلت.. قبلت عليوو قلت ليو شكرا.. قالي ما عملت شي..

#ترياق_بشري{{10+11}}*💛
*#بقلم_بيروحاء*.
.
.
.
*لو أنكِم تعلمون كم يزعجني هذا العالم , أريد الفرار , أريد أن أمضي بعيداً عن هذه القذارة , ولست أدري إلى أين.."*
ختيت الدفتر وانا بعاين ع تلفوني المضوي من اتصال باسل.. اتعمدت اني ما ارد... وقمت اشوف شي البسوو عشان اطلع..
وقفت قدام الدولاب عيني جات ع فستان بسيطط باللون الوردي حسام كان بحبوو.. كان بقول لي لونو بجي مع لون بشرتك شدديدد.. شلتوو ودخلت الحمام لبستوو.. قعدت عملت مكياج كاملل.. كأني ماشهه عرس! وركزت ع عيوني لأنو كان بقول حلوات💔
اتحركت ولمن قربت من الجامعه دقيت ع اسيل..
وين انتي؟
لا انا م جايه💔
كذاااااابه.. ليه ي بت؟
ماشه مع فطومه (اختها) السوق.. عايزين نفصل نفس الفساتين.. عشان عرس بت عمي.. كلمتك مش؟
ااا اي قلتي لي..
معزومه من حسي💛
ان شاء الله..
قفلت منها وانا شايله الهم ح اتصرف كيف بدونها؟
لقيت باسل تاني داقي لي..
دخلت التلفون ف الشنطهه ودخلت الجامعه..
.................
عدم ردها قلقني.. خصوصا انو امبارح الوضع ما كان مطمن💔
مشيت ل هند.. تقوى جات؟ ..
لالا يا دكتور لسهه..
طيب اديني رقمها..
دقيت عليها واستأذنتها نأجل ل يوم تاني .. وما رفضت💛
طلعت طواللي.. ع جامعتها..
دخلت وبقيت بفتش..
كميهه الخلق ال كانت حايمه في الحوش💔
بقيت بفتش وادق افتش وادق..
لحدي ما لمحتها..
كانت قاعده بينش.. وشايله دفتر وقلم وبتكتب.. وباين عليها مبسوطهه..
سرحت فيها.. زولهه عندها ابتسامه حلوه زي دي ما مفروض تزعل ابدا !💛
والليله بالزاتت طالعهه اسمح من بقيه الايام..
رفعت راسها شافتني وانا سارح فيها..
بس الحصل انها جاتني والبسطه ال كانت فيها ديك زادت..
قالت لي باسل! انت من بتين هنا؟؟
ما طولت.. ليه ما بتردي قلقتيني..
التلفون في الشنطه.. خيير
كنت عايز اصبح عليك بس💔
اهااا.. طيب بما انك جييت نطلع؟؟
استغربت فيها بس انبسطت..
سألتها ومحاضراتك؟
بجليها.. انا مبسوطه ياخ.. غير انو الجو حلو ما جوو جامعه..
......................
انتي متأكده اقول ليو كده؟؟
اي قولي كده.. كم مره ح تسأليني يا نور؟ قولي كده
قولي ليوو انساهاا خلاص..
يا وعد انتي شايفه كده احسن..
ما مهم الانا شايفاوو.. المهم ال شايفااو وجن احسن..
انا م بقدر اقول كده يا وعد .. قولي ليو انتي..
ومشت خلتني..
جمعت كل القوه الفيني.. وطلعت ليو ..
قالي وعددد.. حصل معاك شنو..
اخخ يا وعد والله لو عارفها ح تجي هناك ما كنت اصريت ع المحل دا💔
قلت ليو انسسس.. لو سمحت ما تجي هنا تاني..
وعد انتي بتقولي في شنو؟؟
بس كده يا انس.. الله يخليك ما تجي تاني .. وو
قاطعني مستحيل يا وعد.. ما بقدر انا يا وعد ما بقدر..
لازم تقدر لو ما عشانك عشاني..
......................
سألتها تاكلي شنو؟ هزت راسها وقالت قهوه بس..
طلبنا اتنين قهوه وبقينا قاعدين..
كان في ولد وبنت حلوين كده قاعدين جنبنا..
ووجن كانت بتعاين ليهم..
اخدت مسافهه بعدين قالت.. ما مناسبين ل بعض.. ايووة صح يمكن بحبو بعض بس مافي ارتياح..
رجعت اعاين ليهم تاني بعدين قلت .. الاكل
عاينت لي بخلعهه قالت ايوووووة.. اذا كانو خجلانين وبياكلو بطرف يدهم مافي ارتياح بيناتهم!
بكره لمن يعرسوو ح يفضلو كده يعني؟ مصيرهم حقيقتهم ح تظهر
ابتسمت وقلت ليها صحح..
قهوتنا جات.. اتكلمنا شويهه عن جامعتها وشغلي.. وطلعنا راجعين..
....................
عدا شهر وانا وباسل ع تواصل.. واتقربت منو في الفترهه دي شددديددد .. خلاني فيها ابقى اجتماعيه نوعا ما💛 غير انو وجودو خلاني انسى حسام كلو كلووو💛
باسل طلع الوحيد المدلل😹💛
حتى مره قال لي انو كان فاقد اخت في حياتو وانا عوضتو محلها💛
انبسطت ما بنكر.. بس اتضايقت في نفس الوقت.. انو خاتيني زي اختو بينما انا ختيتو اكتر من كده..
يومي بقى ما بيعدي بدونوو.. كان بفهمني شديد .. لدرجه ببدأ الكلام بكملوو هو💛
مشيت الجامعه ولقيت جدول الإمتحانات نزل..
دقيت عليوو لقيتوو مغلق.. عرفتوو ف جلسه..
فقررت امشي ليوو عديل.. اصلا ما كان عندي شي تاني..
كلمت اسيل تجي من باب الزوق.. بس هي وافقت طوالي😹💔💔 ركبنا المواصلات مشينا عليوو..
..................
تغيير توتلي في حياتي حصل.. ما اتخيلت انو انس فارق معاي للدرجه دي💔 عديت شهر بدون اشوفوو او اسمع صوتو..
للان م نسيت.. بعد قلت ليو لو ما عشانك عشاني.. رد علي" طييب يا وعد عشانك انتي بس💔 انتي ال طلبتي يا وعد💔"
دفنت رأسي في المخده تاني وبقيت ببكي..
....................
الساعهه كانت 1 لمن وجن وصحبتها جوو..
انبسطت لأنو في الفتره الاخيره دي دايما انا بمشي ليها.. واليوم دا كنت مضغوط.. ف كونو هي اتذكرتني وجاتني بسطني شديد💛

قعدوو اتونسوو معاي وبعد شويهه صحبتها استأذنت وطلعت..
قلت ليها وجن ما تمشي عايزك..
خير في شنو؟
لا ما حسي.. عندي جلسهه اخيره..
تقدري تقعدي لمن اخلص؟
ما اخدت زمن تفكر طوالي قالت ااي💛
.....................
طلعت بره استناوو يخلص جلسهه.. لمن شفت بت قاعده في الاستقبال بره .. مشيت عليها..
كيفك؟ بخير حمد لله وانتي؟
حمد لله ..
اتكلمت معاها زمن الجلسهه كلوو.. طلعت ظريفه اسمها وفاق💛 وحصل معاها تقريبا نفس الحصل معاي💔 مرت ابوها برضوو💔
*لا يدخُل العيادات النّفسية المرضى نفسُهم ،إنما ضحاياهُم!💔*
....................
خلصت وسقتها ركبنا العربيهه.. قالت لي اها احكي..
جدولكم نزل صححح.. معناها ننضغط.. ف انا كنت عايزك تقعدي عشان ننظم جدول يكون ماشي مع ايام جامعتك ومع جلساتي💛
نقدر نتلاقى واقريك فيوو..
كنت بتكلم وهي بس بتعاين لي..
قلت ليها سامعاني؟
فضلت ساكتهه وبتعاين..
وجن انا بتكلم معاك.. قاطعتني
باسل انا بحبك..

#يتبع
[١٤/‏٨ ٨:١٥ ص] albasry: *#ترياق_بشري{{11}}*💛
*#بقلم_بيروحاء.*
.
.
.
كان الموضوع غريب.. في العاده الولد هو ال بقول كده.. بس حسيت اني م بقدر اخبي مشاعري اكتر من كده..
ف قلت ليووو.. ملامح وشو اتغيرت .. م قدرت احدد مبسوط ولا زعلان .. اخد صنهه بعدين قال..
وجن انا..
قاطعتوو يمكن انا استعجلت.. لمن قلت ليك كده.. ومهما كان جوابك ما عندي مشكلة.. قبل كل حاجهه انت صاحبي واخوي ودكتوري💛
سكتت وعاين بالشباك.. حسيت ل لحظه انو ح يقول لي لا..
نزلت من العربيهه وبقيت ماشهه..
م حاول يلحقني ودا الجنني اكتر!
.........................
من اول لحظه شفتها فيهاا وانا منجذب ليها.. او بمعنى اصح معجب بيهااا..💔
حبيتها.. اي حبيتها وشديد كمان..
بس ال ما متأكد منوو.. هو مشاعرها هي..
عندنا في علم النفس.. طبيعي المريض يحب دكتوروو.
خصوصا في حالتها هي .. يمكن لاني الوحيد الفاهمها..
وصراحهه كنت خايف.. ايوه خايف ابقا مرحلهه في حياتها وبعدين تلقا حبها الحقيقي وتخليني .. وقتها بالجد م كنت ح اقدر انساها💔
فقت ع نفسي ونزلت اشوفهاا.. بس كانت اختفت من الشارع.. وبعد شلت التلفون عشان ادق .. قلت اخليها مع نفسها شويهه💔
......................
استقبلتني وعد في الباب.. قالت عايزه اقعد مع عمتوو كوثر لحدي اخلص امتحانات.. قلت ليها وعد خشي جوه.. قالت لي اخش جوه شنو انا جايه اكلمك عشان امشي؟؟ .. كنت اصلا مضايقهه من باسل.. وما اقدر اتناقش زي الخلق ..
قلت ليها ماف مشيهه وخشي جوه يا وعد..
هنا صرخت.. ما بخش يا وجن ما بخش .. الدنيا ما لازم تمشي ع كيفك دايما..
انتي شايفه انا وصلت ل شنو بسببك؟؟ عارفهه آخر مره اكلت بتين؟؟ عارفه آخر مره نمت بتين؟؟ .. لا انتي فاضيه!
انتي تدي الاوامر وتمشي بسس..
ليه انتي انانيه كده يا وجن؟؟
بلعت ريقي وقلت ليها انانيهه؟؟؟
ايوة انانيهه.. ما بتفكري في غيرك.. عارفه انتي رافضه ليه؟ عشان لمن امشي ما يقولو انك ما مريحاني. صح؟ اللي هو مصلحتك.. ههه
انتي عارفه الفرق بيني وبينك شنو؟ انو انتي لمن اتأزمتي كنت جمبك.. بس انتي م جمبي..
كنت بفتش اقل فرصهه عشان اقدر اساعدك.. وانتي قدامك كل الفرصص بس انتي م عايزه يا وجن! ..
ومشت غرفتها..
وقتها بجد حسيت اني انانيهه💔 يمكن لو ما وعد وابوي ما كنت كملت حياتي دي💔
بقيت بفكر اقدر اساعدها كيف..
اتذكرت قروش كنت محوشاها لي زمنن.. حتى كنت بشيل منها ل الجلسهه..
عديتها لقيتها كويسهه..
طلعت ب هدومي ولا غيرت حتى ..
جبت تلفون صغير كده وجيت..
لقيتها قاعده في نص السرير.. وبتعاين قداما..
قلت ليها وعد .. يمكن كلامك صحح.. اسفهه والله💔 بس ححاول باقصى ما اقدر اني اساعدك واكون جمبك.. ممكن م تزعلي؟؟
جات علي ضمتني وقالت م زعلانه💛
اديتها التلفون قلت ليها امشي ناس عمتووو وشيلي دا معاك.. كل يوم بضرب ليك حاضر💛؟
قالت لي طيييب💛
ممكن يا وجن اشوف نور قبل امشي؟؟
قلت ليها طيب..
....................
اول شي عملتوو بعد استلمت تلفوني اني مشيت ل نور ..
سلمت عليها ووصيتها تقرا كويس.. في العاده بنقرا سوا للامتحانات.. بس حاليا الظررووف غيرر..
قلت ليها نور عندك رقم انس؟ ..
قالت لي لا والله💔
مشتاقهه ليو يا نور💔 ما اتوقعت انو فارق معاي كده💔
قالت لي عدا شهر يا وعد .. وانتي لسسسه
هزيت ليها راسي ..
اخدت صنه بعدين قلت ليها .. طيب وصاحبو؟ ال كان معانا في المطعم ..
قالت لي معاذ .. اي عندي ..
قلت ليها طييب اديني ليوو.. وامشي واجي نتفاهم في حكايه انو عندك دي
....................
قاعده في النص بين اني اضرب ل باسل ولا لا ..
نفسي اضرب واسمع صوتوو.. اسمع ردوو.. بس برضو م عايزه ابقا تقيله عليوو..

#ترياق_بشري{{12+13}}*💛
*#بقلم_بيروحاء.*.
.
.
.
حسيت وقتها انو كلام اختي لف ودار.. ورجع اتحقق.. حسيت اني بجد ع كلامها صغيره وكنت مجرد تسليهه..
انس سافر يا وعد .. الجملهه فضلت تزن في دماغي وتزن .. لقيت دموعي لااإراديا بتنزل.. مسحتها سريع..
اتذكرت يوم قلت ليو
انا القرايهه فاضت بي .. ضحك وقال لي يااا زوله شفتي شنوو انتي فيها😹؟
الله يطمنك.. لالا بجد انا م عايزه اقرأ خليتوو للحفارين عايزه اعرس..
قالي خلاص الخميس نقعد والاحد نعمل حفله صغيرونه كده كويس معاك؟
قلت ليو وانا بهظر دقيقه منو ح يقبل بيك؟
اتحولت ملامح وشو من مبتسم ل صره كده .. وقال
وعد انتي حقتي فاهمه.. ماف زول ح يعرسك غيري.. حتى لو غصباا عنك ح اعرسك💛💔
دمعتي نزلت تاني.. وبقيت بضحك روحي..
وين انت حسي يا انس.. سافرت خليتني بكل بساطهه..
اي صح انا قلت ليك ابعد .. بس ما كان قصدي للدرجه دي💔
...................
البيت بقا فاقد طعموو بدون وعد ..صح انو في الفتره الاخيره علاقتنا اتزعزت وما اتكلمنا كتير💔 بس برضو وجودها كان عندو نكهه💛
دقيت ليها اشوفها وصلت وين ..
طمنتني انها قربت.. وانو معالي ( بت عمتوو كوثر ال قدر وعد) طالعه تستقبلها💛
دخل لي في نص مكالمتنا باسل..
قفلت منها ورديت عليوو..
قال " انا تحت بيتكم انزلي"
وقفل بدون يقول شي تاني..
......................
جاي من بيتنا بي فهم اني ارد ليها على آخر نقاش بينااا..
والحقيقة كنت ناوي ارد وامشي طوالي..
لحدي ما جات قعدت جمبي وافكاري كلها جاطت ولساني اتربط..
كانت لابسه توب.. ودي اول مره اشوفها بيوو..
بقيت شغال احم احم وبحاول اطلع في صوتي الضاع مني
اتكلمت هي وقالت..
على فكره اكتشفت قريب انو في محل جمبنا بالشارع التاني.. اكلو حلوو.. نمشي يوم رأيك شنو؟؟
سكتت ما رديت عليها..
ح يكون حماس حاساه..
تاني سكت..
صح بالمناسبه عندي مادتين محتاجين شرحح.. لو يعني
قاطعتها وجن اسمعيني!!
اتلفتت علي ..
انا جاي اقول ليك .. انو
يعني.. قصدي ..
انوو..
ابتسمت وقالت باسل ممكن تنسى كلامي؟ انا كنت عارفه من الاول.. انا م عايزة اخسرك ك صاحب.. انت صاحبي الوحييدد.. ولو صحوبيتناا دي بيهددها كلامي .. ف انساو بس💔
رديت عليها.. لا م ح انسااو يا وجن .. م ح انساو لاني جاي ارد عليوو اصلا..
انا برضوو بحبك يا وجن .. بحبك اكتر من ما تتصوري بكتيرر💛
ما شايفاني من قبيل معرق وعيني طالعه وما قادر اتكلم؟ المفروض تفهمي براك..
غطت وشها بيديها.. وبصوت واطي قالت واي م قادره اصدق💛
.......................
نزلت من العربيهه وانا كلمه طاييره قليله بالنسبه للحاصل معاي.. كنت شايفه الدنيا ورديه ورديه.. طلعت غرفتي وقفلت الباب وراي.. وبقيت بنطط وبرقص😹💛 .. الحاجه البتجي وانت ما متوقعها حلوه شديد بجد💛
عدا باقي اليوم عادي م حصل فيو اي شي جديد..
تاني يوم زي الساعه 5 صباحاا صحاني ابوي..
وجن قومي عفاف في المستشفى💔
ياساتر حاصل شنو؟؟💔
كومه سكري💔
لبست سريع واتحركت معاو ع المستشفى..
دخلنا ليها كانت مغمضه عيونها..
وجنبها علي ومنذر.. من شافونا انا وابوي وقفو ع حيلهم..
سألتهم.. كيف هي؟
م كويسه💔 الدكتور قال لازم تقعد تحت المراقبهه لحدي ما وضعها يستقر وبعداك يفكروو يطلعوها ولا لا ..
قلت ليهم الله يستر.. ح تبقا كويسه ان شاء الله💛
برغم كل العملتو معاي .. ف النهايه ف مقام امي وما بتمنى ليها الشرر..
....................
قعدتي مع عمتوو كوثر وبناتها حسنت لي نفسياتي ١٨٠ درجهه..
الونسهه والقرايه كانو مالين يومي.. غير انو عندهم جنينه صغيرونه كده هواها ومنظر الشجر يفتح النفس صراحهه💛
كنت بذاكر وجمبي موبايلي عشان بشوف فيو الساعه ( عامله جدول بالسااعات) ..
لمن دق علي انس..
انسسس💔
بلعت ريقي وقبل ارد قلبي بقا بدق شددديدد.. لمن حسيتو ح يطلع بره..
فتحت الخط وقلت الووو
اشتقت ليك..
دموعي جروو.. قلت ليو كذاب
اقسم بالله اشتقت ليك
باين💔 ..
انس انت سافرت!
سافرت وكملت حياتك وخليتني..
انس انت مش كنت بتقول م ح تخليني؟؟ ليه خليتني يا انس؟؟
رد علي بصوت مضايق.. دا كان كلامك يا وعد.. بس برغم من كده انا م خليتك..
وطق قفل..

#يتبع

*#ترياق_بشري{{13}}*💛
*#بقلم_بيروحاء.*
.
.
.
قفلت منو مشوشه.. دا شنو ال بقولو دا؟؟ كيف م خلاني هو اصلا ما في نفس بلدي حتى؟؟
بعد أقل من عشره دقايق وجن اختي دقت..
حبيبيي كيفك؟
بخير حمد لله وانتي..
حمد لله .. بتذاكري كويس؟
اي الجو زاتوو مساعد 💛
كووييس طيب..
دقيت اقول ليك انو عفاف في المستشفى💔
كذابه؟ لاحولاا ..
اي والله بعد اخلص جامعه ممكن أمر عليك ونمشي ليها؟ ..
طييب..
...................

*#ترياق_بشري{{14+15 والاخيرة}}*💛
*#بقلم_بيروحاء.*
.
.
.
وجن بعد اخدت نفس قالت..اكيد موافقه يا ابوي.. بس نشوف عروستناا.. خجلت وممكن أاكد ليكم انو وشي قلب احمررر.. وبصعوبه قلت ما عندي مشكله💛
ابوي قال على بركه الله💛
خليت انس وابوهو بتونسوو مع ابوي وطلعت غرفتي..
ما عارفه العملتوو شنو بالضبطط.. بسس المهم طلعت الفرحه الجواي دي..
سمعت صوت الباب بيتقفل ف عرفت انهم طلعوو..
نزلت تحت ومشيت توشك ل وجن..
وجن انا م قادره اصدق..
ردت لي ولا انا.. انس طلع ما زي توقعاتي..
رديت ليها قلت ليكككك..
ابتسمت بعدين قالت يا بختك بيو💛
قللت ليها لا دقيقه وهو ما بختو بي؟؟
ضحكت وقالت بختو شنو.. دا جاب الشقا ل نفسووو.. والله ح يشوف شعاععع😹💔
حيوانه👊🏻
......................
راقد في رجول امي وبتونس معاها وهي بتمشي يدها ع شعري💛
لمن تلفوني دق ..
مشيت عليوو بسرعهه قبل يفصل.. كانت وجن ..
بعد سلمت علي .. قالت لي انوو خطبوو اختها.. قلت ليها مبرووك ياخ .. وعقبالنا💛
باين انها خجلت لانها سكتت..
قلت ليها وجنن..
ممكن تلاقي امي؟؟
اخدت نفس بعدين قالت طييب..
....................
دق علي رقم سوداني غريب .. بدون تفكير اتوقعت انو انس ..
رديت .. اول شي قالوو حقتي..
خجلت وسكتت.. قالي الليله برهنتها ليك فعل..
كلها كم سنهه وتبقي مرتي يا وعد💛
قلت ليوو انس انا بحبك شديد.. قالي ما اكتر مني يا وعد💛
اتونست معاوو ووراني انو سافر يشوف شغل عشان يبدأ يكون نفسوو..
انس أكبر مني بي حوالي 10 سنين.. بالرغم من فرق العمر الكبيرر بس متفاهمين شدديدد.. لدرجه مافي بيناتنا خصومات كلوو كلوو.. من عرفتو ما حصل اتشاكلنا💛
وفي نفس المكالمه بدينا نشطح عن العرسس واولادنا بعدين ح نسميهم منو😹💛
وقبل يقفل وصاني ع القرايهه وامتحان بكره دا وقفل💛

#يتبع
*#ترياق_بشري{{15_الاخيــــــــــــــــرة}}*💛
*#بقلم_بيروحاء.*
.
.
.
مشيت عشان الاقي اموو.. وبمجرد ما شفتها كميه التوترر ال كانت فيني كلها راحت..
قالت لي اتفضلي يا بتي واقفه بره مالك..
مشيت عليها ومديت يدي .. بس هي حضنتني.. وحسيت ب أمان ما حصل حسيتوو💛
اتونست معاها وطلعت ظريفه شديد.. يادوب عرفت باسل طالع ل منو💛
....................
وصلت وجن ورجعت البيت.. استقبلتني امي من الباب وقالت حلوه العروسه حبيتها ..
عاينت ليها وابتسمت.. قالت لي فاهماااك😹💛
عدت الايام وفاتحتها في موضوع العرس وكانت بتقول بعد تخلص آخر سنه ليها في الجامعه..
وفعلا دا الحصل.. بعد تخريجها بي يومين مشيت بيتهم وتقدمت ليها💛
..................
الحياه ابتسمت لينا انا ووجن💛 ابتسمت شنو دي ضحكت عديل! .. كنت بلاقي انس بشكل يومييي.. ومع ذالك م أثر ع قرايتي.. بالعكس كان بقومني هو عشان اقرأ..
علاقتناا مع علي ومنذر اتحسنت نوعا ما .. واكتشفنا انهم طيبين و ع نياتهم والله💛
م عارفهه كان حاصل ليهم شنوو بسس ..
وجن خلصت جامعه.. و باسل عمل ليها مكتب في عيادتو💛
...................
شالت مني ناسي تصدقووو.. اغلب ال بيجوو يسجلو جلسات بقوو بسجلوو عندها..
يمكن لأنو اغلبهم بنات وهي بت..
حددت موعد عرسناا وبدينا تجهيزات.. واصريت شديد انو يكون 18 اغسطس ..
هي كانت مستغربه الموضوع.. بس انا وانتوو عارفين💛
....
#الخلاصه .. م كل الاولاد كعبين.. م كل العلاقات عابره.. بس انت اختار صح💛
ماف زول ما بتمر بيو ظروف صعبه.. بس انت ما تفقد الامل وربنا ما بينسى عبدو💛
ونعيد ونقول " الله يعطي اقوى معاركه ل اقوي جنوده💛"
*النهــــــــــــــــــــــــــــــــــــــــــــــــاية*
#نتلاقى💛