يبارك ليه مره تانيه ويعزمه بي عرسه ويقول لو ماجيت خوتنا بتنتهي وحسام مايقدر يقول لا .. وفجأه قلب حسام يدق عشان اتذكر انه عرسه في نفس اليوم الحتدخل فيه ساره ...#بعد_يومين من الجمعه حسام يصل السودان بالصباح عشان نفسه كان يلمح ساره قبل تسافر ،يروي عينه بنظره ،ويستلم عربيه صحبو من المطار ويجي ماشي بي بيت ناس ساره ويلقى بره البيت في عربيه واقفه والزغاريط مدوره وسعيد منتظرها تودع اهلها واول ماساره تطلع حسام يشوفا وقلبو يحرقو انها مع راجل تاني غيره بس لاحظ انها كانت بتبكي وظاهر انها ماراضيه بالزواج المزيف ده لانه كان بعرف تفاصيل وملامح ساره لمن تكون مجبوره على حاجه وهي ماعايزاها ، حسام بقى يتكلم مع نفسه جوا العربيه ) انا السبب انا السبب انا السبب بسببي سمعه ساره اتخربت وزوجوها غصب عشان كلام الناس ، بس انا لازم اعتذر لي ساره كان ع الاقل استمع ليها .. لازم اعتذر لازم اعتذر ( بس ماقدر ينزل يعتذر ليها عشان اتأخر ويفضل يعاين ليها لحدي ماركبت العربيه ، ساره قبل تسافر مع سعيد طلبت تمشي اول لي امها في المستشفى ...واول ماالعربيه اتحركت حسام بكل جراءه دور عربيته ورا عربيه سعيد لحدي ماوصلو المستشفى ... حسام استغرب الجابهم المستشفى شنو ويفضل يراقب قبل يعتذر لي ساره ..ساره لابسه توب العرس وبتبكي : امي انا مسافره عليك الله اعفي لينفيسه ساكته ومقبلا وشها من سارهساره تكرر ليها وماسكه يد امها بالقوة ) امي انا ماعندي زول غيرك ليه بتعملي فيني كده عليك الله اعفي لي (حسام راقبهم لحدي ماوصل باب الغرفه والباب كان متكي ولقاها نفيسه ام ساره وبقى يراقب ..نفيسه تحبس دموعها وترد ليها : معليش ماحقدر افرح ليك زي ماالامهات بفرحو بي بناتهم وتهمس ليه في اضانها )بس لو سترتي نفسك مع عريسك ده عافيه عنك يابتي (ساره تبكي ليها : حاضر ياامي اهم شي عفوك وتسلم عليها بالحضن ونفيسه امها تبكي واول ماساره وسعيد يودعو نفيسه ويطلعو بره الغرفه، حسام يحاول ينسحب ويتراجع يعتذر ، بسساره خلاص طلعت فرق )2 متر ( ويتخبى ورا المزهريه الجمب الباب ، ساره تشم ريحه العطر بتاعه حسام عشان كان بتميزه من بين ألف عطر و تسهي مسافه تتلفت ورا وتعاين تلقى حسام #يتبع

ت* ❤.
#بعد يومين من الزواج 🌸
في مطار الخرطوم الدولي ....وتحديداً في صالة المُغـادره ....وقفـت رندا وزوجها محمـد امام مدخل الطائره المُـتوجهه صـوُّب المملڪــه العربيه السعوديـه 🇸🇦 .
لٲداء *العُمـره* 🕋 ....وذلك لٲن خير ما يبدٲ به الزوجــان حياتهُـما الجديده ...طاعة ربّ العالميـن ليزيدهُـــم توفيقـاً وسعاده 🍃🌹🍃.

✿❀✿❀✿❀✿❀✿❀✿❀✿❀
❂▇❂ زيــارتي بعـدّ مُرور خمسه سنوات 🌸
في يوم انا وسما اختي كُنا ماشيين لي بنت عمتي تبيان ❤.
ونحنا مارّين بي شارع كده ...لفت نظري منزل عبدالعظيم العميري ..
انا : وااي يا سما😍💓تعااالي معايا للبيت دا...
سما : ليه؟
انا : ياااخ عندي ناس بعرفهم فيهو ...انتي بس تعالي...
"وضربنا الجرس فتحت لينا رندا "
انا : رنووود كيفك😍💓 ....
رندا : ياااهلااا بيكي ساندي سامي 😍💓
"وسلمنا عليها "
وقالت لينا ٳتفضلو جوه ....وطلعنا شقتها فووق ...بسم الله ماشاء الله عليها💓 ضيفتنا وقعدنا...
انا : وين خالتو ايمان..
رندا : طلعت علي عمتي حنان ...طبعاً بقو صاحبات لي درجه عجييبه ...يا حنان تكوون في بيت ايمان يا ٳيمان في بيت حنان 💓
سما : يااا سلااام ياااخ😍💓
انا : وناس رياض وفياض وسمر وسماهر والجماعه دييل احكي لياا عنهم بالله😍
رندا : 😂يابت لو شفتي رياض ماشاء الله عليهو شالوهو طب الخرطوم وهساا حالياً في السنه الاخيره ومودينهم بعثه لي المانيا .....
وفياض : ربنا استجااب لي دعوة ابوي وسافر الدهب وماشاء الله عليه لقا كميه كبيره جداً ...وعمل بيها مشااريع هنا وفي مناطق تانيه ....واشترا ليهو اجهزة دهب ...وبقا عندو ناس يشتغلو ليهو ...( من هذا المنبر سلام علۍ ڪل الدهاابه ) 😃✋.
رندا : وعاايزا اقول ليك حاجه بالرغم اني ما المفروض اقولها بس عشان تعرفو انو ربنا بساعد البساعد الناس ...فياض كل ما ليهو شغلو زايد لانو بينفق علي عمتو حنان واولادها اليتامۍ 💔والحمد لله ٳتكفل بي كل نفقات رياض بتاعت الجامعه....وٱخر تطوراتو انو قبل يومين خطب سمر 💜 ...
سما : وهي هسا وين؟
رندا : كانت جابت 79 6 %
ودخلت صيدله الاحفاد ...
سما : واختها الكبيره ديك ...سماهر صح؟
رندا : اااي سماهر طبعاً سكنت مدينة كريمه
انا : ڪـريمه الحنينه😍💓؟
رندا : اااي زاتها😂👌
وماشاء الله حياتها هي ومجاهد ماشيا كل مره للاحسن
*وٳن يكونوا فقراء يغنيهم الله من فضله والله واسِعُُ عليم*

رندا : وبتها الكبيره سمتها رندا
سما : عليكي؟😍👌
رندا : ااااي ☺وبعديها ولد ٳسمو مُوفق والاخيره ٳسمها ريان ❤.
انا : والله ماشاء الله عرسهم دا كاان مضرب مثل 💜
رندا : اااي فعلاً
سما : والهام دييك يا حليلا
رندا : والله الهام دي اخبارها ٳنقطعت بس كل العارفاهو كان فياض قال ليا انو سافرت فرنسا لي اخوها عشان تتعالج.
وتاني ما عاارفه الحصل عليها شنو ...
انا : يا سلام يااخ ربنا يشفيها ...اسٱلي سعاد صاحبتها.
رندا سعاد صاحبتها دي من يوم جاات عزتني في ابوي الله يرحمو تاني ما شفتها...
طبعاً قالت ليا انها في رمضان شافت شيخ علي طالع من صلاة التراويح ...يلا اول من شافها قال ليها : اعوذ بالله منك ...
وسعاد قالت ليهو : اسمع دي ما سعاد الزمان انا اتغيرت والحمد لله...الكلام انت بس ربنا يهديك ....
شيخ علي قال ليها : الحمد لله انا ربنا هداني من يوم عرفت انو في حاجه اقوۍ من السحر الانا بعمل فيهو داا ...من يوم عرفت انو في آيه واحده بتحفظ الزول من كل خلق الله ومن يوم عرفت حديث الرسول ﷺ البيقول
*( يــا غُلام !ٳني ٱعلمڪ ڪلمات ...ٲحفظ الله يحـفظـڪ ... ٲحفـظ الله تجــدهُ تجــاهڪ ....ٳذا ســٲلــت فســٲل الله .... وٳذا ٳستعنــت فٲستعِــن بالله ...واعلــم ٲن الٲمــه لـو ٳجتمعــت علــۍ انّ ينفعُــوڪ بشـئ ...لمّ ينفعُـوڪ ٳلاّ بشــئ قــدّ ڪتـبـهُ اللهُ لــڪ ....ولو ٳجتمعُــوا علــۍ ٲنّ يضُــروڪ بشـئ ...لمّ يضُــروڪ ٳلاّ بشـئ قـد ڪتبـهُ الله عليــڪ ..رُفعـت الاقلام ...وجفــت الصُـحُـف )* 💜🖌.
ــ خليت كل البعمل فيهو ...ورجعت لي ربنا الحمد لله ...وٳتمنيت ٳني اوصل للبنت الاسمها رندا دي واطلب منها العفو والسمااح ....واقول ليها بالرغم اني ما شفتك بس القصص البحكوها لي الناس عنك خلاني اغير حياتي ...وربنا يسعدك في الدارين 💜.
انا : يا سلام شوفي كم زول اتغير بي سببك
رندا : الحمد لله💜🖌✨
وبعد شويه جاات جااريه بنت عمرها زي 5 سنوات كده رندا قالت ليها تعالي يا ساره سلمي علي ديل ...جات سلمت علينا وقعدت جنبنا ...بنت حلاتها ماشاء الله نسخه من رندا ....
رندا : طبعاً دي ساره بتي الكبيره ...وبعديها بت اسمها راضيه ...وحالياً انا حامل ولو طلع ولد حا اسميهو عُـمر.
*تخلــيـــداً لزڪـراهُــم* 🍃
نحنا : ماشاء الله ربنا يحفظهم ليڪي😍
رندا : ااامين 💜
وودعناهم وكملنا مشوارنا لي تبيان ....وحالياً انا رجعت البيت بعد ما ٳطمئنيت عليهم قلت اطمنكم عليهم 😊 🌸
ــــ
وعايزه اقول ليك انت يا عزيزي القارئ ... ٳلي وصلت معي للحلقه النهائي

نرمين مررت عينه على المكان وهي بتلاحظ اغراض الطقس المشتته على الأرض وسميرة البترجف كلها وهي بتصرخ " ماتقرب مني "
حاج عصام قال : بسم الله الرحمن الرحيم ،اعوز بالله من.خلق الله ..ّ
نرمين كررت كلام وهي بتقول : ارفع يدكم فوق ، اذا ما وقفتو حا اضرب عليك ....قبل تكمل كلام ،سمعو صوت صراخ عالي وما كان إلا صوت سميرة ..
حاج عصام قال لي نرمين: وش بيها ?!..
مررت نرمين نظرها بين ادم و الطاف وركزت في كلامهم ،بين كل كم جملة كان بكررو جو جو و بعدو سميرة ..
قالت لي مسحوره ،،،
أنا حاضرب عليهم رصاص ،عشان يوقفو ،
ضربت الطاف على رجلها ،وقعت علي الارض وهي بتصرخ من الألم ،وجهة السلاح ناحية آدم لما كانت حاتضرب ،سمعت صراخ سميرة العلا ،عاينت ليها ولاحظت لي جسمها البهتز واقدامه البدو يعلو على الأرض ..
أبتسم آدم وقال : خلاص اخدها جوجو ...
قالت نرمين لي حاج عصام ،خليك قصادهم والبتحرك أضرب عليه رصاص بدون تردد ...
وصلت نرمين سميرة ،مسكت كتوفه وهي بتحاول تثبته أقدام على الأرض ،كانت بتهتز ب قوة كبيرة ...
بدت نرمين تقرأ ليه قرآن على إذنه ،ما ارتاحت ب العكس الحال زاد سوء ،وهي بتصرخ ،بترجف أكثر ..ّقالت الطاف بصوت متألم " ماحاتقدري تعملي ليها حاجه لا هي ولا حتا انتو ،مصيركم الهلاك ،ابتسمت ب كل خسه وفتحت الكتاب ،،وهي بتقرا لاحظت يداب نرمين عيون الطاف الخاليه من.السواد ،،
صرخت وهي بتقول لي حاج عصام اضرب عليه :وجهه حاج عصام المسدس ناحيتها ،بس يدو اتصلبت. وكان عاجز عن أن يحركه
كانت بتمتمم بكلام غريب بعدها رفعت راسا وصرخت بصوت عالي شديد : اهلكم يا جوجو ..
ثانية.اثنين ثلاثة ،وشفنا الكائن ناري بيتجهه علينا ،فرد جناحتو وكانت كتله.من.الهب حسينا بيها ،ضميت على سميرة الكانت لسا بترجف ،غمضت عيوني وانا.بتذكر ،بتي إيمي الطولت منها ،إيمي وابوي واختي فاطمة ،و كمان.جمال ..
همست بدون ارداه مني "جمال أسف.شكلي ما حاقدر اساعدك "

"نريمن " ماعارفه إذا كنت بهضرب في اخر لحظة لي بس كان ده صوت جمال ،فتحت عيوني. وفعلا كان ده هو بطريقة غريبة كان بينا وبين الكائن. قال لي: ارفعي الخاتم وجهي.ناحيتو ..
فلت يد وضميت سميرة بو حده وانا بوجهه الخاتم ناحية الكائن. صرخ وبدأ يتلاشه ،
"دا شنو العملتي ،،جوجو ،صرخت الطاف وهي بتقرب مني اخدت الخشبة العيله نقش رفعته وكان حاتهوي بيها على راسي لما سمعنا دوي الرصاص ،وقعت ويدوب عرفت أن حاج عصام ضربها ..كان الكائن خلاص اختفي ،والكتاب اتحرق من نفسو
"الطاف ،،لا مستحيل " صرخ ادام وهو بيتجهه ناحية حاج عصام ،بس ضربو رصاصتين على رجلو خلتو يقع على الأرض وهو بيلعن وبسب في حاج عصام ..

"شنو الحصل هنا ،،منو الضرب رصاص ?!..
كان ده صاحب حاج عصام "الرئد السابق في أمن الدولة طارق مطر " وراه كان في ما لايقل عن 20 راجل ..
رد حاج عصام وقال لي : أنا ضربت هل النذل ،وش صار في رجاله?!..
رد طارق. قال لي : الوضع تحت السيطرة قبضنا عليهم كلهم ..
___
*#بعد يومين*

"بسئل عن مريض اسمه ميرك،ميرك جون?!..
ابتسمت موظفة الاستقبال الجميلة في وجه حاج عصام وقالت لي : الطابق الثالث غرفة رقم.122
طلع ثلاث طوابق ،الاصنصيل معطل. كعادة.مستشفيات.البلد أو.احتمال دي مجرد كذبة.
لما وصل.كان واصل اخرو والعرق بنقط منو ،دخل الممرر دق على أول غرفة رقم122 وبعده فتح.ودخل
وقعت عينو علي ميوك ،كان بيضحك وبيتكلم ،من يصدق قبل كم يوم.كان في حاله.تانية بين الحياة و الموت ،ابتسم وهو بسلم وبمرر نظرو على الباقين الكان متحلقين حولو ،
"سلام الله عليكم "
ردو لي السلام.،، قامت نسمة وجابت لي كباية مويه ،،وقالت لي : نفسك قايم ،من.طلعت السلم .
غمزتة سميرة وقالت ليه: أنا برضوا قبلي جيتي وبنفس السلم مالك ما جبتي لي مويه..
ضحكو كلهم وهم بيقرو ما بين السطور ، بقي واضح علاقة حاج عصام.بنسمة،ماف حد اعترف أو صرح ،بس المشاعر بتفضح قبل الكلمات...
نريمن _كنت.منتظراك تجي بفارغ الصبر عشان ابشركم كلكم ب آخر أخبار
سميرة_اها قولي سريع ..
نسمة_يعني صبر ماعندك?!..
ربا_تجيبو من وين ،دي مفترص يسموها "سريع سريع"
ضحكو كلهم ،بعده قالت نرمين: تم القبض علي سعدية ونعمات وكل معاونيه في جرئمة في حق الاطفال المسؤلة عنهم في دار المسلمين " بس أكبر عقاب حاتخدو أن شاء الله في جريمته النكراء في بيع والقاصرات لي تجار البشر و عصابات.الدعارة .
ربا_ حي حي عليه ،كنت عايزة امسكه اضرب ضرب الجن.لما اتفشي.فيها ،بت الكلب دي ،
نسمة _خلاص اخدت عقابة ،وربنا كمان ما.حايسيبه...
سميرة _الله ينعله وينتقم.منها ،ب ذنب.كل بنت في رقبته.
حاج عصام_ الحمد لله إن خلصنا منها ومن.هل من العصابة بعد ،وكل هل الفضل يرجع لكم.كلكم ،لأن اتحدوت مع بعض ،في وجهه ذاك المحتال الساحر الخسيس آدم ،والحمد لله اتقبض علي و وتعبكم ما راح سد .

#منذ_حينها_الجزء_الثاني
#فقدان_ليلى16
#بقلم_بت_أماني
..........
__الأخوات الاتنين كانو قاعدين قدام التلفزيون ،والاتنين ما عارفين بيحضرو في شنو بس بعاينو ، "نورا" كانت أول زول رفع راسو وعاينت لي اختا وقالت بي شرود: دكتوري قال لي أول خطوة ف العلاج هي انك تعرف المشكلة وتوعى ليها .."نيل" ابتسمت لي اختا بي حنان وردت: حلوة دكتوري دي ...
نورا:لكن الرحلة طويلة ،قولتك بقدر عليها؟
: بنقدر عليها سوا...
: انت الكبيرة منو فينا يا بت؟ بقيتي عاقلة كدا فجأة، م عارفة الفي عيونك دا وعي ولا حزن؟؟
"نيل " قعدت فجأة واتكلمت بي صورة جادة: ممكن تسمعيني في شي ضروري لازم احكيه ليك...قاطعتا
: لو الشي القلتي عارفاه عن أمي مرة صراحة أنا ما مستعدة حاليا، من دون ما أناقض نفسي في قصة العلاج،لكن بوريك لمن اكون مستعدة ...
ولكن هي هزت راسا بي نفي واستجمعت شجاعتا وقالت : لكن دا شي عني أنا دي،مصيبة هببتها انا  طوول لكن ......
.......
___ ماسك الورقة بتاعتو وعامل رسم تقريبي للحالة بطريقة فوضوية،يوصف الاكتئاب، كلمات زي"فحص بدني، فحوصات معملية،  اضطرابات سلوكية،أعراض بدنية، أرق وعدوانية،سمات سوداوية وخت خطين تحت كلمة سمات سوداوية يعني الزول يتخيل الأسوأ دايما من كل شي ،، نكران الأحداث وهنا برضو خت خطين" ،عمل كمم دائرة تحت كل واحد ورجع كتب الاسم فوق بي خط عريض "نورا ياسر " ،بعد داك كتب تحت، لا يحتاج علاج داخل المستشفى
وبدأ يكتب: عدد الجلسات ونوعا، الدواء الموصوف،النشاطات المقترحة" ولمن انتهى من وضع خطتو شال ورقة بيضاء فاضية، كتب اسمو "كمال" وتحت كتب "فشل في الحياة الشخصية" بعد داك قطع الورقة ورماها في السلة....
.....
نيل بي خلعة: كنت عارفة؟ كيف يعني؟
: طبعا كنت عارفة انت مستهبلة ولا شنو؟ لو ما متنا شقينا المقابر يا شقية
سكتت "نيل" مستغربة من سلوك أختا الهادي،ما ح تعاتبي يعني؟ مافي نوبات زعل وكوراك؟ ، العلاج غيرا جذريا ولا دا شنو؟
وهي لمن شافت اختا مستغربة بررت: يعني أنا صاح م كملت مشواري في الطب ،لكن آخر سنة دي تقريبا كنت حايمة بالمستشفيات بس وشفت حالات عابرة كتييرة، زايد قريت يعني برضو، دا غير اني بلاحظ يعني، بشوف العيون المتغيرة بشم الريحة الغريبة، خوفتيني شديد اليوم داك ارعبتيني عديل رغم اجتهادك تخفي الأدلة، وانا انتظرتك تحكي  ، وراقبتك لمن حبستي نفسك في البيت اسبوع وكنت متأكدة انها أول مرة واتمنيتا الأخيرة وفرحت لأنو م شفت شي غريب،وانا و"لينا" راقبناك فترة،ومن هنا عرفت انك متواصلة مع "إيهاب " طبعا دي النقطة الزعلتني أكتر ، بالذات لمن شفتك مع التاني ...."نيل " سألت تلقائيا
: بتكرهيهم، أخوانك؟
وهي جاوبتا نفس الإجابة القالتا للدكتور: ما بكرههم الأصح اني حاسداهم، لأنو عندهم أم وأبو ،الأب الكان مفروض يكون أبوي ...
: نورا الأب دا مش جا وطلب منك فرصة ؟ يعني ما ممكن تسامحي ، اعتقد انو الزول مفروض يتمسك...و لمن لقت اختا سرحت في البعيد وملامح وشها ما بتتفسر سكتت ، "نورا" ابتهجت بي نفس السرعة الزعلت بيها وقالت: رايك شنو نمشي نلعب التوأم ؟
: نمشي نلعبهم ومالو؟؟ لكن م نفسك تعملي شي أول
"عرفت قصدها طوالي وردت: نفسي امشي اعتذر لي "لينا" أول، يلا ح امشي أجهز، و أول ما دخلت الحمام هي جاتا رسالة في التلفون، قلبها دق، الرسايل النصية عادة بتجيها من زول واحد
فتحتا زي الماشة في ألغام وقرت الرسالة المختصرة: ضروري نتكلم
وبعد لحظات تفكير في أختا وتقاربهم الجديد دا و رحلة العلاج البدتا ، وآخر كلام قالتو"خصوصا لمن شفتك مع داك" ،
طوالي مدت يدها وضغطت علي زر الحظر....
....
#بعد_يومين
"تاريخ اليوم "
_الجلسة الرسمية الأولى"
كنت بمارس الرياضة بشكل منتظم وكنت بحب الرسم
:المستقبل ،أيوة خليت الجامعة وياهو بديت موضوع التصميم مع "لينا"، بعد داك جاني عقد بتاع عرض الازياء رفضتو=صعوبة في اتخاذ القرار
:اممم أكتر شي بيبهجني،يعني شنو بهجة؟،بعمل كل  شي عشان يعدي اليوم بس= الفقدان القدرة علي الابتهاج
: أكتر شي بيزعلني لمن اخسر حاجة بدون سبب بحس بي اني و لا شي" الاحساس بالدونية "
"كمال " كان بيوصل يستمع لسة ،ويحلل وانتقل لي سؤال مغاير: قلتي الأعراض النفسية دي زادت مؤخرا ليه؟
:عشان حاسة نفسي بديت اتعود ، بديت انسى أمي، بديت أفرح ، وكمان بدت مشاعري تتحرك.....يتبع
.......