*#إهتـــــــــزاز*
*#(بنـات الزنزانة)*
*#بقلم:نفيسة جلال*
*#عاشــقة الأســ🖤ــود*
*#البارت الأول*

*دقيقة..دقيقة!!*

*انت كَـ كاتب لو بتحب تصدم الشخصيات الفي الروايه فَـ أنا بحب أصدمك انت شخصياً..*

-ما حا اقول ليك أقرا واستمتع
بس أقرا وإنصدم...° ^ °✓

______________

*#عند العاشرة مســـــــــــــــاء*

الوحــــــده..
التفكيـــــر..
الخــــــوف..
الزكريـــــات..

كل الفوق دا كان قاعد يتصادم جوا عقلي البقى ما قادر يتحمل كمية الافراط البتحصل في التفكير والزكريات الجواهو..

انا عايشه في عالم كامل من مئات الأشخاص ولكن كأنو عايشت براي برفقة الماضي..!!

كنت قاعده على طرف سرير باهت ومن حديد وسانده راسي على الحيطه الفيها شقوق وشخابيط في كل مكان وكنت سرحانه في سقف من كتر ما تعبان وبنقط مويه بحس انو حا يقع في راسي في أي لحظه.. لكن موش كدا احسن!؟ انو يقع وبعدها يقتلني وكدا انا برتاح..!!

بس وين الراحه في الدنيا دي!؟.. حتى ربنا في عظيم كتابهِ قال
*﴿يا أَيُّهَا الإِنسانُ إِنَّكَ كادِحٌ إِلى رَبِّكَ كَدحًا فَمُلاقيهِ﴾*

نحن راحتنا كـ مسلمين في الجنة بس..
لكن في الدنيا دي عرك وكدح بس

عاوزين تعرفو قدر شنو الهموم الانتو عايشنها دي تافهه جدا بالنسبه لي هموم غيركم؟؟
تعالو بس وخشو معاي في الجو الأنا عايشاهو دا..

كل التفكير والحوار الحصل في راسي دا انفصلت منو بصوت واحده جات وقفت جمبي وكانت بتجوط بصوت عالي وانا أصلا ما فاهمه
في شنو؟..
ودي منو؟..

-يابت انتي ما بتسمعي انا لي ساعه بتكلم معاك خلاص طرشتي؟؟

عاينت ليها وقبل أرد عليها اتكلمت واحده جمبها وقالت ليها..

=تؤتؤ عيب يا شاهيناز ما تقولي عنها طرشا يمكن هي خرسا

"قالت كدا وفكت الضحكه بصوت عالي والبتين المعاها ضحكو بسخريه"

شاهيناز رجعت عاينت لي تاني وقالت: انتي هيي مش بتكلم معاك يلا قومي سريع

عاينت ليها بي استغراب واتصلحت في قعدتي ورفعت ليها حاجبي نظام اقوم لشنو؟!!!

شاهيناز مسحت وشها بنفاذ صبر وقالت :يا الله انا من البت دي لا بجد دي شكلها طرشاء وخرساء كمان
عدن البت التانيه قلبت عيونها بملل وقالت:وريتك انا البت دي مسافة تستوعب كلامك الصباح بجي
البت التالته اسمها "سويدا" قالت بزهج: يخ عليكم الله خارجونا البت دي شكلها ما حاتقوم
شاهيناز: لا هي غصب عنها تقوم ماعلى كيفها و..
قاطعتها وقلت: وليه اقوم؟
عدن:واخيراً اتكلمت
شاهيناز ضحكت بي استهزاء وقالت:تقومي عشان انا دايره كدا يا حلوه
رفعت ليها حاجبي وقلبت عيوني بي ملل وقلت ليها: وانتي تطلعي منو ان شاء الله؟
سويدا: هيي انتي انتبهي لكلامك وماتكتري كلام وقومي سرييييع
عاينت ليها وكتفت يديني وقلت ليها: ولو رفضت اقوم؟
عدن ابتسمت بخباثه وقالت: يبقى جبتي نهايتك بي يدك

عاينت ليها وكنت عاوزه ارد قاطعتني شاهيناز وهي بتجرني من يدي

شاهيناز: عايني انا مافاضيه ليك وماعندي وقت اضيع كلام معاك قومي وبطلي كلام كتير نعستا ودايره انوم
نفضتا يدي منها وقلت ليها:  طيب تمام نعستي امشي نومي يعني لشنو جاياني ودايره تقوميني من مكاني كمان!!!

شاهيناز قربت مني ورفعت اصبعها في وشي شويه وتدخلو جوا عيوني وقالت: شوفي هنا يا حلوه كل البنات الهنا ديل بسمعو مني وبحركه واحده بس بقدر اخليهن كلهن يتلمو فيك ويسحبوك من السرير دا غصب عنك عشان كدا قومي بهدوء ومن غير مشاكل
قلت ليها بي انفعال: مشاكل؟؟.. لاحظي منو الجا للتاني ومنو بدا يجوط.. وتاني تعالي اتكلمي عن المشاكل انتي براك جيتيني وبتعملي في المشاكل

شاهيناز اتأفأفت بي ضيق وخلاص حا تطق من الغضب الظهر فيها رفعت يدها وكانت عاوزه تضربني بس حسيت بي يد زول مسك يدها عاينت للبت وكانت دي واحده من البنات الفي الغرفه واسمها...

شاهيناز عاينت ليها بغضب وقالت: *ياسمين!؟؟*
ياسمين عاينت لي ورجعت عاينت ليها فكت يدها مني وقالت: اسفه يا شاهيناز بس الموضوع ما بستاهل انك ترفعي يدك عليها وخلاص انا حا اسوقها من هنا

وقبل ااقول شي ياسمين سحبتني بقوه معاها وهي شويه صحتها كويسه عشان كدا ما قدرت اتفكى منها ومشت بي بعيد من ناس شاهيناز لحد سريرها وبسرعه نفضت يدي منها وقلت ليها بغضب: مجنونه انتي؟؟
ياسمين عاينت لي وختت يدها في راسها وقالت: لا ظاهر انتي المجنونه...عاوزه تتناقشي مع شاهيناز؟
قلت ليها بصوت عالي: اي بتناقش معاها وتبقى منو هي ان شاء الله.. براها جاتني وقومتني من مكاني وبقت تجوط وتسمعني كلام فارغ
ياسمين بهدوء وحنيه: معليش استحمليها يمكن انتي الوحيده الماعارفه طباعها عشان انتي جديده بس شاهيناز دي ماف زول بسمعها كلمه ولا في زول بقول ليها "لا" اصلا
قلت ليها: وليه ان شاء الله!!
ياسمين: اقعدي خليني احكي ليك

*#إهتـــــــــزاز《02》*
*#(بنـات~الزنزانة)*
*#بقلم~نفيسة~جلال(عاشــقة~الأســ🖤ــود)*
*★★★ــــــــــــــــــ♡♡♡ـــــــــــــــــــ★★★*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‌‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​

*"شبح"*

رفعت راسي وكانت دي شاهيناز عاينت ليها وجيت عشان اعتزر قاطعتني هي وبقت تجوط..

شاهيناز بصوت عالي وغضب: فووق ما انك طرشاء وخرساء كمان عمياء وما بتشوفي قدامك؟؟..
رديت ليها بغيظ من اسلوبها وهجومها: الزمي حدودك انا ما قصدي
شاهيناز: بالله!! ماقصدك قلت لي!!..حركاتك دي ما بتمش علي عارفه عملتي كدا قاصده عشان انا شلت منك سريرك

عاينت ليها بي استغراب وهي طوالي رفعت اصبعها في وشي وقالت..

شاهيناز:شوفي هنا انتي ما قدري ولا انا مافاضيه ليك عشان كدا التزمي حدودك احسن ليك وعينك دي ما بترفعيها في وشي وانا هنا ست الكل وستك انتي كمان

عارضتها ورفعت يدي في وشها وقلت ليها:يمكن تقدري تمشي كلامك عليهم بس ما بتقدري تمشيهو علي

شاهيناز ختت يدها في وسطها وقالت:والله؟؟؟...يابت انتي بتتحديني؟ وكمان بتردي في وشي انتي ماعارفه انا بقدر اسوي فيك شنو

رفعت راسي عاينت ليها من فوق لي تحت بقرف وجيت امشي مسكتني من يدي ورجعتني قدامها بقوه وقالت..

شاهيناز: مش انا بتكلم معاك؟
رديت ليها ببرود: بس انا مادايره اتكلم معاك ولا دايره اسمعك اصلا

شاهيناز بقت تعاين لي مسافه وابتسمت بي خباثه لفت وشها وبقت تعاين وراها وهي بتتبسم وانا بعاين ليها ي استغراب!!... وبقول دي مالا دي؟..وجيت اتكلم بس قبل ما افتح خشمي حسيت بي كف في وشي ...!!!!!

شاهيناز:انا يا مقطعه تردي علي كدا؟لا وكمان بتتجاهليني؟..طالما انا بتكلم معاك عينك تكون في الارض فاهمه؟؟؟ومالم أتم كلامي واسمح ليك تتحركي من هنا ما حا تتحركي نهااي واسي يا السمحه زي الشاطره حاتعتزري مني يلا ..

كنت خاته يدي في وشي ومصدومه من الكف الضربتني ليهو..كنت غضبانه شدييد ودمي بغلي انا أي شي برضاهو الا انو زول يمد يدو علي أو يحاقر بي.. كانت بتتكلم وانا اصلا ماعارفاها بتقول في شنو من الخلعه وحسيت انو كل بنات الغرفه كانو بعاينو لينا وفعلا دا الحاصل..من غير تردد وبكل غضب رفعت راسي ورجعت ليها الكف في وشها بقوه وقبل ما تستوعب لحقتها بالتاني وبقيت اعاين ليها وانا عيوني بطلع شرار..شفتا سويدا وعدن الكانو جاين علي بي اندفاع بس فجأه وقفو وعاينو وراي لي باب الزنزانه الكانت واقفه فيهو سجانه "مشرفه"  وشكلها جات لمن انا ضربت شاهيناز كف..

المشرفه جات علينا وقالت بغضب:دي شنو الهمجيه دي كمان جابت ليها ضرب؟.

بقت تعاين لينا كلنا وانا بس ساكته..وشاهيناز كانت ماسكه وشها من الكفوف الضربتها ليها..عدن بسرعه عاينت للمشرفه وقالت..

عدن وهي بتأشر علي: يا مشرفه البت الجديده دي هي الضربتها كف وما واحد كفين كمان وانتي شفتي الحصل

عدن قالت كدا وسويدا ايدت كلامها وقالو ضربتها من غير سبب كفين..!!! والمشكله انهم بحلفو كمان بقيت ساكته وبعاين ليهم ومنتظره المشرفه تتكلم وتسألني الحصل شنو عشان احكي ليها الحصل بالكامل بس صدمني رد فعلها لمن هي كمان رفعت يدها وضربتني كف..!!!؟؟؟ وهي يدها كانت قويه وانا وقعت في الارض من قوة الكف وخشمي جاب دم كنت في حالة صدمه من العملتو رفعت عيني وشفت نظرات الشماته في عدن وسويدا ونظرات شاهيناز الكانت بتعاين لي بغضب...

*#إهتـــــــــزاز《03》*
*#(بنـات~الزنزانة)*
*#بقلم~نفيسة~جلال(عاشــقة~الأســ🖤ــود)*
*★★★ــــــــــــــــــ♡♡♡ـــــــــــــــــــ★★★*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‌‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​

*"عداوة"*

*- انا...انا وسام عبد الرحيم♡*

كلهم سكتو وبقو يعاينو لي بعض وكانت ظاهره ملامح الاستغراب في وشهم "اول مره يعرفو اسمي طبعا" اما ياسمين فكانت بتعاين لي بصدمه؟؟.. ابتسمت ليها وكان في اسئله كتير في وشها بس ما قدرت تقول شي بسبب المشرفه القالت..

الشرطيه: تعالي مطلوب حضورك

ما ادتني فرصه اتكلم جات مسكتني من يدي وطلعت بي برا الزنزانه بقيت ماشه وراها في الممرات وكنت بعاين حولي للسجن فعلا المكان ضيق شدييد من جوا البشوفو من برا ما يشوفو من جوا نهااي بس شكلو الاولاد شايلين القسم الأكبر لانو المجرمين بكونو رجال اكتر من نسوان كان في قسم النسوان اربعه زنزانات واحده فاضيه والتانيه كان فيها صيانه والتالته فيها مجموعه من البنات زينا مسجونات والرابعه حقتنا وكان في مكتبين في الطابق التحت وفيهو كمان غرف سجن كتيره الغرف البتكون مقفله بي حديد بس يلا دي للناس البكونو متهمين بي تهمه لي فتره مؤقته بكونو فيها بس الزنزانات الجماعيه والكبيرة دي للناس البكون محكوم عليهم بالنسين يعني زيي..!!

المشرفه:هي انتي
انتبهت عليها وقلت ليها نعم!!
المشرفه: خشي يلا وصلنا المكتب مشرفتنا عاوزه تتكلم معاك

هزيت ليها راسي وخشيت وخليتها واقفه جمب الباب..خشيت وشفت مرا كبيره عمرها في الخمسينات او الأربعينات لابسه عبايه رماديه كبيره وخمار كبير وكانت لابسه نظاره من النوع البنزل النظاره لي نص الانف داك عاينت لي من فوق النظاره وقالت لي اقعدي..قعدت بتوتر وباين هي من ملامح وشها انها زوله صارمه وقويه  ..كانت بتعاين في ورق قدامها مسافه تاني رفعت راسها عاينت لي وقالت..

-انتي وسام عبد الرحيم؟

هزيت ليها راسي بمعنى نعم..عاينت لي وقالت

-كنت بشوف في جدول الزيارات بتاع اخر اسبوع ولاحظت انو ما جاتك زياره صح؟
رديت عليها وقلت ليها : ايوا صح
-طيب..في زياره بعد يومين يعني يوم "الثلاثاء" وكنت برتب في جدول الزيارات هل حا يجي زول يزورك الاسبوع دا؟
انا:لا
-الاسبوع البعدو؟
انا:لا
-والبعدو؟؟
رفعت راسي وقلت ليها: ما حا تجيني زيارات ابدا..

قلت كدا وهي استغربت طلعت النظاره من وشها وسكتت مسافه وقالت..

-طيب تمام حا اكتب اسمك في القائمه السوداء من جدول الزيارات ..بعد كدا ممكن تمشي انا بس ناديتك عشان اعرف منك اذا في زيارات او لا بس طالما ماف خلاص

هزيت ليها راسي وطوالي قمت عشان امشي وقفتني وقالت..

-متأكده انو ما حا تجيك زياره؟
غمضت عيوني بألم ومن غير ما اتلفت عليها قلت: لا ابدا ما حاتجيني

وطلعت على طول مع المشرفه الكانت واقفه برا مسكتني بقيت ماشه وراها وطلعنا السلالم كان بعد عشره عتبات في مسطبه كبيره وفي شباك طويل المشرفه الماشه قدامي لاقتها مشرفه تاني كانت نازله من فوق وقفت معاها وبقو يتكلمو مسافه..انا سرحت وبقيت بعاين بالشباك كان فيهو شبك وقماش خفيف لونو ابيض كنت شايفه حوووش كبيير فيهو كميه من الأولاد الباين انهم سجناء بقيت اعاين ليهم بس أشكالهم ما واضحه ابدا وكنت شايفاهم طشاش طشاش كنت بعاين وبتلفت وكأني بفتش على حاجه وكان في بالي ولد الأشباح داك هههه "قصدي الكان في السجن الانفرادي تحت" ..بقيت بفكر هل

*#إهتـــــــــزاز*
*#(بنـات الزنزانة)*
*#بقلم:نفيسة جلال*
*#عاشــقة الأســ🖤ــود*
*#البارت الرابع*

*"الحقيبة"*

كنت لسه واقفه وبعاين بالشباك بصدمه وما حسيت الا على ياسمين الجات وقفت جمبي ختت يدها في كتفي وقالت..

ياسمين: وسام!!..مالك يابت؟

عاينت ليها وكنت عاوزه اتكلم شفت شاهيناز وعصابتها قاعدين من بعيد وبضحكو مشيت عليهم بغضب ووقفت في وشها وكنت عاوزه اضربها كف بس فجأه في يد مسكتني ورجعتني وراء اتلفتت وكانت دي ياسمين..

ياسمين عاينت لي وقالت :يابت انتي مجنونه عاوزه تضربيها كف عشان ترجع تسجنك تاني؟
نفضت يدي منها وقلت بصوت عالي وانا بعاين ليهم كلهم: خليها تسجني انا ما بخاف منها ولا بخاف من السجن الحاتوديني ليهو كمان
عدن جات وقفت قدام شاهيناز وقالت لي:احسن ليك ترجعي وراء المره الفاتت لمن رفعتي يدك على شاهيناز نحن ما هبشناك بس المره دي بنغير ليك ملامح وشك فاهمه؟؟
قلت ليها بغضب: زحي من قدامي لانو انا كلامي ما معاك كلامي مع الشيطانه المدسيه وراك دي..

مع كلامي دا طوالي شاهيناز جرت عدن ووقفت قدامي وقالت لي

شاهيناز: زحي يا عدن قايلاني خايفه منها هي بس تبقى مرا بت مرا وترفع يدها عشان ترجع مكسوره
غمضت عيوني بغضب وقلت ليها وانا عاضه على شفايفي : حاجاتي عملتي فيهم شنو يا شاهيناز؟؟
شاهيناز ضحكت وقالت لي عدن: ههه..دي شكلها لسه تحت الصدمه وما مستوعبه انو حاجاتها اتحرقو كلهم قدام عيونها قبل دقايق..

قلت ليها بهدوء بس وراهو غضب كبير: انتي حرقتي هدومي وسريري كان فيهو شنطه تاني حقت جلد غير شنطة الهدوم سويتي فيها شنو؟؟

شاهيناز ختت يدها في حنكها على اساس بتتزكر هي عملت فيهم شنو التفتت على سويدا وقالت: سويدا سويتي شنو في الشنطه التانيه حقت الحلوه دي؟؟
سويدا كانت قاعده وبتاكل في تسالي ضحكت وقالت: وديتهم المكان البستاهلو  "ضحكت بصوت وقالت" رميتهم بالشباك داك في الزباله ..

مسكت نفسي بالعافيه ولو ما ياسمين الشاداني من يدي كان كسرتا ريسانهم التلاته بقيت بس بعاين بغضب لي شاهيناز من غير ما ارمش حتى هي طوالي قربت خطوتين وختت وشها في وشي وقالت..

شاهيناز: اها عرفتي حاجاتك وين؟؟..يلا اتخارجي من وشي

قالت كلامها وزحتني ومشت وعدن وسويدا مشو وراها ..عاينت لي صفاء الكانت قاعده في نهاية الطاوله بهدوء  من غير تقول شي وبتلعب بي شعرها وملامحها كانت غامضه ورجعت عاينت لي ياسمين السألتني..

ياسمين:في شنو يا وسام؟!!

سحبت يدي ومشيت وقفت في الشباك ياسمين لحقتني وقبل تقول حاجه انا اتكلمت

وقلت ليها: شاهيناز جدعت لي حاجاتي في الزباله دي..
قلتها وانا بأشر بي اصبعي لي تحت ياسمين عاينت وكان تحت الشباك في مكب نفايات كبير وكان فيهو شنطه بتاعت جلد عاينت ليهو وقالت ...

ياسمين:الشنطه دي حقتك؟
هزيت راسي بمعنى نعم..
ياسمين اتنهدت واخدت نفس طويل وقالت: وريتك كتير يا وسام انتي شاهيناز دي ما قدرها الليله هدومك اتحرقت وحاجاتك في الزباله وبكره مامعروف تعمل ليك شنو لو استمريتي في عنادك دا كدا

من غير اعاين ليها قلت: طيب وعاوزاني اعمل شنو؟امش اركع ليها ولا اخضع ليها زيكم واخليها تمشيني زي اللعبه بي كلامها وتحاقر بي من غير اعترض؟
ياسمين: انا ما طلبت منك تسوي كدا بس لو ما حاتسمعي منها اتجاهليها ماتقولي ليها ولا شي لا نعم ولا لا خلي بينكم مساحه لا تصاحبيها ولا تعاديها كمان كدا حا يكون أفضل ليك يا وسام

انا سكت ما رديت وهي كملت كلامها وقالت..
ياسمين: عنادك دا حا يدخلك في مشاكل كتيره انتي ما قدرها ..

قالت كلامها دا ومشت رقدت في سريرها وانا لسه فضلت واقفه وبعاين بالشباك شويه شويه الاضويه طفوها وكلهم نامو والمطره كمان بدت تنزل كنا في موسم الخريف ..وانا لسه واقفه وسرحانه ماكنت قادره انوم بعاين بس للمطر وحاسه بغضب وحقد وغل في قلبي اتجاه شاهيناز وعصابتها..والشيطان بدى يوسوس لي بالبلاوي عشان اعملا بس استغفرت واتجاهلت الوسوسه دي في دمعه نزلت في وشي مسحتها سريع وبقيت اعاين حولي وخايفه يكون زول شاف دمعتي دي  مسحتها وقلت..

وسام: لا يا وسام اوعك تبكي انتي أقوى من كدا ماتخلي واحده غبيه زي شاهيناز تبكيك وانتي قدرها

عاينت بالشباك لي مكب الزباله وقررت بكره بي أي طريقه لازم ارجع الشنطه التحت لانها مهمه شديييد فيها كل شي واخر شي فضل لي في الدنيا دي..الشنطه دي هي البتجمع بين ماضيني وحاضري كمان سرحتا وبقيت افكر واتزكر واحس بالسكاكين في قلبي ودموعي نزلو من غير احس كنت مضايقه شدييد حسيت بي كتمة نفس كان بس نفسي ارتاح نفسي ابكي نفسي اشكي واحكي بس لمنو؟؟لمنو؟؟..قلت كلامي ورفعت راسي وبقيت اعاين للسماء والمطر النازل وكأني هنا اتزكرت انو في رب♡ يسمعني ويسمع ضيقي يخفف علي وهو فاهم الجواي والعلي من غير اتعب واحكي على طول مشيت على الحمامات كان في كذا مغسله جوا غسلت وشي وبديت اتوضى طلعت برا وكان في دولاب خشب صغير في الغرفه فيهو مصالي ومحارم "عبايات صلاه" كانو قديمات شدييد بس نضاف شلتهم وفرشت مصلايتي ولبست

*#إهتـــــــــزاز《05》*
*#(بنـات~الزنزانة)*
*#بقلم~نفيسة~جلال(عاشــقة~الأســ🖤ــود)*
*★★★ــــــــــــــــــ♡♡♡ـــــــــــــــــــ★★★*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‌‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​

*"أول حوار"*

اثناء ما انا ببكي كدا سمعت صوت بقول ..

"انتي كويسه!؟"

بقيت بتلفت بي استغراب واقول الصوت دا من وين!!..عاينت وراي ولاحظت لي الفتحه الصغيره الأمس..رجعت سمعت نفس الصوت تاني بقول..

"انتي نفسك الكنتي هنا امس صح!"

سكت واتزكرت دا نفس صوت
الراجل الأمس.. بس هو بعمل في شنو هنا!! بديت افكر واقول معقوله هو من امس للان في المكان دا!!..قطع حبل افكاري صوت ضحكتو وهو بقول..

"هههه..من عدم ردك دا بقيت متأكد انك نفسك البت الامس"

ياربي يعني انا اسي بطلع من الغرفه الفيها ازعاج شاهيناز واجي هنا عشان يزعجني المخلوق دا!!

"على فكره امس لمن الشرطيه جات طلعتك بقيت متأكد انك ما شبح لانو هي شافتك عادي"

هزيت راسي بخيبه ومسكت ضحكتي دا لسه معلق في سيرة الشبح دي!!

"انتي ليه ماعاوزه تتكلمي؟"

سكت ساي حتى ماعرفت ارد بشنو ..هو بسأل وانا برد في سري بس..سكت مني فجأه اخد ليهو ثواني كدا وتاني سألني..

"كنتي بتبكي ليه؟..انتي كويسه؟"

اووف يعني هو سمع كل بكاي وشهقاتي دي؟؟؟.. اكيد هو بكون فكر انو البت البتبكي دي واحده ضعيفه..بس وكأنو هو سمع صوت افكاري طوالي قال ..

"على فكره بكى الانسان ما بعني ضعف..حتى انا قاعد ابكي ههه"

معقوله راجل وببكي!!..رد علي وكأنو سمعني للمره التانيه وقال ..

"عارفه انو حتى الراجل ببكي..لانو الدموع دي ما بتعرف راجل ولا مرا هي بس بتنزل عشان تعبر عن حاجه جوانا عجزت الكلمات انو تعبر عنها..."

ركزت في كلامو وفعلا كان كلامو صح..الدموع دي بتنزل غصب عننا بالرغم من محاولتنا عشان نكتمها..بقيت بفكر ودموعي نازله هو فجأه اتكلم وقال..

*" آصف.."*

عقدتا حواجبي بـ إستغراب وهو كرر الاسم تاني!!..

*"إسمي آصف "*

ابتسمت واخيرا اتكلمت وقلت:

*"وِسام.."*

_______________

"في مكان آخر بعبد عن بطلتنا وبعيد عن الزنزانه والسجن كمان...في بيت راقي وظاهر من شكلو انو اهل البيت مرتاحين شدييد كان البيت جايط والناس داخله وطالعه ..وظاهر من الزينه واللبس والصواني الحايمه انو في مناسبه حلوه وكبيره♡..."

الأم بصوت عالي: يا بت هوي يا *عناب* امشي نادي لي ولدي *أسعد* سريع قولي ليهو يجي
عناب وهي شايله كبابي المويه للضيوف قالت: بس أسعد دا طلع قبيل مع الرجال للعقد يا *خالتو سوزان*
سوزان اتأفأفت:وبعلي دي حالة شنو أسي.. سمح خلاص انتي امشي دخلي الصينيه دي واقيفي في الشارع جمب الباب اول ماتشوفي أسعد اجري عليهو وقولي ليهو امك قالت ليك اوعك تضرب سلاح نهااي عشان ما اجي افجرو في راسك
عناب ضحكت وقالت ليها: سمح يا خالتي اصلك خوافه زي بناتك

(وجرت طوالي ما انتظرت سوزان ترد وبقت سوازن معلقه في كلمة "بناتك" وبقت سرحانه شافتها مره من بعيد جات عليها وقالت بضحك..)

*#إهتـــــــــزاز*
*#(بنـات الزنزانة)*
*#بقلم:نفيسة جلال*
*#عاشــقة الأســ🖤ــود*
*#البارت السادس*

*"الفخ"*

رجعت وقعدت في السرير بصدمه وانا ما قادره اصدق كنت بس مصدومه وحاسه نفسي عاوزه ابكي بس ما قدرت كنت بس بعاين من غير ارمش وفجأه حسيت بيد على كتفي رفعت راسي عاينت ليها وكانت دي ياسمين..

ياسمين بي استغراب: يابت مالو لونك دا مخطوف كدا كويسه انتي؟
سكت ما رديت..

ياسمين قعدت جمبي وقالت: وسام...
قاطعتها وقلت: الشنطه
ياسمين:الشنطه..! قصدك شنطتك الرمتها ليك شاهيناز اها فكرتي في حل عشان تقدري ترجعيها و..
قاطعتها وقلت: ماف داعي افكر في شي
ياسمين: كيف يعني ما فاهمه
عاينت ليها وقلت بصوت برجف: الشنطه ماف يا ياسمين وكل الزباله كمان ماف ..الشنطه راحت مني خلاص شالوها مع الوساخه ومشو

قلت كدا ودفنت وشي بين يديني
ياسمين بخلعه: كيف حصل كدا ومتين حصل كدا اصلا!!...لحد امس بليل انا وانتي شفناها كانت قاعده يا وسام
قلت ليها وانا بهز راسي بالنفي: مافي مافي ..هي كانت موجوده امس..بس الليله ما موجوده يا ياسمين ضاعت مني خلاص
ياسمين ختت يدها على كتفي وقالت بصوت مليان حزن: وسام...

ما انتظرتها تقول شي بس طوالي مسكتها وضميتها علي وقلت بي صوت مبحوح وانا بحاول اكتم في دموعي..

وسام: انتي ما حاتقدري تتخيلي الشنطه دي بتهمني كيف دي كانت آخر حاجه بتجمعني بالماضي يا ياسمين كان فيها آخر شي حلو في حياتي دي ..بس انا ضيعتها من يدي يا ياسمين💔
ياسمين: وسام ما تزعلي الله يرضى عليك ..ادعي بس يمكن نلقاها يمكن ما يكونو شالوها في الزباله يمكن..
قاطعتها وانا برفع راسي: حاتكون مشت وين يعني..اا انا شفتها اسي بالشباك كل الزباله رفعوها بما فيهم الشنطه يا ياسمين خلاص ضاعت مني

بقيت اتكلم معاها ومن جواي نفسي ابكي واصرخ وابدا ما اسكت بس ما كنت قادره كنت حاسه بالعبره في حلقي بس كمان ما بكيت ..مهما كان الموضوع صعب علي انا مستحيل أضعف وابكي قدام زول ابدا..ولا حتى قدام نفسي مستحيل أظهر لي نفسي ابدا اني ضعيفه ..هنا اتزكرت كلام آصف لمن قال..

*"اخترتي انك تبكي وتضعفي في مكان مظلم زي دا عشان حتى انتي بتخافي انك تشوفي نفسك وانتي ضعيفه وبتبكي.."*

صح كلامو صح.. حتى انا بخاف من دموعي وضعفي..ويمكن دي حاجه نادره او ما موجوده اصلا في البشر كونو الانسان يخاف يضعف قدام نفسو ويبكي..المعروف انو كل إنسان بحب يكون براهو بعيد من الناس ويضعف ويبكي براهو بس انا ما كدا ما قادره اكون كدا..انا حتى مع نفسي بخاف ابكي..دي انا كدا ودي شخصيتي كمان...ياسمين كانت بتتكلم معاي وانا اصلا كنت سرحانه وما منتبهه معاها وقلبي واجعني شديد على شنطتي وما حاسه بي شي من الحولي ..وما انتبهت الا على صوت باب الزنزانه وهو بفتح "لمن يفتح بعمل صوت عالي ومزعج" عاينت ليهو ودخلو مشرفتين منهم المشرفه نفحات..

نفحات: يلا كلكم اطلعو قدامي وما تعملو ازعاج قدامكم 20 دقيقه بس ما تنسو يلا..

قالت كدا وكل البنات طلعو بحماس ياسمين طبطبت علي وقالت..

ياسمين: كل شي حايكون بخير ويتصلح ماتخافي

قالت كدا ومشت على طول وكل البنات طلعو وشاهيناز كانت آخر واحده قبل تطلع عاينت لي وانا قاعده في السرير سرحانه وظاهر من وشي الضيق ..جات علي بكل شماته وقالت لي..

شاهيناز: اووو الجميل مالو!!.
غمضت عيوني بغيظ ومن غير اعاين ليها قلت: شاهيناز اتخارجي من وشي  انا ما ناقصاك
شاهيناز: تؤتؤ ما تقول لي كمان ماعندك زيارات يعني ماف ناس بجوك؟؟..بجد مسكينه والله يا حرام

"قالت كلامها وهي بتتبسم"

عاينت ليها وقلت:شاهيناز للمره الاخيره اتخارجي مني..
شاهيناز ختت يدها في خشمها بي دراما وقالت: لاه لاه لاه..أعصابك ياحلوه انا بس زعلانه عليك لأنك انسانه وحيده بس نفسي اعرف انتي عملتي شنو لمن حتى اهلك ما طايقين يزوروك ويشوف وشك ههه
قمت وعاينت ليها بغضب وقلت: دا ما شي من اختصاصك خااالص تجيني زيارات او لا دي ما شغلتك يا هانم
شاهيناز عاينت لي من فوق لي تحت وقالت: البشوفك بقول مكمله البراءه بس انتي من جواك واحده شيطانه عشان كدا انتي هنا..وصدقيني طول ما انتي واقفه في وشي كدا ما حا تستفيدي شي غير انك حا تخسري تخسري وبس عشان كدا راجعي نفسك وخليك شاطره زي البنات واسمعي مني
قلت ليها بصوت عالي: انا مستحيل اسمع كلام واحده زيك فاهمه؟؟
شاهيناز ابتسمت بخباثه وقالت لي: طيب حلو خليك كدا..وصدقيني انا حا اعمل كل جهدي انو كل لحظه بتمر عليك ما تشوفي الراحه ابدا

قالت كدا ومشت من قدامي وانا اساسا كنت مضايقه وكلامها نرفزني بقيت اجوط واصرخ واطلع كل الضيق الجواي ..

وسام: اصلا انتي واحده شيطانه حا اتوقع منك شنو يا مجنونه ..جايه تهدديني فاكراني خايفه منك صدقيني لسه ما خلق البخليني اخاف وابكي نهااي فاهمه!!

-اعصابك..اصلا هي مشت وما سامعه كلامك

*#إهتـــــــــزاز*
*#(بنـات الزنزانة)*
*#بقلم:نفيسة جلال*
*#عاشــقة الأســ🖤ــود*
*#البارت السابع*

*"صفحات من الماضي"*


*بلسان وسام...*
قمت من سريري وانا بجر في كرعي جر لي المطبخ عشان اغسل العده.. اكتررر شي بكرهو في الدنيا غسيل العده او بالاصح دا اكتر شي بكرهوو بنات العالم كلو غسيل العد صح ولا ما غلط!!!!!... اثناء ما انا ماشه على المطبخ لمحتها من بعيد كانت قاعده في الصاله وماسكه تلفونها بروااق جريت ليها بي فرحه وقلت..

وسام:  ملاااذ ملااااذ ملااااااااااذ

ملاذ رفعت راسها عاينت لي وقبل ما تستوعب شي انا هووب جيت وقعدتا جمبها في الكنبه وقلت ليها بحماااس..

وسام:  قاعده تتفرجي في التووك تااااك!!!!
ملاذ بضحك: اول شي اسموو التيك تووك ما التوك تااك
وسام: يخ خلاص كلو وااحد زحي لي خلي اشووف معاااك
ملاذ رجعت التلفون مني وقالت: هيي هيي قومي شوفي عدتك بي وين بلا تيك توك بلا غيرو
وسام: ملاذ عليك الله خلينا نشووف فيديو وااحد بس كلها دقيقتين
ملاذ: اي زي كل مره تقولي فيديو واحد والفيديو يبقو عشره فيديوهاااات والدقيقتين يبقو ساعتين وتجي امي تقلع التلفون واتبهدل بي سببك
وسام: يا ملوذه يا قلبي علييك الله بس فيديو والله اسوي ليك اي شي دايراهو بس حلفتك خليني اشوف معااك عليك الله عليك الله عليييك الله
ملاذ: خلاااص خلاااص
وسام: يااااس

ملاذ حدرت لي مسافه ومدت لي التلفون وقبل اشيلو قلعتو وقالت..

ملاذ: بس فيديووو واحد..!!!!
وسام بحماس: اي اي.. يلا افتحييي

ملاذ طوالي فتحت التلفون وبقيت اعااين معاها وكالعاده الفيديو الواحد بقوو عشره وانا سرحتا وملاذ سرحت معاااي وكل مره نقول خلاص اخررر واحد🤣.. مسافة نشوف التوك تاك دا اقصد التيك توك..ادو نظره لي ملف سِيرتي..

""

انا وسام عبدالرحيم عمري 18 سنه منتحررره🙂"ممحتنه"... اختي ملاذ وهي اكبر مني بسنتين عمرها 20بتقرى في 2جامعه طب اسنان وعندي اخوي أسعد بشتغل في الجيششش احم وعمرو 27 سنه.. امي الحنونه السمحاات عيوناا سوزان♡♡♡ربة منزل.. وابوي عبد الرحيم تاجر كبير معروف في البلد عندو مصانع في كل مكان وعندو كمان فروع في كل السودان .. وضعنا ممتاز شديييد ساكنين في بيت كبير في امدرمان الحب♡♡♡.. وبالرغم من القروش العندنا الا انو ابوي صاارم وحاااد وبنخااف منو خووف شديييد حتى عينا دي مرات بنخاف نرفعها قداموو.. معيشنا عيشه حلوه بس لا تخلو من القوانين والحدووود✋🏻.. يعني بالرغم من القروش العندنا الممكن نجيب بيها خدم يملوو البيت بس لاااا بنضف برانا كان بيت كاان عده... بعد تحانيس من امي حتى ابوي جاب لينا بت تساعد في نضافة البيت لانو كبييير شديييييد اسمها "عايده"... وكمان ابوي عندو قانون محيرني وجاايب اعصابي لي يووم الليله انو ممنوع زول مننا يشترو ليهو تلفوون الا يخش الجامعه!!!!!.... قروشنا تجيب شركاات تلفونااات.. بس ما بعرف دا شنو القانون السخيف دا بس طبعا ماف زول بعارض خاااالص...اخوي اسعد اول ما خلص الثانويه ودخل الكليه الحربيه استلم تلفونو وكذالك ملاذ اول ما ختت كراعها في الجامعه جابو ليها تلفوووون دخلت الجامعه ليها سنتين.. والان دوررري انا بعد اخلص تالته مباشره ومع تسليييم اخرر ورقه عاوزه استلم تلفووني ما بصبر في اجااازه خالص خااالص.. انا من صغيره روحي محرقاني للتلفون ونفسي فيهووو شدييييد بشوف بنات خالتي عندهم التلفونات من هم صغاار.. لانو طبعا عائله من عائله بتختلف وابوهم ما زي ابونا!!.. لمن ملاذ دخلت الجامعه شوييه اتصبرتا وبقييت اشوف معاها في تلفونها وكان دايره تشووف السااعه ساااي بشووف معاها😂.. مكرهاها ومجنناها وهي بقت منتظره  متيين انا يدوني تلفووني عشان تتخارج مني.. وانا بالرغم من حبي للتلفونات البشوفها زي الحلم كنت بس بحب فيها الالعااب والتصوير والحاجاات الهايفه دي بس اول ما دخلت الثانويه وكمان ملاذ استلمت تلفونها اكتشفت التيك تووك دا وبقى ادماان بقيت احب اشووف الناس الفيهو والتصوير والفيديوهات الما ليها نهااايه بمووت لي ملااذ عدييل مقابل تخليني اشووف معاها فيديو واحد بسسس.. والحاجه دي خلت رغبتي في انو يكون عندي تلفون تزيييد..باقي لي فتره بسيطه واخلص من تالت الشووم دي وما مصدقه متييين اخلص واتخارج واستلم تلفونييييي واول شي حا انزلو التيك توووك وما اشبع فيهوو...

""

واثناء ما انا سرحانه في حلمي دا احس ليك بي سلاح نسائي طاير في وشيييي "طبعا عرفتو؟.. بس ياهووو شبشب امي"

سوزان بغضب: دي العده القلت ليييك امشششي غسليهااا!!!

وقفت على حيلي طوالي وملاذ الكلبه سحبت تلفونها وجرت غرفتها وخلتني انا للبهدله وللمقطع البسمع كلوووو مرررره...

*#إهتـــــــــزاز*
*#(بنـات الزنزانة)*
*#بقلم:نفيسة جلال*
*#عاشــقة الأســ🖤ــود*
*#البارت الثامن*


*"صديقة"*


"هيي وسام..وسام!!"

وسام ساكته...

آصف: يا الله شكلها نامت.. ما مشكله حا اخليها تكمل لي القصه بعد تصحى..

وهو كمان سند راسو ونام..


(ملاحظه: انتهى الفلاش باك..)

___

*في اليوم التالي..*

فتحت عيوني على صووت ترباس الباب بفتح رفعت راسي بس ماف زول دخل طوالي استوعبت وعرفت انو دا باب آصف وسمعت صوت الشرطي بقول..

-قووم يلااا سرييع
آصف بتعب وصوت نعسان: طيب طيب قايم..

الشرطي سحبو وقفلو الباب ومشو.. انا اتنهدت بي راحه لانو لسه ماف شرطي كشف قصة الجُحر الفاتح بينا  دا.. سرحتا شويه وانا بحاول اعرف نمتا كم من الزمن!!.. وامس حصل شنو اخر شي بتزكرو اني كنت بحكي لي آصف في قصتي بس وتاني فجأه غفيت.. ياربي اسي الساعه كم وانا حا اطلع من هنا متين...!! بقيت بس بفكر ودمووعي نزلو كنت عطشاانه شديييد وبطني اتقطعت من الجوع وضهري كان عاوز يتكسر من الألم والقعده مخلياهو يوجعني اكتر.. كنت بحاول ارقد في المكان دا بس كاان ضيق شديييد ما بقدر ارقد فيهو.. واثناء ما انا بتصلح في قعدتي كدا سمعت صوت الترباس تاني والباب القدامي فتح بقيت اعاين بي عدم تصديق وصحيت من سرحتى على صوت المشرفه البتقول..

-يلا هييي قوومي
قلت ليها بي استغراب: اقووم!!.. كيف مش انا مفروض اقعد هنا يومين!!
-يا بت انتي دايره تموتي؟؟.. السجن الانفرادي دا اقل شي 24ساعه قومي يلا
قلت ليها بخوف: بب.. بس مم.. مشرفه نفحات قالت اا.انو...
قاطعتني وقالت: اووف انا من نفحات هي قالت ليك كدا؟؟.. قومي قوومي المرا دي مجنونه ساي

طوالي قمت وهي مسكتني من يدي.. بس ما مسكتني قوي وطلعتني وراها من المكان المظلم دا وطبعا كنت بمش براحه وبعرج من الضرب والتعب الفيني وضهري الحسيتو حاينقص.. لمن طلعنا يادوب قدرت اشوف ملامحها كانت مرا كبيره عمرها بكون ثلاثيني لابسه لبس المشرفات العباره عن اسكيرتي اسوود وبلوزه بيضاء بس طبعا لونهم بااهت وقدييم وخاته الطرحه في رقبتها لانو اصلا دا قسم نساء ماف رجال والطرح للاحتياط.. اثناء ما انا بتأمل فيها كدا هي قاطعتني وقالت بصوت خشن وجب عليهم..

-الزنزانه حقتك وين!!!

بقيت اوصف ليها لحد ما وصلتني بقت تشوف في المفاتيح وانا واقفه وراها لحد ما لقتو فتحت الغرفه وكنت منتظراها تجرني وترميني جوا زي باقي المشرفات بس اتلفتت علي وقالت بحده..

-يلا خشيي

هزيت ليها راسي وخشيت وقبل ما تقفل الباب سمعت صوت واحده من المشرفات بتنادي فيها وبتقول..

"سُلافه"

سلافه: جايا جايا

سلافه قفلت الباب بقوه سريع ومشت.. انا دخلت واتلفت عليهم كلهم كانو قاعدين في الطاوله بفطرو الا ياسمين كانت قاعده في سريري وظاهر التوتر في وشها وكانت سرحانه كنت بعاين ليها قطع نظراتي صوت ساره الخلاهم كلهم ينتبهو لي..

ساره: هيي وسام لقد عودتي..

ياسمين طوالي رفعت راسها وجاتني جاريه عاينت لي مسافه وضمتني عليهاا شدييد وفي دموع في وشها..
ضحكت بي ألم وقلت ليها: يي.. ياسمين براحه ضهري ههه
ياسمين فكتني بلهفه وقالت لي: صحي ضهرك نسيتو اا.. اسفه اسفه.. انتي كويسه وريني فيك شي؟؟ عملوك ليك حاجه تانيه انتي..
قاطعتها وانا بخت يدي في خشمها: هسس هسس.. خلاص روقي انا كويسه والله هدي قدامك.. بس بعد انتي مشيتي نفحات ودتني السجن الانفرادي
ياسمين وهي بتمسح في دموعها: الفقريه نفحات عديمة الضمير💔.. والله كنت خايفه عليك شديييد يا وسام الحمدلله انك كويسه الحمدلله

وبقت بس تحضن فيني وتعاين لي كنت قادره اشوف خوفها وحنيتها ودموعها النازله عشاني وعشان خوفها علي♡.. ياسمين دي حنينه وطيبه بشكل جميل جدااا ومن غير اي مقدمات بتخش القلب وبتعامل كل البنات هنا زي بناتها واعززز بالرغم من انها ما كبيره بس حنيتها كبيره وقلبها كبير♡.. قاطع سلامنا دا صوت البنات الجو وقفو وراها "وداد، ساره، صفاء"

وداد بي ابتسامه لي ياسمين: طيب ادينا فرصه نسلم عليها برضو

ضحكت.. وياسمين فكتني وسلمت عليهم..
ساره: كنا خائفين عليك جدا وسام♡
قلت ليها تسلمي يا ساره..

عاينت لي صفاء الكانت بتعاين لي بي نظرات غامضه ما قدرت افسرها واثناء ما بتعاين لي كدا مدت يدها وقالت..

صفاء: اتمنى تكوني اتعلمتي درس
ياسمين حدرت ليها وقالت: صفاء!!.. دا ما وقتو

صفاء ما ردت عليها وطوالي مشت.. ما اشتغلت بيها كتير .. ويادوب انا اتلفت وشفتا شاهيناز وكلابها الكانو قاعدين من بعيد بعاينو لي وبضحكو بي خبااثه وشمااته !!!!.. اديتهم نظره مليانه كِره وغل واتلفت منهم على ياسمين البتجر فيني على السرير..

ياسمين: تعالي ارتاحي اكيد تعبانه وضهرك موجعك
قعدت في السرير وقلت ليها بتعب: جسميي كلوو ما ضهري بس💔
ياسمين: معلش بس اتحملي.. حا امش اجيب ليك من الفطور
قلت ليها: لالا ما دايره جيبي لي بس شاي لو في راسي حا يطرشق
ياسمين: حااضر

*#إهتـــــــــزاز*
*#(بنـات الزنزانة)*
*#بقلم:نفيسة جلال*
*#عاشــقة الأســ🖤ــود*
*#البارت التاسع*


*"روح مرهقة"*

شاهيناز ابتسمت وغمزت ليها وقالت:
معليش بس ما المرا دي يا حلوه

ومع أخر كلمه قالتها سحبت المقص لي بداية شعر صفاء..وقصتو ليها...!!!!!

وكانت بتضحك بطريقه هستريا وكانت بتتفشى في شعرها وبتقص فيهو بطريقه عشوائيه ومجنونه وكانت متجاهله صرخات صفاء ومحاولاتها بي انها تجري من يدين نفحات وكانت بتترجى فيها وبتطلب منها ترحمها بس شاهيناز ما وقفت ابدا وكانت بتقص فيهو وتضحك مع نفحات الكانت كمان مستمتعه بالمنظر وماسكه صفاء بكل قوتها ..وياسمين ووداد وساره كان بصرخو في شاهيناز عشان توقف وتخلي صفاء وتفكها بس شاهيناز ما عاينت ليهم ولا اشتغلت بيهم وكانت مستمتعه بي قص شعر صفاء ..وأما انا كنت مصدومه حرفيا من مكاني م كنت قادره اتحرك واقفه وبعاين للبحصل من غير مقاومه كنت مخلوعه من عدم الرحمه والضمير الجوات الشيطانه دي ناس كتير ممكن يستغربو ويقولو اني ظلمت شاهيناز لمن وصفتها بالشيطان..بس بعد موقف اليوم دا انا أدركت اني ظلمت الشيطان زاتو لاني وصفتو بي انسانه متوحشه زي دي ماف ولا ذرة رحمه في قلبها..بعد م قصت لي صفاء شعرها بكل الوحشيه دي خلتو ليها جمب اضانها وبطريقه مخيفه جزو تحت اضانها وجزو ماف اصلا وفي نص راسها قاصه من شعرها ومن قدام قاصاهو كلو ..يعني حرفيا هي صنعت من صفاء وحش!!!.. بعد عملت كل دا بكل برود فكت المقص وخلت نفحات تفك صفاء ..وصفاء اول م نفحات فكتها قعدت في الأرض وهي بتبكي بقت تلم في شعرها وتحاول تختو في راسها وكأنها بتحاول ترجعو زي اول وما قادره تصدق انو شعرها مستحيل يرجع مستحيل يرجع..كانت بترفع فيهو وهي بتبكي وبقت تضرب في روحها وتلطم وشها وتهز راسها بهستريا وكأنها م قادره تصدق الحصل..
بعد نفحات فكتها شاهيناز قعدت في الارض جمب صفاء مسكتها بقوه من فكها وشدتها بقوه وعاينت ليها جوا عيونها وهي بتمشي المقص في وشها قالت ليها..

شاهيناز: المرا دي تبوسي يدي لاني اكتفيت بقص شعرك وبس..لكن وحياة الخلقني اذا طولتي لسانك دا علي تاني حا يكون الدور الجاي عليهو وحا اقصو ليك ..وشاهيناز ما بتحزر مرتين فاهمه!!!؟؟؟

قالت كدا وفكتها بقوه وقامت والمشرفات فكونا..ياسمين اول ما اتفكت كانت ماشه على شاهيناز بي اندفاع عاوزه تضربها..

ياسمين بغل وهي بتبكي: يا حقيييييره

بس قبل تصلها نفحات مسكتها ورجعتها ورا وضربتها كف طوالي ورفعت اصبعها في وش ياسمين وقالت ليها..

نفحات: إياك تقربي منها عشان الدور الجاي ما يكون عليك ..الزمي حدك وخليك بعيده منها (قالت كدا ورفعت راسها عاينت لينا كلنا وقالت) الكلام دا للجميع البتجاوز حدو هنا حا يكون عقابو عسير جدا ومن غير رحمه ..واي واحده ضد شاهيناز حا تندم شديييد لقدام (قالت اخر كلمه وهي بتعاين لي انا تحديدا!!)

قالت كلامها وعاينت لينا بنظرات تحزير وطلعت

لمن طلعت..انا رجعت عاينت لي صفاء الكان منظرها ببكي حجر..وهي قاعده وبتحاول ترجع شعرها لي راسها وبتبكي ..دموعي نزلت من منظرها من غير احس بس سريع مسحتهم ..ومن غير اي مقدمات مشيت قعدت في الارض ضميت صفاء شدييييد وهي فكت شعرها وبقت ماسكاني بقوه اكترر حسيتها كانت محتاجه للحاجه دي اكتر من اي طبطبه وكلام في الوقت دا..وطوالي اتفقعت بالبكى.. بتبكي بحرررقه وبتتنهد ومع كل شهقه بحس قلبي دا قاعد يتفرم من صوتها💔..كنت بس عاضه على شفايفي بقوه عشان ما ابكي بس ما قدرت استحمل دي اول مره اشوف صفاء كدا انا متعوده عليها قويه وصارمه ما متعوده اشوفها ضعيفه كدا  ..وعشان ماف زول يشوفني دسيت وشي جوا كتفها وخليت دموعي تنزل بصمت واطرافي كلها بتهتز بي بكاء صفاء💔 حسيت انها حاسه بي جسمي البرجف من البكى وبكاي انا زادها زياده..وكمان ساره ووداد كانو ببكو وياسمين وشها بقى احمر واتنفخ من البكاء كانت قاعده بعيد م قادره تقرب من صفاء ولا قادره تعاين في وشها.. انا بعد لحظات رفعت راسي ومسحت دموعي من غير زول ينتبهه علي وزحيت صفاء مني وبقيت اعاين ليها جوا عيونها البقى لونهم زي الدم من البكى مسكت روحي وقلت ليها بصوت مكسور ..

وسام: صفاء..

صفاء رفعت عينها عاينت لي وما قالت شي ولسه دموعها نازله ..قويت نفسي ومسكتها من اكتافها وقلت بهدوء..

وسام: صفاء الله يرضى عليك ما تعملي في نفسك كدا قومي

صفاء نزلت راسها وغطت وشها بي يدها ورجعت تبكي ابدا م ردت علي جيت اتكلم معاها تاني بس هي زحت مني وبقت تلم في شعرها كلو وتختو في كيس وهي بتبكي.. منظرها دا كان مؤلم شديييد وبقيت اساعد فيها واشيل ف الشعر من الارض وكل ما ارفع جزو من سبايب شعرها بعاين ليهم وبرجف وحاسه اطرافي تلجو ختيت الشعر في الكيس وغمضت عيوني وبقيت اتزكر في شعرها...

وسام (صفاء ياخ ارفعي شعرك دا ما مخليني انووم)

ياسمين(طبعا يا وسام صفاء دي الاميره ربونزل حقتنا بس النسخه السودانيه هههه)

وداد(يا الله يا صفاء نفسي بس اسرح ليك شعرك دا مررره)

*#إهتـــــــــزاز《10》*
*#(بنـات~الزنزانة)*
*#بقلم~نفيسة~جلال(عاشــقة~الأســ🖤ــود)*
*★★★ــــــــــــــــــ♡♡♡ـــــــــــــــــــ★★★*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‌‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​

*"سُلافة"*

وداد بي استغراب: سلافه!!..دي منو كمان؟؟
وسام: دي واحده من المشرفات البرا
ياسمين بخلعه قالت لي: معقوله عاوزه مساعده من كلاب الشيطانه شاهيناز ديي؟؟
هزيت راسي وقلت: لالا سلافه ما زي باقي المشرفات
ياسمين: كيف ما زيهم؟...يابت نحن كلنا عارفين انو شاهيناز متحكمه في الجوا والبرا
وسام: صدقيني سلافه ما زي البرا ..لمن كنت في السجن الانفرادي اخر مره هي جات وطلعتني من اليوم التاني وماخلتني يومين وكان تعاملها حنين ولطيف شويه ما زي الباقي ..صدقيني يا ياسمين سلافه ما زيهم ولا تبع شاهيناز واكيد هي حاتساعدنا
ياسمين: وسام انتي قلتي احساس وما دايما احساسنا بكون صح
وسام: بس كمان م دايما احساسنا بكون غلط مش انتي قلتي كدا؟
ياسمين: ماعارفه ياخ انا ما مطمنه

ختيت يدي في كتفها ابتسمت ليها بي إطمئنان وقلت: صح شاهيناز متحكمه  في البرا الجوا.. بس كمان زي مافي ناس ضدها جوا ..كمان في ناس ضدها برا زي المشرفه سلافه
ياسمين اتنهدت وقالت :طيب..طيب يا وسام خلاص عارفاك عنيده وم حا تسمعيمني والبتختي في راسك بتعملي.. بس وريني انتي حاتصلي لسلافه كيف انتي عارفه انو ما بسمحو لينا نطلع من هنا الا لو المشرفه الكبيره طلبتنا
ضحكت وقلت ليها: غلط..ما اذا طلبتنا المشرفه بس كمان ممكن اطلع لسبب تاني
وداد: سبب تاني؟

ابتسمت ليهم وغمزتا لي ياسمين وقلت..
وسام: *"السجن الانفرادي"*

اول ما قلت كدا كلهم طيرو عيونهم بخلعه وياسمين طوالي قالت لي بخوف
ياسمين: وسام انتي مجنونه؟؟؟.. كيف يعني السجن الانفراادي اا انتي عاوزه تمشي الضلام دا تاني؟..لالالالا انا مستحيل اخليك

مسكت يدين ياسمين الكانو برجفو من الخوف وقلت بهدوء: ياسمين.. ياسمين روقي الموضوع ما بخوف و..
ياسمين قاطعتني بغضب: مابخوف؟..كيف يعني ما بخوف دا سجن انفرادي يعني حاتكوني برااك في مكان كلو ضلام ياخي ..انتي اكتر واحده عارفه يعني شنو سجن انفرادي ياخي
وسام: وعشان انا اكتر واحده عارفه يعني شنو سجن انفرادي..بقول ليك ما تخافي انا عارفه نفسي بعمل في شنو وعشان نحن ننتقم ونعمل العاوزنو لازم نخاطر شويه صح؟؟

كلهم ساكتين وخايفين..
صفاء بعد صمت طويل قالت: وسام..انتي ما محتاجه تعملي كل دا عشاني
قلت ليها بكسره: عشانك؟.. انا ما بعمل دا كلو عشانك وبس انا بعمل كدا علشانا نحن كلنا وعلشان شاهيناز بتستاهل ..بتستاهل انها تجرب احساس الذل والاهانه البتحسسو ليكم كل مره..صدقيني يا صفاء الحا اعملو انا ولا شي قدام العملتو شاهيناز بس حاتكون دي حاجه بسيطه تخليها تحس فينا دا لو كان عندها احساس اصلا..وانا عارفه نفسي بعمل في شنو ومتأكده وواثقه من الحا اعملو وعاوزاكم انتو كمان تثقو فيني عشان اكمل

كلهم سكتو مسافه وانا كنت بعاين ليهم وهم بفكرو ومتوترين وخايفين صفاء ختت يدها في كتفي ابتسمت وهزت راسها وقالت..

*#إهتـــــــــزاز*
*#(بنات الزنزانة)*
*#بقلم:نفيسة جلال*
*#عاشـقة الأســ🖤ــود*
*#البارت الثاني عشر*

*"إنتقام"*

وسام:
الساعتين الكنت منتظره فيهم جيت سلافه لي الزنزانه ديل كانو اطول ساعتين في حياتي ..عشت فيهم توتر من انو تخزلني وما تجي وبس كمان كنت بطمن روحي من انو مستحيل تعمل كدا من طريقة كلامها معاي حسيتها صادقه وبجد حا تقيف معانا.. كنت بشوف ياسمين وصفاء مرات بفقدو الأمل وانها ما حاتجي وماف زول حا يشتغل بي الكلام دا وانو شاهيناز حاتطلع منها..حرفيا كانت بتجيني افكار كتيره في الساعتين ديل لدرجة اني بديت افقد الأمل..

-هيي وسام

رفعت راسي لي صاحبة الصوت وكانت دي ساره جات وقفت جمبي وانا كنت واقفه جمب الشباك ابتسمت ليها وقلت ..

وسام: ايوا يا ساره
ساره: بماذا تفكرين؟
اتنهدت وانا بقول: في كل شي..كل شي عاوز تفكير بس الحمد لله
ساره ابتسمت وقالت: لا تخافي كل شئ سيكون بخير وانا واثقه بأن خطتك ستنجح وشاهيناز ستتلقى درسا قاسيا تلك الشمطاء

ضحكت بي صوت في اخر كلمة قالتها وعجبني وصفها اللغوي لي شاهيناز وقلت ليها بين ضحكاتي..

وسام: عارفه انو طريقة كلامك دي بتعجبني شديد ونفسي اتكلم زيك

سكتت ساره شويه وهي بتعاين لي ضحكتي وقالت: وانتي تعجبيني وبشده واطمح ان اكون مثلك في كل شئ
عقدتا حواجبي بي استغراب وقلت ليها: معجبه بي انا؟
هزت راسها وقالت: نعم انتي
قلت ليها: وفي شنو فيني يخليك تعجبي بي
سارة: كل شي يدفعني للإعجاب بك انتي فتاة قويه يا وسام لا تقبلين بالإهانة والذل حتى وإن قله .. وبالرغم من كل ما تمرين به ولكنك لا تفكرين في نفسك.. والدليل على ذالك أذية شاهيناز المتواصله لك ولكنك لم تفعلي لها شي وحينما اذت شخص آخر لم ترضي بالظلم لصفاء ودون تفكير ذهبتي وانتي باحثه عن الانتقام لها ..انتي حقا فتاة قويه وانا اعتبرك قدوه..صدقيني انتي قدوتي وانا معجبه كبيره جدا بك

كانت بتتكلم وبتوصف فيني بكلمات بسيطه شديد قدرت تلامس قلبي بي راحه..كنت مبسوطه وانا بسمع فيها كلامها كان دافع وأمل بعد ما حسيت اني انطفيت ما عارفه بس حسيتها رساله من ربنا عشان توريني اني قويه واني ماشه صح وانو كل شي حا ينجح بس لازم اخلي عندي يقين وحسن ظن بالله.. صح م قدرت ارد عليها بس ابتسمت ليها ابتسامه هي قدرت تفهم منها تأثير كلامها الايجابي علي.. كلمة (انا معجبه بيك دي) طولت شديد ما سمعتها ..او بالاصح ما سمعتها غير مرا واحده.. وحتى القالها لي هو الكان سبب في تدمير حياتي كلها..

سارة: هي وسام بماذا تفكرين

انتبهت ليها وجيت ارد بس قبل افتح خشمي سمعنا صوت عالي برا وصوت العصايات حقات السجانات وهم بضربو في الزنزانات واصوات عاليه برا.. وكل البنات جرو يشوفو في شنو بس انا وقتها عاينت لي صفاء العاينت لي في نفس اللحظه وغمزت ليها وأشرت بعيوني على شاهيناز الكانت واقفه جمب الباب عاوزه تشوف في شنو وانا بقول جواي.. الليله نهايتك نهايتك

جاتني ياسمين وقفت جمبي وهي بتضحك وقالت
ياسمين: سلافه تنتفض
وسام: انتي لسه شفتي حاجه
ياسمين: واي يا وسام م مصدقه انو ابليس حقنا دا حسابو الليله

ومع كلامها دا باب الزنزانه حقنا فتح واول واحده خشت كانت "نفحات" اول ما شفتها ساي بطني طمت هي طوالي عاينت اتجاه شاهيناز والخوف كان واضح في عيونها بس تؤتؤ ما حاتقدر لا تحزر شاهيناز ولا حاتقدر تساعدها لانو وراها طوالي جات سلافه ومعاها المشرفه الكبيره.. وكان واضح الصرامه والحزم في وشها وفي وجودها حضور كل السجانات بتلغي ونفس واحد ما بتسمع ليهم غير كلمة "حاضر" ..سلافه من غير مقدمات رفعت العصايه وضربتها في الباب بقوه وخلت كل القلوب تترعش والناس تركز معاها وهي بتقول بصوت عالي وصارم..

سلافه: كلكم فورا طابور قدامي من غير اي اعتراض

طوالي انا وياسمين مشينا وقفنا وجات وقفت جمبنا صفاء الكانت خايفه بس طمنتها ومسكت يدها وجمبها طوالي جو وداد وساره الواضح انهم مستمتعين بالبحصل زينا انا وياسمين..سلافه عاينت لي عدن وسويدا وشاهيناز اللسه ما جو وقفو وكانو مترددين سلافه ادتهم عين حاره وهي بتقول..

سلافه: انتو طرش ما بتسمعو؟؟ قلت اقيفو سريع يلااا

وفعلا جو وقفو وشاهيناز واضح انها ما كانت فاهمه حاجه بس نظرات نفحات ليها ورتها انو الجاي كلو شر..كنت بعاين ليها بشماته قطع نظراتي صوت المشرفه الكبيره وهي بتقول بنبرة أمر للسجانات

-كل الأغراض والزوايا الفي الزنزانه دي تتفتش ركن ركن ومكان مكان فورا

وفعلا بدو ينفذو كلامها ونفحات كانت ماشه مكان شاهيناز عشان تلحق تغطي عليها بس سلافه ما خلتها ومشت هي زاوية ناس شاهيناز وبقت تفتش تفتيش دقيق وما خلت مكان ما فتشتو.. انا واثقه انو التلفون قاعد بس برضو كنت خايفه ومتوتره من انو ما يتلقى ..سلافه كانت بتفتش ربع ساعه كامله في حاجات ناس شاهيناز بس من غير فايده وكانت بتعاين لي عين ملانه خيبه وانا كمان بديت اخاف.. نفحات لقتها فرصه وقالت

*#إهتـــــــــزاز*
*#(بنـات الزنزانة)*
*#بقلم:نفيسة جلال*
*#عاشــقة الأســ🖤ــود*
*#البارت الثالث عشر*

*"هدوء"*

اول ما شفت شاهيناز اتخلعت الصراحه لانو ابدا ما اتوقعت انو يخلوها بالسهوله دي اتخيلت انو على الاقل هي حا تتعاقب اسبوع برا الزنزانه دي بس ما حصل كدا وطوالي جات من تاني يوم.. هي اول م خشت عاينت في كل الزنزانه وكأنها بتفتش في حاجه واول ما عينها وقعت علي بقت تعاين لي شديد وكأنها كانت بتفتش علي.. هي صح ما قالت شي بس نظراتها واضح فيهم انو الحصل امس ابدا ما حا يمر على خير.. افتكرت انها حا تجي علي وأقل شي تلطشني كفوف وتسمعني فارغ بس خالص ما عملت كدا كل العملتو انها مشت سريرها وعدن وسويدا اول ما شافوها صرخو وضموها وهي من الضرب الامس جسمها كلو واجعها ما كانت قادره ترد سلامهم حتى كل العملتو انها رقدت في السرير اتلفتت على الحيطه ومن غير تقول ولا اي كلمه...قعدت اعاين ليها كدا لحد ما قطع نظراتي ياسمين الجات قعدت جمبي وهي بتعاين لي شاهيناز زي وبتقول..

ياسمين: شفتي الانا شفتو؟
وسام: جات هادئه شديد
ياسمين ضحكت وقالت: دا هدوء ما قبل العاصفه
عاينت ليها وقلت: عاصفة شنو يا بت دي شكلها اتأدبت

قبل ياسمين ترد لي صفاء نزلت راسها من سريرها وشكلها هي كمان عاينت لي شاهيناز وقالت لي..

صفاء: شاهيناز دي ماف ألم بربيها يا وسام الألم بزيدها شر وبس
وسام: انتو ليه ما بتتفاءلو خير كدا نهائي
ياسمين: نحن م عاوزين نطمنك بالكذب ..بس اسي دا ما موضوعنا والسؤال الحقيقي دي طلعت سريع كدا كيف؟
صفاء ابتسمت بسخريه وقالت: انتي نسيتي انو عندها شواطين برا اكيد نفحات ساعدتها..انا اصلا اتوقعت من امس تطلع
وسام: يعني كدا خلاص انتقامنا منها خلص؟
ياسمين: وانتي عاوزه شنو تاني اكتر من الحصل ليها امس
اتنهدت وانا بقول: عاوزه يحصل كتير البت دي لسه ما اتأدبت وابدا ما اتوقعت تطلع سريع كدا لسه قلبي ما برد عليها
صفاء ختت يدها في كتفي وقالت: انسي يا وسام خلاص واكتفي بالحصل ليها نحن اكتر من كدا ما بنقدر نأذيها لانها قادره..وصح الضرب الاضربتو امس دا ولا حاجه قدام العذبتني ليهو بس شوفتها مذلوله ومهزومه قدامي براهو كان انتصار لي
ابتسمت ليها وقلت: ما بحب استسلم بس اذا دا رايك انا تاني م حا اسألها عشانك..لكن؟!!! لو هبشتني يبقى هبشت الموت بي يدها لاني ما حا اسكت ليها

قلت كدا والاتنين ضحكو وياسمين قالت: انتي مستحيل تتغيري وتتربي الا توريك وشها التاني
وسام: هي عندها وش بعد وش الفقر دا كلو؟ ؟.
صفاء: انتي يا وسام مشكلتك بس انك ما بتعرفي شاهيناز دي كويس ودي الحاجه المخوفانا عليك
وسام: لو انا ما بعرفها كويس فهي كمان ما بتعرفني.. انا برضى كل شي الا الحقاره والظلم بتحول عديل وببقى اسوء خلق الله
ياسمين اتأفأفت وقالت: يوووه خلاص غيرو سيرة الشيطانه دي ما ممكن معاكم
صفاء: ما هو ماف شي هنا عامل لينا موضوع غيرها
وسام: لالا انا بالجد مليت لمن اعوذو بالله بديت اشتاق للسجن الإنفرادي
ياسمين: اجي يا البتشتاقي للسجن الإنفرادي؟؟؟
صفاء ضحكت وقالت لي: يا بت اصحي داك سجن ما موعد غرامي

ابتسمت على كلام صفاء ..وهو فعلا سجن بس ما عارفه حاسه بالشوق لي اني امشي السجن الإنفرادي عشان بحب اقعد براي وابكي..اقعد براي وابكي؟ ؟ انا بكذب على مييين؟؟ انا اشتقت للسجن عشان آصف!!!!..لالالالالا آصف شنو كمان يمكن انا بس بشتاق للمكان داك عشان اكمل ليهو قصتي وبس ...بالظبط انا مشتاقه للسجن عشان القصه وبس وماف شي تاني

ياسمين:هي وسام سرحتي وين انتي يا بت
وسام: ها معاكم انا
ياسمين: معانا وين انتي سرحتي بعيد شكلك

صفاء نزلت راسها اكتر من فوق جابت وشها قصاد وشي عاينت جوا عيوني وضحكت واتلفتت على ياسمين وقالت

صفاء: نسبه لخبرتي يا ياسمين البت دي واقعه هههه

قالت كدا وياسمين قعدت تضحك معاها عاينت ليها بي استغراب وقلت..

وسام: واقعه كيف يعني ما فهمت
صفاء وهي بتضحك: بجد ما فهمتي؟؟.

هزيت ليها راسي بمعنى لا وهي قعدت تضحك وياسمين معاها عاينت لي ياسمين وهي وقفت ضحك وقالت لي..

ياسمين: ما تشتغلي بيها صفاء دي متخلفه ساي..واقعه يعني قصدها بتحبي وكدا
قمت فوق وقلت ليهم بخلعه: شنووووو بحب؟؟؟اناا؟؟؟
صفاء: اي مالو الحب حرام؟؟

بقيت اتمتم وانا بقول لي نفسي معقوله الموضوع طلع حب؟؟ بس كيف كدا وانا متين اصلا لمن لحقت احبو ووو...قاطعتني ياسمين وهي بتجرني من يدي وبتقعدني جمبها وبتقول

ياسمين: يا بت قولي بسم الله صفاء كانت بتهظر ساي حب شنو انتي غبيه..وبعدين عليك الله تحبي منو في السجن دا؟؟
وسام بتوتر: ما هو انا دا الحيرني حب شنو في السجن دا واحب منو زاتو قال وقعت قال

قلت كدا وحمرت لي صفاء الإبدا ما وقفت ضحك وبين ضحكاتها قالت لي عباره انا لحد ما اموت م حا انساها...

صفاء: ماف زول يا وسام عارف وين ممكن يحب وكيف ممكن يحب ومنو حا يحب..النصيب دا وين ما كنتي بصيب بصيب

________

*#إهتـــــــــزاز*
*#(بنـات الزنزانة)*
*#بقلم نفيسة جلال*
*#عاشــقة الأســ🖤ــود*
*#البارت الرابع عشر*


*"الماضـــــي"*

ما عارفه يومها انا نمت كم من الزمن..بس لمن صحيت الوقت كان متأخر معقوله انا نمت كل دا؟.. اتلفت وشفتا ملاذ راقده في السرير التاني وكان ما طالع منها اي صوت بس من *#إهتزاز..* جسمها انا عرفت انها بتبكي قمت من السرير ومشيت قعدت جمبها ختيت يدي في كتفها وقلت ليها بصوت واطي..

وسام: مم..ملاذ انتي كويسه؟

ومع كلمتي دي هي اتنفضت من السرير وضمتني شديييد وبقت تبكي.. كانت بتبكي وكل جسمها برجف من البكى البكتو ما كنت عارفه اعمل شنو بس شوفتها كدا خلتني انا كمان ابكي معاها..انا م كنت عارفه الحصل شنو بعد م هم نزلو تحت وانا نمت وقبل أسألها هي بدت تحكي لي بين دموعها..

ملاذ: و..وسام وسام ابوي خلاص قرر مصيري يا وسام..ابوي عاوز يعرسني لي ولد صحبو قبل يعرف رأيي حتى..هو قال ليهم انا حا اسأل بتي من رأيها بس هو م جا وما سألني من اي شي يا وسام ..بالعكس جراني غصب عني وطلعني للعريس وقال لي ما لازم اعمل اي حاجه تطفش العريس وبالغصب طلعت وشفتو وهو وافق وبي موافقتو دي كل شي انتهى وحتى قراري وصوتي ما كان ليهم مكان بعد كلمة ابوي الجاوب عني كلام انا ما قلتو..وقال ليهم موافقه

خلصت كلامها وبقت تبكي وهي ماسكه فيني بكل قوتها..انا عارفه انو العمل كدا دا ابوي وكل العملو لي مصلحتنا بس وقتها بجد انا حسيت بالظلم وانو وجودنا وعدمو هنا واحد لدرجة انو ابسط حقوقنا ما بحق لينا نتكلم ونقول فيها راينا داخل البيت دا..صح العالم بطور والمفاهيم بتطور بس لسه في ناس كانو ضحيه لي تربية أجدادنا زمان انو المرا ما عندها اي دور غير خدمة الراجل وما عندها اي صوت غير كلمة حاضر..وابوي كان هو ضحيه للتربيه دي واسي هو بمارسها فينا وقاعد يزرع افكارو دي في راس اخوي اسعد كمان..

ملاذ زحت مني وهي لسه بتبكي

وقالت لي: وسام انا اعمل شنو يا وسام وريني..انتي عارفه اني ما بقدر اعرسو انتي عارفه انو انا بحب رضوان وما عاوزه غيرو انا ما بقدر اعرسو يا وسام انا قلبي مع واحد تاني كيف يعني اعرس واحد ما بعرفو ولا حصل شفتو كمان غير اليوم بسبب قرار اتخذو ابوي..(ملاذ بقت تزيد في البكى وترجف حاولت تهدي نفسها شويه وقالت) انا انا بجد م بقدر يا وسام انا ورضوان بانين كل شي سوا احلامنا ومستقبلنا وكل حاجه يا وسام كيف ابوي يجي ينهي كل دا في يوم وليله كييف كيييف انا ما قادره اصدق ما قادره والله...انا ما بقدر اتخيل اني مع زول غير رضوان يا وسام ما بقدر

ورجعت تاني لمنوال البكى..وحرفيا كملت الليل داك كلو وهي بتبكي وانا قدر ما حاولت أهديها ابدا ما قدرت وما كنت عارفه اصلا في اللحظه دي اقول ليها شنو لاني عارفه مهما اتكلمت في اللحظه دي بالذات ماف كلام بهديها وبخش راسها ابدا..بعد مسافه حتى سكتت ونامت بس في البدايه كانت بتهلوس بي اسم رضوان وكنت خايفه زول يجي خاش ويسمعنا بس تاني غرقت في النوم وسكتت وامي جات نص الليل تفقدها ولقتني معاها ..ما سألتني منها لانو حالة ملاذ وهي راقده كانت كافيه عشان توريها كمية البكى البكتو رقدت جمبها بس في السرير ومسحت على رأسها وكانت بس بتقول ..

سوزان: والله يا بتي انا ما بيدي شي اعفي لي يا ملاذ اعفي لي..

وبقت تردد بس في الجمله دي وهي بتبكي على حالة ملاذ لحد ما نامت جمبها...

ويمكن دا من اكتر المواقف الأثبتت لي قدر شنو امي دي حنينه بالرغم من انها متزوجه راجل زي ابوي بس فيها حنيه وخوف كبير..ولكن!! للأسف كل الحنيه دي كانت لملاذ وبس....!!

كنت راقده بعاين ليهم مسافه وهم نايمين لحد ما النوم غلبني انا كمان ونمت..

صحيت تاني يوم بصوت أصوات عاليه وكأنو في نقاش في البيت قمت مخلوعه في نفس اللحظه القامت فيها ملاذ عاينت لي بخوف وانا كمان كنت خايفه عاينت جمبها ما لقيت امي وقبل أسألها سمعت صوتها تحت وهي بتجوط..نزلت سريع ووراي كانت ملاذ اثناء م نحن نازلين في السلم شفت امي الما حصل مرا وقفت قدام ابوي وقالت ليهو لا!.. اليوم كانت واقفه في وشو وبتجوط وبتتتاقش معاهو كمان...؟؟؟؟؟

سوزان: البتعملو في البت دي ربنا حا يسألك منو يا عبدالرحيم لانو انت عارفها انها ما رضيانه لا بالعرس ولا بالعريس وانت حاجه زي دي ما بتقدر تغصبها عليها طالما هي ما عاوزه

عبدالرحيم ضرب عصايتو في الارض وقال بصوت مليان غضب: اولا اتكلمي معاي بحترام يا سوزان انا احترمت انك جايه تقولي رايك في عرس بتك لكن انك تفرضي كلمه في البيت دا فدي حاجه مستحيله طول ما انا عايش...عاوزه تتصرفي في مصير بناتك وتقرري اذا تنتظريني لمن اموت لكن طالما انا عايش هنا ماف زول حا ياخد قرار دا في البيت دا غيري سواء كان القرا دا عنك او عن بناتك وانتي وبناتك غصب عنكم ترضو بي كلامي لانو كلمتي انا هي الحاتمش في البيت دا من غير اي اعتراض..

*#إهتـــــــــزاز《17》*
*#(بنـات~الزنزانة)*
*#بقلم~نفيسة~جلال(عاشــقة~الأســ🖤ــود)*
*★★★ــــــــــــــــــ♡♡♡ـــــــــــــــــــ★★★*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‌‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​

*"الصدمة..!!"*

-انا لله وانا اليه راجعون البت دي ماتت يجماعه

ماتت؟!..الكلمه دي كانت بتتردد في أضاني في لحظه بس البنات بقو يصرخو وساره ووداد جارين على صفاء والمشرفات ماسكين ياسمين الحرفيا جاها انهيار من المشهد القدامها.. ورغم دا كلو انا حسيت اني اتجمدت في مكاني م قادره اتحرك ولا خطوه وكأنو اتشليت رجولي تقيله حاسه انو القدامي دا كابوس انا متأكده انو انا هسي حا اغمض وافتح عيوني القى صفاء قاعده في الكرسي منتظرانا وهي كويسه دا الكان نفسي يحصل بس الواقع كان مختلف تماما!!.. ما كنت سامعه ولا صوت بالرغم من كل الصريخ دا..بس واقفه وبعاين ليها وهي بتتشنج بطريقه مرعبه لحد م حركة جسمها وقفت عن الحركه وجات مشرفة غطت عيونها وانا لسه كلمه واحده بس بتتردد في اضاني..
ماتت..
ماتت..
ومنو؟؟ صفــــــــــــاء؟
صفاء ماتت؟

لاااااااااااااااااااااااا

دي الكلمه الطلعت مني وانا بستوعب في الحصل صرختا ومع صرختي قعدت في الأرض على رجولي قدام صفاء او الأصح قدام جثتها..!!! بقيت بشد في شعري وبهز راسي بهستريا وبقول ..

وسام: لالالالالالالالالالا..مستحييييل صفاء صفاء قوميييي صفاء قومي يا صفاء ما تعملي كدا م تعملي فينا كدا الله يرضى عليك قوميييي قومي صفااااااااء

مديت يدي وبقيت اهز فيه وانا بصرخ بس من غير فائده وحالتي كانت عكس ياسمين الواقعه جمبي وهس ساكته وبتعاين من غير ترمش وكأنها دخلت في صدمه!!.. كنت بصرخ عشان صفاء تقوم بس صفاء م قامت صفاء ما كانت سامعانا لانها خلاص بقت م هنا بقت ما معانا.. هي مشت وو..ونحن خسرناها؟؟؟

مع الكلمات دي لقيت دموعي بتنزل بغزاره وببكي من غير ما أهتم..كانت دي اول مرا من يوم الحصل انا ابكي قدام بشر والان انا ببكي قدام كل الناس ديل..بس السبب كان شنو ومنو؟؟..دي دي صفاء صفاء الماتت يجماعه صفااااء

-هيي انتو زحو منها خلينا نرفعها

من غير اتلفت واشوفها قدرت اميز صوتها وكانت دي نفحات!!!.. ما عارفه ليه بس اول م سمعت صوتها حسيت الدم بغلي في عروقي وفي اللحظه ديك بس كان نفسي اتلفت واقتلها بي يدي دييي..

نفحات: انا مش بتكلم معاكم؟؟ قومي من هنا خلو الدراما دي

دراما؟؟..هه وحا تتوقعي شنو من انسانه زيها مخلوقه من غير قلب؟؟..اتلفت عليها وم كان نفسي اشوفها بس جاني فضول اشوف ملامحها وهي بتتكلم بالبرود والقساوه دي وفي بني آدم ميت قدامها؟؟...

نفحات عاينت لي وانا بعاين ليها قربت مني وقالت: احسن ليك تكسري عينك دي عشا ما اشيلها ليك من محلها ويلا قومو من هنا

حرفيا م قدرت اقول ليها حاجه.. بعدين اصلا اقول ليها شنو؟؟ بعد هي خلصت كلامها جو مشرفتين رفعونا انا وياسمين وبقيت اقاوم فيهم وامسك في صفاء وانا بصرخ بصوت عالي..

وسام: فكوهااا عاوزين تودوها ويييين فكوها انا قلت ليكم فكوهاااا

جات نفحات دفرتني في الارض وجات علي وقالت لي..
نفحات: انا حا احترم انك زعلانه على صحبتك ولا صدقيني في موقف زي دا كان اتصرفت معاك تصرف تاني.. واسي احسن ليك تتقي شري وخليهم يشوفو شغلهم

قالت كدا وجات تمشي انا سريع قمت ومشيت مسكت في صفاء وياسمين جات مسكتها بالجهه التانيه..