#الحب_الحقيقي2:
بقلم : تهاني محي الدين

في الجامعة كانو الطلبة كتار و كلهم متحمسين لاول سنة ليهم 😍 و معاهم اهلهم ، نجمة جات داخلة الجامعة معاها امها و فرحانة بانو حتلقى صحبات كتاار و قالت ل امها اقعدي ارتاحي هنا و انا حامشي اشوف اللستة و مكتب تسجلينا وين و مشت على اللستة و لقت اسمها و اثناء ما هي واقفة في اللستة
جاء يوسف داخل الجامعة و اتجه على مكتب المسجل و شاف اللستة و سال الجنبو و كانت نجمة 😍

يوسف : لو سمحتي مكتب تسجيل ناس ادارة وين ؟
نجمة : عاينت لمصدر الصوت و لقت زول اكبر منهم في العمر و قالت في نفسها ما اظن يكون دفعتنا ، يمكن عايز يسجل لزول و قالت ليهو انا ما عارفة ، كمان عايزة اسجل انا

يوسف : طيب انا بسال و بوريك معاي

نجمة : كويس و سالتو وين الزول العايز تسجل ليهو ؟

يوسف اتحرج : انا عايز اسجل لنفسي

نجمة حست انها احرجتو و قالت في نفسها امسكي لسانك السليط دا عليك و قالت ليهو : طيب

و في واحد جاء ماري و يوسف وقفو و سالو من مكتب المسجل و وصف ليهم و طوالي يوسف اتجه على المكتب و خلا نجمة واقفة و نجمة مشت لي امها

نجمة : يلا يا امي نمشي المكتب

ام نجمة : عرفتي مكانو

نجمة : اي عرفتو ، لقيت واحد دفعتنا سال زول وصفو ليهو

ام نجمة : من هسي اتعرفتي على ناس دفعتكم ههههههه

نجمة : 😂 ما عرفتو هههههه بس هو سألني من المكتب و قلت ليهو ما عارفة و قام سال زول و كدة عرفت المكتب

ام نجمة : ايوااا

نجمة : لكن يا امي هو كبير ،ما اظن يكون قدرنا في العمر لكن هو دفعتنا قال ، مفروض يكون اخر سنة بي شكلو دا

ام نجمة : ما معروف و الناس ظروف ، يلا نمشي المكتب قبل الناس يجو و تبقى زحمة

و نجمة ساقتها على مكتب المسجل

لقت يوسف في المكتب و كان وصل قبلهم و منتظر دورو

نجمة لي امها
نجمة : دا الولد القلتو ليك
ام نجمة : شكلو اكبر منكم صاح ، ما معروف تاخيرو لشنو ، ما علينا بيهو

يوسف جاء دورو و دخل للمسجل و شال معاهو شهادة وفاة والدو و خفضو ليهو جزء من الرسوم و طلب انو يقصدو ليهو القروش ، انو يدفع جزء و الباقي السمستر الجاي ، اللجنة وافقت على طلبو و شكرهم و مشى الخزنة دفع القروش و شال الايصال

كمان نجمة دخلت و سجلت و مشت الخزنة دفعت قروشها و قالو ليهم انو الدارسة بعد شهر ان شاء الله

يوسف و نجمة اي زول فيهم مشى على بيتو

يوسف رجع البيت خت اوراقو و رجع للشغل تاني لانو وعد عم حسن انو يرجع بعد يخلص من التسجييل و بقى يحاول في الشهر دا يخلي حاجة على جنب من مرتبو عشان يوفر للجامعة كمان

و مر الشهر بسرعة و الجامعة فتحت و يوسف و نجمة مشو الجامعة عشان يشوفو جدولهم

يتبع

#الحب_الحقيقي3 :
بقلم : تهاني محي الدين

نجمة مشت الجامعة لابسة عبايتها الجديدة و الشنطة الجديدة و الطرحة ، لقت الجامعة اغلبها ناس مطقمين و ظاهر انهم برالمة زيها ، مشت القسم حقهم ، لقت الجدول لسه ما نزلوهو و قعدت انتظرت ، من بعيد لقت بنت واقفة و مشت اتعرفت عليها ، البنت اسمها هيام

نجمة : السلام عليكم
هيام : و عليكم السلام
نجمة : انا نجمة بقرا ادارة في اولى
هيام : اتشرفنا انا هيام ، برضو في اولى ادارة
نجمة : اتشرفنا يا هيام ☺
هيام : تسلمي☺ ، الجدول لسه ما طلع تعالي نقعد في البنش داك لحدي ينزلوهو
نجمة : طيب و مشو قعدو في البنش

في الاثناء دي جاء يوسف للقسم بتاع الادارة للجدول ، لمحتو نجمة و قالت في نفسها الشكل دا ما غريب علي ، يا ربي شفتو وين و حاولت تتذكر انها شافتو وين

يوسف كمان شافها و اتذكر نجمة لانو المرة الفاتت هي الزولة الوحيدة اللقاها من دفعتو و هو بطبعو زول جادي و خجول ، كان متردد يمشي يسالها من الجدول و لا لا

نجمة قالت لي هيام

نجمة : الزول دا انا بعرفو
هيام : زول منو
نجمة : الواقف جنب مكتب مدير القسم داك
هيام : قريبك هو !؟
نجمة : دايرة الصراحة شكلو ما غريب علي و ما عارفة شفتو وين 😂😂😂😂😂 يمكن يكون قريبي و انا ما عارفة عادي 😂
هيام : 😂 ما جادة لقيتك
نجمة : بحاول اتذكر لاني متاكدة اني شفتو قبل كدة

نجمة حاولت ترجع ذاكرتها و قدر ما حاولت ما اتذكرت

يوسف استجمع قواهو و مشى سلم عليها

يوسف: السلام عليكم
نجمة : عليكم السلام
يوسف : انتي مش البنت اللاقيتها يوم التسجيل
نجمة في اللحظة دي اتذكرت و قالت ليه : ايوااااا يادوب اتذكرتك طبعا ، من قبيل مشبهة عليك 😂
يوسف : عايز اسالك من الجدول
نجمة : لسه ما طلع و نحن منتظرين
يوسف : معليش عايز اطلب منك طلب و بتمنى ما تفهميني غلط
نجمة : اتفضل
يوسف : عايز رقم تلفونك لاني والله شغال و ما بقدر انتظر الجدول ، بعدين بتصل عليك توريني محاضرات بكرة شنو

نجمة اترددت لكن تاني قالت ليهو : ما مشكلة و دا رقمي

و ادتو الرقم و يوسف سجلو و سالها من اسمها وورتو ليهو و استاذن منهم و مشى محل شغلو

وصل المحل و قابل عم حسن و قال ليهو : سلامات عم حسن
عم حسن : و عليكم السلام ولدي
يوسف : بتمنى تعذرني لانو في ايام حاغيب فيها عن الشغل بسبب الجامعة لكن اوعدك اني يوم العطل حاشتغل فيها عشان اعوضها
عم حسن : ما مشكلة يا ولدي ، انا عارف ظروفك ووضعك شنو ، عشان كدة ما تشيل هم
يوسف : تسلم كتيير ، و الله ما عارف اقول ليك اقول ليك شنو ، دايما بتخجلني بي كرم اصلك يا عم حسن
عم حسن : العفو و بي ضحكة خلاص ادخل شووف شغلك حنقضيها كلام و لا شنو 😂 ، في بضاعة ناقصة عايزك تمشي تجيبها
يوسف : طيب حاضر

يوسف كمل دوامو و بعد وصل البيت و اتعشى اتذكر نجمة ، لقى الساعة 9 و قال يتصل عشان يشوف بكرة عندو محاضرات و لا لا

و اتصل على نجمة

يتبع

#الحب_الحقيقي4 :
بقلم : تهاني محي الدين

نجمة كانت في البيت و عايزة تنوم خلاص ، تلفونها رن ، لقت الرقم غريب و ردت

نجمة : الو
يوسف : السلام عليكم
نجمة : و عليكم السلام
يوسف : معاك يوسف زميلك القبيل شلت رقمك

نجمة : ايواا
يوسف : الجدول طلع؟
نجمة : ايوا طلع ، دقيقة اشوفو ليك
يوسف : تمام

نجمة طلعت الجدول من شنطتها

نجمة : بكرة عندنا اربعة محاضرات من 8 لي 4
يوسف :اربعة محاضرات كاملة
نجمة : ايوا والله
يوسف : طيب تسلمي يا ستي
نجمة : الله يسلمك
و قفلو الخط

نجمة سجلت رقمو في تلفونها بالرجل الغامض 😂 لانو ما حصل شافتو بضحك

جاء الصباح و نجمة قامت من بدري من اذان الصبح و صلت و عملت الشاي ليها و لي ناس بيتهم ، طلعت بدري عشان تلقى مواصلات للجامعة و ما تتاخر على المحاضرة

في الجانب الاخر يوسف قام من النوم و اتصل على عم حسن انو ما حيقدر يجي اليوم لكن حيمسك دوام المساء الليلة

يوسف في المحل كان ماسك دوامين في الشغل دوام الصباح و المساء و كان شغال طول الاسبوع ما عدا الجمعة و اتفق مع عم حسن انو دوام الصباح بسبب الجامعة ما حيقدر يجيهو طوالي لانو مرات بكون شغال في الجامعة و حيعوضو يوم الجمعة بشغل دواميين ان شاء الله

شرب الشاي و ودع امو و مشى على الجامعة

و نجمة جات جنب القاعة و سلمت على هيام و وقفت معاها لحدي يفتحوها و كمان بعدها بي ربع ساعة يوسف وصل و شاف نجمة من بعيد و سلم عليها من بعيد و هي هزت راسها و رفعت ليه يدها كمان

و فتحتو القاعة و دخلو ، حضرو المحاضرة الاولى و طلعو للفطور ،، يوسف اتعرف على شاب كان قاعد جنبو اسمو احمد و الاتنين طلعو فطرو برا بووش و نجمة و هيام مشو الكفتريا اشترو فطورهم و مشو اكلو في الاستراحة
و انتهى اليوم على كدة و يوسف شال الجدول و بقى مرة يمشي يحضر المحاضرات و مرات لا لانو بكون مضغوط في الشغل

و مرت الايام

كان عندهم امتحاناات اعمال سنة و يوسف عايز يقرا لكن المواد عندو ما كاملة و اتصل على احمد

يوسف : سلامات يا ابو حميد
احمد : اهليين يا جو
يوسف : الشيتات ما طلعت ، حنمتحن كيف و انت ما ملخص مع الاستاذ
احمد : اكتب شنوو ياااخ ، الاستاذ دا بتكلم بسرعة و انا بكون قاعد ورا مرات ما بشوف السبورة و مرات بسرح و معتمد زيك على الشيتات

يوسف : والله انا كنت بكتب معاهو لكن الايام الكنت بغييب فيها ما كاتبها لاني ما حضرتها

احمد : كدي لحدي بكرة بنتصرف
يوسف : طييب سلام

يوسف اتذكر نجمة و اتصل يسالها

طبعا نجمة كانت بتكتب مع الاستاذ اول بي اول و زولة مجتهدة هي و صحبتها هيام ، هي قاعدة في غرفتها بتذاكر ، تلفونها ضرب لقتو الرجل الغامض

نجمة : الو
يوسف : سلامات نجمة
نجمة : اهلين الرجل الغامض
يوسف بضحكة : ههههههه الرجل الغامض عديل
نجمة : بتضحك كمان و اهو طلعت زينا يعني بتضحك ههههههه و انا كنت قايلاك ما بتضحك نهائي 😂
يوسف : اكييد بضحك هههههه ، معليش على اتصالي لكن عايز اسالك لو كاتبة الادارة عشان امتحان اعمال السنة

نجمة : العفو و لو ، اي كاتباها كلها ، طيب بكرة بجيبها ليك تصورها ان شاء الله

يوسف : تسلمي يا ستي

تاني يوم الصباح يوسف جاء الجامعة و لقى نجمة و مشى ليها ، هي لمن شافتو ضحكت ليهو و هو اول مرة يلاحظ لضحكتها الحلوة
و هو لمن شافها تضحك حسى بي حاجة في قلبو و نجمة ابتسامتها سمحة و عفوية و فيها براءة اطفال

يوسف : سلام نجمة
نجمة : و عليكم السلام يوسف
جبت ليك الدفتر معاي
يوسف : تشكري جدا ، شالو منها و مشى صورو

نجمة كانت شايفة يوسف زول غامض جدا لانو بطلع طوالي و ما بقعد في الجامعة و زول عملي جدا و دي اكتر حاجة عجبتها فيهو انو مختلف من الشباب الفي دفعتها

يوسف جا رجع ليها الدفتر و شكرها و ابتسم ليها ، قال ليها عشان ما تقولي لي الرجل الغامض تاني و هو قال كدة عشان عارفها حتضحك و فعلا ضحكت و في اللحظة ديك قلبو رفرف 💗💕 و الشمس خدرت 🙈🙈🙈🙈😍😍

يتبع

#الحب_الحقيقي5 :
بقلم : تهاني محي الدين

يوسف رجع على محل شغلو و كان بقرا طول المواصلات و في المحل لما كان مافي زبائن قعد يقرا و لما زهج من القراية اتذكر ضحكة نجمة و ابتسامتها 😍😍 و ابتسم ☺☺ و رجع يقرا و دي كانت اول مرة يحس بشعور زي دا و هو ما عارف شعورو دا شنو ، المهم انو بكون مبسوووط لمن يتذكرها 😍

و قام طوالي غير حالتو في الواتس لمن اتذكر ضحكة نجمة من بعيد و كتب فيها

نتلاقى تضحكي من بعييد
في الكتمة ضحكك همبريب ❤

و جاتو التشغليات من اصحابو انو شنو الحالة دي و مالك يا زول و انت ما براك و هو طنش و ما ببرر لزول

نجمة كانت بتتصفح الواتس شافت الرجل الغامض و قالت كدي تشوف حالتو و لقت حالتو و صورتو الشخصية خاتيها و شافت الصورة و حفظتها في تلفونها 😍، هي ما عارفة لشنو حفظت الصورة بس كانت نفسها تكون في تلفونها ❤ ،، هو كان جادي في الصورة و ما ضاحك و قالت في نفسها بالجد دا رجل غامض 😂 ،، شافت الحالة و عجبتها و جاها احساس انو ليها الحالة دي 🙈

و مرت اعمال نص السمستر بامتحاناتها و يوسف شال دفاتر نجمة و صورها كلها و قرا منها ،، نجمة كانت بتحب تتعامل معاهو لانو ما زي الاولاد و زول مختلف و جادي و كانت بتخاف منو حبة و خاتة انو زول صعب لانو حتى صورتو الخاتيها في الواتس ما ضاحك فيها

و يوسف كمان كان بعمل اي حجة بس عشان يتكلم مع نجمة 😍 ، مرة يطلب دفتر و مرة يسالها من محاضرة لكن من فترة لفترة

يوسف في يوم رجع البيت بعد الشغل و امو جاتو

ام يوسف : حمد لله على السلامة يا ولدي
يوسف : الله يسلمك يا امي
ام يوسف : كيف شغلك و جامعتك
يوسف : الحمد لله
ام يوسف : و الله يا يوسف لازم بعد دا تعرس ، نفسي اشوفك عريس و اشوف اولادك قبل اموت
يوسف : بعد الشر عليك يا امي ، الله يديك طولت العمر و انا ان شاء الله بعرس بس بعد القى العروس
ام يوسف : انا بخلي ليك الاختيار لانو دي حياتك لكن بس اختارها تكون هدية و رضية
يوسف جات في بالو نجمة 💖 و بقى يبتسم ☺وقال لي امو : ان شاء الله

يوسف قال يرسل لي نجمة و يتكلم معاها عشان يعرفها و يعرف فهمها و قام رسل ليها في الواتساب و لقاها متصلة

يوسف : السلام عليكم

نجمة كانت بتدردش مع هيام ، شافت رسالة يوسف و قالت في نفسها الرجل الغامض بذات نفسو مرسل لي ، قالت لي هيام يلا اقطعي وشك سلام جاتني حاجة مهمة و حبت تتفرغ بس عشان تدردش مع يوسف لانو نفسها تكتشف شخصيتو
و ردت ليهو
نجمة :: و عليكم السلام
يوسف : كيفك و كيف ناس بيتكم
نجمة : كويسين الحمد لله و انت كيفك و كيف ناس بيتكم
يوسف : الحمد لله بخيير ، مبروك مرورك في اعمال السنة لاني شفت اللستة امس
نجمة : الله يبارك فيك و مبرووك ليك كمان
يوسف : تسلمي
نجمة : الله يسلمك من كل شر

و فضلو ساكتين و يوسف ما عارف يرسل ليها و يقول شنو
و رسل ليها
يوسف : ساكنة وين انتي على فكرة
نجمة : ساكنة بحري و انت
يوسف : ساكن جبل اولياء
نجمة : ايييك بعيييدة والله ، كل يوم بتجي المسافة دي
يوسف : اي والله ، لكن بطلع بدري
نجمة : ربنا يعينك ، انت قلت لي انك شغال ، شغال وين انت!؟
يوسف : شغال في سوق الجبل هناك في محل اسبيرات كبيير
نجمة : ربنا يساعدك ان شاء الله ، عايزة اسالك لكن ما تعتبرني بطفل في حياتك 😁
يوسف : لا لا العفو ، اتفضلي اسالي
نجمة : انت لييه يادوب عايز تقرا لانو شكلك اكبر مننا
يوسف : ههههه اي ابوووكم في الدفعة .. يا ستي انا ابوي متوفي و اضطريت اخلي القراية فترة عشان اقري اخواتي الاكبر و الاصغر مني و ازوجهم و الحمد لله كلهم اتزوجو و فضل واحدة لسه في الثانوي و معاي امي الله يديها العافية
نجمة : ما شاء الله و الله ، بالجد المسؤليه صعبة و انت العملتو ما ساهل و ربنا يخلي ليك الوالدة
يوسف : تسلمي والله و ربنا يخلي ليك اهلك كمان
نجمة : اميين

نجمة امها نادتها و استاذنت من يوسف و طلعت من الدردشة ، لكن كانت مبسوطة بعد عرفت انو كمان مسؤوول و حست بي حاجة في قلبها حست بفرحة 😍 و مشت لي امها

نجمة : ايوا يا امي
ام نجمة : عرس اماني بت خالتك قرب و ضربو لينا هسي و مفروض نسافر ليهم لما العرس يقرب
نجمة : بالجد 😍😍😍 طيب متين العرس
ام نجمة : كويس انو العرس بعد شهر و بتكوني انتي انتهيتي من امتحانتك
نجمة : اي والله و كمان العرس في الدويم ،، حاتبسط جدا لاني طولت من البلد 😍😍😍😍
ام نجمة : عقبال افرح بيك انتي كمان يا نجمة 😍
نجمة : هههههه عايزة تخلصي مني 😁
ام نجمة : دا يووم المنى لي اي ام ، انا اصلا ما حاعرسك لي اي زول لازم زول مالي مركزو حتى ادييك لييهو لانك بتي الوحييدة

نجمة : بدليل العرسان الطفشتيهم لي هههههه ،، اصلا يا ماما انا لو كان واحد فيهم عجبني ما كنت بخليك تطفشيهو ههههههههه

ام نجمة : هههه عارفاك عنيدة زي ابووك ، يلا خلينا نعمل العشاء عشان ابوك جاء قبل يكورك فينا
نجمة : طيب يا ماما

#الحب_الحقيقي6:-
بقلم : تهاني محي الدين

اصبح الصباح و نجمة مشت على الجامعة ، كان عندهم معمل حاسوب و مشت على المعمل

و كمان يوسف مشى للمعمل و يوسف اصلا كان ما بحضر المعامل لكن اليوم داك جاء عشان اعمال السنة ما تضييع منو، قرر انو يحضر باقي المعامل و طلع في المعمل مع نجمة في نفس المجموعة لانو الاتنين من الحروف الاخيرة و اتلاقو جنب المعمل

يوسف لما شافها فرح جدا و مشى سلم عليها
يوسف : السلام و عليكم
نجمة : و عليكم السلام الرجل الغامض
يوسف : لسه انا غامض ههههه
نجمة : ههههه لا والله بقى اللون يفتح شووية 😂😂😂😂، بالجد انا كنت بخاف منك لكن هسي حبة حبة الخوف بقى يروح
يوسف : بتخافي مني عديل ههههه ، دا انا مسكين يااخ
نجمة : ههههه اي مسكين
و دخلو اللاب و قعدو جنب بعض في المعمل و بقى في بينهم استطلاف و الاتنين بقى في انجزاب بينهم 😍❤ و مافي زول متاكد من مشاعرو تجاه التاني ، بس حاسين انو في ارتياح لبعض و انو بفرحو لمن يشوفو بعض 💖💖💖💖💖

يوسف بقى طوالي يدردش مع نجمة و اتعرف عليها اكتر و هي كمان اتعرفت عليهو و لقو انو في حاجات بينهم كتييير مشتركة و فهمهم قريب لبعض جدا و انو كمان الاتنين ما بحبو الجوووطة و لا الحفلات كمان ،،، تقريبا بقو يدردشو يوميا

و جات الامتحانات و امتحنو و كانو كل يوم بطمنو على بعض و بسالو من بعض و في اخر يوم في الامتحانات يوسف مشى اتكلم مع نجمة

يوسف : حمد لله ع السلامة عشان انتهينا
نجمة : الله يسلمك ، الحمد لله اخييرا
يوسف : فرحان عشان انتهيت من الامتحانات ، لكن كمان زعلان في نفس الوقت
نجمة : لشنو زعلان
يوسف : لاني ما حاشوفك طول فترة الاجازة 😐
نجمة خجلت و فرحت في نفس الوقت من جواها 😍🙈 و حاولت تغيير الموضوع و قالت اي احسن عشان ارتاح من خلقكم دي ههههه
يوسف ضحك و قال ليها : كويس يا مجنونة ، انا ما عارف جنك دا جايباهو من منو 😂
نجمة : قلت ليك وراثة ههههههه ،، اصلا انا اعقل واحدة مجنونة و اجن واحدة عاقلة 😁😁
يوسف : ههههه بالجد صاح 😂، ارجووك خلي بالك من نفسك في الاجازة دي 😍
نجمة بخجل 🙈 : و انت كمان خلي بالك من نفسك
يوسف : عازمك عصير بمناسبة انو انتهينا من الامتحانات
نجمة : تمام

و نادت هيام و مشو التلاتة شربو العصير و ودعو بعض و الاتنين من جواهم زعلانين عشان ما حيشوفو بعض مدة شهرين لكن اتفقو يتواصلو بالواتس

نجمة رجعت البيت و سلمت على امها و مشت تجهز شنطتها ٠لانو ماشين عرس اماني بت خالتها في الدويم و يوسف مشى على شغلو و كلم عم حسن انو عندو اجازة شهرين و شكرو على انو سمح ليهو يشتغل و يقرا في نفس الوقت

جاء اليوم التاني و نجمة و امها مشو الميناء البري و ركبو باصات الدويم و كانت نجمة متواصلة مع يوسف في الدردشة و وراها الاماكن الفي السكة و هي طول الوقت بتدردش معاهو و ما حست بطول المسافة 😍😍 ، لحدي ما وصلت بيت العرس و سلمت على اهلها و تاني يوم الجمعة كان العرس و في الصباح قامت ساعدت الناس في ترتيب البيت و وقت الغداء كمان ، لانها زولة هميمة و بتعرف الاصول و جات الحفلة بالليل و يوسف رسل ليها

يوسف : كيفك و كيف الاجواء
نجمة : تمام الحمد لله ، هسي الحفلة في بيت العريس و كسلانة امشي لكن كمان نفسي اشووف العروس
يوسف : طبعا انتي زولة عاقلة و فاهمة و ما بتحبي الحفلات و اكيد ما حتمشي 😁😁
نجمة : هههنهههههه هسي بقييت عاقلة هههههه مش كنت مجنونة في نظرك 😂
يوسف : منو القال مجنونة ، انتي ست العقل كلو 😂
نجمة فهمت انو يوسف ما عايزها تمشي الحفلة لانو بغيير عليها ❤و اتبسطت من جواها بي كدة و قالت ليهو : لكن امي مصرة امشي الحفلة و قالت لي انتي جيتي لشنو لو ما عايزة تحضري الحفلة
يوسف :: عايز اتصل ممكن
نجمة : كويس اتصل
يوسف اتصل على نجمة عشان يعطلها و ما تمشي الحفلة 😂😂😂
نجمة : مرحب يا غامض
يوسف : اهليين يا مجنونة
نجمة :ما تقول لي مجنونة😡
يوسف : مجنونة و خلف كمان هههههه
نجمة : دي شنو خلف دي
يوسف : يعني متخلفة ههههه
نجمة : 😂 كويس يا حقار ههههه

نجمة دخلت ليها مكالمة في الانتظار و قالت لي يوسف : طبعا محمد داخل لي في الانتظار
يوسف : محمد منو 😳
..

يتبع

#الحب_الحقيقي7 :
بقلم : تهاني محي الدين

يوسف : محمد منو 😳
نجمة : محمد دفعتنا
يوسف : مالو عايز شنو !!!
نجمة : هو طوالي بتصل علي لكن ما برد ليهو كتير و شال الرقم من هيام
يوسف : مالو عايز شنو قلت ليك 😡
نجمة : قال عايزني و مستعد يجي يخطبني
يوسف :شنو 😳 ، اسمعي ما تردي ليهو تاني ، احسن تتزوجي زول انتي مرتاحة ليهو لان الراحة النفسية اهم
نجمة : كلامك صاح
يوسف : كلميهو انو ما يتصل عليك تاني
نجمة : كويس
يوسف : و لو اتصل تاني بعد كلامك دا اديني رقمو 😡
نجمة : حاضر

نجمة حاسة انو يوسف عايزها و تصرفاتو كلها بتدل على كدة و هي كمان بترتاح ليهو ، لكن ما متاكدة من شعورو و حاسة انو يمكن بتتوهم انو بحبها

يوسف : اها حتمشي الحفلة
نجمة : لو لقيت حريم قاعدات في البيت بقعد معاهم و ما بمش و لو مشو كلهم بمشي عشان ما اقعد براي

يوسف : كويس

من جواهو نفسو ما تمشي الحفلة و تلقى ناس تقعد معاهم ، عشان تتكلم معاهو 😁

نجمة لقت مرتين قاعدات و قررت ما تمشي و فضلت تتونس مع يوسف لحدي الناس جو من الحفلة و يوسف اتبسط عشان ما مشت 😍

يوسف ما متاكد من مشاعرو تجاه نجمة لكن متاكد انو فيها الصفات الهو عايزها لانها زولة بسيطة و مرحة و بتعرف الاصول و فاهمة يعني شنو زواج و مسؤليه برغم صغر سنها 😍❤💖 و قرر انو يبدا في تجهيز غرفتو و بدا ينزل في الطوب عشان يبني لي نفسو في نفس بيتهم لانو بيتهم كبيير و هو ما بقدر يخلي امو و اختو براهم

و كمان نجمة بقت تتعلق بي يوسف كتيير و حتى كلمت هيااام صحبتها

نجمة : هوهو ازيك 😁
هيام : يهوهو فيك كلب 😏
نجمة : مالك مش دلع اسمك هههههه
هيام : ما لقيتي غير هوهو دي 😏
نجمة : هههههه اي ، صحي انتي اديتي محمد رقمي
هيام : اي اديتو لانو قال عايز منك حاجة
نجمة : كنتي توريني 😒
هيام : مالو هو ، معليش ما جا في بالي انك حتزعلي
نجمة : لا لا ما زعلت منك و عارفة نيتك كويسة لكن هو عامل فيها عايزني و انو جادي
هيام : وافقي والله ، هو زول كويس و محترم
نجمة : انا عارفة انو كويس لكن انا ما عندي شعور تجاهو و ما مرتاحة
هيام : ليييه يا مجنونة 😳 ، دا زول ما بتفوت و كمان مرطب 💸💸، ممكن بكرا دي يتزوج لو حابي
نجمة : انا ما عايزة القروش ، عايزة اتزوج زول بحسو و عندي مشاعر تجاهو و بصراحة انا ما عارفة لكن حاسة اني بحب 😌🙈
هيام :🙄كيف حاسة !!!
نجمة : في واحد حاسة اني بحبو لكن هو يمكن خاتيني زي اختو 😔😔😔
هيام : انتي مجنونة ، بكرة يقول ليك انتي زي امي و زي خالتي 😏 ،، خليكي عاقلة لانو يمكن ما بحبك و ترفضي ناس ساي عشانو

نجمة: كلامك صاح يا هيام ، يمكن بالجد يكون اعجابي من طرف واحد لكن بالجد من ما عرفتو بقيت ما بقدر اتخيل اني اتزوج زول غيرو 😢

هيام :: الزول دا منو !!!

نجمة : يوسف زميلنا

هيام : ايوااااا ، تصدقي انا كمان حاسة انو عندو ليكي حاجة لانو بهتم بيك لكن يمكن على قولك يكون مجرد وهم مننا ساي
نجمة : بالجد قلبي بوجعني يا هيام ، يمكن بالجد ما بحبني ، احسن اقطع علاقتي بيهو عشان ما اتعلق بيهو اكتر 😔

هيام : يا حليلك والله 😢، هو حيسالك اكيد لو بعدتي ، حاولي ابعدي تدريجيا

نجمة :: طيب يا هيام 😔 ، يلا انا حانوم عشان بكرة راجعيين الخرطوم و حنطلع بدري

هيام : طيب يا حبيبة ، انتي استخيري في يوسف كدي و لو من نصيبك ما بفوتك

نجمة : ان شاء الله

نجمة حاولت تنوم لكن كانت بتفكر في يوسف و قلبها واجعها 😢 لانو يمكن ما ببادلها نفس الشعور و قريب للصبح حتى قدرت تنوم 😴

في الصباح يوسف نزل الطوب ، عايز يبدا يبني في بيتو و قرر انوو طول ما يلقى قروش فايضة حيجيب بيها حاجات البناء

و رسل لي نجمة

يوسف : صباح الخيير يا مجنونة

نجمة شافت الرسالة لكن قررت ما تفتحها عشان عايزة تنسى يوسف و عشان ما تالم قلبها اكتر 💔 و يوسف بعد ساعة لما لقاها ما ردت ليهو قرر يتصل عليها و اتصل عليها و نجمة شافت المكالمة لكن ابت ترد و قلبها بقول ليها ردي و عقلها بقول ليها لا و فضل النزاع دا لحدي الجرس ما انتهى

يوسف بقى مقلق و كل نص ساعة يتصل و هي ما بترد و قال : يا ربي نجمة مالها ، ان شاء الله تكون بخيير و ما فيها عوووجة

ما كان قادر يركز في شغلو لانو بالو مشغول معاها 😢😦

و نجمة طول السكة و هم راجعين سرحانة و بس بتعاين في الشارع و عيونا مليانة دموووع 😢😢 و ما بترد على يوسف و نفسها تتكلم معاهو لكن تاني تقول لا ، كدة احسن انو ابعد ، لكن ما قدرت و اتصلت عليهو

يوسف لما شاف مكالمتها قلبو فرح جدا 💞💞 و حس كأن روحو كانت مافي و رجعت ليه 😍😍 و رد ليها بشوق

يوسف : الو نجمة 😍
نجمة : .....

يتبع

#الحب_الحقيقي8 :
بقلم : تهاني محي الدين

يوسف : الوو نجمة 😍
نجمة : ازيك يا يوسف
يوسف بلهفة : وينك انتي من الصباح ، انا بتصل ما بتردي ، ان شاء الله انتي كويسه!
نجمة : ايوا كويسة الحمدلله بس عشان سفر و كدة و الجوطة مع الناس، ما قدرت ارد و اهو رجعت ليك بعد لقيت زمن
يوسف : الحمد لله انك بخيير لاني قلقت عليكي ☺ ، تاني اوعي تعملي كدة 😡

نجمة : حاااضر ☺ تسلم و فرحت من جواها انو يوسف قلق عليها
يوسف : وصلتو و لا لسه
نجمة : لا لسه
يوسف : مالك يا نجمة ، انا حاسي انك ما نجمة البعرفها !؟
نجمة : يعني انت بتعرفني 😁
يوسف: تقريبا 85 % من شخصيتك عرفتو و بقدر احس اذا كنتي متغيرة او لا
نجمة : ههههههه كويس ، لا مافي حاجة ، لكن انا عكسك ما عرفتك لانك غتيت هههههه
يوسف :: ايوا كدة اضحكي 😂 ، خلي الشمس تدخل والله يا نجمة انتي الوحيدة البتعامل معاها غير و باقي الناس بشوفوني جادي و بخافو مني

نجمة : ههههن انا كمان كنت بخاف منك
يوسف : و هسي 😁
نجمة : هسي بقى في ارتياح والله و بقيت اتعامل معاك بطبيعتي 🙈
يوسف : الحمدلله ☺☺ ، يلا خلي بالك من نفسك ، لحدي تصلي لانو جاء زبون

نجمة : طيب يلا سلام

يوسف اطمن على نجمة و حس بسلام جواهو لانو اطمن عليها ❤❤ و قدر يواصل شغلو بمزاج و كمان نجمة اتبسطت عشان اتكلمت مع يوسف و قالت حتواصل معاهو على امل انو يمكن يفاتحها في يوم لانو احساسها بقول ليها انو يوسف عندو ليها حاجة و قالت ما تتشاءم و تتفاءل خير 💖

نجمة وصلت البيت و رتبت هدومها و بقت متواصلة مع يوسف في الواتس طول اليوم و كل مرة الاتنين بتعلقو بي بعض اكتر و يوسف كل ما يلقى قروش بنزل طوب للبناء
و في يووم جاء اتصال لي نجمة من اماني بت خالتها

نجمة :: عروستنا الحلوة مشتاقين 😍
اماني ::بالاكتر والله
نجمة : جيتي البيت و لا لسه ، مش حتسكني هنا في الخرطوم
اماني : اي جيت و بكرة ان شاء الله حارحل بيتي و عايزاك تجيني هناك عشان كرامة البيت بكرة
نجمة : اكيييد حاجييك يا اماني ، انا عندي اعز منك منو عشان اجيهو ☺😍
اماني : طيب يا حب سلام
نجمة : سلام و سلمي على مصطفى راجلك
اماني : يصل و قفلت الخط

نجمة مشت كلمت امها و امها قالت ليها حنمشي سوا بكرة ان شاء الله

نجمة دردشت مع يوسف
نجمة : يوسف ماشة لي اماني بت خالتي بكرة لانو حتسكن هنا و عاملة كرامة للبيت
يوسف : دي العروس مش !؟
نجمة : ايوا
يوسف : كويس ، حاولي ترجعي بدري قبل المغرب ، ماشي معاك منو !؟
نجمة : اي ان شاء الله ، ماشين انا و امي
يوسف : تمام ، اتحصني كويس قبل تطلعي 💓
نجمة : ان شاء الله ، تصبح على خيير
يوسف : و انت من اهل الخير

تاني يوم الصباح نجمة و امها مشو لي اماني و شالو ليها طقم عشاء هدية، دخلو باركو ليها و نجمة اشتغلت بي كل همة في البيت و هناك جاء هشام صاحب مصطفى للكرامة و شاف نجمة و من اول نظرو وقع عليها عجبتو جدا و بقى بسرق النظرات ليها و هي ما حاسة بي حاجة و شغالة مع البنات و تضحك 😁😁

و قام نادى مصطفى

هشام : مصطفى يا درش
مصطفى : ايون يا ابو الشوش نورتنا والله
هشام : بي نورك يا اخوي
هشام : البنت ديك منو و أشر ليهو على نجمة
مصطفى : دي نجمة بت خالة اماني زوجتي
هشام : البنت دي مخطوبة !!
مصطفى : على حد علمي لا ما مخطوبة و بتسأل مالك يا لئيم ههههه ، هي عجبتك و لا شنو !!! لكن ما اظن لانو انت مافي واحدة بتلفت نظرك بسهولة 😁

هشام : عجبتني جدا و الله ، لاني اول مرة تلاقيني واحدة بالملامح البرئية دي و وشها بشوش و دا غير لبسها المحترم 😍

مصطفى : والله زين ما اخترت ،، بالجد هي ما فيها كلام و زولة ما شاء الله محبوبة و ممتازة بشهادة الجميييع

هشام : انا الزولة دي عايزها على سنة الله و رسوله و عايزك تكلم لي اماني تسالها و تشوف ردها

مصطفى : خييير تب و الف مبروووك مقدما لانو انت كمان ما فيك كلام 😍

هشام : تسلم يا غالي

مر اليوم بسرعة و الناس مشو و نجمة ودعت اماني و رجعت بيتهم و وعدتها انو تزورهم قريب ان شاء الله

و مصطفى بعد الناس مشو كلم اماني بكل الحاصل و اماني فرحت شديد لنجمة 😍😍 و قالت حتتصل ليها هسي توريها لانو ما قادرة تنتظر للصباح من شدة فرحتها بالموضوع ❤❤

و اتصلت على نجمة

و ترن ترن ترن 📞

يتبع

#الحب_الحقيقي9 :
بقلم : تهاني محي الدين

نجمة ردت على المكالمة

نجمة : اهليين اماني
اماني : كيفك نجمة ، اها وصلتو كيف !
نجمة : تمام و الله
اماني : عندي ليك خبر بي مليون جنيه و حيفرحك جدا 😁
نجمة : اها قولي شوقتيني 😁😁
اماني : جاكي عريس 😍
نجمة اتصدمت : 😳 شنو !
اماني : قلت ليك جاكي عريس ، هو صاحب مصطفى ، قبيل شافك و اعجب بيك جدا و قال عايزك ، بس منتظر موافقتك 😍

نجمة ما فرحت بالموضوع لانو هي بتحب يوسف و ما عارفة تقول لي اماني شنو 😔
نجمة : لكن يا اماني انا لسه طالبة و بقرا لسه و ما بفكر في الموضوع دا هسي

اماني : يا زوولة اوعي تضيعي من يدك ، هشام حيخطبك لحدي تخلصي الجامعة حتى يعمل العرس ان شاء الله 😍😍

نجمة فكرت انو رفضت محمد زميلها عشان يوسف و قالت يمكن يوسف ما بحبها و هي لمتين حترفض ناس عشانو و قالت لي اماني

نجمة : اديني فرصة افكر و استخير و ما تكلمي زول بالموضوع حتى امي لحدي ارد ليك ، اتفقنا

اماني : طيب ، خلاص نوريك مواصفات هشام عشان تبني قرارك على مواصفاتو و ما تندمي 😁😁

نجمة : طيب قولي

اماني : دقيقة اسال ليك مصطفى من مواصفاتو كلها و لو عندو صورة ليهو برسلها ليك

نجمة : كويس

اماني جاتها بعد عشرة دقايق في الواتس و قالت ليها

اماني : هو عمرو تقريبا 28 سنة ، شغال في البترول و وضعو ممتاز جدا 😍😍 ، كمان باني بيتو احسن بناء في الخرطوم شكل فيلا كبيرة 😍 و اهلو اصلا مرتاحين و طيبين جدا ، متاكدة حتحبيهم و يحبوك و احسن حاجة انو حتعيشي براك ما معاهم في نفس البيت يعني حتلقي راحتك و خصوصيتك 😍 و هشام مهذب جدا والله و ما عندو علاقات و بشبهك في طبعك كمان ❤❤ و دي صورتو

و قامت رسلت ليها الصورة

نجمة شافت الصورة لقتو زول وجيه شديد لونو قمحي و عيونو واسعة و ملامحو جميلة و عندو سكوكة ضايفة ليه وجاهة و شكلو مرتب بجانب مواصفاتو الكويسة لكن برضو ما كانت حاسة بي فرحة 😔 لانو قلبها مع يوسف 💔 و ما قادرة تشوف غيرو و طبعا يوسف كمان وجيه جدا، طويل طولو ١٩٠ تقريبا و وزنو مناسب مع طولو و لونو ابيض و ملامحو جميلة جدا و طبعا اي زول باخد من اسمو شي 😍و نجمة طولها ١٦٥ و وزنها مناسب مع طولها و تعبر طويلة بالنسبة للبنات و خدورية و عيونها سمحة شديد وواسعة و ابتسامتها جميلة جدا تشرح القلب 💓

و قامت رسلت لي اماني

نجمة : زي ما قلت ليك خليني افكر و برد ليك و ما توري زول

اماني : تمام
نجمة : يلا سلام
و قفلت الخط
نجمة ما كانت عارفة تعمل شنو و بالها مشغول و قامت رسلت لي هيام عشان تاخد رايها

نجمة : مساء الخير هيام
هيام : هيام مرة واحدة ، اكيد ما دام قلتي هيام ما هوهو بكون في موضوع جادي 😂😂 احكي احكي
نجمة: اي في موضوع
هيام : اها احكي
نجمة : انا جاني عريس
هيام : 😍😍😍 الف مبروووك يا نجمة والله فرحت ليك من جوا قلبي ❤ يوسف مش 😍
نجمة : لا ما يوسف 😔
هيام : ما دام ما اتقدم و لا اتكلم احسن تنسيهو زي ما قلت ليك
نجمة : لكن انا بحب يوسف 😔
هيام : حاولي انسيهو لانو يمكن ما بحبك ، اسمعي الكلام و ما تبقي عويرة و تضيعي العرسان عشانو لانو ما وعدك بحاجة و كمان مافي زول بقدر يلومو لانو ما عشمك

نجمة : لكن انا بحبو يا هيام 😭
هيام : حاسة بيك حبيبتي ، ما تبكي ،، بالجد ما عارفة اقول ليك شنو لكن انتي كدي اخدي رايو و لو هو عايزك بفاتحك في الموضوع و لو ما فاتحك في الموضوع وافقي بالعريس طوالي و كفى محمد الطفشتيهو بسببو لانك الوحيدة الحتندمي لو رفضتي عشانو لانو يمكن يكون ما بحبك و بعاملك كزميلة فقط و بعدين يجي يوريك بخطوبتو او عرسو و الضحك يشرطك

نجمة : كلامك صاح والله 😔 ، طيب انا حارسل لي يوسف و اشوف ردو

هيام : كويس ، ابقي وريني الجديد انا في انتظارك

نجمة : تمام يلا سلام

هيام : سلام ، دقيقة انتظري ، استخيري اول قبل تكلميهو

نجمة : حاضر

نجمة قلبها واجعها من الموضوع 💔💔 و قالت حترسل لي يوسف و تحسم الموضوع دا ، لكن اول مشت اتوضت و صلت صلاة الاستخارة ( اول تنوي الاستخارة و تصلي ركعتين دون الفريضة و بعد تسلم - بتقول دعاء الاستخارة : اللّهم أني أستخيرُك بعلمك وأستقدرك بقدرتك وأسألك من فضلك العظيم فإنك تَقْدِرُ ولا أَقَدِْر وتعلَمْ ولا أَعْلَمْ وأنت علاَّمُ الغيوب . اللّهم إن كنت تعلمُ (( ذكر المسألة )) خيرٌ لي في ديني ومعاشي وعاقبة أمري فاقْدُرْه لي ويسِّرْه لي . وإن كان هذا الأمرُ شراً لي في ديني ومعاشي وعاقبة أمري فاصرفّهُ عني وأصرفني عنه واقْدِرْ لي الخير حيث كان ، ثم رَضّنيِ به)

و بعدها رسلت ليوسف

نجمة : سلامات يوسف

#الحب_الحقيقي10
بقلم : تهاني محي الدين

نجمة : كمان جاني عريس
يوسف : أنتي جادة 😲
نجمة : اي جادة جاني عريس
يوسف بتوتر : و انتي رايك شنو ؟!
نجمة بتردد : ما عارفة والله
يوسف : كيف ما عارفة !
نجمة : اي ما عارفة وريني رايك انت شنو !!
يوسف : انتي عايزة عرس و السلام و لا شنو !! ، زول ما بتعرفيهو ما توافقي ، اصبري لحدي تلقي المناسب

نجمة : انا ما مرتاحة يا يوسف 😔 لكن بالمنطق كدة حافضل ارفض لمتين و المناسب دا كيف بجي لو ما اديتو فرصة عشان اتعرف عليهو 😒😏😏 ( اي دا وش لاوي خشمو) ، لازم ادي نفسي فرصة كمان 😔

نجمة و يوسف الاتنين قلبهم وجعهم لدرجة انهم دمعو 😢😢 و يوسف حاسي باحساس غريب و ما مرتاح ، ما عارف هو بحب نجمة او لا لكن كمان ما عايزها تتزوج غيرو و زعلان عشان جاها عريس ، كمان هو ما جاهز لسه و بقت في احاسيس جواهو كتيرة و اتوتر جدا و خاف انها تضيع منو 😔

يوسف : يعني انتي عايزة توافقي 😔
نجمة : اي لازم ادي نفسي فرصة ، يمكن يطلع زول كويس

يوسف : كدة ما حنتواصل تاني لكن 😔
نجمة : دي الحاجة المؤثرة فيني اني تاني ما حتكلم معاك لاني حتخطب و ما صاح اتكلم مع زول غير خطيبي 😔😔

يوسف : كلامك صاح والله ، لكن انا شايف انو ما تتسرعي و توافقي

نجمة اتضايقت و اتغاظت لانو ما اعترف ليها و قالت ليه : انا حافضل ارفض لمتين لكن ، لشنو ارفض و العريس ما فيهو عيب كمان و من طرف مصطفى راجل اماني ،، اكيد بكون انسان ممتاز لان مصطفى زول كويس و ما بجيب لي زول كعب اكيد ، عشان كدة اطمن علي 😒😒😏 و انا حاستخير فيهو و لو فيهو خير بتم اكيد

يوسف : والله يا نجمة انا ما عارف الحاصل لي شنو لكن بالجد متضايق و حاسي بالم جواي كبييير 😔😔

نجمة بحزن : انا كمان والله يا يوسف و ما فرحانة بالموضوع مع انو مفروض افرح اني حاتزوج او اتخطب 😔

يوسف : يعني ما حتتكلمي معاي تاني 😔

نجمة ما فضل ليها الا تكورك عديل و تقول ليه يااااخ حس يا ما عندك احساس و قالت ليه بجدية مع حزن : اي يا يوسف ما حاتكلم معاك تاني 😞 ،بالجد حافقدك جدا لكن لازم اوافق عشان انت كمان ما دايم لي و حيجي يوم وانت تتزوج و القى نفسي براي 😒😏

يوسف بقى ساكت و متالم

نجمة طوالي قامت غيرت حالتها حقت الواتساب عشان يوسف يحس انو حيفقدها لانو هي حاسة انو بحبها لكن هو ما عارف و كتبت فيها

اذا لم تقاتل من اجل ما تريد فلا تندم اذا خسرته 😔

و ختت صورة في بروفايلها مناسبة للموقف دا

و يوسف بقى ما عارف الحاصل ليهو شنو ،، قرا الحالة و الصورة الجديدة لنجمة و حسى انو حيخسرها و اتاكد من مشاعرو تجاهها انو ما بحبها بس 😍، كمان ما بقدر يستغنى عنها و ما بتمنى غيرها زوجة ❤❤👰🏻 و استجمع قواهو و قال ليها : انا بتزوجك يا نجمة
نجمة : جادي انت
يوسف : اي جادي والله

نجمة من جواها طايرة من الفرح😍😍😍 انو يوسف اخيييرا قال عايزها ،، لمن دمعت دمووع الفرح لكن طبعا ما بينت ليهو انو هي فرحانة 😂😂

يوسف : انا حاكلم ود عمي وامي و اختي الكبيرة و بعدين بوريك البحصل شنو ان شاء الله

نجمة : كويس في انتظارك
يوسف : يلا سلام لبعدين
نجمة : تمام

نجمة بقت تنطط في غرفتها و فرحانة جدا كانت ❤ و طوالي رسلت لهيااام عشان تفرحها و تشاركها فرحتها

نجمة : هوووووهووووو 😍😍😍
هيام : من الجرة دي بتاعت هوووووهوووو دي اكييييد في خبر حلو 😍
نجمة : اي في 🙈🙈🙈
هيام : سررررعة قولي يا بت فرحيني معاك 😍
نجمة : اخييرا يوسف قال عايزني 😍😍😍😍😍😍😍😍😍😍😍😍😍😍😍😍😍😍😍

هيام : انتي جااادة 😍 ،، الف مبروك والله و شنو القلوب الكتييرة دي هههه 😂😂

نجمة : فرحانة جدا ياااخ انا بحبووووو و نفسي اكورك و اقول لي كل الناس انا بحبوووووووو ❤❤❤❤

هيام : يا بت ابردي 😂هههههه و وريني الحصل شنو بالتفصيل 😂😂

نجمة : هو ما قال لي بحبك لكن لما وريتو انو جاني عريس بعد تعب و لمن ضغطي خلاص قرب يرتفع و بعد رفع كثافتي حتى اعترف لي الرجل الغامض دا 😁 😂😂 و قال لي انو حيتزوجني ان شاء الله و قال حيكلم اهلو و يوريني بعدين الحصل

هيام : الله ! ❤❤ ، بالجد فرحت ليك ، هو زول كويس والله و مهذب ،، ان شاء الله ربنا يتمم ليكم على خيير 😍😍

نجمة : اميييييييييييييييييييييييييييييين يا رب ،، يسمع منك ربنا 😍😍🙈

هيااام : يا بنت قلنا ابردي و شنو كمان جاراها امييييييييبييين كدة دا ههههه 😂😂
نجمة : ياخي اوري منو يعني ، انتي بس البقدر اعبر ليها عن شعوري تجاه يوووويووو عشان ما اطق من كتمتها ههههههه❤🙈

هيام : سنة يا الخجل 😂 و يوووويووو كمان ههههههه
نجمة : عارفة اكتر حاجة عجباني فيهو شنو !!!
هيام : شنو !
نجمة : انو كمان فيهو خجل 🙈🙈☺و مهذب جدا جدا و بحترمني كمان ، حتى بحبك ما قالها لي مع انو بحبني و انا متاكدة من كدة 😍
هيام : بالجد دا الحب الحقيقي لما يكون صافي و نقي زي حبكم دا ، بتمنى افرح بيكم قريب 😊

#الحب_الحقيقي11 :
بقلم : تهاني محي الدين

هيام : ما تخافي من اهل يوسف يرفضو، خافي من اهلك انتي يرفضو
نجمة : و اهلي يرفضو لشنو !!

هيام : عشان انتي بت وحيدة و عشان هو مستواهو اقل منكم ، كمان لو عرفو بي عريس البترول ما اظن يوافقو بي يوسف خالص

نجمة : انا كلمت اماني ما توري زول بالعريس و هي وعدتني بي كدة ، اما من جهة المستوى ما اظن يرفضو لانو اهلي طيبين جدا و لو حسو اني عايزاهو و متمسكة بيهو ما برفضو ان شاء الله لانو بس عايزين سعادتي و انا سعادتي ان شاء الله مع يوسف 😍😍🙈

هيام : بتمنى كدة ، ان شاء الله ما يعاكسوك ☺

نجمة : ان شاء الله ، يلا سلام و دعواتك ، انا حارسل لي اماني اني ما عايزة العريس

هيام : 😳 اصبري يا بت و شوفي رد يوسف اول 😡 ، لانو يمكن كمان اهلو يرفضو و تكوني لا لميتي في بلح الشام و لا عنب اليمن 😏😒

نجمة : انا ما عايزة غير يوسف ، اما يوسف اما بلاش 😁 و ما دام هو قال عايزني ما حاسيبو مهما حصل 😍 ، مستحييل الشينة تجي مني و كمان هو راجل قدر كلمتو ، متاكدة ما حيخزلني ان شاء الله 😍❤

هيام : يوسف دا جننك والله 😂 ، كمان انتي زولة غريبة خلاص لانك سبتي العريس الجاهز و مهندس بترول كمان و وافقتي بي يوسف و هو لسه طالب و ما جاهز 🤔

نجمة : القلب و ما يريد ❤ 🙈🙈🙈

هيام : هههههه 😂 مجنونة انتي

نجمة : مجنونة بي يووويووو 🙈 ، كمان القروش ما كل حاجة يا هيام ، انا كنت عايزة زول احبو و يحبني ، يكون بعرف ربنا و الصفات العايزاها كلها في يوسف ، كفى هو مسك اخواتو و لاقى ظلم من اعمامو عشان اكلو حقهم و كلهم اتخلو عنو الا ود عمو محمد ، بالجد هو ما بستاهل اني اكسر قلبو ، لازم اقيف معاهو و اكون ليهو الحاجة الحلوة الفي حياتو لاني متاكدة اني اول حب ليهو و انا مستحييل اسبب ليهو الحزن و ان شاء الله حنكون لبعض 😊 ، انا املي في ربنا كبير ❤❤❤

هيام : بالجد انتي طيبة يا نجمة ، ان شاء الله ربنا يديك على قدر نيتك السمحة دي 😊

نجمة : تسلمي يا هوووهووو 😜
هيام : كويس يا شينة ، انا ضبحو لي و سموني هيام يا غياظة 😡

نجمة : هوهو دا اسم الدلع 😂
هيام : ههههه اسمي احلى من اسمك الما بتدلع دا 😂
نجمة : هههههه بتدلع والله ، نينة و نونو و نانا و نجمتي 😁 ، اختاري البعجبك بس يا هوووهوووو 😂
هيام : كويس يا زفتة ههههه يلا سلام
نجمة : سلام

نجمة اتصلت على اماني

اماني : اهليين عروستنا 😍
نجمة : عروستكم عديل هههه
اماني : اكيد طبعا ، اها نقول مبروووك 😁😁
نجمة : ههههه للاسف حاخزلك لاني ما موافقة
اماني : 😳 جادة انتي و لا بتهظري
نجمة : جادة والله
اماني : لشنو ما موافقة 😳 ، هسي دا عريس يتفوت 😡
نجمة : مافي نصيييب بس ، قريب حتعرفي السبب و بطلي شمارات ههههههه
اماني : في عريس غيرو و لا شنو 😁
نجمة : قلت ليك بطلي شمارات ههههه ، بوريك في الوقت المناسب ، بس قولي لي هشام انو مافي نصيب و ربنا يعوضو بالافضل مني ان شاء الله ☺

اماني : طيب بوريهو يا عسل ، انا عارفاك عاقلة و اكيد بتكوني رفضتي لسبب مقنع ☺

نجمة : تسلمي لي والله

اماني كلمت مصطفى و مصطفى زعل لهشام صحبو 😔 لانو كان معجب بي نجمة جدا و اتصل لهشام

هشام : مرحبتين ابو النسب 😁

مصطفى : مرحب هشام

هشام : اها بشر 😁
مصطفى : للاسف نجمة رفضت
هشام : 😳 انت جادي و لا بتهظر
مصطفى : جادي والله ، معليش والله 😔لكن طبعا دا رايها و لازم نحترم رغبتها

هشام : ما ورتكم السبب !!

مصطفى : لا والله ، قالت بتورينا في وقتو

هشام : شكلو عندها زول في حياتها ، انا كمان حاسي انو واحدة زيها كدة مستحيل يكون ما في زول عايزها لانو بالجد ما بتتفوت

مصطفى : لخير يا هشام ، انت الف من تتمناك و ان شاء الله ربنا بعوضك ☺

هشام : اكييد لخير طبعا يلا سلام
مصطفى : سلام

هشام استاء 😔😔 عشان ما وافقت بيهو لكن كمان قال مافي زواج بالغصب و اتمنى ليها السعادة اين ما كانت حتى لو مع غيرو

يوسف اتصل على ود عمو محمد ( طبعا يوسف بعتبرو زي اخوه الكبير لان محمد الوحيد من اولاد عمو الوقف معاهو ، و جاب ليه الشغل مع عم حسن و كان بساعد يوسف دائما و ليه فضائل كتيرة على يوسف ، عشان كدة يوسف بعتبرو ولي امرو و ما بكسر ليه كلمة ابدا )
محمد :اووو السلام عليكم يا ابن العم
يوسف : و عليكم السلام ، كيفك يا محمد
محمد : بخير الحمدلله ، انت كيفك و كيف الحجة و رشا
يوسف : كويسين الحمدلله ، انا متصل عليك عشان عايز اكلمك بموضوع يخصني و متاكد انك حتفرح لي ☺ ، عايز الاقيك لو فاضي
محمد : خير ان شاء الله ، طيب تعال لي في البيت
يوسف : طيب جاي عليك

يوسف وصل بيت محمد ، محمد استقبلو كويس و ضايفو

#الحب_الحقيقي12:-
بقلم تهاني محي الدين

محمد : انا مستحيل اوافق تتزوج غريبة و لو كسرت كلامي اعتبر انو ما عندك ود عم اسمو محمد و دا اخر كلام عندي 😡
يوسف : دا كلام شنو يا محمد 😳😳 ، انت ليه تحكم على نجمة قبل تشوفها و انا لو ما عارف اخلاقها كويس ، ما كنت بفكر اتزوجها
محمد : البنات الغريبات ديل بكونو مفتريات و ما برضو يسكنو معاك في بيتكم ، كمان يمكن تعامل امك و اختك كعب ، احسن تتزوج من الفريق بت بنعرفها و تعرف اهلك
يوسف : دا ما منطق يا محمد، انت ليه بتسبق الاحداث ، انا امي هسي غريبة منكم و عاشت مع ابوي في المرة قبل الحلوة و مافي زول شكى منها لانها طيبة شديد
محمد : و اعمامك الاكلو حقكم ، اكلوهو عشان شنو !!؟ ، عشان امك غريبة لانها لو كانت من الاسرة ما كانو اتجراءو و شالو حقها و بعد ابوك اتوفى الله يرحمو ، كلهم اتخلو عنكم و نسو انكم ايتام و زورو في الورثة و طلعوكم من غير حاجة ، ما خلو ليكم غير البيت العايشين فيهو لانو ابوك كتبو باسم امك ، تقول كان حاسي بانهم غدارين عشان كدة كتبو باسمها

يوسف : انت بعد كلامك دا كمان عايزني اتزوج منهم ، اعمامي ديل ما بدخلو لينا لا في حزن لا فرح و حقنا دا ربنا حياخدو لينا عاجلا ام اجلا ، و الحمدلله انا ما مقصر مع امي و اختي و ما محوجهم لزول و متاكد نجمة حتساعدني اني ابر امي و ما اخزلها ابدا
محمد : انا ما قلت اتزوج من بنات اعمامك بس قصدي تتزوج من الفريق ، بس شكلو البت دي مالية ليك راسك و انت مصمم تتزوجها
يوسف : ايوا انا عايزها و مصمم عليها
محمد : طيب انت الاخترت يا يوسف
يوسف : اخترت شنو !؟
محمد : اخترت البت الغريبة و فضلتها علي انا ود عمك لحمك و دمك ، اعمل العايزو يا يوسف بس انسى انك بتعرفني او عرفتني في يوم

يوسف بحزن : ارجووك يا محمد ما تختني في خيار صعب ، انت عارف معزتك عندي قدر شنو و انا ابقى ناكر جميل لو نكرت العملتو معاي و عارف انك الوحيد الوقفت معاي و ساعدتني اقيف على رجلي ،، كنت لي نعم الاخ ، بس كمان انا قلبي مع نجمة لاني حاسس انها البت الحتكملني و تبقى لي سند و تتحمل كل ظروفي و انا اديتها كلمة اني حاتزوجها ، معقولة عايز تصغرني قدامها
محمد : و كلمتي انا ، يعني عادي تكسر كلمتي عشان بت !!؟
يوسف : ما عايز اكسر كلمتك ، انت عارف انو كلمتك سيف على رقبتي ، لكن كمان ما عايزك تظلم نجمة بسبب انها زولة غريبة بس ، انا متاكد لو عرفتها حتخطبها لي براك و انا شايف بنات الفريق كلهم و لو في واحدة كانت نفعت معاي او طبعها عجبني كنت اتزوجت منهم و لا اترددت ، بس انا شغال في السوق و بشوف تصرفاتهم البعملوها و خالص ما عجبتني ، اكيد ما حاظلمهم كلهم لان فيهم الكويسات بس الشر يعم و من العملو اهلي في امي ما حاجيب واحدة من الفريق تأذي امي تاني بعمايلها و عارف امي ما بتتكلم ، و نجمة متاكد منها انها حتشيل امي في عيونها و تعتبرها امها لاني عارف اخلاقها كويس ، تعال لي في الجامعة بعد تفتح و حاخليك تلاقي نجمة معاي و متاكد حيعجبك فهمها برغم صغر سنها

محمد : انا ما عايز الاقيها و ما بضيع زمن معاها ، كلامي واضح ، فكر في الموضوع كويس ، انا بديك اسبوع تفكر و تشوف انت اخترت منو ، انا و لا الغريبة ، يلا انا طالع من البيت لو عايز تقعد اقعد اتغدى و بعداك امش

يوسف : لا انا ماشي و طلع منهم

يوسف طول السكة بفكر في كلام محمد و قلبو وجعو جدا 💔💔، لانو في خيار صعب جدا ، بين ود عمو الكان سند ليهو و بين حب حياتو 😔😔😔

في الجانب الاخر نجمة مبسوطة جدا 😍😍 و منتظرة يوسف يتصل عليها او يرسل ليها و يوريها الحصل

انتظرت طول الليل و يوسف لا اتصل لا رسل ، قلقت جدا و خافت تكون حاصلة عليهو حاجة ، اتصلت عليه ، يوسف شاف المكالمة لكن ما رد لانو ما عارف يقول ليها شنو 😔😔😔

الجرس انتهى و تاني اتصلت عليه و برضو ما رد ، قلبها وجعها جدا و حست انو في حاجة 💔💔، رسلت ليهو رسالة قالت ليه : طمني عليك يا يوسف ، بتمنى تكون بخير

يوسف لمن شاف الرسالة دموعو تلقائيا نزلت 😢😢، طوالي قفل تلفونو

نجمة انتظرت انو يرد ليها او يرسل ليها لحدي نعست و نامت ، فجاءه تلفونها ضرب ، قامت مخلوعة من النوم و فرحت جدا لانها قايلاه يوسف ، ردت قبل تشوف المتصل و بلهفة : يوسف كيفك ، وين انت من قبيل قلقتني عليك
اماني : يا بت يوسف منو ، انا اماني
نجمة استاءت : ايواا اماني ، كيفك انتي و كيف مصطفى😔

اماني : كويسين الحمدلله ، بس ما وريتيني يوسف دا منو و مالك ملهوفة عليه كدة ههههه ، شكلو دا السبب في انك رفضتي هشام مش 😁😁😁
نجمة ضحكت ليها مجاملة : موضوع طويل بحكي ليك لمن اقابلك

#الحب_الحقيقي13 :-
بقلم : تهاني محي الدين

نجمة كانت بتسمع في يوسف لمن كان بوريها رائ ود عمو محمد ، كانت بتبكي و الاتنين قلبهم وجعهم جدا و ردت ليه 💔💔 بعد قشت دموعها و اتكلمت بقوة : انا لمن اخترتك يا يوسف ، اخترك لانك راجل و متحمل مسؤليه و قبل كدة انا كنت سالتك سؤال زي دا انو لو في زول اعترض على زواجك حتعمل شنو ، انت قلت لي دي حياتي و انا ما بتخلى عن الزولة الاخترتها ، وقتها انا اعجبت بقوة شخصيتك ، بس تصرفك معاي دا اثبت لي انو شخصيتك مهزوزة للاسف

في اللحظة دي دخلت ليها اماني انتظار و نجمة ما ردت ليها ، قامو اماني و مصطفى دخلو الفيلم

يوسف اتاثر جدا بكلام نجمة و قال : انا ما اتخليت عنك يا نجمة ، بس بحاول ارضي جميع الاطراف لان محمد ختاني في خيار صعب و هو فضلو علي كبير و انتي عارفة كدة

نجمة : يعني عشان ساعدك يتحكم في حياتك و يقرر انت تتزوج منو !!؟ ، دي انانية منو ، لانو عايز يفرض سيطرتو عليك بس ، كمان حكم علي قبل يعرفني

يوسف : انا عارف اني ما حالقى احسن منك يا نجمة ، و انا حاحاول اقنعو تاني

نجمة : اها لو اصر على موقفو حتخليني و تكسر قلبي !!؟💔💔

يوسف : انا ما حاخليك يا نجمة ابدا لان سعادتي معاك ، بس لازم احل الموضوع دا بحكمة اكتر ، اقيفي معاي يا نجمة عشان نقدر نتجاوز المحنة دي

نجمة بحزم : انا معاك يا يوسف ،، بس لو حسيت تاني باي تخازل منك او تردد ، انا حانسحب من حياتك للابد و لا اسفا عليك ، لاني عايزة اتزوج راجل عندو كلمة ، مافي زول بتحكم في حياتو ، عشان لقدام نقدر نعيش مبسوطين بدون تدخل زول في حياتنا ،، مفروض قرارتنا تكون حقتنا برانا ما نخلي زول يتحكم في حياتنا انو تمشي كيف ، و اكيد لو انفصلنا حازعل كم يوم لكن حاتاكد انو لخير لينا لاني مستحيل استحمل زول يتدخل في حياتنا او احس بانك ضعيف في اتخاذ القرارات

يوسف حس بانكسار شديد 😔 انو بالجد ضعيف قدامها و انها هي اقوى منو في اتخاذ القرارات و كلامها دا اداهو دافع انو يواجه محمد و يوريهو بقرارو النهائي مهما كانت النتائج

يوسف : طيب يا نجمة ، انا معاك و اوعدك اني ما اخزلك ابدا و دي كلمة رجال و مستحيل ارجع فيها ، هسي امشي لاماني عشان ما تقلق عليك
نجمة : كويس

نجمة قفلت الخط و فضلت تفكر في كلام يوسف و الحيحصل و هل فعلا ما حيخزلها ، في اللحظة دي اتصلت عليها اماني

نجمة : الو
اماني : وينك يا بت نحن دخلنا الفيلم ، انت وين
نجمة : جاياكم بعد شوية
اماني : طيب لمن تجي السينما اتصلي علي عشان اطلع اديك تذكرتك
نجمة : حاضر

نجمة مشت الحمامات و غسلت وشها و عملت ميكاب عشان تخفي اثار البكاء ،، اتصلت لاماني و جاتها، دخلو الفيلم

الفيلم كان كوميدي و اماني و مصطفى بضحكو و مبسوطين ، اما نجمة كانت سرحانة و حزينة و ما مركزة في الفيلم خالص 😔😔

طلعو من الفيلم و مصطفى مشى لاصحابو ، اماني و نجمة مشو صلو و بعدها مشو المطعم ياكلو

اماني : نجمة مالك انتي
نجمة : مالي
اماني : سرحانة طول الوقت و ما معانا خالص ، احكي لي في شنو !؟
نجمة : مافي حاجة يا اماني بس في موضوع شاغلني
اماني : موضوعك دا بسبب يوسف !؟ ، لانو كان ظاهر عليك لمن اتكلمت معاك امس انو حاجة بينكم حاصلة
نجمة باستياء : ايوا بسببو 😔
اماني : احكي لي يمكن اساعدك
نجمة : ما عايزة ادوش راسك يا اماني لان يمكن الموضوع ينتهي قبل يبدا اصلا 😔😔 ، بعد اعرف الحيحصل شنو بوريك النتيجة النهائية ، بس الموضوع معقد شديد
اماني : يا زولة استخيري و اكيد الفيه خير هو الحيحصل ان شاء الله
نجمة : ان شاء الله ،، عليك الله ادعي لي يا اماني ، اطلبي انتي الاكل و انا حارجع المسجد استخير
اماني : تمام

نجمة مشت استخارت و سلمت امرها لله ، في الجانب الاخر يوسف كان بالو مشغول و سرحان في الشغل ، ما قادر يركز مع الزبائن ، مرة يحسب القروش غلط و مرة يديهم طلب تاني ، عم حسن لاحظ ليه و قال ليه : يا ولدي انت الليلة تعبان و لا شنو ، شايفك ما مركز خالص
يوسف :اسف يا عم حسن ، حاحاول اركز في الشغل
عم حسن : امشي البيت ارتاح و تعال بكرة
يوسف : شكرا ليك يا عم حسن ، بكرة ان شاء الله حاجيك مركز
عم حسن : ان شاء الله

يوسف و هو طالع من المحل لقى محمد ، قرر يوريه بقرارو

يوسف : السلام عليكم محمد
محمد : و عليكم السلام
يوسف : انا قررت حاعمل شنو في الموضوع الحكيتو ليك

محمد كان متاكد انو يوسف حيكون اختارو هو و قال ليه بكل ثقة : قول سامعك
يوسف : انا قررت اني عايز امشي حياتي بالطريقة الانا عايزها ،،و انا اخترت اني اتزوج نجمة و متاكد حيجي يوم و تعرف انو قراري صاح
محمد بغضب : تمام يا يوسف ، شكلو بالجد البت مالية راسك
يوسف : اتعلم ما تحكم على زول قبل تشوفو و تعاشرو ، و انا متاكد حيجي يوم و تغير قرارك تجاه نجمة

#الحب_الحقيقي14 :
بقلم : تهاني محي الدين

قعدو يوسف و امو و اختو مع بعض

شذى : خير يا يوسف قلقتني ، شنو الموضوع المهم دا الخلتيني ضروري اجي عشانو مع انك عارف راجلي لسه ما سافر و قلت ليك بجي بعد يسافر 😁 و ابيت توريني ليهو بالتلفون
يوسف متوتر جدا 😂 : ما تقلقي ، الموضوع هو هو

يوسف بقى يتمتم و خجلان و كان بعاين في الحيطة 😂😂😂 و قرر يرص ليهم الكلام سرعة سرعة عشان يخلص 😂

ام يوسف : اها شنو الموضوع ، اتكلم يا ولدي

يوسف بسرعة سرعة : في واحدة زميلتي في الجامعة زولة ما شاء الله ادب و اخلاق و ملتزمة و طيبة و برئية و انا قررت اخطبها 🙈

ام يوسف : وقعت قلبي يااخ 😂 ، الف مبرووووووك يا ولدي و عديلة تب ، نحن معاك لانو عارفين انو انت اكييد اختيارك صاح 😊

شذى : مبروك يا يوسف و ان شاء الله ربنا يتم ليك على خير ، انت بالجد مش اخوي الصغير لكن انا بحس انك زي ابوي لانك العرست لينا و بقيت مسؤل مننا و ما حوجتنا لزول بعد وفاة ابونا الله يرحمو و انا معاك للاخر ان شاء الله 😊

يوسف : العفو ، دا واجبي تجاهكم كان ، خلاص انا حاديك رقمها تتواصلي معاها و حاتصل ليها هسي ان شاء الله و اكلمها و اديك ليها تتعرفي عليها

شذى : انو متفقين على حاجة
يوسف : لسه والله
شذى : كويس ، شذى حست انو يوسف ما قادر يتكلم قدامها و قالت ليهو انا بدخل جوا و بجيك مسافة تكلمها لانو هي شكلها بتكون مستنياك بفارغ الصبر 😁😂

يوسف : كويس

نجمة كانت على احر من الجمر عشان تعرف راي اهل يوسف و متوترة و كل دقيقة تعاين للتلفون و شغالة تدعي و منتظرة يوسف يتصل عليها والتلفون رن ترن ترن 📞📞 لقتو يوسف و زادت دقات قلبها 💗💗💗

نجمة : الو الو يوسف
يوسف : مالك نفسك قايم كدة هههه 😂😂
نجمة : ههههه متوترة والله ، اها الحصل شنو طمني
يوسف : ياااخ انا اليوم دخلت جوا اضافري هههههه 😂😂
نجمة : عادي عادي هههههه ، شعور طبيعي
يوسف : رصيت ليهم الكلام سرعة سرعة و بس بعاين في الحيطة لدرجة انو حفظت انو عندنا كم شق في الحيطة 😂😂😂😂
نجمة : 😂 يا حليلك والله ، برضو ما وريتني الحصل شنو ، اتكلم سرعة 😁😁😁
يوسف : قالوووو
نجمة بغضب : 😡 قالو شنو ياخ
يوسف : 😍 باركو لينا و وافقو لانو مقتنعين بي رايي 😍😍
نجمة : 😍😍 الحمد لله
يوسف : هسي حاديك شذى تتكلمي معاها
نجمة : شذى اختك الساكنة بحري مش
يوسف : اي هي ، دي اكتر واحدة من اخواتي قريبة لي و عشان كدة وريتها هي و امي بالموضوع اول ناس من اخواتي

نجمة : حاتكلم معاها انا اقول شنو !!
يوسف : بعرف انا !!! ههههه انا عملت العلي و تاني ما عندي دخل بيك 😁 😂😂
نجمة : عايز تخليني في وش المدفع مش 😡

يوسف : اها دي شذى جات ، اتفضلي يا شذى اتكلمي مع نجمة

نجمة بقت ترجف 😂

شذى : الو السلام عليكم
نجمة قلبها دق بسرعة و ردت : و عليكم السلام
شذى : كيفك يا نجمة
نجمة : كويسة الحمد لله
شذى : يوسف وراني بالموضوع ،، ان شاء الله ربنا يتم ليكم على خير
نجمة : ان شاء الله

نجمة و شذى فضلو يتكلمو مع بعض قريب العشرة دقايق و اتعرفو على بعض و نجمة حبة حبة بقت حاسة بالارتياح في الكلام معاها و بعداك شذى ادت يوسف التلفون و مشت

يوسف : الو نجمة
نجمة : يوسف والله برجف هههههه
يوسف : اها قلتو شنو 😁
نجمة : انت ما كنت قاعد جنبها و لا شنو 😏
يوسف : اديتها التلفون و طوالي مشيت قعدت جنب التلفزيون حبة و ما قدرت اقعد ،، تاني مشيت المطبخ ، لقيت رشا هناك و شربت موية و بقيت لافي في الحوش ماشي و جاي 😂😂

نجمة : 😂 هههههههه يا حليلك والله
يوسف : وتاني جيت قعدت جنبها و اديتها ضهري هههههه و سامعكم بتتكلمو و تضحكو ، عشان كدة وريني الحصل شنو 😂😁

نجمة : والله اتعرفنا على بعض و لقيتها زولة ظريفة ، في البداية كنت خايفة لكن تاني ارتحت في الكلام معاها ☺

يوسف : كويس والله ، انتي كمان وروي اهلك عشان نجيكم في البيت 😍😍
نجمة : كويس ان شاء الله ، يلا سلام

يوسف قفل الخط و مشى لشذى و كلمها انو بعد نجمة تكلم اهلها حيمشو ليهم وشذى قالت ليهو خيير انو هي ما من طبعها تحكم على زول من اول مرة و قبل تشوفو لكن بالجد حبت نجمة لانو حست انو هي عفوية و ما بتتكلف الكلام 😍😍

و يوسف اتبسط جدا من كلام شذى ، هو اصلا مقتنع بي نجمة و حتى لو اهلو كانو اعترضو كان حيقنعهم بيها و يتزوجها لانو ما عايز غيرها و حمد ربنا انو اهلو اتقبلوها و مشى استخار و صلى ركعتين شكر لله و دعى في سجودو انو تكون من نصيبو 😍 و انو اهلها كمان يوافقو 😍😍

يتبع

#الحب_الحقيقي15 :
بقلم : تهاني محي الدين

جاء دور نجمة عشان توري اهلها

نجمة لقت امها قاعدة بتحضر في التلفزيون و مشت ليها و كانت متوترة لكن حاولت تكسر التوتر دا

نجمة : امي حبيبتي 😍
ام نجمة باستغراب : امي حبيبتي !!! عايزة شنو ههههه اكييد عندك حاجة 😁😂😂😂
نجمة بخجل : 🙈 اي يا امي

ام نجمة : اها قولي
نجمة : متذكرة الولد اللاقيناهو ايام التسجيل و قلت ليكي دا دفعتي ، لكن هو اكبر مننا
ام نجمة : اي متذكراهو اها مالو
نجمة بخجل اكتر : 🙈🙈 قال عايز يخطبني
ام نجمة : يا لئيمة و كمان متفقين و ما وريتيني قصتكم
نجمة : والله يا امي مافي قصة كانت و هو يادوب قبل يومين اعترف لي انو عايزني و قال لي وري اهلك
ام نجمة : لكن هو طالب معاكي !!
نجمة : اي طالب و كمان شغال ، و الله يا امي هو شاب مهذب و شغال في محل اسبيرات في السوق بتاع جبل اولياء هناك و زول مكافح خلاص لانو ابوهو اتوفى و هو المسك البيت من بعدو ، عشان كدة اتاخر في التعليم

ام نجمة بغضب : جبل اولياء عديل كدة ، كمان شغال عامل ، احسن تنسي الموضوع دا يا نجمة 😡
نجمة : ليه يا ماما ، مالها الجبل و الشغل كمان ما عيب

ام نجمة : بعيييدة جدا مننا ، نحن عشان نجييكي لازم نسافر عديل و كمان وضعو ما كويس

نجمة : يا امي دا ما عذر عشان ترفضيهو لانو نحن اهلنا في الدويم و قاعدين نمشي ليهم طوالي كمان

ام نجمة : طيب هل هو عندو بيت !!!!

نجمة : لا ما عندو لكن انا حاسكن معاهم في بيتهم لان ابوهو متوفي و هو قاعد حاليا مع امو و اختو و باقي اخواتو متزوجات

ام نجمة بحزم : كمان ما عندو بيت و كمان اخو بنات 😡 ،، ليه يا نجمة تعملي في روحك كدة ، انتي حتتعبي كدة ،، احسن تنتظري شوية و بجيك الافضل ان شاء الله

نجمة : يجيني الافضل من ياتو ناحية يعني !!؟

ام نجمة : القروش طبعا ، حيستتك يا بتي المقرش و ما حيخليك تحتاجي لحاجة

نجمة : يا امي القروش ما كل حاجة لانو يمكن تكون اخلاقو ضيقة و يضربني و يزلني ، يمكن كمان يتزوج علي بحجة انو مقتدر ، كمان يمكن يكون زول ما مسؤول ، و انتي لمن اتزوجتي ابوي ما كان عندو حاجة و وقفتي معاهو لحدي اسستو بيتنا دا و صلحتو الوضع ، انا كمان نفسي اقيف مع يوسف و اعمل العملتيهو مع بابا لانو يا ماما يوسف اخلاقو كويسة و بعرف ربنا و زول دغري ، انتي مش عايزة زول يخاف الله فيني

ام نجمة خافت من كلام نجمة عن الزول المقتدر و خافت بالجد يعمل فيها و يعذبها و قالت : اكيد لازم يكون بخاف الله فيك دي اهم صفة ، بس كمان ممكن تلقي زول وضعو كويس جدا و يخاف الله فيك

نجمة : يا ماما انا عرفت اخلاق يوسف من خلال السنة العرفتو فيها و متاكدة ما حتلقي احسن من يوسف لي لانو كدة فعلا

ام نجمة : شكلو ماكل دماغك يا بتي ، انا عايزة مصلحتك فكري في الموضوع بعقل

نجمة : انا عارفة انو نفسك تشوفيني مبسوطة و متزوجة زول مروق لكن السعادة ما بالقروش و لو عايزة سعادتي يا ماما خليني اتزوج يوسف لاني بالجد سعادتي ما بتكمل بدونو 😔😔😔 ،، ارجوك يا امي وافقي 😔

ام نجمة : انا خايفة تتبهدلي معاهو يا بتي 😔

نجمة : الرسول صلى الله عليه و سلم قال اذا جاءكم من ترضون خلقه و دينه فزوجوه و كمان قال تزوجو فقراء يغنيكم الله ، انا كمان بجي بي رزقي ، عشان كدة ما تخافي علي و الارزاق بيد الله

ام نجمة : غلبتيني والله يا بت 😏 عنييدة زي ابووووك ههههههه 😂😂 ، بالجد كلامك مقنع ، انا حاعرفو ايام الخطوبة اذا بنفع معاكي او لا و لو طلع كعب طوالي تسيبيهو ، اتفقنا

نجمة : اتفقنا 😍 شكرا يا احلى ام 😍😍😍😍 انا متاكدة انك حتحبيهو ، و انا ما كنت عايزاك تظلمي يوسف عشان وضعو على قدرو لان الراجل باخلاقو يا ماما و كمان عمر القروش ما بتعمل الراجل لكن الراجل هو البعملها 🙈

ام نجمة : كلامك صاح والله يا بنتي ، انا فخورة بيك انك زولة عاقلة كدة و متاكدة انو اي مكان تمشيهو حتسعدي ☺

نجمة : الله يخليك لي يا امي

و باست راس امها و قالت ليها : انا بخلييك تكلمي بابا لاني بخجل منو 🙈🙈

ام نجمة : طيب ، اول ما يجي بوريهو ان شاء الله ، بالجد كبرتي يا نجمة و بقيتي عروسة و عيونها دمعت 😭😢

نجمة : لشنو الدموع يا ماما

قشت ليها دموعها و استاذنت منها عشان هي كمان دمعت 😭 و ما عايزة امها تشوفها

و مشت تكلم يوسف

نجمة : سلامات يوسف
يوسف : و عليكم السلام نجمة
يوسف : اها كلمتي اهلك
نجمة كانت عايزة توترو حبة بس حنت على حالو 😂😂😂 و قالت : اي كلمت امي و وافقت 😍 الحمد لله ، فضل ابوي و بعد يجي امي حتكلمو ان شاء الله

يوسف بفرح : 😍 الحمد لله انها وافقت ،، ربنا يسهل لينا ان شاء الله و ابوك كمان يوافق

نجمة : اللهم اميين يا رب ، عايزة اسالك سؤال !؟
يوسف : اتفضلي
نجمة : انت ليه قلت عايزني !!
يوسف : اممممممم عشان شفت فيك الزوجة الصالحة و عشان فاهمة يعني شنو زواج و مسؤلية برغم صغر سنك

#الحب_الحقيقي16 :
بقلم : تهاني محي الدين

جاء ابو نجمة البيت و بعد اتعشى ، نجمة لكزت امها عشان توريهو ودخلت غرفتها و وقفت جنب الباب عشان تسمع كلامهم 😁

ام نجمة : يا احمد عايزاك في موضوع
ابو نجمة : شنو يا فاطمة الموضوع ،، ان شاء الله خيير
فاطمة : بتك جاها عريس و عايز يجي يتقدم ليها
اجمد : و دا منو سعيد الحظ دا
فاطمة : هو زميلها في الجامعة
احمد : ما شايفة انو زميلها دا بكون صغير على زواج و ارتباط !!
فاطمة : لا هو ما صغير ،،قصتو طويلة و حاحكيها ليك

نجمة كانت خايفة ابوها يرفض و شغالة تدعي 👐👐

فاطمة حكت ليهو القصة كلها و احمد رد ليها : ياااخ ما شاء الله و الله من كلامك عنو عجبني لانو راجل ود رجال و البتحمل مسؤولية زي دي ما بخاف على بنتي معاهو و انا بشتري راجل ، خليهو يوم الجمعة الجاية يجيب اهلو و نحن في انتظارهم

نجمة اتبسطت جدا 😍😍و كانت واقفة ورا و بتنطط من الفرح 😂

فاطمة : ان شاء الله ، طيب حاكلم نجمة عشان تكلمو
احمد : كدي نادي نجمة دي

و فاطمة نادت نجمة ،و نجمة كانت سامعة الكلام و خجلانة تمشي لابوها 🙈🙈

و جاتو بي خجل و ابوها قال : والله ما شاء الله كبرتي يا نجمة ، ان شاء الله ربنا يسعدك و يتم ليك على خير ، كلمي الولد انو يجيب اهلو و يجينا يوم الجمعة

نجمة هزت راسها و بخجل 🙈 مشت غرفتها و بفرح
اتصلت على يوسف

و يوسف كمان كان بدعي انو ابو نجمة يوافق و منتظر اتصال نجمة بفارغ الصبر و نجمة اتصلت ترن ترن 📞📞

يوسف بتوتر : الو نجمة بشري
نجمة بفرح : 😍😍 مبروووك لينا لانو ابوي وافق و قال ليكم تعالو يوم الجمعة
يوسف : 😍😍 الف الف مبروووك لينا يا ننو
نجمة : ننو عديل هههههه
يوسف : اي ننو 😍😍 ،، ربنا يسهل لينا و يوفقنا
نجمة : امييين يا رب ، كمان انا حاناديك يويو 🙈
يوسف : مقبولة منك ،، اي اسم منك حلو 😁 ،، طيب انا حاوري خيلاني و عمي الكبير ابو محمد و محمد عشان يجوكم يوم الجمعة ان شاء الله

نجمة : و انت ما بتجي و لا شنو 😒

يوسف : ما بقدر اجي ، كفى دخلتيني في اضافري مع اختي و امي هههههه 😂😂

نجمة : لازم اهلي يشوفوك كمان ، لازم تجي 😁
يوسف : خلاص بحاول و امري لله ههههههه
نجمة : طيب ، ان شاء الله ربنا يتمم لينا يارب 🙈
يوسف : اميين يارب
نجمة : ما تكلف روحك يا يوسف ،، انا ما عايزة غيرك انت و حتى دبلة ما عايزاها
يوسف : عارفك اصيلة و بت اصول و الدبلة دي انا عايز اجيبها ليك عشان طول ما اشوفك لابساها اطمن انك لي 😍 😍
نجمة : طيب بس جيب دبلة و القروش العندك وفرها عشان نتم بيها بيتنا ☺🙈🙈
يوسف : ان شاء الله يا نننو ☺ ، ربنا يجمعنا 😍
نجمة : امييين يا رب

و قفلو من بعض و هم في قمة الفرح 😍😍

و هيام اتصلت على نجمة عشان تعرف الحصل و نجمة ورتها بالتفاصيل و الحصل كلو

هيام فرحت ليها 😍😍 و وعدتها انو تجيها يوم الجمعة من الصباح عشان تقيف معاها ان شاء الله

كمان نجمة اتصلت على اماني و عزمتها الخطوبة و قالت ليها الحمدلله الموضوع نجض و مافي اي مشاكل تاني و حكت ليها قصتها مع يوسف كلها و اماني فرحت ليها جدا 😍😍😍 و باركت ليها و وعدتها انو تجي ان شاء الله من بدري

يوسف نام مبسوووط لانو حيخطب نجمة رسمي و انو كدة حيضمن انها ليهو 😍😍💟💟 و كمان نجمة كانت في قمة سعادتها ، حتى ظهر عليها و وشها نور من الفرحة عشان حبها حيبقى خاطبها رسمي ❤❤

الصباح يوسف مشى كلم عم حسن عشان يمشي معاهو الخطوبة و التعارف لان عم حسن في مقام ابوهو و ما قصر مع يوسف و عم حسن فرح ليهو جدا و وعدو انو يمشي معاهو ، حتى كمان اداهو مكافاءة مرتب شهرين 😍 عشان يجيب بيها حاجات الخطوبة
، يوسف شكرو جدا على وقفتو معاهو

يوسف كلم نجمة تديهو مقاس دبلتها و مشى اشتراها ليها من السوق الجنبهم و ببقية القروش جاب بارد و علبتين حلاوة

يوم الاربعاء كان فضل للخطوبة يومين و لما كانت نجمة نايمة جاها الم شديد في جنبتها اليمين و بقت تكورك بي اعلى صوت لانو ما قادرة تستحمل الالم ،، بس شغالة تقول يا الله يا الله و جو احمد و فاطمة مخلوعين و لمن شافو منظرها طوالي ساقوها على المستشفى و الدكتور كشف عليها و قرر ليها عمليه مستعجلة لانو لقى عندها ورم كبير في المبيض اليمين و كانت ضرورية جدا العملية لان الورم ضاغط على الرحم و ملتوي ، ممكن ينفجر و يسبب الوفاة 😳

يوسف كان بتصل على نجمة و تلفونها مقفول و قلق جدا عليها و ما عارف الحاصل شنو 😔😔

نجمة تاني يوم فتحت تلفونها و اتصلت على يوسف

يوسف : الو نجمة وينك انتي من امس ، قلقتيني عليك

نجمة : اهلين يوسف معليش لكن انا تعبت و ودوني المستشفى و الدكتور قرر لي عمليه مستعجلة و حأعملها بكرة ان شاء الله

يوسف : 😳 لا حول و لا قوة الا بالله ، عملية شنو !!!😳 و انتي كيف هسي !؟

نجمة : عملية كيس في المبيض اليمين و الورم كبير كمان 😔

يوسف : ما تخافي يا ننو ، ان شاء الله حتبقي احسن

#الحب_الحقيقي17 :
بقلم : تهاني محي الدين

نجمة : سيبني يا يوسف لاني يمكن ما اولد في حياتي اذا اتزوجنا 😔

يوسف : 😡 الولادة تطييير ، اي حاجة تهون بس انتي تقومي لي بالسلامة لانو صحتك عندي بالدنيا ،، ختي في بالك يا مجنونة اني ما عايز غيرك و افهمي الكلام دا كويس ، انتي بس الحتكوني زوجتي باذن الله

نجمة بكت من كلام يوسف 😭 و اتاثرت جدا لانو ما اتردد و كان متمسك بيها 😍

يوسف : مالك بتبكي هسي يا ننو ، ما تخافي انا جنبك و ما بخليك اصلا ☺ ، انتي في اي مستشفى لانو حاجيك هسي

نجمة فرحت لتمسك يوسف بيها 😍 و وصفت ليه المستشفى و يوسف من مكانو اتحرك مشى على المستشفى

وصل المستشفى ، لاقى ابو نجمة و امها ، مشى عليهم طوالي لانو كان شاف ام نجمة يوم التسجيل و عرفها ، كمان ام نجمة عرفتو

يوسف : السلام عليكم
احمد : و عليكم السلام
فاطمة : انت يوسف مش
يوسف : ايوا ، نجمة هسي كيف!
احمد : كويسة الحمد لله ، هي جوا في الغرفة

يوسف : الحمد لله ، عندك حاجة اساعدك فيها يا عمي

احمد : بعمل في اجراءات العمليه و العمليه بكرة ان شاء الله
يوسف : ربنا يكتب ليها الشفاء ، ما تقلقو لانو حتتحسن ان شاء الله و ترجع احسن من الاول

فاطمة : يسمع منك ربنا ان شاء الله

يوسف : ممكن ادخل على نجمة اسلم عليها

فاطمة : اتفضل و دخلت معاهو الغرفة

نجمة دمعت لمن شافت يوسف 😢و فرحت كتير😍
و يوسف لمن شافها راقدة تعبانة نسى انو ام نجمة معاهم

يوسف : ازيك يا مجنونة 😁 بطلي دلع و قومي لينا بالسلامة

نجمة ضحكت لكن اتالمت في جنبتها و قالت ليه : ياااخ ما قادرة اضحك ما تضحكني 😂

يوسف : ما تخافي يا ننو ، انا معاكي و حتقومي بالسلامة و ترجعي لينا احسن من الاول ☺ باذن الله

نجمة : ان شاء الله ، ربنا يخليك لي يا يوسف ☺

يوسف : و يخليك كمان ، انا ماشي لعم احمد ، هسي اقري قران و ادعي و ان شاء الله بحصل كل خير ☺

نجمة : حاضر ☺

يوسف قام من الكرسي و لما قام شاف ام نجمة بتعاين ليهو ، خجل جدا منها 😂😂 لانو نساها و اتكلم باحساسو مع نجمة 😂 و طلع سرعة

ام نجمة شافت يوسف و شافت حبهم لبعض و اتطمنت على بنتها 😍😍 ، انو بالجد يوسف زين الشباب و هو الوحيد البقدر يسعدها لانو لاحظت لي فرح بنتها لمن شافتو و ابتسمت ابتسامة رضا ☺☺☺

يوسف طلع لاب نجمة و بقى شغال معاهو في الاجراءات حقت العمليه و احمد كمان عجبو يوسف جدا 😍😍

احمد : كان نفسي نتلاقى في ظروف احسن من دي
يوسف : كلو مقدر و لخير و الحمدلله على كل حال ، ان شاء الله نجمة حتقوم بالسلامة و حتفرح بيها كمان ☺

يوسف تم الاجراءات و مشى بيتهم و كان متواصل مع نجمة في الواتساب و بطمن فيها و طول الليل كان بصلي و بدعي انو نجمة تقوم بالسلامة و تتحسن 😍

جاء يوم العمليه ويوسف من الصباح جهز و شذى اختو قالت حتجي معاهو و جو المستشفى

سلمو على اهل نجمة و هيام و على نجمة

يوسف قال ليها تتحصن و تقرا قران طول العمليه لان التخدير كان نصفي و بتكون صاحية و قال ليها ما تخاف و تثق في ربنا ☺

نجمة كمان جاتها الشجاعة عشان اهلها جنبها و يوسف كمان زاد من معنوياتها و دخلت العمليه

العملية كانت ساعة و نص و يوسف طول الوقت بقرا في المصحف من تلفونو و بدعي ليها

ام نجمة و اب نجمة شافو خوف يوسف على بنتهم و الاتنين من غير يحسو لقو دموعهم في عيونهم 😢

دكتور التخدير بونس في نجمة عشان ما تحس بالم الحقنة حقت التخدير و قال لنجمة : متزوجة انتي
نجمة : لا ما متزوجة
دكتور التجميل : بعد جمالك دا
نجمة بكل ثقة : مخطوبة 😍😍
دكتور التخدير : ربنا يتمم ليك على خير
نجمة : اميييين 😍😍

نجمة طول العملية كانت بتقرا قران و بتدعي و مطمنة جدا و بين واعية و ما واعية ، كانت مغمضة عيونها ،الاخصائي كان بتكلم معاها و قال ليها : ما تشيلي هم ، طلعنا الكيس الحمدلله ، هسي كمان حاعدل ليك الرحم لانو كان مايل و حاظبط ليك المبيضين عشان ما تكون في مشكلة لقدام
نجمة بتعب : شكرا يا دكتور

في اثناء العملية البنج فك و نجمة بقت تتالم ، و خدروها بدرب ملح عشان يخيطو ليها الجرح

انتهت العمليه و وطلعو الكيس و الكيس كان كبير جدا قدر كفة اليد 😳 ، مليان دم و شعر و حاجات كتيرة

نجمة بسبب التخدير كانت ما قادرة تفتح عيونها كويس و فضلت مغمضة عيونها ، لكن كانت سامعة اي حاجة و حاسة بانو الناس جنبها و صوت يوسف كمان لانو كان ببارك لي لاهلها و دموعها كانت بتنزل من الفرحة 😢 و سامعة صوت هيام بتشاغل فيها لكن كانت ما قادرة تفتح عينها و بس بتبتسم

بعد ساعة نجمة فتحت عيونها و لقت يوسف و اهلها قدامها و هيام

يوسف قال ليها :كل دا نوووم قووومي يا كسلانة 😁
نجمة : ابتسمت ليه ☺و ما قادرة تتكلم لكن كانت مبسووطة
هيام : الناس البطلعو من العمليات بطلعو حلوين كدة 😂😂
نجمة : ما قادرة اضحك يا هوهو ، اسكتي ما تضحكيني
هيام : هههههه كويس

#الحب_الحقيقي18 و الاخيرة :
بقلم : تهاني محي الدين

طلع الورم حميد الحمد لله 😍 و ابو نجمة اتبسط جدا و حمد ربنا ،"جاء البيت فرح نجمة و امها 😍😍

نجمة كلمت يوسف و يوسف اتبسط جدا و حمد ربنا😍 و هيام كانت متواصلة مع نجمة و قالت ليها يا بختك بي يوسف لانو بالجد اثبت انو زول كويس 😊😍😍

يوسف اتصل على اب نجمة و حدد ليهو ميعاد جديد عشان يجييب اهلو و كان بعد شهرين من العمليه

جاء يوم الخطوبة 😍 و هيام جات لنجمة ،، نجمة لبست احلى ما عندها و عملت مكياج خفيف و بقت احلى من الاول بكتير 😍😍 و تسوي كدة 👋🏻 ، كانت في غرفتها و متواصلة مع يوسف ووصفت ليهو البيت

يوسف هناك كان بستعجل ناس بيتهم عشان يطلعو و التوتر ظاهر عليه ،، اصحابو مشغلنها ليهو و هو في عالم تاني و طول السكة سرحان في نجمة و مبسوط ومتوتر كمان في نفس الوقت 😁😁 و بتكلم مع نجمة

وصلو بيت نجمة و لاقوهم اهل نجمة باستقبال جميل و قعدو الرجال ، اتكلمو مع اب نجمة و اعمامها و اتعرفو على بعض ، طلع عم نجمة بعرف خال يوسف لانو كان زميلو ايام الدراسة و الالفة زادت 😍 و يوسف كان ساكت و مرتبك ، بس يطقطق في اصابعينو 😁 و مبتسم 😅😂

و في الجانب الاخر الحريم كانو مع بعض و اهل يوسف طلبو يشوفو نجمة و نجمة طلعت ليهم و كانت جميلة جدا ، وشها بشوش و تدخل القلب ❤ ، اهل يوسف حبوها من شافوها و قعدت اتونست معاهم و كانت مبسوطة بيهم و هم كمان ، اخوات يوسف لبسوها الدبلة في يدها اليمين ❤❤

الرجال قاعدين في الصالون و قالو ما دام طلعو معرفة ما بستاهل يسالو عنهم و قررو انو يقلبو الخطوبة عقد 😍😍 ،، الجميع وافقو و جابو الماذون و عقدو 😍😍😍😍😍 ، قررو الزواج بمجرد يوسف ينتهي من بناء بيتو و بي مقدرة يوسف و نهائي ما حيكلفوهو فوق طاقتو 😍❤❤

و جو قالو للحريم انو عقدو و نجمة كانت طايرة من الفرحة 😍❤❤

و عم البيت الفرح و الزغاريد ،، نجمة و يوسف طايرين من الفرح❤❤ و يوسف جاء يبارك لي نجمة ،، لقاها ما شاء الله تبارك الله تسوي كدة 👋🏻 وزي القمر ، قال ليها ما شاء الله تبارك الله ، ربنا يحفظك لي ❤❤

كان ما قادر يشيل عيونو من عليها 😍 و نجمة كانت خجلانة جدا منو 🙈و مبسوطة 💞💞💞💝 ،، مد ليها يدو ودي كانت اول مرة يسلم عليها في يدها ❤ و اتلاقو الايادي 👫 و القلب دق 💗💗💗 و زادت حرارة الحب❤❤ و يوسف طلع لي نجمة دبلتها من اليمين و لبسها ليها في الشمال 😍😍 لانو خلاص بقت زوجتو ،، نجمة عاينت في الدبلة و الفرحة كاسياها 🙈❤😍😍

رجعو اهل يوسف بيتهم ، كلهم مبسوطين و كمان نجمة و يوسف كانو في قمة السعادة 😍❤

يوسف اول ما وصل البيت اتصل على نجمة

يوسف : الو نجمتي زوجتي حلالي 😍
نجمة خجلت : انا ما مصدقة يا يوسف انو عقدنا خلاص و بقينا حلال بعض 🙈😍
يوسف : انا كمان والله ما مصدق ،، ربنا سهلا لينا جدا الحمد لله 😍
نجمة : عشان نيتنا سمحة و غرضنا الحلال ربنا ساعدنا و عشان راعينا لربنا ربنا بارك لينا 😊، الحمدلله 😍😍
يوسف : عايز اقول ليك كلمة كاتمها جواي من شهور 😁

نجمة : قولها 🙈

يوسف : انا بحببببببببك والله بحبببك يا نجمة ❤❤❤ و بحببببببك شديد كمان 😍 ، انتي نجمتي المنورة سماي و انا اليوم اسعد انسان 💝💝💝😍
( اقفلو خشمكم دا ما تتبسمو براكم زي المجانين 🤣🤣🤣)

نجمة خجلت 🙈🙈 و فرحت جدا 😍 انو اخيرا سمعتها ❤❤ و فرحانة عشان سمعتها بالحلال من زوجها يوسف و كمان اعترفت و قالت ليهو : انا كمان بحببببببك كتييير 🙈 و من زمااااان حتى قبل تطلبني للزواج و كانت عاجباني غتاتك دي 😁 و كنت بتمنى تكون حلالي و دايما كنت بدعي بي كدة و ربنا استجاب لي 😍❤❤

فضلو يتونسو طول الليل و هم مبسوطين جدا انو ربنا سهل ليهم و عقدو ،، قفلو من بعض و قامو الاتنين صلو صلاة شكر لربنا 😍 ودعو انو يكونو ازواج صالحيين لبعض دايما و اول مرة ينومو و هم مبسوطين كدة ❤❤❤

يوسف سعى بي كل جهدو و كان شغال في بناء بيتو و بناءهو ،، تم زواجو من نجمة بي عزومة بس و من غير حفلة لانو كانو متفقين على كدة 😍 و انو ما عايزين يبدو حياتهم بذنوب لان البحصل في الحفلات من اختلاط و ذنوب هم في غنى عنها ، نجمة لبست زفاف محجب و كانت احلى من القمر 😍😍😍 ، و يوسف طلع وجيه جدا بالبدلة 💖💖💖 ، مشو اتصورو صور العرس و كانت مبسوطين جدا ، و قلبهم بدق من الفرح 😍😍 ،، تم الزواج و كانو اسعد اتنين بي حبهم لبعض ❤ و احترامهم لبعض و لي اهل بعض 😍 ، كانو ازواج صالحين لبعض و الاتنين براعو لمشاعر بعض و ببعدو عن الحاجات البتزعلهم من بعض 😍 ، كانو ما بدخلو زول بينهم ، حتى لو اتناقشو بقعدو مع بعض و يتفاهمو و بصلو لحل 😍 و طوالي كانو بتحصنو عشان ما يطقوهم عين لانو برغم وضعهم البسيط كانو سعداء و الكل بحسدهم على سعادتهم 😍و بتمنو يكونو زيهم

#الحب_الخجول - طارق اللبيب

#ملك_قلبي_ذاك_المغرور
بقلم تسابيح نوري
-٣٧-
#الحب ليس أن تحب فقط بل هو مسؤوليه وثقه تضحية غيره الحب صداقه من نوع اخر الحب أن تشعر بالذي تحبه قبل أن ينطق بكلمه الحب وعود يجب أن تفي بها الحب شعور يبعثر تفكيرك واحسايسك ببساطه هو حياة💜

انا: ي سلااام أخيرا وصلنا باريييس😍💜
مراد:م تكوركي فضحتينا😹💔
انا:دقيقه اقرص نفسي يمكن بحلم ولا حاجه🐸💔
مراد:ارح ي مجنونه نمشي الفندق نرتاح وبكره بفسحك
انا:أي آي ونمشي برج ايفل
مراد:من عيووني
انا:ي سلاام😍 وقعدت انطط😹💔مراد زهج مني وشالني وحشرني في العربيه😹💔
مراد:متزوج شافعه أنا أقسم بالله 🌚💔
انا:شافعه في عينك😑👊
مراد:هسس ياخ صدعتي بي من نحنا في الطيارة وانتي بتنقنقي🌚👊
الموهيييم مشينا الفندق وكده🌚💜احلى شئ أنك بتشوف البرج من البلكونه 😍💜
انا:مراااد
مراد:نعم نعم بتكوركي مالك😑
انا :مششش قلت حتوديني أشوف البرج لينا أسبوع هنا ولسه حضرتك م وريتني😒
مراد:عايني لي من البلكونه😂
انا:مراد ياااخ أنا جاده معاك😒👊
مراد:خلاص حبيبتي م تزعلي بوديك بعدين بليل بكون منور وشكلو حلو
انا:ي سلااام أنا حببكك جدن😍💜ومشيت حضنتو
مراد:شكلي كل يوم حوديك لو حتحضنيني كده😂
انا:امشي ي منحرف 😂👊

مراد:اها ي ستي جينا واسي نحنا في أعلى منطقه في البرج فرحانه
انا:شديد ياااخ المنظر خياالي😍💜
مراد:حبيبتي ..قبلت عليهو عشان اشوفو عايز شنو
انا:نعم🌚..طوالي باسني🙊
مراد:بس خلاص😂
انا:وااي منك ي مجنون ي منحرف عيب قدام الناس 🙈😒
مراد:ناس منو كمان هم عندهم عادي😂💔
انا:هسس مني بس😑👊
الموهيييم قضينا احلى ايام في مدينة العشاق باريس💜
بعد مرور تلاته سنين....
مراد:ي الست المحاميه أنا عايز أرفع قضيه
انا:في منو
مراد:فيك
انا:لي عملت شنو😂
مراد:طول الوقت مشغوله لمن تجي من المكتب ببترتاحي وتاني تدخلي مكتبتك وتقعدي بين الملفات والكتب م بتهتمي بي راجلك وولدك مش كده ي مروان
مروان :أي تدا
انا:خلاص ي حلوين اها طالعه حاخد بكره اجازه عشانكم كمان مبسوطين..وشلت مروان وبستو في خدو
مراد:وأنا ماف لي🌚💔
انا:لاع😹
مراد:كده أنا حغير من مروان😒
انا:تعال ي مروان نعمل ننم بابا ده م عندو موضوع ساي😂💔
مراد:سمح اصبري لي بعدين😒
مروان: ي ماما دولي لي لهف تجي تلعب معاي
انا:طييب بقول لي عمو زيزو يجيبها (أي تخيلو زيزو اتزوج😂💔طبعا اتزوج نور وبقى عندهم رهف😍💜 أنا زيزو عملنا مكتب وبقينا شغالين سوا🌚💜عايشين في السعوديه😍💜)
مروان:ي لهف
رهف:أي
مروان:أنا لمن اتبل دايل اتون محامي زي ماما (وحلاتي😹💜)
رهف:وأنا تمان دايله اتون محاميه زي بابا
زيزو:رهووفه يلا تعالي عشان ماشين
انا:المره الجايه جيب معاك نور ياخ اشتقت ليها
زيزو:مونتهييي😂
مروان:بااي ي لهوفه
رهف:باي
انا:حلوين😂خلاص أنا حجزت رهف لي ولدي
زيزو:م عندي مانع بس م تجي وحده تشلبو😂
المهم مشوا ونحنا دخلنا
مراد:مرتي الحلوه🌚💜
انا:اممم النظره دي م عاجباني🐸💔
مراد:😂
انا:اها احكي
مراد: م نفسك نجيب لي مروان أخت كده حلاتها🌚
انا:ااااا والله ياخ أنت قايل شنو🐸💔
مراد:م تقولي لي م بقدر حاليا واعزار كل مره مروان أنت عايز بيبي ولا لا
مروان:ايز ايز
انا:هيي شوف ده كمان عامل لي شعرك البني الحلو ده😂
مراد:أي طالع بشبهني شديد
انا:أي بس م يكون مغرور زيك😹😹
مراد:انتي لسه بتقول لي مغرور ياخ والله أنا بقيت متواضع 🌚
انا:حتى ولو حتفضل مغروري وجريتو من شعرو😂
مراد:ااخ بقيتي محاميه وعندك ولد ولسه م خليتي حركات الشفع دي🌚👊
انل:أصلا م حخليها هوي وين مروان😕
مراد:تعالي شوفي ولدك بنطط في السرير😂
طوالي طلعت في السرير وبقينا ننطط سوا ومراد شبع علينا ضحك أنا مع مراد بحس نفسي طفله أما في المكتب بكون صارمه ولا كأني تسابيح الفي البيت🌚💔المهم بعد مرور سنتين جبت لارين طلعت بتشبهني بس عيونها زي مراد😍مروان كان فرحان انو عندو اخت حياتنا كانت حلوه شديد وكل يوم حبنا أنا و مراد ماشي في زياده وبقول لي انتي طفلتي مهما كبرتي حتفضلي طفلتي💜🌚أما بالنسبه لي شلتي أيمن بقى مستشار وسلسبيل عملت ماستر في القانون الدولي وكل فتره في بلد وأحمد وايلين اتزوجو وعاشو في دبي وعندهم مازن وننس بقت محاميه لي شركة ابوها أما سموره اتزوجت مازن وجابو مراد 🌚💜أما تامر خطب واخيراا فكر يتزوج😂😂المهم ي حلوين كده تكون روايتنا خلصت الروايه العشنا مع ابطالها كل قصصهم الحلوه والمره واكيد أي زول فيكم لقى نفسو في شخصيه من الشخصيات دي حبيت اوريكم انو الحب بصنع المعجزات وممكن الزول لمن يحب يتغير ويبقى شخص تاني زي م حصل مع مراد وانو الغرور صفه م كويسه ومافي احلى من التواضع وبرضو انو الصداقه كنز واحلى شئ الاصحاب البكونو لينا اخوان وأهم شئ نعرف كيف نوازن بين الصداقه والحب وم نخسر واحد بسبب التاني 💜
#لم أكن اعرف أنني سالتقيك بالصدفه واحبك بهذا الشكل لم أكن أعلم إني ساحبك أيها المغرور ولكن اليوم أقول وأعترف أنه ملك قلبي ذاك المغرور💜
واااي م مصدقه طبعا

#الحب_الخجول - طارق اللبيب