#الضياع
-١٠-
بقلم تيسير احمد
الحاج (ابوعازه): لكن داك بيتك مهما كان
اسما (امها):وداك راجلك اتفاهمي معاو م طوالي تجي ياما ح تلاقيكم مشاكل
عازه:انا رجعه لي هناك ماف تاني
الحاج:طيب انا بتكلم معاو يشوف لي شغل
الموهم قعدو ينصحو فيها داك بيتك والمره لازم تستر بيتها والحنك دا الحاج اتكلم مع خالد ووعدو يشوف لي شغل ورجعت بيتها 
ع امل يتصلح ان شالله 😪
#تخريمه:-
عازه حكت ليهم عن عدم الشغل م حكت ليهم عن عدم الاحترام والكلام التاني
ف جانب ملاذ:-
عائشه:انا وثقته فيك وربيتك دي جزاتي
ملاذ:وانا م خنته ثقتك وم عملت شي يستاهل تعملوني بطريقه دي
عائشه:العملتي م بنسكت عليو والسواهو ابوك بسيط وانا بيدي ناويه ليك بس الضيوف يمشو وشوفي اعمل فيك شنو
ملاذ:انتي بتكلم كدا ليه عملته شنو انا
عائشه:عايزه تقنعيني انك م عملتي شي وم فاهمه بتكلم عنو شنو 
ملاذ:فهميني عملته شنو انا 
عائشه:الصور والكلام الوصلني م اتوقعتو منك نهائي
ملاذ:صور شنو وكلام شنو
عائشه مشت جابت صور :هاك شوفي دي الصور الفصحتينا بيها احنا كم مره قنا ليك نعرس ليك وانت رفضتي البتقلي ادبك معاو دا كان جاك بالحلال ح نرفض? ? ه اتكلمي لسه عندك كلام
عاينته للصور بعد راسي لفه :الصور دي م صاح دا كلو كذب انتي فاهمه غلطه ...
عائشه:يعني الصور مفبركه? ? 
ملاذ:طيب دقيقيه اشرح ليك والله كذب..
عائشه:م الصور بس انا شفتك بي عيني دي
ودا الفديو شوفي ورمت لي التلفون ف وشي والجاب الكلام دا زول موثوق
ملاذ:طيب اسمعي العندي 
عائشه :م عايزه اسمع شي كفايه الشفتو لو عارفاك بتتغيري كدا كان عرسته ليك من 15سنه 
ملاذ:بتثق ف اكتر مني يعني مصدق ديل وبتكذبني
عائشه:انا م بثق فيك
الحبوبه:البت عار البيت من زمانك قته ليكن عروس ليها ورفصتو هدي اخرت علامها
مشوا مني وخلوني باركه ف الارض لعرفته ابكي لا عرفته اضحك بس بقيت ساكته والصور والفديو بين يدي وكلام امي صدمني ياااخ معقوله انا انا ملاذ المودبه المحترمه الكل ناس بتحكي باخلاقه انا الم حصل رفعته صوتي ع امي البارها بقدر م بقدر امي تقولي كدا امي تثق ف الناس اكتر مني للدرجه دي انا سيئه للدرجه دي كعبه قعدت فتــره وانا ماسكه راسي سمعته صوت التلفون برن لغيتها شهد قته ليها تجيني البيت حااالا جاتني وحكيت ليها
#فلاش باك :-
الصور كانت فيها انا وايمن واقفين مع بعض يعني كلو ف الجامعه ومره ف الكفتريا كانت اتكشحت فيني قهوه هو شايله وكانت حاره و وهو مسك يدي شان م اتحرق زياده وخته فيها المنديل مصور فيهو مسكت اليد بس الفديو كان قبل فتره صحبتنا اتوفي ابوها مشينا ليها وكلهم دخلو فضلنا انا وايمن هو داخل الباب عايز يتقفل فيني مسكو لي بيدو وخشيتنا بس دا وصل لتلفون ابوي كيف م بعرف الكلام دا الاربع بليل 
استكانهه:-
بالنسبه لسليم اعتذر من ابوي ورفض اما محمد ال هوا ابو سامر اتصل ع ابوي وطلب يدي ويوم الخميس رفض تماما انو يكلمني خصوصي بعد الشافو ولو م الله ستر وكان معانا ضيوف كان اكيــد وقته قتلنــي من غير م يسمعنــي حتي
المصيبــه بتبــدا لمن يدخلو الناس لمن تكون بتسمع كلام الناس اكتر من تسنع لناسك مع الاسف خراب البيوت شرارتو قواله 
يتبع

#الضياع
-١١-
بقلم تيسير احمد
شهد:العمل كدا منو
ملاذ:امي ابت توريني
شهد:استغفرالله اهدي بتحلا
تاني يوم شلته الصور ومشيت لايمن
#قراصه:-
ايمن ولد بصراحه مودب وم بتتطلع منو حاجات ذي دي دا غير انو ادمي شديد وحساس وهو مربط برضو 😅
ملاذ:ايمن ثواني ..... انا ازيتك ولا جرحتك ف حاجه
ايمن بستغراب:ابدا
ملاذ:طيب فهمني دا شنو (حاولته افهم منو حاجه عسى اصل للعمل كدا وم عصبته عليو
ايمن كان باين عليو الاستغراب وانو م عارف :الكلام دا وين ومتين ومنو وليه عمل كدا
ملاذ:دا جايه افهمو منك
ايمن:مني??م فاهمك كيف يعني مني
ملاذ:يعني م انت العملته كدا
ايمن:ي بت انت مجنونه اعمل كدا ليه انتي كيف بتفكري فيني كدا انا م حيوان للدرجه دي ع فكره وزعل مني شديد
ملاذ: ووقعته ف مصايب بسبب الصور دي .
ايمن:لحظه م تكملي انتي بجد متوقعه اكون انا?? ?
ملاذ:اسفه بعتذر بس دا الفكرته ف بعد شفته الصور و ....
ايمن:تمام م مشكله ي ملاذ لكن بجد بعتبرك اخت لي م اكتر
ملاذ:لحظه .. اسفه م قصدي بس انا بت ف النهايه واتشوهت سمعتي بسببم (وقته عيوني دمعو)
ايمن:طيب تمام م مشكله خير عذرتك
ملاذ:انت مذكر المواقف دي? ?
ايمن:اي مذكره
ملاذ:اذا م فيها ازعاج تعال معاي البيت وبرئني يعني بتكون م قصرته
وفعلا مشا معاي البيت طلع ابوي قرب قرررب يضربني بس ايمن جا وشرح ليهم كوووول القصه من طقطق للسلام عليكم وراهم الصور بالواحده حتي العربيه الحكا عنها ابوي كانت يوم مشينا البكا برضو المووهم ايمن م قصر معاي نهااائي
ايمن:انا لو كذاب ولو بعمل انا وبتك غلط م كان جيت واتجرئته ووقفته قدامك بس ملاذ اختي وغير الخير م بينا شي ايا كان العمل كدا فهو استغلها ولو كنت مكانك م كنت صدقته الناس وكذبته بتي ملاذ بت ماف منها بجد انت محظوظ لانو عندك بت زيها بعد اذنك ح امشي بعد دا
حسين:شكرا ليك ي ولدي
ايمن مشا وانا مشيت ع غرفتي طوالي جو كلهم خاشين علي
حسين:كان ضروري تجيبي الولد لهنا
ملاذ:كان عندك حل تاني
عائشه:لوكلمت.....
ملاذ:لمن جيت احكي سمعتني لا صح م كان عندي حل تاني واذا خلصتو استجواب بعد اذنكم حابه اغير (قله ادبي الهنا دي كانت بداية انحرافي) صليت العصر ورسلته لايمن شكرتو فيها عدا اسبوع ع الحصل لا زول بتكلم معاي ولا بتكلم مع زول والبسال برد ح حسب السوال وبخش بمسك تلفوني وف الاسبوع دا سامر م جاتني منه و لا مكالمه ولا مسج لغايه م يوم ابوي جا لاقاني قاعده :نسابتك عازمنك غدا بجي سامر يوصلك ملاذ فاتحه التلفون :طيب
ابوي استغرب من رده فعلي وافقته بسهوله جا وقت الغدا
عائشه:م ح تلبسي
سامر بعد شويه بصل
ملاذ:ليه? ?
عائشه:الغدا نسيتي
ملاذ:غدا شنو?? !
عائشه:ابوك كلمك الصباح وقته لي كويس
لقيت نفسي زهجانه قته اه اطاع احشي بطني خسرانه شنو الموهم لبسته لي اسكيرت وقميص وطرحه اتمكيجه خفيف وطلعته
عائشه بنبهار:ماشه كدا
ملاذ:ايوووه ف مشكله 
عائشه:لالا ابدا
وصل طلعته صافحني حتي كيفك م قاله متخيلن معاي الكائن دا?? ??
ركبنا مشينا طول السكه هو ساكت طبعا خلاص اتاكدته انو ابكم (سوري كتبته اصم البشه ياااخ م بفرق انا 😂😂😂)
عاينت لي باستغراب وغضيت بصر الصراحه تصرفاتو غريبه يعني م بتكلم فهمنا بس اسبوووع م يسال اجي ي كدا البعرفو الاولاد م بصدقو متين يرتبطو ويبدو الحنك غموضو جذبني شديييد قته يا مجبور علي ذيي ي مريض برري والافكار تمشي وتجي ف راسي شويه تلفونو رن شلتو (عاد خاته ف راسي انو ابكم 😅 قته اساعدو اكسب اجر الموهم رفعته التلفون عاين لي باستغراب قته لي عادي م تتعقد انا برد م مشكله الموهم اتشالقته كانت امو اسمها رحاب :اه وصلتو 
ملاذ:اااي قربنا ملاذ معاك ي خالتو
رحاب:اهلين ي بت اه بقت تساليني كيف وكدا وفصلت ختيتو وانا جوه نفسي مستغربه الموقف والصراحه من النوع العندو استطلاع والشمار بحرقو 😪:هو يعني امك بتحس بيك يعني
عاين جهتي و قرن لي حواجبو
ملاذ:احمم لا انسي ولا شي
وصلنا نزلنا قته ف روحي دا مالو بررري عاد ي ملاذ سجمك جبروك ع ابكم 😷
.............
يتبع....