روايه ❤
# بنات طب 💊💉📋
بقلم " بسمه فيصل🖤"
البارت " ٢٥🖤"

ياسر : فلك على فكره انتي بتكوني مرتي على سنة الله ورسوله
فلك : عفوا..نكته باايخه
ياسر : اتزوجتك لمن كنتي سكررانه ي ماما وكمان لمستك في حديث مفهومو بقول " انو في حاجات اذا كانت بالجد او الهزار بتكون حقيقه ومنهم الزواج "
فلك : اوطى زول شفتو في حياتي انت ي ياسر مهما اتكلم فيك ما قادره اعبر عن وساختك ما تفكر بس اني صدقتك
ياسر : انا اتعلمت منك الوساخه ولا تحبي اذكرك لو ما مصدقاني اسلي الماذون نفسو ودا عنوانو وشوفي نسخه من القسيمه كماان والشهود واي شي
فلك : ياسر فاروق بديت حرب ما حتنتهي صدقني
ياسر : انتي البديتي وانا الحتمها ليك ي مرتي وخليك مذكره انك في ذمتي تمام
...فلك عاينت ليوو من فوق لي تحت ولبست نظارتها الشمسيه ومشت ..لقت مراد امجد وساره واقفين براا
ساره : اها الحصل شنو حكموو عليهو بي كم
فلك : خمسه شهور
مراد : بس
فلك : للاسف زايد ارح العنوان دا بسررعه
امجد : ليه طيارتنا بعد شويه حتقوم
فلك : عشره دقايق بس وبعديها نطير
امجد : شي مهم
فلك : شديد او اقول ليكم خليكم هنا حمشي بسرعه واجي تمام
امجد : لا لا ح اجي معاك
فلك : لا حامشي براي خليني اختصر الوقت احسن
امجد : تمام وخلي بالك من نفسك
فلك : تمام بااي
...وفلك مشت فعلا للماذون وعرفت اي شي وشالت نسخه من القسيمه وكانت مشاعرها ملخبطه ما عارفه نفسها هي بجد فرحانه زعلانه وما عارفه تعمل شنو ورجعت لي ناس امجد وساره ومراد
ساره : اها خير القصه شنو
فلك : لما نوصل بوريكم اي شي
مراد : تمام يلااا
امجد : ما تنسو اساميكم المزوره واحفظوها بلكامل زي ما مكتوب في بزبورت السفر قبل نمشي المطار
..وركبو العربيه وفي اتجاهم على المطار امجد سايق وفلك جنبو ومراد وساره قاعدين وراء فلك نزلت الكرسي حقها شويه لوراء وقالت
فلك : مراد ممكن تعمل لي مسااج
مراد : تكرم عيونك
امجد : فلك خير انتي كويسه
فلك : اي تمام
ساره : عليك الله احككي لينا ياسر عمل شنو لما عرف انك بلغتي عنوو
امجد : والله ي فلك حرام عليك الولد هربك وكان خايف عليك وانتي حبستيه
فلك : يستاهل اكتر من كدا بعدين لازم تسبق عدوك بخطوه
مراد : والله ي فلك انا ما عارف بس محظوظ الي حيتزوجك عقل يوزن بلد
ساره ضحكت : قول ي ويل الزول دا
...وضحكو كلهم ونزلو على المطار ووصلو السودان
امجد : قبل اي شي تعالو عاوز اوديكم مكان
ساره : الله عايز تفسحنا
امجد : ما عارف ممكن يكون احلى بالنسبه ليك
....وطلبوا ترحااال ووصلو مكان غرريب شديد تقريبا في مساحه فاضيه يعني خلا امجد قعد في الارض وزح تراب كتير من الارض ومسك ايد باب وفتحو والباب كان في الارض فتحو ونزلو تحت وساره ومراد وفلك مستغربين بس ماشين بي وراهو ودخلو تحت الارض ولقو زي خزنه كبيره شديد امجد دخل كلمة السر فيها وبصمة عيونو وفتح الباب وكلهم دخلو بي وراهو والمكان كان عباره عن قرووش ورزم جديده ومرصوصه فوق بعد تقريبا كانت الحزنه مليانه الا مساحه منها
ساره : ي حوله دي كلها قرووش وحقت منو
امجد : دي قروشنا كلنا يعني تعب السنتين الماضيتين في تركيا
فلك : معقول الشغل دا مربح كدا
مراد : ومفروض اكتر كمان بس ما عارف ما عندي نفس في القروش دي
امجد : ولا انا..جبتكم هنا عشان العايز يشيل قروش بي كيفو وما حنختلف اكيد
ساره : طول ما انو القروش دي ما جبتها بي عرقي ما حكون مبسوطه وانا بنفق فيها
امجد : فلك انت رايك شنو
..فلك سكتت دقيقتين ..
فلك : صدقوني انا مبسوطه اني عندي اصحاب زيكم بقولو حتى الاهل بيفرقهم القروش نحنا عمرنا في حياتنا ما احتجنا للقروش بس كنا محتاجين لاسره لبيت ننتمي ليو لحنان ودا انا لقيتو فيكم شباب
...وكلهم اتحاضنوو وقالو ..
ساره مراد امجد وفلك : ايد واحده طوول العمر
مراد : اها نعمل شنو بالقروش دي
فلك : نتبرع بيها
ساره : فكره ممتازه
امجد : تمام بس ما ميتم واحد لازم تتجزاء
مراد : اتفقنا اها نمشي
امجد : اكيد يلاا
فلك : مستحيل نمشي شقه ساره ولا امجد وانا كده او كده ما عندي بيت اها حنمشي وين
مراد : شقتي قاعده وما اذن حتكون مراقبه لاني كنت في مصر اربعه سنين
امجد : يبقى حنمشي هناك يلااا
...ووصلو شقه مراد ودخلو وكانت الشقه عباره عن غبار ..
مراد : البنات الحلوات النظافه راجياكم
فلك : امممممك حررام عليك يااخ
ساره : حنظف بس عندنا شرط
امجد : اشرطو زي ما عاوزين
فلك : بعد ما ننظف بنقولو ليكم
مراد : تمام انا وامجد حنمشي نجيب حاجه ناكلها المسافه دي تكونو انتهيتو
فلك : تمام
امجد : ما عايزين حاجه
ساره : سلامتك
امجد : اووك باااي

...فلك وساره نظفو الشقه وكانو تعبانين شديد ودخلو استحموو وفلك دخلت الحمام وفتحت الدش وقعدت تحتو عاوز لحظه براها تفكر في الحصل او تتذكر وفعلا اتذكرت شويه شويه الحصل وانو ياسر لمسها واتذكرت انو في ولدين جو والماذون معاهم واتذكرت نفسها وهي بتقول " زوجتك نفسي " وهنا بكت وكملت حمامها وطلعت لقت مراد وامجد وساره قاعدين يتعشو ..
فلك : شباب عايزه اقول ليكم حاجه
مراد : قوولي طواللي
فلك : انا اتزوجت ياسر
ساره وامجد : شنو!!!!!؟؟

متابعه ممتعه 💙💙💙💙💙💙
التكمله البارت الجااااي 💙💙💙💙💙💙

روايه ❤
# بنات طب 💊💉📋
بقلم " بسمه فيصل🖤"
البارت " ٢٦🖤"

فلك : انا اتزوجت ياسر
ساره وامجد : شنو!!!!؟؟؟؟
مراد : كيف ووين ولشنو ي فلك
...فلك حكت ليهم اي شي حصل ....
ساره : بجد حقير
فلك : لابعد الحدود
مراد : يعني عايز افهم هو عمل كدا ليه وليه بالطريقه دي
امجد : عشان بحبها وهو عارف انها ما حترضى
فلك : انت بدافع ليوو ولا فهمك شنو
امجد : انا لا بدافع ليوو ولا شي هو غلطان بس فكري فيها هو لو كان عايز يلمسك بالحرام كان عمله وانتي كدا او كده كنتي سكرانه بس هو لمسك بالاحلال ما معنى كلامي دا انو ما غلطان
مراد : يعني قصدك غلط بي فهم
امجد : تقريبا ...وبعدين ي فلك انتي لو ما بتثقي فيهو من جواك ما كنتي سكرتي وانتي عارفه انكم قاعدين براكم ومن متين انتي ما بتخطي الف حساب لاي زول
ساره : ما كان مفروض تسكري وانتي عارفه انكم قاعدين براكم
فلك : برراحه علي انا ما قادره استوعب الحاصل لسع
مراد : فلك ممكن تجاوبيني على حاجه
فلك : قوول ي مراد
مراد : ليه انتي ما فكرتي تعرسي لحدي الان وليه ياسر برضو ما عرس لحدي لان لو انتي ي فلك بتحبيه قوولي وريحينا
فلك بغضب : انت عايزني احب زول هز ثقتي في نفسي ودمر لي حياتي ومستقبلي وخلاني ماشه جنب الحيط انت جنيت
مراد : اسف ما كان قصدي حاجه
فلك : معليش ي مراد عصبت شويه
امجد : فلك اهدي وادخلي ارتاحي
ساره : في مشكله شقه مراد فيها غرفتين بس
مراد : يبقى امجد وفلك وانا والجميل سوا
ساره : بالضبط
امجد : انا ما عرفت ربيت بجد
ساره : وفيها شنو
...امجد مشا على اتجاه ساره ومسكها من رقبته وخنقها ...
مراد : هووي ي زول ابعد
ساره : معليش مجودي غلطانه انا 😂😂🔥
..وفلك ضحكت باعلى صوت عندها ...
امجد : نحنا كبار وواعين صح كلنا اصحاب في بعضنا بس للجسد احتياجات برضو لمن قررنا نعيش سوا كان عشان نصلح حياة بعض ما نخربا واضح
مراد : واضح
امجد : ما سمعتك ي ساره
ساره : واضح بس ما فهمت جملة للجسد احتياجات
مراد : تعالي انا بفهمك ليها
امجد : انا شكلي الليله حموت واحد فيكم 🔫
ساره : خلاص فهمتا
فلك : اها الحيحصل شنو
امجد : ساره وفلك في غرفه وانا ومراد في غرفه
فلك : مستحيل انوم مع ساره
مراد : وانا مستحيل انوم معاك
امجد : يبقى فلك في غرفه وانا في غرقه وانت في الصالون وساره في المطبخ قفل واحتفل
...وفلك وامجد كل زول جرى على غرفه دخل وقفل الباب ومراد رقد في الصالون وساره ماشا وجايه
ساره : انا مستحيل انوم في المطبخ مستتحيل
مراد : طيب تعالي نومي في حضني
..امجد سمعهم وطلع من غرفتو وشال ساره دخلها غرفة فلك ..
امجد : اتخمد انت في الصالوون وما اسمع صوتك انت فااهم
...والحمد الله الليل مره بي سلام وقاموو كلهم مشوو شغلهم ورجعو على الساعه ٦ كده ووصلو شقتهم
ساره : امبارح انت ومراد وعدتنا بي حاجه
مراد : انا غايتو ما بتذكر وعد زول بي شي
فلك : عايزين نمرق انا وساره لو حابين تجو معانا ارح
امجد : ماشين وين
ساره : اي حديقه عايزين نلعب شويه ونغير جو
امجد : انا ما بحب الحدايق امشو انتو ولو احتجتو حاجه اتصلو لي وعلى الساعه ٩ تكونو هنا مفهوم
فلك : اووكي مراد ماشي معانا
مراد : لا بخاطركم
...ساره مشت لبست ليها بنطلون جينس وسويت جكت بالون الابيض ورفعت شعرها ضنب حصان وفلك لبست بنطلون جنيس اسود وبلوزه سير رمادي وجكت اسود وخلت شعرها فاكي
امجد : بسحروكم بنات
فلك وساره ضحكو وبعديها مشو الساحه عشان قالو فيها خضره والعاب المهم لعبوا وما خلوا شي ...
فلك : انا ماشه اشتري اسكريم جايه معاي
ساره : لا انا قاعده امشي وتعالي
..وفلك مشت واشترت الاسكريم وهي جايه راجعه لقت اخر زول كان متوقعه تلاقيه واقف في وشها ومعاهو بنت صغيرة شايلها في يدو ...وقفو بعاينو لي بعض وكانهم ما مصدقين عينهم والزول دا ما الا ....عاااصم ....

متابعه ممتعه 💙💙💙💙💙💙💙
التكمله البارت الجاااي 💙💙💙💙💙💙💙💙💙💙

روايه ❤
# بنات طب 💊💉📋
بقلم " بسمه فيصل🖤"
البارت " ٢٧🖤"

عاصم : فلك انا ما مصدق عيوني انتي بالجد قدامي ..وحضنها بس بي ايد واحده عشان التانيه ماسك بيها البنت الصغيرة ..فلك بس واقفه وما عارفه مفروض في اللحظه دي تكون فرحانه زعلانه وما عارفه شعورها شنو
عاصم بلهفه : فلك انا عاصم اخوكي عاصم متذكراني ووين انتي كنتي من سنتين فلك اشتقت ليك فلك جاوبيني
..وفلك برضو واقفه ..وجات بنت شابه من بعيد ..
رواء : عاصم انت وين كنت بفتش فيك جيب البنت قبل ما يمسكها برد
..رواء انصدمت لمن شافت فلك وصدمتا ما بتقل عن صدمة فلك وطوالي فلك مشت ..عاصم ادى بتو لي رواء وجرى لي فلك
عاصم : فلك اسمعيني عليك الله بس اديني خمسه دقايق اشرح ليك فيها واعتذر منك
فلك : لو كنت الزمن داك ادتني خمسه دقايق اشرح ليك فيها انا الحصل ما كنت وصلنا لي هنا انت خسراه فيك كلمة اخ
عاصم : اي انا واطي وابن ستين كلب انا ما بستاهل كلمه اخ ولا اي شي بس اعذريني ي فلك كنت دايراني اعمل شنو
فلك : كنت منتظراك تقيف جنبي تصدقني ي عااصم بس انت صدقت منو رواء فضلت واحده غريبه علي وتقريبا متزوجه لو كان عندك شويه انسانيه ما كنت اتزوجتا
عاصم : انا بحبها ي فلك اعمل شنو الحب عماني اشوف وحده غيرها صدقيني ي فلك انا ما طالب منك غير تسامحيني ولو علي ما عايز اوريك وشي
فلك : اها عاوز شنو
عاصم : ماما ي فلك إمنا من يوم ما غبتي وهي ما طبيعيه ما بتتكلم زي زماان ولا عندها نفس لا شي لمن بقت بتلبس اسود زيك زمان وكم مره حاولت تنتحر بسبب انها ما قدرت تدافع عنك ومرات بجيها افكار زي انك ما كنتي بتحبيها لو كنتي بتحبيها ما بتهجريها كدا وعشان منو عشان ياسر وممكن انا ...بس طالب منك حاجه واحده امشي زوريها وريها انك عايشه مبسوطه طمني قلبها البحبك مستحيل تكوني قاسيه للدرجه دي
فلك : انا ما قاسيه ولا فلك حقت زمان انا سامحتك ي عاصم
عاصم : بس عاصم مافي عاصم اخوي
فلك : لا بس عاصم
عاصم : طيب ارح لي امي
فلك : ارح بس دقيقه
...وكلمت ساره وقالت ليها ترجع وهي بتلحقها وعاصم وفلك مشو بيتهم ومعاهم رواء بس فلك ما اتكلمت معاها ولا كانها قاعده
...فلك دخلت بيتهم وهي داخله بتتذكر اي شي حلو او مر حصل معاها وكانت مبسوطه وخايفه في نفس الوقت لحدي ما دخلت كانت سماح ام فلك قاعده في اوضة فلك والنور مطفي وماسكه هدوم فلك وبين نايمه وصاحيه فلك دخلت الاوضه وقالت
فلك : امي
...هنا سماح ابتسمت وكأن الصوت خيال ..
فلك : امي
ام فلك : عاصم مد لي الحبوب بديت اهلوس تاني
فلك : لا امي انتي ما بتهلوسي انا فلك
..وفتحت النور سماح شافت فلك قدامها بشحمها ولحمها وطواللي بكت
سماح : انتي فلك بجد
..و فلك جررت على امها وهي كمان بكت .
فلك وهي بتبكي : امي انا اسفه اني خليتك برراكي بس غضب عني والله المريت بيه ما كان ساهل ي امي سامحيني عليك الله اسفه اسفه
سماح وبتبكي برضو : انا الاسفه ي بنتي ووواي ي فلك ما مصدقه انك رجعتي وقاعده معاي اسي
فلك : وما ح اخليك تااني
..وبعد ما انتهو من البكاء مسحو دموعهم وبقو بتكلمو بي جديه
ام فلك : من الليله تقعدي هنا
فلك : والله ي امي ما بقدر اقعد معاكم لانو حتذكر اي شي بس كل يوم بجي ازوكم واوعدك كل يوم او يوم بعد يوم ولو ما جيت بضرب ليك
سماح : طيب عليك الله اليله اقعدي معاي بس الليله عشان اصدق انك بجد
فلك : طيب الليله حانوم معاك
...وعاصم واقف جنب الباب وابتسم ورواء طلعت الطابق الفوق هي وبنتها ...
فلك اتصلت لي امجد وفهمتو كل شي وامجد فرح بجد ليها وقال ليها اقعدي براحتك وما تشيلي هم ..
سماح : احكي لي الحصل معاك شنو من يوم ما مرقتي من هنا لحدي اللحظه دي
فلك : اسكتي ي سموحه بس خليني اعمل تلاته كبابي شاي واحكي
سماح : التالته لي منو
فلك : عاصم
..وعاينت لي عاصم وابتسمت وعاصم فررح شديد وقعدو التلاته يتونسو ويضحكو بس بعدين الموضوع قلب جد لمن فلك حكت ليهم ياسر عمل شنو فيها بس ما قالت ليهم انها تاجرة مخدرات وكلمتهم انها قاعده مع امجد وساره وهم اتفهمو لانو ما عندها غيرو
عاصم : معقوله ياسر يعمل كده بجد اتزوجك
فلك : للاسف " طبعا فلك زودت في الكلام ونقصت عشان ما يعرفو انها كانت محبوسه بسبب تهريب المخدرات "
عاصم : بجد امجد دا راجل
فلك : اساسا
عاصم : واحسن من اخوك
فلك : اخوي للاسف صدق الناس بس يلااا الحصل حصل متين انت اتزوجت رواء
عاصم : قبل سنه كده
فلك : يعني اختك مافيشه وانت تعرس
عاصم : بحبها والله ي فلك بعدين ما عملنا حفله بس كان عقد امك عملت فيها منقبه وانا انصار سنه وراوء حنكتها ليك وبس فرحتنا ما كانت مكتمله عشان كده

ام فلك : سلمتي على رواء
فلك : با وما عندي بيها شغله انتو اهلي وانا مجبوره عليكم بس هي ما عندي بيها شغله عاصم انا دايره اشوف بتك.
عاصم : اكيد دقيقه اجيبها من فووق
...وعاصم جابها فعلا..
فلك شالت البنت وكانت فرحاانه شديد ومن جواها بتقول عايزه طفل زي دا
فلك : ما شاء الله تشبه اخوي السمح اسمها منو
عاصم : تفتكري منو
ام فلك : عاصم سمها فلك
فلك : كذذذذاااب يعني دي سميتي ..وحضنت عاصم ..وعاصم ضحك شديد ..وامهم ابتسمت لانو اولادها قدامها ومبسوطين ...وجات رواء
رواء : فلك كيفيك
..فلك قامت ووقفت قصدها
فلك : حمد الله انتي كيف
رواء : حمد الله فلك انا اسفه على الحصل ليك بسببي بجد اسفه
فلك ابتسمت : ما مشكله حصل خير لولا بنتك دي عدلت لي مزاجي ما كنت فكرت اتكلم معااك بس يلااا على الاقل لما تكبر ما تقول انو عمتها بتكره امها
رواء : معاك حق ويااارب تطلع زيك في كل شي
فلك : لا مافي كل شي حرفيا ..وعاينت لي عاصم
...وكلهم ضحكوو وقضو باقي اليوم في صفاء تام وفلك نامت في حضن امها وكان يوم من المووت ...تاني يوم ودعتهم بسرعه لانها اتاخرت من شغلها وفهمتهم انها شغاله في مكتب ومشت كملت شغلها ورجعت شقه مراد
....
امجد : فلووك اها اليوم كان كيف احكي لينا
مراد : اي اها
فلك : كان تحفه الامور مشت تمام والحمد الله
ساره : ورتيهم اي شي
فلك : اي كل شي الا اني بشتغل في المجال دا
امجد : وعشان ما تكذبي اكتر خليهو وارجعي حياتك الطبيعية
فلك : لا مستحيل ارجع اعيش هناك وما ملزم علي اوري اي زول اي حاجه دي حياتي وانا حره فيها
امجد : براحتك
مراد : حتى قصة ياسر
فلك : ايي وانو متزوجني واي شي خلوني انوم بعد دا انا تعبانه وعايزه امشي الصيدليه بسرعه وجايه
امجد : ليه
فلك : انت مالك
امجد : اووك بسرعه
....تاني يووم بالصباااح امجد وساره ومراد قاعدين في الصالون امجد شغال بالاب توب ومراد في تلفونو وساره بتحضر في التلفيزون فلك جات جااريه طالعه من الحمام ووقفت قصادهم
ساره : فلك مالك طالعه بالمنشفه بس ونص شعرك فيهو صابون والتاني لا ي بنت في شنو
...وهي بس مخلوعه وعيونها دي مفتاحهم قدر الليله وبكره
مراد : ي بنت مالك
امجد : الوو انتي معانا
..وفلك كانت ماسكه جهاز صغير في يدها..
امجد : دا شنو دا فلك احكي في شنو
فلك : انا حامل

متابعه ممتعه 💙💙💙💙💙💙
التكمله البارت الجااي 💙💙💙💙💙💙

روايه ❤
# بنات طب 💊💉📋
بقلم " بسمه فيصل🖤"
البارت " ٢٨🖤"

فلك : انا حامل
امجد : بجد مبرووك
فلك : شنو
امجد : اهدي بس
...ومسك فلك وقعدها في الكنبه وقعد جنبها ومراد قعد جنبها من الناحيه التانيه وساره قعدة في الارض قصداها وربعت رجلينها ...
ساره : دا جهاز كشف الحمل صح
فلك : اي وطلع لي حامل
ساره : ي مصيبه
مراد : مصيبه ليه بالعكس مبروك ي ماما فلك
فلك : ماما فلك 😕
امجد : مش ممكن يكون دا سبب من الله عشان ترجعو انتي وياسر سوا
فلك : لا مستحيل انا ما عارفه اعمل شنو احلها كيف دي
...امجد حضنها وباس راسها ..
امجد : ما تخافي كلنا معاك
مراد : هوووي ي زول زح من البنت .دي في ذمة راجل
امجد : صح اسف فلك
فلك : الولد دا لازم ينزل لازم اجهضو باي طريقه
...هنا امجد اتخلع من كلام فلك ووقف على حيلوو..
امجد : دا شنو الكلام الفارغ دا فلك انت واعيه بتقولي في شنو عايزه ترتكبي جريمه
...وفلك كمان وقفت قصاد امجد وساره ومراد بس بعاينو ومخلوعين لانو اول مره امجد يعصب ويعلي صوتو بالطريقه دي
فلك : انت داير لمن يجي على الدنيا اقول لي شنو مثلا انو امك وابوك بكرو بعض ولا امك حاولت تقتل ابوك وحبستو ولا ابوك كان سبب في تدمير حياتها بسبب ماضيها وايوااا ماضي انك الجميل عايز كيف اقدر اعيشو في جو كل مشاكل وحقد دي حياتي ودا ولدي وانا حره فيهو اعمل الدايره اعملو
امجد : بقينا كده ي فلك
فلك : اي وزح من وشي
امجد : ما زاحي وما حتمشي اي مكان انتي ما قادره تفهمي انك بتغلطي فلك اهدي
..امجد ختا ايدو في كتف فلك وفلك زحت ايدو وقاالت ..
فلك بغضب : ما تعمل لي فيها انسان صالح ولا بهمك زول في النهايه انت تاجر مخدران ي امجد تاجر مخدران وزح من وشي عشان ما اعمل حاجه ما دايره اعملها احسن ليك
...هنا الصدمه كانت لي امجد طعنه في نص قلبو انو فلك تقوول كدا ما متوقع كلامها خالص ...
امجد : شكرا ي فلك اتفضلي راحتك
...وفلك دخلت غرفتها لبست ولمت هدومها ومرقت مراد وساره حاولو يوقفوها بس بلااا فايده ومرقت وهي ما عارفه تمشي ووين ومستحيل ترجع بيتهم قعدت في مسطبه في الشارع لحدي ما عربيه لونها اسود طلع منها واحد ملتم عملاق ضخم عديل مشا على اتجاه فلك وغطى ليها وشها ودخلها جو العربيه فلك قاومت بس بلاا فايده

...نزلها من العربيه وفلك بتقاوم
الراجل الضخم : امشي معاي بي احترام وهدو احسن ليك عشان ما اعمل شي ما بيعجبك
فلك : انت منو اساسا وقايل نفسك منو عشان تتكلم معاي بالطريقه دي فكني يززفت
...وجاء صوت شاب وهو بقول ..
الولد : فكها يزول
الراجل الضخم : حااضر ي معلم
الولد : عايزه تنزلي ولدي ي فلك

فلاش بااااك .....☆

فلك بعد ما مرقت من شقه مراد امجد اتصل على ياسر
ياسر : الو مين
امجد : معاك امجد
ياسر : بجد ناوي تتحبس ولا شنو
امجد : لا وعارف انك طلعت من السجن انا عايز اتكلم معاك بخصوص فلك
ياسر : فلك دي ملكي انت فاهم
امجد : وانا ما قلت انها ملكي المهم يزول فلك اكتشفت انها حامل منك وقررت تنزل الولد وانا عارضتها فزعلت وطلعت وما عارف هي ووين
ياسر : حامل ي سلااام بس حتكون مشت ووين
امجد : ما عارف والحاجه العارفه اكتر انها ما عايزه تشوف وشي الوقت دا انت الوحيد البتقدر توصل تفهما وترجعا عن قراره وانا بتذكر لمن تكون زعلانه بتقعد في مسطبه كده حارسل ليك العنوان فورا
ياسر : اي بسرعه وشكرا
امجد : ما تشكرني دا كلو عشان فلك
..امجد نهى المكالمه وكسر الشريحه عشان ياسر ممكن يتعقب المكان

نهايه الفلاش باااك .....☆

...ومشا طلع ليها الغطى الكان في وشها ..
فلك : ياسرر
ياسر : ايوووا يااسر ليه انتي بتعملي كدا ليه
..فلك قعدت في الارض وبقت تبكي ...
فلك : انا عرفت كيف يعني انت عايز اعمل شنو يعني وانت بعيد عني عايز اربي براي ولا اقول ليه انك بتاعت مخدرات ياا يااسر قول
..ياسر قعد جنبها في الارض وحضنها ..
ياسر : ما تقولي ليه اي شي وعلى المخدرات سيبيها ي فلك ونعيش سوا ي بيبي
فلك : انت كيف كدا بعد كل السويتو ليك دا انت بتحبني كيف حبك دا ما قل
ياسر : ولا في ثانيه من الثواني قل ي قلك ي حبيبتي ومرتي وام عيالي
فلك : مستحيل هل انا بحلم
ياسر : لا ما هل ي فلكي رايك شنو تحضن بعض اسي وننسى اي شي انا عملتو ليك او انتي عملتي لي ونبدا صفحه جديده عشان خاطر ولدنا
فلك : موافقه طبعاا
...وحضنو بعض زي نص ساعه وكل واحد فيهم ما عارف هو بحلم ولا بجد ولا الاحداث ماشه سرريع بس قررو يعيشو اللحظه
ياسر: شوفي ي ماما دي فلتك الجديده انتي ملكت وست البيت دا مافي زول حيزعجك فيوو وامن للعواره تعالي افرجك على بيتك
فلك : طوالي ممكن اصدق انو دا حقيقه

ياسر ابتسم ..
ياسر : تعالي اوريك غرفة النوم
فلك : عفوا في عينك
...ودخلو غرفه وتقريبا دي كانت احلى غرفه في البيت كلوو كبيره وفيها دوليت ومرايه كبيره فيها كل انواع الميك اب واي شي ممكن البنت تحلم فيه ..وفلك بس مذهوله وياسر فتح ليها الدولاب الكان عباره عن هدوم من كل الانواع واهم شي ملونه وقمصان نوم واي شي
فلك : دا كلوو لي ومتين حضرتو
ياسر : فلك على فكره انا طلعت من السجن بعد شهر واحد بي واسطات طبعا وحضرت بيت احلامنا كنت يعني بيت مرتي بس ما كنت فاكر حتكوني ام عيالي بسرعه للدرجه دي يعني لازم انا وانتي نحضر غرفه تانيه للولد
...فلك حضنت ياسر واتشعلقت في رقبتو وقالت...
فلك : ياسر انا بحبك ياااخ
ياسر : وانا كمااان ي فلكي انتي ملكي ومنتهي اخليك ترتاحي احسن صح
فلك : ايوااا لو ممكن
ياسر : تحبي ارقد جنبك ولا لا
فلك : لا ي ياسر خليني برراي ممكن
ياسر : اكيد راحتك عن اذنك
...وطلع ياسر وفلك نامت لحدي تاني يووم وصحت على صوت اتصال
فلك : الوو سرو
ساره : فلك الحقي امجدد مات

متابعه ممتعه 💙💙💙💙💙💙💙
التكمله البارت الجااي 💙💙💙💙💙💙

روايه ❤
# بنات طب 💊💉📋
بقلم " بسمه فيصل🖤"
البارت الاخير❤🔥🔥🔥 " ٢٩🖤"

ساره بتبكي : فلك الحقي امجد مات
فلك قامت مخلوعه : شنو انتي بتقولي في شنو ي بنت
ساره : احييي ي فلك تعالي على العنوان دا في المستجفي دي بسرعه
...فلك قامت بلا وعي لبست ومرقت وما قادره تستوعب وقلبها واجعها شديد وياسر حاول يفهم الحاصل شنو ويسال فلك بس فلك في عالم تااني وياسر عرف في حاجه ومشى بي وراها وركبها العربيه ومشو
ياسر : فلك حنمشي وين
فلك م سامعه امجد بس في عالم تاني من الصدمه
ياسر ضررخ : فلك حنمشي ووين
..فلك مدت لي يااسر التلفون وشاف العنوان وعرف انو في زول مات بس ما عارف هو منو
...فلك فجاه صرررخت بكل صوتها وبحرقه شديده
فلك : امججدددددددددد 😭😭 امجد 😭😭 عايزه امجدددددد جيبو لي امجددد ...وبقت بتكفت في نفسها من غير ما تبكي وبتقول
فلك : كلوو منك ي فلك انتي ما مفروض تعيشي بعد ما مااات انتي السببب انتييي ي فلك ..وعايزه تفتح باب العربيه وتنط ..بس ياسر وقفها وامن العربيه واساسا نسى يامنها عشان الامور جاطت شديد وعرف انو امجد مات وبقى يقول
ياسر : لا الله الا الله ...لا الله الا الله ..لا حوله ولا قوة الا الله ...لا الله الا الله ....وفتح قران في العربيه وفلك بقت في حالة صمت ررهيب وبس بتعاين في نقطه واحده وما بتحرك عيونها وفي عالم تااني وياسر فضل يقوول طول الطريق ..لا اله الا الله ... لحدي ما وصلو ودخلو المستجفي وسال ياسر عن جثه امجد ودخلوهم الغرفه الموجوده فيها
...فلك اول ما دخلت لقت امجد جثه قدامها مغطينها بحاجه بيضاء شافت ساره قاعده في الارض وبتبكي ومراد خاتي راسو في راس امجد وببكي
فلك بهستريا : لا دا مستحيل يكوون امجدد امجد ما بمووت ويخليني ما بعملا خاالص امجد قوووم انا فلك وعايزه تفتح راسو بس الدكتور منعها وطوالي ضربت الدكتور ووقع وكان حيقع في الارض بس ياسر مسكوو ...وفلك فتحت وش وامجد وبقت تبوس فيه وتبكي وهبشت الوشم حق امجد ما كانت عايزه شكوكها تكون صح بس للاسف اي دا زاتو امجد ومن الوشم فلك بقت تبكي باعلى صوووت عندها وتقوول
فلك : انا اسفه ي امجد اسسسفه ما كان اخليك وامشي انا الغلطانه ي امجد سامحيني
...مراد مسك فلك وحضنها وببكي معاها
مراد : قضاء ربنا ي فلك استهدي بالله ووحدي الله
فلك : لا الله الا الله ..وواي ي امجد اصحى عليك الله قولي لي دا كلوو هظار ي امجد
مراد : وحدي الله ي فلك
فلك : لا الله الا الله
...ساره بقت تصررخ بطريقه مجنونه شديد وتبكي ياسر مشا ليها واتكلم معاها وقرى قران باعلى صووت عشان امجد
...الدكتور نادا مراد ..
مراد : عايز واحد من اهل الميت
مراد : ما عندو ممكن تسلمونا الجثه
الدكتور : لا ما ممكن لازم واحد من اهل الميت
ياسر اتدخل ..
ياسر : انا النقيب ياسر فاروق وبامرك تخرج جثه امجد عثمان عشان ندفنها ونكمل باقي الإجراءات مفهوم
الدكتور : طيب بس بعدين على مسوليتك
ياسر : تمام
...ياسر ومراد كملوا باقي وشالو جثه امجد ودفنوها ومراد بدمع وما مصدق صحبوا واخو ماات ما مصدق خاالص وكالحال ساره وفلك بتمنو انو دا كلوو يكون ما حقيقه
..دفنو امجد ورجعو بيتهم
ياسر : فلك انتي ماشه ووين
فلك : ماشه مع مراد وساره ما بخليهم برام
ياسر : طيب ح اجي معااك
فلك : طيب
...وكلهم مشو شقه مراد وخلوو وما مستوعبين حاجه ...
مراد : يااخ الزوول دا اسي كان قاعد هنا بتكلم معااي 😭😭😭
وقعد في الارض وببكي وبتذكر في امجد
..ساره دخلت الحمام فتحت الدوش وقعدت تحتو وبقت تتذكر في امجد وتبكي اتذكرت لما دايما بشاكلها ولمن شالها من مراد ووداها لي فلك وبقت تبكي بي حرقه حرقه شديده
..اما فلك دخلت غرفة امجد وبقت تشيل في هدومو وتبكي وتشم رحيتو وياسر ماسكها لانها ممكن في اي لحظه تقع من كترة ما مهبطا
فلك : شوف ي يااسر تعرف القميص دا يوم اتشكلنا فيو انا وامجد كان عاجبني شديد وقلت الا اشيلوا بس هو قال لي ما بتشيلوو لانو عاجبني برضو وشايف الكنبه دي كنا دايما نقعد فيها ونصحك ونتونس وعاينت لي الكنبه ولقت امجد قاعد فيها وبضحك جررت عليو بس طلع خيااال وبكت شديد وتقوول ..امجد تعااال والله اسفه والله تاني م بخليك امجددد ..ورجعت تبكي رقدت في سرير امجد وبكت لحدي ما نامت ياسر غطاها وطفى النور ومرق ولقى مراد قاعد في الارض لسع وبدمع
ياسر : مراد قوم وحد الله وصلي ليك ركعتين يلاا ي مراد خلي ايمانك قووي ي زول
مراد : ونعم بالله
..وفعلا قاام ولما دخل الحمام لقى ساره قاعده تحت الدش وتبكي قومها وحضنها وغير ليها هدومها وقال ليها
مراد : اتوضي ي ساره نصلي وندعي لي امجد البكى ما حيرجعو يلاا ي ساره انا ما قادر استحمل اي شي

ساره : امجد ي مراد مشا
مراد : مشا بس لمكان احسن من هنا ولازم ندعي ليه ونقرا ليه قران حنكون كدا بنساعدو ي ساره
...وقامو صلوا الاتنين وقروا قرران طوول الليل ومعاهم يااسر وفلك قامت نص الليل ولقتهم اتوضت وصلت وبقت تقراء قران معاهم
مراد : لو امجد غالي عليكم عليكم الله مافي يوم يمر من غير ما تدعو ليه
ساره : وحنتبرع بالقروش ديك كلها في سبيلوا ونقتح اي عمل خيري وصدقه جاريه
فلك : اي ولازم بسرعه امجد محتاجنا
ياسر : وانا بساعدكم
مراد : شكرا لاي شي عملتو لينا ي نقيب بس ما حنحتاجك
ياسر : والله والله ي مراد انا اي شي عرفتو عنكم حدفنو هنا
ساره : ولو بلغت عنا
ياسر : في حاجه انتو ما عارفنها امجد ما رافع اساميكم للزول الكبير الشغال عندو يعني انتو في امان
فلك : والحكومه
ياسر : اي الحكومه عارفاكم واي شي بس مع الزمن حتنسي دي حكومة السودان وانا عارفها واساميكم ما مرفوعه لاي جهه وانا ح اعمل المستحيل عشان الموضوع ينتهي هنا
مراد : وكيف حصدق انا
ياسر : لازم تصدقني لانو امجد دا كان السبب الرئيسي في انو فلك ترجع لي عشان كده انا مستعد اعمل عشانو اي شي
...وفعلا عملوا اي شي قالووا ..

بعد مرور ٣ سنيييين ...........☆☆☆

فلك : امجد ي ولد اسمع الكلام وقووم على مدرستك
فلك : بابا ياااخ ما عايز امشي الليله
فلك : ما عندي كلام زي دا قووم عشان ما انادي ليك ابوك ولو ما مشيت ما حتمشي اليله الحفله عشان تشوف البيبي
امجد : لا لا خلاص قاايم حنشوف بيبي خالتو ساره صح
فلك : اي يلاااا
...امجد ولد فلك وياسر سموه امجد على امجد الله يرحموو...
ياسر : صبااح الخير ي بطل
امجد : بابا
ياسر : يلاا ي بطل بااص المدرسه واقف تحت نمشي
امجد : اي يلااا
..ياسر عاين لي فلك وقال..
ياسر : خليني اطلع الولد واجيك انتي ..
..وفعلا مشا وجى
ياسر : مرتي الحلوه
فلك : مالك
ياسر : يعني الزول يقول ليك مرتي الحلوه تقولي ليه مالك
فلك ضحكت : ماشي الليله الحفله صح
ياسر : اكيد فلكي انتهيتي
فلك : ليه في شنو
ياسر : يعني الولد طلع والبيت فااضي حيكون في شنو
فلك : ياسر ما فاضيه
ياسر : تفضي ي مزه
..وجراها وطفى النور وحصل الحصل
..بليل في الحفله ...
مراد : مبسوط انكم جيتو يااخ اتفضلوو
فلك : مبرووك البيبي ي مراد
مراد : الله يبارك فيك يااخ تسلمي وينو ياسر وامجد
فلك : قاعدين يلعبوا برا في الجنينه ياسر بقى ما فاضي لي طوالي مع امجد بلعب
مراد ضحك : معليش تتعودي
فلك : وين ساره
مراد : هنا ادخلي سلمي عليهاا
..
فلك : سروو مبروك يااخ يتربه في عزك انتي ومراد
ساره : الله يبارك فيك
..وشويه وجو داخلين سماح وعاصم ورواء وفلك بنتهم كلهم..طبعا كلهم بقو اهل في بعضهم
سماح : مبروك ي بنتي
ساره : الله يبارك فيك خالتو
عاصم : مبروك ي مراد يتربى في عزك
مراد : الله يبارك فيك
..مراد وياسر وعاصم قاعدين بتونسو سوا في الجنينه وفلك وامها وساره ورواء بتونسو في الصالون والشفع بلعبوا في العاب في الجنينه .......الحمد الله كلهم بقوا ايد واحده في بعضهم وعمة السعاده المكااان وفي الحاره بيقيفو سوا واتعملوا من حياتهم كتتيير
فلك : مبسوطه لاني في نهايه المطااف لقيت زول عوضي عن كل شي وانا بقصد يااسر دا كل حياتي حرفيا وعاصم اخوي وامي وساره ومراد ديل ما بقدر اعيش من دونهم مع انهم ما اهلي كلهم بس كل شي بالنسبه لي ❤❤❤

نهايه الروايه ❤❤❤❤❤❤❤❤❤
بتمنى تكون عجبتكم ❤❤❤❤❤❤🔥

سيلا 1
نزلت السودان عشان اقرا الجامعة وكانت أول مرة أنزل السودان وأشوفه ، مابعرف فيهو شيء غير إنه أبوي سوداني مسلم و أمي إيرلندية من أبوها و أمها فلسطينية ، أبوي إتوفى بدري شديد لمن كان عمري سنتين ، وأمي ماعندها علاقة بي أهل أبوي إطلاقاً ولا بتعرف عنهم شيء ، بتقول إنهم رفضوا زواجهم زمان لأنه أمي مسيحية و كل العائلة وقفت ضدو بس هو إتزوجها بالرغم من كل دة ، كان بحاول مع أمي إنها ت أوسلم بس هي ما إتخلت عن ديانتنا أبداً و إتوفى في حادث مرور في إيرلندا قبل حتى ما أشوفه وأشبع منه ، أمي بتكره المسلمين و بتكره أهل أبوي شديد رغم انه اتزوجها بس ماقادرة تنسى إهانتهم ليها و إنهم وقفوا ضدها و كرههم ليها خلاها هي زاتها ، قمتا و أنا نصرانية درست تعليمي الإبتدائي في إيرلندا ..
لمن وصلت لسن ١٨ سنة كان في يدي إني أطلع من البيت وأسيب أمي بس ماقدرت أعمل كدة ، زي مابتقول علي أمي إني حنينة دة لمن تتكلم عربي معاي ، لغتي الإنجليزية لا يعلى عليها و لغتي العربية كمان .. والكانت مستغربه ليهو أمي إني أتقنت اللهجة السودانية أكتر منها رغم إنها عاشت مع ابوي سنين ، لكن أنا كنت بحب السودانين ..
ف كان عندي أصحاب جنوبيين كتااار و أصحاب من غرب السودان و أصحاب من الشمالية ، زي ما عارفة إنه ابوي من ديار الشايقية ..
كنت بقرا مذكراته البكتبها و أشعاره الكتيرة ، كنت بقرا كتير عن قصص يومياته وأسراره الكانت مهمة بالنسبة ليهو بس مامهمة بالنسبة لي أمي .. عرفتا فيها أصلنا ونسبنا و زيادة على كدة أصحابي في المدارس كانوا سودانيين .. بينزلو للسودان وقت ماهم دايرين و بيعرفوا اي شيء عن السودان من اهلهم و من حب أهلهم للبلد ..
وأنا داخلة على سن ال ١٨ قررت إني أعرف أكتر عن السودان و أكتشف أراضيه و حضارته و مدنه و كيف الناس بحبوهو رغم إنه الصورة الانا خاتاها عنه إنه منفى وإنه بيئة غير صالحة للحياة ، وإنه بلد الديانات فيهو متعددة بس اغلبيته المسلمين ، فيه مسيحيين ورغم كدة اهل ابوي رفضوا زواج امي منه !
هل لأنه مسلمين أو لأنه قبيلتهم مابتسمح !
ما كان عندي فكرة عن القبايل ولا عن الإسلام و لا كيف شكل الحياة في السودان ..
و دة السبب الخلاني اقرر اكتشف السودان و أعرف أبوي اكتر ، كلمت امي بقراري و كنت عارفة انها حترفض بس ماعندها حل غير انها تقبل بالأنا عايزاهو لأنه في الأخير أنا حأسافر ، بحب ديني جدا ومتمسكة بيهو و يمكن إني بمشي الكنيسة أكتر من أمي و بحافظ على التراتيل أكتر منها ..
و أنا إنسانية اجتماعية شديد فما بزعل لمن اصحابي المسلمين ينادوني سيلا النصرانية ، لأني عشت في بلد بحترمو كل الديانات والأعراق بس ماعارفة هناك في السودان حيعاملوني بنفس الطريقة أو حيرفضوني زي ما أمي إترفضت قبل كدة ..
لملمت شنطي و رتبت أموري للسفر ، بالنسبة لي متحمسة لاني حأكتشف بلد غريبة و قريبة في نفس الوقت ..
إنسانة زيي بتحب الثقافة والعلم و السفر و الإكتشاف و الطبيعة و الكتب و الموسيقى ..
أنا خليط بين الجمال و بين الثقافات المختلفة ، كفاية علي نسبي الطويل
سودانية إيرلندية فلسطينية ، كل البشوفني حيلاحظ للملامح الغريبة و لشعري العسلي فااااتح ، لطريقة لبسي ، و لي لهجتي السودانية بشدة .
الطيارة على وشك الهبوط ، بتذكر في ملامح أمي الجميلة و عيونها الملونة ، وفي يدي شايلة صورة أبوي الوجيه العيونو سوداء سواد الليل ، بتكلم معاهو وبقول ليهو أنا ماشة لبلدك يا أبوي .. ماشة أشوف بلدك الكتبت عنها دفاتر و أوراق كتيييرة وعايزة أعرف هل بلدك بتستحق كل كتاباتك و كل اشعارك دي ؟
#سيلا١

سيلا 2
وصلت مطار الخرطوم الدولي ، ما كنت مستغربة من شكله لأني أساسا متوقعة إني ألقى السودان دة منتهي عديييل ، اول مادخلت المطار كان في نسوتمان لابسين تيابلا وعرسان كتار راجعين من شهر العسل أولاد وحيدين راجعين ديل شكلهم كانوا مغتربين ، ماكنت عارفة أعمل شنو في المطار بقيت واقفة براي بتلفت مافاهمة شيء هل اتكلم انجيلزي؟ ولا سوداني ؟ جاتني خوفة ما مفهومة وحسيت اني غريبة يادوووب وماقدرت افهم لغة النسوان الجنبي اللابسين دهب كتييير ، اصوت لغة الناس كانت غريبة بالنسبة لي وماعارفة اذا اتكلمت معاهم حيفهموني او لا ..
الناس كانوا كتار والدنيا زحمة و بلزوا بعضهم عشان يشيلوا شنطهم وانا عندي شنطة واااحدة ، واقفة مكان السير وماقادرة اركز .. لمحت بنات جميلات اتنين واقفات من طريقة الشعر واللبس عرفت انهم اجنبيات بس لمن قربت منهم سمعت لغتهم وكانوا مغربيات فما في فايدة يا سيلا ، جنبهم كان في ولد أسمر داااكن طويييل وشكله جنوبي ، اتشجعتا وقلت اساله بالانجليزي اذا جاوب خلاص .. قلت ليهو مرحبا
ورداها لي بي ابتسامة فإرتحتا ، سألته سوداني؟
ضحك وقال لي طبعا ، مديت يدي وقلت ليهو سيلا سودانية برضو ، قام نطط عيونو بطريقة مضحكة شديد وقال لي مستحيييل ، ضحكت وقلت ليهو سودانية ، تاني قال لي مستحيييييل وهو بضحك بإستغراب !
انتبهتا إني لابسة الصليب فيمكن عشان كدة هو مستغرب !
قلت ليهو سودانية نصرانية ، قام تاني نطط عيونو بزيادة وقال لي كيف ؟ كيف ؟
اللحظة دي اتضايقتا و بديت اتوتر زياادة ، لكن هو لمن شاف ملامحي اتغيرت ماكتر كلامو معاي وسألني كيف أساعدك يا ؟؟
قلت ليهو سيلا ! ممكن إنك تستلم لي الشنطة لانه في ازدحام شديد و سخانة و برضو عايزة اطلع برة المطار تمام و اركب تاكسي فلحدي ما اركب ممكن تكون معاي وتساعدني قال لي ..
انتي لطيفة جدا ! ابتسمتا وقلت ليهو اول مرة اجي السودان ، قال لي بس بتتكلمي سوداني تمام ؟
قلت ليهو ايوة ابوي سوداني ، قال لي طيب عارفة العنوان المفروض تمشي ليهو ولا نازلة في فندق ؟
قلت ليهو لا عندي اللوكيشن ، قال لي شنطتك فيها علامة او كدة ؟ قلت ليهو ايوة انا رابطاها بي شريط أحمر ، قال لي قلتي شنو ؟
قلت ليهو مالك؟
قال لي نصرانية ولا شيوعية؟
قلت ليهو مافهمت قصدك!
قال لي تعالي تعالي وهو بضحك ، نزل لي الشنطة وطلعت بي وراهو لغاية برا المطار ولحدي ماوصلنا الظلط ، وشميت هواء الخرطوم ، متذكرة كيف كنت بشم ريحة الشارع وكيف راودني احساس غريب ملخبط بين الإلفة للمكان و الراحة و الحنين والشوق ..
وقف لي عربية مكتوب عليها تاكسي و قال لي اسمها ترحال دة تطبيق نزليهو ، هو متعب شوية لكن مريح ؟
قلت ليهو كيف ؟
قال لي السواقين ثقيلين مرات ، لكن بما انك جديدة في البلد ف تطبيق كويس معاك لأنك ما حتتشغي في الأسعار وكدة ، وريهو العنوان
قلت ليهو طيب اضرب تلفون من وين و كيف اجيب الشريحة ؟
كلم لي بتاع ترحال و وراهو انه يديني التلفون اضرب منو ..
فشلت تلفون الراجل وضربتا رقم صحبتي نور الجعلية و وصفتا لي بتاع ترحال مكان العمارة الفيها الشقة الحنسكن فيها نحنا الأربعة بنات متشاركين السكن ..
نور جعلية و أديل و كارولين .. نحنا الاربعة درسنا في ايرلندا ونزلنا للجامعة بس حتى صحباتي القبطيات اهلهم بنزلو السودان كتير و كلهم بالنسبة ليهم ما اول مرة ، بس انا .. ولأنه امي كانت خايفة علي من السكن الجامعي راضيتها و قلت ليها اني حأنزل مع صحباتي اساسا ..
نور الوحيدة المسلمة بيناتنا ، والكريمة شديييد بيناتنا برضو ..
وصلني ترحال و استقبلتني نور عند باب العمارة ، دفعت قروش التاكسي وكان في باقي خلتو ليهو ، قلت ليها مش قروشهم محددة في التطبيق ؟ قالت لي ايوة لكن خليتها ليهو هسي هو اداك تلفونو ورصيدو ساي ..
ضحكت معاها وطلعنا سلمنا على البنات ، و بدو يسالوني رحلتي كانت كيف وقدرت اصل البيت كيف فحكيت ليهم عن الشاب داك و اتذكرت اني الهبلة ماشلت رقمو ولا شكرتو زي الناس ..
#سيلا٢

سيلا 3
بما إني سودانية لكن ماعندي رقم وطني فبإعتباره إجرائاتي ملغية ، ما ممكن يعاملوني معاملة أجانب حتى فكان لازم اطلع الرقم الوطني زي ما عارفة إنه في مكان إسمه الجوازات ، نور لبست عبايتها وكانت بتلف في طرحتها ساعتين والعجيب انها بتجهز أبدر مني لكن أنا عايزة ساعتين عشان بس افك شعري والبس جينز مع بلوزة ربع كُم ، مابحب الميك اب الكتير وما بس انا حتى نور ما بتحبه تقريبا بس كارولين المبدعة في امور الميك اب ، طلعنا من العمارة واتوجهنا للجوازات المكان المزدحم بشدة ، كنت بعاين للسودانيين لتنوع الاشكال والالوان الغريب دة ؟ للملامح السودانية ولطريقة كلام الناس مع بعض و للهمجية برضو و لي إنه في ناس بتجاوزو القوانين و بمرو عادي ، و فهمت برضو انه البنات السمحات عندهم بيقضوا امورهم باسهل الطرق لاحظت لكدة بعد ماشفت ضابط بمرر بنت جميلة قدام مرة عجوووزة حتى ما هماه عمرها وفوق كدة بقول انه كلامها كتير ..
قعدنا انا ونور منتظرين الدور في الصف ، فمر من خلالنا واحد هو وصحبو كانت عيونهم علي من بعيييد و لمن قربو لينا سمعتو بهمس ليهو ياخسارة قبطية !
الكلمة دي خلت في نفسي أثر كعب شديد وعانيت منها لفترة طويلة من حياتي العشتها هناك ، حسيت كأنه بتهان ! عرفت إنه في عدم احترام لديني في بلدي !
لكن هل الناس حيعاملوني بإهانة كدة دايما ؟
ماقدرت امسك نفسي وكنت عايزة اوجعه بالرد فقلت ليهو بصوت مسموع منو القال ليك إني حأقبل بمسلم ؟
الولدين زادو حرقتي وضحكوا بدل ما يزعلوا !
اتنفختا شديد و نور لاحظت لي منفوخه فبقت تقول لي سيلا خلاص ماتزعلي كدة ماكل الناس هنا بفهموا الاحترام ، ما تهتمي لكلامه لو هو بيعرف اسلامه كويس كان عرف انه ربنا قال ( لكم دينكم و لي دين) ..
ماعني مافهمت الآية الهي قالتها بس بعدها شرحت لي نور انه في الاسلام ما مفترض تهين زول بدينه ولا مفترض انه تغصب زول على انه يخلي ديانته ويسلم ! ..
كنت بحب نور شديد لأني بشوفها ما بتشبه المسلمين في اخلاقهم ، كانت كريمة وطيبة ومحترمة جدا ..
دة غير انها عمرها ما دخلت في مجادلات بين ديانتنا وديانتها و دة سبب حبي ليها ، كان يوم طويل وعصيب واجرائاته طويلة بس الحمد لله انه خلص ..
خلص بعد ما اتشاكلت مع الضابطة الصورتني وكانت بتقول لي متأكدة انك سودانية !
وكمية من المشكلات العملتها و كانت نور بتهدي فيني لحدي مارجعنا البيت ..
..
اليوم البعده كان مفروض نمشي الجامعة ونسجل ، اتوجهنا لجامعة الخرطوم ، انا و كارولين بس الحنقرا في الخرطوم هي رياضيات ،و انا ادارة اعمال ، اما نور و اديل ف كل واحدة في جامعه براها ..
كملنا الاجراءات واستلمنا ارقامنا الجامعية ، بعدها كارولين ودتني مكان الشارئح واشتريت رقم زين ، قالت لي ناكل برة الليلة و انا حاوديك لمطعم رهيييب اسمه لذيذ بعمل سندوتشات فول وطعمية رهيييبة ..
مشينا انا و كارولين ، بترحال برضو و قعدنا و طلبنا لاحظت انه ما في زول اشتغل بينا او عاكسنا!
مافي زول قال لينا قبطيات بمسخرة او يمكن لانه نور ما معانا ؟ يمكن الناس بستغربو لمن يشوفو نور معانا ؟
و يمكن بحاولو يحسسوها انه هي كيف تمشي مع اقباط؟
..
مرة اسبوع و كان خلاص حننزل الجامعة ، و اول يوم في الجامعة دايما بركز في الذاكرة ، اخترت اسكيرت اسود وبلوزة نص بالبنبي و شبط واطي مع شنطتي في اليد سرحت شعري ضنب حصان ولبست الصليب و طلعتا من البيت بترحال مع كارولين وصلنا و افترقنا جوة الحرم الجامعي ، و كيف اعرف القاعات ! و كيف اعرف اي حاجة اساسا في الجامعه الضخمة دي!
..
لاقيت ولد وبت قاعدين في بنش بتونسو و باين عليهم انهم قديمين في الجامعه ..
قلت ليهم لو سمحتو وين القى قاعات سنة اولى ادارة اعمال ؟
وصف لي القاعات في الاتجاه الغلط زي ماتوقعت واتبرلمتا فعلا ، وصلتا ولقيت انه هنا دي حمامات اولاد ومكتوب فيها برة ( لو صلتي الى هنا فاعلمي عزيزتي انك قد تبرلمتي ) على قدر ماغضبت على قدر ما ضحكت في روحي .. واصلتا البحث براااي افتش في القاعات واسال الناس ويبرلموني لحدي ما تعبتا و وقفتا ولد طويل شديد و باين انه افريقي حتى ، طوالي سالته بالانجليزي عشان مايغشني ويحس اني جادة قلت ليهو وين القى القاعات ؟
وصف لي بالضبط والمرة دي وصلتا لحدي القاعة و دخلتا يادوب ، قعدتا في بنش براي لحدي ما جات بت قعدت جنبي كانت لابسة طرحة بس ما لافاها حجاب زي نور ، اول ماقعدت صلحت قعدتي و بديت اني جدية لكن البت اظهرت لي عكس كدة وقالت لي ازيك انا اسمي فاطمة وممكن تقولي لي فطومة وابتسمت لي ، ابتسمت ليها وقلت ليها سيلا ، قالت لي اتشرفت بيك ..
طيب ماهدي في ناس لطيفين في البلد دي❤
#سيلا٣