زحت منها الدم و غسلتو كويس..
و النشف جمب عيونها دا و برضو..
شالت ليك الصابونة و غلست ليك الريحة من يدينها و وشها و كمان جزء من شعرها..
امها جاتها ف اللحظة ديك و شايلة ف يدها جك بالله مليان تلج و الموية الفية ساقطة تلج تقتل..
ظاهر عليها..
-دنقري دنقري..
ريفان دنقرت و امها شووووو قعدت تكب ف الموية الباردة ف راسها..
بالله كبتو كلو..
ريفان دي بس باقي ليها تموت بالله العظيم..
م تموت..
الدم كان خفي شديد شديد..
لكن لسا بنقط شوي من نخرتها..
-امرقي لي برا الوضاية اجيب ليك تاني موية..
ريفان عاينت ليها
-ولا اقول ليك..خليك خليك انتي مبلولة كدا خليني اجيب ليك البشكير م تمرقي كدا حيضربك التهاب..
ريفان وقفت ف مكانها و انتظرت امها..
قعدت تقش ف وشها كويس كل م نخرتها تكب من تحت الدش..
عاينت ل قميصها و قعدت تقشو شوية..
دا باظ خلاص..
م ينفع تاني..
امها جات و غسلت ليها راسها تاني..
اعادو الحركة دي كم مرة لحدي م الرعاف وقف تبب..
ف النهاية استحمت..
اساسا اتبلت اتبلت اهو اخير ليها تستحمي مرة واحدة..
مرقت و دخلت اوصتها داب م رجعت رقدت ب ارتياح تاني ف السرير..
جسمها جد بقي هيكل ف اللحظة ديك..
تلفونها ضرب و رفعتو عاينت ليه..
لقتها لينة..
فتحت التلفون اسبيكر
_الوو..
-ي بت مالك م بتردي؟
حواحبينها اتلاقو
_ضربتي انتي ولا شنو؟
-صوتك مالو كدا؟
_انفي مقفولة..
-فجأة؟
_دا لاني رعفت و سوطت البيت و كل م فيه..
-رعفتي كتير؟
_لو اعتبرنا 70% كتير ااي رعفت كتير..
-هوي ي بت..لو كان كدا كان بتكوني من خبر كان زمان..
ريفان بلعت ع ريقها..
ي ريت..
ي ريت لو بقت تبع خبر ناس كان..

♧°♧°♧°♧°♧°♧°♧°♧°♧°♧°♧°♧°♧°♧°

نشوة مرقت من الاوضة الكانت نايمة فيها..
كانت حاسة ب جسمها مكسر شديد
لمن لقت الانوار مفتحة حواجبينها اتلاقو
عاينت بالشباك
ضلام
اوه شيت
كانت نايمة الوقت دا كلو؟
هي صحت من عربية يوسف و دخلت جوا الاوضة و بس رقدت
كان مفروض تقوم تاكل
هه
حتي دا فوتتو
كانت ماشة براحة براحة و هي لسا بتحاول تفتح ف عيونها
النعاس جد غالبها
مشت ع المطبخ و لقت خالتو فيه
كانت بتعمل ليها ف كباية عصير
نشوة عاينت ليها
كان وشها محمر من البكي
ع حازم اكيد
نشوة بلعت ع ريقها و هي بتدفر ف الدموع
خلاص كفاها بكي والله
-خالتو كيفك؟
ام يوسف عاينت لبها و ابتسمت
=صحيتي؟تعالي هاك..
فتحت الفرن و مرقت منهم ساندوتشين ادتهم لبها
=هاك اكلي و العصير بختو ليك ف التلاجة
نشوة ابتسمت ليها و شالتهم مشت قعدت تاكل برا و معااها كباية العصير
حلقها كان بوجعها مع كل بلعة بتبلعها
اعتقد الالتهاب لسا م خلاها
و الالتهاب مع اللوز عبارة عن موت احمر بس..
ام يوسف انتبهت انو نشوة بتاكل براحة و ل الالم البظهر ع وشها لمن تبلع
=اللوز قامت عليك تاني ولا شنو؟
نشوة هزت راسها
-يوسف وين؟
=اووف منو..قاعدة ف الاوضة بقرا
-م صحاني ليه مفروض اقرا برضو.
=م بعرفو قال م يسألوك لانك عيانة
نشوة طلعت نفس طويل
اكلت و قامت مشت عليه ف اوضتو
دقت الباب كم مرة حتي تاني اتكلم
_منو؟
-نشوة؟
_خشي
نشوة دخلت
لقتو قاعد ف الكنبة القدامها و خاتي اللابتوب ف رجلينو و لابس ن نضارتو و عيونو واقعة بقرا
نشوة ضحكت
-ليه كم من م شفتك تلبسها النضارة دي
_ظا لاني م بلبسها اساسا
-انا قلت كسرت حنكها تماما
_اساسا كسرتو
-طيب رجعت ليها لي؟
يوسف قعد يحك ف عيونو
_لانو نوز الزفت دا بقي واجعني شديد و بعمل لي صداع قاتل
نشوة ضحكت
-لو كنت التزمت بيها زمان م كان حصل ليك كدا
يوسف طلع نفس طويل
-م صحيتني ليه عشان اقرا
_لانو كان غالبا قضيتها بكي..احسن ارتحتي شوي
نشوة هزت راسها براحة و هي بتوافق ع المعلومة دي..
صح
_ع كل عندك بكرا كلو سو ممكن تقري بكرا و السلام
-انت عارف انو بكرا م بتكفي
يوسف م ردا ليها لانو كلامها صح
-لو سقطت عليك انت بس
يوسف ضحك
_انتي عارفة انك م بتسقطي
نشوة ضحكت
قعدت شوي وهي بتفكر
-اتكلمت مع ابوبكر قريب؟
_اممم..
ع ايجابتو نشوة نطت
-اها؟
تعابير وش يوسف م اتغيرت كانت محبطة جدا
_ياهو ف حالو..م حصل ليه شي
-طيب و نيفين؟
الزعل ظهر ف وش يوسف ع اسمها
_قالو وقعت من الكرسي حقها من البكي لكن لمن اتكلمت معاه كان اخدت حبوب بلعتها
نشوة قبلت تاني و قشت الدمعة بسرعة من عينها
يوسف انتبه ليها و طوالي قفل اللابتوب و قعد يعاين ليها
اخدت ليها كم ثانية و هي بتقش ف وشها حتي اتكلمت
-انا اسوي شنو لو حصلت شي؟
يوسف م ردا ليها
كلهم يسوو شنو لو حصلت ليه شيء؟
نشوة قعدت تبكي شوي و يوسف كان متحير يسوي شنو
-انت عارف انو انا اساسا م لاقتو لي كم؟؟..حازم دا بكون تميت الشهر والله والله..و كنت مشغولة مع زفت مشروع التخرج م رجعت ليه كتير..
يوسفربلع ع ريقو
هو كان بشوفو كل يوم لكن بقي م بتكلم معاه كتير
اعتقد يوسف لسا زعلان كان من نقطة لنو حازم كان عارف و م وراه من البداية
و لمن وراه جا اتكلم بطريقة غياظة ولعت النار جواه
-انت ليه م وريتني انو كان مسافر؟
يوسف رفع ليه حواجبينو
اخد ليه كم ثانية تاني اتكلم
_حتي انا م وراني.

.
نشوة عاينت ليه
-كيف يعني؟
_يعني انا صحيت الاسبوع الفات و لقيت عربيتو جوا البيت ف الحوش و استغربت لمن فتشو لقيتو ماف و شنطة السفر حقتو ماف..
نشوة رفعت حواجبينها وهي شبه م مصدقة
_و لمن سألت امي قالت انو سافر الساعة 2 صباحا..
-لا ليه؟
=لانو من نقاشنا الحاد الوريتك ليه داك تاني م اتكلمنا مع بعض
نشوة رفعت حواجبينها
-يعني متشاكلين؟
يوسف طلع نفس طويلذ
هم متشاكلين؟
م اعتقد متشاكلين
بس وهو بفكر حسي
يوسف دايما البنشي يتلايق ف حازم و حازم نادرا م يجيه
ز ف الفترة الفاتت دي كلها يوسف كان ملخبط شديد من انو يمشي ليه و حازم م جاه و لا مرة..
هه
اعتقد م كان بتلاقو الا صدفة ف البيت زاتو
و ف الجامعة م ليه اثر
و هو بفكر حسي
حازم فجأة عمل شات داون ل كل شيء حوليه
بقي م بجي ل ريفان ولا هو ولا نشوة
ولمن يمشو يفتشوه م يلقوه
و ف البيت م بقعد ولا لمن يقعد بكون نايم
ليه ف شنو فجأة قام كدا؟
ليه رجع ل تصرفاتو الزمان اول ايام اتلاقو
و كانو مسح كل زول كان مستثنيه من تعامل البرود و السخافة الفيه دا و بقو كلهم زول واحد
وجودهم بالنسبة لبه عندمهم
ف شي حصل ي ربي؟
_ممكن..تحسب شكلة اذا هو وافق اننا متشاكلين..
نشوة قبلت منو
-انت عارف اكتر شيء ندمانة عليها شنو؟
_انك م وريتيه انتي بتحبيه جد؟
نشوة عاينت ليه
صح كلامو صح
تصدقو او لا لكن هي حاسة و كأنو ف مهمة لازم تعملها
اذا هو م عرف و م جا راجع تاني
متأكدة انها حتدمل ف حالة لانو البت بقت ندمانة اكتر من اي شيء
-الموشوع سخيف..و م كنت ناوية اوريه..
يوسف هزا راسو
كلامها صح
هو وهي الاتنين عارفين انو نشوة استحالة تفتح خشمها تكلمو عن الحصل
-بس اعتقد اني حاندم لو م عرف..اعتقد انو شعور الندم حيكون ساكن جواي لحدي م ربنا يشيل روحي..
نشوة بلعت ع ريقها و بقت بتتنفس شوي شوي ب انتظام
-اعتقد اني حاظلم روحي لو م وريتو..
يوسف هزا راسو..
الحمدلله
الحمدلله احيرا انتبهت للحاجة دي
-بغض النظر عن الحيحصل بعد داك..ازا لازم اتكلم عشان الندم م ياكلني و انا حية
كانت محتاجة ليها صدمة زي دي عشان تنتبه ل روحها
_اتأكدي انك توريه فاهمة..
نشوة هزت ليه راسها و هي بتقش ف دموعها
_حيجي راجع ان شاء الله و ختوريه ي زولة..و لو م وريتيه بوريه انا..
نشوة ضحكت ع تعليقو دا
-انت امشي حل مشاكلك م تدخل ف مشاكل الناس
يوسف ابتسم..
-انا نمت ف العربية و نسيت انو لينة معانا..
نشوة عاينت ليه و هي بتحاول تقرا ف وشو
-اتكلمتو؟
يوسف هزا راسو براحة..
اتكلمو اي
لكن اتناقشو ف موضوع حازم بس
-اعتذرت ليها؟
يوسف رفع عيونو عاين ل نشوة ع كلمتها دي
اعتذر؟
هه اكيد م اعتذر
يوسف م ردا لكن من ملامح وشو اي زول حيعرف طوالي انو م اعتذر
-اعتذر ليها ي يوسف
يوسف طلع نفس طويل
_اعتذاري حيسوي شنو؟م حيرجعنا لي و لا حيلغي العملتو
الاحباط ظهر ف وش نشوة
_و م اعتقد ح تسامحني اساسا.
-اها و يعني؟دا م معناتا انك م غلطت و م واجب عليك الاعتذار.
_الفايدة شنو اذا هي م سامحتني
-م الا تسامحك ف لحظتها..ممكن تسامحك بعد فترة..بعد سنة بعد سنين ان شاء الله..
_و لو اصلو م سامحتني؟
-برضو م مشكلتك..انت خت الاعتذار و قولو و خليها هي..قبلتو م قبلتو..المهم تعتذر
_م قادر استوعب اهميتو
نشوة طلعت نفس طويل و استعدلت ف قعدتها
-سو حتقوم تعمل رايح و السلام؟
يوسف م ردا ليها
-انتو عارفين مشكلتكم شنو؟
_نحنا؟..نحنا منو؟
-الاولاد..الجنس الذكري عموما..
يوسف قعد عاين ليها ب استغراب
_اها
-انتو بتفكرو ب عقلكم و م بتحاولو تجسو بالوضت؟
حواجبين يوسف اتلاقو
_اعذرينا لاننا م حساسين زيادة عن اللزوم
نشوة لفت عيونها
-دي حاجة انسانية..الزول لمن يغلط بعتذر..حاجة طبيعية جدا..كل زول بغلط..كلنا زي بعض بشر..بس انت عارف لنفرق بين بعض كيف؟..ف مواقف و نقاط بسيطة زي دي..
يوسف م ردا ليها لانو جزء منو بدي يفهم
-انا متأكدة انك لو اعتذرت ليها حتفك ذنب ف رقبتك و الم جواها انتو الاتنين م عارفين انو موجود..
يوسف قعد يهبش ف عيونو
-اعتذراك البيسط دا..الحاجة البسيطة دي امكن م ترجع كل شيء للحاجات الحلوة الكانو موجودين..بس حتصلح ليك القدام ليك انت و ليها نفسيا شديد..
يوسف بلع ع ريقو
كلامها صح
-انت م تشتغل بالحيحصل بعد م تسوي الحاجة..لمن تجي تسوي الحاجة الصح..بس المهم تسويها و البنتج عنو حيكون احسن من انك تطنش او تعمل منها رايح انا متأكدة..
نشوة وقفت ع حيلها
كانت مارقة من الاوضة
-حاجات بسيطة زي دي و ابسط منها كمان بكون عندها تأثير بعدد المجرات جوا البشر..و دي البتثبت لينا الزول كويس او لا..لا قروش لا شكل لا كلام كذب او وعود ضايعة ولا ااي شيء..بس تصرف صادق بسيط..فهمت؟..
يوسف ابتسم و هزا ليها راسو..
جد يعنل شنو بدونها البت دي
-اوعدني انك حتعتذر ليها
_طيب..وعد..
نشوة ابتسمت ليه

♧°♧°♧°♧°♧°♧°♧°♧°♧°♧°♧°♧°♧°♧°

ريفان مرقت من قاعة الامتحان اول م نص الزمن جا..
صراحة..
م عارفة هي كتبت شنو زاتو..
والله بس كانت عاوزة تمرق من الامتحان و القاعة بس..
الهدوء الكان محيط بيها عام

ل حروب داخلية جواها..
عقلها دا قتل قلبها من كترة التفكير..
ريفان مرقت و مشت قعدت ف احد الكنب التحت..
كانت قاعدة..
و حست ب شوية تحسن
لانو كان ف جوطة و الناس المرقو مبسوطين انهم انتهو و قعدو يكوركو زي المجانين لانهم انتهو
ريفان قعدت تعاين ليهم
ف العرفتهم و الماعرفتهم
ناس من كل الدفع قاعدين حايمين و هايجين و كأنهم انتهو من امتحانات الشهادة
طيب حيسوو شنو لمن ينتهو من السنة..
ريفان ضحكت ع الفكرة دي..
لمحت يوسف و هو بمرق من الكلية..
كان ظاهر عليه و كأنو م نايم ليه ايام..
اعتقد برضو عمل حركتها و مرق..
الفضول جا جواها عشان تعرف هو امتحن كيف
بس هي عارفة انو اكيد حتكون زي الزفت..
-ريفان..
ريفان اتلفتت ع صوت البت الجمبها و هي بتقعد معاها
لقتها نشوة
ريفان ابتسمت ليها
_نشوة..كيفك؟..كيف امتحنتي؟
نشوة هزت راسها..
-الحمدلله..زي الزفت والله..
الاتنين ضحكو شوي ع جملتها الاخيرة دي..
سكتو و بس بقو قاعدين ساكتين ل كم ثانية..
شوية كدا و نشوة اتكلمت
-عاوزة اسألك سؤال..
ريفان رفعت ليها حواحبينها
-اداسفة لانو من العدم و حيكون جارح شوي..
ريفان طوالي عرفت انو حيكون عن حازم
-انتي خالك بعرف ناس حازم من وين؟
_خالي شريك ابوبكر ف الشغل حقو..
-جد؟
_امم..
-يعني خالك قاعد هناك ف بريطانيا؟
ريفان هزت راسها
_يس قاعد معاهم..
-معاهم ف البيت؟
_لا يعني قصدي ساكنين جمبهم..
-صحي؟
_اممم..
-و انتي شائعة انك مولودة هناك صح؟
ريفان ضحكت
_م مولودة هناك لكن اتربيت هناك..
-يعني بتعرفي حازم من زمان؟
_لالا..اساسا خالي كان ساكن ف لندن..نحنا اتربينا هناك..لكن قبل كم شهر ياداب رحل جمبهم فهمتي..
-ل مانشستر؟
ريفان هزت راسها
_اممم..
-طيب و انتي صحي ماشة الليلة طوالي؟
_لا..مسافرة الاسبوع الجاي..
ريفان سكتت شوي ع النقطة دي..
صح..
هي نست تماما لايك تمااما انها مسافرة الاسبوع الجاي..
لا..
لا م عاوزة تمشي..
لا و كمان ف مانشستر جمبهم معاهم؟؟..
هه..
لا حرام م بتقدر..
دا شنو التخلف الحاصل ليها دا؟؟
-جد؟
ريفان هزت راسها و هي بتحس ب الدموع بتكونو ف عيونها..
لا م تبكي..
م تبكي
هو انتي امبارح م بكيتي جاية تبكي حسي؟؟
م تبكيي ممماااا تتبببكيييي..
و طق طق طق الدموع ديل نقطو
نشوة لمن شافتها مسكت ليها يدها..
اعتقد فكرة انها ماشة ليه ل هناك خلاص قطعت كل شيء و خلت الدموع البتحاول تحبس فيها ديل ينزلو زي الشلال
والله بكت بكي
النلس ديل لامن م اتكومو فيها و قايلين انها م اشتغلت كويس و حاولو يهدو فيها
شغالين ليها ي بت م تبكي دا امتحان ساي
م تشتغلي بيه
م تبكي تبكي
و هم م عارفين و لا فاهمين شي
ريفان بكت لحدي م ناس لينة جو و قعدو و هدوها وكلو
تلفونها ضرب كم مرة و لا هببتو..
لحدي م تلفون لينة ضرب و ردت عليه..
كان ابو ريفان
-الوو عمو كيف
=الوو لينة كيفك؟ريفان جمبك؟
لينة عاينت ل ريفان اللسا كانت بتبكي
-اممم جمبي..
=مالا م بترد ع تلفونها؟؟م اشتغلت كويس ولا شنو؟
لينة م عرفت تقول شنو
-امم م اشتغلت كويس..م اعتقد سمعتو
=انتو لسا ف الجامعة؟
-امم..
=خوفتني بالله..انا واقف برا تعالو ارجعكم..
لينة نططت عيونها
-جيت انت؟
=اسوي شنو؟جيت افتشها قلت شي حصل..لامن م اتزكرت انو عندي تلفونك
لينة عاينت ل ريفان و نون و ابل
=عاينو اطلعو لي انا واقف قدام بوابة هندسات..
-طيب ي عمو جايين..
لينة قفلت الخط و عاينت ل ريفان
-ريفان..ريفان ابوك جا..
ريفان عاينت ليها و قشت وشها ودموعها
-اررح قال واقف برا..
ريفان وقفت ع حيلها و شالت شنطتها و مرقت من لينة ل ابوها
ابوها اول م شافها طوالي استغرب
=بتبكي مالك؟ساقطة..
ريفان عاينت ليه و م ردت زاتو
م عندها مزاج
حرفيا حريفا كل شيء خلاص فاض بيها
ريفان الطيبة؟
هه..
خليها توريكم ريفان الحقيرة المرة دي
مشت ركبت و لا قالت شي و لينة ركبت ورا
=اصلو شنو قاعدة تبكي كدا؟م امتحان هو
ريفان ولا عاينت لي ابوها زاتو
كانت بس بتعاين للشباك
ابوها اتغاظ من انها بتطنش فيه..
مشي نزل لينة اولا..
لينة عاينت ل ريفان
-اضربي لي لمن تصلي
ريفان هزت ليها راسها
_طيب
اول م ابوها اتحرك طوالي اتكلم
=تردي ل صحبتك و تطنشيني؟
ريفان عاينت ليه بس
=ع فكرة انا ابوك اولي منها..
ريفان قبلت منو
=لا يعني اشتغلتي كيف اصلك مرقتي كدا؟م حتنجي؟م عرفتي تحلي شيء؟
ريفان م ردت
=ي بتت انا بتكلم معاك!!
ع نبرة صوتو ريفان عاينت ليه
استفزتو شديد
=هوي فتحي عينك دي..
_اشتغلت كويس
=طيب بتبكي كدا لييييهه؟؟
_ساي بس
=كيف يعني ساي؟؟هو ف زول ببكي ساي؟؟
ريفان م ردت ليه
=دا بسبب حبوبتك يعني؟؟
ع كلمة حبوبتك دي ريفان بس عاينت ليك ل ابوها
_شنو؟
=بتبكي ع حبوبتك يعني؟
قالها و كانو بعاتب فيها
_و ما ابكي عليها حرام؟؟اهو ماتت قبل اقل من شهرين م ابكي عليها يعني؟
=بتعذبيها كدا..بعدين انتي قلتيها خلاص..شهرين..كفاك بكي بعد دا
_انا البحدد كفاي بكي متين م انت..و بعدين شهرين بكفو يعني؟انا م اعتقد ل حياتي كلها حاقدر م الكي عليها؟؟دييي حبوبة م اي زول تاني
=انت م بكيتي كدا ع امي الله

يرحمها
ريفان ردت ليه بدون م تفكر
_لانو امك م هي الربتني..امك م زي حبوبة
الجملة دي ولعت النار جوا ابوها..
كان وصلو ل لفة البيت ف راس الشارع و ابوها وقف طوالي
=يعني شنو لو ربتك؟؟تفتكري يعني م زي امي الله يرحمها؟؟انا ابوك و زفت المرة التانية ديك امك
_م تقول ليها زففت..و م تتكلم عن حبوبة كدا..امك م زي حبوبتي و م تقارنهم مع بعض
=قلة ادب جديدة دي ولا شنو؟؟غلطان انا الخاليك تقعدي معاهم..لكن اصبري بس..قايلة حبوبتك الاتوفت دي ملاك؟م هي السبب ف الحاصل لينا حسي دا..لو م كان حرشت امك علي م كان دا كلو حصل
ريفان ضحكت طوالي
_حرشت؟؟انت م عارف اي شيء..حبوبتي دي هي السبب ف انو اولادك لسا برجعو معاك..نحنا ممكن نقلعهم منك عاادي بسهولة بس هي الوقفتنا..هي؟؟؟هي انقذتك كم مرة؟؟هي السبب ف اني م بكرهك بعد البتعملو دا كلو؟؟و تجي تقول عنها كدا؟؟انت قايل روحك مكتمل؟بس ع اقل شيء تفقد اعصابك و تتلفظ ع اي زول..تنبذ امي قدامي و لا و كأنو هي امي و كانت مرتك ف يوم من الايام ناسي كل الجميل العملوه ليك و بس بتفكر ف انهم وحوش و غلطانين و تطلع روحك و كأنك الضحية..اانا م حصل جيت شلتمنك مصروف زيادة ع البتديني ليه..و لمن اتزفت اتقطع بمشي كان ليها هي بتنقذني مليون مرة..و انت تجي تقول انها هي النكتت عليك؟؟ياخ هي ميتة حرراام تقول كدا حرراا-
بس سكتها ليك كيف اتقطع ليك من ابوها..
ابوها اداها كف
اداها ابوها كف
كف جاها من ابوها للتو..
=اوعك تتلفظي معاي..
ريفان سكتت تاني م قالت شيء بعد كفو دا..
للتو كفتها؟؟
لا ابوها للتو يعنللتو اخدت ليها كف؟
ريفان م كانت قادرة تستوعب
قشت وشها من الدموع الكانو مالين وشها..
و حست ب شيء ينزل من نخرتها..
لمن هبشتو لقتو ليك دم..
اساسا اول امبارح و امبارح الرعاف شغال فبها شغل تقيل..
قاعدة ع الهبشة..
بزات بعد م بتمرق الشارع
وحسي كف ابوها دا بكون طوالي نزلو..
ريفان قستو بسرعة و ابوها لمن شاف الدم خاف..
ريفان اخدت لبها كم ثانية..
فتشت مناديل ف الشنطة
لكن انتهو كلهم مع بكي قبيل..
ريفان ف النهاية مسكتو ب يدها..
شالت شنطتها و فتحت باب العربية تنزل
=اقعدي اوصلك ل الباب
ريفان وكأنو م سمعتو
شالت شنطتها و قفلت الباب
قبلت عاينت ليه
_اسفة لاني اتلفظت عليك..
قالتها ب اخر نفس..بس لانها مجبورة تقولها
ابوها كان بس بعاين ليها
و طوالي قبلت و مشت ع البيت..

♧°♧°♧°♧°♧°♧°♧°♧°♧°♧°♧°♧°♧°♧°

لينة مرقت من بيتها عشان تمشي ل ريفان
كانت مسافرة بكرة طوالي
و برسلو ليها و م بترد..
لحدي م وصبت و دخلت جوا..
مشت عليها ف الاوضة حقتها..
لقت النور حقها قافل و ف زول قاعد ف الارض ف المصلاية..
لينة فتحت النور و دخلت جوا
ريفان رفعت راسها ع الباب و فتحة النور عاينت..
لينة بلعت ع ريقها لمن لقت انو وشهااا دا منفخ من البكي و كلو
لينة قعدت جمبها ف الارض
-م بتردي ع التلفون مالك؟
ريفان عاينت ل السرير
_عاملاه صامت..سوري
لينة ابتسمن ليها
ريفان قشت وشها و مشن قعدت جمبها اتكلو ع السرير زي بعض
-اخر اخبار عنو؟
ريفان قشت وشها تاني
_ولا شيء..
-كيف؟
_امم..محمد قال معظم الجروح بدو يشفو شديد بزات حق العملية..
-و م صحي؟
ريفان هزت راسها ب معني لا..
_لسا ف الغيبوبة..م عارفة زاتو..
-الدكاترة قالو شنو؟
_قالو غالبا بسبب الضربة القوية ف راسو..لكن م بقدرو يسوو شيء بدون مواقفة نيفين
-و نيفين م عاوزة تديهم المواقفة؟
_امم..قالت م يهبشو اصلو..
لينة هزت راسها..
-شايفة الحاصل ف القروب؟
ريفان عاينت ليها ب استغراب
_قروب شنو؟
-الدفعة
_انا م مفعلة
لينة هزت راسها
-عشان كدا
_ليه ف شنو؟
-الناس يتناقشو عن بكيتك ف اخر يوم
ريفان استغربت
_وهم مالهم و مالي؟
لينة بلعت ع ريقها
-بتمعرصو عليك احساس انك بتبكي ع حبيبك
حواجبين ريفان اتلاقو
_اا؟
-المهم معرصة و قلة ادب م تشتغلي بيهم
_و هم منو القال ليهم اصلا اني ببكي عشان كدا؟
-سألو نون و وابل و حكو ليهم عن حادث حازم..و الناس زادو الكلام و قالو لانو خلاك و مسحو موضوع الحادث و المهم..معرصة و قلة ادب م تشتغلي بيهم..
_و ديك ليه يتكلمو بدون م يوروني؟
-م تشتغلي بيهم خلاص..
ريفان زعلت..
زعلت شدييد من وابل و نون
ليه يقولو كدا؟؟
ليه يوروهم بدون م يسألوها؟؟
#يتبع..

#جميلة_متهورة_و_الوحش_الصامت_32

"و تخيل ان يحبك رسام و يعشق ادق تفاصيلك🌸💜..!!"

-براءة منتظراك لكن اثيل نامت قبل م امرق عليك للمطار
ريفان قبلت من الحديقة المركزة عليها و عاينت ل محمد و هو بتكلم..
ابتسمت ليه بس و رجعت تعاين حولها للبيت..
الحديقة القدام م كانت كبيرة زي بيتهم الفي لندن هناك..
و فيها سياج فاصلها من الظلط
بيتهم هناك م كان فيه سياج
كان فيها زي شجرتين بس رغم انو حقتهم هناك كان فيها قريب ال 4..
ريفان عاينت لليبت من برا
محمد كان بجر ف شنطتها و هي م مركزة معاه زاتو
كان بيت عائلي جدا لو فاهمني
متوسط الحجم جدا و الطابق الفوق كان ظاهر عليه كلز غرف
محمد فتح الباب و دخل ز ريفان دخلت وراه
المكان كان مضلم
محمد رفع يدو و فتح نور الهول
ريفان عاينت حولها
كان ف هووول كبيير اول م تدخل و ف النص ف باب غالبا م بتودي ل جوا
ع اليمين كان ف جلوس اسود و معاه تربيزة قزاز كبيرة ف النص و ف تلفزون
و ع اليمين كان ف كرسيين غالبا تبع الطقم داك و ف زي سرير كدا..
الغريبة انو برضو ف تلفزون..
حواجبينها اتلاقو لمن استوعبت انهم خاتين تلفزونين ف الهول الكبير دا..
محمد دخل ل جوا و هي مشت وراه
كان ف قصادك طوالي السلم البودي ل فوق ع جهة الشمال
و قبل السلم ب شوية ف باب غالبا تكون اوضة او مخزن ع حسب تخمينها
بالجهة التانية ف ممر بوديك للمطبخ و باب بفتح ع الحديقة البي ورا ع م اظن
محمد ركب السلم و هو شايل الشنطة و ريفان ركبت ب وراه الطابق الفوق كان وااسع شديييد
ممر واحد فيه غرفتين و حمام بالجهة اليمين
و تلاتة غرف بالجهة الشمال
و ف الهناية كدا كان ف زي شبااك كبير كلورقزاز من فوق ل تحت
ريفان عاينت ل محمد و هو بدخل ف احد الغرف و مشت وراه
فتح النور و دخل و هي قعدت تعاين ليها
حواجبينها اتلاقو لمن لقت تنظيمها و استايلها م غريب عليها
تقريبا نفس الغرفة القعدت فيها كم يوم مع ناس ابوبكر
مكان السرير و الحمام الجواها و التربيزة الكبيرة الفي النص..
ع اليمين ف كنبة مرصوصة ورف الاخر ف زي كرسي معلق من السقف زي المرجحة ديك..
كانت بالاوف وايت و البصلي كدا حلوة
محمد ختي شنطتها و عاين ليها و ابتسم
-اها عجبتك؟
ريفان هزت ليه راسها
_الاستايل حقها حلو شديد شديد
محمد ضحك
-عملتها براءة..
ريفان ابتسمت ليه و مشت قعدت ف السرير
كان مريح جدا و لقت روحها ف ثوان راقدة
اخخخ..
السفرة من السودان ل لندن حاجة
و من لندن ل مانشستر جاحة مؤاالمة تانية
رغم انو الطيارة كانت اسرع من القطر
لكن القعدة من طيارة ل طيارة بدون م يكون ف فرقة ف النص حاجة قاتلة حرفيا..
هه
اسألو ريفان من النقطة دي بزات
حازم عندز الحق انو يكون شبه ميت ف كل مرة بجي راجع فيها
ريفان بلعت ع ريقها و هي بتحازل تجمع ف نفسها بعد القبضة الاتمسكت جواها فجأة ع الذكرة دي
=جيتو؟
ريفان عاينت للباب لمن سمعت الصوت دا فجأة
كان صوت مرا شابة و ريفان اساسا كانت عارفاها منو..
كان طولها متوسط و لابسة ليها بنطلون بجامة ازرق و تي شيرت سماوي فيه رسمة ميكي ماوس
شعرها كان هابش كتفها ياداب و ظاهر عليها قصتو قريب من اطرافو
م شاء الله حلوة
لونها اسمر و عيونها عادية جدا و خشمها بمبي كيوت
رغم انها عادية شديد
لكن استغفر الله كلها كدا مع بعض خلوة حلوة شديد
ريفان قامت ع حيلها عشان تسلم عليها
دي هي براءة بالله؟
شكلها مختلف من الصور
احلي و اكتر كياتة كدا
هه
او ريفان بس ظالماها و شاماها ساي
براءة سلمت عليها شديد و ضحكت ليها و ؤيفان كانت بس مبتسم ليها
=مالكم اتأخرتو كدا؟
محمد عاين ل ريفان
-ف زول ضاع ف المطار و انا الا قعدت فتشتو
ريفان لفت عيونها ع تعليق محمد
_مطارهم م زي حق لندن م بعرف ليه
براءة ضحكت
=م مشكلة ي زولة المهم وصلتي..ارح الاكل جاهز
_والله شبعانة و الله..
براء صرت وشها
=كيف شبعانة..محمد وارني قال انك م بتحبي اكل السعودين حق الطيارة ف جهزت ليك وجبة كاملة..
ريفان رفعت عاينت ل محمد
ااخ انا من الصداع البعملو ليها
=يلا ارح اكل ظةبط جدا حيعجبك انا متأكدة
ريقان ابتسمت ليها و نزلت ب وراهم
هي م كانت شبعانة لكن نفسها كانت مبفولة من الاكل تماما..
نزلت و اكلت ي الله ي الله
بالمقايضة بس

♧°♧°♧°♧°♧°♧°♧°♧°♧°♧°♧°♧°♧°♧

لينا مرقت من الكلية وهي شيه فرحانة
اااخخخخ اخيرا سلمت زفففتت المشرروع الفي رقبتها دا
ممكن تستمتع ب باقي الايجازة ب مزاج..
وهي مارقة اتصل عليها علي
_الوو..
-لينة كيفك
_تمام الحمدلله و انت
-الحمدلله انتي ف الجامعة صح؟
_امممم..انت قاعد؟
-ااي انا فوق ف المكاتب انتظريني
لينة اتلفتت ب وراها
_سلمت مشروعك برضو؟
-لا لسا
_طيب جيت ليه؟
علي ضحك
_امبارح كنت بتكلم معاك و م زكرت لي انك جاي
-جيت لانك جيتي
حواجبين لينة اتلاقو
_و قاعد فوق ليه؟
-مسكني دكتور عبدالله..بجيك بعد شوية اديني 10 دقايق بس
لينة طلعت نفس طويل
_بنتظرك تحت جمب السلم..
علي ضحك
-تمام
_10 دقايق بس والله
-امم
لينة طلعت نفس طويل و هي راجعة تاني جوا
اخخ انا
بقت بتكره الكلية دي لمن م تكون مجبورة انها ت

كون موجودة فيها
مشت و قعدت ف الكنبة الجمب السلم طوالي
الغريبة انها م فاضية
الدفع كلها قاعدين يجو
هه يحليلهم التساليم طلعت ميتين عينهم
لينة طلعت تلفونها و قعدت فيه شوية..
و بعد كم دقيقة حست ب ظل زول يقيف قدامها
رفعت راسها ع انو علي
و استغربت لمن م لقتو علي
لقتو يوسف
يوسف كان بعاين ليها
لينة استغربت و عاينت ليه
شكلو احسن من اخر مرة شافتو فيها
تحس بيه شوية رجع ينوم تاني
الهالات السوداء خفو شديد
و عينو م واقعات المرة دي
=لينة..
لينة ابتسمت ليه
_يوسف..كيفك؟
=كويس..امم..
اشر ع المسافة الجمبها ف الكنبة
=ممكن اقعد؟
لينة رفعت ليه اكاتفينها
_و كأنو بقدر اوقفك
يوسف ابتسم شوي
هظار الاستهتار بتاعها دا فرق شديد معاه
لينة عاينت ليه لحدي م قعد
م اتكلم ل كم ثانية
و لينة كانت منتظراه يتكلم
يوسف شوي و قبل عاين ليها
=بتعايني لي كدا مالك؟
لينة رفعت حواجبينها
_لاني منتظراك تتكلم
=و القال ليك منو اني حاتكلم؟
الاحباط ظهر ف وشها
_قول الكلام دا ل زول م حافظك
يوسف ابتسم و هو بعاين ل يدينو
=صح..عاوز اتكلم
_اها..
يوسف سكت شوي
م كان عارف يقول شنو او يبدا من وين
يعتذر طوالي؟
يحكي ليها الحصل؟
يقول شنو؟
لينة ضحكت
_لمن تجمع كلماتك وريني..
=امم عايني..
لينة رفعت راسها من التلفون
=انتي عارفة انا متخلف و معاق كيف..ف بس حاتكلم و لو قلت شيء يزعجك وريني
لينة هزت راسها و هي شبه مستغربة
جاي يقول شنو اصلو؟
=انا م بخلق ف اعذار ولا بحاول اقول انو انا م غلطان..انا بس شايف انو من حقك تعرفي القصة كلها..
لينة عاينت ليه ب فضول
_اها
=يوم اتصلت عليك ف المكتبة و لقيت معاك علي و انتي م كنتي مركزة مغاي شديد..اتضايقت و اخلاقي جات ف نخرتي..كنت بحاول اتحكم ف اعصابي لكن صوتي اتعلي عليك ف التلفون بدون م انتبه..ف انا اسف..و كان غندك كل الحق انك تقفلي ف وشي التلفون ف اللحظة ديك
حواجبين لينة اتلاقو
تقفل ف وشو الخط؟
متين قفلتو ف وشو
=و الحاجة دي اغضبتني جدا..كيف تقفلي ف وشي الخط و م تكوني مركزة معاي لانو انتي مع علي ف المكتبة؟طيب لوىكنتي محتاجة مساعدة كان تطلبي مني..ليه تطلبي منو؟..الافكار دي ملت عقلي و ولعت النار جواي..و عملت العملتو..
لينة هزت راسها شوي و هي بتتم ليه ف كلامو
لينة:قمت مشيت للبت و جبتها و فرقت غضبك ب انك تحرق دمي و تخليني اتغاظ صح
يوسف ابتسم ابتسامة ذنب
=اممم
_و لمن كنت بتصل عليك ل امي كنت بتفصل ف وشي لانك كنت قايل انو انا زعلانة و عاوزة اعرف انت ليه عملت كدا صح؟
يوسف رفع راسو عاين ليها
=اممم
لينة طلعت نفس طويل
_عارفة ي يوسف..عارفة انت عملت دا كلو ليه و كيف..انا حافظاك و عارفة تصرفاتك
=حركات و تصرفات حقيرة و انتي بتستاهلي الافضل والله..
لينة ابتسمت ليه
=ف عشان كدا انا بالجد و بصدق اسف والله اسف..
لينى رفعت حواحبينها
هه
للتو كلمة اسف مرقت من خشمو
واو
=م ع العملتو فيك دا بس..لكن ع الكنت بعملو فيك من م بقينا مع بعض..لمن كنت بستقلك و بجرحك..اسف ع كل دمعة نزلت و كل ذرة غضب جاتك بسببي..
لينة هزت راسها شوي
واو
حسي و هو بعتذر
حسست ب راحة م طبيعية
و كأنو انكسار جواها اتجبر للتو
م قالت شيء و هو كان منتظرها تتكلم
=انا م بطلب منك انك تسامحيني..انا بس اسف و اتمني انو اعتذاري يريحك شوي زي م هو ريحني حسي
كلامو صح
اقصد كلام نشوة صح بالاحري
جد حسي ب ذنب قاتل للتو اترفع من كتفو
و كأنو بقي بقدر يتنفس بسهولة فجأة..
لمن شاف الابتسامة ف وشها كان عارف انو دا مكانو ف العالم
و هو واقف قدام ابتسامتها كدا
يوسف ابتسم ليها شوي
_انا م قفلت ف وشك
يوسف عاين لبها و هو م فاهم هي بتقول ف شنو
_لمن كنا ف المكتبة..صوتك العالي م كان زاعجني شديد لاني متعودة عليه معاك..لكن م قفلت ف وشك انا
الحيرة ظهرت ف وشو
=كيف يعني؟الخط قفل ف نص كلامي
لينة ضحكت ضحكة فيها شوية انكسار
_التلفون كان قطع شحن..و ما كنت شايلة معاي الشاحن..اول م رجعت البيت اتصلت عليك لكن انت م رديت ف قلت انك م اشتغلت بالموضوع..م كنت عارفة انك اتحسست كدا الا بعد م اخد الموضوع مني تفكي. كتير
يوسف كان شبه م مستوعب
م قفلت ف وشو؟
يعني كان ظالمها الوقت دا كلو؟؟
يعني هو اتصرف ع مباديء و فكرة م ليها وجود
يعني للتو عمل حاجة زب دي و هي اساسا م غلطت؟؟
هه
يوسف كان نفسو يطلع فوق و يرمي روحو من الطابق ال102358430 ع المعلومة دي
لينة ضحكت
_و انا كنت مستغربة..قلت انت ليه فجأة فصلت و فصمت كدا..قدر م حاولت افكر انا عملت شنو غلط..الموضوع طلع سوء تفاهم بس..
يوسف بلل شفايفو و خت يدينو ف وشو
شيت ياخ شيت
لينة ضحكت
_كويس القدرنا نحل سوء التفاهم ف النقاش دا..م كنت عارفة انا محتاجة النقاس دا قدر كيف قبل حسي..
يوسف ابتسم ليها
=واو..انا للتو بقيت ازفت خلق الله
لينة ضحكت ب صوت عالي
_صدقني ازفت خلق الله م بجو يعتذروا كدا
يوسف ابتسم ليها
قعد شوي و م اتكلم
عاين ل تلفونو
لازم يقوم
يوسف ابتسم ل لينة
=لينة..
لينة عاينت ليه
=انا لازم امشي..
ابتسمت ليه
_اجري يلا..
يوسف وقف ع حيلو

و هو بحاول يدخل التلفون ف الجيب سكت كم ثانية..
محتاج يقول ليها حاجة
واحدة بس
جملة بسيطة جدا
=لينة
لينة رفعت راسها من التلفون و عاينت ليه
ااخ انا
والله هو بحب يقول اسمها بشكل
=محتاج اقول ليك حاجة تانية..
لينة رفعت حواجبينها عشان تفهم
=محتاج اقولها ليك عشان م اظلم روحي و اندم بعدين..اتعلمت من نشوة درس
_اها
=بغض النظر عن كمية حقارتي و انا متخلف و معاق كيف..لينة انا جد بحبك..
ضحك شوي
=للاسف بس م عرفت اعبر عنها كيف و ظهرت ب طريقة سلبية..
لينة عاينت ليه ل كم ثانية..
شوية كدا و هزت راسها
_و انا برضو بحبك..
يوسف ابتسم ليها
_و صدقني..انا لو م كنت عارفة عنها م كنت قعدت معاك الوقت دا كلو..
يوسف ابتسم ليها
=اوك..يلا..
_اممم..
و طوالي يوسف اتحرك من قدامها..
لينة عاينت ليه و هو بطلع ف السلم و لمحت علي الواقف بعاين ليهم و هو متكل عليه
رجعت عاينت للتلفون تاني
_اتأخرت
علي جاها
-كنت منتظرك انتي و يوسف تتمو كلامكم..كان شكلو نقاش مهم
لينة ابتسمت
_اممم..

♧°♧°♧°♧°♧°♧°♧°♧°♧°♧°♧°♧°♧°♧°

ريفان قفلت اللابتوب و قلعت النضارة و طوالي بقت ماسكة عيونها
اخخ انا
الصداع البجيك من نور الزفت دا
ريفان ختت اللابتوب جمبها فترة
كانت عاوزة تقفلو و ترقد تنوم
اساسا الوقت اتأخر
لكن هي لازم تتمو
ليها اسيوع ف مانشستر و م حاولت تفتح اللابتوب و لا فكرت ف المشروع دا الا امبارح
م باقي ليها كتير
خليها تتمو
ليها اسبوع قاعدة و لحدي حسي م ف شيء عن حازم
الولد دا تقريبا تمي الشهر خلاص و هو ف غيبوبة
محمد قال ليها ل درجة انو جرح العمليات الفيه بدى يشفي
ريفان لبست الجاكيت الطويل المعلق جمب الباب
كانت لابسة شورت و فنيلة داخلية فنيلة النوم الريدي
و كانت عاوزة تنزل تبلع ليها حبوب للصداع الضاربها دا
قاعدة لبها اسبوع و الي الان م مشت ل ناس ابوبكر و نيفين
رغم انهم حرفيا ع بعد 4 شوارع بس يعني تتمشي بالرجلين عادي
لكن م عارفة
تمشي تسوي شنو؟
م كانت قادرة تستوعب زاتو
و اعتقد محمد حاسي بيها عشان كدا م حاول يتكلم معاها ف الموضوع
كل البعملو انو بوريها عن حازم و الحاصل و بس
ريفان نزلت من السلم و دخلت المطبخ
مشت فتشت الحبوب ف التلاجة و لقتهم بعد فترة..
لمن جات تمرق لقت محمد واقف قدامها
محمد عاين ليها و مدا ليها عباية ماسكها ف يدو
ريفان استغربت و شالتها
-ابوبكر واقف برا
ريفان اتخلعت شوي و لبست العباية و مرقت ليه
كان واقف متكل ع باب الهول
ابتسم اول م شافها
=الانسة ريفان
ريفات ابتسمت ليه و مشت سلمت عليه
اخدو سلامهم و كملوه
و ابوبكر كان مارق
_ماشي وين اقعد
=ماشي اجيي نيفو من المستشفى
ع كلمة المستشفي ريفان بس سكتت م عرفت تقول ليه شنو
محمد كورك ليه ب ورا
-اها كيفو؟
=والله ياهو نفس حال امبارح..الدكاترة زاتهم م قادرين يعملو شيء..نيفو دي حالة م يدخل ف غرفتو ساي دكتور
ابوبكر فتح الباب عشان يمرق و تاني رجع
دخل يدو جوا جيبو و ادا ريفان كرت
ريفان عاينت للكرت ب استغراب و عاينت ل ابوبكر تاني
ابوبكر ابتسم ليها
=نيفو قالت لي اديك الكرت دا..و قالت اقول ليك لو حسيتي انك بتقدري تجي تعالي..م تتشددي ع روحك تمام
ريفان استغربت..
=و تعالي لينا ف البيت..قالت منتظراك تجي عشان تعمل فطايرها
ريفان ابتسمت ليه
=تمام؟
هزت ليه راسها
=طيب يلا
و طوالي مرق
ريفان عاينت للكرت الاداها ليه
كان فيه اسم مستشفي و وصفها
ريفان كانت لسا بتقرا ف الكرت و محمد جا وقف وراها و قعد يعاين فيه معاها
شوية كدا و اتكلم
-ااا..دي المستشفي الراقد فيها حازم
ريفان عاينت ل محمد اول م قال ليها كدا
تمشي ليه ف المستشفي؟
هه
ب صفتها منو؟
بعد الكلام القالتو ليه داك كلو و الشكلة الحصلت دي تمشي؟
لا و كمان شنو؟؟
م شافتو ليها قريب الشهرين حسي
عشان تمشي تشوفو راقد و تقريبا عايش ع الات؟
تفتكرو حتكزن كويسة يعني؟
لاةو كمان بعد النبذ القالتو؟؟
ريفان ختت يدها ف راسها
م اعتقد ندمت ع شيء ف حياتها اكتر من الموقف الحصل داك
محمد كان براقب فيها من الكنبة البحضر فيها
-انتو اتشاكلتو؟
ريفان رفعت راسها عاينت ليه
-اتشاكلتو صح؟
ريفان م ردت ليه
تعابير وشها م اتغيرت زاتو
اتشاكلو؟؟
هه
هي كوركت ف وشو انا بكرهك و نبذتو بالمريض و اتفقو انهم تاني م يشوفو بعض زاتو
هه
دي اعتقد اكتر من اتشكلو
محمد قبل منها و رجع يحضر للتلفزون تاني
-ف تطبيق اسمو ****..نزليه و حيوريك تركبي ياتو بصات عشان تصلي لي المستشفي
حواحبين ريفان اتلاقو
_لو عاوزة امشي بقول ليك وديني بس
محظد ضحك
-نشوف
ريفان مشت رجعت ركبت فوق عشان تكمل مشروعها
فتحت التلفون لقت ناس و نون برسلو و بعتذروا ليها و لينة برضو بتتكلم معاها
ريفةن قفلت التلفون و ختتو
اتشاكلت معاهم تاني يوم من م وصلت و تاني الت تتكلم معاهم
اتغاظت اكتر شيء من وابل الكريهة دي
م دخلت اعتذرت ولا رسلت ليها زاتو
ااخخ لمن يكون عندك صحبة غياظة و انت بتحبها شديد عينك بتطلع معاها
ريفان حست و كأنو وابل بدلتها ب نون
بقت م بتحبها زي الناس
حالات الغيرة البتضربها بعد كل فترة دي
ا

لمرة دي خلتها تقوم تنفسن و تفصم فيهم
ريفان رفعت اللابتوب و قعدت تهبش ف الملفات
بتفتس ف اخر محاضرة عشان تفهم هب تختم مشروعها كيف
و هي بتفتش فيها جات مارة ب ملف الروايات الكتبتها
فتحتها لقت انو ف واحدة بادياها و م تمتها
واساسا م بدت تنزلها اصلا
ليها فترة منتبهة انو الناس فاقدنها ف النت
برسلو بسألو اذا هي حية او لا او اذا ف شي حاصل
وهي بتفكر حسي
تمت سنة من اخر شيء نزلتو ف النت
حرفيا سنة دا لو م سنة و حاجة
و هي وعدتهم انها اول م تتم روايتها التانية حتنزلها
لكن م تمتها
هه اعتقد اخر مرة كتبت شيء اساسا كان قبل وفاة سوسي
من م سوسي اتوفت للحظة دي
هي م فتحت اللابتوب او التلفون و قعدت تكتب
ريفان قفلت الملف بسرعة و رجعت ل مشروعها تاني

♧°♧°♧°♧°♧°♧°♧°♧°♧°♧°♧°♧°♧°♧°

=اها و حسي امك كيف؟
لينة ضحكت
-انت حرفيا كل مرة بتسألني السؤال دا..الحمدلله احسن ب كتير
=م جاتها شيء تاني؟
-لا الحمدلله سليمة..بعدين قاعدين نوديها ف الشهر مرتين للاخصائي تحسبا بس
=لا الحمدلله
-ان شاء الله طول العمر
=ي رب
لينة ضحكت
-الحمدلله رجعت ل شكلها و ضربها تاني لي اخواني و للقراية
علي ضحك ع كلامها
شوية كدا و اتكلم
=لينة
لينة اتلفتت عاينت ل علي
=عاوز اسألك سؤال
حواحبين لينة اتلاقو استغرابا ع نبرة الجدية الكانت ف صوتو ف اللحظة ديك
-اها بسم الله
=انتي رجعتي ل يوسف؟
لينة ضحكت اول م قال ليها كدا
-ليه دا لانك شفتنا واقفين مع بعض قبيل؟
علي عاين ليها و قبل بدون م يرد ليها
لينة ضحكت ع تعابير وشو المافهمتها دي
=سو رجعتو؟
لينة طلعت نفس طويل
-اعتقد انا وضحتا ليك الوضع تماما..مافي سبب بخليني ارجع ليه
=امم
علي كان نفسو يعرف يوسف اتناقش معاها ف شنو
لكن هو عارف انو م بقدر يسألها
-جا اعتذر لي..بس اعتذر..
علي عاين ليها
=ع العملو و ع الحصل..وضح لي كل شيء
=و قال ترجعو ل بعض
لينة ضحكت
-هو عارف اننا م حنقدر نرجع..نرجع ل شنو..قلت ليكم م كان ف شيء عشان نرجع ليه..بس عبارة عن مشاعر ملخبطة اتصرفنا ييها ع هوانا
علي هزا راسو شوي
-و وضح لي نقطة مهمة حسستني ب تحسن افضل..اكتشفت انو دا كلو حصل م عشان حاجة عملتها انا..لانو هو فهم حاجة غلط و بس..سو حسيت ب اني احسن مليوون مرة..
علي ابتسم ليها
وقف قدام بيت لينة و لينة جات تنزل لكن علي امن الباب تاني
لينة لمن لقت الباب ابي يفتح قبلت عاينت ليه
-افتح الباب
=لينة..اسمعي
لينة استغربت
-اوكي
مالو بقي جادي شديد كدا
=محتاج اقول ليك شيء..
علي طلع نفس طويل و لينة اتحيرت
=م عاوز اخرب علاقة الصدةقة البينا..و بس فكري ف الموضوع و لو م عجبك نعمل رايحين و نستمر لسا اصحاب..لاني م عاوز اخسرك
لينة رفعت حواجبينها
اوكي
بسم الله مالو بقي كدا
=لينة انا جد جد بحبك
لمن قال ليها كدا لينة تنت راسها بابجمبة و هي شبه م مصدقة
=م عاوز اضغط عليك ولا عاوز منك اي شيء..بس عاوزك تعرفي النقطة دي
لينة هزت ليه راسها
=تمام؟
-تمام
علي قبل
و الله التوتر ظاهر عليه ب شكل
-ممكن تفتح الباب؟
علي اتلفت عليها
=الباب؟
لينة اشرت ع بابها؟
علي نطي
=صح الباب..مدا اصبعو من بابو هو و فتح قفلة بابها
لينة فتحو و نزلت
-يلا مع السلامة
=طيب يلا
لينة طوالي دخلت

♧°♧°♧°♧°♧°♧°♧°♧°♧°♧°♧°♧°♧°♧°

ريفان فتحت عيونها ع صوت تلفونها البضرب
الواطة كان صبحت
ريفان اخدت فترة و قشت وشها و عاينت للتلفوم
ن
الاحباط ظهر ف وشها لمن لقتو ابوها
ريفان قفلت التلفون و قامت من السرير دخلت حمامها استحمت و لبست و مرقت
جات لقت قريب ال كم و عشرين اتصال
اتصل عليها تاني و ف النهاية ردت
_الو
-ي بت مالك م بتردي؟
ريفان ردت ليه ب كل هدوء
_كنت ف الحمام بستحمي
-ي بت اتكلمي معاي عديل
ريفان قشت وشها
والله م ناقصها يوم زفت زي دا
و يتزفت عليها زيادة
_انا بتكلم كيف حسي م قاعدة اتكلم عديل؟؟
-جاية متين؟؟
ريفان طلعت نفس طويل
_م عارفة..لحدي م نتم موضوع الجواز هنا
-كيف م عارفة؟؟جامعتك بتفتح متين؟
_م عارفة بعد كم اسبوع
-كم اسبوع بالظبط؟
_م عارفة ي ابوي
ابوها نهرها
-كيف م عارفة؟؟ي بت اتكللمي عديييل
_انا بتكلم كبف حسي معاك؟؟م بتكلم عديل؟؟انت ي ابوي ضربت ل شنو؟؟عشاان تعتذر؟؟
ابوها م ردا ليها
_انا عارفاك عاوز تعتذر..طيب دي طريقة اعتذارك؟؟انك تضرب و تكورك فيني؟؟ياااخ ارحمموني ياخ خلاص خلاص زهجت انا..يااخ انا عاوزة اموت ريحوووني و خلوني ف حالي..عاووز تعرف انا راجعة متين؟؟؟انا م رااجعة زاتو م عاوووزة ارججع..
صوتها بقي يتكسر ع الدموع و البكي البتبكاه
_م بقدر م بقدر مماااا بقدرر انا خلاص..بقيت م قادرة استحمل ياخ ارحموني..انا برضو بشر م بقدر..ياااخ حررراااااممم..
ريفان قشت وشها
_بقيت م بقدر بقييييت م بقدر..
قعدت تبكي ب صوت شوي
_انا ف كل زواية ف البيت داك انا بشوف طيفها..بشم ريحتها..بسمع صوتها م بقدر..ف كللل زاوية بتخيلها و جزء مني بكون فيه امل انو هي بالجد تجي طالعة من المبطخ و هي شايلة اكل او الاوضة و هي شايلة قميص..م بقددرررر يااااخخ..م بقدر اتنفس ف البلد ديك م بقدر
ريف

ان قامت تقش ف وشها و هي لسا بتبكي ب صوت عالي
_مافي زول عاوز يفهمني ليه؟؟؟البفهمني حسي حيموت راقد ف المستشفي و انا اخر نقاش ليه معاه بضرخ بقول ليه انا بكررههك!!!...حسي حيموت و انا م قادرة اشيل رجليني امشي اشوفو ف المستشفي لاني حانهاار خلااصص..صحباتي بقو م فاهمني بقيت م قاااادرة اتشاكلت معاهم كلهم و الجامعة ديك م بستحمل..!!م بستحمل اجي داخلة البيت..الجامعة البيت البلد ديك بقيت م قادرة م قادرة!!
ابوها م ردا ليها
ريفان لمن عاينت للتلفون لقت انو الريدي قطع
م عارفة التلفون قطع متين و وين و كيف زاتو!!
رمت التلفون جمبها و قعدت ف ارضها تمت بكيتها
#يتبع..

#جميلة_متهورة_و_الوحش_الصامت_33

"و فجأة ادق التفاصيل اصبحت اهم شيء🌸.."

ريفان نزلت من البص و بقت ماشة ع الرصيف
كانت بتعاين حولها براحة. هي بتفتش ف المستشفي
شوية كدا و دخلت ف منطقتها و بقت شايفاها من بعيد
ريفان عاينت للمستشفي شوي
هه
هي بتسوي ف شنو؟
جاية اصلا ليه؟؟
مفروض ترجع تررجعع
وقفت اتحيريت ف مكانها فترة و ف النهاية قامت مشت ع المستشفي
بس تعرف هو ف ياتو طابق و ياتو غرفة من المكتب
ريفان طلعت نفس زهجة و هي ملاحظة انها جاية ساي بدون فهم
كان مفروض تسأل محمد
لكن محمد نايم تعبان من سفرة امبارح
امبارح هي و محمد جو من لندن
كان سافرو قعدة فيها 6 ايام
اسبوع تقريبا
دا كلز عشان يتمو ورقها من المدرسة و البيت و المكاتب الهناك لانها اولا هي المكان الاتربت فيه و قامت و تانيا اسهل ب كتير انك تعملها من لندن و اسرع كمان من مانشستر ب مرراااحل
عينهم طلعت ف ال6 ايام دي
لكن ريفان كانت مرتاحة شوي
امكن لانها عرفت انو محمد م باع بيتهم الهناك و بس أجرو
صراحة جواها كانت شبه زعلانة ف النقطة دي لكن حسي الزعل فكي
الحمدلله تمو كل الاوراق الرسمية و حتي سلمت جوازاها و وروهم عنوان بيتهم الجديد عشان يرسلوه ليها ف مانشستر و صلحو مكان السكن فيهم كلهم
اخخ
م بتقدرو تتخيلو الورق الرسمي دا وجع راس قدر كيف
ريفان دخلت المستشفي و مشت تشتري ليها قهوة من جوا
صحت من الصباح و م اكلت شيء اولا
و تانيا رغم انها ف البلد دي ليها اسبوعين و حاجة لكن نومها بقي م منتظم
دا الانها بتساهر و بتصحي بدري
ريفان دخلت و شالت ليها قهوة و قعدت تشربها
طلعت تلفونها و قعدت تهبش فيه
بعد اخر نقاش ليها مع ابوها
تاني م ضرب ليها
بس برسل ليها ف الواتس صباح الخير او مساء النور و كيفك و كدا بس حاجات فوق و براحة و ب روسة كدا
ريفان زاتها استغربت
امكن لانها فصمت فيه؟
ي ربي الخط قطع متين و هي بتكورك ف نقاشهم؟
ريفان هزت راسها شوي
م فرقت معاها زاتو
لقت ناس لينة لسا برضو برسلو ليها
وامبارح لمن رسلت ليها المشروع عشان تطلعو و تسلمو ليها م صدقو انها رسلت ليهم
و لقت روحها بتتكلم معاهم شوية شوية
بعد م انتهت ريفان قامت ع حيلها و مشت ع مكتب الاستقبال
بقت بس واقفة فيه و مرا يتعاين ليها و منتظراها تتكلم و ريفان بس واقفة بتعاين ليها
مشت ل قدام و تاني جات راجعة
وقفت قدام المرا و هي مترددة
دي حسي تسألها شنو؟
وتسألها كيف زاتو؟
ريفان رجعت تاني تشوف خرطة المستشفي الكبيرة القاعدة جمب الباب
مقسمين فيها الطوابق والحالات
م عرفت تمشي ل ياتو واحد غير حق الحوادث
سو مشت ع المصعد و داست ليك الطابق ال4
قبل م المصعد يقفل ف ولد جاي جاري و لحقو
ريفان عاينت ليه وهو بدخل و زحت ليه شوية
كان شايل ف يدينو ورود بيضاء حلوة خلاص
الولد مدا يدو و داس الطابق ال4 برضو
ريفان عاينت ليه ف وشو و قبلت
شبهو ظاهر
سوداني اكيد
ريفان قبلت منو و م عاينت ليه تاني لانو كان بعاين ليها
اعتقد فرزها سودانية برضو لكن ريفان عملت منو رايحة
اول م الباب فتح هي مرقت و هو مشي ب وراها
كان بعاين ليها و ماشي ب وراها براحة
و ريفان اتلفتت ب وراها و لقتو بعاين ليها و ماشي ب وراها
مشت ل قدام تاني لكن لمن لقتو مصر وقفت و اتلفتت عليه
_can I help you?
الولد جا وقف قدامها
=سودانية انتي صح؟
ريفان تنت راسها بالجمبة
_امممم..
الولد ابتسم ليها
=سوري لكن السودانين ف الولاية دي م كتار ف بتفرزو
ريفان هزت راسها شوي
امكن عشان كدا بعاين ليها
=بعدين انا بعرفهم كلهم..و اول مرة اشوفك
ريفان ابتسمت ليه
_دا لانو انا م كنت ساكنة هنا
الولد هزا راسو
=اممم عشان كدا..رحلتو هنا قريب؟
_اعتقد ااي..
الولد ضحك
مدا يدو يسلم عليها
=انا مجاهد
ريفان ابتسمت ليه
_ريفان
ع اسمها مجاهد كرفس وشو و بقي مستغرب
ريفان
همم
بعرف زول واحد بالاسم دا
=م عاوز اتطفل لكن..انتي بتعرفي زول راقد هنا؟
ريفان سكتت ل كم ثانية و م قالت شيء
شوية و هزت راسها براحة
_اممم..
مجاهد فتح خشمو عشن يتكلم لكن صوت ابوبكر و هو بقول اسم ريفان ب واها خلاهم الاتنين يتلفتو عليه
ريفان لمن شافت ابوبكر ندمت ابو السوم الجات فيه زاتو
ابوبكر جا وقف قدامها و عاين ل مجاهد
سلم عليه و هو بضحك
-كل يوم الا تجيب زهورك دي؟
مجاهد ضحك
=يستاهل اكتر هو
ريفان عاينت ليهم
-شوف ليك مكان ختهم فيه لانو الغرفة حرفيا دفقت من زهورك دي
مجاهد ضحك
=طيب طيب اساسا كنت جاي انزلهم و امرق بجيه بعدين ب بليل ماشي الحق جامعتي
-احسن ليك ي زول تعال بليل..اهو قاعد م ماشي مكان
ريفان عاينت ليهم و هم بتناقشو
اووه شيت
بتكلمو عن حازم
مجاهد مدا ل ريقان الورود و ريفان استغربت و عاينت ليه
=شيليهم..لازم
ريفان مدت يدينها و شالتهم
=انتي م عارفة انا لي كم نفسي الاقيك..م كنت متوقع اننا نتلاقي ف المصعد او كدا..
ريفان استغربت
بعرفها من وين اصلا؟؟
=سو ابسط شيء ممكن تعمليه انك تقبلي الزهور دي مني
ريفان رفعت حواجبينها و هي شبه م فاهمة هو بقول ف شنو
مجاهد ابتسم ليهم و رجع مشي ع المصعد عشان ينزل
ريفان

و ابوبكر كانو مركزين معاه لحدي م اختفي
اول م المصعد قفل ابوبكر عاين ل ريفان
-حتدخلي؟
ريفان عاينت ليه
تدخل؟
هه
اكيد لا..
هزت لبه راسها ب معني لا
ابوبكر ضحك
-جيتي من هناك و ف النهاية م حتدخلي؟
ريفان م ردت ليه
ابوبكر هزا ليها راسو
-اتس اوكيه..نيفين م قاعدة رجعت قبيل..ارح اوديك ليها؟
ريفان عاينت ليه
تمشي ليها؟
-اذا عاوزة يعني
ريفان هزت راسها
_تمام
ابوبكر ضحك ليها
-طيب يلا..

°♧°♧°♧°♧°♧°♧°♧°♧°♧°♧°♧°♧°♧°♧°

لينة و نون و وابل بتناقشو ف موضوع علي دا ب جدية
او بالاحري
نون و وابل
لينة م شغالة بيهم زاتو
لينة كانت بتهبش ف تلفونها و ديك منفعلات
نون:حتسوي شنو تاني؟
وابل:لا لا اصبرو م تردوا ليه
نون ضحكت:عاوزاها تعمل تقيلة يعني؟
وابل:الموضوع م موضوع تقيلة بس..فكري فيه كويس ي زولة
نون هزت راسها:صح..بزات تحت فهم انو دا علي..صحبك شديد
وابل:و معانا ف دفعتنا..واي لازم تعملي رايحة من الكلام الحيقولوه
نون:كدي واحدة تفتح خشمها والله الا امعطها
وابل ضحكت:و لو كان ولد؟
نون:بكفتو لو ولد
نون و ابل قعدو يضحكو الاتنين
لمن انتبهو انو لينة م منفعلة معاهم عاينو ليها
نون:اها حتقولي ليه شنو؟
حواجبين لينة اتلاقو:مفروض اقول شيء يعني؟
وابل و نون عاينو ل بعض و تاني علينو ليها
نون:يعني حترفضيه؟
لينة: هو ادازي شنو عشان ارفضو؟
وابل ضحكت:يعني حتعملي رايحة؟
لينة:هو م قال عاوز شيء بس قالها لي ك معلومة و السلام..م مجبرة لني اسوي شيء
نون:يعني م حتردي؟
لينة:انا م عندي حاجة عشان اقولها
وابل عاينت ليها:ام فاهماك
لينة:م عاوزة اوجع راسي بالفارق دا تاني..
نون:طيب وهو المسكين؟
لينة:هو م قال اي شيء..ع حسب كلامو بس قالها ك نقطة ساي انا م عندي شيء اقولها ليه
وابل:عشان كدا عاملة رايحة منو و م بتردي ليه؟
لينة:الموضوع بس اني م عاوزة اديه امل زايف و م عاوزة اقطع علاقتي معاه..
نون هزت راسها:طيب انتي قولي ليه كدا
وابل:ااممم و لو م عجبتو الفكر و قال الا تقطعو علاقتكم
لينة هزت راسها:بقطعها بس
نون عاينت ليها
لينة:انا والله زهجت من الحركات دي و الشفوعية الجواي بس م اكتر
نون ضحكت:الحمدلله انك وعيتي و كبرتي
لينة ضحكت:لا الحمدلله..فتحت عيوني الاتنين الحمدلله

♧°♧°♧°♧°♧°♧°♧°♧°♧°♧°♧°°♧°♧°♧°

-انا ماشي اجيب ادوية نيفين و جاي..ادخلي اسبقيني
ريفان هزت راسهاو نزلت من العريية
عاينت ل البيت القدامها
م اتغير و م حصل ليه اي شيء
الورود القدام ف الحديقة زادو زيادة
بقو كتار شديد
اعتقد دا لانهم ف نص الرييع
ريفان مشت ع الباب و ضربت الجرس
شوية كدا و جات مرة كبيرة ف السن فتحت ليها الباب
ريفان ابتسمت اول م شافتها
ميس ااي
عاينت ليها و م اعتقد عرفتها
خلتها تدخل و ريفان دخلت
البيت م اتغير
ياهو هو زاتو حرفيا
ريفان دخلت ل جوا و سألت من نيفين و ميس اي ورتها انها ف المطبخ
ريفان مشت دخلت ع المطبخ براحة
عينها ليها من بعيد قاعدة ف الكرسي حقها و بتدخل ف شيء ف الفرن
ميس اي سبقت ريفان و مشت وقفت ثبتت ليها الفرن عشان تدخل فيه الفطاير
نيفين رجعت ل ورا اول م دخلتهم و اتلفتت
لمن لقت ريفان واقفة قدامها نيفين جمدت ف مكانها
عاينت ل ريفان ل كم ثانية و تاني ابتسمت ليها
-الا احنس ابوبكر عشان يجيبك يعني؟
ريفان بس ابتسمت ليها
ااخخ لازم تبدي تتعود ع الشبه البيناتهم دا والله جد
م قادرة لكن م قادرة
موبالغة
نيفين كان قصت شعرها و بقي ع كتفها بس
-كيفك؟
ريفان مشت سلمت عليها
_الحمدلله والله
-كيف اخبارك و ناس امك و و اخوانك كيف؟
_كلهم تمام الحمدلله
-و كيف مع الجامعة و الحاصل دا؟
ريفان هزت ليها راسها
-تعالي اقعدي اقعدي
ريفان مشت قعدت ف الكرسي الوراها
_انتي كيفك؟
نيفين هزت راسها
-ماشي الحال الحمدلله
ريفان ابتسمت ليها
-و انتي
ريفان هزت راسها
_م عندي حل تاني غير اني اكون كويسة
نيفين ضحكت ليها
-الحمدلله ع كل حال
ريفان هزت راسها
-جاية من بيتكم طوالي؟
_لالا..لاقيت ابوبكر برا البيت و قام جابني
-بالجد؟جا معاك؟
_لا قال ماشي يجيب ليك كم دواء
نيفين صحكت
-الحمدلله الاتزكر
ريفان ضحكت شوي
-كيف ناس خالك و براءة و اثيل؟
_كويسين الحمدلله
-براءة ليها كم يوم م جات والله مفروض امشي ليها بسبب الالتهاب العندها دا
ريفان هزت راسها
_اممم..م بعرف جاها من وين زاتو لكن متعبها ب شكل
نيفين ضحكت
-تقلب الجو كعب..لو م متعودة عليه بضربك قوي
ريفان هزت راسها
_صح..صعب شديد
نيفين جابت صينية فيها فطاير و شايلة ف يدها عصير
-اعتقد انك م اكلتي صح؟
ريفان ضحكت لبها
_امم م اك-
=مااميي ماااميي..
صوت الشافع قطع صوت ريفان
و ريقان اتلفتت عاينت وراها
نططت عيونها لمن شافتو
محمود
دا محمود؟
من متين محمود كان طويل كدا؟
-مالك ي ولد؟
=دفتر الmath م لاقيه..
ريفان عاينت ليه لحدي م مشي وقف قدام امو
الولد التقول مسكوه و مطوه ف السنة دي
مالو طوال كدا
_ما شاء الله..طولت طول
ع صوتها محمود اتلفت عاين ليها
الاحياط ظهر ف وشو اول م شافها
=you again..
ريفان ضحكت
_Im surprised you remember me
محمود ابتسم ليه

ا
=انا م بنسي الناس المزعجين ف حياتي
امو ضربتو ف كتفو اول م قال كدا
و ريفان ضحكت
_سو انت طولت بس ف السنة دي..تاني م اتغير فيك ولا شي
محمود رلع حواحبينو
=اتوقعتي يتغير شنو تاني؟
_امممم..امكن اسلوبك؟
ضحكت لمن لقتو بحمر ليها
_شايفة العربي بتاعك اتحسن شديد
نيفين ضحكت
-دا لاني دخلتو خلوة
_كويس والله
محمود مشي شال من الفطاير و امو شاكلتو
-ديل حقات ريفان م تشيل منهم
الولد تعابير وشو ولا اتغيرت
و لا وكانو امو فتحت خشمها معاه
شالهم و مرق
ريفان كلنت بس بتعاين ليهم
خلو الشبه بين نيفين و حازم
ينفع يكون محمود بشبهو كدا؟؟
هه
اعتقد بس لانها م شافتو ليها فترة بس عشان كدا فاقدة شكل حازم
و شايفة وش محمود فيه

♧°♧°♧°♧°♧°♧°♧°♧°♧°♧°♧°♧°♧°♧°

مجاهد كان شايل ورود ملونة المرة دي و هو ماشي ع المصعد
الساعة كانت 2 صباحا و اساسا م مفروض يخلو الزوار يجو
مشي ع المكتب و وقع ع انو احد العائلة و اتحرك ع غرفة حازم
كان عاوز يخت ليه الزهور و يقعد معاه شوية و يرجع ينوم
فنح الباب و دخل و قفلو ب وراه طوالي
اتلفت عشان يعاين ل حازم
و قلبو وقع ف اللحظة العاين ليها للسرير
من الخلة واقسم بالله فكي الورود من يدينو
السرير فاضي
فاضي السرير
زفففتتت السرررييرر فااضي
واقسم بالله رجلين مجاهد بقو م شايلنو و مشي ع السرير قعد يهبش فيه
بسم الله
جسمو مشي وين؟
صوت فتحة الباب ب وراه خلتو يلتفت
كانت الممرضة شايلة ف يدينها كم حقنة و دوا
شكلو وقت ادويتو
الممرضة جات جارية ع السرير اول م لقتو ماف
عانيت ل مجاهد بسرعة
-where is the-
صوتها اتقطع ع فتحة باب الحمام
مجاهد و الممرضة الاتنين عاينو للمرق من الحمام
كان لابس هدوم المستشفي
كان حازم
المنرضة و مجاهد الاتنين بقوو منططين عيونهم
نزلت الحاجات الشايلاها
-im going to call the doctor
و طوالي قامت جارية
حازم عاين ليها و رجع بقي ماشي براحة براحة
رجلو كان بعتر عليها و ماسك اسفل ضهرو
مجاهد كان بس زي الصنم واقف ف مكانو بعاين ليه بتحرك
اقسسم بالله م قادر يصدق عيونو
صحي
حازم صحي من الغيبوبة
صحي من الغيبوبة حازم
من الغيبوبة حازم صحي
من زفت الغيبوبة صحي زفت حازم
لحدي م جا قعد ف الكرسي قدامو حازم
كان بعاني من كل حركة ف جسمو حرفيا و ماشي براحة براحة
مجاهد بس كان بعاين ليه
حازم لمن قعد ف الكرسي و عاين ل مجاهد
_مالك بتعاين لي كدا
حازم كان بهبش ف جمبتو
رفع القميص و قعد يعاين ل جرح العملية
فتحوه مرتين
حازم كرفس وشو من الالم ازل م هبش واحدة فيهم
لسا م برت تماما
_كم عملية اصلو اتعملت عشان يفتحوني كدا؟
مجاهد جا قعد ف السرير قدامو و مدا يدو هبشو
حازم كرفس وشو و عاين ليه
-انت حي؟انت صاحي..
حازم م ردا ليه و رجع يعاين ل جروحو تاني
مجاهد ضرب رجلو
و حازم كرفس وشو
_براحة يااخ
-انت حي!!..صحييت واو واو واو!!
حازم م كان فاهم هو زاتو بقول ف شنو
-تلفوني وين؟؟
مجاهد قام مخلوع يهبش ف قميصو و بنطلونو و شنطتو لحدي م لقي التلفون
طلعو و طوالي اتصل ع ابوبكر
حازم كان مستغرب ف حركات مجاهد دا لكن م مصدوم
صحبو متخلف و بعرفو
-الوووو..ابوبكر..حاازم صحي!!!...اييواااا صحيييي..!م بعررف متين لكن جيت لقيتو صااحيي!!ااي تعاال تعالل
مجاهد قفل الخط و بقي بمشي و بجي ف الغرفة و هو بقول الحمدلله الحمدلله الف حمد و شكر ليك ي رب
و حازم بس بعاين ليه
شوية كدا و حازم اتكلم معاه
_ممكن تفهمني انت مالك؟
مجاهد عاين ل حازم ب صدمة
-انت م متزكر الحصل؟؟
_اني دخلت ف عمود؟ف شيء تاني حصل؟
مجاهد جا بسرعة قعد ف الكرسي الجمبو
-العمود ضربك ف راسك..عملو ليك العملية قبل شهر و حاجة و م صحيت
حواجبين حازم اتلاقو
_شهر و حاجة؟
-انت كنت غايب عن الوعي ليك شهر و حاجة..م شايف جروحك ديل بدو يشفو كيف؟؟جسمك مكسرك كيف؟؟راسك واجعك قدر كيف؟
حازم كان بعاين ليه ب استغراب و هو م قادر يستوعب مجاهد دا بقول ف شنو
كان ماسك رقبتو لانو الصداع حرفيا بقتل فيه
بس التقول ماسكين مطرقة و دل دل دل دل دل ف نص راسو
الوجع دا بنتشر بالجمبات ب طريقة موبالغة
-صحيت ليك كم؟
_م بكون تميت ساعتين
حازم كان لسا مستغرب ف الكلام القالو مجاهد
_مجاهد انا م فاهم انت بتقول ف شنو..
مجاهد استعدل ف قعدتو و قعد يشرح ليه كل الحصل

♧°♧°♧°♧°♧°♧°♧°♧°♧°♧°♧°♧°♧°♧°

نشوة مرقت من الغرفة و هي داخلة ع المطبخ تشرب شيء
جات مارة بيه و لقت يوسف قاعد ف الكنب القصاد المطبخ
خاتي يدينو ف وشو
نشوة استغربت و دخلت لقت امو ف المطبخ
-خالتو يوسف مالو؟
امو استغربت :مالو؟
مرقو الاتنين عليه من المطبخ و مشو عليه
-يوسف
يوسف رفع راسو ع صوت نشوة و نشوة لمن لقت وشو مليان دموع و احمر قلبها دا اتقطع و جسمها دا هبط
قعدت ف الكرسي الجمبو طوالي
-ف شنو ي يوسف؟
امو:بسم الله ي ولدي ف شنو
يوسف كان ببكي و ي الله قدر يتكلم
=حازم..
بالله نشوة كانت منتظراه يقول اسمو
عارفة الموضوع عندو علاقة ب حازم
واقسسم بالله حست ب روحها تمرق منها بس ع اسمو
=صحي ي جماعة..حازم صحي
ع الجملة دي نشوة نططت عيونها
اا؟
صحي؟
ص

حي يعني م مات؟
يعني دي دموع فرح م زعل؟؟
صحي؟
-صحي ي يوسف؟؟
يوسف هزا راسو
امو قعدت و مست نشوة:الحمدلله الحمدلله..الف حمد و شكر ليك ي رب الحمدلله
نشوة م كانت قادرة تسوعب زاتو
صحي؟
يعني م مات؟
يعني لسا حي؟
رجع فتح عيونو و شاف الدنيا تاني؟؟
امو:صحي متين؟
يوسف قشا دموعو:م بعرف..اتكلمت حسي مع ابوبكر قال انو مجاهد ضرب ليه قال انو صحي و حسي ماشين عليه ف المستشفي
نشوة:خليه يضرب لينا ازل م يصل
يوسف هزا راسو:ااي ااي كلمتو
نشوة ما انتبهت ل انها بتبكي الا لمن الدموع ديل ملو وشها و جضومها

♧°♧°♧°♧°♧°♧°♧°♧°♧°♧°♧°♧°♧°♧°

محمد و ابوبكر كانو قاعدين بعاينو ل نيفين البتبكي و ماسكة حازم حاضناه
حازم كان بس ساكت و م في اي تعابير ف وشو
محمد و ابوبكر ديل بس التقول ماسكين دموعهم و حازم دا مستغرب ف الناس ديل ب شكل
نيفين عزت و تمت بكيتها و مسكتها ل حازم
و حازم ساكت حرفيا مافي اي تعابير ف وشو
لمن زهج خلااااصص اخلاقو وصلت ل نخرتو حني اتكلم
_نيفو خلاص كفاي..
و نيفين بس تبكي وتبكي
_نيفو الجرح..انتي ضاغطة عليه
طوالي فكتو اول م قال لبها كدا
رغم انها م كانت هابشة الجرح بالغلط زاتو
لكن دي الطريقة الوحيدة الحتخليها تفكو
اول م فكتو ابوبكر قام عشان يحضنو لكن حازم رفع يدينو
_دقيقة خلوني اتنفس اولا تاني تعالو احضنوني بالدور
ابوبكر عاين ليه و حضنو ولا و كأنو قال شي
حازم لفي عيونو و طلع نفس طويل
اللهم طووللك ي روووح
محمد كان بس بعاين ليه
ابوبكر بعد م فكاه قعد جمبو و حازم طوالي قام من السرير مشي قعد ف الكرؤي البعيد من الجهة التانية منهم كلهم
لا نيفين لا محمد لا ابوبكر لا مجاهد
الاربعة بقو بس بعاينو ليه و عيونهم دي مليانة دموع زي الشفع
و حازم طبعا تحس بيه لامن م قرفان من الوضع والله
مكرفس وشو و م فاهم شي
_اوعا واحد يجيني و انا هنا فاهمين
قعدو يقشو ف دموعهم بس
ابوبكر:مجاهد بعد م الدكتور كشف قال شنو؟
مجاهد:م قال شيء..قال انو كويس و تنفسو طبيعي و الجرح بدي يشفي كويس و انو اساسا كانو متوقعين انو يصحي بعد كم اسبوع
ابوبكر رجع عاين ل حازم:هدا صحي بعد كم اسبوع
نيفين هزت راسها
ابوبكر:عملو ليه الاكسراي ل راسو؟
مجاهد هزا راسو ب معني لا:قالو الا بكرا..سشوفو هو زاتو وجع الراس وين و يفهمو شنو الحاصل..مفروض يجو يسوقوه للكشف الكلي
حازظ قام ع حيلو:بمشي ليهم براي..تكونو هديتو زاتكم ف الفترة دي..
نيفين جات تمشي معاه
حازم:بمشي براي..م يمشي معاي زول..
نيفين
و حازم طوالي مرق
ابوبكر عاين ل محمد:جيت براك؟
محمد عاين ليه و ضحك:شايف معاي زول؟
الاحباط ظهر ف وش ابوبكر
ابوبكر:م وريتها؟
محمد:م صدقت انها قدرت تنوم..بعد م رجعت منكم رقدت نامت و اول مرة تقريبا تنوم من م جات زي الناس..
ابوبكر هزا راسو
محمد:خليتها والله ف كنبتها برا..استخترت اني اصحيها تدخل زاتو..
ابوبكر:امم
محمد:بوريها بكرة بس لمن تصحي

♧°♧°°♧°♧°♧°♧°♧°♧°♧°♧°♧°♧°♧°♧°

حازم كان واقف قدام المراية وهو بعاين ل جرح العملية
كل م يهبشو بحرقو
سمع صوت باب الغرفة يتفتح و تاوق يشوف الدخل منو
لمن لقاه ابوبكر رجع ل حمامو تاني
_الجابك راجع تاني شنو؟
ابوبكر جاه ف الحمام و اتكل ع الباب
-نيفين كانت حالفة انها تبيت ي الله رجعتها
حازم ضحك شوي
_و قالت لبك الا تجي تبيت صح؟
-يب...سو انل الليلة معاك يلا
حازم عاين ل الساعة العلقة برا
_الشمس حتمرق بعد اقل من 3 ساعات..
-انت م بتعرف اختك؟
حازم مرق من الحمام و الاحباط ف وشو
_عارفها كويس..عشان كدا حاخليك تقعد
ابوبكر ضحك ومشي قعد ف الكرسي القصادو
حازم قعد و بقي بهبش ف التلفون
-اتكلمت مع ناس يوسف؟
_اممك قفلت منهم قبل شوية
ابوبكر ضحك
-كويس والله..نشوة كانت متجرسة شديد
حازم ابتسم ليه
_اممم..شايفها..
ابوبكر سكت شوي
كان ف شيء لازم يقولها ليه
لازم بقولها ليه لانو لو عرف من نيفين حازم حيطلع عينو
-عمك جا قبل كم يوم..
ع كلمة عمك..
حازم دا رفع عيونو و عاين ل ابوبكر
-جا سأل منك و من حالك
واقسسسم بالله
مزاج حازم باااظ للاخرة بس ع جملة ابوبكر دي
-اتكلمو مع نيفين طبعا..
حازم طلع نفس زهجة موبالغة
والله اخلاقو قفلت
_قال ليها شنو؟لي يجي يتكلم اساسا؟
-انت عارف اختك طيبة كيف.
مشتهم بس ف الكلام و هم مشو
_انا موش قلت ليها تبعد منهم؟
ابوبكر ابتسم لي حازم
-زوجتو اتوفت
لمن قال كدا حازم دا طوالي قبل عاين ل ابوبكر ب استغراب
زوجة عمو؟
الكانت بتدقو؟
القال ليه الا يخلوه ف المستشفي ويودوه ميتم اتوفت؟
حازم م قدر يمرق كلمة من خشمو زاتو
-اتوفت السنة الفاتت تقريبا؟..امم تمت سنة..اتوفت بعد م انت رجعت مننا برضو ب كم يوم..قبل ذكري وفاة ابوكم ب كم يوم
حازم استغرب
اتوفت ليها الوقت دا كلو و ياداب قرر يظهر؟
_قال انو حاول يتكلم معاك لكن انت قطعتها ف وشو
حواجبين حازم اتلاقو
حازل يتكلم معاه؟
متين؟
حازم اخد ليه كم ثانية و هو بحاول يتزكر
رفع حواجبينو اول م جات ذكرة طايرة
لمن كان ف الجامعة و بحاول يتصل ع نيفين
يوم لاقي ريفان ف الاحتفال حق الجامعة و انقذهام

ن الاولاد ديك
بالله كان بحاول يتكلم معاه عن موضوع الوفاة
-اتزكرت صح؟
حازم رفع راسو عاين ل ابوبكر
كان نفسو يقول انو زعلان او حاسي بالاسف اتجاه وفاتها
بس هو حرفيا م عندو ولا ذكرة مشاعر اتجاه العائلة ديك
للاسف حياتهم از موتتهم م فارقة معاه
-انت عارف كان بفتش عليك ليه؟
حازم عاين ليه
م اتكلم زاتو
كان بحاول يبعد المشاعر الشووووووييييةةة الجواه البنكر فيها
مشاعر هو زاتو م فاهمها
ناس عملو فيه دا كلو و اتخلو عنو
اعتقد كانت مشاعر امتنان بس
لمن مسكوه و اكلوه و قعدوه ف ييتهم
رغم انهم عملو فيه كدا
لكن ع الاقل مسكو عليه عمو و لو ل ساعة واحدة
لكن انتو عارفين؟
بعد م كبر حسي
بقي ميت اتجاههم حرفيا
م انتو ليهم شيء
-قال انها قبل م تموت كان نفسها تشوفك ل اخر مرة
حواحبين حازم اتلاقو ع كلامو دا
نععمم؟؟
ب صفتها منو؟
-قال انها كانت حاسة بالاسف اتجاهك..و كانت بتبكي لمن تتزكرحازم ضحك ضحكة استهتار شوي
بالله ف ناس يعني ببقو يحسو شوي بعد مرور الزمن؟
-اخر ايام مرضها..لمن المرض هلوس بيها بقت مهلوسة بيك
حازم عاين ليه
_مرض شنو؟
-اتوفت ب كانسر..كانسر ف العظام
حازم قبل منو
م عندو شيء يقولها ليه
-كنت بفكر بعد م مشي..و اكتشفت اني بدينك اعتذار
حازم عاين ل ابوبكر
-انا و ابوي الاتنين..كنا ملخومين مع نيفين الراقدة و خلينا عمك يشيلك رغم انو كان ممكن نمسكك عادي..
حازم م فتح خشمو
بس بعاين ليه
-نحنا عندنا ذنب برضو ف الحصل ليك..اكبر ذنب كمان لو جينا نحسبها..
حازم قبل منو
-ف جد انا اسف..لو كنا مسكناك علينا م كان مريت بالحاجات النفسية دي كلها..و امكن كان برودك دا يخف شوية..
حازم عاين ليه كيف كيف
ابوبكر ضحك ع تعابير حازم
-جد لكن..انا اسف..انت كنت بتستاهل احسن..و نحنا م قدرنا نقدمو ليك..اسف لانو عاملوك كدا و لاننا م فقدنا المدة دي كلها برضو..
حازم هزا راسو شوي
النقطة دي بالزات
جد بستاهل عليها اعتذار
-اسف لانو انت اضطريت تمسك السكين و تطعن روحك من الكان عليك و لانو بسببهم بقيت ف ميتم و اتخلو عنك بالطريقة دي..
واو
حازم حياتو كلها م كان عارف انو محتاج للاعتذار دا قبل اللحظة دي
-اسف لانو ب سببهم انت بقيت بتشوف الدنيا ب طريقتك دي..و بسببهم ختيت ل روحك صورة كعبة قدام نفسك..لانك بقيت حاسس انك م بتستاهل و انو بس الناس حيتخلو عنك..جد اسف لانك عشت جزء من حياتك ب العذاب النفسي دا كل يوم..
كلامو صح
جد محتاج انو يعتذر ابوبكر
و جد حازم محتاج يسمعو الاعتذار دا
لانو بقي حاسي قلبو اخف ب كتير
ف زول فاهمو
ف زول سامع الصوايخ الجواه دب كلها رغم الهدوء و البرود الظاهرة ف وشو
ف زول مقدروا و مقدر صعوبة انو يفتح عيونو كل يوم الصباح و يقوم من السرير كيف هي حاجة خانقة ليه..ف زول شايفو و واقف معاه
ف زول مقدرو و بحبو
ف زول عارف كل عيوبو و تخلفاتو و تعقيدو و حياتو و لسا بحبو
ف زول فاهمو و م قرر انو يهرب منو لا..مسك يدو و قال ليه نمشي مع بعض
ف زول موجود ي اخوانا
عشانو
ف زول
م براه
المكان المظلم م قاعد فيه براه
ف زول معاه جدجد معاه
جد حسي ب شعور افضل لمن انتبه للحاجة دي..
#يتبع..

#جميلة_متهورة_و_الوحش_الصامت_34

"My love for you is like an ocean but are you willing to know how deep it is?.."

محمد كان بعاين ل ريفان و هي قاعدة بتأكل ف تربيزة المطبخ
شعرها كانت رافعاه ف كعكة ف نص راسها مرخية شديد
اعتقد شوية و تقع..
تمت نومتها ف الكرسي ظاهر عليها
لانها لسا لابسة بجامتها و لا غيرت شيء من هدوم امبارح
و يلا المضحك شنو
انو وشها منفخ ب شكل
شوفتو الزول وشو بتنفخ كيف لمن ينوم كتير؟
بس دا كان شكلها
راسها كان عامل زي حبة الفول و محمد ضحك شوي ع الفكرة دي
و هي قاعدة بتاكل والله ما جايبة خبرو
محمد كان شايل قهوة ف يدو اليمين و عصير برتقال ف يدو الشمال
مشي قعد جمبها و مدا ليها عصير البرتقال و هي ف نص اكلها
ريفان عاينت ليه و عاينت للعصير
شربت منو شوي و كرفسة وشها خلت محمد يضحك
_برتقال؟من بينهم كلهم م حلى ليك الا البرتقال دا؟
محمد م ردا
_وكانو م عارف انو انا بفضل مليون عصير ع البرتقال
محمد شرب من قهوتو
-معليش خلاص اشربي دا
_انت جبت معاك عصير برتقال كتير ليه؟اثيل و م بتشربو
محمد م ردا ليها و قعد يقش ف وشو
اخخ
ليه كم يوم م نام
القهوة شكلها م حتساعدو المرة دي
_انت م نمت ولا شنو؟
محمد هزا راسو ب معني لا
ريفان ضحكت
_مساهر برا؟..دخلتك القبل ساعة و حاجة دي ياها الواحدة من مرقتك امبارح؟
محمد هزا راسو
_عدم النوم دا حيقتلك..والله يقتلك
-بنوم انا..ساعتين تلاتة لكن
ريفان عاينت ليه كيف كيف
_و اخر مرة نمت ساعة ساعتين متين؟
محمد عاين ليها و م كان عاوز يرد
لكن تحميرها ملاه يتكلم
-قبل يومين؟
ريفان طلعت نفس طويل و رجعت تاكل
_طيب اهو..
محمد ضحك شوي
-هه و كأنو انتي احسن..النعاس بحنسك حنيس عشان تتخمدي و اهو م بتنومي
ريفان حاكت وشو وهز بتكلم و محمد ضحك
_حاجة بتمشي ف دم العائلة
محمد ضحك
-اولا حاجة خالتك نوومااة م بتعرف ل غير النوم..شالتو من جدك
ريفان ضحكت
-امك م بتنوم برضو..لكن اصلو م ل درجتك
ريفان هزت راسها
صح كلامو
-بت انتي والله عندك شيء امشي اكشفي
ريفان عاينت ليه ب احباط
_شوف منو البتكلم..بالله امشي اكشف انت ازلا و تعال سوقني معاك
محمد ضحك ز ريفان رجعت تاكل
تلفزنها كان بتهزز جمبها و هي بتعاين ليه و تاكل
محمد عاين ليها ب استغراب
-مالك م عاوزة تردي؟
_دي لينة..بتنقنق عم حاجة غالبا..برد ليها بعد م اكل
محمد عاين ل التلفون
هه
اشك انها لينة
شوية كدا و تلفونها ضرب
محمد و ريقان الاتنين عاينو ليه
و ريفان لمن شافت الاسم حواجبينها اتلاقو
محمد شرب من قهوتو و هو بعاين للاسم
حازم
تعابير وشو م اتغيرت لانو عارف انو دا هو البرسل ليها من قبيل
ريفان اول م شافت الاسم و استغربت
والاه قلبها دا وقع ف الارض
رفعت راسها و عاينت ل محمد ب نظرات م مفهومة زاتو
نظرات زول طاشي شبكة عديلك كدا
و محمد عاين ليها و رفع حواجبينو
ريفان رجعت عاينت للاسم تاني و فتحت التلفون و هو لسا التربيزة م جابتو جمب اضانها
فتحو و فتحت الاستبيكر
م كان ف صوت ل اول كم ثانية و ريفان كانت بس بتعاين للتلفون
_الووو؟
ع الوو دي ريفان ختت يدها ف خشمها من الخلعة و مدت يدها التانية و قفلت الخط طوالي
دا صوتو
دا كان صوتو
دا صوت حازم
ريفان عاينت ل محمد ب خلعة و محمد كان بس بعاين ليها
ي ربي سمعتو براها الصوت دا؟
مالو الزفت دا م مخلوع زيها؟
التلفون اتصل تاني و ريفان عاينت لي تلفونها بدون م تتحرك يدها لسا ف خشمها
عاينت ل محمد و هي حرفيا مصدومة للقرن الجاي
حاولت تتكلن لكن والله م قدرت تطلع ولا صوت من حلقها
خشمها حلف م يتحرك و الصوت حلف يمين بالله من انو يطلع
مكمد كمل كبايتو و ختاها
عاين ليها و قرر يفك الجو الغريب الضاربها دا
-ريفان
ريفان اقسم بالله م حركت عصبة فيها
-انتي عارفة انا اتأخرت ليه و م جيت امبارح؟..لانو حازم صحا
ع الكلمتين ديل ريفان عقلها طشى
ح ر ف ي ا طشى
صحا؟
صحا كيف يعني؟
يعني فتح عيونو؟
ريفان اخدت ليها ثانيتين و رجعت ل حالتها الطبيعية
-عرفت زي 2 صباحا و مشنا مع ابوبكر و قعدنا معاه فترة..كويس الحمدلله يعني صحي و رجع يتحرك و يتكلم تاني..يعني رجع الحمدلله
ريفان كانت مرقت من صدمتها خلاص
الغريب ف الموضوع انها م بس مرقت من صدمتها ف الكم ثانية دي لكن كمان رجعت طبيعية جدا
اخدت صدمتها انو صحا
اها و بعد داك؟
الحمدلله انو صحا يعني
لكن اها و بعد داك؟
رجعت طبيعية تماما
استغفر الله الولد عاداها ب برودو
ريفةن هزت راسها شوي
و محمد استغرب فيها
-م حتبكي؟
حواجبينها اتلاقو
_ابكي؟ليه؟..مات؟..انت قلت انو صحا
محمد رفع حواجبينو
-دموع فرح يعني لانو صحا؟مافي ولا دمعة؟؟انتي م ماسكاهم يعني؟
ريفان هزت راسها براحة ب معني لا
_ابدا..م في ولا دمعة
حواجبين محمد اتلاقو من الاستغراب
-انا امبارح ي الله ماسك دموعي..و انا م ببقي ليه اساسا..
ريفان عاينت ليه و رجعت ل اكلها تاني
-و انتي حبيبتو م حصل ليك شيء؟
هي يدها كانت بترجف شزي من الخلعة
لكن بس اهو دا
تاني مافي شي
حبيبتو؟
هه
انت م عارف ساي
الغريب ف الوصع انو الاستياء لسا كان

جواها شوي
يعني هو صحا
مفروض يختفي تماما صح؟
لكن لسا في هي م عارفة ليه
ريفان رجعت اكلت و شربت شوي من العصير
و تاني وقفت و عاينت ل محمد
ايواا
عشان كدا
_انت اشتريت عصير البرتقال دا عشانو؟
محمد هزا راسو
-موديه ليه حسي..تمشي معاي؟
ريفان عاينت ليه ب استغراب
تمشي؟
هه
I don't think so..
لز م عرفت الاستياء الجواها دا فاضل ل شنو هي م حتعمل اي شي و م حتمشي اي مكان..
-م ماشة؟
ريفان هزت راسها ب معني لا
_ممكن امشي بعدين؟
-تمشي براك يعني؟
_امم زي العصر دا..
محمد م ردا ليها
_بمشي بعدين براي حسي عندي كم شيء لازم اسويه
و اولا طبعا انها تحبس روحها و تقعد مع نفسها و تفهم هي لسا ليه مستاءة
محمد هزا راسو شوي
-عارفة الطريق صح؟
ريفان هزت راسها
_سلم ع ابوبكر و نيفو..
-امم..
محمد قام ع حيلو و مشي شال علب العصير الكبيرة الشايلها ليه و مرق
ريفان عاينت ليه لحدي م مرق و قفل الباب و رجعت تاكل تاني

•■•■•■•■•■•■•■•■•■•■•■•■•■•■•■

ريفان مرقت من الحمام و هي بتصلح ف قميصها اللبستو غلط
تلفونها بضرب من ما دخلت تستحم و ابي يقيف
مشت عليه عشان تصمتو لكن لقتها لينة
فتحت الخط طوالي و فتحت الاسبيكر و بقت بتصلح ف القميص و بدت تسرح شعرها و هي حايمة ف الغرفة
-الووو..
_الووو ايواا
-ي بت مالك م بتردي يااخ؟؟
_كنت بستحمي..
-ااوو
_خلعتيني قلت ف زول مات
لينة طوالي اتكلمت
-ريفان انتي سمعتي عن حازم؟
ريفان وقفت شوي و تاني ردت ليها
_اممم ااي..
الخلعة كانت ظاهرة ف صوت لينة
-عرفتيييي؟؟؟..واايي جيتي منو حسي؟؟
ريفان واصلت ف محاولة تسريح شعرها
_لا م مشيت
-ااا؟؟م مشيتي؟
_اممم
لينة سكتت شوي
ريفان واصلت ف شغلها
-لسا زعلانة؟
حواجبين ريفان اتلاقو
_انا م زعلانة..
-طيب م مشيتي ليه؟
_هو انتي عرفتي كيف؟
-نشوة ضربت لي و هي بتبكي و ورتني
_امم..
-ليه م مشيتي؟
ريفان طلعت نفس طويل
_م بعرف..
-معناتا انتي زعلانة
_صدقيني انا م زعلانة
-طيب ف شنو؟
ريفان قامت من الكرسي البتسرح فيه شعرها بعد كم ثانية بتاعت صمت و عدم حركة منها و مشت قعدت ف السرير جمب التلفون و فكت شعرها
_م عارفة..
-طيب اسألي روحك ليه م مشيتي اذا م زعلة؟
_لاني م عاوزة امشي..هو انا ماشة ليه بعدين العصر
-و طيب ليه م عاوزة تمشي حسي..ف شيء
ريفان طلعت نفس طويل
_شوفي..
-اها..
ريفان سكتت شوي
م عرفت تصيغها كيف و تقول الحاصل شنو
تبدا من وين و كيف؟
هي تقول شنو اساسا و هي م عارفة
تحاول تفهمها كيف و هي بحد زاتها م فاهمة؟
-الووو؟
_اممم اي معاك معاك
لينة سكتت و انتظرنها لحدي م قدرت تجمع كلماتها
_شوفي ي لينة..اسمعيني
-اها
_انا م قادرة امشي لانو الحمل الفي جواي لسا قاعد
-كيف؟
_ف حاجة تقيلة ف صدري حاسة بيها..كنت قايلاها خوف لانو حازم ف غيبوبة و م صحا و انها منتظراه يصحا..لكن لمن رديت ع التلفون و جا صوتو و محمد وراني انو صحا..الحمل م زحا
ريفان م كانت شايفة لينة لكن كانت قادرة تتخيل ملامح الاستغراب ف وشها
ريفان طلعت نفس طويل و هي بتتم ف حكيها
_حسيت ب فرحة و راحة و كلو..لكن المشاعر دي كلها م زحت الحمل دا..لسا قاعد و مضايقني..فهمتي؟
-سو انتي بتقولي انو الحمل دا م سببو الحاصل ل حازم دا؟
ريفان طلعت نفس طويل و هي بتقش ف وشها
_م بعرف..م فاهمة انا..
-طيب فكري..متأكدة الموضوع سببو حازم انا ب طريقة او اخري
ريفان م عرفت تقول ليها شنو
معقولة الزول يكون حاسي ب حمل زي دا و م عارف سببو شنو؟
-طيب امكن لانو حازم عمل حادث؟
لمن لينة قالت كدا ريفان رفعت راسها و قعدت تفكر شوي
الحادث..
صح هو م دخل ف حادث
ريفان كانت ناسية انو اساسا الوصلهم ل دا انو هو كان متخلف و حصل ليه حادث
-امكن لانو بتهور ف السواقة و دي اكتر شيء انتي بتكرهيها..
ريفان عاينت للتفون و رفعتو ل اضانها طوالي لانو اعتقد لينة فهمتها اكتر من نفسها
_اها
لينة ضحكت
-بس..امكن فكرة انو هو لانو كان بتسابق و دخل ف حادث و كدا هو السبب فهمتي؟..انتي اساسا عندك ذكريات م حلوة مع التهور ف السواقة دي..ف امكن بقيتي م قادرة تتقبلي الفكرة دي فيه حسي
ريفان اخدت نفس طويل
صح
نقطة
نقطة مهمة
اعتقد كلامها صح
ريفان حست ب انو التعقيدة الفي راسها اتفكت لمن لينة وضحت و زكرتها النقطة دي
-اساسا انتي كان دايما بتجي تقولي انو بسرع ف السواقة و م قاعدة تحبي تركبي معاه..
صح
ريفان بتكره الحاجة دي شديد
و لينة كلامها صح
-بزات بعد م حصل الحادث دا لانو كان ف سباق و تهور
اا؟
كان ف سباق؟
_كيف؟
-يوسف قال انو دخل ف الحادث دا لانو اخد ليه طريق مختصر ف السباق..
ريفان بلعت ع ريقها
_لي اول مرة اسمع الكلام دا؟
-لانو يوسف و انا بس العرفين عنو..اعتقد ابوبكر برضو لكن م عاوز يوري نيفين لانو ميفين بتقتلو
ريفان ياداب فهمت و الكلام بقي واضح
اكيد
حازم دا م بغلط كدا الا ف حالة زي دي..
لينة كملت كلامها
-امكن بقيتي م قادرة تتقبليه بسبب الحادث دا..لانك خايفة انو يحصل تاني و المرة دي يموت ف لحظتو
بالله جملة لينة الواحدة دي للتو شرحت الحاصل جوا ريفان كلللو
كلامها صح
لاي

ك ك حرف حرف
-الوو
_اممم ايوا..
ريفان م انتبهت انها كانت ساكتة زاتو
-صح ولا كلامي غلط؟
ريفان طلعت نفس طويل
_وااي م عارفة اسوي شنو من غيرك انا
لينة ضحكت
-اها حتسوي شنو؟
ريفان م عرفت تقول شنو
كيف حتسوي شنو؟
جد حتسوي شنو؟
_المشكلة ي لينة هو بحب الزفت دا اكتر من حياتو..
لينة بلعت ع ريقها توترا من كلام ريفان
_يعني لو سألتيه حسي حيقول ليك م ندمان لانو بحب السباقات..الولد م بقدر يوقفها و م حيوقفها و اساسا م بقدر يعيش ب دونها..بغض النظر عن الحصل هو بتنفس عليها..السواقة المتهورة و السباقات و كلو..و انا متأمدة لو خيرتو بيني و بينها ه-
ريفان سكتت اول م انتبهت للنقطة دي ف عقلها
صح
كلامها صح مليون مرة و م اعتقد ف زول حيقدر يكذبها
لو خيروه بين انو يوقف البعملو دا و بينها هي حيختار داك..سواء ب تفكير منو او لا متأكدة حيختار السواقة البعرفها دي
هي منو اساسا عشان يوقف حاجة بحبها كدا عشان خاطر مشاعرها و عدم خوفها
ريفان زاتها م بتقدر تطلب منو حاجة زي دي
بتكون انانية منها بس
انها تطلب منو انو يتخلي عن الحاجة البحبها عشان خاطر نفسياتها؟
هي منو اصلا؟؟
طيب خليها تواصل معاه و الكاتبو ربنا يكتبو؟
هه
و هي ليه تظلم روحها و تعيش ف ضغطة نفسية كدا؟
ف كل مرة تشوفو تكون خايفة انها تكون اخر مرة؟
دي م مبالغة منها لا طبعا
لكن كلامها صح
مهما كنت محترف ف السواقة
نسبة الحادث ليك موجودة
و اكتر من النص كمان لو بتسوق زي م حازم بسوق
ليه تعيش ف رعب نفسي كدا؟
ليه تظلم روحها كدا و هي م بتقدر؟
و م بتقدر تبقي انانية و تطلب منو الحاجة دي و هي اساسا عارفة هو حيختار شنو
-الو ي بت انتي معاي؟
_اا؟؟ايوا ايوا انا معاك
-ريفان..
_امم
-انا عارفة انتي بتفكري ف شنو..
ريفان م ردت
-انو م بتقدري و هو م حيخليها و زي م قلتي التخيير م اجابة..
ريفان بللت شفايفها
_اممم
-طيب قدامك حل واحد بس
ريفان م قدرت ترد ليها لانها حست ب الهوا بخنقها ف نص حلقها
-انك تقطعي علاقتك معاه صح؟
ريفان بلعت ع ريقها و هي بتحاول تتنفس
كلامها صح
دا الحل الوحيد
ريفان حاليا كان بس مليانة غضب و زعل منو للاخرة بعد م عرفت ب موضوع السباق و كان ظاهر ف صوتها
-لكن انتي حاليا ضاربك غضب
صح كلامها برضو صح
_اامم صح..بسبب الحصل ليه دا
-ااي و انا متأكدة انك لو شفتيه حتكفتيه..بزات بعد م عرفتي انو دخل ف حادث ياداب بسبب السباق
_امم
-غايتو دا الحل الوحيد الحيريحك..و انا م عارفة..
ريفان ختت يدينها ف وشها لانو راسها ضرب خلاص..

■•■•■•■•■•■•■•■•■•■•■•■•■•■•■•

محمد كان مارق من المستشفي و هو بتكلم مع براءة ف التلفون
سألها اذا ريفان مرقت و ورتو انها مرقت ليها فترة
مفروض تصل تجي بعد دا لكن لسا م ظهرت
محمد قرر ينتظرها تحت لحدي م تجي عشان م ترجع المرة دي زي الفاتت
كان واقف قدام البوابة الكبيرة المفروض تحي داخلة بيها
الناس ب مختلف الجهات جايين بدخلو وبمرقو و محمد بمشي و بجي براحة و هو بتكلم ف التلفون و ف نلس الوثت مركز مع الجاي و الماشي
شوية كدا و لمح ليك حازم مارق برضو و هو لسا بعتر
كان لابس هدوم المستشفي لكن لابس طاغية م مظهرة وشو و لمن قلعها اتأكد انو دا حازم
حازم شافو و جا وقف جمبو
محمد قفل التلفون و قعد يعاين ل حازم لحدي م جا وقف قدامو
-مرقت كيف؟
حازم ابتسم ليه و رفع الطاغية
_شلتها من شنطة مجاهد
محمد ضحك
-اذا دكتورتك عرفت م حتخليك ف حالك
حازم هزا راسو
_دكتورتي ف بريك حسي..بعدين م بتعمل لي مشكلة هي بتحبني
محمد ضحك
-انت نمت و صحيت و بقيت بتتكلم اكتر
حازم عاين ليه ب طرف عينو
_انت براك م بتسمعني بس
محمد عاين ليه و هو واقف
كان متكل ع رجلو و التانية راخيها
-الجرح لسا؟
حازم ضحك شوي
_اكيد لسا..لكن بقيت بقدر اتحرك احسن
-لسا بتعتر
حازم رفع قميصو و اشر ليه ع مكان الجرح
_دا لانو دي لسا مفتوحة
محمد عاين ليها
الضمادة الكبيرة الخاتنها ليه بقي فيها لون احمر
لون الدم
-اعتقد مشيت كتير
حازم عاين ليها
-عشان كدا واجعاك حسي
حازم هزا راسو
_م قادر ابعد ثابت..حاسي جسمي مربط و لازم اتحرك
محمد عاين ليه
-دا لانك نايم ليك شهرين تقريبا
حازم عاين ليه
_كان تصحوني
محمد كرفس وشو
-ها ها ها احساس كنت حتقوم
_م جربتو تكشخو موية؟
محمد عاين ليه ب طرف عينو
-الالات محطين بيك ف كل مكان..كان ضربتك كهرباء و رحت فيها مرة واحدة
محمد و حازم ضحكو ع جملة محمد الاخيرة دي
-انت حسي مرقت ل شنو
_قلت ليك جسمي مربط عاوز احوم حولين المستشفي
-حوم جوا عشان لو وقعت يلحقوك
_لو حمت جوا و لمحوني بعملو لي مشكلة
-خلاص حسي خش عشان لو دكتورتك جات لقت جرحك دا كابي كدا م حتخليك
حازم هزا راسو
_امشي اشيل لي مسكنات زاتو
-بدا يوجعك؟
_بقيت حاسي بيه
محمد ضحك
-سجمك اجري يلا
حازم عاين ليه ب طرف عينو ع جملتو دي
و قبل مشي دخل جوا
محمد عاين ليه و هو بعتر ع الرجل التحت الجرح طوالي لحدي م دخل
وشو اتصلح شوي من صحية امبارح
رغم انو كان نايم لكن عيونو كانت واقعة
و اعتقد ب المسكنات الصداع الضاربو خفي شوي
محمد قبل من حازم