Тарихдаги энг кучли узр!

Абу Зарр розияллоҳу анҳу Билол ибн Рабоҳга: “Эй қора хотиннинг ўғли, мени босиб олдинг!” дегандилар, Билол ғазаб қилган ҳолда ўрниларидан туриб: “Аллоҳга қасам, мен бу ишни Расулуллоҳ саллаллоҳу алайҳи васалламга айтаман”, дедилар. Бу хабар етказилганида Расулуллоҳ саллаллоҳу алайҳи васалламнинг юзлари ўзгариб кетди ва: “Эй Абу Зарр! Онасини айбладингми? Сенда жоҳилият одатлари бор экан”, дедилар. Абу Зарр йиғладилар ва: “Эй Аллоҳнинг расули, менга истиғфор айтинг”, дедиларда масжиддан йиғлаган ҳолда чиқиб кетдилар. Кейин Билолнинг олдига келиб, юзларини тупроққа қўйдиларда: “Аллоҳга қасам, то оёғинг билан юзимни эзғиламагунингча бошимни кўтармайман. Сен олийжаноб кишисан, мен эса пасткашман”, дедилар. Билол ҳам йиғлаб унга яқинлашдиларда, унинг юзидан ўпдилар. Сўнгра: “Аллоҳга қасамки, Аллоҳ учун бир марта бўлса ҳам сажда қилган юзни оёғим билан босмайман”, дедилар. Кейин икковлари ўринларидан туриб, бир-бирларини қучоқлаб, йиғида давом этишди.
Бизлар бугунги кунда бир-биримизга ёмонлик қилиб қўйсак кечирасиз, деб айтишга ҳам ботина олмаймиз.
Узр сўраш юқори савиядаги маданият ҳамда олий фазилатли хулқлардандир.

@Hikoyalar ни яқинларингизга ҳам юборинг!
Audio monologlar: @bedorlik kanalida!
Kulguli rasmlar: @uvaxaxa da!
______________

📜📚📖 @Hikoyalar каналига қўшилиш учун 👇
https://tttttt.me/joinchat/AAAAADuknkYHGVbghYjS1A
👆 ни босинг ва OK.

Ибратли ҳикоя: Аёлингиз кўзингизга ёмон кўрина бошласа...

Бир йигит ҳикмат ва тажриба эгаси бўлган бир донишманднинг олдига борди. Унга шундай шикоят қилди:

- Аёлимни биринчи бор кўрганимда, Аллоҳ дунёда бошқа бу каби гўзал аёлни яратмаган бўлса керак деб ўйлагандим. Унга гапириб бошлаганимдан сўнг эса, бу каби аёллар кўп эканини кўрдим. Унга уйланганимдан сўнг эса, унданда гўзал аёллар кўп эканини ҳис қилдим. У билан бироз муддат яшаганимдан сўнг эса, дунёдаги исталган аёл менинг хотинимдан яхшироқ эканига амин бўлдим.

Ҳаким киши шундай деди:
- Сенга бунданда паст ва ёмон нарсанинг хабарини берайми?
Йигит:
-Ҳа.
Донишманд:
- Агар сен дунёдаги барча аёлларни никоҳинга олиб чиқсанг ҳам, кўчадаги манашу дайди итлар ҳам шу аёлларданда яхши эканини кўрар эдинг.
Шунда йигит:
- Нега бундай деяпсиз?

Донишманд:
- Чунки муаммо сенинг аёлингда эмас. Муаммо шундаки, агар инсон қалби ҳирсга, назари шаҳватга берилса, уни Аллоҳдан бўлган ҳаёси тарк этади. Бу кўзни эса фақат қабр тупроғи тўлдиради.
Сенинг айбинг Аллоҳ ҳаром қилган нарсадан назарингни тиймаганингдир!
Аёлинг олдинги ҳолига, дунёдаги энг чиройли аёл ҳолатига қайтишини истайсанми?

Йигит: ҳа, деди.

- Унда назарингни тий! Аллоҳ таоло: “Сен мўминларга айт, кўзларини тийсинлар ва фаржларини сақласинлар. Ана шу улар учун покдир. Албатта, Аллоҳ нима ҳунар қилаётганларидан хабардордир.”-деб марҳамат қилган. (Нур сураси 30- оят)

Нимаики қўлингда бўлмаса у сенга чиройли ва афзал кўринаверади. Унга эришгач эса, сен учун оддий нарсага айланади.

Қўлинг остидагига қаноат қил. Йўқса, қабрга киргунингга қадар дунё матоҳи ва гўзалликлари ортидан қувганинг қолади холос. Мен сенга буларданда чиройлироқ, буларданда афзалроқ нарсани айтаман. Бу Аллоҳ таолога ибодат ва солиҳ амалдир. Бунинг лаззатини фақат астойидил ҳаракат қилган инсонгина татийди.

Аллоҳдан ҳамиша аёлингни кўзинга гўзал қилиб кўрсатишини ва унинг муҳаббати билан ризқлантиришини сўра.

Араб тилидан Истамжон Илҳом ўғли таржимаси

@hazratnavoi_uz

@Hikoyalar ни яқинларингизга ҳам юборинг!
Audio monologlar: @bedorlik kanalida!
Kulguli rasmlar: @uvaxaxa da!
______________

📜📚📖 @Hikoyalar каналига қўшилиш учун 👇
https://tttttt.me/joinchat/AAAAADuknkYHGVbghYjS1A
👆 ни босинг ва OK.

БАҲОР ТАФТИ...

Сизга тушинмайман, гоҳида чиндан,
Йўқ жойдан - боҳона топасиз бирдан.
Истасангиз қараб, истамаганда-
Дейсиз барча айб... Хотираларда.

-Майли шунча йўлни кездик иккимиз,
-Қишнинг файзи йўқдир, унитманг қорсиз.
Шу билан қўл силтаб кетди - орзулар,
Шу билан бошланди азобли тунлар.

Қачонгача, шундай тортишмоқ керак,
Сизга нима қилдим? Айтинг эй Малак?
Қалб, сизникидир - сизники ғурур,
Макрингиздан паноҳ, топмоқлик зарур.

Араздан ясалди нурафшн боғлар,
Диллардан кетмайди энди у, доғлар.
Ҳар баҳор келганда, юракда нафрат,
Баҳор бу гўзаллик, баҳор муҳаббат !..

Сизни тушинмаган, юрак йиғласин,
Фақат сиз йиғламанг бахор келганда ...

©Абдувоҳид Сувонов
Март 2019
@Adabiyot_olami
@Hikoyalar

🤲Amin

5 ёшлик бола билан сухбат.
Махалламиз атрофида бозорча, умумий овқатланиш масканлари, ўқув марказлари, озиқ-овқат дўконлари ва пойафзал устаханолари бор. Ўтган йили, Олмазор туман хокими буйруғи билан, автомашина йўл атрофида турган баъзи Акфадан қурилган дўконлар бузилди, шу орада 2 пойафзал устахоналари хам текисланиб ташланди. Пойафзал усталарининг бири вилоятлик, қорақозони шу иш орқасидан қайнайди. Мижоз хам шу ерга ўрганган, қарийб бир йилдирки, бузилган устахона ўрнида, тикув машинаси ва усталик анжомлари билан амаллаб ишлаб келмоқда. Кузда изғиринда, Қишда қор устида, Бахорда ёмғир остида, Ёзда офтоб тагида мехнат қилаяпти. Орада аёли ва кичик боласи ёрдамга чиқади, ҳуллас ахвол танг. Ўша ердан ўтаётиб бир 5 ёшлар атрофидаги болакай ва онаси оёқ кийим тиктираётганини кўрдим. Уста ишини тугатгач, аёл иш хақини сўради, уста 3000 сўм кўп эмасми деди, аёл сахий экан 5000 бериб Аллох рози бўлсин деди. Она-бола билан йўлимиз бир тамонга экан, улар ортидан манзилим тамон кетавердим, боланинг баланд овозда гапираётгани бутун кўчага эштиларди.
- Ойи, 10000 сўм берсак бўларди.
- Нега, чунки боласи нимадир сўради, пулим камроқ деб жавоб бердилар. Менимча ўйинчоқ сўради, қўлидаги автомат ўйинчоқ дарахт, шохларидан ясалган экан, пастдаги ўйинчоқлариям кичик тахтачалардан ясалган, мен кўрдим.
- Бўлмаса эртага яна чиқамиз, тикилиши керак шиппак бор, тиктириб кўпроқ пул берамиз.
- Унда, ўзим ёқтирган ўйинчоқ машинамни ўша болага совға қилсам майлинми? Пульти йўқолгану, лекин чироқлари ёнади, роса яхши кўраман, ўша болага берақоли. Ўзиз этгансиз, устозим этган, бировга яхши кўрган нарсасини бериш савоб....
Болага шундай тарбия бераётган оналар бор экан, миллат ўлмайди, болага шундай илм бераётган устозлар бор экан миллат гуллайди, бундай тарбия олаётган болалар бор экан, давлат асло қуламайди.

@Hikoyalar

Ночор ота ва тиланчи


Камбағал ишчи бир куни ишдан ҳайдалди Бошқа даромади бўлмагани учун болалари уч кун овқатсиз, нонсиз қолди. У одам иш қидириб қаёққа борса, “иш йўқ” деб эшикни юзига ёпишди. Устма-уст уч кун қорни оч қолган болаларнинг хархашаси онанинг юрагини эзиб юборди. Чорасизлик билан турмуш ўртоғига: “Кўряпсизми болаларни? Очликдан юзлари сарғайиб кетди. Биз-ку майли чидаймиз, лекин улар бунга чидолмайдилар. Бу ишнинг охири нима бўлади? Ўйлаб кўрдингизми?” деди.

Эр эгилган бошини аёли томон қаратиб: “Неча кундан бери бормаган жойим қолмади. Энг кам ойликка бўлса ҳам иш қидирдим, бир кун бўлса ҳам қорнингиз тўйсин, деб. Лекин ҳеч ким менга иш бермаяпти. Болаларимнинг бу ҳоли менинг ҳам юрагимни эзиб юборди. Лекин кўриб турибсанки, қўлимдан бирор нарса келмаяпти” деди. Шунда аёли: “Ундай бўлса менинг келинлик кунларимдаги рўмолимни олиб бориб сотинг, неча пул бўлса ҳам бирор нарса олиб келинг, болаларимизнинг қорнини тўйдирайлик. Қолганига Аллоҳ Каримдир. Ризқ бергувчи Удир. Бизга албатта бирор хайрли эшик очилади” деди.

Эр уятдан қизариб, тушиб қолган қийин вазиятни ўйлаб, аёли сандиқдан олиб берган ҳали яп-янги турган рўмолни олиб, бозорга борди. Рўмолни ўша пайтда икки дирҳамдан ортиғига олмасдилар. Олган пулига бирор егулик олиш учун кетаётганда йўлда тиланчига дуч келди. Тиланчи ўтган-кетганга шундай дер эди: “Аллоҳ ризоси ва Пайғамбарининг ишқи учун бўш ўтманг. Аллоҳни хурсанд қилиш учун менга ёрдам беришни хоҳловчи йўқми? Дунёда ҳеч нарсаси йўқ, ҳақиқий муҳтожман.

Рўмол сотган одам тиланчининг олдига келди. Аёлининг рўмоли пулини — неча кундир ҳеч нарса емаган болалари учун бирор нарса олмоқчи бўлган пулини тиланчига берди. Энди бўш қўл билан уйга бориш ҳам ноқулай эди. Рўмолнинг пулини сўраган аёлига нима деб жавоб беради? “Рўмолингга икки дирҳам беришди, уни тиланчига бериб юбордим, унинг ялиниб-ёлворишига чидолмадим” деб қандай айтади? Шу ўйлар билан масжидга кириб шом намозини ўқиб, бўш қўл билан уйига қайтди. Аёли ва болалари уни бирор егулик опкелади деб кутиб ўтиришган эди.

Кеч қолганига яхшироқ бирор нарса олиб келса керак, деб ўйладилар. Ота умидсизлик билан эшикдан қаради, аёли бу ҳолатга ҳайрон эди. Болалари эса бу кеча ҳам оч қолишларини ўйлаб мажолсиз овозда йиғлай бошлашди. Аёл ҳам ҳайрон, ҳам жаҳл оҳангида рўмолни нима қилганлигини сўради.

Эр аёлига ҳаммасини бирма-бир айтиб берди. Аёл ишнинг аслини билгач, сабрли оҳангда: “Рўмолнинг пулини Аллоҳ йўлида берган экансиз, У улуғ ва бойдир. Сахийлигингиз эвазига бизга хоҳлаган вақти унинг эвазини беришга Қодирдир. Сиз тўғри иш қилдингиз, қани кўрамиз, қайси эшикни очар экан?” деди.

Эрталаб аёл турмуш ўртоғига отасининг уйидан олиб келган девор соатини берди ва: “Буни сотинг ва эвазига қанча егулик келса олиб келинг” деди. У бозорга бориб, соатни сотишга ҳаракат қилади. Лекин ҳеч олувчи тополмайди. Чарчаб, ҳорғин келаётганда бир балиқ сотувчисига йўлиқди. Балиқчи баланд овозда: “Балиқ бор, балиқ” деб бақирарди. Қўлида икки донагина балиқ қолган эди.

Фақир киши балиқчининг ёнига бориб: “Бу соат менга, бу балиқлар сенга наф келтирмайди, шунинг учун шу икки балиғингни менга бер, мен сенга шу соатни берай” деди. Мижоз йиғиш учун эрталабдан бери бақираётган балиқчи бу одамнинг таклифини қабул қилди. Балиқларни бериб, соатни олиб кетди.

Неча кундан бери уйига биринчи марта егулик олиб кетаётганндан жуда хурсанд бўлаётган ота балиқларни қўлига олиши билан уйига югурди. Оталарининг егулик олиб келганини кўрган болалар жуда хурсанд бўлиб кетишди. Аёл балиқни тозалаш учун ошхонага кирди. Бироз ўтиб хайратланиб хожасини чақирди. Балиқлардан бирининг қорнидан каттакон инжу чиқди.

Фақир одам инжуни олиб заргарнинг олдига борди. Заргар инжунинг бебаҳо эканлигини, агар ўзига сотишса 14000 дирҳам беришини айтди. Фақир одам қийинчиликлар ортда қолганини сезди. Аллоҳ унга неъмат эшикларини очганини тушунди. Заргарга уни 14000 дирҳамга сотиб, пулини олиб уйга қайтди. Бўлиб ўтган воқеани уйига келиб, аёлига ҳам айтиб берди. Ҳаммалари ғамларни аритган Аллоҳга шукроналар айтишди.

👇

Шу пайт эшикда тиланчининг овози эшитилди: “Эй уй эгалари, Аллоҳ сизга бергандан менга ҳам беринг!” Фақир киши эшикни очиб: “Шу пайтда Аллоҳ бизга ҳеч кутмаган жойимиздан 14000 дирҳам ҳадя қилди. Модомики, сен Аллоҳ ризоси учун Аллоҳ берганидан сўраяпсан, мен ҳам шу пулнинг ярмини сенга берай, қолган ярми бизники бўлсин”.

Биргина сўзи учун 7000 дирҳамга эга бўлганидан хурсанд тиланчига пулнинг ярмини олиб чиқиш учун уйига кириб кетди, чиқиб қараса тиланчи йўқ. У ер-бу ерни қараса ҳеч қаерда кўринмади.

Уй эгаси ўша куни ғам-ташвишлардан холи уйқуга кетди ва тушида бояги тиланчини кўрди. Ундан нега кетиб қолганлигини сўраганда, тиланчи: “Мен тиланчи эмас эдим, Аллоҳнинг фаришталаридан бири эдим. Хайрли ишларни қай даражада яхши кўришинг ва Аллоҳга боғлиқлик даражангни билиш учун инсон шаклида сенинг уйингга келдим. Мени Аллоҳ сени охирги марта синаб, даражангни юксалтириш учун хонадонингга юборди. Олдинги куни аёлингнинг рўмолини сотиб, икки дирҳам олганингда ўша икки дирҳамни олган ҳам мен эдим. Ўша икки дирҳамни хотиржамлик билан Аллоҳ ризоси учун менга берганинг учун Аллоҳ сенга инжуни берди. Бугунги сахийлигинг учун эса нариги дунёда тенгсиз неъматлар билан тўла Жаннатга эришасан”.

Сенингдек энг қийин вазиятларда ҳам Аллоҳ ризосини барча нарсадан устун қўювчиларга хушхабар бўлсин…

Аллоҳ барчамиздан, дунё мол-мулкларидан устун қўйган барчадан рози бўлсин…

Шарқ халқлари ҳикояларидан

@Hikoyalar

​​#Ҳикоя

Яширин садақа

Ҳазрати Алининг набираси Али ибн Ҳусайн Зайнулобидин одамлар таниб қолмаслиги учун тунда қиёфасини ўзгартириб, амакиваччасининг уйига келиб, садақа қилиб кетар эди. Амакиваччаси эса ҳар доим: «Али ибн Ҳусайн менга силаи раҳм қилмайди, Аллоҳ уни яхшилик билан мукофотламасин», дер эди. Али буни эшитар, аммо сабр қилиб, садақа қилаётган киши ўзи эканини унга билдирмасди.
Али ибн Ҳусайн Зайнулобидин вафот этгач, амакиваччасининг уйига узоқ йиллар давомида келиб турган садақа тўхтаб қолди. Шунда амакиваччаси ўша одам кимлигини билди. Унинг қабрига бориб, узоқ йиғлади.

Солиҳлар гулшани. Ҳоний ал-Ҳаж
(Таржимон: Абдулҳамид Зайриев, Ғиёсиддин Ҳабибуллоҳ)

@Hikoyalar ни яқинларингизга ҳам юборинг!
Audio monologlar: @bedorlik kanalida!
Kulguli rasmlar: @uvaxaxa da!
______________

📜📚📖 @Hikoyalar каналига қўшилиш учун 👇
https://tttttt.me/joinchat/AAAAADuknkYHGVbghYjS1A
👆 ни босинг ва OK.

#ҳикоя
Маъсиятда улғайган йигит муслима, солиҳа аёлга уйланди. Ва улар кўп фарзандлар кўришди. Уларнинг орасида кар - соқов бўлган ўғиллари ҳам бор эди.

Онаси қолган болаларидан кўра шу гунг ўғлига алоҳида эътибор берар, Аллоҳнинг омонати дея қарар, гўзал парвариш қиларди.

Унга намозни ўргатди. Илк болалик вақтиданоқ қалби масжидга боғланишига сабаб бўлди. Ёши 7 га етган болакай атрофда нималар бўлаётганини кўрар, отасининг маъсиятга чўмган, жарга қулаб бораётганини сезарди.

Отасига имо - ишоралар билан гуноҳларни тарк этиб, тавба қилишини, масжидга боришини тушунтиришга уринар, насиҳат қилар, бу ҳаракатини такрорлашдан чарчамасди.
Лекин унинг саъйи самара бермасди.

Кунларнинг бирида болакай кўчадан бўғзига нимадур тиқилгандек ғўлдираб товуш чиқариб, кўзларида ёш билан келди. Ва Қуръонни олиб отасининг олдига қўйди. Марям сурасини очиб ундаги бир оят устига бармоғини қўйди.

Унда шундай ёзилганди:
«Эй отам, албатта, мен сени Роҳман томонидан азоб тутишидан ва шайтонга дўст бўлиб қолишингдан қўрқаман» (45 #оят).

Йиғламсираб умидли нигоҳ ила отасига боқди. Ота бу ҳолатдан қаттиқ таъсирланди. Жигарбандига қўшилиб йиғлади. Аллоҳнинг хоҳиши ила солиҳ фарзанд сабаб ота қалбининг қулфлари очилди.

Қўзмунчоғининг дурдона ёшларини артиб, пешонасидан ўпди. Ва масжид сари тавба қадамларини қўйди...

Бу солиҳа аёлнинг самараси...

ХУЛОСA
Ҳусн - жамол, мол -дунё ўткинчи. Аёлнинг ўзи салоҳиятли бўлмаса, фарзандларини солиҳ қилиб ўстира олиши даргумон.

«Диндорини танла, қўлинг тупроққа қорилгур (барака топкур)» (Муттафақун аълайҳ).

#Ulashıng 🧕

@Hikoyalar ни яқинларингизга ҳам юборинг!
Audio monologlar: @bedorlik kanalida!
Kulguli rasmlar: @uvaxaxa da!
______________

📜📚📖 @Hikoyalar каналига қўшилиш учун 👇
https://tttttt.me/joinchat/AAAAADuknkYHGVbghYjS1A
👆 ни босинг ва OK.

Hayotimiz borgan sari zerikarli bo'lib bormoqda. Shunday emasmi? Na biror nima o'qigingiz, na biror film ko'rgingiz keladi. Atrof to'la zerikish. Ammo quyidagi kanal menda katta qiziqish uyg'otdi. Unda biroz bo'lsada e'tiborimni tortgan yerlar bo'ldi. Tavsiya qilaman 👇👇👇👇
https://tttttt.me/joinchat/AAAAAEHtqcBWjaZjpDE7xw

​Бўлажак жуфти ҳалолимни ўзим танлаш тарафдориман. Ҳар жабҳада ота-онамга ишонсамда, умр савдосида ўзим ҳаракат қилганим маъқул. Аммо бу онамни бироз баҳс-мунозарага тортади. Хуллас, онамнинг райига қарши боролмай навбатдаги номзод қиз билан учрашувга чиқдим.

*

Тошкентликлар тилида "Евроҳижоб"ли қиз экан. Бошидан менга маъқул бўлмади. Жинси шим, бошида ёрқин рангдаги рўмол ва юзида мураккаб "полировка".
Аммо ҳурматсизлик бўлмасин деб аҳамият бермасликка ҳаракат қилдим. Суҳбат бошланмай вақтим учун ачина бошладим. Охири:

- Гапни қисқа қилай, нега бу қадар бўяниб юрасиз, - десам, жавоби мени "ўлдирди":

- Бўянсам асл гўзаллигим кўринмайди. Шунда бегона кўзлар тегмайди.

*

Вазиятдан чиқишига қойил қолдим. Шунча ўйлаб, бирон марта хаёлимга ҳам келмаган экан кўз тегиши.

*

Миям музлаб кетди. Ўзимни кулгудан тия олмадим.
"Ҳуснингизга кўз тегмасин" деб, индамай туриб кетдим. Роса кулдим. Бу қиз мени кунимни табассумга тўлдирди.

*

Бахтли бўлсин, илоҳим!

Shaydoi Jannat

@hikoyalar

​​#Ҳикоя

«Сиздан уяламан, ота!»

Дугоналари билан кечки овқатга бормоқчи бўлган қиз икки кун олдин янги кийим можаросини бошлади. Эркалик билан ота-онасини ноқулай аҳволга солар, кўнглига озор берадиган, ғурурини синдирадиган сўзларни гапирарди. Ота-онасининг қўли калталигини юзига солаётган қиз, уларни чорасизлиги туфайли надоматга қўяётганини мулоҳаза қилмас, шартакилигини қўймасди.

– Дугоналарим бир марта кийган либосини ҳеч қачон қайтиб киймайди. Мен бўлсам ялиниб-ёлвориб сизларга биттагина янги кўйлак олдиролмайман!, дерди.

Отаси мунғайибгина чорасизлигини англатаркан, қиз унга парво ҳам қилмасди. Эски-туски нарсаларни олиб сотиш билан шуғулланиб, рўзғорини амал-тақал ўтказаётган бетоб ота, қишнинг совуқ кунларида иши бироз юришмаётганидан тараддудланарди.

– Сиздан уяламан, дада!, деди қиз отасига тик қараб. Қўли калта бетоб отанинг тиззалари қалтиради. Кўз ёшлари қалбига оқди.

Кечки таомни жимгина едилар. Оқшом оилабоши қизи киймоқчи бўлган кийимнинг нархини онадан сўради. Юраги ачишиб оғриётган ота пулни қандай бўлмасин топиб, қизига тутқазишни ўйларди. Эртаси куни ота эрталаб қовоғидан қор ёғаётган қизнинг қўлига икки юз эллик лира берди. Пулни кўриб қизнинг чеҳраси ёришди. Тонгда савдо марказига отланди. Кўз остига олиб қўйган кўйлакни харид қилди. Янги кийимнинг завқи рутубатли ҳавода қизнинг руҳига илиқлик бахш этди. Бахтдан сармаст, гўёки учиб-қўниб кечки овқатга борди.

Уйга қайтиб ҳам отасининг дарди билан парво қилмай, телефонга ёпишиб кечки овқатнинг муҳокамасини қилиш учун дугоналари билан гап сотишга тушиб кетди. Лекин кундан кунга отасининг йўтали босилмай, иситмаси тушмаётганига аҳамият бермади. Хаёлида янги кўйлаги ва бу кийимда кечки овқатга маликалардай ҳамманинг эътиборида бўлгани жонланарди, холос. Онаси йўқсиллик сабабли эрини ҳатто касалхонага олиб боролмаётганидан ўксиниб, кўз ўнгида умр шами сўниб бораётган жуфтига чорасиз термуларди.

Бир неча кундан кейин отанинг узоқ давом этган йўтали тонгга яқин тўхтади. Пешинга яқин ювғич отасини ювиб-тараб, кафанлаш учун олиб кириб кетар экан, қиз ҳануз отасининг ўлимига ишонгиси келмасди. Қўни-қўшнилар масжид айвонида ўзаро шивирлаб “Қизи истаган кийимни олиб бериш учун, уст-бошини сотиб, қишнинг совуғида касали бадтар хуруж қилибди шўрликни” деганини эшитганида бефойда пушаймонлик оташида қовурилгани билан энди кеч эди. Энди ҳеч қандай кийим эрка-тантиқ қизни ота меҳридай иситолмаслигини англаб етдию, аммо кечикди...

© Умида АДИЗОВА таржимаси

@Hikoyalar ни яқинларингизга ҳам юборинг!
Audio monologlar: @bedorlik kanalida!
Kulguli rasmlar: @uvaxaxa da!
______________

📜📚📖 @Hikoyalar каналига қўшилиш учун 👇
https://tttttt.me/joinchat/AAAAADuknkYHGVbghYjS1A
👆 ни босинг ва OK.

​​Шайх Али Тантовийнинг Париждаги укаcига ёзган мактуби:
«Катта шаҳар, кўча, майдон, завод ва иморатларни кўрганингда бу нарсалар сени чўчитиб юбормасин. Сен бу нарсаларни кўриб, ўзингни, юртингни паст санама. Аксар Парижга борганлар шу нарсага мубтало бўлишмоқда. Билгинки, у ер ҳар қанча муҳташам ва «маданият»ли бўлмасин, сен ҳам жоҳиллардан эмассан, сен мансуб бўлган уммат ҳам паст табақа эмас. Аксинча, сен шон шарафга сазовор тамаддун вакилисан, ўша оврупаликларни ўқитиб, уларни одам қилган зотларнинг фарзандисан. Ҳозирги кунда тарихни улардан бошқа ҳеч ким ёза олмаётган бўлса-да, билиб қўй, сен шундай бир умматнинг фарзандисанки, агар унинг исми тарихдан ўчириб юборилса, тарих зарварақларидаги узоқ фурсат бўм бўш бўлиб қолади. Сен Парижда кўрган кишилар ким ўзи? Улар охирги тўрт асрнинг авлоди, холос. Сенинг умматинг эса бутун инсоният тарихининг эгасидир. Борган жойингда дининг ва ахлоқинг хавф хатарда қолса, нарсаларингни йиғиштириб, Сорбонна университетини уни қурганларда қолдиргин-да, юртингга қайтиб кел. Дининг ва ахлоқингни йўқ қилиш эвазига оладиган илмнинг баҳридан ўтиб қўяқол!»

©arabicuz

@Hikoyalar ни яқинларингизга ҳам юборинг!
Audio monologlar: @bedorlik kanalida!
Kulguli rasmlar: @uvaxaxa da!
______________

📜📚📖 @Hikoyalar каналига қўшилиш учун 👇
https://tttttt.me/joinchat/AAAAADuknkYHGVbghYjS1A
👆 ни босинг ва OK.

Bayram muborak aziz opa singillar.

Assalomu Alekum aziz opa-singillar. Sizlarni bugungi bayramingiz bilan tabriklayman! Sizlarga sihat salomatlik, baxt, omad yor bo'lsin! Doimo kulib yuring)
(8 martni nishonlamaydiganlar uchun, Juma muborak)
Hurmat bilan @Hikoyalar_Admin

АЁЛ...

Ундан асло ранжиманг,
Сўзласин у, жим деманг,
Аро йўлда қол деманг,
Бағрин тилмасин аёл,
Кўз-ёш тўкмасин аёл!

Бошин урар юмушда,
Нелар бўлмас турмушда,
Файз таратган фаришта,
Таъма қилмайди аёл,
Қадрин билмайди аёл.

Дош бериб синовларга,
Турли хил алдовларга,
Жавобсиз сўровларга.
Умрин бермасин аёл,
Бевақт сўнмасин аёл.

Меҳрга зор колмасин,
Ҳижрон бағрин тилмасин,
Қисмат ўйин қилмасин.
Фарёд солмасин аёл,
Ўйдан толмасин аёл.

Баҳордек порлаб турсин,
Дилга нур сочиб юрсин,
Бахтга қувониб юрсин.
Ўкинч билмасин аёл,
Кўз ёш тўкмасин аёл.

Бўш бешикка кўз тикиб,
Тунлар бедор ёш тўкиб.
Фарзанд сўраб қон ютиб,
Ғавғо солмасин аёл,
Шамдек ёнмасин аёл.

Армонларда қолдирманг,
Хазонларда қолдирманг,
Сарсонларда қолдирманг,
Ғамдан хормасин аёл,
Танҳо қолмасин аёл.

Борлиқ яратган ўша,
Ифор таратган ўша,
Пойига гуллар тўша.
Туғилганингдир мисол,
Онадир - она аёл.

©Абдувоҳид Сувонов
@Adabiyot_olami
@Hikoyalar

Бир она олтита фарзандини улғайтирган бешикни ёқиб юборди. Чунки фарзандларнинг барчаси бола-чақали бўлиб, оналари ҳолидан хабар олмай қўйишган экан. Бешикни ёқиб бўлгач: “Ҳар гал кўзим тушганида ичим ёнавергач уни ёқиб юбора қолдим”, деб айтган экан.

www.arabic.uz

Urush va tinchlik deb nomlangan fotosur'atlar

@Hikoyalar ни яқинларингизга ҳам юборинг!
Audio monologlar: @bedorlik kanalida!
Kulguli rasmlar: @uvaxaxa da!
______________

📜📚📖 @Hikoyalar каналига қўшилиш учун 👇
https://tttttt.me/joinchat/AAAAADuknkYHGVbghYjS1A
👆 ни босинг ва OK.