منك ...
_حا يعرس يا رقية ودالسايح حلف علي طلاق تلاتة كان جبت بت حا يعرس اسوي شنو عاد افرح ...
*كدي ولا يهمك هسي محلولة خلي الموضوع علي يمين الله كان ما اتحلا ما ابقي رقية الداية وفنجاني دا بصدِق كلمتك يومتا..

"لله نحن لله ما ضجت به الأعماق"
دمتم بسعادة🌼
#Fatma_Gasmalla

ودخلت جوه ببكي بس ندمانة اني حكيت ل امي ".

الجمعة - الساعة 7:00 صباح

"في بيت ناس فدوي"
-امي ، يا فدوي ياخ ح تمشو تفاتحوهم بتين يعني..
*وائل انا شايفة انك مستعجل في الموضوع دا خلينا نأجلو شوية احسن
-قلت الليلة يعني الليلة تمشو ليهم .
*سمح ياولدي الشفقة شنو الناس ما طايرة بعد المغرب بنمشي ليهم ...
*طيب لكن انا ما قلت لشوق اننا جاينهم الليلة.
-خليها نمشي علي الله بس الفيه خير بحصل.
"اليوم مشي سريع وما معروف في اخرو يكون شايل شنو!!"
"الساعة 7:30 مساء"
*هبة هبة يا امي ما تتكلمي معاها تجي تساعدني في المطبخ كفاية من قبيل مع النضافة براي..
"كوكو كو كو كوكوكو كو"
-بطلي نقة امشي افتحي الباب شكلهم ناس خالتك جو اجري يابت
*ما ماشة هبة قاعدة ساي التفتح الباب هي...
"كررب فتحت الباب"
*السلام عليكم
-وعليكم السلام
*دا بيت استاذ عبدالسلام؟
-ايوة هو اقول ليه منو؟
قولي ليه.....
"جاها صوت ابوها"
*هبة دا منو ال في الباب؟
ما عارفة ناس بسألو منك
...........
الله يعدي اليوم علي خير:
---
ما هو نحن ما بنختار والدينا لكن بنختار حياتنا الحا نعيشها يا ابيض يا اسود..
كيف؟
في حياتنا مرو بينا ناس كتيرة احتمال نعرف بعضهم و احتمال ننكرهم..
هم زاتهم نفس الضحكنا معاهم بعيشو بينا بوشوش كتيرة ...
ما بصارحونا بالجواهم .. كتار منهم ببكي بالليل لحاجات كتيرة ضاعت منو او بسبب ال هو فيه..
في الاخر هم بشر بغلطو.. هو منو فينا الما بغلط؟
في اغلب الاوقات لما نعرف الحقيقة بنبقي قاسيين لما نصدر الاحكام..
بنبقي جلادين ما بنلتمس الاعزار..
بنجهل الباطن وبنصدق ظاهر الامور..

دمتم بسعادة🌼

#Fatma_Gasmalla
                           

استغربت من ردت فعلها زاتي..
*امي امي
-انتي اسكتي وطيري ادخلي جوه ومن يوم الليلة يا سوسن بتك ما تتلما علي بتي انتي سامعة .
"طلعو مننا زعلانين بعد كلام امي ما قالو حاجة"
*امي دا شنو السويتي دا الناس جوك بإحترام تتكلمي فارغ كدا ليي زنبهم شنو عشان انتي متضايقة تقولي ليهم كلام حار كدا
"طق امي ضربتني كف اول مرة تمد يدها علي"
-قليلة الادب اوووعك ترفعي صوت دا تاني علي انتي فاهمة وادخلي جوه كان ما عرفت اربيك من الليلة بربيك من اول وجديد طالما اللين ما بنفع معاك حا تنفع القوة ادخلي قوامك جوه..
"دخلت ابكي دموعي عشرة عشرة "
*ياريتك ما امي يارب تموتي "بتبكي"

"بجوطة وكوراك"
*بسببك امي اتزلت عشان عواليق جاري وراها لكن وقسم بالله ما يمر الكلام دا علي خير "ماشة جاية"
"م ردا ومشي"
*اصلا ما منك رجا شوفي اقول لي في شنو يعمل روحو ميت ..
-خلي غلبت انا زاتي معاه
*معليش يا امي نحن العملنا للخ.... معالق .
بي حليفتا ما ابقي فدوي كان ما شلت ليك حقك .. عليك الله شايفين حالهم علي شنو احييي بس..
"ودخلت جوه عملت اتصال"
*الووو...

#العامراب
بالحيطة رفعت راسها
*يارقية رقية
"ردا بدوي"
-مرحب منو؟
*قول لي رقية سعاد دي من امس دايراها ضروري ولقيناكم مافي هسي تجيها ما تتأخر عليها.
-سعاد دايرة منها شنو؟
*ما عارفاها بس مستعجلة كلما
-سمح "بياكل لي في بطيخة خشمو مليان ومالي الجلابية ويديه ب مويتا" يشيل ويتف في البزور قدامو"
يا رقية رقية رقية
*ياراجل مالك بتجض الدنيا ما طايرة ها في شنو؟
-بنادوك قالو ليك سعاد داية الحبل ديك دايراك ضروري هي المرا دي مخرفة دايراك في شنو ؟
*دايرة بي شنو علي قولك كدي النمش عليها كدي ياراجل قوم توبي دا تحتك..
-ما تتأخري انا طالع عندي مشوار كدا ضروري ..
*مشوار وين ياتو يوم بقت عندك مشاوير..
-كدي امشي شوفي المرا دي وتعالي بكلمك.
*سمح
"مسافة الشارع ووصلت بيت ناس سعاد دخلت طوالي عليهم"
احيي يابتي اديني موية حلقي دا نشف دي سخانة شنو يااخواتي..
امك وين؟
-جوه اتفضلي اتفضلي
*مالا حاجة سعاد؟
-شكلها يا رقية بتدي في الروح خلاااااس.
"دخلت واتكلمت معها وبتها طلعت"
*حاجة سعاد سامعاني"بتتكلم بصوت عالي" رسلتي قلتي دايراني"
-منو رقية دي انتي؟
*اي مالك في شنو؟
"بقت تكح شديد فجأة وما قادرة تتنفس"
بتها جات جارية من بره
-مدينة مدينة امشي ليها مدينة...
*مالا مدينة ؟ يا حاجة سعاد
"كح كح كح بقت تتنفض "
ورفعت اصبعها بتها بقت تلقن فيها في الشهادة وسكتت والسكلبة الكواريك قامت..
وااااي وااااي وااااااي واليلة ووووب
يا امي يا امي مااااتت خلاص وخلتني الليلة وووب ياامي..
"ماتت وخلت رقية محتارة في شنو عاوزة توري ليها عن مدينة"
...
...
"بعد كدا الاحداث ح تبدا تسخن ونفسكم ح يتقطع معاي 🤫"

دمتم بسعادة☕

#Fatma_Gasmalla🌼

13/3/2014 - التاسعة صباحاً
نزلت من السرير حاسة جسمي تعبان وسخن جيت الحوش بره شايفة امي ك عادتها قاعدة في البمبر تحت شجرة النيم بتشرب في الشاي وراشة الارض موية سريرين حديد قصار مفرشات بملايات عادية موردة ، وراصة البنابر قدامهم مع ترابيز البلاستيك الخدرا وخاتة حفاظتنا ال حمراء وكوز الاستيل في واحدة فيهم .
وعيني لسيرمس شاي اللبن الطويل الاسود المورد والكبابي البيضا الشفافة عليها رسمة وردة خفيفة وفيها يد وبسكويت بركة البحبو وكابتن ماجد حق اختي الصغيرة "فرقنا من بعض كبير اظنها غلطة وجننا مشاكل " ما بتاكل غيرو مع اني شايفة طعمو كعب بس يلا الناس اذواق وهي ذوقا كعب...
وقفت شوية راجعت كل شي روتيني
بصوت مهزوز
*امي
مشيت قربت عليها اكتر
*امي بعدها حسيت جسمي ما شايلني .. ما قدرت امسك روحي ووقعت علي الارض .. سامعة صوتا بقي بعييييد صوت الكوراك كان برن في اضاني
"فقدت الوعي"...

دمتم بسعادة☕

#Fatma_Gasmalla🌼

تغني"
مالو👏🏻👏🏻
مالو سيد عيونو
الما بقدر اخونو👏🏻👏🏻
مالو👏🏻👏🏻
وينو سيد هنايا
وكيفن اعيش بدونو👏🏻👏🏻
وينو سيد الجوز
الشاي باللبن لونو👏🏻👏🏻

........
في الحلقة الجاية:

"دخل وقعد طوالي"
-ما مشيت العرس ولا شنو؟
*اي
جات قعدت جمبو واحدة
*اسمعي قومي من جمبي ما عندي نية ومزاج فيك الليلة..
دخل واحد تاني وشايل المعسل في يدو
اصوات ضحكهم عالية ماف زول واعي
شي بنات وشي مخدرات وسجائر مجدعة
وقتها كان بفكر فيها وكل ما تجي علي بالو دقات قلبو بتذيد ...
صاحبو مده ليه ابره
شالا منو وقام
-خير وين ماشي اليوم بدري كدا؟؟
*ولا شي وطلع طوالي ركب عربيتو وشغل اغاني بصوت عالي وطيران زايد السرعة..

دمتم بسعادة☕

#Fatma_Gasmalla🎈

ككرب فتح التأمين وقبل ما يقول حاجة سريع فتحت الباب وطلعت من العربية وقمت جارية جوه البيت دخلت الاوضة وقفلتها علي..
*البحصل دا شنو انا بحلم ولا دا جد مالو قلب كدا فجأة "وبتدعك في يدها"
"بعد اخدت بكيتي قمت دخلت الحمام غسلت وشي وعاينت تاني للعضة واثرها "واتفقعت بالبكي"
.....

"اليوم التاني - الصباح في المستشفي"
*صباح الخير عروستنا الحلوة
"خجلت من كلام مؤنس"خصوصا قدام امي الما عجبها كلامو..
اها حاسة بشنو قولي لي؟
-حاسة اني مرهقة كدا وجسمي بوجعني كلو وبطني عاوزة استفرغ بس.. فجأة ما قدرت اتحكم بروحي
"اووووع اوووووع اووووع "
جات الممرضة مع امي غيرت لي ونضفت الغرفة وبعدها جاني دكتور مؤنس تاني ..
جابوا لي اكل وعصائر
*ما عايزة نفسي مقفولة زحوا مني "دفرتو"
"امي شالت العصير وادتني ليه شربتو.

"مرت اربعة ايام بسرعة " امي وابوي وهبة ما فارقوني
في اليوم الرابع مع اخر جرعة اولي "بإستسلام"
* انا عايزة اموت انا حاسة بروحي تعبانة شديد ما حاسة اني كويسة "بألم وحزن"
"ابوي طلع هبة وامي لانهم قعدو يبكوا"
"دكتور مؤنس بهدي فيني"
*عروستي مالا اااا دا ما كان اتفاقنا اول!!!
"سكته"
ولا انتي ما رضيانة بي امممم؟؟
"خجلته وضحكته نزلت راسي"

"رقية وبدوي كالعادة بتناقرو"
"بعد مشت ل بت سعاد وسألتا من المرا بدري"
*رقية رقية الحجر اللخدر ها ما تطلعي
الساعة ماشة علي ١٢ بنلقاها ماتت حتها بسبب تأخيرك دا اصلك مرا كج.
-نباح نبيح والله انت دا بشفقتك دي تقتلا بعد دا اريتو نجي بفايدة منها ما تكون مخرفة..
*بنجي انا متأكد وسر مدينة دا كشفو علي يدي اصبري لي بس..
-"ضحكت"كررر علي يايمة الراجل فوت سويتو سر يابدوي .."بتضحك وبلمت وشها بالتوب"
هسي في الهجيرة والسموم دي مودينا ب رجولنا كمان..
*ارح ارح بطلي النقة..اجيب ليك قروش ااجر عربية من وين؟ ياها نترس في الردمية الحمرا دي كان محظوظين يصادفنا زول يرفعنا معاه..
"ومشي قداما هناااااك خلاها وراه"

"خاتي نقرك من عبدالسلام ومدينة مالك يابدوي؟"

دمتم بسعادة☕

#Fatma_Gasmalla🌼

لباب تطلع لحقها وجراها وطق تبعها بي كف "
*عايزة الاسلوب دا انتي شكلك انا زاتي بريد المرا العنيدة ..
"بقت تكورك وتكورك وتصرخ"
-الحقوني الحقووووني يا ناس الهنا الحقووووني
"جراها من يدها ودخلا الاوضة دفرا في السرير وطلع القاش ولما فيها ضرب من طرف"
* واااااي واااااي "بتبكي وتكورك بطول حسها وبتلولو " مجدي لا مجدي لا حرام عليك خلاص انا اسفة والله اسفة ما بكررا ما تضربني خلاص احيييي واااااي وااااي وااااي "صراخ وكوراك" جرت في ركن الاوضة وبقت ترجف خايفة منو " والله ما بخالف امرك والله ما بقول ليك لا ماتضربني بس ما تضربني
"بتتنهف وتتشهق وشها مورم وكحلا سايل عبايتا اتشرطت بقت ماسكاها وتلم فيها معصورة علي الحيطة ترجف كلها"
"جاي علي وبفتح في زراير قميصو"
*عارفة احلا شي في العلاقة الزوجية لما المرا تكون مكسورة كدا ..
-ابعدي مني اوعي تقرب مني انا بقرف منك اي بقرف منك ياخي..
و عيني جات علي باب الحمام قمت جارية ادخل جوه واتربسو لكن ما اداني فرصة جراني قبل اتصرف شداني من شعري وطلع تلفونو قربو علي وشي وانا الوجع عايز يشق مخي نصين...
"بصجة سنون وصوت حاد وتحميرة وقلبة عيون تخوف" بهز فيني
*عايني هنا كويس "بي صوت عالي" بتعرفي دا منو ولا ما بتعرفيه ردي بتعرفيييه؟
"دفرني علي الارض وانا ببكي ما مستوعبة ختيت يدي علي خشمي ومنهارة قعدت اكورك"
- لالا لالا "بهستريا بصرخ وببكي" ما بعرفو ما بعرفو قلت ليك مية مرة ما بعرفو...
*عرفت ردك يا بت ال... ولا اقول ليك الدعوة علي الميت حرام ...
يا عا....
طلع من قدامي وسمعتو طبل الباب علي...
"كرب كرب كرررب"
جريت زي المجنونة حفيانة شعري هايش والكحل سايل بضرب في الباب
"كوراك وصراخ عالي"
-انت السبب انت السبب اي شي كعب حا حصل لي انت حا تكون السبب ياالله تشوفو في اخواتك تشوفو في امك تشوفو في روحك..
الله لا يوريك يوم سمح ان شاءالله تموت يارب تموت ياالله اقتلو وريحني
"طاخ طاخ بضرب بقوة"
افتح الباب دا افتح لي "بكوراك شديد" والله ما اكون ليك وما حا تقرب مني برضاي ولا بدونو ...
جنيت علي الاخر اعصابي فلتت مني جريت علي التوليت شلت الريحة ورو رزعت بيها المراية اتهرست حته حتة "شوووو كرووو" جات مشتته واقعة

" ومن دون تفكر شالت قزازة وقطعت بيها يدها ...
الدم ...
الدم...
(اغمي عليها وهي شغالة بتردد في اسم واحد)

دمتم بسعادة☕

#Fatma_Gasmalla🌼

بجامة من الشنطة"
قومي غيري هدومك دي ما تمرضي وانا بستناك بره
" وطلع قفل الباب... "
غيرت هدومي ومستغربة ومن جواي مؤنس طلع حنيين كدا ياربي بحبني ولا بتصرف معاي كدا عشان عيانة ساي..
"جاني صوتو من ورا الباب"
-شوق خلاص انتهيتي؟
* انتهيت
-يلا الغدا جا ارح ناكل في مكتبي طلبت ليك الاكل البتحبيه.
فجأة
*هييييييي جنس سرحة هي ها ها هييي ها..
-الله شنو اقول ليك ياخ صحيتيني من احلا احلام يقظة..ما نحلم
*عليك الله احكي لي حصل شنو وصلتو مرحلة العقد عقدتو ولا لسه انطقي..
"ونحن بنضحك"
"جانا صوت"
-دا منو العقد؟

دمتم بسعادة☕

#Fatma_Gasmalla✍🏻

بقى بعاين لي...
-الله ريحة حلوة
"حسيتو انفعل لما شماها باين في ملامحو"
-خلاص خلصتي
*انت شايف شنو؟؟
" قرب مني بدون احس انا زحيت لي ورا بعدته منو"
-يلا خلينا نمشي
"وطلع قدامي"
"في مفاجأة قوية منتظرة فدوي"

"مستشفي الزهراوي"

"الليلة جلسات الاشعة بتاعتي حا تبدا"
سلمنا علي دكتور مؤنس الكان براقب فيني وانا كنت كل مرة والتانية بديه نظرة
"بتكلم مع ابوي"
*في دكتور عثمان هو الحا يبدا ليها الجلسات دي لكن انا متابع معاكم .. ح تكون "33 " جلسة مدة كل جلسة "15"دقيقة حا يوزعها ليكم علي ايام الاسبوع الا الخميس لانو فيه جرعة دوا كيميائي ويوم الجمعة نخليها ترتاح فيه.
"ما كنت مركزة في كلاموا بقدر ما في احلام يقظتي كالعادة دي حاجة بعاني منها طوالي "
*شوق اها مستعدة للمرحلة التانية محتاجين قوتك يا بطلة
-"بإبتسامة" انا ليها اكيد "برغم الخوف الجواي "
دخلوني غرفة الاشعة وبدت اول جلسة..

"ياتري شوق حا تستحمل؟

"وش حزين"

دمتم بسعادة☕

#Fatma_Gasmalla✍🏻

مرض البت وعشان عبدو لكن كنت زمان كرشتك من بيتي .. ما لازمني.
-بيت اخوي يا مدينة رضيتي ولا ابيتي قااااعدة في بطن البيت دا ما ماشة شبر.
وهووووي انتي اولاد اعمها يا يمة يتختو علي الجرح يبرا تلقي زيهم وين ياها مصيرا تعرس منهم . يايمة علي السرور وداخوي بعيبو شنو.
* ود اخوك السمعتو سابقاه دا من كمبو لي كمبو كل يوم انصاص الليالي جايبنو سكران انتي قايلا عبدو ما جايب خبر اي شي واصلوا وعارفو.. هو كان نافع عليك الله انتي كان خليتي ل شوق.. المدسدسنو دا انا عارفااااه ودقش اضاني زمااان
- هووووي يا مدينة "قامت من محلها وجدعت توبا من نصها وصفقت ليها صفقتين وشطحت حسها بصوت عالي" اشختي شخيت وامشي بعيد يايمة مالو علي.. عاد علي السرور جيبو ملياااان وسايق التوسان.. يختي الف بت تتمناه.. وكان علي المبارياه بتك كان والبتصرف علي دا خلي يصل للوصل ليه علي.. مفلس وسفنجتو مقطوعة بتك يا يمة الما جايبة خبرا حايمة مع منو في ليلا ونهارا تشيل لي في الحشوات قايلاني ما عارفة سمعتهن بأضاني دي بتقول لي هبة.
هو انتي عرفتي تربي ولا عبدو عرف يربي.

"مدينة سكتت تم بعد كلام رقية وراجلا الكان واقف يشيل ويضحك ويقشر في التسالي والفول ويشرب في الشاي"

"ورا الباب بتاع البرندة"

*يعني شوق ما اختي؟!!!

دمتم بسعادة☕

#Fatma_Gasmalla✍🏻

اتراجعت ولا اتصرفت وين حضرت الاستاذة أشجان؟
- ما جات من اول امس عيانة شوية و اخدت اجازة مرضية.
* هههه والله غايتو شغلة هو كل يوم بتمرض أشجان دي هسي ما قبل كم يوم كان ماخدة اجازة مرضية برضو..
الكلام دا كدا ما بنفع وبسببو المدير جاط فيني انا وهي حضرتا ما شايفة شغلها كويس..
- معليش يا استاذة نجاح اعفي ليها هي عيانة بس.
* استغفر الله العظيم ..
شنو هي قايلة المستشفي دي حقت ابوها ..
اي مصيبة كبيرة وصغيرة بتقع في راسي وبعدين الناس الشغالة دي مش برضو عندها حقوق يعني اعفي ليه عشان اهمالها..
والله العظيم انا لو ما مرة جاتني و حنستني كنت رفدتها زمان ..
لكن خلاص انا تعبته منها ما شايفة شغلا كويس نهائي..
- طيب اعمل شنو هسي اتصل بيها تجي؟
* لا حا امشي براي اشوف الحاصل شنو وبعدها امشي اشوف حضرة الاستاذة دي وين..
- لكن يا استاذة نجاح كدا حا تتأخري انا اعمل شنو مع الناس البره ديل بدو يجو؟
* ناس منو؟
- انتي نسيتي؟ الليلة اول يوم في التقديم للوظايف الفاتحنها
* ااخ تصدقي نسيتو لكن ما مشكلة انتي اعملي المقابلة وشيلي السي في منهم واكتبي لي الملاحظات عن كل زول واطبعيها وارفقيها مع السي في..
- حاضر
*وشكلي حا انزل اعلان ل محاسب جديد بنهاية اليوم دا ..
-تمام
"اتفضلي تقدري تشوفي شغلك"

"انا وابوي جينا البيت وبعد فترة حا ارجع المستشفي تاني لجرعة الكيماوي"

*هبة سوقي اختك دي جوه ساعديها
"امي كانت قاعدة وزعلانة من كلام رقية القالتو"
"بصوت مرهق ياالله طالع مني"
-هبة اعملي حسابك دكتور مؤنس عزمنا لعيد ميلاد بت اختو وحا يجي يسوقنا قال..
*ما ماشة ما عندي مزاج اطلع
-شنو؟؟ عندك حمي لالا ما شديدة شكلك "ضحكت"
*عايزة حاجة تاني
-هبة مالك في شنو؟ ما عاجباني !!
*تعبانة بس ياشوق عايزة انوم
"رقدت في السرير واتلفتت علي الحيطة"
-الا حد زعلا هبة دي ما براها امي زاتا شكلها زعلانة كانت اكيد ديل رقية وراجلا معليش يا امي بكرا ابقي كويسة وبعرف اتصرف معاهم كويس.
عطشانة عايزة اشرب هب... ولا احسن اقوم براي بالمرة اشوف امي دي مالا..

"بدوي ورقية بتونسو"

-كملت من لحم الدنيا البنية شوفا جات كيفن
* بتموت لكن المرض دا اي زول مسكو مات بيه ماااا بعيشو تتزكري حاج اسماعيل جاه ومات .. وود سيدة فريق ورا داك برضو مات بيه حالتو شاب اصغر من شوق دي يكون..
-الله يكفينا شر الايام الجاية دي امس بتكلم مع الرضية بالتلفون بالليل قالت لي رجلي دي تشيل وتقرص فيني قلت ليها الله يستر علي بت عبدالسلام.
*مفروض مدينة تجهز اي حاجة زاتا
-ها مرتو الشايفاها عيني دي خملة تلقي التكتح ما عندها هسي..
الا ارجع العامراب اجيب الكفن و...

"قاطعهم صوت خلاهم يسكتو الاتنين"

*الاعمار بيد الله مش إمكن تموتي انتي اول..

دمتم بسعادة☕

#Fatma_Gasmalla🍂

جيت لأختي فإستغربت وجودك هنا
*ما غريب الا الشيطان عن إذنك مستعجلة
-ممكن اسألك
*"وقفت في محلها وقلبت عيونا ورجعت اتلفتت عليه"
-كان عن مجدي انت ادري بالموضوع اكتر مني اتخيل لي
*لا ابدا بس انتي اسمك فدوي منو؟
-فدوي مختار عايز شي تاني؟
*عندك اخو اسمو وائل ؟
-وائل انت بتعرفو من وين اي اخوي!!!
*ما بعرفو بس عرفت من دمكم واحد
-دمنا واحد؟؟؟ قول كلام منطقي
*"ضحك" تصدقي او لا مشكلتك لكن جد عرفتكم بالدم...
-لاقيتو وين انت ما كنت مع سيف لا في العقد لا في الخطوبة غريبة كنت وين اليوم دا؟؟!! "قالتا بإستغراب"
*حا اقول ليك شي بس ما حا تصدقيني انا عارف
-المؤمن صديق قول ساي
*انا بشوف "وحكه شعرو بيدو"
-"نططت عيونا تعاين ليه"
*هههههه ما تخافي قصدي يعني في حاجات بحلم بيها بتحصل قدامي صحي فترة كنت حا اجن بسبب الحاجة دي وتاني بقت لي عادية..
-ودا علاقتو بي شنو؟
*شفتك
"بقت تعاين ليه"
-انت جادي؟؟؟
*كل الجد وكنت بسأل روحي يوم الحادث اني شفتك وين ..
"ما استوعبت السمعتو دا وقلت ليها فجأة"
-وائل اخر مرة لاقاك وين؟
"استغرب من ردي وتغييري للسؤال بالطريقة دي"
*شغال مع ابو مجدي في دكان بصل في سوق ال....
"اتحركته من قدامو بدون ولا حرف تاني"
"جاني صوتو"
*في شي تاني!
-"ضحكت وهزت لي راسها دلالة في شنو الليلة انت واتحركت واصلت طريقا"
*ما نفسك تعرفي زوجة مجدي الجديدة منو؟؟
"وقفت وردت ليه بدون تتلفت"
-منو؟
*اسمها اماسي شغالة في المستشفي هنا وكانت صاحبة مرتو الاولي اشجان ..
حا نتلاقي قريب؟
"استغربت برضو من طلبو التاني ما رديت واتحركته ما كنت منتبهة طقشت بت عاينت لي بدون تعتزر عايزة اسمعها فارغ اتلفته شفتها مشت عليه"
*دي اختو القال عليها
"انتبه لي بعاين ليهم ضحك ورفع لي يدو بعلامة اتنين ووجها علي.."
-مجنون "ودخلته المستشفي"

........

"التلفون ضرب عاينت ليه مؤنس ما قدرت ارد لانو امي قاعدة شلتو وبراحة دخلت غرفتي رقدت في السرير اخد راحتي اكتر والضحكة للضروس"
*الووو مؤنس
-حبيبي اتأخر في الرد مالو
*حبيبتك؟!!
-اها رايك شنو ما حبيبتي انتي؟ التلميحات دي كلها ما فهمتي حاجة ما افتكرتك غبية!!!
*انا ما غبية بس قلت ما اتسبق الاحداث واخت روحي في موقف بايخ احتمال تكون مرتبط!!
-ههههههه لا
ومن يوم شفتك عجبتيني بت عفوية ودغرية وبعدين اتعرفت بأهلك ناس محترمين وابوك زول ماشاءالله الواحد يفتخر بإابو زيووو زول فاهم شديد ..
صنيتي مالك..
*بعاين في الباب زي سمعت حركة خايفة امي تدخل فجأة وتسوي لي مشكلة..
-مالو اديني ليها بالمرة عايزا انا زاتي
*عايز منها شنو؟!!
-عايزين نجي ل حد كدا نطلب يدو
*مؤنس "بصوت رقيق"
-بس انا جادي لكن كلمي اهلك عشان نجي انا عايزك مرتي ولا انتي عندك زول؟؟؟
*لالا لا ما عندي
*خلاص خلصي الموضوع دا سريع انا عاوز نعرس طوالي
قولي لي!!!
-اقول ليك شنو؟
*الكلمة ديك!!"امممم ها منتظر"
-بحبك "وقفلت التلفون بسرعة يدي عرقانة وقلبي دق دق ونفسي حسيتو كتم ما مصدقة الحصل دا "
"دخل اتصالو تاني ما كنت قادرة ارد من الخلعة والرجفة"
انا احسن شي اشوف هبة وننزل نفتش فستان الزفاف والكوافير الموضوعات دي بتاخد زمن .. حا نكون عاملين كيف؟؟
اهم شي فدوي حا تموت منتظرة اليوم دا لما تعرف اني جبتو دكتور كمان ولا مجدي بتاعا العاطل دا ... اقسم بالله اسوي حفلات اسبوع واهجج هجيج ..

*شوق شوق "بهزة خفيفة"
"اتهجمته"
-امي في شنو؟
"*اجي يابتي النومك هنا في الكرسي بالطريقة دي شنو وقاعدة وعرقانة في السخانة دي قومي ادخلي الاوضة جوة..
"قمته من سكات وراسي لافي ما مصدقة دا كلو حلم حسيتو كأنو حقيقة ااه ياراسي"
"علي الاقل سرقته لحظات فرح ابتسمته ودخلته"

"في عرس ولا كيف وكيف؟!!"

دمتم بسعادة☕

#Fatma_Gasmalla✍🏻

ي دي .. اريت لو ابوي قاعد ما اظني كنت اتشلهته كدا..
"نهلة سكتت وهي اصلا عينها علي وائل من يوما"
اوعي تقولي القلتو ليك دا لي زول يا نهلة فاهمة ما حكيتو ولا ل أمي..
-عارفاني ما بتاعة نقل كلام.

"اليوم عدي وانتهي علي كدا
اصبح يوم جديد "

"بنات السكن جو راجعين الصباح من النبطشية مع فتحت الباب لقو أشجان واقعة مغمي عليها..
قعدو يصرخو وشالوها جري جرو بيها المستشفي"

*هبة اصبحتي كيف الليلة امس ما كنتي كويسة
-الحمدلله تعب الايام الفاتت دي كويس اننا مؤجزين الاسبوعين ديل
*معليش يا هبة بسببي وامتحانات التجريبي قربت انتي ما قريتي حاجة
-بفكر اجمد السنة دي
*جنيتي تجمدي شنو تجتهدي تقري بس الزمن الضاع ليك دا لسه عندك وقت..
-ما بنجح يا شوق ما قارية حاجة
*رايك شنو اكلم ليك دكتور مؤنس يراجع معاك الكيماء والفيزياء والاحياء والرياضيات والعربي والانجليزي ديل ادخلي ليهم حصص..
-كويس موافقة
*اها غيرتي رايك لعيد الميلاد تمشي معاي؟
-"ضحكت ليها " بمشي اي وريتي ابوي؟
*ارح نكلمو هسي
"جو طالعين قبال ابوهم يطلع"
*ابوي ابوي
-"ردت مدينة" اها جوز اللوز مالكم جيتو متباريات؟
*امس مؤنس عزمنا علي عيد ميلاد بت اختو الليلة عايزين نمشي ليه؟
-لا وانا اتأخرته مستعجل عيد ميلاد شنو كمان..
*ابوووي لي لكن
-مدينة اتكلمي مع بناتك ديل ..
يلا ودعتكم الله.
"طلع وبدت النقة بجاي.. بعد امهم وابوهم رفضو جو داخلات الاوضة ينقو"
*حا نمشي يعني حا نمشي
-كيف بس يا هبة انتي ما عارفة امي وابوي لما يقولوا لا خلاص لا..
*ياخ انا زهجانة يا شوق كان ما طلعته بموت مفروض يراعو لمشاعري ويخلونا نطلع نغير جو..
لقيتا عمتي!!!
-هيي المرا دي اختيها
*ياشوق ما عندنا غيرا نقول ل ابوي خلاص زهجانين عمتي قالت بتمشي معانا عفراء ناكل ايسكريم وفشار وبنرجع طوالي رايك شنو؟؟
-موافقة بس حا تقولي لعمتي شنو؟
*خلي الكلام دا علي بعرف ليها كويس..

"بقريب المغرب"
"جات رقية ل عبدالسلام"
*عبدو عبدو اسمعني هنا انا يا اخوي زهجته ونفسي في الشي الزي الداندرمة دا
"قرقر مدينة ضحكت"
-ايسكريم يا رقية
*ها انا نسيت الاسم وسايقة معاي هبة وشوق قلت نفرق شوية البنات محبوسات ما بطلعن ..
"مدينة ردت"
-خليهم يا عبدو لينا زمن ما طلعناهم ترا من مستشفي لمستشفي ..
*كويس يا رقية لكن سوي حسابك ليهم بدوي بمش معاكم؟
-اي بنسوقو يحرسنا
*بدوي الشايفا عيوني دا انتو البتحرسوه ما هو..

"كنا واقفين نتسمع جرينا الاوضة وبقينا ننطط .. لبسنا سريع وكنا طايرين بالفرح"
"شوق كانت حاسة بإرهاق وتعب لكن حماسا انو تشوف مؤنس كان اقوي "
"طلعنا من البيت ركبنا تكسي وجينا اولا عفراء اكلنا عمتي وبدوي الداندرمة القالوا عليها ولفينا بيهم المول ..
*عمتي انتي وبدوي خليكم هنا نحن داخلين نشتري لينا ارياح وكريمات من جوه وبنرجع هسي.
-سمح ما تتأخرو
"في الوقت دا شوق كانت ضربت لمؤنس يجيهم المول يسوقهم فهمتو انهم طلعو مع عمتهم "
*عليك النبي يا رقية نحن مدفونين بالحيا ساي شوفي كيفن الناس دي عايشة هنا..
-كررر علي لا قرينا لا بارينا
*ارح ارح لهناك نفرج عيونا دي لي الزمن ساي
-بنات اخوي ديل بجن مابلقونا
*بنجي بنجي سريع ارحكي ارح..

"طلعنا انتظرنا مؤنس جانا بره ركبنا معاه وجينا حفلة عيد الميلاد"
"من دخلته ما كنت كويسة مشيت كم خطوة كدا وحسيت انو في بلوة حا تحصل لي ناديت بصوت واطي"
*هبة هبة
"وبعدها فقدت السيطرة علي روحي وقعت مغمي علي "
"عديت ساعة وانا فاقدة الوعي صحيت"
الاجهزة موصلة فيني
جهاز النبض واكياس السيروم وجهاز التنفس..
*انا وين ؟ الحصل لي شنو؟
"بإنفعال وخوف"
جاتني الممرضة وبعدها دكتور مؤنس جاداخل.
*حمدالله علي سلامتك..
-الحصل لي شنو؟
*شوق اهدي انتي كويسة
"كنت خايفة شديد من اني رجعته انتكسته ولا حاجة ستين سؤال وسؤال في راسي"
"بقيت ابكي شديد"
-انا عايزة امي عايزة ابوي نادوهم لي جيبهم لي يا مؤنس..انا مالي حا اموت؟
*شوق شوق عايني لي هنا
كل الحصل ان مناعتك بقت ضعيفة لانو حصل ليك انهيار مفاجي للكريات البيضاء بسبب الكيميائي وصلت صفر..
-يعني شنو؟
*يعني ماعندك طاقة زي ما بنقول وبقي لازم نعزلك من الناس في الغرفة دي عشان نحافظ علي صحتك ..
*ليي تعزلوني؟
-لسلامتك ياشوق من اي فيروس ممكن تصابي بيه بسهولة لان جسمك ضعيف.

"في المول"
*بدوي بدوي سجم خشمي ياراجل نحن رحنا كلو منك مش قالوا لينا خليكم قبلكم مالي انا البسمع كلامك كررر علي الليلة البرجعنا منو ياهو البفتشونا بالجرايد خرج ولم يعد ولا الواصطاب..
-انتي يامرا مطرطشة ولا شنو كدي رقم اخوك كم؟
-بري ما عارفاه انت شايل تلفون منظرة ترا الليل دا كلو وس وس وس وما عندك رقم عبدو ..
*ارح ارح نركب اقرب تكسي بوصلنا..


دمتم بسعادة☕

#Fatma_Gasmalla✍🏻

ليك حاجاتك من بكرا ان شاءالله يومين وتسافر حا افقدك جد ..
*معقول انا اقدر اخليك وراي استلم الشغل بس وارتب اموري وطوالي ارسل ليك

"بدوي ومدينة بقو منتظرين لما الراجل الرسلو ليهم ودالسايح جاهم ووصلهم بيت عبدالسلام عديل مع نزلتهم وقف تكسي نزلو منو هم"
"بدوي اتكلم"
*تعالي هنا يا منعولة انتي واختك التانية دي "منفعل جا قصاد هبة داير يضربا"
-انت جنيت يابدوي
"مسكو وزحاه"
*خلي الادقها ياعبدو قليلات الادب يخلونا في المول ويطشن ما نعرف الدرب بي وين!!
-والله يا عمتي ما خليناكم
*"طلع مركوبو" ولفاها بيه
"زحت منو"
"بقي شغال يكورك ويتكلم فارغ"

"عبدالسلام تعبان ومدينة نفس الشي ما فيها حيل للمشاكل نص الليل فتحو الباب وجرا هبة قدامو ودخلو خلوهم بره واقفين ينقو ويهرجو "

*شايفة يارقية اخوك زاتو بعلم بتو ما تحترمني
-بدوي في شي ما ياهو شوق وينا وكانوا وين؟
كدي ادخل النشوف في شنو؟

"اليوم انتهي علي كدا وبيوم جديد"

"مستشفي الزهراوي"
*حا نركب ليك محاليل وسيرومات وتاخدي حقن للمناعة برضو
بالاضافة لادوية ومضادات جرثومية..
-دا كلووو انا بكره الحقن لكن
*ما تخافي يدي باردة ما حا تحسي بيهم ان شاءالله.

"مرت كم يوم علي قعادي في المستشفي كانت اسوأ ايام حياتي لا بقدر اشوف امي لا ابوي لا هبة زايد اوردتي كانت ضعيفة شديد ومن كترت الطعن بقت ما قادرة تقبل حقن اصلا.."
لدرجة مرة ركبوها لي في وريد برجلي"

*صحيت من النوم بحك في شعري حسيت بشعر نزل في يدي خفته وقتها وقمته دخلت الحمام اول مرة اركز مع نفسي وشكلي.."
*بقيتي غريبة يا شوق
"خللت يدي في شعري لمست فروة راسي بقت شبه صلعة شعري كان نازل كمية"
"طلعت من الحمام سريع شلت طرحتي ولفيتها شديد .."
*احسن شي ما تفكري يا شوق ما تفكري خليك ايجابية وبس..
"رقدته في السرير زي الما حصل شي"

................

*نهلة نهلة "طق طق باب الاستراحة بدق"
نهلة افتحي الباب
"مسكت التلفون واتصلت بيها"
اصلها دي نايمة كيف الله
"كررب فتحت الباب ما مجمعة شعرها منكش وعيونا مدفنات حمر"
-بزهجة"ياخ في شنو انا شغالة الليلة خلوني انوم ياخ خمسة دقايق قبال نبطشيتي تبدا ابكي ابكي..
*نهلة أشجان ماتت
"الكلمة دي زي صعقة الكهربا كانت سمعتها بعيييدة مع نعستي ديك"
-"بهجمة" انتي بتقولي في شنو
"جريت جوه ما عرفت اسوي شنو شلت هدومي
بتين دا يا توسل..
*هسي يادوب بنحاول نتصل بي راجلا رقمو مقفول بجينا..
-ما شغال داك عندي الرقم الجديد
"كنت ماسكة دمعتي مديت ليها التلفون بتلقي مسجل بمجدي لبست سريع وطلعته"
مع دخلتي الغرفة ما قدرت امسك روحي بكيت بكيت بكية حارة..
"وهي بتقول لي"
"يانهلة والله انتي طيبة خلاص كتر خيرك بتتزكريني تخلي شغلك وتجي تطمني علي وما بتقصري تشوفني اكلت وشربته ربنا يجزيك خير يارب"
"نهلة انا حاسة روحي حا اموت .. عايزة اوصيك كان مته تمشي استراحة مستشفي ال ...
تشيلي حاجاتي وتوزعيها للمحتاجين صدقة لي واقري لي قران انتي وصاحباتك انا ماعندي لا ام لا اب لا ولد يقرا لي"
توسل جات مسكتني وطلعتني..

*نهلة ادعي ليها اللحظة دي
-وجعني موتا يا توسل وجعني شديد ما تستاهل الحصل ليها دا لشنو
اتعزبت شديد اخر اياما دي انتي عارفة لقوها مرمية في الاستراحة من بالليل ماف زول جايب خبرا اتخيلي الدنيا دي قاسية كيف..
ياخ دي بعد الحاصل ليها دا كانت بشوشة ما حصل دخلت عليها لقيتا مكشرة دايما بتضحك في وشي الوحيدة الكنت مرتاحة ليها وبدخل عشان اشوفا واتونس معاها..

-استغفر الله يا نهلة يوما تم ربنا يرحمها

"ما عارفة انا بكيت عليها كدا لشنو بس حقيقي الزي اشجان دي ما بعيشو في الحياة لانهم طيبانين اكتر من اللازم ظاهر في وشهم ."

الي أشجان:
"ربنا يرحمك ويغفر ليك "

"سنموت وتموت معنا كل الاشياء التي كنا نتمني ان نبوح بها ولم نستطع.."

دمتم بسعادة☕

#Fatma_Gasmalla✍🏻

في الواتساب والفيس بوك وكنت قاصدة بيها زول بعينو"
كتبت:
بعد آخر محادثة بيننا
أيقنت أني ... بقلبك
"ختت قلب ووش خجول"
-رتبت ليك شنطتك ادخلي الحمام اساعدك
*لالا شكرا انا كويسة
"جيت طالعة من شافوني امي وهبة قعدو يبكو"
-امي امي "ضمتني عليها شديد اه راحة ما بعدها راحة"ابوي وهبة جو علي وكانت احلا لحظات حسيت فيها اني بحب اسرتي شديد وبحمد الله علي النعمة دي وحبهم لي"
"طلعنا وجينا البيت "
بصوت عالي ياخ اشتقت لي بيتنا

"بدوي ورقية"
*اها راس الهوس جابوها
-منعولة زي الصغيرة واحد
*سوي حسابك منهم يا بدوي الكبيرة دي ياها البتوجه الصغيرة اصلها ما هينة
-قومي ارح نسلم عليها هسي يقولو ما دايرين ليهم الخير براهم كدا ما طايقننا
*اي ارح مع انهم ما بستاهلو اجر لله ساي.

"دخلت غرفتي استحمي لاني ما قدرت استخدم الحمام هناك بسبب الانابيب الكان موصلنها فيني وتاني ما كنت قادرة اقيف كويس طاقتي ما مساعداني"
"عاينت ل روحي في المرايا زحيت الطرحة الكنت داسة بيها شعري الوقع"
*خلاص يا شوق اتقبلي الحصل
"جريت الباقي وختيتو في الطرحة "
تغييير زاتو وموضة
"عاينت نظرة اخيرة لشكلي الجديد وبعد طلعت من الحمام شلت فوطة صغيرة وربطها في راسي وطلعت عليهم"
*ياسلاااام منتظرة يوم بكرا اشوف نتيجة التحاليل والصور حاسة إني اتغلبت عليه
"ضحكت لما اتزكرت مؤنس ".

...........
"حالة جديدة"
فتحتها عاينت ليها وعوجت خشمها"
"وبغيظة"
-والله وعرفتي تحبي كمان...

نشوف الفرحة دي حا تدوم ولا بحصل شنو؟!!!

"ملحوظة: سامحوني معليش مفترض انزل باقي الحلقات لكن ما كتبتهم انا وبتي تعبنا شوية ما خلتني اكتب ح انزل الحلقات عادي ان شاءالله💛"

دمتم بسعادة☕

#Fatma_Gasmalla🌼

سرعة
"قفلت"
"رجعت وفتحت الواتس وبقت تعاين مخلوعة"
-امي
"كروو المعلقة وقعت من يدها"
-امي وائل
*في شنو وائل مالو "بخلعة"؟
"مدت ليها التلفون وقامت جارية جوه
"عبايتي وينا وينا بقت تفتش فيها بالخلعة كانت لابساها وما حاسة بيها"
"امها بقت تكورك تبكي"
*الليلة يا وائل والليلة والليلة ياولدي
"بتبكي وتولول"
قلت ليك قلت ليك يا فدوي قلبي دا مقبووووض
ياحليلك ياوائل ويااااحليلك
"يدها بترجف شالت التلفون من امها"
انا طالعة اشوفو
-تشوفي وين
"تقش بتوبا في وشها"
ارح لعمك عبدالسلام نمش وين نحن عندنا منو
*امي اطلعي ارح استعجلي
"ما عارفة تسوي شنو "
"وصلو الباب مع فتحتهم"
"صوت النجدة الشرطة جات"
"الجيران اتلمو واي زول فتح بابو وقف يعاين في شنو"
-اولهم شوق وهبة طلعو في الكرسي يعاينو بالحيطة
اجري اجري يا هبة كلمي ابوي عاينيهم ببكو كيف خالتو سوسن لما بترجف اجري خلي يطلع ليهم..
"هبة جات مخلوعة جارية"
*ياابوي ابوي الشرطة بره جات ناس خالتو سوسن وفدوي وبجرجرو فيهم
-اجي "مدينة قامت مخلوعة"
"بدوي ورقية"
*في شنو الصوت دا
" وجو جاريين وكرررب فتحو الباب وقفو بره يعاينو"
ما قلت ليك يا رقية المرا ام... دي ما هينة انا يومي بعاين ليها هي وبتها دي طالعين وداخلين بالليل وراهم حاجة ما سااااي انا عارف عارف ...
اها الليلة انكمشو
-يكونو سون شنو يا بدوي؟
*اتلقي سرقن ليهن شي وهم زاتهم قاعدات براهن كدا لا راجل لا ابو ناس الفريق ديل مخلنهم كيف كدي غايتو "يطق في يديه".

الفريق اتقلب ملعب كورة بس الناس دي متلمية تتهامس وتوسوس..
"عبدالسلام لبس سريع وطلع عليهم رغم اعتراض مدينة انو ما يتدخل ما اشتغل بالموضوع"..
..........

*كدا واااااحد
"معليش يا وائل ما كنت دايرة ليك كدا...
بس كلو بيتصلح..
اتنين ان شاءالله تأديبك علي يدي جايي..

............
"في بيت ناس نجاح"
"الفيديو وصل سيف وقام علي حيلو "
*في شنو نطيت كدا
-دقيقة
"مسك تلفونو اتصل ب مجدي"
الووو شفت الفيديو؟
*"بضحكة" اي بتفرج فيه هسي
-مجدي ما تكون دا انت؟؟
*مالك يازول هو اي حاجة كعبة معناها انا
-تمام بتمني كدا
*سيف انت مالك شايفك بقيت متغيير الفترة الاخيرة ..
اللمة بقيت ما بتجي لا شيشة لا قعدة معانا لا ضمنة لا غيرو مالك يازول.
- "يهدي من يشاء " امكن الله هداني
*هههههههه تمام ويهدينا كمان
"قفل منو وبضيق قام طلع وجا راجع تاني"
نجاح ما قلتي لي وين شغالة؟
-ولا حا اقول ليك!!
"مؤنس وسيف عاينو ليها بإستغراب"
*"بضيق" تمام احتفظي بي لروحك ان شاءالله ينفعك كويس .
"طلع زهجان"
.............

في الحلقة الاخيرة بكرا ان شاءالله

"دمعتا في عينا "
"مدت ليها الورقة"
*هاك دا عنوان ابوك...
امك الكعبة دي دا طرفا منك خلي الاربيك ويعدل ليك حياتك هو زي ما قلتي...

دمتم بسعادة☕

#Fatma_Gasmalla🍂

مو .
-لا ما بتمشي محل الندخل اسوي ليك الشاي..
"دقت يد بيد وضحكت"
- والله غايتو جنس خدمة انا ما بسووها لي
"امها ما اشتغلت بيها ومشت علي المطبخ بس هي هاجت"
انتي بتسوي لي كدا لشنو انا برضو بتو زي ما هي بتو لشنو تحرميني من الحق دا ما كفاية انك ظلمتيني السنين دي كلها ..
"شوق زحت لي ورا وتعاين لي فدوي من الخلعة ما اتكلمت بس طلعت سريع من بيتهم ودمعتها في عيونا"..
"كرو روو كرووو بتضرب في بابهم بالحجر"
"فتح ليها بدوي "
*شوق بتبكي مالك؟
"ما اتكلمت معاه ودخلت طوالي"
"كورك لي رقية "
-رقية شوفي بت اخوك دي مالا جات من ناس السجون ديل تبكي اخوك دا زاتو مرات غريب يخليها معانا ولا يوديها للغربا.
*خلي دي مرتو اصلها كان ما ضيعت البت ما بترتاح ما مابتها تحافظ عليها كيفن..
"شوق واقفة وسامعة"
"بصدمة"
-منو الما امي؟؟؟
.....ً.........
"قريب المغرب"
*شوق يابتي افتحي لي الباب دا هاك اكلي ناس ابوك ديل هسي بجو بجي بشيل حالي..
"في الواطا قاعدة متكلة علي الحيطة بتبكي وشها مورم وعيونا حمرا بتراجع في كلام بدوي"
-ابوك طلق امك وشالك عمر يوم اظن وبعدها عرس اختها مدينة وهي شردت ما معروف ليها اتجاه ..
*صدمة حياتي لييي تسوو فيني كدا .. ليي يا ابوي انا ما قادرة اصدق الحصل دا
"بتبكي وتتشهق وتتنهف "
وفدوي تطلع اختي اااه ياراسي ما قادرة استحمل..
"جاها كلام رقية"
-ارح معانا "كمبو العوجا" ومن هناك نفتش امك وين..
افتحي الباب دا يابتي..
"ختت ليها الاكل في التربيزة جمب الباب ومشت"
راسك دا قوي خلاص.

"افكارا مشتته بعد مسافة فتحت الباب مشت خطوة ورجعت تاني"
"نطت بصوت بابهم بدق شديد ديل هم جو مشت علي الباب زعلانة شديد"
فتحتو!!!
*الشرطة
"بدوي ورقية جو "
مش دا بيت عبد السلام محمد ناصر.
"ردا بدوي"
ايواا سعادتك
-البركة فيكم الناس ديل سوو حادث في شارع القضارف مدني والفي التكسي اتوفو كلهم..
"ما بين مصدقة وبحلم"
"طلعت صرخة قوية وخلعة نطيط عيون"
"رررب وقعت في الارض"
* وااااااي امي ماتت وااااااي ابوي مات هبة ماتت
"قامت جارية الشارع حفيانة بدون طرحة بتكورك بطول حسها"
انا الما ودعتهم الليلة ماتو وااااي انا وااااي يا حرقة قلبي امي ماتت يا فدوي امييي ماااتت
" رقية وبدوي جرو وراها ماسكنها"
"ناس الفريق بالكواريك طلعو مهجومين"
"لا حول ولا قوة الا بالله البقاء لله"
"من شافت سوسن جرت عليها"
*وااااي واااي خالتو سوسن وااااي واااي انا يا خالتو سوسن ابوي مات يا خالتو سوسن فاتو مني خلاص
هبة ماتت يافدوي ماتت
"قلدتا عليها"
"واااااا ااااااا ااااااا كواريك وصريخ"
"رقية جات جرتا من يد سوسن وساقتا جوه .. الوقت دا بدوي لملم ليها هودما في الشنطة وكلها ساعة زمن"
"تييييت صوت بوري وعربية فخمة جات وقفت بره"
*رقية ارح ارح جيبيها..
"الناس كلها تعاين بعيونها ماف زول سألهم ولا قرب منهم"
-ارح ارح يابتي ..بدوي البت دي مالا بتترتح كدا بقت
"قبل تطلع العربية وقعت مغمي عليها من بين يد رقية .. بدوي شالا ورفعها جوه "
العربية اتحركت في وداع اخير

ويا عالم شوق مصيرا شنو!!!

#الأخيرة

التغير للأسواء مخيف الي ان يصبح لذيذ!!
#نلتقي
#الخطابة

دمتم بسعادة☕

#Fatma_Gasmalla✍🏻

ليها بالجمبة "
الدقداقة وقفت في رحيل اخر بت دخلت عليه خلاص اسكتي..
"حصلت صنه عجيبة ماف زول فتح خشمو ب كلمة (هو البقدر منو قدام بدوي والله كان يكسر عضامو)
ولا بعد كلمة الدقداقة المؤامنيين بيها اكتر من الله.
ونحن واقفين زي الضربتنا كهربة طلع بدم بارد ولا كأنو قرر قرار مصيري زي دا ..
رقية سكتت زاتا وقالت لي خير..
* عمتي انتي جنيتي كيف تقولي لي كدا بتجدعيني في النار ما كفاية وجعة سكاتك دا زي الماسك عليك زلة ..
بترضي ل روحك ولينا بالزلة والمهانة لي يا رقية اديني سبب مقنع واحد لسكاتك وصبرك وجبرك دا وانا والله اسكت وامسكك من يدك دي واقول ليك خشمك عندك تقعدي معاه.
"اتلفتت مني ومافتحت خشمها معاي."
*ما هو دا حالك من يوم جبتيني معاه هنا وغيرتي لي اسمي وجبرتيني انادي قدام اهلو والناس ابوي ..
تقدري تقولي لي ما رجعنا العميراب اهل ابوي لشنو بعد وفاتهم مش مفروض نرجع اهلنا الجابك معاه هنا شنو يا عمتي..
"اتلفتت بالجمبة وما ردت"
سكات سكات ل متين؟
ها ردي علي يوم واحد وبردي نار قلبي دي لو عارفة العذاب الجواي..
-خلاص قلت ليك اسكتي ياها قسمتك كدا ما تجي تلوميني بيها ..وانتن اسمعن زاتكن ياهو مصيركن يلا قومن لملمن ليها حاجاتا ...
"من هنا بدت حياة الضياع لي ..
بين يوم وليلة لقيت نفسي عروس بتتزفه ل راجل بإعتبارو جدي..
-ايووووي يووووي يووووي زغردن يا نسوان .. حررن الدلوكة دي باردة كدا مالا..
يابت قومي جيبي البمبر داك ..
دقي دقي صفقن يا نسوان يا بنات الصفقة الصفقة ها شيلن وراها
"الليلة مالي الليلة مالي👏👏
كبيت الملح في الشاي وقايلة الملح سكر👏👏
محرومة من شوفتو ألفي بالي اتحكر👏👏"
من جانب تاني في قرية العميراب:
"هي قهوتن دي باردة كدا مالا .."
"كدي النبي قولي لي ودالسايح جاب ليهم قولة خير كم ..."
"عاد البت قالوا صغيرة وسمحة.."
"من وين جابا المرة دي"
"السمعتو انها من حلة بعيدة "
"اجييي انتي في دا ام الحسن حا تسوي شنو وتحت تحت سمعت انها حامل تاني..
والحمل قالو بالحرام.."
"هي ما هي صغيرة والراجل خلاص يختي مروة ما فيه هو الراجل البعيبو شنو غير جيبو وهو جيبو ملااااان قروش"
"هي ها كفاها عندها ستة شفع الشي ما بتشبع ولادة ولا دايرة حقو دا كلو يمش ليها"
"هوووي يا نسوان وحات الله تسمعكن ولا يوصلو ليها الا تنتف ريشكن واحدة واحدة ما عارفاتنها زولة مشاكل.."
الا عندي ليكن فكرة شماتة فيها قربن قربن..

"وس وس وس وس وس "

#الخطابة
#الجزء_الثاني_من_شوق
توقعاتكم كيف وكيف؟

دمتم بسعادة☕

#Fatma_Gasmalla🍂

المغرب اذن
ريحة البخور ضاربة
الحوش مرشوش ونضيف..
جوه اوضة نوم ظاهر عليها عفشها مستورد جديد ..
بنية محروقة ..
السرير مفرش بمفرش احمر
"دستور علي قول ام الحسن"
ومن فوق ملاية القرمصيص ..
وستاير ستان خفيفة وفرشة صغيرة في نص الاوضة..
رحيل قاعدة في طرف السرير قلبها مقطوع منتظرة مصيرا بتفكر تسوي شنو
لما خلعها صوت ..
*قومي البسي دا الليلة ليلتك انتي بت مدن ما زي العواليق العندي دي وريني فنونك..
-"عاينت ليه بقرف"
ما بلبس شي زح مني
*جيتك بالدرب عديل احسن كلمتي ما تتنيها لي قومي البسي ديل..
"جريتهم من يدو وبقوتي رميتهم في الارض وقبلت بجمبة ساكتة"...
*قلتي كدا
"الساعة يجرني من يدي بالغصب ..
-"لقيت روحي قدام تور هايج فجأة حاولت اتلافي الموضوع جريت يدي"
دقيقة طيب خلاص خلاص حا اسوي البتقول عليه بس ممكن تهدا
"ويدي وجسمي وصوتي كلي برجف واطرافي حاساها منملة تقيلة بحاول اقوي نفسي وما اظهر ليه اني خايفة منو "
ممكن تطلع لما اغير ؟؟!
*خمسة دقايق القاك جاهزة قاعد بره مستنيك..
"طبلت الباب بعد طلع طوالي وجريت المفتاح"
"خمسة دقايق ..مشت"
"طق طق "
*اها عديلة؟
"مارديت وشغالة اقرا في يس ربنا يصرفو مني"
طاااااخ ...
صوت عالي خلاني انط هناك من الخلعة
"رررب وقعت تحت"
بقيت بحبي بالارض وببكي..

دمتم بسعادة☕

#Fatma_Gasmalla🍂

*تراها فضيحة ...
-"فضيحة شنو مالكن ما شفتن ام الحسن جات تضحك بدل نشمت فيها شمتت فينا"

"جوه الاوضة"

انزويت هناك بحاول الملم حتة قطعة اداري بيها نفسي ..
شفتو منجدع يشخر في السرير كرهته روحي وانا شامة ريحتو فيني بإنفعال قمته ياالله جريت توب الهزاز الجابتو ام الحسن وكمان تدخل بدون خجلة تشوفنا بالشكل دا ..
بتكل في نفسي وطلعت بره علي الحمام دخلت اصبعي جوه حلقي استفرغت كل القرف الاتغصبت عليه ..

..........

دمتم بسعادة☕

#Fatma_Gasmalla🍂