My Love:
#شوق1
13/3/2014 - التاسعة صباحاً ...
#زمان_اول
نزلت من السرير حاسة جسمي تعبان وسخن جيت الحوش بره شايفة امي ك عادتها قاعدة في البمبر تحت شجرة النيم بتشرب في الشاي وراشة الارض موية سريرين حديد قصار مفرشات بملايات عادية موردة ، وراصة البنابر قدامهم مع ترابيز البلاستيك الخدرا وخاتة حفاظتنا ال حمراء وكوز الاستيل في واحدة فيهم .
وعيني لسيرمس شاي اللبن الطويل الاسود المورد والكبابي البيضا الشفافة عليها رسمة وردة خفيفة وفيها يد وبسكويت بركة البحبو وكابتن ماجد حق اختي الصغيرة "فرقنا من بعض كبير اظنها غلطة وجننا مشاكل " ما بتاكل غيرو مع اني شايفة طعمو كعب بس يلا الناس اذواق وهي ذوقا كعب...
وقفت شوية راجعت كل شي روتيني
بصوت مهزوز
*امي
مشيت قربت عليها اكتر
*امي بعدها حسيت جسمي ما شايلني .. ما قدرت امسك روحي ووقعت علي الارض .. سامعة صوتا بقي بعييييد صوت الكوراك كان برن في اضاني
"فقدت الوعي"...
#زمان_تاني
عيني علي باب الحمام قمت جارية ادخل جوه واتربسو لكن ما اداني فرصة جراني قبل اتصرف شداني من شعري وطلع تلفونو قربو علي وشي وانا الوجع عايز يشق مخي نصين...
"بصجة سنون وصوت حاد وتحميرة وقلبة عيون تخوف" بهز فيني
*عايني هنا كويس "بي صوت عالي" بتعرفي دا منو ولا ما بتعرفيه ردي بتعرفيييه؟
"دفرني علي الارض وانا ببكي ما مستوعبة ختيت يدي علي خشمي ومنهارة قعدت اكورك"
- لالا لالا "بهستريا بصرخ وببكي" ما بعرفو ما بعرفو قلت ليك مية مرة ما بعرفو...
*عرفت ردك يا بت ال... ولا اقول ليك الدعوة علي الميت حرام ...
يا عا....
طلع من قدامي وسمعتو طبل الباب علي...
"كرب كرب كرررب"
جريت زي المجنونة حفيانة شعري هايش والكحل سايل بضرب في الباب
"كوراك وصراخ عالي"
-انت السبب انت السبب اي شي كعب حصل لي انت السبب ياالله تشوفو في اخواتك تشوفو في امك تشوفو في روحك..
الله لا يوريك يوم سمح ان شاءالله تموت يارب تموت ياالله اقتلو وريحني
"طاخ طاخ بضرب بقوة"
افتح الباب دا افتح لي "بكوراك شديد" والله ما اكون ليك وما حا تقرب مني برضاي ولا بدونو ...
جنيت علي الاخر اعصابي فلتت مني جريت علي التوليت شلت الريحة ورو رزعت بيها المراية اتهرست حته حتة "شوووو كرووو" جات مشتته واقعة
" ومن دون تفكر شالت قزازة وقطعت بيها يدها ...
الدم ...
الدم...
(اغمي عليها وهي شغالة بتردد في اسم واحد)
#ونسني
"البدايات دايما بتكون سمحة"
"بس معظم النهايات ما بتكون متوقعة!!"
هزيهو خلي الكبكبة 👏🏻👏🏻
اصلو عملو للجبجبة👏🏻👏🏻
وسوو عملو للجبجبة👏🏻👏🏻
كده خلقو خلقو للجبجبة👏🏻👏🏻
البشوفو يمشي وحباا👏🏻👏🏻
انا ليكِ لازم اصل👏🏻👏🏻
يالعجنوك بقشطة وعسل👏🏻👏🏻
صوت الموسيقي والغنية كان عالي شديد في مكبر الصوت...
(كو كو كوكو كو كوكو كو صوت الباب بدق اكتر من مرة)
-شوق شوق يا شوق الباب دا ما سامعاه بدق كيف امشي افتحي واقفلي المصيبة الشارطة بيها الفريق دي جبتيها لي جنس العواليق دا كل يوم راسنا دا واجعنا يابتي...
جات طالعة تاكل في اللبانة(طق طق طق) لابسة ليها فستان فنيلة رمادي مخطط عرضي ب خطوط بيضا رقيقة علي الجسم مفتوح بالجمبتين لحدي الركبة ..
ورابطة ليها طرحة في نصها حفيانة وعرقانة..
-اقيفي انتي حا تمشي تفتحي ب خلقتك دي(اشرت ليها بيدها علي شكلها)
*يا امي دي فدوي"مخزن اسرار شوق وصاحبتها الوحيدة العارفة عنها اي شي" ال في الباب وافرضي ما هي مالو هسي شكلي عادي عقدكم ورجعيتكم اصلو ما بتبطلوها..
(مشت من قدام امها تتكعوج عاجباها روحها)
-الله يهديك يابت بطني وصاحبتك العاملة زي المفراكة دي اصلي ما ردتها ولا بطمن ليها الله يكفيك جيتا و شرها ما منها خير ... مركبة ليك موضوع رقيص عروس وكلام فاضي..
"بصوت واطي ووسوسة"
-شوق الحقي عندي ليك شماااار فظييع... غلبني اصبر اقرب توب لفحتو ما شايفة خلقتي كيف
*شايفة بدلالة كعكاتك الطايرات وكريمك الماسحاه بس اموووت انا في شماراتك دي ارح ارح جوه قولي في شنو؟
"ماشات داخلات جوه ويتوسوسن "
-صاحبك داك
*عايني ياتو واحد لانهم كتار جيبي من الاخر
(قاطعهم صوت امها )
~بتتوسوسن كدا مالكن خير ؟
*ماف شي ياامي ياها مواضيعنا حا يكون شنو ..
وبصوت براحة اهاااا منو ياخ؟؟.
-مجدي..
*اممم مجدي منو يابت
-انتي عبيطة ولا بتتعابطي ولا بتستهبلي مجدي الكوباني.
* ااااه هسي دا شمار ليك الله مزكراني بيه لشنو ما عارفاني قفلت الباب دا زمان انا...
-اقيفي يا هبلة اوريك الله انتقم ليك منو لكن
*لي مالو مات؟!(ودقات قلبي دق دق)
-ههههه مات شنو انتي التانية بقيتي زي امك المهم مش امس قلت ليك ماشة المستشفي لي بت جيرانا تنق فيني من رحلتو ما شفتك وكدا .
*اها اي انجزي حصل شنو؟
- ما مشيت اتخيلي بس اتصلت بيها الصباح بتكلم معاها كدا سامعة صوت البت المعاها قالت ليها مرت مجدي الكوباني حننتني ..
*اها انجزي اختصري ياخ"بضيق من سمعت كلمت مرتو"
-ياخ اقيفي النحكي ليك بإسهاب الجاي ح يعجبك
#شوق1
13/3/2014 - التاسعة صباحاً ...
#زمان_اول
نزلت من السرير حاسة جسمي تعبان وسخن جيت الحوش بره شايفة امي ك عادتها قاعدة في البمبر تحت شجرة النيم بتشرب في الشاي وراشة الارض موية سريرين حديد قصار مفرشات بملايات عادية موردة ، وراصة البنابر قدامهم مع ترابيز البلاستيك الخدرا وخاتة حفاظتنا ال حمراء وكوز الاستيل في واحدة فيهم .
وعيني لسيرمس شاي اللبن الطويل الاسود المورد والكبابي البيضا الشفافة عليها رسمة وردة خفيفة وفيها يد وبسكويت بركة البحبو وكابتن ماجد حق اختي الصغيرة "فرقنا من بعض كبير اظنها غلطة وجننا مشاكل " ما بتاكل غيرو مع اني شايفة طعمو كعب بس يلا الناس اذواق وهي ذوقا كعب...
وقفت شوية راجعت كل شي روتيني
بصوت مهزوز
*امي
مشيت قربت عليها اكتر
*امي بعدها حسيت جسمي ما شايلني .. ما قدرت امسك روحي ووقعت علي الارض .. سامعة صوتا بقي بعييييد صوت الكوراك كان برن في اضاني
"فقدت الوعي"...
#زمان_تاني
عيني علي باب الحمام قمت جارية ادخل جوه واتربسو لكن ما اداني فرصة جراني قبل اتصرف شداني من شعري وطلع تلفونو قربو علي وشي وانا الوجع عايز يشق مخي نصين...
"بصجة سنون وصوت حاد وتحميرة وقلبة عيون تخوف" بهز فيني
*عايني هنا كويس "بي صوت عالي" بتعرفي دا منو ولا ما بتعرفيه ردي بتعرفيييه؟
"دفرني علي الارض وانا ببكي ما مستوعبة ختيت يدي علي خشمي ومنهارة قعدت اكورك"
- لالا لالا "بهستريا بصرخ وببكي" ما بعرفو ما بعرفو قلت ليك مية مرة ما بعرفو...
*عرفت ردك يا بت ال... ولا اقول ليك الدعوة علي الميت حرام ...
يا عا....
طلع من قدامي وسمعتو طبل الباب علي...
"كرب كرب كرررب"
جريت زي المجنونة حفيانة شعري هايش والكحل سايل بضرب في الباب
"كوراك وصراخ عالي"
-انت السبب انت السبب اي شي كعب حصل لي انت السبب ياالله تشوفو في اخواتك تشوفو في امك تشوفو في روحك..
الله لا يوريك يوم سمح ان شاءالله تموت يارب تموت ياالله اقتلو وريحني
"طاخ طاخ بضرب بقوة"
افتح الباب دا افتح لي "بكوراك شديد" والله ما اكون ليك وما حا تقرب مني برضاي ولا بدونو ...
جنيت علي الاخر اعصابي فلتت مني جريت علي التوليت شلت الريحة ورو رزعت بيها المراية اتهرست حته حتة "شوووو كرووو" جات مشتته واقعة
" ومن دون تفكر شالت قزازة وقطعت بيها يدها ...
الدم ...
الدم...
(اغمي عليها وهي شغالة بتردد في اسم واحد)
#ونسني
"البدايات دايما بتكون سمحة"
"بس معظم النهايات ما بتكون متوقعة!!"
هزيهو خلي الكبكبة 👏🏻👏🏻
اصلو عملو للجبجبة👏🏻👏🏻
وسوو عملو للجبجبة👏🏻👏🏻
كده خلقو خلقو للجبجبة👏🏻👏🏻
البشوفو يمشي وحباا👏🏻👏🏻
انا ليكِ لازم اصل👏🏻👏🏻
يالعجنوك بقشطة وعسل👏🏻👏🏻
صوت الموسيقي والغنية كان عالي شديد في مكبر الصوت...
(كو كو كوكو كو كوكو كو صوت الباب بدق اكتر من مرة)
-شوق شوق يا شوق الباب دا ما سامعاه بدق كيف امشي افتحي واقفلي المصيبة الشارطة بيها الفريق دي جبتيها لي جنس العواليق دا كل يوم راسنا دا واجعنا يابتي...
جات طالعة تاكل في اللبانة(طق طق طق) لابسة ليها فستان فنيلة رمادي مخطط عرضي ب خطوط بيضا رقيقة علي الجسم مفتوح بالجمبتين لحدي الركبة ..
ورابطة ليها طرحة في نصها حفيانة وعرقانة..
-اقيفي انتي حا تمشي تفتحي ب خلقتك دي(اشرت ليها بيدها علي شكلها)
*يا امي دي فدوي"مخزن اسرار شوق وصاحبتها الوحيدة العارفة عنها اي شي" ال في الباب وافرضي ما هي مالو هسي شكلي عادي عقدكم ورجعيتكم اصلو ما بتبطلوها..
(مشت من قدام امها تتكعوج عاجباها روحها)
-الله يهديك يابت بطني وصاحبتك العاملة زي المفراكة دي اصلي ما ردتها ولا بطمن ليها الله يكفيك جيتا و شرها ما منها خير ... مركبة ليك موضوع رقيص عروس وكلام فاضي..
"بصوت واطي ووسوسة"
-شوق الحقي عندي ليك شماااار فظييع... غلبني اصبر اقرب توب لفحتو ما شايفة خلقتي كيف
*شايفة بدلالة كعكاتك الطايرات وكريمك الماسحاه بس اموووت انا في شماراتك دي ارح ارح جوه قولي في شنو؟
"ماشات داخلات جوه ويتوسوسن "
-صاحبك داك
*عايني ياتو واحد لانهم كتار جيبي من الاخر
(قاطعهم صوت امها )
~بتتوسوسن كدا مالكن خير ؟
*ماف شي ياامي ياها مواضيعنا حا يكون شنو ..
وبصوت براحة اهاااا منو ياخ؟؟.
-مجدي..
*اممم مجدي منو يابت
-انتي عبيطة ولا بتتعابطي ولا بتستهبلي مجدي الكوباني.
* ااااه هسي دا شمار ليك الله مزكراني بيه لشنو ما عارفاني قفلت الباب دا زمان انا...
-اقيفي يا هبلة اوريك الله انتقم ليك منو لكن
*لي مالو مات؟!(ودقات قلبي دق دق)
-ههههه مات شنو انتي التانية بقيتي زي امك المهم مش امس قلت ليك ماشة المستشفي لي بت جيرانا تنق فيني من رحلتو ما شفتك وكدا .
*اها اي انجزي حصل شنو؟
- ما مشيت اتخيلي بس اتصلت بيها الصباح بتكلم معاها كدا سامعة صوت البت المعاها قالت ليها مرت مجدي الكوباني حننتني ..
*اها انجزي اختصري ياخ"بضيق من سمعت كلمت مرتو"
-ياخ اقيفي النحكي ليك بإسهاب الجاي ح يعجبك
👍11❤2
#الخَطّابة1
#زمان_اول
-ياكي زي امك ما فيك رجا...
*اقيف اقيف انت منو ؟ و بتعرف امي من وين عشان تقول فيها كدا؟
*أمشي أسأليها وكان ما قالت ليك أمشي لي رقية داية الحبل بتوريك..
-أسأل منو ؟
"ضحك لي ضحكتين وطلع من قدامي..!!!"
#زمان_تاني
"دموع وصوت بكي وكوراك عالي"
*واااااي انا واااااي علي ميلة حظي بعد عرفته أدخل بداية الخيط ينقطع قبل أخيط وأتم خياطة...
"بتهز فيها شديد"
* ما تموتي أمي منو
ما تموتي وتدفنيني معاك حية طول الحياة دي...
قولي لي حية ولا ميتة ...
ردي ردي لي...
....
"وهي رافعة اصبعا فوق وبتردد في كلمة واحدة"
الدقداقة الد الدق الدقداققة
الله حي الله حي
"وسكت صوت كل شي"
#ونسني
"حاليا"
-احكي لي يا رحيل انا وعدتك حا اساعدك بقدرتي البقدر عليها..
*تساعدني؟ هممم
(حركة ب خشمها عملتها ومعاها ضحكة بإستهتار)
تساعدني لشنو عشان شنو تاني هو فضل فيني شي عشان يساعدوني فيه..
ياود الناس طلعني من راسك قلت ليك مش انت قلت عندك بحث بتسوي فيه خلاص انا قبلت اساعدك لا قرش لا تعريفة عشان معروفك العملتو لي ..
-يعني دين وبتسددي ؟
*اها وانت رايك شنو هههههه عرضت عليك ام رويحتي دي وانت ابيتا ..
"همء كلمة بخشمها مجرد حركة وحروف ما معروفة تستخدم كإستنكار للشي"
الدنيا دي غريبة خلاص ههههاااااي (ضحكت بصوت قبيح عالي وضربت يد بي يد)
-غريبة مالا؟
*اول مرة راجل ياباني...هسي بيني وبينك ما حسيت ب شي لي؟
-عايني انا الاسلوب دا ما بنفع معاي من الاول اتفقنا علي موضوع معين انتي فاهمة ..حركات ال.... احسن تنسيها بالذات انا...(قاطعتو)
*ها (تف تف تف) تحت لياقة قميصها خوفتني ياود علي العموم كلكم نفس الرصة يوم اتنين بتجي تبرك لي تحت رجولي دي تتبرك بيهم.
-ياخ انتي مقرفة كدا لشنو انتي رضيانة بحياتك دي ولا بتتعاطي مصيية زمان عشان تتأقلمي معاها.
*شوف انا فجأة لقيت نفسي بشوف قدوتي في الدنيا دي "بدوي"..
-بدوي دا منو؟
* راجل عمتي.. زول سكير .. بتاع حشيش هو مثلي الاعلي..
كم مرة بجي البيت انصاص الليالي ومعاه مرا غريبة.. عمتي لو اتكلمت حا تضرب مؤكد في الليلة دي لما يغمي عليها وتفقد القدرة علي الكلام (العنف الاسري بأقسي صورة)..
زول حرامي .. بلعب قمار .. دايما وشو عابس وغضبان وزعلان علينا ..ويوم البرضي اكيد عايز حاجة مننا..
بالمعني الواضح هو ماعندو زرة مشاعر و ماعندو اي علاقة بالدين لا بعرف حرام لا بعرف حلال حاجة واحدة بعرفا تدي قروش وتعزو بعزك لما تتكيف كدا انت زولو وحبيبو مستعد يخسرنا نحن زاتنا عشان راحة نفسو..
"قشت دموعها الحسيتا حاااارة نازلة في وشها بي حرقة ويدها الماسكة بيها طرف قميصها وبتدعك وبتجر فيه شديد وكان باين عليها متوترة.."
-(ما هدا عندك مشاعر وبتبكي )
مع اني للحظة حسيت انو ماف فرق بيني وبين بدوي بسبب الجملة القاسية القلتها ليها دي بس فعليا وقتها قصدت احسسها ان البتعمل فيه دا ح يخلي الناس يستحقروها عادي..
(واصلت في كلاما وما ردت لي رغم الضيق الظهر عليها)
*هو زول قلبو قاسي .. عندو بتين ما حصل يوم اهتم بيهم او اداهم الحنان ال هم عايزنو ..
لدرجة بنسي اساميهم كتير .. في اب بنسي بناتو؟؟!!
او هو ما عاوز يتزكرهم لانهم بنات..
نفسو كان في الولد ..
اقول ليك شي بتو بالحرف قالت لي
اناشمتانة في ابوي الحمدلله ما جاب ولد ولا كان ورثو العربدة وشال اسمو بين المنحرفين زيو كل يوم في سجن وكل يوم في مشكلة جديدة وكل يوم شرطة وقرف وزل واهانة وسمعة خلتنا نكره اننا بننتمي للراجل دا..
ال هو ابوي..
بدوي زول خبيث انت قادر تتخيل كدا
وانا ماف فرق بيني وبينو انا بس ما عافية ليه يوم جراني ورماني في الخبايث.
-وانتي الجابك هنا شنو وين اهلك وكنتي ساكنة وين وحكايتك شنو؟
*اسمع وانا بحكي ليك من يوم جابوني عرسوني
"نسمع"!!
كرررررك كرررك ككككك كك
.....
عمي عمي الحق الدقداقة وقفت في رحيل
كلها ساعة زمن والخبر انتشر زي النار في الهشيم ...
ما عدت ساعة "بدوي" جا داخل..
رحيل رحيل يا بت انتي رحيل (كوراك بصوت عالي)
راجل كبير الشيب مغطي راسو صحتو مليانة وعاتي شوية وشو شاحب وقاسي مع عيون محمرة وتجاعيد مكرمشة وفيه نوع من البلاهة عندو كرش وهو واقف بمدها لي قدام ..
ملامحو لدرجة لما تعاين ليه بتخاف وما بتطمن ليه..
واقف في نص برنده طويلة مفروشة مشمع بلاستيك بني قديم معظمو مشرط ومسحوك .. وطقم جلوس بني بلدي كنبة طويلة وواحدة صغيرة مرفوعة ب طوبة واتنين كرسي .. وسراير بيج مقاصدات ليهم ..الحيط مضروب بهية بيجية قديمة مقشرة..
جيت جارية مخلوعة او بالاكتر خايفة وبرجف من جواي عايز مني شنو بكورك لي كدا.. بناتو جو وراي ورقية برضو لانو ما من عوايدو انا بالذات يناديني ..
كورك
-البت دي جاها عريس
قومي يا مرا جهزي ليها شنطتا انا اديتا ل ود السايح اتقدم ليها ووافقت عليه...
*سجمي يا راجل ود السايح شنو البتديه راجل اكبر منك .. ما بديها ليه ..راجل اولادو اكبر منها وهو زاتو معرس اكتر من الاربعة ..
"قالتا بإستهبال"
-"غمز
#زمان_اول
-ياكي زي امك ما فيك رجا...
*اقيف اقيف انت منو ؟ و بتعرف امي من وين عشان تقول فيها كدا؟
*أمشي أسأليها وكان ما قالت ليك أمشي لي رقية داية الحبل بتوريك..
-أسأل منو ؟
"ضحك لي ضحكتين وطلع من قدامي..!!!"
#زمان_تاني
"دموع وصوت بكي وكوراك عالي"
*واااااي انا واااااي علي ميلة حظي بعد عرفته أدخل بداية الخيط ينقطع قبل أخيط وأتم خياطة...
"بتهز فيها شديد"
* ما تموتي أمي منو
ما تموتي وتدفنيني معاك حية طول الحياة دي...
قولي لي حية ولا ميتة ...
ردي ردي لي...
....
"وهي رافعة اصبعا فوق وبتردد في كلمة واحدة"
الدقداقة الد الدق الدقداققة
الله حي الله حي
"وسكت صوت كل شي"
#ونسني
"حاليا"
-احكي لي يا رحيل انا وعدتك حا اساعدك بقدرتي البقدر عليها..
*تساعدني؟ هممم
(حركة ب خشمها عملتها ومعاها ضحكة بإستهتار)
تساعدني لشنو عشان شنو تاني هو فضل فيني شي عشان يساعدوني فيه..
ياود الناس طلعني من راسك قلت ليك مش انت قلت عندك بحث بتسوي فيه خلاص انا قبلت اساعدك لا قرش لا تعريفة عشان معروفك العملتو لي ..
-يعني دين وبتسددي ؟
*اها وانت رايك شنو هههههه عرضت عليك ام رويحتي دي وانت ابيتا ..
"همء كلمة بخشمها مجرد حركة وحروف ما معروفة تستخدم كإستنكار للشي"
الدنيا دي غريبة خلاص ههههاااااي (ضحكت بصوت قبيح عالي وضربت يد بي يد)
-غريبة مالا؟
*اول مرة راجل ياباني...هسي بيني وبينك ما حسيت ب شي لي؟
-عايني انا الاسلوب دا ما بنفع معاي من الاول اتفقنا علي موضوع معين انتي فاهمة ..حركات ال.... احسن تنسيها بالذات انا...(قاطعتو)
*ها (تف تف تف) تحت لياقة قميصها خوفتني ياود علي العموم كلكم نفس الرصة يوم اتنين بتجي تبرك لي تحت رجولي دي تتبرك بيهم.
-ياخ انتي مقرفة كدا لشنو انتي رضيانة بحياتك دي ولا بتتعاطي مصيية زمان عشان تتأقلمي معاها.
*شوف انا فجأة لقيت نفسي بشوف قدوتي في الدنيا دي "بدوي"..
-بدوي دا منو؟
* راجل عمتي.. زول سكير .. بتاع حشيش هو مثلي الاعلي..
كم مرة بجي البيت انصاص الليالي ومعاه مرا غريبة.. عمتي لو اتكلمت حا تضرب مؤكد في الليلة دي لما يغمي عليها وتفقد القدرة علي الكلام (العنف الاسري بأقسي صورة)..
زول حرامي .. بلعب قمار .. دايما وشو عابس وغضبان وزعلان علينا ..ويوم البرضي اكيد عايز حاجة مننا..
بالمعني الواضح هو ماعندو زرة مشاعر و ماعندو اي علاقة بالدين لا بعرف حرام لا بعرف حلال حاجة واحدة بعرفا تدي قروش وتعزو بعزك لما تتكيف كدا انت زولو وحبيبو مستعد يخسرنا نحن زاتنا عشان راحة نفسو..
"قشت دموعها الحسيتا حاااارة نازلة في وشها بي حرقة ويدها الماسكة بيها طرف قميصها وبتدعك وبتجر فيه شديد وكان باين عليها متوترة.."
-(ما هدا عندك مشاعر وبتبكي )
مع اني للحظة حسيت انو ماف فرق بيني وبين بدوي بسبب الجملة القاسية القلتها ليها دي بس فعليا وقتها قصدت احسسها ان البتعمل فيه دا ح يخلي الناس يستحقروها عادي..
(واصلت في كلاما وما ردت لي رغم الضيق الظهر عليها)
*هو زول قلبو قاسي .. عندو بتين ما حصل يوم اهتم بيهم او اداهم الحنان ال هم عايزنو ..
لدرجة بنسي اساميهم كتير .. في اب بنسي بناتو؟؟!!
او هو ما عاوز يتزكرهم لانهم بنات..
نفسو كان في الولد ..
اقول ليك شي بتو بالحرف قالت لي
اناشمتانة في ابوي الحمدلله ما جاب ولد ولا كان ورثو العربدة وشال اسمو بين المنحرفين زيو كل يوم في سجن وكل يوم في مشكلة جديدة وكل يوم شرطة وقرف وزل واهانة وسمعة خلتنا نكره اننا بننتمي للراجل دا..
ال هو ابوي..
بدوي زول خبيث انت قادر تتخيل كدا
وانا ماف فرق بيني وبينو انا بس ما عافية ليه يوم جراني ورماني في الخبايث.
-وانتي الجابك هنا شنو وين اهلك وكنتي ساكنة وين وحكايتك شنو؟
*اسمع وانا بحكي ليك من يوم جابوني عرسوني
"نسمع"!!
كرررررك كرررك ككككك كك
.....
عمي عمي الحق الدقداقة وقفت في رحيل
كلها ساعة زمن والخبر انتشر زي النار في الهشيم ...
ما عدت ساعة "بدوي" جا داخل..
رحيل رحيل يا بت انتي رحيل (كوراك بصوت عالي)
راجل كبير الشيب مغطي راسو صحتو مليانة وعاتي شوية وشو شاحب وقاسي مع عيون محمرة وتجاعيد مكرمشة وفيه نوع من البلاهة عندو كرش وهو واقف بمدها لي قدام ..
ملامحو لدرجة لما تعاين ليه بتخاف وما بتطمن ليه..
واقف في نص برنده طويلة مفروشة مشمع بلاستيك بني قديم معظمو مشرط ومسحوك .. وطقم جلوس بني بلدي كنبة طويلة وواحدة صغيرة مرفوعة ب طوبة واتنين كرسي .. وسراير بيج مقاصدات ليهم ..الحيط مضروب بهية بيجية قديمة مقشرة..
جيت جارية مخلوعة او بالاكتر خايفة وبرجف من جواي عايز مني شنو بكورك لي كدا.. بناتو جو وراي ورقية برضو لانو ما من عوايدو انا بالذات يناديني ..
كورك
-البت دي جاها عريس
قومي يا مرا جهزي ليها شنطتا انا اديتا ل ود السايح اتقدم ليها ووافقت عليه...
*سجمي يا راجل ود السايح شنو البتديه راجل اكبر منك .. ما بديها ليه ..راجل اولادو اكبر منها وهو زاتو معرس اكتر من الاربعة ..
"قالتا بإستهبال"
-"غمز
👍6🥰1