#شارع_ال60
-63-
#سلوان_بتحكي :
كنت حاسه بي حمة خفيفه مع الصداع المسك فيني داك ..البحصل دا لو استمر الحاصل دا علي بالطريقه دي الموضوع حيبقى صعب علي ! ..
#وصلنا_زنوبيا
زي الساعه 3:00 ، وقفت برا زي كل مرة ، لمن نزلو الحاجات ، قبل ادخل شايفه المحل مافيهو و لا زبون ، عادتاً جهة امجد حتة الاسكريم ما بتفضى .. فا سلمت على محمد ، و اصلا امجد لا بكلمني لا بكلمو .. بقيت برص مع محمد في البترينه ، قال لي :
محمد : شكلك مرهقهه!
اي مصدعه شويه ، اريج وين ؟
محمد : جاها تلفون دخلت جوا ! ماف غير زبون واحد جا من فتحنا !
سكته .. و مشيت قعدت و فتحت الجهاز ! و وقتها عيني في حسن جاي داخل و اريج في نفس اللحظة بتقول لي ، سلوان جيتي ؟
" وقتها انا كنت بعمل اتصال "
حسن " مشى على البترينه بيعاين " و وليد كمان جا داخل ..
#مكالمة :
سلوان : مساء الخير يا استاذه معاكي سلوان من محل زنوبيا للحلويات ، اتصلت بخصوص اوردر حضرتك كنتي عملتيهو عندنا امبارح و كان التسليم الليله و اتلغى من عندكم ، ممكن اعرف الاسباب لو سمحتي ؟ علشان احنا بنهتم ب راي الزبون في حال ان مشكلة من عندنا ، حنحاول انحنا نحلها !! #قاطعني !
حسن : " جا شال التلفون من يدي و قفلو " ! الاسباب عندي انا !
سلوان : !!!
حسن : حابه تعرفيها ؟
وليد جا بي دورو ماسك التاب على صفحة المحل " قال لي حسن " الموضوع د عندي " خت لي التعليقات من صفحتنا قدامي " زي ما شايفه الهجوم ! والبلاغات الجات على صفحتنا ! و طبعا دي كلها بسبب ال ..#قاطعو حسن !
حسن : وليد ! عليك الله شيلها لوليها معاك مرة وحدة ! دا شنو الهدوء دا ! ما قادر تكون اداري حازم و صارم ، خليني اتعامل انا !و دا كلو بسبب قرارتك المتهورة !و ابوك لو كان حاضر م كان قبل بالمهزلة دي تحصل !
وليد : الكوراك عمرو ما حل ليهو مشكله ! لو سمحته ، اقعد ارتاح انا حابي اسمع منها ، سلوان فرد من افراد زنوبيا و ليها احترامها !
حسن . بس دا ما كان كلامنا امبـ#قاطعو !!
وليد : اتفضل يا حسسن يرضى علينا و عليك ..
ممكن ؟ "مكمل كلامو " الحصل اول امس ، دا عمل ضجة كبيرة في صفحتنا و زي م بقولو البقرة لم تقع سكاكينها بتكتر ، و التسمم الحصل دا حصل على طلبات معينه و اللي هي مقترحاتك ! يعني بالنسبه ل شيف حلويات زيك حتى و لو كنتي م درستي المجال دا بالنسبه لي بجي بالقدرة و الممارسه ! طيب اقنعيني يا سلوان كيف انك ما قدرتي تفرزي الدقيق و انتي بتستخدميهو وقتها ؟
محمد " وهو بيرتب البترينه لسه " مقاطع : اريج ، في ناس جو برا ! شوفيهم !
اريج : تمام !
سلوان : بس انا في اليوم دا ما اشتغلتهم ! نزلت الكميه لي عم اسماعيل و مشيت ! و بعد الحصل ، مشيت تاني يوم بي نفسي و عرفته الحاصل ، و رغم ذلك ختيت بدايلي و اشتغلته ! وين غلطي انا هنا ؟ محتارة في كلامكم ! هئ يعني مفروض تعاقبو نفسكم لانها قلة رقابه منكم ، ما مني انا !
حسن : انا غالبني اسكت والله ، بس الحصل دا انتي المستفيده الوحيدة منه !
محمد : اسف اني بتدخل ، بس سلوان ما تعبت و اجتهدت عشان تجي تخرب كل دا فجأه ! الناس تتكلم بي حبة منطق !
اريج " جات " : ديل عايزين تشيز كيك بالصوص الابيض بالتحديد و فطيرة تفاح و ماكرون !
وليد : شوفو شغلكم !
حسن : الموضوع انتهى على كدا ؟؟
وليد : ايوا يا حسن ! انتهى على كدااا " طلع برا المحل و مسك تلفونو "
اريج : مالك يا سلوان هاديه على عكس العادة اول مرة م تردط عليهم ؟
سلوان : مصدعه من الصباح " مسكت راسي "
اريج : سلامتك ياخي !!
محمد : ولا تزعلي نفسك يا سلوان ، و لو سمعتي كلامي ، دا حدك معاهم يا اما تبطلي تقدمي مقترحاتك دي و تخلي المحل يمشي بي نهجو القديم ، لانه دا م زمن الناس تقدر فيهو ، و انتي التعبانه في النهايه و غير المشاكل و القرف ما لاقيه خير !
اريج " بي تحذير و انفعال " : محممممد !!!
محمد : " بي نفس النبرة " : ما محمد ولا زفت يا اريج دي الحقيقه اللي لو ختو لي سيف في رقبتي حا اقولها حا اقولها و قدامهم كمان " عاين لي امجد " يعني م محتاجة ليها توصيل كلام ، عشان كلنا عارفين سلوان تعبت قدر شنو ، و في النهايه لقت شنو غير الصداع م ممكن يكون طبع الناس دي كدا ، الزول يعمل ليهم الحاجة الكويسه و مجرد م يحصل غلط بسيط ينسو كل الفات !!
اريج : طيب اعصابك ما تنفعل !
محمد : براكي قلتي ! انها اعصابي ..
سلوان : " وقتها محمد كبر في نظري شديد ، ابتسمته و سكته لانه حرفياً م كنت قادرة اتكلم "
اريج : تعالي معاي ي سلوان !
سلوان : م ناقصه كلام خليني يا اريج
اريج : قومي بس " جرتني من يدي برا المحل "
سلوان : نعم !
اريج : "عايني هنا "
-63-
#سلوان_بتحكي :
كنت حاسه بي حمة خفيفه مع الصداع المسك فيني داك ..البحصل دا لو استمر الحاصل دا علي بالطريقه دي الموضوع حيبقى صعب علي ! ..
#وصلنا_زنوبيا
زي الساعه 3:00 ، وقفت برا زي كل مرة ، لمن نزلو الحاجات ، قبل ادخل شايفه المحل مافيهو و لا زبون ، عادتاً جهة امجد حتة الاسكريم ما بتفضى .. فا سلمت على محمد ، و اصلا امجد لا بكلمني لا بكلمو .. بقيت برص مع محمد في البترينه ، قال لي :
محمد : شكلك مرهقهه!
اي مصدعه شويه ، اريج وين ؟
محمد : جاها تلفون دخلت جوا ! ماف غير زبون واحد جا من فتحنا !
سكته .. و مشيت قعدت و فتحت الجهاز ! و وقتها عيني في حسن جاي داخل و اريج في نفس اللحظة بتقول لي ، سلوان جيتي ؟
" وقتها انا كنت بعمل اتصال "
حسن " مشى على البترينه بيعاين " و وليد كمان جا داخل ..
#مكالمة :
سلوان : مساء الخير يا استاذه معاكي سلوان من محل زنوبيا للحلويات ، اتصلت بخصوص اوردر حضرتك كنتي عملتيهو عندنا امبارح و كان التسليم الليله و اتلغى من عندكم ، ممكن اعرف الاسباب لو سمحتي ؟ علشان احنا بنهتم ب راي الزبون في حال ان مشكلة من عندنا ، حنحاول انحنا نحلها !! #قاطعني !
حسن : " جا شال التلفون من يدي و قفلو " ! الاسباب عندي انا !
سلوان : !!!
حسن : حابه تعرفيها ؟
وليد جا بي دورو ماسك التاب على صفحة المحل " قال لي حسن " الموضوع د عندي " خت لي التعليقات من صفحتنا قدامي " زي ما شايفه الهجوم ! والبلاغات الجات على صفحتنا ! و طبعا دي كلها بسبب ال ..#قاطعو حسن !
حسن : وليد ! عليك الله شيلها لوليها معاك مرة وحدة ! دا شنو الهدوء دا ! ما قادر تكون اداري حازم و صارم ، خليني اتعامل انا !و دا كلو بسبب قرارتك المتهورة !و ابوك لو كان حاضر م كان قبل بالمهزلة دي تحصل !
وليد : الكوراك عمرو ما حل ليهو مشكله ! لو سمحته ، اقعد ارتاح انا حابي اسمع منها ، سلوان فرد من افراد زنوبيا و ليها احترامها !
حسن . بس دا ما كان كلامنا امبـ#قاطعو !!
وليد : اتفضل يا حسسن يرضى علينا و عليك ..
ممكن ؟ "مكمل كلامو " الحصل اول امس ، دا عمل ضجة كبيرة في صفحتنا و زي م بقولو البقرة لم تقع سكاكينها بتكتر ، و التسمم الحصل دا حصل على طلبات معينه و اللي هي مقترحاتك ! يعني بالنسبه ل شيف حلويات زيك حتى و لو كنتي م درستي المجال دا بالنسبه لي بجي بالقدرة و الممارسه ! طيب اقنعيني يا سلوان كيف انك ما قدرتي تفرزي الدقيق و انتي بتستخدميهو وقتها ؟
محمد " وهو بيرتب البترينه لسه " مقاطع : اريج ، في ناس جو برا ! شوفيهم !
اريج : تمام !
سلوان : بس انا في اليوم دا ما اشتغلتهم ! نزلت الكميه لي عم اسماعيل و مشيت ! و بعد الحصل ، مشيت تاني يوم بي نفسي و عرفته الحاصل ، و رغم ذلك ختيت بدايلي و اشتغلته ! وين غلطي انا هنا ؟ محتارة في كلامكم ! هئ يعني مفروض تعاقبو نفسكم لانها قلة رقابه منكم ، ما مني انا !
حسن : انا غالبني اسكت والله ، بس الحصل دا انتي المستفيده الوحيدة منه !
محمد : اسف اني بتدخل ، بس سلوان ما تعبت و اجتهدت عشان تجي تخرب كل دا فجأه ! الناس تتكلم بي حبة منطق !
اريج " جات " : ديل عايزين تشيز كيك بالصوص الابيض بالتحديد و فطيرة تفاح و ماكرون !
وليد : شوفو شغلكم !
حسن : الموضوع انتهى على كدا ؟؟
وليد : ايوا يا حسن ! انتهى على كدااا " طلع برا المحل و مسك تلفونو "
اريج : مالك يا سلوان هاديه على عكس العادة اول مرة م تردط عليهم ؟
سلوان : مصدعه من الصباح " مسكت راسي "
اريج : سلامتك ياخي !!
محمد : ولا تزعلي نفسك يا سلوان ، و لو سمعتي كلامي ، دا حدك معاهم يا اما تبطلي تقدمي مقترحاتك دي و تخلي المحل يمشي بي نهجو القديم ، لانه دا م زمن الناس تقدر فيهو ، و انتي التعبانه في النهايه و غير المشاكل و القرف ما لاقيه خير !
اريج " بي تحذير و انفعال " : محممممد !!!
محمد : " بي نفس النبرة " : ما محمد ولا زفت يا اريج دي الحقيقه اللي لو ختو لي سيف في رقبتي حا اقولها حا اقولها و قدامهم كمان " عاين لي امجد " يعني م محتاجة ليها توصيل كلام ، عشان كلنا عارفين سلوان تعبت قدر شنو ، و في النهايه لقت شنو غير الصداع م ممكن يكون طبع الناس دي كدا ، الزول يعمل ليهم الحاجة الكويسه و مجرد م يحصل غلط بسيط ينسو كل الفات !!
اريج : طيب اعصابك ما تنفعل !
محمد : براكي قلتي ! انها اعصابي ..
سلوان : " وقتها محمد كبر في نظري شديد ، ابتسمته و سكته لانه حرفياً م كنت قادرة اتكلم "
اريج : تعالي معاي ي سلوان !
سلوان : م ناقصه كلام خليني يا اريج
اريج : قومي بس " جرتني من يدي برا المحل "
سلوان : نعم !
اريج : "عايني هنا "
👍2