محمد : الكسر البتاعه دي منو " بيحاكيها و يضحك "
سلوان : هوووي ! اوع بقتلك !
حسن : خلوهم ياخدو راحتهم !
سلوان : اريج تعالي ،، " زحيت من جمبهم ، جاتني "
احكي لي !
اريج : حتكوني عارفه انا عايزة شنو !
سلوان : لا هو انا عارفه بخصوص شنو موضوعك لكن م عارفه عايزة شنوو ؟
اريج : سلوان ! مش كنتي عايزاني ليهو !
سلوان : بس ولا مرة سعيت للحاجة دي !
اريج : اسعي اسي والله بحبو شديد !
سلوان : اريج ! م تبقي مستفزه عشان والله البتعملي فيهو دا مستفز ولا هو { التسوي كريت تلقى في جلدها } !؟؟ و بعدين انا ما بتدخل في العلاقات ولا انا البملي على اخوي يسوي شنو و ما يسوي شنو !! و بعدين مش انتي كان اتخطبتي ؟؟
اريج : لا !
سلوان : يا شيخه !!
اريج : لي اسبابي الخلتني اقول كدا و بعدين انا كنت خايفه عليهو من طليقي من بعد الحصل داك دا غير كلام سهام عن انها على علاقه بيهو !
سلوان : والله ما دايرة اضايقك لكن بالجد عذر اقبح من الذنب حرفياً ! بس سببك الرئيسي انا بعرفو ... و حالياً انا مالي دخل بالبينكم ! داك مدثر و ديك سهام و دااك وليد !
انا حا امشي .. سلمي لي خالتي و ننويه لمن اصلهم ان شاءالله ..
انا مشيت " لي حسن و محمد " ...
دا مدثر الجاي علي دا !! "اتلفت الى اريج لقيتا ما شايفاهو ، و مشيت عليهو " !
#جانب_مالك :
#مكتب_نبيل !
نبيل : انت كويس ؟
مالك : كويس اي حمدلله !
نبيل : ما عارف لكن عيونك واقعه و وشك شاحب كدا !
مالك : اي شوية ارهاق !
نبيل : طيب حااحكي ليك حسب القالو لي استاذ محجوب دا !
مفروض ان في شريك تاني كان حيتحمل ال40% و اتسحب منهم في اخر لحظه ! و حالياً طلبو تمديد المهله لمن يلقو شريك تاني ، او يجمعو المبلغ !
مالك : و كيف اصبحت سلوان مدينه ؟
نبيل : حسب القالو محجوب انها شايله جزء من المحل بالحلويات البتعملها ليهم و زي م تقول حب يكافئها بي اتفاقيه بيناتهم بي انها توقع على العقد كشريك بالمجهود حسب الفهمتو والله اعلم ! و حصل الحصل !
مالك : فهمته !
طيب ، الزمن فات انا استأذن اسي ! و لو في اي حاجة على تلفون يا نبيل !
نبيل : على بركة الله و امشي اخد راحتك و الشغل ملحوق !
مالك " ابتسم وطلع " !
#جانب_ندى !
{ بترتب في شنطتها }
زوبا : الله الشنطة دي رهيبه شديد !
ندى : اي دي لي سجى بت خالتي لزوم الجامعه و القشرات !
زوبا : كان تشيلي ليها وحدة تانيه !
ندى : الشنطة ديك مليانه حاجات ليها للجامعه !
" اتناولت تلفونها وعملت مكالمة "
ندى : الوو سلام عليكم ! لو سمحت انا اخذت منكم شنطه ( التفاصيل ) رقمها 815 لونها زيتي ! ايوا موجود منها تاني ؟؟
" ختت التلفون في اضان زوبا " : وريهو اللون العايزاهو منها بسرعه الخط فاتح !!
زوبا : ندى !!!
ندى : انجزي !
زوبا : م عارفه .. طيب الوووو .. في منها رمادي ؟
طيب ارسلي صورة بالالوان على الرقم دا ! اووكي سلام ! " قفلت " ليييه يا ندى !
ندى : انتي اختي و العملتيهو معاي ما قليل و الشنطه دي لو م جايباها بي اسم سجى كان اديتك ليها عشان كدا اختاري التعجبك من المحل ! !
" زوبا حضنتا "
حا افقدك يا ندى والله ..
ندى : شكلي حا اسرقك من مكتبكم ! بس تصرف ما كويس !
زوبا : انا موافقه يا ستي!
ندى : جد !!! خلاص حا اعمل معاهم الشينه عهههه !
زوبا : هههههه اشنى حاجة حلوة ههه ! عايني مالك مافتختي البوكيه دا جاك من الصباح !
ندى : نسيت والله ... " شالتو "
كويس والله عليهو كرت تهنيئه واااو .. من منو " بقلب في الكرت " ياااخي عزالدين مرة وحدة كدا !! محن !! امسكي امسكي ارمي في اي حته !
زوبا : لييييه حرام !
ندى : حعمل بيهو شنو يعني اشيلو معاي ؟ تهنئتو وصلت !
زوبا : طيب !
#جانب_عزو
"الصالة "
عزو " ماسك الابتوب "
لهوم : شهور نهاتي بالعرس دا اسي اهااا ! انتهى و انتهى مننا !
تسنيم : الحمدلله !
لهوم : الكيكة نفسيات يا تسنيم !
تسنيم : ماشاءالله عليها البت دي ! هاشم امبارح صرعني بيها !
لهوم : كلم امو والله !
"تسنيم بتعاين في عزو "
تسنيم : يشبهو بعض والله و البت سمحه !
لهوم : اي بس نفوق من تعب العرس دا اول بعداك يعملو الدايرن يعملوه كلو!
تلفون عزو
" عزو شال لابتوبو و تلفونو و دخل "
لهوم : اتضايق ؟
تسنيم : م ظنيت كنت بعاين ليهو انا !
#جانب_مالك !
" داخل في الصاله "
خالتو : مالك يا ولدي كويس انت ؟؟
مالك : لا
خالتو : بسم الله في شنو ؟
مالك :مصدع عايز ادخل انوم !
خالتو : تنوم شنو وانت ما ماكل حاجة !
مالك : م داير ! لمن اصحى باكل !
خالتو : ما مطمني والله ..
مالك : اتطمني !
" دخل غرفتو وقفل الباب و رقد بي ملابسو "
يتبع ....
#استككانه🥣..
#سحر_سمير
#فاطمة_قسم_الله ..
سلوان : هوووي ! اوع بقتلك !
حسن : خلوهم ياخدو راحتهم !
سلوان : اريج تعالي ،، " زحيت من جمبهم ، جاتني "
احكي لي !
اريج : حتكوني عارفه انا عايزة شنو !
سلوان : لا هو انا عارفه بخصوص شنو موضوعك لكن م عارفه عايزة شنوو ؟
اريج : سلوان ! مش كنتي عايزاني ليهو !
سلوان : بس ولا مرة سعيت للحاجة دي !
اريج : اسعي اسي والله بحبو شديد !
سلوان : اريج ! م تبقي مستفزه عشان والله البتعملي فيهو دا مستفز ولا هو { التسوي كريت تلقى في جلدها } !؟؟ و بعدين انا ما بتدخل في العلاقات ولا انا البملي على اخوي يسوي شنو و ما يسوي شنو !! و بعدين مش انتي كان اتخطبتي ؟؟
اريج : لا !
سلوان : يا شيخه !!
اريج : لي اسبابي الخلتني اقول كدا و بعدين انا كنت خايفه عليهو من طليقي من بعد الحصل داك دا غير كلام سهام عن انها على علاقه بيهو !
سلوان : والله ما دايرة اضايقك لكن بالجد عذر اقبح من الذنب حرفياً ! بس سببك الرئيسي انا بعرفو ... و حالياً انا مالي دخل بالبينكم ! داك مدثر و ديك سهام و دااك وليد !
انا حا امشي .. سلمي لي خالتي و ننويه لمن اصلهم ان شاءالله ..
انا مشيت " لي حسن و محمد " ...
دا مدثر الجاي علي دا !! "اتلفت الى اريج لقيتا ما شايفاهو ، و مشيت عليهو " !
#جانب_مالك :
#مكتب_نبيل !
نبيل : انت كويس ؟
مالك : كويس اي حمدلله !
نبيل : ما عارف لكن عيونك واقعه و وشك شاحب كدا !
مالك : اي شوية ارهاق !
نبيل : طيب حااحكي ليك حسب القالو لي استاذ محجوب دا !
مفروض ان في شريك تاني كان حيتحمل ال40% و اتسحب منهم في اخر لحظه ! و حالياً طلبو تمديد المهله لمن يلقو شريك تاني ، او يجمعو المبلغ !
مالك : و كيف اصبحت سلوان مدينه ؟
نبيل : حسب القالو محجوب انها شايله جزء من المحل بالحلويات البتعملها ليهم و زي م تقول حب يكافئها بي اتفاقيه بيناتهم بي انها توقع على العقد كشريك بالمجهود حسب الفهمتو والله اعلم ! و حصل الحصل !
مالك : فهمته !
طيب ، الزمن فات انا استأذن اسي ! و لو في اي حاجة على تلفون يا نبيل !
نبيل : على بركة الله و امشي اخد راحتك و الشغل ملحوق !
مالك " ابتسم وطلع " !
#جانب_ندى !
{ بترتب في شنطتها }
زوبا : الله الشنطة دي رهيبه شديد !
ندى : اي دي لي سجى بت خالتي لزوم الجامعه و القشرات !
زوبا : كان تشيلي ليها وحدة تانيه !
ندى : الشنطة ديك مليانه حاجات ليها للجامعه !
" اتناولت تلفونها وعملت مكالمة "
ندى : الوو سلام عليكم ! لو سمحت انا اخذت منكم شنطه ( التفاصيل ) رقمها 815 لونها زيتي ! ايوا موجود منها تاني ؟؟
" ختت التلفون في اضان زوبا " : وريهو اللون العايزاهو منها بسرعه الخط فاتح !!
زوبا : ندى !!!
ندى : انجزي !
زوبا : م عارفه .. طيب الوووو .. في منها رمادي ؟
طيب ارسلي صورة بالالوان على الرقم دا ! اووكي سلام ! " قفلت " ليييه يا ندى !
ندى : انتي اختي و العملتيهو معاي ما قليل و الشنطه دي لو م جايباها بي اسم سجى كان اديتك ليها عشان كدا اختاري التعجبك من المحل ! !
" زوبا حضنتا "
حا افقدك يا ندى والله ..
ندى : شكلي حا اسرقك من مكتبكم ! بس تصرف ما كويس !
زوبا : انا موافقه يا ستي!
ندى : جد !!! خلاص حا اعمل معاهم الشينه عهههه !
زوبا : هههههه اشنى حاجة حلوة ههه ! عايني مالك مافتختي البوكيه دا جاك من الصباح !
ندى : نسيت والله ... " شالتو "
كويس والله عليهو كرت تهنيئه واااو .. من منو " بقلب في الكرت " ياااخي عزالدين مرة وحدة كدا !! محن !! امسكي امسكي ارمي في اي حته !
زوبا : لييييه حرام !
ندى : حعمل بيهو شنو يعني اشيلو معاي ؟ تهنئتو وصلت !
زوبا : طيب !
#جانب_عزو
"الصالة "
عزو " ماسك الابتوب "
لهوم : شهور نهاتي بالعرس دا اسي اهااا ! انتهى و انتهى مننا !
تسنيم : الحمدلله !
لهوم : الكيكة نفسيات يا تسنيم !
تسنيم : ماشاءالله عليها البت دي ! هاشم امبارح صرعني بيها !
لهوم : كلم امو والله !
"تسنيم بتعاين في عزو "
تسنيم : يشبهو بعض والله و البت سمحه !
لهوم : اي بس نفوق من تعب العرس دا اول بعداك يعملو الدايرن يعملوه كلو!
تلفون عزو
" عزو شال لابتوبو و تلفونو و دخل "
لهوم : اتضايق ؟
تسنيم : م ظنيت كنت بعاين ليهو انا !
#جانب_مالك !
" داخل في الصاله "
خالتو : مالك يا ولدي كويس انت ؟؟
مالك : لا
خالتو : بسم الله في شنو ؟
مالك :مصدع عايز ادخل انوم !
خالتو : تنوم شنو وانت ما ماكل حاجة !
مالك : م داير ! لمن اصحى باكل !
خالتو : ما مطمني والله ..
مالك : اتطمني !
" دخل غرفتو وقفل الباب و رقد بي ملابسو "
يتبع ....
#استككانه🥣..
#سحر_سمير
#فاطمة_قسم_الله ..
👍4❤1