#شوق2
*أشجان انتي جادة بتبكي كدا دي ظاهر عليها واحدة عندها هدف معين عاوزة تعمل زعزعة بينكم وفعلا نجحت بدلالة رد فعلك ..
انتي ناسية انك عيانة ومرضك دا اهم شي فيه الحالة النفسية..
- اماسي نقطيني بسكاتك واتصلي بمجدي هسي يجيني
*انتي عويرة البت دي لو كانت جادة ما كان رمت لينا الكلام في محل معينة وقفلت التلفون طوالي ما تخليك غبية انتي كمان الليلة ليك سنتين من عرستيه ماعارفاه.
-عشان انا عارفاه كويس صدقتها مجدي اخر فترة بقي بخوني انا حاسة بكدا في واحدة دخلت حياتو والبت دي ودتو للأسوا تصرفاتو وطباعو كلها اتغيرت دا بقي بضرب حقن انا شفتو كم مرة بس ما عرفت هي منو حاولت اسحب تلفونو ما اداني فرصة زي الحسه اني شكيت فيه لانو بقي بعمل حسابو شديد ..
*انتي بتقولي في شنو انتي جادة في كلامك دا اشجان عايني لي هنا ..
"اتلفتت بالجمبة وجرت الطرحة عليها "
قلت ليك عايني لي هنا كنتي بتكذبي علي يومتا مجدي هو الضربك مش؟..
"صوت بكاها"
الجابرك علي شنو ؟"بنهرة وتعصيب "
-الجابرني عليه قدري الوقعني فيه
*ماف حاجة جابراك انتي المدياه فرصة فيك تقدري تقولي لي مجدي قدم ليك شنو ؟؟ عشان انا ما كنت عاوزة اتكلم بس لاني عارفاك ح تدافعي ليه ..
من يوم عرستيه وانتي صحتك الجسدية والنفسية في النازل الزواج دا خصم منك م اداك ..اشجان عايني ل روحك زمان ما كنتي كدا ..
*اماسي كفاية كلام حار انا ما ناقصاك
-ما كفاية ولا شي انتي لازم تطلبي الطلاق هسي دي زول قلتي شفتي بضرب حقن بقي ومدا يدو عليك راجية منو شنو؟!! منتظراه يقتلك؟؟!!...
*انا ما ما متأكدة من الحتة دي امكن حقن شي تاني مسكنة او اونسلين ..وبعدين انتي ما فاهمة وعمرك ما حاتفهميني لانك ما عايشة الانا عايشاه عندك اسرة محتوياك ، عندك شغل ساندك ، عندك بيت ، عندك ضهر ...
تقدري تقولي لي انا عندي شنو من ديل انا زولة الليلة تميت ٣٦سنة ما بجيب شفع الحا يرضي يعرسني منو انا مفروض اسلم وابوس يديه ورجليه صباح ومسا ..
-هه اشجان اصلو ما اتوقعتك تفتشي ليه حجج ومن اتقدم ليك عارفاني رايي فيه شنو ولي هسي ...
انتي بتغشي في روحك وعارفة كدا كويس .. وكلامك القلتي دا زعلني شديد وشديد كمان ياتو يوم نحن بينا حساب ب انتي وانتي وانا انا .. حصل جيتيني انا ما ساعدتك او ما لقيت ليك حل؟
"سكتت ما ردت"
-ردي علي حصل مني؟
"حصل سكوت رهيب لما هو جا داخل فجأة..أماسي عاينت ليه عيونهم جات في بعض وطلعت طوالي".
*فدوي انا حا امشي بعد كدا ولا امي ح تسوي لي سين وجيم في التأخير.. كان حصل اي جديد وريني سمح.
-تمام
"جو طالعين بره.."
-وائل انت جيت متين ؟
*قبيل وجيت دخلت لقيتكم بس ما هببتو ليي شغالات قطيعة ما فاضيات ..
"كان بعاين لي شوق ما نزل عينو لما فدوي لكزتها وجرتها "
*ياخ انتي قطاعة نصيب مالك
-انا برضو طيب اقول ليك شي اخوي كلم امي انو عاوز اتقدم ليك شفتي صاحبتك بتحب ليك الخير كيف.. ومنها تنسي سجم الرماد اللسه معلقة فيه دا..
"للحظة اترددته وتاني ضحكته وعملت روحي خجلانة "
طلعت منها وانا بكلم في روحي
لشنو انا ما قادرة اعجب بيه مع انو من نظرتو لي وتعليقو مهتم بي ظاهر بس جواي ليه فاضي اوووف ..
"في قرية العميراب"
ملاحظة: اسم القرية المزكورة ما ليها علاقة بمنطقة حقيقية.
*في شنو الكواريك دي
رقية لفحت توبا وبدوي جرا وراها..
ناس الحلة متلميين جمب بيت ود السايح
-سجمي اجري يا راجل ما تكون ام الحسن سوت شي في راجلا عشان داير يعرس.
*المرا دي مجنونة ولا شنو اسمعيها بتجض كيف ودالسايح دا زاتو مستحملها كيف ما عارف...
"بتنادي في بتول بتول اقيفي لي بتول "
"وهن ماشات وعينهم للمة"
-في شنو يابتول؟
*اجييي انتي وين يختي مش #الدقداقة وقفت في اميمة بت عوض الجيد امس المغرب والعقد باكر..
-الليلة وووب وووب
*ما شايفاها جنت كيفن من صبحت ترا شارطة الحلة بالعزا دا ،، مشت ليهم في بيتهم وما خلت ليهم صفحة يرقدو عليها نبز نبز تقيل وكتيح تراب
-اجيي عاد ما بسألا هي بعد دا سبب ما عندها ياها عارفاه صنعتو العرس وهي لا بت امس لا الليلة من عرستو التقعد في واطاتا دي وتلم شفعها ديل عليها كفاها زاتا ولادة كل سنة بشافع..
*خمالة نسوان ساي ترا مجرجراهم كدا الشفع عرايا ووسخانين ومسجمين ومرمدين وهي تتمسح وتدخن وتدلك نهارا دا كلو للراجل غبيانة بس ..
*اسكتي اسكتي ما بنقدر عليها لسانا زفر ..
"ساعة زمن ورجال الحلة لملمو الموضوع وفرقو الناس كل زول علي بيتو"
رقية وبدوي راجعين بيتهم
*انتي يا رقية
-اي
*مش عندك اخوك في المدينة ما بتسألي مالك منو؟
-داير بي شنو لا بتعرفو لا بعرفك..
*هي معرس لي مرا مقطوعة من شجرا النتعرف بي ساي ياها شوفتي ليه زمان وقت جيت اعقد عليك وما اداني وش.. اسمعي هنا بكرا دي نركب نمشي ليهم ..
-بدوي اسمع هنا ماعندك شغلة بيه زول زماااان خلا الحلة دي ونسانا ونساها كان دايرنا كان جا ..وانت زاتك المزكرك بالموضوع شنو وقت جيت تعرسني مالك ما كنت عارف بسبب شنو؟؟..
*غبيان بس
-غبيانة انا الوافقت ب راجل مسجم
*أشجان انتي جادة بتبكي كدا دي ظاهر عليها واحدة عندها هدف معين عاوزة تعمل زعزعة بينكم وفعلا نجحت بدلالة رد فعلك ..
انتي ناسية انك عيانة ومرضك دا اهم شي فيه الحالة النفسية..
- اماسي نقطيني بسكاتك واتصلي بمجدي هسي يجيني
*انتي عويرة البت دي لو كانت جادة ما كان رمت لينا الكلام في محل معينة وقفلت التلفون طوالي ما تخليك غبية انتي كمان الليلة ليك سنتين من عرستيه ماعارفاه.
-عشان انا عارفاه كويس صدقتها مجدي اخر فترة بقي بخوني انا حاسة بكدا في واحدة دخلت حياتو والبت دي ودتو للأسوا تصرفاتو وطباعو كلها اتغيرت دا بقي بضرب حقن انا شفتو كم مرة بس ما عرفت هي منو حاولت اسحب تلفونو ما اداني فرصة زي الحسه اني شكيت فيه لانو بقي بعمل حسابو شديد ..
*انتي بتقولي في شنو انتي جادة في كلامك دا اشجان عايني لي هنا ..
"اتلفتت بالجمبة وجرت الطرحة عليها "
قلت ليك عايني لي هنا كنتي بتكذبي علي يومتا مجدي هو الضربك مش؟..
"صوت بكاها"
الجابرك علي شنو ؟"بنهرة وتعصيب "
-الجابرني عليه قدري الوقعني فيه
*ماف حاجة جابراك انتي المدياه فرصة فيك تقدري تقولي لي مجدي قدم ليك شنو ؟؟ عشان انا ما كنت عاوزة اتكلم بس لاني عارفاك ح تدافعي ليه ..
من يوم عرستيه وانتي صحتك الجسدية والنفسية في النازل الزواج دا خصم منك م اداك ..اشجان عايني ل روحك زمان ما كنتي كدا ..
*اماسي كفاية كلام حار انا ما ناقصاك
-ما كفاية ولا شي انتي لازم تطلبي الطلاق هسي دي زول قلتي شفتي بضرب حقن بقي ومدا يدو عليك راجية منو شنو؟!! منتظراه يقتلك؟؟!!...
*انا ما ما متأكدة من الحتة دي امكن حقن شي تاني مسكنة او اونسلين ..وبعدين انتي ما فاهمة وعمرك ما حاتفهميني لانك ما عايشة الانا عايشاه عندك اسرة محتوياك ، عندك شغل ساندك ، عندك بيت ، عندك ضهر ...
تقدري تقولي لي انا عندي شنو من ديل انا زولة الليلة تميت ٣٦سنة ما بجيب شفع الحا يرضي يعرسني منو انا مفروض اسلم وابوس يديه ورجليه صباح ومسا ..
-هه اشجان اصلو ما اتوقعتك تفتشي ليه حجج ومن اتقدم ليك عارفاني رايي فيه شنو ولي هسي ...
انتي بتغشي في روحك وعارفة كدا كويس .. وكلامك القلتي دا زعلني شديد وشديد كمان ياتو يوم نحن بينا حساب ب انتي وانتي وانا انا .. حصل جيتيني انا ما ساعدتك او ما لقيت ليك حل؟
"سكتت ما ردت"
-ردي علي حصل مني؟
"حصل سكوت رهيب لما هو جا داخل فجأة..أماسي عاينت ليه عيونهم جات في بعض وطلعت طوالي".
*فدوي انا حا امشي بعد كدا ولا امي ح تسوي لي سين وجيم في التأخير.. كان حصل اي جديد وريني سمح.
-تمام
"جو طالعين بره.."
-وائل انت جيت متين ؟
*قبيل وجيت دخلت لقيتكم بس ما هببتو ليي شغالات قطيعة ما فاضيات ..
"كان بعاين لي شوق ما نزل عينو لما فدوي لكزتها وجرتها "
*ياخ انتي قطاعة نصيب مالك
-انا برضو طيب اقول ليك شي اخوي كلم امي انو عاوز اتقدم ليك شفتي صاحبتك بتحب ليك الخير كيف.. ومنها تنسي سجم الرماد اللسه معلقة فيه دا..
"للحظة اترددته وتاني ضحكته وعملت روحي خجلانة "
طلعت منها وانا بكلم في روحي
لشنو انا ما قادرة اعجب بيه مع انو من نظرتو لي وتعليقو مهتم بي ظاهر بس جواي ليه فاضي اوووف ..
"في قرية العميراب"
ملاحظة: اسم القرية المزكورة ما ليها علاقة بمنطقة حقيقية.
*في شنو الكواريك دي
رقية لفحت توبا وبدوي جرا وراها..
ناس الحلة متلميين جمب بيت ود السايح
-سجمي اجري يا راجل ما تكون ام الحسن سوت شي في راجلا عشان داير يعرس.
*المرا دي مجنونة ولا شنو اسمعيها بتجض كيف ودالسايح دا زاتو مستحملها كيف ما عارف...
"بتنادي في بتول بتول اقيفي لي بتول "
"وهن ماشات وعينهم للمة"
-في شنو يابتول؟
*اجييي انتي وين يختي مش #الدقداقة وقفت في اميمة بت عوض الجيد امس المغرب والعقد باكر..
-الليلة وووب وووب
*ما شايفاها جنت كيفن من صبحت ترا شارطة الحلة بالعزا دا ،، مشت ليهم في بيتهم وما خلت ليهم صفحة يرقدو عليها نبز نبز تقيل وكتيح تراب
-اجيي عاد ما بسألا هي بعد دا سبب ما عندها ياها عارفاه صنعتو العرس وهي لا بت امس لا الليلة من عرستو التقعد في واطاتا دي وتلم شفعها ديل عليها كفاها زاتا ولادة كل سنة بشافع..
*خمالة نسوان ساي ترا مجرجراهم كدا الشفع عرايا ووسخانين ومسجمين ومرمدين وهي تتمسح وتدخن وتدلك نهارا دا كلو للراجل غبيانة بس ..
*اسكتي اسكتي ما بنقدر عليها لسانا زفر ..
"ساعة زمن ورجال الحلة لملمو الموضوع وفرقو الناس كل زول علي بيتو"
رقية وبدوي راجعين بيتهم
*انتي يا رقية
-اي
*مش عندك اخوك في المدينة ما بتسألي مالك منو؟
-داير بي شنو لا بتعرفو لا بعرفك..
*هي معرس لي مرا مقطوعة من شجرا النتعرف بي ساي ياها شوفتي ليه زمان وقت جيت اعقد عليك وما اداني وش.. اسمعي هنا بكرا دي نركب نمشي ليهم ..
-بدوي اسمع هنا ماعندك شغلة بيه زول زماااان خلا الحلة دي ونسانا ونساها كان دايرنا كان جا ..وانت زاتك المزكرك بالموضوع شنو وقت جيت تعرسني مالك ما كنت عارف بسبب شنو؟؟..
*غبيان بس
-غبيانة انا الوافقت ب راجل مسجم
👍9