" قربت عليها " كرملي السكر براهو لمن يبقى دهبي ، و كبي ليهو اللبن و رشة فانيليا خفيفه و نتفة ملحه حاجة هبشه كدا ، و بعد يبرد جيبي بسكويت رويال و لا بركة ، انتي و مقدرتك و تعالي كسري البسكويت في الكراميل و يلا بعد داك عبيهو في اكياسك و دخلينو الفريزة ، و بعدين تقومي تدعي لي دعوه سمحه كددددددددداااا ، و اوعدك يا خالتي بأذن الله البجربو مرة ما بفوتك تاني !
" مسكتني من كتافيني ضمتني عليها "
قالت لي " همسه بي نفس نبرتي"
اتفقنااا و سرررك في بير هههههه ، الله يعدلا عليك يا بيتي و يسعدك و ينور بصيرتك و كان ليك عدو الله يبعدو و يشغلو في روحو ..
" و انا بقوم من الحجر و بنفض في عبايتي و بضحك " امين امين امين و ليكي بالمثل ان شاءالله ، اها يلا انا بمشي عشان الوقت !
صحي انا ما سألتك ، كايسه لي منو انتي ؟
والله يا خالتي ما واثقه اني في المكان الصح ، " لانه لاحظت ان المنطقه شويه قديمة و بيوت ملاحه ، م حسيتا بيئة اريج الانعكست لي " لكن بفتش لي وحدة صحبتي اسمها اريج !
اريج بت التومة ؟
ما بعرف اسم زول من اهلها غيرها ! بس هي صفرا اقصر مني شويه ، صحتا كويسه لا مليانه لا ضعيفه ، ماشاءالله عيونها وساع !
عندها بنية صغيرونة كدا ؟ و اختها اروى ؟؟
لالالا
والله يا بتي وصفك دا بقول ياها ، و مافي اريج هنا غير شافعه صغيرة و اكيد ما ياها !
طيب البتقصديها دي بيتا وينو ؟
ياهو داك ليهو " اشرت لي عليه " جري الحبل بي برا و ادخلي ، عشان بكونو لي جوا ما بسمعو الا تدخلي عديل !
خلاص سمح يا خالتي شكراً ليكي و شكراً على الداندرما السمحه دي بردتي علي الله يبردا عليك يارب ..
" ضحكت قدرتا " اللهم آمين يارب ...
#مشيت منها ..
مشيت زي ما قالت لي و كانت متابعاني من بعيد ، لمن وصلت خشم الباب اتلفت عليها عشان اتأكد تاني لانه قلبي بقول لي اني ماشه غلط ، لمن خزت لي راسها من بعيد ، جريت الحبل حق الباب و لمن فتح خبطته الباب شديد " عشان قالت م بيسمعو " و انا جوا !
مع رفعة راسي لقيت #اريج
" كان حوش واطاتهم حصحاص دقاق كدا ، كانت واقفه جمب برميل المويه و ماسكة الجك و مدنقرة بتغسل في رجولها ، فا مع خبطتي للباب رفعت ضهرها لي فوق و " قالت لي :
#سلوان !!!
#زنوبيا_المطبخ..
" حسن واقف جمب الباب ، و تذكر ليلة امبارح و كلامو مع وليد ! "
#فلاش_باك ..
" حسن كان واقف خشم باب المحل في حالة ذهول لدرجة انه فضل واقف ساكت في مكانو دا فترة طويله شديد ، و وليد في الباب و كان ضهرو على الشارع و وقتها وقف بسبب اخر كلام سمعو مني ، و بعدها دخل جوا المحل و قعد محلي "
" حسن دخل ليهو المحل و امجد كان واقف عند البترينات و محمد بي برا القزاز ف الشارع "
حسن : امجد ، اطلع على محمد برا و امشو بعد كدا !
امجد : " دخل شال تلفونو و شاحنو و طلع و ما عاين في محمد حتى و مشى "
محمد " جا داخل "
: انا حابي اكون موجود او سمحته !
حسن : محمد ، مقدر احساسك بس ما تنسى انحنا اصحاب المكان والبيجصل بنعتبرو حاجة خاصه !
محمد : بس الحصل دا حصل معانا كلنا و مع سلوان اللي زيها زينا !
حسن : والله ما قادر ارفع صوتي لانو ضغطي رافع يا محمد ، امشي اسي !
محمد : " بعدم قبول "
تمام .. #طلع
حسن " مربع يدينو واقف قدام وليد " :
عايز تبرير لي كلام سلوان ، و لي رد فعلك ، ولي كل حاجة يا حسن !
وليد : دي وحدة تافهه ساي و كذابه !
مصلحتي شنو انا ؟ انا هنا زي زيك و ما منطق ، لكن انا حا اعرف اربيها كويس !
حسن :
هههه شي غريب ! الغريبه ان دا ما كان كلامك عنها
ياهو كان كلامي انا و انت كنت بتدافع عنها ، اسي الغيرك شنو ؟ على الاقل انا كل العملتى في سلوان كنن مكلمك بيهو و موريك كل حاجة !
بس عايز تبرير منطقي للقالتو سلوان و اظن دا من حقي لان دا محلي زي م هو محل ابوك !!
وليد :
" قام على حيلو " و انا اكبر من اني ارد على تفاهه زي دي ! هئ انا حا انزل اعلان بكرة لي موظفين #انا ماشي ... اقفل وراك !
حسن :
هين يا وليد !!
#احداث_حاليه !
" حسن فتح الباب و دخل "
م اتكلم مع زول فيهم ، دخل عديل لحد عم اسماعيل الكان قاعد في كرسي و ظاهرة في وشو ملامح القلق ..
حسن : عايز القايمة حق المحلات الاتعاماتو معاهم خمسة يوم لي ورا !
عم اسماعيل :
" بي حركة سريعه ، فتح الدرج بالمفتاح و طلع ليهو ملف .. و فتحو ليهو و رجع قعد "
حسن :
بالنسبه للاتفاق البينا بخصوص المقترحات ، اتلغى و مكانك محفوظ داخل زنوبيا ، و الليله راحه لحين اشعار مني .. كلم الـ في المطبخ ... #طلع_مشى على عربيتو و طلع فات .... " بعد ساعه وصل المخازن حقت الدقيق و طوالي طلع على مكتبهم حق الطلبات و قعد مع الاداري البينزل الطلبات على المحلات ، و طلب تفاصيل مؤرخه بالطلبات النزلت ليهم "
" مسكتني من كتافيني ضمتني عليها "
قالت لي " همسه بي نفس نبرتي"
اتفقنااا و سرررك في بير هههههه ، الله يعدلا عليك يا بيتي و يسعدك و ينور بصيرتك و كان ليك عدو الله يبعدو و يشغلو في روحو ..
" و انا بقوم من الحجر و بنفض في عبايتي و بضحك " امين امين امين و ليكي بالمثل ان شاءالله ، اها يلا انا بمشي عشان الوقت !
صحي انا ما سألتك ، كايسه لي منو انتي ؟
والله يا خالتي ما واثقه اني في المكان الصح ، " لانه لاحظت ان المنطقه شويه قديمة و بيوت ملاحه ، م حسيتا بيئة اريج الانعكست لي " لكن بفتش لي وحدة صحبتي اسمها اريج !
اريج بت التومة ؟
ما بعرف اسم زول من اهلها غيرها ! بس هي صفرا اقصر مني شويه ، صحتا كويسه لا مليانه لا ضعيفه ، ماشاءالله عيونها وساع !
عندها بنية صغيرونة كدا ؟ و اختها اروى ؟؟
لالالا
والله يا بتي وصفك دا بقول ياها ، و مافي اريج هنا غير شافعه صغيرة و اكيد ما ياها !
طيب البتقصديها دي بيتا وينو ؟
ياهو داك ليهو " اشرت لي عليه " جري الحبل بي برا و ادخلي ، عشان بكونو لي جوا ما بسمعو الا تدخلي عديل !
خلاص سمح يا خالتي شكراً ليكي و شكراً على الداندرما السمحه دي بردتي علي الله يبردا عليك يارب ..
" ضحكت قدرتا " اللهم آمين يارب ...
#مشيت منها ..
مشيت زي ما قالت لي و كانت متابعاني من بعيد ، لمن وصلت خشم الباب اتلفت عليها عشان اتأكد تاني لانه قلبي بقول لي اني ماشه غلط ، لمن خزت لي راسها من بعيد ، جريت الحبل حق الباب و لمن فتح خبطته الباب شديد " عشان قالت م بيسمعو " و انا جوا !
مع رفعة راسي لقيت #اريج
" كان حوش واطاتهم حصحاص دقاق كدا ، كانت واقفه جمب برميل المويه و ماسكة الجك و مدنقرة بتغسل في رجولها ، فا مع خبطتي للباب رفعت ضهرها لي فوق و " قالت لي :
#سلوان !!!
#زنوبيا_المطبخ..
" حسن واقف جمب الباب ، و تذكر ليلة امبارح و كلامو مع وليد ! "
#فلاش_باك ..
" حسن كان واقف خشم باب المحل في حالة ذهول لدرجة انه فضل واقف ساكت في مكانو دا فترة طويله شديد ، و وليد في الباب و كان ضهرو على الشارع و وقتها وقف بسبب اخر كلام سمعو مني ، و بعدها دخل جوا المحل و قعد محلي "
" حسن دخل ليهو المحل و امجد كان واقف عند البترينات و محمد بي برا القزاز ف الشارع "
حسن : امجد ، اطلع على محمد برا و امشو بعد كدا !
امجد : " دخل شال تلفونو و شاحنو و طلع و ما عاين في محمد حتى و مشى "
محمد " جا داخل "
: انا حابي اكون موجود او سمحته !
حسن : محمد ، مقدر احساسك بس ما تنسى انحنا اصحاب المكان والبيجصل بنعتبرو حاجة خاصه !
محمد : بس الحصل دا حصل معانا كلنا و مع سلوان اللي زيها زينا !
حسن : والله ما قادر ارفع صوتي لانو ضغطي رافع يا محمد ، امشي اسي !
محمد : " بعدم قبول "
تمام .. #طلع
حسن " مربع يدينو واقف قدام وليد " :
عايز تبرير لي كلام سلوان ، و لي رد فعلك ، ولي كل حاجة يا حسن !
وليد : دي وحدة تافهه ساي و كذابه !
مصلحتي شنو انا ؟ انا هنا زي زيك و ما منطق ، لكن انا حا اعرف اربيها كويس !
حسن :
هههه شي غريب ! الغريبه ان دا ما كان كلامك عنها
ياهو كان كلامي انا و انت كنت بتدافع عنها ، اسي الغيرك شنو ؟ على الاقل انا كل العملتى في سلوان كنن مكلمك بيهو و موريك كل حاجة !
بس عايز تبرير منطقي للقالتو سلوان و اظن دا من حقي لان دا محلي زي م هو محل ابوك !!
وليد :
" قام على حيلو " و انا اكبر من اني ارد على تفاهه زي دي ! هئ انا حا انزل اعلان بكرة لي موظفين #انا ماشي ... اقفل وراك !
حسن :
هين يا وليد !!
#احداث_حاليه !
" حسن فتح الباب و دخل "
م اتكلم مع زول فيهم ، دخل عديل لحد عم اسماعيل الكان قاعد في كرسي و ظاهرة في وشو ملامح القلق ..
حسن : عايز القايمة حق المحلات الاتعاماتو معاهم خمسة يوم لي ورا !
عم اسماعيل :
" بي حركة سريعه ، فتح الدرج بالمفتاح و طلع ليهو ملف .. و فتحو ليهو و رجع قعد "
حسن :
بالنسبه للاتفاق البينا بخصوص المقترحات ، اتلغى و مكانك محفوظ داخل زنوبيا ، و الليله راحه لحين اشعار مني .. كلم الـ في المطبخ ... #طلع_مشى على عربيتو و طلع فات .... " بعد ساعه وصل المخازن حقت الدقيق و طوالي طلع على مكتبهم حق الطلبات و قعد مع الاداري البينزل الطلبات على المحلات ، و طلب تفاصيل مؤرخه بالطلبات النزلت ليهم "
👍1
يمة !
مارق عل الشغل ؟
اي ، و احتمال كبير اطلع افتش لي بيت قريب من هنا !
بيت !! يا ولدي بيت لشنو ؟ يعني بتعرس وتسوق مرتك و تمش مننا ، اكان على البيت ما ياهو الراجل بارك الله فيهو وسعا علينا ؟؟
لالالا يمة انتي فهمتي غلط !
جايك في الكلام ، ياها بي سبب الوسعه دي انا داير اشوف لي بيت تاني ! قال داير يرجع جهة الصالون " الهول " ياهو نص البيت الوراني ، و يقفلو تاني زي الاول ، عشان حيأجرو لي طلبة ، يعني حنتحصر على الحته دي زي الاول !
لا حول الله ولا قوة الا بالله ! سمح زيد ليهو الايجار بدل نمرق يا ولدي ! اتا وريهو قوليهو ما ترجع تقسم البيت تاني و نأجرو كامل !
طيب بشوفوو ! انا طالع يلا ...
ودعتك الله ! " بي صوت واطي ، مابعرف غايتو لكن حالك ما عاجبني يا ولدي "
مدثر هاااا اسمعني ، اتا حتعمل شنو مع صحبك ؟
منو حسام قصدك ؟
ياهو !
الواضح زيو مافي و انا من البدايه فتحت ليهو اضانو عشان ما يتعشم ساي بتك و عارفاها انتي !
خير ما سويت يا ولدي ، هو زاتو ما كان يجرجر اهلو ديل معاهو ساي الا بعد يضمن الموافقه شان ما يتحرجو معانا ساي !
كلو بياخد قسمتو و نصيبو يا غاليه .. يلا فا امان الله !
وادعاك للحافظ الامين يا ولدي !
#زنوبيا_المطبخ !
{ حسن و محمد و عمر و اريج في الوسعه البرا ، كل واحد كان بيشتغل في حاجة و سلوان في المطبخ }
عم اسماعيل من برا : اجيك يا بتي اساعدك ؟
سلوان : ما بعرف با عم اسماعيل لكن البيض دا ما داير يصل للقوام حقو ، من قبيل فاتحه المضرب !
" عم اسماعيل جا عليها و عينو في السكر الجمبها "
عملتي شنو انتي ؟
اضفت البياض بس عشان اصل لقوام المرنق ! و بشر ليمون و سكر !
سكر !! " اتلفت على السكر الفي التربيزة " من السكر دا ؟؟؟
ايوااا !
دا سكر عادي يا بتي ! مفروض تختي سكر بدرة كان ما كانت طريقتك في الماكرون " مستغرب بعاين فيني " ، امشي غسلي وشك دا و سمي الرحمن و تعالي !
نسيت ! والله يا عم اسماعيل " متوترة " طيب !
السكر البدرة في رفوف التموين ، بتلقيها علبه غطايتا حمرا ناقص منها كتير جيبيها كلها كميتها قليله ! ( قال في نفسو ) بسم الله انا بوصف ليها مالي ! اصلاً كاتب في وش العلبه ، الا الغير صالحة للاستخدام ! طيب 8 بيضات هنا ....
اريج " مقاطعاهو " : عم اسماعيل ! كدا كفايه ؟
ااي كفايه !
"سلوان جات شايله العلبه حقت السكر "
عم اسماعيل ، انا بعملو بس قبيل كنت جايطه و مشتته شوية !
خليني واقف معاك م وراي شي !
لالا امشي اقعد شويه من الصباح بتكون واقف !
طيب شلتي دقيق اللوز ؟؟؟ اتأكدي منو عشان انحنا علبنا المواد التموينية كلها الا الدقيق عشان الكميات كبيرة !
ايوااا ! عجبني النظام شديد كدا اسهل !
من بعد الحصل داك يا بتط الحرص واجب بعد دا بقت مسؤليتي ما بقدر اتحمل ذنب زول في رقبتي !
الشر برا و بعيد !
محمد : سلوان الصوص م تنسيهو ! انحنا هنا ما فاضل لينا حاجة غيرو ! و الكيك في الفرن بس ..
سلوان : اااي حا اختو اسي ! اريج طلعي من الفرن مع تاني مؤقت حيضرب بعد ٥٠ ثانيه !
اريج : اي اي قلتيها لي ستين مرة ،، حاضر حاضر و الله حاضر ..
حسن : هههههه
اريج " من غير م تحس " : بتعرف تضحك يعني زينا واحد ؟
عمر : ههه دا استاذك لازم يكون صارم !
اريج : كان استاذي هسي بقى حسن ساده !
حسن : حلم " احم " محمد دا مفروض يدخل التلاجة ..
" شلت بيض من اول و جديد ، جا عمر بقى بيفصل معانا الصفار من البياض ، و نزلتو في الهاندميكسر ،، و نزلت السكر ... "
عم اسماعيل و هو طالع : وقفي وقفي المضرب ! " شال قشر بيضه طلع بيها قشور صغيرة كانت جوا المضرب " سلوان !
اسفة ما انتبهته !
عمر : يمكن وقعت مني انا ، م عندي خلفيه بس حبيت اساعد ..
عم اسماعيل " وهو طالع من المطبخ ": بسيطه حمدلله ..
(بعد 5 دقايق )
السكر دا حبه !! " بصوت عالي " يا عم اسماعيل السكر البدرة دا كلو بس ياهو الفي العلبه دي ؟
رد لي من محلو البعيد "في في علبة زيها في نفس الرف مكتوب عليها"
ما سمعاهو كويس والله .. بس اظن قال في لو مافي الا اسحن جديد ، و زمن مافي !!
عمر : لالا انا سمعتو قال في ، حا اجيبو و اجي !!
" رفعت الصوص في الوقت دا على النار ، ختيت التوت في النار و اديتو سكر و عصارة الليمون و كسرة زبده بلدي و وطيت عليهو النار "
عمر : " مد لي العلبه حقت السكر ، ختيتا في التربيزة "
" فتحت المضرب "
حسن : باقي نص ساعه ! حيلحق يبرد ؟؟؟
نص ساعه !!! اي اي حننجز ان شاءالله .. " فتحت علبة السكر و بقيت بضيف الكميه الناقصه "
عمر : اتأكدي انه سكر ! لانه فيهو ريحة ليمون !
اي شاماها ، في ليمون ف الصوص ، و في سكر انا طاحناهو كنته بي بشر الليمون و الفانيليا .. ما بيحتاج اضوق !! كدا القوام مزبوط ، تعال كب لي دقيق اللوز تدريجي اخد المقاس الوسط دا و عبر بيهو ..
مارق عل الشغل ؟
اي ، و احتمال كبير اطلع افتش لي بيت قريب من هنا !
بيت !! يا ولدي بيت لشنو ؟ يعني بتعرس وتسوق مرتك و تمش مننا ، اكان على البيت ما ياهو الراجل بارك الله فيهو وسعا علينا ؟؟
لالالا يمة انتي فهمتي غلط !
جايك في الكلام ، ياها بي سبب الوسعه دي انا داير اشوف لي بيت تاني ! قال داير يرجع جهة الصالون " الهول " ياهو نص البيت الوراني ، و يقفلو تاني زي الاول ، عشان حيأجرو لي طلبة ، يعني حنتحصر على الحته دي زي الاول !
لا حول الله ولا قوة الا بالله ! سمح زيد ليهو الايجار بدل نمرق يا ولدي ! اتا وريهو قوليهو ما ترجع تقسم البيت تاني و نأجرو كامل !
طيب بشوفوو ! انا طالع يلا ...
ودعتك الله ! " بي صوت واطي ، مابعرف غايتو لكن حالك ما عاجبني يا ولدي "
مدثر هاااا اسمعني ، اتا حتعمل شنو مع صحبك ؟
منو حسام قصدك ؟
ياهو !
الواضح زيو مافي و انا من البدايه فتحت ليهو اضانو عشان ما يتعشم ساي بتك و عارفاها انتي !
خير ما سويت يا ولدي ، هو زاتو ما كان يجرجر اهلو ديل معاهو ساي الا بعد يضمن الموافقه شان ما يتحرجو معانا ساي !
كلو بياخد قسمتو و نصيبو يا غاليه .. يلا فا امان الله !
وادعاك للحافظ الامين يا ولدي !
#زنوبيا_المطبخ !
{ حسن و محمد و عمر و اريج في الوسعه البرا ، كل واحد كان بيشتغل في حاجة و سلوان في المطبخ }
عم اسماعيل من برا : اجيك يا بتي اساعدك ؟
سلوان : ما بعرف با عم اسماعيل لكن البيض دا ما داير يصل للقوام حقو ، من قبيل فاتحه المضرب !
" عم اسماعيل جا عليها و عينو في السكر الجمبها "
عملتي شنو انتي ؟
اضفت البياض بس عشان اصل لقوام المرنق ! و بشر ليمون و سكر !
سكر !! " اتلفت على السكر الفي التربيزة " من السكر دا ؟؟؟
ايوااا !
دا سكر عادي يا بتي ! مفروض تختي سكر بدرة كان ما كانت طريقتك في الماكرون " مستغرب بعاين فيني " ، امشي غسلي وشك دا و سمي الرحمن و تعالي !
نسيت ! والله يا عم اسماعيل " متوترة " طيب !
السكر البدرة في رفوف التموين ، بتلقيها علبه غطايتا حمرا ناقص منها كتير جيبيها كلها كميتها قليله ! ( قال في نفسو ) بسم الله انا بوصف ليها مالي ! اصلاً كاتب في وش العلبه ، الا الغير صالحة للاستخدام ! طيب 8 بيضات هنا ....
اريج " مقاطعاهو " : عم اسماعيل ! كدا كفايه ؟
ااي كفايه !
"سلوان جات شايله العلبه حقت السكر "
عم اسماعيل ، انا بعملو بس قبيل كنت جايطه و مشتته شوية !
خليني واقف معاك م وراي شي !
لالا امشي اقعد شويه من الصباح بتكون واقف !
طيب شلتي دقيق اللوز ؟؟؟ اتأكدي منو عشان انحنا علبنا المواد التموينية كلها الا الدقيق عشان الكميات كبيرة !
ايوااا ! عجبني النظام شديد كدا اسهل !
من بعد الحصل داك يا بتط الحرص واجب بعد دا بقت مسؤليتي ما بقدر اتحمل ذنب زول في رقبتي !
الشر برا و بعيد !
محمد : سلوان الصوص م تنسيهو ! انحنا هنا ما فاضل لينا حاجة غيرو ! و الكيك في الفرن بس ..
سلوان : اااي حا اختو اسي ! اريج طلعي من الفرن مع تاني مؤقت حيضرب بعد ٥٠ ثانيه !
اريج : اي اي قلتيها لي ستين مرة ،، حاضر حاضر و الله حاضر ..
حسن : هههههه
اريج " من غير م تحس " : بتعرف تضحك يعني زينا واحد ؟
عمر : ههه دا استاذك لازم يكون صارم !
اريج : كان استاذي هسي بقى حسن ساده !
حسن : حلم " احم " محمد دا مفروض يدخل التلاجة ..
" شلت بيض من اول و جديد ، جا عمر بقى بيفصل معانا الصفار من البياض ، و نزلتو في الهاندميكسر ،، و نزلت السكر ... "
عم اسماعيل و هو طالع : وقفي وقفي المضرب ! " شال قشر بيضه طلع بيها قشور صغيرة كانت جوا المضرب " سلوان !
اسفة ما انتبهته !
عمر : يمكن وقعت مني انا ، م عندي خلفيه بس حبيت اساعد ..
عم اسماعيل " وهو طالع من المطبخ ": بسيطه حمدلله ..
(بعد 5 دقايق )
السكر دا حبه !! " بصوت عالي " يا عم اسماعيل السكر البدرة دا كلو بس ياهو الفي العلبه دي ؟
رد لي من محلو البعيد "في في علبة زيها في نفس الرف مكتوب عليها"
ما سمعاهو كويس والله .. بس اظن قال في لو مافي الا اسحن جديد ، و زمن مافي !!
عمر : لالا انا سمعتو قال في ، حا اجيبو و اجي !!
" رفعت الصوص في الوقت دا على النار ، ختيت التوت في النار و اديتو سكر و عصارة الليمون و كسرة زبده بلدي و وطيت عليهو النار "
عمر : " مد لي العلبه حقت السكر ، ختيتا في التربيزة "
" فتحت المضرب "
حسن : باقي نص ساعه ! حيلحق يبرد ؟؟؟
نص ساعه !!! اي اي حننجز ان شاءالله .. " فتحت علبة السكر و بقيت بضيف الكميه الناقصه "
عمر : اتأكدي انه سكر ! لانه فيهو ريحة ليمون !
اي شاماها ، في ليمون ف الصوص ، و في سكر انا طاحناهو كنته بي بشر الليمون و الفانيليا .. ما بيحتاج اضوق !! كدا القوام مزبوط ، تعال كب لي دقيق اللوز تدريجي اخد المقاس الوسط دا و عبر بيهو ..
👍1👎1
محجوب ". بيطبطب على رجل حسن " :
اتطمن انا اتصرفته من صباح الرحمن و مستحيل سلوان تتورط ..
حسن " ماشي و جاي في نص المحل " : ما عارفاك من قبيل شابكني اتصرفته اتصرفته ! اتصرفته كيف في 6مليار انا ما قادر استوعب ، المهم خلي علي الزفت دا يوصل و بعدين نتفاهم !!!
محجوب : روق يا حسن بالطريقه دي حيعصلج معانا و حيركب راس و انا لسه عندي امل فيهو بس قلته يمكن في موقف ولا حاجة زعلتو خلتو يتصرف تصرف زي دا لانه الدوامة الانحنا فيها دي كلها بي سببو !!
حسن : المشكلة ان كلامك دا غير بيعصبني زياده ما بيسوي حاجة !! محجوب الله يخليك ،، حسن ظنك دا وفرو لي زول غير الزفت دا تمام !!! و خلينا نسكت عشان اقدر افكرررر !!!
محجوب : حتفكر كيف و انت رايح جاي كدا زي الديدبان !!
" حسن عاين ليهو و سكت "
#زنوبيا_المطبخ !!
عم اسماعيل : بالليمون امممم ! ياخي الله يغطي عليكي يا بتي ! ماشاءالله تبارك الله !!
سلوان : اكل دي كلها اصلا خليتا ليكم ! ضوقوهاا !!
اسماعيل : عارفه كان قالو لي اتمنى ! حا اقوليهم بس داير اعيش الفلضل لي من عمري دا و انا مستمتع بي حاجاتك البتسويها دي !
سلوان : ربنا يديك طولة العمر يارب .. يلا انا بعد دا مفروض امشي المحل .. " بعبش في شنطتي "
هيييي انا كيف نسيت " طلعت كيس الحلاوة " هاااكم ، دي حلاوة عقد مدثر اخوي هههه ،، عقبال حبايبكم يارب ..
خالة من البشتغلو : عقبالك انتي دي زاتك يا بتي نفرح بيك فرح لا سمعو بيهو لا شافوهو ! و نجي نقعد جمب امك نخليها معززة مكرمة نخدما و نسوي ليها العجب ، داااك يا المحمر و داااك يا المقمر ، عاد الزي سلوان منو. !
سلوان : وااااي يا خالتي الله لايحرمني من يارب ، جيبي بوسه ياخي " بوستها " ، امين ادعو لي كتير كتير شديييييد ، محتاجه لي دعاكم ! ههه .. يلا فتكم بعافيه ..
#جانب_الطيب !
اسامة " شايل صينية الاكل "
وينو الشاب دا ؟؟
الطيب : دخل الحمام ! لكن رااايق ياخ والله بليل داك خوفتي كيف قلق بي الليل كلو نايم بي نص عين و انت ماشاءالله عليك ما خليت نغمة ما عزفتها بي صوت شخيرك دا !
اسامة : المخدة عاليه ياااخ ! ورح مد يدك لمن مالك دا يجي انا والله جعان !
الطيب : داير اخش الحمام ياخي !
" مالك جا ، بالبشكير "
اسامة : اها اصبحته كيف ؟؟
مالك : قلت ليككم ارهاق ساي بس انتو الحمدلله ، ااح جعان والله .. زح كدا !
الطيب : قايم خاشي الحمام ! عشان بعد دا الزمن والله انا شكلي حمشي احضر عرس اختي زي الضيف واحد !
مالك " حمطو بالبشكير " :
للمرة التالته يا كلب بتتكلم بصفة الفرد و ما حاسبني معاك !!
الطيب " قام ناطي لي فوق " :
يقطع شيطانك ياخي ، انت حاسب نفسك غريب يعني ؟؟
اسامة : الطيب انا والله الصينية دي بقوم بيها منكم ياخ اتخارج ياخ خش الحمام !!
الطيب : عان دا ! تعال اكلني عليك الله ، بعدين انا مريض سكري ، مفروض تقعدوني في الصينيه دي اول واحد !!
مالك : اكل اكل م تشتغل بيهو و بعدين يجي يقول مستعجل و وراهو سفر !
اسامة :انت صحي م تسافر بكرة احضر عرسنا دا ي زول ، هو الليله يعني م فرقت الليله من بكرة !!
الطيب : صععبه والله الحجة من الباب ما بتدخلني هما كانو متوقعني من بليل !
مالك : تلفوني وينو ؟ عايز اضرب لي خالتي دي !
اسامة : كان قريب في العربيه ! خلي واحد من الشفع يجي يتناولو ليك ..
الطيب : عزو قال شنو ؟
مالك " جدعو بالمسند " ياخ اتخارج خش الحمام بعدين تعال تم ونستك !!
الطيب : " نط لي فوق " .. حب شديد .. مشيت منكم اها .. " مرة يبرطم و مرة يغني "
#جانب_تسنيم !
الهام : ما عندي زمن والله امشي !
تسنيم : اضربي ليهم !
الهام : كيف يعني ! اكيد ما حينفع هما م عندهم سفري و خدمات توصيل !
تسنيم : يامرة انتي طيرة ؟ ...يا وجداااان ، تعالي عليكي الله طلعي النار دي من هناا بعد دا كان ما دايرنها اطفوها سخنت الجو دا ولعت بينا ياخي " تعبب بي توبا "
الهام : بس بس لقيتا ! برسل وجدان !
تسنيم : ترسلي لشنو مش كدا كدا سلوان حتجي ! خلاص بس تجيبا معاها ! و كان على الكرت انا بنتظرا في البوابه !
الهام : خلي الكرت ! اسي اتخيلي طلعت ما زابطه حنتصرف كيف و الله العظيم لولا اختي تجي من الكوشه بي الزفاف كان تكركرو كركير حتجي تشلتني دا كلن ما جات فطستني قدام المعازيم ! انتي هبله ولا شنو !
تسنيم : هههههه بتسويها اختك دي والله ، لكن لو دايرة نصيحتي والله تجيبا معاها ، لانو اسي عاني الساعه كم ! ماعندنا زمن .. اتصلي عليها ساي ..
الهام : يا كريم .. بتصل طيب انتي امرقي على النسوان ديل ، بعد دا بشيلو حالنا ، انا بخلص و بجي عليك !!
تسنيم : اي ماشه ليهم .. عشان شويه وماشة البيت ! اللبس اولادي و راجلي ، من امبارح ما شفتهم !
اتطمن انا اتصرفته من صباح الرحمن و مستحيل سلوان تتورط ..
حسن " ماشي و جاي في نص المحل " : ما عارفاك من قبيل شابكني اتصرفته اتصرفته ! اتصرفته كيف في 6مليار انا ما قادر استوعب ، المهم خلي علي الزفت دا يوصل و بعدين نتفاهم !!!
محجوب : روق يا حسن بالطريقه دي حيعصلج معانا و حيركب راس و انا لسه عندي امل فيهو بس قلته يمكن في موقف ولا حاجة زعلتو خلتو يتصرف تصرف زي دا لانه الدوامة الانحنا فيها دي كلها بي سببو !!
حسن : المشكلة ان كلامك دا غير بيعصبني زياده ما بيسوي حاجة !! محجوب الله يخليك ،، حسن ظنك دا وفرو لي زول غير الزفت دا تمام !!! و خلينا نسكت عشان اقدر افكرررر !!!
محجوب : حتفكر كيف و انت رايح جاي كدا زي الديدبان !!
" حسن عاين ليهو و سكت "
#زنوبيا_المطبخ !!
عم اسماعيل : بالليمون امممم ! ياخي الله يغطي عليكي يا بتي ! ماشاءالله تبارك الله !!
سلوان : اكل دي كلها اصلا خليتا ليكم ! ضوقوهاا !!
اسماعيل : عارفه كان قالو لي اتمنى ! حا اقوليهم بس داير اعيش الفلضل لي من عمري دا و انا مستمتع بي حاجاتك البتسويها دي !
سلوان : ربنا يديك طولة العمر يارب .. يلا انا بعد دا مفروض امشي المحل .. " بعبش في شنطتي "
هيييي انا كيف نسيت " طلعت كيس الحلاوة " هاااكم ، دي حلاوة عقد مدثر اخوي هههه ،، عقبال حبايبكم يارب ..
خالة من البشتغلو : عقبالك انتي دي زاتك يا بتي نفرح بيك فرح لا سمعو بيهو لا شافوهو ! و نجي نقعد جمب امك نخليها معززة مكرمة نخدما و نسوي ليها العجب ، داااك يا المحمر و داااك يا المقمر ، عاد الزي سلوان منو. !
سلوان : وااااي يا خالتي الله لايحرمني من يارب ، جيبي بوسه ياخي " بوستها " ، امين ادعو لي كتير كتير شديييييد ، محتاجه لي دعاكم ! ههه .. يلا فتكم بعافيه ..
#جانب_الطيب !
اسامة " شايل صينية الاكل "
وينو الشاب دا ؟؟
الطيب : دخل الحمام ! لكن رااايق ياخ والله بليل داك خوفتي كيف قلق بي الليل كلو نايم بي نص عين و انت ماشاءالله عليك ما خليت نغمة ما عزفتها بي صوت شخيرك دا !
اسامة : المخدة عاليه ياااخ ! ورح مد يدك لمن مالك دا يجي انا والله جعان !
الطيب : داير اخش الحمام ياخي !
" مالك جا ، بالبشكير "
اسامة : اها اصبحته كيف ؟؟
مالك : قلت ليككم ارهاق ساي بس انتو الحمدلله ، ااح جعان والله .. زح كدا !
الطيب : قايم خاشي الحمام ! عشان بعد دا الزمن والله انا شكلي حمشي احضر عرس اختي زي الضيف واحد !
مالك " حمطو بالبشكير " :
للمرة التالته يا كلب بتتكلم بصفة الفرد و ما حاسبني معاك !!
الطيب " قام ناطي لي فوق " :
يقطع شيطانك ياخي ، انت حاسب نفسك غريب يعني ؟؟
اسامة : الطيب انا والله الصينية دي بقوم بيها منكم ياخ اتخارج ياخ خش الحمام !!
الطيب : عان دا ! تعال اكلني عليك الله ، بعدين انا مريض سكري ، مفروض تقعدوني في الصينيه دي اول واحد !!
مالك : اكل اكل م تشتغل بيهو و بعدين يجي يقول مستعجل و وراهو سفر !
اسامة :انت صحي م تسافر بكرة احضر عرسنا دا ي زول ، هو الليله يعني م فرقت الليله من بكرة !!
الطيب : صععبه والله الحجة من الباب ما بتدخلني هما كانو متوقعني من بليل !
مالك : تلفوني وينو ؟ عايز اضرب لي خالتي دي !
اسامة : كان قريب في العربيه ! خلي واحد من الشفع يجي يتناولو ليك ..
الطيب : عزو قال شنو ؟
مالك " جدعو بالمسند " ياخ اتخارج خش الحمام بعدين تعال تم ونستك !!
الطيب : " نط لي فوق " .. حب شديد .. مشيت منكم اها .. " مرة يبرطم و مرة يغني "
#جانب_تسنيم !
الهام : ما عندي زمن والله امشي !
تسنيم : اضربي ليهم !
الهام : كيف يعني ! اكيد ما حينفع هما م عندهم سفري و خدمات توصيل !
تسنيم : يامرة انتي طيرة ؟ ...يا وجداااان ، تعالي عليكي الله طلعي النار دي من هناا بعد دا كان ما دايرنها اطفوها سخنت الجو دا ولعت بينا ياخي " تعبب بي توبا "
الهام : بس بس لقيتا ! برسل وجدان !
تسنيم : ترسلي لشنو مش كدا كدا سلوان حتجي ! خلاص بس تجيبا معاها ! و كان على الكرت انا بنتظرا في البوابه !
الهام : خلي الكرت ! اسي اتخيلي طلعت ما زابطه حنتصرف كيف و الله العظيم لولا اختي تجي من الكوشه بي الزفاف كان تكركرو كركير حتجي تشلتني دا كلن ما جات فطستني قدام المعازيم ! انتي هبله ولا شنو !
تسنيم : هههههه بتسويها اختك دي والله ، لكن لو دايرة نصيحتي والله تجيبا معاها ، لانو اسي عاني الساعه كم ! ماعندنا زمن .. اتصلي عليها ساي ..
الهام : يا كريم .. بتصل طيب انتي امرقي على النسوان ديل ، بعد دا بشيلو حالنا ، انا بخلص و بجي عليك !!
تسنيم : اي ماشه ليهم .. عشان شويه وماشة البيت ! اللبس اولادي و راجلي ، من امبارح ما شفتهم !
👍4