اللهام : بكرة شنو ؟؟ اذا هي بكرة الحنه ولازم نحجز قبل يومين او يوم ! انتو في عرس عزو حجزتوها قبل العرس بي كم ؟

تسنيم : بري والله ما بعرف جابوها هم !!
يعني نمشي الليله ؟؟
اللهام : ااي بس مفكرة نتصل اول ، و نشوف حدهم كم عشان لسه مفروض امشي استلم ليها فستان الحنه !

تسنيم : تمام يا زوله لهوم احنسك يعني عشان تديني مويه و انتي من قبيل قاعده حاضنة الكبايه دي كدااا !!
لهوم : انت اذا صبر م عندك اسوي ليك شنو انا ؟؟
ياخ والله انا حزينه ! يعني اسي تقوى ما حتحضر معانا العرس ؟؟

تسنيم : هههههه امبارح بقول ليها كدا العرس حيفوتك ، بقت تقول لي استغفرالله استغفرالله اتقي الله يا زوله انا لسه عمرتي ما كملتها زي الناس ، كان في شياطين ياكم انتي و لهوم ديل هههههه

لهوم : شوف البت بالله ههههههه !

#جانب_الطيب..

" طالع من وكالة السفر و السياحة "
تلفونو بيرن

" الطيب قعد في استراحه على الشارع جمبو ، و رد على المكالمة "
الووو يا مرحب استاذ امير ( زميل الطيب في الشغل ،، و شخصيه عابرة م تركزو فيها )
— يا هلا الطيب كيفك ؟
حمدلله بخير ... اتفضل اامرني !
__ سمعت انك قدمت على اجازة ! خير ؟؟؟
اي و استلمت الموافقه .. زواج اختي ان شاءالله !
__ زواج اختك يعني ما زواجك انت عشان تكلف على عمرك و تاخد اجازة ! و انت ما مداك تشتغل عندنا سنة !
لو كان في اي مشكلة في اجازتي اتوقع الادارة كانت رفضت طلبي للاجازة !
__ الادارة لو تعرف ان عندك شغل ما مخلصو ما كانت وافقت على طلبك !
بس انا ما عندي شغل ما خلصتو !!
__ على العموم وضعك طبيعي ، واسطتك قوية ما اعرف انا ليش مستغرب ، والله لو ما نوريان كانت سبب بتوظيفك و اتوسطت ليك ماكان دا كلو حصل ، شي معروف واسطه البنات بمليون شهادة خبرة !
استمتع بالاجازة و عادي يمديك تاخد ثلاثه شهور اجازة على قد شهور عملك ما اتوقع احد بيسألك ، لو في اي شي نوريان بتحلها اتطمن و امرح يا عزيزي !!!! سلام عليكم !!!!

#الطيب_بيحكي :

في مواقف كتيرة بنتعرض ليها و بتزعجنا لدرجة بتخلينا نكره المكان من غير ذنب ،، انا ما حصل مر علي يوم كنت مرتاح في الشغل !!
دايماً كنت بحس بي مطاعنات زمايلي لي رغم ان بعضهم سودانين زي ،،
فكرة اني اتوظفت عن طريق نوريان دي انا عن نفسي ما كنت عارفا ! كل الكنت عارفو من بعد الحصل لي دااك انا سحبت الC.V من ماسه حسب طلبي منها ، قبل ما يوصل للادارة حقت التوظيفات ، حسب الحوار الحصل بينا انا و مالك وقت كان بيقنعني اني اقعد و اشتغل و انا كنت رافض و بعدين قالي اقدم الC.V بعيد منه ...
بعد نوريان سحبتو ، قالت لي في شركة انا بتعامل معاهم و عندهم تقديمات فاتحه ، حا اقدم ليك الC.V حقك وقتها انا كنت لسه ما اتعافيت تماماً و ياداب طالع من المستشفى ..
المهم وافقته ، و بعد اسبوع كلمتني بي خبر قبولي و ما تديت الموضوع حجم بقدر الظروف الكنت ماري بيها وقتها والشاغل بالي كان اكبر من الشغل دا بي كتير بالنسبه لي ...
من اول اسبوع لي كنت بحس بي عدم قبول و عدم استلطاف ، م ركزته معاهم و شويه شويه بدت تحصل مطاعنات بي انهم تعبو و حفو بالشهور عشان يتوظفو و انا اتوظفت بي سبب نوريان ، اتحملته لاني كنت ضاع .. و سكته لاني ما حابي اتناقش او اختلف مع زول و سكته و هم فهمو سكوتي دا خوف او اني ما قادر ارد عليهم !!
و امير دا زميل مكتب يعني انا وهو في نفس المستوى و رغم ذلك بيعمل علي مسؤل و انا برضو بسكت و بتماشى و اكتر زول بحس بي كراهيتو لي ، و اخر حاجة كنت اتوقعا منو هي المكالمة دي ..

"بعدالمكالمة "
نفسي كتم و اتخنقته و بقت بجر في زراير التشيرت رغم ان رقبتو واسعه ، بقيت بشهق و حسيت اني دايخ رغم اني قاعد في مقعد .. بقيت بستغفر و بقول اللهم ابعد عني كل ضيق .. يارب ، استغفرالله العظيم و اتوب اليه ...
اخدت زي 17 دقيقه كدا حسيت عيوني فتحت كدا وبديت اتحسن مع كتمة الجو ..
تلفوني رن **

نور : طيوووووب .. وينك ؟؟ هاا قطعته ؟؟
اي الحمدلله قطعته !
نور : واااي لااء يعني خلاص حتمشي و تخليني ؟؟
متخلفه .. و مالك ما طمنتيني عليكي امبارح لمن وصلتي ؟؟
نور : وصلت مرهقه نمته طوالي !
مرهقه من الونسه مع البيبي يا سمحه !
نور : انت نفسك دا مالو ضيق كدا !؟ كويس انت ؟
كويس حمدلله متحرك على العربيه !
نور : طيب شوف الفيس رسلته ليك لنك عايزاك تخش عليه فيهو " مواقــ#قطعت كلامها " عاين انا حقفل اسي ، برجع ليك تاني جاني زول " قبل تقفل " ايواااا اتفضل ... " تيت تيت تيت "

الطيب بيكلم نفسه : لنك اممم طيب كان ترسلو ايميل بدل جرجرة الفيس دي !