يدها باردة ما حا تحسي بيها "من جواي كرهت دلال قبل اعرفها كويس"
دخلت ابرة القسطرة بيدي وبدت قطرات جرعة الكيماوي تدخل جوة جسمي.
-اها كلميني عنك بتقري شنو؟
"حسيتو داير يشتت انتباهي "
*عايزة بس اشيل القسطرة دي وارجع بيتنا كويسة زي زمان.

"بيت العرس"
طلعنا طوالي وجينا شقة مفروشة كانت مجهزة بكل شي قعدنا في الصالة"..
-مجدي مالك من ركبنا العربية وجينا الشقة وانت ساكت تاني ما اتكلمته في شي غيرك ما كنت سرحان كدا قبيل؟
*انا طالع مشوار وبجي.
-شنوو"منططه عيونا ما مصدقة" مشوار؟ ويادوب نحن عرسنا.
*فدوي!!!"قالا بعصبية" انا ما بحب مرا تراجعني في كلامي..
"وطلع خلاها مخلوعة من اول ما مصدقة الحصل قداما هسي دا"
"مسافة الطريق"
دخل وقعد طوالي"
-ما مشيت العرس ولا شنو؟
*اي
جات قعدت جمبو واحدة
*اسمعي قومي من جمبي ما عندي نية ومزاج فيك الليلة..
دخل واحد تاني وشايل المعسل في يدو
اصوات ضحكهم عالية ماف زول واعي
شي بنات وشي مخدرات وسجائر مجدعة
وقتها كان بفكر فيها وكل ما تجي علي بالو دقات قلبو بتذيد ...
صاحبو مده ليه ابره
شالا منو وقام
-خير وين ماشي اليوم بدري كدا؟؟
*ولا شي وطلع طوالي ركب عربيتو وشغل اغاني بصوت عالي وطيران زايد السرعة
"بفكر في شوق وصاجي علي اسنانو عاين للساعة كانت 8مساء"
"في الشقة"
*اووف دا شنو الملل الانا فيه دا في عريس بطلع يوم عرسو ويخلي عروستو تكون اشجان تعبانة عايزة تموت ولا شنو هوتني احسن ..
" واقفة جمب التلفون وماسكة الريموت في يدها ولابسة ليها فستان قصير بنفسجي بدون اكمام"
فجأة سمعت صوت الباب فتح
"كرررب ككرب"
*مجدي جييت "جرت عليه" رجعت ل ورا شكلو وريحتو ما طبيعيات
مجدي مالك انت عامل كدا خوفتني
نحن الليلة عرررسنا
"دخل الاوضة جوه وجا طالع تاني وجا عليها.. "
*مجدي في شنو؟
"بخوف رجعت لي ورا لما رجلي لمست الكرسي قعدت قبلي
قرب مني وانا من الخوفة قعدت ابكي.."
مسكني من رقبتي و عضاني بسنونو وكل قوة يديه في كتفي.."

* واااااااااي "صرخته" مجدي لالا حرام عليك الله يرضي عليك زح مني "بدفر فيه" واااااي عليك الله زح مني كفاية (وببكي)..
الوجع داير يقتلني وهو لسه بعضي فيني بقوة وانا بزح فيه مني ..
- "زح مني وقعد يضحك " حرقتك ولا شنو مالك بتكوركي كدا..
يلا انا بنتظرك في العربية بره البسي سريع وتعالي..
"طلع خلاني في حالة رعب برجف وبستوعب في العملو معاي للحظة راسي ضارب انا بحلم؟!!!"

"في المستشفي"
*مرت خمسة دقائق .. ربع ساعة.. ساعة ...
لحدي هسي ما حسيت بأي وجع ولا إستفراغ وشعري ما وقع..
دا خلاني مطمنة حبة وتوتري خفه ..

"العامراب" بدوي
-يا رقية رقية تعالي يا مرا"بكوراك"
*بتنبح ياراجل مالك ها في شنو؟
-انتي سعاد دي ما كانت عندها صاحبة؟
*سعاد الجننتك دي انا زااااتي غلطانة وقت قلت ليك..
-يا مرا علي بالحرام ما نادتك ساي الا حظك البشبه وش الحمار دا ماتت قبال تقول ليك والموضوع فيه سر..
*حيرتني يابدوي البعرفو عندها واحدة من القرية ال هنا دي اسمها شنو؟ اي المريبيع
كم مرة بمشي بلقاها معاها داية حبل برضو لكن طولت ما شفتها تاني تكون ماتت كبيرة حتها.
-بكرا من دربك دا تمشي لي بتها تسأليها انا كان ما حددت الموضوع دا ما برتاح وشوفي براك تمشي وتجي لكلامي..

*"دخلت الاوضة عاينت ل رقبتي محل العضة محمرة وسنونو ظاهرات .."
بكون بهظر يا فدوي ما تكبري الموضوع اكيد عامل لي مقلب ..
"لبست فستان وسرحته وطلعته ركبت العربية "
-انزلي من العربية!!
*بإستغراب" مجدي بطل كفاية ما عاوزة هظار انا وارح انزل خلينا ندخل جوه "بنرفزة وعصبية"
( رفع صوتو علي)
-قلت ليك انزلي من العربية ولا استخدم معاك اسلوب تاني..
"نزلت وقفلت الباب من سكات"
"اشوفو شغل المنشات بتاعت العربية وشغل الموية وقعد يضحك .."
-يلا تعالي اركبي
ركبت العربية تاني وخشمي عندي
ما اتحرك من محلو وكرب اسمع صوت التأمين قفلو وبقي واقف.. "
*مجدي لشنو أمنت العربية ووقفت؟
-(عاين لي وضحك) انتي الليلة حقتي برااااي...
"حاولت افتح الباب وانزل بسرعة ما قدرت "
*انت الليلة ما طبيعي شربت شنو؟
-ههههههه ما تكسري الباب
*"ببكي " مجدي ياخ ما تخوفني منك عليك الله ما الليلة الله يرضي عليك والله حرام عليك انا نفسيتي تعبت وما قادرة استحمل اكتر... بطل الهظار الثقيل دا.
*من قبيل مخليك مرتااااحة في بيتك وانا ما سألتك اها عندك تفسير ولا رايك شنو؟؟
"ببكي من الخوف وغالبني ارد عليه"

ككرب فتح التأمين وقبل ما يقول حاجة سريع فتحت الباب وطلعت من العربية وقمت جارية جوه البيت دخلت الاوضة وقفلتها علي..
*البحصل دا شنو انا بحلم ولا دا جد مالو قلب كدا فجأة "وبتدعك في يدها"
"بعد اخدت بكيتي قمت دخلت الحمام غسلت وشي وعاينت تاني للعضة واثرها "واتفقعت بالبكي"
.....

"اليوم التاني - الصباح في المستشفي"
*صباح الخير عروستنا الحلوة
"خجلت من كلام مؤنس"خصوصا قدام امي الما عجبها كلامو..
اها حاسة بشنو قولي لي؟
-حاسة اني مرهقة كدا وجسمي بوجعني كلو وبطني عاوزة استفرغ بس.. فجأة ما قدرت اتحكم بروحي
"اووووع اوووووع اووووع "
جات الممرضة مع امي غيرت لي ونضفت الغرفة وبعدها جاني دكتور مؤنس تاني ..
جابوا لي اكل وعصائر
*ما عايزة نفسي مقفولة زحوا مني "دفرتو"
"امي شالت العصير وادتني ليه شربتو.

"مرت اربعة ايام بسرعة " امي وابوي وهبة ما فارقوني
في اليوم الرابع مع اخر جرعة اولي "بإستسلام"
* انا عايزة اموت انا حاسة بروحي تعبانة شديد ما حاسة اني كويسة "بألم وحزن"
"ابوي طلع هبة وامي لانهم قعدو يبكوا"
"دكتور مؤنس بهدي فيني"
*عروستي مالا اااا دا ما كان اتفاقنا اول!!!
"سكته"
ولا انتي ما رضيانة بي امممم؟؟
"خجلته وضحكته نزلت راسي"

"رقية وبدوي كالعادة بتناقرو"
"بعد مشت ل بت سعاد وسألتا من المرا بدري"
*رقية رقية الحجر اللخدر ها ما تطلعي
الساعة ماشة علي ١٢ بنلقاها ماتت حتها بسبب تأخيرك دا اصلك مرا كج.
-نباح نبيح والله انت دا بشفقتك دي تقتلا بعد دا اريتو نجي بفايدة منها ما تكون مخرفة..
*بنجي انا متأكد وسر مدينة دا كشفو علي يدي اصبري لي بس..
-"ضحكت"كررر علي يايمة الراجل فوت سويتو سر يابدوي .."بتضحك وبلمت وشها بالتوب"
هسي في الهجيرة والسموم دي مودينا ب رجولنا كمان..
*ارح ارح بطلي النقة..اجيب ليك قروش ااجر عربية من وين؟ ياها نترس في الردمية الحمرا دي كان محظوظين يصادفنا زول يرفعنا معاه..
"ومشي قداما هناااااك خلاها وراه"

"خاتي نقرك من عبدالسلام ومدينة مالك يابدوي؟"

دمتم بسعادة☕

#Fatma_Gasmalla🌼

الآن وحصريا روايه #شوق للكاتبه فاطمه قسم الله علي قناه هترشات.وروايات.tt حلقات يوميه من الكاتبه مباشره

https://tttttt.me/joinchat/AAAAAD3Q1G-dzPGrQD8kdQ

لمتابعة بقيه روايه #العام_الأبيض علي قناتنا الثالثه

https://tttttt.me/joinchat/AAAAAEFperGjPkq10MiVdA

شوق8

*الووو مجدي وين انت علي اساس تجي خطوبة ونطيت انت عارف احرجتني قدر شنو مع اهلي كان ما بررت ليهم بمرض أشجان بمدخل هي صاحبتي ما بفرح في مرضا وأنها وقعت فجأة عشان كدا أجلت الخطوبة !!
تقدر تفهمني هسي الحاصل شنو؟؟
-لو ما الشديد القوي تفتكري انا ممكن انط يعني؟؟!!
حكيت ليك قبل كدا اختي عندها مشاكل هسي اتطلقت عايزاني افرح وهي في وضع زي دا.
*لا طبعا انا اسفة
-غلطتي انا علي العموم مفروض كان اتصل اوضح الحاصل .. هسي اديني امك حا نجيكم في الايام الجاية دي ولا رايك شنو؟
*"ضحكت" جد يا مجدي
-انا بهظر من متين؟؟!!
*طيب بالمناسبة الحلوة دي عندي ليك خبر سمح
-قولي فرحيني
*اشتريت ليك الاقامة وحا اديك رقم خالي عشان تتم معاه بقيت الاجراءات هو بوريك تسوي شنو تاني.
-ياخ انتي ياخ انتي سعادتي وفرحي وحياتي كلها .. اقول ليك شي بعد بكرا دي نحن جايينكم خطوبة جهزي حالك بس..

"في المستشفي"
"نهلة"
*أشجان الل.....
دخلت الحمام ولا شنو
"انتظرت خمسة دقايق مشت علي باب الباب كرررب ما فيه زول طلعت مستعجلة وجرت "

"العامراب"
الشارع طويل من كترت المشي لما رجولهم بقت مغبشه ومع الشمس عرقهم نازل.
* وووب علي ياراجل اقيف ها "بنفس قايم مدنقرة وماسكة ضهرا بيد والتانية علي ركبتها" شبر تاني ما بتحرك ليك لالالا خلاس غلبني انا شوف لينا اي مصيبة زمان توصلنا الداهية دي غلطانة انا البباريك "صحي البباري الجداد بودي الكوشة"
-"عرقان ونفسو قايم وجلابيتو اللابسها بقت عبارة عن تراب احمر غازي يديه في ورا ضهرو ومادي كرشتو ومكرمش وشو صاري " قصدك شنو يا رقية انا كوشة يعني..
*الفي قلبو حرقص براه برقص
-لمي خشمك دا عليك قبال اشيل الطوبة دي انتهي بيها منك المرا الفقر دي..
"سكتت منو وجرت ليها طوبة وقعدت فيها وختت يديها في راسا"
-رقيه ها قومي داك كارو حمار جايي علينا ارح ارح علي ..
*امش علي براك انا ما قادرة اقوم شبر نان المشوار المشيتو دا هين ..

"جانب فدوي"
"صحت فجأة مخلوعة بصوت تلفونا نطت من السرير لقتها امها"
*الووو امي
-نايمة ولا شنو؟
*اي والله كان ما التلفون ماصحيت
-اها امورك كيف ؟
*كويسة الحمدلله مبسوووطة
-اها ان شاءالله تم شدي حيلك واحملي طوالي ..
*اي يا امي ان شاءالله
"غيرت الموضوع"
انتي كيف لقيتي ليك بت تجي تنضف وتغسل ليك ؟
-طالعة هسي ماشة اقيف في شارع الله دا كان تجي واحدة وائل زاتو من يوم مشيتي بقي يجي لبعد نص الليل اليوم كلو مافي فقدتك انا بس..
*"دمعتها نزلت قشتها" معليش انا هسي بكلم مجدي وبجيك ..
-لالالا اوووعك انتي عروس ناس الفريق كان يألفوا هسي قصة يقولو مالا جات قبال تتم اسبوعا.. ما تجي انا بتصرف بكورك ل ام بخوت هسي.
*سمح يا امي بتصل بيها اكلما انا زاتي.
"قفلت منها وقعدت تبكي"
"صوت بطنها"
انا جيعانة وعطشانة عايزة آكل
"جات طالعة براحة تتاوق " شكلو مافي النمشي ساي

قاعد في الصالة رفع كم قميصو وبدا يدخل الحقنة في يدو براحة براحة
ااااح
"رقد علي الكنبة راسو مصنقع فوق"

*واااي انا قاعد "ختت يدها علي خشمها"
قلبي وقف ورجولي تقلو وغلبني الحركة قعدت ارجف وشايفة الابره في يدو اتجمدت في محلي " مجدي بتعاطي؟؟؟!!
وااي واااي الليلة يا فدوي النرجع براحة شكلو غايب عن الوعي ما جايب لي خبر
"رجولي من الخوف خزلتني زي جاني شلل حسيت جسمي تقييييل من حتتي ما قادرة ارجع ورا "
-شااااايفك انا "ضحك"
* واي يا امي "عيونو حمراء وتحتهم اسود يخوف مووت"
"عاين لي وقام جاي علي عديل "
وانا اتشليت من الحركة ثابته في محلي
جراني من يدي"
*مجدي لالا " بجر في يدي منو" زح مني ياخي زح
مجدي لا لا احي انا واجعني يا مجدي ياخي يدي يدي احيييي...

"في المستشفي عند شوق"

*شوق هاك قومي البسي
-هدي عبايتي بلبسها جايبة لي فستان لشنو ماشين وين مش البيت؟!
*"ضحكت"لا معزومين غداء بره
-ياسلاااام ابوي دا الله يخلي لينا
*"قعدت تتبسم تاني" لا ما ابوي العازمنا..
-ممممم منو يعني ما تقولي لي مدينة ههههه
*"فرت خشمها زيادة تتبسم" لالا ولا امي
-ضحكتك دي اصلو ما ساي عارفاك انا خابزاك وعاجناك ..
"قاطعتها"
*الليلة بالليل الليلة نمشي شارع النيل انا وانت سوا..
-"ضحكت" سخيفة
*"يعني انا تخميني صاح مش!!!؟
-لا ما تشرعي من عندك ماف حاجة زي دي
ما تسوي موضوع من مافي ..
*تمام انا هسي قلت حاجة براك هبيتي فيني قومي ارح ارح عايزين نغير جو قبال نمشي البيت.
-طيب لملمي لي حاجاتي ديل ما ننسي شي امي وابوي وين؟
*"قالتا بحركة وصوت براحة" مع مؤنس "ضحكت ومشت"

"في قرية المريبيع"
-يا جنا ها تعال هنا النسألك بيت داية الحبل العندكم هنا وين؟
*حاجة "الصَبُر" قصدك؟
-اسمها شنن يا رقية
*تصدق ما سألتها من الاسم
-استغفر الله يامرا انتي مطرطشة .. عندكم غيرا

كيف الزولة دي للدرجة دي كانت مستغنية عن حياتها ولا فاقدة للإحساس..
-أشجان!!! "ياخ زكرتيني أشجان لي كم يوم ما مشيت ليها وقافل شريحتي القديمة "
*ضحكته" ههه مجدي طلقني انا ماشة بيت امي حا الم هدومي هسي واطلع ليك من البيت دا..
"قاطعني بي صوتو"
-يعني عالمي ما عاجبك؟؟؟

"في اوضة هبة وشوق"
*بتعايني لي مالك وبتضحكي يابت ها
-شفتي كان بعاين ليك كيف وااااي حظك يا شوق نفسي حد يعاين لي بالطريقة دي هههه
*متخلفة انتي "ضحكته" طلعيني من راسك يا هبة ..
"رقدته واتزكرته في العربية وهو بختف في كل لحظة يشوفني فيها بالمرايا ويعاين لي امي قعدت اتبسم براي"
-اتزكرتي شنو ههههه
*"شلت الجداعة ولفيتها بيها " مراقباني انتي يعني
"وقعدنا نضحك"

"العميراب"
*اصلي ما بصدق يا بدوي مدينة وعبدالسلام يدسو مني انا الكلام دا "هايجة تدخل وتطلع" وقال انا القتلت ابوي هسي هو فرقو مني شنو بس..
-كدي يا رقية اهدي اهدي خلينا نفكر اول نسوي شنو الموضوع دا كبيييير ما بنسكت عليه..
*وشغالة تتفاصح لسانا دا طويييل تطردني من بيت اخوي حقي وحق ابوي هو ما باع الحواشة دي ما اداني جنيه قلت لي شي جات هي عايشة فيها ماكلة شاربة ومرتاحة وانا مشلهتة بي جاي من بيت لبيت ..
-الموضوع دا ما بنخلي يمشي ساي انا ماش لي ودالسايح هسي ..
*تسوي عندو شنو؟
-اشوف لي عربية منو نمش ل اخوك جهزي شنطتنا دي قوام ..
"وطلع"

"جرس الباب دقه"
"البت الحبشية بعد شوية جات ل أماسي" في واحد بسأل بره منك"
جات طالعة
*أشجان؟!! الجابك هنا شنو انتي طلعتي من المستشفي لييي؟
-مجدي وين يا اماسي؟؟
*ما معاك العرفني بيه شنو؟؟
-انتي مالك متغيرة مني ليك كم يوم مختفية لا بتزوريني لا بتردي علي تلفوناتي مالك؟
*والله اسألي روحك انتي سويتي شنو؟
-عملت شنو انا؟؟
"ما ردت عليها ولا قالت ليها اتفضلي ادخلي يعني افهميها براك ما مرحب بيك"
اماسي انا مشيت الشقة الباب ما بفتح صاحب الشقة قال ان مجدي طلع من الايجار طيب شوفي لي وين هو؟
*اشوفوا ليك وين بس يا اماسي ما عارفاها انا ارجعي المستشفي هسي..
-طيب شكرا
"في الشارع بقت تبكي "
وقفت تكسي وقالت ليه وديني ال.....
"ساعة زمن ووصلت نزلت"
-دقيقة بس يا اخ هسي بجيب ليك القروش عشان ما شايلة معاي
"وقفت قدام الباب ودقتو"
كوكو كو كو كو...

دمتم بسعادة☕

Fatma_Gasmalla✍🏻

؟
*لالا
-سمح ارح ودينا بيتا حية ولا ميتة؟
*حية
-ارح يا رقية ارح
"وصلهم البيت وجري"
كو كو كو "تاوق بالحيطة ورجع تاني ضرب الباب" كوكو كو
*ياراجل ها ما بتبطل حركاتك دي اصلو جنك تعاين في بيوت الناس
-اسكتي اسكتي
"بعد شوية جاهم صوت بت"
*منو
"ردت رقية"
*انا رقية من قرية العامراب وصتني سعاد وصية ل حاجة "الصَبُر" قبال تموت
"المرا قلبتو لينا بيت بكي تاني علي صاحبتا ياالله سكتت وقدرنا نتكلم معاها"
يا حاجة صَبُر عايزة اسألك من مرا إسمها مدينة ..
-منو
*مرا مرا اسمها مدينة كانت حاجة سعاد قبال تموت بتعرفا ورسلت توريني شي بس ماتت مع كلاما لي..
-قلتي شنو منو ما سامعاك
*حبوبتي دي ما بتسمع اضانها تقيلة ارفع صوتك ليها.
*"بصوت عالي"قلت ليك سعاد سعاد قالت ليك عن مدينة شنو قبال تموت نادتي دايرة توريني حاجة وماتت قبل تتم لي الكلام..
-مدينة مرت عبدالسلام؟
*اي مالا
"بدوي بقي مركز وفاتح خشمو لما مريل وخاتي يديه في جيبو ومادي رقبتو لي قدام مع كرشتو في مستوي واحد"
-البنية ما بتها
"رقية اتنفضت من محلها وبدوي ضحك للضروس عجبو الكلام وسبق مرتو بالرد"
*نان بت منو؟

"في مطعم البيت السوداني"
"الاسم من الخيال ما عندو علاقة بمحل"
"كلنا كنا قاعدين في صفرة احدة "
*اطلب يا عمي "مدا ليه قائمة الاكل"
"ابوي بقي يقول لينا في الاصناف ويعاينو لي اختار"
- انا مرهقة شوية ما عندي نفس اكل معليش
*بكرا تبقي كويسة ترجعي تفلسي ب ابوي شفت يا مؤنس ما تصدقا والله اكالة اكل جنها رمرمة
"الساعة اعاين ل هبة واحمر ليها وبي خشمي فتحتو وقفلتو بالهمس "
-الليلة بقتلك ما نرجع البيت فضيحة
"قعدو يضحكو علي كلهم"
"الوقت مشي سريع كانوا بحاولوا يخففو لي القلق والوجع والزهج الانا فيه ما شاركتهم في الكلام كتير بسبب الكيماوي الكان عامل لي ارهاق وطمام وكسير جسم "
طلعنا من المطعم مؤنس اصرا يوصلنا البيت ..
"ساعة زمن وجينا نزلنا ومشي مننا"
دايرين ندخل
*السلام عليكم ان شاءالله عافية
"جانا صوت سوسن من ورانا جاية علينا امي ساقتني من يدي "
-هبة ارح ادخلو جوه
"ردا عليها ابوي ونحن دخلنا مع امي ابت ترد او تقيف معاها"
-وعليكم السلام ورحمة الله
*بالشفاء يارب "بقت تتعزر" والله انا ما عارفة يا عبد السلام كان عرفت امس ودقيت بابكم دا قالوا ما جيتو من المستشفي وترا كل مرة بقيت اتاوق اشوفكم.
-كتر خيرك يا سوسن ومبروك للبنية عارفة الظروف الحصلت لينا.
*غمة وبتعدي ان شاءالله ربنا يكتب ليها الشفاء يارب.دقيقة اقيف لي عندي ملاح بامية ظريف وكسرة عايساها هسي حارة بتكونو جيعانين ..ياهو عارف بقيت براي الا ادي الجيران الاكل ببوظ ساي.
-بالهنا يا سوسن لكن نحن هسي ماكلين وجينا البيت.
*لا والله انا حلفته خلاص وانتو زاتكم كنتو ماف تتعشو بيهم انتظرني النجيبهم ليك
"غابت شوية كدا وجات شايلة عامود مدتو ليه"
-معاهم سلطة اسود طاعمة ل شوق بتتأكل ليها وسلطة خدرا ساي ما طعمتها ليكم .
*الله يديك العافية يا سوسن ما قصرتي شكرا ليك.
-الله يعافيك يا عبدالسلام .
"جا داخل البيت "
"امي منتظراه تنقنق الفترة الكان فيها بره كلها"
-جاي ليي !!
*قولي بسم الله يا مدينة المرا كتر خيرا وانتي تدخلي سلام الله ما تدي ليها.
-لا كتر خيرا لا بارك الله فيها خسيسة زي بتها واحد.
*هاك ياهبة دخلي الاكل دا جوه.
-ما بدخل جوه شيلي يا هبة ورجعي ليها
*مدينة خلاص امور النسوان دي خليها قلت ليك دخلي جوه وما عايز كلام كتير.
"ودخل جوه خلاها تنق".


"قفل لي خشمي بيدو"
- اوووعي اووعي تكوركي ولا انتي عارفاني كان زعلت شديد حا اعمل فيك شنو
*مجدي ياخ حرام عليك فكني بس
-كدي حركي لي راسك دا تاني ولا نزلي دموعك دي عشان انتهي منك..
"زحه القميص عاين لي عضتو القبيل في رقبتي قرب علي تاني وانا ببكي وبحاول ادفر فيه يزح مني"
* "صرخة شديدة" اااااااه
"سكين غزوها جواي عضاني شديييييد في نفس المحل الوجع كان بنهش فيني من جوه راسي لفه وشايفة طشاش طشاش قويت روحي وبي كل قوتي دفرتو مني وقع في الارض... "
" ببكي " انت شنو ياخي ما عندك احساس ما كفاية اتغشيت فيك ما كنت قايلاك مدمن بس استاهل انا عرست لي واحد بدون اعرف عن حياتو اي شي اكبر غشة ومقلب انت دمرتني "بتبكي "
سرقت مني كل شي حلو فيني
اكتر من كدا عايز شنو يا مجدي لي غشيتني انا سويت ليك شنو بس خليني
طلقني بس طلقني

"قعدت في الكرسي وختيت يدي في وشي وببكي"
- فدوي انا بحبك
" جا قعد تحت في الارض وخته راسو في رجولي وبصوت مبحبوح بقي يبكي "
فدوي انا اسف .. انتي ما قادرة تحسي بي حبي ليك ليي؟

"زحيتو مني وقمته "
*دا بتسميه حب يا مجدي؟؟
الحب ما بالعنف والتخويف والضرب نحن يادوب عرسان تقدر تقول لي شفت شنو سمح من عرستك شغال فيني ترهيب وتخويف واخرتها اكتشفت انك مدمن..
اشجان دي كانت عايشة معاك

⚠️تحذير.مبدئي.tt : غالبية الأوغاد يمتلكون ملامح بريئة...

شوق9

-دقيقة بس يا اخ هسي بجيب ليك القروش عشان ما شايلة معاي
"وقفت قدام الباب ودقتو"
كوكو كو كو كو...
"شوية كدا والباب فتح"
-السلام عليكم أستاذ عبدالسلام أنا أشجان إتزكرتني!!!
*وعليكم السلام اهلا اهلا وسهلا اتفضلي
"دنقرت راسها ومنكسرة ما عارفة تقول لي شنو .. فهما براه"
ادخلي ادخلي جوه اتفضلي جيبي الشنطة دي "ختاها منها وطلع بره لبتاع التكسي يحاسبو"
"جا لقاها واقفة جمب الباب تبكي"
-معليش يا أستاذ اقرب وقت برجع ليك القروش انا ما عرفت امشي وين رجلي جابتني هنا بدون احس ..
*استغفر الله قروش شنو بس ..
الطلعك من المستشفي منو وزوجك وين ؟
"سكتت ما ردت"
اتفضلي جوه
"قعدت في البرندة طابة شنطة اليد الصغيرة في حضنا والكبيرة تحت في الارض وفكت الطرحة الكبيرة المشكلة ولفتا تاني يدها كانت بترجف متوترة وعيونا شغالة تعاين في اجزاء البيت بي يدها نفضت عبايتا السودا الاتوسخت بالتراب وعاينت ل رجولها الاتملت حشرتهم لي تحتها اتصلحت شوية من قعدت طرف الكرسي "
*مدينة مدينة اصحي
-هممم "قامت مخلوعة منططه عيونا" المات منو؟!!!
*قولي بسم الله ماف زول مات "وحكي ليها الموضوع الحصل هسي "
-اجي كيفن راجلا يخليها نص الليل براها ياحليلا اتلقي جيعانة هسي ..
"مدينة تلقاها ما اعترضت عليها عشان خربت يوم الخطوبة ساي "
*اي عليك الله اطلعي ليها انا مهما كان ما عرفت اتصرف كيف ،، بدخل اكلم هبة تخت ليها اكل سوسن دا اها جا من نصيبا..
"مدينة عاينت ليه بطرف عينا وعوجت خشما "
-كان الله يشيل منها زنوب جاتا حسنات في صمة خشما دايرة تموت تاني..
"عبدالسلام ضحك"
*والله انتي يا مدينة الله يديك العافية بس..
"جاتا طالعة بره من شافت مدينة قامت طوالي"
-السلام عليكم
*وعليكم السلام "بتوتر وبتصلح في طرحتا جرتا عليها وحشرتا في جمبة وشها وتاني فكتا"
-اقعدي اتفضلي الله يسلمك الله يبارك فيك..
*انا اسفة اني جيت في الوقت دا وازعجتكم "بكت ومسكت طرف طرحتا تقش في دموعا"
-الناس بالناس ومن يوم الحصل داك ربنا جابك لحكمة يعلما هو ..انتي اهلك ما من هنا ولا شنو؟
*امي وابوي ميتين
- "ربنا يرحمهم ويغفر ليهم" وكنتي ساكنة وين قصدي الرباك منو؟
*كنت ساكنة مع خالتي هي الربتني وقرتني ودخلتني الجامعة والله عاملتني زي بناتا واكتر لكن ماف شي بدوم في الدنيا دي قبال سنتين اتوفت بصدمة سكري وبعدها راجلا اتقدم لي لكن ابيت شايفاه زي ابوي كنت رباني هو.
-اجي اجي عاد كلام لكن وسويتي شنو؟
*جارتنا كتر خيرا شافت لي شغل
-معليش للمقاطعة "انتي قريتي شنو؟
*قريت محاسبة ف جابتني هنا في مستشفي ال... مسكوني الحسابات وبقيت قاعدة في سكن المستشفي.
-الله كريم بسدها من هنا وبفتحها عليك من هنا.
*اي الحمدلله
"هبة جات شايلة الصينية ختتها"
-السلام عليكم "سلمت عليها في يدها"
*وعليكم السلام
"قعدت وبقت تعاين ل أشجان"
-هبة قومي ونظمي اوضة الاستقبال ل أشجان وطلعي ليها توب الهزاز المورد بورود بنية وجيبي ليها مصلاية وشبشب.
*لالا شكرا يا استاذة مدينة انا معاي حاجاتي..
"ماردت علي كلامها"
-قومي يا هبة سوي القلتو ليك..
كملي اكلك..

"أماسي"
*اموت واعرف انت بتغتس وين فجأة يا مجدي بتختفي وما بترد علي تلفونك دا..
احسن اكتب ليه رسالة ..
"أشجان دي طلعت من المستشفي وغشتني ب جاي بتفتش عنك افتح رقمك القديم .. وانت متين طلعت من الشقة رجعت بيت ناس امك يعني ولا وين؟؟
بعد تقرا رسالتي دي ارجع لي!!!

"انتهي اليوم علي كدا"
"بيوم جديد اصبحنا واصبح الملك لله"
"في شقة فدوي"
"صحيت الصباح ما عارفة امس نمته كيف"
*احيي راسي داير يتكسر دا صداع شنو من الصباح الساعةكم هسي .. تلفوني جدعتو وين انا
"رفعت تحت المخدة وفتشت في الاوضة ماف"
ياربي ختيتو بره ما اظن "طلعت براحة لقت البرندة فاضية تاوقت في الاوضة التانية فاضية مشت براحة وقفت جمب الحمام ماف حركة ولا في المطبخ زول"
ياربي تلفوني وين ولا هنا ماف " رفعت تحت الجداعات والكراسي بره ماف"
اوووف حاسة بخنقة انا احسن شي امشي بيتنا خلي يجي يلقي البيت فاضي ...
"طلعت الشنطة وحشرت هدوما كلها وكرتها وجات طالعة"
كربب كرررب جرت الباب تاني
الله يلعنك يا مجدي طبلت علي الباب
"دخلت جوه قلبت البيت دا كلو لمفتاح ما لقيت"
والله ما اسكت ليك معناها انت شلت تلفوني برضو "جريت علي البلكونة لقيتو طابل الباب برضو وقافلو بطبلة جنيتي قامت واعصابي فلتت قعدت اكورك "
عايز تجنني زييك عايز تجنني .. اقسم بالله ما اخليك قايلني مسكينة ولا حا اسكت ليك..

"هبة كانت منتظرة شوق تصحي بفارغ الصبر عشان تديها شمار اشجان الحرست ونستها مع امها امس وعرفت عنها اي شي"
*هبة بسم الله مالك قاعدة كدا ؟!
-قومي قومي امس الشمار فاتك
*شمار !! الحصل شنو؟
"حكت ليها الموضوع"
*هسي عليك الله دا راجل استغفر الله يارب مسكينة وجات جارية تفتش فيه عليك الله انا يعرس فيني بشتغل بيه تاني والله اطلقو وامشي اشوف حياتي..
-دا انتي!! لكن يا شوق البت مسكينة والله قصتها وجعتني اتخيلي ما عندها زول هنا وا

مس تتعزر لينا وتبكي في الاخر امكن ظروفا هي الجبرتا تتمسك بيه مع انو حيوان ياخ وهي زاتا انتي ما شفتيها مسكينة شديد..
*هييء الشفتها يوم الخطوبة وجات هايجة فيني دي مسكينة ،، مسكينة انا المهم مااااا ارتحت ليها..
-قالت الممرضة هي الجابتا البيت دا ووصفتو ليها ان راجلا خطوبتو منك..
"قمته اتعدلت وقعدته علي حيلي "
*اسمها منو؟
-أشجان
"نططه عيوني "
*انتي جادة والممرضة القالت ليها كدا اسمها نهلة ولا منو؟
-ما قالت اسمها..مالك انتي بتعرفيها؟؟
*دي مرت مجدي العرستو فدوي..
-وااااااي لا انتي جاااااادة؟؟!!
مجدي؟؟ بتعرفي؟؟ شوق القصة شنو؟؟!
"اضطريت حكيت ل هبة الموضوع كلو"
-يادوب الكلام وقع لي ...
واااي لكن ما كنت مفتكرة فدوي بالخساسة دي ليي عملت كدا انتي صاحبتها !! بري تووووبة ما عايزة لي اي صاحبة انا...
*ما كلهم بس فدوي اصلا نفسها ما نضيفة اريتني سمعت كلام امي من اول نهائي ما كانت مرتاحة ليها .
-اي والله ما كانت بتريدا .. هسي نقول ليها شنو نكلما؟
*اوعي امي كان عرفت الموضوع بتقتلني والله نحن كنا بنهظر بس حتي لحظات وانا تاني نسيت الفكرة ما كنت قايلة فدوي متابعة فيها تراها خاته بالا في مجدي..
-التشبع بي الشلابة ما راجل زاتو الحمدلله ما وقعتي فيه ،، وزي ما جدع دي بكرا زاتو يشوف غيرا..
*اصلا
"هبة يا هبة هبة الباب دا بدق تعالي افتحي"
-اوووف ياخ دا منو الجايينا هسي يادوب الساعة حداشر والليلة الجمعة ما نرتاح في يومنا دا..
*امشي افتحي بطلي نقة
"جات طالعة وفتحت الباب"
-ابوك في؟
*قاعد
"رقية زحتا ادخل يا راجل كمان نستأذن في بيت اخوي ..ادخل الصالون هناك"
"هبة بقت واقفة ومتحيرة في قوة العين دي ومستغربة في نفس الوقت "
*اها تمت ديل الجابهم تاني لينا شنو بعد امي طردتهم الحمدلله بس ..
"هبة مشت المطبخ ب هناك دخلت ل امها"
اتخيلي الجا منو؟ عمتي وراجلا
-شنو؟ادخلي ل ابوك كلميه ديل الجابهم لينا شنو تاني اصبحنا بي الله..
"جات الاوضة لقت ابوها فاتح المصحف وبقرا فيه"
*ابوي عمتي وراجلا جو بره
-صدق الله العظيم ..لا اله الا الله جايي..
"جيت قعدت ليها قداما "
-انتي منو؟
*هبة
-واختك التانية اسمها منو وينا؟
*شوق نايمة
-بتنومو مالكم للضهر ؟!!
*الليلة الجمعة يادوب الساعة حداشر انتو الجايين بدري..مالكم في حاجة..
"رقية من جواها القطامة جايباها من عندك ياها حقت امك واهل امك"
"ابوي جا"
-اهلا يا رقية خير في شنو؟
*خير يا اخوي جايينك انت ومدينة في موضوع قلت نتكلم في بعضنا اخير من الفضايح..
"مدينة جات وسامعة كلاما "
*ياتو يوم عندنا معاك مواضيع يارقية والله لا جاب لينا فضايح
*انا بقول نتكلم في الديوان بدوي بهناك البيت بيتي برضو "ضحكت" ..
"مشت قدامهم"
*الله يطولك ياروح اختك دي ما جات لخير..
"جو الصالون وقفلو الباب هبة بعد جاية تتسمع لحظها الكعب اشجان صحت ونادتا"
-اها يا رقية خير مالكم؟
"بدوي فرك يديه وضحك ليه ضحكة"
*نحن ما شربنا الشاي يا عبدالسلام قايمين من النباه ..
-مدينة جيبي الشاي معليش..
"شربو الشاي ومنتظرنهم"
*شوق ما بتك يا عبدالسلام..
"قام من محلو وقف ومدينة قامت وراه"
-رقية انتي جنيتي دا كلام شنو؟
*خليها دا كلام راجلا المطرطش دا ياها من يوم عرستو بقت ليه زي حوارة الشيخ ترا ...
-اها انا الليلة الشيخ زاتو ببقي ليكم وشوق دي بت ناجية .. ناجية الحلف عليها ابوك وغتغتو الموضوع ودسدستوه وعشان حاج أحمد شيخ الحلة شديد والناس بتخاف منو وكلمتو مسموعة كتل الموضوع قبلو وماف زول بجيب سيرتا ولا معروفة ليها جهة من يوم طلعت من الحلة دي ولا هي شردت ما معروف..
"طق عبدالسلام كفت بدوي وجراه من لياقة جلابيتو"
اسمع هنا يا بدوي انا ساكت ليك وسكته ليك كتير بس ما بلومك بلوم الغبيانة اختي البتديك اسرارنا كلها وبتديك فرصة تتكلم فينا بالشين..
"مدينة قعدت في الكرسي تبكي "
"هبة جات جارية سريع تسمع الكلام ووقفت براحة ورا الباب"

"بعد قرا رسالة اماسي"
*مشيتي وين انتي كمان التانية دا شنو الهم الانا فيه دا وقافلة التلفون كمان حسابك معاي يا اشجان حسابك معاي..
"جا راجع البيت تاني فتح الباب ودخل لقي فدوي منتظراه بره في البرنده من شافتو قامت تكورك"
- شوف هنا يا مجدي انا ما اشجان ما شنو ما اشجان .. وحياة ابوي المامعروف ميت ولاحي دا ما بسكت ليك واديني تلفوني لو سمحته..
*كراع كرسي شايفاني قدامك عاملة روحك بتستغفليني قايلاني ما عارفو ولا ما حا اعرفو..!!
قلت ليك امس دخلتي هنا ب رضاك ما حا تطلعي الا برضاي انتي فاهمة "بنهرة" خشي جوه ..
-ابيت وسوي الداير تسويه ثانية ما بقعدا تاني معاك انت واحد شكاك مجنون ومدمن ..
"جرت شنطتها ومشت اتجاه الباب"
-"قبال تتحرك كويس مشي عليها وجراها"
"جرا الشنطة وكروو رزعها بالكرسي طارت هناك لما هي نطت مع الصوت"
-انت واحد مريض نصيحة ليك امشي اتعالج .. انا ما حا اقعد معاك ثانية تفتح لي الباب دا ولا اصرخ الم عليك امة لا اله الا الله دي كلها.
*"ضحك قعد في الكرسي "
"ماردت عليه ومشت علي اتجاه ا

لباب تطلع لحقها وجراها وطق تبعها بي كف "
*عايزة الاسلوب دا انتي شكلك انا زاتي بريد المرا العنيدة ..
"بقت تكورك وتكورك وتصرخ"
-الحقوني الحقووووني يا ناس الهنا الحقووووني
"جراها من يدها ودخلا الاوضة دفرا في السرير وطلع القاش ولما فيها ضرب من طرف"
* واااااي واااااي "بتبكي وتكورك بطول حسها وبتلولو " مجدي لا مجدي لا حرام عليك خلاص انا اسفة والله اسفة ما بكررا ما تضربني خلاص احيييي واااااي وااااي وااااي "صراخ وكوراك" جرت في ركن الاوضة وبقت ترجف خايفة منو " والله ما بخالف امرك والله ما بقول ليك لا ماتضربني بس ما تضربني
"بتتنهف وتتشهق وشها مورم وكحلا سايل عبايتا اتشرطت بقت ماسكاها وتلم فيها معصورة علي الحيطة ترجف كلها"
"جاي علي وبفتح في زراير قميصو"
*عارفة احلا شي في العلاقة الزوجية لما المرا تكون مكسورة كدا ..
-ابعدي مني اوعي تقرب مني انا بقرف منك اي بقرف منك ياخي..
و عيني جات علي باب الحمام قمت جارية ادخل جوه واتربسو لكن ما اداني فرصة جراني قبل اتصرف شداني من شعري وطلع تلفونو قربو علي وشي وانا الوجع عايز يشق مخي نصين...
"بصجة سنون وصوت حاد وتحميرة وقلبة عيون تخوف" بهز فيني
*عايني هنا كويس "بي صوت عالي" بتعرفي دا منو ولا ما بتعرفيه ردي بتعرفيييه؟
"دفرني علي الارض وانا ببكي ما مستوعبة ختيت يدي علي خشمي ومنهارة قعدت اكورك"
- لالا لالا "بهستريا بصرخ وببكي" ما بعرفو ما بعرفو قلت ليك مية مرة ما بعرفو...
*عرفت ردك يا بت ال... ولا اقول ليك الدعوة علي الميت حرام ...
يا عا....
طلع من قدامي وسمعتو طبل الباب علي...
"كرب كرب كرررب"
جريت زي المجنونة حفيانة شعري هايش والكحل سايل بضرب في الباب
"كوراك وصراخ عالي"
-انت السبب انت السبب اي شي كعب حا حصل لي انت حا تكون السبب ياالله تشوفو في اخواتك تشوفو في امك تشوفو في روحك..
الله لا يوريك يوم سمح ان شاءالله تموت يارب تموت ياالله اقتلو وريحني
"طاخ طاخ بضرب بقوة"
افتح الباب دا افتح لي "بكوراك شديد" والله ما اكون ليك وما حا تقرب مني برضاي ولا بدونو ...
جنيت علي الاخر اعصابي فلتت مني جريت علي التوليت شلت الريحة ورو رزعت بيها المراية اتهرست حته حتة "شوووو كرووو" جات مشتته واقعة

" ومن دون تفكر شالت قزازة وقطعت بيها يدها ...
الدم ...
الدم...
(اغمي عليها وهي شغالة بتردد في اسم واحد)

دمتم بسعادة☕

#Fatma_Gasmalla🌼

شوق10

" ومن دون تفكر شالت قزازة وقطعت بيها يدها ...
الدم ...
الدم...
(اغمي عليها وهي شغالة بتردد في اسم واحد)
"شوق شوق سامحيني"

"مجدي طلع معصب من فدوي ركب عربيتو وساق بسرعة وطلع سجارة ولعها وبتزكر في بكاها قدامو سرحان وماشي سريع تلفونو ضرب"
-الو وينك يا مجدي نحن قدام القهوة منتظرنك...
*جاي عليكم خلاص جمبكم دقايق بس ابرك..
"فجاة قدام القهوة جات عربية قدامو بسرعة وهو لف الدركسون بقوة وما قدر يتوازن والعربيتين خبطو في بعض"
"سيييييييك كررررووو"
الناس دي كلها طلعت من القهوة مخلوعة
اصحابو مخلوعين وقت شافو عربيتو
*مجدي مجدي
"جرو علي الحادث"

"بيت عبدالسلام"

*مالهم صانيين كدا ما سامعة شي كل من البت الضيفة دي ضيعت علي الشمار
"جات داخلة جوه قالبة خلقتا ما لقت شوق"
شوق انتي مشيتي وين
-الحمام قومي كبي لي شاي انا ما عايزة الاقي الاسمها اشجان دي
*هو انتي شفتي حاجة دا بيتنا حا يتقلب لكوندة خضري ههههه
-"ضحكت" ليي في شنو تااااني حصل
*عمتك وراجلا الاهبل دا جو تاني وسألتني منك ..
-الجابهم شنو ما عندهم كرامة بعد الطردة ديك
*انتي في دا انا اموت واعرف الموضوع دخلو الصالون وطبلوه وقت جارية اسمع العارض دي بقت لي شوكة حوت نادتني لما جيت ما سمعت اي حاجة تانية .

"في الصالون"
*"مادي اصبعو" اسمع هنا يا بدوي بناتي ما يعرفو الموضوع دا
"مدينة بتبكي وبتقشقش بطرف توبا في دموعها"
-انا دا كلو ما هاميني الا المرض الجاها دا..
"رقية عاينت ل بدوي"
*خلاص يابدوي الموضوع دا يندفن هنا حسك عينك تفتحوا ولا تجيب سيرتو.
-خلاس اها النقول ليكم بعد داير اسكت من الموضوع دا انا عارف محل ناجية
"مدينة اتفضت من الكرسي وعاينت ل عبدالسلام بكسرة خاطر"
*مدينة قلنا شنو نحن ناجية ماتت زمان وانتهينا..
-في قلبي ما ماتت يا عبدالسلام ناسي انها تومتي تومتي يا ناس ما اخت ساي الحاسي بالنار الجواي منو السنين دي كلها وجعي براااااي كان اكلته وكان شربته وكان نمته بفكر فيها وفي حالا..
الموت ما معروف متين يا عبدو وديني ليها اشوفا قبال اموت..
"عبدالسلام اتلفت منها بالجمبة "
"وهي بكت زيادة ورقية دمعت معاها"
-وين قاعدة وانت القال ليك محلها منو؟
*"بتردد" في القضارف متزوجة هناك وبي شفعها وشغالة حنانة في بيتا..
"عبدالسلام قعد في السرير كأنوا فقد الأمل ولا جاتو خيبة "
-نمشي القضارف ياودامي؟
*خير يا مدينة نمشي ان شاءالله

*هبة هبة هبة "واقفة في الصالة "
-ياخ دي مالا معاي كل مرة تنادي فيني زهجتني
*شوفيها عاوزة شنو بالمرة افقدي ناس امي ديل لهسي صانين مالم
-يكون ابوي قتل الاسمو بدوي دا
*ههههههه ما للدرجة دي انتي كمان امشي امشي
"جاتا طالعة "
*معليش انا كنت ماشة وانتظرت استاذ عبدالسلام ومدينة وإتاخرته ممكن تناديهم لي..
-عندهم اجتماع قافلين الباب انتظريهم شوية
*لالا مستعجلة قولي ليه بس انا ماشة
-ما بقدر ابوي منبه علينا لما يكون معاه ناس ماف زول يجيه الا يخلص كلها خمسة دقايق وبجي انتظري.
*بجي تاني خلاص بلغيهم شكري ما قصرتو معاي الله يجبر بخاطركم.. وسلمي علي اختك عارفة ابت تطلع لي ليها حق وصلي ليها اعتزاري .. يلا مع السلامة.
-طيب
"طلعت معاها قدمتها للباب وقفلتو وجات راجعة وعينا للصالون".

"مستشفي الزهراوي" "الاسم ما عندو علاقة ب مستشفي معينة"
"فتحت عيوني انصدمت لما شفت روحي بين اجهزة التغذية في يدي وملفوفة ب شاش"

"دخلت علي الدكتورة مبتسمة حمدالله علي السلامة "
* الجابني هنا منو؟
- راجلك جابك هنا وانتي ما واعية
*"بي قرف" وين هو هسي؟
- تلفونو ف الاستقبال ختاه بنتصل بيه هسي لو حابة
- لالا خلاص شكرا
"خليتا طلعت فكيت الدرب من يدي "
فرصه جاتني لازم اطلع من هنا.
" نزلت من السرير براحة قمته وفتحت الباب اتخلعت بي شهقة ونطه"
سيف؟
"سيف دا قصة براه يوم طلعت تلاقي مجدي لاول مرة كان جا معاه ولاحظت ليهم انهم اصحاب شديد كل كلامهم وحكاويهم كانت مع بعض"
* اي سيف مالك شفتي شبح ماشة وين عايزة تشردي ولا شنو؟
- حاجة ما بتخصك زح من قدامي
*"صرج سنونو وعصب زي مجدي واحد مسكني من يدي وجابني اوضة تانية "
شوفي راجلك اول الكان حا يموت وكلو بسببك وتاني اشردي..
غريبة ما كنت قايلك متزكراني
"بي نهرة "
عارفة لو جبتي سيرة ليه وقلتي اني جبتك هنا اعرفي حياتك انتهت..
-انت جبتني كيف هنا؟؟!!
"عاين لي بحدرة وطلع خلاني واقفة "

"شفت المخدة في السرير التاني شلتها وبدون تفكير قربت منو "
-انت سبب الانا فيه واحد زيك ما مفروض يعيش في الدنيا دي..
"ما اتوقعت سيف يرجع تاني"
* انتي بتعملي في شنو ؟؟
"مسكني من يدي وطلع بي من المستشفي ركبني العربية "
عايزة تقتليه صاح؟!!
"ما رديت عليه"
" رفع صوتو علي تاني"
عايزة تقتلي صاح؟.. بالمناسبة انتي دمك بارد ياخ
" بقيت ساكته ودقات قلبي سريعة من الخوف ومن جواي"
-اوعي تردي يا فدوي ديل كلهم مدمنين ومجانين يقوم يعمل فيك حاجة..
"و

صلنا نزلت ومشيت سريع ادخل مع اني ما مطمنة في البيت تاني "

*اوعي تفكري تعملي حاجة ما ياها عشان حا اجيبك حا اجيبك كان طرتي السماء "اسمع صوت العربية اتحركت وفات.. "

"دخلت البيت وجيت غرفتي لقيت القزاز مشتت مالي السراميك"
-معقول سيف عندو نسخة من المفتاح ولا جا لشنو ودخل كيف راسي عايز يطير من التفكير .. انا العملتو شنو دخلت روحي في متاهة كيف اقدر اطلع منها القاها من مجدي ولاصاحبو كمان"
ان شاءالله اموت يارب موتني خليني ارتاح...

"بدوي ورقية بقوة عين قررو يستقرو في بيت عبدالسلام غصبا عنو "
-قومي يا رقية سوي لي كباية شاي
"قاعدين في برندة المطبخ كأنوا البيت بيتهم"
*هسي يابدوي انت عرفت من وين خلعتني زاتي"
-عاااارف من يوم مشيت ل ودالسايح اشوف عربية تجيبنا هنا ..
*كلمتو لشنو ياراجل
-هو انا كان ماقلت لي كان رضا يجيبنا هنا
*ماااا مرتاحة ليك يا بدوي حاسة انك داسي مني شي وما وريتني لي..
-ما داسي حاجة قومي ها راسي داير يطير من الصداع وجيبي مدمس ولا شيتن معاه أكان عندهم النتمتع ساااااي..

"جوه الاوضة"
*ياخ ديل زودوها يا امي شفتيهم من جو يتحاومو ل هنا جات داخلة وشاكلت شوق عشان ما طلعت تسلم عليهم.
-سببا عليها شنو .. اسمعني هنا الاتنين كان قالت ليكم حاجة سووها من سكات بس كايسة فينا فرصة وعايزة تطلع تربيتي اي كلام عارفاها انا ..
*حا يقعدو معانا لمتين يعني ؟!!
-نسوي شنو يابتي بعد نمش القضارف ونجي ابوك يشوف ليهم صرفة ..
*سوقيني يا امي عليك الله نفسي اشوفا بسمع بيها سمع قالوا حلوة.
- ماف طريقة اسوقك اختك دي تخليها براها خليها المرة الجاية
*لالا لالا "بعوارة وعباطة" بس انا ماشة معاكم ما بقعد مع ديل وانتي مافيشة
-يابتي ماشين لينا لعزاء معرفة وجايين في يومنا زاتو ..
*ما عارفة بس انا ماشة معاكم يا امي ان شاءالله انتظركم في التكسي بره..
-امي سوقوها عليكم الله ارتاح من نقتها دي زاتي ما نقصاها وانتي مافي عارفاها عويرة بتتجالط فيني..

"فتحت تلفونا وعملت اتصال لقتو مقفول كتبت رسالة"
"احترمتك وقدرتك وما حصل يوم عارضتك فيه ولا خالفت امرك رغم ضربك وزلتك لي .. الصبرني عليك انك ما كنت كدا ومن جواي قلت حا ترجع مجدي الزمان الحبيتو الكان خاتيني في عيونو وبقي لي ام واب وسند لكن يا خسارة حسن الظن الختيتو ولأخر لحظة قايلاك حا تتغير لكن الظاهر اني غلطانة.. بتمني ليك تتهني مع عروسك الجديدة احتمال تبقي شخصيتها قوية ما ضعيفة زيي وتقومك ..
بدون جوطة عاوزاك تطلقني بس وخليني اعيش الباقي من حياتي بهدوء"
"عملت ارسال"
ان شاءالله يفتح تلفونو ويقراها.
"جرت شنطتها ومشت"..

"في المستشفي فتح عيونو "
*سيف
-حمدالله علي السلامة جات بسيطة الله شافك خلعتنا عليك ..الشباب ديل كلهم بره منتظرنك..
*فدوي ياسيف طابلها في البيت براها من قبيل وماف اكل كلم الدكتور دا وينو؟
-كدي اهدا انت جيب المفاتيح النمشي اجيبا..
*لالا انا طالع بكتب تعهد خروج ما بقعد كويس مافيني شي..
بس انت اعمل معروف اتصل بمطعم يجيبو لينا اكل.
-غالي والطلب رخيص.
"طلعو من المستشفي وجابو البيت "
"دخل الاوضة طوالي علي الحمام يستحمي"
"كانت نايمة وصحت "
*بطني انا جيعانة النسوي لي شاي ولاعصير اصبر بي روحي
"جات ماره شافت الاوضة فاتحة "
*كدي النفتش امكن القي لي نسخة مفتاح او حاجة مهمة عنو..
"دخلت اول شي عينا جات عليه سلسل مفتاح مختوت علي التوليت شالتو"
*دا حق منو "ولبستو علي رقبتي"
-- عارفة شنو عقاب البدخل اوضتي ويفتش فيها؟؟!..

"اليوم انتهي علي كدا"
يوم جديد - من الصباح
*الليلة الجرعة التانية حقت شوق طلعنا وخلينا بدوي ورقية في البيت وجينا المستشفي"
المرة دي كانت اهون شوية من الاول
كنت موقنة ب الابتلاني بيه ربنا اي الم بحصل ليه اجر عظيم ..
زي ما قال لي ابوي:
حتا الشوكة البیشاك بيها المؤمن ليه فیها أجر..
كالعادة قعدت في السرير واخدت الجرعة التانية وصبرت علي الاربعة ايام
شي ابر وسيرومات واكياس للدوا الكيميائي ..استفراغ وارهاق .. الم في جسمي وعضامي ..
دا كلوا صبرت عليه بوجود مؤنس الما خلاني لحظة ..
تمت ايام الجرعة وبعد كدا حا يبدو لي العلاج الاشعاعي...
طلعنا من المستشفي وجينا راجعين البيت..

"صادفتنا سوسن واقفة بره تبكي من شافتنا جات علينا وكالعادة امي ساقتنا ودخلت بينا وابت تسلم او تقيف"
*ازيك يا عبدالسلام
-سوسن!! مالك في شنو ان شاءالله خير
*الود لي يومين ما جا البيت .. واختو تلفونا قافل ما عارفة عنها شي وقلبي ماااا مرتاح ياعبدالسلام عاد اسوي شنو لا راجل لا سند معاي"تبكي"
-ان شاءالله خير اديني رقم وائل
"سجلو منها"
انا بشوفو وين ونمش نشوف فدوي خشي انتي جوه ..
*الله يديك الصحة والعافية ما قصرته
-الجار للجار يا سوسن الدنيا لسه بخيرا..
..

"جانب شوق شغالة تتبسم وتتكشم براها"
وسارحة
-انتي بتستحمي بهدومك مالك
*عاينت ليه بس وعيوني محمرة من كترت البكي قعدت علي السرير جا قعد جمبي براحة"
-حاسة بي حاجة وريني...
قام فتح الدولاب وطلع لي

بجامة من الشنطة"
قومي غيري هدومك دي ما تمرضي وانا بستناك بره
" وطلع قفل الباب... "
غيرت هدومي ومستغربة ومن جواي مؤنس طلع حنيين كدا ياربي بحبني ولا بتصرف معاي كدا عشان عيانة ساي..
"جاني صوتو من ورا الباب"
-شوق خلاص انتهيتي؟
* انتهيت
-يلا الغدا جا ارح ناكل في مكتبي طلبت ليك الاكل البتحبيه.
فجأة
*هييييييي جنس سرحة هي ها ها هييي ها..
-الله شنو اقول ليك ياخ صحيتيني من احلا احلام يقظة..ما نحلم
*عليك الله احكي لي حصل شنو وصلتو مرحلة العقد عقدتو ولا لسه انطقي..
"ونحن بنضحك"
"جانا صوت"
-دا منو العقد؟

دمتم بسعادة☕

#Fatma_Gasmalla✍🏻

‏ناقصة عقل و دين لكنها تثير غرائزك
و تربك عقلك برشة عطر ،، من حسن
حظك أنها لم تخلق كاملة"

شوق11

"ونحن بنضحك"
"جانا صوت"
-دا منو العقد؟
"اتخلعنا الاتنين هبة ردت طوالي"
*انت كيف تدخل الاوضة ؟
-"بضحكة بلهية" انتو بناتي برضو قلت اجي اتونس معاكم شوية وتعرفو اهلكم وقت امكم وابوكم قاطعين صلة رحمنا..
*لو سمحت ممكن تطلع بره؟
وما تدخل هنا تاني بالطريقة دي..
-"كحه ليه كحتين كدا وطلع"
*شوق انتي شفتي الانا شفتو قادرة تتخيلي ان حياتنا دي حا تتقلب هم وغم بسبب الراجل دا..
-هبة الله يرضي عليك اقفلي اقفلي السيرة ما قادرة ارد زاتي بس الله يدينا خيرهم ..
*انا ماشة اكلم امي لازم تتصرف معاه قايل نفسو وين يدخل محل عاوز كدا "تووووش" بدون استئذان..
-هبة اوعك حا تسوي مشكلة هسي ما ناقصين وجع راس وانتي عارفة عمتي والاسمو بدوي دا بالذات لسانو كعب هسي برفع ل أمي وابوي ضغطهم ساي ..اظن فهم كلامنا ما بجي تاني .
*منو ؟؟ بدوي الشايفاه دا!! سمح والله تشوفي كلامي نفسو ما نضيفة اصلي ما ردتو ولا ارتحت ليه خسيس ياخ .. يكون دا السبب الخلا ابوي يقاطع عمتي يا شوق امممم!!!
-لالا ما اظن دا سبب عشان ما موافق يكون يقاطع اختو حاسة الموضوع كبير وفي حاجة شديدة لكن هي شنو ونعرف كيف ماعارفة المهم انسينا ما دخلنا نحن.
*مستحيل انتي عارفاني كان ختيت حاجة في بالي الا اعرفها "قاعدة في نص السرير زي قعدة اليوغا ومقبلة علي شوق الراقدة"

-مشيت اشوف بنات اخوك ديل طردوني اهلهم ما علموهم يحترمو الكبير ولا شنو؟؟!!
*مشيت ليهم وين نعلو في اوضتهم؟
-اي وفيها شنو زي بناتي
*هوي يابدوي بطل امور اللف دي كيفن تدخل عليهم جوه وحات الله عبدو اخوي يعرفك واطاتك اصبحت ما تقعد ثانية هنا "بنهرة" اوعك تاني تمش لي جوه حدك الديوان دا بهناك ..
-قلتي كدا سمح يا رقية سمح "قام يطنطن ومشي".

*اها يا عبدالسلام يااخوي الراي شنو؟
-انتي الاصريتي كان علي انا زمان صفحة وطويتا مالك عايزة تنكتي القديم تاني يا مدينة وتفتحي الجرح.
*"سكتت شوية" مافي اي جرح خلاص موضوع مات وانتهي زمان
-"من جواه ما كان كدا لكن ردو غير"
ايييه كلامك صاح الا ضميري يا مدينة خايف اكون انا الظالم وهي المظلومة راحت بسوء ظني انا ..
*مقدر ومكتوب ناجية ..."سكتت"
-مرات بشوف لومك لي في عيونك لكن بتسكتي قايلاني ما عارفك تتزكري كلامك لي يوم عرسنا كان زي السم واني سبب الحصل ل ناجية ..لو كانت مظلومة حقها في رقبتي دي .. تفتكري حا تستقبلنا ، ورت راجلا واولادا عن اهلا ولا بقت زينا كمان ...
"ما كان في رد من مدينة والكلام انتهي لحدي هنا"
"من جواها كلنا جنينا عليها حتي انا المنها وفيها ما رحمتها".

"عند سيف كان بتزكر و برتب في الحصل "

"القزاز كان مكسر ومشتت في كل مكان"
" سيف قام جاري اول واحد علي مجدي وجابو المستشفي"
*" بتوتر " يا دكتور
-الدكتور الحمد لله حالتو مستقره بس بندخلو العناية عشان نطمن اكتر
*الحمدلله
"بعد فترة"
الدكاتره طلعوه من العمليات
وقتها سيف كان معصب لما شاف مجدي بالحالة دي غمت يدو شديد
*كل الحصل دا بسببها لكن اقسم بالله ما اخليها في حالا ..

مفاتيح البيت كانت مركبة مع مفتاح العربية وهو عارف كدا كويس .. سيف هو اقرب صديق من زمان ل مجدي ماف خطوة بعملا بدون استشيرو نقدر نقول هو المتحكم والمؤثر علي حياتو في اي حاجة بتدخل وليه يد فيها ومن يوم مجدي اتلما عليه حياتو بقت ماشة بالناقص"

" طلع بسرعة من المستشفي وركب العربية زعلان"
* بسبب الحيوانة دي داير يضيع روحو
"اتزكر كلام مجدي "
-انا حظي زفت يا سيف كل ما اقول خلاص حا تجي البتعدلني تطلع اسواء من القبلها انا الكعب ولا هم الما مقاسي .. انا عايز عايز واحدة توقفني عن حدي عايز واحدة تطلعني من الانا فيه دا تعبت يا سيف انا فعليا كرهان روحي وكرهان حياتي .. انا كعب لدرجة بطلع ضيقي فيهم واريتني لو برتاح لا عمري ما ارتحته برجع اكعب واكعب من الاول ..
انا عايز احب واتحب واعيش زي الناس اجيب شفع مني بس خايف خايف يكون عندي اطفال ويشوفو حقيقة ابوهم الوسخة دي ..
سيف اسوي شنو انا ضايع شديد محتاج زول يطلعني من الدوامة دي..
*دا كلام شنو ياخ انت مكبر الموضوع اكتر من اللازم شوف اي بت اي بت ما نافعة اصلو ما تحاول تقنعني بغير كدا انا جربتهم يا زولي وعارفهم كويس اسألني انا قلت ليك بلاش بلاش العرس يا مجدي ما سمعتني عديتا لي بتشبها وانا ما شايف ليها اي شبه انت بقيت تتخيلا في اي واحدة بس من شوق ل أشجان ل اماسي وهسي فدوي .. دا عقلك البصورهم ليك في هيأتها .. انساها خلاص ياخ ..
وبعدين معليش انت اللعبت بالنار من الاول وصدقني في بنات شيطان رجيم .

"طاخ ضرب الدركسون شديد تيييييت دقه بوري وصل بيت مجدي وضرب الجرس"
"ماف رد"
"طلع المفتاح وفتح الباب ودخل"
* فدوي فدوي انتي يا فدوي "بصوت عالي"
"دخل غرفة مجدي فاضية مشي بالجهة التانية لقي الباب مقفول قعد يخبط فيه"
"طق طق " فدوي افتحي الباب دا فدوي
فدوي ما حا اعمل ليك حاجة افتحي الباب

"وهي لا حياة لمن تنادي "

"خبط الباب بقوة"
*افتحي

قلت ليك مجدي دا عمل حادث"
يابت الح... افتحي احسن ليك انتي هنا نايمة ولا هماك وراجلك بين الموت والحيا في المستشفي مجدوع
البسي عبايتك ح نمشي المستشفي
"خبط الباب تاني بقوة وقت ما لقي رد بقي بجرب في المفاتيح واحد واحد لحدي ما ككررب فتح"
"زحه الباب وبقي متوتر يفتحو "
انتبه ل قطع قزاز..
لقاها واقعة علي الارض جمب التوليت هناك ويديها كلها دم قرب منها..
شالا سريع وطلع بيها ختاها في المقعد الورا واتحرك بسرعة
* لي حاسي زي اني بعرفك من يوم شفتك شبهك دا ما غريب علي نهائي..
#انتهي بتزكر"

"في قضارفنا قضروف سعد"

بيت كورنه مسور بالزنك حوش كبييير الباب الصغير مضروب ببهية بيجية مدخل اول مطبخ صغير وملاصقة ليه برندة طوويلة وجمبها شجرة ليمون شايلة ومنورة ولاصقة ليها عريشة فيها شجرة عنب متسلق فيها وبي جمبهم تلاتة شجرات جوافة وقدامهم مسطبة علي الارض والبيت طوالي..
"في البرندة المعمولة بالزنك ومفتحة من قدام "
اربعة سراير خشب وبنابر وترابيز و ريحة بخور الصندل وصوت اغنية دلوكة وبيت ملان نسوان ودقة الفندق "دق دق الدق الدق دقدق دق" ريحة الفحم في المنقد المختوت عليه البن"كش كش كش"
*اقلي البن دا ها كويس ناولييها الهبهان والجنزبيل دا ..
-فحماتك ديل شوية زيديهم ليها..دقي البن يابت خلي الونسة راسنا دا داير يطير.
*جيبي لي من فناجين الفخار ديل قزازكم دا ما نافع معاي..
-يابت جيبي لينا الجاولي والعدني دا خلينا ننجم شوية بالريحة دي..
*عليكم النبي انا بتوحم ولعو لي طلحاية
"قرقر وسوس وس وس اتنين كانن قاعدات براهم هناك"
*النبي ما بالغت مع ضرتها
-اجي اجي لكن قادر الله وسوت ليها شنو يختي
*ها فصيحة لسان ساي الصغيرة دي امانة ما نجمتها نجام
-هو الراجل زاتو عواليق عليك النبي جايب لي شافعة قدر بناتو
*شافعة انتي يختي البت جرت وراه ما تاجر عاد كيفن ما بتعرسو قالوا جاب ليها جيب اتناشر اتناشر من توب لي شبشب لي جلاليب عاد قالوا جيب جيب تقيل وحفلة الحنة دي سبعة ايام تجي فنانةوتمش فنانة والعجب رقيص عروس قالوا حاجة تانية..
-عليك النبي اها
*وقالوا جا من شهر العسل شاب بس عمرو تلتين مصبغ واللبس كيف والقشرة كيف عاد معرس لي بت تسعتاشر سنة بتجيهو تب..
-يانسوان عليكم الله خلوني النرسم انا اول بتي دي صغيرة خليتا مع اخواتا..
*كلنا يختي بشفعنا صغار خليناهم وجينا انتظري دورك..
"لكزتها عايني ليها جات جات عاد سماحة جسم ولون نضيفة نضاف والحنة دي ياليل مشتهية اجي القاها مبهدلة"
-عاد ست الشي تكون مبهدلة كيفن شوفي الخشيم وشوفي القديم المشاط دا يخلو ليها..
*يا اريج اريج جيبي الخمرة دي من جوه النبي يا نسوان كان تضوقنا امس سويت لي خمرة تسوي كدي والدلكة ديك كفيتا تنجض..
-يختي خمرتك ودلكتك شارطة الفريق علي اتنين نحن الجابنا شنو كان..
"قرقر النسوان ديل قعدن يضحكن"
*قهرتكم باالله يا نسوان قولن ما شاءالله شيلي توبك دا يا ناجية ارمي فيك كان ياكلنك وانتي واقفة شوفيهن بعاينن ليك كيفن..

"في شقة مجدي وفدوي"

عارفة شنو عقاب البدخل اوضتي ويفتش فيها؟؟!
"اتخلعته ما كنت قايلاه قاعد بقيت بعاين ليه بالمرايا وهو وراي"
لافي بشكير الحمام علي نصو مبلول قرب مني..
*"زحيت روحي سريع وبتمتم بالكلام"
انا جيت اقفل الباب وشفته السلسل دا عجبني قلت اجربوا بس وطالعة..
- "ضحك " قلتي لي تقفلي الباب ولا تفتشي" ببرود " اوك اعتبريه بقي بتاعك وبعدين انتي خايفة كدا مالك وبترجفي هسي شوفي هنا انا ما عندي مشاعر ليك ولا قاعدة تثيريني من الاساس ووقت عرستك عرستك عشان عايز شفع وعشان زول ينضف ويطبخ من الاخر زي الخدامة يعني البنجيبها فهمتي ف ما تعملي لي روحك قيمة .. اها وعشان نقة امي وابوي في العرس ويوم البقرب منك برضاك ولا بدونو ما تقولي بحبك عرفتي ..
وبعد كدا وقت الراحة والدلع انتهي من اليوم تدخلي المطبخ وتجي تلمي هدومي تغسليها وتكويها وترتبيها شايفة الدولاب هناك واوضتي دي القاها منظمة والبيت دا كلو نضيف انا اكتر شي بكرهو الوسخ والمرا الما نضيفة ووسخانة اهتمي بروحك ..
"طلعته من اوضتوا بعد الكلام السم السمعني ليه وجيت اوضتي.. وكمان بقيتني خدامتك والله تشوف يا مجدي"

"اليوم انتهي علي كدا"
بيوم جديد

صحيت مخلوعة من الصباح بالباب "
*فدوي قدامك عشرة دقايق وتكوني جاهزة
* ياخ ما ممكن تفتح الباب دا براحة
و علي وين ان شاءالله؟؟
-ماشين لي ناس امي لينا شهر ما مشينا ليهم وامي كل يوم بتجيب في سيرتك عايزة تشوفك..
يلا عشرة دقايق القاك جاهزة...
*ما ماشة معاك ما علي كيفك توديني...
انا ماشة ل امي طولت منها زاتي شلت مني التلفون وياعالم حالتا كيف هسي ما عارفة لي جهة.
-كدي ابقي مرا وعيدي الكلمة دي تاني عشرة دقايق القاك جهزتي منتظر بره انا...

"قعدته في السرير مغلوب علي امري ساكته بس ما بي يدي شي اعملو.. قمته استحميت وطلعت لي فستان بسيط ..
وشلت الريحة بخيت بختين منها ولبست شبشب كعب عالي اسود ولبست عبايتي من فوق وطلعته...
جيت طالعة