♡❥ الـ؏ـلـم و الٳيمــان ❥♡
❀قنــــاة دينيـــة
♡
♡
♡❥ العلــــــم و الإيمـــــــان ❥♡
https://tttttt.me/al3lm_alayman

#ذات_عناق(39)
"الجزء التاني"

هاك امسكي مني الحجات دي ي عارض امك صدعت بي عشان اوصلهم ليك اسمعي انتي بقيتي مره بي بيتك م تكرهينا حياتنا😒💔

وربي ي منذر كنت بتكلم معاها بس بالصدفه قلته ليها نفسي في ام رقيقه بكسرة من البتعمليهم ونفسي في بسكويت ومعمول بس م اتوقعته انها حتعملهم😂😂😂😂💔وبعدين بقيتي مرة بي بيتك في عينك والله لو بقيت بي شيبي م حترتاحو مني امي وانا حرهه😌❤
ماهر مافي؟
ماهر اتأخر شويه اليوم لكن بعد كدة بجي دقيقة اوصل الحجات دي المطبخ واتصل عليهو

لا م تتصلي خليه انا اصلاً مستعجل،

دقيقة طيب،
وصلته الحجات المطبخ وجيت راجعه قال لي مهند قاعد ادخل عليه؟قلته ليه اي اتفضل معاه سمر
سمر منوو؟
بت جيرانا ممرضه ادخل عليهم !!

قال لي طيب ✅
..........
قاعدة في الغرفه مع مهند وباكل في ضفوري علشان افتح لي موضوع معاه لأنو قعدتي طالت وسكتتو طالت فكري ي سمر فكري ي سمر..
امممم مهند انت بتحب تقرأ كتب وحجات زي دي؟
اي
غريبه م شايفاك عندك كتب وكدة
بقراها Pdf عشان م جبته معي كتب من البيت
اهاااا طيب حلوو طيب لو عايزة ابدأ اقرا كتب وكدة تنصحني اقرا عن شنووو؟؟

حسب الحاجه الانتي حابه تقرأ عنها وميولك يعني كتب ثقافيه ولا علميه ولا روايات

انت بتحب تقرأ لشنووو؟

الأنا بحب اقراهم بقراهم لنفسي م عشان انتي بتحبيهم

م انا قلته ليك انصحني ي مهند انا باخد رايك ريلاكس

طيب انا بحب اقرأ كتب ثقافيه وروايات بفضل أدهم الشرقاوي بس

طيب رايك شنو نطلع نمشي مكتبه نشتري لينا منها كتب ونرجع علشان انا اساساً نفسي فيها ونبدأ لينا كتاب مع بعض ونتناقش فيهو؟

قبل م يرد علي باب الغرفه دق ..
قمت فتحته الباب
السلام عليكم
وعليكم السلام اهلين
كيفك؟
تمام الحمدلله
مهند ي حبيب كيفك ياخ
منذر اهلاً وسهلاً كيفك؟

الحمدلله انت اخبارك وامورك م طليت علينا ي زول ولا حتى بمكالمه حزينه منك💔
هههههههه معليش ياخ بس اساساً رقمك م معي والله😂💔

كمان م معاك؟اسي تاخدو ي زول ،

حسيت انو في تحسن ملحوظ في حاله مهند وانو قادر ياخد ويدي مع زول وجمله"اساساً رقمك م عندي"دي حسستني انو حابب فكرة انو يتواصل مع الناس ف دي كانت نقطه كويسه
.....................

رجعته المطبخ علشان اعمل ل منذر عصير سمعته تلفوني بضرب،قلته اكيد ماهر اخلص وارجع ليه ،
جهززته العصير وجيت لقيت منذر طالع من غرفه مهند وبتكلم بالتلفون وبقول"م ماسورة والله طالع طالع جاي عليكم ههههه تمام مسافه السكه بس يلا سلام"،قلته ليه تعال اشرب العصير،قال لي انا مستعجل طالع والله بالله دة شنو الابنوس القاعد جوة دة؟

ابنوس؟
قصدي الخدار الجوة دة

ههههههههه سمر قصدك😂💔
اي ياخ ماشاءالله حاجه كدة قيافه تفتح النفس سمار سمار جد ❤

قلته ليه وانا كمان سمرة م حصل سمعتك مدحتني الوقت كلو بتقول لي م شبه البنات اسي الاتغير شنو😪💔

ي بت انتي هبله عايني للبت دي كدة كويس حتى وهي في اخر درجات السُمرة قيافه بتعرفي حاجه اسمها "اتراكتيڤ"؟بس البت دي سمرتها اتراكتيڤ ودي م حاجه بنشوفها نحن بنحسها احساس وم بتجي في اي زول في فرق بين الانتي مسمياه سمار عندك وسمارها هي اتراكتيڤ وانتي جعفر 😂😂😂 😂💔

طيب اشرب العصير وانلقع من وشي قال اتراكتيڤ قال اننننننننننننننننننننننننننننننننن 😒

م عايز انا اساسا ي زوله😂😂😂💔

ً،طيب اشربو على الواقف ي منذر م حيكلفك شي❤

تلفوني فجأة رجع اتصل،قلته ليه هاك امسك امسك خليني ارد على التلفون دة شكلو ماهر من قبيل بتصل،
مشيت بسرعه على التلفون وعلى بال م اصلو المكالمه فصلت، فتحته التلفون لقيت المتصل زياد كان متصل كم مكالمة ف قلقته 💔،وقبل م ارجع ليه فجأة رجع اتصل تاني فتحته الخط قلته ليه الوو؟
قال لي شهههد
قلته ليهو اهلين زياد؟
قال لي كيفك ان شاءالله طيبه؟
قلته ليه تمام الحمدلله
قال لي في البيت؟
قلته ليهو ايوة،
قال لي ماهر م اتصل عليك؟
قلته ليهو لأ خير في شنوووو؟
اتوترته طبعاً💔
قال لي والله ي شهد ماهر دة راكب راس وقال ماشي يفتح عمارة ابوهو،م عارف هو عرف شنووو شنو بالضبط وجاني 💔

قلته ليه وين هو حالياٌ ؟
قال لي م عارف رسلني لي حجات جبتها ليه من المغلق وقال لي انتظرو جمب شارع ال60 انا خايف عليه والله ي شهد ماهر الفترة دي بقى متهور شديد وم بستوعب اي شي يتقال ليهو،اتكلمي معاهو يمكن يسمع الكلام

طيب انا جايه عليك
لا خليك بس اتصلي اتكلمي معاه

طيب دقيقه.
فصلته منو اتصلته على ماهر المكالمه الاولى م رد والبعدها برضو م رد والتالته والرابعه..

رجعته ل زياد اول م فتح الخط قلته ليه زياد م برد انا جايه عليك تمام؟

قال لي خليك طيب انا بجي بسوقك
لا انا معي منذر بخليه يوصلني لما نصل شارع ال60 بتصل عليك تمام؟

طيب!!
منذر عايزاك توصلني مشوار ضروري!!
في شنووووو؟
بحكي ليك في الشارع دقيقه بس اكلم سمر اني طالعه وكدة...
......

.........
فجأة لقيت نفسي قريب شديد من الحقيقة،حاسي اني اتأخرته شديد اساساً والدنيا لهتني عن اني اتصرف بم

سؤليه تجاه الموضوع دة رغم انو كل الأعذار الاتقالت بخصوص مقتل ابوي واسباب قفل القضيه والسكوت عليها م منطقيه بس انا م عارف عقلي كان وين لمن اتقبلته الموضوع عادي،يمكن عشان وقتها مريت بضغط نفسي عالي جداً ،بس لمتين يعني؟دة واقع ودي بالنسبه لي حالياً هي جريمه مسكوت عنها بأي طريقه عايز اعرف الحاصل بس م بهمني اي شي يحصل بسبب فتحي لملف القضيه ...

.......
الحاصل شنو ي شهد احكي؟
الحاصل انو ماهر بفتش في موضوع قتل ابوهو دة الفترة دي
اي عارف انا قصدي مالو اسي؟
قال لي عايز يمشي يفتح العمارة الاتقتل فيها ابوهو
العمارة فيها شنووو؟
م عارفه💔
حتى لو فيها بعد السنين دي كلها مستحيل يلقى شي والله دة جر هواء منو💔
افففففف ي منذر م حيرتاح لو م عرف..

طيب م يسأل اهلو ؟؛!
ي منذر هو شاكي في اهلو نفسهم علشان كدة م حيسألهم

والله دي عوجه دي💔

وانا بتكلم مع منذر فجأة تلفوني اتصل
اي ي زياد،ايوة نحن اتحركنا وين انت؟طيب م حنتأخر ،م اتصل عليك؟؟؟
تمام طيب تمام، منذر اسرع 💔

بعد 20 دقيقهه...
زياد،
شهد كيفك ،منذر خبراتك ي معلم

تمام الحمدلله ماهر وين؟
منذر:صحبك دة مالو ي مان؟
زياد:والله صحبي دة راكب راس ي منذر لسه م مشيت عليه منتظركم كنت م بعيد من هنا،
منذر:ماهر دة م بسمع الكلام ي زياد انا منذر دة قبل يومين كنت بقول ليه في شنووو؟

قلته ليهم طيب خلونا نمشي ي جماعه بعداك نتفاهم
زياد ركب عربيتو وانا ومنذر وراه اول م وصلنا ونزلنا منذر كان شايل معاه حجات في يدو،قلته ليه شايل شنوو انت؟
قال لي حجات قال اجيبهم ليهو من المغلق اظن عايز يكسر بيهم الابواب
،
قلته ليه وين هو؟قال لي دقيقه اتصل عليه..

الوو ماهر؟!؟وين انت ي زول انا واقف جمب م انت وصفته لي،يعني ادخل لي جوة شويه؟طيب تمام ،
قال لي جوة م هنا،م بعيد خلي نمشي برجولنا احسن،
قلته ليه طيب يلا بسرعه
مشينا مسافه م طويله زياد اتصل عليه فجأة شفناه واقف وبشرب في سجارة ومعاهو زول،
اول حاجه قالها لما وصلناه
شهد؟ منذر؟الجابكم شنو هنا؟
فضلنا ساكتين
قال لي زياد "ممكن مرة واحدة بس اقول ليك شي تبلعو وم تقول لي زول؟؟
زياد قال ليهو ي ماهر ركوب راسك دة بجننك
قال ليهو بصوت حاد"انا اصلاً مجنون جيب الحجات القلتها ليك "
خفت من نبرة صوتو والحاله الشبه هستيريه الهو داخل فيها
الراجل المعاه قال ليهو ي ولدي براحه بالهداوة بس ارخي جسمك

زياد قال ليهو كلمو ي عمي بالله
كنت خايفه اتكلم معاه لأنو واضح انو متنرفز بس بكفيني اني اكون معاه في اللحظه دي وجمبو مشيت عليه ووقفته جمبو.
قال لي انتي كمان الجابك شنووو؟ومهند خليتيه مع منووو؟
قلته ليه ممكن تهدأ؟مهند مع سمر

م رد علي واتحرك من جمبي ومشى على باب العمارة كانت عبارة عن ضلمه كدة حاجه غريبه،طلع تلفونو وولع الفلاش ومشى على الباب،اول م وصل شال حديدة كبيرة كدة من الجابهم ليهو زياد وبقى يضرب في الطبله،الباب كان بتاع حديد وعليهو طبله مطبله بجانزير،بقى يضرب ضرب بدون وعي حتى والصوت عالي،وكلنا واقفين وبنتفرج عليه،زياد مشى عليه قال ليه جيب ي ماهر طيب
ماهر قال ليه لا خليك
الراجل الواقف كبير في العمر قال ليه خلي اخوك يساعدك،
ماهر م رد عليه فجأة تلفونو وقع وقفل،
زياد قال ليهو دقيقه
مشيت عليهم وشغلته الفلاش بتاعي ،ماهر ولا كأنو في ناس حواليه،كأنو كان بفضي كل غضبو في الباب،
فجأة الطبله اتكسرت،تاني بقى يضرب في الطبله التانيه،لغايه م فتحت طلع الجنزير وفتح الباب...

......
لحظه فتحه الباب دي احساسي معاها كان اسوأ إحساس مر علي واصعب إحساس علي كأني فاتح باب جحيم،على قدر الفضول الجواي كانت في خوفه ،كأني كنت شريك في الحصل لي ابوي دة وفعلاً شريك لأني م سمعته كلامو لما قال لي تجي تبيت معي ورفضته يعني كان في حجات كتيرة ممكن تتغير لو انا جيت،احتمال م كان يقدرو يقتلوه،شريك لأني سكته كل السكات ده💔فتحه الباب دي فتحت علي الف باب حساب لنفسي،الضلام الكان مخيم في المكان داك م كان بسوى شي مقارنه مع الضلام الكان جواي م كنت شايف شي كأني اتعميت،

اعمل حسابك ي ولدي م تدخل ساي الباب دة مقفول بالسنين م معروف تلقى حشرات ولا غيرو
.....

قلته ليه بصوت حاد ماهر استنى م تدخل ساي منذر ،زياد تعالو قريب ولعو فلاشاتكم ،
ماهر قال لي خليك انتي برة م تدخلي وراي
م رديت عليه ،مدخل البيت كان مضلم شديييد من بدايتو،دة غير الريحه الما بتقدر تحدد هي ريحه شنو بالضبط بس ريحه تعمل إختناق💔
كُلنا مع بعض داخلين خطوة خطوة زي الحراميه ،باب السلم كان مقفول بطبله صغيرة ماهر من اول ضربه فتحو،ودخل على طول من غير م يشوف قدامو ،فجأة وقع

مااهر..
صرخته بصوت عالي ،زياد قال ليهو ياخ انت م تستنى ماشي وين في الضلام دة؟قام على حيلو

عمو المعاه قال ليهو اعمل حسابك ي ولدي م تستعجل
ماهر مندفع شديد،لما وصلنا الطابق الأول انا فجأة صرخته وتلفوني وقع مني ومسكته في اقرب زول جمبي،

فجأة حشرات كميهه بقت طايرة حوالينا او شبه انها في حاله هجوم علينا ومع اضاءة الت

لفونات دي عيونها كانت فيها اضاءة وبتعمل صوت غريب وكلها حوالينا دفعه واحدة

دي خفافيش اعملو حسابكم بيت مقفل السنين دي كلها شي طبيعي يسكنوه الخفافيش دة كان م سكنو جن برضو "الراجل الكبير قال كده"
سمعته ماهر بقول بنبرة حادة "الدخلها شنو هي شهد دي انا م قلته ليك خليك برة؟طلعها برة ي منذر بالله والله انت ي زياد انسان غريب خلاص

قلته ليه م طالعه م طالعه ومسكته في منذر ،كملنا طلوع في السلالم وسط الضلام والحشرات الطايرة دي وانا قلبي في يدي وخلاص هبطته وحاسه نفسي حأرجع من الريحه ،بيت عبارة عن متاهه او وكر ،وصلنا الطابق التاني فجأة ماهر قال:
ي عمي مفاتيح الكهرباء وين؟
قال ليهو مقفوله من التأمين تحت اظن،
قال ليهو طيب انا بنزل اشوفها
قلته ليهو ماهر م تمشي اعمل حسابك
زياد قال ليهو انا بمشي معاك تحت وين ي عمك؟
نهايه السلم على يدكم اليمين تحت السلم مباشرة ❤

بعد م مشو عمو الكبير قال لينا "والله كان بيت مرغوب خلاص الله يرحم الراجل الطيبان دة كان زول صاحب حق ومعاملتو طيبه م بخلي شي في الشقه مالم يصينو كل م مستأجر يطلع من البيت ويصلح الناقصو حتى يدخل مستأجرين جداد "
انا والله من الخوف والحشرات الحوالينا دي م كنت مستوعبه هو بقول في شنو بس منذر اخد معاه في الكلام،

شويه كدة جو طالعين،ماهر قال ليهو في علبه تأمين تاني هنا صح؟
قال ليهو لا،كدة دقيقة في مفتاح إضاءة هنا لكن اللمبات دي كلها حتكون باظت خلاص ي ولدي،تعال كدة بي نورك دة
مشى وراه داس على مفتاح كدة اللمبه ولعت والحشرات ي دوب كدة بقت تتطاير فينا بطريقه مرعبه صرخته قلته ليهم واااااااااااااااي مسكته في منذر وغطيت وشي ،ماهر قال بصوت عالي:ياااااا منذر طلع اختك دي بره عليك الله ياخ اطلعي برة انا بتكلم معاك اسمعي الكلام ياخ م تجنينا

منذر قال لي والله انتي خوافه خوف حيعملو ليك شنو يعني؟
ماهر قال ليهو ي عمي وين الشقه؟
الراجل قال ليهو حقت ابوك ولا الراجل التاني؟
ماهر قال ليهو شقه ابوي..
الراجل قال ليهو ياها هنا بالإتجاه دة،
منذر قال لي شهد يلا ولو م بتقدري اطلعك برة
قلته ليهو لا م طالعه

قويت قلبي وفتحته عيوني وانا ماسكه في منذر وشايفه ماهر متقدم وعمو وزياد وراهو،لما وصلنا ماهر قال ليهو ي عمي اها ان شاءالله قدرته تجيب لي الحاجه القلته لي عليها؟
عمو قال ليهو اي جبتها ليك دقيقه،
طلع حاجه من جيبو ومداها ليهو
م عارفاها شنو بس حاجه بفتحو بيها الباب م مفتاح حاجه بعرفوها هم براهم،
الراجل قال ليهو ان شاءالله تفتح ليك..
ماهر قال ليهو بتفتح بتفتح وبقى ماسك الباب ويحاول يفتح فيهو

منذر قال ليهو اكسرو لو م اتفتح
زياد قال ليهو باب خشب تقيل م بتكسر💔

بعد اكتر من ربع ساعه محاوله والمكان شبه ضلام لأنو الاضاءة خافضه الباب فتح معاه،
............
م حسيت برعب ابداً في حياتي على قدر الرُعب الحسيتو لما باب شقه ابوي اتفتح،
انا في المكان الما حصل دخلتو ابداً،المكان المفروض كان اكون فيهو اليوم داك يوم اتقتل ابوي،
بعد كل الاندفاع دة بعد فتحه الباب حسيت نفسي معاق حركياً م قادر اخطي خطوة واحدة بس تدخلني الشقه،الصوت بتاع ابوي وهو بقول لي"تعال بيت معاي،انت الكورة دي م بتفتر منها'بنتظرك الصباح م بتصل عليك تجي براك،بنتظرك الصباح م بتصل عليك تجي براك،بنتظرك الصباح م بتصل عليك تجي براك...الصوت بقى يتردد عندي وشبه دخلته في حاله م طبيعيه للحظه هل انا خايف؟
ايوة خايف ،خايف شديد بس م عارف انا خايف من شنو يمكن خايف من زيادة احساسي بالذنب..

ماهر ماهر ماهر..
مع احساس اطرافي المجمدة سمعت الأصوات دي حتى استوعبته اني لسه واقف على عتبه الباب والعرق نازل من جسمي كأنو شلال💔
خطيت الخطوة الأولى والتانيه والتالته وانا حاسي اني خفيف وم فيني حيل ،
لغايه م سمعته عمك الحاج بقول لي دقيقه م تدخل ساي..
.........
كلنا دخلنا ورا ماهر ومولعين فلاشاتنا،حاسه بالإحساس الهو حاسيهو صراحه ويمكن احساسي هو عايش اضعافو في اللحظه دي،
عمو المعانا قال لي زياد تعال معي عشان ارفع التأمين من هنا،

في اللحظه دي انا مشيت على ماهر ومسكتو من كتفو كان جسمو بارد،بارد عديل والجو مسخن وقميصو كأنو مبلول من العرق
قلته ليه ماهر انت كويس؟
م رد علي ،

شويه كدة حسينا بإضاءة قويه في البيت حتى من قوتها غمضته عيوني،وم فتحتها الا لما ماهر إتفك مني،لقيت نفسنا واقفين في نص الهول
سبحان الله ي جماعه كلنا وقفنا مصدومين..
.............

بعد م عمي الحاج ولع الاضاء بقيت اتلفت بطريقه هستيريه ،انا واقف هنا تقريباً في نفس المكان الاتقتل فيه ابوي،بقيت اتخيل حجم الصراعات الهو صارعها في اللحظه ديك وكميه الاستنجاد الإستنجدو عشان زول يلحقو تقريباً عدة علي كل شريط الجريمه في مخيلتي كأني حاضرها بشكل واقعي ف لقيت نفسي خاتي يدي في راسي لأني بقيت م حاسي بيه في اللحظه دي...
البيت تقريباً من لحظه وفاة ابو ماهر لغايه م نحن دخلناه زي م هو ،الفرش زي م هو مغطنو بس وماليه الغبار والعنكبوت الباني ف

ي كل مكان ودة الشي الغريب هنا يعني اذا البيت اتباع ليه الاثاث م اترحل من البيت؟معقوله اهل ماهر ديل لا مُبالين للدرجه دي؟؟
......
اتحركته من مكاني وبقيت بفتح الأبواب بطريقه هستيريه كأني سامع صوت ابوي وهو بتكلم و حألقاه في غرفه من الغرف،في لحظه كدة لقيت نفسي قاعد في الأرض حالي كان حال طفل كان بفتش على شي وم لقاه ف أُحبط،صوت ابوي كان في كل مكان حوالي وم قادر اشوفو...

........
ماهر ،ماهر انت كويس؟
تمام،انا تمام ي شهد،
ماهر
قلته ليك تمام

دخلته غرفه ورا ماهر،كان فيها حجات كتيرة ملمومه مع بعض وفيها دولاب،
ماهر تقريباً كان منهار ودموعو كانت في عيونو والله،
وقف على حيلو ومشى على الدولاب فتح الضلف كلها،
كانت فاضيه م فيها ملابس بس في واحدة كان فيها ورق كتيير،ماهر بقى ينزل في الورق ،من ضمن الورق دة كان في صور كميه ،بقى ماسك الصور ويعاين فيها ،اظنها كانت صور لأبوه سبحان الله شبه ابوه وشبه هو خرافي ،وابوه شكلو بشوش شديد في كل الصور كان بضحك،
ماهر كان واقف وبعاين للصور ودموعو على وشك انها تنزل لغاايه م في لحظه كدة وقف في صورة كان فيها 3 ابوه ومعاهم بت وزول تالت،قلب الصورة لقى مكتوب عليها تاريخ،بقى يقلب في بقيه الصور بطريقه فضوليه ويفرزهم عن بعض ،
قلته ليه ماهر في شنوووو؟
قال لي ماف شي ،
قلته لييييه ماااااهر...
قال لي بعدين!!!
عايز يطلع لقى منذر وزياد وعمو الكبير واقفين في الباب ،
اتجاوزهم وطلع بقى لافي في البيت كلو ونحن وراه وم خلى شي م فتشو،وحاساه بعمل كدة بحيل هزيل وهو نفسو م قادر يشيلها وعلى شويه حينهار ويبكي💔فضلنا وراه لغايه م في لحظه قال لي عمو الحاج بصوت مبحوح وشبه منتهي نمشي على الشقه التانيه ؟؟
.....................

شقهه تانيه؟
ماهر اتقدم وعمو وراه لما وصلنا الممر عمو قال ليهو الفي نهايه الممر دي ياها الشقه ،ماهر مشى عليها وفتح الباب بنفس الطريقه ودخل
عمو قال ليهو الضلام استنى اخوانك يدخلو معاك بتلفوناتهم دي،دخلنا وراه الشقه كانت فاضيه كأنها م اتسكنت قبل ،م عارفه ماهر كان بفتش على شنو المهم كان بدخل من مكان وبطلع لمكان تاني💔...
................
هل حب الأم لأولادها ممكن يخليها تعمل اي شي عشانهم؟

جا وقت اني اخد دور واحكي ليكم فيه عن الجواي💔

م عارفه ابدأ من وين وانتهي وين او بمعنى اصح هل الانا فيهو دة عندو نهايه؟
السؤال الكتبتو اول دة هو سؤال ملازمني كل الوقت لأنو دة حالنا مع امي،هي بتعمل اي حاجه تحت مسمى انها عايزانا نعيش مبسوطين وسعيدين بس المشكله انو هي فهمها للسعادة عكس اللي نحن او انا عايزاها،امي شايفه سعادتنا في انها تعيشنا في نعيم ،القروش تكون في يدينا وقت م احتجنا،ماكلين احسن اكل وشاربين ولابسين احسن لبس،وفي سبيل الحاجه دي هي بتعمل اي شي في الدنيا دي المشكله م هنا المشكله الاكبر انو هي عكست الحاجه دي علينا كلنا ،عودتنا على انو الحياة قروش،غسلت دماغ اخواني بالكلام دة وبالذات خالد،خالد طريقه تفكيرو تيبكال من ماما،علمتنا نغش في سبيل اننا نحصل على القروش سواء من اعمامي او خيلاني،علمتنا الكذب و النفاق،علمتنا الاحساس بالحوجه حتى ونحن م محتاجين انا عمري م حسيت بالاكتفاء،دايماً نظرتي ومقياسي للناس غريب كلو مبني على الحاله الماديه والحاجه دي انعكاسها علي سلبي شديد ،ايوة انا كدة علشان اتربيت على كدة 💔علمتنا انو الحاجه لما نكون عايزنها تتأخد غصب زي م خالد اخوي عمل لما اخد العربيه من ماهر اخوي رجاله،هي نفسها بتقول انو اي شي عايزاه ايوة صح هي بتاخدها بس م ساي،ولا على كيف الزول وهو مقتنع انا من قمت لقيت امي دايماً في بخرات وحجبات ومحايا وحجات زي دي،عمرها م حسستني انو امورها بتمشي بقضاء الله وقدرة لا هي امورها بتمشي بكدة ،حتى لموضوع جامعتي يعني نسبه لي انو انا نسبتي م بتدخلني الجامعه والمجال الانا عايزاه م عارفه هي عملت شنو بس جابت لي ودايماً بتحب النوع دة من الناس البترمي ودع والنوع البعمل الحزعبلات دي علشان كدة قروشها م معروف بتمشي وين يعني الفي مكانها بكميه القروش البتصرفها في الكلام الفارغ دة والله ممكن كان تكون راكباها 5عربات بدل عربيه واحدة وبانياها بيوت واي شي في الدنيا دي نفسها فيه ممكن تعملو ،وحتى لو بتعمل العمايل دي وبتصرف كل قروشها دي من غير م تأذي زول معليش بس للأسف امي مستخدمه قروشها دي في أذيه الناس،أذيه الناس وبس ودة كلو تحت مسمى انها بتحبنا وعايزة تعيشنا في راحه وحقيقة م عارفه انو نحن م مرتاحين بالبتعملو دة م مرتاحين ابداً يعني هي ممكن تبين لينا انها بتحبنا وتعيشنا في راحه بال غير كدة؟مشكلتي تعبت تعبت جداً وانا بحاول اسكت واتغاضى واذا اتكلمت بتهرش وبتزعل وبتبكي وبتعمل موال وبتحاسبني على انها ضيعت سنين عمرها علشانا انا عايشه حياتي معاها انا واخواني بالاستفزاز بالمحاسبه كأنها بتطالبنا بالمقابل، انا عمري م عملته حاجه علشان انا عايزة كدة انا اي شي بعملو علشان بخاف من ردة فعلها لو رفضت ،كل دة م عندي فيه مشك

له بس اسي خالد ماشي على هواها وبقى يسمع كلامها وبرضو خلتو يمشي على كيفها غصب عنو وعملت ليه غسيل مخ رسمي علشان يكره ماهر ويعاديهو رغم انو ماهر اخوي دة م مقصر مننا ابداً والله ملاك على ماشي على الأرض بس اخخخخخ من ماهر والبحصل فيهو بسببنا بس يعني لو عارف انو...💔💔💔

ايوة انا إيليڤ،إيليڤ نفسها اللقاها ماهر بالشكل داك وهي مكذبه عليه وضربها كف،أيليڤ نفسها السمعت كلام امها واخوها ومشت فتحت في ماهر بلاغ،وانا بقول الكلام دة اسي علشان من يومها وانا م قادرة انوم ،اتوقعته اي شي في الدنيا دي الا إني اكون شخصيتي ضعيفه للدرجه الحتخليني استجيب لي اني امشي افتح بلاغ في ماهر،هو اصلاً بالحاله م شافني جوة النادي كنت بعمل في شنو،لو شافني الكف الواحد دة كان اقل حاجه حيديني ليها ،اكون صريحه اكتر انا انبسطته لأنو اول مرة زول يضربني لمصلحتي،انبسطته لأنو حسيت انو الكف دة حيطلعني من الجحيم الانا فيهو دة بس بعدين جات ماما وخالد واستغلو الكف دة لصالحهم ورجعوني للجحيم دة تاني بدون م حتى م يقولو لي هو صح وانتي غلط لأ عكسو الايه هو غلط ،انتو عارفين اي جحيم انا بتكلم عنو علشان اتغاضى وانسى شكل حياتي دي؟

عموماً ي بخت الأمها عظيمه في نظرها بأفعالها وحسن سيرتها واثرها الطيب في حياتها،ي بخت العندها اخوها بخاف عليها ومخلي بالو منها علشان انا فاقدة ال2 والله💔

..............
طلعنا من العمارة وم صدقت انو نحن طلعنا منها لأنو ماهر كان مُنهار شديد حتى في اخر لحظه كان بقول لي عمو:

الناس دي طلعت من الشقه دي ومشت لغايه م دخلت شقه ابوي سرقو القروش وجو راجعين حولوها الشقه التانيه وفي الأخير اتلاقو معاه وقتلوه
بقيت اقول ليه ماهر
تقريباً هو اتصارع معاهم ي شهد
ماهر حبيبي كفى
ابوي وانا بعرفو م بخلي حقو بس م لدرجه انا تتصارع مع حراميه
ماهر الله يرضى عليك كفايه خلينا نطلع من هنا،يلا ي ماهر خلينا نطلع،
زياد :اصلاً تاني ماف شي يتشاف ارح ي ماهر اسمع الكلام يلا
مسكتو من يدو وطلعنا،
اها ي ولدي لو احتجته لي اي شي اتصل كلمني م تخاف وتتحسس نهائي كويس؟
ماهر قال ليهو طيب ي عمي الشيخ
يلا ي ولدي الله يوفقك ويسدد طريقك ويهونها عليك ي رب❤

قلته ليه خلي انا بسوق انت اركب شلته منو المفاتيح ،منذر قال لي انتو اتقدمو نحن بنلحقكم،اتحركنا لما وصلنا البيت،قلته ليه ماهر انت تمام؟ادخل استحمى وغير،
قال لي لا وعلى طول دخل الغرفه بتاعه الورق ديك،وم طلع منها لغايه م ناس منذر وزياد جو قالو لي خليه على راحته شويه م تضايقيه💔
زياد قال لي هو المهم عندو انو كسر حاجز الخوف ويواجه نفسو بي إنو يدخل البيت دة عشان يقدر يتجاوز 💔
بالليل م قدرته انوم لما جاتني غفوة صحيت على صوتو وهو بتلي قرءان بي همس بس برضو فيهو صوت مسموع،انتظرته بعد خلص قلته ليه ماهر...
قبل م اقول كلمه تانيه قال لي انا تمام ب شهد تمام انا،خته المصحف على جنب وضغط على عيونو بي صوابعو،قلته ليه م حتقدر تكمل لو حتعمل في روحك كدة ،مسكته يدو وقلته ليه حتعدي او حنعدي وربنا حيهونها اكيد❤
قال لي ان شاءالله
رقدته في حضنو وانا سرحانه وبسأل نفسي هل فعلاً حتعدي وحنصل لنهايه النحن فيهو دة؟والنتيجه حتكون شنو وسط دة كلو؟هل انت صح ولا انا بتنافق معاك ي ماهر؟
.......................
صباح اليوم التاني صحيت جهزته ليه الشاي وملابسو ،لما جا طالع قال لي شهد؟؟!
قلته ليهو ايوة
قال لي انتي م مجبورة علي،يعني م مجبورة تستحمليني لو حاسه نفسك م مرتاحه ممكن تمشي تقعدي في بيتكم فترة بعدين ...
قبل م يتم كلامو قلته ليه هاك كبايه الشاي اشربو قبل م يبرد وقعدته جمبو وانا بعاين ليه وهو بعاين للكبايه وساكت وتاني م اتناقشته معاه ابداً
بعد م شرب وطلع جات سمر دقت لي الباب اول م فتحته قالت لي الحمدلله على السلامه ربنا يعوضكم
قلته ليها ربنا يعوضنا؟
قالت لي م عارفه؟
قلته ليها شنوو؟
قال لي عربيه تحت قزازها مكسر وشالو اللساتك والله كسروها تكسير شين خلاص اظنهم حراميه
قلته ليها كيف؟؟متين؟
شلته التوب وطلعته ،لما وصلته لقيتها فعلاً كلها قزازها محتوت وشالو اللساتك ال4 طبعاً بقيت واقفه مصدومه من المنظر وماهر واقف ومعاهو ناس كتيرة شغالين ليه ربنا يعوضك،ديل حراميه وحاسدين،
ام سمر قالت ليه فعلاً حاسدين معقوله م لقو عربيتك دي؟م في الف عربيه مبركنه تحت العماره دي وليهم سنين بوقفوها م حصل سمعنا لينا بزول عربيتو اتكست الا دة حقد والله💔✅

ماهر كان واقف وبقول ليهم "لي خير إن شاءالله لي خير"
دموعي جات جاريه اللحظه دي لأنو هم م عارفين انو هو بشتغل بالعربيه دي قدر شنو وهي مصدر رزقو الوحيد بقت ومغطي بيها كم حاجه ،وبعد كدة بقى عليهو حق صيانتها الأكيد م حيكون هين ابداً وبسبب الحاجه دي حتى شغلو البجاهد و بصحى ليه من اذان الصبح وقف💔انا م زعلانه على العربيه على قدر م مكسور خاطري من حالو ووضعو،رغم دة كلو بظهر نفسو متماسك وم عايز زول يقيف معاه ولا حتى انا💔

الحاجه الوحيدة القالها لي"حأدخلها صيانه عشان ش

غل العربيه م ينفع يقيف ابداً وبالفعل دخلها صيانه
...............
بعد مرور اسبوع...
ماهر من يوم م جينا من عمارة ابوه وهو ملصق الصور الجابها معاه في الحيطه وبقيف قدامها دايماً وبقعد يسرح فيها،انا من كترة م بلقاه واقف بعاين ليها بقى عندي فضول اعرف ليه بس؟
في يوم قلته ليه ماهر انت الصورة دي وبقيه الصور بتقيف قدامها كتير كدة ليه؟عرفته الفي الصورة دة ابوك الله يرحمه طيب المعاهو دي منو؟
قال لي دي أم ناس إيليڤ الله يرحمها ومعاهو عمي الزيني الكبير،
قلته لينو المعنى؟صورة عاديه
قال لي الما عادي التاريخ ي شهد يعني مثلاً عندك الصورة الفيها عمي وابوي وهي في نصهم دي تاريخ الصورة دي قبل م امي وابوي يتزوجو ي شهد،يعني ابوي طالما بعرفها قبل زواجو بي امي ليه م اتزوجها؟
قلته ليهو يعني دي ام ناس إيليڤ؟
قال لي ايوة
قلته ليهو من وين اساساً؟
قال لي بورتسودان وعايشه هناك
.............
وانا في البيت جاتني مكالمه من طه..
الوو؟
حبيبنا،كيفك ياخ
تمام الحمدلله اسمع زولك دة لفيتو ليك!!
انت جادي؟متين ووين؟
ساكن الكلاكله وشغال في المنطقه الصناعيه الخرطوم ميكانيكي
تمام عارف مكانو بالضبط؟
اجيبو ليك؟
لالا خليني بجيبو براي،
جد ؟
اي خليهو علي بس انت رسل لي الرقم بتاعو والوصف بالضبط،

ماهر اسمع الكلام وتركب راس وتعمل شي م قانوني بدينك انا عارفك متهور وبتاع ركوب راس،

لا ابشر م بعمل شي م قانوني والله عيب ياخي معقوله؟ 😂💔

طيب برسل ليك المعلومات في الواتس
حبيبي والله تكون عزيتني❤

انو الزول الانا يفتش عليهو دة يتلقي كانت حاجه مهمة شديد بس الاهم انا كيف اعرف استدرجو انا م عايز امسكو واضربو واعنفو واتراجل عليه،انا عايز اذكرو بالهو عملو واحدة واحدة وطالما هو مكانيكي معناها الكورة في ملعبي ..

بعد يومين ...
ي زياد وصلته؟
اي ي ماهر لسه م وصلته وين انت وصلته المنطقه الصناعيه ولا لسه؟

انا في المنطقه الصناعيه بس منتظرك..
......
وانا في البيت ماسكه اللابتوب وبخلص في شغل فجاة جرس الباب ضرب،فتحته لقيتو منذر
سلامات❤
اهلين منذر كيفك؟
تمام الحمدلله عايني كدة ناوليني جك مويه وكبايه معاي ناس تحت عايزين نرفع عربيه ماهر دي ،
جد مودنها وين؟
الصيانه
اهااا تمام طيب م كلمني
م حنك يلا اسرعي❤✅

بعد م مشو اتصلته على ماهر قلته ليه حبيبي وين انت؟
قال لي بخلص في شغل
قلته ليهو شغل شنو؟
قال لي عايزة حاجه؟
بلته ليه م قلته لي انو حيجو ناس ياخدو العربيه💔
قال لي منذر جا؟
قلته ليهو ايوة جا ومعاهو سحاب
قال لي تمام بحكي ليك بعدين طيب؟
قلته ليه ماشي م تتأخر

...............
في المنطقه الصناعيه...
السلام عليكم ي ابو الشباب
وعليكم السلام
كيف الحال ان شاءالله طيب؟
الحمدلله اتفضلو
زياد:انا الزول الاتصلته عليك وقلته ليك جايك بالوصف
ايواااا اهلين ياخ اتفضل حبابك
يزيد فضلك ي اخوي بس والله مستعجلين شويه اها زي م حكيت ليك عندنا عربيه محتاجه صيانه م عارف مكنتها فجاة بقت م بتدور وم عارفين الحاصل عليها شنو اضافه لي كدة قعدتها برة خلت الحراميه يجو يكسرو القزاز وم خلو فيها شي وكنا بنسأل من مكانيكي قالو لينا ماف اشطر منك وجيناك جري

لا ياخ الف الحمدلله السلامه اصلاً حراميه الزمن ديل دة بقى حالهم و...الخ

قلته ليهو اها الراي شنو بتقدر تصلحها لينا؟
جداً دي شغلتي اصلاً وين العربيه؟
العربيه في البيت
ههههه في البيت دي صعبه انا زول مربوط بمسؤليات م بقدر اخلي محلي محلي والله انا فاكركم جبتوها بي سحاب

زياد:والله م جبناها ي اخوي قدر م ضربنا ليهم ما بردو اها قنعنا قلنا نجي نسوقك تمشي معانا

صعبه والله لكن انا بديكم رقم سحاب شغال اسي برفعها وبجيبها ليكم هنا

بقينا نتناقش معاه ونحنس فيه وخلاص جاب اخري...
قلته ليه بأخر نفس اسمع نحن حنسوقك معانا بي عربيه وحنرجعك بالعربيه دي مكان م انت ماشي وحندفع ليك العايزو م مشكله حتمشي معانا ولا يفتح الله؟

ي اخوي انت مالك نفسك حار؟
زياد قال لي بصوت خافض "ماهر روق"

قلته ليهو بهدؤ اها ي اخوي قلته شنو والكلام اتفاق والاتفاق اخد وعطاء ولا شنو؟نحن بنعزك وانت عزنا

قال لينا بي نبرة خباثه والله مع انو واضح عليكم اولاد ناس لكن انتو شكلكم العربيه دي سارقنها عشان كدة م عايزين تطلعوها من مكانها كلامي صح؟

قلته ياخ قول سارقنها اها الراي شنو انت داير حقك ولا داير حق سرقتها؟

خلاص خلاص م علينا المهم حقي البطلبو يجيني كامل

تمام اتفقنا ااابشر ارح طيب

بقيت اعاين لزياد وقلته ليه في ناس لازم يتعاملو معاهم بي اسلوبهم عشان يمشو عديل زي دة مثلاً✅💔

شال ملابسو وحجاتو وقال لي واحد من الاولاد الشغالين معاهو م بتأخر اشتغل لمن اجي...

بعد م اتحركنا اتصلته على منذر اول م فتحته الخط قال لي وين انتو؟
قلته ليهو جاين عليك انت وصلته؟
قال لي قبيل ي زول قاعد منتظركم بس💔
قلته ليه تمام وعمك الحاج وصل؟
قال لي لا لسه💔
قلته ليه تمام انا بتصل عليه ،
قال لي جبتوه؟
قلته ليهو اي

مع الزحمه والجوطه م قدرنا نصل الا

بعد ساعه بالظبط،كنا خايفين انو ينتبه بس الحمدلله لغايه م وصلنا م انتبه،لاقينا منذر قاعد قدام العمارة ومعاهو عمك الحاج اول م انتبهو انو نحن جينا عمك دخل جوة العمارة وخلا منذر والعربيه كانت قدام العمارة بالظبط،،نزلنا زياد قال ليهو تعال ي حبيب اها شايف دي العربيه ،الراجل كان ساكت ساي ي دوب شكلو زاكرتو بدت تسترجع المكان دة،حاول يتصرف بشكل طبيعي بس تعابير وشو كانت غير كدة،
قال لينا ماف بقاله هنا قريبه اجيب لي منها سجارة اوزن بيها الراس دة اول؟
منذر قال ليهو انا عندي سجاير،
انا كنت منتبه لحركاتو،وفجأة قام جاري م وصل نهايه الشارع مسكتو،بقى يتصارع معي ويجوط ويقول لي انتو جايبني وين ي زول انت منو؟
زياد بطبعو زول هادي وعشان الشارع والناس منتبه بقى يقول ليهو مالك ي حبيب في شنو يعني م فهمنا؟لو م اتفقنا معقوله تجري تخلينا؟
بقيت ماسكو وماشي بيهو وانا بقول ليهو م تتصارع وامشي عديل،وهو بقول لي مالك انت ي زول مالك معي؟
عاينته للطابق التاني لقيت عمك الحاج واقف عمل لي اشارة نظام جيبو جيبو فوق
وصلتو باب العمارة ودخلتو غصب وهو لسه بتصارع منذر كتفو من يديهو وبقينا سايقنو وهو بكورك وبنبذ وبفلت في الكلام،لغايه م وصلنا الطابق التاني لاقانا عمك الحاج،كان واقفةفي باب الشقه الاجرها ليهو قال لينا جيبو جيبو جاي،وصلنا الشقه عمك الحاج قال ليهو مالك بتفرفر زي الفرخ المطبوح وخايف كدة انت؟م عرفتني؟انا عمك ياخ عندك عندي رقم وطني ،دخلناه الشقه عمك الحاج كمل كلامو ب " اها مرتك ان شاءالله اتعافت من المرض الخبيث؟
تتزكر لمن جيتني وقلته لي....الخ

الراجل قال ليهو م اجرته منك انا ي زول انت منو زاتك؟اتزكر الزول الاجرته ليهو بعيد مني انت زول مخرف ساي ب عمك
عمك الحاج قال ليهو اها سمح خايف مالك كدة ؟
قال ليهو م خايف انا
عمك قال ليهو سمح الجري لشنو عامل حاجه انت؟
ياخ انت منو اساساً وجايبني هنا لشنو؟
قلته ليهو عثمان العبيد جادالله،
مش دة اسمك؟
سكت
قلته ليهو ودة رقمك الوطني الاجرته بيهو ي حبيب م كان عندك قسيمه ومستعجل للإيجار عشان مرتك عندها كانسر وانتو من البلد وم عندكم اهل هنا صح ولا م غلط؟
فضل ساكت
منذر قال ليهو عاين ي حبيبنا السكات م بحلك انت اعترف عملته شنووو ؟قتلته الزول دة ليييه وبراك ولا معاك منوو؟والله لو م اعترفته صدقني حتعفن في السجن الجريمه مُثبته عليك ي مان

بقى يهضرب قال لينا انا م قتلته زول ولا اي شي ي ناس هوي انا شبهي دة شبه زول بقتل؟سجن شنو البتدخلوني ليه؟

زياد قال ليهو اي ،اي زل في الدنيا دي وحرامي بقتل عشان القروش زي م جيت معانا وخليت شغلك القدامك عشان القروش..

كان واضح عليه زول جبان ساي ومتقاوي💔✅
قال لينا السجن حق الرجال كان صحي كلامكم دة ارح اسجنوني م تجيبوني هنا💔✅

منذر قال ليهو انت اصبر م تستعجل على رزقك السجن دة مُحمدك ي حبيب بس نحن مباحث يعني م بنخليك ساي كدة،ماهر اضرب بالله خليهم يجهزو الطارة عشان يسوقوهو

ي دوب بقى يرجف كويس قال لينا انا م قتلته اي زول ي ناس والله ،انا أجرته اي بس م قتلته زول ولا عارف الحصل شنو اساساً وانا اساساً الشقه دي من استلمته مفتاحها ودخلتها مع عمك دة م دخلتها تاني ولا شفته شارعها

قلته ليهو ليييه ؟مش انت اجرتها عشان نفسك؟
زياد قال ليهو م تكذب ي زول بتلوم معاك انا✅💔

قال لينا م بكضب انا دي الحقيقة ،

قلته ليه في زول بأجر شقه وبدفع حقها وم بسكن فيها؟مالك من كترة القروش العندك ومحرقاك؟

قال لي انا م اجرتها بقروشي انا اجرتها بإسمي بس..

سكتت وبقيت اعاين للحوالي

قلته ليهو والمعنى؟
قال لي اسمع بس عليك الله فكوني وم تدخلوني السجن انا م داير ادخل السجن انا زول عندي اولاد واشغال ومسؤليه

قلته ليهو قول الحاصل م تكتر✅

قال لينا انا جاتني واحدة صلحته ليها عربيها الكلام دة قبل كم سنه،اها الزوله دي شالت رقمي على اساس انو لو حصل عطل في عربيتها تاني او كدة، واتواصلت معي بعد فترة وجاتني وقالت لي عايزاك تأجر لي شقه بإسمك لأني براي ومقطوعه في البلد دي والشقه العايزاها قريبه من مكان شغلي وسيدها قال م بأجر الا لي اسرة وانا زوله عايشه براي في البلد.دي واهلي بُعاد وانا م بقدر اقعد في الداخليات وم عندي اهل هنا و...الخ الزوله دي اتحايلت علي واتبكت لغايه م اقنعتني أأجر ليها وقالت لي بدفع ليك الدايرو حالها زي حالكم واحد اها انا وافقته واجرته ليها واي شي،لكن اتفاجأته لما مشيت اديها مفتاح الشقه كانت منتظراني في العربيه وكان معاها رجال 2،قلته ليها ديل اهلك؟قالت لي ديل زملائي في الشغل شلته قروشي واديتها المفتاح بس شكلها كان م مريح عشان كدة انا خفته منكم لما جبتوني العمارة دي💔
قلته ليهو اسمها منو؟رقمها كم؟
قال لي م بتذكر

منذر ضربو في رقبتو و قال ليهو طيرة انت طيرة بتأجر لناس بإسمك ساي؟

زياد قال ليهو طيب بتتذكر الشكل؟
قال ليهو اي طويله كدة م سمينه وم ضعيفه

منذر قال ليهو برميك من البلكونه دي ي زول طويله وم سمينه وم ضعيفه دي نحن شنو قال ل

يك شنو لمن نعرفها مخك دة م كويس انت؟

قال ليهو انت م تصبر وشها طويل وملان

زياد قال ليهو والله انا م برميك من البلكونه دي لكن بشيلك شوفته بربطك بره في عربيتي دي وبضرب بيك حيط الدنيا دي كلها لمن اخلي وشك الما مفهوم دة يتعدل اتكلم عديل ي زول انت طيرة؟
بقى يوصف شكلها وانا م مستوعب والشي الوحيد البفكر فيهو انها مرة،يعني م محتاجه تفكير ابداً شكوكي صح،دي امي،امي الما بتغباني،انا م كنت غلط ولا احساسي كان غلط
فجأة سمعتو بقول"عندها شامه كبيرة في جمبه وشها اليمين...
.......
رجعنا البيت وخليناه يمشي ،الجريمه زي م شهد قالت كانت مع سبق الاصرار ومن زول قريب،زول م عايز انو يتعرف عشان كدة بس م بعيد من ابوي ابداً انا متأكد انها امي وماف غيرها اصلاً كُرها لي ابوي كان عاميها وممكن يخليها تعمل اي شي بس حكايه الشامه،الشامه الفي الخد دي قصتها شنو؟وديل منو الكانو معاها في العربيه ديل معقوله يكون عمي معتصم وعمي......الزيني؟معقوله؟
لو م هم عملو كدة م كان اتسترو على الجريمه دي وسكتو كدة مستحيل،حتى عمي الزيني تبريرو م كان منطقي وفيهو نوع من التهرب كأنو عارف شي وم عايز يقول انا كدة ي دوب الصورة وضحت عندي ،اذا قلت انو امي قتلت ابوي لأسباب خاصه من كره لي غيرو،اعمامي؟معقوله عشان القروش؟عمي الزيني؟
هل الكلام دة منطقي؟
ونحن في الغرفه زياد قال لي اربط الاحداث مع بعض صح والله ي ماهر انت قريب بس مطشش انا اصلي م بقول ليك ،
قال لي عاين الحيطه دي فيها كم مشكله انت كاتبها على ورقه وملصقها في الحيطه؟
هنا عندك مشكله الشركه وعزو وخباثتو مع عمك ولعبهم بالحسابات،وهنا ،عندك مشكلتك مع امك المتزوجه عمك،،هنا عندك مشكلتك مع عمك نفسو البحاول يأزيك بأي طريقه كانت وحتى مهند اخوك م سلم منو طيب م فكرته ليه هو بيحاول يأزي مهند؟،وهنا عندك مشكله مرت ابوك واختك وخالد اخوك ،وهنا عندك مشكله ابوك وجريمه قتلو الما بتطلع من الحلقه دي،
منذر قال ليهو والله دة وجع راس اسي نحن نفهم شنوو؟
تلفوني فجأة اتصل،كانت مرت ابوي ،م رديت عليها لاني عارف هي عايزة تقول شنو لو م قروش عايزة تفتح موال جديد انا في غمى عنو ،اتصلت كم مكالمه في الاخير جات مكالمه من خالد الساعه كانت 11مساء،مع مكالمه خالد فتحته الخط اول فتحت قالت:
حسبي الله ونعم الوكيل فيك ي مريض ي مجنون ي نتن،انا بتي الليله انتحرت بسببك لكن قسما بالله بتي دي يحصل ليها لي شي الا تشوف عذاب ،ضاربها ليه ؟انت ابوها؟اانت وليها؟م تلف كان لفت انت مسؤول منها؟البت من يوم ضربتها م بقت كويسه عملته ليها عقدة نفسيه زي عقدتك الفيك ي المجنون داير تجننها زي جنك ي الحاقد الله ينعلك واصبر لي بس كدة خلي بتي دي يحصل ليها شي والله الخرطوم دي م بتشيلنا ي مريض ي...قبل م تتم كلامها قفلته الخط وقلته ل زياد:مفتاح عربيتك وينو ي زياد؟
قال لي ياهو مالك في شنوو؟بعدها م لقيت روحي الا وانا سايق عربيه زياد وبتصل مكالمات على خالد،خالد م برد اتصلته على عزو،
عزو اول م فتح الخط قلته ليهو وين انتو؟وإيليڤ مالها الحاصل عليها شنوو؟
قال لي في مستشفى ال...

وصلته المستشفى وانا جاري،قلته للإستقبال في في في حاله إنتحار لواحدة جابوها ليكم هنا وين؟
قالت لي من امس الكلام دة تقريباً وهي في الطابق الأول ،جريت بأخر حيلي عندي م عارف نفسي طالع السلالم دي كيف كنت وصلته الطابق الأول دخلته العنابر كلها م لقيتهم حتى في نسوان جاطو فيني لأني داخل ساي وهو عنبر نسائي بقيت بفتح في الغرف ،فجأة لاقاني دكتور في غرفه قال لي خير ي شاب؟قلته ليهو في حاله انتحار لي واحدة ..
قبل اتم كلامي قال لي في الغرفه رقم 13قبل شويه طلعوها من غسيل المعدة،
مشيت مستعجل فتحته الغرفه لقيتها ملانه م بتزكر في منو بعرفو في الغرفه بس قبل م ادخل امها اول م شافتني اتلقتني في الباب وقالت لي:الجابك هنا شنو؟الجابك شنوو ي عيان
اتفضل اطلع من الغرفه دي بسرعه يلا ،كمان عليك قوة غين م كفايه العملتو فيها بعياك وجنك دة؟
عزو مسكها ،
اتفكت منو وكانت جايه وشبه عايزة تضربني بس جا خالد مسكها وعزو ماسكها بالاتجاه التاني وهي بتصرخ وبتقول ليهو فكوني قلوه ليكم خلوني افش غلي فيهو العيان المريض انا عمري دة كلو م ضربته بت بطني دي جاي يضربها هو ،عملت ليك شنو عشان قاعد تصرف عليها؟بتصرف عليها من جيب م حق ابوها ولا حارقك صرفك عليها دة؟م عمرك كلو بتاكل في حقهم ان شاءالله اتقدمته م ياكا بقيت مقطع ومفلس ومجنون وعليك نفسيات واخوك مرمي عيان زيو زيك اها ياهو حق المساكين ديل بظهر فيكم كدة لكن انا بعد كدة م بسكت ،انا بعد كدة حقهم بالقانون بجيبو وانت راجل وانا مرة وشوف البعملو فيك شنو والله اخليك تلقط ورق من الشارع انت وامك والله اسففكم التراب واللحسكم الزلط واخليكم تلقطو اكياس اتفضل اطلع من هنا سرعه من حنيتك عليها يعني؟
اطلع بره قلته ليك ي عزو فكني
قلته ليهو دقيقه دقيقه ي عزو فكها خليها تجي اشوفها عايزة تعمل شنو هي،فجاة اتلفتت وهي بتقول لي عزو فكني دقيقه عشا

ن اوريهو انا عايزة اعمل شنو نحن دق الرجال بغلبنا كمان فكني ي عزو قلته ليك ،طبعاً الناس الحوالينا كلهم بقو يتفرجو والبجي ماري بقيف يتفرج توبها وقع من راسها وهي تشيل وتجوط وتكورك وعزو ماسكها وخالد بقول ليها ي امي امي اسمعي كلامي انا بتكلم معاك وهي لسه جايطه وبتكورك وانا حأفعل ليك وانا بترك ليك وانا وانا وانا... وفي وسط الأنا دي كلها فجأة انا عيني وقعت على وشها واتفاجأته بشامه على خدها اليمين...💔

#ذات_عناق40

وفي وسط الأنا دي كلها فجأة انا عيني وقعت على وشها وإتفاجأته بالشامه على خدها اليمين..

تقريباً انا بقيت واقف في مكاني وفي حاله صدمه من غير اي حركه ولا حتى قادر ابدي اي ردة فعل كأنو الدنيا كلها وقفت عند اللحظه دي ،هل انا الشايفو دة حقيقه؟
صوت عثمان وهو بقول طويله وم ضعيفه وم سمينه عندها شامه في خدها اليمين،في خدها اليمين،في خدها اليمين...

.................
كيف يعني م عارفين مشى وين؟مش كان قاعد معاكم؟
زياد:اي قاعد معانا فجأة جاتو مكالمة شال مفتاح العربيه وطلع 💔
م برد علي ي جماعه ،يربي مالو والحاصل شنو ماهر م بطلع الطلعه دي ساي انا متأكدة في شي،
خلاص روقي ي شهد م تتوتري كدة ان شاءالله خير💔

م عارفه ي سمر بس م قادرة اروق يعني على الاقل يفهم الناس هو ماشي وين والحاصل شنو م يخليهم على اعصابهم كدة 💔

زياد:كدة اتصلي على امو شوفي يمكن هي م كويسه واتصلت عليه عشان طلعت دي طلعه فزعه م ساي

م عندي رقمها ي زياد المشكله💔

زياد قال لي ولا انا،
منذر:طيب ي زياد ارح عليها في البيت بدل قاعدين كدة💔

زياد:خلاص ارح نمشي،
قلته ليهم انتظروني امشي معاكم،

منذر قال لي لا خليك انتي هنا يمكن يجي ماشه وين؟؟،

قلته ليهو لا م بقعد لو جا سمر اتصلي علينا طيب؟

قالت لي خلاص اوكييه تمام..
.............
انا م عارف طلعته من المستشفى كيف وليه م واجهته الموضوع دة في نفس اللحظه ،يعني انا تعبته شديييد عشان االموضوع دة لغايه م وصلته للنقطه الانا عايز اصلها وهي قدامي بخطوة بس من من من الصدمه حسيت نفسي مكتف وحسيت رجولي كانت جاراني غصب عني وطلعتني من المكان دة،سوقته العربيه وانا م مستوعب وبسأل نفسي يعني لييييهه عملت كدة ؟وعشان شنو ؟
امي قد تكون عندها الاسباب الكافيه لكدة ولو قالو لي قتلتو ممكن اصدق وانا مغمض بس دي مستحيل،ابوي كان علاقتو معاها غير يعني لسه بتزكر كلامو عنها حتى لما جا حكى لي عن موضوع عرسو والموالات دي بتزكر كان بوريني في صورهم لما جات صورتها هي وكانو مع بعض في مطعم قال لي شوفته دي الراحه البفتش ليها مع امك م لقيتها الا عندها يعني والله امك بس لو بقت زيها كنا حنعيش في نعيم وم حتكون لا في تانيه ولا تالته💔
حتى ضحكته فيه وقلته ليه طيب ي ابوي لييه عرسته بعدها 2 تاني؟
قال لي ساي ظروف الشغل بس الواحد بمشي هنا وبمشي هنا بقول م يطلع ساي ودة شرع ربنا لكن طبعاً الراجل بفتش مكان راحتو دايماً ومهما عرس نسوان بلقاها عند واااحدة بس والراحه البفتش عليها انا م لقيتها الا عند عمتك رحاب دي،والله يغفر لي من حق امك والبقيه وامك بالذات لأنها زوله وقفت معي وقت الحارة ووقت انتكسته طلعت لي دهبها من جسمها وسندتني لغايه م ربنا فتحها علي ووقفته على حيلي وعشنا عيشه سمحه خلاص لكن في حاجات ما بيدنا ي ولدي اسي انت يمكن تشوف كلامي دة ظُلم لي امك لكن بكرة لما تكبر وتعرس وتعيش العشتو مع امك حتعرف انا قصدي شنو بالراحه البفتش عليها اي راجل ،الحياة ارزاقها مختلفه ومرات الرزق ي ولدي بجيك في شكل زول يديك راحه البال الانت م لاقيها حتى بقروشك 💔

كان بتكلم عنها دون غيرها من النسوان وكأنها حاجه عظيمه شديد في حياتو لدرجه انو م اتكلم لي عن نسوانو التانيات لا الحبشيه ولا المصريه على قدر م اتكلم لي عنها هي ،وحتى معظم الوقت كان بسافر بورتسودان وبقعد فيها كتير وحبو للقعدة هناك مُبرر عشان هي هناك ،يعني معقوله؟ولييييه ؟
فجاة اتزكرته الصورة الفيها ابوي وهي وعمي الزيني،الصورة كان عليها تاريخ 1983 والتاريخ ده قبل زواج امي وابوي،يعني ابوي كان بعرفها قبل زواجو من امي،طيب ليه م اتزوجها اذا بعرفها قبل م يعرف امي؟
وقفته العربيه وانا بقول ليه؟اكيد في قصه يعني م ساي الزوله دي معرفه ،بعد 15دقيقه وانا قاعد مع نفسي وفي دوامه تفيكر حتشق راسي فجاة اتزكرته انو عمو الزيني كان موجود في الصورة معناها ماف زول حيقول لي الزوله دي علاقتها بيهم كانت شنو بالضبط غير عمي،
الصورة في البيت لازم ارجع البيت...

..........
وصلنا بيت اهل ماهر كنت مستعجله للدرجه اللي م حاسه بيها برجولي اساساً ،
منذر:شهد دقيقه براحه عشان لو ماهر م معاها م تخلعي المرة ساااي وتقطعي قلبها بالليل دة،

زياد اضرب الجرس انت احسن

زياد ضرب الجرس انتظرنا مسافه حتى الباب فتح،

السلام عليكم؟
اهلين وعليكم السلام
كيفك تمام؟
الحمدلله اتفضلو
قدام والله عمتو عبير موجودة؟
ايوة موجودة اتفضلو،

كانت البت الشغاله تقريباً
دخلنا قالت لينا دقيقه اصحيها ليكم،
قلته ليها لو نايمه خليها م تصحيها اساساً الزمن متأخر وكدة💔
قالت لينا طلعت قبل شويه م بتكون نامت انا بس كانت بتحضر معي في التلفزيون اتفضلو،
مشت جابت لينا مويه حتى مشت عليها،ونحن قاعدين على اعصابنا وبنعاين لبعض وانا بهز في رجولي
منذر قال لي معناها ماهر م هنا💔
ام ماهر جات قالت لينا السلام عليكم...
طبعاً وقفته للحظه بعاين لينا يعني شكلها كلمه متغير عليها بسيطه بقت ضعيفه وهالات سوداء زي السكن حوالين عي

ونها دة غير وشها الهزيل احساس العيان والمرض متمكن منو دة بس حالها ،اول حاجه حضنتني وقالت لي"شهد بتي ازيك ان شاءالله طيبه وكيف عامله والحاصل معاك ليه م بتجيني...الخ
طبعاً انا م كان عندي اي رد ولا اي مبرر لعتابها دة💔
بعد م خلصت سلام على منذر وزياد رجعت قعدت جمبي وبقت تسالني عن احوالنا وماهر كيف ومهند بتسأل بي لهفه كدة وقالت لي مهند ان شاءالله م عزبكم و...الخ
من سؤالها عن ماهر عرفته انو م معاها ف م حبيت اسألها منو لأنو حسيتها مبسوووطه بجيتنا دي شدييييد،
زياد قال ليها كيف ي خالتي ان شاءالله انتي طيبه؟
قالت ليهو تمام الحمدلله انقطعته مني قطعه ماهر ولدي💔
ضحك قال ليها مشاغل الدنيا بس💔
قالت ليهو لالا م عليك عتب كان صحبك اللي هو ولدي هنته عليهو انت حق الله حق م عليك عتب نهائي ي ولدي💔

بقينا ساكتين،
قالت للشغاله" سكينه اعملي عصير ولا شاي لبن ولا اي حاجه حبيبتي،
قلته ليها لا والله على مشيه جينا مارين بجاي بس وقلنا نغشاك
قالت لينا يعني م ماهر قال ليكم امشو شوفو البيت فيهو منو؟

سكتنا مسافه حتى قلته ليها ابداً والله ي عمتو فعلاً كنا ماشين مشوار والبيت في شارعنا قلنا نغشاك نطمن عليك رغم انو الزمن اتأخر وكدة ازعجناكم اعفي لينا💔

قالت لي لا والله العفو ي بتي العفو ياخي معقوله البيت بيتكم وقت م عايزين تجو بس راجلك قوة الراس يخليها لمنوو؟اصلاً البيت فاضي م فيهو زول غير انا وبتي دي ماليه علي البيت غايتو م عندي غيرها وماف زول بجيني، البيت زي المهجور الحمدلله بس ههههههه💔

كلامها ونبرة صوتها فيهو كميه ألم م بتوصف بالحروف ابداً 💔

اجبرتنا نقعد نشرب العصير،حتى استأذنا منها وهي بتوصيني بشكل كأنها بتترجاني وبتقول"عليك الله م تنقطعي ي بتي وتعالي اليوم والتاني اصلاً البيت فاضي بي كبرتو دي وسلمي على مهند وقولي ليهو امك بتسلم عليك وفاقداك وليه م بتتصل عليها ،سلمي على ماهر اب رويس قوي ...
،لما جات تودعنا حضنتني مسااافه وقالت لي عارفاك م بتجي لكن برضو مستنياك
قلته ليها حأجي والله إن شاءالله...

بعد ركبنا العربيه قالت لي رقمي عندك مش؟
م قدرته اقول ليها م عندي واكسر خاطرها،قلته ليها ايوة
قالت لي طيب اتصلي علي سمح؟
مليني رقمك كدة،اديتها رقمي قالت لي بتصل عليك خلاص،
تلقائياً انا لقيت دموعي جاريه،يعني المرة حالتها تكسر الخاطر والله العظيم معقوله ماهر دة يكون ظالم امو؟
معقوله هي تكون عكس م هو شايفها؟

زياد:كدة اتصل على الزول دة شوفو وين ي منذر يمكن يرد..
دقيقه طيب..
ياهو رقمو داخل بس ماف رد،
الوو؟وين انت ي زول؟الحاصل شنو ان شاءالله خير؟اي فهمني الحاصل شنو طلعته فجأة كدة وخليتنا قاعدين على الاقل فهمنا مالك وطالع ماشي وين ،نحن طلعنا وراك كايسين دربك زول طلع الطلعه دي اكيد في شي يعني م ساي ،طيب فهمني مالك ان شاءالله خير ووين انت؟يعني قريب من البيت؟طيب تمام تمام نحن زاتنا جاين على البيت
تمام...
قلته ليه بي لهفه قال ليك وين ومالو؟
قال لي قال بفهمني كل شي لما يصل البيت هو قريب ،
زياد قال ليهو م قال ليك مشى وين ولا مالو؟
منذر قال لي زياد:زياد اللحن ليك ردي لي شهد دة؟الزول دة قال لي لما اصل البيت بحكي ليكم كل شي ..

.............
من الاستعجال وصلته البيت في غضون 15دقيقه اول م فتحته الباب لاقتني سمر وهي قاعدة في الهول..
السلام عليكم
قالت لي وعليكم السلام ووقفت على حيلها
قلته ليها اتفضلي خليك قاعدة ،
قالت لي شهد والشباب لاقوك؟
قلته ليها اي جاين في الشارع،م وقفته على طول دخلته الغرفه وقفلته الباب،مشيت على طول وقفته قدام الصورة الملصقه في الحيطه وصورتها،ومشيت طلعته باقي الصور وصورتهم بتلفوني،قبل كل شي رسلته الصورة لي عمي الزيني بالواتساب،
بعداك اتصلته عليه مكالمه مكالمتين بعد المكالمه التالته بدقيقتين رجع لي فتحته الخط..
ي ولدي كيفك ان شاءالله طيب؟
الحمدلله في نعمة ي عمي انت كيفك؟
انا تمام الحمدلله مرتك ونسابتك والبلد كلها ان شاءالله طيبين وم عليكم عوجه؟
الحمدلله كلو تمام
اعفي لي ي ولدي واللن مقصر معاك بس انت عارف مع الجري ومشغوليات الدنيا الما بتخلص الدنيا اخدتنا💔

فعلاً والله العفو ي عمي كلنا جارين

كنت بتكلم والكلمه بتاخد مني مجهود حتى بتطلع م كنت قادر اقيف كنت برجف وساند نفسي في طرف السرير وم قادر اقعد وحاسي نفسي واقف في هاويه ومن فوق علي شلال مويه نازل💔

في نص كلامو بقيت م قادر اصبر او استحمل قاطعتو وقلته ليهو ي عمي في صورة رسلتها ليك في الواتساب وصلتك؟
قال لي صورة شنو م شوفتها لكن انا زاتي والله طولته من شوفتك ياخ كويس انك رسلتها ❤

قلته ليهو كدة افتح الواتساب شوفها عشان داير اسألك منها،
قال لي خير ان شاءالله كدة دقيقه،
فصل مني عدة خمسه دقايق حتى رجع قال لي ياااازول لقيت الصورة دي وين انت؟ي سلام ياخ الزمن الجميل مع ابوك ربنا يرحمو وعمتك اميمه زمن الشارلستون والله صورة بمليون صورة ههههه

قلته ليهو لقيتها بالصدفه والله ي عمي وقلته ارسلها ليك اذكرك هههه

لكن انت عارف استغربته شويه يعني انت وابوي بتعرفو عمتي اميمة من بدري شكلكم يعني قبل م ابوي يتزوج امي زاتها لأنو حسب تاريخ الصورة قديم شديد💔

قال لي اي الصورة دي قديمة شديد ياخ من قبل م ابوك يغترب في العراق،كانت اميمة دي خطيبتو زوله معرفه م قريبه وم بعيدة لاقاها في عرس من اعراس الاهل ديل وعلى حسب امور الشباب وكدة دخل معاها في علاقه لكن نحن زمان م كنا زيكم في زمنكم دة تغشو وتلعبو بالبنات وتمسكو بيهم زمن، نحن كنا ناس امسك لي واقطع ليك يعني الواحد لو دار ليهو واحدة بعرسها بعرسها ،ابوك الله يرحمه كان زول جادي لكن ماف ليهو طريقه عرس لأنو كان زول ما مؤسس ولا جاهز،البت انشلقت فيهو الا تعرسني الا تعرسني اها على كدة قرر يغترب عشان يجهز حالو ويبقى زولاً عديل وزول عرس وهو من زمان بدور السمح ابوي قال ليهو بعرس ليك قال لأ الا اغترب واجهز حالي كافي ووافي حتى ابقى على العرس لأنو العرس دة مسؤليه م زواج بنتم بي اخوي واخوك ابداً ،اها هنا كمان قالت ليهو طريقه اغتراب ليك ماف لو م جيت اهلي بالباب كدة ، عشان انا م بحرسك ساي من غير م تصل ناس بيتنا وهم اظن يجي اي زول يتقدم لي ويوافقو عليه،على هوى الكلام دة جهزنا حالنا ومشينا خطبناها وحجزناها ليهو،ابوك اغترب سنه سنتين تلاته حالو اتصلح م عارف الحصل شنو بينهم والله لكن بتزكر كل القالو لينا الزوله دي انا خليتها وابوك كان زول اتجاهو واحد م بقبل نقاش خليتها يعني خليتها ماف زول يناقشني رغم انو علاقتو بيها كانت طيبه وم حصل رسل لينا شي وخلاها هي او فرزها مننا انا دة كنت بوصل ليها الحجات البجيبهم ليها بيدي دي وكنا منتظرنو ينزل السودان عشان يتم العرس بس لكن اراد الله والقسمه بقت قسمة امكم وقسمتكم انتو كمان ههههههه ،وشوف حكمة ربنا سبحان الله هي م عرست نهااائي وصبرت ولِف ي زمن ودور وابوك رجع عرسها هي زاتها والله القسمه دي م بتديك غير للكاتبو ليك ربنا ولو بعد الف سنه ،صبرت ونالت قسمتها مع ابوك ....

......................

اسكتي قلته ليك ي بت بقوم بخنقك وبسل روحك باقي اليوم دة

م بسكت ،اسكت ليه؟عشان بقول ليك في الحقيقه اسكت؟م كفايه علينا السكات البسببو نحن كل مرة راجعين لورا؟
بغلبك تسمعي الحقيقه ليييه؟الضلال دة عاميك كفايه
انا م عملته العملتو في نفسي دة عشان ماهر ضربني ابداً وانتي عارفه كدة ،بالعكس انا لو في زول بعمل فيني العملو فيني ماهر دة م كنت وصلته للأنا وصلته ليهو دة

اسكتي قلته ليك قفلي خشمك دة ي بت ال..."طاخ طاخ"

م بسكت اضربي يلا،اضربي قدرتك حتعملي لي شنو يعني اكتر من العملتيهو فيني ووصلتيني ليهو.دة؟
امورك البتعملي فيها دي م امور ام واعيه ،الأم البتأيد اولادها على الغلط عمرها م كانت ام واعيه،انتي مجنونه ي امي مجنونه رسمي امشي شوفي ليك علاج عالجي روحك احسن بدل قروشك المضيعاها في أذيه الناس ساي دي

اسكتي قلته ليك والله اخد روحك وارتاح منك ي الما نافعه..

واااااي زحي مني واااااي زحي مني ي مجنونه ي مجنونه كح كح "لحظه مصارعه ومحاوله خنق"
تاني بس اسمعك تفتحي خشمك دة قفلي

بفتحو عشان دي الحقيقه واقتليني لو دايرة تقتليني اصلاً انا كدة كدة ميته،انتي لو طبيعيه م بتربينا على الكذب والنفاق والاحتيال،لو طبيعيه م بتربينا على الإجرام،لو طبيعيه م بتربينا على كراهيه الناس والحقد عليهم،لو طبيعيه م بتمشينا في الغلط ،انتي ام انتي انتي ام؟حياتك كلها بس جاريه ورا الشيوخ والفُقرة عشان تأذي غيرك وسبحان الله حقدك دة لمن بقى ظاهر في وشك، في منو سلم منك انتي في الدنيا دي كدة قولي لي؟ياخ نحن اولادك م سلمنا منك بقيتي ممشيانا على مزاجك كاننا الالات عندك،خالد محيتي شخصيتو من كتر م كتبتيهو عشان يسمع كلامك وصلتيهو لدرجه انو يبقى حاقد وم راجل حيوان ساي ماشي ويسمع البتقوليه زي المرا، لا و م اكتفيتي لما خليتيه يشيل من ماهر عربيتو عربيتو رجاله وبس حتى بعد م عرفتي انو ماهر بقى م عندو غير عربيتو دي بس هي الشغال بيها وبقت مصدر رزقو خليتيهو يمشي يأجر ناس يكسرو ليهو العربيه ويسرقو لساتكها دي عمايل انسان طبيعي؟بتستفيدي شنو لما تخليهو يعمل كدة؟انتي مريضه ي امي مريضه انا شايفه تشوفي ليك علاج احسن بدل الانتي بتسوي فيهو دة اعمالك الشينه بقت ظاهرة في وشك وبقت تظهر فينا نحن الما عندنا ذنب اساساً💔
اسكتي ي بت اقلتلك انا اقتلك في المستشفى دي والله صحي ربي الغايبه للجايبه اسي ماهر بقى ليك سمح وانا بقيت الكعبه؟انا الربيتك ي بت الكلب انا العيشتك العيشه البتحلم بيها اي بت في الدنيا دي والا كان اسي زي الزمن دة لافه زي الكلبه في الشوارع ،وبعد العملتيهو دة والله بقيتي كلبه صحي ي بتاعه الرجال ي اللافه ي الما نافعه بعد تعبي فيك دة كلو وتربيتي وعدم تقصيري منك دة طلعتي واحدة لافه وم منك رجى، انا لو زي م بتقولي كان رميتك رميه الكلاب وم غطيت عليك ،كان خليت خيلانك واخوك ياكلوك بأسنانهم واسي دة بضرب لي خالك نور الدين عشان يقطع تزكرة باقي اليوم دة ويجي يوريك الما

بتعرفي ليهو دة ي كلبه اتفووو عليك وعلى تربيتك..

هههههههه تعب؟تربيه؟خيلان؟اخوو؟غطيتي علي؟

عن اي تعب وتربيه انتي بتتكلمي ي امي؟انتي تعبتيي فيني ؟انتي انتي ربيتيني؟قصدك انك صرفتي علي بس عمرك م ربيتيني،عمرك م قعدتي قلتي لي دة صح ودة غلط ولا التربيه دي كيف هي ؟التربيه الفي نظرك عبارة عن قروش تتصرف على الطفل صح؟كونك وفرتي لي احتياجاتي كدة معناها خلاص انتي ربيتيني؟انتي م حصل قعدتي في البيت يومين ورا بعض عن اي تربيه انتي بتتكلمي؟ولا قصدك انو انتي كنتي بتدفعي لي عشان اربي روحي؟
خيلاني؟خالي نور الدين؟ولا اهااااا قصدك انك لما كنتي بتسافري وبتخلي معانا خالي نور الدين في البيت كنتي فاكراه بربينا؟

م تتكلمي ولا تزيدي حرف ي ناكرة الجميل ي الما نافعه،تفوووو عليك والله صحي م ربيت بس كنت فاكرة نفسي ربيت وخالك نور الدين اريتو ي يمه خال البنيات لي حدهن لكن بقى خال واحدة ناكرة جميل زيك كدة وقف في راسكم العمر دة كلو بدل م يشوف حياتو وحالو ، كان في المستشفى وقف ،لبس واكل وشرب وحرسكم لكن انتو شن الفايدة الفيكم ؟والله الزمن الضيعو معاكم دة لو كان عرس وجاب ليهو اولاد كان نفعوهو..

اي تربيه دي؟وعن اي خال انتي ببتكلمي؟الخال العاطل وانتي بتصرفي عليهو ؟هههههههه
خااااالي؟وين كنتي انتي لما خالي نورالدين البتتكلمي عنو دة واسي حتتصلي عليهو دة كان بتحرش بي؟وين كنتي لما خالي الأكل وشرب وعالج دة كان بستغل فترة عدم وجودك في البيت عشان انتي لافه وم فاضيه وبعمل معي حجات كعبه؟
وين كانت امومتك لما شكيت ليك وقلتي لي دة خالك وبريدك شديد بس م اكتر وم فكرتي مجرد تفكير انك تستفسري مني وتعرفي وتفهمي انا كنت بقول في شنو رغم اني كنت بستنجد بيك في كلامي عديل وانتي م فهمتي ولا حرف ولا حسيتي بالرجفه الكانت في نبرة صوتي، بالعكس طنشتي واتجاهلتي حاجه زي دي وانا كنت في امس الحوجه لي وقفتك وموقفك ك أم، وحتى م فكرتي تفتشيني كأي ام بتعمل كدة لما بتها تشكي ليها من حاجه زي دي،م فكرتي تراجعي نفسك وتعملي لي حساب عشان انا بت وطفله وماشه على مرحله مراهقه ومستحيل اقول حاجه زي دي من فراغ بالعكس نهرتيني وسكتيني بي جمله"دة خالك وزي ابوك "
وين كنتي لما خالي القلتي عليهو زي ابوي دة اغتصبني في نص بيتنا؟ورجع عمل معي علاقه كامله تحت التهديد والتخويف والضرب مرة واتنين وتلاته وعشرة وم لاحظتي حتى التغيرات العلى جسمي بعد اول يوم إغتصاب ولا بعد تكرار الحاجه دي كذا مرة ،م لاحظتي ابداً؟اقول ليك كنتي وين ؟؟؟
كنتي لافه ي السموك امي م كنتي فاضيه ابداً ،والبتقولي عليهو خالي دة مكافأتو كانت شنو بعد كل العملو دة؟ظبطتي ليهو شغل وإقامة وسفرتيهو السعوديه علشان هو م قصر ووقف وساعدك وساندك في تربيتنا ههههههه،
قلتِ لي خالي؟قلتِ لي تربيه؟قلتِ لي زعلانه علشان ماهر ضربني كف؟انا لو في زول ضربني كم كف من الاداني ليهم ماهر ديل م كنت لفيت مع راجل وانا شافعه كدة ،لو عندي ام بتخاف علي وقعدت لي في ارض الله دي وعرفت تربيني وتقول لي دة صح ودة غلط زي بقيه البنات م كان لقيت زول استغلاني ،لو عندي ام بتربي على القناعه قبل الوفرة م كانت نظرتي حتكون ماديه ولا كان في زول استغباني ،م كنت حأكون بقيت ضحيه جمبات وصحبه بايظه وتعاطي وإدمان وأمور فارغه وانا في العمر دة،وعلى سيرة الإدمان انا م بديت اتعاطى من برة انا كنت باخد الحبوب والحاجات دي من دولاب ولدك خالد الكان بشتريها بالهبل وكل الوقت ببلع فيها مع اصحابو ،واخوك برضو م كان مقصر لأنو كان ببلع وبتاجر فيها يعني لو م لقيتها في دولاب خالد بلقاها في شنطه اخوك وهو طبعاً غدوة لي خالد وخالد زاتو ضحيه اخوك لأنو هو م اتعاطى الا لما شاف اخوك الزي ابونا دة بتعاطى وانتي كنتي عارفه انو خالد بتعاطى وعارفه لغايه اللحظه انو بتعاطى وم خلاهو وبكل بساطه لما يقفلوه في قسم عشان متزفت شارب سجارة بتقولي لي عزو امشي طلعو وبس من غير م تحاولي تتكلمي معاهو حتى لا وكمان بتشجعيهو على الغلط بدل م تبطلي تصرفي عليهو قروش بتشجعيهو وبتوفري ليهو قروش وبتحرشيهو علشان يتحرمن على ماهر وياخد منو قروش على قدر م يقدر رغم انك عارفه القروش دي بتمشي وين وهو بعمل بيها شنو بالضبط،بالمختصر ي السموك امي في رحله الندم دي كلها والتحسر ب "ما كنت"انا م كنت حأكون إيليڤ الموجودة حالياً في الغرفه دي وعمرها 18سنه الا كم شهر وإتعملت ليها عمليه إجهاض وقدامها واحدة سموها امها بتهددها و بتقول ليها انا بغطي على عمايلك ،ولا كنت حأكون مريضه اكتئاب الانتحار م ظبط معاها و بتناقش النقاش العقيم دة في اللحظه دي ،ايوة انا ضحيه بس انا ضحيه من بيتك ي السموك امي الموضوع الاسي انتي بتغطي عليهو وبتضربيني وبتعايريني بيهو دة بدأ من نص بيتك كان الادمان والتعاطي بدأ من ولدك،وكان التحرش والإغتصاب بدأ من اخوك لغايه م بقى علاقه كامله، انا م مشيت فتشته الحاجات دي برة من البدايه ابداً، بس انتِ م كنتِ فاضيه وم كنتِ ام كفايه عشان تفهمي معنى كلمه تربيه ،وحقيقةً م ك

ل واحدة ولدت مفروض تتسمى أُم ...💔✅

⌘❀ همسة ☆ شوق ❀⌘
○قناة منوعات
♡حالات واتساب
♧احلى المنشورات
●احلى المقاطع المرئية و الصوتية
◇كلام من القلب للقلب
https://tttttt.me/hamsat_shooq

لم يتم #استلام الروايه من الكاتبة حتي الآن
سوف يتم نشرها يوم #غدا اذا تم استلامها أن شاء الله