#ذات_عناق35
اما اسي ف إنتي بيتي وانا كائن بيتوتي جداً...❤🌻

ماهر خلاص كفى بطل تتزكر اي حاجه سيئه عدت عليك في حياتك انا م بحب تتزكر الحجات البتضايقك حتى ولو بعدها حتقول كلام حلو وبتعبر لي عن الجواك م بحب اسمع الحزن البكون في نبرة صوتك دة م بحب وانا هنا دائماً عشانك❤🌻

طيب ‏شـايفه الدنيا دي كلها. ؟
ايوه
أنا م عايز منها اي حاجة غيرگ❤🌻
................
بعد مرور شهر..

ي ماهر
اي ي عمي مساء الخير،مشغول شويه برجع ليك تمام؟
لا استنى م تقفل طمني على اخوك حالتو كيف ان شاءالله استقرت؟

اخوي؟؟

وين انت؟
دقيقه فهمني في شنووو؟
م كلموك انو اخوك مهند دة ضربتو عربيه امس قدام البيت؟

مكالمه جاتني وانا شايل مشوار ،م عارف اتفاهمته مع الزول كيف ولا عارف وصلته المستشفى كيف،من فترة م طويله وانا بحكم المشغوليات والضغوطات مقصر في حق مهند شديد وم متابع اخبارو اول بأول💔وصلته المستشفى لقيت امي بس المعاه،كان نايم ،في الفترة القليله الغبتها دي شكلو إتغير رسمي،بقى انحف م يكون وهزيل حتى في شكلو
كنت متمالك اعصابي لغايه م سألتها وقولته ليها مالو؟
ضربتو عربيه قدام البيت
كيف يعني ضربتو عربيه؟الطلعو شنووو؟؟
ما تجوط وتعلي صوتك حوالينا ناس
ضربته الدرج من غير م احس وانا بقول ليها "م تقولي لي م تجوط ،قادرة تعيلي اولاد الناس م قادرة على ولدك؟الحنيه دي خليناها ورمينا طوبتها منك م قادرة تعملي حق ربنا بي ضمير؟؟؟

اااااسكت م تتكلم انت اوعى نهاااائي م بتحاسبني انت سكته ليك بما فيه الكفايه بدل م تحاسبني م تعمل البتطالبني بيهو دة انت مالك؟اخوك بغلبك؟كان قلبك عليهو صحي م كان خليتو في مكان ومشيت اترميت في مكان تاني التقول بتسأل منو ولا جايب خبرو م تعمل لي فيها قلبك عليهو اكتفيت انا من قله ادبك دي اوعى تاني تحاول تحاسبني او ترفع صوتك دة علي م والدني انت عشان تحاسبني..

السلام عليكم ي أم مهند
اهلاً ي دكتور اها ان شاءالله بتخرجونا اليوم؟اي إن شاءالله لي بكرة كدة بتطلعو اها الشاب دة كيف؟اخد ادويتو ؟
الحمدلله م عليهو شي اي الممرضه جات وم قصرت
الحمدلله 🌻
.......
بري يختي البخليني فقران وحالتو بالبلاء شنو انا اطلع من فقر وادخل في فقر بري بري اقع بيهو وين يختي كفايه ابوي على امي بقى عليهو فقر وسكر طلع زيتها وعزبها في دنيتها دي، عايزة لي واحد مرطب وعندو قروش يبني لي عمارة اسكن امي واخواتي في طابق وانا اسكن في طابق والباقي أأجرها مالي ومال الدقو وشالو حقو ...

شوفي عليك الله ي شهد الهبله الجاهله دي تفكيرها كيف؟رتاج عارفه انو تفكيرك دة ممكن يرميك رميه بنت كلب والله خليك عارفه كدة اتكلمته معاك في الموضوع دة كتير وتعبته منك ومن احلامك الما منطقيه دي،

زي م قالت ليك سمر مافي راجل بعمل كدة 💔

والله في البعملو وانا الحمدلله جسم واسم م ناقصني شي وسوقي حار اها البخليني اعرس لي راجل ناقص شنووو؟بري والله م بعرس واحد فقران غايتو بالنسبه لي انا مع البدفع اكتر فيني زي م بتقول امي😌❤✅

رتاج هو ممكن يكون م ناقص قرش بس ناقص عقل،ناقص رجوله،ناقص اي شي م تختي القرش مقياس للراجل علشان م تضيعي نفسك ساي صدقيني💔

كلميها ي شهد والله انا خايفه عليها والمخوفني اكتر خوفي من دخله الجامعه لأنو اذا هي من اسي بتفكر كدة لو شافت مجتمع الجامعه والفيه حتعمل شنووو؟إيييييك عقلها صغيره يخخ

انتو ليه شايفين الموضوع من جانب سيء؟عادي هو ممكن يكون سمح ومرطب وعندو قروش وشاريني انا واثقه انو حظي زي وشي دة حيكون❤

نحن معاك في دة وم ضدك بس افهمي نحن ضد العقليه البتفكري بيها ي رتاج يعني انتي عايزة تتزوجي راجل لمجرد انك عايزاه يحسن وضعك ليه م تغيري تفكيرك وتبدي تشتغلي على نفسك و تحسني وضعك ووضع اهلك انتي براك ؟انتي بس شايفه ابوك كان زول فقران وسكران بس م شايفه انو لغايه اللحظه هو زول كويس شديد معاكم وحنين عليك وعلى اخواتك على فكرة هو برضو ممكن يكون غنيان وسكير وفيهو كُل العبر السيئه يبقى ليه انتي تختي نفسك في حتات زي دي ؟انتي زوله لسه صغيرة ياخ اجتهدي واشتغلي وحققي العايزاه بحريتك ❤الزواج دة إعتبريه حاجه كماليه في حياتك بس م اكتر❤🌻

وبعدين اضافه لكدة انتي م سلعه علشان تقبلي المزايدات بتاعه امك؟ يعني شنو انا مع البدفع اكتر دي؟انا سمر دي وضعنا في البيت م اقل من وضعكم شوفي انتو ساكنين ملك ونحن إيجار وامورنا اوقات كتيرة بتكون جايطه،وبتقدمو لي كتيرين ماشاءالله عليهم وضعهم المادي تمام واحد منهم سفيان عارفه حكايتي معاه خليتو عشان بمنعني الشغل وكان بقول لي "المرتب البدوك ليهو انا بديك ضعفو بس م تشتغلي" بس برضو م حصل فكرته اني اعرس عشان ارتاح من ورا ضهر راجل سفيان دة خيرني عديل ي انا ي الشغل قلته ليه الشغل وفصلتها منو رغم اني عارفاه بحبني شديد وعلاقتنا 3سنه مع بعض 💔

خلاص م تعملو لي فيها مُصلحات اجتماعايات و تملوني فقر 😒😒💔

خلاص طيب اذا انتي عايزة تعرسي واحد عشان يسكنك في عمارة ويسكن امك واخواتك عرسي سعد ود خالتك مش هو

دايرك؟اهو يكون غطى قدحو😒✅

بري يختي البخليني اعرس سعد شنو انا ناقصه خلايق بكرة اجيب لي عيال نصهم كيف كيف واتدبس زي حبوبه اقع بيهم وين؟والله م اعرس من أل "مقبوله"كان أقعد بايرة كدة💔هو انا كان عرسته زاتو م بعزمهم عرسي

طاخ،
واااي مالك ضارباني ي حيوانه؟
م اسمهم خلايق اسمهم مُعاقين ودي خلقه ربنا لو سمحتي م حاجه انتي بترفضيها بمزاجك وديل اهلك البتتكلمي عنهم ديل ودي مشكله جينات في اسرتك على فكرة يعني انتي شايلاها حتى لو عرستي الغريب احتماليه انك تجيبي واحد شايل الجينات دي كبيرة علشان دي حاجه وراثيه في اسرتك ف م تطولي لسانك علشان الحاجه دي م عيب خلي عندك اسلوب تعبته منك ومن جهلك انا😒✅💔

بالبلدي عندنا اسمهم خلايق اها مالك ي سمر اهلي وخلايق وانا حُرة فيهم ✅💔

وبمعنى اصح وادق ما خلايق ولا معاقين هم اسمهم اصحاب الهمم❤✅

خلاص م تتفلسفو وتصدعو بي اسمهم خلايق عندنا✅✅✅

رتاج واحدة من صحبات سمر في الحي بيتهم في شارع البيو ،في الفترة الاخيرة دي سمر بقت تجيني على طول وتسلم علي وهي بتجي معاها واتعودو على انهم يجوني دايماً،بت اهلها بسيطين شدييييد وعلى قدر حالهم امها وابوها منفصلين وامها هي المتحمله مسؤليتهم شغاله في مصنع ملابس وبتصرف عليهم ،ساكنين في بيت ورثه جدها مع ناس حبوبتها،اهل امها عندهم مشكله في جيناتهم والحاجه دي مخليه جزء منهم معاقين بس م كلهم💔 بت سمحه شديد بس بحكم عقليه الحواليها وطريقه تفكيرهم وتأثيرهم الكبير عليها خلت تفكيرها هي كمان ضحل ونظرتها ضيقة شويه للحياة ويمكن الظروف الإتربت وعاشت فيها ليها دور في كدة💔💔

..........

شهد❤
حبيبي وينك؟
في المستشفى انا
ليييه مالك؟في شنوووو؟انت كويس؟؟اي مستشفى؟

اهدي انا كويس الحمدلله بس مهند دة ضربتو عربيه امس قدام البيت واسي انا معاه في المستشفى

م جادي ي ماهر هو كويس؟اي مستشفى؟ قول لي اجي عليكم💔

لا م تجي الزمن إتأخر الساعه12،خليك في البيت هو كويس الحمدلله م فيهو شي شويه رضوخ بسيطه بكره حيطلع من المستشفى❤

طيب حبيبي انت متأكد انو كويس؟ايوة كويس ي شهد الحمدلله❤طيب وانت؟
انا تمام،اقفلي على نفسك الباب كويس وخلي بالك لغايه بكره تمام؟❤

حاضر وانت كمان خلي بالك من نفسك انا حأجي عليكم بكرة الصباح ان شاءالله❤بحبك شديد❤

وانا كمان يلا م تنسي تقفلي الأبواب كويس وم تخافي ماف شي لو حسيتي بي شي او خفتي تحت اي لحظه اتصلي علي طيب حبيبي❤
حاضر وانت كمان م تساهر وترهق نفسك حاول نوم طالما وضعو مستقر❤🌻

اخخخخخخخخ ي ماهر والله قلبي بيوجعني من كتر م المصايب بتقع على راسك نفسي تعدي عليهو فترة وبالو يكون مُرتاح بس نفسي😭💔

م قدرته انوم ابداً صحيت من اذان الصبح جهزته ليهم فطور وشاي وجهزته لماهر ملابس وانتظرته الشمس طلعت بفارغ الصبر ،وصلته المستشفى ماهر إستقبلني،وشو كان متغير وهزيل شديد سبحان الله كأنو هموم الدنيا عليهو بين يوم وليله بس💔قال لي انتي كويسه قلقته عليك💔
قلته ليهو انا تمام وانا كمان قلقته عليك💔

وصلنا الغرفه امو اول م شافتني استلمتني بالحضن قالت لي عروستنا السمحه وكعبه زعلانه منك وعتبانه عليك شديد لا بتسألي مني ولا بتزوريني حال مرة السواد والرماد💔
عاينته لماهر لقيتو مركز في تلفونو💔

محتارة طبعاً هي بتعاملني بلطافه شديدة كدة💔

قلته ليها م كدة والله بس
قالت لي م تشيلي جفا راجلك دة اوعى ي بتي💔

لساني في اللحظه دي بقى تقيل الغرفه ضاقت بي على طول قلته ليها "مهند كيفو ان شاءالله بقى احسن؟

قالت لي الحمدلله الليله بخرجوه ان شاءالله اسي بعملو ليهو في ال فحوصات

قعدتهه فترة لغايه م مهند جابوه وعلى طول رقد في السرير وغطى نفسو بالكامل بالغطى حتى وشو💔الحركه دي خلتني اتحسس شديييد حسيت انو عمل كدة عشان انا معاهم💔بعد مدة طلعته من الغرفه علشان ماهر طلع لقيتو ماسك تلفونو واظنو كان متضايق،قلته ليهو حبيبي انت تمام؟
قال لي الحمدلله❤
قلته ليه ممكن اقول حاجه؟
قال لي احكي
قلته ليه ممكن نسوقو معانا بيتنا؟اصلاً نحن عندنا غرفتين فاضين ممكن نجهز ليه غرفه يقعد معانا فترة على الأقل يغير جو وكدة

بقى يعاين لي
قلته ليه لأ؟
قال لي انتي عارفه مهند وضعو غير وانا كل الوقت بكون برة البيت و..

قلته ليه حبيبي عاين م حيحصل شي إن شاءالله❤
رغم اني كنت خايفه شديد لأني عندي موقف مع مهند دة من زمان وصعب اتجاوزو بس كان لازم اعمل كدة عارفه ماهر م حيقدر يقول لي "اجيبو البيت"علشان هو عارف انو انا عندي معاه موقف وفي نفس الوقت حيكون شايل همو وم حيكون مرتاح ابداً حتى لو م بين الحاجه دي💔

ي استاذ لو سمحته..
ايوة اتفضلي!
انت اخو المريض اللي في الغرفه دي؟
ايوة
الفحوصات طلعت اتفضل استلمهم من المعمل
طيب تمام شكراً
فحوصات؟
فحوصات بسيطه كدة طلبته تتعمل لي مهند دقيقة وارجع ليك

بعد 3دقايق
حأدخل الدكتور تدخلي معي؟
ماهر جا راجع وشايل ظرف في يدو
قلته ليه ااااا طيب تمام ..

السلام عليكم ي دكتور
اهلين ي إبني اهلاٌ اهلاً اتفضلو
دي الفحوصات

طلعت
فحوصات الشاب مهند ،طيب طيب دقيقة بس
بعد 10دقايق صمت وتركيز الدكتور

الزول دة انتو بتدوهو شنووو؟
كيف يعني م فهمت؟"ماهر"
يعني بتدوهو علاج شنوو؟
والله ي دكتور علاج كدة بيديه ليه الدكتور بتاعو المتابع معاه وهو اساساً م هنا في الإمارات

بعد كم دقيقة صمت وتركيز في الورق وتغير في وش الدكتور قال ليهو انت متأكد؟
ماهر قال ليهو متأكد خير ي دكتور؟
قال ليهو لأنو حسب م ظاهر في الفحوصات الزول دة م بياخد علاج هو بياخد منشطات ودي هي سبب الإكتئاب والإضطرابات النفسيه البمر بيها دي مافي مريض توحد بياخد منشطات دكتور بصرف منشطات لمريض توحد دة الا يكون دكتور قاري مع الغنم💔

بقينا في حاله صمت وصدمه وماهر بقى يعاين للدكتور حسيتو لسانو تِقل
،
اول م طلعنا من الدكتور مسكتو قلته ليه ماهر م تتهور وتعمل مشكله مع امك اهدى يمكن غلط الدكتور الهناك ،الله يرضى عليك بالهداوة بس كل شي بتعرف وبتحل،قال لي يتعرف شنو ي شهد؟انا عارف الدكتور كان بكتب ليهو شنو بالظبط انا كنت بمشي معاه الجلسات وباخد ليه الادويه بءات نفسي وانا من شوفتو شكيت انو م طبيعي حتى تعامل م قادر يتعامل معي زي زمان عشان كدة طلبته تتعمل فحوصات افتكرت انو عيان بس م اتوقعته انو يكون الدواء البياخدو سبب في كدة،اصلاً الناس دي وصلته معاهم الحد انتي فاهمة؟
قلته ليهو فاهمة الله يرضى عليك اهدى حبيبي💔

بعد تحنيس ومحاولات قدرته اهديهو،رجعته البيت عشان اجهز لي مهند الغرفه وانا كل تفكيري في انو كيف ممكن الناس دي تعمل كدة ومصلحتهم شنو من الحاجه دي؟بالذات امو يعني اكيد مصلحتها في انو يبقى كويس م في انو حالتو تتراجع وتزيد سؤ طيب ليه بعملو كدة؟مستحيل يكون غلط من الدكتور بتاعو بس م قدرته اقول لماهر كدة علشان عارفاه متهور 💔

.......
انا حأسوق مهند معي البيت لو قاعدة عشان تسوقيهو م تنتظري احسن

اي بيت؟
حيكون اي بيت؟
اتكلم معي عديل لما اتكلم معاك انا م تتنفخ فيني للمرة المليون

لما انتي تبقي أُم عديله قولي لي اتكلم معي عديل تمام؟

سايقو وين؟انت قدر مسؤليتو ولا ساي؟م كفايه العملو في بت الناس دي قبل كدة تاني موديهو ليها بيتها عشان يسل روحها؟

م كان معاك انتي بقيتي قدر مسؤليتو؟؟؟؟على العموم انا م عايز اخد رايك انا بكلمك عشان لو قاعدة عشانو تكسبي زمنك،

م بتسوقو معاك الكلام دة منتهى انا امو انت م حتكون احن عليهو مني ولا حتكون فاضي ليهو اساساً كان بتفضى ليهو كان بتجي تسأل عليهو على الأقل اوعى تجي تناقشني في الموضوع دة

بعد ساعه من الكلام دة هي طلعت من الغرفه وانا ابتديت اجهز مهند عشان في الحالتين بي رضاها او لأ حأسوقو عيوني فجأة وقعت على علامات غريبه في جسمو،كأنها اثار ضرب او سيطان،من الخلعه بقيت بسألو مهند دة شنوو؟دة شنو ي مهند الفي جسمك دة؟؟كدة بقيت افتش فيهو وهو ساكت،جسمو ضهرو وبطنو واكتافو ويديهو عبارة سيطان 💔

استغفر الله العظيم ي رب في اللحظه دي انا رددته العبارة دي اكتر من 5مرات عشان كنت حاسي انو لو هي جات داخله م ضامن نفسي حأعمل شنو ك رد فعل،
طلعته من الغرفه مشيت للممرضين سألتهم من الدكتور الاستلم مهند اول شي،قالو لي موجود في مكتبو،قلته ليها نادي لي عليهو،قالت لي خير في شي؟
قلته ليها ممكن تنادي عليهو؟
قالت لي طيب،شويه كدة جات قالت لي حيجي شويه كدة،بعد ربع ساعه قلته جا ،قال ليها في شنووو؟قالت ليهو الاستاذ دة عايزك،
قال لي السلام عليكم،قلته ليهو وعليكم السلام،
قال لي اتفضل
قلته ليهو المريض الاسمو مهند دة طلعته ليهو اورنيك 8؟
قال لي اي
قلته ليهو السبب؟
قال لي ضارباهو عربيه
قلته ليهو متأكد انو ضارباهو عربيه؟
انت زول مؤدي قسم جاوبني متأكد انو ضارباهو عربيه؟ولا اوصل الموضوع دة لإدارة المستشفى والأكبر منك؟؟؟
بقى ساكت وبعاين لي مخلوع
قلته ليهو شوف اسي تعمل لي تقرير بالحاصل ليهو بالنقطه والشوله اسي دي من غير اي نقاش عشان م تخليني اعمل معاك موقف م ظريف قدام الكادر الطبي بتاعك وانت زول كبير في العمر لو عايز تنستر انستر معي✅

بالفعل طلع لي تقرير تاني واورنيك جديد م طالبتو بأي تبرير لأني عارف البير وغطاه،وعارف انو دي واحدة من امور امي ،قدر الحقد الموجود في الدنيا دي وفي قلوب الناس انا اتولد جواي تجاها اضعاف💔

جهزته مهند ،جات داخله لقتني منزلو من السرير،قالت لي مودي وين؟
م رديت عليها
قالت لي ي ولد بتكلم معاك انا !!!

رفعته ليها قميص مهند وانا ساكت بعدها قلته ليها بنتفاهم بعدين✅✅

سوقته مهند معي وخليتها في مكانها .

.....
وااااي لكن ربنا يكتب عافيتو ان شاءالله ي رب❤
امين ي سمر والله ماهر من امس معاهو في المستشفى لكن اسي حيجي ويجيبو معاه❤
اها تمام احسن عارفه حيغير جو مريض التوحد دة سنستيف شديد يخخخ💔

الجرس بضرب شكلهم وصلو دقيقة عن إذنك ي سمر❤

فتحته الباب لقيتهم بالفعل ناس ماهر،قلته ليهم اهلييييين حمدلله على السلامه
ماهر بقى يعاين لي ومهند كمان،
ماهر قال ليهو يلاااا تعال❤
دخلو البيت،قال لي جهزتي اي غرفه؟قلته ليه

التالته ديك"واشرته ليهو عليها"

سمر وقفت لما شافتهم،ماهر قال ليها السلام عليكم،قالت ليهو اهلين ي مراحب وحمدلله على سلامتو❤
قال ليها تسلمي يديك العافيه وعلى طول واصل مشيهو للغرفه مع مهند،

قالت لي واااااي ي حليلو يكسر الخاطر وااااي الله يكتب عافيتو ي رب❤

قلته ليها امين،
دخلنا المطبخ جهزنا العصير وجهزت معي الغداء حتى مشت،

ماهر عدة كم ساعه مع مهند في الغرفه حتى جا طالع قال لي مهند نام م حيصحى اسي لأنو اخد الدواء انا حأمشي البيت اجيب ليهو ملابسو وغياراتو واحتياجاتو كلها واجي،
قلته ليه ماهر لأ لأ م تمشي انا عارفه انو مشيتك دي م على خير،

قال لي زي م قلته ليك ماشي اجيب ليهو احتياجاتو انتي بتحبي تكبري المواضيع وم عاين لي اساساً وطلع،بقيت بتصل عليه تلفونو مقفول💔
.....
اعصابي كانت كأنها في جمر ،جسمي دة م كان بنزل منو عرق لا مويه نار بتاكل في لحمي حاسيها،وصلته البيت م لقيت اثر لي زول غير امي،
م اتكلمته معاها مشست على غرفه مهند فتحته الباب اول م دخلته الغرفه الصدمه كانت إنو لقيت جنزير مُربوط في سريرو بالإتجاهات الأربعه يعني كان بتربط بالجنازير ك عقاب زي م كانو بعملو معي ،مهند اخوي كان بحصل معاه كدة وانا اخر من يعلم💔طلعته م شايف قدامي مشيت مكان م امي قاعدة كأنها منتظراني قلته ليها راجلك وين؟
سكتت
قلته ليها تمام م عايز منك جواب✅

...........
ي ماهر،
اي ي إيليڤ كيفك؟
تمام الحمدلله انت كيفك ي اخوي؟
الحمدلله،
امممممم برسل ليك في الواتسب بس شكلك م داخل
اي فعلاً م داخل
طيب كنت عايزة اقول ليك انو انا محتاجه قروش في حجات كدة ناقصاني من حجات الجامعه عايزة اشتريهم عشان لما اجي هناك م اكون محتاجه شي عارفه حجات الخرطوم هناك غاليه وامي عايزة تجهز لي حجات كدة💔

اهاااا طيب تمام عايزة كم!؟وحتجي متين؟
3الف لسه قدامي اسبوعين تلاته كدة
طيب تمام بتصلك شويه كدة
................
وانا في الغرفه برتب لي ماهر في ملابسو في الدولاب وهو في الحمام فجأة جا طالع مسكني من يدي وخته الملابس في الدولاب قال لي تعالي عايزك قعدني في السرير ورقد في رجولي،
سكتت مساااافه حتى قال لي بصوت مبحوح تعبان ي شهد تعبان شديد ،الحياة دي ادتنا كل شي واخدت مننا كل شي، حسيت بدمعتو جاريه في يدي ،قال لي حنتابع مع اخصائي المخ والأعصاب بالنسبه لمهند حدد ليهو مقابله اسبوعيه،حأزيد ساعات الشغل يمكن اشتغل لأخر الليل بالعربيه عايزك تستحمليني شويه الفترة دي عارف انو زودتها عليك بسس..
قلته ليهو حبيبي❤م تقول كدة ياخ وربي حأزعل،انا وانت واحد تمام،وانا كمان حأخلص ليك الشغل الناقص باللابتوب يعني خلص البتقدر تخلصو والما بتقدر عليهو انا بتمو ليك وبكدة شغلك م حيقيف أصلاً اليد الواحدة م بتصفق فترة وحتعدي اكيد❤
ي ريت تعدي ي شهد ي ريت❤
حتعدي وانا ومعاك❤🌻
اصلاً هي م حتعدي غير وانتي معاي ❤
...........
يعني سافر هو واولادو دبي صح؟
اي سافر ي مان انا م كلمتك م صدقتني،انا متأكد إنو سافر ✅
متأكد من وين ي زياد؟
ااااااا اااااااا من عزو في الشركه انت م عارف عزو دة كويز ساي وصاحب وزول عمك شديد
اهااا طيب تمام .
ماهر في كلام كتير عايز اقولو ليك ياخ لكن م عارف ابدأ من وين
احكي،لا دي دايرة ليها قعدة دقيقه اضرب لي منذر الموضوع كبير وجايط شديد ،
خير ان شاءالله؟
والله م خير نهائي بس الصبر نلم في منذر دة

........

اي ي شهد
حبيبي وين انت؟
قريب من شارع النيل جاي على البيت مهند كيف؟
تمام الحمدلله نايم غايتو،علشان الزمن إتأخر قلته اشوفك لو قريب علشان لو بعيد انا سمر معي لسه ممكن اخليها تفضل معي لغايه م انت ترجع..
اي م بعيد شديد م بتأخر خليها معاك لغايه م ارجع لو اهلها برضو م تقعدي براك💔
طيب تمام خلي بالك من نفسك حبيبي طيب❤
حاضر يلا في امان الله🌻❤

قال م حيتأخر خليك معي لمن يرجع لو ممكن ي سمر❤
تمام م عندي مشكله اصلاً لو رجعته البيت حأقعد اساهر في التلفون وعولاقو ساااي💔
والله ي سمر م عارفه بدونك اليومين دي كنت حأعديها كيف يخخخ بجد💔

طيب م تتعودي عشان احتمال كبير انزل شغل قريب🙈😂💔
بجد؟شغل شنوو مش انتي شغاله؟

شغاله تسويق إلكتروني وكذااا بس مقدمه لشغل في مستشفى انا اصلاً قاريه تمريض لو ظبط معي وشالوني حتكون حلوة معي علشان حيكون عندي كم راتب وانا جد محتاجه للشغل دة عشان اساعد بيهو بابا شويه في موضوع الإيجار عارفه الظروف بقت م ظابطه وماما ناس المدرسه كلو بيدوها 2الف تخيلي بس والله بتخلص في اقل من اسبوع وبابا شغلو حيلحق ليهو على إيجار ولا مصاريف بيت ولا مصاريف اخواني في المدرسه ولا شنووو بس💔💔 واخواتي ي شهد م بحسو والله رغم انهم عارفين وضعنا وعارفين بابا قدر شنو بتعب عشانا مرة مرة بعد فترة حتى يجيبو لي قروش وم طوالي وطبعاً بابا محزرنا نهائي من انو نطلب منهم ونحن اصلاً مستحيل نطلب منهم بس والله ي شهد احياناً بخجل من ابوي لما اشوف التعب البتعتبو 💔عشان كدة بشتغل تسويق وبتطلع لي عمولات ومرتبات حلوة بساعد بيها في مصاريف الب

يت وبخفف عليه،قلت شغل المرتب بتاع المستشفى دة اساعدو بيهو في قروش الإيجار لو ظبط طبعاً لو م ظبط مقدمه لشغل تاني بتاع شركه لكن دة مختلف حبتين ي ريت واحد فيهم يظبط❤💔

حبيبي ي سمر إنتي حلوة شديد ياخي ربنا يوفقك ويفتحها عليك ي رب❤🌻

جد انا م لاقتني واحدة بجمال سمر يعني إنسانه حيويه ونشيطه وهميمة وساعيه ومسؤله وعاقله وكل شي بتفتشو في البت دي ممكن تلاقاه فيها...❤🌻

..........

الوو السلام عليكم؟
وعليكم السلام
انتو طالبين رحله من مطار الخرطوم للرياض انا جمب الموقع بس حددو لي مكانكم،اول م تدخل المطار على يدك الشمال بعد صاله السهم الذهبي بتاعه تويوتا نحن في نادي اسمو AGC

ايوة طيب عرفتو خلاص تمام
طيب خليك نحن لما نطلع حنديك خبر ❤
اوكيييه

بعد 10دقايق،
الووو؟
نحن طلعنا انت وين؟
انا في ....
طيب نحن كمان واقفين قدامها م شايفنك
طيب دقيقة خليك معي ،
دة انت البتكنتك بالكروزر دة؟
ايوة
خلاص جاين عليك✅
هاااااي
وعليكم السلام
بزمتك في زول سايق عربيه زي دي بدخلها ترحال؟ما چادي طبعاً💔

ههههه في البلد دي اي شي ممكن
من الزوق إنك تنزل تفتح لينا باب العربيه م ممكن بعد سماحتك دي م تكون چنتل 💔
هههه ابشري م طلبتي شي

الخلق دي على حسب م إنها م جديدة علي م ركزته مع الحاله الهم فيها كتير نزلته فتحته ليهم باب العربيه بعد م ركبو قالت لي إستنى عندنا صحبتنا چايه م حتتأخر

قلته ليها طيب جداً

ي بت وين انتي؟نحن منتظرين ياخي ،طيب يلا اسرعي وخلصينا هو لو م حيوان حيوصلك وم حيقول ليك اطلبي ترحال يرحلوه من سابع سما💔

عارفه العولاق الاسمو طارق دة معاط ياخي وعامل رهيب وهو غاشيها وهي مصدقه الهبله
اصلاً ي بت هي مخلوعه عشان كدة ليها الحق تصدق انتي فاهمة حركات الأولاد والواحد لما تعجبو واحدة اها هي اسي مجنناهو فترة كدة و ركب ليها مكنه وهي ماعطانا قايمه طارق وقاعدة طارق والله يركبها السمبك ويخليها اصبري بس
م علينا في الأخير لقينا لينا زول لما نزهج وناسنا يغيبو ويفصلونا وم نلقى زول يطلعنا بنلقاهو هو الفرحان بتاع البنات دة بسببها تاني عايزين شنوو؟

هههههه على قولتك يلا م علينا😂😂✅💔

الووو؟
اي ي شهد اها طمنيني البت لسه معاك؟طيب حلو م قصرت وانا راجع على البيت لقيت مشوار وصلتو واسي وانا راجع برضو لقيت مشوار لكن خلاص بس المشوار دة واكون معاك في البيت،مهند م صحى صح؟
طيب حاضر حبيبي❤🌻

ي شباب صحبتكم دي لسه؟
والله نحن زينا زيك 💔
بعد 20دقيقه انتظار بعد مكالمه وجوطه مع بعض بقو يقولو ليها عربيه بيضاء كروزر انتي شن فهمك وعرفك بالعربات اسمع كدة كنتنك ليها ،شايفه العربيه البتكنتك او بتنور دي؟بس تعالي عليها،شايفنك نحن معاك اللصقه يلا تعالي طيب😑💔
بعد دقيقتين بالظبط ظهرت قدامنا بت لابسه فستان في طولو تحت الركبه بشويه وهو حاجه لاصقه شديييد في الجسم لمن شفافه و مقسم كل مفاتنها ، فاكه شعرها وجادعه طرحه صغيره كدة في كتفها وماشي معاها واحد وماسكها من يدها وكل م يمشو خطوتين يقيفو يتكلمو ويضحكو بصوت عالي حتى يجو علينا خطوة،انا كنت متضايق جداً لأني مربوط بزمن ومستعجل على شويه كنت حألغي الرحله وامشي💔
فضلته وانا مراغب ومتمالك اعصابي لغايه م وصلو ركزته نظري مرة واتنين و3 و4 وعشرة و100 م بين المرات دي سمعته البتقول ليها م بدري ؟؟والبتقول كفاكم خلاص و...الخ،بعد فترة من محاوله الإستيعاب دي تلقائياً نزلته من العربيه وفي لحظه صدمة وعدم توازن لقيت روحي بقول إيليڤ؟؟؟...💔

#إقتباسهه

كل شي ضاق بروحي كنتي انتي اتساعه وكل خطوه هزتها الحياة تثبتت بك وكل نظره منك كانت تحتوي
الرحمه لي من كل معاناة، وكل ضوء توهج في طريقي
كنتي انتي، كنتي امي واختي وابنتي وحبيبتي وكنتي
لي في صديقة عمري زوجتي تقبلتي عيوبي وتعايشتي مع وجعي وعشقتي غموضي فتحتي باب قلبي الذي
اصدأت اقفاله واسكنتي فيه كل الطمأنينه والحب والامان والراحه "كنتب العهد والوعد والميثاف المقدس لي" ❤🔕

#ذات_عناق36

إيليڤ؟؟؟
"لحظه صمت وخلعه" ..

م عارف إتمالكته أعصابي كيف اللحظه دي م سألتها اي سؤال قلته مسكتها من يدها
هي مخلوعه للدرجه الما قادرة تستوعب او تقاوم او تبدي اي ردة فعل
الولد قال لي حيلك حيلك ي هي انت من...
قبل م يتم كلامو لقيت نفسي لازيهو لمن رميتو في الأرض،قلته ليها بنبرة حادة "اركبي العربيه يلا،سرعه على العربيه،
هي لسه واقفه بمنظرها داك وبتعاين لي وبترجف من الخوف
جريتها فتحته باب العربيه القدام ركبتها واحدة من البنات قالت لي هيييي انت منو وبأي حق تتعامل معاها كدة ؟إيليڤ؟؟؟
قفلته الباب ومشيت فتحته الباب الورا وقلته ليهم لو سمحتو اتفضلو أنزلو الرحله اتلغت،
واحدة قالت لي هيييييي..
قلته ليها بدون نقاش كتير اتفضلي أنزلي يلا
انا صحبه بت خالتها وهي خلتها معي امانه وم بنزل لمن اعرف انت منو ومشكلتك شنو اساساً نافش فيها ريشك كدة؟!

انا اخوها اتفضلي انزلي يلا،
إيليڤ دة اخوك؟
إتفضلي انزلي ي بت الناس عشان م تخليني اتصرف تصرف بشبهك كدة ،لو م نزلتو وانا سوقته العربيه دي م حتقيف الا اصل مكاني الماشيهو وحأخليكم تبيتو في الشارع

إيليڤ بتعرفيهو؟؟
بعد سكته إيليڤ نزلو من العربيه ، قفلته الباب وركبته ،شايف الحيوان الرميتو جايب معاه عسكرين وجاين،شغلته العربيه واتحركته قبل م يصلو،
م كنت شايف قدامي نهائي وم فتحته خشمي معاها بحرف ابداً
قالت لي بصوت باكي "م م ماهر"
قلته ليها ولا كلمة م عايز اسمع صوتك نهائي.
وصلته البيت قبل م ننزل إتصلته على شهد"
شهد
حبيبي وصلته؟
ايوة البت لسه معاك
ايوة،
ممكن تخليها تمشي على بال م اطلع ؟
اااااااااا طيب حاضر❤🌻

........
دة ماهر اخيراً وصل❤
جد؟طيب انا اقوم اتخارج ي زوله يلا مع السلامه😘
حبيبي تسلمي ي سمر م قصرتي❤العفو ي بت يلا تصبحو على خير لي بكرة إن شاءالله❤🌻

دخلته المطبخ علشان اجهز ليه المويه والعصير قبل يصل،سمعته الباب فجأة الباب فتح طلعته بسرعه علشان اتلقاه وكانت الصدمة من الشايفاه قدامي ،طبعاً م ابديت اي ردة فعل وقفته بس وانا متصمغه...

.....
ردة فعل شهد كان حالها حال اي واحده راجلها جا داخل عليها الساعه 1صباحاً ومعاهو واحدة بشكل إيليڤ الكانت عليه💔

ماهر ؟؟؟
دة القدرت تقولو بباقي حيلها الفيها
م كنت عارف اقول ليها شنو في حاله زي دي،
قلته ليها حبيبي حأفهمك اي شي بس دقيقة واحدة،تعالي ،اخدته إيليڤ دخلتها الغرفه
جيبي الشنطه دي،فتحته الشنطه اخدته منها التلفون ،قالت لي ماهر خليني اشرح ليك💔م عارف كانت جواي كميه من التراكمات وعلى ضغوطات الفترة دي وعلى كذبها علي والشكل اللقيتو بيها لقيت نفسي مديها كف ،كف بس وانا ساكت ،بعدها قلته ليها بكرة الصباح بتفاهم معاك ،شلته التلفون وطلعته قفلته الباب ،

شهد كانت لسسسه واقفه في مكانها مشيت عليها قلته ليها عشان عقلك م يمشي شمال شديد دي إيليڤ اختي ي ريت م تسأليني من اي تفاصيل تانيه تمام؟
خليتها واقفه ودخلته الغرفه..
إتصلته على عمتي اللي هي ام إيليڤ ،الزمن متأخر ايوة بس إتصلته م قادر استنى للصباح ،بعد كم مكالمتين ردت علي..
الو ي عمتي السلام عليكم
وعليكم السلام بسم الله إن شاءالله خير؟
خير إن شاءالله بتصل على إيليڤ تلفونها قافل عايز اتكلم معاها في موضوع كدة
اي هي م كلمتك تلفونها وقع في المويه وحرق شاشه والله اظنها خجلت تكلمك عشان كدة💔
لا ياخي؟
والله وقع منها في المويه💔
اسي وين هي؟
نايمه والله بتنوم بدري اسي انا زاتي لو م مكالمتك دي م كنت صحيت💔

تمام،
لكن بكره اول م تصحى بكلمها تتصل عليك إن شاءالله
قلته ليها إن شاءالله

على قدر م انا مصدوم بقيت محتار وبراجع في نفسي اللحظه دي كم كذبه اتكذبت علي قبل دي؟
م تميت دقيقه من مكالمتي دي جات مكالمه في تلفون إيليڤ،طبعاً بديهياً حتكونو عرفتو انو الرقم المتصل مكتوب عليه Mom💔
وفضلت تتصل مكالمه ورا مكالمه ...

......
رغم اني اكتر زوله بستعجل في ردة فعلي لأي موقف لكن برضو عندي ال10دقايق الأولى من لحظه الموقف دي بديها للطرف التاني علشان يبرر موقفو قبل م اتهور،والحمدلله رغم صدمتي والهبوط الجاني وانا شايفه ماهر داخل مع البت الا اني فضلته متماسكه او يمكن كنت في حاله صدمه م خلتني ابدي اي ردة فعل غير اني اكون بتفرج،حتى لما ماهر اتكلم معي م فهمتو بقول في شنو ولا كنت مستوعبه،
لما جا طالع وقال لي دي اختي ي دوب اتصدمته زيادة وبقيت م بين مصدقه وم مصدقه لحقتو بعد فترة من الزمن،لقيتو في الحمام انتظرتو طلع كان في وضع م بسمح ليه يتفاهم ابداً، جبته ليه المويه والعصير من سكات
اجهز ليك العشاء؟؟
شرب كبايه المويه ورقد في السرير من غير م يرد...

ٌ.....
شلته ملابس وغطى وملطف جو ومشيت على الغرفه الفيها البت،دقيت الباب ودخلته لقيتها قاعدة في نص السرير وبتبكي ،
انا م بعرفها طبعاً ولا عارفه الحاصل شنو وماهر جايبها من وين ،قلته ليها اتفضلي وطلعته على المطبخ جهزته ليها مويه وعصير وعشاء جبتهم ليها ولسه كانت في حالتها ديك،كسرت قلبي والله بس م قادرة اقول

ليها شي،قلته ليها "انا م فاهمة شي وما عارفه الحاصل بينك وبين اخوك بس الله يرضى عليك م تبكي بكرة بيصبح الصباح والحاصل بينكم حيتحل تمام؟
يلا تصبحي على خير❤ رجعته غرفتنا لقيت ماهر راقد وخاتي يديهو في وشو لما حس بي حركتي غمض عيونو،رقدته جمبو قلته ليه ماهر؟
لما م رد رقدته في حضنو وم نمت ابداً فضلته صاحيه لوقت متأخر وانا بفكر...

......
ي عمتي صباح الخير
صبااح النور
إيليڤ م صحت؟
والله م صحت ي ولدي انت عارف هي نوامه شديد عشان كدة،
تمام✅
قفلته منها بعد 5دقايق بالظبط رجعت اتصلت في رقم إيليڤ،فتحته الخط والإسبيكر
الو؟ي بت انتي وين من امس م بتردي على تلفونك؟اخوك دة من امس يتصل كرهنا بالتلفونات قال دايرك ترجعي ليهو سريع

م حتحتاج ترجع لي ي عمتي لأنو إيليڤ معي بس كنت متمني تراجعي نفسك وانتي بتكذبي ✅
قفلته الخط

أحكي لي بدون لف ودوران ي إيليڤ بتعملي في شنو هناااا؟ومع منوو؟
م تسكتي جاوبي؟؟؟

م م مع خالتي ،
خالتك ؟
خالتك دي منو البتخليك تكوني برة للساعه 1صباحاً دي ي إيليڤ؟انا مش قبل يومين كنت بتكلم معاك وقلتي عايزة قروش؟يعني كنتي بتكذبي علي وكنتي قاعدة هنا؟كنتي بتستغبيني ي إيليڤ؟ودة منو الكان معاك دة ودي شنو الأشكال الماشه معاها دي؟دي الجامعه العايزة تدرسيها؟من اسي انتي كدة؟

بعد نوبه بكي منها قالت لي ماهر والله انا م كدة كنا معزومين عرس مع بت خالتي وديل صحباتها ف بت خالتي رجعت البيت لأنها تعبت شويه وانا المفروض ارجع معاهم دي كل الحكايه وانا صح كذبته عليك في موضوع جيتي للخرطوم دي وانا اسفه😭💔

كذابه حتى في دي كذابه وم كنتِ في عرس ي إيليڤ م كنتِ في عرس ابداً💔
.........

دة البيت؟
ااايوة
طيب إتفضلي ادخلي
م حتدخل معي؟
لأ
ماهر انت م زعلان مني صح؟
اتفضلي انزلي ي إيليڤ قلنا✅

.....
م فاهمة شي من الحصل بين ماهر واختو ،كل الحصل بينهم بدأ في الغرفه وانتهى في الغرفه لغايه م اخدها م فهمني شي،يمكن الموضوع حساس للدرجه الما عايزني اعرف عنها شي وانا احترمته الحاجه دي علشان في حجات م ينفع نتدخل فيها لو م اتحكت بشكل تلقائي ابداً ولا ينفع نضغط على الطرف التاني علشان يحكيها هو لو شايف انها بتتحكي وحيرتاح لو حكى حيحكي اكيد 💔

......
حوالي الساعه 10 مساء..

انا حأودي مهند المقابله عايزة حاجه؟
حبيبي انت بخير؟
شهد انا تمام❤
ماهر
شهد ممكن م تكتري اسئلتك وتضغطي علي الفترة دي عشان جد م ناقص؟

طيب حاضر❤
يلا سلام

بكيت شديد من الطريقه الاتكلم معي بيها لأني جد م عندي فضول اعرف شي والله على قدر م انا عايزة اخفف عنو،هو انسان كتوم للدرجه انو من الضغط النفسي الحاجه دي بقت ظاهرة في وشو م بشوفو الا اوقات بسيطه وم بتكلم معاي كلمتين ورا بعض💔

.ٌ......

السلام عليكم ي عمي
وعليكم السلام إتفضل حبابك
يديك العافيه
قالو لي يومي في زول بجي بسأل م بلقاك ان شاءالله خير؟
اي والله ازعجناكم عديل اعفي لينا💔
لا العفو ي ولدي خير ان شاءالله ؟!
خير ي عمي انت م اظن تعرفني لكن ان شاءالله تتزكرني وتقدر تخدمني
ي ولدي من غير مقدمات كدة قول في شنووو؟
ههه ابشر انا ود الزيني الزول الكنت ماسك إيجار العقار حقو لو بتتزكر قالو لي انت كنت عندك مكتب عقارات
اهاااااا ياااااخي انت ود الزيني؟انت ود الزيني؟؟اهلاً اهلاً ي ولدي كيفك ان شاءالله طيب ؟ياخي والله م مصدق انت ود الزيني ؟

يديك العافيه ي عمي،
م حصل لاقيتك لاكن ابوك كان زول طيب واخلاقو عاليه راجل م هين ولا ساهل ابداً ،والله وفاتو كانت فاجعه وبكتنا كُلنا والله حسبي الله ونعم الوكيل كيفك انت ي ولدي؟والحاصل معاك واهلك امك واخوانك والحصل في قضيه ابوك شنو تاني و...الخ

انا ي عمي زاتي جايك بخصوص قضيه ابوي دي وان شاءالله تقدر تساعدني بعد السنين دي كلها💔
ان شاءالله ي ولدي ان شاءالله خير ؟
ي عمي انا عندي فترة م طويله بديت اراجع موضوع قضيه ابوي دي ،حسب م عرفته انو كاميرات المراغبه الفي العمارة اثبتت انو الارتكبو الجريمة م طلعو من العمارة،يعني إحتماليه إنو مرتكبين الجريمة من سكان العمارة كبيرة شديد ف الحاجه الوحيدة العايزك تساعدني بيها الدفاتر العليها اسماء سكان العمارة لغايه م حصلت الوفاة اتمنى تقدر تساعدني💔
والله ي ولدي م عارف اقولها ليك كيف لكن الفترة طالت شديد دي كم سنه وانا كنت ماسك كم عقار ،لكن م مشكله ابوك دة كان زول م هين نهااااائي وولدي قبل م يكون اخوي وياما وقف معاي اصلو م زول ساهل نهااائي،خلاص بكرة تعال لي زي حوالي الساعه 12كدة بحاول ادخل المخزن ان شاءالله اقدر أفيدك لكن كدة قول لي كيف حتقدر تعرف القتل منو ي ولدي خصوصاً بعد السنين دي يعني الموضوع فات شديد والسنين طالت💔
طرف الخيط لو إتلقى العقدة حلها هين ي عمي ...

...........
شهد
اي ي زيني
تعالي،اسف ،
على شنووو؟
لأني اتكلمته معاك بنبرة م حلوة بس كنت متضايق شديد وم بيدي💔

حبيبي،عادي م زعلت انا على فكرة،
لا ازعلي ونكدي علي وجوطي دة حقك ابداً م تجي على نفسك عشان ترضيني او تتحمليني❤

ماهر

انت ياما اتحملتني وجيت على نفسك ع...

هششش م عايز مقابل الحاجه دي انك ترديها كدة ابداً فهمتي؟نكدي ي ستي واتنفسني وجني م تغيري نفسك وتتقمصي شخصيه م شخصيتك عشاني انا بحب شهد النكديه شهد الشكايه وبكايه بتاعة التشغيله،وانا قدر م الله اداني قدرة عشان ارضيكي حأرضيكي وححبك بالطريقه العايزاني احبك بيها لما تتنفسني وتنكدي...❤

طيب ممكن انكد عليك اسي؟
حبابو النكد❤
احكي لي اليومين دي مالك؟الحاصل عليك شنو وبتعمل في شنووو لييه م بتحكي لي؟

احكي ليك شنووو ولا شنو ي شهد؟
انو اختي لقيتها موجودة في الخرطوم وبتكذب علي هي وامها؟ولا احكي ليك عن انو امها الإتكلمت معي فارغ لما واجهتها وطلعتني مُتبلي عليها ؟ولا اخوي البسمع كلام امو وجاي يتشاكل معي عشان مديت يدي على اختو اللي هي اختي وساق اختو ومشى فتحو فيني بلاغ تعدي وجايبين اتنين يشهدو علي وعايزين يدخلو معي محاكم؟ولا عن ديون الشركه واللعب الاكتشفته انو عمي لاعبو من وراي ومفتعل الديون دي كلها،ولا من امي وبرودها وضلالها معانا!؟
حتستحملي شنو ولا شنو ي شهد بالنسبه لي النكد منك مقبول عشان م حتكون مشاكلك كبيرة بحجم مشاكلي دي💔والله ي شهد احياناً بكون سايق وم عارف روحي ماشي وين من كترة التفكير ،
وفي وسط دة كلو فتحته ملف قضيه مقتل ابوي،شهد ممكن سؤال؟
اسأل؟!.
من خلال البتعرفيهو عن امي ومعاناتنا معاها ومعاملتها تتوقعي إنو ممكن تصل بيها لمرحله إنها تقتل زول؟!

م م ماهر دة شنو البتقول فيهو دة م م م أعتقد إنو...

شهد انا م شاكي ولا الجواي دة إعتقاد انا بقيت مقتنع تماماً إنو هي العملت كدة ماف سبب يمنعني م افكر كدة ابدا ًبتتعمد تأذينا ي شهد بتعمل اي شي عشان القروش إضافه لي إنو كونو ابوي اتزوج عليها دة سبب كافي انو يخليها تعمل كدة واثق من انها عرفت واثق من الحاجه دي انا وإلا ماف سبب يخلي ملف القضيه دي يتقفل وعشان اثبت لروحي الحاجه دي فتحته ملف القضيه،

"تحت تحت قالو انو الضباط قالو ليهم انو احتمال كبير القاتل يكون منكم وفيكم عشان كدة قفلو القضيه وسكتو على كدة"
فجأة اتزكرته كلام امي دة لما سألتها عن موضوع قتل ابو ماهر💔💔

ماهر حبيبي انا شايفه انو م تستعجل اهدأ البتفكر فيهو دة كلو عبارة عن احتمالات ويمكن تكون مستحيله امك يمكن هي صعبه حبتين بس م لدرجه انها تصل المرحله دي انت بس الضغوطات مخلياك تفكر كدة اهدأ وروق م تتهور وتبقى إنفعالي وبعدين دي امك يعني حتى لو البتفكر فيهو دة صح ماف زول بسجن امو او بحاسبها حتقيف قدامها كيف؟حتوكل محامي بإسمك وتوكلو ضدها كيف؟الموضوع دة صعب ي ماهر والله صعب شديد،م هو عشان صعب ي شهد القضيه دي اتقفلت حأخلي القانون ياخد مجراه والرهيفه التنقد وكان صدق احساسي وامي طلعت زي م انا متوقع م حأتراجع ابداً عن القضيه دي ...💔

#إقتباسهه
كانت صدفه من حب قيدني بها وثاق من الله ،وافعال منعمه بعافيه لروحي، اللهم عمري معقود بعمره، وعمر لا بفوتني معه بخيره وشره، علي قدر الحب جعل ربي الوصل بيننا؛ بعد كل هذا كان الوقوف علي منعطفات الحياة ونكساراتها علي قدر تألوف الروح دون اعذار و مبررات بكثير من الصلوات الدعوات ❤

#شبكه_رواياتي

"وما الطمأنينه والقوى التي تجتاحنا في في وجود من اذانا الا حب لتسكين"

#ذات_عناق(37)
"الجزء التاني"

وضع ماهر وسط الضغوطات دي كلها كان مخوفني شديد،لأني عارفه وضعو واحتمال انو م يستحمل الحاصل معاه دة كلو ،خايفه يرجع يكتئب ويرجع لحالتو ديك تاني،فكرة اني اقيف ضدو دي كانت صعبه شديد لأنو متمسك شديد بالموضوع دة،ف خيار اني اقيف معاهو هو دة الحل واجاريهو لغايه م يصل للعايزو واساعدو بالبقدر اساعدو بيهو علشان م ينتكس 😔💔

.......

ي بت هووووي م دايرة معاك قله ادب حنيه شنو الشايلاها لي اخوك غير اكل حقكم شوفتي منو شنووو؟بتخافي منو؟اذا من هسي مدة يدو عليك كدة اها كان سكتي ليهو تاني البسويهو هين؟
ي ماما
اسكتي بلا ماما معاك وقومي طيري من وشي يلا
خالد اها صحبك الضابط قال ليك شنووو؟وخالك اداك رقم المحامي الحيمسك القضيه ولا نسى هو كمان التاني لقى القرش والشي دا ونسا الناس بقى م عندو زمن حتى يقعد معاهم دقيقتين ورا بعض

الضابط قال بعزك في الموضوع دة هو بالحيل واسطاتو قويه،اي خالي رسل لي رقم المحامي حكيت ليه التفاصيل كلها حنمشي ليهو يوم الأحد قال لي ي زول حتطلع ليكم ورثه جد اصبر بس والله تغنو غنى لمن تقولو غنينا،وخالي ده زاتو اصبري لي عليهو حبتين بس اسي انا مشغلني معاه بس شغل اي كلام بس لما اخش معاه في الشغل الغريق حق الشركه الجدجد بعداك نتحاسب هو زاتو الأكل الأكلك ليهو هين؟الهو فيهو اسي دة كلو من حقك وتعبك ي امي قال لي داير امسك الحسابات في الشركه اسي انا مبارياهو ومرازيهو وعامل صحبو لغايه م يمسكني ليها الصبر ي امي الصبر بس حقنا الشالو اخوانا واتسافهو بيهو وكملوهو وحق ابوي كلو برجع

انت كان جنا بطني جدجد و بتسمع كلامي وبتعمل البقولو ليك وبتشرب المحايا وبتتبخر بالبخرات دي ساي زي الزمن دة كان بقيت زول ودخلته مع خالك الشركه لكن عدم سماع الكلام وقوة الراس تخلوها لمنو انتو ي عيال بطني؟؟؟اسي جبته ليك معي حجات واسمع كلامي واعمل الحجات دي
ي امي عليك الله يااااخ..
ي ولد اسمع الكلام والله الحجات دي انت لو عارف انا دافعه فيها دم قلبي لكن شغل م اي شغل شغل بإتقان اسمع كلامي والله بكرة تلقى نفسك جوة الشركه والناس دي حتمشي معاك زي المسطرينه عشان كدة من بكره تبدأ تشرب المحايه دي على الريق والبخرات دي صباح ومساء وفي حجات جايباها ليك للحمام وعندك حجاب تربطو في ضراعك

اها شوفتي ي امي انا معاك في شي بس اللبس دة لا
تلبس ي ولد الحجاب دة اهم شي لازم تلبسو والله اي شي ماشي معاك اعوج بتعدل انت بس اسمع كلامي وم تتجنن ياما سكته ناس بالزول دة وخليتهم يشوفو العجب لمن اخدته الدايراهو انت قايل الحياة دي ماشه معانا عديل ساااي؟؟؟
............
الدكتور قال إنو مهند وضعو احسن وفي تجاوب واضح منو صرفنا لينا مضادات إكتئاب وحولنا لدكتور نطق علشان يتدرب على المخاطبه والكلام دة،..."ماهر"

طيب الحمدلله يعني في تحسن؟😍

كل الكان بحصل معاه داك ي شهد بسبب المنشاطات الكانو بدوها ليهو على اساس إنها علاج،فاهمة ي شهد؟مهند لو بتلقى العلاج بصورة صح زي الزمن دة مفروض يكون بأفضل حال زينا كدة بسسس💔واسي عايز عايز متابعه ،عايز زول يكون واقف في راسو كل الوقت وياخد ويدي معاه في الكلام ويحاول يتعاطى معاه الدكتور قال قعدتو براه م في مصلحتو وم حيكون في تقدم ملحوظ لحالتو يعني على الاقل محتاج ليه مُعالج شخصي يكون ملازمو عشان العلاج يكون مُتدرج ،انا ممكن اغطي الحاجه دي بس عارفه انو انا م كل الوقت بكون متوفر،بحاول اني اشيل اكبر كميه مشاوير ممكنه عشان منها اقدر اغطي قروش إيجار الشقه دي وإيجار شقه خالد ،اما شغل اللابتوب دة للحجات الكبيرة والمصاريف وغيرها م عايز تركيزي مع خالد وإيليڤ يخليني اظلم البقيه واقصر في حقهم واسي علاج مهند برضو محتاج ميزانيه خاصه لأنو عندو دواء لازم ياخدو على الدوام وهو غالي شديد واحتمال م اللقاه في السودان اساساً لأني فتشته وم لقيتو وصيت عليه واحد صحبي يرسلو لي من الامارات بس اكيد م كل مرة حأقدر اوصيهو 💔

حبيبي صدقني اسي مهند حيكون بأفضل حال ،وحيبقى كويس إن شاءالله،وربنا حيهونها ويسهلها علينا ان شاءالله بتضيق عشان تفرج بأوسع ابوابه لأنو ربنا عالم بحالك ونواياك

إن شاءالله ي شهد إن شاءالله اقدر اللحق لي دة كلو 💔

امممممم حبيبي بالمناسبه جاتنا تلاته حجوزات جديدة للمزرعه اتواصلو معي ومع زياد أكدته حجز 2وخليتهم يحولو لي العربون في الحساب بعد م زياد اتواصل معاهم بصورة مباشرة وقعد.معاهم وكذااا نسيت اكلمك💔

الحمدلله طيب دي حاجه كويسه❤
زياد مجتهد م قصر عمل جلسه تصوير ظابطه في المزرعه مع منذر ولجين بتعرض فيها معاهم❤

م عارف اخدهم كيف والله ي شهد،وم عارف كنت هعمل شنو لولا وجودك انتي بعد ربنا في حياتي❤

حبيبي م قلته ليك فترة وحنعديها مع بعض؟
اتمنى انها تكون فترة ي شهد اتمنى💔
حتكون حبيبي اكيد وبإذن الله حتعديها❤

..................

شهد ازيووو
اهلين رتاج كيفك؟
تمام الحمدلله جيت هنا بيت ناس سمر ماف زول بفتح الباب اظنهم مافي قلت سمر تكون معاك
لا و

الله م معي اتفضلي
ماشه مستعجله والله كنت عايزة سمر ضروري بس
اها تمام ي ستي❤
يلا مع السلام

بعد دقيقتين من قفله الباب تاني الجرس ضرب
فتحته الباب لقيتها رتاج
رتاج ؟
عايني عندي ضيوف ممكن اجيبهم عندك هنا؟
ضيوف؟
صحباتي جايني كنت عايزة استضيفهم في بيت ناس سمر بس هم مافي وم عارفه اعمل شنو م بقدر اوديهم بيتنا حمودي اخوي ضارب سجارة بنقو وخايفاهو يجي يعمل لي موضوع وخايفه ابوي يجي سكران ويفضحني معاهم💔

طبعاً انا م كان عندي اعتراض ابداً بس مهند وضعو م بستحمل الجوطه والإزعاج والكلام دة وخايفه يتوتر💔

م عرفته اقول ليها شنو ولا قدرت ارفض،قلته ليها طيب ابشري م عندك مشكله جيبيهم على طول❤

م فيها ازعاج صح؟حأجيب معي سكر وعصير وكل حجات الجبنه
ي بت انتي هبله ولا شنووو؟تعالي ساي ضيافتهم علي❤

خلاص عايني انا حأقول ليهم انك بت خالتي طيب؟معليش كترتها🙈❤

ههههه طيب تمام م طلبتي حاجه❤

م عارفه اليوم عدة كيف لغايه م جو وطلعو م كنت مركزة معاهم كنت شايله قلبي في يدي وشايله هم مهند كل شويه بدخل عليه في الغرفه بشوفو محتاج شي ولا لأ وطبعاً هو م حصل اتكلم معي ابداً بعاين لي بس وكل الوقت ساكت وماسك التلفون في يدو رغم اني بحاول حتى لو اتجاوب معي بالإشارات بس💔

........
رتاج قالت لي جات شربت معاك الجبنه هي وصحباتها

اي والله جو كانت جاياك لما م لقتك جاتني

ههههه متعودة طبعاً حركاتها دي م بتخليها م حصل جابت ليها صحبه في بيتهم دايماً بتجيبهم في بيوت الناس وبتختهم امام الامر الواقع م بتحسب حساب لظرف الزول الجايبه ليهو صحباتها دة،عارفه ي شهد اكعب شي الزول الما بكون راضي بي واقعو دة حتلقيه مستهلك نفسو والحواليه شديد لأنو بكون مصلحجي ورتاج دي النوع دة يعني النوع الما عايز يتقبل وضعو ووضع اهلو وعايز يظهر انو عكس كدة المشكله انو لو طال الزمن او قصر حقيقتها دي حتتعرف حتتعرف وانا م بقول ليك الكلام دة قطيعه فيها لاني قبل كدة قلته ليها ي رزان كل م اتقبلته وضعك وحياتك وواقع اهلك يكون احسن بس المزعلني انو انا عارفه انو انتي معاك مريض ت حد وم بتحمل اي شي غريب ممكن يكونوفي البيت ما بالك بي لمه وجبنه وصحبات عادي ممكن وضعو يتضطرب على فكرة ودة زاتو تطفل منها عرفه متين معاك هي؟متعودة تفرض نفسها الثغيله دي💔

ههههههه عادي والله م حصل شي واليوم عدة م تنفعلي وتزعلي نفسك ساي حصل خير❤

لا والله ي شهد جد الموضوع بضايق اها قولي في يوم لا لاقتني ولا لاقتك اها حتستضيفهم وين حتفرش ليهم جبتهتا وجلحاتها؟؟جد الموضوع دة مزعلني يعني ليه الواحد م يتصالح مع نفسو وواقعو؟ليييه التصنع وعلشان شنو؟وهي زوله صغيرة اذا من اسي كدة بعدين حتعمل شنووو؟احساس النقص دة اكعب شي

في دي معاك حق وبعدين يعني اياً كان شكل وضعك او اسرتك او غيرو دي حاجه م اختياريه دة واقع ماف زول ماشي محاسبك عليهو وماف زول مفروض يقلل منك لمجرد الحجات دي لأنها ابداً م خيار متاح في اليد 💔

بالظبط كدة يعني ليه م تتعامل معي ككيان وتحكم علي؟ليييه تصنفني من خلال وضعي او شكل اسرتي او غيرو وتعاملني على الاساس دة؟هل الحجات دي انا فيها مُخير؟

في الاخير شخصيه الزول هي البتحدد هو عايز يتعاملو معاه كيف يعني عدم ثقتها في نفسها وتقبلها لواقعها دة اكبر كارثه ممكن تواجها خصوصاً في مجتمعنا دة ربنا يعقلها ويهديها،❤المهم م علينا انتي امس مشيتي وين ي زوله طول اليوم غايبه💔

اخخخخخ ي شهد م تزكريني مشيت زفت المستشفى اتصلو علي قالو لي قبلناك لما مشيت اتخيلي لقيتهم شغلو محلي واحدة قالو لي اتأخرتي ومكانك كان شاغر ولقينا الأحوج منك؟
وااااي م جادة

جادة ي شهد حسبي الله بس قال لقينا الاحوج منك قال م عارفني انا محتاجه للشغل دة قدر شنو والله فايته الشحاد بدرجه م زعلانه الا على قروشي حقت المواصلات والمرمطه الاتمرمطتها عشان اصلهم بس م علينا خيرها في غيرها حأشتغل شغل تسويقي دة لمن ربنا يفتحها علي اصلاً ماف شي في البلد دي بمشي مع الزول عديل انا مصيري اطلع منها ان شاءالله حفيانه💔

حبيبي ي سمر والله زعلته ليك ياخ ربنا يعوضك بالأحسن❤

إن شاءالله ي شهد يخخخ يسمع منك ربنا❤
بعد خمسه دقايق وانا باخد وبدي معاها في الكلام ومرة بتجاوب معاها ومرة بسرح لقيت نفسي بقول ليها

سمر؟
احكي
اسمعيني انتي مش قاريه تمريض؟يعني ممكن تلازمي مريض بشكل خاص؟
بقت تعاين لي
عايني ماهر في مقابله اخوهو الدكتور قال ليهو.......الخ وبما انو الشغل م ظبط معاك ليييه م تراعي معي مهند اصلاً انتي قاريه المجال دة حتى لو م عندك خبرة م إشكال

امممممم
والله فكرة تبقي وبالمرة تملي علي البيت وقولي لي حتاخدي كم مرتب وان شاءالله م حأقصر معاك ❤

شهد نحن م بينا القروش

لا بينا وغير كدة م حأرضى ابداً لو وافقتي من بكرة تنزلي واعتبريهو دوام عديل متأكدة انك م حتقصري وحيتحسن على يدك❤

طيب تمام م عندي مشكله انك حظي والله🙈❤
والله انا الحظي ها قولي لي حتاخدي كم؟

م اشكال ي زوله المناسب بس
المناسي كم؟
اي شي

ي شهد انتي وزوقك
لا لا م تقولي كدة عشان انا م عايزة اظلمك💔
عايني انتي وزوقك ولو ظلمتيني عافيه ليك وم تناقشي في الموضوع دة كتير طيب؟✅
...........
زياااد انا اخدته كل دفاتر إيجارات الشقق من عمك المهم جيب لي كل الحجات العندك وتعال النيل منتظرك انا ،تمام؟
.............
لجين❤
اوووو منذر باشا زارتنا البركه والله
كيفك؟
تمام الحمدلله وانت؟
انا تمام وين مختفيه؟💔
اناااا مختفيه؟موجودة والله هههه!!
عارفك موجودة بس قصدي اختفيتي مني فجأة وقللتي طلتك وشبه فاصلاني؟💔
اناااااا؟هههه لا ابداً والله وافصلك ليييه؟عملته حاجه غلط انت؟؟

م عارف يمكن في زول قال ليك افصلي كل الفي حياتك وهباله البنات البتعملوها دي💔

هههههه لا معليش ابداً انا م كدة بس والله ساي💔
ساي ساي؟
ايوان ساي ساي💔
يعني م فيها لو مهتم كان عرفته؟😆💔
ههههههه فعلاً لو مهتم كان عرفته😊💔
المهم انا مشتاق ليك ي زوله وفصلتك لي دي حارة عديل 💔

ههههه بس انا م فاصلاك يخخخخ
طيب م تختفي من حياتي ممكن؟

هههههه حاضر طيب❤

............

ماهر اليوم دة جا بدري كنت مصدعه شديد بس م بينته ليهو،بعد م اتغدينا دخل الغرفه الفاضيه وفضل قاعد فيها فترة ساعه،لحقتو اول م دخلته الغرفه لقيتو فارش كميه من الورق قدامو ،قلته ليه ماهر؟؟دة شنو بتعمل في شنو انت؟وقف على حيلو قال لي دة ورق حسابات كدة عايزة حاجه؟
لا بس قلت اشوفك❤🌻قرب مني وباسني في راسي مساافه وقال لي مشتاق ليك على فكرة بسس طالع مع مهند مشوار عشان م يزهج من قعدة البيت ممكن؟؟
قلته ليه مش قلنا حاجه بتخص اهلنا م فيها ممكن؟؟قال لي بس حتكوني براك💔قلته ليهو م إشكال المهم تغير ليهو جو لأنو قعدتو في البيت كدة م في صالحو 💔طيب حبيبي ححاول منتأخر،بالفعل ساقو وطلع رغم انو كان واضح انو مرهق شديد لأنو بطلع بدري واحياناً من صلاة الفجر والله وبجي راجع متأخر💔 ،م عارفه هو قادر يقسم نفسو ويكون كل الحجات دي كيف حنين طيبان ومسؤل والله ف م عايزة ازيدها عليه الفيه مكفيه💔💔

.....................
انتظرتهم كتير بس لما اتأخرو جهزته العشاء ورسلته ليهو مسج ونمت، صحيت على صوتو وهو بصحيني،فتحته عيوني لقيتو بقول لي..

حبيبي صح النوم❤
ماهر جيتو؟
ايوان جينا عارفك تعبانه ومرهقه وم مفروض اصحيك بس برضو م مفروض تنومي جعانه او بدون عشاء يلا قومي اتعشي
اجهز ليكم العشاء؟
لأ بس تعالي عايزك،
في شنووو؟؟
تعالي بس انزلي ،نزلته معاه وهو ماسكني من يدي ،طلعنا من الغرفه مشى بي بإتجاه البلكونه،لما وصلنا فجأة حضني من ورا وقال لي وسط الدوامات دي كلها الواحد م مفروض يقصر من حاجه عدم وجودها في حياتو ممكن يقصر عمرو💔

فجأة ولع إضاءة البلكونه لقيتو خاتي تربيزة المطبخ ومعاها كرسين ومجهز عشاء كمان🙈💔والمنظر مع البلكونه وإضاءات الشارع والظلط والمباني الحواليها والسماء والنجوم المهم لكم ان تتخيلو كان رهيب كيف في الضلمه دي،اتلفته عليهو وحضنتو قلته ليهو متين حتفهم انو مافي اي تقصير حاصل منك تجاهي ولا عمري حسيت كدة ؟انا بحب احس بتقصيري تجاهك ي شهد الحاجه دي بتحببني فيك شديد وبتخليني راغب في اني اعمل قام بالضلام من الدنيا دي كلها واقضي اطول وقت معاك،❤
طيب بحبك انت متين حتبطل تبقى حلو كدة؟
حلو؟؟؟؟😕"بنبرة حادة"
طيب اسفه اسفهه😂😂😂🙈💔

ولع النور وقال لي"طيب خلينا نتعشى❤
الله جايب لي شاورما واقاشي وبيتزا؟كدة كتيييير حبيبي ليييه جايب دة كلو م جااادي طبعاً؟"كان عامل سُفره عشاء حلوة شديد وسط الحجات دي كلها صحن خاتي جبنه مُضفرة وزيتون والبيبسي البحبو وعلى جنب خاتي وردة حمراء السفرهه كلها م كان فيها غير الحجات الأنا بحبها بس ناقصها الشموع😂🙈💔"يمكن ماهر علشان حس انو حركه انو يسوق مهند يطلعو ويخليني انا في البيت حاجه ممكن تزعلني او تضايقني رغم اني م ركزت ابداً ومستحيل اركز واتحسس من حاجه زي دي💔

حبيبي اعيش واجيب ليك البتحبيه والحتحبيه دايماً وللأبد إن شاءالله وراي شنو غيرك انا ؟شهد في نص الأنا فيهو دة كلو انا بحب شي نفسي بتقول لي اعملو لي شهد ❤
حبيبي انا كفايه علي حُبك دة والله انت فاهم؟
وانا كفايه على انو انتي الماخدة قلبي ف بالتالي م تلوميني على شي حتلقيني بعملو دة م انا دة قلبي الانتي موجودة فيهو دة هو البيعمل م قلته ليك قادر يكون بخيل مع الناس كلها الا إنت؟عارف إنو انا ممكن تكون فيني كل العبر وعيوب الدنيا بسسس..
قبل م يتم كلامو قاطعتو وقلته ليه زيني!؟حتبطل متين تعاملني بحساسيه زايدة وتحس انك مقصر في حقي ؟
اقولها ليك على بلاطه علشان نحسم الجدل دة؟عيوبك لو عابها الكُل انا حأحِبها ليك خلصنا؟؟ ...❤

#إقتباسهه

*قيل له"*
*لما هي؟!*
*يا صديقي ليس هناك سبب لأن لو رحل السبب لرحلت هي ، هي فقط لانها هي...*❤🌻

#ذات_عناق(38)
"الجزء التاني"

شهد!!
مسك يدي وباس كفتها🙈
قلته ليه ماهر عاين نتفق انا م عايزة شي من الدنيا دي الا انو في الاخير نعدي كل شي ونحن مع بعض وبس❤
وبعدين تعال هنا انتو جيتو متين ومتين طلعته تربيزة المطبخ والحجات دي وعملته دة كلووو؟
يعني اسي عايزة تخربي اللحظه خلاص؟😂💔
يب عايزة اخربها علشان بكره حتطلع من الصبح وحتخلي لي الحجات دي انا ارجعها المطبخ😑😒
طيب اُكلي وقفلي غلطان انا اكلي اكلي "وشال قطعه شاورما دخلها لي في خشمي"

ماهر خلاااااص م تنكش لي شعري كدة غياااظ ثغيل لتخ بتلمو لي انت؟هل بتلمو لي انت؟ تف اصلاً انا بقيت اكره الشاورما 😒

ودي اخر مرة افكر اعمل ليك شي كرهتيه او لا انتي حره✅💔😑

طيب🙂💔

شعرك كدة احلى على فكرة😂😂😂😂💔

م تتكلم معي😒
...
بعد م خلصنا اكل ودخلنا غرفتنا خلاص..
عندي شغل مهم في اللابتوب مفروض اخلصو قبل كم يوم بس م لقيت فرصه حأخلصو حتى انوم،
طيب حبيبي عايزة اتكلم معاك في موضوع مهم ممكن؟

احكي
اممممممممم ممكن تعرف سمر على مهند؟سمر قاريه تمريض وانت قلت انو الدكتور على حسب كلامه انو مهند محتاج مرافق يكون قريب منه ومتوفر ليه كل الوقت يلا سمر اصلاً بتجيني يومي وبتقعد معي فترة طويله وم شغاله او شغاله تسويق إلكتروني،حكيت ليها عن مهند بالصدفه قالت لي ممكن اساعدو ودي واتابع حالتو معاكم لو احتجتو ودي حاجه كويسه ممكن نستفيد منها طالما بتجي يومي تقعد معي ،
بس ي شهد برضو م منطقي تتكلف بحاجه زي دي مرتب م منطقي ابداً الكلام دة ي شهد بالعقل كدة💔

حبيبي المهم هي عايزة تستفيد بمتابعه حاله مريض انا م طلبته منها

طيب بس م عارف مهند ممكن يتعامل معاها او لا💔
قلته ليهو نحاول
طيب م تعرفيهو انتي عليها وين المشكله؟
ماهر لما تعرفو عليها انت م زي لما الحاجه دي تجي مني يمكن يرفضها بس انت لا 💔
سكتت م رد علي
حبيبي بلييييز❤

طيب ححاول❤✅
......

خليته في الكنبه وشغلته والتلفزيون وقعدته اشاهد م بتزكر نمته متين بس م صحيت الا بإحساس حركه في شعري لقيتو ماهر،قلته ليه ماهر مالك ياخ؟
قال لي ماف شي بس عايز اصلح ليك رقبتك عشان نايمه غلط...
صباح اليوم التاني صحيت لقيتو ماف جمبي والصدمه كانت لما دخلته الحمام اتخلعته لما لقيت شعري معمول كعكتين 😂😂😂💔والله عاملهم احسن م انا بعملهم لا وكمان ماسكهم لي بي باندات اجتهد غايتو😂💔

طلعته برة مشيت على المطبخ لقيتو رجع التربيزة والكراسي محلها وغسل لي العدة واظن نضف المطبخ حتى طلع 💔
......
اتصلته عليه اول م فتح الخط قلته ليه بحبك🙈❤
قال لي تمام❤
قلته ليه دي شنووو تمام دي؟دي شنو نبرة الجديه البتتكلم معي بيها دي
قال لي قصدي كويس❤
ماهر انت شايل مشوار؟😂💔
اي!؟
طيب عايزة اقول ليك حاجه مهمة
قولي
قال ليك في زول عايز يمشي شارع ال60مشى شارع التلتين مرتين لو ماشي هناك اعمل كدة😂😂😂😂😂😂😂😂💔
ضحك ضحكه خفيفه وقال لي احم عايزة حاجه؟؟
قلته ليهو بحبك شديد😂😂😂🙈💔
خير يلا مع السلامه وقفل الخط في وشي💔رميت التلفون جاتني رساله رفعتو فتحته المسج لقيتو هو مرسل لي قلب احمر❤
...........
ماهر ركز معي انت في زول معين في راسك شاكي انو قتل ابوك؟
ي زياد افهمني انا عايز اصل للحقيقه بس
ماهر انا معاك طيب الحقيقه دي حتصل ليها كيف وماف ادله ممكن يتقال عليها ادله قاطعه وحتى القضيه اتقفلت قبل كم سنه يعني تقرير القتل دة هو في لكن وين الادله؟حتكون ضاعت محل م ابوك مات والعمارة زاتها اظن لي حصلت ليها الف حاله بتاعه ترميم صح ولا لأ؟

انا مقتنع تماماً انو ماف جريمة كامله ي زياد ،لا بد من وجود ثغرات
عقلي الباطن"العمارهه"؟؟!

مش العمارة حقتكم الحصلت فيها الجريمة دي اتباعت ولا الحاصل عليها شنو هي كمان؟

زياد انا موضوع العمارة دي ابداً م حصل فكرته فيه م عارف ....دقيقة

بتعمل في شنووو ؟
دقيقه بس ؟!
الوووو ؟ي عمي كيفك ان شاءالله طيب؟معاك ود الزيني،الحمدلله تمام اعفي لي ي عمي صدعته بس عندي سؤال بسيط كدة بس مهم ،
اااااا يديك العافيه عايز اسألك بس العمارة بعد وفاة ابوي اتباعت ولا لأ؟يعني اسي العمارة مملكه لزول تاني وفاتحه؟
والله ي عمي تصدق وتأمن بالله م عارف عنها شي من وفاة ابوي لغايه اللحظه؟
ههه ي عمي اعفي لي انا لو عايز امشي اسأل القراب لي وعندي ثقه فيهم م كنت لجأتهة ليك ابداً💔
اي هو حقي بس خليها بالنيه،
يعني قالو اتباعت لكن مقفله وم اتفتحت ابداً صح؟
تمام،يديك العافيه ي عمي..

قال ليك شنوو؟
ماهر،ي ماهر،ماهر بتكلم معاك انا ي زول...💔
.............
السلام عليكم
وعليكم السلام اهلين كيفك؟
تمام الحمدلله وانتي ان شاءالله بخير؟
تمام الحمدلله
ماهر طبعاً سمر خجلانه منك شديد قالت😂💔

هههه انا زي اخوك الكبير والبيت دة زي بيتكم ماف شي يخليك تخجلي

تسسلم ياخ يديك العافيه،
شهد قالت لي درستي تمريض و...الخ

والله ان شاءالله م يحصل الا كل خير م تخاف عليهو واكيد حنتفق انا وهو وان شاءالله اتوفق واقدر اساعدو ي رب ❤

ان شاءالله

طيب انا حأمشي الغرفه اخد معاه كلمتين واجيبو معي

لو بتضايق ممكن تمشي معاك هي صح ي سمر؟

لا احسن يطلعو من الغرفه وجوها ويجيبو يقعد حبتين هنا التخالط المتدرج كويس في حالتو ❤

.........
كنت مقلق من فكرة انو اخلي مهند يتعامل مع زول م بعرفو فجأة كدة ،خوفي عليهو كان موازي لخوفي على البت منو م بقدر اضمنو هو ممكن في لحظه ضيق او انفعال ممكن يعمل شنو ؟

مهند ❤امس جيت احضر معاك الفيلم لقيتك نايم ماسورتك عينه ودة م كان اتفاقنا ي استاذ
انت إتأخرته وانا استنيتك💔
دة كلام زعل؟
لا
كدة جيب التلفون دة ياخ انت م بتفتر؟
قوم تعال معي
وين؟
اطلع من الغرفه دي ساي قبل يومين م اتفقنا على كدة ي معلم؟
لا كدة احسن لي
م احسن ولا شي كدة تعال بس اسمع الكلام ياخ انا جاي بدري عشان ناخد لينا قعدة مع بعض ارح
طيب دقيقه عندي حاجه في...
خليك من التلفون ارح
خلاص انا بلحقك

بعد "10 دقايق" بالظبط ماهر جا طالع قال لينا_"جاي"
بقينا كلنا نعاين لبعض
لما اتأخر ماهر نده عليه "مهند،يا مهند"
حتى فجأة جا طالع من الغرفه ،وقف لما شافنا كلنا قاعدين،ماهر قال ليه تعال تعال ي باشا❤

بعد وقفه طويله وتردد في خطواته حتى اتحرك وجا علينا،لما وصل ماهر قال ليهو اعرفك دي سمر صحبه شهد واهلها جيرانا في الطابق ،سمر وقفت قالت ليهو اهلين كيفك ومدت ليهو يدها،
الصدمه كانت انو خته يدو في صدرو وقال ليها وعليكم السلام❤

عن كميه الإحراج الحست بيهو البت في اللحظه دي💔 كلنا أُحرجنا طبعاً وبقينا نعاين لبعض ،قعدت وهو قعد جمب ماهر ،
ماهر بدأ يفتح مواضيع ونسه وهو ساكت مرة مرة يرد وسمر تشيل وتاخد وتدي مع ماهر وهكذا...

........

واااااي ي شهد طبعاً امس على قدر م كنت خايفه على قدر م اتماسكت ولما احرجني م سلم علي كنت حبكي لأني قبل كدة حصل معي نفس الموقف بكيت لانو بايخ😂💔
اي الموقف حار والله لما يحصل قدام ناس😂💔لكن م تخافي هو خلا العنف بتاعه داك نسبه لي انو...
نسبه لي انو شنو؟
ماف شي خلاص المهم م تخافي ي ستي❤
لكن اقول ليك حاجه مبالغه قطعه من اخوه ماهر فوله واتقسمت النصين مع اختلاف العمر وماهر لونو اغمق شويه من دة بس وكمان مهند عندو حبه شيب في راسو دي الحجات البقدرو يفرزوهم بيها اظن غير كدة شبه خُرافي مبالغه مبالغه😂💔

هههه اي بتشابهو والله😂💔
عايني انا حأجهز معاك الفطور وحأخدو ليهو تمام؟علشان بس نبدأ على طول وهو يبدأ يتعود
طيب حلو❤
جايبه معي دفتر علشان كل يوم اكتب ملخص يومياتي معاهو حأسميهو"فيرست بيشن"بديت اكتب من موقف امس طبعاً😍✅

ههههههه مجنونه😂💔
المهم يلا يلا نجهز الفطور سريع علشان انا زوله عمليه وبحب اقوم بشغلي على اكمل وجه يلاااا😌

.......
احم احم هاي اعرفكم انا "سمر"بتعرفوني قبل كدة م محتاجين اعرفكم على نفسي،بس بما اني بقى عندي دور في حياة شهد وماهر يبقى لازم في بعض الحجات احكيها ليكم بلساني ،مهند اول مريض يمكن اتعامل معاه بس انا من زمان بحب النوع دة من الشغل بحس فكرتو حلوة ومريحه نوعاً ما واتمنى تجربتي مع مهند تكون فريدة من نوعها واقدر اساعدو ،
جهزته الفطور مع شهد ولما جات مواعيد ادويتو ..
شهد انا حأمشي
طيب بس لو عمل ليك اي شي اندهي لي طيب؟
ههه ي بت ي هبله م حيحصل شي يلا
شلته الفطور ومشيت على غرفتو دقيت الباب بعد مسااافه حتى فتح لي الباب هو اتفاجأ بالوش الواقف قدامو دة وانا دخلتني خوفه من الخلقه الطويله الوشها صارم ومن الضيق حواجبها داخله في بعض الواقفه قدامي دي
بلعته ريقي وقلته ليه ص صباح الخير؟!
فضل واقف وساكت
شهد عيانه حبتين وماهر اخوك في الشغل علشان كدة جهزته ليك الفطور لغايه م شهد تبقى كويسه
دخل وهو ساكت
دخلته وراه ختيت ليه الأكل على جنب وقلته ليه اتفضل،
مسك تلفونو وقعد في السرير
مشيت على طول شلته التلفون من يدو وقلته ليه من الإحترام إنو لما الزول يتكلم معانا نسمع ليه هو بيقول في شنو ونرد عليه صح ولا كلامي م غلط؟
بقى يعاين لي من سكات
اتحركته من جمبو خوفه بس ومشيت على ناحيه تربيزه الادويه حقتو وقلته ليه... اممممممممم عندناااااا اهااااااا "ﺮﻳﺴﻴﺒﻴﺮﻳﺪﻭﻥ" بتاخدو كل كم ساعه؟
اتلفته عليه وانا ماسكه الدواء في يدي على امل انو يجاوبني بس فضل ساكت قلته ليه المهم ي سيدي افطر علشان تاخد الدواء...

..........

ي ماهر تخيل مهند اتعامل مع سمر عادي وم اتعانف معاها كذااا؟؟
بالله؟طيب دي حاجه كويسه

م كويسه بس كويسه شديد م بتتخيل كنت خايفه كيف خوف م طبيعي ومجهزة تلفوني جمبي قلت لو حصل كذا او كذا اتصل عليك بس الحمدلله،سمر قالت لي الهدؤ الهو فيهو دة من الدواء مضاد الاكتئاب البياخدو يلا قالت لي لو استمر في التجاوب دة العلاج م حيستصعب ،واقترحت علي انها تمشي معاه المقابله عشان تتعامل مع الدكتور بشكل مباشر وتعرف التوجيهات الحيقولها ليها..
طيب تمام م عندي مشكله المقابله الجايه نمشي مع بعض ،
تمام
...............
كل الاسماء الموجودة في الدفاتر دي البهمني منها ولو اسم واحد ممكن اعرفو

الساعه 12 مس

اء...
صحيت على صوت المنبه ،نزلته من السرير وطلعته على الغرفه القافل عليها كل الأوراق الاخدتها من عمك،غلى حسب انو الورق كتير ف فكرة انو اطلع لي بي اسم مستأجر واحد بس انا بعرفو كانت صعبه شديد،وانا في موال التفتيش دة فجأة باب الغرفه فتح اتلفته لقيتها شهد
حبيبي بتعمل في شنوو؟ودة شنو الورق دة؟
ماف شي
لا في ي ماهر دي المرة التانيه اللقاك في الغرفه دي ومع الورق ده
تعالي طيب احكي ليك
الورق دة....
استمر الموال دة كتير وشهد بقت تساعدني وكل يوم بنساهر مع بعض ونحن بنقلب ونتنتج،وبعد مرور شهر ..
حبيبي؟!
اي شهد
عاين الارتكب الجريمه دة غالباٌ هو أجر شقه في العمارة بس علشان يرتكبها،يبقى هو مستأجر مؤقت واكيد لو هو مخطط وم هجوم حراميه ساي معناها هو حاسب حسابو وضابط مواعيدو مع مواعيد ابوك الله يرحمه بالضبط ،المعنى هنا إنو نحن حنغض نظر عن المستأجرين القدام وحنشوف اقرب ناس أجرو في العمارة طيب؟
جيب ورقه ،انا كمان كنت بفكر كدة حتى طلعته قائمة بأسماء اخر 5مستأجرين في العمارة ودي القائمة ملصقها على ورقه في الحيطه،

امممممم كدة دقيقه اشوفهم ،نزلته معاهم تاريخ استئجارهم ؟
اي

امممم طيب م عرفته اي شي عن المستأجرين ديل كلهم أُسر؟
م عارف ودي حاجه مستحيل تتعرف 💔

.........
طيب ي دكتور ممكن تشرح لي انا ك زوله شبه عايزة اكون مرافق لمريض توحد ومعالج شخصي المفروض اعمل شنو بالذات في حاله مهتد وكدة💔

طيب ي بتي حاله مهند م بالخطورة الشديدة ديك واسي هو شبه في تحسن ف في علاج التوحد بروتوكولات العلاج فيها كذا نوع يعني مثلاً عندك"علاج السلوك المنطقي،عندك علاج المطق دة في حال انو المريض عندو مشاكل في النطق،عندنا العلاج الوظيفي،واهم شي تحليل السلوك التطبيقي"
كل خطوة مهمة والحاجه دي بتتمرحل نقطه نقطه و...الخ

مهند انت بتحضر شنو في اليوتيوب كل الوقت كدة؟
رفع عينو وعاين لي
م تسفهني حزينه منك على فكره💔
م تدخلي في حجات م بتخصك✅✅

طيب ليه م قلته لي عندك فيسبوك؟
اسفهه خلاص م تعاين لي كدة المهم عملته شاي وعملته ليك معاي معاه فول سوداني ماف اظبط من كدة😌✅❤
على فكرة انا اساساً م بحب اتدخل في خصوصيات غيري بس انا معتبراك فردتي علشان كدة بسألك 🙂
يعني شنو فردتك؟
يعني صحبي😊
لأ✅
طيب شكراً🙂

.......

بعد اسبوع ..

امممممممم ماهر كدة الدفتر دة ثواني دة مش الفيهو اسماء اخر المستأجرين؟
دة شنو الوقع دة؟؟؟
شنووو؟
اهاااا دة رقم وطني جا في نص دفاتر عمك دي بالغلط💔
يعني تبع المستأجرين؟
والله م عارف ي شهد م ركزته ،دقيقه طيب اشوف اسمو
امممممممممممممممممم ، ماهر الزول دة اسمو م غريب علي،زي الشوفتو قبل كدة
ههههه شوفتيهو وين؟؟
والله م غريب علي دقيقه اتذكر
دقيقه ي ماهر
قمت على حيلي ماااهر عاين دهه
زي اسم واحد من الفي القائمة المعلقها انت على الحيطه دي تقريباً،
بالجد؟
عاين دة اسمو عثمان العِبيد جادالله
نفس الاسم الفي القائمة عاين،

معناها كان واحد ضمن المستأجرين ي شهد
طيب اذا اتفقنا انو كان واحد ضمن المستأجرين ي ماهر السبب شنو البخليه يخلي الرقم الوطني بتاعو !؟الشي المعروف انو الزول العايز يأجر بجيب رقمو الوطني لبتاع العقار وقتي ك إثبات وبياخدو ،ودة الرقم الوطني بتاعه قنعان منو يعني ولا شنووو؟؟
ماهر فضل ساكت وبعاين لي
........
ي طه،حبيبي والله مساء الخير،اي رسلته ليك الصورة في الواتسب،تمام عز اخوك عليك الله وتكون م قصرته وخدمتني،اااابشر عارفك م بتقصر حبيبي والله يديك العافيه❤
........
عمي سلامات ياخ
اهلاً اهلاً ي ولدي
معليش كترنا عليك الطله اعفي لينا💔
ي ولدي عيب حبابك الف الحوش دة ان م شالك الراس دة بشيلك
تسلم تسلم ي عمي حكيت ليك بخصوص الرقم الوطني اللقيناه مع الدفاتر الاخدناها
اي صح ي ولدي كدة وينو ان شاءالله جبتو معاك؟طبعاً ي ولدي نحن بنتعامل مع الف مؤجر والف عمارة عشان كدة الواحد زاكرتو مااا على قدر كدة لكن كدة اشوفو لو جبتو

اي ياهو معي اتفضل
اخد مني الرقم الوطني وبقى يعاين فيه وانا مراغب ملامحو وتركيزي كلو معاهوومنتظرو يفتح خشمو ...

اي اي ياخ بتزكرو الزول دة جاني أجر وقال لي هو متزوج قلته ليه جيب قسيمه عشان دي قوانين ابوك الله يرحمه،بتزكر الزول دة جاب الرقم الوطني لما رفضته وقلته ليه الا بي قسيمه قال لي انا مستعجل لأنو جايب مرتي عندها سرطان حمانا الله وكان مصر ومحتاج للشقه شدييد زول مسكين كدة قال م عندهم اهل هنا جاي من البلد بتزكرو بتزكرو ياخ لأنو موقفو كان مؤثر شديد حتى واداني الرقم الوطني ك امنيه

واجرته ليه ي عمي؟
أي اجرته ليه،
وشقتو كانت واقعه وين ي عمي؟
في الطابق التاني عشان قال يشوفو ليه اقرب واحدة عشان مرتو م بتقدر تطلع السلالم وكدة
وابوي؟
ابوك مالو؟
كان في اي طابق؟؟
ابوك برضو شقتو على ما اظن كانت في نفس الطابق
طيب ي عمي الزول دة رحل يعني وجاب مرتو واثاثو وكدة؟شوفتو؟

والله ي ولدي م بتزكر لكن هو أجر وسلمتو المفتاح واي شي بس اها بعداك حصل الحصل لي ابوك وم

نها وتاني العمارة اتقفلت ،
....
الو ي طه اسمعنى سيد الرقم الوطني دة بأي طريقه كانت اعرفو لي هو منو وساكن وين،عليك الله اجتهد لي في المفوضوع دة شديد شديد بأي طريقه ي طه،بأي طريقه،
......
اي ي زياد،تمام الحمدلله،جبت الحجات القلته ليك عليهم؟
م تكتر ياخ جبتهم ولا لأ؟
خلاص تمام ايوة حأفتح العمارة ي زياد وحادخل شقه ابوي م بنتظر قانون انا ولا محتاج إذن قانون لحاجه زي دي ركوب راس ساي انا فضولي بقى اكبر ف م تناقشني ...💔

تحتجب الكاتب شهد عبدالله عن كتابه حلقه اليوم
نسبه لظروف خاصة

غدا ان شاء الله الحلقه 39