بجي راجعه اسي،مشيت لما وصلته بالفعل الباب كان مقفول، وزي م قال لي عزو لو لقيتيه مقفول لزيهو وادخلي لزيتو وقبل م ادخل كانت الصدمه،ماهر والبت راقدة في رجولو وبشرب في الشيشه والدخان وريحه البخور مالين الغرفه واغاني ومنظر مقرف...💔

#إقتباسهه

رغما قساوة اسلوبه الذي يصيبني بتوتر انا ارى
خلف كل ذلك انسان انتمي واميل اليه ، اصبح
قريب مني بقدر بذلك الحد البعيد الذي تتركه بيننا كنقطه رجوع لا ألم فيها ولا فقد،لكنني تربعت داخلك بقدر لا تستطيع تحجيمي ولا تهميشي

#ذات_عناق_14

اتصلبتهه لحظتها في مكاني م حسيت بالواقعيهه ابداً ولا حتى شفت ردة فعلهم وهم شايفني وانا واقفه قدامهم كدة بعد لحظه ما رجعته خطوة ورا وخطوتين واربعه و10 لغااايه لقيت نفسي ماشه وشبه مهرولهه بعد مسافهه وقفتهه استعدته توازني واستوعبه حقيقة الشفتو فضلته واقفه وانا بتلفت عايزة اشوف اذا ماهر جاي وراي او لا ف م لقيت شي فضلته ماشه خطوة خطوة وانا لسسسه في حاله بتاعه خدر كدة لغايه م سمعته صوت بقول لي شهد،شهد،ياااا شهد،اتلفته مخلوعه لقيتو عزو قال لي وصلتي تلفونك؟فضلته ساكته بعاين ليه بحاول انطق وارد ليه بس حاسه بلساني تقيل،بعد مسافه قلته ليه لا خليتو تلفوني فتح وعامل 1℅حيوصلني البيت،قال لي طيب امشي ختيهو في الباور انا شلته تلفوني،قلته ليهو طيب،مشيت على اتجاه ناس ولاء قالت لي شهد وصلتي تلفونك؟قلته ليها خليتو،قالت لي مالك؟قلته ليها ماف شي بس تلفوني فتحتو عمل 1℅بوصلني البيت اساساً بعد كدة طالعهه،قالت لي طالعهه؟طالعهه ويييين؟قلته ليها راجعه البيت بعد كدة،بقت تعاين لي بإستغراب وقالت لي البييييييييت؟؟؟
قلته ليها عندك تطبيق ترحال في تلفونك؟علشان م بقدر افتح الشبكه في تلفوني ممكن تطلبيهو لي؟قالت لي شهد انتي جادة؟وبقو يعاينو لبعض،قلته ليها ايوة جادة،قالت لي مالك ي بت انتظري م حنتأخر اصلاً م حنتأخر بس ي دوب القعدة حتحلى والغداء والبرنامج،قلته ليها لا والله صعبه خصوصاً انو م كلمته ناس البيت ،قالت لي انتي م شافعه واذا يعني قولي ليهم تبع الشركه اسي م كنتي كويسه الجاك شنو؟اتلفته منها وقلته ليهم في زول معاه تطبيق ترحال يطلب لي ؟
كمال قال لي ي زولهه؟رهف قالت لي دي نفسنه منك،ضحكتهه ضحكه باهته وشفته عزو جاي من بعيد ناديت عليه ي عزو عزو،قال لي نعم؟قلته ليهو تعال تعال،لما وصلني قلته ليهو عندك تطبيق ترحال؟قال لي اي ،قلته ليهو كدة تلفونك طيب،قال لي مالك؟قلته ليهو كدة بس،اداني ليهو فتحته التطبيق على طول وبقيت ابحث بعد مسافه لقيت استجابه للطلب ،
ولاء قالت ليهو م كان تديها قالت ماشه تخيل؟قال ليها ماشه وين؟قالت ليهو راجعه البيت!؟بقى يعاين لي قال لي نفيسهه مالك؟فجأة جات مكالمه في تلفون عزو رديت كان بتاع الترحال قال لي وصفي لي وين انتو بالظبط،قلته ليهو عزو هاك وصف ليهو ،بقو يكوركو فيهو ويقولو ليه لا م توصف كنصل المكالمه والغي الطلب قلته ليهو عزو وصف للزول لو سمحت م تركز،وصف ليهو وقفل ،شلته شنطتي وبقيت اصلح في طرحتي ،ولاء قالت لي م بقدر عليك غير ماهر بالمناسبه ماهر وين؟كمال قال ليهم بالجد ماهر وين؟عزو ضحك قال ليهم ماهر غانج وم فاضي ليكم ي سادة😹😹😹😹😹😹💔مصطفى قال ليهم يخخخ هو ماهر دهه السنهه كُلها غانج ومجخنن لعاااااب وسيد الشي كمان😹😁💔وبقو يطعمجو فيهو كلهم،رهف قالت ليهم سجلته القلتوهو بالكربون وحيوصلو🙆😹😁عزو قال ليها الشهر دة كلنا عندنا خصومات مرتب معناها😹😂💔فجاة تلفون عزو رجع ضرب كان بتاع الترحال قال ليهو انا واقف برة ،عزو قال ليهو تمام طيب جاين عليك،ولاء قالت لي شهد بالجد حتمشي من غير م تكلمي ماهر حتى؟قلته ليهو لو جا بس كلموهو اني طلعته م حنك يلا نتلاقى يوم الأحد انبسطو❤❤اتلفته ماشه فجأة اشوف ماهر جاي ومعاهو البت بتاعتو،م بقدر اتخيل ملامح وشي وانا مشمئزة منهم كيف،عزو على طول قال ليهم والله ي ماهر بتعرف تختار ناسك غايتو، كمال قال ليهو خبرة في اختيار المكنات😹😂قال ليهو وبعرف بدردق كمان احييييييييييييي بس منك ي ود الزيني،انا طبعاً مغمضهه عيوني واعصابي حاساها تلفت شويه كدة ودموعي حتجي جاريه من الغيظ،ولاء قالت ليها رهف سجلي سجلي في ناس الشهر دة ماف ليهم مرتبات عديل😹ماهر من بعيد بعاين لي لغايه م وصلونا،عزو قال ليهو غنجاتك ي باشا الاداك بالكوريك يدينا بالملعقهه😹❤💔عاين ليهو سكت البت قالت ليهو شبابز ازيكو،ولاء قالت ليها والله زي م شايفه كنا كويسين لغايه قبل اللحظهه دي،وقالت لي ماهر ي مستر شوف شهد قالت ماشه فجاة،بقى يعاين لي بعد مسافه قال لي ماشه وين؟قلته ليهو ماشه البيت،قال لي لييييهه مالك؟
واااو بسالني ليه مالك؟بكل البرود الفي الدنيا بسألني مالك؟م عارف انو انا شدة م قرفانه منو نفسي ارجع في وشو
قلته ليهو ماف شي اصلاً انا م كنت عارفه بموضوع الرحله وناس بيتنا م عندهم سابق علم وتلفوني قفل وحيقلقو ف لازم امشي اسي،قال لي التلفون المقفول بتشحن، عاينتهه لي وشو وملامح وشو مساافهه وقلته ليهو لا انا ماشه،رهف قالت ليهو كلمناها بس ركبت راس وطلبت ترحال حتى جا واقف ومنتظرها برة،بقى يعاين لي وهو ساكت،بتاع العربيه ضرب بوري البت فجأة نطت وقالت لي عايني مستعجله مالك انتي؟انتظرينا نطلع كلنا مع بعض زي م جينا مع بعض وم تخافي حنوصلك لغايه البيت وممكن ندخل لناس البيت نوريهم الحصل،

هنا انا شواطين الدنيا اتجمعت كلها في راسي من كلامها ومن صوتها النايص البحرق الاعصاب،تخيلو بتقول لي انا "نوصلك"يعني دي بتتكلم معي انا كدة؟
عضيت اسناني مسااافه حتى اتلفته عليها وقلته ليه

ا لا معليش شكراً وبعدين ماهر ي دوب حيكون عندو حيل يوصلك انتي ف ماف داعي..
عموماً ي شباب رحله سعيدة ومع السلامه لي يوم الاحد نتلاقى ان شاءالله،اتحركته وم عاينته وراي ابداً،لما وصلته العربيهه سمعته صوت ماهر بقول لي شهد؟¡فتحته باب العربيه واتلفته عليهو،لما وصلني اظن م عرف يقول شنو قال لي لما تصلي كلميني طيب؟
تخيلو؟بكل بساطه وبرود الدنيا قال لي كدة،طبعاً طبعاً عايز الجو يخلى ليهو ويكمل الفارغه البداها ف شي طبيعي يقول لي كدة،وانا في اللحظه دي اوجعته اكتر ،ركبته العربيه وقفلته الباب طاخ بتاع العربيه قال لي اتحرك؟قلته ليهو ايوة،
بعدها دموعي جات جاريه عشرة عشرة ،وبقيت اقول لنفسي انا لييييهه م بعرف الا الاولاد التافهين؟يعني الاولاد ديل كلهم زباله كدة؟فضلته ابكي لغااايه م وصلته البيت،م لقيت زول في وشي دخلته غرفتي وجدعته حجاتي كلةحاجه في مكان واترزعته في السرير وبقيت ابكي من البكى لغاااايه م نمته مكاني جاتني صحيه نزلته من السرير دخلته الحمام غسلته وشي وجيت طالعه سامعه صوت ماما وبابا في المطبخ مشيت عليهم لقيت بابا بيطبخ وماما بتساعد فيييهه وقفته وسرحتهه فيهم مسااافهه "يعني بجد ي بخت اللي عندها راجل زي بابا،وحنييهه بابا ولطافهه بابا وربع رجولهه بابا بس،"...
قلته ليهو احم مساء الخير!!!ماما قالت لي صحيتي؟جيتي متين انتي؟قلته ليها قبيل،بابا اتلفت علي وهو ماسك السكين قال لي في افتحي التلاجهه في عصير جاهز اشربيهو شوفي وشك دة بقى شاحب كيف،قلته ليهو بتعمل في شنو انت؟قال لي انتي مالك عندك شك في قدراتي ؟قلتهه ليهو لا هههه،فتحته التلاجه شلته العصير وطلعته ماما قالت لي تعالي اقعدي ماشه وين؟قلته ليها ماششه غرفتي ،دخلته غرفتي وصلته تلفوني في الشحن وفتحتو وفتحته الشبكه لقيت مسجات من لُجين،رسلته ليها ملصق الدموع داك،وهي كانت اون لاين،قالت لي مالك؟؟؟🙄 قلته ليها م شوفتي الحصل الليله ي لولو😭💔قالت لي ماهر عمل شنو كمان تاني😐قلتهه ليها دقيقهه اضرب ليك،اتصلته عليها قالت لي مالك إن شاءالله خير؟ماهر صح؟اكيد ماهر إلهي ماهر دة تجيهو الطاويه حبالا تفرتقو 😐💔قلته ليها اليوم اتصل علي وقال ...الخ
قالت لي الليلهه ووووب شوفتيهو بالمنظر دة عديل؟
قعدتهه ابكي قلته ليها اتخيلي بس انا بجد مصدومه فيهو يعني ماهر اللي لما اسكيرتي يترفع وانا قاعدة بقول لي نزلي اسكيرتيك ولما طرحتي تكون م مصلحه بقول لي صلحي طرحتك اللقاهو بعمل كدة😭💔قالت لي مولانا الذي غشانا💔فضلته ببكي قالت لي طيب اسي انتي بتبكي مالك م فهمت برضو ي شهد؟يعني ماهر ولد ومعظم الاولاد ديل بحصل منهم كدة وصانعين المجد واقعياً يعني ماف شي جديد يعني انتي فاكرة انو ماهر صحبك دة ملاك؟لا طبعاً اكيد م ملاك زيو زي اي بشر بلبي نداء الطبيعهه بس كل الحكايه انو معاك انتي شخصيه ومع حبيبتو شخصيه ودة شي بسيط و طبيعي يعني انتي مصدومه من شنو كدة اشرحي لي حبيبتي؟
قلته ليها انتي م شوفتيها هي اتكلمت معي كيف😭ولا شوفتيهو هو عاملني ببرود كيف😭💔قالت لي م انتي ي شهد لكن ردة فعلك في حد زاتها غلط يعني انا لو مكان ماهر حأيقيف لي الف سؤال يعني لييييهه انتي اتحسستي؟وليييييهه رجعتي؟في شنو؟هو زاتو حيكون مصدوم تصرفك غبي شديد عادي كنتي تتشايلي الموضوع يعني ضروري تبيني انك غيرتي وشعللتي؟؟قلته ليها اغييير؟اغير من شنو...قاطعتني وقالت لي شهد انتي ماهر دة صحبك ولا حاجه تانيه بالنسبه ليك؟كدة اقعدي مع نفسك براحه وافهمي مالك لانو كل تصرفاتك الاخيرة دي م بتدل على انو صحبك بس ابداً،قلته ليها قصدك شنو يعني؟قالت لي قصدي واضح ي شهد انتي بتحبيهو ف شنو بطلي تغشي على نفسك وتعملي لينا هيديك بي مصطلح صحبي دهه...قفلته الخط في وشها رجعت اتصلت علي م رديت تاني رجعت اتصلت برضو م رديت...

عدت الجمعه والسبت ويوم الاحد مشيت الشغل
في اخطاء كبيرة بنعملها ونحن في حاله صراع في تقبل الحقيقهه واكبر غلطه عملتها هي اني عاندتهه وفي الوقت المفروض اخلي تكون في مساحه بيني وبين ماهر واشتري دماغي وابعد اخترت قُربو ودة الفاقم الموضوع اكتر ..

لما وصلته الشركه ولقيتو خلال اليوم اتعاملته معاه عادي يعني كأنو يوم الحصل يوم الخميس داك م حصل،وعلى الأساس دة هو اتصرف...

البت اسمها نانا هي م شغاله في الشركه بس هو فتح وكاله وتقريباً ممسكها ادارتها حسب كلام ولاء م عارفه اذا صخ او خطأ،والغريبه انو هي يوم واليوم التاني بتجي الشركه ،وطبعاً م بقدر انكر انو جيتها للشركه بتوقف الشركه كلها برجل واحدة فما بالكم ماهر!؟حرفياً انا الموضوع دة بقى كابس على نفسي للأخر يعني الوضع البقيت واصله ليهو انا لو مرت ماهر م هتوصل ليهو،حتى بقيت اراجع في نفسي في شكلي في لبسي وانا اللي عمري م كنت بقيف قدام المرايه اكتر من دقيقتين بقيت اقيف قدام المرايه واعاين لنفسي بالساعات،كنت بلبس اللبسه وبطلع بقيت لو لبستها وحومته بيها مرايات البيت كلها م بطلع،دة غير المكياج بقيت اميل للأرواج الشاين والعطر بقيت اعملهه مضاعف ..

دة كلو لشنوووو؟
حتى انا بسأل نفسي السؤال دة مليون مرة في اليوم وم بلقى ليه إجابه بس كل العارفاه انو وجود البت دي جمب ماهر مضايقني جداً 💔حتى ماهر بقى تعاملو معي باهت وبقينا م بنتكلم كتير لا شات ولا مكالمات واغلب الأحيان انا البتصل💔في يوم وانا في مكتبي جاتني ولاء تتطنطن،قلته ليها مالك؟قالت لي شهد عليك الله هاك في تربيزة مكتبي في حجات دخليها لي ماهر في مكتبو انا دايرة اصلي بدون ذنوب م ناقصه انا،قلته ليها مالك؟قالت لي دايرة اصلي عليك الله استعجلي لانو في قهوة حتبرد قبل م اتفاهم معاها فرشت مصلايتها واقامت الصلاة،قمت على حيلي طلعته من مكتبي ومشيت على المكتب الكبير فتحته الباب لقيت قهوة وجمبها بيبسي وشوكلاته تويكس ومويه صحه في صينيه،قلته لنفسي ماهر حاسي بشنووو؟شلته الحجات ودخلته على طول وللمرة التانيه كانت الصدمه انو البت قاعدة لي ماهر في درج المكتب بتاعو وبضحكو بي اعلى صوت،الحكايه بقت م غريبه علي طبعاً بقى دة العادي المبتذل بتاع ماهر،والاعجب انها لما شافتني م غيرت قعدتها ولا حتى اتحركت وماهر احسن شويه انو عدل قعدتو،ماهر قال لي ولاء وين خلتك تجيبيهم انتي؟قلته ليهو بتصلي،قالت لي عملوك ويترز يعني ههههههههههههههههه وقعدت تضحك ،قلته ليها شبه كدة،قالت لي لا حاشاك والله وبعدين الويترز عندهم اوتوكيت شويهه يعني مثلاً الواحد لما يجي داخل مكان بدق الباب بعد م يأذنو ليييه بالدخول حتى بدخل م بشتغلو بي همجيهه كدهه كانهم داخلين زريبهه ،ماهر عاين ليها بخلعهه من ردها،
طبعاً م انا اصلاً متسبله وهي فتحت لي السكهه ختيت الصينيه في الدرج وقلته ليها والله الزول لما يتكلم عن الهمجيهه مفروض يعاين لنفسو مرتين وتلاتهه واربعهه يعني مثلاً م ممكن تجي في مكان م ليهو علاقه بشغلك وتكوني قاعدة القعدة دي وتتكلمي عن الهمجيهه اوكيييهه؟على الاقل احترمي المكان الانتي فيهو علشان حتى لو في ويترز يقدر يحترمك وكونو انا دخلته من غير م ادق الباب دة من كميه الحجات الانتو طالبنها في الصينييهه،جريت الصينيه ورميتها في الأرض قلته ليها خلي المدير يجيب ليك ويترز يعرفو يدقو الباب ويناولوك طلباتك بالطريقهه البتليق بيك اضافه لي كدة على الاقل الويترز الانتي بتتكلمي عنهم ديل شغالين شغلهم المفروض عليهم يعني م بخلو شغلو في وادي وبجو بترقد للمدير في وادي تاني تمام؟...
طلعته من المكتب وانا م شايفه قدامي ابداً لاقيت ولاء قالت لي شهد اتجنبتها وطلعته وانا عيوني ملانه دموع دخلاه مكتبي بديت الم في حجاتي جا ماهر داخل وقفل الباب وراهو،قال لي ماشه وين؟فضلته ساكته وانا ببكي وبلم في حجاتي،قال لي شهد انا بتكلم معاك؟لميت حجاتي جيت طالعه مسكني من يدي لزيتو وقلته ليهو م تمسكني تمام امشي للمتاحهه حقتك ديك ،قال لي بصوت حاد مالك اسي انتي في شنو؟
قلته ليهو بتسالني السؤال دة انا؟اسال نفسك تمام ،
اساساً انت فجاة اتغيرته واتلونتهه،فجأة بقيت تتعامل معي على اساس اني كنت فترة في حياتك وخلاص جات محلها واحدة جديدة ،لو عايزني اخلي الشغل علشان خاطر حضرة سيادتها في طريقه اللطف من كدة ممكن اخليهو بيها ع فكرة بس م بالطريقهه الرخيصهه دي وانا الحيوانه بتاعتك دي اكتفيت من حركاتها سواء في المطبخ او في الفطور او حتى في قعداتنا مع بعض كل الوقت بتحاول تضايقني كأني شوكه قاعدة في حلقها وحركتها اليوم اخر م اتوصلت ليهو فاكرة انو انا حأسكت ليها لمجرد انو انت قاعد قدامها م عارفه انو انا كبيري الله،حفاظاً للعشرة البينا ي ماهر انا م مسحته بكرامه ابو اهلها الأرض بس انت كمان حاول شد حيلك شويه م تخلي مره تبقيك باطل علشان الزي دي بخسروك الحواليك ونفسك وم بدومو ليك تمام ؟يلا العفو والعافيهه...

طلعته وانا ببكي بحرقه وجد م شايفه قدامي لدرجه انو م عارفه انا ركبته شنو الا بعد م قطعنا نص المسافه حتى انتهبتهه اني راكبه امجاد💔وصلته البيت اول م دخلته لقيت منذر في وشي وشي مورم طبعاً قال لي جايه بدري مالك؟عاين لي مسافه في وشي قلته ليهو ماف شي،دخلته غرفتي وقعدته ابكي جا داخل وراي قال لي هيييي بتبكي مالك؟قلته ليهوو ماف شي قلته ليك،طلع خلاني بعد ساعه بالظبط ماما جات البيت قبل م تغير ملابسها جاتني في الغرفه لقتني قاعدة ماسكه تلفوني وبرضو ببكي،كنت بقرا في محادثاتنا الزمان انا وماهر،بقرا وببكي،ماما قالت لي شهد؟في شنو ي بت مالك الليله؟زدته في البكاء،رمت شنطتها بالجمبه وقالت لي خير مالك؟وبقت تستجوب فيني وانا ببكي وكل شويه بنهار،قالت لي اتشاكلتي مع زول في الشركه؟اها اتشاكلتي مع ماهر؟قلته ليها م تجيبي لي لا سيرة الشركه ولا سيرة ماهر من يوم الليلهه تمام؟
قالت لي بسم الله ي بتي الجاكم شنووو؟
قلته ليها بسسس كدة!؟
قالت لي طيب تمام،انتظرته بابا بالليل لمن جا غسلته وشي بمويه تلج ومشيت قعدته معاه،قلته ليهو ي بابا،قال لي ايوة،قلته ليهو انا مسافرة الإمارات لناس حبوبه،
ماما قالت لي الإمارات؟
بابا قال لي مش قلتي منتظرة امك تسافرو مع بعض؟
قلته ليهو اجازتي

قربت تخلص وماما لسه طلابها م امتحنو وانا طولته م مشيت ناس حبوبه ف عايزة امشي..
ماما بقت تعاين لي وهي ساكته
بابا قال لي والشغل؟قلته ليهو خليتو،قال لي خليتيه؟قلته ليهو ايوة
قال لي طيب نتناقش في الموضوع دة بكرة،
قلته ليهو لا أكد لي اسي حتخليني اسافر ولا لأ؟
قال لي تسافري براك؟قلته ليهو اي انتو كدة كدة حاقدموني للمطار وهناك هخلي خالي يستقبلني
قال لي والله ي بتي دة موال جديد كمان
قلته ليهو حتخليني اسافر؟
قال لي تمام طيب إن شاءالله ربنا يسهل،رجعته غرفتي ماما جات لاحقاني قالت لي ي بت انتي مالك في شنو؟حصل شنو بينك وبين ماهر مالكم؟والله اتصل ليهو اسألو اتكلمي،قلته ليها ماف شي لو عايزة تتصلي اتصلي،

صباح اليوم التاني صحيت بدري لميت ملابسي دخلتهم الغساله غسلهم وطلعته شنطتي نضفتها وكويت ملابسي ورتبتهم في الشنطه وكل احتياجاتي رتبتهم بالليل لما بابا جا كلمتو اني جهزته نفسي مفروض يحجز لي التزكرة،هو متعجب في امري بس هو واعدني وبابا عندو عادة م برجع في كلمه اداك ليها ابداً،

...
الأصعب من مواجه حاجه انت بتمر بيها هو هروبك منها،شخصياً تعبته جداً حتى سفرتي للإمارات م فادتني بي شي بالعكس وضعي بقى اسوأ اكتشفته اني متعلقه بماهر لأبعد الحدود لدرجه انو انا كل الوقت بفكر فيهو بفتح الشات بقول عايزة امسح الدردشات م بينا برجع اقول لا م بقدر وارجع اقراها من اول وجديد،برجع بفتح الصور وبكون في قمه سعادتي وانا براجع كل لحظه قضيناها مع بعض،احياناً كتيرة ببكي وانا بستنجد بي لجين وطيف بتصل عليهم ڤيديو وبقعد ابكي،الأسوا من كدة انو انقطع التواصل بيني وبينو نهائياً م فكر حتى يفتكرني ولا بي رساله حتى ف بالتالي اثبت لي قدر شنو كان بايع وانو هو بالفعل فضلها علي وانو انا بالجد كنت مجرد فترة في حياتي وانتهت ،انا نادراٌ م ادخل زولةفي حياتي واتعلق بيه،بس انا سيئه جداً لما اتعلق،عشته اضعاف كسرتي من حسام او حتى وضعي كان اسوأ اوقات كتيرة كنت لما بشتاق ليهو بفتح الشات بيني وبيتو وبقعد اكت كلام كتيييييييييييير وافضفض ليهو بعدين برجع احزف الكتبتو وبعمل Left ،اكتر2عانو معي هم طيف ولجين،ضحكته على نفسي وانا فاكرة انو انا بكدة ببعد بس ي دوب لقيت نفسي اقرب ليه بكتير انا بصحى وبنوم وباكل وهو في بالي وكل تفكيري"ي ربي بعمل في شنو اسي؟قاعد معاها؟عازمها؟وهكذا،المشكله مواقفو معي كلها يعني نادراً م يكون في موقف يخليني اكرهو انا م لقيت منو غير كُل خير ودي حاجه م بقدر انكرها ابداً،م عارفه اذا نحن البنات كلنا كدة ولا انا بس لكن لقيت انو نحن ممكن نحب بموقف ونتعلق بموقف انا اي سلوك سيء حصل من ماهر بكون في قصادو 3مواقف مسيطرة على قلبي ف مخلياني اتصرف بحكمه ابداً،م بقدر انكر واقع اني حبيتو وحبيتو شديد كمان بس كمان واثقهه تماماً انو لو جبته زول وحكيت ليهو تفاصيل علاقتي بيهو بالنقطه والشوله هو كمان حيحبو معي،ال3اسابيع الاولى العديتها في الإمارات دي كانت اسوأ الاسابيع كنت عايشه في جحيم م حياة دي ابداً،الجامعه فتحت م رجعته السودان الا بعد اسبوعين من فتحتها،واريتني م رجعت يعني اتحولته لي كاين بعمل اي شي ك اداء واجب،عادي بكون مساهرة للساعه5صباحاً بمشي الجامعه وبجي راجعه بالطريقه دي،وم باكل يعني انا ضعيفه وضعفته اكتر،دة غير انو احيان كتير بقيت م بحضر المحاضرات ولما لجين وطيف يتكلمو معي بقعد ابكي وبقول ليهم انتو م حتفهموني ابداً ،اوقات كتيرة برفع سماعه تلفوني بدخل رقمو بقول عايزة اتصل عليه بفصل مكالمه،بطلب ترحال بمشي لغايه الشركه بعدين بخليهو يرجع،بفتح الشات بكتب ليهو انا مشتاقهه ليك شديد برجع بحزفها،بكتب ليهو ليييه انا هنت عليك كدة؟ليييييهه فضلتها علي؟وبرجع بحزفها💔حصلت معضله كبيرة في حياتي بسببو احتقان وصداع في كل مكان من جسمي حصل سمعتو بزول قلبو مصدع؟ بس انا الصداع كتن بحسو في قلبي ،دخلته مرحله اكتئاب نوعاً ما،بتجنب احتك بي ماما وبابا علشان يلاحظو لي،في يوم مشيت جيت من الجامعه ومشيت بقاله ناس حُسام كنت عايزة اشتري حجات نسبه لي انو ماما ماف وقالت لي اطبخ وانو انا مفروض امشي بقاله ناس حسام اشيل منها الحجات هي مدياهو اللستهه،وصلته البقاله لقيت حسام بصلي فضلته واقفه برة طبعاٌ وقفتي قدام البقاله زكرتني موقفو داك قلته من جواي بالجد الرجال ديل كلهم قذرين كدة💔خلص صلاة رفع المُصلايه وعاين لي مساااافه بإستغراب وقال لي انتي عيانهه؟لفيت منو وشي وقلته ليهو ماما قالت في حجات مفروض اخدها منك؟فضل واقف مسافه حتى دخل فتح التلاجه وجا راجع وطلع الورقه وبقى يطلع لي في الحجات وكل م ارفع عيني بلقاهو بعاين لي،لما جمع لي الحجات قال لي شهد انتي بجد كويسه؟قلته ليهو انت شايف شنو؟كويسه الحمدلله لو خلصته اديني الحجات لو سمحته،قال لي تقيلين عليك خلي انا بوصلهم ليك جمب الباب ،قلته ليهو لا شكراٌ خليك بشيلهم براي،قال لي لا م حتقدري تشيليهم وم تخافي م حدخل معاك ولا ناوي اضايقك ابداً💔قلته ليهو بنبرة حادة انت م بتفهم؟فجأة جو ا

ولاد صغار داخلين البقاله قالو ليهو عازين اندومي وجبنه،قال ليهم خليكم منتظرين هنا جاي شال حجاتي واتقدم قدامي ،بعد مسافه حتى لحقتو وصل الحجات جمب الباب وجا راجع اتلاقينا في نص الشارع عاين لي ونزل عينو في الأرض وانا واصلته بيتنا،وانا شغاله في المطبخ ومركبه سمعاتي فجاة جاتني مكالمه من رقم غريب قلته خلاص معناها دي ماما فتحته الخط الووو؟بعد مسافه سمعت صوت بقول إحم الووو شهد؟قلته ليهو منو معي؟قال لي عارفك حتقفلي الخط بس م قدرته امنع نفسي من انو اتصل عليك قلقته عليك شديد ي شهد حتى ملامحك متغيرة احكي لي مالك ؟الحاصل عليك شنو م تقولي لي كويسه عشان انتي م كدة ابداً
قلته ليهو حسام انت جبته رقمي من وين؟
قال لي م مهم جبتو من وين المهم انا...قفلته الخط في وشو

فضل يرسل مسجات كميه حظرتو من الواتسب بقى يرسل Sms،قريب الشهرين هو على نفس الحال واحياناً بتص من ارقام غريبهه💔اخر م في الاخر بقى يقول لي انتي عايزة تجنيني ي بت الناس؟لو عايزة تجنيني ابشري انا جنيت بالفعل عشان بقى شغلي الشاغل انتي ،شهد انا بتخيلك وبتكلم معاك عديل كدة،ياخي بس اديني فرصه،والله ي شهد يشهد الله اسي لو قُلتي لي تعال اتقدم لي ابوي بجي اتقدم والله انا جاهز وفي فترة انفصالك عني دي عملته كل البطلع بي يدي بس عشان لو حصل يوم وبقيتي حلالي م ينقصك شي وتعيشي زي م عايشه في بيت اهلك،قولي لي بس انتي عايزة شنو غير اني اخليك في حالي اطلبي مني اي شي تاني ي شهد م تقفليها في وشي كدة وانا غيرك م عايز ي شهد لو عايز كنت اتزوجت 💔بعد المسج دي بيومين بالظبط في بالليل حوالي الساعه 12 كدة كنت بقرا في دردشاتي انا وماهر وبفتح في الصور والڤيديوهات وبشوف في مدة المكالمات الكنا بنتكلمها فجاة جاتني مسج من حُسام بقول لي فيها شهد💔
في اللحظه دي م عارفه الحصل لي شنو بالظبط ولا عارفه هل انا دخلته في حاله بتاعه هايبر اكتيڤ ولا مستوعبه العملتو في لحظه حزفته كل حاجه بتخصني انا وماهر من صور لمحادثات رقمو كل شي حذفتو،تاني جات رساله من حسام كاتب لي فيها الله يرضى عليك لو بتصلك رسايلي دي ردي علي والله العظيم تلاته ي شهد انا على وشك اني امسك كل زول ماشي في الشارع واحكي ليهو قدر شنو انا بحبك💔💔💔💔💔اترددته كتير في خطوة خطيتها في اللحظه دي وي ريتني م خطيتها💔ي ريت صوابعي اتشلت وم عملتها ابداً ي ريت الدنيا قامت وقعدت والتلفون وقع من يدي اللحظه ديك او ي ريتني لو نمت او مت حتى قبل م اخطيها،اتصلته على حُسام في لحظه ضعف او لحظه تهور وإنفعال،وعلى حسب انو هو كان برسل مسجات على طول فتح الخط واول م فتح الخط بقى يتكلم معي زي المجنون،زي لهفه البدايات الكانت عندو،زي الكانو كانت رايحه ليه حاحه ولقاها💔شهد ،انتي!انتي بجد متصله علي،انا ،انا م...
قاطعتو وقلته ليهو انت بجد لو قلته ليك موافقه حتجي تطلبني من ابوي؟قال لي شنوووو؟قلته ليهو لو انا قلته ليك موافقه اتزوجك حتخطي خطوة جادة وحتجي تطلبني من ابوي بالباب عديل ي حُسام؟؟قال لي بإنفعال لو اسي نص الليل دة عايزاني ادق بابكم بجي ي شهد ،قلته ليهو طيب انا موافقه...💔

💔

يوميا" علي قناتنا الثانيه هترشات وروايات
حلقات يوميه من الكاتبه مباشره

https://tttttt.me/joinchat/AAAAAD3Q1G-dzPGrQD8kdQ

#ذات_عناق_15

كميهه الانفعال وردة الفعل الكان فيها حُسام لما قلته ليه انا موافقه م بقدر اشرحه ابداً،قفلتهه منو الخط وانا ببكي،وفضلته صاحيه للصباح صحيت جهزته مشيت الجامعه م فتحته الموضوع لا لجين ولا طيف،لاني عارفه حتى لو حكيت ماف واحدة فيهم حتستوعب انا بقول في شنو او حاسه بشنو،هم بس شايفين انو انا مراهقه وبحب ماهر على الأساس دة وراكبهه راس،م عايشين معي الجحيم الانا فيهو،انا م عندي حيل اتقبل فكره بعدو لو م حصل الحصل واتهورته في ردة فعلي معاهو كنت هكون راضيهه بواقع وجودو في حياتي حتى لو العلاقه صداقه م إشكال المهم انو موجود فيها ،ليلي ونهاري بقى واحد،عايشه في مُستنقع انعكاس ماهر عليهو في كل مكان💔
كل الوقت بقيت بسأل نفسي هل انا سيئهه؟ليييهه هو م حاول يتمسك بي؟لييييييهه هنت عليييهه كدهه؟ليييييهه انا حبيتو اساساً؟دة اكبر غلط عملتو لييييهه م حافظته على صفوة علاقتنا زي م هي؟ م بقدر اكذب على نفسي واقول انو هو صح وانا غلط💔م بقدر اللومو،م بقدر اكرهو او احقد علييهه،مافي منطق يخليني اكرهو ،انا غلط لاني حبيتو،غلط لاني اتصرفته بإندفاع وإنفعاليه وم اتحكمته في مشاعري،غلط لأني كان المفروض اخت نقطه لحظه م حسيت انو في شي تجاهو بتكون جواي،غلط لاني عاندته،غلط لأنو م شرط هو يبادلني نفس المشاعر لأنو الزرع جواي مشاعر ليهو يمكن م زرعها جواهو لي،طيب انا بأي حق لايماه؟بأي حق مُعاقباه؟مافي مبرر لتصرفي اللي كان في المزرعه ولا لتصرفي الكان في الشركه المبرر الوحيد اني كائن ضعيف،اسير لمشاعرو،
بقيت متناقضه بحاول اكون منصفهه تجاهو بس برجع ببقى انانيهه بشفق على نفسي ،دخلته في حاله بتاعه اوڤرثينكينك ودوامه م ليها اول ولا اخر لو فضلته على الحاله دي واثقه اني حأتراجع للأسوأ ومستحيل اعدي المرحله دي او اقدر اتجاوزها،م قادرة اشارك الحوالي بالأنا فيهو وفي نفس الوقت خايفهه من نفسي على نفسي حصل لاقاكم زول م ضامن نفسو؟انا م ضامناها م بقدر اتحكم في مشاعري عادي في لحظه ضعف امشي واخرب كل شي علشان كدة لقيت انو لما يغلبك تتخلص من الوجع ف الأفضل انك تسكنو وتخليه على الزمن ودة الفكر الغلط اللي بسببو اذيت بيهه نفسي اكتر م هي مأذيهه...💔 حُسام بقى يتصل علي كتير وانا م برد عليه واحيناً بقفل التلفون ف بقى يرسل رسايل بيستفسر اذا انا اتراجعت او كذا،قعدته مع نفسي كتير وفكرته هل الخطوة الخطيتها دي صح؟وليييهه انا اعمل كدة اساسا في حين انو في يدي الف حل غير كدة؟بتكلم مع لجين وطيف في قروب الواتسب بتاعنا قلته ليهم اعترف ليكم بي شي؟قالو لي اشتقتي لي ماهر صح؟قلته ليهم غير اني اشتقتهه ليه انا لقيت انو انا بالفعل ضخمته الموضوع يعني ماهر م ليهو علاقه بالعملتو نانا بتاعتو ديك وانا رغم كدة سمعتو وسخ اضنيهو وقلته ليهو شد حيلك وم تبقى باطل💔يعني انا بالجد كنت اوڤر صح؟
لُجين قالت لي انتي عملتي كدة تحت تأثير مشاعرك 😒💣💔طيف قالت لي نكون مُنصفين انتي غلطي بس هو كمان كان بإمكانو يوقف زولتو في حدها يعني حتى ولو حبيبتو انتي في كفه وهي في كفه ،لجين قالت ليها م تنسي شهد كانت بتتصرف بي اندفاع وغيرة على اساس انو هي الحبيبهه م نانا ودة غلط 💔قلته ليهم يعني اعتذر ليييهه؟طيف قالت لي لا ي بت انتي مجنونه تعتذري شنو؟لجين قالت لي لا ليييهه؟اعتذري ي شهد على الاقل ترحمي نفسك من الحاله الانتي داخله فيها دي!!!طيف قالت ليها الحاله الهي فيها دي فترة وهتعدي ي لجين بس لما ترجع لييييهه حتتفاقم وحتتعلق اكتر💔لجين قالت لي شهد شوفي انتي راحتك وين واتسندي عليها من غير م تفكري سامعاني؟
...
بعد صراع طويل مع نفسي وتردد اخترت اني اتصل على ماهر واحسم الموضوع دة من الأخر،دخلته رقمو ومسحتو كتير في اتصلتهه ورقمو دخل،اتصلته المكالمه الاولى م رد،المرة التانيه م رد،رسلته ليهو واتسب قلته ليهو يعني كدهه نحن انتهينا؟
قرا الرساله وم رد،المفروض اني بعد كدة اكتفي بس لا ابعناد وقوة الراس يخلوها لمنو؟علشان بس تعرفو انو الانسان تحت تأثير مشاعرو ببقى ندل كيف،
رجعته رسلته ليه ريكورد وانا ببكي كنت بقول ليييهه"ماهر انت ليييييهه كدهه؟معقولهه الموضوع عندك عادي للدرجه دي وم فارق معاك شي ابداً؟اخر شي اتوقعتو انو انا اهون عليك كدة،صحبتنا للدرجه دي بتهون عليك؟ فتح الريكورد وم رد،رجعته رسلته ليه ملصقات بكا وقلته ليه بالجد الموضوع عندك عادي كدهه؟انا كنت متوقعاك اقرب الناس لي ماهر انت عديت لي كتير حيغلبك تعدي لي دي؟الإتغير شنو بس قول لي؟،بعد مسافه رد وقال لي "البعد دهه قرارك انتي وانتي اكيد ادرى بقراراتك وانا بس مخليك على راحتك +من متين انا كان بفرق معي شي؟
الرد كان زي الصاقعهه الوقعت في راسي ماهر بكل البرود الفي الدنيا رد علي كدهه💔💔💔
قلته ليهو دهه اخر كلام عندك ي ماهر ؟؟
رسل لي الOkدهه👍
على طول رميت التلفون بعيد مني وقعدتهه ابكي💔م بتتخيلو قدر شنو انا ندمت قدر شنو على المحادثهه دي وقدر شنو وجعت قلبي للدرجه الحسيت فيها عايزة اشيل قلبي

دة من محلو وارميهو م اعتقد في قرار خطأ اكتر من محاولتي في انو اصلح البيني وبين ماهر طيف كان معاها حق جد انا ممكن اعاني جداً حتى لو رجعنا اصحاب واكيد انا الطرف الخسران ومع الخسارهه اذى نفسي حيفضل ملازمني علشان كدة فكرة اني اتراجع من قبولي بحسام دي اكبر غلط ارتكبو في حق نفسي علشان طول م انا وحيدة طول م انا في فراغ في حياتي م حاقدر اشيل ماهر من عقلي ابداً انا محتاجه شي في حياتي بس يخليني اتجاوزو بأي طريقهه وزي م قال هو"حتى ولو على حساب نفسي" شلته تلفوني رسلته لي حُسام لا م اتراجعتهه ابداً بكره الجامعه وبابا بكون موجود في البيت دي افضل فرصهه تجيب اهلك وتجي فيها البيت.
...

صباح الجمعه صحيت عادي كاني مخدرة وم واعيهه للأنا بعمل فيهو ابداً،ساعدتهه امي في شغل البيت نضفتهه ورتبته ومركبه سماعاتي وم اتكلمته مع زول ابداً حتى لو اتجاوبته معاهم كلمه كلمتين،فطرنا كلنا مع بعض انا وماما وبابا ومنذر كانو مبسوطين ورايقين كالعادة ومشغلنها لبعض،بعد الفطور ماما عملت الجبنه ل بابا وانا قعدته اجهز ليهم ملابس الصلاة،بعدها دخلته غرفتي وفضلته ماشه وجايه وم عايزة اتصل على حسام علشان يفتكر اني راميه نفسي عليهو، بحسب في الثواني والدقايق والساعات وانا بتأكل من جواي لغايه م بابا جا من الصلاة وماما جات قالت لي اطلعي نجهز الغداء وبالفعل جهزناه وقعدنا نتغداء قلته خلاص معناها الحيوان حُسام م جاي هو واهلو اصلا هو حقير وقذر💔المغرب طلعنا قاعدين في حديقتنا ومن ضمن الايام منذر م طلع من البيت نهائي ،اثناء م نحن قاعدين وبنتونس وبنتكلم مع اخواني مكالمه ڤيديو فجأة جرس الباب دق،متذر قال لي قومي امشي افتحي الباب،بابا قال ليهو ي ولد اخجل قام مشى على ،فجأة سمعنا صوت سلام رجال،قمنا بسرعه انا وماما دخلنا جوة،ماما قالت لي ديل منو الجايننا مع المغارب ديل؟طبعاً انا بقيت على يقين انو ده حُسام،وفعلاً ظني م خاب جا منذر داخل علينا ماما قالت ليه منو؟قال ليها دة حُسام وعمي حسن وعُمدة اخوه جهزو مويه وعصير ،ماما قالت لي انا فترانه عديل جهزيهم ي شهد،انا سرحانه ماما قالت لي شهد ي بت؟
قلته ليها نعم؟
قالت لي جهزي مويه وعصير للناس ديل انا جسمي واجعني
قلته ليها طيب دخلته المطبخ جهزته المويه جا منذر شالها،جهزته العصير بس م جا كلمته ماما تناديه طلعت وم جات ،جيت وقفته في طرف الباب وبعاين ليهم بعد مسافه شفته منذر جاي جريت رجعته المطبخ جا داخل قال لي وينو العصير ي بت؟قلته ليهو هاك ،دخلته غرفتي مباشرة علشان م عايزة اسمع شي ابداً...
فضلتهه ماشه وجايه في غرفتي وانا باكل في ضفوري وطلعته السطوح وركبته سماعاتي وبقيت اعاين ليهم من فوق💔فضلو قاعدين لمدة اكتر من ساعه وانا مراقباهم بعداك شوفتهم طلعو💔بعد م طلعو مباشرة جاتني مكالمه من حُسام،اول م رديت عليه صوتي كان متغير قال لي شهد،قلته ليهو ايوة؟وانا قلبي في يدي،قال لي انتي م كلمتي اهلك اننا جاين؟قلته ليهو لأ لييييهه الحصل شنو؟
سكتت
قلته ليهو حُساااام!!؟
قال لي ابوك قال عايزك تقري 💔
فضلتهه ساكتهه
قال لي بس ي شهد انا م حأخليك ابداً،ححاول ي شهد مرة واتنين وتلاته والف حتى حافضل وراهو لغايه م يوافق
فضلتهه سااااكتهه،قال لي انا باقي عليك وم بخليك ابداً ي شهد تمام؟
قلته ليهو طيب..
قفلته الخط ونزلته تحت سمعته صوت بابا بيضحك قربته عليهم براحه سمعتو بقول"والله دي حكايه كمان يعني انا اخر عمري ادي بتي لي ديل 💔...
م استنيت اسمع شي تاني رجعته غرفتي،الغريبه انهم ابداً م حاولو يكلموني بالموضوع دة نهائي حتى ماما شكلو بابا منعهم 💔...
عدة يوم ويومين واسبوع واسبوعين وشهر وحُسام متواصل معي مرات بتصل علي م برد عليهو برسل لي مسجات وهكذا،عدة كم شهر ونحن على الحال دة وفعلاً بديت اتجاوب معاه وهو في الكم شهر دي كلها م اتراجع ابداً بالعكس كان بحاول ورسل امو كذا مرة لي امي وصل لمرحله انو مرة مشى لي بابا في المستشفى،كل مرة كان بترفض ،لغايه م في حُسام جاني في الجامعه كان واضح عليهو اليأس💔💔💔قعدنا مع بعض ونحن ساكتين مساااافهه قال لي عارفهه ابوك امس قال لي شنو؟قلته ليهو شنوووو؟قال لي "انت لو سفيهه وعاطل وم عندك شغله غير تشرك لي وتجري وراي كلمني عشان اشوف ليك شغلهه"...💔
عاينته ليييهه كان مكسووور شديد..
كمل كلامو وقال لي" م اشوفك تاني في وشي ولا تعتب عتبه بابي وم عندي بت بدوها ليك كدة عاين لي نفسك مرتين خيال ساااي تفتكر اني حاديك بتي؟
بقيت اعاين ليهه بي خلعهه،دمعتو جات جاريه وهو منزل راسو في الارض بعد مسااافهه قال لي م عارف المقياس الهو مستخدمو ومخليه يرفضني عشانو كدهه شنو ي شهد💔لساااني بقى تقيل والله قلبي وجعني عليه وهو ببكي علشان انا الختيتو في موقف زي دة💔بعد مسافهه مسك يدي وضغط عليها شديد وقال لي "بس ابوك معاهو حق عندو بت تستاهل انو نصيبها يكون اعظم من بتاع دكان💔💔💔قلته ليهو حُسام💔قال لي انا زاتي بعدين حأكون اناني في بتنا لو م جاها واحد م بليق بمستوى امها م ح

أعرسها ليهو اكيد رفض ابوك دة م حيخليني اقنع منك،ضغط على يدي شديييييد وقال لي شهد انا بإذن الله هعرسك فهمتي؟

م عارفه بس انا م بقدر اتجاوز كميه المحاولات البحاولها حُسام عشاني،هو عمل كُل البطلع بيدو علشان يبين لي قدر شنو هو متمسك بي اوقات كتيرة مزاجي بتقلب بتفصم فيهو وبقول بيهو انت لصقه وانسى قصه اني قلته ليك موافقه و...رغم دة كلو بياخدني على قدر عقلي وبعتذر وبقعد يتحايل علي علشان ارضى ،م هو الزول الممكن يترفض ابداً رغم نفور قلبي منو بس حتى ربنا قال "وعسى ان تكرهو شيئاً وهو خيراً لكم"وانا على الأساس ده بقيت مستسلمه لعلاقتنا وهو بكل محاولاتو دي م بقدر اكذب هو فعلاٌ كسبني...❤

بعد شوفتي لحاله حسام بسبب طريقهه معامله بابا ليه وقدر شنو الموضوع مؤثر عليه حسيت بالذنب شديد لأنو حصل ليه كدة بسببي رجعته البيت وانا مقررة حاجه واحدة إني اتكلم مع بابا في الموضوع بأي طريقهه من الأخر،لحسن الحظ او لسؤ الحظ بابا كان قاعد في البيت،غيرته ملابسي وارتحته وبعدها مشيت عليهم برواق كانو هو وماما قاعدين مع بعض،كنت خايفهه ومترددة شديد بس حسام بالنسبه لي بقى واقع انا عايزة اعيشو خصوصاً انو خطى خطوة جادة ناحيتي، قويت قلبي وبعد تقله لسان قلته ليييهه بابا؟!قال لي نعم،قلته ليه انا عايزة اتكلم معاك في موضوع!!!قال لي خير إن شاءالله قولي،قلته ليهو سكتتهه م قدرته اتكلم
قال لي مالك ي بت اتكلمي؟!
قلته ليهو انت لييييهه رافض حُسام؟
ماما عاينت لي بخلعه وبابا بنفس الهيئهه على وشوشهم كان في الف استفهام؟؟؟
قال لي نعم؟؟
ماما قالت لي ي بتتت
قلته ليها انا عارفه انو جا اتقدم ليكم وعاد الموضوع مرة واتنين وتلاته ،
بابا كانت قدامو كُبايه مويه وعليها مويه،م حسيت بي شي إلا والكبايه بتتكسر تحتي والمويهه في وشي،
ماما قالت ليهو عبدالله؟؟؟
قال لي دي قله ادب جديدة كمان؟
قلته ليهو وين قله الادب في الموضوع ي بابا؟انو زول جا دق ليك الباب وقال ليك انا عايز بتك على سنه الله ورسولو دي قله ادب؟طيب اهانتك لي زول وتقيمك ليهو على حسب مكانتو الاجتماعيه دة بتسمى شنووو؟
ماما قالت لي شهد ي بت وجات ضربتني كف،بابا بقى يقول ليها سوقي بتك من قدامي ي سوسن،سوقي بتك من قدامي في اللحظه دي"كان بتكلم وصوتو برجف"
قلته ليهو من متين وانتو بتقيمو الناس على حسب وضعها الاجتماعي؟وبأي حق؟؟؟
قال لي بي نهرة هو كان راجل صح كان اديناهو +انتي بت متين ؟
قلته ليهو هو لو م راجل صح م كان جا دق الباب+لما عم ماهر فاتحك في الموضوع م سمعتك قلته كدهه ي بابا الإختلف شنو اسي؟
شال تربيزة الخشب القدامو وضربني بيها في كتفي حسيتو اتخلع من الضربه قام جاي علي ،امي قامت وقفت بيناتنا و مسكتني وبقت تقول ليهو عبدالله لا إله الا الله ي عبدالله،وانا لسسسه واقفه بقوة قلب م عارفه جبتها من وين،قلته ليها خليهو يضربني ي ماما ، اضربني على قدر م تقدر ي بابا بس دة م بيمنعني اقول ليك انو انا موافقهه على الإنت رافضو دهه ...💔

#ذات_عناق_16

اضربني على قدر م تقدر ي بابا بس دة م بيمنعني اقول ليك انو انا موافقهه على الانت رافضو دهه،ماما رجعت ضربتني كف وجرتني وبقت تقول لي دي اخر ولادتكم وتربيتكم؟دي اخرهه ولادتكم؟دخلتني الغرفه ورمتني في السرير،قلته ليها انتو لما اساساً عايزين تجيبونا وتمشونا على مزاجكم م تجيبونا لييييهه نحن نمشي على مزاجكم في اي شي لييييهه؟
كنت بتكلم وبصرخ بابا جا داخل وشايل عصا بقى يضربني بيها وماما بتقالع فيهو وبتقول ليهو بتكتلها بتكتل البت،بابا قال لي بتعرفيهو من متين اتكلمي بتعرفيهو من متين؟اصلو اصرارو وجيتو لي دي م كان ساي انتي محرضاهو يعني صح؟تاني رجع ضربني بالعصى في راسي وقال لي اتكلمي،
قلته ليهو بي صرخه بعرفو من وانا في تانيه ثانوي لا من الليله لا من امس وزول جادي لو م جادي م وصل البيت ويعني شنو م متعلم؟ويعني شنو وضعو المادي اقل من عادي؟اذا انت البقولو عليك جزء من ملايكه الرحمه بتصنف وبتميز الناس كدة بقيهه الناس حتعمل شنو؟
امي ضربتني قالت لي قفلي،م تفتحي خشمك تاني بكسرو ليك بكسرو وخنقتني
قلته ليها كذب؟يعني اسي لو جاهو مريض م حيعالجو علشان هو م عندو؟؟؟

حبي لي ماهر فقدني العقل والمنطق،فقدني حياتي المثاليهه وسط اهلي وفقدني اهلي كمان،م بتقدرو حجم الصدمه الدخلت فيهم حتى انا بيصعب علي شرحها بابا دخل في حاله بتاعه هايبراكتيڤ،طلع من غير لي ردة فعل بعد سماعو لكلامي وامي فضلت معي بس م سامعاها بتقول في شنو ابداً،اليوم دة كان اليوم الاسوأ على الإطلاق في حياتي م اعتقد انو حيعدي علي يوم اسوأ من اليوم دة،كنت بتمنى يحصل شي يمنعني اعمل كدة،يمنع اليوم دة يعدي علي،كنت اتمنى اني استخير الموت بيحصل مرة واحدة في الحياة بس على م يبدو على انا كان عندي نصيب من ميته واحد،مُت بحسرتي على اليوم دة لو بس الزمن كان يرجع بي لي ورا شويه قبل وحكمته وعقلته نفسي شويه م كان حصل الحصل💔بابا قال لي امي اطلعي من الغرفه دي واقفليها لي سرعه،سرعهه،وعن رجفهه بابا وهو بتكلم ورجفه صوتو كانت تحكي روايهه براها م ليها اخر💔فضلته محبوسه في الغرفه حكايه بتاعه ساعتين وزيادة انا مقفوله في الغرفه بعدها فجأة باب الغرفه اتفتح بابا جا داخل من غير م يتكلم معي فتح الخزانات بتاعتي ماما جات داخله وراهو قالت ليهو عبدالله،داير شنو ي عبدالله،بتفتش لشنو ي عبدالله لا إله الا الله ،قال ليها بنبرة حادة اسكتي ولا كلمه م داير اسمعها منك انا اصلاً العيال ديل فترتا منهم اوريهم هم الوالدني ولا انا الوالدهم،قالت ليهو ي عبدالله قول بسم الله واستغفر واهدأ،فتح الدواليب بتاعتي ورمى كل شي بلقاهو في وشو في الارض ملابس على غيرو،بعد مسافه شال شنطتي وفرغها كُلها في الأرض شال منها حاجه وقام طالع ماما مسكتو وقالت ليهو م بتطلع لو م وريتني ماشي وين وداير شنو بالبطاقه الشخصيه؟قال ليها قلته ليك ولا كلمه لزاها بكل قوتو لمن رماها وطلع،جريت عليها رفعتها اتفكت مني قالت لي غضب الله عليك ي شهد غضب الله عليك في العملتي فينا،طلعت من غرفتي اظنها حاولت تفتح باب الهول لقتو مقفول وكل الابواب البتطلعنا على البيت برة مقفله بقت تحاول تفتح فيهم ، الحياة دي قاسيهه شديد في رمشهه عين ممكن تغير كل موازين حياتك،في مثل بقول "البتسوي بي إيدك بغلب اجاويدك"مهما اذنبتهه في حق نفسك م حتصل للمرحله بتاعتي ابداً وعلشان شنو؟عقل طايش بس م اكتر اذا انت بتفكر بشكل سليم وعندك عقل بخليك تحسب اي خطوة الف مرة قبل تخطيها ومخلي عقلك هو المتحكم فيك قبل قلبك قول الف الحمدلله على النعمه دي علشان الجهل لما بيلعب دور في حياتك بوصلك للجحيم برجليك وانت م حاسي،بعد اكتر من ساعه بابا الغرفه رجع اتفتح لقيتو بابا بيرمي علي توب وبقول لي اللحقيني بسرعهه،ماما جات داخله تبكي قالت ليهو عبدالله،قال ليها قفلي م تتكلمي معي،بقيت اعاين ليهو،قال لي اتحركي،لبسته التوب جراني من يدي وطلع بي من الغرفه ماما مسكتني قالت ليهو عبدالله لا إله الا الله وريني عملته شنو انت سايق البت دي ماشي بيها وين؟والتوب دة زاتو جايبو من وين؟
قال لي قدامي يلا اتحركي،
انا طبعاً م قادرة امشي من الهبوط دة غير الضرب الانضربتو بالتربيزة بسببو كتفي مخلوع دة غير انو ردة فعل بابا مفاجأني جداً وم فاهمه شي ،كانو بتقالعو فيني هو وماما،ماما بتقول ليهو ي عبدالله اذكر الله،بس بابا كان في حاله م يحصل فيها اي تجاوب منو تقريباً هو لا شايف ولا سامع ولا حاسي بالبعمل فيهو اساساً ،م حصل شوفتو بالحاله دي ابداً حتى ةهو في اسوأ حالاتو عمرو م وصل المرحله دي،القدامي كان شخص تاني خالص غير ابوي البعرفو بركان هايج ،فكاني وطلع امي وقعت جمبي وبقت تبكي وتقول لي دة شنو السويتيهو فينا دة ي شهد مقصرين منك في شنو ي شهد؟محوحنك لشنو ي شهد؟كانت تتكلم وتبكي،فجأة سمعته صوت بابا وهو بقول ادخل،ادخل قلته ليك ادخل جوة ،في لحظه كدة حسيت بصوت رجول دخلت وصوت بابا بقول ليهو "يلا استلم،استلم مرتك واتخارج سرعهه يلا"
حسيت بشنو لحظتها؟لا انا م

حسيت انا سمعته صراخ،صراخ ماما كان زي صرخه الطفل ،وبابا بقول 5دقايق م اشوفك قدامي لا انت لا هي يلا ي عفن سوقها واطلع من هنا،
حسيت بحسام برفعني من الأرض وصراخ ماما ،وجوطه بابا،ودوران الأرض بي،
بابا؟معقول؟
بعدها حسيت بي ماما وهي واقعه بفوق لي وبتقول ليهو ي عبدالله دي بتك،ي عبدالله كان بقت جاهله م عندها عقل انت بتبقى زيها؟ي عبدالله ماف زول برمي عرضو رميه كلاب ي عبدالله دي بتنا شهد ي عبدالله،
م كان ابوي كان شيطان متلبسو،جرة امي وقومها غصب مني وقال ليها دي انا لو مته في جنازتي م تقيف،وكان حي سلام الله دة لو لاقتني في الشارع م تديني ليهو ،وغضبي عليها يلحقها ليوم تقيم القيامه وانا م ولدتهه بت نهائياً بعد اللحظه دي مش واجب العرس دة؟ياهو عرسته ليها وسلمتها راجلها زي هي طالبه حضرة سيادتها ربيناها في عز وم حصل رفضنا ليها طلب وهو واجب الابو شنو غير انو يستر بتو؟هو انو انا وقفته قدام مأذون وسترتها دي حاجه هي تحمد ربنا عليها،سوقها واطلع قُلته ليك ي ولد قومي يلا قبل م تخليني اعمل شي اعظم باقي الليل دة ،حُسام رفعني وقال لي يلا ي شهد..

....

تخيلي ابوك اللي كان م بحلم الا يشوفك وانتي الTopفي كل حاجه،البعمل كل شي بطلع بي يدو بس عشان راحه نفسك،اللي ياما حكى ليك بالحيعملو ليك في يوم عرسك وياما حكى وبين ليك قدر شنو هو ساعي عشانك في لمح البصر يعمل كدة ويعرس ليك بالطريقه دي وم يكتفي بكدة وبس لا يرميك الرميهه دي كأنك عامله عمله سودة وهو بغطى عليها حتى الغلطت م بغطو عليها بالطريقه دي دي لو كلبه م حيرموها كدة💔 يوة انا يمكن غلطتهه في تصرفي بس هل دة كان العقاب المناسب لي؟م عارفه انا كسرته ابوي ولا كسرتهه نفسي،م عارفه انا ارتكبتهه اي حماقه في حق نفسي وفي حق ابوي بابا كان بمثل المعنى الفعلي ل"إتقِ شر الحليم اذا غضب"هو عمرو م كان كدة والله العظيم تلاتهه عمرو م كان كدهه...💔
انا م عارفه طلعته من بيتنا كيف الدنيا دي كانت لافهه بي شديد م سامعه غير اصوات صراخ امي وهي اصلاً م بين واقع وخيال كأني مخدرة،انا طالعهه من بيتنا كدة بتوب وجسم ملان رضوخ ووش مورم بالضرب وعروس عروس بالفعل مرة راجل سايقني كدة قدام اهلي ومن بيت اهلي بالطريقهه دي 💔💔
الدنيا كانت ليل او بمعنى ادق حصل كدة بعد صلاة العشاء،انا م استوعبت اني طلعته من بيتنا الا وانا في الشارع والضلام الفي الشارع بقيت اتلفت جفلته من حُسام ولزيتو قلته ليهو انت سايقني وين؟اتفكيت منو مسكني قلته ليهو فكني سايقني وين انت م ماشه انا زح مني بقيت اقالع فيهو وبتكلم بأعلى صوتي وبقول ليهو فكني خليني ارجع بيتنا انا راجعه بيتنا قلته ليك ،فجاة جا بتاع ركشه ف قال ركشه ،وانا بقالع فيهو بتاع الركشه جا وقف جراني ركبني الركشه وقال ليهو امشي،بقيت اقول ليهو حُسام نزلني ي حسام م ماشه معاك انا ماشه بيتنا ي حسام وقف بتاع الركشه خليني امشي بيتنا😭بتاع الركشه وقف حسام قال ليهو دي مرتي ي شاب اتحرك امشي،
بتاع الركشه م اتحرك ،عايزة انزل جراني وكتفني من يدي و قال ليهو انت م مصدق ي....قلته ليك دي مرتي ودي قسيمتي في جيبي اتحرك قلتهه ليك،بتاع الركشه اتحرك وانا ببكي وبصرخ وبكورك في الركشهه لغاايه م وصلنا مكان كدة وقفو ونزل،قلته ليهو انا م نازلهه رجعني بيتنا انا عايزة ارجع بيتنا،حاسب بتاع الركشه ونزلني بالقوة وقال ليهو امشي،بعد م مشى بنفس القوة جراني لزة باب كدة برجلو اتفتح ودخل بقيت اتقالع معاه وببكي في الباب وبقول ليهو م داخله انا ي حُسام جايبني وين انت جايبني وين م داخله قلته ليك ،صوتي اصلاً انتهى ف كنت بتكلم وانا صوتي م مسموع دخلني وراه وقفل الباب ،بقيت اقالعو عايزة افتح الباب وهو يقول لي شهد ،شهد اهدي الله يرضى عليك اهدي وانا بقالعو بكل قوتي في الأخير قعدته في الأرض وبقيت ابكي وبصرخ بأعلى صوتي عندي وحسام قاعد جمبي وماسكني وبقول لي شهد كفى ،كفى ي شهد وانا لسسسه ببكى وبصرخ لغااايه م لحظه كدة قال لي الله يرضى عليك كفى وحضني....

...

شباب وضعي صعب جداً والله اعذروني حتى الكتابه مستصعبهه علي م بقدر اكتب اطول من كدة والله بحاول اغطي في الحلقات الجايه لو ربنا حيانا إن شاءالله ودعواتكم...💔

#ذات_عناق_17

ان شاءالله حيتحل كل شي بالصبر ي شهد ،زحيتو مني وقلته ليهو انت كيف توافق على حاجه زي دي اساساً ي حسام؟كيف توافق تتزوجني بالطريقهه دي؟لييييهه م رفضتهه؟لييييييييهه عملته كدة ي حُسام ،ياخي بقولو المجنون في زمه الواعي كان ابوي م واعي انت كمان م واعي؟
قال لي انا عملته كدة عشانك ي شهد م شوفتي شكل ابوك لما جانا البيت ولا شوفتي العملو كل خوفي انو لو م وافقته ممكن يعمل فيك حاجه،قلته ليهو وانا ببكي خليه يعمل حتى لو موتني احسن م حيكون اسوأ من العملو اسي دة ابداً😭😭😭😭😭😭😭😭😭😭💔
...
فضلته في مكاني ببكي طول الليل وحسام يتكلم معي وانا بقول ليهو رجعني بيتنا ي حُسام ،كل م يقرب مني بزح منو وبقول ليهو بس م تقرب مني ،فضلنا للصباح قاعدين على الأر ض،الشمس طلعت علينا وحسام شبه نايم وهو قاعد وساند راسو في الحيطهه،الصباح كان سيء وكئيب شديد م قادرة ارفع عيني اعاين بيها على شي او م مستوعبه شي غير اني في بيت صغير والوساخهه مالياه في كل مكان،حاولته اقوم حسيت بكتفي عايز يتقلع من محلو قلتهه اتنهدتهه وقلتهه اخخخخخ،مع حركتي دي حُسام فتح عيونو ،هو زاتو كان وشو كلو مورم شكلو م سلم من يد بابا،قام قرب علي وقال لي قومي ي شهد ندخل جوة،قلته ليهو انا ماشه بيتنا،قال لي شهد رجعتك للبيت بتزيد المواضيع سؤ،قلته ليهو م عندي مشكله رجعني بيتنا ي حسام وبقيت ابكي😭😭😭😭قعد جمبي ومسكني من كتفي قال لي فكرك انا هاين علي الوضع الانتي فيهو دة؟هاين علي اعرسك بالطريقهه دي؟بدون رضا اهلك ي شهد؟وبالسؤ دة؟زدتهه في البكى
قال لي م تبكي ي شهد والله العظيم بس خلي الجو يهدأ شويه انا حاسوقك ليهم بس اسي انا م ضامن يعملو فيك شنووو انتي فاهماني؟قلته ليهو انا عملته شنو بس لمن يعملو فيني كدة عملته شنو بس 😭😭😭😭💔قومني قال لي تعالي ي شهد ،ساقني دخلني مكان كدة في البيت عباره عن صاله فاضيهه قال لي شويهه كدة جيجيبو لينا سراير وحجات ،فضلتهه ساكتهه وم مركزة ابداً
...
م بقدر احكي الأيام الاولى من الحصل دة عدت كيف او بمعنى اصح م بقدر اتزكر هي عدت كيف كل البعرفو انو جات ام حسام وبكت فيني كأني جنازة وقعدت تتحسبن م عارفه هي بتتحسبن في شنو بس كانت بتتحسبن،،بتزكر جابو سراير او بالأصح سريرين وفرشين وتربيزة وشويه عدة جات مرت اخوهو نضفت لي وفرشت دة كلو وانا قاعدة وبعاين ليهم م بين مستوعبه انو دة واقع ولا خيال، الأيام الاولى كانت الأسوأ على الاطلاق للدرجه اللي حسام كان بيغصبني على الأكل والشراب واحياناً هو بشربني وبأكلني بنفسو..

أهلي💔املي كان كبير في انو لما يعدي اليوم الاول اليوم التاني ماما م حتخليني وحتجي تفتشني او منذر،بس يوم بعد يوم كنت بتصاب بخيبه امل كبيرة،عدة الاسبوع الأول والتاني وانا كل يوم وضعي ببقى اسوأ بشيل الليل بكى والنهار بكى وحسام ملازمني م كان بفارقني لحظهه💔
تقريباً دي الغلطه الوحيدة الفي حياتي اتفرض علي اتحمل نتيجتها غصباً عني💔م كنت راضيهه ابداً بس استسلمت علشان م عندي حل غير كدة،علشان دة غلطي،علشان استوعبته اني اتسببتهه في موت قلب اهلي علي للدرجه اللي ماف واحد منهم سأل علي لمدة اسبوعين رغم انهم م كانو بستحملو اني اكون برة البيت ،المسافه بين البيت الانا فيهو وبيتنا م اعتقد بعيدة لاننا جيناها بي ركشه پس هل هم حاولو يفتشوني عشان يعرفو مكاني؟ 💔حُسام تعب معي شديد الفترة الاولى دي للدرجه اللي كنت بنفعل وبقوم نص بيتنا بقول عايزة افتح الباب ماشه بيتنا بمسكني برجعني وبقعد بهدي فيني،في نهايه الاسبوع الرابع في يوم حُسام جا داخل البيت وهو م قادر يمشي ملابسو كلها دم وراسو مربوط بشاش،قلته ليهو بخلعه حسام؟!وقع في السرير وقال لي وهو بلهث جيبي لي مويهه ي شهد،قلته ليهو حسام مالك؟قال لي مويهه؟جبته ليه مويه قلته ليهو مالك ؟العمل فيك كدة منوو ي حسام؟بابا؟
سكتت،قلته ليهو مشيت ليهو؟الوداك ليهو شنو ي حسام؟؟
قال لي م ابوك ي شهد قلع ملابسو وطلع دخل الحمام استحم وجا راجع فتح دولابو لبس ليهو ملابس،قلته ليهو قول لي مالك ؟قال لي ماف شي ي شهد مشكله بسيطه بس،قلته ليهو مع منووو؟قال لي مجتبى ومنذر اخوانك،قلته ليهو مجتبى ومنذر؟مجتبى اخوي جا؟؟
مجتبى اخوي دة اصعب واحد في اخواني اكتر بني ادم قلبو حار في بيتنا ، يعني العملو في حُسام هو قليل من كتير هو بقدر يعملو ،بقيت خايفه عليهو شديد عادي ممكن يرتكب جريمه في حسام ويلحقني لييييهه وانا واثقه انو خلى شغلو وكل شي وراهو وجا علشان الموضوع دة💔💔قلته ليهو حسام تاني م تمشي الله يخليك م تمشي هناك قريب الفترة دي بس حلفتك بالله م تمشي😭💔كفايه علي شديد العملتو في اهلي لغااايه هنا وانا راضيهه بالعملو فيني وهتعايش معاه ف م عايزة اتسبب في اي ضرر تاني ليهم 💔💔💔
في نفس اليوم دة بعد المغرب مباشرة باب البيت دق،حُسام قام فتح الباب كان اخوهو عدنان ،جا داخل سلم علي قال لي اللبسي تعالي معي ي شهد،قلته ليهو وين؟قال لي بس كدة قومي تعالي،حسام قال ليهو في شنووو؟تمشي مع

اك وين؟عدناني قال ليهو انت خليك م تطلع من البيت،حسام مسكني قال ليهو شنو م تطلع من البيت انت مجنون ولا شنو سايقها وين؟عدناني جراني قال ليهو اخوها واقف برة دايرها انت م تدخل كفايه الحصل اليوم دة،قلبي طار من محلو لما قال كدة،حسام جراني عليه وقال ليهو انت مجنون؟دايرو يكتلها يعني ولا شنو؟م بتمشي ليه ولا شي وكمان سايقو جايبو هنا م بتفكر انت ي عدنا م بتفكر؟
قال ليهو انت م احق ليها من اخوها ولا بتخاف عليها اكتر من اخوها انا جبتو وانا ضامنو زول داير يشوف اختو لو خليتو يجيك براهو صدقني البحصل م طيب وانا عارف كدة،حسام قال ليهو اسي البحصل م طيب وشهد م بتطلع ليهو ،
قلته ليهو حسام فكني انا ماشه اشوف اخوي،قال لي شهد،
قلته ليهو انا بطلع ليهو واليحصل يحصل اتفكيت من حسام وطلعته عايز يطلع وراي عدنان مسكو دخلو جوة وقفل عليهو الباب ولحقني،كانو جاين بي عربيه،كنت ملهوفه حتى ولو شوفتي لي مجتبى دي كانت حتتسبب في موتي كنت عايزة اشوفو،اخيراً زول من ناس بيتنا جا وراي وسأل علي وفتشني ،قبل م اصلو عدناني سبقني ووقف في النص بيناتنا ،مجتبى كان بعاين لي بي غضب وكسرة وقرف احساس انو شويه ووشو دة حيقع منو،م بتتخيلو احساس انو اخوي واقف قدامي وبعاين لي بالطريقهه دي لا وكمان واقف في نصنا زول غريب علشان يحميني منو😭💔دموعي جات جاريه عشرة عشرة قلته ليهو مجتبى😭😭😭😭💔قال لي بي غضب ولا كلمه ي شهد ولا كلمه،دي اخرة تعبنا ي شهد؟دي اخرة خوفنا عليك؟دي اخرة تعاملنا معاك كأنو اصحابك؟دي اخرة ثقتنا فيك ي شهد؟راضيهه على نفسك انتي؟راضيهه على الحاله الانتي فيها دي؟ولا الخرابه العايشه فيها دي راضيهه عنها؟نحن قصرنا منك في شنو؟امي قصرت في شنو؟ابوي قصر في شنو ي شهد؟جاي احاسبك؟ايوة جاي احاسبك على كل معامله عاملناها ليك جاي احاسبك على الف حساب عملناهو ليك عشان انتي اختنا الوحيدة،قادرة تقيفي قدامي كيف انتي؟خليك مننا نحن م فكرتي في امك؟م فكرتي في ابوك؟دي اخرة دلعهم ليك ي شهد؟انا لو بيدي اموتك اليوم قبل بكرة واصلاً دة الجاي عشانو بس احمدي ربك انو ابوك وامك لسسسهه بقولو م عافين ليك لو عملته ليها كدة،خزلتينا ي شهد وكسرتينا وشرطتي عينا،الماعملناهو نحن الاولاد في امي وابوي انتي قدرتي تعمليهو ي شهد،القولتي عليهو راجل دة وهو م تامي ضفر راجل اساساً خلي يبقى ليك ام وابو واخوان ويبقى ليك اهل، ،اتخطيت عدناني ومسكته مجتبى حضنتو وقعدته ابكي قلته ليهو مجتبى م تقول كدة الله يخليك انا غلطته اي ومن حقكم تعاقبوني لكن م للدرجه دي ابوي وامي زعلانين مني م تبقى علي انت كمان عليك الله ي مجتبى عايز يتفك مني مسكتو وبقيت ابكي بأعلى صوتي زي الشافعهه وحاضناهو ،بعد مسااافهه عدناني حاول يمسكني مسكته في مجتبى اكتر وانا ببكي،بعد اكتر من ربع ساعه حتى عدناني قدر يمسكني يدخلني البيت وخلا مجتبى واقف في محلو..

...
حاله مجتبى وكلامو خلوني استوعب حجم الكارثه الأنا عملتها في لحظه جهل،رغم دة كلو جا فتشني،انا واثقه انو م جا علشان يسمعني الكلام القالو دة لا هو جا يشوف حالتي ،واثقه انو امي طلبت منو كدة،انا ماف احن علي من اهلي ابداً😭💔اول م دخلته البيت قلته لي حسام اديني تلفونك،قال لي ليييييهه؟قلته ليهو بس جيبو ،قال لي لشنو؟!قلته ليهو حتديني ليه ولا لأ؟ناولني ليييه دخلته رقم مناسك واتصلته عليها اول م ردت قلته ليها مناسك كيفك؟
قالت لي منو معي؟
قعدتهه ابكي،بقت اقول الوووو؟
قلته ليها معاك شهد،قالت لي بإستغراب شهههد؟؟كيفك ي بت ووينك؟جيتي متين ي حيوانه وبتسافري وم بتكلميني؟؟
بقيت مستغربه طبعاً سفر شنو بتتكلم عنو؟
قلته ليها مناسك عايني بكرة عايزاك تجيني ضروري،قالت لي اصلاٌ حأجيك ي حيوانه من غير م تقولي ،قلته ليها لكن م تجيني في بيتنا،قالت لي اللاقيك برة يعني؟قلته ليها لا بتصل عليك بكرة وبفهمك تجيني وين،قالت لي ي بت مالك ؟قلاه ليها لي بكرة ي مناسك تمام؟قالت لي طيب،قفلته منها وقعدته في السرير وبقيت ابكي ،حسام جا قعد جمبي وبقى يطبطب علي،قلته ليهو قلقانهه على ماما وبابا شديد ي حسام والله بموت لو حصل ليهم شي بسببي😭😭😭😭😭💔قال لي استغفري ي شهد ان شاءالله م بحصل ليهم شي💔

اليوم التاني اتصلته على مناسك وخليتها تركب ركششهه وخليت حسام يوضف لبتاع الركشه لغااايه م وصلو طلعته ليهم برة،اول م نزلت من الركشه بقت بتعاين لي بذهول واستغراب وصدمه كدة وبتتلفت ،قالت لي شهد؟؟؟؟؟؟؟؟اترميت فيها وبقيت ابكي،قالت لي دة شنو المكان دة والجابك هنا شنووو ي بت بقيت تباري بيوت الشيوخ ولا شنوووو؟بتاع الركشه مشى قلته ليها تعالي،
قالت لي ماشه بي وين؟قلته ليها تعالي بس،دخلتها البيت قالت لي دة بيت ناس منو ي شهد؟صاحبتي ناس جداد غيري؟قالت السلام عليكم،قلته ليها ادخلي،قالت السلام عليكم،دخلنا الصاله اللي هي في شكل هول ومعاهت غرفه،قالت لي شكلو البيت فاضي ي شهد اهلو ماف ولا شنو؟قلته ليها اقعدي،قعدتها جبته ليها مويه ،طبعاً هي بتعاين لي بإستغراب كدة وهلع،بعد م شربت

قعدته في السرير التاني قصادها وفضلته ساكته،قالت لي شهههد؟
رفعته عيني عاينته ليها ،قالت لي في شنو ي شهد؟
بعد مسااافه دمعتي جرت قلته ليها دة بيتي ي مناسك،ضحكت وقالت لي هااا حلوة حلوة دي مقلب حزين منك بس م بمشي معي😹😹😹😹😹😹💔قعدته ابكي وقلته ليها انا جادة ي مناسك دة بيتي،انا وحسام اتزوجنا💔بقت تقلد صوتي بي سخريه قالت لي واااو عروس بدون حنه وبدون دخان وبالشكل دة وبدون علم صحبتها وعروس في الخرابه دي شهد انتي رجعتي من الإمارات ولقيتي نفسك فاضيهه قلتي تتموضعي بي صح؟زدته في البكى وقلته ليها بصوت عالي لا م بهظر انا جادة ي مناسك انا م سافرته الإمارات ولا شي ولو ناس بيتنا قالو ليك كدة كذبو عليك انا عندي شهر كامل في البيت دة اتزوجته حُسام بي طريقه م تخطر على بال زول حتى ويمكن تكون اخر التوقعات وبقيت احكي ليها وابكي ،حكيت ليها كل الحصل بالتفصيل فجأة لقيتها تتنهد وتبكي قالت لي كذب ي شهد كذب قولي الكلام دة كذب😭💔قلته ليها ي ريت لو كنت بكذب ي مناسك ي ريت😭😭😭😭💔مسكتني وبقت تبكي بصوت عالي قالت لي بس ماف زول بعاقبوه كدة حتى ولو افعالو كانت عظيمه عمي عبدالله ليه اتهور كدة ي شهد وبعدين م يرميك.الا لحسام النسونجي الباطل دة😭😭😭💔وانتي لييييهه عملتي كدة ؟م اكتفيتي من حسام وافعالو؟م جادة انتي ي شهد م عندك عقل؟😭💔 تاني خليتيه يرجع يلعب ليك بعقلك؟اقتنعتي ليهو كيف ي شهد؟؟؟جاوبيني؟لييييييهه م رجعتي لي؟لييييه م حكيتي لي ي شهد انتي جنيتي؟انتي فاهمه عملتي في نفسك شنو ورميتي نفسك اي رميهه؟فضلته ساكته وببكي قلته ليها حصل الحصل ي مناسك ودة خلاص بقى الواقع بتاعي،قالت لي م واقع ولا زفت م مجبورة تعيشي عيشهه زي دي ي شهد انا حامشي اتكلم معاهم دة م شي يتسكت عليه😭😭😭😭😭😭😭💔 قلته ليها لا ي مناسك انا م جايباك هنا علشان تمشي تتكلمي معاهم،قالت لي شهد انتي جنيتي؟قلته ليها انا بس عايزاك تخلي بالك منهم تمشي ليهم كل فترة وفترة وتطمنيني عليهم ،قالت لي شهههههههد،فجأة باب الشارع فتح حُسام جا داخل،غمضت عيونها واخدت نفس عميق،قال السلام عليكم،بعد مسافه قالت ليهو وعليكم السلام،كان شايل حجات قال لي شهد هاك،قمته شلته منو الحجات وطلع على طول،قالت لي اخخخخخخخ ي شهد اخخخخخخخخ م عارفه اقول ليك شنو بجد م عارفه انتي مجنونه ي شهد مجنونه والله العظيم تلاته ماف عاقل بعمل كدة💔فضلته ساكته وبعاين ليها،قالت لي انتي اسي راضيه عن نفسك؟قلته ليها رضاي عن نفسي م مهم انا بهمني رضى بابا وماما عني وبهمني يكونوو بخير واتطمن عليهم ،قالت لي كنتي تفكري قبل م تتصرفي بغباء كدة بس انا بجد مصدومه في عمو عبدالله😭💔
...
بعد اسبوعين من الكلام دة في يوم جات ام حُسام من الصباح شايله اكياس في يدها ،قالت لي مشيت السوق جبته ليك ملابس وشويه حجات بتحتاجيها ريحه وحجات بسيطه بسيطه كدة،بقيت اعاين ليها ،قالت لي انتي ساكنه وسط ناس وجيران يعني كان جاك زول لقاك كدة تقولي ليهو شنو؟م بتقدري تقولي ليهو متزوجه لأنو شكلك م بقول كدة ي بتي وكلام الناس بدأ يطلع ،الحوالينا ديل كلهم اهلنا وجيرانا طبعاً دة بيتنا القديم كان مأجر بس فضى،اها انا الليله جايه احننك ي بتي وبحفر ليك حقرة الدخان من بكرة ببدأ معاك الدخان،بقيت اعاين ليها بي حيرة،قالت لي عاد م ينفع نقول عرسنا لي ولدنا ومرتو جابوها ليهو كدة ،
متخيلين؟اي بس طعنه قلب بالبارد،
حُسام كان ماف،قعدتهه ليها حننتني💔وبعد خلصت لي من الحنه مشت حفرت الحفرة في الحوش برة،وجات راجعه طلعت لي الحنه وطبقتها لي مرة تانيه وبعدها عملت لي فيها النشادر،قالت لي كدة خلاص، فضلت قاعدة معي لغايه المغرب ،حسام جا داخل قال السلام عليكم كان شايل تلج واكياس في يدو،قالت لي قومي على راجلك، بقيت اعاين ليها،قالت لي شيلي منو الحجات ،حُسام بقى يعاين لي من فوق لتحت ،قالت ليهو عروس جديدة لسسسه م عارفه شي هههههه اها الليله بقيناها ليك مرة مع النسوان وحنناها رايك شنووو؟
طبعاً انا متضايقهه بس ساكتهه💔
شلته الاكياس واتحركته تاني كررت ليهو السؤال وقالت ليهو اها م قلته لي رايك شنو بقت مرة ولا م بقت؟بعد مسااافه قال ليها هي م محتاجه حنه عشان تبقيها مره،قالت ليهو كلام لكن،
تصرفاتها كانت غريبهه وم طبيعيهه ابداً💔لما قامت طالعه قالت لي القمصان الجبتهم ديك اللبسي ليك منهم قميص سمح كدة كويس؟
بعد م طلعت دخلته جوة حسام جا شال الفرشات فرشها برة في الحوش وقال لي في حجات مفروض اجيبها بس لسه م جهزت تلاجه وتلفزيون وغرفه وعايز اجيب ناس يصينو البيت دة لكن يومين كدة،فضلته ساكته ،فجأة حسيتو وراي مسكني ولفاني عليهو وبقى يعاين لي،بعد مساافه قال لي شهد انتي مرتاحهه بغض النظر عن الحاصل معانا انتي بجد مرتاحهه معي؟
اتكلمي ي شهد💔بعد مساااافهه قلته ليهو م بقدر اغض نظر عن الحاصل معانا لانو الحصل م هين 💔قال لي حنعديهو إن شاءالله ي شهد وربنا اكيد حيصلح الحال ،هزيت ليهو راسي وبقيت اعاين في الأرض،قرب مني وبقى شبه ضاميني وباسني في راسي

مسااااافهه وقال لي "الحنه حلوهه شديد فيكك ي ريت لو عرسنا تم في ظروف احسن من كدة 💔💔فضلته واقفه وساكته، مسك يدي وقال لي اوعدك م حيحصل اي تقصير مني تجاهك،نزل وباسني في خدي وقال لي رغم الظرف الغريب الجمعنا م قادر اصدق انو انتي مرتي ومعي ي شهد عشتهه عمري كلو وانا متمني اللحظه دي،اتحركته منو شويهه جراني عليييهه اكتر وحاوطني بيديه ،
قربو مني بالطريقهه دي كان محسسني بكتمة نفسس زي الكأنو دة م الزول الانا حبيتو داك ولا كأنو هو م الزول الانا عشته ايام وليالي وانا بتخيل يوم ابقى حلالو ونكون مع بعض،احساسي معاه كان غريب شديد واتحول 180درجه،في نفس ذات اللحظه دي فجأة باب البيت دق،دقه الباب دي كانت منقذهه بالنسبه لي،فكاني وطلع على الباب بعد مساااافه سمعته صوت رجال في الباب وصوت زول بقول حرم تدخل يا ولدي ياخ عيب ياخ عيب اسمع كلامي انا الكبير دة بحلفك بالله،سمعته صوت ناس داخله البيت وصوت بقول السلام عليكم ،اتفضلو ي اولادي اقعدو،حسام جاني داخل قال لي شهد،قلته ليهو منووو؟قال لي اخوانك،قلته ليهو اخواني؟لفحته التوب بسرعهه وطلعتهه ملهوفهه،حُسام اخوي الكبير ومجتبى الاتنين مع بعض قاعدين برة،بعد م شوفتهم بقيت م قادرة اتحرك حسام اخوي قاعد قدامي بجد،اول م شافني وقف على حيلو اي ملامح وشو كانت ملانهه عتاب وزعل وحتى الإرهاق مشيت عليهو بسرعه قلته ليهو حسام اتخطيتهم كلهم واترميت في حضنو وبقيت ابكي،مسكني وهو زاتو بقى يبكي معي،كملنا البكى الفي الدنيا ونحن واقفين بعدها عمو حسن ابو حسام قال لي لينا لستهدو بالله ي اولادي حُسام ي ولدي كفايهه،فضلته واقفه وبتنهد عمو حسن قال لي اقعدي ي بتي م تقيفي،مجتى اخوي قال ليهو لا م عندنا قعدة ي عم حسن معليش اعذرونا على مشيهه وعجلهه نحن شهد يلا اطلعي ارح،بقيت اعاين ليهو ،قال لي يلا اطلعي قدامي،بقيت اعاين ليهم كلهم،حُسام قال لي لييييهه م اتصلتي علي وحكيتي لي بالحصل دة ي شهد؟؟؟مجتبى قال ليهو حُسام دة م وقتو اعتقد دة م السبب الجايبنا هنا،كمل كلامو وقال لي يلا ي شهد م بتسمعي انتي؟حُسام راجلي قال ليهو دقيقهه دقيقهه ي ابو الشباب فاكر نفسك وين انت في زريبه؟شنو ارح ؟سايقها وين انت اساساً؟مجتبى قال ليهو ي شاب م تدخل عم حسن ي ريت تمسك ولدك من غير نقاش،عمو حسن قال ليهم اهدو ي اولادي💔حسام قال ليهو م اتدخل؟انت فاكر نفسك جاي وين لمن بتقول لي م اتدخل؟لو ناسي اذكرك دة بيتي والجاي تسوقها من غير اذني دي مرتي بي قسيمه م جايبها من الشارع انا،مجتبى عايز يضربو عمو حسن دخل في النص قال ليهو بي نهرة حُسام،
حسام اخوي مسك مجتى وقال ليهو مجتبى اسكت وصيتك بشنو انا؟مجتبى اتفك من حسام قال ليهو تمام تمام م سائلو انا يلا ي شهد اطلعي قدامي،حُسام جراني وراهو وقال ليهو خليني اشوفها حتطلعها قدامك كيف رجالهه هي؟
مجتبى قال ليهو رجالهه ي حيوان رجالهه ودقيقهه اوريك الرجالهه دي كيف جا عليهو ضربو بنيه عمو حسن وحسام اخوي فكوهم من بعض وطلعو مجتبى برة البيت وانا واقفه ببكي،بعد مسافه حسام اخوي جا داخل قال لي شهد ،عم حسن جا داخل وراهو،حسام قال لي يلا ي شهد،
فضلته واقفهه ومترددة م عارفه اقول ليهو شنو الموقف كان صعب شديد والقرار اصعب هم جاين ومقررين سلفاً انهم يسوقوني حتى راي حسام راجلي م في اعتبارهم اخواني وانا بعرفهم لو ختو شي في راسهم حيعملوه يمكن ربنا بختبرني ومديني فرصه تانيه علشان اتصرف فيها بحكمه بس انا انا انا م م بقدر كل مرة اتصرف بأنانيهه م ممكن اعمل كل دة وادخل حسام في كل المتاهات دي وفي الاخير اخليهو بالبساطهه دي ،م ممكن كل مرة اجوط حياة زول واخربها واهرب اخليها والمرة دي بالذات الموضوع ابداً م لعبهه ولا بكيفي زي كل مرهه ،حُسام اخوي قال لي شههد بتكلم معاك انا يلا ،إترددتهه مسااافه حتى قلته ليهو حُسام انا م بقدر امشي معاكم ي اخوي ...💔

#إقتباسهه

الحياة لاتنتهى مره واحده ،انما تنتهي حياة لتبدا
اخرى،تبتدا قصه لتنتهى اخرى؛ايضا لا تقف علي
حال انما علي الالف الاحوال حلوها بالف نهكه و
مرها بالف شكل،قد لا يعني للحياة اسمائنا لا يعني
للحياة الا ان تسير بقوتها وجبروتها وهيبتها التي لا
يهزها ولا يغيرها احد، احيانا تضعنا علي مفرق الخيارات ان نختار النهايه رغما عنا وان تكون بدايات
لا تليق بالنهايات تجعلنا نختار الاشخاص رغما عن
اختيارات قلوبنا
💭💜