#ذات_عناق_18

إترددتهه مساافه حتى قلته ليهو حسام انا م بقدر امشي معاكم،قال لي شهد،قلته ليهو م بقدر😭💔حسام قال لي تعالي عايزني يجرني،حسام قال ليهو م سامع؟قالت ليك م ماشهه،حسام قال ليهو ي حبيب دي اختي قبل تكون مرتك شهد عايز اتكلم معاك انا تعالي بس،فضلته واقفه ومترددة،قال لي بنبرة حادة شهد بتكلم معاك ؟؟ ،حسام عايز يجرني يدخلني جوة البيت ابوهو مسكو قال ليهو خلي البت مع اخوانها اسمع الكلام ي ولد،قال ليهو ي ابوي،ابوهو قال ليهو ولا كلمه م عايزين مشاكل زيادة نحن..
طلعته مع حسام برة مجتبى فتح باب العربيه قال لينا يلا،فضلته واقفه وساكته،مجتبى قال لينا منتظرين شنووو انت م يلا؟
حسام قال ليهو عليك الله ي مجتبى روق دقيقه بس خليك جوة العربيه،حسام قال لي شهد انا عتبان عليك شديد ي اختي عارفه ليييه؟م لأنك غلطتي وحصل الحصل زي م ديل شايفين لأ لانو وسط الحصل دة كلو م فكرتي ترفعي سماعه التلفون وتحكي لي ،فكرك لو كلمتيني كنت هخلي ابوي يتصرف كدة؟ولا كنت هخليهم يرموك الرميه دي؟بس ماف زول حكى لي الا لما ضغطتهه على امي وانا بسأل منك مافي جاهل بعاقبوه كدة وانتي لسسه جاهله وعقلك صغير وم عارفه مصلحتك وين او يمكن اتلعب بعقلك او غيرو بس هل دة معناه انو حنخليك كدة؟انا م بغصبك على شي ابداً وعمري م هعمل كدة بس انتي عارفه وانا عارف انو كل الاتعمل دة غلط ومفروض يتصلح صح؟قلته ليهو وانا ببكي ماف شي حيتصلح ي حسام،الوضع الانا فيهو دة الصح لانو بابا شايف انو دة الصح بالنسبه لي لانو عمرو م اختار لي شي غلط💔قال لي غلط ي شهد غلط ابوي م ملاك بالعكس هو اذنب في حقكك كمان مسكني من يدي جريتها و قلته ليهو العرسهه دي كانت خياري وانا مبسوطهه بيها ي حُسام بجد بغض النظر عن الطريقهه التمت بيها💔
هنا هو سكت مساافه وقال لي طيب ي شهد خلينا نمشي البيت ونتفاهم هناك واوعدك ماف زول حيجبرك على شي حتى لو عايزة ترجعي بيت راجلك انا برجعك بذات نفسي،قلته ليهو لا ي حسام م ماشهه انت م شوفته الطريقه الانا طلعتهه بيها من البيت كيف علشان ترجعني ليهو تاني ،سكتت مساااافهه واتنهد وقال لي طيب تمام ارجعي بيتك،فضلته واقفه قال لي ادخلي بيتك يلا،بعد مسااافهه دخلتهه وم عاينته لي حسام وعمو حسن اساساً على طول دخلته جوة وقعدته ابكي،بعد مسافه جا حسام لاحقني قال لي شهد م تبكي،بقيت ابكي بأعلى صوت عندي زي الطفله ضماني عليهو وبقى يهدي فيني..
...
اكذب عليكم ؟بقت م عندي ثقه في اهلي ولا حتى في اخواني م عارفه نيتهم تجاهي شنو يعني هم بجد عايزين يسوقوني علشان قلبهم علي ولا علشان يعاقبوني مرة تانيه؟بالذات مجتبى انا م بقدر اضمنو رفضي في المشيه معاهم كانت بسبب خوفي منهم بجد💔💔من اللحظهه ديك العيشهه مع حسام بقت بالنسبه لي واقع ومفروض اتعايش معاها اياً كان نوعها...

حسام رجع جاني مرة تانيه بعد يومين من الحصل دة بس المرة دي م كان طالب رجعتي معاه كل القالو لي "انتي مرتاحه هنا؟قلته ليهو ايوة،قال لي متأكدة؟قلته ليهو ايوة متأكدة،فضل يتكلم معي كتير وفي الاخير قال لي انا اخوك الكبير وفي مقام ابوي كمان متى م احتجتي شي تحت اي لحظه او حسيتي نفسك م مرتاحه وم قادرة تتأقلمي مع الوضع اتصلي علي ي شهد واتصلي طمنيني عليك ،قلته ليهو طيب،قال لي كنت اتمنى لو سمعتي كلامي،قلته ليهو معليش ي اخوي بس بالجد انا مرتاحه بقى يعاين لي ويعاين للحنه في يدي ورجولي بكسرة خاطر،بعد مساااافه طلع لي قروش اداني ليها ابيت اشيلها،قال لي بقيتي م بتشيلي مني قروش؟امس امس دة كنتي بتتصلي علي وبتطلبي حجات💔💔قلته ليهو م محتاجه بجد ي حسام،قال لي من متين انتي بتشيلي مني عشان محتاجه؟قلته ليهو معليش بس بالجد م محتاجه شي انا وحسام م مقصر مني في شي ،قال لي حسااااااام؟؟؟!!!اهاااا طيب كويس ي اختي الله يديم نعمو عليك "قال الكلام دة بنبرة زعل وضيق"قال لي انا مسافر بكرة ان شاءالله رقمي م اتغير اول م تلقي فرصه اتصلي علي وم تقطعي خبرك اتفقنا؟قلته ليهو طيب حاضر،حضني مساأااافه وبكيت فيهو وهو طالع ودعني ومشى ومن هنا ابتدأ واقع حياتي مع حسام..

تقريباً انا البت الوحيدة الحبستها ام راجلها واتحبست في بيتها 💔مناسك كانت بتجيني على طول وبتطمني على ماما وبابا وكنت باخد تلفونها وبتكلم مع حُسام اخوي واتسب مرة مرة بس نظام اسلم عليه وكدة،هو الكائن الوحيد الكنت متواصله معاه احياناً بخلي مناسك تجيني علشان هو عايز يسلم علي ويتطمن وكدة، حسام كان مُحترم واقع انو انا م جاهزة لي اي شي في الفترة الأولى كان بشوفني متحننه ومتدخنه وبتعامل مع الموضوع عادي،م بقدر انكر انو حسام قدر يخلي قلبي يميل ليييهه في الفترة دي لأنو قدر يحتويني واتقبل كل تقلباتي وكمان بدأ يصين في البيت ضرب البوماستك وركب السيراميك جوة وفضل ليهو الحوش بس وجاب لي شويه الاحتياجات تلاجه وشاشه وبوتوجاز ومكيف وشويه عدة وكدة، وبرتب معي م حصل جاب حاجه خلاني رفعتها معي بس بقول لي اختها وين وانا بوريهو وهو بختها وم منقص مني شي بعمل كل الب

طلع بيدو علشان يبين لي انو م عايز يحوجني لي حاجه وجاب لي تلفون هواوي بس قلته ليه م عايزاه قدر م حاول معي قال لي عشان بس اتطمن عليك قلته ليهو لا،كنت رافضه حكايه اني اشيل تلفون لي اسباب كتيرهه ، في يوم وانا في البيت بنضف رابطه شعري ووسخانه وحالتي بالبلاء علشان كنت بغسل ملابسي وبعدها بديت امسح وطبعاً ماف زول بدخل لي عايشه براي ي اما جاتني مناسك ف فجاة باب الباب قلته خلاص معناها حُسام جا بدري اليوم،فتحته الباب بسرعه وقلته ليه الليله ما...لقيت مناسك في وشي م مناسك بس لا مناسك ومعاها ماما،ماما واقفه قدامي مباشرة قادرين تتخيلو؟مناسك قالت لي سبرااااايززززززز،فضلته واقفه متصمغهه في مكاني،
مناسك قالت ليها تعالي ي خالتو دخلتها البيت وقالت لي شهههد،قلته ليها ماما؟كأني عندي سنييييييييييين م شوفتها م كم شهر بس ماما اتغيرت شديد وشها كان كئيب وحزين وباهت كانو هموم الدنيا كلها في وشها،اترميت في حضنعا وبقيت ابكي كملنا البكى كلو في اللحظه ديك ماف زول فينا نطق بي حرف حتى منلسك كانت بتبكي بعد مسافهه فكتنا وقالت لينا كفى يخخخ شهد بطلي عوارة،تعالو ،ماما بقت تعاين للبيت يمين وشمال وتعاين لي،قلته ليهم اتفضلو وانا لسه ببكي دخلو جوة وفضلتهم م اديتهم مويه حتى قعدته في السرير وبقيت ابكي وماما لسسسه بتبكى،مناسك قالت لي غايتو شافعه غريبه مشت فتحت التلاجه جابت مويه لي ماما خلتها تشرب وجابت لي انا قالت لي اي ه. بيتك بس اعمل شنو في الدراما الانتي فيها دي؟
بعد مسااافه قلته ليها كيفك ي ماما إن شاءالله انتو كويسين؟قالت لي الحمدلله ي بتي الحمدلله،سكتته مسافهه وانا بمسح في دموعي قلته ليها وبابا كيفو؟قالت لي كويس م عندو عوجه،قلته ليها ومنذر وحبوبه وجدو وخالاتي؟
سكتت وبقت تبكي قمت قعدته جمبها وختيت راسي في رجولها وبقيت ببكي،اصلاً انا م مصدقه انو دة واقع اصلاً،قلته ليها انا اشتقته ليك شديد ي ماما وفاقداكم شديد،كنت ببكي زي الطفلهه في رجولها،قالت لي اخخخخخخ ي بتي اخخخخخخخخخخخ بس💔💔 قلتهه ليها انتو م زعلانين مني لسسسه صح؟بابا م زعلان مني صح ي ماما؟فضلت ساكته وبتبكي،مناسك قالت لي شهد انتي هبله؟لو زعلانه منك م حتجي تفتشك لكن قلب الأم ي شهد قومي الله يرضى عليك كفايه،م بقدر اقول احساسي شنو كان بشوفتي لي امي حتى هم م قعدو كتير وم اتكلمنا كتير سالتني عن حالي واذا كنت مرتاحه ولا لأ و...المهم م تمت ساعه طلعت قالت ماشه المدرسه،بعد م طلعت مناسك قالت لي جاتني في البيت ي شهد قالت قلبها مقبوض عليك شديد وقالت لي الا توديني ليها اسي شايفه ي شهد لو وافقتي ترجعي مع اخوانك وتبطلي قوة راس عشان امك دي مش احسن؟والله ي شهد حالتها تكسر الخاطر بتتصل علي يومي عشان تشوفني انا جيتك ولا لأ وحابه تطمن عليك وكمان احيان كتيرة بتطلب مني اجي اشوفك لو محتاجه حاجه والله اكتر متضرر من القصه دي م انتي ي شهد اكتر متضرر امك عايشه في صراع بينك وبين ابوك وهي في النص ضحيه لي عناد وردات فعل انفعاليه منكم كلكم💔💔💔مسحته دموعي وقلته ليها خلاص ي مناسك الحصل حصل💔💔💔💔💔💔المساء حسام جا لقاني ببكي،بي هلع وخوف بقى يسألني مالي الحاصل علي شنو؟والواجعني شنو و...حكيت ليهو بالحصل،مسح لي دموعي قال لي شوفتي م قلته ليك؟كل شي بتحل بالصبر ي شهد بالصبر بس بكرة ابوك كمان يرضى وم حيحصل الا كل خير،قلته ليهو انا خايفه عليها شديد ي حسام حالتها تحنن قلب الكافر،قال لي م بجيها شي ي شهد انتي بس ادعي ليها وعلشان م تقلقي عليها هاك،طلع تلفون صغير من جيبو مسكني ليهو في يدي وقال لي فيهو شريحه جديدة م مستخدمه وقت م حسيتي انك قلقانه عليها اتصلي اتطمني عليها وكمان انا طول اليوم بالي بكون معاك وماف طريقه اخلي الشغل واجي راجع البيت عشان كدة بكون محتاج اتطمن عليك والتلفون دة حل للموضوع دة طيب حبيبتي؟سكتت،قال لي اتفقنا؟هزيت ليهو راسي بمعنى ايوة،قرب علي وباسني وقال لي م عايزك اشوفك تبكي تاني ❤💔
اول مرة كان يقرب مني كدة ويعمل كدة واول مرة م احس نفسي عايزة ابعدو مني او كذاا يمكن علشان خلاص برمجته عقلي على انو لازم اتعايش مع الموضوع دة ،في لحظه صمت قال لي بعد كدة مفروض نجيب غرفه النوم صح؟قلبي عمل شحح هو من كلامو قصدو كان واضح،فضلته ساكته ضحك وقال لي بحبك ورجع باسني وضماني عليهه ...
بعد اسبوع من الكلام دة فعلاً جاب غرفه نوم كان فيها تسريحه وسرير ودولاب وجزامه وجاب معاها ديكورات واليوم التاني جاتني مرت اخوهو فاطمة،جات شايله كيس قالت لي جايه اتدخن معاك هي زوله ظريفه ودمها عسل،دخلت الغرفه شافتها قالت لي عااااد ماشاءالله ي حسام لكن جبته غرفه رهيييبه ي القليل ادب،لكن محتاجه شويه ترتيب اظبطها معاك؟قلته ليها طيب رتبتها معاي وفرشت السرير وملابسنا الفي الشنط دخلتها الدولاب وطلعت برة قالت لي عندي اعواد كبريت انا اساساً جايه ارميهم للدخان لكن م يغلو عليك وعلى الغرفه السمحه دي ولعت فحم وجابت المبخر دخلتو في الغرفه ،قالت لي اخخخخخ كدة تمام تعالي يلا طلعن

ا وقفلت الباب ورانا قالت لي عشان يمسك في البيت وكدة،اتدخنت هي قلته ليها انا م عايزة قالت لي لا م على كيفك انا اساساً جايه اتدخن معاك م براي وبعد ليااااقهه منها قعدتني وبعد م خلصنا جهزت معي الغداء اللي هو كبسه فراخ وطلعت مشت ،من ضمن الأيام حسام م جا بدري والكهرباء قطعت وانا بخاف اصلاً من حاجه اسمها ضلام اتصلته عليهو اشوفو وين،قال لي قريب جاي،قلته ليهو الكهرباء قطعت تعال بسرعهه،قال لي طيب حاضر بجي اسي،فضلته قاعدة في الحوش ومنتظراه فجأة الكهرباء جات قبل م هو يجي ،قلته الحمدلله انها جات دخلته شغلته التلفزيون وبقيت احضر م بين صاحيه ونايمه لاني م بعرف انوم في البيت فاضي كدة وبراي ،بعد مساااافهه فجأة حسيت بصوت حركه في البيت قمته مخلوعه وقلته بصوت عالي منووو؟
حُسام قال لي انا وجا داخل بضحك قال لي خوفتي ولا شنوو؟قلته ليهو اخخخخخ بسم الله ياخي شلته قلبي،قعد يضحك قال لي اصلاً انا شايل قلبك ههههه دي م جديدهه😁❤سكتته منو قال لي م قولتي الكهرباء قاطعهه،قلته ليهو جات،قال لي داير استحمه مسخن ياخ مشى على الغرفه وقال لي باب الغرفه دة قافل مالو؟قلته ليهو ساي دخل الغرفه فضل ساكت مساااافه بعدها جا طالع م ابدأ اي تعليق طلع استحمه وجا داخل ودخل على طول الغرفه وبقى ينادي علي قال لي شهد وين ملابسسي؟قلته ليهو في الدولاب،قال لي اي ضلفهه؟قلته ليهو م عارفه والله رصتهم فاطمه،شوفهم كلهم،بعد مسافه قال لي ديل م كلهم يخخخخ في جزء م لامي فيهم تعالي كدة،قلته ليهو طيب دخلته الغرفه لقيتو واقف جمب الباب واستلمني على طول قال لي يعني لو م عملو ليك كدة م حتجي؟قلته ليهو بخلعه حساااام؟!قال لي عيون حسام؟فضلته ساكته قربني عليه وقال لي حلوة حركه حيلهه الكهرباء قطعت دي على فكرة كان ممكن تطلبي مني اجي بس،قلته ليهو بس انا م كذبت فعلاً الكهرباء قطعت،قال لي وريحه الغرفه حلوة زي ستها وبقى يقرب اكتر واكتر وبقى يبوسني و يتحسس جسمي يعني بإختصار هو كان عايز ياخد حقو الشرعي، وفعلاً دة الحصل اليوم داك وخلاص يعني اصلاً دة الشي الطبيعي المفروض يحصل ،صباحيه اليوم داك م عرفته اضحك على نفسي ولا ابكي الزول الكنت بحبو وهموت عليهو قدامي وجمبي في سرير واحد بس ماف اي مشاعري مني تجاهو غير انو الحصل بينا دة هو شي مفروض علي وحصل وخلاص قدر شنو الحياة دي لاعبه معي بالعكس للدرجه اللي مخلياني اضحك،حسام صحى وهو مبسوط كأنو حصد الجنه،تعاملو معي زاد حلاوة وبقى يدلعني اكتر وبكدة حياتنا مشت واتوقعته انو هي حتمشي على الأساس دة بس م كذب القال انو الجمال جمال البدايات بس،بعد كم شهر بدأ التغير يعني م تغير واضح بس انت بتلاحظ اختلاف المعامله من فترة لي فترة،الحمدلله امي بقت في تواصل معي م بتجيني دايماً بس بتتصل علي تلفون ولما اكون حابه اشوفها بسوق مناسك وبمشي ليها في المدرسه وهكذا،احياناً كتيرة كنت بشتاق لي بابا بتصل عليه بس عشان اسمع صوتو بس م برد عليه بقفل الخط وبقعد ابكي💔

بعد 6شهور في يوم حُسام جا قال لي ي شهد بكرة حنرحل بيتنا،قلته ليهو بيتنا؟قال لي اي لأنو امي قالت لقت مستأجرين للبيت وهي محتاجه لقروش الإجار عشان كدة حنمشي نقعد في بيتنا ،
بيتهم؟يعني بيتهم الفاتح في بيتنا ،يعني عيني تكون في بيتنا وم اقدر امشي ،يعني اشوف عربيه بابا ومنذر اخوي برة وم اقدر اسلم عليهم حتى💔كيف بس كيف💔💔💔💔قلته ليهو حسام بس م شايفها صعبه شويهه؟يعنييي انت عارف رجعتي للحي داك فيها صعوبه شويهه و..قاطعني بي نرفزة وقال لي اها يعني اعمل ليك شنو ي شهد؟ م عندي استطاعه أأجر انا وانتي براك عارفه كدة عموماً بكرة حنرحل جهزي نفسك ،
قال كدة ك قرار نهائي يعني م عايز يناقشني او ياخد رأي حتى،فعلاً صباح اليوم التاني جات عربيه نقلت العفش من الصباح ،طول فترة الشهور دي م حصل مشيت على الاتجاه داك ابداً بس عموماً في حجات الهروب منها حل يمكن الرجعه لهناك كان فيها خير يمكن..

اول م وصلنا عيني وقعت على بيتنا زي م هو ماف شي اتغيرت فيهو غير الخواطر المكسورة على م اعتقد💔دخلنا بيت ناس حُسام لاقينا فاطمه سلمت علي وفضلتنا في بيتها بعدها جات ام حُسام قالت لي اللاجئين ازيكم،
الكلمه دي حسيت بنفسي كاني بتخيلها تخيل،
بقيت اعاين ليها قالت لي خليناكم تقعدو هناك وتاخدو راحتكم لكن انتو كمان بقيتو صفكم تقيل الا نطلعكم كدة يعني؟فاطمه بقت تعاين لي وهي متضايقهه💔بعدها كملت كلامها وقالت لي عموماً حبابكم اديناكم غرفه غايتو بتمشي ليكم حالكم،فضلته سااااااكتهه بس ملامح وشي اتغيرت،قالت لي فاطمه وديها غرفتها عشان مع الرحول دة بتكون تعبت مع ارفع وخت،فاطمه قالت ليها ترتاح شويه،قالت ليها ترتاح في غرفتها،قالتها ليها بي نبرة حادة ،فاطمه قالت لي تعالي ي شهد،مشيت وراها قالت لي المرة دي الله ياخدها ويريحني منها بركه المغرب الداخل دة،اصلاً هم بيتهم ضيق يعني انا م عارفه نحن حيختونا وين،وصلتني غرفه في مكان شبه زقاق كدة قالت لي تعالي،دخلته م بقدر اوصف ليكم شكل الغرفه على

م اعتقد هي كلها كم متر واظنها كانت مخزن بس طلعو منو الكرور الفيهو وكنسوه وفرشو فيهو سريرين وتربيزة وم فيهو مروحه حتى الشباك الفيهو م بدخل تهويه لانو صغير زي فتحه التهويه حقت الحمام، وكلو عبارة عن عنكبوت باني فيهو ووسخان من فوق لتحت،
بقيت اتلفت واعاين ليهو يعني بكل الطرق مستحيل الغرفه دي تتقعد،فاطمه قالت لي الله يعينك ي شهد جيتي جهنم برجولك،عاينته قالت لي والله م حتضوقي للراحه طعم يشهد الله لحمك يكمل في البيت دة اساليني انا💔فجاة سمعت ام حسام بتنادي قالت ليها نعم؟قالت لي شايفهه؟اخخخخ بس وطلعت مشت ،فضلته قاعدة زي الضيفه في طرف السرير جات فاطمه راجعه جابت اكل ومويه وعصير قالت لي يلا نتغدأ،م كان عندي نفس بس م حبيت احرجها اكلته شويه وبعدها فضلت تتونس معي ماشاءالله عندها اتنين ولد وبت ريم ورامي فضلت معي لغايه اذان العشاء ولدها نام وريم بتها كانت بتبكي،الجو كان مسخن شديد معاها حق💔قالت لي امشي انومهم وبالفعل ساقتهم ومشت وفضلته انا قاعدة والعرق نازل نزول من جسمي وباعوض وضبوب حايمه في الحيطه،الاسوأ من كدة حُسام م جا داخل الا الساعه12مساء،لما جا لقاني صاحيه وقاعدة منتظراه قال لي مالك م نمتي؟قلته ليهو انوم كيف في السخانه دي؟اتوقعتك حتجي تدخل لي المكيف،قال لي م اسي بكرة امي قالت،قلته ليهو امك قالت؟قال لي اي،قلته ليهو طيب نحن حننوم كيف؟جاتو مكالمه فجاة عاين للتلفون وكنصلو وقال لي انتي حاولي نومي انا طالع الدكان برة ومن غير م يتفاهم معي طلع،
م بقدر احكي حجم المعاناة الانا عانيتها في اليوم داك سخانه وباعوض وضبوب وحشرات حايمه في الغرفه وحتى ماف حوش ممكن افرش فيهو عبارة عن سريحه م بتشيل سرير،طلعته الفرش رميتو فيها برة ورقدته وسخانه الارض او السيراميك ديك كلها طلعت في جسمي،صحيت الصباح حالتي حاله انا اساساً م نمتهه عيوني متورمه وجسمي كلو علامات واثار باعوض،وصحيت على صوت منو؟ام حسام وهي بتقول رميتي الفرش النضيف دة في الأرض؟رفعته راسي متوغير صباح الخير ولا اي شي هي م شافت حالتي الانا فيها بس شافت الفرش،قلته ليها صباح الخير،قالت لي صباح النور ليه لكن عملتي كدة؟قلته ليها السخانه والبعوض جوة صعبه شديد💔💔💔قالت لي بي نرفزة هي السخانه دي كمان يوم كتلت زول ولا البعوض اكل لحم زول ؟خلو الدلع القايمين فيهو دة ي بنات الزمن، بقيت اعاين ليها يعني المرة دي انا م بعرفها ولا دة وشها التاني؟قلته ليها حسام نايم برة؟قالت لي راجلك انتي م بتعرفي نايم وين؟
حاولته اتخطاها ،شلته الفرش ودخلتو الغرفه فرشتو وبعد مشت اخدتهه لي رقدة ونمت،جاتني صحيه على صوت فاطمه بتصحي فيني ،فتحته عيوني لقيتها جايبه لي صينيه شاي ،قالت لي صح النوم،قلته ليها صباح الخير،قالت لي امس م.نمتي صح؟وااااااي الباعوض كمل لحمك،سكتته،قالت لي كان في مروحه هنا قلعتها امس الصباح الفقر،
استغربته طبعاً كيف قلعتها؟
قالت لي يلا الشاي،قلته ليها م متسوكه وم دخلته الحمام لسسسه،قالت لي حسام وين؟بايت برة؟قلته ليها تقريباً،قالت لي حتى وانتي هنا م داير يخلي امورو دي؟قلته ليها كيف؟
قالت لي انسي انسي قومي اوصف ليك الحمام عشان تغيري ملابسك وكدة،وبالفعل دة الحصل ،وانا طالعه من الحمام شايفه عمتي ومعاها 3اولاد اعمارهم متوسطه برفعو في عفشي ،قلته خلاص معناها عايزة تدخلهم الغرفه رغم انها ضيقه بس شكلها حتشيل سرايرها وحتدخل لي سرايري،مشيت على غرفتي على اساس انو ألم حجاتي علشان لو جو داخلين او كدة فضلته واقفه مسافه ماف زول جا،جات فاطمه قالت لي م شربتي الشاي،قلته ليها شايفه عمتو الزينهه جايبه شباب علشان يدخلو العفش وكدة،قالت لي اي دخلتو،
دخلتو؟؟
قلته ليها دخلتو وين؟
قالت لي التلاجه والبوتوجاز دخلتها المطبخ والسريرين دخلتهم الهول حقها ومعاهم طقم الترابيز،والدولاب والتسريحه والجزامه دخلتهم الصالون اما سرير الدبل والتسريخه دخلتهم المخزن التاني بتاعها
انا واقفه وبعاين ليها طبعاً هي بتقول في شنووووو؟؟؟
يعني انا حاقعد في الغرفهه دي؟
قالت لي م قلته ليك الله يعينك؟
وهي قاعدة معي حسام جا داخل هي على طول طلعت مشت ،قلته ليهو حسام،قال لي ايوة،قلته ليهو مش مفروض تدخل لي العفش هنا؟
قال لي هنا وين ي شهد براك شايفه الغرفه كلها مترين يعني نختو وين؟امي وزعتو في البيت عشان م يقعد في الشمس،
قلته ليها واها؟
قال لي اها شنو؟
قلته ليهو يعني انا اقعد في الحال دة وفي السخانه دي؟
قال لي شهد نحن اصلاً دة حالنا م مفروض يكون جديد عليك ابداٌ!!قلته ليهو انت ليييه بتتكلم بأطراف مناخرك كدة؟انت فاهم انا امس م نمتهه عاين لي جسمي؟
قال لي مش عايزة تنومي؟ومشكلتك السخانه طيب،
مشى جاب المكيف وجاب مشترك وصلو وجرة الخرطوش بي زهج وصلو فيهو وطلع
بس كدة بالبساطه دي قادرين تتخيلو؟
اتصلته على مناسك حكيت ليها وانا ببكي،بقت تجوط فيني وتقول لي انتي الجابرك ومصبرك على الناس ديل شنو؟ي دوب بدو يظهرو على حقيقتهم ي بت انفدي بي جلدك احسن ليك وارجعي بيتكم وبعدين.حسام دة ي شهد ح

سام دة و...سكتت ،قلته ليها مالو؟قالت لي ماف شي المهم الناس ديل تافهين، مرت الايام والوضع كل مرة كان ماشي للأسوأ م بس تعامل امو او تصرفاتها معي حتى حسام اتحول 180درجه من تعامل لي غيرو ياخي الدكان دة لصق معانا انا بشوفو في اليوم مرة وبالليل بخليني براي وبطلع ولو بات بجي بعد م انا انوم،كتير اوقات كنت لما ازخج من الوضع بلبس عبايتي وبمشي لي ماما في المدرسه،قدر م تحاول تسألني عن وضعي بقول ليها مبسوطه وانو حسام م مقصر مني في شي و...وانا بقيت م باكل اصلاً لأنو مرة واحدة بس دخلته المطبخ عملته غداء كم صنف يعني عملته ليهم صفرة كامله لما جينا نتغدأ ام حسام من غير تعليق على الأقل قالت لي"نحن م قاعدين نعمل كم صنف في مطبخنا دة ولا بنحب البزار والخمج دة صنف واحد كفايه جداً القروش دي لو داقين ليها حجر بتعرفو قميتها لكن لاقنها ساااي انتو،من يومها بطلته اطبخ حتى اليوم المقسمنو علي عشان اطبخ بحاول اعمل حاجه مختصرة وبعملها بي خوف،يعني جوة البيت داك تقيد بكل الاتجاهات ،في يوم جاتني مناسك جابت لي مكرونه بالبشاميل وكيكه شوكلاته علشان قلته ليها نفسي فيهم،المهم لما هي جات جهزته قهوة ورسلته رامي جاب لي علبه بوشار من حسام برة ظبطتهه لينا جبنه وقعدته في غرفتي وبقينا نتونس وكانت اول مرة تجيني في البيت دة وبعد تحانيس كمان💔وضع البيت م كان عاجبها نهاااائي قالت لي شهد دة شنو دة اسي عليك الله بس قولي لي دة شنو؟والله ي شهد انا م عارفه اصنفك مجنونه ولا شنو بس حرفياً انا تعبتهه منكك💔💔حاولته اشغلها وفتحته ليها موالات تانيه قالت لي شهد انتي مبسوطه معوحسام دة بجد؟سكتته مسافه وقلته ليها ايوة،قالت لي شهد م تتنافقي مع نفسك ،قلته ليها مشكلتك شنو انتي؟قالت لي م بريدو ي شهد م الزول المناسب ليك ولا انتي بتستاهليهو والله العظيم ظالمه نفسك معاهو دة واحد تافهه ومعفن وسمعتو فايحه ،قلته ليها عايني انتي بس عشام م بتريديهو بس هو طيب والله وحنين وم شوفته منو غير كدة واقفلي الموضوع عليك الله،قالت لي مع انو كلامك دة م بقنعني لو فضلتي تقوليهو ليوم الدين لكن تمام،_ونحن قاعدين بنونس ونضحك جاتنا فاطمه واهو بقينا قاعدين مع بعض،فجأة الكهرباء قطعت،والجو بقى مسخن،حسام جا ينادى على امو قال ليها الكهرباء دي فصلت ولا شنو شغاله عند الناس كلها،قالت ليها الكهرباء امنتها لانو دة م حال دة تكيف شغال 24ساعه وتبذير كهرباء،والغاز يعملو حجاتهم ويخلوهو بدون تأمين ذنبنا شنو نحن وهم بشربو في جبناتهم وفارغتهم والله دة كلام جديد في البيت كمان؟؟؟؟تاني ماف كهرباء بتشتغل في البيت دة بالنهار طالما المكيفات دي شغاله ليل نهار،
طبعاً تعابير وش مناسك اتغيرت وفاطمه وانا دخلنا في ضفورنا💔بعد مساافه قالت لينا هي اقوم امشي انا،قلته ليها ي زوله والغداء،قالت لي لا والله ماشه ،بالجد الموقف كان بااااااايخ شديد وزعلت💔💔💔بعد.م مشت اتصلته عليها وبقيت ابرر ليها قالت لي شهد م محتاجه تبرري لي بس حتمشي وتجي راجعه لكلامي ي شهد،في نفس اليوم دة بالليل حسام جا بدل م يبرر موقف امو قال لي شهد نحن وضعنا اسي اختلف امي م بتحب فكرة انو يجو ناس في البيت وتعملوها موالات جبنات وكدة ف يعني حاولي اعملي حسابك،قلته ليهو كيف؟
قال لي زي م سامعه ي شهد؟!!!؟
زعلته شديد بس قلته ي شهد استحملي ي شهد استحملي،والوضع زاد سؤ بتغير حسام الواضح دة غير انو كميه المكالمات البقت تجيهو لما يكون في البيت،دة غير انو حتى لما يكون معي احياناً بتجيني صحيه بلقاهو قاعد برة وبتكلم بالتلفون مع البنات،مع مرور الايام واجهتو وبقيت اتكلم معاه مرة واتنين وتلاتهه وبقت بيناتنا نقاشات كتيرة يومي نقاشات يومي نقاش وصلني لمرحله اني مرة ارد على تلفونو وبالفعل كانت بت وبعدها قوم الدنيا وم قعدها والغريبه م نكر بالعكس قال لي انا عشان استحملك لازم افتش برة ،وهنا كانت الصدمهه💔💔💔💔
اوقات كتيرة بقيت افكر اطلع امشي بيتنا بس دي حاجه اصعب من الانا عايشاهو دة،شويه شويه الموضوع بقى يتطور في يوم فجاة امو جابت لي كميه ملابس قالت لي غسليهم لي،كلها عبارة عن ملايات وتياب وملابس عمو حسن وملابسها هي،انا حيلي الفيني ي دوب مقدرني اغسل ملابسي كيف حأقدر اغسل ديل كلهم؟ قلته ليها الغساله وين؟
قالت لي لا الغساله بتصرف كهرباء غسليهم بي يدك،
اتمالكته اعصابي قلته معليش ي شهد غسليهم قيلته في الحر بغسل وبالليل نمته بي حمه جابتهم لي الصباح قالت لي اكويهم،
الموقف اتكرر مرة واتنين وتلاته لغايه م بقى عادي كل م تشوفني اطلع ملابسي عايزة اغسلهم بتجي ترمي لي ملابسها ودة بقى يحصل بشكل اسبوعي،
في يوم كنت عايزة حاجه من الدكان وعلشان باب النص البينا وبين البقاله مقفول طلعته بالشارع سامعه صوت ضحك اول م دخلته البقاله اشوف بت واقفه وحسام ماسك يدها اول م شافني اتخلع وفكاها،اتلفتت علي ي ريتها لو كانت بت لا كانت مرة متزوجهه💔💔💔فضلته واقفه مسااافه مصدومه وهي م طلعت دة غير المكياج العاملاه في وشها وريحتها الفايحه ر

جعتهه البيت وانا م شايفه قدامي لغااايه م جا داخل لاحقني بقيت بتناقش معاهو نقاش حاد قلته ليهو انا م لاقاني تافه وحقير وقذر زيك،بقينا نتناقش نقاش طويل لدرجه انو صوتنا بقى مسموع قلته ليهو اسي انا لو بعمل زيك حتتعامل مع الموضوع عادي؟قال بي انا راجل في النهايه ،قلته ليهو انت م راجل ي حسام م راجل،ضربني كف وتاني رجع ضربني كفين ،قلته ليهو دي رجالتك؟والله فعلاً م راجل وتفيت في وشو وتاني رجع ضربني،على صوتنا جات امو جاريه وعمو حسن معاها وفاطمه،مسكوهو وابوهو ضربو قدامي وبقى يقول ليهو ي حيوان تمد يدك على مرتك؟دي رجالتك؟
امو قالت ليهو انت م عارف سبب المشكله م تغلط الولد ساي خليهو هو في واحدة بترفع صوتها على راجلها كدة؟فضلته ساكته وببكي،طلعوهو ساقوهو برة وفضلت معي فاطمه وبقت تهدي فيني
، ونحن قاعدين سمعته ام حسام برة بتقول كان بعاين برة خلي اليعاين هي كان مرة صحي كان مسكتو وم خلتو يفتش برة،وهو في النهايه راجل والراجل محللات ليهو اربعه يعني هي عامله نفسها دايرة تحكمو؟كضابه والله هي زاتها جات وبقت مرتو كيف؟م زيها زيهن بتفرق منهم في شنو كمان اجي؟ ،عمو حسن كان بقول ليها قفلي،قالت ليهو م بقفل انت داير تسكتني في نص بيتي؟
لكم ان تتخيلو كميهه الضلال الفي المرة دي💔💔

بعد الحصل اليوم دة بقيت احس بي طمام من كل شي وقرفانه حياتي قررته اتصل على امي من شدة التعب الانا فيهو وصلته لمرحله حتى راسي م كنت قادرة ارفعو،بقيت بشيل الليل بكى،حمى صداع استفراغ وغيرو لغايه م تعبته خلاص بقيت م بشوف قدامي في يوم خلاص حسيت بنفسي م شايلاني رفعته تلفوني اتصل على امي تجي تسوقني لقيت م معي رصيد،ندهته على فاطمه بأخر نفس قلته ليها اضربي لي امي خليها تجي توديني المستشفى انا حيلي م شايلني،كان قراري النهائي انو امي لو جات ساقتني مستحيل ارجع البيت دة تاني،بس فاطمه م عملت كدة جابت ركشه ولبستني وساقتني المستشفى هي زاتها لاحظو كل التعب دة وحسام كان بدخل وبطلع كأنو م شايفني م هان عليهو يجيب لي حبه بندول من البقاله، فاطمه عملت لي الفحوصات الدكتور قال ليها لا حول ولا قوة الا بالله البت دي مالها؟قالت ليهو تعبت فجاة،قال ليها فجاة كيف دي يومين تاني وكانت حتموت البت حامل وفاقدة كل الفقد واسي احتمال كبير نديها مثبت جنين..
انا بس سمعته كلمه حامل دي،حامل؟حامل كيف؟كيف بس حامل؟من كل الجوانب م في مصلحتي الحمل دة،يعني بعد م خلاص قررته اعمل الشي المفروض هو صح وإتأخرته فيهو يحصل معي كدة؟

ركبو لي دريبات قعدنا كم ساعه في المستشفى ضربت لي حسام على اساس انو يجينا بس بكل البرود الفي الدنيا قال ليها م بقدر اخلي البقاله وحول ليها قروش قال ليها في حال انو احتجتو لي شي وكدة اتصرفو💔💔
بكيت قدرتي اللحظه ديك الراجل البتهوني عليهو في اسوأ لحظات حياتك وبنسى العشرة البينكم دة حتهون عليهو حياتك كلها...💔
رجعنا البيت هو رغم معرفتو انو انا حامل م فكر يجي يقول لي حمدلله على السلام او يبدي اي ردة فعل تجاه الموضوع،عدت الايام وانا حالي حال اي حامل بتعب وبتنفسن وبكون محتاجه معامله خاصه و...بس انا دة كلو م شوفتو ابداً حتى م قدرته احكي لي امي الا بعد شهرين مشيت ليها المدرسه وبعد م شافت حالتي الانا فيها اصرت علي نمشي المستشفى حتى قلته ليها دة من الحمل ي امي،حسيت وشها لمن وقع لما قلته ليها كدة،بقت توصي فيني اخلي بالي من نفسي و...بعد م مشيت البيت اتصلت علي قالت لي ابوك مشى عمرة تعالي اقعدي معي في البيت،
تخيلو؟يعني لمن امشي بيتنا امشي عشان ابوي ماف💔
الحاجه دي وجعتني شديد قلته ليها لا والله ،امي عايزة تتواصل معي وم عايزة تبين انو في اي نوع من انواع التواصل م بينا وفي نفس الوقت انا م حابه اختها في حتات ضيقه مع ابوي وتحصل ليها مشاكل بسببي💔بقت ترسل لي حجات مع مناسك فواكه واكل وبتعمل لي كل الحجات البحبها وبتتصل علي يومي وبتقول لي اعملي حسابك م تعملي كدة وم تعملي كدة اتغديتي،فطرتي و...يعني يومها كلو هي بتطمن علي بقت شايله همي ونحن بينا مسافه امتار وهي م قادرت تطمن علي💔💔

وضعي مع حسام بقى ماشي لي اسوأ بقيت م طايقاه اقل شي بتنفش فيهو في يوم فجأة جا داخل البيت سكران وعمل لينا موال طويل عريض في البيت كلو م نمنا للصباح امو بقت تتحسبن وتبكي وتقول لي ولدي عمرو م شرب ولا سجارة حتى انتي في كم شهر خليتيهو يسكر ،فوق مسؤليتك جايبه ليهو مسؤليه تانيه كمان اسي هو حمل مسؤليات؟الوالدة ليها شنو زاتو ؟
اليوم التاني اخدته حسام وبكيت ليه واتكلمته معاه بالهداوة وعدني انو م يعمل كدة واعتذر لي على الفترة المضت بس م اعتقد في زول بمسك درب السكر وبفكو بالساهل بقى في الاسبوع يسكر مرة ومرتين وانا بالنسبه ليهو بقيت زير في البيت او زوله بجيها بمزاجو وزوله سرير بس💔بقيت حاسه نفسي في جحيم عشته كل الضغوطات دي وانا متحمله حسام وامو والحمل لا وكمان اخر م اتوصلت ليه بقت تقول لي الحمل عايز حركه اشتغلي عادي تخليني انضف البيت كلو واغسل العدة،عادي تخليني امسح

البيت وانا حامل ،عادي اكون واقفه في المطبخ فطور وغداء الف الحمدلله على وجود فاطمه بس كانت بتغطي علي كتير واوقات كتيرة كانت بتطلب مني ارجع بيتنا واعيش مع اهلي لمن يبقى ؤاجل واحياناً من زعلها علي بتقول لي الا امشي احكي لي امك وانا بحلفها بالله م تمشي لانو امي الفيها مكفيها ،واحياناً لما تحس انو حسام م طبيعي وحيتشاكل معي بتجيب لي ريم او رامي وبتنومهم معي علشان م يضربني وهكذا

حسام كان كل م يجي راجع البيت سكران او بالع حاجه بتشاكل معي،وبغصبني على اني انوم معاه وانا برفض كنت م بكون طايقه لا ريحتو ولا خلقتو ولا اي شي خلاص وصلته منو الحد دة كلو وانا مكبوته بقول ي شهد استحملي حيتغير،الحمل لو م غيرو بكرة تلدي ويتغير دة كلو علشان انا عارفه انو انا م عندي حل غير كدة ودي نتيجه غلطي اساساً دة حسام الانا قلته لي بابا عايزاه ودة الجوطتهه حياتي فوقاني تحتاني علشانو ،لما وصلته الشهر الرابع في يوم بالصدفه وانا بغسل لقيت كيس في جيب حسام دخلته يدي في الجيب لقيتها سجاير وم سجاير عاديهه لأ بنقو ي جماعه اكتر من 10قطع اظنو ناسيهم،شلتها دسيتها،واتصرفته عادي جاني بعد المغرب م سألني بس بقى يفتش فتح الدولاب نزل الملابس كلها وقلب السراير وانا مشيت قعدته مع فاطمه وخليتو في حالتو ديك،بعد اكتر من نص ساعه ناداني بصوت عالي شهد ،فاطمه قالت لي سجمك مالكم؟قلته ليها ماف شي ،قالت لي كدي قومي عليهو وم تتناقشي معاهو عليك الله ي شهد براحه بس ،قلته ليها طيب،قالت لي امشي معاك؟قلته ليها لا خليك،طلعوه مشيت عليهو قال لي انتي غسلتي الملابس؟قلته ليهو اي،قال لي معناها عارفه انا بفتش على شنو؟
طبعاً كان قالب الغرفه فوقاني تحتاني،
قلته ليهو م عارفه
قال لي وين الملابس؟قلته ليهو كويتها في الدولاب وياها نزلتها انت زي م هي في الارض ،
قال لي شهد لا إله الا الله؟؟
قلته ليهو محمد رسول الله وربعوه ليهو يدي
قال لي طلعي الحجات اللقيتيهم ي شهد،قلته ليهو انا م لقيت شي،
جراني ورماني في السرير وطلع بفوق لي وخنقني قال لي وين الحجات؟
بقيت اصرخ وهو رامي حملو كلو علي وانا بلز فيهو،
قلته ليهو م عارفه م عاؤفه بقى يكفت فيني ،قال لي طلعيهم قلته ليك،قلته ليهو م عارفه م عارفه،شات الشاشه كسرها ورجع خنقني وبقى يضربني ..

وسط دة كلو مةبقدر انسى صوت امو وهي بتقول مرة وراجلها م تدخلي بينهم اوعى تدخلي ي فاطمه بينهم خلو يأدبها المرة كان بقت راسها ناشف الا يعملو ليها كدة...

فضل يضرب فيني ويسألني وانا مُصرة م اتكلم خليته يضرب قدرتو وقفني قدام الدولاب وقال لي طلعيهم سرعه وضربني بالضلفه ومنها جراني ورماني في رجل السرير وبقى يقول لي بكتلك انا بكتلك الليله لو م طلعتيهم ي بت ال... وهكذا لغايهه م وقعدته في الأرض وبقيت اصرخ ،كميه الألم الانا حسيت بيهو اللحظه ديك حسيت انو بعدو م هعيش بقيت اصرخ زي الطفله وانا ماسكه بطني،جاتني فاطمه جاريه ضربتو وقالت ليهو الله ينعلك اطلع برة ي م راجل مسكتني وبقت تقول لي شهد،وانا بصرخ وبقول ليها واااااي ي فاطمه بطني ،بطني ي فاطمهه حأموت وااااي،وديني لي امي ي فاطمه اتصلي لي على امي بسرعه،
ام حسام قالت ليها م تتصلي اوعى ،
بعد صراخ اكتر من نص ساعه وهي مرقداني في السرير سمعته فاطمه بتقول بخلعه نزيف؟قامت جاريه وطلعت برة وبقت تنادي عمتي،ي عمتي تعالي بسرعه شهد جاها نزيف،
كان فيني كميه ألم يهد جبل💔الحصل شنو؟
ايوة الفي بالكم بس اجهضتهه 💔م حاولو يودوني المستشفى اكتفو بي انهم يجيبو لي مسكنات ألم وبس،كنت حاسه انو انا خلاص حاموت حتى بعد الإجهاض الألم كان ماشي في زيادة وكنت ببكي زي الطفله وفاطمه واقفه في راسي وعمو حسن بمشي وبجي وبقيف فيني وبتحسبن في حِسام وبقول انا انا م ربيت دة تربيه نسوان ود امو كان ربيت صحي كان بقى راجل، وعدناني قدر م قال يودوني المستشفى امو ابت قالت ليهو دة ألم طبيعي بكرة بتبقى كويسه،وحسام هههه حسام حتى وشو م وراني ليه،
قلته لي فاطنه فاطمه انا لو قعدته هنا للصباح كدة م هعيش انا هموت،قالت لي شهد لا م تقولي كدة عايزة شنو اتصل بيك على امك؟امشي ليهم؟قلته ليها لا ،كنت برجف من فوق لي تحت والعرق نازل من جسمي،قلته ليها معاك تلفونك؟قالت لي اي،قلته ليها اديني ليهو،مسكتو منها وانا برجف دخلته رقم وقلته ليها اتصلي عليهو،اتصلت كم مكالمه كل مرة كانت بتقول لي داخل بس ماف رد،تاني رجعت اتصلت م رد ،بقت تمسح لي المويه من جسمي وانا خلاص برجف من فوق لي تحت وم قادرة اصرخ من الألم،فجاة تلفونها ضرب،قالت لي ياهو نفس الرقم قلته ليها ردي بسرعه اول م فتحت الخط قالت الوو؟وعليكم السلام،هاك ي شهد،ختت لي التلفون في اضاني سكتتته مسااافه وانا بسمع في صوت الزول بقول الووو؟الووو؟قلته ليهو ماهر ،ماهر انا شهد،سكتت مسااافه حتى قال لي شهدد؟قلته ليهو اللحقني ي ماهر وبقيت ابكي،بعد مسااااافه في شنو مالك وين انتي؟ ؟قلته ليهو عليك الله تعال اللحقني ي ماهر،قال لي في شنو ي بت الناس؟فاطمه رفعت السماعه مني وقالت لي

هو بصوت خافض اسمعني ي ود الناس ماف زمن نشرح ليك فيهو الحاصل بالتفصيل ضروري تجينا اسي اسي دة عليك الله استعجل والله حالتها صعبه شديد واقرب للموت،نحن وين؟نحن بيتنا فاتح في...لالا م في بيت ناس شهد نحن بيتنا فاتح في بيت ناس شهد،خلاص تمام ،تمام،مافي طريقه اوريك يااااا ود الناس اسي عليك الله حاول استعجل لينا بس،تمام طيب
..
بعد م قفلت قالت لي ان شاءالله يجي بس كان جا نطلعك كيف ونوديك وين ي شهد ودة منووو؟
فضلته ساكته وببكي ،م عارفه انا عملته كدة كيف وليييهه في حين انو كان ممكن استنجد بي ماما وبابا او حتى منذر بس عارفه انو لو عملته كدة البحصل م طيب لاني مضروبه واهلي م حيسكتو م خطر على بالي غير ماهر وجملتو بتاعه"انتي بس قولي ي ماهر اللحقني"...

بعد نص ساعه بالظبط اتصل وقال ليها قريب انا اجي وين؟قالت لي شهد؟انا بقيت مهبطه وم قادرة اتكلم ،بقت تقول لي شهد شهد،قالت ليهو في بيت فيهو دكان بس اقيف قدامو استعجل عليك الله الليله وووووووب ي شهد رمت التلفون وبقت تضربني في وشي وتكورك، فتحته عيوني لقيتها بتلبسني توب وطلعت جرت وجات راجعه بتقول قلته ليك تعال ي عدناني تعال،جا داخل ،قالت ليهو شيل معي ،قال ليها موديها وين؟قالت ليهو اخليها تموت يعني ي عدناني تموت بسبب اخوك وامك الله بسألنا لو حصل للبت دي شي ي عدناني الله بسالنا،اسندها معي،رفعوني ختوني في كرسي بلاستيك كدة ،تلفونها رجع ضرب قالت الووو؟اي وصلته؟طيب خليك واقف تمام ،عدناني قال ليها فهميني ماشه وين ي فاطمه؟قالت ليهو مودياها المستشفى واليحصل يحصل اريتكم تتسجنو كلكم ي حيوانات شيل معي قلته ليك والا والله اضرب 999ابلغ عنكم والله ابلغ عنكم واقفلكم كلكم وانت معاهم،شالوني بالكرسي هم ال2 كنت سامعه بس صوت اولادها وهم ببكو،بعدها بقيت م سامعه اي شي ولا شايفه شي خلاص شبه غبته عن الوعي رسمي،لما فتحته عيوني لقيت نفسي بالفعل في المستشفى،ولقيت امي في راسي وفاطمه،م نطقته ولا كلمه بس بقيت ابكي لما شوفته امي بتبكي،قالت لي م بتتصلي وتكلميني ي بتي؟للدرجه دي انا بقيت غريبه بالنسبه ليك؟حسبي الله فيك ي عبدالله،حسبي الله ونعم الوكيل مسكتني وبقت تبكي،فاطمه زاتها كانت بتبكي،فضلته في المستشفى يومين م شفته فيها غير فاطمه وعدناني وامي ومناسك واقفين في راسي،امي رجعت البيت علشان تغير بعد اصرار مناسك وفاطمه عليها وخلتني معاهم علشان سلفاٌ الدكتور مقرر يخرجني المساء،مناسك قالت لي شايفه ي شهد؟م قلته ليك دة واحد باطل واهلو بطاله مع احترامي ليك ي فاطمه بس الناس ديل قذرين،فاطمه قالت ليها عارفه كدة ،مناسك قالت لي ياما نصحتك ياما قلته ليك دة واحد م منو رجى ،ياما قلته ليك دة نسونجي وم راجل مستقبل م يبهرك دة شافع قليل ادب شهد ي شهد ياااااااا شهد اسي انتي اتخليتي عن دراستك وخسرتي امك واخوانك وابوك عشان دة؟عشان يعمل فيك كدة؟شهد عمرو الكلب م ببطل يهز زيلو ي شهد والله كنت حاسه كنت حاسه انو في يوم حيصل معاك المواصيل دي عشان كدة نصحتك وبقت تبكي،فاطمه قالت ليها خليك انتي البعيدة انا العايشه معاهم جوة البيت دي نصحتها ياما قلته ليها ي شهد امشي اهلك من اول مرة مد يدو عليها كلمتها الراجل لو اتعود على انو يمد يدو عمرو م بلمها حيعملك ملطشه في الطالعه والنازله الراجل لو م حسمتيه بطلع في راسك،لو بقى يسكر وسكتي عليهو كدة خلاص نهيتي مستقبلك ومستقبل عيالك،حٌسام ود امو واي شي تقول عليهو امو بمشي عليه واي شي بعملو امو بتبررو ليه مدلع شديد وقليل ادب وخايب وطبعو مخروب حب شنو ي شهد ؟عرستو ليك دي م كانت حب بس هو اتعود الشي العايزو وفي مزاجو ياخدو بس،م بتتخيلي امو دي عملت شنو عشان تخلي ابوك يعقد ليهو عليك،قدر شنو المرة دي كذبت واتنافقت وبهتتك ،لغايه اللحظه م قادرة انسى اليوم داك والحصل فيهو ،ابوك جانا بكل الغضب الفي الدنيا ووقع في حُسام ضرب بالفعل ضربو ضرب فرج عليهو ناس الحي وبعدها بالجلاله قدرو يمسكوهو منو ودخلوهو جوة البيت بس ابوك م اكتفى لحق حسام جوة البيت ولسسسه مُصر يضربو وكان بقول ليهو "بتحرش بتي علي ي حيوان؟عشان ابيت اديك ليها بتلعب بي عقلها؟والله كان تعفن م اديك ليها ي وسخخخ ي صفتك وي صفتك و...الخ قالت لي م خلى شي م قالو لي حسام بعدها طلعت عمتي الزينه وبدت تتكلم قالت ليهو هي بتك شن البت؟هي بتك لافه معاهو من الليله ولا من امس؟بتك هي قصرت ؟هو كان بسمع كلامي بنات الناس م راقدات لكن ولدي راجل ولدي بعرف يغطي على غلطو،وعشان اوريك السبب المخلي ولدي يكون مُصر على انو يتزوج بتك م داير يتزوجها من فراغ لكن بتك زيها زي اي بت جاتو وغلط معاها والحصل دة م حصل لا مرة ولا مرتين وصالون بيتنا دة يشهد من هي في الثانوي بتجيهو وعشان الجيرة والعشرة وصُحبتو مع ولدك حلف الا يتزوجها ،هو كان غلط زاتو م في النهايه هو رااااجل ما بتحاسبو انت ولا عندو شي يخسرو الدور والباقي على بتك امشي شوف ليها طريقه واللقى ليها البلمها لو بتلقى ارجل من ولدي دة يلمها وطوله اللسان دي كلنا

بنقدر عليها وبنعرف نمد لسانا مترين لكن انت قول لي بتقدر تمدو كيف؟جاي تتكلم في تربيه الناس وانت الما عرفته تربي،بتك زاتها عارفه نفسها عملت شنو م محتاجه يحرشوها هي محتاجه اليسترها اول واريتك تعرف تسترها خليك من رجاله ولدي ابقى راجل واسترها انت...💔

💔
💔
💔

يوميا" علي قناتنا الثانيه هترشات وروايات
حلقات يوميه من الكاتبه مباشره

https://tttttt.me/joinchat/AAAAAD3Q1G-dzPGrQD8kdQ

🎭هترشات 😊سودانيه🎭:
🎭هترشات 😊سودانيه🎭:
♤♤♤♤♤♤♤♤♤♤♤♤♤♤♤♤♤
💫💫♡هترشات♡♡♡سودانيه♡ 💫💫


ﺍﻟسوداني ﻳﺪﺧﻞ ﻳﺼﻠﻰ ﻑ ﺍﻟﺠﺎﻣﻊ
ﺟﺰﻣﺘﻪ ﺗﺘﺴﺮﻕ 👞
ﻳﻄﻠﻊ ﻳﺴﺐ ﺍﻟﺪﻳﻦ 😂😂


😂😂 هترشه.عجيبه.tt 😂😂


     ┏━━━━━━━━━┓
彡♡ @hatrshat ♡
     ┗━━━━━━━━━┛
❍≈≈≈≈≈≈≈≈≈≈≈≈≈≈≈≈≈≈❍
❉°…………°❈😂❈°…………°❉

🎭هترشات❈👳🏾👳🏾❈سودانيه🎭

#ذات_عناق_19

بتك زاتها عارفه نفسها عملت شنو م محتاجه يحرشوها هي محتاجه اليسترها واريتك تعرف تسترها،كلام كتير قالتو دة بس موجز بسيط انا اختصرتو ليك وكان كلو استفزاز لي ابوك هي كانت عارفه نفسها بتعمل في شنو ي شهد وعملت كدة علشان تستفز ابوك مع سبق الاصرار ردات الفعل المتوقعه كانت واحد من الاتنين ي اما ابوك دة ارتكب جريمه في حسام ومشى ارتكب فيك جريمه انتي وطبعاً دي هي م حسبت حسابها علشان مرة غبيهه،ي اما حيعقد لي حسام غصب عنو ودة فعلاً الحصل زواج في لحظه انفعال بالإستفزاز واي راجل يسمع كلام زي دة في وضع زي دة اي شي بطلع منو م مؤاخذ عليه خصوصاً في وضع ابوك دة ي شهد،

قلته ليها بصوت عالي بس دة كذب ي فاطمه كذب انتي عارفهه انو انا م حصل دخلته بيت الناس دي غير مرة واحدة وكانت مع امي؟حصل شوفتيني ي فاطمه؟😭😭😭😭قالت لي شهد انتي هبله؟انا واثقهه من الحته دي الصالون الهي كانت بتتكلم عنو دة ولدها فعلاً كان بجيب فيهو البناات وهي بتمهد ليهو لي كدة لا وكمان بتقول هو راجل وهن براهن البجوهو في مكانو بدون خجله او استحاء بتبرر لي ولدها كدة انا واثقهه انو انتي عمرك م عملتي كدة ولا هوبتي ناحيه بيتنا وانا اصلاً الاشكال البجيبها معروفه عندي؟
قلته ليها طيب لييييهه كذبت كدة؟لييييهه عملت فيني كدة حسبي الله ونعم الوكيل فيها انا انا انا حسام دة حتى لما طلب مني اعمل معاه كدة انفصلتهه منو وم رجعته ليه ابداً الا فترة العقد دي والله العظيم م حصل خليتو يقرب من ضفري حتى 😭😭😭😭😭😭😭😭💔انهرت وبقيت ابكي بصوت عالي حتى الممرضين جو داخلين وبقيت اقول "الله ينعلكم ي حسام وامك الله ينعلكم ي كلاب ي عديمين الرحمه 😭💔
الدكاترة قالو ليهم في شنو؟فاطمه ومناسك بقو يهدو فيني،قالو ليهم اطلعو برة لو سمحتو ،برة ي جماعه خلونا نشوف شغلنا ونعرف نتعامل مع البيشن،بعد م طلعوهم ركبو لي درب،

انا في اللحظه ديك احساس انو الدنيا بقت دايرة بي والاحداث من البدايه كلها بقت شريط ماري لحظتها بالذات اللحظه بتاعه بابا جا داخل البيت متعصب ورمى كل حجاتي في الارض وبقى يفتش و...ي ريت لو الحياة دي اتوقفت هناك في اللحظه ديك بالذات،ي ريت لو بابا فكرني يتأكد مني ،ي ريت لو بس صلى على النبي واستغفر ولقى عقاب انسب من كدة،ي ريت بس لو وثق في تربيتو شويهه بغض النظر عن تصرفاتي الطفوليه ،الغريبه انو ماف زول حكى لي او واجهني بالحاصل دة حتى،كلهم صدقو الكلام دة حتى امي المعتبراها اقرب زول لي وفاهماني طلعت ثقتها فيني صفر،صفر،حتى م فكرت تلقى حلول للموضوع حتى بعد م حصل الحصل اكتفت بالسكوت م جات اتأكدت مني م جات قالت لي لا انتي بتي م بتعملي كدة ولا حتى انتي تربيتي وم هتعملي كدة،اذا عذرتهه بابا ماما م بقدر اللقى ليها العذر انا كل الوقت بكون معاها وجمبها وهي اكتر انسانه كان بتخيل لي فاهماني عمري م فكرته ادس عليها شي ،وانا اللي عامله نفسي صابرة على دة كلو علشانهم وعلشان اذنبت في حقهم طلعت انا المظلومه وهم الأذنبو في حقي...💔

بعد اخدته الدرب هديت بعد نص ساعه كدة جات مناسك ووراها فاطمه لقوني لسسسسه ببكي او دموعي هي الجاريه بشكل تلقائي م عارفه نفسي موجوعه ولا مصدومهه،مناسك قعدت جمبي وبقت تمسح لي في دموعي قالت لي شهد هدي شوفي الحمدلله ربنا كشفهم وجات على كدة،وكلو لي غير م تبكي كفى كفايه عليك الدموع البكيتيها دي ناس م تستاهل صدقيني والله العظيم م تستاهل ابداً،فاطمه قالت لي احمدي ربك انو نجاك منهم لكن انا انا خلاص قريت الفاتحه على روحي وإتطورتهه الله يقويني بس لكن انا زاتي عندي حد لو وصلتو الا يطيرو هي واولادها،مناسك قالت ليها والله العظيم تلاتهه انا لو مكانك المرة دي كل م تقل ادبه ادقها واسي انا صاراها ليها لو م دقيتها جوة بيتها م بخليها م بعرف مرة كبيرة ولا صغيرة اصلاً من يومي م طايقاها لا هي لا ولدها واسي اصبري بس خلينا لمن نرجع الا تطير ،فاطمه ضحكت قالت ليها كدة اسي خليهم يلقو ليهم زول يكفلهم ويطلعهم من السجن اول بعداك الدق هين،
بقيت اعاين ليهم قلته ليهم كيف يعني يطلعوهم من السجن م فهمت؟؟؟
مناسك قالت لي دايرة يسكتو ليهم بعد العملوه دة يعني؟لا طبعاً اكيد مستحيل ،
قلته ليها الحصل شنوو؟
فاطمه قالت لي الولد الجابنا هنا دة عاد م شوفتي قوم الدنيا وم قعدها كيف ناس المستشفى رفضو يستلموك قالو الا اورنيك8 تعالي شوفي الهيجه والفورة والشكل خلاهم يدخلوك ويعملو ليك اللازم غصب،بعداك اتصل على منذر اخوك جاهو في المستشفى هنا وجابو الضابط هنا في المستشفى استلمو الأورنيك في نفس اليوم داك اللي هو يوم الأربع اصبح الخميس وامر القبض طلعوهو يوم الخميس واستلموهم ولسؤ حظهم حسام واهلو ماف وكيل نيابه بكون قاعد يوم الخميس في اقسام الشرطه علشان يصدق ليهم ضمانه قفلوهم كلهم بي عمو حسن😂😂😂😂😂😂😂💔
كانت بتقول كدة وبتضحك
مناسك قالت ليها على فكرة هم اتعمدو يعملو كدة قاصدين يقفلوهم خميس وجمعه علشان يتأدبو في عفانه الحراصات وباعوضها اصلاً ال

مرة الشوم دي م ينفع معاها الا كدة،
فاطمه قالت ليها والله ريحوني في حناني غايتو حتى عدناني راجلي زعلته عليهو م دخل معاهم لانو بسكت على عمايل امو هو زاتو قرب يبقى ود امو لكن انا ضافراهو يحمد ربو انو جا معانا المستشفى والا كان زي الزمن دة جوة الجك مع الجماعه والعجب عمو حسن م عندو ذنب لكن اتقفل عشان يعرف يضفر مرتو يستاهلو😂😂😂💔والله قالو منذر ضرب ليك حسام ضرب قرب يموتو💔
مناسك قالت يستاهل الموت الوسخ، المهم اسمعيني انتي حتمشي وين بعدين ؟المرة دي م حتريحكك وراجلك؟!
قالت ليها اه ياخ بيت ابوي حدادي مداد انا كمان بخاف منهم؟كفايه سكته وصبرته السنين دي كُلها كان البجيني من وقفتي مع شهد الشافعه دي الطلاق خلي اليطلقوني سااااااي اصلاً الطلاق حق بنات الرجال💅❤
مناسك قالت ليها اصيلهه يخخخخ انتي مبسوطهه منك شديد انا اولادك م عملو جوطه لي اهلك؟
قلته ليها صح وين ريم ورامي ؟
قالت لي ضربته لي اختي مشت شالهم بيتنا،لكن النصيحه ي شهد ود اهلك الضربتي ليهو دة كيفني عاااااد عمل جنس شي في الناس دي؟تلفونات بس ضاير ختهه المستشفى في فتيل الدكتور بقى يقول ليهو دي مرتك دي مرتك؟هههههههههههههههه
مناسك قالت ليها علشان كدة اسي عاملين ليها الف حساب في تعاملهم سخنهم شديد شكلو😂😂😹💔قالت ليها ي بت اسكتي بس والعجب لما الدكتور قال ليهو نحن الهمجيهه معانا م بتنفع إييييييييييييككك يخخخخ هو ببقى ليكم شنو ود عمك ولا عمتك ولا خالك ولا شنوووو؟...
فجاة ماما جات داخله قالت ليهم كيفكم ي شباب ،قالو ليها الحمدلله مالك جيتي سريع كدة؟
قالت ليهم والله تقولو شنو بالي انشغل انتو زاتكم تكونو جوعتو جبته ليكم اكل وشاي وعصير وكدة ديل م جو؟
قالو ليها منووو؟
قالت ليهم منذر وماهر؟
لما قالت كدة قلبي عمل شححح💔
مناسك قالت ليها لا هم قالو جاين؟
قالت ليها لا بس م منهم خبر ومنذر تلفونو مقفول عشان كدة💔
فضلته ساكتهه كانت في بالي حاجه واحدة بابا،بابا حتى وانا في الحاله دي هنت عليهو وم جا حتى يشوفني رغم اني اتوقعته انو اول واحد افتح عيوني اللقاهو في راسي،ي ربي لو م كنت استنجدتهه بي ماهر ولجاته ليهو هو هل كان حيجيني؟

وهم بتونسو جاتني غفوة نمت لما صحيت لقيتهم بتونسو شويهه كدة باب الغرفه دق،ماما مشت فتحت كان منذر،طبعاً احساس انو انا عندي سنه م شوفتو ،الزول الوحيد الما فكر يفتشني او يسأل علي حتى💔عاين لي مسافهه بعدها جا جمب سريري وقال لي بصوت مبحوح حمدلله على السلامه ي اختي،
فضلته ساكته دموعي جات جاريه لفيت منو وشي قعد جمبي ومسك يدي مسأاااافه وقال لي شايفهه ي شهد؟في زول برمي نفسو الرميه دي ووسط ناس زي دي؟شايفه العناد وقوة الراس ممكن تودي لوين؟
ماما قالت ليهو منذر م وقتو
قال ليها وقتو ي امي وقتو لمتين حنقول م وقتو م وقتو لغايه م تقع المصيبهه في راسنا؟عارفه انها كان بينها وبين الموت شبر؟فاطمه قالت ليهو والله الدكاترة قالو لو قعدت للصباح كان م عاشت لأنو في بواقي في البطن لو م فكرت مجرد تفكير كنا زي الزمن دة بنشيل عليها الفاتحه؟بقيت ابكي بي صوت
ماما قالت ليهو مُنذر"بي صوت حاد"
بقيت ببكي وهو ماسك يدي وبعاين لي وانا ببكي زي الطفله وماما وفاطمه ومناسك حتى هو دموعو جات جاريهه💔بعد مسافهه وقف على حيلو وقال ليهم جاهزين خلاص عشان نمشي؟بقيت اعاين ليهم كلهم،
نمشي؟نمشي وين؟يعني ارجع بيتنا؟بيتنا الطلعته منو الطلعهه دييييييككك؟البي توب وبجامه؟بيتنا اللي فيهو بابا م كلف نفسو وجا يشوفني في المستشفى رغم الحاصل معي؟كيف امشي هناك تاني عادي كدة؟
ماما قالت ليهو اي بس منتظرين الممرضه تجيب لينا المقعد المتحرك وين ماهر م تكون مخليهو واقف برة بس؟
قال ليها لا مشينا القسم في اجراءات عملناها ومشى على البيت ،
ماما قالت ليهو ي حليلو الله يديهو العافيه اليومين دي وقف فيها برجل واحدة في المستشفى تعب معانا والله الله يجزيه خير كل مرة بخجلنا برجالتو دي الولد دة💔
هههه طبعاً هو م مشى علشان تعبان بس هو م عايز يشوف وشى والحمدلله انو عمل كدهه...💔

منذر قال ليها خلاص انا بنتظركم برة طلعوها الوقت داك،بعد م طلع جات ماما قالت لي تعالي،مدت لي يدها بقيت اعاين ليها اليد الهسي ممدودة لي دي نفسها اليد الما اتمدت لي وانا في اسوأ لحظات حياتي💔مسكتني نزلتني ولبستني طرحه كبيرة لفتها حوالي،قالت لينا دقيقه انادي الدكتور،بعد م طلعت قلته لي مناسك مناسك ينفع امشي معاكم بيتكم؟
مناسك وفاطمه بقو يعاينو لي،
مناسك قالت لي اكيد م عندي مشكله بس ي شهد م تحاولي تعقدي الأمور،فاطمه قالت ليها صحح ي شهد اهدي شويه وخلي المواضيع تمشي زي م ربنا كاتبها م تفتحي موال عناد جديد امك واخوك ديل والله قلبهم مقطوع عليك وحالتهم حاله عشان امك م تحاولي تعملي موال !؟
ماما جات داخله وراها الدكتور ،الدكتور قال لي زولتنا البكايه خلاص طالعه؟هزيت ليهو راسي،
ماما قالت ليها اها ي دكتور ماف اي شي تاني وم حتجيها اي مضاعفات ولا شي؟
الدكتور قال ليها ابشري ي حجه ماف شي هي تمام بس

الادويه الصرفناها دي في مواعيدها م تخافي عليها صدقيني انتي بس بطلي تخافي واهدي شويه،
قالت ليهو طيب،قال لي الف حمدلله على سلامتك ي بتنا وربنا يجعلو سلف إن شاءالله❤
طلعنا من المستشفى واتحركنا على البيت،
احساسي شنو؟إنهيار،إحباط،خوف،كسرة نفس،قرف من نفسي ومن حياتي اللي م ليها اي معنى،سدة نفس من كل شي💔دموعي م وقفت لغايهه م وصلنا البيت،اول م عيني وقعت على بيت ناس حسام مرة على بالي السناريو الحصل كلو ،عاينته للمسافه بين بيتنا وبيتهم وشوفت قدر شنو هي قصيرة بس الحاجز الحقيقي هو الكان بيني وبين اهلي وم خلاني اللجأ ليهم،حُسام كان بعمل فيني دة كلو وهو عارف اني م حأقدر ولا بالغلط استنجد بي اهلي كان بتعمد يهيني ويذلني مع سبق الاصرار علشان عارف انو م عندي ولي يقيف في راسي بالنسبه لي زوله اترمت ليهو رميهه الكلاب دي شي طبيعي يعمل فيها كل العايزو 💔💔💔
منذر قال لينا م تنزلو،نزل فتح باب الشارع اول حاجه عيني وقعت عليها عربيهه بابا،بابا عربيتو كانت مبركنه جوة يعني هو موجود،ضربات قلبي بقت تتسارع لمن جفلت،حاسه نفسي رجعته كم شهر مضى واليوم دة كانو زيو زي اليوم داك😭💔منذر جا راجع ركب العربيه ودخلنا ،نزل فتح لينا الابواب كلهم نزلو وانا لسسسه بعاين لبيتنا،بيتنا العندي سنه م شوفتو،بقى غريب شديد غريب او.كئيب م قادرة اصنف،ماما قالت ليهو جيب كرسي،بعد مسااافه قلته ليها لا ماف داعي،نزلوني من العربيه وسندوني مع كل خطوة كنت بحس نفسي مهبطه كيف حيكون وضعي لو فجاة بابا وقف قدامي؟هل حاقدر اتعامل معاهو بشكل طبيعي؟
بقيت م عارفه هل انا عتبانه على نفسي ولا على اهلي💔منذر مشى قدامنا فتح الابواب مع كل خطوة بعاين لنفسي في مرايات البيت وم بجي على بالي الا تفاصيل اليوم داك يعني بس لو كان في بينا عاقل م كنت هكون في الحاله دي اليوم💔دخلنا البيت وعلى طول غرفتي،كانت زي م هي او زي م خليتها بإختلاف انها مرتبهه بس،فاطمه رقدتني في السرير ماما قالت لي مناسك شغلي التكيف،
احساس اني في بيتنا بس غريبه،احساس اني خايفه وحاسه بالرعب وهعيش تفاصيل اليوم داك تاني،بقى بيتخيل لي انو بابا حيجي داخل علينا الغرفه تحت اي لحظه وحيقع فيني ضرب، احساس انك تكون قاعد في نص بيتكم وم حاسي بالإطمئنان،
فضلو قاعدين معي لغايه اخر الليل غصبوني على الاكل بالجلالهه،فاطمه مشت بيتهم ومناسك فضلت معي،صباح اليوم التاني صحيت على صوت ماما ومناسك برة ،مناسك قالت ليها عمو عبدالله اتحرك؟ماما قالت ليها ايوة طيارتو اتحركت من الساعه3صباحاً م بتأخرو بصلو بعد كدة،مناسك قالت ليها يصل بالسلامه ان شاءالله..
من هنا استنتجت انو بابا مافي شكلو مسافر،جات مناسك قالت لي صباح الخير،كنت ببكي مسحته دموعي،قالت لي شهد والنبي بطلي،عمو عبدالله اليوم راجع على فكرة،
بعد مسافه قلته ليها هو وين؟قالت لي م عارفه انو مشى عمرة السعوديهه؟
هزيت ليها راسي،
جا منذر وماما صبحو علي،تعاملهم معي كان بي اهتمام +بس انا م كنت قادرة ابداً حاسه بالإنهيار ورغبه في البكاء،
حوالي الساعه 2ضهر كدة سمعنا اصوات في البيت،طبعاً زي م متوقع بابا وصل،ماما طلعت عليهم ومناسك فضلت معي ،بعد طلعت ماما في كسر من الثانيهه لقيت بابا واقف قدامي دخلتو الغرفه كانت دخلت زول ملهوف شديد،
حصلت لحظه صمت غريبه وانا كان جواي هلع وخوف غريب لدرجه اني جفلت لما شوفتو ودموعي بقت جاريه عشرة عشرة وانا م قادرة ارفع راسي من المخدة حتى،ماما جات داخله وراهو ومنذر وفجأة حسام اخوي برضو جا داخل،
قادرين تتخيلو شكل الغرفه اللحظه دي كان كيف؟
بابا م قرب علي ابداً اكتفي بي انو يقيف على بعد خطوات عني ويعاين لي ،اكتفى بي انو يشوف دموعي ويبكي معي من بعيد م سألني عن حالي ولا فتح خشمو بي حرف بس وقف وهو منهار في مكانو وبعد اقل من دقيقتين طلع من الغرفه ،حسام اخوي جا قعد على رجولو جمبي ومنزل راسو وببكي،بقى يمسح لي في دموعي و يقول لي انتي كويسه ي اختي كويسه؟
جو البيت اتكهرب تماماً وانا شبه انهرت ،اليوم دة كان صعب علينا شديد،صعب علينا كلنا بعدو م شوفته فيهو بابا تاني ابداً بس حسام ومنذر وماما كل الوقت واقفين في راسو وم كانو بجيبو لي لا سيرة حسام ولا سيرة اهلو ولا الحصل شنو شويه شويه بابا بقى يجي يصبح علي وبمسي علي وبسألني اذا كويسه او حاسه بي اي مضاعفات او كذاااا،شويه شويه ماما بقت تجبرني اطلع من الغرفه وحُسام اخوي نفس الشي بطلعوني هو ومناسك ،كنت حاسه بنفسي مخنوقه شديد بجبروني على اني مفروض اتعامل عادي بس انا م قادرة ابداً،دخلته مرحله اكتئاب بقيت م طايقه شي كل شي عشتو هو المتمكن مني،والأرق بقيت م بقدر انوم وبتخلع بالليل وبتجيني حمى لدرجه انو ماما وبابا بقو يساهرو واقفين في راسي،في يوم حسام ومناسك طلعوني من البيت بالعربيه ولحقنا منذر الكلام دة بعد شهرين من الحصل دة،لففوني الشوارع ومشينا مطعم و...المهم لما رجعنا لقينا لمه قدام بيتنا من بينهم رجال ،مناسك قالت لينا ي ساتر في شنو؟
نزلو بسرعه وانا هبطتهه نزلته رجولي م

شايلاني كل الكنت شايفاه و سامعاه صوت بابا وهو بقول"والله العظيم تلاتهه لو عايزيني ارصصهم كلهم واحد فيهم يفكر يعتب عتبه باب بيتي دي تاني م بعرف اي صلح م بعرف اي حاجه اسمها جوديه ولا كلام فارغ م تجو تتوسطو لي ليهم ابداً القانون ياخد مجراه وخليهم يبقو رجال يقيفو قدام القانون ماف زول يجي يشفع ليهم عندي هنا نهائي وانا بصل معاهم الحد م يجو يتجارو لي زي الكلاب هنا ،
واحد منهم قال ليهو ي حاج عبدالله حق الجيرة
بابا قال ليهو م جيراني نهائي وجيرة زي دي الله لا بارك فيها،وصلو ليهم كلامي دة لو عايزين يموتو كلهم واحد فيهم يجي باب بيتي دة تاني ولا بالغلط م اشوفهم حايمين بشارعي دة..
حسام قال ليهو ي ابوي خير؟
بابا قال ليهو الخير يجي من وين طالما العفن ديل مقاصدننا
بابا كان بتكلم لمن برجف،حسام مسك منو السلاح وقال ليهو تعال ي ابوي،ماما قالت ليهو دخل ابوك دة جوة عليك الله ي حسام،
فضلته واقفه وانا برجف عمري م شفته بابا كدة وكمان شايل سلاح بابا شايل سلاح؟
مناسك دخلتني البيت ،بابا كان لسسسه هايج وبقول عليك الله شوف الدنيئين ديل؟
ماما جرت جابت ليهو كبايه مويه،حسام قال ليهو اهدأ ي ابوي ،امي كدة جيبي مقياس الضغط،جابتو قاس ليهو الضغط قال ليهو مرتفع ي ابوي رغم اني منعتك من الانفعال وقلته ليك الناس ديل م تشتبك معاهم خلي القانون ياخد مجراه،مشى جاب ليهو حبوب الضغط واداهو ليها ،قال ليهو يعني اتخيل الناس ديل اندال وعواليق لأي درجه؟مرسل ابوهو ومعاهو شويه رجال جايب لي القسيمه وبساوموني عشان انا اتنازل عن القضيه،والله العظيم ي دوب الوقفتع ليهم كويس،
اتصلبته مكاني قدر شنو حسام واهلو ديل ناس قذرين
حسام قال ليهو خايفين ي ابوي عارفين نفسهم حيندانو،ماما قالت ليهو والله كلمتو طلع شايل ليهم سلاح ولو م مسكوهو كان خلاص فرغ المسدس دة في واحد فيهم...💔

دخلته غرفتي مناسك قالت لي انبسطي ي شهد قسيمتك جاتك منهم بدون لياقهه انتي متخيله؟
ابتسمته ابتسمه خفيفهه وقلته ليها انبسط على شنووو؟دموعي جات جاريه،قلته ليها على حياتي الاتدمرت؟ولا على جامعتي الما كملتها؟ولا على وجودي في عداد المطلقات وانا في العمر دة؟ولا على شوفتي لي بابا الهو بنقذ حياة الناس شايل سلاح وعايز ياخد روح زول؟ولا على علاقتي بي اهلي العمرها م حترجع طبيعيه والحاجز.الاتبنى بينا عمرو م حيتهدم؟
على شنو ي مناسك؟على شنوووو قولي لي بس؟؟؟

قالت لي كل شي ي شهد بحصل معانا لي خير انتي م مؤمنه؟شوفي اول حاجه انا عايزاك تعمليها يمكن دة اول شي صح ممكن تعمليهو في مستنقع الاخطاء دي كلها انك توضحي لي ابوك سؤ التفاهم الحصل ،وريهو انك اتظلمتي،وانو ام حسام الباطل كذبت فيك وبهتتك،دي اول خطوة صح ي شهد علشان تكسري الحاجز الاتبنى بينك وبين ابوك صدقيني،
فضلتهه ساكته،تعبته شديد وكل مرة ماشه اتأزم نفسياً،بقى وقتي كلو م بين المصلايه والسرير وكتاب القرءان،فضلته على الحاله دي فترة رغم محاولات امي واخواني معي بس بقى عندي وسواس قهري بقول لي انو هم شفقانين عليك بس م اكتر،حتى بابا تعاملو معي بقى بإستلطاف اكتر مرة مرة بناديني اقعد معاه ويطلب مني اقرا ليهو الجرايد في الحديقه وكدة،حُسام رجع السعوديه اقترح علينا انو بعد م يصل حيرسل لينا زيارة نجي نعمل عمرة عندو هناك انا وماما،في يوم بابا ناداني في غرفتو وقال لي اقري لي الجرايد الحاصل فيها شنو اليوم،وانا بقرا في الجريدة وعيني على المصحف وعيني على بابا،كل م اقرا ليهو عنوان هو كان بناقشني فيهو ،بعد م خلصته في لحظه كدة م عارفه الحصل لي شنو شلته المصحف فجأة ومشيت قعدته ليهو تحت رجولو وانا ببكي قلته ليهو بابا اقسم بالله اقسم.بالله تلاته كل الكلام القالتو عني ام حسام اليوم داك كذب،انا عمري م عملته كدة وعمري م مشيت ليهو في بيتهم ولا عمري خليتو يقرب مني اقسم بالله بهتتني ي بابا انا صح كنت بعرفو من الثانوي بس ياها عرفه اي بت لي ولد وعمري م خليتو يهبش ضفر مني المرة دي كذبت فيني والله العظيم انا م كدة ابداً😭😭😭😭💔بابا اتخلع طبعاً وانا ماسكه المصحف وواقعه تحت رجولو وبحلف وببكي دخلته في حاله هستيريه عديل،شال مني المصح وقومني من الارض وبقى يقول لي مالك اسي انتي في شنو؟بقيت اقول ليهو الناس دي كذبت فيني وانت صدقتها من غير م ترجع تسألني او تتأكد مني ي بابا اقسم بالله كُل القالوهو فيني كذب كذب ي بابا انا م كنت عارفه انهم قالو ليك كدة الا لما دخلته المستشفى وانت م حاولته تتأكد مني حتى ودي اكار حاجه تاعباني ومخلياني ميته من جوة انو انت صدقتهم ي بابا لو م واثق فيني م عندك ثقه في تربيتك؟حتى ماما م اتعاملت مع الموضوع على انو صح ظلمتوني ي بابا والله انا مظلومه واسي انا كل يوم بموت الف مرة في اليوم تعبته تعبتهه بجد ي بابا م قادرة اتعامل مع الموضوع بشكل عادي ابداً😭😭😭💔ضماني عليهو وهو ساكت بقيت ابكي بصوت عالي،ماما جات جاريه بخلعه قالت لينا في شنو ؟مالكم؟بقيت ابكي حرقه وإنهيار لدرجه انو دخلته في حاله تانيه واغمى ع

لي عديل..

الحصل دة م كان الا نتاج اوڤرثينكينح على مدى الأيام المضت ،بعد الحصل دة بابا م اتكلم معي ابداٌ في الموضوع دة بس كل تصرف كان بطلع منو كأنو كان بقول لي اعفي لي ي بتي،كانو بعملو كل البطلع بيدهم علشان ينسوني الحصل،كنا داخلين على رمضان سافرنا السعوديه صمنا هناك مع حُسام ،وجونا مؤيد ومجتبى،يعني بدل م.نتلم في السودان اتلمينا في السعوديه عمرنا هناك وسافرنا الإمارات عيدنا مع ناس حبوبه،ماف زول فيهم حسسني بي شي ابداً غير جدو وحبوبه الاتكلمو معي في الموضوع اما البقيه كانو كلهم بحاولو على قدر م يقدرو انهم يخلوني اتجاوز الموضوع ،بعد م رجعنا السودان بابا خلاني ارجع اتابع مع طبيب نفسي هو اقترح علي الموضوع وانا وافقته،قال لي الجامعه نحن جمدنا ليك السنه راجعته المسجل قال لسه السنه الجديدة م بدت لما تبدأ حيديني خبر والسنه زاتها لما تبدأ م حأتنزلي الا بعد السمستر التاني يبدأ إن شاءالله انا متابع مع المسجل💔
بابا كان بحاول يبين لي قدر شنو هو مهتم لأمري ومتأسف وندمان وقدر شنو مهتم انو انا انسى ومفروض اتجاوز وارجع اكمل عادي ،كان بعمل كل البطلع بي يدو عشاني...

بالنسبه لمحكمه حسام واهلو والقضيهه م كان عندي فيها مشكله لغايه م عرفته انو ماهر شاهد وانو هو حيستدعوهو لانو هو جا الساقني بحالتي ديك من البيت،بعدها بقيت مترددة في موضوعها حتى بقيت احاول افتح لي بابا موال اني عايزة اقفل القضيه بس بابا في الموضوع دة كان متعصب شديد حتى اغلب الوقت كان بتكلم مع المحامي عن القضيه،والجلسات الانا مفروض امشي احضرها م مشيت ولا جلسه كنت بتسيب دة كلو علشان بس م اشوف ماهر نهائي وم عايزة احتك بيهو ابداً لأي سبب💔

عدت شهور وانا شبه بديت اتجاوز الموضوع وعلاقتي بي بابا واهلي بقت اقوى م بقدر انكر انو على قدر م اتظلمت على قدر م هم دعموني ووقفو على راسي وبقو قريبين علي اكتر يمكن حصل كدة لي خير ودة بقى لي درس وبقى ليهم هم كمان،يمكن ويمكن يمكن

رجعته اتواصلته مع لُجين وطيف وخليتهم يجوني البيت وبعدها حكيت ليهم كل تفاصيل الحصل معي في البدايه افتكروني بهظر او سايقاهم بالخلا،قالو لي نحن مشينا المستشفى لي ابوك ولاقانا وقال لينا شهد دي سافرت الإمارات وجمدت السنه لظروف خاصه وقاهر واقنعنا بي انو انتي في الإمارات واتعامل مع الموضوع عادي ورجعنا ليهو ياما في المستشفى مرة واتنين وتلاته وكل مرة كان بقول لينا هي كويسه م عندها عوجه م عندها تلفون وبتعذر لينا لما نقول ليهو عايزين ليها رقم تواصل حتى لو رقم زول معاها هناك بس م كان بدينا ابداً💔حلفته ليهم م صدقو بس ماما اكدت ليهم الموضوع من القهر الدخل فيهم لُجين ضربتني كف حتى بقت تبكي عاتبوني ولاموني بالساعات حتى في الاخير لجين دي طلعت من البيت زعلانه وفصلتني فترة حتى رجعت تتعامل معي عادي...

بابا بقى يعاملني بي حريهه اكتر بحاول يعزز ثقتي في نفسي وبقول لي اي شي انتي عايزه تعمليه سواء كان مستقبلي او غيرو قوليهو لي ، بديني العربيه احوم بيها انا ومناسك والبنات،لُجين زاتها جات قعدت معي في البيت فترة نسبه لي انو اهلها سافرو وهي مفروض تقعد داخليه ف بقت ماليه علي البيت بكدة وطيف كانت يومي بتجينا ومناسككانو خالقين لي جو ظريف،

اصعب اللحظات الكانت بتعدي علي لما اكون طالعه مكان وعيني تقع على بقاله ناس حُسام وبيتهم،ماما اقترحت نرحل من المحل داك بس بابا رفض وقال ليها عشان بكرة يقولو رحلو خلو لينا الحي؟لا والله انا معاهم للأخير وبيتي دة انا م مشتريهو من حُر مالي عشان ارحل اخليهو الرهيفهه التنقد،

في يوم بابا بالصدفه ضرب لي تلفون قال لي وين انتي؟قلته ليهو في البيت،قال لي طيب تعاليني المستشفى،قلتع ليهو خير انت كويس؟قال لي كويس تعالي بس،أجرتهه ترحال ومشيت ليهو،لما وصلته قال لي م عندنا قعدة طالعين طوالي،قلته ليهو وين؟
قال لي لي مشوار بس،قلته ليهو م وين؟قال لي لو عايز اقولو ليك م قلته ليك مشوار،قلته ليهو طيب،اتحركنا شغل مصطفى سيد احمد وبقى يدندن معاهو،قلته ليهو بابا مالك وبقيت اضحك،قال لي مالي رايق ومبسوط،قلته ليهو الله يديمها بس برضو م فهمت لييييهه😂😂💔قال لي يعني الواحد م يتبسط؟قلته ليهو لا حقكك،فضلنا ماشين لغايه م وصلنا شارع اوماك فجأة وقف عربيتو ونزل،قال لي تعالي،نزلته كنا قدام معرض عربات،قال لي يلا ،قلته ليهو نحن جاين هنا لشنووو؟قال لي الزول بجي معرض عربات لشنووو؟قلته ليهو علشان يشتري عربيهه،قال لي طيب،دخلنا المعرض سلم على الموجودين في المعرض شكلو المدير كان بعرفو استقبلو بي حرارة وضيفونا وبقى يتونس مع بابا وونستهم جرت،حتى بعد مسااااااافهه بابا قال ليهو طبعاً دي بتي شهد زي م قولته ليك في التلفون ي عوض،قال ليهو اي صح ماشاءالله عليها كيفك ي بتي ان شاءالله طيب؟ قلته ليهو الحمدلله بخير،بابا قال ليهو اها في موديلات بناتيه كدة ممكن تنفع معاها ولاااا؟
قال ليهو لا في اكيد
بقيت اعاين لي بابا بخلعهه
الراجل قال ليهو شكلها ماااااا عندها علم
بابا قال