..🎭هترشات 😊سودانيه🎭:
♤♤♤♤♤♤♤♤♤♤♤♤♤♤♤♤♤
💫💫♡هترشات (͡๏̮͡๏) (͡๏̮͡๏)سودانيه♡ 💫💫

واحد سألني كيف تقضي وقتك مع الحجر الصحي ؟؟ شنو بتشتغل ؟؟؟
‏فجاوبت : والله بشتغل في الاستيراد والتصدير
‏فاستغرب وقال :: كيف 😳؟

‏قلت ليه : والله بستورد رسايل الواتس من جروب
‏وبصدرها للجروب التاني
‏😂😂😂😂😂😂


💎💎هترشه.عجيبة.tt 💎💎

   ┏━━━━━━━━━┓
彡♡ @hatrshat ♡
     ┗━━━━━━━━━┛
❍٩≈≈≈≈≈≈≈≈≈≈≈≈≈≈≈≈≈≈❍
❉°…………°❈😂❈°…………°❉

🎭هترشات❈👳🏾👳🏾❈سودانيه🎭

#ذات_عناق6

بعد خلصتهه عايزة افتح باب العربيه وانزل قام أمن العربيهه،قال لي دقيقهه دقيقه نازله وين خليني افهم البتقولي فيييه دة وانتي جايبه الكلام دة من وين اساساً؟قلته ليهو م تتغابى انت عارف وانا عارفه الكلام دة وصل بيتنا كيف،قال لي م بهمني وصل كيف بس انا بالنسبه لي حاجه زي دي في حساباتي مافي لا عرس لا غيرو وحتى لو في يوم جا حساباتي اكيد م حتكوني انتي فهمتي؟
لساني إتشل اللحظهه دي😫💔
قال لي يمكن عمي فاتح ابوك في الموضوع بس دي غلطتو لأنو اتصرف كدة من غير م يشاورني حتى وعارف ردي بخصوص الموضوع دة حيكون شنو وانا لو فاتحني فيهو قبل ابوك كان الرفض دة حيجي مني قبلك وبالنسبه للإستقاله بتاعتك انا م عندي مشكله حأقبلها بس هل انتي عندك مبرر مقنع لي اهلك؟ وعموماً الموضوع م مستاهل إستقاله لأنو سؤ تفاهم بس م اكتر، بس اتمنى تحاولي تكوني ما إنفعاليه وتتصرفي بحكمه تمام؟بقيت م قادرة اطلع حرف ختيت نفسي في موقف باااااايييييييخ وم حابه اتراجع من موقفي،قلته ليهو ع العموم انا لما سمعته بالموضوع اتضايقتهه جداً هعرف من وين انو انت م عندم خبر وانت معاهم هناك؟
قال لي م شرط تعرفي بس م تهاجمي يعني لو في موضوع زي دة انا حأجي افاتحك فيهو قبل عمي فهمتي ي بت الناس؟ وبعدين تصرفك اندر إيج جداً يعني انا عمري م شوفته لي عروس بتبادر بالرفض قبل م يجو يتقدمو ليها رسمي يعني اتوقعي إنك كنتي مجرد إقتراح قابل للتغير بالخيار الافضل وهكذا ليييه الاستعجال م فهمتهه🤔
قلته ليهو بصوت مبحوح طيب!؟ عايزة انزل لسه الباب كان مُأمن ،قلته ليهو طيب ممكن تفتح الباب؟قال لي اوكيييهه اتفضلي نزلته قبل م اقفل الباب قال لي استني م تنسي تشيلي معاك كيس الهديه بتاعك على الاقل م تدخل في حتات ضيقه مع اهلك كمان وتدخلي في موالات شرح وتبرير🙂اتفضلي،اخدته الكيس ورجولي تضارب ومغيوظهه من برودو ومن تصرفي الغبي بالجد كنت استنى احييييييييين بس💔دخلته بنفس المكان الطلعته منو باب منذر عايزة ادخل ماما قالت لي انتي مشيتي وين؟وكنت شايله الهديه في يدي،من قبيل بنادي وبفتش عليك وتلفونك بضرب مناسك دي ضربت اكتر من 5مكالمات،قلته ليها م هي غبيه جات واقفه لي برة عايزة تسلم علي قلته ادخلي قالت مستعجله.ماشه،قالت لي والهديه وريتيها ليها ولا شنو؟قلته ليها اي ودخلته غرفتي..

...

سفرتي للإمارات دخلت فيني افكار شيطانيه وانانيه جداً،وضع مهند اخوي هناك في دبي صعب جداً ماشي يبقى عنيف في تعاملو مع الحواليهو ماف زول بقدر يتحكم فيهو غيري ولو استمر على الموضوع دة حيبقى اسوأ بكتير وانا وجودي في الإمارات هناك صعب جداٌ ووجودو معي هنا في السودان مقيد شديد دة السبب الخلاني افكر في الزواج عشان انا لو استقريت هنا حأقعدو معي وانا واثق انو وضعو حيتحسن وحأكون متطمن عليهو وهو قريب مني،احساسي بالمسؤليه تجاه مهند سبب في القرار دة حتى ولو على حساب زول تاني ،قلته القرار دة لي عمي في لحظه نقاش مع امي ب لامبالاتها بوضع مهند وضيقها شكوتها منو بي انو مقيدها وهكذا ف ردي ليها الوحيد كان هو إنو انا حأريحها منو وحأشوف حل،وماف حل غير إني اتزوج اقترحته الموضوع على عمي بالفعل بس هو ايدني في الموضوع وسألني عندك بت معينه قلته ليهو ماف بت معينه ولا عندي مشكله في اي بت المهم عايز احل الموضوع دة في اقرب فرصه ،قال لي لكن م خايف مهند م يقدر يتقبلها ويأزيها اظن انت م نسيت العملو في بت عبدالله صحبي،قال ليهو انا حأكون معاهو مهند بسمع كلامي ي عمي م حيعمل شي انا منتتو منو بس طول م انا بعيد م بقدر اتحكم في تصرفاتو عشان كدة افضل يكون معي هناك وانا بلقى ليهو اكبر اخصائي يبدأ معاهو العلاج،💔عمي قال لي بمناسبه بت عبدالله رايك شنو فيها؟بقيت اعاين ليهو بإستغراب،قال لي بت صغيرة وجميله وكفايه جداً انها بت عبدالله يعني دي فرصه م بتتعوض ابداً وعبدالله صحبي م حيرفض كمان وهو دكتور حيساعدك في موضوع الدكتور العايزو لي مهند وبتو كمان حتساعدك وحتستحمل وضع مهند لانو انت زول ولد صاحب ابوها وكدة وهي زي بتنا وزيتنا في بيتنا اها انت رايك شنو؟سكتته مساافه وقلته ليهو ي عمي زي م قلته ليك م عندي مشكله اي بت وخلاص وعلى الاساس دة عمي مهد لي والد شهد الموضوع بس ابداً م اتوقعت انو ردة فعل شهد تكون بالرفض وحفاظاً على شخصيتي بعد شوفتي ردة فعلها ورفضها اتعمدتهه انفي الموضوع بشكل رسمي ،اتعصبت جداً من طريقه رفضها لي وفي تصرفات كتييرة بتبدر منها انا بتحاشاها نسبه لوضعها الخاص بالنسبه لي بس تصرفها اليوم كان الاسوأ ومستفز جداً للحظه كنت حأفقد اعصابي من 3سنوات واكتر م قدرته اتجاوز العملتو وبسببها وضعي اتحول من سيء لي اسوأ وبعد معافرة وصراع نفسي حتى قدرته اتجاوز واسي برجوعها في حياتي تاني عايزة ترجعني 3خطوات لي ورا ..💔

...
اليوم التاني مشيت الشركه طبعاً محرجه وداخله في ضفوري وحاسه بي اني كنت اووووڤر شديد بس لو غبته حاضعف موقفي اكتر ولو قدمته إستقالتي م حأعرف اقول لناس بيتنا شنو لو حكيت

ليهم حيغلطوني وحيعملو موال طويل عريض،فضلته قاعدة في مكتبي م طلعته منو نهائي حتى ولاء م جاتني طبعاً لما يكون هو قاعد في الشركه م زي لما يكون هو ماف😒نهايه اليوم وانا طالعه لاقتني واحدة من بتاعين مكتب الH.R قالت لي شهد غياب وبرضو م جيتي بي عزرك ولا حتى كلفتي نفسك واتصلتي ولا اي شي ي شهد ولا اي شي،فضلنه واقفه وبعاين ليها،قالت لي عندك 3انذارات ي شهد لغايه اللحظه انا م كتبتك ولا إنذار بس من اليوم وطالع انا..فجأة جا ماهر نازل اول م شافتو سكتت،وانا على طول طلعته مشيت،عدت الايام على النمط دة بقيت ماشه كويس وفي تحسن حتى ماهر بقى يديني حجات بشتغلها واتكيفته مع الوضع وكدة وهو رغم اجتهادي في اني اتعلم م بثني علي كتير بس كل م انجز حاجه بديني البديل،لغايه م في يوم مشيت المطبخ حوالي الساعه2كدة مشيت المطبخ عايزة اعمل لي كبايه شاي،اثناء م انا بعمل فيهو حسيت بي زول وراي اتلفتهه لقيتو نائب المدير اللي اسمو معتصم ولا منو دة كان واقف وبعاين لي لما شافني قال لي بتعملي في جبنه؟قلته ليهو لا شاي،قال لي خلاص عليك الله اعملي لي كبايه جبنه ظريفهه كدة من يدينك الحلوات ديل،قلته ليهو طيب تمام،وقف مسافه وقعد في الكرسي شويه كدة وقف قال لي خلاص جيبيها لي في مكتبي لو م فيها تعب يعني ،قلته ليهو حاضر ،قال لي ي سلام ياخ ي ريت لو الواحد عندو.مرة زيك كدة م تسمعو غير طيب تمام وحاضر،انا هنا بقيت فاتحه خشمي وبعاين ليه لانو بالجد بقيت احس انو في شي غلط في الزول دهه💔جا عزو داخل بعد م هو طلع قال لي ي سلام قهوة عاملاها لي؟قلته ليهو لا طبعاً لي عمو معتصم😁قال لي عمو معتصم لكن قالها بخباثهه،قلته ليهو اي مالك🤔قال لي م عندي ميل بس اسمعيها مني الراجل دهه اعملي حسابك منو !؟قلته ليهو م فهمت؟قال لي خلاص اكسري الحنك يعني اسي ماف لي طريقه قهوة؟قلته ليهو هاك صفيها بس جاهزة هب ولو عايز بهارات دة جنزبيل وقرفه وهبهان انا شاي برد😑قال لي ظابط ي زولهه اصلاً قهوتي ماف زول بعرف يظبطها لي الا خالتو خديجهه🌚قلته ليهو خالتو خديجه منو؟قال لي كانت ماسكه لينا المطبخ طفشوها العوارض ديل وحيرونا،قعدته اضحك وشلته الصينيه اللي فيها الشاي والقهوة وطلعته مشيت وصلته مكتب نائب الدير دقيت ليهو الباب قال اتفضل دخلته اول م دخلته على طول وقف قال لي ي سلام ياخ وجا على اتجاهي،وصلتو مديت ليهو الشاي مسكني من يدي وعمل حركهه تافهه شديد لدرجه انو انا رميت الصينيه بالفيها لا وبعد كدة كمان جراني علييييهه وحاول يقالعني ويعمل حركات م تمام لزيتو بكل قوتي وطلعته من المكتب وانا برجف راسي جايط م عارفه امشي على وين ورجولي م شايلاني اول مرة يحصل معي كدة اول مرهه انا انا انا م شايفهه قدامي ولا حاسه بنفسي ف وقعت...

وانا في المكتب باب مكتبي دق وولاء جات داخله بسرعه وبطريقه همجيه وقالت لي ي مستر تعال شوف شهد واقعهه برة في الممر م عارفاها مالها💔م عارف قمت كيف وجريت كيف فجأة لقيت نفسي قدامها ومعظم الموظفين كانو حواليها وبحاولو يصحو فيها،قلته ليهم بي صوت حاد زول واقع بشيلوه ولا بخلوه في مكانو ابعدو كدة شلتها بسرعه ودخلتها المكتب رقدتها في الكنبه وانا ارش عليها مويه وولاء بتضربها على وشها قلته ليها م تمدي يدك تاني تمام؟جبته عطر بقيت احاول اخليها تشمو بعد 5دقايق كدة فتحت وهي بترجف وبتقول"زح مني م تقرب مني زح مني وبترجف وبتجفل بطريقهه هستيريهه حتى كلامها كلام زول خايف شديد وبتبكي،عاينته حوالي لقيت معظم الموظفين واقفين في راسي قلته ليهم اتفضلو اطلعو برة،طلعو فضلنا انا وولاء بقيت اتكلم معاها شهد في شنو مالك قولي بسم الله،شهد ،ولاء بقت تقول ليها ديل نحن ي شهد فتحي عيونك كويس وهي تبكي بطريقهه مجنونه وبتتكلم كلام مقطع حتى تاني رجعت غمرت،شلتها بسرعه وجريت بيها اقرب مستشفى جمبنا وانا متوتر شديد واعصابي بايظه يعني قبل م يحصل ليها الحصل دة بربع ساعه انا كنت شايفها شايله صينيه فيها كبابي وماشه وكانت كويسه شديد💔في.المستشفى ادوها دربين ونحن منتظرين وكل شويه بسأل الدكاترة هل هي كويسه والحاصل عليها شنو وحكيت ليهم بي وضعها والحادث الحصل معاها قبل كدة واكدته ليهم انو لازم يعملو ليها صورة مقطعيه للراس لأنو لو.م هو سبب الوقعه دي نتأكد انو الوقعه م تكون اثرت عليهو،كنت حاسي بالمسؤليه تجاه شهد يعني طول م هي بتطلع من بيتهم وبتجي الشركه ف هي تحت مسؤليتي لانو الفكرة فكرتي حتى ابوها كان معارض وانا اقنعتو ف يعني اي شي يحصل ليها مسؤليتو في رقبتي،بعد ساعه كدة صحت،حالتها كانت سيئة بس م زي لما كنا في الشركه في المستشفى كانت بتبكي بس وبتقول عايزة امها او ابوها،الدكاترة كانو بسألوها مالها والحاصل عليها شنو بس م كان في تجاوب منها حتى ولاء حاولت معاها وم لقت منها تجاوب فضلت تبكي وبتقول ماف زول يقرب منها حتى الدكاترة كل م واحد يقرب عليها كانها بتدخل في حاله هستيريه ف برجعو لورا منها اتجبرو يجيبو ليها دكتورة،م كنت قادر اتصل على اهلها واخليهم يجو يشو

فو بتهم بالحاله دي مالم افهم الحاصل عليها شنو؟!قعدته جمبها حسيتها نافرة مني ولافه يديها حوالين نفسها وقالت لي ابعد مني م تقرب مني قلته ليها😭وقفته على حيلي ورجعته كم خطوة و قلته ليها طيب ي شهد م حأقرب منك انتي بس حاولي فهميني الحاصل عليك شنو ؟فضلت ساااكته،الدكاترة قالو لينا بقت كويسه عادي تمشي البيت بعد كدة،قلته ليهم وصورة الأشعه؟
قالت لي م عايزة اعمل اي صورة اشعه انا عايزة امشي بيتنا وبقت تبكي،قلته ليها حتمشي بيتكم حأوديك انا بذات نفسي بس انتي اعمليها،قالت لي لا قلته ليها انا ماشه بيتنا ماشه بيتنا وبقت تصرخ،الدكتورة قالت لي عاين هي في وضع م ينفع تغصبها فيهو على شي افضل شي تعمل ليها الشي الهي عايزاه،قلته ليهو طيب ي دكتورة ممكن اتكلم معاك 5دقايق؟قال لي ابشر،طلعته معاها برة الغرفه قلته ليها الحاصل معاها دة ممكن يكون سببو شنو بالضبط؟لانها قبل حالاتها دي بلحظات كانت كويسه،قالت لي متأكد؟قلته ليها متأكد واليوم كلو كانت طبيعيهه جداً،قالت لي م بقدر أأكد ليك لكن غالباً وضع زي دة بكون وضع واحدة اتعرضت لعمليه تحرش انا م بقدر اجزم ليك بس معظم الحالات البتكون في الحاله دي هم ضحايا لعمليه تحرش ولو لاحظتهه هي نافرة من الرجال واكبر دليل ع كدة رفضت تتجاوب مع الدكاترة او تخلي واحد يقرب منها حتى انت رفضت تقرب منها لانو هي لسسسه تحت تأثير الرهبهه من الحصل ليها،
انا في اللحظه دي شرايني اتصلبت اذا صح القالتو الدكتورة ف دة الأسوأ طبعاً بقيت م شايف قدامي ابداً يعني كيف يحصل كدة وفي الشركه ومع منو مع شهد و...رجعته بالشريط لورا لما كنا في الشركه وعلى طول دخلته الغرفه وقلته ليها ولاء جهزيها عشان نمشي،ولاء فضلت ماسكاها طلعنا من المستشفى واتحركنا على البيت راسي كان حينفجر حأقول لناس بيتهم شنو؟حأقول ليهم مالها؟حأعمل شنو؟رغم بُعد مسافه بيتهم حسيتها اقصر م يكون،وصلنا البيت دقينا الجرس جات طالعه لينا امها اول م شافتها متسندة على ولاء قالت ليها شههههد؟!مالها؟مسكتها،وبقت تقول لينا الحاصل عليها شنووو؟شهد مالك ي بت؟انا م قادر اتكلم طبعاً ،ولاء قالت ليها خلينا ندخلها جوة اول ي خالتي،سندوها الإتنين ودخلوها البيت ومنها على غرفتها وامها كانت بتحاول تستفسر ملهوفه مالها والحاصل عليها شنو و...اول مرة احس نفسي م قادر اتكلم في موقف او م قادر اتصرف ابداً فقدتهه المنطق💔ولاء قالت ليها والله ي خالتو كانت كويسه بس فجاة وقعت الدكاترة قالو لينا دي مضاعافات وادوها دربين،قالت ليها مضاعافات ؟حصل كدة متين ليه م اتصلتو علي؟شهد؟وشهد بتبكي واترمت في حضن امها موقفي كان صعب جداً وانا بشوفها في الحاله دي💔بعد ربع ساعه او اكتر قدرت تهديها،جابت ليها مويه شربتها ليها بعداك فضلتنا نحن وواضح عليها وشها كان مخطوف قالت لي ي ولدي ليه م اتصلته علي لما حصل ليها كدة؟قلته ليها والله ي خالتي نحن زاتنا اتخلعنا لانو هي بالفعل كانت كويسه شديد طول اليوم يعني فجأة وقعت،فضلنا قاعدين اكتر من ساعه ناخد وندي وجابت لينا عصير ومويه م كنت قادر امشي الا اشوفها احسن بس كمان ولاء مربوطه بزمن والمغرب اذن واتأخرت ف لازم اوصلها،استأذنت منها وطلعته وصلته ولاء ومشيت الشركه بالليل داك دخلته مكتب شهد عشان بس افهم لقيت انو ماف اثر لي كُبايه قهوة او صينيه في المكتب وانا واثق شديد اني شُفتها شايله صينيه فيها كُبايتين بدل واحدة في ممر المكتب ف لو جابتها مكتبها حتكون مشت بيها وين؟والحصل شنو بالضبط؟على طول مشيت على غرفه المراقبه وراجعتهه التسجيلات بالزمن الحصل فيهو كدة بالضبط،طلعته من غرفه المراقبه وعلى طول اتصلته تلفون اول م الخط فتح قلته ليهه"اي مكان في الدنيا دي بتوقع اللقاك فيهو باقي اليوم دة احسب إنو الله م خلقكك وديني وما اعبد الا كان تمشي تحتمي في مكاتب الشرطه اليله لكن انا كان لقيتك م برحمك ومرة واحدة بس ابقى راجل وم تهرب ابقى راجل وقول لي انا في المكان الفلاني اسي دة وانا من ناحيه بلقاك بلقاك من غير م تقول لي بلقاك والله الا كان تحفر ليك حفرة وتدفن نفسك فيها الليلهه...💔

#كسرهه

ربما الحياة قويه لكن لن تستنفذ كل جميل فينا ولن تطفئ كل امنياتنا ربما لم تعطنينا من الشعور الطفه ولكن بكل قوه فينا لن نسمح لاحد بأن يطفئ شئ فينا ربما نخاف ولكن لن نصمت ربما نخيب ولكن لن نسمح لشخص ان يأخذ منا شئ عنوه سيكون هناك خوف
لكن لكل حق هيبته..

"اللهم لا انكسار لروحي ولا خيبه تلاحقني اللهم قوه تغلف قلبي من ضعف احتواه وبراءه وشفافيه تستحوزه حتى النهايه "

م تنسو متابعه Shiraz Osman

#كسرهه_تانيهه

لحظهه الإفطار دعيت ليكم كلكم ربنا يجبر خاطركم بالعايزانو ويديكم الفي مُرادكم ويرفع عننا البلاء🙋‍♀️ف بالله كل واحدة عليها باقي ايام وبتقيم الليل م تنسانا وتنسى بلدنا من صالح الدعوات❤

من فطرتهه مهبطهه والله😭💔👣

يوميا" علي قناتنا الثانيه هترشات وروايات
حلقات يوميه من الكاتبه مباشره

https://tttttt.me/joinchat/AAAAAD3Q1G-dzPGrQD8kdQ

#ذات_عناق7

انا من الكائنات البيتوتيهه جداً م اتعودته اطلع مكان براي ولا اتعامل مع المجتمع الحوالي زي باقي الناس حتى ابسط طلعاتي كنت بطلعها مع ماما حتى صحباتي هم البجوني في البيت بس انا لا م بعرف ابداً وللسبب دة م بعرف اتعامل مع العالم الخارجي ابداً الحصل معي اليوم كان اسوأ حاجه عدة علي كان اليوم دة،يعني احساس انو زول يتجاوز حدودو معاك ويمد يدو عليك وم تقدر تدافع عن نفسك دة ماف اسوأ منو،المجتمع برة سيئ شديد والناس ابداً نفوسها م نضيفه الخلعه الدخلت فيني حتى وانا في حضن امي م قادرة اتجاوزها،وم قدرت احكي لي ماما شي نسبه لي انو الموضوع حيكبر وبابا لو عرف حاجه زي دي عادي ممكن يحرق الشركه بالفيها💔اخترت اني اتكتم على الموضوع...

...
وانا سايق وم شايف قدامي حتى فجاة جاتني مكالمه رفعته التلفون لقيتها امي،كنصلته المكالمه تاني رجعت اتصلت وبقت مكرراها فتحته الخط وقلته ليها "لحق يستنجد بيك؟قالت لي ماهر في شنو انت م داير تخلي جنك وعصبيتك وتصرفاتك المتهورة دي ي ولد؟متين حتعقل متين؟
قلته ليها انتي بتتكلمي معي انا عن العقل؟طيب م تتكلمي مع الباطل حقك دة عن العقل وخليه يحترم شيبتو دي ويرجل شويه بس،قالت لي مالك في شنو احكي لي الحاصل شنو؟قلته ليها بتسأليني انا عن الحاصل؟اسأليهو هو زي م قدر يتصل عليك خليه يقدر يوريك هو عمل شنو؟هنا في اللحظه دي صدمتني وقالت لي انا م ولدته بني ادم انا ولدتهه ذنوبي تعبتوني وكرهتوني حياتي م قادرة اعيش حياتي صح بسببكم اعمل ليكم شنو يعني انا في الدنيا دي؟نجضتني ي ماهر انت واخوك اريتني لو عقرته وم جبتكم م كفايه علي ابوكم الرملني وانا جاهله في دنيتي دي داير تعمل نفس العملو ابوك انت كمان؟والله اولاد الغريبه بقول لي احسن واحن منكم علي ،واسمع كلامي لو قربته على معتصم دة ولا خدشتو خدشه بس بي ضفرك انا متبريه منك ي ماهر ليوم الدين وم معافيه ليك لا دنيا ولا اخرة يعني الزول الوحيد الوقف فيك وكبرك وعمل ليك الما عملو ليك ابوك دي جزاتو؟والله صحي ربي الغايبه للجايبهه المهم انا بقولها ليك تاني كان قربته منو ضفرك ساي لا ولدي لا بعرفك ونتلاقى يوم الوقف العظيم،انا بسمع في الكلام وم مستوعب في ام بتقول لي جناها كدة؟في ام بتقيف مع راجلها ضد جناها؟قلته ليها لمتين حتفضلي كدة انتي؟لمتين حتفضلي تساومينا بعفوك؟قدمتي لينا شنو انتي وراجلك غير الضرب والعذاب والمعامله السيئه؟انتي حاسبه نفسك معرسه راجل مع الرجال؟قالت لي دة عمك من لحمك ودمك قبل م يكون راجلي،قلته ليها لو لحمي من لحمو اريتني لو اتخلقته كلب واسي ارجعي ليهو كلميهو لو عايز يعيش باقي ايامو الفاضله ليهو دي في الشركه م يخت رجلو وحتى انتي ي امي م بتشفعي ليهو عندي فهمتي م بتشفعي ليهو ابداً...
بعد المكالمه دي بقيت حاسي بنفسي م شايف قدامي ابداً،راسي حيتفجر والشارع قدامي طشاش طشاش،الناس الطبيعين بعيشو حياتهم بالطول والعرض في معاناة بس يد امهم هي اليد البطبطب عليهم وبتكون هينه ولينه عليهم وبتعمل كل شي عشان بتهون عليهم تعب الحياة ومعاناتها الا نحن نصيبنا من الحياة ام كل لحظه تعدي عليك معاها بتخليك تتمنى لو انك جيت يتيم في الدنيا ،نحن اصلاً متيتمين حتى في وجودها م عندها اي تأثير امومه في حياتها بتعاملنا على اساس انو نحن الجانب السيء في حياتها،انا م ضد حياتي انا ضد الواقع السيء الاتفرض علي اعيشو،تخيل تكون في يدك كل شي وعندك صلاحيه تعيش حياتك بالطول والعرض بالطريقه الانت عايشها بس الضلمه الفي حياتك تكون مسيطرهه عليك اكتر من كل شي،في.يدك كل وسائل السعادة وانت م قادر تسعد روحك حتى ،تخيل يكون اقصى طموحاتك يكون بصيص امل بسيط يقول ليك انو دي حياة ممكن تتعاش،تخيل انك تكون لا قادر تتعايش مع وضعك ولا قتدر تتغلب عليه،حتى اخصائين السايكو م نجحو في انهم يحلو ولو جزء من مشكلتك...💔

...

اليوم دة ابداً م اتحركتهه من جمب ماما،في لحظهه غفوة كدة حسيتها اتحركت من جمبي فتحته عيوني وقلته ليها ماشه وين؟بخلعهه كدة،قالت لي التلفون بضرب اظنو ابوك،شالت التلفون وعلى طول فتحت الخط وقالت"الووو؟اهلاً ي ولدي وعليكم السلام،لا تمام الحمدلله والله،اي بقت احسن ي ولدي احسن بكتير واسي اخدت ليها نومه كدة،تسلم ي ولدي يديك العافيه ،لا مافي اي إزعاج والله ي ولدي،وانت من اهلو ي رب،قفلت الخط وقالت لي دة ماهر بتطمن عليك وكدة والله ولد مهذب خلاص 💛رجعت رقدت جمبي ،اليوم التاني بابا لما عرف بالموضوع جاط وقال كيف م نتصل ونكلمو وكيف حصل كدة وطلب مني احكي ليه بالتفاصيل الممله،طبعاً كذبته عليه وقلته ليه حسيت بنفسي دايخه فجأة ووقعته والدكاترة قالو مضاعفات م اكتر،كنت بتكلم ليه عن الموضوع ببرود وقلته ليه الموضوع بسيط، قال لي انتي لو عارفه الحاله الكنتي فيها قبل كم شهر م بتتكلمي عن الموضوع ببساطه كدة م تقولي لي بسيط ابداً اساساً انا كنت رافض حكايه الشغل دي واسي قومي اجهزي حنمشي المستشفى،قلته ليه نمشي المستشفى لشنووو؟قال لي حنمشي نعمل فحوص

ات ونشوف المضاعفات دي من شنو وبدون نقاش ي شهد فاهمه؟
بابا كان متعصب شديد ،ماما على طول رفعت لي حواجبها نظام.اسمعي الكلام وكدة،قلته ليه طيب ي بابا انت كنت مداوم طول الليل وجيت اسي الصباح دة حاول ارتاح شويه و..قال لي شكيت ليك انا؟قلته ليهو طيب،جهزته نفسي مشينا المستشفى عملنا فحوصات عامه حتى للراس ولما جينا طالعين في طريق الرجعه فجاة غير مسارو وانا ساكته،وقف عربيتو وقال انزلي نزلته وانا ساكته دخلنا المطعم وقعدنا وبقى يحاول يفتح معي مواضيع جو داخلين اتنين ماسكين يدين بعض ولد وبت ضحك ضحكه خفيفه وقال لي والله ي حليل ايام زمان،قلته ليه مالك؟قال لي زمان الواحد الجواب زاتو شدة م بخاف زول يشوفو بلفو بقطعه اسي جيلكم دة عندو اي شي في السهله ساي😂💔قلته ليهو اختلاف حضارات😂🙆قال لي يعني دة التحضر عندكم كدة ؟😹قلته ليهو نوووو بس انتو بزمنكم ونحن بزمنا واي زول بعيش ع حسب الزمن الجا فيهو يعني اسي انت عايز تقنعني انو ما طلعته مع ماما لما خطبتها؟قال لي نحن ناس خطوبات كمان امك دي لما عجبتني عقدتهه عليها وقتي🏃قلته ليهو كانت شافعهه وقاصر اهلها قليلين ادب ساي🤣🤣🤣🤣💔قال لي ابقي قدرو.كلامك.دة لما نصل البيت🌚🙂قلته ليهو ايواااا معاها نشر غسيل مش؟قضينا وقت طويل ونحن بناخد وندي في الكلام ونعلق على كل حاجه دة كلو علشان م اخد في خاطري منو بسبب الجوطه الجاطها فيني ويخليني انسى الحصل ...

...

بابا دة حاجهه عظيمهه شديد في حياتي كفايه جداً انو دايماً محسسني انو انا م بهون ولا ينفع اهون لا عليهو ولا على غيرو وعلشان كدة اخدته منو عادة اني دايماً شاريهه نفسي م ممكن اتربى تحت كنف راجل عظيم كدة علشان في الاخر يذلني راجل غيرو ابداً .معودني على اني اقول مقولهه "ي بختهه اللي نحن من بختهه"..❤💛

بعد م رجعنا البيت اخدنا لينا نومه لانو بجد كان مرهق فضلنا نايمين لغايه بعد العصر،ونحن بنصلي في المغرب في حديقه بيتنا جرس الباب ضرب،ماما خلصت صلاة ف مشت فتحت الباب ونحن لسه كنا بنصلي،سمعت صوت ماهر بسلم على ماما،حاولت تفضلو جوة الهول بس رفض قال ليها على مشيه والله بس افضل نقعد هنا واصر انو يقعد في جلسه الحديقه ف ماما وافقت ،بابا خلص صلاة وسلم عليه وانا لسه عامله نفسي بصلي وبابا بتكلم معاه وبسالو عن احوالو والحاصل معاه و...الخ لغايه م فتحو موضوع وقعتي وهكذا،قمت من مصلايتي سلمته عليه وعلى طول دخلته غرفتي وم طلعته منها نهائي،بعد اكتر من نص ساعه ماما جاتني في الغرفه شايله كيس وشنطه،قالت لي هاك ديل حجاتك جابهم ليك من المكتب قال ليك،قلته ليها ديل شنو؟قالت لي اللابتوب بتاعك وتلفونك وشنطتك الحجات الخليتيها وراك،قلته ليها اللابتوب جايبو لشنو؟قالت لي م حق شغلك،قلته ليها اسي هو مشى؟قالت لي قبيل،اول م طلعت فتحته شنطتي طلعته تلفوني لقيتو شحنو خلصان طلعته مشيت لي ماما لقيتها تونس في بابا ساااي وتلف في شعرها قلته ليها ماما تلفونك وين؟قالت لي في غرفتي مالك؟قلته ليها تلفوني قافل عايزاه ،قالت لي شيليه من الغرفه،مشيت شلته التلفون ودخلته الغرفه وقفلته الباب علي واتصلته على ماهر مكالمه،اول م فتح الخط وقال وعليكم السلام ي...قاطعتو وقلوه ليهو معليش انا م خالتك انا شهد اتصلته عليك عشان انبهك انو انت جبته معاك اللابتوب بتاعكم بالغلط بيتنا ي ريت تجي تشيلو في اقرب فرصه تلاقيها لاني م حأقدر ارجع اشتغل معاكم تاني في الشركه،قال لي لييييهه؟ممكن اعرف؟سكتته،قال لي شهد؟!قلته ليه بعد الحصل بابا قلق علي شديد وقوم الدنيا وم قعدها علشان كدة قال م ينفع ارجع اشتغل معاكم تاني،قال لي هو الحصل شنو كان؟
انا بقيت بحول في عيوني يمين وشمال وبسأل نفسي ي.ربي عندو زهايمر ولا بتعاطى ولا ليييه بسال السؤال دة ؟قلته ليه وانا مترددة وبتمتم قصدي يسبب الوقعه الوقعتها في الشركه بابا ربط المضاعفات الحصلت لي قبل كم شهر عشان كدة منعني،سكتت مسافه وقال لي طيب م مشكله ي ستي وعلى فكرة كونك م تجي الشركه وتداومي م معناها ترجعي اللابتوب انا اللابتوب جايبو ليك علشان تتعلمي منو م علشان تشتغلي بيهو فترة وترجعيهو،وانا لسه حابب فكرة انك تستفيدي من زمنك وتوسعي نطاق معرفتك ولو م الحصل دة انتي كنتي ماشه كويس وفوق الممتاز وعملتي حجات حلوة جداً بالنسبه لمبتدئهه ف م توقفي ابداً وانا حأكون متابع معاك اول بأول،قلته ليه بس انا سلفاً عندي لابتوب ف الموضوع م بحتاج،قال لي لا ي ستي خليييه معاك هو حقك وي ريت م تحاولي معي لاني م حاشيلو ابداً فهمتي؟فضلته ساااكته_،قال لي هااااا؟!قلته ليهو طيب تمام،قال لي وم توقفي ابداً زي م قولته ليك انا هكون متابع معاك اول بأول واي شي استصعب عليك راجعيني اوكيييهه؟قلته ليهو طيب ماشي شكراً،قال لي يلا سلام...

من ناحيهه بشوفو بني ادم كويس،ومن ناحيه بشوفو سيء م عارفه بس هو متناقض وبحاول يظهر وشو المتمرد ومتغطرس دايماً،خليت الشغل بس م اتخليت عن الحجات الكنت بمشي الشغل عشان امارسها بالعكس اللابتوب والكورسات والتصميم والحجات

دي بقت بالنسبه لي شغف اغلب الوقت بقيت شغاله عليها بقى عندي وقت فراغ اكبر خصوصاً انو الفترة ي دوب كانت فترة امتحانات الشهادة السودانيه يعني لسه عندي كم شهر حتى يبدأ التقديم،بعد اكتر من شهر لاحظته انو ماهر دايماً برفع استوريهات سوداويهه وحزينهه م بكتب كلام بس صور بالأسود او ضلماء حتى صورتو هو اليوم اليرفها بكون لابس فيها اسود وملامحو بتكون باهته وحزيمه ودي الحاجه الملاحظه فيه رغم شخصيتو القويه،يوم وانا مساهرة لغايه الساعه12كدة رفع صورة سوداء م فيها اي شي غير نقطه بيضاء في النص وكاتب عليها"هذهه النقطهه هي اقصى امنياتي وسط كل تلك العتمهه"...💔
على طول رسلته وقلته لييييهه"طول م انت عايش وسط السواد دة صدقني م هتشوف بياض في حياتك م ترحم نفسك الله يرحمك 🙄🙋‍♀️💔الغريبه انو فتح المسج وم رد عليها وانا دي اتفه حركه ممكن تخليني احظرك خمناشر مرة ،على طول حذفته المسج بتاعتي،لما لاحظ اني حذفتها رد علي وقال لي"نحن تحت رحمه ربنا ف لو م جات الرحمه دي نحن حنجيبها من وين؟
بعد5دقايق رديت ليه وقلته ليه سفهتني ليه من البدايه؟🤔
رجع رد علي بعد مسااافه وقال لي مزاج💔
قلته ليهو وااااااو مزاجك رهييييب لكن ومزاجك دة قال ليك ارجع رد عليها علشان هي حذفت المسج؟
قال لي يب يب😁
واااااي من برودو وسخافتو💔رسلته ليه الإيموشن دهه👍برضو فتح المسج وم رد علي ،وانا بالجد اي كائن حي يسفهني بقهرني جداً الموضوع بالنسبه لي مستفز يعني افضل م تفتح المسج طالما انت م حترد،على طول رسلته ليه وقلته ليهو"اوكيهه اسفهه على التطفل والإزعاج وع فكرة الحركه بتاعه انك تفتح المسج وم ترد دي بيش شديد لو م عايز ترد م تتعب نفسك وتفتح المسج اساساً اوكييييهه وبعتذر مرة تانيه على الازعاج والتطفل"
فضلته بعاين للمسج وهو اونلاين وم رد علي ولا فتحها حتى اتغظت اكتر،قلته دة شنو الوهمي الفرحان دة بجد انا غلطانه طلعته من الواتسب ومشيت مسحته رقمو طبعاً بكدة البروفايل بتاعي حيختفي عندو وكدة جيت عايزة اقفل الشبكه جات مسج من رقمو قلت م برد عليه تاني جات مسج منو كذا مرة،الفضول كتلني فتحته المسجات لقيتو مرسل لي صورة واللابتوب قدامو وكبايه قهوة واوراق كتيرة،وكاتب لي م كدة بس مشغول شديد وراسي جايط والله عندي شغل لازم اخلصو عشان كدة مساهر وفاتح الواتسب بس م شغال بيهو حتى انتي الانسانه الوحيدة البرد عليها،قلته ليهو امممممممممم اهااا طيب ربنا يكون في عينك شغال في شنووو؟قال لي حجات كبيرة عليك ك مبتدئهه😁قلته ليهو قصدك شنو يعني قصدك شنوووو؟ضحك وقال لي قصدي تمشي تنومي بعد كدة،قلته ليهو اممممم قصدك انو انا زاعجاك وكدة؟قال لي م حأنكر طبعاً انك زاعجاني لاني اسي بطلته شغلي ومسكته التلفون وبرد عليك عشان م تزعلي اها دة ازعاج وضياع زمن ولا لأ؟ 😂😁💔قلته ليهو طيب ظابط 🙂👍قال لي عسكري😁قلته ليها ها ها ها...ومن هنا بدت محادثاتنا مع بعض م كانت يوميه بس اتطورت وبقت يوميه وبنتكلم في حجات تافهه واحياناً بسالو من حجات وهو بسجلها لي ريكورد وهكذا،يعني علاقتنا بقت حلوة او بقى يومنا م بعدي لو م اتكلمنا مع بعض ،في يوم قلته ليه يخخخ والله زهج وملل وعدم موضوع ي ريت لو سافرنا الامارات،رسل لي اموشنات ضحك ،قلته ليهو في زول بقول لي زول زهجان بضحك ليهو؟قال لي اها طيب اقول ليك شنو؟م دة العادي بتاعك ي شهد انتي طبيعي زهجانهه 😂😁💔قلته ليهو وااااو يعني اسي الموضوع بقى علي انا م انت ياهو زهجان وصاري خلقهه،ضحك قال لي لاحظي انك بتقولي خلقه م زيك😁قلته ليهو برضو دي م طريقه تتعامل بيها مع زول زهجان،قال لي اممممم طيب بتعاملو معاه كيف ؟قلته ليه م عارف ولا بتستغبى🤔قال لي لا بجد م عارف،قلته ليه صدقتكك،قال لي لا بجد😂قولي لي انتي طيب طالما عارفه،قلته ليهو طيب كدة انت قول لي انا زهجان ي شهد،قال لي بس انا م زهجان،قلته ليه ي غبي ي غبي ي غبي انت بس قول م شرط تكون زهجان واقعياً،قال لي غبي؟قلته ليهو وغبي تربيع كمان😒قال لي اوكيييييهه🙂قلته ليهو لا بجد بطل ثقاله وبعدين الايموشن دة 🙂 حقنانحن بنستخدمو في مواضع خاصه بينا انتو م تابع ليكم،رسل لي ايموشنات ضحك وقال لي طيب طيب نختصر الموضوع انا زهجان ي ستي..
قلته ليه لا حولاااا زهجااان؟مالك ياخ المزهجك شنو والله الدنيا دي م مستاهله تزهج علشانها ي مان كلو بعدي وبتتجازف بي خرشه بي بنقو بي جمبه شيشه بي كوتشينه ياخي كان حضرته اسبونج بوب وتوم وجيري ساي بتلقاها اتجازفت صدقني،على طول رسل لي ريكورد بضحك فيه مسافه وقال لي والله ي شهد انتي مجنونهه😂اها لو عملته ديل كلهم وم اتجازفت الحل في شنو؟ قلته ليهو لا لو عملته ديل كلهم وم اتجازفت عرس دة الخيار الاخير😂😹قال لي نفسي اعمل الحجات القلتيهم ديل بس النفس امارة بالسؤ 💔قلته ليه سؤ ولا مول ها ها ها😂😂💔قال لي شهد بلوك 🙂 💔قلته ليييه استنى استنى عايزة اقول ليك حاجه مهمة،قال لي شنو؟قلته ليه مش انت زهجان؟قال لي متين قلته كدة؟قلته ليهو حتى لو م قلته انت في السودا

ن ماف زول في السودان م بزهج المهم مش ولا م مش؟قال لي يعني اقول زهجان غصب؟طيب اها مش وزبادي وكلو😂😂💔قلته ليهو طيب تضامناً على وضعك ك زول منفسن وزهجان انا عازماك،قال لي بالله؟قلته ليهو اي بكره 🌚 قال لي بكرهه؟قلته ليه هااااااا م فاضي ولا مشغول ولا م عندك زمن هات اعذارك هات،قال لي طيب ان شاءالله لمن نشوف ،قلته ليه يلا انا ماشه اتخمد😒قال لي اسمها ماشه انوم،قلته ليهو لا معليش عندي اسمها اتخمد..

...

شهد ،الكائن اللي خلاني اتعامل معاه غصب عني،رغم اني اغلب الاحيان م ميال للحته بتاعه اني اتعامل مع زول بشكل يومي وكدة بس احساس اني م عايز احرجها او اخليها تتحسس من الحته بتاعه تجاهلي ليها وكدة رغم.محاولاتي في إختصارها الا انها زي الزول البحاول يقتحم حياتك غصب عنك وهكذا،محادثتي معاها بالنسبه لي كانت بتتنسي او حدها قفله البيانات وخلاص،صباح اليوم التاني كنت مضغوط شديد في الشركه عندي كميه شغل وضغوطات مفروض اخلصها وناسي كل الدنيا وسط الانا كنت فيهو دفيفي عززز شغلي حوالي الساعه 2ونص كدة فجأة جاتني مكالمه ڤيديو من الواتسب،شهد متصله مكالمه ڤيديو؟احترته طبعاً،فصلت المكالمه ورسلت لي مسج بتقول فيها"عارفه لو رسلته ليك مسجات ساي م حترد حبيت انبهك وفجأة رسلت لي صورة وقالت لي هل واضح عندك إنو انا بجهز نفسي للطلعه؟هل ولا ما هل؟بقيت اعاين ليها واضحك وقلته ليها وبالنسبه للزفت العاملاهو في وشك دة،قالت لي زفت؟دة قناع فحم ي اهبل ع العموم انا اتصلته عشان اتأكد انك م ناسي،قلته ليها اممممم ينفع ا موسرك اليوم ؟رسلت لي الايموشن دهه🙂قالته ليها والمعنى؟
تاني رسلت لي منو كتار كدهه🙂🙂🙂🙂🙂🙂🙂🙂🙂🙂🙂🙂🙂🙂🙂🙂🙂🙂🙂🙂🙂🙂🙂🙂🙂🙂🙂🙂قلته ليها طيب الساعه 4ظابط؟قالت لي شاطر و عسكري🌚قلته ليها يلا انقلعي عشان اللحق اخلص،قالت لي وااااو بقيت تقول انقلعي زي كدة ماشي تبقى تربيتي كويس😂😂😂😂😂...

...

الطلعه الاقترحتها عليهو كانت زهجهه مني بس وحبيت اغير روتين مليت من فكرة اني كائن متنقل من غرفتو للهول لغرف البيت للحوش للحديقه للسطوح وهكذا💔حتى اخواني البمسك بيهم زمن بالتلفون بقو م فاضين وبسفهوني بنات واولاد خالاتي في الإمارات وماهر وصحباتي في الثانوي هم الوحيدين البمسك بيهم زمن يعني ماف اي موضوع غيرهم 💔م دسيت من امي حكايه اني طالعه مع ماهر بس قلته ليها علشان انا محبوسه وكدة نحن عازمين بعض،رد امي كان ببشاشه كدة ورحبت بالفكرة وقالت لي هو عازمك؟قلته ليها نحن عازمين بعض🙂قالت لي اي مالو اطلعو طوالي ماهر م زول غريب بنرفض ليك تطلعي معاهو،قلته ليها طيب وبابا؟قالت لي انا بكلمو لما يرجع انتو حتتلاقو متين؟قلته ليها قال الساعه4!قالت لي حيجي يسوقك؟قلته ليها لا حأطلب ترحال ،قالت لي ايواااااااااا

فضلته قاعدة لغايه م الساعه3ونص جات جهزته نفسي واتصلته عليهو وقلته ليه"ي الزيني وين انت؟قال لي حاطلع بعد شويه وانتي؟قلته ليهو انا طالعه،قال لي طيب نتلاقى في تقاطع المشتل تمام معاك؟قلته ليهو طيب تمام،قال لي اول م تقربي تصلي كلميني علشان م تنتظري ،قلته ليهو ماشي،خلصته من تجهيز نفسي وطلبته الترحال وجيت طالعه ماما قالت لي خلاص طلعتي؟قلته ليها ايوة م تنسي تكلمي بابا عليك الله ي ماما تمام ؟قالت لي طيب تمام م تتأخري ارجعي بدري ،قلته ليها طيب،وقفت معي في الشارع لغايه م بتاع الترحال جاني ركبت واتحركت لما وصلنا تقاطع المشتل اتصلته عليه قلته ليهو انا في تقاطع المشتل ،قال لي طيب وين بالظبط؟قلته ليهو م عارفه بس التقاطع،قال لي طيب اديني السواق،قلته ليهو السواق فات،قال لي كيف ؟يعني نزلتي؟قلته ليهو ايوااان،قال لي والله انتي طيب طيب جاي عليك خليك مكانك،فضلته واقفه بعد ربع ساعه كدة اتصل علي قال لي وين انتي؟قلته ليهو في تقاطع المشتل،قال لي ايوة وين في التقاطع يعني؟قلته ليهو شفته الاشارة؟بس انا قصادها،قال لي شهد قصادها بأي إتجاه؟اديني وصف دقيق انا م شايفك،بقيت اتلفت وبتأفأف قال لي لو في زةل جمبك اديهو التلفون يوصف لي،فجأة اتلفته عيني وقعت ع مكان كاتبين عليهو عاصم وعاصم قلته ليهو ايوااااا شفته المكان الاسمو عاصم وعاصم دة؟قال لي ايوة !!!قلته ليهو يلااااا بس انا ورا جغرافي منو على طول!
سكت مسااافه وقال لي شهد ورا جغرافي دي قاصدة بيها شنووو؟قلته ليهو ياخي ورا جغرافي محل الشمس بتموت،
اخد نفس عميييييق وقال لي شهد شوفتي عاصم وعاصم دي!؟قلته ليهو ايوة،قال لي اقيفي قدامها مباشرة وم تتحركي شبر فاهمه؟
مشيت وقفته م تميت 3دقايق شوفتو نازل من العربيه لابس قميص سماوي وبنطلون كحلي غامض وشاكي القميص جا علي لما وصلني قال لي بغيييظ شوفي ي استاذة مكان الشمس بتشرق دة الشرق ومكان بتغرب دة غرب وكدة اسمو جنوب وكدة شمال ،ماف حاجه اسمها ورا جغرافي ومكان الشمس بتموت قاريه ورا الفصل انتي ؟ختيت ليهو يدي في نصي وقلته ليه"ع فكرة انا وصفته ليك صح بس م مشكلتي اذا انت م بتعرف الوصف هااااااااا؟بقى يعاين وراي مسافه اتلفته لقيت في

ناس بتعاين لينا وبتضحك قال لي اوكيهه انتي صاح ارح اركبي ي شهد اركبي ،ركبته العربيه وربعته ليهو يدي وفضلته ساكته بعد مسااافه فكاها ضحكهه وقال لي ورا جغرافي لكن والله دي في تاريخ البشريه م حصلت حيرتي ام البوصله والGps😂💔قلته ليهو ننننننننننننننننننننننننننننننننننن دة استظراف منك؟😒قال لي لا بالجد ي إنسانه لو قاريه ورا الفصل م هتعملي في ام الجغرافيا كدة😂😂😂😂😂😂😂😂😂💔ولسسسسسه بضحك ،قلته ليهو شكراً🙂قال لي يلا م علينا اسي نحن متجهين قدام جغرافي😂💔قلته ليهو لو تاني اتظارفته هنزل وهرجع بيتنا ،قال لي طيب طيب اتفقنا،وصلنا المطعم كان في شارع اوماك دخلنا قال لي تشربي شنو؟قلته ليهو اكسيكيوزمي انا عازماك وانا المفروض اسأل السؤال دة م انت💅قال لي طيب هتشربيني شنو؟😂💔قلته ليهو م تستعجل ع رزقك ،طلبنا عصير واكل وفضلنا ندردش اول مرة نكون في وش بعض و م احس نفسي بتعامل معاه بجديه ابداً بالعكس كنت بتعامل معاه بأريحيه رغم اني بحسو جادي حتى وهو بضحك وبهظر جادي💔فضلنا قاعدين والونسه جرت والمواضيع كترت وم حسينا بالوقت لغااااايهه م فجأة عاينته للزمن قلته ليهو واااااي الزمن فات ،قال لي مالكك؟قلته ليهو لازم ارجع البيت بعد كدة م ينفع المغرب يلاقيني برة البيت💔قال لي طيب تمام مالك مخلوعه كدة 💔قلته ليه حأطلب ترحال،قال لي ي بت انتي هبله؟ترحال شنو وانا موجود؟قلته ليهو لا م تتعب نفسك اصلاً كدة كدة اليوم كلو كنت مشغول وهكذا،قال لي هعتبر نفسي م سمعت شي واتفضلي قدامي من سكات لو سمحتي،طلعته قدامو ركبته العربيه اول م جا ركب واتحركنا قلته ليهو هيييي نسينا حاجهه تخيل؟قال لي شنو؟قلته ليهو خمن🤔قال لي قولي!؟طلعته تلفوني واخدتهه لينا صورة قلته ليهو التوثيق دهه اهم زول😒💅💔قال لي اهم زول كيف😂💔قلته ليهو عديل كدة،قال لي والله ي شهد غايتو انتي😂💔لما وصلنا البيت قلته ليهو هتنزل معي؟قال لي لا شكراً على عجلهه والله
قلته ليهو اوكيييهه الطلعهه كانت لطيفهه شديد وجميلهه وانبسطتهه جداً معاك الكلام دة مفروض تقولو انت بس عارفاك م عندك لا عقل ولا زوق علشان كدة قولتو انا🙂💅مسح وشو بي يديهو وبقى يضحكك😂💔قلته ليهو المهم معسلامهه وم هطلع معاك طلعه تاني بعد التنمر الشفتو منك اليوم دة😒قال لي طيب يعني م هنعيدها تاني ابداً؟قلته ليهو لأ طبعاً انت هتصاحبني ولا حاجهه؟قال لي يعني نحن م اصحاب اسي؟قلته ليهو نوووووووووو انا بس لقيت نفسي فاضيه ومنفسنه ف مسكته بيك زمن ها😹😹💔فضل يعاين لي وهو ساكت💔قلته ليهو احم المهم مع السلامه ي باشا وشكراً يخخخخخ 💅❤قال لي العفووو 😁نزلته من العربيه قال لي استني؟!قلته ليهو ايوة،قال لي افتحي باب العربيه الورا ،قلته ليهو ليه؟قال لي افتحي بس،فتحتو قال لي الكيس الفي المقعد دة تبعك،كان كيس لونو اسود كدة شكلو حلوو،شلته الكيس قلته ليهو بإستغراب تبعي انااااا؟قال لي هو واقعياً يمكن م بنعرف المفروض نقول شنو في مواقف زي دي بس دة م ينفي انو زوقانياً مفروض اقدم حاجهه لي زولهه Make my day 🙂...

...

كل الاتواجدو ومرو علي في حياتي كوم ودخول شهد ليها كوم تاني محاولاتي في اني اخلي العلاقه بيني وبينها تكون سطحيه كلها فشلت،بقت بالنسبه لي زوله وجودها طاغي وفارض نفسو في حياتي غصباً عني احساسي مع شهد احساس زول بعافر ينتشلك من قاع الجحيم وهو نفسو م عارف انو هو بعمل كدهه...💔

...
#إقتباسهه

دخلت حياتي متسلله في حكايتها❤ متعمقه في تفاصيلها🌸 تربعتي في المقدمه قمتي بكل ما هو مميز 💙 فوقتي كل روايات التي كتبت عن الاصدقاء 💛اشعر كأنك الامان لروحي 💕قادره علي تحويل تعاستي فرحآ تمتك قلبا كبير يتسع كل همي وحزني ماوضعت فيها ضيقي الا اتسع لي امانا
Wessam hamdan
💭💜

يوميا" علي قناتنا الثانيه هترشات وروايات
حلقات يوميه من الكاتبه مباشره

https://tttttt.me/joinchat/AAAAAD3Q1G-dzPGrQD8kdQ

#ذات_عناق_8

دخلته بيتنا وانا بتسحب براحه علشان لو بابا وماما في غرفتهم م يحسو بي اول م دخلته الهول اللقى ماما قاعدة وفاتحه التلفزيون،فتحته ليها اسناني وقلته ليها هاي سوسو😁قالت لي م بدري،قلته ليها الشوارع زحمه😁بابا م جا؟قالت لي لسسسه ،قلته ليها اخخخخ الحمدلله م اتصل ولا سأل مني؟قالت لي اتصلته عليهو تلفونو م بدخل💔اها الطلعه كانت كيف تعالي احكي جايه بكيسك يختي، جاب ليك شنو تاني كمان؟قلته ليها م عارفه، فتحته الكيس لقيت في بوكس صغنن كدة فتحتو لقيت فيهو طقم ساعه ومعاها 3قطع اساور ماركه Rockyباللون الدهبي خرافيهه ومعاها عطر وشوكلاتهه،قلته وااااي الرهابه انتبهته لي امي لقيتها بتعاين لي عين غريبه،قلته ليها مالك؟قالت لي م قال لي اي شي؟قلته ليها م فهمت؟انا عارفاها عايزة تصل لشنو بس اتغابيت،قالت لي خلاص امشي غيري ملابسك لكن عاد تمام كدة الساعه دي عاد تاني قشرة جد بالتياب وقعت لي في جرح وشالتها لبستها😂💔دخلته غرفتي وغيرته ملابسي وطلعته بقيت احكي ليها عن تفاصيل الحصل كلو ،قالت لي والله ولد هدي ورضي،قلته ليها والله حيوان م تشوفي مسكنتو دي😒💔قالت لي مالك مع ود الناس؟نحن م شوفنا منو شي،قلته ليها القال الما بعرفك بجهلك م غلطان مسكينهه اناااااااو🙂
المساء لبسته الساعه وكل الأساور المعاها وصورته ليهو يدي وقلته ليه عاين ضفري اتكسر😭💔وبقيت ارسل ليه في إموشنات بكى كتيرة،بعد ساعه حتى فتح المسج ورسل لي ايموشنات ضحك،
الصدمهه ي ربي بتغابى؟
قلته ليهو ع فكرة انا م وريتك علشان تضحك🙂💔💔💔 قال لي اها طيب اعمل ليك شنو مثلاً؟رسلته ليه تاني صورة ليدي وقلته ليهو "انت فاكر كسرة الضفر دة ساهل؟😭💔قال لي طيب بكرة بقوم اساساً الضفور حرام م عارف بتربوها لشنوو؟
قلته ليهو شكراٌ🙂قال لي عفواً💛على طول رسلته ليهو ريكورد وقلته ليهو يعني انا في حياتي م لقيت بني ادم ثقيل وغياظ وبارد ومنفسن زيكك وحقيقة يعني انا غلطانه كوني بفتح شات بيني وبينك وبستهلك زمني معاك 🙂💔 وحذفته الصورتين وقلته ليهو حاجه اخيرة مزاجك المتقلب دة اتقلب بيهو في نجيله بيتكم م عندي انا اوكييييهه👍بعد م سمع الريكورد رسل لي وقال لي ع فكرهه الساعهه وطقم القطع المعاها تهبل على يدك🙂💛

بقيت فاتحه الشات وبضحك براي زي الهبلهه بعد مسافه قلته ليهو خلاص م ترسل لي الايموشن دة🙂💔قال لي يعني الواحدة فيكم جات بالباب عديل بدل تزصل المعلومه باللف والدوران مش احسن؟قلته ليهو م مشكلتنا انكم اغبياء يعني نحن نلمح ليكم وكمان نشرح؟الله😑قال لي ولما انتي ترسلي لي صورة وتقولي لي ضفري اتقلع شي طبيعي اني اركز ع الضفر م في اللابساه في يدك دة استعباط منكم،قلته ليهو مننا نحن منو؟قال لي الفيمنست عموماً دي حركاتكم الهبله الغبيهه دي،قلته ليهو م تسيء ،قال لي دة بسيط من قليل انتو بتعملوه يعني م عارف بتجيبو روح الهبل دي من وين بالضبط؟!قلته ليهو من غبائكم🙂💔 قال لي واضح جداً طيب يلا تصبحي على خير،قلته ليهو ماشي تنوم؟قال لي م شرط انوم يمكن عايز انهي المحادثه بيني وبينك بس،قلته ليهو طيب ابشر،على طول حظرتو ...

...
انا ك ماهر زول متقلب المزاج ومتناقض شديد دايماً جواي خوفه من التعمق في العلاقات،من مخالطه الناس عن قُرب،طبياً مهند اخوي مصاب ك مريض توحد بس واقعياً انا وضعي اسوأ منو بكتير،م بقدر احارب احساس الرغبه في البعد ووضع الحواجز بيني وبين اي زول بحاول يتسلل لحياتي ويخلق مكانه جواي ليهو او ينقلني لمرحله العاطفه،م عندي القدرة ولا قوة التحمل لي اي نوع من انواع العلاقات اي كان مسمى العلاقه بيني وبين الشخص دة،حتى شهد رغم اني بحاول م اكسر بخاطرها ابداً بس انا اوقات كتيرة بلقى نفسي خايف عليها مني،انا عارف انها بتتعامل معي بعفويه وطيب خاطر بس انا م عفوي،وم عندي قناعه انو يكون في تعامل بين بت وولد تحت مسمى الصُحبه مثلا او غيروً،نظرتي تجاه النساء مختلفهه تماماً وعارف الوقت الانا بكون محتاج وجودهم في حياتي وحدود تعاملي معاهم حتى ولو وجودها بحاول يغير الواقع دة انا عقلي م عندو القدرة يستوعب ف إستناداً على المبدأ دة قلت ليكم "خايف عليها مني" ووسيله الحمايه الوحيدة الممكن استخدمها تجاها او التجاهل او البُعد خصوصاً انو الفترة الأخيرة اخدت مساحه كبيرة في حياتي حتى انا م انتبهت ولا استوعبت الحاجه دي الا بعد م وصلتها اليوم اليوم واكتر جمله قالتها واترددتت في مسامعي لما قالت لي"لا انا م صحبتك ولا شي انا لقيت نفسي فاضيه ف مسكته بيك زمن بس"هي يمكن قالت الجُمله دي بطريقه عفويه بس م عندها علم انها نبهتني وصحتني من غفلهه انا كنت تايهه جواها...💔

...

بعد م حظرتو فضلت ساعات وايام وانا منتظرة حتى مكالمه منو بس للأسف م حاول حتى محاوله في كدة،زعلت شديد ورجعتهه حظرته حتى رقمو من المكالمات وحذفتو من تلفوني،اسوأ حاجه إنو تدخل حياتك انسان منفسن ومتقلب وشخصيتو م مفهومه حيجوط افكارك كلها،يعني اسي زي دة انا لأخر لحظه كنت معاه كويسه فجأة إتقلبن واتساخف م

عي بدون اسباب يعني طول فترة تعاملي معاه محسسني انو هو البايع وانا مشتريه ف انا بالجد م عندي اخلاق ولا قوة تحمل ولا حتى مجبورة عليه ومع نفسو اكيد، بلا زيني بلا زفت اساساً م عارفه انا اتعاملته معاه بأي زاويهه بس بالجد غبيهه وهبلهه ومتطفلهه دة كلو من الفراغ اسي لو م حصل معي الحصل ودخلته الجامعه م كنت هسي بتهابل كدة💔م كنت بحب اجيب سيرتو حتى ماما لما تسألني عن احوالو وكدة بقيت اتجنبها وفي الفترة الاخيرة بقيت اقول ليها م متواصله معاه انا عديل🙂عدة كمان شهر في يوم بابا جا راجع من المستشفى كان واضح عليهو الإرهاق والتعب لانو عندو يومين م جا ،ومن جا على طول دخل الحمام،وانا جهزته ليهو ملابسو ودخلته مع ماما المطبخ اجهز معاها الغداء،بابا جا طالع دخل غرفتو على طول،ماما قالت لي م تخلي ابوك ينوم امشي قولي ليهو الغداء جاهز،مشيت على غرفتو قلته ليهو بابا،قال لي نعم ،قلته ليهو الغداء جاهز م تنوم،قال لي م عايز انا،عايز انوم ساعه واحدة وراجع المستشفى تاني كمان،قلته ليهو المستشفى تاني؟لشنووو؟ماما جات داخله قالت ليهو عبدالله قوم الغداء جاهز م تنوم بالجوع،قلته ليها قال م عايز وراجع المستشفى بعد ساعه،قالت لي المستشفى لشنووووو؟مش دوامك انتهى؟مش كفايه عليك اليومين ديل قضيتهم هناك المستشفى دي كملت لحمك دة من الدنيا،قال ليها ود الزيني الكبير دة راقد تعبان في المستشفى والله اليومين دي بس واقفين في راسو،انا للحظه راسي شطب قلته ليهو بخلعه ماهر؟قال لي لا اخوهو الكبير ،ماما قالت ليهو مش دة العيان دة؟كُر علي سجمي مالو هو مش كان في الإمارات ؟؟قال ليها جابوهو هنا والله تعبان شديد مرقد في الإنعاش م معروف زاتو الحاصل ليهو شنو واهلو حالتهم بالبلا💔فجأة مرة على بالي ماهر ومكالمتو معاهو يوم كنت معاهو في العربيه وطريقه كلامو وتحنيسو ليهو علشان ياكل وخوفو عليهو و...ماما قالت ليهو لا ياخي والله وجع قلبي المسكين الله يرفعو ...

طلعته منهم وعلى طول مشيت شلته تلفون امي ودخلته غرفتي اتصلته على ماهر،م رد،اتصلته عليهو كتير م رد حتى بي رقمي م ردة،بابا بعد ساعه بالضبط رجع المستشفى حتى م نام اساساً،وهو طالع ماما قالت ليهو طمنا عليهو لو مشيت،قال ليها كويس،بعد م طلع ماما قالت لي بكرة نمشي عليهم ،قلته ليها كان نمشي اليوم مع بابا،قالت لي ساعات الزيارة ي بتي صعبه شديد نمشي نزعج الناس ساي في وضع زي دهه💔قلته ليها طيب،بالليل رجعته اتصلته على ماهر م رد،رسلته ليهو في الواتسب م داخل،رسلته ليهو مسج عاديه محتواها"ماهر كيفك؟بتصل عليك م بترد ي دوب عرفت بخبر انو اخوك في المستشفى ربنا يكتف عافيته إن شاءالله ي رب اول م تلقى المسج بتاعتي ارجع لي حابه اتطمن عليك"..
فضلته منتظرة على امل انو يرجع لي بعد يقرا الرساله بس م رجع رغم انو جاني تقرير الإستلام وكدة💔اليوم التاني الصباح اتصلنا على بابا تلفونو قافل،قلقنا عليهه لانو وضعو م كان تمام لما جانا امس💔ماما صحت منذر وقالت ليهو ارح نمشي المستشفى،قال ليها لشنو؟قالت ليهو ود ناس الزيني الكبير دة مرقد في المستشفى وابوك تلفونو مقفول لازم نمشي عليهم،قال ليها اطلبو ترحال وامشو انت انا م بقدر،قالت ليهو ياتو يوم قلته ليك وديني مشوار وديتني؟م طبيعي م قادر عربيتك دي بتعرف توصل بيها السفهاء بتاعينك ديلك نحن تقول لينا اطلبو ترحال اقول ليك ابوك تلفونو مقفول تقول لي اطلبو ترحال؟فترة اختك في المستشفى الناس دي كانت واقفه معانا برجل واحدة م شينه منك ؟قال ليها اجهزو طيب، بالفعل جهزنا نفسنا وطلعنا ،وصلنا المستشفى ناس الاستقبال طبعا بعرفونا سلمنا عليهم وماما سالتهم عن بابا والمريض وكدة،وصفو لينا الطابق الموجود فيهو بس صعبه ندخل لأنو دي العنايه المكثفه لكن اهلو في الطابق القبليهو موجودين حتى بابا معاهم،وصلنا الطابق بالفعل لقيناهم كلهم موجودين عمو، عمو الزيني ومرتو وناس كميه،سلمنا عليهم وفضلونا،قبل نقعد بقيت اتلفت يمين وشمال م شايفه ماهر،بعد اكتر من نص ساعهه سمعنا صوت جوطه ،والصوت عالي بقول"ياخي انتي اُم انتي؟انتي أُم؟" كلنا اتلفتنا حتى طاقم المستشفى بقينا نعاين بإتجاه الصوت ومخلوعين، فجأة اشوف بابا ماسك ماهر ونازل بيهو بالغصب وبقول ليهو ي ولدي لو معتبرني ابوك اسمع كلامي،اهدأ واسمعني شويهه تعال معي،عمو الزيني قام ومشى عليهم قال ليهم في شنو؟ماهر ي ولد مالك؟الحاصل شنو؟ماهر وشو كان م بتفسر ابداً ارهاق على تعب على غضب اتفك من ابوي وطلع مشى،بابا بقى يتكلم مع عمو الزيني ونحن كلنا مركزين معاهم ،بابا جانا سلم علينا قلنا ليه مالك تلفونك مقفول؟قال لينا قافل شحن جيتو متين انتو؟قلنا ليه قبل شويه سألناه عن وضع اخو ماهر،قال لينا ماف تحسن كدة بتقال عليه والجو متوتر واعصابهم الناس دي في يديهم بقينا متوقعين اي شي تحت اي لحظهه💔ماما قالت ليهو لا حول ولا قوة الا بالله ربنا يرفعو إن شاءالله ربنا يرفعو ،بعد اكتر من نص ساعه حسيت بنفسي عطشانه وانا مويه كولر في المستشفى م بشربها،قلت لي

ماما حأمشي اجيب لي مويه واجي ،قالت لي من وين؟قلته ليها من برة ،قالت لي كويس م تتأخري ولو قدرتب جيبي معاك مويه كتيرة للناس هاك دي القروش،قلته ليها طيب شلته القروش وطلعته،نزلته تحت وانا ماشه على البقاله فجأة صادفتهه ماهر داخل على المستشفى وقفته قصادو مباشرة يااااخي وشو كان في حاله كأبهه وسيء بطريقه م بتتوصف احساس انك ميت ليك زول عديل،قلته ليهو كيفك؟قال لي الحمدلله،قلته ليهو حمدلله على سلامتو،هزة لي راسو وهو ساكت،عايز يتحرك قلته ليهو م كان عندي علم لو م بابا كلمني امس اتصلته عليك كتير م بترد ورسلته ليك مسج،بعد مسافه قال لي بصوت مبحوح وهزيل تسلمي م بتقصري،قلته ليهو انا م عارفه الحاصل شنو بس ممكن م تدخل المستشفى وترتاح برة شويه؟قال لي انا تمام،قلته ليهو لا واضح انك م تمام ابداً ممكن تمشي ترتاح حتى ولو في العربيهه،قال لي راحه؟قلته ليهو علشان تقدر تقيف في اخوك لازم ترتاح شويه يلا ي ماهر اسمع الكلام،ياخي من الإرهاق عيونو كانت م بتتشاف اساساً ووشو مورم حرفياً كان في اسوأ حالاتو ،رجع وانا مشيت وراهو وصل عربيتو فتح الباب وركب،قلته ليهو دقايق،مشيت البقاله بسرعه شلته 2مويه وجيت راجعه دقيت ليه القزاز نزلو قلته ليهو ممكن تفتح التأمين؟فتحو لي ركبته وقفلته الباب قلته ليهو اتفضل دي مويه غسل وشك واشرب،قال لي م عايز،قلته ليهو ماهر انت م شايف وشك عامل كيف شيل اشرب وغسل وشك،في لحظه ضيق كدة قال لي شهد.يشهد الله انا في وضع م ناقصك ابداً،فضلته ساكته وبعاين ليه بكسره خاطر كدة قلته لييهه طيب حاضر اسفهه،شال باقه المويهه نزل غسل وشو ووقف مسااافه وجا راجع ركب ورجع الكرسي لي ورا ورقد واخد نفس عمييييق،فضلنا ساكتين وانا م عارفه اقول شنو او بقولو شنو في وضع زي دة اساساً بس بالجد وضعو يقطع القلب💔فضلتهه مشربكهه صوابعي،عاينته لي يديه كان برجف عديل كدة،بعد اكتر من ربع ساعه سكوت قلته ليهو بتردد ماهر؟!فضل ساكت،قلته ليهو انا م عارفه اخوك وضعو شنو ولا عارفه اقول ليك شنو ولا عارفهه كيف ممكن اساعدك او اخفف عنك بس خليك عارف انو بالجد م هاين علي اشوفك في الوضع دة وصدقني الفترة دي هتعدي واخوك إن شاءالله حيبقى كويس ويرجع احسن بكتير وحتتجاوز الفترة دي بعدها سكتتهه مسافهه حتى مسكتهه يدو وانا مترددة وضغطتهه عليها وقلته لييييهه مش نحن اصحاب؟ "يبقى انا معاك ي ماهر م حأخليك تعديها براك ابداً مهما ساءت الظروف م عارفه نفسي حأقدر اقدم ليك شنو او انا م عندي شي اقدر اقدمو ليك واساعدك بيهو بس رغم كل شي انا م حابه فكرة اني اشوفك كدة وبهمني انو انت تكون بخير خليك واثق من الحتهه دي...💔

...
#مليحيظهه
شكراً للناس الإتفهمت عذر قطعه الكهرباء❤💛💛،وشكراً للناس الشايفه انو قطعه الكهربه دي تحكمها في يدنا رغم انكم عارفين انها حاله عامه،والناس البتقول اكتبي كم حلقه واحفظيها في النوت ي جماعه انا استطاعتي حلقهه واحدة وبكتبها بعد معافرة اساسا انتو بس شايفين الكتابه دي شي ساهل من ناحيتكم والله علشان كدة صعب تتفهمو ...🙂💔