⌘❀ همسة ☆ شوق ❀⌘
○قناة منوعات
♡حالات واتساب
♧احلى المنشورات
●احلى المقاطع المرئية و الصوتية
◇كلام من القلب للقلب
https://tttttt.me/hamsat_shooq

#ذات_عناق_9

كنت في وضع مذري جداً م طايق فيهو نفسي حتى،فكره انو مهند اخوي يحصل ليهو شي دي كانت مخلياني افقد إيماني بكل شي،ولا اكون واعي للبحصل حوالي،كنت حاسي نفسي مضغوط من كل النواحي وراسي حيتفجر من كتر التفكير واعصابي منهارة وضغوطات امي في المستشفى وشهد،شهد ،لقتني في اسوأ حالاتي وقدرت تمتص ولو بسيط من الحاله الانت كنت فيها ،عرفت تهديني رغم انو المهدءات م اعتقد كانت حتقدر تهديني، هي كانت بتتكلم وانا بس كنت مستمع حتى احساسها بالخوف من ردة فعلي معاها كانت ظاهرة في نبرة صوتها،في لحظهه صمت نزلت من العربيه مرة تانيه بعد5دقايق بالظبط جات راجعه وشايله في يدها مشروب غازي ومعاهو حاجه تانيه قالت لي شوف واضح من شكلك م اكلته ف قصه انو م تاكل دي م في صالحك عاين لي نفسك انت بترجف كيف واكيد الرجفه دي سببها التوتر اضافه لي الجوع وم تقول لي انتي دكتورة علشان انا ابوي دكتور ف اتفضل هاك اشرب واكل من الكرواسون دة،
قلته ليها م عايز انا ي شهد،
قالت لي انت م طفل ي ماهر
قلوه ليهو م هو انا علشان م طفل م منتظر زول يقول لي متين اكل ومتين لا"قلته ليها الكلام دة بنبرة حادة"
فتحت الكرواسون ومدتو لي وهي ساكته..
نزلته القزاز وبقيت اعاين برة،بعد مسافه قالت لي ماهر الله يخليك م تكسري بخاطري والله م حلوة في حقي،
قلته ليها بنفاذ صبر.شهد
قالت لي خلاص وربي م بكتر فيك الكلام انت بس أكل واشرب من البارد دة ولو بسيط،شلته منها الكرواسون واكلته منو اصلاً م كنت قادر ابلع شي بس عشان م تنق فيني كتير م ناقص انا،اكلته جزء بسيط منو جاتني مكالمه عمي بسألني وين انت؟قلته ليهو جاي،وعلى طول نزلته وهي نزلت وراي،مشيت وم عاينته وراي ولا انتظرتها حتى💔
...

شلته مويه ورجعته بيها المستشفى فوق وزعتها على الناس ،امي قالت لي اتأخرتي كدة مالك؟قلته ليها البقاله كانت مليانهه ناس علشان كدة،طلعنا من عندهم متأخرين قبل م.نطلع مشيت على ماهر كان واقف في زاويه براهو وبعاين برة للقزاز على الشارع كدة ومدخل يدينو في جيوبو، قلته ليهو نحن حنمشي بعد كدة ربنا يكتب سلامتو إن شاءالله حنرجع نجيكم تاني ،قال لي إن شاءالله،قلته ليهو حاتصل عليك علشان اتطمن عليك واعرف الحاصل معاكم ممكن ترد على تلفونك لما اتصل؟هزة لي راسو بمعنى "حاضر"قلته ليهو وم تخاف إن شاءالله حيبقى كويس صدقني خصوصاً انو بابا وكل الكادر الطبي واقفين فيهو ف هو تحت أيدي امينه،تجاوبو معي كان كلو بالإشارات يعني ما قادر ينطق كلمتين ورا بعض اساساً ،قلته ليهو وم تنسى عدم الأكل والشراب م حيخلي اخوك يبقى كويس حاول على قدر م تقدر انك تاكل ولو بسيط علشان تقدر تقيف فيهو تمام؟
فجأة سمعته ماما بتنده علي وهي جايه علينا رجعته خطوتين من جمب ماهر،قالت ليهو اها ي ولدي ربنا يكتب سلامتو ان شاءالله نحن نمشي وبكرة تاني حنجي نطل عليهو إن شاءالله،قال ليها تسلمي ي خالتي م تتعبو نفسكم عمي عبدالله الله يجزيه خير م مقصر،قالت ليهو تقصير شنو ي ولدي انتو اولادنا كيف بس نقدر نقصر ياخي دة واجبنا والله💛قال ليها يديك العافيه ي خالتي💛استأذنا وطلعنا وكان معانا بابا اصلاً هو كان راجع البيت ياخد راحه ويغير حتى يرجع تاني بالليل،ماما قالت لي بابا قلبو مقطوع على اخوهو الله يطمنو عليهو والله وجع قلبي شديد💔💔بابا قال ليها والله الخوفه الداخلاهو على اخوهو دة امو م خايفهه زيو تصدقي وتأمني بالله بفضل مساهر للصباح واقف.جمب الغرفه مراقب اخو؟ويجري بجاي وبجاي وينادي الدكاترة ياخي اكل م باكل المويه دي ساي م بشربها اتكلمته معاهو بخصوص انو يهتم بنفسو ونحن بنهتم بي اخوهو بس م بسمع💔ماما قالت ليهو بمناسبه امو مالو مع امو جوطتهم القبيل دي؟بابا قال ليها امو دي مرة م محترمه ياخي وم مباليه ولا مراعيهه لي حته انو هم في مستشفى ووضع اخوهو صعب جداً وعايزة تناقشو في حجات م ليها داعي ابداً💔وهو زول قلبو حار وعصبي جداً والله الزيني قال لي الولد دة رغم انو هو الصغير بس باقي لي اخوهو دة ام وابو💔
الله يقومو بالسلامه ويطول في عمرو إن شاءالله ي رب لو اتجاوز اليوم دي برجع احسن ان شاءالله،ماما قالت ليهو ان شاءالله ي رب💛طبعاً انا ساكته وبسمع فيهم سااااي وبالي مشغول مع ماهر خصوصاً بعد شوفتو بالحاله ديك وكلام بابا عنو،وصلنا البيت بالليل غلبني النوم شلته التلفون إتصلته عليه 4مكالمات حتى رد،حتى في ردو صوتو كان بعيد شديييد ومبحوح،قلته ليهو كيفك؟قال لي تمام الحمدلله،قلته ليهو اممممممم في اي جديد عن حاله اخوك؟قال لي لا ماف،فضلته ساكتهه لانو ماف اي كلام يتقال ابداً💔بعد مسافه قلته ليهو طيب اتصلته بس علشان اتطمن عليك وكدة،قال لي تمام تسلمي وقفل الخط ،فضلنا نمشي ليهو يومي انا وماما كنت بجبى امي تمشي علشان م امشي براي وبقينا نشيل لينا معاهم غداء وكدة وبعد اسبوع اخوهو بقى احسن وحتى طلعوهو من غرفه العنايه المركزة وبقى احسن بس لسسسه م خرجوهو من المستشفى، في يوم بابا كان م مداوم نسبه لي انو مرهق واخو ماهر حالتو مست

قرهه وكذاا ،اثناء م نحن نايمين سمعته جوطه برة رغم انو الصوت م واضح بس كانت في حركه برة الهول نزلته بسرعه فتحته الباب سامعه ماما بتقول مات؟مات ي عبدالله؟فهمني ي عبدالله وبابا طالع مستعجل لما داير يقع،قلته ليها بصرخه في شنو؟اخو مهند مات؟بابا طلع وماما جاريه وراهو وانا وراهم بالبجامه بس ،بابا فتح الباب علشان يطلع العربيه جريت دخلته البيت شلت طرحه وجيت راجعه ركبته في العربيه،قال لينا ماشين وين انتو؟ماما قالت ليهو لاحقين الولد ،طلع العربيه وقفل الباب حق البيت وبسرعه البرق اتحرق وانا قلبي في يدي م قادرة اقول حرف وامي بتتكلم بس م مستوتبه هي بتقول في شنو،وصلنا المستشفى في ظرف من 20دقيقه بالكتير،بابا دة دخل المستشفى م شايف قدامو لغايه م وصلنا الطابق التالت سامعين البكى والكواريك انا طبعاً خلاص هبطتهه بقيت م قادرة امشي،بس سامعه امي بتقول لا إله الا الله،والدكاترة بتحاول تتكلم مع الموجودين وتهدي فيهم وواحد منهم بقول ليهم في مرضى هنا لو سمحتو ي جماعه،بابا قال ليهو في شنو ي عمر؟مالو مهند؟الدكتور قال ليهو ي دكتور فجأة النبض وقف،قال ليهو وين هو هسي؟قال ليهو في الانعاش،بابا جرا طلع فوق وانا فجاة لقيت نفسي وراهو،في الطابق بتاع الانعاش بتاع الامن دخل بابا ومسكني لزيتو ودخلته ورا بابا فجاة نشوف ماهر وعمو الزيني ،ماهر دة متكي في الحيطهه وببكي،وعمو الزيني قاعد في الارض،بابا قال ليهو الزيني؟!قرب منو ومسكو،عمو الزيني قال ليهو عبدالله ،اللحقو ي عبدالله قلبو وقف ي عبدالله ويبكي قدرتو ،بابا فكاهو ودخل الغرفه على طول،ماهر دة ببكي بصوت عالي ومدي وشو الحيطه زي الطفل ببكي بصوت عديل مشيت عليهو وقفته جمبو قلته ليهو ماهر،م رد فضل يبكي ،مسكتو من كتفو والله ماف اسوأ من بكى الرجال ياخي انا زاتي بقيت ابكي معاهو م عارفه ببكي على اخوهو ولا علشان اخوهو المهم كنت ببكي بس وبطبطب على كتفو،والدكاترة كانو داخلين وطالعين من الغرفه ويتجارو،ماهر دة وصل لمرحله انو مسك دكتور قال ليهو مات؟لو مات كلموني ي جماعه دة اخوي خلوني ادخل اشوفو 💔الدكتور قال ليهو لا اخوك كويس،قال ليهو طيب ليه مانعني ادخل اشوفو؟مسكتو قلته ليهو ماهر هدي😭💔فضلنا على الحال دة اكتر من ساعه،بعداك الدكاترة طلعو من الغرفه ماهر مشى عليهم بلهفهه ،بابا طالع من الغرفه شكلهم مرهق وهزيل وم ببشر بالخير ابداً،ماهر بعاين ليهم وهو مقلع عيونو وكأمو م قادر ينطق حرف ومنتظر سماع خبر سيء،بابا مسكو من كتفو و قال ليهو الحمدلله ي ولدي عدت على خير هو كويس،ماهر قعد في الأرض وبقى يبكي زي الطفل العرف انو امو م ماتت ،كل الدكاترة والدكتورات بقو متلمين حواليهو ويهدو فيهو حتى ساقوهو دخلوهو غرفه كدة،فضلنا قاعدين للصباح الحمدلله الدكاترة كلهم اكدو انو حالتو بقت مستقرة وحتى هو صحى بعداك شويه الناس اعصابها إترخت،طبعاً منظري كان تافهه شديد بالبجامه القصره والطرحه صغيرة،بابا لما شاف حالتي الصباح قدام الناس بقى يعاين لي من فوق لتحت ادى ماما مفتاح العربيه قال ليها سوقي العربيه وامشو البيت😂💔رجعنا البيت اخدنا لينا نومه صحينا الضهر جهزنا نفسنا وتاني رجعنا المستشفى علشان بابا حيحتاج للعربيه وكدة، الحمدلله حالتو استقرت وبقى احسن بس زرعت جواي اثر لي ماهر وخلتني اشوف شخصيه في ماهر مافي زول شافها او عارفها حتى،بعد م اخوهو اتماثل بالشفاء وخرجوهو وكدة بقيت اتصل عليهو يومي واسأل عن احوالو واتطمن عليهو واحياناً برسل ليهو واتسب بنقعد ندردش فترة طويله وهكذا،فترة مرض اخوهو قربتنا لبعض وخلت علاقتنا تكون ظابطه شديد بقى مستحيل يعدي علينا يوم من غير م.نتكلم مع بعض وكدة،بعد شهرين نتايج الممتحنين ظهرت والتقديم بدأ وكدة،كنت متحمسه شديد يعني خلاص حينتهي الملل وحأنزل جامعه وكدة،قبل التقديم بإسبوع ماهر كان بتناقش معي عن المجال الحاباهو وكذاا،قلته ليهو م عارفه،قال لي كيف؟قلته ليهو يعني بابا عايزني ادرس طب اسنان،قال لي وانتي ي سجم؟قلته ليهو رغبه بابا طبعاً،قال كنت عايز اديك.اقتراحات لكن طالما محددة وجهتك اوكيهه،قلته ليهو لا قول هسمعك ،قال لي اكسري الحنك حتسمعيني لشنووو؟قلته ليهو حُب استطلاع سااااي بس هااااا😒قال لي ابيت،قلته ليهو ياخي قول ي ماهر يااااخ😭💔قال لي طيب شوفي انا مقترحاتي ليك انو تشوفي مجالات الهندسه برمجه والاتصالات والشبكات وكذااا،قلته ليه لا معليش انا شايلهه احياء م هندسيه ولا حاسوب😒💅💔قال لي ايواء طيب زي م قلته ليك مجرد اقتراح 😁عدة الاسبوع وجا يوم التقديم طبعاً حأقدم من البيت باللابتوب،معي بابا قاعد بكتب لي في الرغبات كلها مجالات طبيه طب اسنان في كذا جامعه،اثناء م بقدم لي جاتو مكالمه قال لي كملي بقيه الرغبات لما اجي،مسكته الدليل وبقيت وافتش نزلته كذا رغبه وفضلت واحدة بس والله م عارفه حصل كدة كيف بس يدي براي ساقتني على الهندسات حقت الجامعات فضلته افتش وافتش لغايه م فجاة عيني وقعت على هندسه الاتصالات شرطها الاساسي كان رياضيات متخصصهه ،قل

ته اقدمها اصلا هي اخر رغبه ومستحيل يشيلوني فيها و...طوالي نزلتها وقدمتهه،بابا لما جا راجع قال لي تميتي بقيه الرغبات؟قلته ليهو ااايوان وعلى كدة الموضوع انتهى،بالليل بتكلم مع ماهر رسلته ليهو ريكور وحكيت ليهو عن موضوع التقديم وانا بضحكك قلته ليهو خمن اخر رغبه قدمتها شنووو؟قال لي شنوووو😂قلته ليهو هندسه اتصالات،قال لي ي.زولهه؟مش قلتي انك م شايله هندسه؟!قلته ليهو لقيت انو الرياضيات المتخصصه شرط اساسي وهي اخر رغبه ومستحيل يشيلوني فيها ها انا بس قدمتها هبل مني ساااي😂💔قال لي غبيهه وهبلهه يلا،💔 عدت الأيام وجا يوم طلوع نتيجه التقديم وضعي كان صعب،اصعب من وضع الزول المنتظر نتيجه الشهادة السودانيه حقتو،كنت بتكلم مع ماهر اليوم كلو وهو بضحك وما ماخد الموضوع جد نهائي،قال لي طيب جيبي رقم الجلوس بتاعك انا بشوفها ليك،قلته ليهو لا طبعاً مستحيل انا بابا م اديتو ليهو خليك انت💔كنت قاعدة على اعصابي،ماما قالت لي البشوفك بقول منتظرة نتيجه الشهادة ي بت م تبطلي عوارة وتقومي تدخلي رقمك تخلينا نشوف الحاصل شنو،بعد شحتفه روح وخوف وهلع رسلته رقمي في الرابط وغمضتهه عيوني،بعد مساااأااافه فتحتها كان اشوف النتيجهه وهنا كانت الصدمهه...

...
المساء بابا لما جا كان مقوم الدنيا وم مقعدها اول مرة يكون فاير وهايج كدة وبقول لي"تقدمي هندسه كيف؟كيف تقدمي هندسه؟السماح ليك بكدة منو؟شايله هندسه انتي؟البخليك تقدمي المجال دة شنو و....

الموال كان طويل عريض لدرجه انو دخلته غرفتي وقفلته الباب علي وقعدته ابكي،عمرو بابا م اتكلم معي بالنبرة دي حتى ماما م قدرت تهديهو ،وانا بالجد اخر شي اتوقتو انو ممكن اتشال في المجال دة،قدمتو ك تمامه عدد للرغبات بس 😭💔فضلته قافله نفسي على غرفتي وم طايقه زول ولا عايزة اتكلم مع زول ولا اي شي،اخر شي عملو بابا جاني في الغرفه وقال لي بصوت حاد بكرة تمشي تقدمي استقالتك دي بدون اي نقاش سامعه ولا لأ؟الواحد تربي فيهو يربي في عملو💔وطلع ورزع وراهو الباب ،بعدها جاتني مكالمه من ماهر م رديت عليهو،رسل لي واتسب م فتحته المسجات💔لغايه اليوم التاني م طلعته،الصباح ماما جات داخله الغرفه لقتني صاحيه،قالت لي صباح الخير،م رديت عليها،قالت لي اجي وانا ذنبي شنو صارة فيني وشك؟قومي اشربي الشاي ابوك زاتو مرق💔قلته ليها م عايزة انا،قالت لي والله لكن الزول يغلط وم داير يتحمل مسؤليه غلطو دة كلام دة والله💔قمت طلعته من الغرفه مشيت المطلخ شلته لي كبايه مويه جايه طالعه من المطبخ لاقيت منذر وانا وشي مورم،قال لي تعالي ي عارض امس ابوك مساهر بينا بسببك تغلطي انتي يجى يتفشى فيني انا ويسمعني فارغ مالك ي بت الناس دايرة تعملي ليك حركات؟قلته ليهو طير من وشي 😒قال لي ي زولهه احترمي نفسك م تقولي لي طير من وشي بضرب براسك الحيط دة اسي،قلته ليهو اي طير من وشي طير من وشي ي زول،جراني من شعري لمن المويه اتكشحت ولصقني مع الحيطهه وقال لي احترمي نفسك فاهمه ولا م فاهمه بكفتك انا اوعى تقلي ادبك ،قلته ليهو بقل ادبي واي طير من وشي عايز تعمل لي شنو يعني؟اداني كف وخنقني امي جات جاريه وبقت تقول ليهو منذر،منذر ،فكتني منو قالت ليهو دي قله ادب جديدة كمان بتمد يدك على اختك؟قال ليها بتك تحترم نفسها وتبطل امورها الاتعلمتها جديدة دي دة كلو بسبب دلعكم ليها خاربنها دايرة تطلع فوق روسينا، بقيت اعاين ليهو بقوة عين وعيوني ملانه دموع،قال لي نزلي عينك دي،امي قالت ليهو منذر ي ولد انا امها قاعدة احترم نفسك،تاني رجع قال لي قولته ليك نزلي عينك دي !؟ابيت انزلها،تاني لطشني كف طاخ امي هنا لزتو لمن خنقتو وانا جريت غرفتي وقفلتها علي قعدتهه م خليت بكى م بكيتو،بعدها الشيطان بقى يلعب في راسي لبسته اقرب عبايه وطرحه وطلعته من البيت من غير م يشوفني اي زول و اتصلته على ماهر اول م فتح الخط قلته ليهو انت وين؟قال لي في البيت،قلته ليهو حتقدر تجيني اسي؟قال لي مالك خير؟قلته ليهو وانا ببكي حتقدر ولا لا؟قال لي شهد مالك بتبكي خير؟؟؟قلته ليهو ياخي حتقدر ولا لأ بس قول؟قال اجيك وين في البيت؟قلته ليهو لا انا طلعته خليت البيت،قةل لي طلعتي خليتي البيت؟؟؟كيف يعني م فهمت ؟قلته ليهو طلعته الطلوع الواحد دة واتفقعته ليهو بكى في التلفون بقى يقول لي شهد اهدي طيب انتي وين بالظبط انا جاي عليك ،قلته ليهو في الزلط بتاع شارع بيتنا😭💔قال لي طيب خليك مكانك م بتأخر تمام؟قلته ليهو طيب،قفل الخط وبالفعل مشيت انتظرتو في الزلط هو على بعد مسافه من بيتنا ،فضلته منتظره حكايه بتاعه ساعه وهو كل شويه يتصل علي لغايه م وصل ،نزل قال لي خير مالك ؟الحاصل عليك شنو يزوله؟اول م سألني الأسئله دي اتفقعته بكى،قال لي طيب اركبي،ركبته وهو ركب واتحرك وانا ساكته وببكي وهو سايق وبقول لي طيب فهميني على الاقل مالك الحاصل شنو ختيني في الصورة عشان احتمال اقدر احلها؟شهد؟جاوبيني اتشاكلتي مع ناس البيت؟شاكلتك خالتو؟طيب اخوك؟اول م قال اخوك دي زدته في البكى شال منديل اداني ليهو💔وفضل لافي

بالعربيه وبعاين لي وانا ببكي م عارف يتصرف كيف،بعد اكتر من ساعتين لف وقف قدام مطعم نزل جاب لي مويه وعصير وجا راجع قال لي دة عصير ليمون بي نعناع حيروق ليك اعصابك حاولي اشربي منو شويه عشان نتفاهم لأنو انتي بحالتك دي قلقتيني جداً وناس البيت حيكونو قلقو عليك اكتر،يلا ي شهد شويه بس عشان نتفاهم،هزيت ليهو راسي بمعنى لا،قال لي شهد م بتسمعي كلامي؟مش دي انتي الكنتي بتخليني اكل واشرب غصب في مرض اخوي؟مسك يدي ومسكني العصير ورفعو بي يديهو لغايه م خلاني ااخد منو رشفهه قال لي ايوااان كمان واحدة تانيهه،بعد اخدته التانيه قلته ليه م عايزة شلته المويه فتحتها وشربته منها،قال لي طيب كدة احكي لي بالهداوة في شنو؟فضلت ساكته،قال لي يلا ي شهد،قلته ليهو امس النتيجه حقت التقديم وانا مش قلته ليك اني قدمته الرغبه الاخيرة هندسه اتصالات؟م كنت متوقعه يشيلوني فيها يلا بس بابا من هناك..بعدها اتفقعتهه بكى،قال لي انتي جادة؟شالوك فيها؟😳 كيف🤔😳 قال لي طيب اهدي وفهميني بعداك الحصل شنو،بعد تقطيع وتنهيدات كميه حكيت ليهو الحصل،سكتت مسافهه قال لي ي شهد كمان لو جينا للحق انتي تصرفك غلط صح؟قلته ليهو بإنفعال تصرفي غلط معناها يشاكلوني كدة؟تصرفي غلط معناها اخوي يمد يدو علي؟انت شايف كدة؟غلطانه انا الجيت حكيت ليك وقف العربيه دي ونزلني لو سمحتهه💔فضل ساكت مسافه وهو سايق قال لي تصرفك غلط قصدي بيهو انو انتي حتى ولو قدمتي الرغبه م على سبيل الجديه مفروض تختي ناس البيت امام الأمر الواقع علشان يكونو متوقعين احتماليه انك ياخدوك فيها،م بقدر افتي ليك في موضوع اخوك لانو في النهايه مهما حصل دة اخوك والحجات دي بين الاخوان عادي بتحصل الموضوع م بحتاج انك تطلعي تخلي البيت ابداً،متخيله معي وضع امك حيكون كيف لما تلقاك م في البيت؟وابوك؟متخيله معاهم حالتهم وهم بتجارو وبفتشو عليك؟هل دة تصرف سليم منك؟فضلته ساكته وانا ببكي،قال لي قولي لي انو دة تصرف عقلاني وسليم ي شهد💔شوفي في البيوت حاصل اكبر من كدة والله في بنات عايشين مأسي في بيوتهم سواء من ابهاتهم او اخوانهم لو شوفتيهم تحمدي ربك على وضعك،بس ك زوله اول مرة اخوها يمدو عليها شي طبيعي تكبر الموضوت وتهولو كدة،قلته ليهو انا مهوله الموضوع انت شايف كدة؟من متين الضرب كان حل لي مشكله؟واساساً ماف سبب للضرب يفرغ فيني انا غضبو لييييهه؟قال لي اذا اتفقنا انو تصرف اخوك غلط امك وقفت ضدو ومسكتو منك،ابوك اليوم لو جا وعرف انو هو مد يدو عليك رغم زعلو منك حيشاكلو ي شهد،لو كل البنات بتعمل زيك كدة ومن اول مشكله بسيطه حتتصرف كدة صدقيني كل بنات الناس دي حتكون في الشارع ي شهد خليك عاقلهه شويه وبطلي تتصرفي بجهل عشان امك وابوك خليك من اخوك والعملو💔انتي فاهمه انو في ناس حلم حياتها يكون عندها ام وابو بس يخافو عليهم ويتمنو يشوفوهم ناجحين ومتوفقين ويشاركونم نجاحاتهم؟كونو ابوك زعل لانو عايزك تدرسي في احسن مجال دة م شي يتلام عليه ابداً💔تخيلي تعيشي احساس انك وحيدة وحيدة شديد يتيمه من ابوك التحت التراب،ويتيمه من امك الحيهه ترزق على وجه الارض،متخيله معي احساس انك يتيم أُم وهي عايشهه؟سكت مسااافه وهو سرحان وفضلته ساكته قال لي اسي م حنك انا بتصل على 💔 بطمنها وبقول ليها انو انتي معي تمام؟سكتت،قال لي تمام ي شهد؟يلا انا حأتصل،وبالفعل اتصل وفتح لي السماعه الخارجيه،اول م ردت قال ليها ي خالتي كيفك تمام؟قالت ليهو بصوت هزيل اهلاً ي ولدي كيفك؟قالت ليه تمام الحمدلله انت كيفك واخوك كيفو تمام؟قال ليها تمام الحمدلله يديك العافيه،ي خالتي،قالت ليهو نعم؟!قال ليها شهد دي معي جات علشان تسألني من حجات مهمه وقالت طلعت مستعجله م كلمتكم ف قلت اكيد حتكونو قلقتو و خفتو عليها وكدة ،قالت ليهو بي لهفه معاك؟عليك الله شوف البت الجاهله دي والله ي ولدي حيلنا اتهد نحن من متين واقفين برجل واحدة م خلينا مكان م فتشناهو م خلينا تلفون م ضربناهو ،صوت كان لمن فيهو رجفه ونفسها قايم،قالت ليهو لا إله الا الله بس،قال ليها معليش ي خالتي انا زاتي قلته ليها تصرفك غلط كنتي تتكلمي لكن حصل خير نحن شوين كدة نخلص الشغل الفي يدنا وحنجي راجعين البيت،قالت ليهو ي ولدي هي كان قالت لي انا م بمنعها انت م اخوها وود البيت ووالله لكن جنس الطلعه ساكت دي م بتقطع القلب؟قال ليها معليش ي خالتي تصرف جهل خلاص نحن م بنتأخر💔قالت ليهو سمح ي ولدي الله يطمن قلبك زي م طمنتني،بعد م قفلت بقى يعاين لي وقال لي سمعتي قدر شنو قلبها مقطوع؟فاكرة انو ربناوم حيحاسبك على حالتها الدخلتيها فيها دي؟يلا حنمشي اسي البيت وحتعتزري ي شهد💔هو زاتو بقى متضايق مني،اتحرك لغايه م وصلنا البيت قال لي
1_حتمشي وتعتزري لي امك عن تصرفك
2_مهما لقيتي ردة فعل منهم اتجاوبي وم تتعصبي ابداً
3_حتتحل بإذن الله م تشيلي هم تمام؟
سكتت،قال لي هاااا؟قلته ليهو طيپ،قال لي م حأنزل نسبه لي انو الجو حيكون مكركب في البيت بس برجع ليك بتلفون تمام؟هزيت ليهو راسي بمعنى ايوة،قال لي طيب يلا،نزلت

ه من العربيه هو اتحرك وانا مشيت وقفته قدام الباب مساااافه حتى دقيت الجرس،بعد مسافهه الباب فتح ماما الفتحت الباب ،الغريبه انها اتصرفت معي بشكل عادي وقالت لي بكل برود جيتي؟سكتت،قالت لي ادخلي،انا قلته بس خلاص دة الهدؤ البسبق العاصفه،دخلته لقيت عربيه بابا كانت قاعدة مبركنه جوة قلته بس خلاص حيعلقوك الليله على طول مشيت غرفتي ودخلته وقفلته علي الباب ورقدته مش عملته نايمه بس عملته ميته عديل،وانا نايمه صحيت على صوت ماما بتصحي فيني،عملته نفسي غمرانه وهي مُصرة تصحيني فتحته عيوني لقيتها جايبه لي اكل في صحن ومويه وعصبر قالت لي قومي اُكلي،قلتها ليها م عايزة،قالت لي قومي اكلي ي بت انا متأكدة م اكلتي حاجه بطلي البتعملي فيهو دة م تنفروني من الدنيا دي💔قومي ي بتي الله يرضي عليك إن شاءالله اشربي شويه من العصير دة بتموتي بالجوع💔مسكت الكبايه وقومتني وشربتني شويه عصير بعدها قلوه ليها م عايزة خلاص،قالت لي طيب بخلي ليهم ليك هنا جمبك،طلعت وقفلت الباب،على كدة عدة علي اسبوع م بطلع من الغرفه الا بعد اضمن بابا ماف وطول فترة الاسبوع دي م شوفتو نهائي💔شكاني لي اخواني اتصلو علي وغلطوني و...
في يوم رسل لي في الواتسب بالليل قال لي اطلعي برة تعالي لي في الغرفه عاوزك فوراً،طبعاً م رسل لي الا بعد ضمن اني اونلاين،طلعته مشيت ليهو ،اول م دخلته قلته السلام عليكم،قال لي وعليكم السلام واشر لي على الكرسي نظام اقعدي وكدة،قعدته قال لي في زول بقاطع ابوه؟هزيت ليهو راسي بمعنى لا،قال لي حصل انا قصرته منك في حاجه؟طلبتي حاجه وم لبيتها ليك؟هزيت ليهو راسي،قال لي يعني طول عمري م بعمل الا الشي الانتي عايزاهو يعني انا لما يكون حلمي البسيط انو اشوفك دكتورة تتصرفي كدة؟انتي شايفه انو تصرفك دة كان صح؟جاوبي م تسكتي💔هزيت راسي وانا بمسح في عيوني،قال لي في الاخير دة دي حياتك ودة مستقبلك انا م متضرر لكن انا بس داير اشوفك في احسن حال وفي الشي البليق بيك هل انا كدة غلطان؟هزيت ليهو راسي بمعنى لا،قال لي انا جاري ورا مصلحتك لانو الحياة دي م معروفه والموت مع الناس م معروف ربنا متين ياخد امانتو عشان كدة الواحد بعمل كل البطلع بيدو عشان يضمن لي اولادو حياة افضل بعدو،قعدته ابكي كلامو بالجد وجعني وخوفني،قال لي اسي انتي بقيتي على شنو؟سكتت،قال لي اتكلمي انا بسألك،قلته ليهو اقدم إستقالتي وارجع اقدم تاني بس زي م انت قلت💔قال لي شوفي عشرين في اليد ولا عشرة في الشجرة،انا ضد المجال دة واي شي لكن انتي م قدمتيهو من فراغ ،انتي في نفسك في نيه انك تدرسيهو م عارف كيف بس انتي عايزة كدة،وانا بحثته عنو وسألته كل الناس شكرتو لي يعني لو انتي عايزة تدرسيهو انا م عندي مانع بكرة بمشي معاك نعمل اجراءات التقديم ولو لا نمشي نقدم الاستقاله ونشوف البحصل شنو تاني،فضلته سااااكته ومنزله راسي في الأرض،قال لي فكري واديني ردك بكرة وم تخافي انا م زعلان منك ابداً واطفي النور واقفلي وراك الباب وانتي طالعهه...💔

#ذات_عناق_10

انا من النوع الما بحب اتدخل في شؤون غيري ابداً،ولا بحب اتطفل على حياة زول او قراراتو،ولا بحب اخت نفسي موضع زول متحشر في خصوصيات غيرو لاني بنفس النمط م بحب زول يتدخل في خصوصياتي،بعد الحصل لشهد راجعته نفسي كتير واترددته في اني اخطي اي خطوة ممكن اقدر اساعدها بيها بس دايماً فكرة انو الحاجه دي بتخصها متغلبهه علي قواعد حياتي الانا ماشي بيها،اتصلته على عمي عبدالله المكالمه م بينا كانت..
الوو عمي عبدالله كيفك إن شاءالله طيب؟
اهلاً ي ولدي وعليكم السلام تمام الحمدلله انت كيفك والزول دة كيف معليش ياخ قصرنا من حقكم وم قدرنا نجي عليكم اليومين دي؟!
تمام والله الحمدلله ي عمي م عندو عوجه ومعذورين ياخ م قصرتو انتو عملتو العليكم بزيادة والله💛
دة واجبنا والله ي ولدي ياخي انتو اولادي كمان
تسلم ي عمي انا كنت عايز اجي عليك في المستشفى لو فاضي او عندك زمن وكدة
حبابك ي ولدي الف مرحب بيك خير ان شاءالله م يكون الشاب دة ..
قاطعتو وقلته ليهو لا والله بس تايز اخد لي معاك قعدة كدة
قال لي ابشر ي ولدي انا موجود شرف تحت اي لحظه بدون استئذان كمان ،
قلته ليهو تسلم ي عمي..
قال لي لما تصل اتصل علي تمام؟
قلته ليهو خلاص تمام المساء كدة بجي عليك💛

بالفعل المساء مشيت عليهو وقعدنا ،اخدنا وادينا في الكلام فترة بعدها قلته ليهو ي عمي معليش لأني اخدته من زمنك وكمان بعتذر لي على انو انا حأتدخل في خصوصياتكم شويه وكدة،
قال لي عيب ي ولدي شنو معليش وم معليش بطل البتسوي فيهو دة انت م جاعل الحاله واحدة ولا شنو؟انا وابوك دة عمرنا كلو قايمين وقاعدين مع بعض.حتى النوم الواحد كان بنوم في بيتهم يوم وبقيه الايام في بيت التاني،م تتردد قول طوالي خير إن شاءالله...
قلته ليهو انا جاي اتكلم معاك بخصوص موضوع بتعلق بي شهد ي عمي..
حصلت لحظه صمت ونظرات متبادله وحسيت بتقل في لساني حتى💔هزة لي راسو وقال لي كمل كمل،قلته ليهو هي حكت لي بالصدفه عن الحصل معاها في موضوع التقديم وانا طبعاً غلطتها يعني تصرفها ابداً م كان صح،هي م ابتدت لي رغبتها في دراسه المجال دة ابداً ولا انا حبيت اناقشها فيهو بس حبيت اتكلم معاك انت بخصوصو المجال دة ظريف جداً ي عمي واهم شي متطور لأنو بتعلق بالعالم المُصغر النحن بقينا عايشين فيهو دة،اي شي متغلق بالكميونيكيشن والNetwork بقت مرغوبه ومطلوبه في الوقت الحالي لانو دي بقت اساسيات الحياة انا م بتكلم ليك عن وجه نظري بس انا بتكلم ليك عن تجربتي الشخصيه واسي انا عندي اصحابي مهندسين اتصالات والله معظمهم بتجيهم عقود عمل في دول الامارات الواحد فيهم بياخد بيت وعربيه ومرتب خرافي وامورهم فُله يعني مجال ابداً م يتخاف منو،قال لي ي ولدي انا معاك والله بس عليك الله تصرفها م بزعل؟انا اتضايقتهه جداً لدرجه انو بقيت م طايق اشوف وشها ،انا من زمان بقول ليها تدرسي مجال من مجالات الطب لكن بقت لي زي منذر اخوها شايله منو قوة الراس،قلته ليهو معليش ي عمي بس الرغبه اهم شي زول م عندو رغبه في حاجه حتى لو جبرتو عليها م حتلقاهو اتوفق فيها وحتلقاهو بتعامل معاها ك اداء واجب او فرض عليهو ودة غلط،لازم تبدي ليهو رغبتك انت ك خيار م ك فرض لانو دي ....فضلته برقي معاهو كتير علشان بحاول اني بس اقنعو بفكرة انو مفروض يخيرها مش يفرض عليها حاجه فرض ،ابتديت ليهو وجه نظري من غير م اقول ليهو انت غلط بس شرحته ليهو المفروض بعدها فتحنا مواضيع وبقى يسألني عن الشركه وكيف قدرته اصل لي هنا و...في ختام كلامي معاهو قال لي لما اعاين ليك م بشوف غير ابوك،نفس الشغف والطموح والاحساس بالمسؤليه والله ي ولدي مبسوط منك جداً...

...
بعد طلعته من غرفه بابا وانا نفسي م قادرة اخدو كويس ماما بقت تعاين لي وعايزة تسالني بس م قادرة،بعد مسافه قالت لي اتصالحتو؟هزيت ليها راسي ودخلته غرفتي،على طول مسكته تلفوني واتصلته على ماهر اول م فتح الخط قال لي المزعجهه دائماٌ،قلته ليهو بلا مزعجه معاك اسمع الحصل معي شنو؟!قال لي اها؟قلته ليهو بابا اتكلم معي اسي عارف قال لي شنو؟
قال لي اها؟
قلته ليهو قال لي عندك حريه الاختيار اذا حابه تدرسي المجال ولا حابه تقدمي استقالتك،قال لي انو م حيجبرني على شي وقال انو م زعلان مني!! متخيل ي انسان بابا الكان على وشك انو يضرب بي وشي الحيط ومقاطعني اسبوع اسي بقول لي الكلام دة؟
قال لي طيب دي حاجه كويسه ولا كعبه بالنسبه ليك؟
قلته ليهو امممممم م فهمت
قال لي يعنس هو خلى الخيار في ايدك صح؟
قلته ليهو خيار وجزر وبطاطس وكلو😹💔
قاب لي الله بدينا هبل اقفل الخط في وشك؟
قلته ليهو خلاص بطلته المهم انا حأقدم استقالتي وحأرجع اقدم تاني،قال لي يعني م عايزة المجال دة؟قلته ليهو انا م بحب ازعل بابا واكيد هو عارف مصلحتي اكتر مني ومن زمان عايزني ادؤس طب اسنان وحلمو يفتح لي عيادة ف يعني م حابه اهدم ليهو حلمو وكدة💔قال لي شوفي انا م عايز اتدخل في قرارك وكدة بس فرصه يوم ولا كل يوم وبقولو الخير؟
سكت بعد مسافه قال لي كملي،
قلته ليهو فيم

ا اختاره الله لنا،قال لي بس ي شهد فكري كويس قبل م تقدمي استقالتك كلامي دة من واقع وتجربه زول جزء من المجال دة وحواليهو ناس من نفس المجال وشايف التطور الهم فيهو،المجال دة كويس شديد وم عارفه ي ستي يمكن تقدمي استقالتك هنا ترجعي تقدمي تاني م ياخدوك لانو التقديم التاني فرصو قليلهه💔وم معروف يمكن تقدري تبدعي هنا ي شهد صح؟انا شفت اجتهادك في التصميم واشتغلتي شغل حلو يعني متفائل بيك والله💛بس في النهايه الراي رايك والقرار قرارك انا بس حبيت اوريك وجه نظري...

بعد خلصته محادثه معاه فضلته طول الليل بفكر ،للصباح صحيت بدري اتصلته عليه،كم مكالمه م رد،بعد 3ساعات واكتر حتى رجع لي قلته ليهو م بترد مالك؟قال لي بصوت مبحوح صباح الخير،قلته ليهو اتصلته عليك كتير انا،قال لي متصله علي 6صباحاً لا مالك يعني حاسه بشنو ؟م لاقتني بني ادمه مزعجه ون بتحس زيك،قلته ليهو اي م بحس متصله عليك بسبب الأفكار الدخلتها فيني ،قال لي عايزة شنو ي شهد؟قلته ليهو عايزاك توضح لي الرؤيا بخصوص مستقبلي،
قال لي شنووو؟
قلته ليهو اقدم استقالتي ولا لأ ي انسان
قال لي انا امس قلته ليك اعملي البريحك يااا شهد
قلته ليهو انا م عارفه البريحني شنو وريني انت
قال لي انا؟
قلته ليهو اي انت مش اقترحته علي م اقدم استقالتي؟
قال لي انا وريتك الجانب الايجابي للمجال م اقترحته عليك موضوع زي دة
قلته ليهو طيب انت شايف شنو اقدم استغالتي ولا لأ؟
قال لي م انا البشوف انتي ي شهد
قلته ليهو لا انا م بعرف 😭قال لي طيب انا بديك خيار افضل تمام؟
قلته ليهو اها؟
قال لي قومي اتوضي وصلي ركعتين واستخيري وشوفي الحيحصل شنو
قلته ليهو امممم ولو استخرت وم ظبطت؟
قال لي وقتها خلي الجامعه ي شهد شوفي ليك شغله تانيهه غير القرايهه تمام؟وتاني م تتصلي لي من الصبح لو سمحتي فهمتي يلا سلام...

...

يعني انا كائن لزج ومتطفل ومزعج زي شهد م لاقاني،الانسانه الوحيدة المجبور استحملها رغم انو بقت واحدة من مشاكلي في الحياة،صحيت مصدع بسبب تلفوناتها الما خلصت طلعته من غرفتي وانا راسي حيتفجر نزلته تحت عملته لي كبايه جبنه وقعدته في تربيزة المطبخ اشرب فيها، اثناء م انا قاعد جات امي داخله المطبخ بدون صباح الخير ولا اي شي قالت لي انا بكرة مسافرة،قلته ليها ابشري،قالت لي م حتسالني مسافرة وين؟.قلته ليها ومن متين انتي بتقولي لي ماشه وين؟
عاينت لي مسااافه وقالت لي والله انا م ولدتهه ابداً م ولدتهه💔قلته ليها معليش ربنا يعوضك في الجنه وشلته كُبايتي وطلعته خليت ليها المطبخ..

....

عملته زي م طلب مني ماهر المنفسن صليت صلاة استخارة وفضلت بفكر في الموضوع لي اخر الليل واصلاً م اتكلمته مع ماهر بعد مكالمتي معاهو الاخيرة واساساٌ هو م حصل بادر ورسل لي واتسب او اتصل علي انا دايماً الببادر،اليةم التاني انتظرته بابا جا ومشيت ليهو في غرفتو وانا مترددة ومشربكه صوابعي في بعض،بعد م سلمته عليه اول مرة م اقدر افتح موضوع مع بابا طبعاً💔قلته ليهو اممممم ،قال لي قولي سامعك،قلته ليهو انت قلته لي عندك حريه الاختيار في تقديم استقالتك او لا وانا سألته عن المجال دة ولقيت..
رفع عينو عاين لي سكتته،بعد مسافه قال لي كملي،قلته ليهو لقيت انو مجال م كغب يعني لو انت بتوافقةم اقدم استقالتي م بقدمها ولو لا بقدمها،
قال لي انتي عايزة شنو؟
قلته ليهو الشايفو انت بس ببقى
قال لي لا خليك من الشايفو انا انتي شايفه نفسك مرتاحه للمجال دة؟
سكتت،بعد مسافه قال لي طيب تمام بكرة جهزي نفسك عشان نمشي نطلع الشهادة من الوزارة ونشوف اجراءات الجامعه شنو تمام؟رفعته راسي بعاين لينو،قال لي والفترة دي جهزي نفسك عندي اجازة اسبوعين حأرجع اعلمك السواقه في الاسبوعين دي عشان بعدها حاطلع ليك رخصهه،قلته ليهو عايز تشتري لي عربيهه يعني ي بابا😍قال لي لا م للدرجه دي كمان بس م معروف احتمال كبير تجي ايام اديك عربيتي تمشي بيها الجامعه دة لو عرفتي تسوقي زي الناس م سواقتك حقت الشفع الانا بعرفها ديك💔قلته ليهو سواقة شفع؟بابا ازكرك انا كان فاضل بي الخلف بس وابقى معلمه درجه اولى ظلمتني ظلمتني😒قال لي بتغشي في نفسك؟يعني ناسيه انك دخلتي قي دكان الناس؟قلته ليهو م مشكلتي اذا انت م بتعرف توصف؟!قال لي يعني في الاخير طلعته انا م بعرف اوصف؟طيب شوفي ليك زول يساعدك ولا يطلع ليك رخصه ،جريت على سريرو وقلته ليهو لأ والنبي لأ والله بهظر😭😂😂😂خلاص اسفه اسفهه يخخخ جيب صلعتك دي وبوستو في صلعتو وبقيت ابوسو في وشو،قال لي خلاص زحي مني،قلته ليهو م زاحه ابيت ابيت اساساً انت طولته مخوفني من انو اجي جمبك شخصيه بابا الشرير الجواك دي كعبه شديد رقدته جمبو وانا لافه يدي حوالينو،
بالفعل اليوم التاني مشينا الوزارة سحبنا الشهادة،وبعد يومين مشينا شفنا اجراءات الجامعه المفروض نعملها،بعد م خلصنا الاجراءات مشيت عملته الفحص الطبي،وانا قاعدة وبابا جمبي جات قعدت جمبي بت كيوت كدة جايه كع امها،فضلنا قاعدين والناس كتار وانا بتونس مع بابا ،جاتو مكالمه اتحرك م

ن جمبي بتد م اتحرك البت قالت لي الجو حر لمن غلط💔قلته ليها بالجد،قالت لي طولتو هنا؟قلته ليها يعني،كان باين عليها انها شهادة عربيه،قالت لي اووووووف يخ فحص شنو البنعملو هنا دة لو م عندي حاجه ممكن عادي اللقط لي اي عدوة😭💔قلته ليها بالجد💔المهم بعد طلعه روح خلصنا اجراءات الفحص وتاني رجعنا لمكتب المسجل خلصنا اجراءات ورجعنا البيت،بديت اهتم بنفسي ماسكات للشعر وللوش وللجسم وعامله قايمه حجات طويله عريضه لي اخواني يجيبوها لي من السعوديه للإمارات ،ووصفت ل بنات خالتي شكل الملابس العايزاها وكدة انا بثق في زوقهم طبعاً لانو تقريباً زوقهم واحد ،طبعاً احساس برلومه ولازم اكون متشيكه وكدة،وكل يوم بتزكر حاجه برسلها ليهم ،وبقيت احضر فيديوهات ميك اب كتير واطبق في نفسي وبتصل على مناسك تجي نتعولق برانا واحيانا نقشر في البيت ونتصور ساي دة غير تياب امي😂💔وماهر دة تقريباً تلفونو اتملى بي صوري الهبله بكون بتكلم معاهو ڤيديو وانا عامله ماسك بقوم بياخد لي اسكرين لي في حته وشي كعب فيها وبعد نخلص مكالمه برسلها لي وبغيظني بيها😭😂فضلنا على الحال دة لغاايه م الحمدلله جا يوم نزل الجامعه طبعاً اكيد م حأمشي براي حيمشي معي بابا ،قبليهو بيوم كنت متوترة شديد ، بتكلم مع ماهر قلته ليهو احكي عن الجامعه يعني احساسك شنو كان اول يوم وانت برلوم وفي مجتمع غريب وم عارف شي وكذااا،فضل ساكت مسااافه بعداك قال لي مجتمع اقل من عادي ماف شي بخوف زيو زي المدرسه الكنتي عامله شفتهه فيها،قلته ليهو شفته في عينك م تطاعن المجتمع بختلف😒ضحك قال لي م مطاعنه بس دي الحقيقه الفرق الوحيد انو امك م حتكون العميدة وم حتقدري تتصرفي كأنو الجامعه حقت ابوك لانو في قانون بحكمك ،قلته ليهو وااااو يلا طلع الجواك يلا،قال لي انا لو شايل جواي م حتلقيني بتكلم معاك اسي،قلته ليهو اسي انا بس خايفهه وشوف انت بتعمل في شنو😔💔قال لي بعمل في شنو؟
قلته ليهو الزول لما يكون خايف بعملو ليهو شنو؟
قال لي بعملو ليهو شنو؟
قلته ليهو ماهر ياخ بطل غباء😑💔قال لي بجد😂💔قلته ليهو خلاص اقطع وشك يلا م تتكلم معي وقفلته الخط في وشو،واثقل حركه عندو م برجع ليك ولا بحاول يحنس او يجبر بخاطر زول ابداً،م حيلاقيكم زول اسخف وابرد واغلظ من ماهر ابداً،صحيت اليوم التاني على صوت ماما بتصحي فيني وبتقول لي "ي بت ابوك قال ليك قومي خلاص عشان تجهزي تمشو،في زول اول يوم بمشي متأخر؟موضوع النوم دة خلاص بعد كدة تاني،جرت مني الغطى،قلته ليها ياخي ي امي خليني انوم،رجعته رقدته وفضلت تصحي فيني وانا ولا حاولته اتحرك حتى بعدها قالت لي دقيقه اكلم ابوك وطلعت وهي بتقول"ي عبدالله،تعال لي بتك دي ...
بعد نص ساعه سمعت صوت بابا بنادي علي م رفعته راسي قفل المروحه والتكيف وقال لي ي بت شهد،قلته ليهو نعم ي بابا،قال لي اسي دي حاله زول اول يوم ليهو في الجامعه؟او حاله حيقرا جامعه ويصحى بدري؟قلته ليهو يخخخ انا نعسانه قال لي قومي ي بت م اقول شهد تاني،قلته ليهو طيب،قال لي انزلي مستنيك انا،نزلته من السرير وانا شعري منكش وطلعته وانا بطنطن ،قعد يضحك قال لي امي والله شكلو كل يوم حنكون في الموال دة،استحميت وجيت ظبطته حواجبي ماخدة اكتر من نص ساعه فيهم وبعدها سرحته شعري وبقيت اجهز لبسته اكتر من عشرة لبسات كل لبسه اطلع ليهم بيها برة بقولو لي سمحه بقول ليهم لالا انتو عايزين تمشوني ساي وتخلوني اطلع بسرعه😭💔في الاخير امي قالت لي م تساليني وبابا طلع قال لي منتظرك برة م بديك اكتر من ربع ساعه،قلته ليهم انتي بتتعاملو معي كدة😭😭😭😭💔بعد جوطه حتى لبسته وطلعته لاقيت أبو حسام واقف برة مع بابا قلبي عمل شحح،كان بتونس معاهو عن الحياة و...لما جيت سلم علي بي حرارة وقال لي بتنا ياخي ماشاءالله ماشاءالله على وين الليله؟بابا قال ليهو بتك م خلاص نزلت الجامعه ي حسن؟قال ليهو لا ياخي ماشاءالله مبروك ياخي جامعه وين وبتدرس شنو و...المهم بعد خلص رقي ومشى بابا قال لي م ياها اسي اللبسه دي سمحه موقفانا الدهر كلو مالك؟قلته ليهو انا م مقتنعه بيها نهائي،ركبته العربيه واتحركنا ،فتحته تلفوني لقيت مسج من ماهر كاتب لي فيها سجم،قلته ليهو اهلاً،بعد مسافه حتى قال لي وين وين؟صورته ليهو الطريق وقلته ليهو على الجامعه،قال لي يعني م مشيتي انتي؟قلته ليهو لا ي دوب،قال لي اها جاهزة؟قلته ليهو م عارفه صاحيه زهجانه وناس بيتنا قفلوها معي من الصباح😭💔قال لي ليه مالهم؟قلته ليهو م خلوني اللبس واجهز على راحتي وصحوني من نومي😭😭😭💔رسل لي ايموشن ضحك و قال لي وانتي عايزة تجهزي ليه اصلك عايزة تعملي شنو عروس ولا حاجه؟ونايمه ليها شنو اول يوم في الجامعه بنومو فيهو؟قلته ليهو م تزيدها علي انت كمان😡قال لي شهد=دراما كوين لسمين مربوطات ببعض،قلته ليهو م تتكلم معي،قال لي خلاص ظابط؟قلته ليهو شنو هو الظابط؟قال لي إني م اتكلم معاك،قلته ليهو انت ليييهه ثقيل كدة؟قال لي لا انا م ثقيل انا بس بخليك على راحتك،قلته ليهو طيب ومعاها الايموشن دة👍وقفلته

الشبكه ،فضلنا نتكلم انا وبابا ونفتح مواضيع و...لغايه وصلنا الجامعه قال لي يلا ،قلاه ليهو م حتنزل معي؟ضحك قال لي انتي فاكراها مدرسه؟😂💔قلته ليهو عارفاها م مدرسه،قال لي طيب يلا انزلي بعدين قبل م تطلعي بساعه اتصلي علي عشان اقدر اصلك تمام؟قلته ليهو طيب،قال بي لما تصلي الباب مدي ليهم الإيصال عشان م حيدخلوك بدونو،قلته ليهو بابا انا برلومه بس م خلاقهه ع فكرة😒قال لي طيب انزلي عشان انا عندي مواعيد لازم اصلها،نزلته وقفلته الباب وهو نزل معي قدمني لغايه جمب الباب وبقيت اعاين ليهو،قال لي طلعي إيصالك واديهو للأمن ،قال ليهم سلامه عليكم ي جماعه،قال ليهو وعليكم السلام،مدست ليهم الإيصال شالوهو وقالو لي إتفضلي،بابا قال لي طيب يلا اها،بتاعين الامن بقو يعاينو لبعض وبضحكو😒💔دخلته وانا بتلفت زي الزول المدخلنو في متاهه،اقرب مكان لقيتو جمبي قعدته فيهو وفضلته ماسكه تلفوني م سألته من اي شي،بعد نص ساعه جاتني مكالمه من ماهر،فتحته الخط قال لي شهد البرلومه،قلته ليهو مالك؟قال لي اها وين وصلتي الجامعه؟قلته ليهو وصلته وم فاهمه اي شي ي ماهر من جيت قاعدة بس😭💔قال لي طيب يعني انتي في الجامعه اسي؟قلته ليهو ايوة😭💔قال لي طيب ي ستي اطلعي برة الجامعه كدة،قلته ليهو لشنوو؟قال لي اطلعي مرسل ليك بتاع دليڤري منتظرك برة موصل ليك حاجه،قلته ليهو حاجه شنووو؟قال لي ياخي م تستعجلي ع رزقك واطلعي،قلته ليهو ي ماهر ياخ انا الفيني مكفيني وم ناقصه امورك دي و..قال لي شهد ؟!قلته ليهو طيب خلاص طالعه م كان تديهو رقمي طيب بس الغباء انت فايتك وين و...طلعته وانا بردح ليهو اول م وصلته الشارع اشوفو موقف عربيتو وواقف قدامها وبعاين بإتجاه الباب اول م شافني ضحك مشيت عليهو بسرعه قلته ليهو الجابك شنوووو؟قال لي جيت اشوف واحدة كدة برلومه عاملهه لي هيديك ،ضربتو قلته ليهو غيااااااظ وحيوان وثغيل،قال لي وقلقته وجيت عشان اتطمن عليك...

#إقتباسهه

ربما لم اشعر انني بحاجه ان اتكئ او انهار، ان تدمع اعيني علي حالي ان تمسك يدي وان يضغط عليها، احتاج ان يكون لي من يقول انا معك رغم صعوبه الوصول و رغم انني لا استطيع انا افعل شى، لكن
هي اشعرتني بما كان ينقصني
كانت هي سند لا يميل وكتف حين انطفاءه ، نورا
في كل تلك الظلمه ،لمست روحي باحساس صادق
تطوى احزاني باتقان تمنحنى الطمأنينه، ترتب داخلي...❤

Shiraz Osman

اليوم بدري علشان الكهربه قطعت وم بضمن تلفوني شويه وحيقفل 💛#ذات_عناق_10

انا من النوع الما بحب اتدخل في شؤون غيري ابداً،ولا بحب اتطفل على حياة زول او قراراتو،ولا بحب اخت نفسي موضع زول متحشر في خصوصيات غيرو لاني بنفس النمط م بحب زول يتدخل في خصوصياتي،بعد الحصل لشهد راجعته نفسي كتير واترددته في اني اخطي اي خطوة ممكن اقدر اساعدها بيها بس دايماً فكرة انو الحاجه دي بتخصها متغلبهه علي قواعد حياتي الانا ماشي بيها،اتصلته على عمي عبدالله المكالمه م بينا كانت..
الوو عمي عبدالله كيفك إن شاءالله طيب؟
اهلاً ي ولدي وعليكم السلام تمام الحمدلله انت كيفك والزول دة كيف معليش ياخ قصرنا من حقكم وم قدرنا نجي عليكم اليومين دي؟!
تمام والله الحمدلله ي عمي م عندو عوجه ومعذورين ياخ م قصرتو انتو عملتو العليكم بزيادة والله💛
دة واجبنا والله ي ولدي ياخي انتو اولادي كمان
تسلم ي عمي انا كنت عايز اجي عليك في المستشفى لو فاضي او عندك زمن وكدة
حبابك ي ولدي الف مرحب بيك خير ان شاءالله م يكون الشاب دة ..
قاطعتو وقلته ليهو لا والله بس تايز اخد لي معاك قعدة كدة
قال لي ابشر ي ولدي انا موجود شرف تحت اي لحظه بدون استئذان كمان ،
قلته ليهو تسلم ي عمي..
قال لي لما تصل اتصل علي تمام؟
قلته ليهو خلاص تمام المساء كدة بجي عليك💛

بالفعل المساء مشيت عليهو وقعدنا ،اخدنا وادينا في الكلام فترة بعدها قلته ليهو ي عمي معليش لأني اخدته من زمنك وكمان بعتذر لي على انو انا حأتدخل في خصوصياتكم شويه وكدة،
قال لي عيب ي ولدي شنو معليش وم معليش بطل البتسوي فيهو دة انت م جاعل الحاله واحدة ولا شنو؟انا وابوك دة عمرنا كلو قايمين وقاعدين مع بعض.حتى النوم الواحد كان بنوم في بيتهم يوم وبقيه الايام في بيت التاني،م تتردد قول طوالي خير إن شاءالله...
قلته ليهو انا جاي اتكلم معاك بخصوص موضوع بتعلق بي شهد ي عمي..
حصلت لحظه صمت ونظرات متبادله وحسيت بتقل في لساني حتى💔هزة لي راسو وقال لي كمل كمل،قلته ليهو هي حكت لي بالصدفه عن الحصل معاها في موضوع التقديم وانا طبعاً غلطتها يعني تصرفها ابداً م كان صح،هي م ابتدت لي رغبتها في دراسه المجال دة ابداً ولا انا حبيت اناقشها فيهو بس حبيت اتكلم معاك انت بخصوصو المجال دة ظريف جداً ي عمي واهم شي متطور لأنو بتعلق بالعالم المُصغر النحن بقينا عايشين فيهو دة،اي شي متغلق بالكميونيكيشن والNetwork بقت مرغوبه ومطلوبه في الوقت الحالي لانو دي بقت اساسيات الحياة انا م بتكلم ليك عن وجه نظري بس انا بتكلم ليك عن تجربتي الشخصيه واسي انا عندي اصحابي

مهندسين اتصالات والله معظمهم بتجيهم عقود عمل في دول الامارات الواحد فيهم بياخد بيت وعربيه ومرتب خرافي وامورهم فُله يعني مجال ابداً م يتخاف منو،قال لي ي ولدي انا معاك والله بس عليك الله تصرفها م بزعل؟انا اتضايقتهه جداً لدرجه انو بقيت م طايق اشوف وشها ،انا من زمان بقول ليها تدرسي مجال من مجالات الطب لكن بقت لي زي منذر اخوها شايله منو قوة الراس،قلته ليهو معليش ي عمي بس الرغبه اهم شي زول م عندو رغبه في حاجه حتى لو جبرتو عليها م حتلقاهو اتوفق فيها وحتلقاهو بتعامل معاها ك اداء واجب او فرض عليهو ودة غلط،لازم تبدي ليهو رغبتك انت ك خيار م ك فرض لانو دي ....فضلته برقي معاهو كتير علشان بحاول اني بس اقنعو بفكرة انو مفروض يخيرها مش يفرض عليها حاجه فرض ،ابتديت ليهو وجه نظري من غير م اقول ليهو انت غلط بس شرحته ليهو المفروض بعدها فتحنا مواضيع وبقى يسألني عن الشركه وكيف قدرته اصل لي هنا و...في ختام كلامي معاهو قال لي لما اعاين ليك م بشوف غير ابوك،نفس الشغف والطموح والاحساس بالمسؤليه والله ي ولدي مبسوط منك جداً...

...
بعد طلعته من غرفه بابا وانا نفسي م قادرة اخدو كويس ماما بقت تعاين لي وعايزة تسالني بس م قادرة،بعد مسافه قالت لي اتصالحتو؟هزيت ليها راسي ودخلته غرفتي،على طول مسكته تلفوني واتصلته على ماهر اول م فتح الخط قال لي المزعجهه دائماٌ،قلته ليهو بلا مزعجه معاك اسمع الحصل معي شنو؟!قال لي اها؟قلته ليهو بابا اتكلم معي اسي عارف قال لي شنو؟
قال لي اها؟
قلته ليهو قال لي عندك حريه الاختيار اذا حابه تدرسي المجال ولا حابه تقدمي استقالتك،قال لي انو م حيجبرني على شي وقال انو م زعلان مني!! متخيل ي انسان بابا الكان على وشك انو يضرب بي وشي الحيط ومقاطعني اسبوع اسي بقول لي الكلام دة؟
قال لي طيب دي حاجه كويسه ولا كعبه بالنسبه ليك؟
قلته ليهو امممممم م فهمت
قال لي يعنس هو خلى الخيار في ايدك صح؟
قلته ليهو خيار وجزر وبطاطس وكلو😹💔
قاب لي الله بدينا هبل اقفل الخط في وشك؟
قلته ليهو خلاص بطلته المهم انا حأقدم استقالتي وحأرجع اقدم تاني،قال لي يعني م عايزة المجال دة؟قلته ليهو انا م بحب ازعل بابا واكيد هو عارف مصلحتي اكتر مني ومن زمان عايزني ادؤس طب اسنان وحلمو يفتح لي عيادة ف يعني م حابه اهدم ليهو حلمو وكدة💔قال لي شوفي انا م عايز اتدخل في قرارك وكدة بس فرصه يوم ولا كل يوم وبقولو الخير؟
سكت بعد مسافه قال لي كملي،
قلته ليهو فيما اختاره الله لنا،قال لي بس ي شهد فكري كويس قبل م تقدمي استقالتك كلامي دة من واقع وتجربه زول جزء من المجال دة وحواليهو ناس من نفس المجال وشايف التطور الهم فيهو،المجال دة كويس شديد وم عارفه ي ستي يمكن تقدمي استقالتك هنا ترجعي تقدمي تاني م ياخدوك لانو التقديم التاني فرصو قليلهه💔وم معروف يمكن تقدري تبدعي هنا ي شهد صح؟انا شفت اجتهادك في التصميم واشتغلتي شغل حلو يعني متفائل بيك والله💛بس في النهايه الراي رايك والقرار قرارك انا بس حبيت اوريك وجه نظري...

بعد خلصته محادثه معاه فضلته طول الليل بفكر ،للصباح صحيت بدري اتصلته عليه،كم مكالمه م رد،بعد 3ساعات واكتر حتى رجع لي قلته ليهو م بترد مالك؟قال لي بصوت مبحوح صباح الخير،قلته ليهو اتصلته عليك كتير انا،قال لي متصله علي 6صباحاً لا مالك يعني حاسه بشنو ؟م لاقتني بني ادمه مزعجه ون بتحس زيك،قلته ليهو اي م بحس متصله عليك بسبب الأفكار الدخلتها فيني ،قال لي عايزة شنو ي شهد؟قلته ليهو عايزاك توضح لي الرؤيا بخصوص مستقبلي،
قال لي شنووو؟
قلته ليهو اقدم استقالتي ولا لأ ي انسان
قال لي انا امس قلته ليك اعملي البريحك يااا شهد
قلته ليهو انا م عارفه البريحني شنو وريني انت
قال لي انا؟
قلته ليهو اي انت مش اقترحته علي م اقدم استقالتي؟
قال لي انا وريتك الجانب الايجابي للمجال م اقترحته عليك موضوع زي دة
قلته ليهو طيب انت شايف شنو اقدم استغالتي ولا لأ؟
قال لي م انا البشوف انتي ي شهد
قلته ليهو لا انا م بعرف 😭قال لي طيب انا بديك خيار افضل تمام؟
قلته ليهو اها؟
قال لي قومي اتوضي وصلي ركعتين واستخيري وشوفي الحيحصل شنو
قلته ليهو امممم ولو استخرت وم ظبطت؟
قال لي وقتها خلي الجامعه ي شهد شوفي ليك شغله تانيهه غير القرايهه تمام؟وتاني م تتصلي لي من الصبح لو سمحتي فهمتي يلا سلام...

...

يعني انا كائن لزج ومتطفل ومزعج زي شهد م لاقاني،الانسانه الوحيدة المجبور استحملها رغم انو بقت واحدة من مشاكلي في الحياة،صحيت مصدع بسبب تلفوناتها الما خلصت طلعته من غرفتي وانا راسي حيتفجر نزلته تحت عملته لي كبايه جبنه وقعدته في تربيزة المطبخ اشرب فيها، اثناء م انا قاعد جات امي داخله المطبخ بدون صباح الخير ولا اي شي قالت لي انا بكرة مسافرة،قلته ليها ابشري،قالت لي م حتسالني مسافرة وين؟.قلته ليها ومن متين انتي بتقولي لي ماشه وين؟
عاينت لي مسااافه وقالت لي والله انا م ولدتهه ابداً م ولدتهه💔قلته ليها معليش ربنا يعوضك في الجنه وشلته كُبايتي وطلعته خليت

ليها المطبخ..

....

عملته زي م طلب مني ماهر المنفسن صليت صلاة استخارة وفضلت بفكر في الموضوع لي اخر الليل واصلاً م اتكلمته مع ماهر بعد مكالمتي معاهو الاخيرة واساساٌ هو م حصل بادر ورسل لي واتسب او اتصل علي انا دايماً الببادر،اليةم التاني انتظرته بابا جا ومشيت ليهو في غرفتو وانا مترددة ومشربكه صوابعي في بعض،بعد م سلمته عليه اول مرة م اقدر افتح موضوع مع بابا طبعاً💔قلته ليهو اممممم ،قال لي قولي سامعك،قلته ليهو انت قلته لي عندك حريه الاختيار في تقديم استقالتك او لا وانا سألته عن المجال دة ولقيت..
رفع عينو عاين لي سكتته،بعد مسافه قال لي كملي،قلته ليهو لقيت انو مجال م كغب يعني لو انت بتوافقةم اقدم استقالتي م بقدمها ولو لا بقدمها،
قال لي انتي عايزة شنو؟
قلته ليهو الشايفو انت بس ببقى
قال لي لا خليك من الشايفو انا انتي شايفه نفسك مرتاحه للمجال دة؟
سكتت،بعد مسافه قال لي طيب تمام بكرة جهزي نفسك عشان نمشي نطلع الشهادة من الوزارة ونشوف اجراءات الجامعه شنو تمام؟رفعته راسي بعاين لينو،قال لي والفترة دي جهزي نفسك عندي اجازة اسبوعين حأرجع اعلمك السواقه في الاسبوعين دي عشان بعدها حاطلع ليك رخصهه،قلته ليهو عايز تشتري لي عربيهه يعني ي بابا😍قال لي لا م للدرجه دي كمان بس م معروف احتمال كبير تجي ايام اديك عربيتي تمشي بيها الجامعه دة لو عرفتي تسوقي زي الناس م سواقتك حقت الشفع الانا بعرفها ديك💔قلته ليهو سواقة شفع؟بابا ازكرك انا كان فاضل بي الخلف بس وابقى معلمه درجه اولى ظلمتني ظلمتني😒قال لي بتغشي في نفسك؟يعني ناسيه انك دخلتي قي دكان الناس؟قلته ليهو م مشكلتي اذا انت م بتعرف توصف؟!قال لي يعني في الاخير طلعته انا م بعرف اوصف؟طيب شوفي ليك زول يساعدك ولا يطلع ليك رخصه ،جريت على سريرو وقلته ليهو لأ والنبي لأ والله بهظر😭😂😂😂خلاص اسفه اسفهه يخخخ جيب صلعتك دي وبوستو في صلعتو وبقيت ابوسو في وشو،قال لي خلاص زحي مني،قلته ليهو م زاحه ابيت ابيت اساساً انت طولته مخوفني من انو اجي جمبك شخصيه بابا الشرير الجواك دي كعبه شديد رقدته جمبو وانا لافه يدي حوالينو،
بالفعل اليوم التاني مشينا الوزارة سحبنا الشهادة،وبعد يومين مشينا شفنا اجراءات الجامعه المفروض نعملها،بعد م خلصنا الاجراءات مشيت عملته الفحص الطبي،وانا قاعدة وبابا جمبي جات قعدت جمبي بت كيوت كدة جايه كع امها،فضلنا قاعدين والناس كتار وانا بتونس مع بابا ،جاتو مكالمه اتحرك من جمبي بتد م اتحرك البت قالت لي الجو حر لمن غلط💔قلته ليها بالجد،قالت لي طولتو هنا؟قلته ليها يعني،كان باين عليها انها شهادة عربيه،قالت لي اووووووف يخ فحص شنو البنعملو هنا دة لو م عندي حاجه ممكن عادي اللقط لي اي عدوة😭💔قلته ليها بالجد💔المهم بعد طلعه روح خلصنا اجراءات الفحص وتاني رجعنا لمكتب المسجل خلصنا اجراءات ورجعنا البيت،بديت اهتم بنفسي ماسكات للشعر وللوش وللجسم وعامله قايمه حجات طويله عريضه لي اخواني يجيبوها لي من السعوديه للإمارات ،ووصفت ل بنات خالتي شكل الملابس العايزاها وكدة انا بثق في زوقهم طبعاً لانو تقريباً زوقهم واحد ،طبعاً احساس برلومه ولازم اكون متشيكه وكدة،وكل يوم بتزكر حاجه برسلها ليهم ،وبقيت احضر فيديوهات ميك اب كتير واطبق في نفسي وبتصل على مناسك تجي نتعولق برانا واحيانا نقشر في البيت ونتصور ساي دة غير تياب امي😂💔وماهر دة تقريباً تلفونو اتملى بي صوري الهبله بكون بتكلم معاهو ڤيديو وانا عامله ماسك بقوم بياخد لي اسكرين لي في حته وشي كعب فيها وبعد نخلص مكالمه برسلها لي وبغيظني بيها😭😂فضلنا على الحال دة لغاايه م الحمدلله جا يوم نزل الجامعه طبعاً اكيد م حأمشي براي حيمشي معي بابا ،قبليهو بيوم كنت متوترة شديد ، بتكلم مع ماهر قلته ليهو احكي عن الجامعه يعني احساسك شنو كان اول يوم وانت برلوم وفي مجتمع غريب وم عارف شي وكذااا،فضل ساكت مسااافه بعداك قال لي مجتمع اقل من عادي ماف شي بخوف زيو زي المدرسه الكنتي عامله شفتهه فيها،قلته ليهو شفته في عينك م تطاعن المجتمع بختلف😒ضحك قال لي م مطاعنه بس دي الحقيقه الفرق الوحيد انو امك م حتكون العميدة وم حتقدري تتصرفي كأنو الجامعه حقت ابوك لانو في قانون بحكمك ،قلته ليهو وااااو يلا طلع الجواك يلا،قال لي انا لو شايل جواي م حتلقيني بتكلم معاك اسي،قلته ليهو اسي انا بس خايفهه وشوف انت بتعمل في شنو😔💔قال لي بعمل في شنو؟
قلته ليهو الزول لما يكون خايف بعملو ليهو شنو؟
قال لي بعملو ليهو شنو؟
قلته ليهو ماهر ياخ بطل غباء😑💔قال لي بجد😂💔قلته ليهو خلاص اقطع وشك يلا م تتكلم معي وقفلته الخط في وشو،واثقل حركه عندو م برجع ليك ولا بحاول يحنس او يجبر بخاطر زول ابداً،م حيلاقيكم زول اسخف وابرد واغلظ من ماهر ابداً،صحيت اليوم التاني على صوت ماما بتصحي فيني وبتقول لي "ي بت ابوك قال ليك قومي خلاص عشان تجهزي تمشو،في زول اول يوم بمشي متأخر؟موضوع النوم دة خلاص بعد كدة تاني،جرت مني الغطى،قلته ليها ياخي ي امي خليني انو

م،رجعته رقدته وفضلت تصحي فيني وانا ولا حاولته اتحرك حتى بعدها قالت لي دقيقه اكلم ابوك وطلعت وهي بتقول"ي عبدالله،تعال لي بتك دي ...
بعد نص ساعه سمعت صوت بابا بنادي علي م رفعته راسي قفل المروحه والتكيف وقال لي ي بت شهد،قلته ليهو نعم ي بابا،قال لي اسي دي حاله زول اول يوم ليهو في الجامعه؟او حاله حيقرا جامعه ويصحى بدري؟قلته ليهو يخخخ انا نعسانه قال لي قومي ي بت م اقول شهد تاني،قلته ليهو طيب،قال لي انزلي مستنيك انا،نزلته من السرير وانا شعري منكش وطلعته وانا بطنطن ،قعد يضحك قال لي امي والله شكلو كل يوم حنكون في الموال دة،استحميت وجيت ظبطته حواجبي ماخدة اكتر من نص ساعه فيهم وبعدها سرحته شعري وبقيت اجهز لبسته اكتر من عشرة لبسات كل لبسه اطلع ليهم بيها برة بقولو لي سمحه بقول ليهم لالا انتو عايزين تمشوني ساي وتخلوني اطلع بسرعه😭💔في الاخير امي قالت لي م تساليني وبابا طلع قال لي منتظرك برة م بديك اكتر من ربع ساعه،قلته ليهم انتي بتتعاملو معي كدة😭😭😭😭💔بعد جوطه حتى لبسته وطلعته لاقيت أبو حسام واقف برة مع بابا قلبي عمل شحح،كان بتونس معاهو عن الحياة و...لما جيت سلم علي بي حرارة وقال لي بتنا ياخي ماشاءالله ماشاءالله على وين الليله؟بابا قال ليهو بتك م خلاص نزلت الجامعه ي حسن؟قال ليهو لا ياخي ماشاءالله مبروك ياخي جامعه وين وبتدرس شنو و...المهم بعد خلص رقي ومشى بابا قال لي م ياها اسي اللبسه دي سمحه موقفانا الدهر كلو مالك؟قلته ليهو انا م مقتنعه بيها نهائي،ركبته العربيه واتحركنا ،فتحته تلفوني لقيت مسج من ماهر كاتب لي فيها سجم،قلته ليهو اهلاً،بعد مسافه حتى قال لي وين وين؟صورته ليهو الطريق وقلته ليهو على الجامعه،قال لي يعني م مشيتي انتي؟قلته ليهو لا ي دوب،قال لي اها جاهزة؟قلته ليهو م عارفه صاحيه زهجانه وناس بيتنا قفلوها معي من الصباح😭💔قال لي ليه مالهم؟قلته ليهو م خلوني اللبس واجهز على راحتي وصحوني من نومي😭😭😭💔رسل لي ايموشن ضحك و قال لي وانتي عايزة تجهزي ليه اصلك عايزة تعملي شنو عروس ولا حاجه؟ونايمه ليها شنو اول يوم في الجامعه بنومو فيهو؟قلته ليهو م تزيدها علي انت كمان😡قال لي شهد=دراما كوين لسمين مربوطات ببعض،قلته ليهو م تتكلم معي،قال لي خلاص ظابط؟قلته ليهو شنو هو الظابط؟قال لي إني م اتكلم معاك،قلته ليهو انت ليييهه ثقيل كدة؟قال لي لا انا م ثقيل انا بس بخليك على راحتك،قلته ليهو طيب ومعاها الايموشن دة👍وقفلته الشبكه ،فضلنا نتكلم انا وبابا ونفتح مواضيع و...لغايه وصلنا الجامعه قال لي يلا ،قلاه ليهو م حتنزل معي؟ضحك قال لي انتي فاكراها مدرسه؟😂💔قلته ليهو عارفاها م مدرسه،قال لي طيب يلا انزلي بعدين قبل م تطلعي بساعه اتصلي علي عشان اقدر اصلك تمام؟قلته ليهو طيب،قال بي لما تصلي الباب مدي ليهم الإيصال عشان م حيدخلوك بدونو،قلته ليهو بابا انا برلومه بس م خلاقهه ع فكرة😒قال لي طيب انزلي عشان انا عندي مواعيد لازم اصلها،نزلته وقفلته الباب وهو نزل معي قدمني لغايه جمب الباب وبقيت اعاين ليهو،قال لي طلعي إيصالك واديهو للأمن ،قال ليهم سلامه عليكم ي جماعه،قال ليهو وعليكم السلام،مدست ليهم الإيصال شالوهو وقالو لي إتفضلي،بابا قال لي طيب يلا اها،بتاعين الامن بقو يعاينو لبعض وبضحكو😒💔دخلته وانا بتلفت زي الزول المدخلنو في متاهه،اقرب مكان لقيتو جمبي قعدته فيهو وفضلته ماسكه تلفوني م سألته من اي شي،بعد نص ساعه جاتني مكالمه من ماهر،فتحته الخط قال لي شهد البرلومه،قلته ليهو مالك؟قال لي اها وين وصلتي الجامعه؟قلته ليهو وصلته وم فاهمه اي شي ي ماهر من جيت قاعدة بس😭💔قال لي طيب يعني انتي في الجامعه اسي؟قلته ليهو ايوة😭💔قال لي طيب ي ستي اطلعي برة الجامعه كدة،قلته ليهو لشنوو؟قال لي اطلعي مرسل ليك بتاع دليڤري منتظرك برة موصل ليك حاجه،قلته ليهو حاجه شنووو؟قال لي ياخي م تستعجلي ع رزقك واطلعي،قلته ليهو ي ماهر ياخ انا الفيني مكفيني وم ناقصه امورك دي و..قال لي شهد ؟!قلته ليهو طيب خلاص طالعه م كان تديهو رقمي طيب بس الغباء انت فايتك وين و...طلعته وانا بردح ليهو اول م وصلته الشارع اشوفو موقف عربيتو وواقف قدامها وبعاين بإتجاه الباب اول م شافني ضحك مشيت عليهو بسرعه قلته ليهو الجابك شنوووو؟قال لي جيت اشوف واحدة كدة برلومه عاملهه لي هيديك ،ضربتو قلته ليهو غيااااااظ وحيوان وثغيل،قال لي وقلقته وجيت عشان اتطمن عليك...

#إقتباسهه

ربما لم اشعر انني بحاجه ان اتكئ او انهار، ان تدمع اعيني علي حالي ان تمسك يدي وان يضغط عليها، احتاج ان يكون لي من يقول انا معك رغم صعوبه الوصول و رغم انني لا استطيع انا افعل شى، لكن
هي اشعرتني بما كان ينقصني
كانت هي سند لا يميل وكتف حين انطفاءه ، نورا
في كل تلك الظلمه ،لمست روحي باحساس صادق
تطوى احزاني باتقان تمنحنى الطمأنينه، ترتب داخلي...❤
Wessam hamdan

يوميا" علي قناتنا الثانيه هترشات وروايات
حلقات يوميه من الكاتبه مباشره

https://tttttt.me/joinchat/AAAAAD3Q1G-dzPGrQD8kdQ

500# لايك وحانزل 3 حلقات جديده