..🎭هترشات 😊سودانيه🎭:
♤♤♤♤♤♤♤♤♤♤♤♤♤♤♤♤♤
💫💫♡هترشات (͡๏̮͡๏) (͡๏̮͡๏)سودانيه♡ 💫💫


مالك قصيره كده ذى فتيل الريحه 🌝

=👄💦 تتتف عليك 🌚

وكمان بتبخي😂😂😂😂

💎💎هترشه.عجيبة.tt 💎💎

   ┏━━━━━━━━━┓
彡♡ @hatrshat ♡
     ┗━━━━━━━━━┛
❍٩≈≈≈≈≈≈≈≈≈≈≈≈≈≈≈≈≈≈❍
❉°…………°❈😂❈°…………°❉

🎭هترشات❈👳🏾👳🏾❈سودانيه🎭

#ذات_عناق_4

ماما قالت ليهو ي ولدي ،قال ليها نعم،قالت ليهو انت امتحنته شهادة من مدرسه الدحيح واسمك ماهر محمد الزيني ولا تشابه اسماء بس ؟بقى يعاين ليها مسافه،قالت ليهو م اتزكرتني معقوله ي ولدي؟انا مديرتك سوسن،رجع سلم عليها وقال ليها اول م شُفتك استحضرتك بس خُفت من انو انتي م تكوني متزكراني والمكان زاتو م مناسب عشان كدة ،قالت ليهو ي ولدي انت كنت من الطلاب المميزين رغم انك جيت متأخر وبعدين انا اصلي م بنسى شكل طالب درس عندي في المدرسه وبقت تسأل فيهو كيفك ان شاءالله بخير ونسبتك طلعت كيف م جيتنا راجع تاني وعملته شنو بتقرا اي جامعه اسي و...انا بقيت اعاين ليهو صراحه هو نفس الكائن الفرق بس في اللحيه وشويه تنسيق في الجسم لانو كان ضخم واسي نحف،ماما قالت لي شهد اتزكرتي ماهر دة؟موقفك معاهو م بتنسي هههههه الولد الفلقك بعلبه الهندسه؟!،عملته نفسي مركزة في التلفون وبابا اصلاً كانت عندو مكالمه،بابا بعد م خلص مكالمتو قال ليهو كيفك ي ولدي إن شاءالله طيب؟والوالدة واخوك التاني كيفهم؟قال ليهو عافيهه الحمدلله والله ،قال ليهو السنين بتجري بسرعه كبرتهه والله ي ولدي القال الاولاد عُشر م كضب ❤ابتسم ليهو وفجأة لمح ليهو ويترز نده عليهو وقال ليهم عن إذنكم عندنا لخمه عقد في الصاله وكدة بس اكيد حنتلاقى في مساحه اوسع،قالو ليهو اتفضل إتفضل ي ولدي،بعد م مشى ماما قالت وبعلي شوفي الدنيا دي ضيقهه كيف والله انا عرفتو،قلته ليها خلاص ي امي عرفنا،قالت لي عاد اهلو ماشاءالله ماشاءالله عيني باردة عليهم،بابا قال ليها دة ولد محمد الزيني صحبي الإقتالوهو قبل 5سنهه داك تخيلي،ماما قالت ليهو اصلو م بصدق انت جادي؟قال ليها والله ،قالت ليهو امتحن شهادة من مدرستي دة الولد الفلق شهد ياخ م اتزكرتو؟ومرة جابوها البيت لمن اتأخرتو عليها لما مشت الرحله يعني الجا معاهو داك م ابوهو؟قال ليها ايواااا اتزكرته عليك الله شوف الدنيا دي ضيقه كيف والغريبه م عرفتو ،ماما قالت ليهو حتى قلته لي الراجل الجا معاهو دة م غريب علي،بابا قال ليها الله يرحم والدو كان سمعتو طيبه وعُشرتو طيبه روحو ونفسو اولادو مات ميتشهه شينهه خلاص ،ماما قالت ليهو اي والله بتزكر ميتو دي هزتك شديد و شغلت الراي العام عديل الجرايد كلها كانت بتتكلم عنو،اها ومرتو وين والحصل عليها شنو بعد موت راجلها عرست تاني ولا كيف؟قال ليها والله م عارف انا دي شوفتي لي اهلو بعد وفاتو بس كنت على تواصل مع علاء الدين لكن تقريباً كلهم رحلو الإمارات كرهو السودان دة بعد الحصل حتى بيوتهم قفلوها💔 قلته ليهم بي ضيق اوكيه ي جماعه ممكن تناقشو شريط الزكريات دة في البيت؟ماما قالت لي مالك انتي متضايقه؟قلته ليها ماف💔
في قعدتنا ديك ونحن مندمجين بالحفله فجأة حسيت بي زول غمض لي عينو زحيتهم بي خلعه فجأة اشوف مناسك في وشي،قلته ليها الجابك هنا شنو؟قالت لي انا المفروض اسأل السؤال دة م انتي،ماما قالت ليها مناسك؟!🙄
سلمت على ماما وبابا وقالت لي دة عرس اهلي،قلته ليها بجد؟قالت لي بجد اهل العروس بت خالتي على طول ها😂💔قلته ليها وسخهه وم بتعزميني؟قالت لي شايفاك مشرفهه من غير عزيمهه😂قلته ليها نحن اهل العريس لو سمحتي😌امي قعدت تضحك،قالت لي بجد😳قلته ليها بهظر ها بس اهل العريس اصحاب بابا وكدة😁قالت لي احيييي الحمدلله لقيتك كدة الحفله حتبقى لي حفله من قبيل كاتمه على نفسي دايرة اعلق واقطع م لاقيه زول اقطع معاهو شفتي السماحهه دي وبعلي بس😤💔امي قالت ليها مجنونهه😂💔
العقد كان في الصاله وبعدو الحفله بي كم فنان وفنانه،والجرتق،ورقيص العروس كلو كان في الصاله،لحظهه العقد كانت احلى لحظه اول مرة احضر لي عقد لايف بعد العقد بعد العقد العريس مسك القسيمه في يدو وصفر صفارة طويلهه وبقى يقول ليهم مرتي ي جماعهه مرتي ومشى عليها اول م وصلها شالها ولفاها وحضنتو وبقت تبكي الصاله جوها كلو اتكهرب نس بتزكرت وناس بتصفر والعروس حاضناهو وتبكي وهو بحاول يمسح ليها في دموعها وبتكلم معاها ويضحك😂❤مناسك قالت لي واااااااي ي شهد هموت هموت خلاص😭💔في اللحظه دي خطر على بالي حُسام ووعودو بي يوم زي اليوم دة وانو حيعيشني لحظات مستحيل تتنسي،فجأة حسبت بكتمه نفس اخدتهه نفس عميق حسيت نفسي متضايقه بجد قلته ليها مناسك ارح نطلع برة ،قالت لي وين؟قلته ليها برة بس،قالت لي طيب،وقفنا ماما قالت لي ماشين وين؟قلته ليها بنرجع اسي،طلعنا وقفنا برة مسااافه ومناسك ترقي وترقي وانا م مركزة معاها اساساً،شويه كدة رجعنا ،بعد م قعدنا العريس جا داخل دخله تانيهه وجو داخلين مع العريس شله كلهم لابسين مع بعض دخلتهم كانت حلوة ورقصتهم احلى ،ماما قالت لي عايني اصحاب العريس للعقد كانو لابسين جلاليب مع بعض اسي مشو غيرو الجلاليب ولبسو بدل عاد ماشاءالله طبعاً من بينهم كان ماهر لابس بدله بي فنيله رقبتها كامله زي الكارينا كدة ،،مناسك قالت ليها النصيحه ي خالتو العريس عندو اصحاب جوازات سفر امريكيهه بس،قرصتها ،قالت لي مالك😤💔المهم العرس كا

ن ظابط شدييييد انبسطنا فيهو و جيه مناسك كانت ظابطهه معي شديد وخلتو اظبط لانو امي الحمدلله تركيزها كلو في الحفله وبابا مع اصحابو ،ببعدها رجعنا البيت بعد اسبوع من الكلام دة بابا قال لينا ناس الزيني ديل عازمننا عندهم في البيت يوم الجمعهه،ماما قالت ليهو اجي نحن النعزمهم ولا هم؟

؟بابا قال ليها والله انا زاتي قلته لي معتصم كدة بس هو اصر علي نجيهم في البيت عشان السبت مسافرين،قالت ليهو والله العزومه كانت تجي مننا لكن م مشكلهه💔طبعاً انا م بحب اقعد براي وبابا وماما مستحيل يخلوني وراهم لو ماشين مشوار بابا بقول لي منذر دة عامل زي كلب الحر لافي بس و مستحيل يحرسك ،م كنت عايزة امشي نهائي الا بعد م ماما قالت لي انتي لو ما ماشه انا زاتي م بمشي بخلي ابوك يمشي براهو💔وطبعاً هم عازمين بابا واسرتو ف الحركه م حتبقى حلوة كونو يمشي براهو💔قلته ليها طيب،بعد صلاة الضهر بدينا نجهز ،عندي فستان قماش مورد كدة لبستو بي طرحه اوف وايت وإسبورت والشنطه كانت باللون السمني تبع وردة من الورود الفي الفستان، ونحن في الطريق بابا كان ناسي وصف البيت بالظبط عمل مكالمه وقال"ي معتصم كيفكك تمام اي اتحركنا جاين عليكم بس كدة رسل لي اللوكيشن البيت دة طار لي من راسي عديل ،ضحك وقال ليهو الكُبر دخل اي😂😂💔رسلو ليهو اللوكيشن اول م وصلنا بابا اتصل وقال ليهو"نحن قدام الباب،طلع الراجل إستقبلنا ،بيتهم كان ي لطييييييييييف بس،لما دخلنا بقينا نسلم على الموجودين ،م كنا نحن بس المعزومين الراجل كان عازم اصحابهم كلهم ف بقو في موالات سلام وشوق واحضان وشريط عتاب مع بابا وكدة،بعدها فضلونا ،كانو كتار والله ياخ،ونحن قاعدين والناس بتاخد وتدي في الكلام وكدة واحد منهم قال لي العيال كبرو وانت م كبرته ي عبدالله ولا شيبه واحدة في الراس ماف ادينا السر كدة ي زول😂💔بابا قال ليهو راحهه بال بس اسأل المدام،كلهم قعدو يضحكو ،واحد منهم سألني بدرس في كم وكدة،قلته ليهم امتحنته الشهادة ومنتظرة النتيجه،قالو لي ماشاءالله ربنا يوفقكك حتدرسي شنو ووو...جابو لينا الضيافهه وقالو حيجهزو الغداء على طول،انا بقيت ماسكه تلفوني ومركزة فيه وسط الجوطه دي كلها،قالو لينا قومو على الغداء،مشو قعدة في الصفرة ،قلته لي بابا عايزة امشي الحمام،ماما قالت لي طيب دقيقه ،بعد م الناس قعدت قالت لي بابا شهد قالت ماشه الحمام،بابا قال لي معتصم صحبو ممكن تخلي زول يوصف لي شهد بتي دي الحمام،قال ليهو اي طوالي ي مشتهى عليك الله خلي ليزا توصف لي شهد دي الحمام،قالت ليهو طيب حاضر"مُشتهى دي مرتو"قالت لي تعالي،ماما قالت لي امشي معاك؟!قالت ليها لا خليك ليزا حتمشي معاها،مشيت وراها نادت ليزا دي اللي هي الشغاله قالت ليها امشي معاها الحمام وانتظريها لمن تخلص تمام؟قالت ليها حاضر ماما،مشيت وراها الحمام براهو كان في الطابق التاني،لما وصلنا قالت لي هنا،قلته ليها طيب،

دخلتهه الحمام غسلته يدي وصلحته طرحتي وجيت طالعه قبل م اقفل الباب اتلاقيت مع زول ماشي بجمب الحمام،لسسسه م قفلته باب الحمام كويس جا علي بإندفاع شديد لدرجه انو انا اتصلبته مكاني وهجم علي بكل قوتو ولزاني جوة الحمام لدرجه ضربته راسي في المغسلهه وهجم علي وخنقني وبقى يضرب لي راسي في الحيطه وانا م كانت اي عندي قوة اقاومو حتى صراخ م قادرة اصرخ ولما خلاص حسيت نفسي حأتفك منو رماني في البانيو وضربته تاني راسي في الماسورة وبقى يرمي فيني اي حاجه قاعدة في الحمام صابونه شامبو اي شي حتى رفوف القزاز قلعهم ورماهم فيني نفسي اتكتم وحسيت روحي حتطلع وبقيت م قادرة احرك شي من جسمي بعد اكتر من ربع ساعه خلاص استسلمته وفتح فيني المويهه ودخلت في مناخري وشرقته وفجأة المويه كلها بقت دم حتى سمعته صوت صراخ من برة وانا م بين واعيه وم واعيه مفتحه عين ومغمضه عين بقيت سامعه اصوات كتيرة حوالي وصراخ بعدها بقيت م حاسه ولا سامعه ولا شايفهه اي شي...💔

...
مهند اخوي مصاب بالتوحد اتولد بيهو إتبعنا كل طرق العلاج بس كل مرة حالتو كانت بتبقى اسوأ وعنيف جداً مع الغُرباء خوفو بطلع منو على شغل عنف ماخدو دفاع عن النفس،عشان كدة نحن اغلب الوقت بنعمل ليهو الف حساب بالذات لما يكون في زول غريب في البيت بنحاول على قدر م نقدر انو نخليهو بعيد وم يطلع من غرفتو ابداً او م يتخطى حدود غرفتو والطابق الهو موجود فيهو،م عارف مرت عمي اتصرفت كدة كيف وخلت الشغاله تودي بت الناس الطابق دة لانو عندنا ممنوع منع باتاً زول غريب يمشي الطابق دة حتى الشغالين الا نحن نكون معاهم💔

...
لما فتحتهه عيوني كنت شايفهه طشاش طشاش شويه كدة الرؤيه بقت توضح لي لقيت نفسي في المستشفى،عاينته حوالي لقيت بابا قاعد جمبي وكم دكتور واقفين في راسي،م كنت قادرة احرك لا رجل ولا يد بس بعاين ليهم،فجأة بابا قال لي شهد،شهد انتي سامعاني،بقو يتكلمو معي ويراجعو في الاجهزة رجعته غمضته عيوني..

....
بسبب الحصل دة الناس دخلت في حاله غيبوبهه7شهور،عملنا كل البطلع بيدنا عشان نقدر نطلعها من الحال

ه الهي حتى ولو سفر للأردن او بريطانيا نسفرها ليها لانو عندي صحبي ابوهو دكتور هناك وشاطر شديد اقترح علينا الاقتراح دة بس للأسف م كان في اي طريقه لي كدة مالم تصحى،عدت علينا فترة صعبه شديد اهلها كانو منهارين شديد واحتماليه انها تموت كانت كبيرة ابوها زاتو كان بيوحي لينا بكدة ك دكتور بس ك والد هو كان في اسوأ حالاتو ،الحاصل ليها كان كسر في الحوض والرجل واليد وكسر في الراس او بمعنى ادق تهشم في الجمجمهه ودة سبب الغيبوبه الهي فيها يعني من الاخر احساس جثه منتهيهه فيها باقي روح موجودة في العنايه المكثفه ،امها اللي هي استاذتي وقعت بي ضغط خلينا كل شي اشغالنا وحياتنا كلها وبقينا جارينا ورا المستشفيات وكل الاخصائين م كانو ببشرو بالخير ابداٌ...

في يوم بالصدفهه فتحتهه عيوني م عارفه انا وين والحاصل علي شنو والتاريخ شنو والساعه كم كل العارفاه انو انا في دكاترة حوالي،بفحصو فيني وبتجارو وبقولو فتحت عيونها فتحت وبقو يتكلمو معي، اليوم دة نهائي م خلوني نهائي اغمض عيوني كانو بحاولو يخلوني مفتحه عيوني على قدر م يقدرو ،اليوم التاني والتالت برضو وبحاولو يتكلمو معي ،ماما ،بابا،منذر،مجتبى ،جدو،حبوبهه،خيلاني،شغالين يتكلمو معي بالتناوب،كنت بحاول اتكلم بس بسيط بطلع كلمه كلمه واحياناً بتكلم معاهم بالإشارات،اليوم الرابع حولوني غرفه تانيه بابا قاعد معي فجاة باب الغرفه دق بابا فتح الباب وبقى يسلم عليهو بإنفعال كدة واخدو بعض بالأحضان،شويه كدة جو داخلين ،كان عمو معتصم الزيني،دخل علي بسرعه وبقى يقول لي بتي بتي الف الحمدلله على سلامتك وجا باسني في راسي وبقى يمسح عليهو بي يدو،بابا كان بسلم على زول برة وقال ليهو اتفضل اتفضل فجأة اشوف ماهر واقف قدامي،سلم علي وقال لي الف الحمدلله على السلامه ،قلته ليهو تسلم،عمو معتصم بقى يسألني انا كيف واذا في ألم وصحتي كويسه وحاسي اني احسن و...بعدها ماهر قال لي بابا العمليه متين قررتوها؟بقيت اعاين لي بابا ولي ماهر وعمو معتصم نظرات استفهام،عمليه؟!بابا قال ليهو الأحد إن شاءالله،عمو معتصم قال ليهو إن شاءالله ربنا يسهلها،بابا قال ليهو معتصم م كان في داعي تقطع تزكرة وتجي ياخ انا كلمتك انو حالتها مستقرة وبحكي ليك المستجدات بالتلفون بس،عمو معتصم قال ليهو معقوله ي عبدالله ياخي دي بتي ياخي لو م جيت شوفتها لا قلبي ولا بالي حيكونو مرتاحين،م متخيل ال7شهور دي عدت علينا زي الجمر كيف💔
بقى عندي استفهام تاني 7شهور؟بقيت اعاين ليهم،قعدو مسااافه حتى طلعو،بعد م طلعو قلته لي بابا بابا،قال لي روح بابا عايزة شنو ؟قلته ليهو عمليه شنو الحتعملوها لي يوم الأحد؟قال لي عمليهه بسيبيطهه بس حنعملها،قلته ليهو حقت شنو؟سكتت مسافه وقال لي حاجه بسيطه بس في الراس،بقيت اعاين ليهو،قال لي ابسط من بسيطهه،قلته ليهو عندي شنو في راسي؟سكت،عيوني اتملت دموع وقلته ليهو حأموت؟قال لي الف بعد الشر ياخ موت شنو انتي عويرة حاجه بسيطه بس زي م قلته ليك،قلته ليهو انا عندي كم شهر في المستشفى؟قال لي ليييه بتسالي؟قلته ليهو عايزة اعرف،فضل ساكت،قلته ليهو 7شهور صح؟والجامعهه فاتتني😭وبقيت ابكي بقى يحنس فيني وبيقول لي مش ربنا قال في كتابه "وعسى انا تكرهو شيئاً وهو خيراً لكم؟"اها يمكن السنه دي لو قريتي ودخلتي الجامعه يمكن كان م تنجحي ويمكن ويمكن ..امر المؤمن كله خير،وان شاءالله تتحسني وتقدمي السنه الجايه بإذن الله،قلته ليهو طيب انا جبته كم؟قال لي بسم الله كمان انتي بتي اكيد حتكوني نجحتي،قلته ليهو كم!؟😭قال لي 79،9℅بقيت اعاين ليهو بإستياء اصلاً كنت م متوقعاها ابداً لاني امتحنته في فترة صعبه شديد ،قال لي م افضل من منذر الجاب لينا55℅ بعد الإعادة 😂💔جو داخلين دكاترة بقو يتونسو معي وكذااا...
عدت الايام لغايه م جا يوم الجمعه،امي بس كانت معي في الغرفه،حوالي الساعه3ظهر كدة باب غرفتنا دق،ماما فتحت الباب جات داخله أم حسام ومعاها حسام،طبعاً اول م شفتو قلبي عمل شحححح،كان بعاين لي بي لهفهه كدة حتى م مركز مع امي،امو سلمت علي بالأحضان وبقت تبكي وتبوسني وتسالني انتي كويسه ؟وتدعي وتقول لي ي يمه ان شاءالله يتكسر ويتقطع حتت حتت العمل فيك كدة الجن الما يتفك منو وبقت تردح وامي تعاين ليها ساي،بعدها جا سلم علي ومسك يدي مسااااااافهه وضغط علي وم رفع عينو منو ابداً،امي فضلتهم فتحت التلاجه لقت م فيها مويه قالت ليهم دقيقه بس واجي راجعه،امو بقت تنادي عليها وبتقول ليها تعالي حلفتك بجاه النبي تجي والله م عايزين شي وماما بتقول ليها لا والله بجي اسي طلعت وامو طلعت وراها تتكلم معاها وتحلف فيها ،اول م طلعو جا مسك يدي بسرعه شوفتو ببكي عديل كدة وم قادر يطلع حرف وواضح في شكلو قدر شنو هو مهموم وتعبان،بقيت اعاين ليهو وهو ماسك يدي ومنزل راسو تحت،قال لي بصوت مبحوح ابعدي على قدر م تقدري انا راضي بس ابعدي وابقي عافيهه عارفه ليييه؟لانو انتي عافيتي وم ينفع يحصل ليك شي ابداً ،فجأة حسينا بحركه جمب الباب جريت يدي منو وهو على طول وقف على

حيلو،للحظهه حسيت بالضعف قدامو حتى دموعي جات جاريه مسحتها بسرعه للحظهه حسيت نفسي هقول ليييه اناةمشتاقهه ليك ولو م امو جات داخله كنت هقولها لييييهه واليحصل يحصل💔 الأحد كميه الناس الكانت منتظرة العمليه براهم يخلوك تتوقع إنك م حتطلع منها ابداً واي زةل كان بجي داخل بتكلم معي براهو دة غير الدكاترة اصحاب بابا بقو يمنعو الناس تدخل علي حتى اخواني منعوهم💔 الحمدلله العمليه بعد العمليه ماهر زيارتو لي كانت متكررة يعني يومي المساء او يوم بعد يوم وبعد اسبوعين خرجوني البيت،وبابا عمل لي كرامه كبيييرة،وبعد رجعنا البيت ماهر واهلو م وقفو او هو بالأخص بقى يجينا كل يومين او كل جمعه ولو م جا بتصل على بابا ،ماما بقت تقول ليهو والله ي ولدي بقيت تعقدنا بي اهتمامك دة،بابا قال ليهو كفايه عليك 7شهور جاري معانا م قصرته تب والله ي ولدي عداك العيب،قال ليهم العفو ي جماعه والله دة واجبي والحصل كمان م هين💔بقى احياناً يجي ويتونس مع بابا ومنذر ولما م يجي بتصل على ماما وبتديني اتكلم معاهو بسألني عن احوالي وكدة ،كانت اغلب الوقت بتكون معي مناسك بتمسك بي زمن وسط كل الملل الأنا فيهو داك،في يوم ماهر جانا بعد المغرب كنا انا وماما بس في البيت منذر مافي وبابا في المستشفى،كنت في غرفتي شغاله بي تلفوني ماما جات قالت لي ماهر برة بسلم عليك قومي تعالي،قلته ليها ياخ دة الجابو شنو كمان م يملانا فقر ساي،قالت لي ي بت😒💔قلته ليها طيب،لبسته عبايتي وطلعته سلمته عليهو، ماما قالت ليهو دقايق بس،قال ليها تعالي ي خالتي قالت ليهو خليك قاعد ي.ولدي 5دقايق شهد خليك مع اخوك دة لمن اجي،كنت عايزة امشي اتجبرته اقعد،فضلنا ساكتين مسافه انا بعاين في تلفوني وهو بعاين م عارفه بعاين وين،قال لي كيف مع القعدة حقت البيت وكدة،قلته ليهو والله اهو زهج وملل وبس ،قال لي دة العادي بتاعكم انتو الزهج دة عندكم روتين😁قلته ليهو م روتين بس م زيكم انتو انتو كل الوقت حايمين وعندكم برامج ونحن لا😒💔قال لي على فكرة في حجات كتيرة بتقدري تستفيدي منها مم قعدتك في البيت ادخلي مواقع احضري كورسات وكدة،قلته ليهو طيب،قال لي لو حابه ممكن اساعدك وارسل ليك اسماء مواقع تقدري تستفيدي منها وتطوري بيها نفسك قلته ليهو طيب🙂 وانا من جواي بقول دة مالو؟قال لي ولو حابه ممكن تجي تنزلي معي الشركهه م مطلوب منك شي غير كيف تعرفي تستخدمي الحاسوب وشويه انجليزي م عندك مشكله في ال2صح؟قلته ليهو ايوة ،قال لي طيب فكري في الموضوع واديني خبر عشان بس تستفيدي من زمنك القاعداهو ساي دة في حاجه تستفيدي منها،قلته ليهو طيب،ماما جات شايله عصير قال ليها ي خالتي م كان تتعبي نفسك،قالت ليهو ماف اي تعب ي ولدي نحن التاعبنك معانا والله💔قال ليها قلت لي شهد بدل م تقعدي في البيت ساي وتحسي بالزهج والفراغ تعالي انزلي عندي في الشركه اكتسبي ليك معرفه ومهارات ممكن تفيدك لي قدام،قالت ليهو والله فكرة ي ولدي لانو هي زاتها قعدة البيت دي مقلقهه بيها الوقت كل الوقت ي في التلفون ي نايمه والجامعه مع الحصل دة كمان 💔سكتت وانا نزلته راسي في تلفوني،قالت ليهو بس يلا كلو لخير❤قال ليها اكيد،عدت اسبوعين وفي الاسبوعين دي جانا مرتين،في المرة الاخيرة الجانا فيها دي فاتحني في موضوع الشغل قلته ليهو بفكر،خلاني على كدة عدة شهر بعدها بالجد بقت قافله معي شديييييد من قعدة البيت لي كلو دة غير بقت تجيني افكار شيطانيه لي اني ارجع لي حُسام وكدة،بقى شاغل تفكيري ودة من الفراغ طبعاً ف بالجد محتاجه حاجه تشغلني،في يوم اتصل علينا ماهر بسأل وكدة،ماما جابت لي التلفون في الغرفه وطلعت خلتني سألني عن احوالي والحاصل معي وكدة قلته ليهو تمام الحمدلله،هو متعود قبل م يقفل يقول لي خلي بالك من نفسك ويسالني محتاجه حاجه؟وكذااا،ف لما قال لي محتاجه حاجه قلته ليهو امممممم!قال لي احكي ،قلته ليهو انت قبل كدة قلته لي تعالي انزلي معانا شغل،قال لي وانتي م م ابديتي لي ردة فعل بتوحي بي انك موافقه رغم اني إقترحته عليك الموضوع كذا مرة،قلته ليهو اممممم يعني ماف طريقهه؟قال لي اصلاً خانتك في الحفظ والصون م اخدها زول غيرك ابداً❤قلته ليهو امممممم طيب بقدر انزل متين؟قال لي من بكرة لو حابه بس انا بشوف وبرجع ليك بتلفون تمام؟قلته ليهو اوكيه،قال لي يلا سلام،قفل الخط وتاني رجع قال لي اسمعيني؟؟
قلته ليهو ايوة،قال لي اديني رقم عشان م ممكن كل مره اتصل على خالتي واقول ليها عايزك وكدهه😁قلته ليهو.طيب مليتو رقمي،اليوم التاني المساء اتصل علي رقم غريب مكالمتين م رديت بعدها رسل لي واتسب وكتب لي"معاك ماهر"رديت ليه و قلت ليه اهلين معليش م رديت علشان الرقم غريب،قال لي طيب بكره حتقدري تمشي الشركه؟قلته ليهو ايوة م عندي مشكله،قال لي طيب انا بكرة بديك خبر تمام؟قلته ليه إن شاءالله،طلعته كلمته ماما علشان بابا كان مداوم في الشغل،ماما بقت تستفسر حتمشي كيف والحيوديك منو وحتعرفي المحل كيف امشي معاك انا؟و...قلته ليها ماما هو قال لي لي بكرة كدة بكرة اشوف

و حيقول شنو،اليوم التاني صحيت الساعه9ونص،طلعته سمعته ماما بتتكلم بالتلفون وبتقول خلاص كويس اسي هي نايمه انا بس كنت مقلقه عليها وم دايرة اخليها تطلع براها وكدة،خلاص تمام تسلم تسلم ي ولدي يديك العافيهه،قفلت الخط قلته ليها اتصلتي عليه ي امي؟قالت لي اي ،قلته ليها ليه ي امي؟؟؟قالت لي قلته افهم منو موضوع الشغل دة بس،قلته ليها اها مش الشغل دة انا خلستو م عايزة اشتغل ولا زفت،قالت لي مالك انتي اسي؟قلته ليها انتهينا،

...
احساسي بالذنب والشفقهة تجاه شهد والعملو فيها اخوي والسنه الضاعت عليها من جامعتها خلتني احاول اعمل كل البطلع من يدي عشان بس اغطي على الحصل،حتى ولو كان على حساب اني اخد من زمني عشانها رغم اني م حمل مسؤليه زي دي وم عندي ليها اي اخلاق بس انا اتعودته اتحمل عواقب اخطاء غيري والحصل لي شهد دة واحد من الاخطاء الاتفرض علي تحمل نتايجها وتغطيه الحصل بأي شكل ،حوالي الساعه11كدة وصلته بيتهم سلمته اتصلته عليها م بترد وكنت مرسل ليها مسجات في الواتسب م فتحتهم،رجعته اتصلته على خالتي سوسن،
كيفك ي خالتي تمام؟قالت لي الحمدلله ي ولدي،قلته ليها بتصل على شهد م بترد انا منتظرها برة ي ريت تنبهيها اني واقف،قالت لي طيب دقيقه افتح ليك الباب ادخل،قلته ليها لا والله ي خالتي مستعجل عندي اجتماع بعد ساعه لازم احصل وشوارع البلد زحمه عشان كدة خليها تطلع لي بس،قالت لي طيب تمام ي ولدي الله يسهل عليك...

...
وانا في الغرفه ماما جات قالت لي شهد ي بت شهد قومي الولد دة واقفوليك برة جا عايز يسوقك،قلته ليها منو؟قالت لي حيكون منو يعني اكيد ماهر م غيرو،قلته ليها م ماشهه قولي ليهو خلتو قالت ليك،قالت لي بطلي البتسوي فيهو دة وقومي اللبسي امشي،قلته ليها م ماشه،قالت لي ي بت الله يرضى عليك م تحرجينا مع الولد اسي يقول اهلها رفضو ليها امشي الليله ولو م ماشه تاني م تمشي💔قومي يلا اتحركي الولد دة قال عندو شغل مهم رغم ذلك كلف نفسو وجا عشانك،فتحت الدولاب وبقت تنزل لي ملابس وبتقول لي يلا اختاري قومي،قلته ليها طيب بختار براي م تنزلي لي ملابسي كدة ،قالت لي اختاري لبسه سمحهه كدة انتي نازله شركه وكدة،قلته ليها بغيييظ امييييي،قالت لي خلاص خلاص اها خليتك،طلعته لي لبسه لبسته اثناء م بتمكيج جات قالت لي دقيقهه دقيقهه مسكت لي شعري واحدة وطلعت لي خصلتين بالجمبه قالت لي كدة تمام،وقفته قدام المرايه قالت لي عاد ولا نضمهه يلا هاك شنطتك امشي،شلته الشنطه وطلعتهه وهي وراي فتحت لي الباب ماهر نزل سلم عليها وقال لي خلاص؟قلته ليهو ايوة،قال لي يلا طيب،قالت لينا امشو ربنا يعدها عليكم ي اولادي،ركبته العربيه قال لي سخانه تلخم،قلته ليهو اي الجو فظيع،سكتت مسافه طبعاً ماف موضوع وبعدين انا م عارفه نفسي ماشه اعمل شنو بالظبط او هشتغل شنو بس زول قالو ليهو اسم شغل وماشي زي الاطرش في الزفهه،قلته ليهو اممممم ممكن سؤال؟قال لي ممكن جواب؟عاينته ليهو بإستغراب قال لي اقصد اتفضلي فجاة جاتو مكالمه قال لي دقيقه وفتح الخط وقال ايوة جاي جاي في الطريق طيب تمام م بتاخر،قال لي احكي قلته ليهو اممممم انت عرضته علي فكرة الشغل بس م قلته لي هشتغل شنو وانا زوله حالياً جوفاء او فارغه م عندي اي شي ممكن اخدمك بيهو او اخدم بيهو الشركه وهل مديرك حيوافق يشغلني؟وم حيعمل ليك برنامج وموال ؟وانت اصلاً شركتكم دي مجالها شنو م فهمت؟قال احم اول حاجه قاعدة خليها ثابته جواك ماف زول اجوف او فارغ ابداً الفراغ ده وهم في زول لسسسه م اكتشف نفسو او م عرف يكتشف نفسو+انا م اقترحته عليك الشغل عشان تخدميني او تخدمي الشركه المقترح كان عشان انتي تطلعي من الخمول بتاع البيت والروتين الممل وتستفيدي من الفترة دي في حاجه ممكن تفيدك لقدام+بقيه الأسئله بتلقي جوابها لما نصل الشركه تمام؟قلت ليهو طيب،بعدها جاتو مكالمه وبقى يتكلم بالإنجليزي،فضلنا ماشين لغايه م وقف العربيه قال لي يلا انزلي،قلته ليهو وصلنا؟قال لي اكيد،نزلنا دخلنا مبنى كدة كبير زي البرج وبعدو ركبنا الأصانصير نزل في الطابق الرابع،اول م دخل قال للناس الفي الاستقبال سلام ،كانو 3واحدة منهم قالت ليهو هاي مستر الزيني،قال ليها اهلين،ونحن ماشين طلعنا السلم لاقينا مدخل وبعدو دخلنا مكتب كدة كبيييير مقسوم على مكانين مكان كلو قزاز زي غرفه الاجتماعات وكدة وفيهو تاني واحدة في الاستقبال قالت ليهو صباح الخير ي مستر،قال ليها صباح النور وفي ناس كانو في غرفه الاجتماع قاعدين رفع ليهم يدو من برة طبعاٌ انا مستغربه ليه بقولو ليهو ي مستر،قال ليها الناس ديل جو متين؟قالت ليهو منتظرين عندهم 5دقايق،قال ليها طيب القلته ليك اعمليهو جاهز؟قالت ليهو اكيد من بدري،قال ليها طيب دي شهد ،شهد دي ولاء امشي معاها ولما انا اخلص بتصل عليك،بقيت مترددة وبعاين ليهو بي توتر كدة،لما لاحظ لي قال لي م بتأخر،ولاء قالت لي اهلين شهد اتشرفنا انا ولاء مالك احساس خايفهه كدة م تخافي م حأكلك،ماهر عاين ليها بي طرف عينو قالت لي بصوت خافض تعالي،ماهر قال لي

يلا وقال ليها ولاء زي م قلته ليك تمام؟قلته ليهو طيب، اتحرك ونحن طلعنا من المكتب دة م مشينا مسافه طويله قالت لي بتبقي لي ماهر شنو انتي؟قلته ليها ولا شي،قالت لي يعني معرفه ساااي؟قلته ليها ايوة،عملت حركه بي وشها وقالت لي غريبهه،قلته ليها نعم؟قالت لي لا بس البسمعو بوصي عليك كدة بيقول اختو او زوله من اهلو او كذااا،قالت لي م علينا المهم اتفضلي كان قصادنا في غرفه كدة فتحتها قالت لي اتفضلي،فتحت الغرفه كان مكتب بس قولهه رهييييييب عليهو بسيطهه رغم انو بسيط لكن خرافي قالت لي م بتتخيلي تعبنا فيهو قدر شنو عشان ننسق الالوان كل شي يجي مع بعض،المهم كل شي ممكن تحتاجيهو متوفر الشاشه موجودة ودي تلاجه صغيرة فيها مويه وبارد وكدة ،عاينته لي تربيزة المكتب كان عليها بوكيه ورد ابيض واصفر ومعاهم شوكلاتهه،قالت لي البوكيه دة سله روحي واتصل علي نص الليل يزكرني بيه واليوم من الصباح انتي خطيبتو ي بت؟عاينته ليها بخلعه قلته ليها لا،قالت لي طيب حبيبتو؟هزيت ليها راسي بالنفي،قالت لي احيييييي سمح شنو يعني نحن م حصل عمل لينا كدة ي دوب برد علينا السلام،عاينته للبوكيه لقيت ورقه م مكتوب عليها شي بس مرسوم عليها اسمايل،وتربيزة المكتب كان عليها لابتوب زهري وعلبه اقلام وورق ملون ومقعدين اضافه لي مقعدي هو التالت وم كدة وكمان إطلالتو في الشارع المنظر رهيب،ولاء قالت لي اخخخخخ بس نحن لينا الله من الزي دة ،قلته ليها نعم؟قالت لي دة ريموت التكيف ولو حبيتي شي اضغطي على الزر داك تمام؟قلته ليها اوكييهه،قامت ماشه وتاني جات راجعه قالت لي متاكدة انك م حبيبتو؟بقيت اعاين ليها طلعت على طول،قعدته في المكتب وبقيت اتلفت يمين وشمال يعني احساس انا بحلم وبتخيل وبتهيء لي وكدة مكتب وشركه بدون شهادة او مجال ومعامله Vipدي حتى في مسابقه الحلم م حصلت💔بعد 15دقيقهه كدة جاتني مكالمه رفعته تلفوني لقيتو ماهر فتحته الخط قال لي شهد عبدالله،قلته ليهو بصوت خافض اهلين،قال لي ولاء وصلتك مكتبك؟قلته ليهو ايوة،قال لي هاااا بشري عجبك؟قلته ليهو ايوة،قال لي يعني مرتاحه فيهو ولا فيهو شي مضايقك تحبي نغيرو ليك؟قلته ليهو لا حلو،قال لي طيب بعد حكايه بتاعه نص ساعه كدة بالكتير الاجتماع حيخلص نطلع نفطر عشان انا جعان وبعداك اشرح ليك الحيحصل تمام؟قلته ليهو تمام،قفل الخط وانا محتارة يعني دة شنو الكائن دة هو شنو بالظبط م فهمت؟ال3سنه دي عمل فيها كل دة كيف؟لو شغال مع المافيا م حيعمل شركه كدة،وبعدين ي دوب هو المفروض يكون بدرس يعني دة شنو الهو فيهو دة ي ربي مجرم؟او تاجر سلاح؟او شغال في الاعضاء ؟ولا غسيل اموال؟ولا .ٌ..الخ

#إقتباسهه..

علاقتي التي ايقنت ان هي الوحيده بهاصله بالحقيقه والواقع دايمآ تتارجح مابينا انقطاع مؤلم وعوده تفقد الانتظار مرارته ..تجعلني اكثر ضعف ببشاعه مابين انسحابات مكرره واعتزارات اشبه بذنب تجعلني افقد الحياة..في كل مره لا ادري الي اين اذهب والي اين انتمي اصلاا و اي ركن ثابت استند..تظل نار رحيك الغامض الذي هب في روحي لا يضاهيه الم..💔🔥
Wessam hamdan
💭💔

#ذات_عناق_5

فضلتهه قاعدة وفاتحه تلفوني ،ماما فجأة اتصلت علي اول م فتحته الخط قالت لي اها الحصل معاك شنو طمنيني؟قلته ليها ولا شي وصلنا الشركه،قالت لي واها؟قلته ليها اها شنو؟قالت لي فهميني بعد م وصلتو؟!قلته ليها اممممممممممم ماهر عندو اجتماع وانا في المكتب،قالت لي كدة صوري لي مكانك الانتي فيهو ورسلي لي واتسب،قلته ليها ماما مالك انتي؟قالت لي م عندي ميل عايزة اشوف واتطمن بس،قلته ليها طيب بابا جا البيت؟قالت لي لا،قلته ليها ولا اتصل؟ قالت لي لا دوامو بكون ضاغط عشان كدة وعندو عمليات تقريباً،قلته ليها اممممممممم حيزعل لو عرف انو انا نزلته الشغل بدون علمو؟قالت لي انتي ليه م حاولتي تكلمي حتى ولو بي مسج في الواتسب؟قلته ليها انا قلته انتظرو يجي واكلمو وش لوش 😟💔قالت لي رصيدي خلص رسلي لي صورة المكان الانتي فيهو منتظراك في الواتسب اسي،قلته ليها ماشي،قفلت الخط،اخدهه صورة للمكتب ورسلها ليه،اول م استلمتها رسلت لي ريكورد وقالت لي فيه"ماشاءالله مكتبو رهيب لكن مخليك تنتظريهو فيهو؟قلته ليها دة مكتبي م مكتبو😁قالت لي دة مكتبك🙆طيب مكتبو هو حيكون كيف؟🙆فجأة سمعته باب غرفتي بدق قلته اتفضل،ماهر جا داخل قال لي م اكون إتأخرته عليك؟قلته ليهو لا ،قال لي المكتب ان شاءالله نكون اتوفقنا في تجهيزو؟
قلته ليهو ايوة اتوفقتو بزيادة كمان م كنتو تتعبو نفسكم كدة 👣قال لي معليش بس راحه الموظف اهم شي عشان يقدر يتقن شغلو لانو كل م البيئه كانت مُرضيه للموظف كل م ابهرك بي إنجازاتو في المهمات المطلوبه منو،قلته ليهو اممممممم مشروع رجل اعمال او رأسمالي ناجح😁قال لي ي ريت،فجاة جاتني مكالمه واتسب من ماما طبعاً احساس انا قريت المسج وم رديت عليها،كنصلته المكالمه تاني رجعت اتصلت ،ماهر قال لي أخدي راحتك انا حاطلع انتظرك برة،قلته ليهو لاااا دي ماما و...قاطعني وقال لي للدنيا والزمان م تبرري لزول موقف م مجبورة عليه وانا لما قلته ليك حاطلع برة احتراماً لخصوصيه المكالمه بغض النظر عن منو المتصل بالضبط ردي ع امك،قال لي كدة وطلع،قلته لنفسي بعوجه خشم كدة "دة مالو عامل رهيب ومتفلسف"رجعته لي ماما قلته ليها اي ي ماما؟!قالت لي اها!؟قلته ليها اها شنوو؟قالت لي قولي لي،قلته ليها اقول ليك شنو ي امي؟اقول ليك انو انتي متصله علي عشان م عندك موضوع غيري؟قالت لي منو القال ليك موضوع غيرك؟اسي طالعه ماشه على المدرسه عندي جاين علي مشرفين تربوين يعني عشان شايله همك تقولي لي م عندك موضوع غيري ؟قلته ليها طيب،سكتت مسافه قالت لي اها اعمل ليكم للغداء شنو؟قعدة اضحكك قالت لي ولا نجيلو جاهز؟قلته ليها طيب ،قالت لي لو جيتي لقيتيني بخلي منذر يحرسك لمن اجي راجعه،قلته ليها ماشي،قالت لي والأكل في التلاجه وفي عصير في الفريزة اوعى تشربي بيبسي،قلته ليها طيب تمام،
قالت لي بترجعي الساعه كم وفطروك ولا لسه؟قلته ليها ماهر منتظرني افطر معاه،قالت لي عاد لكن شي عجيب سمح امشي❤قلته ليها سوسو استني،قالت لي اها ؟قلته ليها بحبكك 🙈🙆👣قالت لي وانا كمان يلا امشي م تتأخري على الولد،قفلته الخط ورتبته نفسي وطلعته بقيت اتلفت يمين وشمال م عارفه امشي على وين واسأل منو،لقيت باب مكتب فاتح كدة قلته معناها دخل هنا،دقيت الباب فجاة سمعته زول بقول "إتفضل"لزيت الباب وبعد دقيقتين رجعته خطوتين لورا،الزول قال لي اتفضلي ؟!بقيت اعاين فيه مسافه،قال لي منو انتي؟قلته ليهو معليش بس كنت عايزة ماهر،بقى يعاين لي،قلته ليهو لما شفته المكتب فاتح افتكرتو هنا اسفه،طلعته وقفلته الباب بس الزول م غريب علي ابداً بقيت افكر شوفتو وين شوفتو وين قدر م حاولته م قدرته اتزكرو فجأة سمعته صوت واحدة بتقول"شهد"اتلفته عليها قالت لي انتي شهد؟قلته ليها ايوة،قالت لي مستر ماهر منتظرك تحت،قلته ليها اهااا اوكيهه ،مشيت معاها لما نزلنا تحت لقيتو قاعد في جلسه ضيافه كدة قاعدة في الاستقبال ،وكل الموظفين الحواليهو ساكتين سااااي ولا نفس م طالع منهم ،البت قالت ليهو ناديت عليها ي مستر،رفع راسو كان باين عليهو الضيق،واحدة منهم رفعت للتانيه حواجبها نظام شوفيهو وكدة،قلته ليهو امممم معليش بس امي كلامها م بيخلص اول مرة اطلع برة البيت بدونهم وكدة فعلشان كدة هي مقلقه شويه،قال لي م إشكال المهم مشينا؟قلته ليهو طيب،طلعنا اول م وصلنا الشارع لبس نظارتو وبعد م ركبنا العربيه جاتو مكالمه رد بسرعه وقال"الوو؟اي اها اكل؟ياااااخي م تقولي لي رفض مافي حاجه اسمها رفض عملتو ليهو شنو انتو لمن يرفض ياكل انا الصباح اتكلمته معاهو ڤيديو كان كويس م فيهو شي،اكيد ضايقتوهو بي شي ي امي اكيد"وبقى يتكلم معاها بي صراخ "قال ليها اعملي مكالمه ڤيديو واديني ليهو،خلي يكسرو يعني تلفونك اهم من ولدك؟م اجوط كيف بس قولي لي م اجوط كيف وانا لا قادر اشتغل عديل ولا قادر اعمل شي زي الناس معاكم،سرعه طيب قفل الخط بعد شويه جاتو مكالمه طبعاً بقيت متجمدة في مكاني م قادرة احرك ساكن،فتح المكالمه وبقى موجه التلفون عليهو،بعد مسافه قال"مهند

باشا،مهند لييييه م عايز تاكل؟!الزعلك منو الليله من ناي البيت امي ولا حبوبه ولا عمو؟رد علي انا بتكلم معاك راجل لي راجل قول لي مش قبيل كنت بتتكلم معي واتفقنا على موضوعنا داك؟اي بس انت فاهم طيب ليه م تاكل؟اوعى تكون فاكرني بغش عليكك؟حصل مره انا كزبته عليك؟اتكلم معي م تسكت،انا قلته ليك الاسبوع الجاي والاسبوع الجاي إن شاءالله بكون عندك هناك وبيحصل الاتفقنا عليهو كلام رجال كدة ولو م مصدقني الليله بقطع التزكرة وبرسل ليك صورتها إتفقنا؟اظن البتكلم معاهو عمل ليهو حركه بي وشو،قال ليها يلا لغايه م اجي م اسمع يقولو لي م اكلته او كدة تمام؟يومي انا حأتصل عليك تاكل قدامي شكلنا حنرجع لنظامنا القديم،ضحك ضحكه خفيفه كدة وقال "انا زاتي ي دوب ماشي افطر،خلاص تمام يلا اسي انا بكلم امي تجخز ليك الاكل وتصورك لي وانت بتاكل كمان اتفقنا؟هههه اي النظارة لابسها نظام الشمس وكده،يلا عشان انا سايق،اديني امي،بعد شويه سمعتو بقول"اي ي امي م اوصيك عليهو ياخي وحاجه انا قلتها ليهو م تنفوها ليهو انا عارف بقول ليهو في شنو خلاص تمام تمام اسي جهزي ليهو فطورو واديهو ليهو وانا برجع بتصل عليكم ،م عارفو وم شوفتو اتصلي عليهو انتي ،يلا، جدع التلفون في مقدمه العربيه ،نبرتو وهو بتكلم مع اخوهو بتختلف عن.نبرتو وهو بتكلم مع امو يعني كانو هو الوالدها م هي💔
قال لي معليش💔سكتته مسافهه قلته ليهو إحم م مشكله بس ممكن اقول حاجه صغيرهه؟قال لي اتفضلي،
سكتته مسافهه حتى قلته ليهو حتى ولو متضايق من امك عشرة م صح تتكلم معاها كدة واسفهه لأني إتطفلتهه واتدخلته في حاجه م بتخصني💔سكتت وم رد علي
سخييييف وثقيل بطريقهه،وصلنا المطعم اول م قعدنا قال لي نفطر اول ونتناقش اثناء الفطور،قلته ليهو انا م عايزة فطور،قال لي لا م منطق وانا جايبك لشتو اذا حأفطر براي؟قلته ليهو حتفطر لانك جعان،قال لي بس م براي،قلته ليهو طيب،قال لي تاكلي شنو؟قلته ليهو اي حاجه،قال لي اي حاجه دي معناها شنو؟قلته ليهو معناها اي حاجه،طبعاً حسيتو مغيوظ بس عمل رايح ،لما جا الويترز قال ليهو طلبنا اي حاجهه،وعاين لي وقال لي حتشربي اي حاجه برضو؟بقيت اعلين ليه،قال لي ليهو حتشرب اي حاجه برضو قلع النظارة وختاها في التربيزه،الويتر بقى واقف بعاين لينا،قال ليهو م فهمت حاجه صح؟انا زيك والله ودي عواقب انك تمشي مكان مع بت،بقيت اعاين ليهو بضحكه،قال ليهو المهم نحن عايزين...واتنين بيبسي اي حاجهه😁قلته ليهو اوكيهه فهمنا م تعلق 😂💔قال لي طيب ،مسك تلفوني وبقى شغال فيه بعد مسافه ختاهو وقال لي"طيب ي ستي نبدأ ،طبعاٌ م محتاجه تعرفي اسمي والموال دة،حأتكلم ليك شويه عن الشركه الشركه اصلاً تخصص برمجيات ،إتصالان ،شبكات ،موجودة كل الاقسام دة،بنصصم مواقع،بنصمم شبكات بنعالج مشاكل الاتصالات بكافه اشكالها وهكذا،
عارفك مسطحه وحتقولي لي انا حاعمل شنو وسط شركه في المجال دهه؟
شوفي ماف زول اتولد وهو عارف كل حاجه تمام،انا حاساعدك كيف؟م مطلوب منك شغل واقعي ابداً زي م قلته ليك انا بس عايزك.تستفيدي من زمنك بدل م تكوني قاعدة في البيت وخلاص،طيب انا هساعدك كيف؟
انا حأشتغل معاك ورش وكورسات بذات نفسي وهكون متابع معاك اول بأول وحاكلفك بحجات مفروض تعمليها لي وحتساعديني في حجات كتيرة،م اعتقد تكون عندك مشكله في الانجليزي واستخدام الحاسوب صح؟قلته ليهو ايوة م عندي مشكله،قال لي طيب ممتاز افضل حاجه انا شايفها مناسبه ليك او هو مقترح مثلاً نبدأ بتصميم المواقع على الانترنت ،الحاجه دي فيها قروش خياليه وبالدولار كل المطلوب منك انك تشدي حيلك وتشتغلي على نفسك وهكذا فهمتي؟
هزيت ليهو راسي بمعنى ايوة،
قال لي انا شخصياً م حأقصر منك واي شي م استوعبتيهو تعالي راجعيني وم تخجلي ابداً ايوة نعم زوله باديهه من الصفر بس لو اجتهدتي حتعبري وانا واثق من الحاجه دي لانو م حصل لاقاني زول لسانو طويل وراسو فاضي 😁قلته ليهو قصدك شنووو؟قال لي ولا شي المهم و عشان نبقى واضحين انا زول ضاغط شديد ودقيق في المواعيد دقيق شديد ،قلته ليهو طيب بس ممكن سؤال؟قال لي على طول،قلته ليهو اممممم والشركه دي بتاعتك يعني؟قال لي شبه كدة،قلته ليهو بس انت لسسسه م خلصته جامعه صح؟الويتر جاب لينا الأكل وكدة،قال لي يلا ناكل ،قلته ليهو طيب بس انا لسه م فهمته شي برضو،قال لي بالمهله وحتفهمي كل شي انا ي دوب بشرح ليك ،وفضلنا نرقي ونرقي وهو بشرح لي لغاااايه م خلصنا ،ورجعنا الشركه ولما جات مواعيد الرجعه للبيت بعد م ركبنا العربيه قال لي حتمشي كدة؟قلته ليهو كيف؟قال لي م ناسيه حاجه؟قلته ليهو م فهمت؟نزل دخل الشركه بعد 5دقايق جا راجع شايل اللابتوب الفي مكتبي في يدو،قال لي دة اهم شي م مفروض تخلي وراك لانو انا محمل ليك عليهو كل شي،قلته ليهو م اتوقعته انو مفروض اخدو،قال لي لا لازم تاخديه التلفون م عملي شديد او حتكوني معظم الوقت حايمه من ابلكيشن لي غيرو،قلته ليهو طيب،قال لي دة الشاحن والكونكت م تنسيهم،اتحركنا وفضلنا ساكتين لغااايه م وصلني البيت قلته

م عندو اجتماع بدري مفروض اجي اسلمو شغل كلفني بيهو،ضحكت مساااافه ضحكه سخريه كدة وقالت لي معناها ركبتي السمبك ،قلته ليها نعم؟قالت لي ي بت دة منفسن احيييييي منو بس السمح غايتو بس الاولاد السمحين ديل عيبهم وهم ومنفسنين مستحيل يلقاك واحد سمح وسوي نفسياً وعقلياً دايما بكون فاصل سلك والله صحي ربنا م بدي كل شي ،بقيت اعاين ليها،قالت لي عايني انتي م حبيبتو صح وم حتوصلي ليهو الكلام دة؟هزيت ليها راسي بمعنى لا ،قالت لي المهم هو سافر😂🙈🙆طلعته منها وانا متضايقهه وقافله معي وزهجانهه شديد يعني هو كيف يستغباني كدة لا وحضرة سيادتو يكذب علي قذر حقير تافهه ضيع لي زمني وخلاني اساهر لمن عيوني توجعني قدام اللابتوب علشان يسافر هو سفرهه بدون رجعهه ي قادر ي كريم،اول م دخلته مكتبي وقعدته باب الغرفه دق،قلته اتفضل ،جات ولاء داخله قالت لي شهد هاك،قلته ليها شنو؟قالت لي مستر ماهر،كشرته فيها وشي،شلته التلفون قال لي الووو؟قلته ليهو اهلين،قال لي صباح الخير،قلته ليهو وصباحك،قال لي وصلتي بدري ؟قلته ليهو انت شايف شنوووو؟ولاء قلعت لي عيونها وعضت لي صباعها،سكتت مسافه وقال لي شيلي اللابتوب بتاعك وامشي مع ولاء تمام؟قلته ليهو كيف؟قال لي شيلي اللابتوب وامشي مع ولاء،قلته ليهو امشي معاها وين؟قال لي انتي امشي وراها بس،قلته ليهو طيب،شلته اللابتوب وقلته لي ولاء يلا،قال لي اديني ولاء،اديتها التلفون اول م مسكتو قالت ليهو نعم ي مستر،ايوة كل شي جاهز،كلمتهم ايوة،طيب حاضر حاضر، فضلنا ماشين وهي بتتكلم بالتلفون لغايه م وصلنا غرفه الاجتماعات كانو فيها معظم الموظفين انا زاتي اتخلعته وقلته في نفسي معناها ولاء كانت بتهظر السخيفهه وهو م سافر ولا شي💔

قلته ليهم السلام عليكم،قالو لي اهلين شهد،اول م قعدته عزو قال لي اول اجتماع احساس بالرهبهه وكدة😁قلته ليهو اممممم يعني،قال لي شدي حيلك انتي لسه م شفتي مُعاناة،قام كمال وقف وفتح اللابتوب والبروجكتر واتصل مكالمه وقال"اي ي ماهر ايوة جاهزين كلهم حضور ايوة،طيب تمام"..
بعد م قفل اتأكدته انو هو م سافر وحيجي داخل بعد كم ثانيه بالكتير،كمال فضل يزبط في اللابتوب لغايه م فجاة كان نشوف ليك انعكاس صورة ماهر في الحائط،وصوتو وهو بقول صوتي مسموع عندك ي كمال؟كمال قال ليهو ايوة ،بقيت اعاين ليهم بإستعراب م جادي طبعاً الزول دة،قال ليهم السلام عليكم ي شباب صباح الخير،طبعاً كالعادة م عندنا اجتماع بتأجل حتى في اسوا الظروف ف بالتالي اجتماعنا برضو قائم،عندنا شركه قيد التنفيذ طلبت انو نعمل ليها نظام كامل للشركه نحن اديناهم الخطه بتاعتنا بالكامل للنظام والمقترحات لغايه يوم الخميس م جاني منهم رد لكن امس جاني منهم الرد وادو لي انهم اعتمدو شغلنا ليهم طبعاً الشركه ضخمه شديد وعندهم كذا مصنع في مناطق مختلفه دة غير انهم عندهم مطاعم وكافيهات في كذا محل عايزين يربطوه بالشركه ودي حتكون ضربه جزاء بالنسبه لينا كمال انا طلبته منك تعديل في المقترح بتاعك اها الحصل فيهو شنو؟كمال قال ليهو جاهز ايوة وقف ع حيلو وبقى يشرح ليهو في التعديلات،قال علياء وين علياء؟قالت ليهو موجودة،قال ليها عملتي تصميم الموقع القلته ليك عليهو؟قالت ليهو ايوة وبنفس نمط كمال وقفت وبقت تشرح ليهو وهو بناقشها ،كلهم كان مكلفهم بحجات وم نسى زول فيهم كلهم طلب منهم يقومو واحد ورا التاني وحافظ تماماً هو طلب شنو من منو بالضبط،انا طبعاً ك زوله متدربه قلته خلاص انا زيادة عدد في الاجتماع دة ف شنو ارخي جسمي سااااي ها...فضلته قاعدة وشايفاه بناقشهم بجديه كدة وم بغلط ولا في حرف م عارفه جايب الشخصيه دي منو يعني شخصيه غير الانا عرفتها في المدرسه كان يتشاف زول شخصيتو ضعيفهه وخواف كدهه 💔كان لابس فنيلهه سوداء كمها كامل وكاب اسود وخاتي قدامو كبايه قهوة وكتاب وتلفونو جمبو،بعد اكتر من ساعه جوة الاجتماع فجاة اسمع اسم شهد،مع اسم شهد دة انا لمن شهقتهه،كلهم بقو يعاينو لي شهد ميين؟؟بعد مسافه ولسان متردد قلته نعم،قال لي عملتي شنو في الشغل القلته ليك عليهو؟قلته ليهو امممم ،خلي جهزتيهو؟قلته ليهو اااااااااا ااااااا ااااااايوة،قال لي طيب وريني،انا هنا كأنو صبت فيني مطرة اوريهو ليهو وين وكيف؟قدام الناس؟ياخ هو انا قدام 3انفار غرباء م بعرف اتكلم😭💔وكلهم مركزين معي ،ببقى يقول الووو؟كمال قال ليهو اي سامعنك ي ماهر،بعد رجفهه وزغلهه عيون قلته ليهو طيب ممكن ارسلهم ليك في اللابتوب وانت تشوفهم؟قال لي انتي جهزتيهم ولا لأ؟قلته ليهو لا هم جاهزات،قال لي طيب وريني ليهم هنا هنسميه اجتماع على شنو؟اسي القدامك ديل كلهم م قدمو الاتطلب منهم؟م عارفه هو عايز يستفزني ولا فهمو شنو بالضبط بس بجد اتوترتهه اكتر م انا متوترة وحسيت بنفسي مُهبطهه عديل،عزو قعد يضحك قال لي قلبي معاك.زي م قلته ليك م شفتي حاجه من المواقف البياخهه الحتتختي فيها،شلته لابتوبي وقفته قدامهم وفتحتو،قال لي كمال وصل ليها لابتوبها بالبروجكتر انا هتابع عادي من اللابتوب،كمال وصل لابتوبي الحمدلل

ليهو اتفضل ،قال لي لا شكراً على مشيه والله،م انسى اقول ليك حيكون عندك ترحيل حأخليهو يتصل مدعليك وتضبطي ليهو المواعيد المهم م تتعدة الساعه10ص تمام؟قلته ليهو لا ياخي م...قال لي معظم الموظفين في الشركه عندهم ترحيل م انتي بس،قلته ليهو اممممممممم طيب بس بكرة صعبه،قال لي لييييهه؟قلته ليهو علشان انا اليوم نزلته وم اديت بابا خبر ف بكرة ح...قال لي انا امس اتصلته عليه وكلمتو بالموضوع من مبدأ الاحترام وكدة لاني قبل كدة لما فاتحتو في الموضوع كان مقلق وصراحه معاهو حق بعد الحصل ليك عندنا،سكتتته مساافه،قال لي المهم بينا تلفونات تمام؟قلته ليهو تمام،دخلته البيت لقيت ماما وبابا ال2قاعدين منتظرين سلمته عليهم دخلته غرفتي جو لاحقني وبعاينو لي،قلته ليهو خير؟!بابا قال لي اها الحصل معاك شنو؟قلته ليهو والله اهو لابتوب ملان كميه بتاعه كورسات مفروض انا احضرها واستفيد.منها واداوم بشكل يومي و...قال لي طيب يعني حاجه كويسه؟قلته ليهو افضل من قعدة البيت والفراغ دة،ماما قالت لي جيتي بشنو؟قلته ليها جابني هو،قالت لي عاد الولد دة ماشاءالله عليهو ربنا يحفظو يعني مسؤل مسؤليه كدة م طبيعيه وسط الشباب الطايش دة لكن كل يوم يسوقك ويرجع كدة م تعب ليهو؟قلته ليها قال حيعمل لي ترحيل من بكرة،ماما قالت لي يشهدالله اللقيتيها اخوانك الخريجين وبشهاداتهم م لقوها😂😂💔فجاة بابا تلفوني ضرب طلع وماما طلعت وراهو،غيرته ملابسي طلعته لقيت بابا بقول"تسلم تسلم ي ابني يديك العافيه ان شاءالله ويوفقك ي رب،الله يسهلها عليك ،بعد م قفل قال لي امي دة هو ضرب عشان يأكد لي انو رجع شهد البيت،ماما قالت ليهو بقت ليهو مسؤليهه هههههههههه😂💔
جا منذر طالع من غرفتو مكشر وشو،امي قالت ليهو مالك مع البت ي ولد؟قال ليها بت منو؟قالت ليهو اجي سمع اضانا دي انا وابوك نبيحك معاها،قلته ليها بكون قصوهو🙆💔بابا قال لي من عيونو المورمه دي اظنو كدة😂😂😂😂😂😂😂💔قال لينا انتو م عندكم موضوع ولا شنوووو؟ماما قالت ليهو والله ي ود امي انت التاني حيكون م عندك موضوع وراسك بتقطع نبيحك النبحتو فيها اليلهه دة ابقى قدرو بعدين،في عز زهجتو ديك ضحكك وقال ليها بت شنو نحن كمان البتقطع راسنا حواء دي م والدة غيرها؟قلته ليهو انشر غسيلك وبكاك انشرو🙈قال لي قفلي المهم في شنو بياكلو؟ماما قالت ليهو اها م باركته لي اختك الشغل الجديد،قال لي ايوااا صح بما انك.اتوظفتي اول م تصرفي ترجعي لي حق اي شاورما وبيرقر واقاشي ونوتيلا جبتها ليك وحق اي عزومه عزمتك ليها م داير معاك اي تفاهم ؟؛بابا قال ليهو والله الكلام دة شكلك عايز تقولو للقصوها منك دي وم قدرته تقولو وشهد وقعت ليك في جرح وقلتهه تتفشى😂😂😂😂😂💔قعدنا نضحك فيهو قام طلع خلانا💔
مهما اقول اني بحب بابا م بقدر اوصف الحاجه دي،يعني المعنى الحرفي لهرمون الإكسيتوسين في حياتي❤
...
عدت الأيام وانا بقيت بداوم زيو زي دوام ضاغط مع ماهر لانو كان بطلب مني احضر الكورسات واجي اليوم التاني نطبق في الجزء القريتو مباشرة،وانا ك زةله اول مرة تشتغل كسوله وملوله جداً ومواعيدي م مظبوطه وم فاهمه قوانين الشركه ولا شي المهم كنت ماشه ساي بس رغم ذلك كان ضاغطني واغلب وقتو في الشركه بكون معي ،بدايه الاسبوع التالت وصلته الشركه كان عندي شغل كلفني بي انو اعملو شغل بتاع روابط وكدة،واداني مهله الخميس والجمعه والسبت في انو اخلصو علشان هو محتاجها ضروري يوم الاحد ووشرح لي الطريقه المفروض ارتبهم بيها،هو ماشاءالله عليه زول بعيد شديد في البرمجه وشغل الحاسوب حتى قوله بعيد عليهو بسيطه.البشوفو بقولو خبره على الاقل 10سنين وخريج جامعه اوكسفورد او هارفد ،وحتى موظفينو الشغالين معاه فظيعين حد الفظاعه على الاساس دة انا م كان بنقصني شي يعني لما يغلبني شي وم اقدر اسأل ماهر بلجأ ليهم ،
عمر وعزو وكمال كانو من الناس الوحيدين القدرته اتعامل معاهم او هم عرفو يدخلو فيني رغم اني كنت بتجنب اتعامل مع اي زول علشان حيدخلو معي في موالات بتدرسي وين وشنو وجامعه شنو و...الخ ف ديل هم بس كانو بجو يتظارفو معي وبجبروني اطلع الفطور مع الناس وهكذا

يوم الاحد صحيت بدري عملته مراجعه للشغل المفروض اسلمو ليهو طبعاً اول تكليف يكلفني ليه بصورة رسميه علشان كدة كنت مساهرة فيهم ،جهزته واتصلته على بتاع الترحيل بدري علشان يجي يسوقني وبالفعل دة الحصل مشيت الشغل ،اول م وصلته سلمته على ناس الاستقبال من بعيد وشايله اللابتوب وطالعه مستعجله لانو ماهر على حسب كلامو انو عندو اجتماع ومحتاج للشغل السلمني ليه دة في الاجتماع،وصلته مكتبو دقيت الباب ودخلته لاقيت ولاء السكرتيرة كانت بتاكل في شوكلاته،قولته ليها صباح الخير،قالت لي شهدوووون اهلين صباح الخير غريبه الليله مبكره مالك؟قلته ليها ماهر وصل؟قالت لي بإستغراب ماهر؟قلته ليها م جا؟قالت لي ي بت ماهر الليله م جاي،قلته ليها كيف؟قالت لي سافر من يوم الخميس !!قلته ليها سافر؟قالت لي م كلمك انو مسافر؟
قلته ليها لا وعلى الاساس انو اليو

م عندو اجتماع بدري مفروض اجي اسلمو شغل كلفني بيهو،ضحكت مساااافه ضحكه سخريه كدة وقالت لي معناها ركبتي السمبك ،قلته ليها نعم؟قالت لي ي بت دة منفسن احيييييي منو بس السمح غايتو بس الاولاد السمحين ديل عيبهم وهم ومنفسنين مستحيل يلقاك واحد سمح وسوي نفسياً وعقلياً دايما بكون فاصل سلك والله صحي ربنا م بدي كل شي ،بقيت اعاين ليها،قالت لي عايني انتي م حبيبتو صح وم حتوصلي ليهو الكلام دة؟هزيت ليها راسي بمعنى لا ،قالت لي المهم هو سافر😂🙈🙆طلعته منها وانا متضايقهه وقافله معي وزهجانهه شديد يعني هو كيف يستغباني كدة لا وحضرة سيادتو يكذب علي قذر حقير تافهه ضيع لي زمني وخلاني اساهر لمن عيوني توجعني قدام اللابتوب علشان يسافر هو سفرهه بدون رجعهه ي قادر ي كريم،اول م دخلته مكتبي وقعدته باب الغرفه دق،قلته اتفضل ،جات ولاء داخله قالت لي شهد هاك،قلته ليها شنو؟قالت لي مستر ماهر،كشرته فيها وشي،شلته التلفون قال لي الووو؟قلته ليهو اهلين،قال لي صباح الخير،قلته ليهو وصباحك،قال لي وصلتي بدري ؟قلته ليهو انت شايف شنوووو؟ولاء قلعت لي عيونها وعضت لي صباعها،سكتت مسافه وقال لي شيلي اللابتوب بتاعك وامشي مع ولاء تمام؟قلته ليهو كيف؟قال لي شيلي اللابتوب وامشي مع ولاء،قلته ليهو امشي معاها وين؟قال لي انتي امشي وراها بس،قلته ليهو طيب،شلته اللابتوب وقلته لي ولاء يلا،قال لي اديني ولاء،اديتها التلفون اول م مسكتو قالت ليهو نعم ي مستر،ايوة كل شي جاهز،كلمتهم ايوة،طيب حاضر حاضر، فضلنا ماشين وهي بتتكلم بالتلفون لغايه م وصلنا غرفه الاجتماعات كانو فيها معظم الموظفين انا زاتي اتخلعته وقلته في نفسي معناها ولاء كانت بتهظر السخيفهه وهو م سافر ولا شي💔

قلته ليهم السلام عليكم،قالو لي اهلين شهد،اول م قعدته عزو قال لي اول اجتماع احساس بالرهبهه وكدة😁قلته ليهو اممممم يعني،قال لي شدي حيلك انتي لسه م شفتي مُعاناة،قام كمال وقف وفتح اللابتوب والبروجكتر واتصل مكالمه وقال"اي ي ماهر ايوة جاهزين كلهم حضور ايوة،طيب تمام"..
بعد م قفل اتأكدته انو هو م سافر وحيجي داخل بعد كم ثانيه بالكتير،كمال فضل يزبط في اللابتوب لغايه م فجاة كان نشوف ليك انعكاس صورة ماهر في الحائط،وصوتو وهو بقول صوتي مسموع عندك ي كمال؟كمال قال ليهو ايوة ،بقيت اعاين ليهم بإستعراب م جادي طبعاً الزول دة،قال ليهم السلام عليكم ي شباب صباح الخير،طبعاً كالعادة م عندنا اجتماع بتأجل حتى في اسوا الظروف ف بالتالي اجتماعنا برضو قائم،عندنا شركه قيد التنفيذ طلبت انو نعمل ليها نظام كامل للشركه نحن اديناهم الخطه بتاعتنا بالكامل للنظام والمقترحات لغايه يوم الخميس م جاني منهم رد لكن امس جاني منهم الرد وادو لي انهم اعتمدو شغلنا ليهم طبعاً الشركه ضخمه شديد وعندهم كذا مصنع في مناطق مختلفه دة غير انهم عندهم مطاعم وكافيهات في كذا محل عايزين يربطوه بالشركه ودي حتكون ضربه جزاء بالنسبه لينا كمال انا طلبته منك تعديل في المقترح بتاعك اها الحصل فيهو شنو؟كمال قال ليهو جاهز ايوة وقف ع حيلو وبقى يشرح ليهو في التعديلات،قال علياء وين علياء؟قالت ليهو موجودة،قال ليها عملتي تصميم الموقع القلته ليك عليهو؟قالت ليهو ايوة وبنفس نمط كمال وقفت وبقت تشرح ليهو وهو بناقشها ،كلهم كان مكلفهم بحجات وم نسى زول فيهم كلهم طلب منهم يقومو واحد ورا التاني وحافظ تماماً هو طلب شنو من منو بالضبط،انا طبعاً ك زوله متدربه قلته خلاص انا زيادة عدد في الاجتماع دة ف شنو ارخي جسمي سااااي ها...فضلته قاعدة وشايفاه بناقشهم بجديه كدة وم بغلط ولا في حرف م عارفه جايب الشخصيه دي منو يعني شخصيه غير الانا عرفتها في المدرسه كان يتشاف زول شخصيتو ضعيفهه وخواف كدهه 💔كان لابس فنيلهه سوداء كمها كامل وكاب اسود وخاتي قدامو كبايه قهوة وكتاب وتلفونو جمبو،بعد اكتر من ساعه جوة الاجتماع فجاة اسمع اسم شهد،مع اسم شهد دة انا لمن شهقتهه،كلهم بقو يعاينو لي شهد ميين؟؟بعد مسافه ولسان متردد قلته نعم،قال لي عملتي شنو في الشغل القلته ليك عليهو؟قلته ليهو امممم ،خلي جهزتيهو؟قلته ليهو اااااااااا ااااااا ااااااايوة،قال لي طيب وريني،انا هنا كأنو صبت فيني مطرة اوريهو ليهو وين وكيف؟قدام الناس؟ياخ هو انا قدام 3انفار غرباء م بعرف اتكلم😭💔وكلهم مركزين معي ،ببقى يقول الووو؟كمال قال ليهو اي سامعنك ي ماهر،بعد رجفهه وزغلهه عيون قلته ليهو طيب ممكن ارسلهم ليك في اللابتوب وانت تشوفهم؟قال لي انتي جهزتيهم ولا لأ؟قلته ليهو لا هم جاهزات،قال لي طيب وريني ليهم هنا هنسميه اجتماع على شنو؟اسي القدامك ديل كلهم م قدمو الاتطلب منهم؟م عارفه هو عايز يستفزني ولا فهمو شنو بالضبط بس بجد اتوترتهه اكتر م انا متوترة وحسيت بنفسي مُهبطهه عديل،عزو قعد يضحك قال لي قلبي معاك.زي م قلته ليك م شفتي حاجه من المواقف البياخهه الحتتختي فيها،شلته لابتوبي وقفته قدامهم وفتحتو،قال لي كمال وصل ليها لابتوبها بالبروجكتر انا هتابع عادي من اللابتوب،كمال وصل لابتوبي الحمدلل

ه بقيت م شايفه انعكاس صورتو علشان اتوتر،فتحته شغلي وانا م رافعه عيني عليهم وبتكلم بسرعه بسرعه وجسمي ويدي كلهم معرقين وهو كل شويه يوقفني وبقول لي وضحي اكتر،لمن بقيت اعض في شفايفي من الغيظ،بتد خلصتهه قال لي شغل م على حسب التوقعات او م قدرتي تشرحيهو بطريقهه كويسهن بس لا بأس بهه،هنا علياء ضحكت وانا بالجد اتغظت شديد تخيلو انا قدام الناس يقول لي كدة؟يعني فاكر نفسو شنو الباطل دهه؟طلعته من الاجتماع ولا انتظرته دقيقه في الشركه جري على بيتنا وبكيت بكى بس م وضحته لناس بيتنا ابداٌ،اليوم التاني م مشيت،واليوم البعدو برضو م مشيت ،لما جا اليوم التالت جاتني مكالمه من رقم غريب م رديت،اتصل كتير لغايه نهايه اليوم لثيت منو مسج في الواتسب كاتب لي فيهو"شهد كيفك.تمام معاك عزو،م جيتي الشركه عندك.كم يوم خير إن شاءالله؟كنت عايزة اخليها بس لما حسبتها لقيت انو انا حاكون كل الوقت قاعدة براي في البيت،بابا في الشغل،وماما في المدرسه،ومنذر حتى لو قعد حيكون نايم يعني انا بس حأحرس البيت وادخل هنا وامرق من هنا افضل الشغل موال،عديت الاسبوع داكةكلو م مشيتي رجعته مشيت يوم الأحد،من الاستقبال كلهم كانو بسالوني غايبه ليييهه و...كنت بقول ليهم عيانه وكدة،لما دخلته مكتبي جات ولاء قالت لي شهد،قلته ليها اهلين،قالت لي وين انتي ي بت مالك غايبه؟قلته ليها عيانه بس والله علشان كدة،قالت لي ليه م اتصلتي طيب ي شهد؟سكتت،قالت لي انتي عارفه انو غيابك يوم واحد ممكن يخصمو منك؟المهم المنفسنات بتاعات ال H.Rديل منتظرنك،قلته ليها نعم؟قالت لي بندهو عليك،قلته ليها وديل.منو كمان؟قالت لي شؤن افراد،قلته ليها وبنادوني لشنو م فهمته؟قالت لي م عارفه المهم قومي ارح اوصف ليك مكتبهم،مشيت معاها نزلنا تحت قالت لي شوفتي المكتب داك هو عايني انا ما ماشه معاك م عايزة اشوف خلقتهم دي💔مشيت عليهم اول م دقيت الباب قالو لي اتفضل،دخلته كانو 2سلمته عليهم واحدة منهم قالت لي انتي شغاله معانا بجد؟قلته ليها ايوة،قالت لي م حصل شفناك مع الناس،التانيه قالت لي شهد غايبه اسبوع ليييهه؟قلته ليها عيانه علشان كدة،قالت لي استأذنتي من منو؟قلته ليها م من زول،قالت لي كيف يعني م.تستأذني من زول يعني فاكرة الحكايه سايبهه هي؟لو كل الناس حتعمل كدة معناها ماف زول حيجي الشركه اساساً بالحجه دي،قلته ليها معليش بس الزةل المفروض استاذن منو مسافر،قالت لي واللي هو منو؟قلته ليها ماهر،بقو يعاينو لبعض ورجعت قالت لي هييي ي ماهر انتي ماهر م عندو علاقه بجيتك للشركه نحن هنا المسؤلين من جيتك للشركه تمام؟اسي انتي من اشتغلتي ي شهد م حصل اصبعك دة اتخته في جهاز البصمه ولا حتى فكرتي تسألي عن الحاصل ولا شي بس زةل بجي وبطلع وهكذا،فضلته ساكته وبعاين ليهم،قالت لي اسمك شهد منو؟قلته ليها شهد عبدالله،كتبت اسمي وقالت لي ماف حاجه اسمها زول استأذن منو ماهر زاتو لما يجي داخل الشركه ببصم وهو زاتو اغلب الوقت م في الشركه تمام يعني انتي م عندك اي علاقه بمديرك فهمتي؟قلته ليها طيب،قالت لي تعالي،ساقتني وصلنا مدخل الشركه وقفنا قدام الحيطه بتاعه جهاز البصمه قالت لي ختي صباعك،ختيتو ،قالت لي تاني،كررته الحركه مرتين بعدها قالت لي وبعدين البصمه بتحفظ ليك حضورك وحقك اسي نحن م حنقدر نحسب ليك اي شي والله غايتو بس جنس محن...

طبعاً بكلامهم دة قفلوها معي جوة وبرة اخلاقي بقت في مناخري وبقيت اتكلم مع نفسي واقول"دة كلو من الحيوان زفت الطين سجم الرماد ماهر"هو كيف 😤💔بس خلي لمن يجي يمين بالله اسلمو إستقالتو الحيوان💔لاقتني ولاء قالت لي من تكشيرة وشك دي اكيد اتنفسنو فيك المنفسنات ديل صح؟تعالي تعالي م تشتغلي بيهم اصلاً دة حالهم ها بس م يشوفو ليهم واحدة جديدة في الشركهه،تهالي نشرب لينا شاي بلبن ومعاهو بسكويت رويال ظابط كدة،

ولاء زوله ظابطه شديد كلبوظهه كدة ودمها خفيف والكبظهه يخلوها ليها😂❤دخلنا المكتب بقت تونسني قالت لي اسي انا م شغاله بيهم نهائي وم عندي ليهن اخلاق منفسنات كان شافوك قصيتي شعرك ولا لاحظو ليك نزلتي كيلو ساي يتنفسنو فيك،اسي انا بسببهم م قادرة اصعف كل م ازعل منهم ويرفعو ضغطي بجي بقع اكل في الشوكلاته والشيبس وشاي اللبن بالبسكويت وانا زوله كان اتنفستهه ساي بزيد كم كيلو💔قلته ليها قولي الدايت دة مسؤليه انتي م قدرها ي زوله😂💔قالت لي والله حاولته بس الجوع كافر ي شهد😂💔شويه كدة باب المكتب جات داخله علينا علياء قالت لينا ازيكم،قلته ليها اهلين،قالت لي شهد الغايبه شايفه ناس ال H.Rاتنفسنو فيك،قلته ليها شكلو الشعب كلو عرفني غايبه قالت لي اكيد ولسسسه حتشوفي شر غسيل كتير انتي ها😂💔ولاء قالت ليها وريها وريها اسي كنت بحكي ليها عنهن المنفسنات ديل😂💔قلته ليهم بري انا م دايمه ليهم ولا عندي ليهم اخلاق💔قالت لي ي بت ديل اي زول بطفشوه يشهد الله اسي الزوله الكانت ماسكه لينا المطبخ طفشوها لينا وقطعو راسنا...💔

طلعته من الشركه وانا راجعه على بيتنا ولسهه مغيوظه من ماهر و
الغريبه انو بعد

م سافر م فكر يرجع لي حتى ولا برساله رغم انو انا يوم الخميس كنت معاه،لما وصلنا شارع بيتنا فيهو مويه الترحيل م قدر يدخل قلته ليهو م إشكال نزلني هنا حاكمل برجولي،قال لي ي زوله؟!قلته ليهو والله ي عمو اصلا داك البيت المسافه قريبه يلا مع السلامه،نزلته وانا في طريق البيت فجأة سمعته صوت زول بقول ي شهد،شهد،اتلفتهه لقيتو حسام عملته نفسي ماشه بسرعه لحقني عايز يمسكني زحيت منو قلته ليهو م تقرب مني لو سمحتهه،قال لي شهد عايز اتكلم معاك،شهد بطلي البتعملي فيهو دة الله يخليك،قلته ليهو عايز مني شنو؟قال لي مشتاق ليك شديد ي شهد انا ياخي عايني لي شكلي دة مرتين بس حلفتك بالله ياخي انا اتغيرته يشهدالله اتغيرته عشانك ي شهد والله اي شي في الدنيا دي مسخ لي انا لما دخلتي المستشفى فضل لي من الموت شبر ي شهد،سكتتت مسافه وانا قلبي عايز يطلع من محلو،قلته ليهو خلصته؟قال لي شهد انا مستعد اكلم اهلي يجو يتقدمو ليك اليوم لو عايزة بس انتي ارضي ي شهد ولو م عايزة انا بنتظرك بس خلينا نرجع لبعض ي شهد م ممكن تقفلي كل الابواب كدة في وشي ماف زول م بغلط ي شهد ي شهد ي شهد"بقى يقول كدة وصوتو مبحوح"انا شبه ضعفته قدامو وقلبي خلاص على وشك انو ينسى العملو ولساني على وشك انو ينطق بس العملو حاجه م كنت قادرة اتجاوزها اتحركته منو بسرعه ودقيت جرس بابنا بسرعه،م ينفع ارجع لي حسام ،م ينفع اضعف قدامو،م ينفع اتراجع عن موقفي ابداٌ،حتى لو رجعته ليه م بقدر اتجاوز العملو،م بقدر اتعامل معاه بثقهه،م بقدر احترمو ابداً،علاقتي معاه حتكون في توتر وعدم ثقه وهكون عايشه في جحيم😭💔
كل م حسام يمر بمخيلتي او يظهر في وشي بزيد اصراري على الشغل وتركيزي على اني اشتغل على نفسي وم اخلي لنفسي وقت فراغ تفكر فيهو💔وفعلاً المره دي دة الحصل، ضغطتهه نفسي شديد في الكورسات المنزلها لي ماهر في اللابتوب وابتديت بالفكرة بتاعه تصميم المواقع وبقيت ادخل يوتيوب واحضر كورسات اونلاين وكورسات تقويه للإنجليزي بتاعي وكدة،بقيت حتى لما اتصل لي اخواني بتكلم معاهم بلانجليزي ،ماهر عدة تقريباً ،في الفترة دي كنت كل م امشي المكتب بجو ناس عزو وغيرهم يمسكو بي زمن انا م بطلع بس هم بجوني،حتى عمو جعفر اللي ماسك الماليه بجي بقعد معانا بقى في جو ظريف في الشركه لحظه الفراغ وكدة ،واقترحته عليهم نجيب حجات بالشير نجهز الفطور في الشركه بدل م كل يوم نجيبو من برة وهم اتقبلو الحكايه وفععلاً ولاء بقت تمشي تاخد منهم الشير وبتديهم لسته يجيبو الحجات ونحن ندخل المطبخ نظبط ليهم الفطور،من بين الناس الكانت بتتظارف معي نائب العميد،كان كل م يلقاني بوقفني وبفتح معي مواضيع وكدة،وحتى احياناً بجي بقول لي عايز اشرب معاك الشاي وكدة،في يوم جا لقاني ماسكه تلفوني وبتكلم مع مناسك وبضحك بصوت عالي وشغاله في اللابتوب في نفس الوقت،اول م جا داخل عدلته قعدتي وطرحتي وهو بعاين لي بي نظرات كدة م تمام قلته ليها يلا سلام ي مناسك برجع ليك بعدين تمام،يلا ،قعد في الكرسي وقال لي م اكون ازعجتك وم خليتك تاخدي راحتك مع زولك،طبعاً انا بعاين ليهو بإستغراب وخلعهه كدة ،قلته ليهو لا دي صحبتي،قال لي صحبتك دي علي انا كمان؟قلته ليهو لا بالجد دي صحبتي،قال لي يعني عايزة تقنعيني انو م عندك زول؟
المشكله انو زول كبير يعني م عارفه ارد ليهو كيف بالوقاحه الهو فيها دي؟
قلته ليهو لا🙂قال لي زوله جميله وراقيه وصغيره يعني معقولهه بس،وبقى يعمل لي حركات بي وشو،بقيت اطقطق في صوابعي،قال لي انتي عارفه اسي انا في الشركه دي م كانت عندي علاقه بي اي زول لكن والله انتي من جيتي مزاجي وقع معاك شديد عشان كدة بقيت بجي افتتح يومي بالوجه الحسن دهه،لساني اتشل اللحظه دي يعني معقوله كبير كدة وم محترم دة بلديني،قلته ليهو تسلم ي عمو🙂الراجل وترني بطريقه م طبيعيه بس قلته يلا بكون م عندو موضوع ساي دة وحبه يتظارف لكن برضو م غريب علي شوفتو في مكان انا متأكدة💔

على حسب اني بقيت مضغوطه في الشغل وبرجع البيت بنوم بس حتى ناس بيتنا م بقعد معاهم كتير في يوم جيت من الشغل نمته على طول حتى لقيت ماما جات من المدرسه ولسه م جهزت الغداء،جاتني صحيه كدة طلعته م شايفه ليهم اثر لا هي لا بابا دخلته المطبخ برضو مافي ،طلعته من الهول مشيت على الحديقه حقتنا سامعه صوتهم اظنهم مفرشين سرايرهم في نص النجيله،مشيت عليهم فجاة سمعته ماما بتقول ليه "والله ي عبدالله دي فرصه م بتتعوض لو صحي كلام صحبك لكن كمان شهد م زوله عرس لسه صغيرة لكن انا عن نفسي لو وافقت طوالي بديها ليهو ولد هدي ورضي ومحترم واخلاقو عاليه في رقدة شهد دي وقف وقفه جد زول مسؤل واهلو سمعتهم طيبه والله العظيم سعد الهنا لو جا في وقتو الصح،بابا قال ليها اي هم م فيهم نضمه ولا بتفوتو خصوصاً حكايه رفضهم قصه صعبه شويه لانو زول اكتر من اخوي لكن كمان م بنقدر نضيع مستقبل البت بالعرس وانتي عارفه نظرتي تجاه الموضوع دة لما فاتحني في الموضوع م عرفته اقول ليهو شنو لا عرفته ارفض ولا عرفته اوافق رغم انو

زول متفهم واكيد الموضوع دة م حيعمل فجوة في علاقتنا لكن...ماما قالت ليهو والله هم ناس محترمين شديد والف مين يتمنى يناسبهم لكن البسوي الله كلو كويس،قال ليها اي والله لكن اسي هو كان اقتراح ساي يعني لسه كدة نشوف لقدام البحصل شنو 💔..

انا على طول رجعته خطوتين لورا ومشيت غرفتي ورجولي بتضارب في بعض،يعني اهل ماهر عايزني انا لي ماهر؟اهاااا يعني ماهر م عمل دة كلو علشان خاطر عيوني او يقيف جمبي او غيرو،يعني بس يمهد لي اهلي بي تشغيلي معاهو،ويمهد لي اهلو الموضوع في نفس الوقت،اهاااا طيب طيب لمن يرجع 💔لا والمشكله الاكبر بابا وماما عاجبهم شديد يعني حتى م شايفين الموضوع من ناحيتي ابداً بس شايفين ماهر واخلاقو ووضعو وحسبو وهكذا حتى بابا اللي انا شايفه تفكيرو مختلف ...💔

اتعاملته معاهم بطريقه طبيعيه شديد نهائي م اوحيت ليهم اني عارفه الموضوع لغايه م الاسبوع خلص وجات بدايه الاسبوع م مشيت يوم الأحد وانا عارفه انو ماهر جاي ي الخميس ي الجمعه وحيجي يسأل مني وحيلاحظ عدم وجودي في المكتب،بالفعل دة الحصل وحتى اتصل علي م رديت ،نهايه اليوم امي جات راجعه البيت حوالي الساعه4عصر كدة قالت جات من المدرسه لقتني جهزته الغداء وقاعدة ماسكه تلفوني،قالت لي مالك م مشيتي الشغل؟قلته ليها عرفتي من وين؟قالت لي اتصل علي ماهر بسال منك،قلته ليها ساي بس م مشيت،قالت لي والله دة.كلام لكن ي بتي الشركه م حقت ابوك عشان تمشي بمزاجك وتغيبي بمزاجك،قلته ليها هو قال ليك كدة؟قالت لي بري بس غيابك كتر وانا ك زوله عندي شغلي الخاص لو زول بعمل زيك اكيد م حأخليهو ع كيفو،قلته ليها الغداء جاهز☺قالت لي بت السرور ي يمه دخلت المطبخ وبقت تفتح الحلل وتقول لي عاد لكن ماشاءالله ناقصك العريس بس ي بتي،عاينته ليها بي طرف عيني وقلته ليها م تحلمي،قالت لي مالو العرس؟انا امك دي عرسته عمري14سنه قلته ليها دي انتي ي امي م انا😒خليتها دخلت غرفتها وشلته ليها مويه وصلتها ليها ،طلعته من غرفتها ومشيت قعدته في الحديقه حقتنا وجات هي زاتها قعدت معي وبقينا نتونس وتحكي لي موالات المدرسه لغايه بعد المغرب جات عربيه وقفت قدام الباب،امي قالت لي الليله ابوك جا بدري مالو؟قلته ليها م عارفهه،شويه كدة الباب دق،كنت لابسه بجامه بس مشيت على طول فتحته الباب اتفاجأ بي ماهر بقول السلام عليك...قبل م يتمها جريت على امي وقلته ليها في ضيوف اللبسي توبك وجريت دخلته البيت جوة،بعد مسافهه ماما جاتني في الغرفه قالت لي اطلعي سلمي ي بت،قلته ليها لشنو؟قالت لي اجي؟قمته بزهج طلعته عليهو اول م وصلتو قال لي "شهد عبدالله"قلته ليهو اهلين كيفك،قال لي تمام الحمدلله وانتي؟قلته ليهو الحمدلله،طبعاً حتى نبرة صوتو وسلامو متغيرة م زي زمان وكدة،امي بقت تسالو عن اهلو والجا منهم و...خليتهم قاعدين ومشيت جبته ليهو عصير وجيت قعدته ف لقيتو بسأل من بابا،قلته سؤالو من بابا دة اكيد م ساي عايز يفاتحو في الموضوع زي م فاتحو عمو💔قال لي شهد اها الشغل كيف والمواضيع الخليتك عليها ديك؟قلته ليهو تمام الحمدلله،قال لي اتسهلت لي او قدرتي تمشي فيها؟ماما قالت ليهو والله شايفاها مجتهدة شديد وبتساهر والوقت كلو بتحضر غايتو استفادت من زمنها افضل ليها من قعدة ساي،قال ليها عشان كدة انا اقترحته عليها الشغل وكدة،في قلبي قلته ليهو "يقترحوك في قوانتنامو "ماما قالت ليهو لكن عندها حبه تسيب كدة من الدوام بالمزاج،عاين لي وقال ليها اي قالو لي متسيبه حبتين لكن م مشكله اكيد عندها اعذار منطقيه واساساً الشغل دة احياناً بتجيك زهجهه كدة منو اسي انا زهجه بس تميت في الإمارات هناك شهر وزيادة،ماما قالت ليهو فعلاً لكن الانضباط مطلوب
*ي ربي ماما دي عايزة تهدي النفوس ولا تشعللها؟🤔ع العموم اساساً كدة كدة بالنسبه لي تاني م ماشه اي دوام ولا زفت يلا نشوف بعدين الراي بكون شنووو؟فضلو يتكلمو وانا ساكته لغاااايه م قام فجاة ماشي وقال ليها دي حجات بسيطه جبتها ليكم معي ،ماما قالت ليهو ي ولدي ليه تاعب نفسك كدة؟قال ليها معقوله بس ياخي ي خالتي تعب شنو العفو ياخ،قالت ليهو تسلم ي ولدي م قصرته ياخي الله يقوي ياعدك ويحفظك ي رب و...لغايه م استأذن طالع،كل كيس معلق فيهو ورقه بإسم.صاحبو ،بعد م طلع بس اظنو طلع في الباب ماما مشت تقدمو،لمحته الكيس شلتو على طول وجريت شلته تلفوني من الغرفه وطلعوه بي باب غرفه مهند البطلع في الحديقه واتصلته عليهو تلفون رد بإستغراب،قلته ليهو اتحركته؟قال لي لأ ليييه؟قلته ليهو خليك م تمشي عايزاك ضروري،قال لي خير ان شاءالله؟قلته ليهو طالعه عليك انا ،قال لي طيب وانا كمان عايزك في موضوع منتظرك برة،وقفته في باب غرفه مهند لغايه م راغبته ماما مشت بالاتجاه التاني طلعته على طول وانا بتسحب لغايه م وصلته الباب فتحتو وطلعته لقيتو واقف بعيد شويه مشيت عليه نزل لي القزاز قال لي اركبي،قلته ليهو لا م بحتاج،قال لي وقفتك هنا م كويسه يمكن يجي عمي عبدالله او اخوك او حتى يشوفك زول من الحي اركبي ،فتح لي الباب ركبته اول

م ركبته انا شايله الكيس بتاع الهديه اللي بي اسمي في يدي،بقى يعاين لي بي حيرهه،قال لي ااااا...قبل م يتم كلمتو قلته ليهو اول حاجه اتفضل هديتك انا م عايزاها سعيك مشكور،تاني حاجه بالنسبه للموضوع الانت عايزني فيهو انا م موافقهه ي سيدي اوكيه؟+اتفضل دي إستقالتي من الشركه انا لو عارفاك عامل دة كلو علشان تمهد لي اهلي واهلك انك عايزني وكدة م كنت وافقت ابداً وعلى فكرة م كان في داعي للنفاق والاستشراف والرهابه دي كلها علشان تعكس صورة كويسه ابداً الموضوع م كان محتاج اللف والدوران دة كلو ع العموم دي استقالتي من شركتك وشكراً بالجد وي ريت ي ريت ي ريت م تحاول تفتح الموضوع دة مع اهلي او تحاول تخلي عمك يفتح الموضوع دة معاهم لانو جوابي في كل الاحوال حيكون لا افتكر افضل تكتفي انت بكدة...💅❤

#كسرهه

الناس البتسأل عن مين هي شيراز عثمان،ي جماعه شيراز عثمان دي كاتبه خواطر واقتباسات جميله ولأنو اقتباستها بتعجبني بشاركها مع القصهه دة حسابها ي ريت تعملو ليها فلو صدقوني كتاباتها معبرة شديد الله يديم مداد حروفها...❤
wessam hamdan

..🎭هترشات 😊سودانيه🎭:
♤♤♤♤♤♤♤♤♤♤♤♤♤♤♤♤♤
💫💫♡هترشات (͡๏̮͡๏) (͡๏̮͡๏)سودانيه♡ 💫💫


يومآ ما سأكون😍😍 في شواطئ🏖🏝🏖 سويسرا😍😍

و أشرب العصير🍹🍹 العندوا مظلة 🍹🍹🤣🤣🤣
إنتوا المظلة 🍹🍹 دي بتتأكل ولا عشان العصير ماااا يعرق😂😂😂🤔🤔🤔


💎💎هترشه.عجيبة.tt 💎💎

   ┏━━━━━━━━━┓
彡♡ @hatrshat ♡
     ┗━━━━━━━━━┛
❍٩≈≈≈≈≈≈≈≈≈≈≈≈≈≈≈≈≈≈❍
❉°…………°❈😂❈°…………°❉

🎭هترشات❈👳🏾👳🏾❈سودانيه🎭