ابداً،بعد مسااافهه قلتهه ليهو بصوت مبحوح"لغايهه اللحظهه دي لسسسهه عندي الصلاحيهه في اني اقول ليك خلي بالك من نفسك صح؟
فضل سااااكت وم نطق ولا بكلمه ولا حتى حركه م اتحركها فضلنا على الوضع دهه تقريباً5دقايق بعدها سمعنا صوت نبيح كلب،مع صوت الكلب دهه انا جفلتهه او وعيت لنفسي،اتفكيت منو وانا مخلوعهه عايزة امشي مسكني قال لي بصوت مبحوح وخافت اركبي العربيه ،عايزة اتفك منو جراني وفتح الباب ركبني وركب ،
قادرين تتخيلو معي الموقف الانا ختيت نفسي فيه وصعوبتو؟حرفياً اتمنيت الارض تنشق وتبلعني اللحظه دي ،اللحظه الوحيدة الأيقنت فيها قدر شنو الشيطان دة شاطر،اتحرك وهو ساكت وقف قدام البيت قبل م يقيف كويس حتى انا نزلته من العربيهه وجريت دخلته البيت،😭💔دخلته البيت مُنهارهه شديد جريت دخلته غرفتي و قفلتهه باب غُرفتي علي وبقيت بصرخ وببكي وانا واقعه في الأرض وبقول انا خسرتو خلاص ،خسرتو للأبد تاني انا كيف عملته كدة وليييييهه ،حيفكر فيني كيف بعد كدة ؟حيقول علي شنو بعد الانا عملتو دة ؟ليييهه م ضبطتهه نفسي ومشاعري وخليت اللحظه دي تعدي لييييهه بس الله ينعل ابو كدة ياخ ينعل ابوكدة
وانا في الحالهه دي فجأة تلفوني ضرب،رفعتو الصدمه كانت انو دهه هو،ابيت ارد،تاني رجع يتصل رميت التلفون بعيد مني💔فضل يتصل مكالمات كتيرة لمدة اكتر من نص ساعهه كان بتصل بعدها رسل رسايل فتحته الرسايل لقيتو كاتب لي "انا لسسسهه واقف جمب بابكم اطلعي عايز اتكلم معاك ،قفلته التلفون ورجعتهه رميتو،م تميت 10دقايق فجأة باب غرفتي دق،رقدتهه في سريري بسرعهه ،فجأة الباب فتح سمعته صوت امي بتقول نايمه والله ي ولدي دقيقه اصحيها ليك امي بقت تصحي فيني شهد،ي بت شهد،عملته روحي ميته بس امي فضلت مُصرة تصحي فيني لغايه م فتحته عيوني،قالت لي قومي ماهر دة دايرك في التلفون شوفيهو مالو خير اللهم اجعله خير تعابير وشها كانت تعابير وش زول مقلق ومخلوع ،مسكتني التلفون بقيت بعاين ليها وهي واقفه بتعاين لي،قالت لي اتكلمي،ختيت التلفون في اضاني ،قلته بصوت مبحوح إحم الو؟قال لي انا لسسسهه واقف برة منتظرك ممكن تبطلي البتعملي فيهو وتطلعي؟شهد انا م متحرك من محلي دهه مالم تطلعي انا ضروري محتاج اتكلم معاك اسي وفي اللحظهه دي ي شهد ...💔

#ذات_عناق_1

إشتقناااو🌚
#كسرهه:
م تستعجلو للردم ي جماعهه المحتوى في الجايات دي بدايهه من النص😁💔

#كسرهه_تانيهه
اتفااعلو الروايه هنا ❤

#ذات_عناق_2

شهد انا م متحرك من محلي دهه مالم تطلعي انا ضروري محتاج اتكلم معاك اسي وفي اللحظه دي ي شهد،بقيت اعاين لي امي وانا ساكته م قادرة اتكلم
سكتت مسااافه حتى قلته ليهو صعبه شديد والله ماف طريقهه يلا تصبح على خير وقفلتهه الخط بسرعهه،امي قالت لي بي لهفهه كدة خير مالو كويس؟قولته ليها كويس،بقت تعاين لي بإستفهام كدة،قلته ليها م عندو موضوع ساي بسأل عن البدلهه اذا في طريقه تتوفر منها لي اصحابو بكرة تكون على نفس الديزاين وكدة،قالت لي قطع قلبي عليك الله دة زمن بتصلو فيهو عشان يسأل سؤال زي دة الولد المجنون دهه،انا قُلت الا كان حاصلهه ليهو مصيبه من مصايب الدنيا ديل الله يحفظو ويغطي عليهو،قامت ماشه رجعت قالت لي وانتي البدله وديتيها ليهو متين مش المغرب دة كانت قاعدالبيت؟ طبعاً بقيت بفتش لي جواب بعد مسافه قلته ليها طلبته بتاع توصيل جاني بعد اذا العشاء قدام البيت هنا اديتها ليهو يوصلها،
قالت لي شنووو؟اديتيها لبتاع توصيل؟كان شالها ومشى انتي الضمنك شنو؟
طبعاً انا عايزة ابكي وم قادرة فجأة دموعي جات جاريه مسحتها بسرعه ولفيت وشي على الحيطه،
امي انتبهت لي اني ببكي،قالت لي ي بت مالك بتبكي؟
سكتت
قعدت جمبي في السرير السرير قالت لي ي بت شهد بتكلم معاك انا ،عايزة اغطي وشي مسكت مني الغطى قالت لي من متين بتدسي مني شي؟متشاكله مع ماهر ولا شنو؟
هزيت ليها راسي بمعنى لا،
قالت لي اكيد متشاكله معاهو اصلو إتصالو زي الزمن دة م ساي مالك معاهو الولد العريس ي بتي،قلته ليها ي امي قلته ليك ماف شي والله،
قالت لي سمح بتبكي مالك؟
قلته ليها مُصدعهه بس،
قالت لي دة م بكى صُداع تحكي لي ولا ارجع لي ماهر اخليهو يحكي لي؟
بقيت اعاين ليها،عايزة تشيل التلفون فجأة سمعنا صوت حركه برة في البيت،بقينا نعاين لبعض احساس في خوفه وكدة،
امي مشت على باب الغرفه طلعت راسها وقالت:مُنذر؟!
قال ليها نعم ي امي
قالت ليهو انت ي ولد انا مش قُلته ليك تجي داخل البيت بدري؟انا والله تاني اقفل منك البيت دة الا كان تنوم في الشارع عشان قله ادبك دي،
ضحك وجا وقف جمب الغرفه وضحك قال ليها حكومهه يااا عارفك بتعمليها بس اهون عليك انوم مع الكلاب برة؟قالت ليهو انت زاتك م كلب زيهم الكلاب زاتها بتتلمى على بيوتها مع البرد دة،
جا داخل الغرفه قال ليها خلاص ي حكومه اخر مرهه،
قالت ليهو اخر مرهه دي من كُتر م قلتها قربت تفقع مرارتي انت ي ولد م ناوي تبطل تباري الفارغهه دي؟اصحاب السجم المباريهم ديل بغطسو حجرك بالمصايب البشربوها ديك،
قال ليها ي حجهه مصايب شنو حمانا الله ياخ والله السجاير زاتو الواحد بشربها مرة مرة،وبعدين مالكم مساهرين للزمن دة انتو الليله؟منتظرني يعني ولا شنو؟
شهد عندك حجات جبتها ليك دخلتها التلاجه و..
سكت وبقى يعاين لي،قال لي مالك؟
م رديت عليهو،
قال لي امي دي مالها بتبكي؟
قالت ليهو انا زاتي صاحيه للزمن دة عشان اعرف إجابه السؤال دهه؟!
جا قعد جمبي قال لي مالك في شنو ؟هزيت ليهو راسي وقلته ليهو ماف شي،قال لي عايني م تقولي لي ماف شي بي وشكك دة،في زول زعلك؟اتشاكلتي او اتناقشتي مع امي؟
امي قالت ليهو بري يطرشني كان اتكلمته معاها كلمه،
غطيت وشي بي يدي وبقيت ابكي ،امي ومنذر بقو يعاينو لبعض،منذر قال لي انا بتكلم معاك حاول ينزل يدي من وشي زحيتهم منو،جراني وضماني عليهو وقال لي بصوت ملهوف في شنو ي زولهه انا مش اخوك احكي لي المضايقك شنو؟الحيوان دة تاني رجع يعمل حركات و يضايقكك؟لو رجع يضايقك كلميني عشان اتصرف معاهو،فضلتهه ببكي مسافهه وهو بطبطب علي،قال لي اتكلمي ي شهد قولي لي في شنو رجع تاني لي أمورو ديك ولا زول من اهلو حاول يضايقك؟رفع راسي من كتفو ومسك يدي وبقى يعاين لي،قلته ليهو ماف شي ي منذر انا بس مصدعهه،امي قالت لي من متين بتبكى للصداع كدة ي بت؟
منذر قال لي وتاني؟واضح انو م بكى صداع!؟
بعد مسافه قلته ليهو ومشتاقهه لي بابا،مشتاقهه ليهو شديد ،كان بجيني في الحلم وبتكلم معي واسي ،رغم إني قاعدة أصلي وبدعي ليهو كتير بس بقى م بجيني في الحلم نهائي 😭💔
امي قعدت في السرير التاني وبقت خاته يدها في وشها💔
منذر رجع ضماني عليهو وهو ساكت وانا بقيت ببكي شديد كل البكى الجواي رغم اختلاف اسبابو بكيتو اللحظه ديك،امي زاتها بقت تبكي ومنذر كمان،بعد اكتر من 10 دقايق رفع لي راسي وقال لي كفى حاولي نومي بعد كدة تمام؟يلا ي أمي انتي زاتك السهر م كويس معاك يلا،رقدتهه وإتغطيت وهم طلعو شويه كدة باب غرفتي فتح وسمعت منذر بقول لي شهد!؟
رفعته راسي لقيتو جايب لي مويه في كُبايهه وحبوب في يدو،قال لي هاك ابلعي الحبه و اشربي،مسكته الكبايه شربه بسيط منها وبلعته الحبه،سكتت مسافه حتى قال لي كلنا م اتجاوزنا وفاة ابوي ولا حنقدر نتجاوزها ي شهد ابداً وفاة ابوي كسرت ضهرنا كلنا حتى نحن الرجال م انتي بس لكن ي شهد كمان نحن قدامنا في امي م عايزين نخسرها هي كمان انتي عارفه عانت قدر شنو بعد وفاة ابوي وعارفه صحتها شويه م تمام ف عشان امي بس نحن لازم نتماسك

وقلت بصرخهه وااااي باردي،كلهم بقو يعاينو لي مخلوعين،رفع الاسكيتش بسرعه وقال لي بي غضب دة شنو يا...قبل م يخلص كلامو اداني بُنيهه طاااااخ في وشي طبعاً لما حسيت بي دوخهه وشال علبه الهندسه من البينش وبكل قوتو ضربني بيها في راسي ودي كانت بدايهه الحكايهه...💔

#إقتباسهه:

في تلك اللحظه فقط تاكدت من انك لست بصديق
فقد كنت تطل من عيناي،قلبي دائما يخبرني بأنك
الملتقى فقدكنت اخبئك في منفى الحب بين الحروف والصفحات لم يكن قلبي فقط بل حتى تلك الحروف
التى خبئتك بينها كانت كلها تضج بك

صح؟هزيت ليهو راسي بمعنى ايوة،قال لي نحن اخوانك كلنا قاعدين صح يمكن م نملى فراغ ابوي بس بنعمل كل البطلع بيدنا عشان م نحسسكك بالفراغ دة،قلته ليهو عارفه كدة ي مُنذر،😭💛قال لي طيب اطلعي من دور الدراما كوين الانتي داخله فيهو دة وعندي بنطلون وقميص عليك الله بكرة لو صحيتي بدري اكويهم لي معاك،بقيت اعاين ليهو بغيييظ،
ضحك قال لي مالك؟والله جبته ليك شاورما زاااااابطهه شديد ولا فاضيه لشاورما انس زاتو اعتبريها رشوة وجازفي لي المكوة دي😂💔قلته ليهو انقلع من وشي ياخ والله اكورك لي امي😭💔ضربني في راسي وضحك وقال لي اصحى اللقاهم جاهزين بالله🌚
اليوم دة اصلي م نمت وفضلته صاحيه وبفكر في ماهر كان عايزني لشنو بعد الحصل دة؟وحيقول لي شنو يعني كان؟مستحيل يتعامل مع الموضوع بطريقهه طبيعيهه ابداً كدة ماهر وانا بعرفو 😭💔

الصباح صحيت صليت الصبح ،ورجعتهه رقدتهه، اليوم لازم اعمل نفسي عيانهه شديييد علشان م امشي عرس ماهر مع امي،وبالفعل جسمي كان مسخن ومصدعهه بس قُلت استغل الحاجه دي في كدة،
حوالي الساعه9ص كدة امي جات صحتني قالت لي ي بت شهد قومي إشربي الشاي ،فضلت تصحي فيني مسافه قلته ليها امي انا م عايزة،قالت لي قومي بلا م عايزة معاك،قلته ليها مصدعه شديد م قادرة ارفع راسي حتى عايزة حبوب بندول بس،ختت يدها في جبهتي بالفعل لقت جسمي سُخن،قالت لي قومي ارح الدكتور جسمك دة سخن،قلته ليها لا بس عايزة حبوب،قالت لي ي بت بطلي قوة راس،قلته ليها ي امي الله يخليك بس جيبي لي حبوب،قالت لي كويس،مشت جابت لي حبوب وجات اخدتها ورجعتهه شبه نايمه وصاحيه بهلوس بي ماهر وعرسو و...المهم لغايه الساعه12ونص ضهر انا نايمه تحت البطانيهه،بعدها امي جات قالت لي ي شهد رفعت مني الغطاء قالت لي م بقيتي كويسهه؟الحمى خفت؟بقت تهبش لي في جسمي قالت لي لسسسه جسمك دافي،ماهر دة إتصل بسأل منك تلفونك مقفول ،قلته ليها قولي ليهو عيانه م بتقدر تجي العرس قالت لو اتصل عليك تاني ،قالت لي دة كلام شنو؟كيف م بتقدري تمشي عرسو ي بت؟
قلته ليها امي انا تعبانه شديد السرير دة م قادرة انزل منو علشان امشي الحمام حتى ،امشي انتي ومنذر ،قالت لي ي بت انتي جنيتي؟
غطيت وشي منها قلته ليها عايزة امي اطفي معاك النور دة وانتي طالعهه،
قالت لي قومي نمشي الدكتور طيب اكلم منذر يودينا،
قلته ليها امي الموضوع م محتاج دكتور انا بس تعبانه شويه دة كلو الموضوع!!.
قالت لي وطيب عرس ماهر،قلته ليها امشي انتي ومنذر ي امي قُلته ليك انا م بقدر امشي بجد،
قالت لي ونخليك براك في البيت؟والله دة كلام دة بعد م طلعت قلبي بقى مقبوض رفعته راسي عايزة اشيل تلفوني تاني رجعته رقدتهه لو مسكتو في يدي اكيد م حأقدر اقاوم نفسي وحأتصل على ماهر😭💔
نزلته من السرير دخلته الحمام استحميت وجيت راجعه رقدته واتغطيت،بعد نص ساعه من اللحظه دي فجأة باب الغرفه دق،غطيت وشي بالبطانيهه،سمعت امي بتقول لي شهد،ي بت قومي ماهر دة قاعد برهه منتظرك،
انا في اللحظه دي قلبي وقف اتصلبتهه ولا حركه م قدرته اتحركها،قلبي عايز يطلع من محلو من كُتر الضربات،رفعت مني البطانيه قالت لي قومي ي بت،فتحته عيوني،قالت لي ماهر دة قاعد برة،قلته ليها كيف؟قالت لي اللبسي التوب دة هاك واطلعي ليهو،جريت البطانيه إتغطيت بيها وقلت ليها م طالعهه انا قولي ليهو عيانه ونايمه،قالت لي ي بتي الله يهديك الولد عقدو فضل ليهو اقل من ساعه جاي من هناك عشان يشوفك ويتطمن عليك يوم متين المرض منعك من شوفه ماهر؟دي حركات جديدة كمان؟
قلته ليها م طالعه وم بقدر انزل انا ي امي لو نزلته هقع جسمي كلو مهبط م بقدر قولي ليهو نايمه م صحت،
قالت لي ي بتي الله يرضى عليك،غطيت وشي منها،طلعت م تمت 5دقايق باب الغرفه دق قلته ليها ي إلهي ي امي ق ليك...فجاة سمعت صوت ماهر وهو بقول"إحم إحم انا م امك انا ماهر ،ادخل؟سكتت،قال لي شههد انا واقف لو م طلعتي او اتكلمتي انا هدخل،تحسباً لواقع انو حيدخل لانو مجنون وانا بعرفو جريت التوب ولفيتو حوالي من تحت البطانيه،بعد دقيقه بالكتير حسيت بحركات رجولو جوة الغرفه وسمعتو بقول "بتجبريني اتصرف تصرفات م صح وعلى طول رفع البطانيه من وشي،بقيت بعاين ليهو يعني بس كان احساس مجنون شديد كأني بتخيل شكلو في عقلي المريض وم واقع ابداً،كان لابس جلابيهه"على الله"بي طاقيتها وحالق لحيتو على خفيف رغم غزارتها وملامح وشو مليانهه ارق كدة ونرفزة وغضب وعيونو شبه مورمه وريحه العطر بتاعه بقت ماليهه الغرفه من تعابير وشو للحظه حسيتو حيضربني،قال لي دي حركات وقلهه ادب جديدة؟بقيت اعاين ليهو بي خوفهه،قال لي ارفعي راسك دة وقومي اقعدي عديل انا بتكلم معاك رفعته راسي وقعدته وانا بصلح في التوب وبلفو حوالي،بقى يعاين لي وهو ساكت وانا متنحهه فيهو واتهبلتهه ،ختهه يدو بين جمبات راسو احساس زول مصدع وكدة 💔وانا سرحانهه فيهو يعني حتى ملامح وشو وهو جادي بتلخبط الزول،قال لي ممكن افهم الحركات دي لزومها شنو؟سكتت وانا منزله راسي ومشربكه يدي مع بعض وضاغطهه عليهم وراس

ي م قادرة ارفعو،قال لي شهد انا بتكلم معاك ،
فضلتهه ساكتهه فجأة دموعي جات جاريه،
قال لي انا جاي هنا اسمعك وافهم منك ليييهه بتتصرفي التصرفات دي م جاي اشوف دموعك اتفقنا؟
طبعاً في اللحظه دي م جا على بالي الا موقف امس،بكيت مساااافهه حتى قلته ليهو وانا ببكى وبقطع في الكلام ماهر انا اسفهه بالنسبهه لموقف امس م ك...قبل م اتم كلامي قال لي موقف امس انتهى امس في مكانو بالنسبه لي وي ريت م تحاولي تفتحي موضوعو ابداً انا م جاي عشان اتكلم معاك بخصوص موقف امس لانو مافي حساباتي، انا جاي عشان افهم السبب العظيم المخليك م تجي تحضري عرسي شنو؟مش لغايه اول امس كنتي بتخطي معي وبتحكي لي عن الحجات الحتعمليها لي يوم العرس؟مش قلتي لي إنك حتهجزي لي جلابيه العقد؟واول صورة حتاخديها معي قبل م امشي العقد؟مش قلتي لي حأجهز ليك شنطه السفر حقتك وحتساهري معي بمكالمه لغايه الصباح وحتمسكي بي زمن علشان دي حتكون اخر مكالمه ليليهه بينا؟مش قلتي لي حتعملي لي ازبط قعدة دلوكه بعد العقد مباشرة وحترقصي معي وانو انتي الحتكوني الاشبينه الوحيدة وسط اصحابي وتابعه لي؟مش انتي القلتي لي متتظرة عرسك دة بفارغ الصبر ومتحمسه ليهو شديد مش دة كلامك؟
بقيت اعاين ليهو وهو متضايق شديد لمن عروق جبهتو ظهرت،
قلته ليهو بس انا عيانهه😔💔
قال لي شهد ماف زول بفهمك اكتر مني،جا قعد جمبي وخته يدو في جبهتي قال لي م عيانه العياء البمنعك تمشي عرسي ي شهد💔م قادرة ارفع عيني اعاين ليهو بتجنب نظراتو لي مسك مناخري بي اطراف صوابعو وقال لي شهد انتي نسيتي إنو انتي اختي الصغيرة وبتي وامي وصحبي كمان؟لو نسيتي ازكرك انو انتي بالنسبه لي كلهم،عمرك لقيتي ليك ابو بيزعل من بتو؟عمرك لقيتي عريس فرحان بي عرسو واهم واقرب زول لقلبو م فيهو؟ايوة ممكن أخد في خاطري منك شويه بس الشويهه دي حتخلص بي اول كلمه منك ،م ينفع عرسي يعدي بدونك ابداً م حيتسمى عرس طالما انتي م فيهو فهمتي،والله عادي ممكن ابطلو بعدم جيتك دي،رفعته راسي وعاينته ليهو،قال لي عارفاني في حجات م بهظر فيها انا خصوصاً اذا الموضوع بخصكك،قلته ليهو ماهر يخخخ بطل هبل،قال لي الهبل البتعملي فيهو انتي دة،شهد العقد فضل ليهو نص ساعه بالكتير المفروض انا زي الزمن دة اكون بجهز في نفسي او المفروض انتي تكوني بتساعديني بس شوفي انا قاعد عشان احنس فيك تجي العرس💔قلتهه ليهو اسفهه😔💔قال لي ما اسفهه حتمشي وأنا م بقول ليك كدة عشان اخد رايك او بخيرك انا فارض عليك الحاجه دي!!!قلتهه ليهو حاضر؟!قال لي وحتطلعي من حاله الدراما الانتي فيها دي،هزيت ليهو راسي بمعنى ماشي،بقيت م قادرة ارفع عيني منو ماهر قدامي بالعلى الله،وريحهه عطرو ماليه الغرفهه،والحنهه في يديهو ورجولو،وعريس💔قال لي يلا انزلي قدامي،بقيت اعاين ليهو،قال لي يلا انزلي،قلته ليهو اي اطلع علشان انزل،قال لي لا قدامي،قلته ليهو ياخ انزل قدامك كيف احتمال م لابسه ملابس كويسهه😒خجل على طول قام على حيلو وقال لي طيب منتظرك برة،طلع بعد مسافه نزلته لبسته التوب وطلعته بيهو برة ،لقيت امي جابت ليهو عصير وقاعدة تتونس معاه قال ليها جات المنفسنهه عاينته ليهو بطرف عيني،قلته لي امي مُنذر م صحى؟قالت لي لا لسسسه نايم يوم متين صحى بدري هو كمان التاني،ماهر قال لي امي ي خالتي ياهو قدامك شهد دي لو م جات العرس البينا حيكون انتهى بجد،قالت ليهو لالا ي ولدي الله يديم البينكم وإن شاءالله بتجي،قال لي سامعهه!؟هزيت ليهو راسي بمعنى ايوة،قال لينا لو منذر عمل ليكم حركات وم جابكم اتصلو علي اخلي زياد يجي يسوقكم تمام ي خالتي؟قالت ليهو تمام ي ولدي ربنا يتم ليك على خير إن شاءالله ويسعدك،قال ليها امين يلا انا استأذن لانو وراي جوطه عقد امشي احصلها،
في اللحظه دي قلبي عمل شححخ قادرين تتخيلو البتحبيهو قدامك وماشي على عقدو وهكذا...💔
امي قالت ليهو اها ي ولدي إن شاءالله البدله طلعت مقاسك؟عاين لي مسافه وقال ليها مقاسي بالتفاصيل الممله كمان تسلمو ي خالتي م كان تتعبو نفسكم التعب دة كلو ياخي💔قالت ليهو استنى انا لسه م اديتك هديتك دي هديه شهد بس زكرتني اطلع ليك الهديه بتاعتك كان مفروض شهد توصلها ليك الليله دقيقه دقيقه،قامت مشت وخلتنا برانا وحاسه انو عايزة ارفع راسي واعاين ليهو وعايزة الارض تنشق وتبلعني في نفس الوقت،جاتو مكالمه وقف على حيلو وفتح الخط وقال"اي ي زياد،قريب جاي جاي اسي يلا سلام"بعد قفل الخط قال ي خالتي ،امي جات شايله ليهو طبق الهديه اللي هو كان عبارة عن "طقم جلابيه جرتق كامل فيهو 3 نجمه وهلالين دهب وجزمه وعطر ومغلفاهم ليهو ،قالت ليهو دي حاجه بسيطه ي ولدي لي عرسك ،قال ليها ي سلام ياخ ي خالتي ليييييهه التعب دة كلو ،قالت ليهو تعب شنو ي ولدي انت زيك زي منذر وشهد عندي م بتفرق منهم بي شي ودة ابسط شي اقدمو ليك،قرب عليها حضنها وباسها في راسها مسااااافه وقال ليها الله يخليك لي ي امي وم اتحرم منك ابداً،بعدها قال لينا يلا انا استأذن،امي قالت ليهو الله يعدلها عليك ي ولدي شهد قومي

وصليهو الباب،عاينته ليها بغيظ بس وقفت على حيلي ومشيت على اتجاهو،بقيت ماشه وراهو وانا م حاسه برجولي شايلاني حتى،وصلته جمب باب الشارع قبل م يفتحو قال لي حاولو تعالو بدري واول م تصلو إتصلي علي وافتحي تلفونك تمام ي شهد؟قلته ليهو بصوت مبحوح ومتردد حاضر❤هو م قادر يتخيل كميهه الضعف الانا فيهو اللحظه ديك وانا شايفاهو قدامي كدة،عايز يفتح الباب رجع دخل يدو في جيبو وطلع تلفونو وقال لي شهد،قلته ليهو نعم ،رجع خطوتين ووقف جمبي ورفع تلفونو واخد لينا صورة مع بعض،وقال لي علشان التاريخ يسجل إنو انا عندي شافعه حتى يوم عرسي م ريحتني 😒💔بقيت اعاين ليهو ،تاني تلفونو ضرب،قال لي يلا سلام طلع وانا بقيت واقفه في الباب وبعاين ليهو وهو ببعد خطوة خطوة مع كل خطوة كنت حاسه انو قلبي هو الببعد من مكانو م هو،لغايه م ركب العربيه عاين لي وهو رافع يدو واتحرك❤دخلته البيت وانا للحظه حاسه بنفسي عايزة اقع،عايزة ابكي،م عايزة اشوف اي شي قدامي ولا عايزة اسمع صوت زول،لاقيت امي قالت لي والله كسر خاطري ي حليلو اريتو ولادة النسوان كُلها،ي بتي الزول الما بتهون عليهو العشرة دة م مفروض يهون عليك ابداً شوفي اسي خلى عقدو وعرسو وكل شي وراهو وجا كايس دربك عشان يشوفك لو زول تاني صدقيني م كان هيعمل كدة حتى لو كان اخوك ود امك وابوك،زول زي دة ببقو عليهو عشرة ي بتي م تخلي سذاجتك تخسرك ناس م بتعوضو ولا ب الف غيرهم،فضلت ساكته بعاين ليها، قالت لي هي بمناسبه اخوك نسيت انا قفلته منذر بي برة لما ماهر دخل عليك الغرفهة خفته يصحى ويلقاهو ويعمل موضوع ساي دقيقه امشي افتحو سرعهه إن شاءالله م يكون صحى بس الليله وووووب...💔
...

هاي انا شهد بت واحدة وسط 4اولاد،ابوي دكتور متخصص جراحه قلب وكلى،وامي استاذة ومديرة مدرستها الخاصه اساس وثانوي كلها مع بعض بإختلاف الطوابق كل طابق محدد لي مستويات،اخواني 3منهم طلعو على نمط ابوي،حُسام الكبير دكتور في السعوديه،ومجتبى صيدلي ،و مؤيد طبيب بيطري في قطر ومنذر دة الوحيد الطلع طفرة بدرس مُحاسبهه في السودان،انا كانو كلهم عايزني اقرا طب اسنان حسب رغبه بابا في كدة بس لأسباب كتيرة م اتوفقتهه حنشوفها بعدين،قصتي ابتدت قبل كم سنه او بالتحديد من لما كنت ممتحنه شهادة اساس،على حسب انو انا بت صاحبه المدرسهه وكدة ف كنت البت المشاغبه الشفتهه والكيوتهه وعامله رهيييبهه وبتتعامل ب إستثناء في كل شي نظام انو المدرسه مدرسه امها وكدة.
في مره من المرات ونحن في نص السنه كدة في يوم جا ولد داخل الفصل وطبعاً نحن مدرستنا مختلطه حتى الفصول مختلطه،الولد كان جديد يعني اول مرة نشوفو في الفصل،وهو كبير شديد بالنسبه لينا والفصل كلو بعاين ليهو،بعد م دخل ب5دقايق جا استاذ دخل وراهو سلم علينا وكدة،اها بعداك الاستاذ زاتو لاحظ لوجود الحاجه العملاقه دي وسطنا،قومو وقال ليهو انت تبع منو؟سكتت!!،قال ليهو ي شاب،قال ليهو انا طالب جديد،الاستاذ قال ليهو بإستغراب طالب جديد؟كيف يعني طالب جديد ي شاب؟!طالب معانا هنا انت متأكد؟قال ليهو ااايوة المديرة قالت لي امشي الفصل دة،
الاستاذ قال ليهو انت عايد؟الولد هزة ليهو راسو بمعنى ايوة في اللحظه دي انا قمتهه ضحكتهه وصحباتي المعي برضو ضحكو والاستاذ ظهرت ابتسامه خفيفه كدة على وشو وقال ليهو اقعد طيب واتلفت على السبورة ،بعد ربع ساعه بالضبط باب الفصل دق كانت امي،قالت ليهو استاذ الحبر معليش ياخي في طالب جديد هنا دخل عندكم بالغ...،قبل م تتم كلامها قال ليها ايوة ياهو موجود اتفضلي،دخلت قالت ليهو ي ولدي انا قلته ليك الطابق التالت الفصل رقم 3 علمي الجابك هنا شنو مع الشفع ديل؟تعال تعال كدة،
هنا انا ضحكته ضحكهه سخريهه وشماتهه كدة ،امي عاينت بي تكشيرة كدة،والفصل كلو بقى يضحك فيهو،قلته ليهو واااااااا عاينو العوير مقلب نفسو براهو😂😂😂😂😂😂😂💔امي قالت لي بي نهرة شهد،فضلته اضحك بصوت عالي والفصل كلو بضحك حتى الاستاذ لغايه م طلعو،المهم هو بعد كدة بقى لي موال بقيت كل م اشوفو في لفه من لفات المدرسه بقول ليهو العايد المقلب نفسو وبشغلها ليهو كتيييير وبتنمر عليهو كنت كل م اشوفو مع اولاد او في مكان فيهو تجمع وماف زول بقدر يسألني او كدة ابداً غايتو م كنت بفوت فيهو فرصه وهو بالجد بتحاشاني وم قاعد يسالني احساس إنو انا شافعه ساي وهو زول عاقل وانا كنت كل م يسفهني بزيد تنمري عليهو لدرجه انو في اولاد في المدرسه بقو يشغلوها ليييه بي انو خواف وكدة،في المدرسه عندنا بينشات كدة معموله لينا في حرم المدرسه في يوم جيت لقيتو قاعد وكان فاتح الاسكيتش وبرسم ومركز شديييد،فجأة جو اصحابو قعدو معاه خته الاسكيتش على جنب وهو فاتح وبقى يتونس معاهم،وواضح من الرسم الفي الإسكيتش انو تعب عليهو شديد لانو رسم دقيق شديد وانا كنت شايله لي قارورة بارد "رويال رمان"في يدي م عارفه انا الفكرة جاتني من وين وعملته كدة ليييهه بس على طول مشيت بجنبهم ورميتها في البينش جمب الاسكيتش بالزبط وبالفعل اتكشح البارد وملا الاسكيتش

#ذات_عِناق_3

بعد ضربتو لي بعلبه الهندسه الدم بقى جاري من راسي،وانا خلعهه بس بقيت اصرخ وتقريباً المدرسه كلها اتلمت حوالي،وانا م شايفه قدامي من كميه الدم الجاري في وشي...💔

غبتهه اسبوع من المدرسه ورفضتهه رفض تام اني امشي وم كدة وبس وكمان م خليت ماما وبابا يمشو يدامو في شغلهم،كنت كل م واحد فيهم يتحرك من جمبي بقوم الدنيا وم بقعدها وبقعد اتبكى، ف كانو بتناوبو علي بابا خلى شغلو ومرضاهو وعملياتو اجلهم واخد اسبوع إجازة عشاني،بابا مهما اتكلم عنو م بقدر انصفو،الحب والحنيهه اللقيتهم من بابا حتى من امي م لقيتهم،ماما كانت دايماً بتعقب عليه وبتقول ليه ي عبدالله البت دي بتخرب طبعها ي عبدالله م تعودها على كدة ي عبدالله لا...الخ بس هو كان دايماً بقول ليها واحدة ربنا رزقني بيها كان على الطبع خلي يخرب ساي،عودني على انو كل طلباتي مُجابه،على انو انا صح حتى لو كنت غلط،اوقات كتيرة كان بشاكل اخواني كلهم لمجرد انو واحد منهم زعلني،حتى وانا كبيرة م كنت اعرف انوم بعيد من حضنو ابداً💔المهم بعد الاسبوع خلص يوم الأحد مشينا المدرسه وطبعاً من جمب امي م اتحركته فضلته قاعدة معاها في المكتب وهي بتخلص شغلها وم عايزة اشوف اي زول،ونحن قاعدين فجأة باب المكتب دق،قالت اتفضل،جات السكرتيرة قالت ليها عندك ضيوف ي استاذة سوسن،قالت ليها طيب خليهم يتفضلو،شويه كدة سمعنا صوت بقول السلام عليكم،امي قالت وعليكم السلام،جا راجل داخل كان لابس جلابيهه ولافي العمهه امي وقفت سلمت عليهو قالت ليهو اتفضل،قعد وقال ليها انا ولي امر الطالب ماهر،امي قالت ليهو اهلين حبابك،على طول قال "تعال ي ولد ماهر،الولد جا داخل،في اللحظه دي جفلته ومشيت وقفته ورا كرسي امي💔
الراجل قال ليها والله استاذة م عارفين نقول شنو بس جينا نعتذر على الحصل اسفين جداً انا زاتي م كنت عارف او كنت في سفر،وهو امو زاتها م كلمها عرفنا بمكالمه من المشرف انو هو اتفصل من المدرسه استفسرنا حتى عرفنا الحاصل،
قلته لي امي وانا ببكي "امي قولي ليهو يطلع من هنا سرعهه"😭💔
الراجل قال لي ي بتي كيفك انتي كويسه؟طبعاً كانو لافين لي شاش في راسي ،قال لي دة الزول دة عمل فيك كدة؟تعالي كدة عايني لي تعالي انا عمك م بعمل ليك شي انا جاي اعاقبو ليك،قلته ليهو "لا"😭امي قالت لي شههد عييييب اسمعي الكلام اتكلمي مع عمك،جرتني من جمب الكرسي ووقفتني قصادهم وقالت ليهو م مشكله ي استاذ بس التصرف في حد زاتو غلط شهد انا عارفاها م هينهه بس التصرف الاتصرفو م بليق بي طالب والمدرسه م فصلتو عشان هو الانضربت بتي لا والله لو كان الحصل دة حصل مع اي طالب داخل حرم المدرسه كنا حنفصلو ،قال ليها حقكم ي استاذة والله انا زاتي زعلت جداً يعني زول كبير كدة وممتحن شهادة بدل م يركز في قرايتو يقعد يباري في الشفع ويتصرف تصرفات زي دي ؟
قالت ليهو معليش حصل خير،وهو ك تقيم اكاديمي رغم انو جاي متأخر لكن تحصيلو في الامتحانات ممتازة جداً بس نحن كمان عندنا اهم شي حفاظنا على الطلبه داخل الحرم يعني المرة دي جات سليمه المرة الجايه م معروف اليحصل شنو،
قال ليها لو اديتيهو فرصه ان شاءالله اوعدك انو م يحصل منو الا خير هو ممتحن فكرة انو ننقلو لي مدرسه تانيه دي صعبه شديد لانو الدنيا نهايه سنه حتى اسماء الممتحنين حتكون اترفعت للوزارة دة غير انو صعب يتأقلم مع بيئه جديدة مرة تانيهه،انا مستعد اكتب ليك تعهد انو م يحصل منو اي شي بعد كدة ،
قلته ليها امي لا م ترجعيهو تاني😭
الراجل قال لي ي بتي كدة تعالي،تعالي بس قام على حيلو وجا علي،مسكني من يدي وقال لي قولي لي اي عقاب ليهو يرضيك اعملو ليك قدامك اسي،فضلته ساكته،قال لي انتي بس قولي لي اضربو ليك؟سكتته ،قال لي اضربو؟ولا تضرببهو انتي؟
قام على حيلو ومسكني من يدي وقف قدام الولد وهو ماسكني بي يد قال لي اضربيهو،
امي قالت ليهو ي استاذ م كدة،
الراجل قال لي طيب عشان هو طويل وانتي م بتحصليهو بضربو ليك انا وبالفعل في لحظه كدة اداهو كف طااااخ ،طبعاً امي اتصدمت وانا بقيت عايزة اتفك منو وم قادرة،قال لي اضربو ليك تاني؟وقبل م ابدي ليهو اي تفاعل رفع يدو وضربو طاااااااااخ ،
الضرب م كان واضح عليهو ضرب ترضيه لا كان ضرب جادي وضرب غضب،امي وقفت على حيلها بسرعه وقالت ليهو ي استاذ ي استاذ وجات مسكت الولد قالت ليهو م صح كدة عييييب عييييب حتى ولو كان ولدك غلط دة زول كبير م بتعاملو معاه كدة،وسبحان الله الولد رمشه م اتهزت فيهو،
امي قالت للراجل معليش بس اتفضل اطلع برة لو سمحته،لو سمحته اتفضل،الراجل طلع امي مسكت الولد قالت ليهو انت م تطلع خليك شالت كُبايه مويه ادتها ليهو،قال ليها م عايز،قالت ليهو اسمع انا زي امك امسك الكبايه دي واشرب،شال الكبايه قلته ليها امي،قالت لي انتي قفلي صوتك م اسمعو نهائي،الولد شرب مويه بسيطه قالت ليهو معليش ي ولدي م عارفه انو والدك حيتصرف كدة بجديه اسفه جداً،الولد فضل ساكت بس عيونو اتحولت لي شرار،عايز يطلع قالت ليهو من اليوم ارجع داوم في المدرسه عادي تم

ام؟هزة ليها راسو وطلع،بعد م طلع امي طلعت نظارتها، وكانت متضايقهه شدييييد من الحصل،طبعاً قاعدة ثابته امي لما تكون متضايقه ماف زول يجي بجمبها او يتكلم معاها بناء على كدة انا على طول طلعتهه من المكتب بتاعها،فضلت على الحاله دي لغاايهه م رجعنا البيت...

...

وسط كُل الانا عشتو ولسسه عايشو ضرب عمي لي قدام المديرة وبتها كان من اسوأ الحجات الحصلت معي،رغم انو جسمي اتعود على الضرب في البيت ،قدام امي،قدام اهلي بس انضرب بالطريقهه دي بس عشان يرضي غرورو قدام الناس الحاجه دي زادت حقدي تجاه كل المجتمع الحوالي اي شاب مكاني حصل ليهو موقف زي دة كان ممكن ياخد موقف متهور شديد بس انا غير،كان ممكن اعمل كدة لو م عندي هدف في راسي ولو م عندي حاجه عايز اخسرها م قدرت ابدي اي ردة فعل لأنو انا مستضعف جداً وعلى الأساس دة انا صابر بس ابداً م راضي مع مرور الوقت حأشرح ليكم اكتر للزمن داك ابقو عافيهه...💔

عدت الأيام وانا امي اتعاملت معي بي حدة بعد موقف عم الولد داك وحزرتني من انو اتعرض ليه او لي لي طالب في مدرسه بس رغم دة كلو م سمعت الكلام ابداً ونشرته خبر انو عمو كفتو قدامي في المكتب و...المهم مع مرور الأيام خفيت عليه او بقيت مركزة على قرايتي اكتر،وامي بقت تعامل الولد دة معامله خاصه شايله رقمو بتتصل عليه لما يغيب من المدرسه وموصيه عليهو الاساتذة يشرحو ليهو المواد الما فاهمها وكدة تقريباً كان موقفها تجاهو انساني او بدافع الشفقه وزعلها عليه من الحصل،في فترة امي عملت حادث ضربها بتاع ركشه وعلى الأساس دة جوها المدرسين والمشرفين والطلبه،هو زاتو كان من ضمن جا مع الطلبه وكدة،عدت الايام ونحن امتحنا شهادة اساس وبعد فترة ناس الشهادة امتحنو،كانت معموله لينا رحله خاصه بالناس الامتحنو شهادة اساس وشهادة سودانيه عاملاها لينا المدرسه،مشينا الرحله كانت ظابطهه شديد،ونحن راجعين في البص كل الناس بقت تودع بعض على اساس انو تاني م حتتلاقى وكدة وجزء كان بياخدو ارقام بعض،وانا قاعدة فجأة في ولد قال لي من اولاد تالتهه قال لي اكتب لي رقمك ومرر لي ورقه وقلم،في اللحظه دي انا قومته الدنيا وم قعدتها وشبكتو ليك انا تقول لي عايز رقمك واديك رقمي لشنو؟طبعاً الزمن داك م كنت شافعه مرقهه نهائي وفهمي محدود يعني ولد يقول ليك عايز رقمك دي م ساي،المهم البص كلو بقى مركز معاي والمشرفين يهدو فيني وانا ببكي وبقول ليهم كيف يعني يقول لي عايز رقمك؟شايفني شنو لمن يقول لي عايز رقمك؟المشرفه قالت لي ي شهد عادي زملاء وكدة،قلته ليها لا انا م زميلتو دة وسخ وقليل ادب كمان قايلني م بعرف الحركات دي؟😭المشرفين بعد ضحكو واحدة منهم قالت ليهو بي نهرة لييييهه تاخد رقمها؟قال ليها ي استاذة ماهر قال لي جيب لي رقمها م انا،بس لما قال ماهر انا زدته زيادة وشبكتو ليك عايز رقمي لشنو اسي دي توريني قدام الناس دي كلها،ماهر قال ليهو ي زول انا م بعرفك اساساً متين قلته ليك عايز رقم انا؟م تكذب ي زول،الولد بقى يضحك المهم بقى في نقاش هدوهو المشرفين،وصلنا المدرسه الساعه7مساء ومن هناك كان اي زول اهلو او ترحيلو مستنيهو،كل الناس اهلهم جو ساقوهم الا انا منتظرة بابا وماهر الزفت وبتاع البص واقف دخل المدرسه علشان يتوضأ يصلي ،فضلته واقفه وخايفه شديد طبعاً م متعودة على انو اكون برة البيت بعد المغرب،فجأة جا عمو طالع قال لينا اهلكم م جو؟قلته ليهو لا وبقيت اكل في ضفوري،قال لينا اتصلو عليهم م عندكم تلفونات؟قلته ليهو انا تلفوني مقفول💔😭وم حافظه الرقم،قال لي دي مشكله والله ي بتي وانت ي ولد،ماهر قال ليهو ناس بيتنا جاين علي،
عمو صلى وقال لينا انا م عندي جاز لو عندي كان وصلتكم لكن انتظرو اهلكم مش عارفين؟قلته ليهو اي،قال لي خلاص بمعاهم ومشى خلانا والدنيا بقت ضلام بس انوار المدرسه عاكسه شويه في الشارع ،بعد م اتحرك ب15دقيقهه جات عربيه وقفت ماهر مشى عليها فتح الباب وركب،قبل م تتحرك نزل قال لي قالو ليك تعالي اركبي،عاينته ليه بي طرف عيوني وربعته يدي،نزل راسو اتكلم مع الزول السايق فجأة نزل قال لي ي بتي م صح تقيفي براك كدة هنا الدنيا ليل تعالي نوصلك،
طبعاً انا مستحيل امي محزراني نهائي م اركب مع زول م بعرفو،قلته ليهو لا ابوي اسي بجي،قال لي اي هو بجي بس وقفتك هنا براك م صح عندك رقم زول من بيتكم؟سكتتت،قال لي اتكلمي ي بتي نحن دايرين نساعدك،قلته ليهو اي عندي رقم امي،قال لي جيبي جا قرب مني وولع نور تلفونو لما شافني قال لي اوووو انتي بت المديرة صح ي امهر؟ماهر بعد مسافه قال ليهو اي،قال لي اديني الرقم طيب،مليتو الرقم اتصل عليها اول م اتصل ردت،سلم عليها بي حرارة وقال ليها انا عم الطالب ماهر والبت دي اسي معانا وماف زول معاها جمب المدرسه و...المهم اداني اتكلمته معاها كانت خايفه شديد قالت لي ابوك ومنذر الما مسؤلين الليله لما يجوني،قالت لي اركبي معاهم يوصلوك ،ركبته معاهم وكل شويه كانو بتصلو على امي توصف ليهم لغايه م وصلنا البيت لقيناها منتظرانا برة،استقبلتنا واصرت عليهم الا

يدخلو البيت تضيفهم،وبالفعل دة الحصل قعدو واتونسو معاها مسافه وامي سألت ماهر اشتغل كيف و..وهكذا،شويه كدة بابا جا داخل سلم عليهم وامي عاتبتو قدامهم طبعاً قال ليها انا قلته لي منذر عندي مقابلات م بلحق اخلصها في زمنها وكلتو عشان يمشي يجيبها لكن منذر ولدك يوم متين كان مسؤل،المهم قعد واتونس معاهم مسافه حتى استأذنونا وطلعو،بعد م طلعو بابا قال ليها الراجل دة شكلو مألوف عندي بس م قادر اتزكر شوفتو وين بالضبط...

في فترة الاجازة دي سافرنا الإمارات لي اهل امي طبعاً امي اهلها معظمهم هناك جدي وحبوبه وخيلاني عندي خالتي واحدة بس عايشه في السودان،المهم مشينا قضينا الاجازة وانا شبه بقيت بت بحيث انو بقيت متهتمه بنفسي شديد وعندي اهم شي لبسي وتساريحي ومنكيري وهكذا،ونسبتي طلعت وجبت 270طق اصلاً كان متوقع اكتر بس يلا كان نصيبي من النسبه دي ايفون وطلعات واحتفالات وعزومات كدة كميهه🙆بعد م رجعنا السودان كنت بمشي بجيب احتياجاتنا من البقاله الجمبنا وكدة بشكل يومي ،اصلاً البقاله كانت حقت عمو حسن بقى قاعد فيها ولدو الكبير م عارفه اسمو منو بس كان عامل فيها ظريف،

وبستلطفني وكدة،وانا كنت طبعاً عامله البت التقيله المفتريه الما بتتحنك ابداً بس حالي حال اي بت مراهقه بتحب فكرة انو زول يستلطفها او يحاول يتقرب منها وكذااا،استمرة على الحال دة لغااايه م نزلته اولى ثانوي وهو صاحب منذر اخوي ف كنت لما اغيب فترة م امشي البقاله وارجع امشي تاني بسألني ليييه م قاعدة تجي وانا قاعد افقدك وكذااا،هو شكلياً سمح شديييد بدليل انو بنات مدرسه الثانوي الجمبنا كلهم الصباح ونهايه اليوم بيكونو في البقاله احساس انو عاجبهم وكدة وهو زاتو واضح عليهو شكلو عاجبو وبتاع بنات بس عامل تقيل،مرة عملته منشن لي منذر في صورة طلعه لينا م بعض،وبقيت مشغلاها ليهو وكدة ،اليوم التاني لقيت ادد من حساب بس اسم حسام،دققته في صورة البروفايل كان اتفاجأ ليك بيهو انو دة حسام ود صاحب البقاله الجمبنا عملته رايحه م قبلته الادد،بعد اسبوع حذفهه تاني رجع رسل لي،ضحكته مع نفسي وقلته دهه اهبل؟وبعدها لقيتو مرسل لي مسجات Pc المهم على حسب اصرارو وكدة وافقته المساء رسل لي سلام عليكم،رديت عليه ،المهم بقينا نتراسل مرة مرة لغاايه م في يوم بالليل جرس بيتنا دق وبصورة عشوائيه صحينا كلنا مخلوعين،بابا طلع مستعجل فتح الباب وانا وماما ومنذر كلنا وراهو كان نسمع صوت مرة بتقول"اللحق حسن ي عبدالله حسن بيموت اللحقنا،بابا قال ليها بسم الله في شنو؟كدة براحه،قالت ليهو فجأة وقع وبشخر لا بحرك يد ولا رجل،بابا قال ليها دقيقه دخل غرفتو بسرعه وجا طالع مشى معاها ونحن وراهم،وصلنا بيتهم بابا عمل ليهو البقدر عليه وطلب الاسعاف جا ساقو ومشى معاهو،عدت فترة اسبوعين رجعوه البيت،امي قالت لي نمشي نزورهم،لبسته وظبطتهه نفسي تمام وطلعنا اول م وصلنا دقينا الباب لقيناه فاتح دخلنا بنقول سلام ماف رد بعد م عايزين نطلع في الباب اتلاقينا مع حُسام جاي داخل وشايل جزمه كورة في يدو،سلم على امي ولما جا يسلم علي مسك يدي مسافه وانا بعاين ليهو،يعني اول مرة اركز فيهو هو سمح سمح شديييد او انا شايفاه سمح م عارفه غايتو،امي قالت ليهو جينا نسلم على الوالد بس شكلو ماف زول في البيت،قال ليها لا ياخي قاعدين بكونو بعيدين بس تعالو اتفضلو اتفضلو،دخلنا غرفه الضيافه وجاب لينا مويه ومشى خلانا شويه كدة جات امو سلمت علينا وقالت لي امي البركه في وقعه حسن الدخلتك لينا وبقت تشكر في ابوي و...المهم ولدها حسام جا قعد وانا بعاين في ضفوري وكل شويه بفتحو موضوع وانا ساكته ساي،فجأة امو قالت لي البنيه مالك ساكته،امي قالت ليها انا زاتي مستغربه م من عوايدها،المرة قالت ليك خجلانهه من حسام دة شكلها هههههههههه،حسام قال لي اقوم اطلع يعني؟رفعته راسي وقلته ليهو لا م كدة والله،قال لي الدراسه كيف؟قلته ليهو تمام الحمدلله،قال لي في كم؟قلته ليهو اولى ثانوي،امو قالت لي ماشاءالله ي بتي ربنا يحفظك،كنت لابسهه حجل في رجلي فجأة لقيت حسام.بعاين لي فيهو على طول لميت رجلي وهو عمل نفسو بعاين في الارض،بعد م رجعنا البيت لقيتو مرسل لي مسج وكاتب لي فيها "الحجل يحردوهو ليك صراحهه"ومن هنا بدت محادثاتنا المتواصله وبقى عامل صحبي بتكلم معي يومي وكدة لغايه م امتحنا اولى بعد النتيجه بيوم رسل لي وقال لي شهد انا بكرة عازمك،قلته ليهو وين؟قال لي انتي مالك بس عازمك،قلته ليهو م بقدر اقول لناس بيتنا شنو ؟بقى يتحايل علي ويديني مقترحات وافكار اقولها ليهم وقال لي الموضوع ضروري وانا لو م شفتك م حأرتاح ،قلته ليهو طيب نتلاقى في شارع بيتنا رفض،قلته ليهو طيب بشوف وبديك خبر،تقريباً كانت اول مرة الشيطان يلعب بي عقلي ويخليني اكذب على ناس بيتنا💔قلته لي امي انو انا طالعه اكل ايسكريم وماشه السينما مع صحباتي بمناسبه الاجازة وتاني م حنتلاقى وكذااا وبعد تحانيس وواسطه بي بابا حتى وافقت وبشروط،طلعته بعد الفطور اتلاقينا في شارع الزلط الرئيسي كان جايب عر

بيه صحبو ركبنا واتحركنا وكان مبسوط شديد وبقينا نتونس وكدة،مشينا مطعم قعدنا وطلبنا قلته ليهو احكي مالك؟قالت لي ماف شي بس كنت حابي اشوفك واطلع معاك طلعه واهو اكتفيت بشوفتك،انتي م عارفه انا من شدة م مبسوط م مصدق حتى،انتي كنتي بالنسبه لي حاجه زي الحلم البعيييد فهمتي؟بقيت اضحك ،بقى يحكي لي عن نفسو وعن مراقبتو لي وعن البنات الفي حياتو"من اللحظه دي مفروض كنت افصلها منو لقدام حأوريكم السبب"وانا كنت مبسوطه يعني هو من ناحيه عاجبني شديد جاي على حسب عقليتي المراهقه،واول كائن يستلطفني ويدخل حياتي ويكون مُصر علي كدة كمان،بعد م رجعنا نزلته في الزلط طبعاً بعيد من البيت قبل م اتحرك طلع كيس هدايا ورا المقعد واداني بيهو،قلته ليهو دة شنو؟قال لي هديه النتيجه،قلته ليهو اوديها وين انت عارف انا كذبته على ناس البيت وكمان ادخل بكيس ؟قال لي اتصرفي انا م برجع بيهو كمان،اصر علي اشيلو شيلتو ومشيت البيت لحسن حظي لقيت بابنا فاتح وخرطوش المويه في الشجر وعربيه بابا ومنذر مافي دخلته بي باب الصالون بتاعةناس منذر وفتحته الباب الداخلي دخلته غرفتي وعلى طول دخلته الهديه الدولاب وقفلتو،بالليل رسل بي وقال لي فتحتي الهديه؟قلته ليهو لا،قال لي طيب افتحيها،قلته ليهو اسي،؟قال لي ايوة عشان فيها شي مهم،قمتهه فتحته الدولاب وطلعته الهديه كانت شوكلاته ووردة طبيعيه وعلبه فيها خاتم فضه رفيع كدة وورقه مكتوب عليها"انا بحبك شديد ي بت الناس وعايز اسمع إجابه اسي في اللحظه دي"فجاة جاتني منو مكالمه رديت بعد مسااافهه قال لي فتحتيها؟قلته ليهو إحم امممممممم ايوة،قال لي اها،فضلته ساكته ،قال لي مستنيك انا،برضو م رديت ،قال لي وينك؟،قلته ليهو هنا بس م عارفه اقول ليك شنو،قال لي الحاجه دي م بتجي بالغصب بس انتي متخيله انا عندي اكتر من سنه وراك وشاغل بالي بيك وعيوني ماشه وجايه حوالين بيتكم م قادر م اعبر وم قادر اسكت اكتر من كدة وم قادر انتظر برضو،فضلته ساكته،قال لي انتي قولي لي م عندك اي احساس تجاهي؟قلته ليهو امممممممممم،قال لي احكي،قلته ليهو م عارفه والله،قال لي طيب في طريقه اخد فرصه؟قولي ي شهد منتظرك انا انتي م عارفه الدقايق الانتي بتسكتي فيها دي بتعدي علي بصعوبهه كيف💔قلته ليهو طيب،قال لي شنو هو الطيب؟قلته ليهو ماشي،قال لي يعني موافقه وحتديني فرصه؟قلته ليهو اااايوة،فجاة اسمعو بكورك وبنطط عديل من الفرحه، بعد فترة من علاقتي بيهو خلاني اتيقن بي انو الفرصه الاديتها ليهو دي م كانت غلط ابداً وحبيتو بجد حبيتو شدييييييد لدرجه انو بقيت مكتفيهه بيهو هو بس حتى اهلي بقيت بعيدة منهم طول الوقت بتكلم معاه سواء مكالمه او دردشات وبغير عليهو غيرة فظيعه لدرجه انو طلبته منو يسي شغل البقاله ويشوف حاجه حاجه غيرو،كان بقدر يهديني وبخليني اسمع كلامو رغم انو صحباتي قالو لي بتاع بنات وبتاع حركات كنت كل م اجي اواجهو بقنعني انو هم بكذبو علي وانو هم عايزين يخربو علينا وانو هو عايزني لي قدام وانا اخت صحبو ومستحيل يلعب بي وهكذا...ف انا بصدق كلامو بالجد لدرجه انو خربته علاقتي مع صحبتي مناسك نهائي وبقيت فاصلاها علشان هي دايماً بتنصحني ابعد منو وانو هو بتاع بنات وبعمل حجات م كويسه بس انا م حصل طلب مني طلب م كويس او حتى قال لي شي غلط ابداً بقيت متعلقه بيهو شديد ورابطه حياتي ومصيري كلو معاهو لما يقولو لي حسام معناها الكلام انتهى 💔في السنه الانا ممتحنه فيها بدأ يتغير شويه شويه يعني بقى م بتكلم معي كتير وبسفهني وم مركز معي وبعاملني ببرود وانا اغلب الوقت بعاتبو وبتكلم معاه كتير بس كاني بأذن في مالطه وم كدة وبس بعاملني بكيفو وبمزاجو يعني وقت م هو عايز بكلمني ووقت م عايز بفصلني،ضمن اني اتعلقته بيه وحبيتو شديد ف بقى يعاملني كدة،شويه شويه إتطور بقى يتصل علي بعد الساعه1صباحاً واثناء م بنتكلم بقى يقول كلام كعب ويطلب مني طلبات م كوييه،ولم ارفض بقفل في وشي،مرة فصلني شهر بقيت اتصل عليه واتبكى وارسل ليهو يقرا الرسايل وم يرد وهكذا ،لغايه م في يوم اتصل علي بعد المغرب قال لي انا عايز اشوفك اسي،قلته ليهو طيب اطلع ليك الشارع؟قال لي لا تعالي بيتنا عايز اشوفك هناك،قلته ليهو كيف؟قال لي حتجي ولا لأ؟هو اتعود على انو يخيرني ويختني امام الامر الواقع،قلته ليهو طيب،قلبي قبضني بقيت م متطمنهه نهائي رغم اني بثق فيهو شديد بس كلام صحباتي بقى يمر في مخيلتي،قمت اتوضيت وصليت ركعتين استخارة،وبقيت متوترة قدر م صليت م ارتحته رسلته ليهو مسج وقلته ليهو انا م بقدر اجيك في بيتكم ابداً وقفلته تلفوني وقعدته ابكي،بفينا فاصلين بعض شهر بعد شهر رجع اتصل علي وبقى يعتذر ويتحايل علي انو تاني م حيعمل كدة وانو مشتاق لي وانا فارقه معاهو وماف شي بعوض فراغي عندو وكدة،صدقتو ورجعنا نتعامل مع بعض عادي وبما اني ممتحنه بقى اكتر تركيزي على قرايتي حتى كلامي معاهو بقى م كتير وهو زاتو بقى يقول لي انتي ممتحنه وركزي على قرايتك وانا فاضي وموجود ليك دايماً بس اهم شي قرايتك و... لغايهه م

في يوم مشيت بعد اذان العشاء كدة البقاله اجيب حجات لناس البيت وانا على اساس انو قال لي عندي كورة ماشي احضرها افتكرتو ماف،مشيت البقاله كانت شبه قافله يعني باب فاتح وباب قافل دخلته اول م وقفته شفته اقرف منظر حسام معاهو بت في البقاله وبعملو في حجات م كويسه ،انا من الخلعه قلته ليهو حُسام؟هو زاتو اتخلع بقى متصمغ في مكانو،طلعته جري رجعته البيت وانا برجف من الصدمه دخلته غرفتي وقفلتها علي واتفقعته بكى ،كنت بسمع عنو بس اخر شي اتوقعتو اني اشوفو بعيني وفي البقاله 💔 تلفوني بقى يضرب ويرسل رسايل كتيرة فجأة جات امي وبقت تسأل فيني مالي و...فتحت موال تحقيق طويل عريض قلته ليها مصدعه،ختت يدها في جبهتي قالت لي بسم الله مالك اسي كنتي كويسه م مشيتي الدكان انتي؟سكتته،قالت لي دقيقه مشت جابت لي مويه وحبوب وانا م بين واعيه وم واعيه دخلته الحمام غسلته وشي وجيت طالعه ادتني الحبه بلعتها ورجعته رقدته عديت على الحاله دي اسبوع باب ساقني عمل لي فحوصات طلعت نضيفه دخلته في حاله إكتئاب كدة فظيعه وقفلته تلفوني نهائي ورميتو في الدولاب💔عدة شهر وانا بقيت احاول اطلع من الحاله دي واشغل نفسي بالقرايه بابا م كان بخليني نهائي حتى الامل كان بأكلني هو وبرفض ياكل لو انا م اكلته ويومي بطلعني مشوار بالليل وكدة محاولات بابا وتعبو معاي كانت كفيله بي إنها تخليني احاول اطلع من الحاله دي 💔ضغطتهه نفسي وركزته في دراستي شديد كنت بحاول اتجنب فكرة انو يمر بمخيلتي حتى بإتجاه شارع بقالتهم بقيت م بتلفت عليييه💔بالفعل جات الامتحانات وامتحنتهه الحمدلله م اشتغلته كويس وكنت واثقه اني م حأجيب نسبه كبيرة بس بابا كان مديني دافع وقال لي حتى لو م جبتي نسبه كويسه انا شغال وتعبان وشقيان لشنو مش عشانك؟بس يلا اوعى تفكري،اتغيرته شديد وبعد الامتحانات حالتي اتدهورت بقى يرسل لي صحباتي يتكلمو معي ويوصلو لي كلامو،في يوم فتحته التلفون لقيت كميه رسايل نازله منو م قريتها كلها بس من بينها قريت 2 واحدة كان بقول فيها"انا عايزك لي قدام وم عايز واحدة غيرك وقلبي دة م اخدتو واحدة غيرك احلف ليك بالمصحف لو عايزة"والتانيه بتقول" اللقيتيني معاها دي انا ماسك بيها زمن بس لغايه م انتي تبقي حلالي وم عندي ليها شي "

الرسايل رجعت طممت بطني منو قفلته تلفوني مرة تانيه،انا وصلته لمرحله بابا قابل بي طبيب نفسي وبقت عندي معاهو جلسات،شويه شويه بديت ارجع او ارتاح بعد الجلسات والصلاة والقرءان وكذااا،في يوم بابا قال لينا عندي عرس بت صحبي بكرة ولازم تمشو معي الصاله،قلته ليهو انا م..قبل م اتم كلامي قال لي حنمشي انا وانتي وامك زي م بنمشي كل المناسبات مع بعض بدون نقاش،قلته ليهو طيب، اليوم التاني اتصل علينا نبهنا علشان نجهز نفسنا،بالفعل جهزنا نفسنا لبستهه اسكيرت مشكل اسود بي رمادي مع البودي ولبست قميص اسود مشكوك ولفيت طرحتي ولبسته هيلز بالرمادي،عملته ميك اب على خفيف ومكيجته ماما،بابا بعد جهز وطلع اول م شافنا صفر صفاره كدة خبيثهه وقال لي حقيقة يعني الواحد يشكر المدام على جودة الانتاج😁ضحكتهه ماما قالت ليهو بسم الله كمان 😌قال ليها راسك م يكبر نحن زاتنا السماحهه دي حقتنا🌚قالت ليهو مدام السماحه عندكم فتشتهه برة لييييهه؟قلته ليهو ايواااا ليييييهه لييييييهه،بقى ينضف في نظارتو😂💔قال لينا يلا قدامي،قلته ليهو ي بابا م رديت 😂قال لي قسمه قسمه😂💔اول م طلعنا لقينا ام حسام في وشنا جات سلمت علينا انا بعد م شُفتها مزاجي اتعكر وهي اسإلتها كتيرة ماشين وين ولشنو و...ركبته خليتها واقفه مع امي،بابا قال لي الناس ديل انا م بريدهم.كلو كلو حُشرين وبحبو يتدخلو في خصوصيات الناس،سكتته ساااي،امي جات واتحركنا وفضلنا نتونس ونفتح مواضيع لغااايه م وصلنا الصاله،اول م دخلنا لقيناهم بستقبلو في الضيوف ف سلمو على بابا بي حرارة كأنو عندهم فترة م اتلاقو،بابا قال ليهو سنتين وكسر ياخ ،الراجل قال ليهو والله البلد دي كرهناها بعد الحصل داك ي اخوي بقى م بجيبنا ليها الا الشديد القوي💔بابا قال ليهو فعلاً الحصل م بتجاوز بالساهل لكن الحمدلله ومبروك للولد كمان ياخ ربنا يجعلو باب سعد عليهو إن شاءالله ي رب❤قال ليهو تسلم تسلم ي عبدالله عندنا قعدة طويلهه دايرين نقعدها بعد.موال العرس دة،بابا قال ليهو ابشر اصلاً م عندك طريقه تمشي لو م قعدنا،نسيت اعرفك دي شهد بتي الصغيرة ودي المدام ،الراجل جا سلم علينا ووقف معانا مسااافه حتى جاتو مكالمه، فجأة قال وين المنظمين لييييهه ماف واحد قريب بقى يتلفت حواليهو فجأة قال ياااا ماهر،ي ماهر،اتلفت عليهو واحد لابس جلابيهه ولافي عمهه ،قال ليهو تعال تعال،جا قال ليهو طبعاً ي عبدالله ولد الزيني اخوي المرحوم الكبير ،بابا قال ليهو لا ياخي ي سلام ياااخ وسلم عليهو بالأحضان وقال ليهو ماشاءالله ماشاءالله ياخ والله صحي الحي بربا،الراجل اتلفت على الولد و قال ليهو دة عمك عبدالله صاحبنا انا وابوك المرحوم لزم ي ماهر،سلم علينا ،رجع قال ليهو عليك الله اقرب

تربيزة فاضيه فضلهم فيها وخلي الويترز يقومو بالواجب م شايفهم وين شركه التنظيم؟تاني تلفونو ضرب قال لي بابا بإستعجال عن اذنك ي عبدالله ،بابا قال ليهو إتفضل،ماما بقت تعاين للولد مسافه قالت لي الولد دة م غريب علي ي ربي شوفتو وين وشو مألوف عندي ،انا زاتي بقيت اعاين فيهو كان لابس جلابيه ولافي العمهه وملتحي كدة وطويل ،بعد م سلم علينا قال لينا إتفضلو ،مشينا وراه اقرب تربيزة فضلنا فيها ،جاتو مكالمه فتح الخط وقال "طيب تمام دقايق بس"اول م قفل الخط ماما قالت ليهو ي ولدي ،قال ليها نعم،قالت ليهو انت امتحنته شهادة من مدرسه الدحيح واسمك ماهر محمد الزيني؟...❤

..🎭هترشات 😊سودانيه🎭:
♤♤♤♤♤♤♤♤♤♤♤♤♤♤♤♤♤
💫💫♡هترشات (͡๏̮͡๏) (͡๏̮͡๏)سودانيه♡ 💫💫


واحد في السعودية قال لي كفيلو ( انا ماشى البلد ومقشط للطيش)😁😁😁😁😁😁
قام الكفيل جاب سوداني تاني قال ليهو اشرح لي الزول دا بيقول شنو ،؟،
التاني قال الزول دا بقول ليك انو قادي البلد والتكتح ماعندو !!!😀😀😀😀😀😀😀
السعودي عشان يفهم مشى السفارة السودانية قال ليهم عاوز مترجم سرييع
المترجم قال للسعودي (دي واااضحة ماعايزة شرح ......... ارقعو خليهو يتفكفك 😂😂😂😂😂)


💎💎الغازواسئلة.عجيبة.tt 💎💎

   ┏━━━━━━━━━┓
彡♡ @hatrshat ♡
     ┗━━━━━━━━━┛
❍٩≈≈≈≈≈≈≈≈≈≈≈≈≈≈≈≈≈≈❍
❉°…………°❈😂❈°…………°❉

🎭هترشات❈👳🏾👳🏾❈سودانيه🎭

..🎭هترشات 😊سودانيه🎭:
♤♤♤♤♤♤♤♤♤♤♤♤♤♤♤♤♤
💫💫♡هترشات (͡๏̮͡๏) (͡๏̮͡๏)سودانيه♡ 💫💫

‏واحد مااشي مع حبوبتو شاف ليهو بت سمحة قال لي حبوبتو ادعي لي انو تكون من نصيبي......
قالت ليهو : والله دي دايرة ليها قيام ليل عديل وانا كرعيني كعباات 😹😹 😹

💎💎هترشه.عجيبة.tt 💎💎

   ┏━━━━━━━━━┓
彡♡ @hatrshat ♡
     ┗━━━━━━━━━┛
❍٩≈≈≈≈≈≈≈≈≈≈≈≈≈≈≈≈≈≈❍
❉°…………°❈😂❈°…………°❉

🎭هترشات❈👳🏾👳🏾❈سودانيه🎭

..🎭هترشات 😊سودانيه🎭:
♤♤♤♤♤♤♤♤♤♤♤♤♤♤♤♤♤
💫💫♡هترشات (͡๏̮͡๏) (͡๏̮͡๏)سودانيه♡ 💫💫


👦- ﺳﺎﻣﻌﻪ ﺍﻟﻜﺮﻛﺒﻪ ﺍﻟﻔﻲ ﻗﻠﺒﻲ ﺩﻱ؟؟

👧-ااي سامعه

👦- ﻋﺎﺭﻓﻪ ﻣﻦ ﺷﻨﻮ؟؟

👧- ﻷ ﻳﺎﺣﺒﻴﺒﻲ ﻣﻦ ﺷﻨﻮ😳

👦- ﺩﻱ ﻣﻌﺰﺗﻚ ﻋﻨﺪﻱ #ﺑﺘﺒﻨﻲ #ﻃﺎﺑﻖ ﺗﺎﻧﻲ😍

#مسيلمـة_تعال_سوق_اخوك_دا 😂😂😂😂😂

💎💎هترشه.عجيبة.tt 💎💎

   ┏━━━━━━━━━┓
彡♡ @hatrshat ♡
     ┗━━━━━━━━━┛
❍٩≈≈≈≈≈≈≈≈≈≈≈≈≈≈≈≈≈≈❍
❉°…………°❈😂❈°…………°❉

🎭هترشات❈👳🏾👳🏾❈سودانيه🎭