#دومانلی_ثانیه'لر_گلین_گئدیر (1390)
#مجموعه_شعر_هسا_پسی
#فرا_حجم
#غزلهای_مطفاوط
این کتاب به چاپ پنجم رسیده است
#كاميل_قهرمان_اوغلو
#هسا_پس
با انتخاب #مراد_قلی_پور
#پسا_نو_در_شعر_گیلکی_مازنی_ترکی_تاتی_لری_بلوچ_تالشی_بختیاری
#جریان_شعر_پیشرو_اقوام_ایران
@hasa_pas

#داستانشعر_رومانتیکا
#سربست_چاغچیل_غزل

#فرا_حجم


"سن دئدين، من سيزه گلديم" بئشي 10 ديقه اؤتن
سئوينيب ديز_ديزه گلديم بئشي 10 ديقه اؤتن

سني دوشدوم يولا قويدوم باشيما وار نه جيغير
قاياليقدان دوزه گلديم بئشي 10 ديقه اؤتن

نه بيله ايديم مني دوستاقلاياجاقسان اؤزونه
سن ايچين، تبريزه گلديم بئشي 10 ديقه اؤتن

ساچلارين 50 شهيدين يارالي كؤلگه سيدي
تئللرينله سؤزه گلديم بئشي 10 ديقه اؤتن

باخيشيم، 72 تانريچا قيزلار جسدي
گؤتوروب كهريزه گلديم بئشي 10 ديقه اؤتن 5

و چاتيب نعشيمي بير قاشقا آتين اوستوندن
چؤل_چؤله، گؤز_گؤزه گلديم بئشي 10 ديقه اؤتن

سونرا قارقيشلاياراق سئوگيني آلديم اله يول
قارا گون إئوميزه گلديم بئشي 10 ديقه اؤتن

گؤرمه ييديم سني كاش يازدا ياغيشليق گونده
"سن دئدين من سيزه گلديم بئشي 10 ديقه اؤتن"
1388/10/1
#كاميل_قهرمان_اوغلو
#هسا_پس
#پسا_نو_در_شعر_گیلکی_مازنی_ترکی_تاتی_لری_بلوچ_تالشی_بختیاری
#جریان_شعر_پیشرو_اقوام_ایران
@hasa_pas

#چاغداش_منثور_غزل
#غزل_مطفاوط
#فرا_حجم؛ در ادبیات تورکی آزربایجان


مني يئللر گؤيرير
سنده كي يارپيز دوداغين آغريسي بيتمكده دي باغريمدا منيم
مني سئللر مله يير
سنده كي گؤز-گؤز شافاغين آغريسي بيتمكده دي باغريمدا منيم

مني گوللر اَريييركن
سوواشيرلار سسيمين گؤوده سينه آه... قاريشيرلار يوخوما و...
باريشيرلار باشيمي بالتالارا
آه... بيچاغين آغريسي بيتمكده دي باغريمدا منيم

گؤيله نير اود چيچه ييندن
ساچي بير فيرتينا قيز آه... بو شهيد آرزوما لاي-لاي چالا قيز
اوره ييمده كسيلن
آرزولو يانميش بوداغين آغريسي بيتمكده دي باغريمدا منيم

اؤلورم دارآغاجيندان ساري
سانكي اؤزومه دار ايپي يم گونده آسيللام اؤزومه
اؤلورم گونده،گلينلرده سونوخموش اوجاغين
آغريسي بيتمكده دي باغريمدا منيم

يول-يولاغلار تورا دوشموش،
اوشويور بنده دوشوبدور بو بنؤوشه بو قرنفيل بوچيچك...
... و بو آدسيز گيلانارلاردا اوزولموش ساپاغين
آغريسي بيتمكده دي باغريمدا منيم

اولايير منده بوكندين
لالاليقلار قيزي يون ساچلار الينده
كسير اؤز دؤشلريني
زاريیير باغريني باغرينداكي
ايتگين يوماغين آغريسي بيتمكده دي باغريمدا منيم

بو ميشار
بوشقو
كسر
دهره
توپانچا
چاپاجاقلار هاميسي سئوگيداشيمدير بو منه
بؤلوشورلر باشيمي بير-بيره
... آمما "پيچاغين" آغريسي بيتمكده دي باغريمدا منيم.
1388/3/28

#كاميل_قهرمان_اوغلو
#هسا_پس
#پسا_نو_در_شعر_گیلکی_مازنی_ترکی_تاتی_لری_بلوچ_تالشی_بختیاری
#جریان_شعر_پیشرو_اقوام_ایران
@hasa_pas