" جھوٹ کی مذمت پر فرامینِ مصطفیٰﷺ "

رسول اللہ صلی اللہ علیہ وسلم کو فرماتے سنا:

" تباہی ہے اس کے لیے جو بولتا ہے تو جھوٹ بولتا ہے تاکہ اس سے لوگوں کو ہنسائے، تباہی ہے اس کے لیے، تباہی ہے اس کے لیے۔"

( سنن ابو داوود- جلد ٣ - ١٥٥٢)

" رسول صلی الله علیہ وسلم سے کسی نے پوچھا کی کیا مومن بزدل ہو سکتا ہے؟ آپ صلی الله علیه وسلم نے فرمایا : ہاں پھر پوچھا کیا مومن کنجوس ہو سکتا ہے آپ صلی الله علیہ وسلم نے فرمایا ہاں پھر آپ صلی الله علیہ وسلم سے پوچھا کیا مومن جھوٹا ہو سکتا ہے آپ صلی الله علیہ وسلم نے فرمایا نہیں"

( مؤطا امام مالك ٢٣٧١)

رسول اللہ صلی اللہ علیہ وسلم نے فرمایا میں:

" جنت کے بیچوں بیچ ایک گھر کی ضمانت دیتا ہوں اس شخص کے لیے جو جھوٹ بولنا چھوڑ دے اگرچہ وہ ہنسی مذاق ہی میں ہو،"

( سنن ابو داوود- جلد ٣ - ١٣٧٢ )

رسول اللہ صلی اللہ علیہ وسلم نے فرمایا:

" کیا میں تمہیں سب سے بڑا گناہ نہ بتاؤں؟ ہم نے عرض کیا ضرور بتائیے یا رسول اللہ! آپ صلی اللہ علیہ وسلم نے فرمایا کہ اللہ کے ساتھ شرک کرنا اور والدین کی نافرمانی کرنا۔ نبی کریم صلی اللہ علیہ وسلم اس وقت ٹیک لگائے ہوئے تھے اب آپ سیدھے بیٹھ گئے اور فرمایا آگاہ ہو جاؤ جھوٹی بات بھی اور جھوٹی گواہی بھی ( سب سے بڑے گناہ ہیں ) آگاہ ہو جاؤ جھوٹی بات بھی اور جھوٹی گواہی بھی۔ نبی کریم صلی اللہ علیہ وسلم اسے مسلسل دہراتے رہے اور میں نے سوچا کہ نبی کریم صلی اللہ علیہ وسلم خاموش نہیں ہوں گے۔"

(صحیح بخاری- جلد -٣ ٥٩٧٦ )

رسول اللہ صلی اللہ علیہ وسلم نے فرمایا:

" تم جھوٹ سے بچو، اس لیے کہ جھوٹ برائی کی طرف لے جاتا ہے، اور برائی جہنم میں لے جاتی ہے، آدمی جھوٹ بولتا ہے اور جھوٹ میں لگا رہتا ہے، یہاں تک کہ وہ اللہ کے نزدیک جھوٹا لکھ دیا جاتا ہےاور سچ بولنے کو لازم کر لو اس لیے کہ سچ بھلائی اور نیکی کی طرف لے جاتا ہے اور نیکی جنت میں لے جاتی ہے، آدمی سچ بولتا ہے اور سچ بولنے ہی میں لگا رہتا ہے یہاں تک کہ وہ اللہ کے نزدیک سچا لکھ دیا جاتا ہے ۔"

( سنن ابو داوود- جلد ٣ - ١٥٥١ )
-----------------------------------------
#البخاری #ابوداؤد
#Hadees #Bukhari #AbuDawood
💚 الحمدللہ اس ٹیلی گرام چینل میں روزانہ باحوالہ تحریری احادیث شیئر کی جاتی ہیں
💚 T.me/TahririAhadees92