#ያምና ናፍቆት !!
(ሚካኤል አስጨናቂ)
።።።።።።።።።።።።።።
እሷን አስብና !
የቀድሞዋ ፍቅሬን፦
ያምናዋ ወዳጄን...
እኔ ባጠፋሁት ፥ በበደልሁት በደል
ይቅርታ ማለቷን ፥ ከኔ እንዳትነጠል
ደግሞ አንቺን አይቼ ...
በምትምሽው ገደል ፥ በለኮስሽው እሳት
ሳለ ያንቺው ጥፋት!
እኔው ይቅር ብዬ ...
ደጅሽ ላይ ተጥዬ ...
በተማጥኖ እንባ ፥ ወራት ባስቆጥርም
ፍቅሬን ስትገፊ ፥ ልብሽ እንዲለግም
አገኘሁ እላለሁ!
ያምና ብድራቴን
እሷ ላይ የቆየኝ
የሐጥያት ውርሴን ።
ይኸው ዛሬም ድረስ!
እሷ ባቀናችው ፥ ጎጆ በማይበቁ
ለሷ በቀለድሁት ፥ ቀልድ በማይስቁ
እሷን ባስለቀሳት ፥ መርዶ በማያዝኑ
እሷን በማረካት ፥ ቦታ 'ማይዝናኑ
ከክፍቱ ጎኔ ፥ መሙላት በማይችሉ
አንዴ በሚረዝሙ ፥ አንዴ በሚጎድሉ
በግዑዛን ሴቶች ፥ መንደር ተሰልፌ
አምናን እራባለሁ ፥ ዘንድሮን ታቅፌ።

@getem
@getem
@getem