#እየሄዱ ~መግደል
፡
መንገድ የጀመረ
የሸፈተ ልብን
በተማፅኖ ምልጃ ላያስቀሩት ነገር
ህመሙ ቢከብድም
ምን አማራጭ አለ ከመሸኘት በቀር፡፡
፡
ያ'ንቺም ልብ እንዲያ ነው
የሸፈተ ተጓዥ
መንገድ የጀመረ ብኩን ስደተኛ
እኔም እንደዛ ነኝ
ህመሙ ያቃተኝ
አማራጭ አጥቼ
ልብሽን የሸኘው ቀሪ በሽተኛ፡፡
፡
መንገድሽ ህመሜ
መሸፈትሽ ፀፀት የህሊና ቁስል
ህመሜ ድህነትሽ
ስብራቴ ተስፋ ላንቺ መልካም እድል፡፡
፡
በበዛው ፍቅሬ ላይ
በአንድ የታጠረው የምርጫዬ ግድብ
ለነጠፈው ፍቅርሽ
እልፍ አማራጭ ሆኖ የፍላጎትሽ ግብ
ይኸው ባንቺ ቀዬ
የገባዎት ሰማይ
የማጠልቅ ጀንበር ፀሀይን አትሞ
በኔ ቀዬ ላይ ግን
እንደመሸ ቀረ ላይነጋ ጨልሞ፡፡


((ልብ አልባው ገጣሚ))

@getem
@getem
@gebriel_19