#በምናልባት ~ሰበብ
፡
ካሳደገኝ ልማድ
ከአብሮነት ቀዬ~እራሴን አርቄ
በራሴ አኩኩሉ
በትዝታ ዋሻ ~እራሴን ደብቄ
ለብዙ ዘመናት
ከተሸሸኩበት~ከኖርኩበት ጫካ
ፍንጣቂ ጨረር
ፀሊም ትዝታዬን~ቢመስለኝ ያፈካ
ከደበቀኝ ክህደት
ከመገፋቴ ላይ~መጠገን እያየሁ
በጨረሯ ተስፋ
ወዳልመጣው ዛሬ~ለመሄድ ተመኘሁ፡፡
፡
ኩኩሉ ባይ እኔ
ለማይነጋ ሌሊት ~እኔው ተሸሻጊ
በራሴ አኩኩሉ
እራሴን ደብቄ ~እራሴን ፈላጊ
ታዲያ ከኔ በቀር
ያ'መታት ዋሻዬን~ጫካዬን ሊያሳጣ
በመሸው ቀኔ ላይ
መሻት የፀነሰው~ጨረር ከየት መጣ?
፡
አላውቅም እኔንጃ
ምናልባት ምስጢሩ~ከሆነ ግን ካንቺ
በብርሀን ሙይው
የፍቅር ዋሻዬን ~ጨለማዬን እንቺ፡፡

((ልብ አልባው ገጣሚ))
@getem
@getem
@getem