አትፅናኝ
።።።።።።
ሞትን አንመልሰዉ፣ እናውቃለን አይሸሽ
ስንት ጥፍራም ኀዘን አይተናል መሰለሽ!
ስንት ጥፍራም ኀዘን፣ እንደማቀይር አምነን
ስንት ጥፍራም ኀዘን፣ እንደማይቀር አምነሽ፤
ዳሩ ታውቂዋለሽ።
፣
አቀጣጡ ክፋት፤
አመጣጡ ም‘ፃት፤
ግን ከሄደው ሁሉ፣ ከተመላለሰዉ
ምን ይባላል ይኼ፣ ባንቺ የደረሰዉ?!
ምን ይባላል ይኼ? አንቺስ ምን ልትባይ?
እኩይ ነዉ እታለም፣ ሽንገላ እንደ ሥራይ።
፣
በእድፋም ጥፍሩ፣ ቧጦሽ ጥፍራም ኀዘን
መፅናናት መመኘት፣ ምንድነዉ መማፀን?
ምንድን ነዉ ዕንባ አባሽ?
ምንድን ነዉ ማገገም?
ዕንባሽን ማድረቂያ፣ አልሰጥሽም ማ‘ረም።
እሪ በይ!
ቢል በይ!
ኩርምት በይ–ዋኔ!
ላንቺ መፅናናትን፣ አልመኝም እኔ።
ወይኔ በይ!
ወዮ በይ!
ተይ አልልም ጭራሽ፤
አለመፅናናት ነዉ፣ አንቺን የሚያፅናናሽ!
፣
የሚገርም አይነት ጽሑፍ፣ ለዛውም የግጥም ጽሑፍ ማንበብ እንዲህ ከፍ ያደርጋል ለካ!
፣
#መዘክር_ግርማ (ወደ መንገድ ሰዎች: 2010 ዓ·ም)

@getem
@getem
@getem

#የራስ_ሽታ
፡
ዝናቡ ጣለ-ጣለ፣ ራሴን መታ
የራሴ ሽታ
ለራሴ እንዲደርስ፣ የራሴ ፋንታ
ቀመስኩታ!
የ'ኔን።
አጣጣምኩታ!
ጠረኔን።
ኦ! ምን ምን ነው የምሸት?!
እሸት እሸት?………ማደለሁ።
ናርዶስ ናርዶስ?……ማደለሁ።
አደስ አደስ?…………ማደለሁ።
ብቻ እጥማለሁ!
ኦ! ጣፋጭ የደስ ደስ
መቼም ነፍሶ አያውቅም
ወደፊትም አይነፍስ
እንዲህ ያለ ጣዕም
በልዩ ሚቀመስ
ኦ!… ለዛች ጣፋጭ ይድረስ!
ይድረስ ላንተም ጣፋጭ
ያውድህ ሽታዬ
ቀምሰህ የምትወደው
ካንተ የተለየ
ሃ!
እኔ እንደጣፈጠኝ ያንተን ተቀብዬ።
ብቻ እንደልማድህ፣ አሽትተህ ስትወደው
"ከርቤ ነህ!… ሎሚ ነህ!" የምትለውን ተው!
ራስ ራሴን ነው፣ ዝናቡ የመታኝ
ራስ ራሴን ነው እኔ የምሸተው።

@getem
@getem
@paappii

#መዘክር ግርማ