#የእንቢታሽ ሱሰኛ!

።።።።።።።።።።
አንቺን በማሰብ ውስጥ መደሰት ለምጄ

ፍቅርሽ ሱስ ሆኖብኝ ... ማንነቴን ክጄ

ባንቺ መወድስ ስም ክታብ አሰርቼ

ስምሽን በቦርሳ ጀርባዬ ላይ አንግቼ

እንደ አሞራ ዙሬሽ በላይ አንዣብቤ

ስትሄጅ ተራምጄ ... ስትቆሚ ቆሜ 

ባንቺ ስፍር ልኬት.. .በጠርዝ ተመድሜ

ከእድሜ ከጊዜዬ ዓመታት ቆንጥሬ

ከእንቢታሽ ጋራ በእልህ ሰክሬ

ስንኞችን ጭሬ.. .

አንቺን በመጀንጀንጀን ልማድ ተጠፍሬ

በሚጣፍጥ ህመም ...

ብቻዬን በአርምሞ ሳብሰለስል ኖሬ

ከሀሳቤ ማግስት ... በስንኜ ድርድር 

ቃላት ድል ነስተውሽ በሀይላቸው በትር

እወድሀለሁ ብለሽ የነገርሽኝ ለታ 

ፍቅርሽ ጥሎኝ ጠፋ ትዝታሽ ተረታ።

@getem
@getem
@getem

#ሚካኤል አስጨናቂ

#የእንቢታሽ ሱሰኛ!
(ሚካኤል አስጨናቂ)

አንቺን በማሰብ ውስጥ መደሰት ለምጄ
ፍቅርሽ ሱስ ሆኖብኝ ... ማንነቴን ክጄ
ባንቺ መወድስ ስም ክታብ አሰርቼ
ስምሽን አንግቼ …

እንደ አሞራ ዙሬሽ ፣ አንዣብቤ በላይ
አንቺን ሳይሽ ፣ ‘ዋይ ፣ ዋይ …’

አጃኢብ ነው መቼም!

ስትሄጅ ተራመድሁ... ስትቆሚ ቆሜ 
ባንቺ ስፍር ልኬት.. .በጠርዝ ተመድሜ
ከዕድሜ ከዘመኔ ፣ ዓመታት ቆንጥሬ
ከእንቢታሽ ጋራ ፣ በእልህ ሰክሬ
ስንኞችን ጭሬ.. .
አንቺን በመጀንጀንጀን ፣ ልማድ ተጠፍሬ
በሚጣፍጥ ህመም ...
ብቻዬን በአርምሞ ፣ ስብሰለስል ኖሬ

ከሀሳቤ ማግስት ... በስንኜ ድርድር 
ቃላት ድል ነስተውሽ ፣ በኃይላቸው በትር
እኔም በተራዬ ፣ መፈቀር ስጀምር
“ፍቅርህን ተቀበልሁ” ያልሽኝ ጊዜ ‘ለታ 
ፍቅርሽ ጥሎኝ ጠፋ ፣ ትዝታሽ ተረታ።

(እንቢ በይኝ ዳግም
እልህን ላጣጥም ። )

@getem
@getem
@getem