ስረቅ!
ንጠቅ!
ዝረፍ!
ግረፍ!

ክፉ ሀሳብ
ነፍሴን ሊቀጭ ውስጤን ሲያምስ፣
#ስዕልሽ ፊት
ላፍታ ብቆም ጥፋት እብስ!

ተንኮል ወሮኝ
ቅጥፈት ባህር ሊዘፍቀኝ ሲል፣
#ተአምርሽን
ድንገት ባስብ ጋኔል ቅጥል!

እርጉም ሀሴት
ሊያሳፍሰኝ ከሴት ጭን ስር፣
እርኩስ ስሜት በደል ሲጭር፤
#ውዳሴሽን
ገልጬ ባይ ሰይጣን እርር!

ውድቀት ጠርቶኝ
ክፋት አንቆኝ በኃጢአት ስዋጥ፣
#ማር_ስምሽን
ልክ ስጠራ ዲያቢሎስ ላጥ!

ኃጢአት ጦሩን
ሲሰድ ሰብቆ በጥላቻ፣
#ጋሻዬ ነሽ
#ድንግል_ማርያም
ያጋንንትን መርዝ መግቻ።

#ኤልዳን
@eldan29

@getem
@getem
@paappii

ህመም አንቆኝ
ደዌ አስሮኝ
ዘመናትን ካልጋ ሸንኮር ተጣብቄ
ፈውስ ስሽት በእርጉም መንገድ ተዘፍቄ
ሚያውቁኝ ሁሉ ስሄድ በእግሬ ድኜ ቢያዩ
በምን ተአምር ህመሙ ጋር ተለያዩ
ይላሉ

ጽልመት ውጦኝ
ብርሃን ናፍቆኝ
ጨለማ ስር ተሸጉጬ ስንደፈደፍ
ንጋት ርቆኝ በቁራጭ ጧፍ ድቅድቅ ልገፍ
ስውተረተር
ስፍጨረጨር
ሚያውቁኝ ሁሉ ድንገት ቢያዩ ገጼ አብርቶ
በምን አስማት ተሞልቶ ነው ሚታይ ፈክቶ
ይላሉ

ውድቀት አቅፎኝ
ቁልቁል ደፍቆኝ
የትም ጎሬ ተወትፌ እንባ ስጭር
ደስታ ሸሽቶኝ ሐዘን ስኩል በሞት ስንጥር
ሚያውቁኝ ሁሉ ዐይናቸው ቢያይ ማቄ ወልቆ
ምን ጉድ ዳብሶት ንቃት ጠራው ማጣት ፍቆ
ይላሉ

ቢገባቸው
ቅድስት ሀኪም ነፍስን ፈዋሽ
መድኃኒት ልጅ ለዓለም ለጋሽ
ድንግል ፀሐይ ጽልመት ገፊ
ብርሃን አምላክ ወልዶ አቃፊ
ማርያም ትንፋሽ ሞት ጠራጊ
ከሀሊ ጌታን ሰው አድራጊ

#ኤልዳን
@eldan29

@getem
@getem
@getem